اللقيطة الجزء السابع (الفصل الثاني)

اللي فاتْ ماتْ حسْبو دازْ غْمامَةْ ٠٠٠لا تلومْ النفسْ عليه ويَّاكْ الندامةْ
لَعْجبْ كـيـفـاشْ بْـنادَمْ يْـشـوفْ وْراهْ ٠٠٠وَعـلـى قـدَّامـو يَـتْـعـامـى

نُوصيكْ ديرْها فيدْ مولاها٠٠٠ وْرَحَمْـتو ديما تْرَجَّاها
رْجاكْ ف الله لا تْحاولْ تْقطْعو٠٠٠ قْطيعْ الرْجا فاللهْ معدودْ سْفاهةْ

شفْتْ الدنيا مْثَلْها مثَلْ سْحابة ٠٠٠ اللِّي يقولو ظلّْها يْدومْ كَـذَّابةْ
لغْشـيمْ عاضّْ بَ اسْـنانو عْليها ٠٠٠ وْلَفْطينْ دارْ ليها الشَّطَّابَةْ

الدنيا شْتا وَرْبيعْ وْصيفْ وَ خْريفْ ٠٠٠ شي عْشَقْها شي اشْتَفْ عْليها اشْتيفْ
واحدْ قانَعْ باشْ ما عْطى اللهْ ٠٠٠ وْواحدْ شْبَعْ وْباركْ عَلْ لَخطيفْ

سِرْ مْعاها كيفْ ما بِكْ سارتْ ٠٠٠ سِرْ نيشانْ وْ دورْ إيلا دارتْ
ويلا بيبانْها عْليك تْسَدَّاتْ ٠٠٠ ما تْخافشْ عَنْدْ اللهْ الَكْريمْ السّْوارتْ

عاشَرْ مولاكْ وْ زَيَّنْ الْعَشْرة ٠٠٠ بْعَشَرْتو مَنْ جرْحَكْ تَبْرا
هذا كْلامْ فيهْ ماذا مْعاني ٠٠٠ السَّامعْ يَسْمَعْ والْقاري يَقْرا

حْديثي مْعَ اسْيادي العُقَلا ٠٠٠ حْديثي ماشي مْع منْ وَالَا
مَرَحْبا بالْفاهْمينْ يْحَضْروا ٠٠٠ وْ يا لَطيفْ يْحَضْرو الْجُهَلا

(ايات)--عيت من الانتضار....ولعبتي مع النار باقي منها خمسة دقائق وتغرب من سمايا شمس البرائة والغفران ....وتستحيل اسوء ايام حياتي برواية تتكلم عن مئساتي وكان لي فيها دور البطولة ....بيدي مفاتيح الشقاء ....كان لي مكان وياليت دموع الضلم تمنحني الوصال ...تكلمي يا ارض اللقاء اعدلي في هادا القضاء...فقد كنت شاهده على حبي ...وسامضي اسوء ايام حياتي برواية تتكلم عن مئساتي...????
نقول كل كلمة...بقطرة من دمي...شكون اللي يقارن
همو بي همي....علاش تنحس باللي...الدنيا ديما ضدي...علاش يوقع هادشي معايا...و ديما تنعدي !!
فبالي و ما نقدر ننساك..نشوف خيالك فكل مكان
لعين تبكي ولقلب حزين ....فرقك صعيب ننساك مستحيل...شمسي غابت وليل طويل...نسهر نبكي وحدي وشكون يصبرني...ما كان على بالي هد لحب يعدبني....ما كان على بالي قلبك يوم ينساني....نوم مخاصم عيني ....شحال صعيب حالي....نفكر فلي نسيني ....نتعب و غيري هاني ....

من بعد اليوم الاسود لي دوزت ايات نهار عرسها كان صعيب عليها تتقبل غدر ادم ليها وكدبو وماعارفاش بلي حتى هوا تخلى عليها لمصلاحتها واملو انه يرجع ويلقاها مزالة تستناه .....اما ارسلان نقد الموقف فاخر لحضة مابغاش يشوف سيرة حبيبتو كاتدكر على اي لسان... فرحان حيت رجع حب طفولتو وفنفس الوقة حزين على وضع ايات ومستاعد يدير المستحيل غير باش يشوف الضحكة مرسومة على خدودها من جديد ..
بصراحه حب الطفوله اجمل واطهر وارقى حب في هذا الوجود قد يستمر ويمكن لا حسب الظروف ولاكن اكيد حتى لو مااستمر يضل ذكرى رائعه بالقلوب .....
**في اليوم التالي من العرس**
ايات ناعسة عيات بكترت مابكات وشكات على ارسلان وهوا بدورو وقف معاها او واساها او واعدها يخليها تنسا حبها لادم .....فاق ارسلان بكري وخرج بلا ماتحس بيه .... وأول مادار مشا وحجز اول رحلة فاول طيارة متجهة لكورية الجنوبية ورجع للاوطيل لقاها مازالة ناعسا
ارسلان-(جلس على جنب السرير) ايات....اياات
ايات-(حلت عينيها بصعوبة)صبح الخير...
ارسلان-صبح النور ..... نوضي ستحمي وغانجيبلك لفطور ... نفطرو انا وياك ومن بعد عندي ليك مفاجأة
ايات-اشمن مفاجأة
ارسلان-بلاما تعرفي خليها مفاجئة...
ايات-وانا ماغانتحركش من هنا الى ماعرفتش ....
ارسلان- اووف منك مفسدة اللحضات...(جبد تيكت من جيبو ).....غادي نمشيو لكويا الجنوبية
ايات-كيفاش ... لا ....لا مستحيل
ارسلان- ياك كولتليك انا هوا دكتر ديالك ايوا خليني ندير خدمتي.....
ايات-واش هادي طريقة جديدة فالعلاج .....
ارسلان-تماما ..... يالاه نوضي
ايات-ماخليتيلي مانكول ...اوكي .....(ناضت ودخلت للحمام دوشت شوية وبكات شوية ومنين سالات مالقاتش الفوطة.....)اوووه لا ياربي واش كاين شي واحد كاينسا الفوطة ...غادي نقولو يعطيهالي ...ويلي على تحشيماااا...... احم ارسلان ....
ارسلان-وي بغيتي شي حاجا

ايات- احم (حشمت)اااا الفوطة مكايناش ممكن تمدهلي الى سمحتي...
ارسلان-(ضحك بصوت خافت )اه واخا....هاكي ...
ايات-شكرا وسمحلي...
ارسلان-العفو الى بغيتي شي حاجا اخرى نمدهاليك...
ايات- (حشمت) لا شكرا بزاف (لبست حوايجها بسرعة ونشفت شهثعرها وخرجت )
ارسلان-(انبهر بشعرها المبلول) بصحا وراحة
ايات-(حشمانا وحادرا راسها)الله يعطيك الصحة ..
ارسلان-(كحز ودارلها بلاصا حداه) اجي تفطري ...
ايات-اوووه ...هادشي بزاف
ارسلان-اممم ماعرفتش باش كاتبغي تفطري ...وجبت من كولشي
ايات-ههههه حتى ادم كان كايجيبلي كولشي حيت....
ارسلان-(زير على يدو) اجي كلسي هنا ...........فطري ونساي عليك الماضي غادي غير يعدبك ...نوكلك الى بغيتي
ايات- ارسلان ...مكاين لاش تعاملني بهاد اللطف الزائد ...
ارسلان- (حط الكاس من يديه)سمحيلي ....
ايات-نتا لي سمحلي او بزاف ...خليتك تعيش مقيد بسبب زواج كادب ...مكاين لاش نبقا مجرجراك معايا اارسلان....

ارسلان- وشكون قاليك بانني مجرجر.. انا لي ختاريت وانا لي جريتك للقاعة ...وانا لي وافقة على زواج نتي لي سمحيلي حيت حطيتك امام الامر الواقع ....
ايات-وعلاش درتي هاكا كان عليك تنهي لعرس وصافي وكل واحد يمشي فطريقو ....
ارسلان-(طلعلو الدم او وقف) انا غادي ندخل نستحم ونتي وجدي راسك باش مانتعطلوش ...
ايات-اوكي..(تلفونها كايصوني)الو ....سكينة لاباس عليك
سكينة-خليك مني نتي لاباس كيف بقيتي مع صدمة
ايات-(تنهدت)الحمد لله اختي ...
جيهان-اري نهدر معاها.....الو حبيبة كيبقيتي...
ايات-ههههه هادي نتي الحمقة ... انا لاباس
جيهان-ختي ...الحمد لله منين سمعت ضحكتك ...
ايات-راكي عارفاني . . مادازش عليا غير هادشي ولفت ههه
جيهان- والله مايستاهلك اختي نتي تستاهلي ماحسن منو ...هداك راه...
ايات-صافي بلاما تهضري عليه مايستاهلش ... كيف درتو البارح كيف كان الوضع فالقاعة
سكينة-اري تلفون نتي...
جيهان-طلقي لهنا....
ايات-غير بشوية المجريمات هههههه
جيهان-سولتيني على البارح .....شديتلك واحد خيتي ودربتلها واحد ونتفتها من داكشي..
ايات-اويلي وعلاش....
جيهان- سمعتها هضرت فيك ....وماصبرتش واحد سفريطا كونت غانقتلها.....
ايات- الله يهدي ماخلق...
جيهان- كاتقولي انا لالاك ناريمان وكاتسب ايوا وماصبرتش وطرت عليها...
ايات-قولتي ناريمان ....عرفتهاااا
سكينة- كون شفتي قتلتها هههه كاع تيتيزات لي كانو معاها هربو من هاد لمجريمة ههههه
ايات-ههههههههه الله يفرحكم بردتولي خاطري فيها (شافت ارسلان خرج من الحمام)لبنات انا غانقطع دابا بسلاما عليكم .....(قطعات) ...))بصحا والراحة
ارسلان-الله يعطيك الصحة....مازال ماجمعتي لحوايج
ايات- شدوني لبنات بالهضروة ....انا دابا غانجمعهوم
ارسلان-هادوك صحاباتك سبيطار البارح كولو وهوما حاضيني....
ايات-ههههه تزعطو فيك...كون شفتي شنو دارت جيهان شدت ناريمان وريشتها ههههه
ارسلان-ههههههههههه عبرت عليها ديك صفريطا كان خاصها نيت شي قتلة دال لعصا ...
ايات-بردولي خاطري هههه....
ارسلان-يالاه انا هابط وغانهبط شوانط لبسي حوايجك وتبعيني اوكي.....
ايات-صافي اوكي ....

لبست حوايجها بسرعة ولبست سروال سليم اسود مزير مع سوميج ابيض والكول ديالو رمادي طويلة من الوراء وقصيرة من الامام ولبست طالون اسود رطلقت شعرها سامبل وعملت مكياج خفيف...جات كاتحمق... وهبطت لعندو فين كايتسناها
ارسلان-(شافها او وقف) جيتي زوينة بزاف
ايات-(حشمت) شكرا بزاف ....
ارسلان-مشينا.....(حلها باب السيارة) تفضلي
ايات-ميرسي ...
ارسلان-غادي تكون رحلة زوينة غادي تستمتعي فيها
ايات-كانتمنا....
ارسلان-غادي نمشيو لمدينة سيول ....العاصمة كبيرة بزاف وزوينة ...
ايات-سيول ....انا لي طلبت من ادم نمشيو لكورية فاشهر العسل حيت عزيزة عليا الدراما الكورية ...
ارسلان-اممم ... شحال من مرة بغيت نسولك كيفاش تصالحتو نتي وادم ولاكن مكانقدرش....
ايات- نهار لي داربتو فالكاراج داني لدار ولقيتو رابط ناريمان وضاربها....وبزز عليها باش تقولي الحقيقة وقالتلي انه مصعب هوا لي كلفها باش تحاول تفرقنا وقالتلي انها دارتليه مخدر فالعاصير ولكمالة فراسك...وانا الغبية صدقتهوم وسامحتو
ارسلان- فهمت .... كايقولو الحب اعمى....
ايات-وماكدبوش فيها انا كونت معمية فحبو ...
ارسلان-والى رجع وقالك بغيتك ترجعيلي
ايات-مستحيل نرجع...

وصلو للمطار وركبو فاطيارة كانت رحلة طويلة ...او وصلو عيانين شدو 2 غرف فاوطيل
ايات-اوووووه عييييت بزززاف كتافي وعنقي كايحرقوني حيت نعست معدبة ....
ارسلان- اووه . كلسي نديرلك ماساج لكتافك....
ايات-اوف دير فيا خييييير كبييير.... (غير حط يديه وهي تغوت)ااااي غير بشوية
ارسلان-واش انا قصت فيك بعدا
ايات- لا ...قصمتيني على جوج وكاتهضر
ارسلان- يااااك اجي نوريك الخايبة هههههه(تلاح عليها كايهرها ويضحك)
ايات- ااااااه ههههههههههههه اييي صافي صافييييييي هههههههههههه.....
ارسلان-(عيا وتلاح على الناموسية) ههههه اااه
ايات-(تلاحت حداه) ااااااه هههه اخر مرة ديرلي المساج مانعاودششششش
ارسلان-ههههههههههه حمقااااااااا
ايات-فنضرك شنو غايكون ادم كايدير دابا وفين غايكون....
ارسلان- (طلعلو الدم او وقف) يكون فينما بغا يكون وحنا مالنا ... تفكري شكون هضر معاك البارح فالليل وغاتعرفي معامن هوا دابا .....
ايات- (تنهدت)بصح عندك الحق .... انا غاندوش باش نرتاح (نزلة الدمعة من عينيها)
ارسلان-(جرها)بلاتي(مسحلها دموع)سمحيلي غوت عليك ....ماتقلقيش مني عافاك راه مابغيتكش تبقاي تفكري فيه وتعدبي راسك ....
ايات-ماقلتيش شي كلمة دلعيب انا نيت خصني نخرجو من عقلي وقلبي .....بغيت نتحرر منو ....
ارسلان-خليني نعاونك ....
ايات- بغيت نبدل حوايجي
ارسلان-طلق منها ....سمحيلي(وخرج)

اسماعيل- (كايهضر فالتلفون)فينك ابنادم
زيدان-لمعلم كايبانلي هاد رصاصا محال واش تخليه عايش نزف بزاف ديال الدم....
اسماعيل-من صوتك كاتبانلي خايف عليه اولد ل...

