اللقيطة الجزء الثامن

با علال-(علا راسو) اهلا هلا هلا .... ولدي لي مكانش نوجدوه
ارسلان-لهلا يخطيك ابا علال ..هادي مرتي ايات
با علال- مرحبا والف مرحبا بمولات دار صغيرة ....الله يكمل بالخير اولدي
ايات-(سلمت عليه) تشرفت بيك...
با علال- تفضلي كلسي شنو تشربي
ابات- مابغيت حتى حاجا عاد تغدينا اعمي
با علال- مايمكنش دخلي لعندي لكوزينتي ومانضيكش شي حاجا
مي عيشة-(دخلت عندهوم) كوزينتك اعلال كوزينتك بوحدك
با علال- نتي هي كولشي فهاد الدار وكلشي ديالك الا لكوزينة ...دياااالي
ارسلان- هههههههههههه شفتي هادو هوما لي منشطيني فهاد الدار....
ايات-ههههههههههههههههه

اجي نوصف ليكم با عباس ...طويل وغليض وقرع بشرتو بيضاء وملامحو فاسية وكايهضر بالراء مكايحمللللش لي يعيطليه لقرع وكايحمااااق على مي عيشة ولاكن هي معاطياهش الوقت دافعا عليه كبييير وكاتفشش..ههههههههه

ارسلان -اجي معايا هادو مكايشاليوش الهضرة
ايات-بسلاما عليكم...

بقاو كايتمش فالفيلة وراها كاع لبيوت وصالونات والفيلة ماشاء الله كبييرة ...حتى وصلو للمكتب

ارسلان-وهادا المكتب ديال الدار
ايات-وااااو (كاتشوف فاصور وديكورات لي فالمكتب حتى وصلت لواحد الصورة)
سي بوشتا-(دخل عندهوم) عجباتك الدار
ايات-(شافت فيه وبتاسمت)زوينة بزا وكبيرة...هادو صورك فاش كنتي صغير
سي بوشتا-(وقف حداها) اه صوري فايام الشباب هدا لي على ليمن انا ولي على ليسر اعز صديق كان عندي وتوفا الله يرحمو ...وهوا لي قلتليك كايشبهليك...
ايات-(قلبها بدا يضرب) الله يرحمو
ارسلان-قرب ليهم....عندك الحق الواليد كايشبه ليها بزاف .... شنو كانت سميتو ماعقلتش
سي بوشتا- سميتو محمد الكابوني... اعز صديق الله يرحمو...
ايات- (ضرب البرق فودنيها منين سمعت سميت الاب ديالها وصورتو وكاتقول فنفسها)اعز صديق....قتلتيه وكاتقول اعز صديق حرمتيني من بايا وكاتقول اعز صديق غدرتي بيه وبعتيه لاعدائو وكاتقول اعز صديق.... نتا هوا سبب فعدابي مين حليت عيني قتلتيه وشردتيني...الحقير وكاتقول اعز صديق .... غادي ننتاقم منك شر نتقام ....غير صبر عليا ....اسي بوشتا)...
ارسلان- حياتي مالكي فين ساهيا
ايات-هاه والو غير كانشوف فصورة عجبتني
سي بوشتا- نخليكم عندي شي شغال(خرج وسد الباب)
ارسلان-مالكي اايات شفتك صفاريتي ....كلسي هنا رتاحي...
ايات- علاش نتا ولدو ...
ارسلان-كيفااش..
ايات-مكاتشبهلوش نهائياا....
ارسلان-علامن كاتهضري...
ايات-باباك ....
ارسلان-اااه هههههه فعلا مكانتشابهوش ...

****في اليل****
كالسين فاجردة امام المسبح...
نعيمة-شنو بانليك فهاد الفكرة
نهال-(مكونكطيا فالواتساب) ها شنو قلتي...
نعيمة- اويييييلي ومعامن اناااا ....شنو قلت قبيلة
نهال- وباش غانعرف انا ....
نعيمة-يعطيك موصيبة تصيبك....
نهال- الله يحفضنييي...
نعيمة-راه نتي لي غاتزرجيه ماشي انا نتي لي خصك تخططي...
نهال- نتي ماكانهمكش انا نتي باغيا غير لفلوس ديالو
نعيمة-لا ابنتي حتى نتي كاتهميني...
نهال-كون كنت كانهمك كون خليتيني انا نختار بمن نتزوج واخا يكون حتى سعاي...
نعيمة-(ضربت على فخاضها)سعاااااي ايوا صاااااافي كاع هاد تمارة لي ضربت عليك وصهير لي صهرتو وشحال رضعت فيك حتى طيحت النصف من وزني ونعطيك لسعاي ...هادي هي لي عمرها تكون
نهال-شفتي شنو قلتلك ....غير لفلوس لي هامينك
نعيمة-علاع نتي مكايهموكش لفلوس ها قولي كون مكانو لفلوس ديال خالك كانت غاتكون عندك سيارة هاه ....كنتي غاتصافري وضوري فالعاام من بلاد لبلاد ..هاه ...كونتي غاتقراي فاحسن جاميعة هاه ...قولي... باش عايشا نتي دابا ماشي بلفلوس
نهال-اه عند الحق لفلوس هي كولشي ....
نعيمة-(قربت ليها) ايوا هاكاك نهار يموت خالك والله لاشدينا شي ريال من داك زقرام ديال ولدو هدا لاش خاصك تتزوجي بيه....باش مانتحرنوش من فلوسو...فهمتيني دابا
نهال -اه فهمت

اما ايات هبطت كاتسسل حتى دخلت للمكتب
ايات-(جبدت تلفون وصورة الصورة لي فيها بباها...) يعلم الله ابابا الهضرة لي كالولي عليك واش بصح ولا حتى نتا كونتي غير ضحية لمكرهوم ولجبروتهوم ... مامتيقاش ان هاد الوجه البرئ قادر يرتاكب كل هاد الجرائم المنسوبة ليه ....الله يحيني حتى نعرف الحقيقة كلها وكانتمنا تكون غير مضلوم وتمسح الصورة الخايبة لي رسمتهالك فدماغي ....(ضارت وشافت الخزنة لي محطوطة جنب المكتب...) مستحيل يكون حاط شي حاجا فهاد الخزنة ....
سي بوشتا-(دخل عليها) بنتي شنو كاديري هنا...
ايات-تفافات....هاه ااااا ...كونت كانشوف فهاد الصورة ...
سي بوشتا- (وقف حداها وكايشوف فالصورة) شحال دوزنا انا وياه ....ايييييه ياليام ...ليتها تعود يوما...
ايات-عاودلي عليه شوية
سي بوشتا- كان راجل مهياب والكل كايخاف منو ....بسبب قوتو ...وكان كايبغي الخير لناس ...كايكره الضلم ....
ايات-واش مات ...
سي بوشتا- مات مقتول مسكين.....انا مازال كانلوم فراسي وكانعتابر راسي السبب فوفاتو وماعمري نسامح لنفسي كون ماتعطلتش غير شوية كان غايكون عايش...