زيدان-(بتالع ريقو) لا المعلم ماخايفش عليه غير مابغيتوش يموتلي فسيارتي
اسماعبل-عرفتي شنو دير لوحو فطريق ياكلوه لكلاب ونتهناو منو..
زيدان-ولاكن اسيدي.....
اسماعيل-(بصراخ) زيدااااان دير داكشي لي قلتليك
زيدان-واخا اسيدي....
في الغد ناض ارسلان على صباح ومشا شرا تيكت ديال عالم الخيال لي هي عبارة عن مدينة الالعاب ورجع للاوطيل نخرجها بزز منها حيت مابغاتش فالاول ... داها لتماك وجربو بعض الالعاب
ايات-ركز مزياااااان
ارسلان-ايات راكي كاتوتريني
ايات-الى ماربحتيش ديك الدمية غانطيحلك هنا....
ارسلان- غير سكتي وخليني نركز ....(ضرب الاولى)
ايات-وييييييي ياااس
ارسلان-ماتفرحيش مازالين 3
ايات-الى ماطرطقتيهومش نتوفاليك هنا
ارسلان-ههههههه نتي خطيرة (طرطق 3لي بقاو وربح الدمية)
ايات- وااااو شحال زوينة غادي نحطها مع لالي تونسها
ارسلان-(كايشوف فيها ويبتاسم) )هههههه لبريهيشاا مازالة كاتلعب باالدمى
ليات- مكانتخلاش على الاشياء لي كاتجي بمجهود بحال الدمية لالي خويا مسكين جمع فلوسها بلكشايف باش قدر يشريهالي ...وحتا هادي غاتكون عزيزة عليا حيت بدلتي فيها مجهود توترتي وعراقيتي باش قدرتي تجيبهالي حتى هي ماعمرها غاتفرقني ... فهمتي دابا ...
ارسلان-(كايشوف فيها بحب) فهمت... نركبو فهاديك....
ايات-لا مانقدرش كانخاف من المرتفعات ماكرهتش نكلس نرتاح عيت وصباط دبرني
ارسلان-اه واخا ...اجي نكلسو تماك (مشاو وكلسو) شنو تشربي ...
ايات- عاصير ....
ارسلان-واخا انا غانمشي نجيبو ...تسنايني
ايات-واخا(بعد مامشا وجاب العاصير) وقف عليهم واحد الشاب وسيم وباين عليه مغربي هوا ومرتو...
مهدي-السلام عيكم مسيو ارسلان....
ارسلان-(ضار وشاف شكون)اوووووه مهدي عاش من شافك
مهدي-ايوا طولتي علينا الغيبة يا صاحبي ....نعرفك هادي مرتي منار
منار-(سلمت عليه) تشرفت بمعريفتك مسيو ارسلان...
ارسلان- وحتى انا تشرفت بيك.....نعرغكوم هادي مدامتي ايات
مهدي-تشرفت بمعريفتك ....ولاكن غادي تخلص الحق تزوجتي وماعرضتيش عليا
ارسلان-كولشي جا على غفلة....
مهدي-الحب مايشور مولاه هههههه
منار-(سلمت عليها) تشرفت بمعريفتك احبيبا
ايات -وانا كتر
ارسلان-تفضلو كلسو معانا
مهدي- الى مكانش ازعاج
ايات- لا ماتقولش هاكا تفضلي مدام منار
منار- يزيد فضلك احبيبة
ايات-(شافت فكرشها حاملة فشهرها لخر) الله يفك وحايلك على خير اختي
منار-اميييين احبيبة ولعقبا ليك حتا نتي تفرحي مسيو ارسلان بشي وليد ولا بنيتا
ايات-(شافت فارسلان وحشمت)انشاء الله ....
مهدي-صاحبي عزازين عليه لوليدات صغار كان ديمة جارني لدار الايتام كايتبرع ليهم وكايبقا يلعب مع لوليدات صغار ....
ارسلان-ههههههه الاطفال نعمة من عند الله كايدخلو الفرحة وسرور على قلب الانسان
مهدي-ايوا هي غير طلقو راسكوم اسيدي واحسن كادو غايكون مني هههههه
ارسلان-(كايشوف فايات)انشاء الله .... كيف داير مع الخدمة هنا ولفتي شوية
مهدي- العيشا هنا صعيب تولفها لانك عايش وسط مجتمع مختالف نهائيا على المغريب
ارسلان-مابقالك والو وترجع للمغرب
مهدي-ايوا هي الى تكرمتي عليا ونقلتيني من هنا
ارسلان-هههههه مانلقاوش مدير حسن منك فلفرع لي هنا نتا قايم بيه على اكمل وجه تباركلاه عليك خبارك كاتوصلني
مهدي-هههههههه مكاتزكل والو يا صاحبيهههههه ...منار مقلتليكش مسيو ارسلان هوا صاحب الشركة لي انا مدير فيها....
منار-بصااااح ......المليونير لي قلتيلي عليه
مهدي -هوا هدا لمعدبني هنا
ارسلان-هههههههههه ماتبدلتيش مازال فيك شكاوي ياصاحبي ...
منار- شفتي لكلسا مع رجال مازويناش منين كلسو وهوما يهضرو على الخدمة ....خاصنا شي جلسا غير انا وياك هههه
ايات-هههههه فعلا مملين ههههه انشاء الله نتلاقاو فالمغرب
منار-كانتمنا منين نشوفك تكوني هازا فيديك شي فنيكيش ولا فنيكيشا هههه
ايات-ههههههه انشاء الله
مهدي- اليوم عارض عليكم للعشا عندي.فداري.
ارسلان-شنو بانليك اايات
منار- ماغاترديهاش.فوجهنا
ايات-لا حشوما نرضهالك فوجهك الى بغا ارسلان ماعنديش مشكل
مهدي-.صافي ارسلان موافق هههههههه
قدرت الضحكة ترجع لخدود ايات قدرت تنسا جزء بسيط من المعانات.....لاكن كل ليلة ونيسها فضلام اليل دموعها يجريو على خدودها ..
الصباح و الليل
لوكان الليل لي فرقنا يجمعنا تاني
هداك الليل لي قادر اجمعنا فخطره
حبيب القلب راح .. طوَّل..مشا فمرََّه
تمنّيت انا لو كان الليل دَّاني
وحشك بالصباح ما هنَّاني
وحشك بالليل وسط الظلمه تلَّفني
نمشي و نرتاح ..نشوفك تاني
يا هاد الصباح مال ليلك..مالو ما جاني
نَكْتم الهم في قلبي و نَحْيى تاني
على ايام السعد مزال مسكين عُوَّال
كِنشوف زماني حزين و الفرح نساني
نعرف بلِّي حياتي مندونك مُحال
واش عقلتي يا مِّي على اخر نظرة
كان قلبي حاس و لعقل ما فهَم لمْعانِي
كان ليلنا صباح مضوِّي بنور الكًمره
و ليوم صباحنا ظلام و برد اللّيالي
وحشك بالصباح ما هنَّاني
وحشك بالليل وسط الظلمه تلَّفني
نمشي و نرتاح ..نشوفك تاني....ياهاد صباح مال ليلك ماجاني

مشاو داك ليلة تعشاو عند صاحب ارسلان ومرتو تعشاو او وصل وقت يرجعو للاوطيل
مهدي- والله ماتمشي اصاحبي غاتباتو معانا اليوم
ارسلان-الاء اصاحبي غاتباتو معانا راحنا مغاربا ماشي كور وهادي تقاليدنا راك عارف
ارسلان-(حشم منو) ايات شنو رئيك
ايات-لي درتيه انا معاك
منال- مسيو ارسلان ماترضهاش فوجهنا
ارسلان-لا حشومة اختي هههههه واخا صافي
منال-اجي نوريكم الغرفة لي غاتنعسو فيها...(دخلتهوم لواحد الغرفة رائعة وفيها غير سرير واحد)
منال ومهدي-تصبحو على خير
ايات وارسلان-تصبحو على خير.....
ايت-ارسلان ....كاين غير سرير واحد
ارسلان-انا غانعس فالارض ونتي نعسي فوق سرير
ايات-ههههههه تفكرت نهار صافرنا انا وادم وشدينا اوطيل وكان غير سرير واحد او....(شافت فيه وتفكرت)
ارسلان-(تنهد) مازال كاتتفكريه
ايات- ساكن فعقلي وفقلبي مابغاش طيفو يبعد مني شنو غاندير ...
ارسلان- ايات انا ....
ايات-هم شنو نتا ...
ارسلان- (رض الهضرة لي كان غايقول).... فيا نعاس
ايات- اه ....عطاتو لمخدة ولغطا ...
ارسلان-فرش فالارض ونعس
ايات-نعستي...
ارسلان-اممممم
ايات-نعستي وكاتجاوبني.....
ارسلان-هههههههههه( ضار لعندها) شنو بغيتي
ايات-ماجانيش نعاس ....
ارسلان- نعاودليك حجايا....كانت كاتعاودهالي واحد المربية فالخيرية...
ايات -ههههههههه عاودلي نسمع...
ارسلان- كان ياما كان في قديم الزمان واحد العجوزة زارعة بانانا حدا سودانية
كيف ماتتعرفو البنان حلو والسودانية طعمها لا يخفى على احد
كانت كل صباح العجوزه تتجي حدا البنانا وتبقى تغني ليها وتقوليها وقتاش يا بناناتي يجي الوقت ونقطفك بيدي ونتمتع بحلاوتك
والسوداينه متديهاش فيها وهي تغير من البنانا قالت اش ندير مندير غاديه نشوف شي حل اللي يخلي هد العجوزه ماتبقاش تديها في هد البنانا العوجة وهي تستخدم معاها اسلوب الزن على الودنين وكيف ماتتعرفو الزن على الودنين مفعولو اقوى من السحر
السودانية قربات من البنانا ودارت ليها دموع التماسيح
البنانا: مالك اختي ياك لاباس علاش تتبكي
السودانية: تنبكي عليك وعلى حظك العوج
البنانا:علاش اختي ياك لاباس مالني:
السودانية:معرفتيش مالك؟ غيجي واحد النهار وتفارقي عليا
البنانا:لهلا يجيب فراق اختي علاش اش غادي يفرقنا
السودانية: غادي تقطفك العجوزة وتاكلك وتهرشك بسنينتها اللي بقات عندها ما يبقى فيك والو حتى قشورك غادين يعطيوهم علف للبهايم
البنانا:ناري ياختي خلعتيني واشنو الحل دابا
السودانية: الحل ساااااااااااااااااااااااااهل ماهل قربي ليا زيدي قربي تي قربي كثر مالكي خايفه لصقي لصقي في جنابي حتى تلقمي مني ويولي مذاقك حااااااار وديك الساعه الشيبانيه مغتلقى ماتاكل فيك وتخليك عايشة في امان
البنانا مسيكينه على نيتها قربات ولصقات ومع مرور الايام ولات ريحة الحرورية تعطعط منها وكحالت
والشيبانيه مابقات تقرب ليها
واحد النهار الشيبانيه جالسه في دارها تتمشط الزغيبات اللي بقاو في شعرها وهي تقول في خاطرها فين ايااااااااام زمان شعري كان يتضرب بيه المثل اما دابا كلو طاح بقاو فيه جوج لانطيرات ماشادين لا المغرب لا دوزيم
خاصني ندير ليه شي تلبيخة باش يخلف
الشويبينيه قلبت ملقات متلبخ متبان ليها غير البنانا قالت غاديه ندقها في المهراز ونلبخها لشيكيكتي حيت البنان الحار تيخلف الشعر
وشدات البنانا مسكينه ودق يا مادق دوزات عليها العذاب في ذاك المهراس الصقع
اما مولاتي السودانيه باقا تتبندر الشويبينيه مخلياها غير زينة حيت لونها حمر وتيسر الناظر
ومشات خبيرتي مع الواد وانا بقيت مع بنت لجواد
ايات-ههههههه بنت لحرام ديك سودانية
ارسلان- كاينين بعض الناس دايرين بحال سودانية يتمسكنو ويتقربو ومن بعد ياخدو اجمل مافيك ويلوحوك منين ماتبقا عندك قيمة ...
ايات-(تفكرت المهمة لي مكلفينها بيها وطلعت معاها كلماتو بحال سم وكاتقول فنفسها) وانا هي ديك سودانية لي غاتقرب منك وتاخد كاع لي عندك اااااه ياربي شوف من حالي....
ارسلان-فين سهيتي
ايات-هاه والو غير كانفكر فلحجايا لي عاودتيلي عندك الحق ماكدبتيش .... كاينين.... نقدر نقوليك انا هي البنانة خداو اجمل مافيا ولاحو قشوري على شجرة مسكينة ماعندها حتى شي دنب....
ارسلان- وقف وكلس جنبها....كاتبانيلي بحر من الاسرار عاوديلي على حياتك وكيف دوزتيها....
ايات- كلست..... (وقالت فنفسها)غادي نلمحليه يمكن يفهم شي حاجا .....مستاعد تسمعلي
ارسلان- مستاعد....
ايات-انا كيف قلتليك من قبل حليت عيني فالخيرية ...الام ديالي فاش ولدتني لاحتني فوسط واحد الضاية عريانا وجيعانا وبردانة وضعيفة ومابيدي حيلة لقاوني شي ناس وداوني للطبيب وتعالجت تماك حيت علما قالتلي المديرة كانت صحتي مدهورة بزاف ....كلست فالمشفا حتى درت 3 اشهر ونقلوني للخيرية وتما كبرت حتى درت 6 سنوات وتبناتني واحد العائلة عشت معاهوم معززة مكرمة حتى درت 17 لعام وتوفات ماما الله يرحمها من بعد الاب دالي تزوج ومرتو مابغاتنيش قالي مانقدرش نتخلى على مرتي اولدي لي من...

لي من صلبو على قبلي انا وقالي نرجعك للخيرية
ارسلان-ورجعتي للخيرية...
ايات-لا رفضت ودرت فيها عزت نفس وكلست كانبكي فالباب حتى شافني واحد الراجل كانعرفو وسولني علاش كانبكي ....عاودتليه لي كاين وشفق عليا وقالي الى بغيتي تمشي تعيشي مع ولادي ونديرك منك من بناتي وقبلت لانني كنت محتاجا نحس براسي عايشا مع عائلة وفوق مني سقف دافئ وعائلة صغيرة ونكون فرد منها ستقبلوتي بفرح وعشتوسط منهوم واحد الفترة شوية بدا الوضع كايتأزم وتوفا الراجل مسكين وانا وليت مكروها من مرتو مابقاتش كاتحملني وجرات عليا فليل تصور بت فازنقا(كاتبكي)
ارسلان-(تصدم)كيف درتي بتي فازنقة ماتعرضليك حتا واحد
ايات-رحمت ربي واقفة معايا الحمد لله بقيت غاديا فالشارع حتى وصلت لدار ديال العائلة لي رباتني كاندق وماكاينينش حتى وقف عليا العساس وقتارح عيا نبات عندو فالعشا ديالو وداكشي لي درت ماعنديش خيار اخر داك ليلة مانعستش بالخوف وكانتسنا ضوء الصباح بفارغ الصبر داك العساس مسكين طلع ولد ناس ماقربش مني شكرتو وكملت طريقي لعند الاب ديالي وهاد المرة كلست كانتسناه حتى جا وكانت داك نهار ولدت مرتو وكان فرحان ومامساليليش طلبت منو يكمل خيرو ويردني للخيرية وداكشي لي كان رجعت للخيرية وكانو الامتحانات على الابواب دوزت الامتحان والحمد نجحت وجا وقت العطلة وكان خصني نخوي الخيرية وانا ماعندي فين نمشي فأقتارحت عليا المديرة تديني لدار العجزة وبطبيعة الحال مارفضتش لانني ماعنديش خيار اخر مشيت لدار العجزة ولقيت تماك الوضع خايب وصعيب حاولت نتاقلم حتى رجعت عندي المديرة وقالتلي بلي ختها حاملا ومحتاجا لي يعاونها فالدار وقتارحت عليا نمشي عندها
اريلان-ومشيتي عندها ياك
ايات-اه مشيت
ارسلان-وعلاش ماكنتيش كاترفضي
ايات-كانقول نعيش وسط عائلة حسن من تكرفيس
ارسلان-وشنو وقاعلك تما عند ديك لمرا
ايات-هههههه ماكملت حتى 15ليوم وجرات عليا حتى هيا
ارسلان-وعلاش شنو درتيلها
ايات- كاتغير مع هي وراجلها مازالين صغار وراجلها الله يعمرها دار كان مهلي فيا ...فا غارت مني خافت لانطير ليها الراجل
ارسلان-علاش واش كان كايلمحليك انه باغيك
ايات-لا ابدا كان كايعيطلي غير ختي مسكين كان ضريف بزاف...صافي منين جرات عليا رجعت لدار العجزة ...
ارسلان-وكيفاش تعرفتي على ادم
ايات-مازال لقيصة طويلة هههه مازال باغي تسمع
ارسلان-انا معاك حتى لصبح غير عاوديلي
ايات-اوكي....ايوا منين رجعت لدار العجزة كلست تما شي 15 ليوم عاود وانا نطلاقا صاحبتي سكينة عرفيها
ارسلان-اه عرفتها
ايات-وجيهان هي بنت الراجل لي مات مسكين عرفتيها حتا هي
ارسلان-اه عرفتهوم نزيان
ايات-مزيان نكمليك.... منين طلاقيت مع سكينة يحسابلها جيت نع بابا باش نترعو للعجزة ماقديتش نصبر لانها كانت عزيزة عليا حكيتلها على لي جرالي وتاترات حتى هي مسكينة ومشات عاودت مشكلتي لباباها وبقيت فيه ...وقالي نمشي معاهوم لسعيدية كانو غايمشيو لتما يخيمو جاتني من الجنة والناس قبلت ومشيت وعاهوم....وياريتني مامشيت
ارسلان-علاش شنو وقاعلك تماك....
ايات-دوزنا شي ايامات تماك زوينين ...اواحد النهار كايوقفو عليا البوليس قالولي ان لام ديالي الحقيقة كاتقلب عليا ...فرحت ونسيت انها هي لي لاحتني قولت يمكن قلبها حن عليا وندمت وباغيا تصلح خطئها ....خديت العنوان ومشيت عند اب سكينة عاودنالو على لي وقع وعطاني لفلوس وركبني فالكار ورجعت لفاس ديك ليلة ....ركبت فطاكسي وعطيتو العنوان وصلني لواحد العمارة كبيرة وقفت تماك كانشوف فديك العمارة حتى وقف عليا واحد الولد وسولني عندمن جيت عطيتو العنوان وغير شافو بدا يضحك داك الولد الله يسمحلي منو كان مبنت سيفت راجل ولحركات ديال لبنات ....لموهيم قالي انه طالع لنفس العنوان وطلعت معاه ومنين وصلنا حلت لينا واحد البنت فالاول رفضت تدخلني ومنين قلتلها شكون انا تفاجئت ودخلتني تصور شنو كتاشفت من بعد....
ارسلان-(هوا عارف ودار راسو ماعارفش )شنو كتاشفتي ماعرفتش
ايات-ياسيدي كتاشفت انها دار دعارة ... شفتي على زهر عندي.....
ارسلان-لاحول ولا قوة الا بالله.....
ايات- ااايه والام ديالي هي زعيمة تماك
ارسلان- وكلستي معاهوم
ايات-اه كيف ماقلتليك ماعنديش خيار اخر ...ستقبلتني الام ديالي بالفرحة المزيفة دوزت تما شي يامات شفت لعجب والمنكارات قدام عيني كان هاد الناس مغايموتوش رجال شراب شطيح شيشى كاع المنكارات
ارسلان-منين شفتي داكشي علاش بقيتي كاسا معاها
ايات-لي خلاني نكلس تماك هي انها كانت مبعداني على داك العالم وحريصة انني مانتخلطش معاهوم وكانت كاتوصيني باش مانقربهومش حيت كانو عندها جوج ديور وانا كونت كانبقا فالدار الفوقانية داك المنلضر شفتهوم غير منين كنت كانهبط نجيب شي حاجا ...ومن بعد ياسيدي الام لي كانت حريصة مانتخلطش معاهوم بانليها فيا لبلان ولات كاطلب مني نخدم معاها فالاول رفضت وبكيت وكنت باغيا ننتاحر ولاكن هي كانت كاتهددني بارجالها وكونت كانخاف منهوم

ايات-كنت كانخاف منهوم بزاف وضطريت نقبل بزز مني واول كليان غاتسيفطني ليه هواااا ....... ادم ...
ارسلان-(دار راسو متفاجئ) ادم .....ادم
ايات -اه هوا مشيت عندو مع واحد البنت ومنين دخلت ربي لي كان عالم بيا كونت كانفضل الموت على انه يلمسني .... (كاتبكي) ديك البنت دخلت مع صاحبو للغرفوة وانا بقيت كالسا حداه وكانرجف وغير بغا يهضر معايا خفت ودخلت للحمام وسديت عليا بكيت لي عمرني بكيتو مابغيتش نفرط فشرفي....كونت باغيا نموت فديك اللحضة حتى سمعتو كايضق عليا وكايعيطلي هددني الا ماخرجتش غادي يهرس الباب ...حليت الباب وخرجت وسولني علاش كنت كانبكي فالحمام ...قلت مع راسي علاش مانعاودلوش على وضعي ممكن الى سمع معاناتي مايقيسنيش وداكشي لي كان عاودتليه على هادشي لي عاودتلو وبقيت فيه وطلع ولد الناس ومالمسنيش وقتارح عليا نكلس معاه فدار وقبلت ولفنا بعضياتنا وتغرمنا ببعضياتنا والباقي راك عارفو ....
ارسلان- هادشي كولو داز عليك
ايات-مازال ماداز وااالو على هاد الراس
ارسلان-علاش كاتقولي هاكا انا معاك دابا ماغانخلي حتى واحد ياديك
ايات-نفس الهضرة قالهالي ادم وفلخر قالي عائلتك مكاتشرفش وسمح فيا نهار العرس...
ارسلان- انا ماشي ادم وكل واحد وضميرو
ايات-ارسلان.....
ارسلان--امممم
ايات----سمحلي بزاااااف
ارسلان-- ولكن علاش كاتعتادري
ايات-- على اي حاجة
ا سلان- (شدلها فيدها) وحتي نتي سمحيلي بزاااف
ايات-وعلاش نتا مادرتي والو
ارسلان-لا درت نتي عادتيلي على حياتك وحتى انا غانعاودليك على حياتي وكانتمنا تتفهميني وما تقلقيش مني
ايات-(تنهدت) انا كانسمعك
ارسلان-انا هوا ارسلان خوك
ايات-هههههههه راني عارفاك خويا
ارسلان-كانهضر معاك بجد انا هوا ارسلان حنا عشنا فنفس الخيرية
ايات-تصدمت......مافهمتش والو
ارسلان- انا لي شريتلك الدمية لالي وانا لي سميتك وانا لي ربيتك حتى درتي 6 سنين انا لي كنت كانغنيلك قبل ماتنعسي انا لي كان كايوصفليك مماك لي شفتها فالحلم وانا لي واعدتك باش غير نخدم نديك معايا وماوفيتش بوعدي انا لي غاب عليك 12لعام ولاكن ماعمرك غبتيلي على بالي
ايات-لاء مستحل ...(كاتبكي)مستحيييل
ارسلان-شدها من يدها.....سمحيلي ماقلتليكش
ايات-وعلاش ....علاش خبيتي عليا انا قلبي كان حاسس بيك وكانكدب راسي
ارسلان-فاش عرفت انك نتي هي ايات كنتي ساكنة مع ادم وكنتو كاتبغيو بعضياتكوم وحتا انا تغرمت بيك ولاكن خليتك نتي تختاري وختاريتي ترجعي مع ادم
ايات-هدا لاش كنتو كادابزو داك النهار
ارسلان-اه تقاتلنا على قبلك وحيت خباك عليا واخا كان عارفك نتي هي البنت لي كنت كانقلب عليها
ايات-نتا كنتي كاتقلب عليا ...وادم كيفاش حتى عرف...نابقيت فاهما والو
ارسلان-انا من فترة بديت كانقلب عليك وكلفت جعفر بالبحت ولاكن داكساع كنتي وصلتي عند ادم والبحت باء بالفشل....
ابيات-قلتي جعفر تلاقيتو فالباب دالخيرية نعار كنت راجعا ليها ومنين دخلت قالتلي المديرة بلي شي حد كان كايقلب عليا
ارسلان-ادن غير تخاطيتو كون تعطل غير شوية كنت غانلقاك انا الاول (شدلها فيدها)انا كنت كانبغيك منين كنا صغار وعمري نسيتك
ايات-( طلعت معاها خطفا يديها بسرعة)لا مايمكنش .....مايمكنش
ارسلان-شنو لي مايمكنش
ايات-(كاتقول فنفسها) لا مايمكنش ندير هادشي فخويا نسرق املاكو ونلوحو مايمكنش
ارسلان-تخلع عليها ....علاش كاتبكي وشنو لي مايمكنش
ايات-نتا راك مافاهم والو اارسلان مافاهم وااالو
ارسلان-ادن فهميني شنو واقع
ايات-(وقفت )خصني نوضع حد لهاد شي ...
ارسلان-كانترجاك تفهميني مناش خايفا وشنو لي مايمكنش
ايات- (قالت فنفسها خاصني نهرب مستحيل نديرها)انا مامزياناش اارسلان خصنا نطلقو فاقرب وقت....
ارسلان - شدها من يدها بجوج.....انا قلت غاتفرحي الى عرفتيني شكون .....
ايات-غدا .....غدا غانرجعو للمغرب غادي نشوفو شي محامي ونسرعو فاجرائات طلاق
ارسلان-اشنو كاتقولي انا شنو درتليك علاش كاتعامليني بحال هاكا
ايات-سمعني هادشي راه لمصلاحتك اارسلان مايمكنش نبقا معاك مستحيل
ارسلان-(بنفاد صبر)وعلاش
ايات-(غانديرلو شي سبا باش نتفك منو) مايمكنش حيت نتا ومايمكنش تكون شي حاجا من غير خويا
ارسلان -انا ماشي خوك فهميها ماشي خوك...
ايات-نتا فبالي وفهيالي مجرد اخ ماشي زوج فهمني
ارسلان-واش تولدنا من نفس الام
ايات-لا ولاكن
ارسلان-مكاينش ولاكن
ايات-بغيت نمشي منا
ارسلان- لبسي حوايجك غادي نرجعو للاوطيل
ايات-وصاحبك
ارسلان- حتى لمن بعد ونفهمو
لبست حوايجها ايات وخرجو غير بالحس باش مايسمعوهومش مهدي ومنار ومشاو للاوطيل
ايات-دخلت لغرفتها وتبعها....ارسلان سير لعرفتك بغيت ننعس
ارسلان- حتى نفكو هاد المشكل ....
ايات-مكاين حتى شي مشكل عافاك خليني بغيت نبقى بوحدي
ارسلان-تعرض للباب بيديه.....ماغانتحركش من هنا حتى نهضرو
ايات-(بصراخ)وانا ماغانهضرش بزز (دفعاتو وسدت الباب) شنو غاندير دابا .....فكري ...فكري...فكري...شنو غاندير??...لقيتها.... هدا هوا الحل الوحيد لي عندي ???

***في الصباح ***
ارسلان-(كايدق فالباب)ايات....ايات حلي (بقا شس 10دقايق كايدق ويعيط ولا من مجيب هبط جاب ضوبل ديال المفتاح وطلع حل الباب ومالقاهاش
ارسلان-فين مشات هادي (كايصوني فتلفونها مطفي )تفوووو على زهر فين غاتكون دابا (شاف ورقة طايحا جنب السرير وهزها).... سمحلي مانقدرش نبقا هنا انا رجعت للمغرب ....كيفاش ..مشات بوحدها وعلاش مقالتهاليش ..مخبيا عليا شي حاجا وغادي نعرفها

خرج بسرعا هز تلفونو وبزطامو وخرج حتى حوايجو ماهزهومش وخرج بسرعة على الله يلقاها مازالة فالمطار ......شد طاكسي وكان زحلم فطريك داك صبح ستغرق ساعة غير باش وصل للماطار ودخل كايجري ويقلب بين الناس عليها والو مكايناش غبرات فمرا .....وتوجه لمركز الاستقبال

ارسلان هضر مع الموضفة بالانجليزية ... وسولها على اطيارة غاديا للمغرب وقالتلو هادي نصف ساعة باش قلعات كون ماتعطلش فطريق كان غايلحقها وخدا اول طيارة خارجا للمغرب كانت بعد نصف ساعة كلس كايفكر شنو غايدير ....
ارسلان-(كايصوني فتلفون) الو جعفر ... .عارفك مزال ناعس سمعني مزيان غادي تمشي للمطار وغادي تستنا تماك حتى تبانليك ايات وغاي وغادي تشدها تكماك وديها للاوطيل وتسناني ....
جعفر- والى رفضات تجي معايا
ارسلان-بزز عليها ....بسيف عليها الى فلتيها غادي تموت اجعفر ماتمشيش بوحدك دي معاك الرجال كاتسماااع
جعفر-واخا اسيدي ونتا فقتاش غاتجي
ارسلان- طيارتي غاتقلع بعد نصف ساعة
جعفر-سي ارسلان بغيت نقولك الجو فالمغرب مقلوب صحافا كاتهضر وناس كولهوم كايدويو عليكم
ارسلان-(تصدم) ولواليد ساق لخبار
جعفر-اه اسيدي كان غايحماق منين شاف الخبر فالجريدة
ارسلان-(تعصب) لعفوووو ياربي ...جعفر دير داكشي لي قلتليك
جعفر-سي ارسلان خود الاحتياط فاش توصل الصحافة كايتسناوك غير فقتاش تدخل للمغرب...
ارسلان- تفوووو ...صافي دير داكشي لي قلتليك (قطع عليه وسمع نداء للركاب باش يلتاحقو بالطيارة ...ومشا كايجري

***بعد 6 ساعات****
وصلت طيارت ايات للمغرب
ايات-(خارجت من المطار وغاديا غير بشوية عليها حتا شافت جعفر واقف )... شنو كايدير هادا هنا ...عندا يكون وصاه عليا ....(دخلت للحمام وطلقت شعرها ودارت نضارات شمسية كبار ودارت شال من فوق راسها وصل حتا لتحت كتافها هبطاتو على عينيها وخرجت )ياربي مايشوفنيش ياربي ياربي ...(دورت وجها لقات وحداخور من رجال ارسلان ) ياربي مايشوفنيش ياربي (واحد اللحظة وهي تجبدها شي يد لسقتها مع الحيط وسدتلها فمها وزادت بيها
الشخص-شوووو الي سكتي غادي نحيد يدي
ايات-(قلبها كايضرب وخايفا)هزت راسها بمعنا اه
الشخص-ماتخافيش مني ماغاناديكش
ايات-نتا من رجال ارسلان
الشخص-سمحيلي ماعرفتكش على نفسي انا المحقق سفيان
ايات-(طلعت معاها تبوريشا فاش سمعت المحقق )شنو بغيتي مني...
سفيان-هادا راقم تلفوني غير تكوني محتاجا شي مساعدة تاصلي بيا
ايات-ماعندي ماندير بيك وماغانحتاجكش
سفيان- لا غاتحتاجيني وبزاف من هنا لفوق ....
ايات -شنو بغيتي مني
سفيان-غاتعاونينا وغاطلعي كيف الشعرة من العجين
ايات-وفاش غانعاونكوم
سفيان-الحاجة ومليكة عرفتيهوم....
ايات-(بتالعت ريقها)لا مكانعرفهومش....شكون هوما هادو...
سفيان-اممم قولتي ماعرفتيهمش ....نمرتي عندك فاش تتفكريهم وحتاجيتي شي مساعدة عيطيلي ماغاتندميش ...(دار نضاضرو وزاد)
ايات - اشنو هادشي لي كايوقاع وباش عرفني كانعرف مليكة والحاجة شنو هادشي ياربي
جعفر-مدام ايات....
ايات- (عرفاتو جعفر وشدتها بجريا مكاتشوفش وراها )
جعغر-مدام اياااااات....تبعوها شكاتسناو ...
5 ديال رجال كايجريو وراها وتلفتلهوم
سفيان-(جرها وخبعها حتا شافهوم غبرو ودار عندها) ياك قولتليك غادي تحتاجيني (غمزها)
ايات-طلق مني ابنادم...(جات غاديا وجرها) قولتليك مكانعرف لا الحاجة ولا عبوش
سفيان- نتي... بنت مليكة ...
ايات-(تصدمات) اناااا.....
سفيان-انا عارف كولشي مكاين لاش تخبي
ايات-جيني من لخر شنو بغيتي مني
سفيان- الى قبلتي تعاونينا غادي نشرحليك كولشي
ايات-عطيني تيسااع البشار..
سفيان- خودي وقتك الكافي رقمي عندك تاصلي بيا غير تكوني واجدا...
ايات-بغيتك تعاوني نخرج من هنا
سفيان-من الاحسن تمشي معاهوم حيت سي ارسلان يطلعك يطلعك
ايات-انا بغيت نبعدو من هاد لمشكل
سفيان-الى بغيتي تعاونيه هي بقاي معاه
ايات-منين كاتعرفني نتا
سفيان-من نهار حطيتي رجليك فدار مليكة وانا كانعرفك ....
ايات-فهمت ....ومنين نتوما عارفين ان ديك مليكة عندها دار للدعارة علاش مامشيتوش ليها وشديتوها هي ولي معاها...
سفيان- راكي مافاهمة والو مليكة والحاجة غير كراكيز كايتحركو بتعليمات ريوس لكبار الى وافقتي تعاونينا غاتعرفي كولشي عليهم....
ايات-خليلي شوية دلوقت ونرد عليك
سفيان-(شاف جعفر واقف قبالتهوم ودفعها دفعة قوية حتا كانت غاطيح)
ايات-اااااه ....هدا مالو حماق (دارت كاتقلب عليه اختفى وهوا يوقف عليها جعفر ....)
جعفر- (شدها من يدها )مدام ايات الله يخليك زيدي معانا
ايات-طلق منيييييي

ايات- (كاتغوت)طلق منيييييييي
جعفر-شادها بزز ....مدام ايات ماتخلينيش نتصرف معاك تصرف خايب
ايات- غادي نقولها لارسلان غير بلاتي
جعفر-هوا لي امرني امدام باش نشدك
ايات-طلق مني قبل مانديرلك شوهة هنا ....
جعفر- سمحيلي ماخليتيليش شي خيار تاني...(رشها ببخاخ الكريموجين(بخاخ مخدر) حتى غابت عن الوعي هزها وركبها فسيارة وزاد حتى وصلها لواحد الغرفة وحطها وسد عليها الباب