سي بوشتا- مات مقتول مسكين.....انا مازال كانلوم فراسي وكانعتابر راسي السبب فوفاتو وماعمري نسامح لنفسي كون ماتعطلتش غير شوية كان غايكون عايش...رهدا لاش شبهتو ليك فاش شفتك...
ايات- وخلا شي وليدات يترحمو عليه
سي بوشتا- اه خلا مرتو حاملة فاش توفا مسكين...وحتى بنتو مالحقش يشوفها
ايات- عندو غير بنت وحدا
سي بوشتا-اه غير بنت وحدا ....
ايات-قالت فنفسها ....ادن مريم غير كدبت عليا وماشي ختي .... مابقيت فاهما وااالو...
سي بوشتا-فاش سهيتي...
ايات-كانفكر فبنتو ومرتو مساكن كيف عاشو من بعد موتو
سي بوشتا- مرتو عايشا مخيرة اما بنتو مسكينة ماعندي عليها حتى شي معلومة ....
ايات-كانتمنا تكون عاشت مزيان....
سي بوشتا-(شاف فيها وتبسمم)كانتمناا...كيف كايجيك ولدي ا سلان....
ايات-ضريف الله يعمرها دار اولد الناس ...
سي بوشتا-انا حضرت نهار العرس ...
ايات-(تصدمات ) بصح ماشفتكش
سي بوشتا-حتى انا كنت من المعزومين .... وشفت كولشي ....
ايات- انااا حشمانا منك
سي بوشتا-فالاول تقلقت حيت ماشاورنيش ...وفالاخر قتانعت منين شفتو متمسك بيك بديك اللهفة ... ماعمرني شفت ولدي فديك الحالة حتى شفتو نهار العرس
ايات-(تنهدت)ماعرفتش شنو غانقولك....
سي بوشتا-ماتقولي والو لانتي ولا هوا كنتو عوالين على هاد زواج ...وادم طلع ماشي راجل ...ربيتو بيدي وتكلفت بيه فاش ماتو ولديه ولاكن عمرني ربيتو كيف يضحك على بنات الناس ماعمري فرقت بينو وبين ارسلان خليتهوم يكونو صحاب وخوت وفالاخر صدمني فيه...
ايات- كل واحد يخلصو الله ....وارسلان مسكين دار فيا خير وماخلاش الناس تشمت فيا واخا ماعرفت شنو ندير ماغانقدرش نردليه الخير لي دار معايا
سي بوشتا- ارسلان كايبغيك بزااف ...وحبو ليك هوا لي خلاه يدير بحال هكا كون كانت شي وحداخرا فبلاصتك مكانت غاتهز فيه حتى شعرة ....
ايات-(حشمات) لارد
سي بوشتا- ونتي شنو كاتحسي من جيهتو
ايات- هاه ....ااااا...كانبغيه
سي بوشتا-(ضحك) مكاتعرفيش تكدبي عينيك فاضحينك ...
ايات-لا رد
سي بوشتا- كانتمنا تبادليه نفس الشعور مع الوقت.... (شاف فيها وضحك) انا عارف شكايدورلك فداك الراس .... كاتقولي كيفاش هاد شيباني شعرو بيض وكايفهم فالحب والرمنسية
ايات-ههههه لا والله مافكرت هاكا...
سي بوشتا- هههههه كون شفتيني كيف كنت فزماني كونا انا وصاحبي الكابوني غير كانحطو عينينا على شي بنات كانطيحوهوم من النضرة الاولى ههههه
ايات-ههههههههههههه وراك مزال شباب
سي بوشتا-هههههههه ايييه صااافي انا ساليت داااز وقتي....
ايات- هههههههه ... قولي اعمي فين هي ام ارسلان كاع ماشفتها....
سي بوشتا-(جمع الوقفة) ماتت الله يرحمها....
ايات-الله يرحمها...
ارسلان-(دخل عندهوم) من قبيلة وانا نقلب عليك ونتي هنا...
سي بوشتا- نمشي نشوف واش واش هاد لهشا ماغايوجدش...(خرج وسد الباب) ...
ايات-علاش كنتي كاتقلب عليا...
ارسلان- امممم حيت توحشتك...
ايات-(بغات تبدل لموضوع)واحد جعفرينو مابقاش بانلي من الصبح
ارسلان- واش حنا دابا فجعفر غادي نجري عليه بسبابك....
ايات-اويلي لا عنداك ديرها
ارسلان- غادي نديرها هوا نيت راه زاد فيه ومابقاش يحشم ....
ايات-علاش شنو دار....
ارسلان- شنو دار دخل علينا وشافك ونتي لابسا بيجاما قصيرة وكلس كايتغزل فيك قدامي ولد لحرام...
ايات-ماتزيدش فييييييه انا لي قلتلو يدخل وزايدون نتا مكانش عليك تدخلني للحمام بزز مني
ارسلان-نتي لي مابغيتش وضطريت نهزك...ولاكن شي ماقضيت ... فلخر شافك
ايات- هههههههههه واناري على لمغيااار ....
ارسلان-احم من حقي نغير على ديالي
ايات-شنو هوا لي ديالك
ارسلان -نتي.....
ايات-انااااااا....
ارسلان-اه نتي ....
ايات-ممكن توريني الفاتورة لي شريتيني بيها...
ارسلان-الفاتورة .....اه الفاتورة هي عقد الزواج ....
ايات-عرفتي شنو غانديرو ...باش نقدرو نعيشو انا وياك فسلام وبلا مشاكل حتى يحين موعد الطلاق...
ارسلان-اممممم شنو غانديرو
ايات-غادي نكتبو قوانين وشروط انا نكتب دالي ونتا تكتب ديالك ونسنيو عليهم باش مانخالفوهومش... وكل واحد يحتارم القانون لي حاط الاخر....
ارسلان(بتحدي)صافي مشات .... ولاكن عنداك تولي ترغبيني نحيدو القوانين راه مانعقلش عليك..
ايات-(بتحدي) صافي مشات ....
رقية-(دقت عليهم) سي ارسلان لعشا واجد
ارسلان- صافي غير سيري..... نتعشاو ونكتبو القوانين..
ايات- صافي مشات...
خرجو من المكتب وتوجهو لصالة وكلسو يتعشاو ...ولعشا مايدوزش الى مكانش شوية ديال حشيان الهضرة من نعيمة ونهال ...
نهال- دابا نتي هي مولات الدار مانحتاجوش نعرضو عليك تاكلي
ايات-عارفا امدموزيل انا هي مولات الدار
ارسلان-(باسلها يدها)وعمارت الدار ....
نهال-(تقرصات) كاتعرفي تسوقي سيارة
ايات-اه كانعرف ....دوزت لبيرمي غير درت 16 لعام
نهال-مزيااان ايوا خصنا نديرو شي ضورة انا وياك فسيارتك
ايات- سيارتي ماجبتهاش معايا ....خليتها فلفيلة ديال بابا...

ارسلان-(كايضحك وغمزها باش تكمل على لكدوب ....)غادي نشري لمرتي احسن سيارة...
نهال-اممم مزيان
ايات-شبعت ....بصحتكوم ...
ارسلان-وحتى انا شبعت....الله يعطيك تلصحة امي عيشة...
مي عيشة-بصحتكوم اولدي....
ارسلان-(دار يديه على كتافها)...يالاه احياتي نطلعو نوتاحو...تصبحو على خير...
ايات-تصبحو على خير....
سي بوشتا ونعيمة- تصبحو على خير ...
نهال- مكاضيعش الوقت عايش اللحضة مع راسك ....
ارسلان-(كان غادي ودار) لعقبا ليك حتى نتي تتزوجي وتعيشي اللحضة...
ايات- (كاضحك بصوت خافت ومضورة وجهها....)هههه عبرتي عليها ...
ارسلان-(عنقها وزاد) حتى هي كادخل فلي مكايعنيهاش....

طلعو غير بشوية عليهم ومعنقها حيت الانضار عليهم واي غلطة غايتفرشو ...فعلا عايشين اللحضة ههههه...
ايا-صافي طلق من راه وصلنا براكا من التمتيل...
ارسلان- شووو غادي يسمعونا...
ايات-جيبلينا ورقة وستيلو
ارسلان-لاش
ايات -شنو قلنا القوانين ...
ارسلان -واش من نيتك كاهضري يحسابلي غير كاضحكي....
ايات-اشمن كانضحك اليوم عانحطو القوانين باش نقدرو نعيشو بجوج هاد المدة....
ارسلان-ههههه واخا الالة هاحنا غانشوفو هاد القوانين ولاكن بشرط ...
ايات- بدينا فشروط
ارسلان-غادي نسنسو قبل مانقراو القوانين...ولي خالف القانون غايتعاقب شر عقاب...
ايات-(بتخدي) صافي مشات
ارسلان-شدي ...(عطاها ورقة وستيلو وتلاح على النموسية )
ايات-كلست حداه وبدات تكتب....(علات عينيها شافتو كايشوف فورقتها) هااااااي شوف فورقتك
ارسلان-ههههههه شنو هاديك لي كتبتي....
ايات- (كاتخبي ورقتها)والله لاشفتيها....اااااااي
ارسلان-(كايتقاتل معاها باش يشوف فالورقة) بلاتي غير حرف ...ههههههههههههه والله حتى نشوف (شادلها يدها وليد لوخرا كاتحاول تاخد الورقة)
ايات-(نصفها لحتاني راسها ويديها فالارض ورجليها كاتفركل بيهم على الناموسية..)اااااااااااه هههههه والله لاشفتي ...والله ماتشوف ...
ارسلان-ههههههههههه ههههههه غانشووووف...
ايات-ااااه طلعني غانطييييح ماقديتش النووووض (رجليها هلى ناموسيا وراسها فالارض)
ارسلان-هههههههههه وتعطيني نشوف..
ايات-نعطيك نعطيييييك غير طلعني....
ارسلان-(جرها من يدها وطلعها) يالاه اري نشوف
ايات-والله لاشفتيه هههههههه(ناضت كاتجري فلغرفة)
ارسلان-(كايجري موراها باش يشدها)والله وشديتك ....غادي ناكلك المجريمة ...
ايات- (واقفة فوق النموسية ومنين ماجاها كاتهربلو)هههههههههههههههه الى شديتيني بعدا...ههههههههه

نعيمة-سمعتي ...سمعتي ...يالبهلة
نهال- اممم
نعيمة-فكرتي فشي خطة ...
نهال-لا ماعندي حتى خوطة ...
نعيمة- على بالي واحد الخطة ...
نهال-شنو هيا...
نعيمة- لفقيه حماد....يضربلها ضربا صحيحا عمرو يولي يشوف فيها
نهال- اويييييلي ياماما سحور
نعيمة- سكتي اللقوة غير بشوية ...
نهال-وكيف غانديرولها
نعيمة-غادي نشدو شي حاجا من حوايجها الداخلية ونديوها للفقيه حماد دقا بطلة ... يولي مايحملها ماتحملو ...
نهال-صافي ويف غانديرو ناخدولها حوايجها...
نعيمة -خليها عليا انا غانتكلف بالحوايج غادي نشوف شي طريقة باش ندخل لبيتهوم.....
ريقية-مخبيا مور الباب ديال البيت ...ويلي ويلي ويلي ويلي ....مساخط الوالديييييين
سي بوشتا-شنو كاديرو نتوما هنا...
نعيمة- هاه هههه وااو غير كنا دايزين ...تصبح على خير اخويا لعزيز
نهال-تصبح على خير اعمي...
سي يوشتا-تصبحو على خير...(جا غادي وسمع ضحك اوقف) هههههه حماقو هادو...