*****وبعد اربع ساعات *****
ارسلان-(داخل بعجاجتو)فين هي ...
جعفر -لداخل ....سمحلي اسيدي ولاكن مكانش عندي خيار ضطريت نرشها بلكريموجين(بخاخ مخدر) دارتلينا شوها ومابغاتش تسكت من لغوات
ارسلان-(تنهد)فاقت ولا لا...
جعفر -مازال...
ارسلان-حل الباب...(دخل وسد الباب وكلس حداها ) شنو مخبيا فداك الراس اايات ....
ايات- (بدات كاتفيق) ااااه اممممم...(كاتشوف الدنية كادور بيها)اناااا .....فففين...
ارسلان-نتي معايا
ايات-وقفت من الصدمة وشدتها دوخة وكانت غاطيح وشدها ارسلان .....
ارسلان- (هزها وحطها على الناموسية ) رتاحي ماتجهديش نفسك
ايات-(مدوخة) ارسلان.... جعفر ...دارلي ...شي حاجا دوختني
ارسلان-انا لي قلتهالو
ايات-بعدت عليه....وعلاش
ارسلان-مستحيل نخليك تمشي مرا خرا فقدتك مرا وماغانفقدكش تاني ....
ايات- فين انا
ارسلان-ماتخافيش راكي فبلاصا امنة
ايات-انا غير كانكون معاك كانحس بالامان
ارسلان-وعلاش هربتي مني ادن
ايات-(وقفت) مكاين لاش تعرف كيما قلتليك حنا خصنا نطلقو فاقرب وقت
ارسلان-استغفر الله العضيم ...ماعندكش شي كلمة وحداخرا من غيرها
ايات-خويا غير فهمني
ارسلان-انا ماشي خوك....
ايات(تنهدت) ياك نتا واعدتيني غانطلقو بعد فقترة
ارسلان-اه ولاكن ماشي دابا صحافا دالمغرب كلها كاتهضر علينا ...وزيد عليها الواليد حالتو تدهورات فاش ساق لخبار
ايات-هاه .....اوووه يا الله شنو غانديرو دابا
ارسلان-غادي تصبري معايا وغادي نكملو فهاد التمتيلية ونتعاملو كاننا مزوجين بصح....
ايات-ماعرفتش شغانقولك...
ارسلان- انا عاونتك عاونيني حتى انتي...
ايات-بصح عاونتيني شحال من مرة وانا ممنونة ليك ولاكن ....
ارسلان-كانترجاك غير على قبل صحة الواليد
ايات-نصارحوه باش يرتاح ونرتاحو كاملين نقولولو غادي نطلقو
ارسلان-(تنهد)ايات الله يحن عليك
ايات- اووووه ياربي وكيف غانديرو نعيشو انا وياك فنفس الدار ولعينين حاضينا
ارسلان-قولتليك غادي نمتلو عليهم كانترجااااك....
ايات-صافي واخا مدة بسيطة وكل واحد يمشي فطريقو
ارسلان- (بغا يديرلها الخلطر)صافي واخا لي بغتي..
ايات-صافي واخا ...ارسلان...خايفا داركوم مايتقبلونيش ويوقاعو مشاكيل
ارسلان-انا غادي نفهم الواليد وهوا كايبغيني بزاف وغادي يبغيك حتا نتي انا متأكد
ايات-الله العضيم الى خايفا
ارسلان-الفيلة فيها انا ولواليد ولخدم فقط ماعندك مناش تخافي...
ايات-طمنتيني دابا...
ارسلان-ايات ...لبارح كونت متوقع منك تفرحي منين عرفتيني ....
ايات- (بتالعت ريقها) اممم فرحت
ارسلان-لا مافرحتيش ... وزدتي هربتي مني علاش هاد التصرف
ايات_لا رد
ارسلان-كون كلتيلي باغيا ترجعي للمغرب مكونتش غانقولك لا ...علاش هربتي بديك الطريقة
ايات-وعلاش نتا صيفتيلي رجالك واش انا مامنحقيش نمشي فين مابغيت واش انا مسجونة ومافخباريش
ارسلان- صيفتهوم حيت مابغيتش نفقدك تاني وبغيت نعرف علاش هربتي علاش...
ايات-راني قليتليك علاش نتا راك خريا
ارسلان-عاوتاني نعاودو نفس الهضرت ...ايات انا كانبغيت وماكانشوفكش ختي نهائيا
ايات- ارسلان اشنو كاتقول كيفاش كاتبغيني ياك قلتيلي داك النهار انك غير كدبتي وماكاتبغينيش
ارسلان-منين شفتك معلقا با ادم خليتك علي راحتك
ايات-ارسلان خصك توضع حد لهاد المشاعر انا حاليا مامسالياش لهاد تخربيق
ارسلان-تخربيق ..... واخا نتي ماتبغينيش انا كانبغيك يمكن مع الوقت تولي تبغيني حتي نتي
ايات-لا انا قلبي مات مابقيتش نتيق حتي فشي واحد اارسلان
ارسلان-(شدلها فيدها)انا غير كانشوفك جايا يرجف قلبي وتطحك عينيا
نبغي نكلمك ونخاف كلامي يغدر بيا
سحرتيني خطفتيلي قلبي
تبدل حالي وحدك فبالي
من شوفت عينك ما عرفت شنو لي سرالي
عيني ما بقات تنام نفكر فيكك نشوفك فلاحلام
عليك لكلام معك تحلى لايام
اسمك ديما على شفافي
روحي عاشقاك
بحبك قلبي مرتاح وراضي
نتي حبي وناسي و ارضي وبلادي
ايات- ارسلان بلا ماتعدب راسك وتعدبني معاك واش بغيتيني نبغيك بسيف انا مكانبغيكش فهما ....فهمها...لي بغيتو مشا وخلاني شريتو بالغالي وباعني بارخيص قلبي مابقا غايتيق فحتا واحد ...
ارسلان- نتي تعرفي لموهيم لي كانحس بيه قلتولك ....
ايات-ادن خلينا نوضعو حد لهاد شي الى بغيتيني ط معاك لدارك واعدني انك غادي توضع حد لهاد المشاعر
ارسلان-مانواعدكش ..... والى بغيتي تمشي معايا زيدي والى مابغيتيش دبري راسك ماغاديش نبقا نرغب فيك (خرج وزدح الباب)
ايات-اوووف واقيلا زدت فيه
ارسلان-خرجها من تما وعطيها حوايجها وفين مابغات تمشي تمشي ....

جعفر-واخا اسيدي
ارسلان-مشا معصب ...اشنو كاندير عاود (رجع عند جعفر)جعفر خليها تمشي وقول لشي واحد من الرجال يتبعها بلاما تعيق ....(جا غادي ورجع)جعفر عطيوها تاكل شي حاجا غاتكون جاعت
جعفر -واخا اسيدي لي بغيتي
ارسلان-واياك تغفلو عليها ...
جعفر-ماتخافش اسيدي
ايات-تبعاتو ...ارسلان...
ارسلان-ضار لعندها .....شنو بغيتي
ايات-غادي تخليني هنا....
ارسلان-انا ماحابسكش هالباب محلولة سيري فين ما بغيتي
ايات-(تصدمات من كلامو) بهاد البساطة
ارسلان-(طلع وهبط فيها)الى بغيتي تخرجي خرجي بغيتي تكلسي هانتي كالسا(وخرج)
جعفر-مدام فيك الجوع نجيبلك تاكلي
ايات-(دارت شافت فيه)جعفر من فوقتاش ونتا تعرف ادم
جعفر- ههههه اش هاد سؤال
ايات-جعفر بلاما تبقا دخل وتخرج فالهضرة كولي شنو عارف عليه
جعفر-لي عارف عليه هوا انه صاحب سي ارسلان
ايات- ماشي هادشي لي بغيت نعرف زعما نتا كونتي معاه معضم الاوقات ....يعني واش كانت عندو شي علاقة مع شي وحداخرا فداك لوقة لي كنت انا معاه
جعفر- انا غير خدام ماشي صاحبو لي غايعاودلي اسرارو ...
ايات- اممم مافيك فايدا ....جيبلي شانطتي لي خديتيلي
جعفر -واخا او كانعتادر على لكريموجين لي درتليك
(بخاخ مخدر)
ايات- ماشي هادوك تعليمات سيك ارسلان ماعندك مناش تعتادر ....
اجعفر-كانعتادر مرا اخرى ....
ايات-ماتعطينيش شي وحدا من ديك لكريموجين (بخاخ مخدر)
جعفر-لاش بغيتيها
ايات- تصلاحلي مع داك سيك ارسلان مرا مرا ندوخو
جعفر - خخخخخخ هههههههه (شافها مخنزرا فيه وجمع ضحكة) احم كانعتادر ...
ايات-سير جيبلي شانطتي
جعفر -تبغي نوصلك لشي بلاصا
ايات-مكاين لاش
جعفر -وفين غاتمشي
ايات-شننو بانليك نجيبلك الحالة المدنية وشهادة مدراسية وكاع معلومات عليا
جعفر-سمحيلي
ايات-ااااه نسيت بلي راك درتي عليا تحقيق
جعفر- انا ....
ايات-استغفر الله العضيم (خطفتليه شانطا من يديه وخرجت واحد شوية ورجعت ) كول لسيك ارسلان مكاين لاش يدير عليا الجواسيس ....
جعفر-راه غير خايف عليك امدام
ايات-اخر مرا تقولي مدام ....مادموزيل الى سمحتي
جعفر -كانعتادر امدموزيل

خرجات ايات من ديك الدار وتلفت ماعرفت فين ترد الراس
ايات-فين غانمشي دابا ...اووووف (شافت طاكسي اوقفاتو وطلعات)اسيدي كاتعرف شي اوطيل رخيص شوية
السائق -كانعرف واحد الى بغيتيه
ايات-وصلني ليه الله يحن عليك
السائق-واخا الالة ...
مشا بيها يواح المسافة او وقفت بيهم الطاكسي فواحد المكان خالي
ايات-شنو واقع اسيدي لاش وقفنا هنا
السائق -لا رد (خرج وسد الباب)
ايات-هدا مالو
السائق -(حل الكوفر وطلع عينو شاف سيارة كخلة حاضياه رجع سد الكوفر وركب فسيارة)
ايات-شنو واقع اسيدي
السائق-سمحيليا الالة غير تفكرت شي صخرا عندي فلكوفر وخفتها لاتهرس وكاديتها ...
ايات-اه فهمت سزبي عافاك بدا يطيخ ضلام بغيت نوصل دغيا
السائق -واخا الالة .....سمحيلي نسولك واحد سيارة كحلة منين ركبتي وهي تابعانا واش كاتعرفيهم...
ايات-ضارت كاتشوف ....لعفووو (جبدت تلفون وكاتصوني) الو
ارسلان-شنو بغيتي
ايات-كول للجواسيس دياولك لي تابعيني يبعدو عليا
ارسلان-(تنهد) فينك نتي
ايات-وفاش كايهمك
ارسلان- ايوا منين ماغاتقوليش خليهم يتبعوك
ايات-انا مكانرضعش فصبعي فهمتيني (قطع عيها) هااا قطع عليل والله لابقات فيك اارسلان
ارسلان- الو جعفر ....
جعفر-نعام اسيدي
ارسلان-فين راكوم دابا
جعفر-راحنا تابعين طاكسي لي راكبا فيه مادموزيل ايات
ارسلان-مادموزيل ...هاديك راها مادام اسي
جعفر -ولاكن هي ...
ارسلان-عنداك تفلتها وغير توصل عيطلي وقولي فين راها
جعفر -واخا اسيدي ..(قطع) حرت مع هادو
عصام- علاش مالهوم
جعفر-هوا كايقولي نعيطلها مدام وهي كاتكولي نعيطلها مادموزيل فهم تتصطا
عصام- هههههههه عيطلها مدام موزيل هههههه
جعفر-ههههههههههه والله ماكدبتي
عصام-شوف طاكسي وقف خليك بعيد عليه شوية
ايات-(خلصاتو)شكرا اسيدي
السائق-العفو الالة هادي نمرتي الى حتاجيتي طاكسي صوني عليا نجيك فينما كنتي
اليات-شدت من عندو الرقم....واخا شكرا اسيدي
السائق -(كايصوني ) الو سيدي
الشخص-شنو درتي
السائق -ماقديتش دايرين عليها حراسة
الشخص -صافي غادي نوصل هاد الهضرة للمعلم
السائق-شوف راه خفت لا يتبعوني
الشخص-انا غانوصليه لهضرة وبيناتكوم الى خلاك عايش غير فرح
السائق -قوليه غادي نحاول مرا اخرا(قطع عليه)الو ....الو....هادي لخرة ليا
ايات-(مشات لعند جعفر وقفت حدا سيارة ودقة فازاج)
جعفر-(هبط الزاج)نعام امدموزيل
ايات-جعفر جعفرينو...
عصام-خخخخخ ههههههه
جعفر-(حمر فيه)كاضحاك
عصام-جعفرينو ههههههههههه
ايات-صوني علي سيك ارسلان وقولو راها وصلات ياك هدا لاش تابعيني
عصام-مدام ....احم مادموزيل راحنا تابعينك غير باش تكوني فامان
ايات-ياااك انا قادرة نحمي راسي براسي براسي
جعفر- سمحيلينا هادو تعليمات ومانقدروش نخالفوهوم حنا ماغانزعجوكش غادي نتبعوك غير من بعيد
يات-الله يصبرني يااارب(مشات ودخلت للاوطيل)......

يات-الله يصبرني يااارب(مشات ودخلت للاوطيل)...... غرفة الى سمحتي
الاموضف-واخا الالة .....تفضلي المفاتيح
ايات-شكرا ....
طلعت حلت الباب ودخلت
ايات-اوف على غرفة كيف دايرة...واخا ماشي بحال لوطيل ديال ارسلان ولاكن.... اوووف ....قضي وعدي ..غير بلاتي عليك اسي ارسلان كاتقطع عليا واخا...اوووف سبحان الله على الاقدار شكون كان يقول ان خويا ارسلان غايطلع هوا لمليونير لي خصني ننصب عليه .....(كلست على سرير) وشنو حكايت هداك المحققق سفيان اااااه راسي غادي ينفاجر. وفي جوع ماكليت والو من صباح شنو غادي ندير دابا كون غير ماصيفتيليش رجالك يا ارسلان كون راني دابا ختافيت وماعمرك تلقاني لانتا ولا حتا واحد ولاكن اوووووف ياربيييي شنو غاندير عندي حل واحد نشوف داك لمحقق ونعرف شنو تحت راسو (جبدت تلفون دوزت نمرتو سمعات صوني الاول ورجعت قطعت) اش كانخربق انا ..... (لاحت تلفون وتلاحت على ناموسية 4 دقايق ورجع صونا تلفونها...بالخلعة طاحت من على الناموسية)ااااي يدييي ااااااه(هزت تلفون ولقات نفس النمرة ديال المحقق)ويلي شنو غاندير دابا نجاوب....لالالالالا ....نجاوب ولي ليها ليها ....هاه اوووه قطع...(رجع صونا)عاوتاني كايصوني ...خليه وانا مالي انا لي كلتليه يصوني....اش كانخربق راه انا لي صونيت عليه...نطفيه حسن(طفات تلفون وتلاحت على ناموسية ) وافيا جوووووووع زعما يكونو كايقدمو الاكل فهاد لوطيل ....(هزت تلفون)الو ....كاتقدمو الاكل ....واخا جيبلي لي كان ....ماتعطلش عافاك ....(كاتغني)لمن نشكي حالي يالي شغلتي بالي نبات صهران ليالي نفكر فييييك تيرا را را تيييرا ....(سمعات دقان فالباب)شكون
جعفر-انا جعفر حلي
ايات-شنو بغيتي
جعفر-بغيت نعطيك شي صخرا
ايات-(حلت الباب) شنو هي
جعفر- تفضلي (عطاها ميكات بزاف وعامرين)
ايات-شنو هادشي
جعفر-سي ارسلان قالينا نجيبوليك الماكلة غاتكوني جيعانا.....
ايات-(تصدمات ودارت فيها عزت نفس) ردهالو مابغيتهاش وزايدون انا طلبت الاكل من لوطيل
جعفر-مادموزيل الله يخليك راه كايتسناني لتحت والى هبطت وفيدي لميكات غايغوت عليا
ايات-علاش راه لتحت...لعجب
جعفر- خليتلك الراحة...!
ايات-طلات من سرجم غير بشوية شافتو واقف ومتكي على سيارتو .....اااه مانستاهلكش يا ا سلان مانستاهلكش....
ارسلان- خدات لماكلة
جعفر- بسيف باش بغات تشدها
ارسلان-مزيان حلو عينيكم عليها ماتغفلوش
جعفر- مسيو غانقولك شي هضرة يمكن ماتعجبكش
ارسلان-طلفثقني شنو كاين
جعفر-واحد من رجال مراد هوا لي كان سايق طاكسي لي وصل مدام ايا للاوطيل
ارسلان-(تصدم)اشنو كاتقول ...
جعفر-فراحد اللحضة وقف بيها فواحد لخلا ومنين شافنا رجع ركب اوصلها للاوطيل
ارسلان- (بصراخ) وعلاش ماعيتيليش
عصام -صونيت عليك اسيدي ولقيت تلفونك طافي
ارسلان-(بصراخ)المرض ..... (طلع كايجري عندها )
ايات- (كتاكل)امممم شحال لديد ... هاد الله يعطي صحة لي صوب هاد الكفتة....
ارسلان-(كايدق) ايات ....ايات
ايات-شنو بغا هادا عاود....شنو بغيتي
ارسلان-حلي لباب
ايات-ماحالاش سير بحالك
ارسلان- اياااااات حلي بلا ماتعصبيني
ايات-(مربعا رجليها وكالسا فالارض ومضورة لماكلة عليها تكول شهر ماكلات )واماغانحلش ....
ارسلان-جعفر نزل جيبلي دوبل ديال ساروت ...
جعفر- واخا اسيدي ...
ايات- جعفرينووووو ماتجيبش ساروت
ارسلان- جعفرينو .....لاء كملات
جعفر- واخا اسيدي(حنا راسو وزاد)
***في فيلة مراد****
نوصف ليكم مراد شاب في في الثلاثينيات من عمرو وسيم بزاف جمالو تركي طولو 1 و 80وفورمتو رياضية وعندو عضلات مااااشاء الله بشرتو بيضاء وعندو لحية خفيفة وعندو نضرة حادة وكاتخلع رغم جمالو الفائق....
مراد كالس على الكنبة وكايستامع لموسيقة بيتهوفن وكايدندن معاها
نيزار-سيدي بغيت نقولك شي هضرة
مراد-(نقص للموسيقى)كول شنو عندك
نيزار- سيدي شيفور لي سيفطناه يخطف البنت مادار والو....لعملية فشلات
مراد-(بدم.بارد ) حيت انا مخدم معايا غير الاغبياء
نيزار- (بتالع ريقو) راه رجال سي ارسلان كانو تابعينها
مراد-(غير سمع سميت ارسلان وقف) (بصراخ)دابا رجال سيك ارسلان خلعوكوم....
نيزار-(كايرجف)سيدي غلطنا من الاول منين سيفطناه بوحدو ومامسلحش
مراد-(بصراخ)غبي غابيييي جيبوهلي نتفاهم مع مو
نيزار- يحياا دخلو ...
دخل يحيا سائق الطاكسي لي سميتو حميد ولاحو عند رجلين مراد
حميد- سيدي راه ماكانش عندي سلاح وعددهم كان كبير
مراد -وقف ....(قلتليك وقاااف)
محيد-(وقف) سمحلي اسيدي ....انا مابغيتش نخطفها حيت مامسلحش وغير بوحدي خفت لاندير شي خطوة ويداهموني ياخدو البنت ويقتلوني
مراد-الحمااار وعلاش ماتسلحتيش ها علاش واش يحسابك غاتمشي تجيب لبنت من المارشي
حميد-انا قلت نتنكر باسائق طاكسي ونخرجهر لشيي مكان خالي وندوخها وهاكا غانسهل عليا العملية ....
مراد- كانحييك على هاد الخطوة لي درتي واخا فالاول تعصبت ولاكن كلامك هلى حق هاد لمرا دوزتهالك ولمرا جايا راك عارف
حميد-سمحتيلي (كايبوسليه يديه ....) شكرا اسيدي كانواعدك

حميد-سمحتيلي(كايبوسلسه يديه)...شكرا بزاف اسيدي كانواعدك غانجيبهالك حتى لبين يديك...
مراد-تقدر تمشي....(دار اشارة بعينيه لنزار باش يصفيهاليه...)
نيزار-واخا اسيدي....زيد كدامي
حميد -الله يرحم الوالدين شكرا بزاف ...الله يخليلك لي عزيز عليك...
يحيا- زيد كدامي ....(خرجوه شادينو) كمال ...جواااد
كمال-نعام اسيدي
يحيا -تكلفو بيه (دارلو اشارة باش يصفيها ليه)
حميد- فين غادين بيا .(كايغوت ويطيحليهم فالارض ويرجعو يهزوه) طلقونييييييييي سي مراااااااد(دخلوه لواحد البيت وسدو عليه)
**في الاوطيل***
ايات-جعفرينووووووو واماتحلش الباب
ارسلان-(حل الباب ودخل) دخل عليها وتصدم من المنضر ديالها كالسا فالارض ومدورا عليها الماكلة...
ايات-لاء سيبا ....كاتقبط ودخل ماقلتي نكون فالحمام ماقلتي نكون عريانا... ماقلتي...
ارسلان-(بنرفزة)جعفر تسناني لتحت....
ايات-جعفرينو ماتخرجش....خليك لي عندو يقولو قدامك راك ماشي غريب
ارسلان-جعفرينو ...بغيت نقول جعفر خرج
جعفر-واخا اسيدي
خرج جعفر كايلتخ فيديه مرا يضحك ومرا يخنزر
عصام-امالك اجعفرينو شفتك طالعليك الدم
جعفر- تعاود تقولي جعفرينو نردمليك داك الفم
عصام- ههههههههههههههه والله حتى جات معاك اصاحبي ماتقلقش وسع قشابتك
جعفر-استغفر الله العضيم...
ارسلان-نوضي جمعي حوايجك ماخصكش تبقاي هنا
ايات-ونتا مالك....ياك قلتيلي نمشي فين مابغيت...
ارسلان-ماغانزيدش معاك الهضرة نوضي تكعدي
ايات-كاناكل مامسالياش....
ارسلان-هز شانطا وحل الماريو وبدا يجمع فلحوايج
ايات-هييي شكادير (وقفت وكاتخطفليه لحوايج) حط من يديك
ارسلان-طلقي ...
ايات-نتا لي طلق حوايجي هادو ماشي حوايجك
ارسلان-قولتليك طلقي بلاماتعصبيني
ايات- بصاااح تعصب نشوف....يالاه تعصب ....شنو غادير غاضربني يالاه ضراب (قربت عندو بتحدي)يالله شكاتسنا ضرااااب
ارسلان-سمعيني انا ماشي انشان كامل وعندي اعداء مكايبغيونيش ومنين عرفوني تزوجت حطو عينيهم عليك فهمتي دابا...
ايات-(تصدمات وبعدت عليه...) اعداء ....
ارسلان-اه اعداء ....دابا هانتي عرفتي ...
ايات-(دارت فيها عزت نفس)انا مكانخافش ....
ارسلان-واش باغيا تحمقيني سخيتي بروحك ولا شنو
ايات- وزايدون حنا مامزوجينش بصح
ارسلان-شنو بانلك نجيبلك الصحافة وقوليلهوم هاد الخبر....
ايات-الى ضطريت علاش لا...
ارسلان-صبرك يارب....(جمعلخا لحوايج دارهوم فشانطا وسدها هزها وخرج) هانتي تما الى بغيتي حوايجك تبعيني....
ايات-فين غادي وقااااااف...(تبعاتو كاتجري) ابنادم شكون عطاك الحق تاخدلي حوايجي...
ارسلان- نتي عنيدة و كاتجي غير بزز
ايات- وقفت ....صافي خودهوم غانشري وحدا خرين
ارسلان- بصاااح تمشي بالخاطر ولا نعيطليك لجعغر يرشك بلكريموجين (بخاخ مخدر)
ايات-كاتهددني
ارسلان-(بصوت خافت ) جعفر...
ايات-مكانخافش...
ارسلان-(علا صوتو شوية)جعفااااار
ايات-كلتليك مكانخافش...
ارسلان-(حمر فيها وغوت بالجهد)جعفااااااااااااااااااار
جعفر - نعام اسيدي
اوسلان-(غمزو )تكلف بالمدام
ايات-مادموزيل الى سمحتي
ارسلان-تكلف بالمدام موزيل
جعفر-مافهمتش اسيدي
ارسلان-(كايغمزو باش يفهم) جبتي لكريموجين (بخاخ مخدر)
جعفر-هاه ....(عاد فهم)اااااه جيتها راها فسيارا
اارسلان-مزياااان ....سير جيبو
ايات-(تخلعات)جعفرينو ...
جعفر-على ديك جعفرينو غانمشي نجيبو
ايات-ياك اجعفر ....ياااك
ارسلان-شنو كلتي تمشي بزز ولا بالخاطر
ايات -(تزنكات)هاه ...... بالخاطر
ارسلان-(عطاها بالضهر وبدا يضحك ) جعفر جيبها
ايات- والله لا بقات فيك اجعفر ...لكريموجين ياك....
جعفر-(شد فيها) تفضلي ...
ايات-طلق مني ....قادرا نمشي بوحدي....
***في فيلة مراد****
الحاج مصطفى- الله يهديك وصافي بعد على االرراجل انا وباه مفاهمين ومابيناتناش لمشاكيل لاش باغي تنوض الحرب من جديد
مراد-الواليد ... راه عوارتلك عين بسبب داك بوشتا الحقير غادي نصفيهالو هوا اولدو
الحاج مصطفى- حنا بعدنا على داك العالم بعد منو حتا نتا ماغايجيك منو غير لبلا ولمصايب
مراد -كاع داكشي لي فملكو غايولي ديالي وغادي نرجعو فين كان
مصطفى-شنو هوا لي غايولي ديالك فلوسو شركاتو عندنا ضوبل ديال داكشي لي عندو ماتكونش عينك كبيروة وخلينا عايشين فسلام ... بوشتا راك ماكاتعرف عليه والو راه وحش وخطير
مراد-الى كان هوا وحش انا كتر منو ......
مصطفى - الله يهديك سمعت شي خبار ماعاجبانيش
مراد-شنو هي هاد لخبار
مصطفى-سمعت بلي باغي تخطف بنت الكابوني
مراد -كيفاش ..... مرت ارسلان هياااااا .....بنت لكابوني ....
مصطفى-اه بنتو بنت الراجل لي قتلناه وخدينالو رزقو .....وبيه راك عايش وكاتبرع
مراد-(بتاسم بمكر)واااااااو اللعبة غادا وكاتحلى...
مصطفى- اشمن لعبة هادي راك غاتجبد علينا الحرب وياويلك من غضب بوشتا اولدو
مراد-(كايضحك)ههتهههههه نيزاااااااار...
نيزار-نعام اسيدي
مراد-الخطة تبدلات هههههههههه

مصطفي- اولدي الله يهديك
مراد -صافي الواليد خرج نتا هاد سوق
زينب-خويا سمعتك كاضحك ضحكني معاك ...
مراد(دار يدو على كتافها)ختي لغزالة وصغيورة ديالي نيزار لحمق عاودلي واحد نوكتة بايخا بحالو وكنت كانضحك عليه ماشي على النكتة ....
زينب-ههههههه بصاااح عاودلي حتا انا انيزار
نيزار-(تفافا ماعرف مايقول) هاه اااااا .... واحد الاستاد قال لواحد التلميد: أعرب لنا جملة "ضرب الولد الصرصور"
جاوبه الولد: ضرب فعل إجرام، الطفل ابن حرام، أما الصرصور فهو فاعص مفعوص وعلامة فعصه الضربه القاضيه على رأسه
مراد -ههههههههههه ماكلتلكش بايخا...
زينب -هههههههههه لا لا بالعكس كاضحك
مراد -ختي صغيورة محتاجا شي حاجة ....
زينب -(عنها 24عام ) اه كونت بغيت نمشي نشري بعض اللوحات والالوان باش نبدا نرسم تسالاولي لي عندي
مراد - الفنانة صغيورة ....نيزار سير معاها ماتخليهاش بوحدها
زينب-خويا بغيت نمشي بوحدي مليت من هاد الحراسة لي دايرين لي راني ماشي برهوشا صغيورا....
مراد-مانقدرش نخليك تخرجي بوحدك بالخصوص فهاد الوقت
زينب-لوقت ...مازال الحال
مراد-راكي مافاهما والو الى بغيتيتخرجي نيزار يمشي معاك ولا مابغيتيش هانتي كالسا
زينب- اوف اوف اوف انا عيت من هاد المعاملة بغيت النحس براسي حرة ماشي فالحبس
مراد-صبري معايا اختي ماعندي مانديرلك هادشي راه لمصلاحتك ...
زينب -امري لله ماعندي ماندير
مرات- بسلاما عليك...(تلفونو كايصوني) الو شحال من مرا كلتلك الى بغيتيني صوني على نيزار ولا يحيا
سماعيل-(عرفتوه شكون ....ااااايوا هواااا) سمحلي المعلم ولاكن راه ضاقت بيا هنا وبغيت نرجع نخدم معاك
مراد-علاه الحاجة ومليكة ماعجبوكش
سماعيل-ماشي هكاك ولاكن
مراد -مكاينش ولاكن ...دير خدمتك وداراكا من شكاوي لخاويا ....(قطع عليه) هادشي لي ناقصني
مصطفى- ماعرفتش لمن خرجتي كاتشبه
مراد-ليك الواليد
مصطفى -لا ماشي ليا ابدا ....حيت انا كانفكر بلعقل ماشي بحالك غير مدرم
مراد-الواليد بسباب داك بوشتا بقاتليك غير عين وحدا وبيها كاتشوف
مصطفى -داكشي كان زماااان وصفينا لحساب بيناتنا كول واحد دا حقو وشي مشاف شي من داكشاع هادي 18 لعام وحنا عايشين هانين ماتنكدهاش عليا... فاخر ايامي نولي للاجرام...
مراد-مكالك حد رجعلو نتا غير نعس على جنب الراحا وانا غانتكلف لكل شئ....
مصطفى-الله يهديك على نفسك (خرج وخلاه)
مراد- كلس على المكتب وهز المجلة لي فيها صورت ايات وارسلان) هاد زين كامل طلع من الكابوني ....هههههه (بدا كايشوف ويتمعن فيها) امممم مولات لعيون لكوحل
لله يا سرب الحمام
يا مرسول العاشقين
بلغ مني السلام
لوردة بالطيب تفوح
تعطر المكان
في كل مكان تحضر فيه
او تروح مولات لعيون سود
قل ليها يا الحمام
وبلغ عني الكلام
وقتاش هلال غزالي
يلوح يا مولات لعيون لكوحل...
مراد-شحااال مابقيت قلت الشعر والزجل ااااه ... يا مولات لعيون ساحراني فينك راه قلبي ماهناني ...ههههههه ولاه يا مليكة مكانش يحسابني والدا هاد زين كامل .. تبارك الله ماشاء الله (تبسم وهوا كايشوف فصورة )
ايات -فين غادي بيا
ارسلان-غادي نديك للوطيل وصبح غاتمشي معايا لداري
ايات -انا اصلا كنت فاوطيل وشنو الفرق
ارسلان-هداك مافيهش الامان اايات
ايات-ياك نتا داير عليا لحراسا
ا سلان-واخا هكاك قلبي ماهنانيش
ايات- مابغيتش نمشي معاك لدار غدا
ارسلان-يصبح ويفتح اايات ....عيت بالهضرة ومابغيتيش تفهميني...
ايات- خويا ....
ا سلان-ماشي خوك
ايات-اوووف عيات وبغيت نرتاح
ارسلان-هاحنا قربنا نوصلو...