ايات صافي سخفتيني
ارسلان-(كاينهش)اااه ...هههههه
ايات- خلينا نساليو بلكتابة وعاد نوريك وتوريني
ارسلان-صافي واخا
كلسو بجوج بيهم كايكتبو شي نصف ساعة والجو ماخلاش من المعاكسة وضحك ...
ارسلان-انا ساليت.....
ايات-وحتى انا ...
ارسلان- عطاها ورقتو ....سني هنا
ايات-(سنات)حتا نتا سني هنا...
ارسلان-(سنا) هانتي ...طلقي ورقتك نقراها....
ايات-ارا حتا نتا...(غير شدتها وشهقت) هااا ...لاااااا ....حماقيي...
ارسلان-زيدي قراي ماشفتي والو....(شاف فلورقة وبدا يقرا)واو واو واو ....شنو هادشي....
ايات-قبلة في كل صباااااااااااح...لاء كملات...
ارسلان- ههههههههههههههه
ايات-مانهضرش مع جعفر....
ارسلان- هاااااااهاهاهاهاها...
ايات- مانفرقوش نموسية بلخدادي...
ارسلان- اييييه ....
ايات- قول لداك دماغ المنحرف لي عندك هادا راه ماقانون ...ماواااالو ...
ارسلان-سنيتي ادن طبقي
ايات-حسبي الله ونعم الوكيل...(كملة.لقرايا) ماندوزش نصف ساعة فالحمام اولا غادخل عليا ...اويييييييليييي لا لا لا هادشي بزااااف
ارسلان- احم القانون لا يحمي المغفلين ههههههه
ايات-هاا لا زدتي فيه مانخرجش بوحدي
ارسلان- اااااايه
ايات-فخبارك انا درت ضد ديال هادشي ...قرا باش تشوف
ارسلان- بشششش ممنوع دق عليا منين.نكون فالحمام...
ايات-طبعااااا
ارسلان-الناموسية غاتقصم.بلخدادي... وممنوع ازالة خدية وحدا..
ايات- ايوا شنو يحسابك
ارسلان- نخرج فين مابغيت وماشي صوقك فين...
ايات- ايوا كيدااااااا....

ارسلان - جعفر يعلمني نسوق سيارة ....خخخخخخ والله لاكانت
ايات- ها ها ها ...القانون لا يحمي المغفلين ....
ارسلان- واااااااو شحال مازال كاتبا جريدة...
ايات-شنو يحسابك...
ارسلان- دابا هاد القوانين لي دايرا نتي عكس لي داير انا ...ومايمكنش خاصنا نختارو واحد وتاني غادي يتقطع
ايات-غادي نختارو ديالي وديالك يتقطع
ارسلان-وعلاش مانختاروش ديالي وديالك يتقطع...
ايات-مستحيييل القوانين ديالك منحرفة...
ارسلان-نديرو حجرة ورقة مقص ...ولي ربح غادي يقطع الورقة للتاني...
ايات-(بتحدي)صافي مشات....

لعبو حجرة ورقة مقص المرا لولة ربح ارسلان ومارضاتش ايات وعاودو تاني وربح ارسلان .ومابغاتش وعاودو التالت وربح ارسلان ...
ايات- لاااااا نعاودوها كاتغش
ارسلان -والله لاعاودتها...
ايات- مستحيل نعسو بلا خدادي ...
ارسلان- (شد الورقة وكايقرا) القانون رقم10 ادا خالف احد الطرفين احدا القوانين يعاقب باشد العقوبات والعقوبة من اختيار المتضرر ...لي هوا انا
ايات-متضرر ...لاء كملات
ارسلان-القاوانين غادي يطبق ابتداء من اليوم مفهوووووووم....
ايات-مفهوووم....
ارسلان-هيا الى النوم...
ايات- فيا نعااااس ...(نعست على نموسية )شوف تخطا هاد الخط تلقى راسك فالارض....
اوسلان-ههههههههههه مجريمة...
ايات-انا غير حدرتك وصافي...
ارسلان- نعسي غمضي عينيك...يالاه...
ايات-عاودلي حجايا باش يطيب نعاسي...

ارسلان-واخا ....المجريمة...كَانْ يَامَاكَانْ فْقَدِيمْ الزَّمَانْ، كَانْ الْخِيرْ يْغَطّي الْمْكَانْ، كَانْ الْأعْمَى يْتَخَطَّى الْحِيطَان، وْْْكَانْ الشِّيخْ يَقْطَعْ الْوِيدَانْ وكَان الأعمَى يتخَطَّى الحيطان. وْكانت الرِّيشَة تْقْهَرْ الْمِيزَانْ، وْالْعَرْصَة كَانْتْ تْغَذِّي الْقْبِيلَة وْتزِيد الْجِيرَانْ، كَانْ وْكَانْ حَتَّى كَانْ.

وْفِي قْبِيلَة بْعِيدَة، مَاتْوَصْلْهَا إِلَى مَاعَنْدَكْ حِيلَة، كَانْتْ طْرِيقْهَا طْوِيلَة الْمُونَة تْسَالِي وْهِيَ مَاتْسَالِي.. وْالعَجِيب فْأَمْرْ هَادْ الْقْبِيلَة أنَّ كُلْ مَرَّة تَبَدَّلْ طْرِيقْهَا، اللِّي جَابْتَكْ الْيُومْ، مَاتْرَجْعَكْ غَدَّّا، وْهَادْ شِّي كُلُّو بِسْبَابْ وَاحَدْ السَّحَّارَة، كَانْ إِسْمْهَا عَقِيسَة، كَانْتْ مَالْكَة الْبْلاَدْ وْالْعْبَادْ، وْكَانْ سِحْرْهَا مَا يْفَلْتُو مَنُّو غِيرْ الشّْدَادْ.
وْكَانْتْ فْالقْبِيلَة، وَاحَدْ الْمْرَا طَيِّبَة جَوَّادَة(1)، تَعْطِي بِيدِيهَا وْلْسَانْهَا، وْكَانْ عَنْدْهَا وَاَحَدْ الْجْنَانْ(2)، خِيرَاتْ الْقْبِيلَة كُلّْهَا مَنُّو، تَعْطِي الْمَسْكِينْ وْتْجُودْ عْلَى الْيْتِيمْ، وْلِهَذَا كَانُو النَّاسْ يَسْمِّيوْهَا الصَّالْحَة.
وْهَادْ الصَّالْحَة، كَانْتْ الْعْدُو الْكْبِيرْ دْيَالْ عَقِيسَة،حَتَّى سِحْرْ مَاخَلاَّتُو إِلاَّ وْجَرْبَاتُو بَاشْ تْهْلَكْهَا وْتْهْلَكْ أَرْضْهَا، لَكِنْ الله كَانْ حَافْظْهَا وْحَافْظْ جْنَانْهَا.
وْمَرَّتْ الأَيَّامْ وْالْحْسَدْ وْالْحِقْدْ فْقَلْبْ عَقِيسَة شَاعَلْ، بْحَالْ النَّارْ، تَاكُلْ الْخْضَرْ وْالْيَابْسْ..وْاللِّي زَادْ فْنَارْهَا اكْثَرْ، هُوَ أنَّ الصَّالْحَة وْلْدَتْ، أُو وُلْدَاتْ وَاحَدْ التْوَامْ يْطَيّْرُو الْعْقَلْ بِالزِّينْ.. إِيوَا هَادْ الشِّي مَاعْلِيهْ صْبَرْ، حِيثْ عَقِيسَة مْرِيضَة بْالْعْقُرْ(1)، لَكِنْ عَاقِسَة حَافْظْهَا مُولاَهَا وْحَافْظْ وْلاَدْهَا.
عَقِيسَة جَمْعَتْ شْيَاطْنْهَا فْوَاحَدْ اللِّيلَة كَحْلَة زَحْلَة، وْقَالْتْ لِيهُمْ :
- اللِّيلَة يَصْبَحْ الْجْنَانْ رْمَادْ، بَاشْ مَا تَلْقَى البْهِيمَة مَاتَاكُلْ وْلاَ لْعْبَادْ، بْغِيتْ نْشُوفْ الصَالْحَة مَذْلُولَة، لاَدَارْ لاَمُونَة لَلْوْلاَدْ.
إِيوَا سَمْعُوا شْيَاطَنْهَا لْكْلاَمْ وْقَرْرُوا يَطَبّْقُوا لْحَكَامْ.. لَكِنْ شِيشْوِيَّة رَجْعُوا الشََّيَاطِينْ حَازْنِينْ مَذْلُولِينْ، إِيوَا سَوْلاَتْهُمْ عَقِيسَة كِالْعَادَة :
- إيوَا، دَمَّّرْتُو المْكَانْ، وْالرْمَادْ وْصَلْ للجِيرَانْ ؟
جَاوْبْهَا كْبِيرْ الشََّيَاطِينْ :
- أَلَلاَّ عَقِيسَة، الله حَافَظْ الصََّالْحَة، وْللْجْنَانْ مَالْقِينَا طْرِيقْ، جْنَانْهَا مَحْرُوسْ مَادّخْلِيهْ لاَبِهْدِيَّة وْلاَ بِفْلُوسْ.
رَجْعَتْ عَقِيسَة لْفْرَاشْهَا، خَرْجَتْ الشََّيَاطِينْ، وْجَلْسَتْ تْفَكَّرْ بِالْمْكِيدَة، حِيثْ دَابَا الصَّالْحَة وْللاَّتْ شُوكَة فَحْلَقْهَا وْعَافْيَة مَابِينْ لْحَمْهَا وْعْرَقْهَا.. وْالنَّارْ مَايْطْفِيهَا غِيرْ الْمَا.. ضَحْكَتْ عَقِيسَة وْقَالْتْ :-
«صَافِي لْقِيتْهَا.. غَدَّا الصَّالْحَة تْفَطْرِي بِالدّْمُوعْ وْتْعَشَّايْ بِالنْدَامَة».
صْبَحْ الصّْبَاحْ، وْالدِّيكْ صَاحْ، وْفَاقَتْ الصََّالْحَة تْفَطَّرْ وْلاَدْهَا، لَكِنْ الْمَسْكِينَة مَالْقَاتْ غِيرْ لْفْرَاشْ، مَسَّاتْ لَفْرَاشْ وْلْقَاتُوبَارْدْ، وْعَارْفَاتْ أنَّ صَاحِبْ الْفَعْلَة دَارْهَا