****في منزل مليكة****
منال-(عبد القادر)ههههاااااااي...(كايمدغ المسكة ويعوج فمو) طلقي طلقي لموسيقى اليوم نحيحو يشطيح ....(كايزغرت)يويويويويوووووووي(حزم وناض يشطح )ايوااااا.... اواش نتي كدي ابزربا عيقي واتيا جمعي شطايطك ماتباتيش هنا ...زيناوا عدا عدا ..عدا عدا عدا عدا....
البنت- (كالسا وكاتصفق بيدها شوية وناضت تشطح حتى هيا)هاكاك هاكاك ....ههههااااااي هزي هزي يا منال .....ديرولينا لعونيات.....(بدلو لموسيقا) وامك يا مك درب الشيشة وصبح منك...امك ياماك ظرب شيشة وصبح منك.....وامك ياماك ويلي ويلي وصبح منك....(كاتشطح وتهز كامل جسمها بحال شي الة)
منال- هاهاهاااااااي..... يوا ايوا زيييييييييد .....ههههههه الله يعطيك الصحة (كلس على الكنبة) ختي مريم علاقل جيبيلنا غير كاس داتاي قبل مايجيو لكليان...
مريم-(خنزرت فيه)خدامة ديال باك انا ...
منال-حشومة عليك اختي مرييييم
مويم-عبد القادر جمع راسك راك عيقتي ترجل شوية وتا داير بحال ... اعودو بالله من الشيطان الرجيم...
منال-ماسميتيش عبد القادر سميتي منال شحال غانعاودهالك من مرا.... خالتي مليكة هضري معاها راها عيقت عليا ...
مليكة-سكتونا نتي وياها وطفيو عليا داك المشقوف ...
منال-كانحميو الطيح امليكة قبل مايجيو لكليان
مليكة-اليوم مكاين لا كليان لا زبل .....
مريم-كيفااش زعما ماخدامينش اليوم
منال-لا ماتقوليهاش خصني نخدم ضاروري عندي كريديات

منال-لا مايمكنش عندي كريديات وخصني نردهوم
مليكة-سير دبر على كليانك فطرطوارات وتفرق عليا هاد نهار (وقفت وبدات كاتصفق بيديها )يالاه يالاه تحركو خرجو عليا
البنات-والله الى حشومة عليك ...هادي ماشي خدمة
مليكة-(بصراخ) سدو فمامكوم وخرجو عليا يالااااه

من بعد ماخرجو كاملين وخوات دار
مريم-مالكي على هاد الحالة ماشي عوايدك...
مليكة-(سمعت دقان فالباب) ماتحلي حتى تعرفي شكون...
مريم-شكوون
اسماعيل-حلي غير انا
مريم-(حلت الباب) مرحبا على سلامتك
اسماعيل- الله يسلمك ....شفت دار خاوية شنو واقع
مليكة-كلس اسماعيل .... تعشيتي..
اسماعيل-اه تعشيت... مالكي كاتبانيلي مقلقة
مليكة- خايفة ياسماعيل .....
اسماعيل-مناش خايفة
مليكة- ادم قتلتيه ياك اسمااعيل
اسماعيل-لا ماقتلتوش
مليكة-لحد الان مكاين خبار عليه
اسماعيل-اشمن خبار بغيتي تعرفي عليه
مليكة- واش لقوه ولا لا واش البوليس كايقلبو علينا....
اسماعيل-لا حول ولا قوة الا بالله .... نتوما لعيالات فشكل ....كرهتوني فالخدمة والله كون ماسي مراد لي جبرني نبقا معاكوم والله ماتشوفو وجهي
مليكة-واش متأكد ماماتش ....الى كان مزال عايش غانمشيو فيها كاملين هادي هي الخرا لينا
سماعيل-قتلتوني بشكاوي كاتخافو من ضلكوم انا الى درت شي خدما كانتقنها وزايدون هوا ماماتش سي مراد مازال محتاجو ومابغانيش نقتلو دربناه وعدبناه ولحناه فالطريق ويعلم الله فين هوا دابا ...
مليكة-كيفاش مزال محتاجو ....ومنين محتاجو علاش لحتوه
سماعيل- عرفتي شنو ديري دخلي صوق راسك حسن وفهمي ديك بنتك تسربي راسها راه عينا مانصبرو عليها زواج وتزوجاتو علاش مازاال مادخلات لعنو لدار
مليكة-وباش غانعرف انا لي عارفا انهم صافرو برا لمغرب
اسماعيل-ياويلي على لي معول عليهم ....الله يجيبك على خير اليوم دخلت للمغرب ....
مليكة- مافخباريش كيفاش يالاه مشاو ورجعو بهاد السرعة
***في الاوطيل***
ارسلان-تصبحي على خير
ايات-ارسلان...غين غادي
ارسلان-غادي نبات حتى انا غير هنا فلغرفة المقابلة لغرفتك
ايات-مزيان.... تصبح على خير
ارسلان- بلاما تفكري تهربي الاوطيل محاصرينو رجالي....
ايات- (تنهدت) عارفا راسي محبوسة
ارسلان-مزيان ...تصبحي على خير
ايات-متعجرف .... ماتبدلتيش من يومك متعجرف
ارسلان-وحتى نتي ماتبدلتيش من يومك عنيدة وفيك المشاكيل
ايات-انا... نسيتي راسك شحال كليتي دلعصا من عند المربية بسبب تعجرفك
ايات-ونتي نسيتي شحال كنتي كاتبكي على ابسط حاجا البرهوشا
ايات-انا برهوشا...
ارسلان-اه برهوشا مفششا بكايا
ايات- ونتا متعجرف كسول وراس لمشاكيل
ارسلان-لمشاكيل نتي لي كنتي كاديرلي لمشاكل بسبب فشوشك الزايد
ايات- وشكون فششني اسي ارسلان ماشي نتا
ارسلان- اه وياريتني مافششتك ودابا وحلت فيك غير فصغرك ديما مقاتل بسبب العابك ودابا مقاتل معاك غير باش ماتهربيش
ايات-متعجرف...
ارسلان-بكايا .... خوافة
ايات- سكت ...
ارسلان-مساكتش
ايات-والله حتا...
ارسلان-(قرب ليها بتحدي) شنو غاديري
ايات-(عمرو عينايها بدموع) حكاااار ....
ارسلان-(كايضحك عليها)ههههه قلتليك بكايا
ايات-(عنقاتو وكاتبكي)خويااااااا.....توحشتك...
ارسلان-(عنقها وزير عليها ) قولتلك ماشي خوك...
ايات-هههههههه (ضرباتو لكتفو وبصوت خافت قالت ) مفسد اللحضات.....
ارسلان- هههه بكايااااااا....
ايات-(طلقت منو )تصبح على خير ...اخويا
ارسلان-نبقا معاك شوية
ايات-لا عيانا بغيت نرتاح
ارسلان- واخا لي بغيتي ....هانا مشيت
ايات-سير
ارسلان-ماغاتحصرينيش
ايات- ام ام ...لا
ارسلان-هاني غادي
ايات-غير سير
ارسلان-قربت نوصل للباب
ايات-(كاضحك عليه) وسد الباب موراك
ارسلان-تصبحي على خير البكايااا....(خرج وسد الباب).....
ايات-(وخشات وسط ناموسية )....ااااه ياادم فين راك دابا ومعامن غاتكون يالمعدبني ....لي خلاهلي زمان كملتيهلي نتا (غمضت عينيها من كترت التعب والاحدات لي وقعو اليوم غفات بسرعة وغاصت فعالم الاحلام ....)

سِيري يَا لِيامْ سِيري
ما كين ربَاحْ وَرِيتيني
نْهَارْ لي حَليتْ عَيْنِي
حَزْمُوهَلِي بحزَام اكْحل.
قَلْبي غْرَقْ هْمُومْ
و دْموعي عَمْرتْ الوِيدْيَان
و سْقِيتْ بِها لْجْنَانْ
مَاكِينْ لا سِلْمْ و لا أمَان
غِيرْ الظُلْمْ و النِسْيَانْ.
شْكِيتْ عْلِيكْ يَا لْحَجْرَةْ
وْ ما سْمَعْتِينِي
شْكِيتْ عْلِيكْ يَا الشَجْرَةْ
وْ مَا نَادِيتينِي
بْكِيتْ عْلِيكْ يا لْبْحَرْ
وْمَا شَافِيتينِي
لْمَنْ ياربي نْشْكِي هَمِي
ما بْقى لِيا لا حْبيبْ ولا شْقيقْ.
حِيثْ ما بِينْ الشْدة و الضيقْ
كَايْبَانْ لعْدو من الصْدِيقْ

*في الصباح**
زينب-صباح لخير خويا ...ككيف صبحتي
مراد- كالس امام طاولة الفطور(بابتسامة عريييضة) صباح الخير والخميـــــر
صباح الزبدة والكوفيتير
صباح الملوي والبغريــر
صباح الجبن والكاشيــر
صباح الضحك والتكركير.
زينب-(كلست كاتفطر)ههههههه رجعتي للزجل والشعر شحااال هادي ماسمعت منك بحال الكلمات ياكما لقليب بدا ينبض ....
مراد-اممم تقدري تقولي هكاك
زينب-وشكون هاد سعيدة الحض لي دخلات لقلب خويا لعزيز
مراد- امممم ....يا ليت لي امرأة لأسقيها خزامى الكأسِ بالنّعناعِ كي تُروى رواءَ الرّوحِ أو لتكونَ لي سمّي الذي أُسقاهُ عند الموتِ مسرايَ المؤنثَ في ازهرارِِ سماءِ ليلِ الصّيفِ نحو معارجِ العشّاق ِ حيث البدرُ مجروحٌ بشهوتهِ ومحروسٌ بأخوتهِ النّجومُ يضمّهُ ليلٌ حليبيّ وتغسلهُ بماءِ النّورِ ربّاتُ المساءْ .

زينب-يا سلااااام الله الله ..سعداااتها بيك
مراد-شكون هي
زينب- حبيبت خويا وزوجتو المستقبيلة
مراد-ههههههههههه الحمقا اشمن حبيبة ولا زوجة خوك سيليباطير ...
زينب-راحنا في الهوى سوى
مراد-على دكر الزواج....هضروليا فيك شي ناس
زينب -ناس ههههه اشمن ناس
مواد-راكي كبرتي تبارك الله خاصنا نفرحو بيك او واحد صاحبي وانا قبلتو
زينب-(تقلقات) كيفاش قبلتيه ......واش كاتهضر بنيتك...
مراد-مكانضحكش بغيت نشوف ختي عروسة وتفرحني بوليداتها ....
زينب-(تعصبات) انا مغانتزوج غير لي غانختارو ونرتاحلو ويرتاحلي ....
مراد- وحتى هدا شاب زوين وغني مع الوقت غادي تتعرفو على بعضياتكوم وتبغيو بعضياتكوم
زينب- لاء زدتي فيه بلا قياس (وقفت باش تمشي)
مراد-كلسي كملي فطورك
زينب - خليتولك .....(ضربت الطبلة بيدها وخرجت للجردة)
مراد-زيناااااااب .....زيناااب الله يهديك وصافي
زينب-(كاتمشى فاجردة ومعصبة) ماكفاهش هاد لحبس لي دايرينلي ويزيد يكملها ويزوجني على هواه كرهت راسي وكرهت حياتي تفووو(سمعت شي صوت) شنو هادشي....هدا صوت ديال شي حد .....الصوت جاي من بيت جردة (مشات غير بالحس حتى قربت من الغرفة وكاتصنت) هدا صوت ديال شي حد مريض... (حلت الباب غييبر بشوية وطلت)
ادم-ااااه ....اممممم ...
زينب-(كاتقرب منو غير بشوية) شكون نتا
ادم-شدها من يدها .....الماء ....بغيت نشرب
زينب-(تخلعات منو وغوتت منين شد فيها) ششششكون نننتا...
ادم-(كايهضر بسيف)الماء.....الماء عطيييينييي نشششرب...
زينب-(عمرتليه كاس دلماء وعطاتو يشرب) غير بشوية عليك.....
ادم-(شرب ورجع تكا ) ااااه ....
زينب-شكون نتا وشكادير هنا
ادم- فين انا ...
مراد-(بصراخ) زينااااااااب
زينب-(وقفت بالخلعة) ننننعام...
مراد-تحركي خرجي
من تماك ...
زينب- خويا هاد الشاب مريض بزاف خصو الطبيب
مراد-(بصراخ)كلتليك خرجي
مراد- (خنزر فيها وبصراخ)نيزااااااااااااار....
نيزار-(جا كايجري وتصدم فاش شاف زينب وصط الغرفة) ننننعام اسيدي
مراد- (بصراخ)فين هوا لعساس ...
نيزار-صخرتو يجيبلي شي صخرا....
مراد -الاغبياء مخدم معايا غير الاغبيااااء ..(ضار شاف فزينب)شنو مازالة كاديرس نتي هنا..
زينب-خويا الشاب مسكين...
مراد- (جرها وخرجها) شوفي مانعاودش نشوفك كاضوري حدا هاد البيت
زينب-شكون هوا هدا وعلتش حالتو هاكا كولو مضروب
مراد -غير هني راسك هداك واحد من رجالي دار حادثة وانا خليتو هنا باش يبرا على خاطرو ...سمعيني مابغيتكش تبقتي تجي لهاد البيت مفهوم
زينب -ولاكن على الاقل وفروليه الماء راه مسكين كان شاحت بالعطش...
مراد-كوني هانيا من هاد ناحيا غادي نوفروليه كولشي ...سيري نتي دابا
زينب-واخا...(مشات)...
مراد-... نيزار راك عيقتي وكل مرا كاندوزهالك ماتخلينيش نسهط على الوضعية
نيزار-كانعتادر اسيدي ...اهر مرة
نراد- لعفووو...(خرج من الجردة ودخل للفيلة)

****في الاوطيل****
ارسلان-(كايدق فالباب) ايات...واش واجدا...ايااات...ياكما مازالة ناعسا ...(جبط مفتاح الاحتياطي وحل الباب ودخل) الااااا... اياااات ...
ايات-(عرات راسها شافت فيه ورجهت غطات راسها) خليني نعاس
ارسلان-(كايضحك عليها) اويييلي يا لمرا ديال زمان عولنا عليك
ايات-خوياااا خليني ننعس
ارسلان-ماشي خوك...(عراها وتصدم ورجع غطاها كانت لابسة ملابس قصيرة)
ايات-هااااااااي واش يحسابك راني مازالة بنت 6 سنين
ارسلان-سمحيلي مايحسابليش
ايات- (وقفت بالغطا بكولشي ودخلت للحمام) عاوتاني حل الباب ودخل وقوالي مايحسابليش ...
ارسلان-(كايموت عليها بضحك بصوت خافت باش ماتسمعوش) اسربي يا لمشعكا كان يحسابلي غانلقاك واجدا مايحسابليش كانتعامل مع اتقل بنت فلمغرب
ايات-انا مشعكا ... بلاتي نمشطو ونعجبك المتعجرف
ارسلان- ازمطك اشعيبية هههههه....
ايات-ارسلان واش غانمشيو لدارك اليوم
ارسلان-اه اليوم علاش
ايات- ولاكن كاع حوايجي زوينين بقاو فدار ادم ...
ارسلان- صافي كوني هانيا من ديك ناحيا راني وصيت جعفر يجيبلك بعض الملابس
ايات- جعفرينو غايشريلي لحوايج يعلم الله كيف غايكونو