مَالْقَاتْ غِيرْ لْفْرَاشْ، مَسَّاتْ لَفْرَاشْ وْلْقَاتُوبَارْدْ، وْعَارْفَاتْ أنَّ صَاحِبْ الْفَعْلَة دَارْهَا بِاللِّيلْ.
غَوْتَاتْ الصَّالْحَة وْبْكَاتْ وْعْلَى وْلاَدْهَا قَلْبَاتْ، قَلْبَاتْ الدَّارْ وْالْجْنَانْ، وْلاَ أَثَارْ بَانْ، لاَ اللِّي لاَبْسْ وْللاَّ اللِّي حَفْيَانْ، وْللِّي سَوْلاَتُو مَايَعْطِيهَا خْبَارْ،عَرْفَاتْ الصََّالْحَة مُولاَتْ الفَعْلَة، هَذِي فْعَايْلْ عَقِيسَة.
تْجَمْعُو أَهْلْ الْقْبِيلَة، نَاوْيِينْ الْبَاسْ، إِيوَا عَقِيسَة طْغَاتْ وْمَابْقَى كْفَاهَا أَذَى الْعْبَادْ، وْلاَتْ زَادَتْ خْطِيفْ لَوْلاَدْ.
- هَجْمُو عْلَى دَارْ عَقِيسَة، وْخَلْصُوا الْقْبِيلَة مِنْ مْصَايْبْهَا!
إِيوَا غِيرْ هَرْسُو البَابْ وْمَالْقَاوْ غِيرْ الضْبَابْ، الرِّيحْ كَتْصَفَّرْ، هَرْبَتْ عَقِيسَة مِنْ بَعْدْ مَاخَطْفَاتْ لَوْلاَدْ، وْحَتَّىوَاحَدْ مَاعْرَفْ لِيهَا طْرِيقْ.
الصََّالْحَة مْسْكِينَة، مَالْقَاتْ لِيهَا جَهْدْ، هَزَّاتْ يْدِيهَا لْسْمَاء وْدْعَاتْ دَعْوَة مَا يَرَدْهَا بُوَّابْ، حِيثْ كِيْمَا كَتْعَرْفُو، دَعْوَة المظْلُومْ مَابِينْهَا وْبِينْ الله حْجَابْ.
عَقِيسَة، مْللِّي خَطْفَاتْ لَوْلاَدْ، خْوَاتْ لَقْبِيلَة، وْشَدَّتْ طْرِيقْ طْوِيلَة للِّي مَالِيهَا عُنْوَانْ، وْبَعْدْ ثْلاَثْ أَيَّامْ مِنْ المْسِيرْ وَصْلاَتْ لْقْبِيلَةْ الحَوَّاتَة.. وْهَادْ الْقْبِيلَة، كَانَتْ عِنْدْ الوَادْ، عَايْشِينْ غِيرْ عْلَى الصََّيْدْ، وْالْوَادْ دِيمَا عْلِيهُمْ جَوَّادْ.
مْلِلِّي جَاتْ عَقِيسَة، دَقَّاتْ الْخَيْمَة فْالقْبِيلَة وْنْوَاتْ تْبَاتْ اللِّيلَة وْإِلَى عْجَبْهَا الْمْكَانْ تْخَلِّي الإِقَامَة طْوِيلَة.
دَازْتْ ثَلاَثْ أَيَّامْ وْعَقِيسَة فْلْقْبِيلَة، لاَهِيَّ ضِيفَة وْلاَيَدْخُلْ عْلِيهَا ضِيفْ، وْالنَّاسْ فْالقْبِيلَة، شَافُو بِللِّي الحُوتْ مِنْ بَعْدْ الصَّيْدْ دَغْيَة وْبْسُرْعَة تَعْطِي رِيحْتُو، وْإِلَى مَاتّْكَالْ فْنْهَارُو، مَاتَنْفَعْ مْعَاهْ لاَمَلْحَة لَقَدِّيدْ(1).
تْجَمْعُو كْبَارْ وْعْيَانْ لْقْبِيلَة، بَاشْ يْعَالْجُو الْقَضِيَّة وْيْشُوفُو لِيهَا شِي حِيلَة.
سَوَّلْهُمْ كْبِيرْ لْعْيَانْ :
- وْمِنْ إِيمْتَى هَادْ الْحَالَة فْالْقْبِيلَة ؟
جَاوْبُو كْبِيرْ الصَّيَّادَة :
- أَسِيدِي هَادِي ثَلاَثْ أَيَّام، الْوَادْ بْخَلْ عْلِينَا بْحُوتُو، وْاللِّي صَيَّدْنَاهْ، فْنْهَارُو تَعْطِي رِيحْتُو.
تْكَلَّمْ وَاحَدْ الصَّيَّادْ وْقَالْ :
- هَادِي ثْلاَثْ أَيَّامْ أَسِيدِي، دَقَّاتْ وَاحَدْ الْمْرَا خِيمْتْهَا قُدَّامْ بَابْ دَارِي، لاَهِيَ ضِيفَة وْلاَيْدْخَلْ عَنْدْهَا ضِيفْ، إِلَى شَفْتِيهَا مَاتْسَرْ بْشُوفْتْهَا وْإِلَى سْمَعْتِيهَا مَايَعْجَبْكْ حْدِيثْهَا.
وْقَفْ كْبِيرْ الْقْبِيلَة وْقَالْ :
- هَادِيكْ ضِيفْ النَّحْسْ، ضِيفْ مَنْبُوذْ(1) مِنْ السّْلاَيْفْ وْالْجْدُودْ، اللِّيلَة مَالِيهَا مْبَاتَة فْقْبِيلْتِي، عْطِيوْهَا مُونَة الطّْرِيقْ، وْخَرْجُوهَا، هَادِيكْ مَاتْصَلَحْ لاَصْدِيقْ وْلاَرْفِيقْ.
وْفِعْلاً، جَاوْ الصَّيَّادَة، جَمْعُو لْعَقِيسَة الْخَيْمَة وْعْطَاوْهَا مُونَة الطّْرِيقْ وْخَرْجُوهَا وْنَقَّاوْ القْبِيلَة مِنْ شَرْهَا وْنَحْسْهَا.
وْهَكْذَا، شَدَّتْ عَقِيسَة الطّْرِيقْ مَرَة أخْرَى تْقَلَّبْ عْلَى قْبِيلَة بَاقِي مَاجَرْبَاتْشْ تْذْوقْ مْكَايْدْهَا.
بَعْدْ نْهَارْ مِنْ المْسِيرْ، وَصْلاَتْ لْقْبِيلَة لْحَطَّابَة، وْقْبِيلَة الْحَطَّابَة جَاتْ وَسْطْ الْغَابَة، مْضَلْلَة عْلَى الشَمْسْ وْمْوَقْرَاهَا الضْبَابَة.
إِيوَا أَسْيَادِي وَصْلَتْ عَقِيسَة السَّحَّارَة وْدَقَّتْ خَيْمَتْهَا وْسَطْ الْقْبِيلَة وْقَرْرَتْ تْبَاتْ اللِّيلَة، وْإِلَى عْجَبْهَا الْحَالْ تْخَلِّي الْمُدَّة طْوِيلَة.
النَّاسْ فْالقْبِيلَة، كُلْ صْبَاحْ كَيْخَرجُو الْغَابَة يَحَطْبُو وْيْحَشُّو وْإِلَى رَجْعُو، كَيْشُوِيوْ وْيْنَشُُّو، الْخِيرْ مُوجُودْ الْبْهَايْمْ لاَقْيَة مَاتَاكُلْ وْالْغَابَة تْجُودْ بِالْحْطَبْ وْالْعُودْ.. إِيوَا فَاتْتْ ثْلاَثْ أَيَّامْ، لاَحْظُو النَّاسْ أنَّ الْحْشِيشْ(1) اللِّي كَيْحَشُّو الْحَطَّابَة للْبْهَايْمْ كَيْبَسْ فْالطّْرِيقْ قْبَلْ مَا يْوَصْلُ لْقْبِيلَة، وْهَكْذَا قَلّْ فِيهَا الْحْلِيبْ وْاللْحَمْ،إِيوَا قَرْرُوا الْحَطَّابَة يَتْجَمْعُو فْبِيتْ كْبِيرْ الْقْبِيلَة يْشُوفُو لِلْقَضِيَّة شِي تَخْرِيجَة وْلاَ حِيلَة.
إِيوَا سْأَلْهُمْ كْبِيرْ لْقْبِيلَة :
- وْمْنْ إِيمْتَى هَادْ الْحَالَة فْالقْبِيلَة ؟
أُوجَاوْبُو كْبِيرْ الْحَطَّابَة :
- أَسِيدِي هَادِي ثْلاَث أَيَّامْ، كَنَّا كَنْجِيبُو حْطَبْ شْهَرْ، وْكَنْحَشُّو للْبْهَايْمْ وْاللِّي حَشِّينَا، ثَلاث أَيَّامْ كَيْبْقَى خْضَرْ،تَاكُلْ منو الْغْنَمْ وْالْجّْمَالْ وْالْبْقَرْ.