ارسلان-ههههههه بهدلتي سيد بهاد سمية كاع ديك القلدا ولات سميتو جعفرينو
ايات-هههههههه والله الى جات معاه
ارسلان-واش ساليتي ولا عوالة تباتي تماك
ايات- نسيت لفوطة عاود... واخا مديتيهالي
ارسلان-(هزها ومدهالها) واش انا خدام عند بقاي تفكري راسك ونتي ديما ناسيا لفوطة دابا كون ماكنتش انا
ايات- (شدتها من عندو وهي مخبيا مور الباب)واناري ماتبدلتيش شحال فيك ديال نكير (سالات وخرجت كاتنشف فشعرها...)
ارسلان-( سحراتو بشعرها الاسود المبلول شاف فيها بكل حب ) بصحا وراحا...
ايات-(دارت شافت فيه وتبسمت)الله يعطيك الصحة ..
جعفر-(كايدق فالباب)مادموزيل ايات ...
ارسلان - غادي نحليه دخلي للحمام
ايات-ايوا حليه علاش غاندخل للحمام...
ارسلان- مابغيتوش يشوف شعرك وهوا مبلول وزايدون نتي لابسا بيجاما قصيرة
ايات-(ضارت شافت فيه باستغراب) ومن بعد فين كاين المشكل
ارسلان- احم ...اااااا... ياك انا خوك ..مابغيتوش يشوف ختي وهي هاكا ...
ايات- دابا عاد وليت ختك ...
ارسلان- صافي صافي ( جرها ودخلها للحمام وسد عليها)
ايات-ارسلان حاااال ...والله لا بقات فيك ..
جعفر- (كايدق)مادموزيل ايااات
ارسلان-حل الباب ...شنو بغيتي
جعفر-تفضل اسيدي لحوايج لي قلتيلي
ارسلان-ااااه دخلهوم حطهوم تماك...
ايات-جعفرينووو حل عليا الباب
جعفر- مسيو نحل عليها
ارسلان-سير لخدمتك ...وسد معاك الباب
جعفر-واخا اسيدي(خرج وسد الباب)
ايات-جعفاااار....(تحلت الباب)
ارسلان-لحوايج ...هاهوما
ايات-خليني من لحوايج علاش سديتي عليا الباب
ارسلان- راني قلتليك علاش مابغيتوش يشوفك هاكا..
ايات- طلعت وهبطت فراسها... ادن نتا الاول ماخصكش تشوفني هاكا
ارسلان-اناااااااا راجلك
ايات-ههههههههه راجلي من ايمتا بسلاما حنا لي جامعنا هي ورقة فقط
ارسلان-وديك الورقة مكتوب فيها زوجين .... ادن انا كانطبق غير لي مكتوب فالورقة .....
ايات-صبر ياربي صبر...ايوا اسي راجلي ماغاتخرجش وتخليني نلبس حوايجي
ارسلان-لا مخارجش ....الى خرجت ماغاتوجدي حتا لغدا ...
ايات-نلبس حداك ولا شنو
ارسلان-لا مابغيتيش حدايااااا... دخلي للحمام
جعفر-(كايدق) مادمموزيل ايات واخا دخلت
ارسلان-مادخلش
ايات- اغير دخل
ارسلان-(كايجرها للحمام)كلتليك مادخلش...
ايات-ااااه طلااااق ....جعفار دخااااااال
عيا مايدفع فيهر وهي مقاتلا معاه غير ضد فيه منين مابغاتش تدخل هزها باش يدخلها بسيف وفهاد اللحضة دخل جعفر
جعفر-(تصدم من المنضر) احم .ااااااا.... بغيت نعطيك هاد لميكة نسيتها فسيارة ....اوووو سمحولي الى جيت فشي وقت غير مناسب
ايات- (نزلها بسرعة) لا جيتي فوقتك (مشات وجراتو) جعفرينو ...كولي اليوم غادي نلبس بضوقك ياك
جعفر-(حشم مسكين) كانتمنا يعجبوك ديت معايا ختي هي لي ختارتهوملك
ايات-اياااه والله يعطيكم الصحا(حلت الميكات وكاتشوف فلحوايج )هادشي كولو زوين ....حرت شنو نختار ...شنو نلبس فنضرك الكحلة ولا لحمرة
جعفر-الحمرة زوينة وتجي عليك
ارسلان-(واقف ومربع يديه ومخنزر) لا لكحلة حسن عجباتني وطويلة ...
ايات-(شافت فيه بتحدي) ادن غادي نلبس الحمرا
جعفر-(بتاسم ليها) بصحتك ورحتك غاتجي مع جسمك الرشيق
ارسلان-(غير سمع جسمك الرشيق بحالي ضربتيه بصقلة) رشيق ....هههههه كالك رشيق وهي كاتقيل ضرب فالماكلة ...كالك راشيق
ايات-(قرصات جعفر من وجهو بلطف)يخليلي لي كايعرف يهضر ...
ارسلان-(نار الغيرة شعلة فقلبو)جعفااار شنو كاتسنا سير لخدمتك
ايات-بلاتي اجعفر ماتمشيش حتا نلبس الكسوة وتعطيني رئيك
جعفر-(تبسم)واخا امادموزيل
ارسلان-مادموزيل هاديك راها مادام ....
ايات-متعجرف....
ارسلان-قلتي شي حاجا
ايات-ماهضرتش معاك (دخلت للحمام وسدت الباب)
ارسلان-شنو مازال كادير نتا هنا
جعفر -كانتسنا المادام تخرج باش نعطيها رئي فالكسوة
ارسلان- لاء كملات ....من قبيلة وانا صابر ليك ومابغيتيش تحشم ....سير لخدمتك يالاه
جعفر-(حنا راسو) سمحلي اسيدي(وخرج)
ايات-(خارجا كاتقاد فالكسوة ) فين مشا جعفر...
ارسلان-مشا لخدمتو ...
ايات-بلاما يعطيني رئيو فالكسوة
ارسلان- كون غير لبستي ديك الكحلة حسن من هادي ومستورة
ايات-(غير ضد فيه)وانا عجبتني هادي...يالاه
ارسلان- هبطيها شي شوية ولا لبسي شي سروال من التحت
ايات-(ضارت لعندو)سروااااال ههههههههه لاء كملتيها (كلست كادير الماكياج)
ارسلان-شنو داكشي حمر بزاااف نقصي منو
ايات-(ضارت عندو بنفاد صبر)اشنو بانليك ديرلي نتا لماكياج...
ارسلان-غير نصحتك وصافي...
ايات- ههههه فكرتيني فديك صفريطا دناريمان
ارسلان- نقصي شوية راه شفايفك غايبانو على بعد اميال ....
ايات-وداكشي لي بغيت حتى انا ... فنضارك غادي نعجب جعفر
ارسلان-(بنفاد صبر) صبر ياربي صبر ....
سالات الماكياج وصاوبت شعرها وطلقاتو جات كاتحممممق....وجات تلبس الكعب
ارسلان-ماشي عالي بزاف داك طالون
ارسلان-بحرا نتقاد معاك فطول ....قولي واش مكاتعرفش شي حاجا من غير الانتقاد...
ارسلان- لا مكانعرفش لي على قلبي على لساني....

ايات-سبحان الله .يخلق ما يشاء...
ارسلان-جبد علبة من جيبو.... هاكي
ايات-شنو هادا ....
اارسلان-خاتم ديال زواج حيدي ديال ادم ولبسي هدا ديالي ....
ايات- ( عينيها تغرغرو بدموع ) واخا لي بغيتي
ارسلان- (شافها غاتبكي ودارلها الخاطر) الى بغيتي تخليه غير خليه ماشي مشكل
ايات-لا مكاين لاش نبقا لابساه وزايدون الخاتم ديالك حسن من ديالو ...
ارسلان-(قرب منها)خليني نلبسو ليك
ايات-لي بغيتي(مدتليه يدها )
ارسلان- (دخلو فصبعها وهوا كايشوف فيها بكل حب)....بصحتك جاك زوين
ايات-شكرا كولو من دوقك واخا جاني مرخوف شوية...مي ماعليش...
ارسلان-الى بغيتي نبدلو ليك...
ايات-لا مكاين لاش عجبني هادا ....غير خليه يالاه نمشيو
ارسلان-واها يالاه

***في مخفر الشرطة****

سفيان- اصونات عليا البارح وقطعات وفاش صونيت عليها طفات التلفون
عدنان-مهما انها صونات الا واهوا كاتفكر بعقلها...
سفيان-هي الحل الوحيد لي عندنا باينا فيها بنت مزيانا
عدنان- وباش عرفتيها
سفيان-درت عليها بحت هاك شوف(عطاه الميلف)
عدنان-(حل الميلف وكايشوف) اممممم شحال زوينااااا
سفيان- واش انا عطيتك تشوف الملف ولا تتغزل فالبت..
عدنان-هههههه شفتي شعرها شحال زوين ياسلاااام
سفيان-كايبانلي نتاصل بالمدام تجي تسمع
عدنان-ههههههه غير كانضحك....كولي عاشت فاترة فالخيرية اممممم عجيييييب
سفيان-شنو هوا لي عجيب
عدنان-عاشت فنفس الخيرية لي عاش فيها مسيو ارسلان...
سفيان- يمكن غير صدفة
عدنان- لقضية مافيهاش صدفة بجوج بيهم تخطفو فضروف غامضة وبجوج بيهم ترباو فنفس الخيربة فنضرك هادي صدفة ...
سفيان- زعما لي خطفهوم شخص واحد
عدنان-ممكن
سفيان-لا مكانضنش فتقرير مدكور انها لقاوها مليوحا فوسط الماء يعني لي لاحها كان باغيها تموت...
عدنان-ولي مابغاش يتفهملي ...علاش خطفو غير البنت صغيرة والبنت لكبيرة ماخطفوهاش
سفيان-ببساطة البنت لكبيرة ماشي بنت الكابوني...
عدنان-مايمكنش
سفيان-البنت لكبيرة هي بنت الحاج مصطفى يعني اخت مراد
عدنان- واو واو واو واو بشاااااااخ هادشي كايزيد ويتعقد.....ومنين عرفتي نتا هاد لمعلومة
سفيان-(دار رجل على رجل وبكل غرور)حكرتيني ولا شنو عندي مصادري الخاصة كايطلعولي لمعلومة من تحت الارض...
عدنان-نخافو منك ياصاحبي
سفيان-ههههههههه خاف عليا ماشي مني حيت شي نهار غادي يصفوهالي هههههههه

وصلو ايات وارسلان للحدا الفيلة او متزال مادخلو وماعارفينش اشنو كايستناهوم لداخل
ارسلان- مستعدة...
ايات-انا خايفا بزاف
ارسلان-ماعندك مناش تخافي الواليد انسان متفهم وغادي يرحب بيك
ايات-وليت كانتشائم ندخل لشي دار
ارسلان-انا معاك ماتخافيش
ايات-(غمضت عينيها) اللهم لا سهلا الى ما جعلته سهلا وانت تجعل الحزن اذا شئت سهلا....يالاه بسم الله....
ارسلان-ههههه كاتحسسيني بحالي داخلين ندوزو شي امتحان
ايات-بالنسبة ليا راه كتر من امتحان ....
ارسلان-علاش ديما كاترفضي تجي معايا لدار واش خايفا من شي حاجا
ايات -هاه لا حتى حجا
ارسلان-ادن ضحكيي شوية وماتبقايش معبسة
ايات-(بتاسمت) عند الحق...
ارسلان-(تبسم ليها وكلاكصونا على العساس باش يحل الباب ... اياااات مالكي
ايات-قلبي كايضرب بجهد
ارسلان-راحنا ماداخلينش للحرب ايات...
ايات-صافي شوف الباب تحلات يالاه زيد....
ارسلان-صافي واخا تهدني مايكون غير الخير

دخلو بجوج ونزلو من سيارة وشدلها فيدها
ايات- غير طلق مني غادي نمشي بوحدي
ارسلان-خليني نشد فيك خصنا نقنعوهوم اننا مزوجين ديال بصح....
ايات-هاه ...صافي واخا
ارسلان-(تسك بيها مزيان ودخلو وتما كانت الصدمة) العفووووو.... السلام عليكم
الجميع--وعليكم السلام
نعيمة-على سلامتك اولدي
ارسلان-الله يسلمك...(ايات مزيراليه على يديه)ايات ماتخافيش...
ايات-يا قلتيلي غير بباك لي ساكن معاك ....
ارسلان- (جرها من يدها ) نعرفك هادي عمتي نعيمة وهادي بنتها نهال....
ايات-(سلمت عليهم) تشرفت بمعرفتكوم
نهال-(طلعت وهبطت فيها)... وحنا اسعد بمعريفتك....
ارسلان-وهادا هوا الواليد الحاج بوشتا...
ايات-باستليه يديه.... تشرفت بمعرفتك
سي بوشتا-(وقف وكايشوف فيها ويمعن ) سبحاااان الله....
ارسلان-علاش الواليد
سي بوشتا-الخالق الناطق ....سبحان الله يخلق من الشبه اربعين...
ايات-واش تشبهتليك مع شي حد اعمي
سي بوشتا-كلسي ابنتي ماتبقايش واقفا...
ايات -(كلست)شكرا اعمي...
سي بوشتا- تشابهتيلي مع واحد صاحبي الله يرحمو مسكين
نهال-ههههههههههههه هاد الجمال كلو شبهتيه لصاحبك لاااا اخال هادي راها اهانة للبنت مسكينة هههههههه
سي بوشتا- (خنزر فيها)ونتي لمن كاتشبهي
نهال-كايقولولي كانشبه لبابا حبيبي
سي بوشتا- توت توت توت هادي اهانة لراسك كاتشبهي راسك لراجل لاء و داك بو شلاغم ديال باك خايبا حتا لتعاويدا
ارسلان-هههعههههههههههههه خصك غير تغلاضي وتولي النصخة الطبق الاصل ديالو...سبحان الله ...ههههههههههه
نهال-(طلع فيها الحال) حشومة عليك اارسلان....

اما ايات فهمات سي بوشتا وعرفاتو كايهضر على بباها الكابوني ودارت راسها مافاهماش

ايات-كيف ما قلتي يخلق من الشبه اربعين....
سي بوشتا- عند الحق ...مرحبا بيك مرا اخرى ابنتي
ايات-الله يبارك فيك
ارسلان-عمتي فوقتاش جيتو
نعيمة-نهار لي هرب على عروستك لعريس ....

ضرب البرق فدار من ديك الجملة حشيان الهضرة بالعلالي...الله يهدي ماخلق...
ارسلان- عمتي انا لي خطفتها لعريسها ماشي هوا لي هرب عليها ....
نعيمة- هادو ماشي فعايل ولاد الناس حتى داك ادم كان كايبان مزيان وضريف ويطلع منو هاد لفعايل
ارسلان- عمتي ماشي وقت هاد الهضرة الله يخليك
نعيمة-(كاتبكي بدموع التماسيح) وانا لي كونت كانحلم نحضر فعرسك كيفاش طاوعك قلبك دير فينا هاكا هئ هئ هئ
سي بوشتا-نعيمة ماتزيديش فيه وزايدون هوا ماتزوح حتى خدا موافقتي ... وانا راضي على هاد زواج فين عندك نتي المشكل
نعيمة-هئ هئ انا غير بقا فيا الحال وصافي كانعتابرو كتر من ولدي ... وبغيت نحضو فعرسو
سي بوشتا- وحتى انا ماغانبخلش على ولدي وغانديرليه احسن عرس فالمغرب غير هني راسك نتي ....
نهال- هههه ايوا هوا دار لعرس وتزوجها دابا خصك تحضرليه لاحسن سبوع فالمغرب ...
ارسلان- شوفي فيا نتي....(قاطعو سي بوشتا)
سي بوشتا-رقياااا ....رقيااا
رقية-(جات كاتجري)نعام اسيدي
سي بوشتا-(شاف فابات وتبسم) طلعي بنتي ايات او وريها بيتها غادي تكون عيات وخصها ترتاح...ياك ابنتي
ايات-(لقات سبة باش تخرج من حداهوم )اه اعمي حتى انا بغيت نرتاح شوية...
نعيمة-تفضلي معايا الالة نوريك بيتك
ايات-واخا شكرا (مشاو بجوج وطلعو)
بوشتا -تبعني للمكتب يغيت نهضر معاك
ارسلان-(دخل وسد الباب) شنو كايديرو هادو هنا ....
سي بوشتا- هاديك راها عمتك وختي تجي فوق مابغات .....
ارسلان- غير مايديروش لمشاكيل ويكلسو شحال مابغاو...
سي بوشتا- قبيلة مابغيتش نهضر حدا البنت ...بغيت شي تفسير على هادشي لي درتي
ارسلان- شنو درت الوليد
سي بوشتا-تزوجتي بخطيب صاحبك وفنهار العرس مبلا خباري هي انا رئي ماعندو اهمية...
ارسلان-كانبغيها الواليد
سي بوشتا-كاتبغيهاااا....وهي كيف دارت قبلات تتزوج بهاد الطريقة ...
ارسلان- على قبل لهضرة ديال الناس
سي بوشتا- خايف لا تعدب ورا هاد زواج كون كانت كاتبغيك كون ختارتك نتا ماشي ادم
ارسلان-هي دابا راها ختارتني انا
سي بوشتا-حيت تحطات امان الامر الواقع وماشي بارادتها
ارسلان-لا بأرادتها
سي بوشتا-ماتكدبش انا راني كونت حاضر فالعرس وشفتك ونتا جارها وهي كاتبكي
ارسلان-غادي تولي تبغيني مع الوقت
سي بوشتا -مكانضنش....هدا لاش فسختي خطوبتك من اسماء بسبب هاد البنت ياك
ارسلان-لارد
سي بوشتا-.جاوبني مالك ساكت...
ارسلان- شوووو سكت ....(حل الباب)
نيهال-(كانت غاطيح مين حل الباب)ااااه ...كككونت دايزا من هنا اووو
نعيمة - اجي لهنا المسخوطة ..... اااا ولدي ارسلان انا لي سخرتها ....ههههههه خليتلكوم الراحة ...زيدي قدامي(جرتها ومشات) ياك قولتلك ماديريش الحس هاهوا عاق بيك
نيهال-وانا كونت غير واقفا وكانتصنت مادرت حتى شي حركة .....
نعيمة-شفتي يالمنحوسة منين نتي منين ها هوا الراجل طار من يديك ...قولنا فسخ الخطوبة ورتاحينا من ديك سليحفانا وهاهي هادي ماعرفت منين خرجتلنا عاوتاني...
نيهال-ايوا صافي تزوج الله يعاونو
نعيمة-اويلي على هاد البنت اويلي واش نندب انا لمن خرجتي لمن .... علاش ماخرجتيش كاتشبهيلي يانا شنو غاندير فيك
نيهال-ماما ماتغوتيش عليا انا مادرت والو ياك كلتيلي نتصنت عليهم ومشيت شنو بغيتي عاود ديما نكير قهرتيني
نعيمة-اويلي على غدايدي ياويلي (قرصتها) هادوك جوج خاصهوم يتفرقو ونتي لي غاتكوني مرتو كاتفهمي ....
نيهال-ااااه هي هي...
نعيمة-كاتبكي يبكيو عليك انشاء الله .....شوفي سمعيني خاصنا نديرو المستحييييل باش نفرقوهوم
نيهال-صافي صافي واخا غير ماتقرصيش
نعيمة-يخليك بالخلى (شافت رقية واقفو وكاتشوف)شنو كاديري نتي هنا تحركي سيري لخدمتك يالاه
نعيمة-واخا الالة
ارسلان-(شد الباب) خلينا نأجلو هاد الهضرة حتى يمشيو هادو .... وكانترجاك تتعامل مع البنت مزيان
سي بوشتا- شكون ديك البنت ومنين اصلها ....
ارسلان-من بعد ونهضرو فهاد الموضوع ....(خرج وسد الباب ... )