أمَّا دَابَا، الْحْشِيشْ كَيْبَسْ فْالطّْرِيقْ وْالْحْطَبْ يَابَسْ كْلاَتُو الشَّمْسْ.
نَاضْ وَاحَدْ الْحَطَّابْ وْقَالْ :
- أَسِيدِي كْبِيرْ الْقْبِيلَة، هَادِي ثْلاَث أَيَّامْ، جَاتْ وَاحَدْ الْمَرأة وْدَقَّاتْ خَيْمْتْهَا قُدَّامْ بَابِي، إِلَى شَفْتِيهَا نْهَارَكْ يْفُوتْ كْحَلْ وْإِلَى دْوَاتْ مْعَاكْ بْحَالْ النَّارْ تَحْرَقْ وْتَقْتَلْ.
وْقَفْ كْبِيرْ الْقْبِيلَة وْقَالْ :
- هَادِيكْ وْجَهْ النَّحْسْ، مَاتْبَاتْشْ اللِّيلَة فْالْقْبِيلَة، هِيَ جَاتْ بْعَارْهَا وْاحْنَا نْتْكْوَاوْ بْنَارْهَا.
إِيوَا اجْتَامْعُو رْجَالْ الْقْبِيلَة وْرَيْبُو لْعَقِيسَة الْمَنْحُوسَة خِيمْتْهَا، عْطَاوْهَا مُونَةْ الطّْرِيقْ وْخَلاَّوْهَا وْسَطْ الْغَابَة فْرِيسَة.
وَقْفَتْ عَقِيسَة وْسْطْ الْغَابَة، وْقَالْتْ : «آشْ مِنْ طْرِيقْ نْشَدْ دَابَا».
وْشَدَّاتْ طْرِيقْهَا لَعَلَّ وْعَسَى تْفُوتْ الْغَابَة قْبَلْ مَا يَشَدُوهَا الْعَسَّاسَة، وْبَعْدْ يُومْ مِنْ الْمْسِيرْ شَافْتْ بِللِّي هِيَ عْلَى أَبْوَابْ قْبِيلَة جْدِيدَة وْمِنْ سْمَاهَا الصَّافِية بَايْنَة قْبِيلَة سْعِيدَة.
كَانْتْ هَدِيكْ قْبِيلَةْ الْقَاضِي بُومْفْتَاحْ، الْقَاضِي اللِّي لِلْجَأْْ لِيهْ مَايَظّْلَمْ، الْغَنِي عَنْدُو بْحَالْ الْفَقِيرْ وْالْكْبِيرْ عَنْدُو بْحَالْ الصّْغِيرْ.
وْكَانْ الْقَاضِي بُومْفْتَاحْ مَايَخْفَى عْلِيهْ سِحَرْ السَّحَّارَة وْلاَ سَلْعَة الْعَطَّارَة، كَانْ عَنْدُو جْمَاعْتُو مِنْ السَّحَّارَة، وَلَكِنْ مَا يْخَدْمُو لِيهْ غِيرْ لِلْخِيرْ وْمَاشِي لِلأَذِيَّة.
وَصْلَتْ عَقِيسَة لِلْقْبِيلَة وْدَقَّتْ خِيمْتْهَا كِالْعَادَة، وْفْهَادْ الْقْبِيلَة، كَايْنْ الْفْلاَّحْ وْالْخَضَّارْ وْالتَّاجَرْ وْالجَزَّارْ، وْالْقْبِيلَة حَتَّى لْهَذَاكْ النْهَارْ عَايْشَة فِي سَلاَمْ وْهَنَاء.
وْمَرَّتْ ثلاث أَيَّامْ، وْشَافُو النَّاسْ بِللِّي كَثْرَتْ الْخْصُومَة بِينَاتْهُمْ، الْغْنِي يَاكُلْ رْزَقْ الْفَقِيرْ، وْالْكْبِيرْ يَحْقَرْ عْلَى الصّْغِيرْ، وْالْقَاضِي بُومْفْتَاحْ عَمْرُو مَادَارُو الشّْكَّايَة الصَّفْ قُدَّامْ بَابُو وْعَمَّرْ الْخْصُومَة مَاكَانْتْ فْالْمَالْ وْالْعَرْضْ.
دَقْ بَابُو كْبِيرْ التُّجَّارْ وْكْبِيرْ الْخَضَّارَة، دَخَّلْهُمْ الْقَاضِي بُومْفْتَاحْ لْدَارُو وْقَالْ :
- آشْ وَاقَعْ بِينْ الْخَضَّارَة وْالتَّجَّارَة، كَنَعْرَفْهُمْ خُّوتْ لاَغَدَّارَة وْلاَشَفَّارَة.
خْذَا كْبِيرْ التُّجَّارَة الإِذْنْ بْالْكْلاَمْ وْقَالْ :
- سْمَعْنِي أَسِيدِي بُومْفْتَاحْ، هَادِي ثَلاَثْ أَيَّامْ جْمَعْنَا الْمُونَة مِنْ الْحَطَّابَة وْالجَزَّارَة وْاعْطِينَا لْفْلُوسْ لِلْخَضََّارَة، الْحَطَّابَة وْالجَزَّارَة وْفَاوْ بْالْوَعْدْ وْبْقَاوْ الْخَضَّارَة.. وْاحْنَا أَسِيدِي بُومْفْتَاحْ مْوَجْدِينْ الْجْمَالْ وْالْقَافْلَة غَادِي تَمْشِي مْعَ السََّرْوِيَّة(1).
مْللِّي سَالاَ كْبِيرْ التْجَّارْ كْلاَمُو، الْقَاضِي بُومْفْتَاحْ مَاقَالْ احْكَامُو، وْقَالْ لْكْبِيرْ الْخَضَّارَة :
- آشْ كَتْقُولْ أَسِّي كْبِيرْ الْخَضَّارَة فْهَادْ الْكْلاَمْ ؟
وْقَفْ كْبِيرْ الْخَضَّارَة وْقَالْ :
- أسِيدِي بُومْفْتَاحْ، احْنَا مَانْكَرْنَا كْبِيرْ التْجَّارَة، لْفْلُوسْ شَدِّينَاهُمْ وْالخُضْرَة جْمَعْنَاهَا، لَكِنْ صْبَاحْ الْيُومْ مَالْقِينَاهَا، وَاشْ تْسَرقَاتْ وَاشْ تْحَرْقَاتْ، حَتَّى وَاحَدْ مَالْقَى لِيهَا أَثَرْ.
إِيوَا هْنَا حَارْ الْقَاضِي بُومْفْتَاحْ، وْقَالْ :
- رَجْعُوا عَنْدِي فْالصّْبَاحْ، وْنْقُولْ لِيكُمْ شْكُونْ اللِّي عْلِيهْ اللُّومَة فْهَادْ الْخْصُومَة.
غِيرْ خْرَجْ كْبِيرْ التْجَّارَة وْكْبِيرْ الْخَضَّارَة، وْدْخَلْ كْبِيرْ الجْزَّارَة وْكْبِيرْ الفْلاَّحَة، طَالْبِينْ حْكَامْ سِيدِي بُومْفْتَاحْ.
وْقَفْ كْبِيرْ الجْزَّارَة قْدَّامْ الْقَاضِي وْقَالْ :
أَسِيدِي بُومْفْتَاحْ، كْبِيرْ الْفْلاَّحَة شَدْ لِيَّ بْهَايْمِي فْأَرْضُو وْمَا بْغَا يَطْلَقْهَا وْكَيْقُولْ يَايَذْبَحْهَا يَايَشْنَقْهَا.
قَالْ الْقَاضِي بُومْفْتَاحْ :
- آشْ قُولَكْ فْهَادْ الْكْلاَمْ أَكْبِيرْ الْفْلاَّحَة، وَاشْ كَاذْبْ وْلاَ قَالْ الصََّرَاحَة ؟
جَاوْبُو كْبِيرْ الْفْلاَّحَة :
- نَعَمْ أَسِيدِي بُومْفْتَاحْ صَادَقْ، وَلَكِنْ بْهَايْمُو تْسَلْطُو عْلَى أَرْضِي، كْلاَوْ الزْرَعْ وْهَلْكُو الأَرْضْ وْالْمْصَارَفْ(1)، إِيوَا كِيفْ نْعَوَّضْ خْسَايْرِي أَمُولاَيْ الْقَاضِي..
وْقَفْ الْقَاضِي بُومْفْتَاحْ وْقَالْ :
- الصّْبَاحْ رَجْعُو عَنْدِي، نْوَرِّيكُمْ الظَالْمْ مِنْ المَظْلُومْ.
إِيوَا جْلَسْ الْقَاضِي كَيْفََكَّرْ مْعَ صْحَابُو، آشْ هَادْ الشِّي تْسَلَطْ عْالْقْبِيلَة، عَمْرْهَا مَاتْشَكَاتْ الْجُورْ(1) وَالْمْكِيدَة، وْهَادْ ثَلاَثَة أَيَّامْ...