رقية -(دخلت للمطبخ)كون سمعتي لي سمعت واناااري غاتنوض حرب فهاد الفيلة
مي عيشة- (كاتنقي الروز)مازال مابغيتي تدخلي سوق راسك اسليحفانا .... مقابلالي غير تبركيك
رقية- مي عيشاااا حرام عليك ....ايوا غير سمعيني بعداا.... لعروسة ديال سي ارسلان كايبانلي غاتعاني مع هاد شيطانات نعيمة وبنتها
مي عيشة-ااممم او باش عرفتيها نتي
رقية- سمعتهوم كايهضرو عليها وكايتافقو باش يفرقوهوم حيت مدام نعيمة باغيا تزوج بنتها بسي ارسلان والله حتى سمعتها بودنيا لي غاياكلهوم دود
مي عيشة-ايوا الله يعفو عليك يا بنيتي ....
رقية-امييين ...ولاكن مناش..

مي عيشة- (هبطت نضاضرها وشافت فيها)من تبركيك
رقية -ياااااك امي عيشة ايوا انا لي حمقا وكانعاودليك لي كايجرا (خرجت زعفانا)
با علال-(طباخ لكبير) ههههههههههه كاتعجبيني فيها ...
مي عيشة-واه زادت فيه بهاد لمرض ديال تبركيك ....
با علال-ههههههههههه الله يعفو وخلاص ......
ايات-(تلفونها كايصوني) ديالمن هاد نمرة...(جاوبت)الو ...
سفيان- مدام ايات...
ايات-وي شكون معايا
سفيان-نتي لي صونيتي عليا البارح
ايات-(عرفاتو المحقق سفيان)انا لا اسيدي راك غالط فنمرة...(قطعت عليه)
سفيان-قطعات...
عدنان-رجع صوني عليها حتى تجاوبك
سفيان- هاهوا كايصوني .....قطعااات عاود ....
عدنان- خايفا وقيلة... غير خليلها شوية دلوقت هي غاتولي تعيط...

ارسلان-ايات ...معامن كنتي كاتهضري
ايات-هاه ..لا مع تاواحد غير شادا تلفون فيدي وصافي ....
ارسلان-اه مزيان (دار يديه فجيابو)كيف جاتك الغرفة...
ايات-زوينة وكبيرة بزاف ..... هادي غرفتك ياك
ارسلان-اه ديالي مزيان منين عجباتك ....غادي نعيط لرقية ترتب لحوايج فالماريو ....
ايات-لا مكاين لاش انا غانرتبهوم ....
ارسلان- واخا لي بغيتي...
ايات-ارسلان.... الغرفة فيها سرير واحد
ارسلان- ام ماعليش ....انا غانعس فالارض
ايات-لا مكاين لاش انا لي غانعس فالارض داك نهار نعستي فالارض وبايت كاتقلب ...
ارسلان- صراحتا تعدبت داك نهار هههه
ايات- ادن نقصمو سرير
ارسلان-(عجباتو الفكرة) ههههه او كيف غانقصموه
ايات-بالخدادي ..... بحال واحد النهار مشينا انا وادم لواحد الاوطيل او......
ارسلان-(تنهد)مازال مابغيتي تنساي .....
ايات-(كلست على سرير وبغا تبدل الموضوع) اممم.... بانولي عائلتك ماحملونيش ....
ارسلان-مايهموكش هادرك سيمانا ويمشيو... بحالهوم ....ماتديهاش فيهم وماتعطيهمش الوقت
ايات- داكشي اصلا ولفت الاهانات....
ارسلان-ماتقوليش هاكا بلعكس ...الى قصحاتك شي هضرة ردي عليهم وماتسكتيلهمش باش يعرفو راسهم معامن...
ايات-هههههههه ضحكتيني قبيلة منين قلتي لديك نهال خصك غير تغلاضي وتولي بحالو
ارسلان-هههههههههه ماتحملتش هضرتها .... كاتستهزء بيك قدامي...
ايات-ههههههه وتنا وليتي المحامي ديالي ...
ارسلان-هههههههههه خلي شي واحد يحل فمو عليك وتشوفي شغاندير فيه ....
ايات-لهلا يخطيك عليا اخويا...
ارسلان-عااااوتاني خوك...لعفووووو
ايات-ههههههههه (دقان فالباب)
ارسلان(حل الباب) شنو بغيتي
رقية-لغدا واجد اسيدي ....
ارسلان- صافي سيري نتي شوية ونهبطو.....يالاه نهبطو نتغداو...
ايات-واخا نبدل حوايجي ونجي
ارسلان-واخا ....انا غادي نسبقك (بتاسملها وخرج)
رقية-ارسلان كتر من ولدي وكان عليه يعبرنا ويتشاور معانا ماشي غير يشد بنت ماعرفت منين اصلها ويتزوج بيها بلا خبارنا
سي بوشتا- صافي سكتي غايسمعك.....
ارسلان- راني سمعتك ......
رقية-هاه ولدي حبيبي اجي كلس حايا ...
ارسلان- (كلس)رقية ...رقية
رقية - نعام اسيدي
ارسلان-فين مي عيشة كاع ماشفتهاش
رقية-راها فالكوزينة قالتلي ضارينها ركابيها ..مسكينة شرفت وعيات...
مي عيشة- نتي هي شارفا اسليحفانا ......
ارسلان-ههههههههه (ناض وباسلها رايها)مي عيشة دييما شباب
مي عيشة-الله يحفضك اولدي .....شوفي وتصنتي وتعلمي تهضري ...
رقية علاش انا شنو قولت ....
مي عيشة-بدلي ساعة باخرى سيري شوفي الكوزينا شنو خاصها....
رقية-حرت معاك امي عيشا لي درتو مكايعجبك(مشات وكاتنكر)
مي عيشة- ايوا لا حولة ...ولدي سمعت بلي تزوجتي ...
ارسلان-اه امي عيشة ماغاتباركيليش ....
مي عيشة- الله يكمل بالخير اولدي واخا عندي عتاب بسيط حيت ماعرفتينيش عليها من قبل
ارسلان-كولشي جا على غفلة الميمة دعي معايا اميمتي .....
مي عيشة-الله يكمل عليك بالخير والله يرزقك الدرية الصالحة والله يطول ليا فعمري حتى نشوف وليداتك كايجريو بين رجلينا ههههه
ارسلان-هههههه امييين ياربي من فمك لباب سماء
ايات-(دخلت عليهم)سلام عليكم
مي عيشة-(تبسمة منين شافتها) هادي هي بنتي لغزالة تبارك الله ماشاء الله ....
ايات-(فرحت من قلبها) شكرا بزاف
ارسلان- حياتي هادي هي مي عيشية فمتابة الام ديالي وكانعزها بزاف
ايات-(باستلها يدها) الى كانت فمتابت الام ديالك فهيا غادي تكون الام ديالي حتا انا
مي عيشة-(عنقتها)الله يحفضكم ليا يا وليداتي والله يفرحني بيكم نتي راكي غاتكوني كتر من بنتي غانحطك فعينيا ونتمنا نهار نشوفك حاملة بحفيدي انشاء الله ....
ايات-(شافت فارسلان) انشاء الله امي عيشة
نيهال -اوووف مليت من هاد المسلسل التركي
نعيمة-مابقا والو وغانديرولو النهاية.... غير بلاتي عليهم....
مي عيشة -كلسي ابنتي تتغداي
ايات-شكرا (وكلست شافت فنعيمة وبنتها كايشوفو فيها وماداتهاش فيهم)
سي بوشتا-مرحبا بيك ابنتي كولي راكي فدارك دابا
ايات-الله يبارك فيك شكرا بزاف اعمي....
نعيمة-ايوا خصنا نشوفو حداكت يديك وطيبيلنا شي شهيوا من دوك صبات......

نعيمة-ايوا خصنا نشوفو حداكت يديك وطيبيلنا شي شهيوا من دوك صبيعات اعروستنا جديدة هادو هوما تقاليدنا ...حنا فاسا
ارسلان- (عنقها) انا مرتي حادكة وكاتعرف طيب تبارك الله عليها
ايات-(بصوت خافت)ماشي حتى لهاد الدرجة
ارسلان--شوووو ....ههههههههه
مي عيشة-وحتى الى ماعرفت طيب انا نعلمها الالة نعيمة
نعيمة-هههههههه اه ضروري
مي عيشة-مازال غاتشوفي باك علال حتا هوا الله يعمرها دار ضريف وغايعجبك
ايات- انشاء الله امي عيشة
مي عيشة-كولي ابنتي ماتحشميش كول اولدي ارسلان ماتحشموش .....
نيهال-وحنا ماتعرضيش علينا مانستاهلوش ولا شنو
مي عيشة-(ماحاملاهاش)الضيف حدو تلتيام نتي راكي مولات دار دابا
نعيمة -ااه اكيد طبعا ......امم كولي ليا ابنتي بنتمن نتي ومنين اصلك
ايات-(غمزها ارسلان باش ماتجاوبش) ااااام انا ماما ماتت الله يرحمها وبابا عندو شركة ديال الكيران واصلي من فاس هنا تزاديت وتربيت .....
نعيمة- امم مزيان او واليديك وافقو على هاد زواج ماقالو والو
ارسلان-اه وافقو وفرحو وعجبهوم الحال .....
سي بوشتا - نعيمة تغداي بقيتي غير كاتهضري وشي ماكلة ماكليتي ....
نعيمة-ايوا مانتعرفش على مرت ولدي
نهال-وشنو هوا مستواكي الدراسي
ارسلان-ايات خدات الباك بمونسيون وغادي تكمل قرايتها انشاء الله
نهال-اااام مزيان ....واحد سي ادم مابقينا شفناه ياكما تخاصمتو عليها
سي بوشتا-كولي انهال كولي سربي وباراكا من الهضرة بزاف...
ايات-انا شبعت الحمد لله بصحتكوم وراحتكوم
سي بوشتا-بصحتك ابنتي ماكليتي والو
ايات-الله يعطيك الصحة اعمي لي قديت عليه كليتو الله يخلف ويجعل الباراكا
نعيمة-ويلي وشحال فيها دصوااااب ...تعلمي منها انهال تعلميييي...
نهال- (كاتعوج فمها)داكشي ولا اووووفر ... ومايصلاحش فهاد الوقت
سي بوشتا- سمعي كلامي يا هاد البنت يمكن تفهميه .. وتعلمي كيف تكون الزوجة الصالحة...»
يــا مــن يـريـــد زوجـــة صــالـحــة :-: دعني أعطيك صفاتها في معانٍ واضحة

تكــون لـك علـى درب الحيـاة صاحبة :-: أميـنـــة على مالــك و لبيتـك حـافظــة

إذا نظرت إليهــا فابتسامتهــا ساحرة :-: لكــلّ هــمّ وغــمّ بــك لهمـــا شــافية

إذا سألتني عن أخلاقها فهي طاهرة :-: ذاكـــرة، لنعـــم الله تعالـــى شـــاكــــرة

بحجـابهـــا جميلـــة وبحيائهـــا نبيلــة :-: إذا سألتنــي عنـها قـلـت صادقة عفيفة

إذا أصـابتـك محنة كانت لك مواسيـة :-: فهـذا قضــاء و قـدر اللـّـه بــه راضيـة

إذا أمــرتـهــا فهــي لـــك طـــائــعــــة :-: وإذا ذكرتك في مجلس كانت لك مادحـة

إذا مــرضــت أصبحــت وأمسـت باكية :-: في اواخر الليــالي تدعــو لك بالعافيـــة

إذا إستشـرتهــا كـانــت لـك ناصحـة :-: وكيــف لا وهـــي الزوجــة الصــالحــة
ارسلان-الللللللله عليك يالواليد ....
سي بوشتا- ايوا سمعتيني يانهال الجمال ماشي هوا كلشي المرا هي صواب وتكون حامدا الله وشاكراه على نعمتو ....
نعيمة-لا لا حتى بنتي فيها صواب تبارك الله عليها غير مكاتبغيش تبين وصافي...
مي عيشة - طلعي ابنتي ترتاحي انا غانجي معاك غاتكوني عيتي .....
ايات-بصح امي عيشة عيت بزاف ...( طلعو هي وياها للغرفة)
مي عيشة- كيف جاك البيت كون يحسابني غاتجيو اليوم كون مالقيتوهش هاكا
ايات- لا حتا هكا زوين وكبير بزاف
مي عيشة-دوق ديال الرجال ماشي هوا ضوق لبنات مع الوقت الى طلعليك فالراس نبدلوه
ايات-هههه انشاء الله ....
مي عيشة-كاتبانيلي حزييينة يابنتي ومهموما
ايات-لاء امي عيشة غير كايبانلك غير لعيا لي مخليني هاكا يمكن الى نعست ورتاحيت غادي نكون حسن.....
مي عيشة-(تنهدت) يكون خير ابنتي ماتخمميش بزاف ونوصيك وصية ام لبنتها تهلاي فراجلك فلباسو وفكرشو وحتى ففراشو .... الى بغيتي تكوني فرحانا فحياتك .....
ارسلان-(دخل عليهم وباسلها راسها وعنق ايات )الله يخليك لينا اميمتي ....وكاتوصي مرتي عليا
مي عيشة-ضاروري يا ولدي نوصيكم بجوج تهلاو فبعضياتكوم وماتخليوش الشياطين يدخلو بيناتكوم راه كايتسناو غير الفرصة
ارسلان-داكشي لي كاين اميمتي
مي عيشة- خلياتلكوم الراحة نمشي نشوف ديك لعوجة درقية غاتكون قلبات ديك الكوزينة
جاوبو بوجوج- بسلاما...

نوصف ليكم مي عيشة ... واحد دبدوبة قصيورة ههههههه وبيضة بزاف وتكون عندها 60عام كادير الحجاب بحالها بحال اي مرا مغربية وهي رئيسة الخدم كولشي كايتشاور معاها قبل مايدير اي حاجا... ضريفا بزاف وماعندهاااش مع نعيمة وبنتها نهال ..طيبة القلب وكاتعتابر ارسلان ولدها لي ماولاداتوش من كرشها...

****في فيلة مراد-****
مراد -نعول عليك ادكتور
دكتور- غير عول عليا انا حدمتي نقية غادي نخليه ينسا شي وحدا سميتها ايات وكانها عمرها كانت فحياتو
مراد-وكيف غادير ليها ادكتور كاينا شي طريقة
دكتور- التنويم المغناطيسي هوا الحل غادي ندخليه فعقلو غير الاشياء لي باغيها نتا...
مراد-بغيتو يولي يكره ارسلان وعائلتو ......كره شديد...

يتبع