وْهَادْ ثَلاَثَة أَيَّامْ وْللاَّ الظُلْمْ قَاعِدَة.
قَالْ لِيهْ صَاحْبُو :
- إيِلَى سْمَحْتِي لِيَّ أَسِيدِي الْقَاضِي، هَادِي ثَلاَثْ أَيَّامْ جَاتْ وَاحَدْ الْعَجُوزَة غْرِيبَة عْالْقْبِيلَة، مَاتَرْتَاحْ لْشُوفْتْهَا مَايَعَجْبَكْ كْلاَمْهَا، وْمْعَاهَا جُوجْ صِبْيَة صْغَارْ مَابَايْنِيشْ مِنْ ثُوبْهَا.. يَاكْمَا جَابْتْ مْعَاهَا النَّحْسْ وْالبْغِيضَة لْقْبِيلَة سِيدِي بُومْفْتَاحْ.
جَاوْبُو الْقَاضِي بُومْفْتَاحْ :
- انْتُومَا كَتْعَرْفُونِي مَانْبْغِي الظُّلْمْ، جِيبُوهَا نَسْمَعْ حْكَايْتْهَا، إِلَى كَانْتْ ضِيفَة نْكَرْمُوهَا وْإِلَى جَايْبَة الْبلاَءْ لِلْقْبِيلَة، نْجَازِيوْهَا بْنَيْتْهَا.
إِيوَا شْوِيَة جَاوْ رْجَالْ الْقَاضِي بُومْفْتَاحْ وْجَابُو مْعَاهُمْ السَّاحِرَة عَقِيسَة، إِيوَا غِيرْ وَقْفَتْ قُدَامُو وْتْنَمْلُو لِيهْ قْدَامُو، وْحَسْ بْللِّي هَادْ الْعْجُوزَة فْحْكَايْتْهَا بَلْيَة.. سَألْهَا بُومْفْتَاحْ :
- شْكُونْ انْتِي ؟ وْآشْ جَابْكْ لْقْبِيلْتْنَا ؟
خَافْتْ عَقِيسَة مِنْ كْلاَمُو، لَكِنْ الدَّّاهْيَة عَارْفَة كِيتْرَدْ احْكَامُو، جَاوْبَاتُو وْقَالْتْ :
- أَنَا ضِيفَة، طَالْبَة ضِيفْ الله، سَمْعَتْ بْحْكَمْتَكْ وْشْهَامْتَكْ، وْجِيتْ نْتَغَطَى بْحْمَايْتَكْ.
جِيتْ مِنْ قْبِيلَة بْعِيدَة، دَازْتْ عْلِيهَا أَيَّامْ شْدِيدَة، زَارْهَا القَحْطْ(1) وْطُوَّلْ الزِّيَارَة مَاخَلَّى فِيهَا لاَ عُودْ نَابْتْ لاَنُوَّارَة، إِيوَا أَسِيدِي بُومْفْتَاحْ هَزِّيتْ وْلِيدَاتِي وْخْوِيتْ الْقْبِيلَة، وْقْصَدْتْ قْبِيلْتَكْ، إِلَى قْبَلْتُو عْلِيَ هَذَاكْ مْنَايَا، وْإِلَى مَاقْبَلْتُو نْعَاوْدْ رْجَايَا.
مْلِّي شَافْ الْقَاضِي بُومْفْتَاحْ لْوْلِيدَاتْ كِيمْنَوْرِينْ وْوَجْهْ عَقِيسَة كِيمْظَلَّمْ.. سْأَلْهَا :
- أَنَا شَاكْ فْأَمْرَكْ، وْلاَدَكْ مْنَوْرِينْ وْأَنْتِ كَحْلَة زَحْلَة، وْوَلاَدْكْ بَاقْيينْ دْيَالْ الرْضَاعَة وْانْتِ العُكَّازْ مَاتْفَرْطِي فِيهْ.. هَادُو مَاشِي وْلاَدَكْ.
جَاوْبَاتُو عَقِيسَة :
- هُومَا وْلاَدِي أسِيدِي، وَاشْ كَتْشَكْ فْقُدْرَةْ الله ؟
جَاوْبْهَا الْقَاضِي بُومْفْتَاحْ وْقَالْ :
- حَاشَى نْشَكْ فْقُدْرَة الله، رْزَقْ الْوَلْدْ لابْرَاهِيمْ وْزَكَرِيَّا.. أَنَا غَادِي نَرْسَلْ الزَرْزُورْ(1) يْجِيبْ اخْبَارْكْ، إِلَى كُنْتِي صَادْقَة نْقَادُّو لِيكْ الْمْقَامْ وْإِلَى كُنْتِي كَاذْبَة نَرْمِيوْكْ لْجَهَنَّمْ.
الْقَاضِي بُومْفْتَاحْ، كَانْ عَنْدُو وَاحَدْ الطَّيْرْ سْمِيتُو الزَرْزُورْ، كَانْ يْجِيبْ لِيهْ الْخْبَارْ بْحَالْ سِيدْنَا سُلَيْمَانْ، وْهَكْذَا كَيَعْرَفْ الصَّادَقْ وْالْكَاذْبْ وْالْمَغْلُوبْ وْالْغَالْبْ.
حْبَسْ عَنْدُو عَقِيسَة وْخَلاَّ عَنْدُو لْوْلاَدْ وْاتْسَنَّى الطِّيرْ يْجِيبْ لْخْبَارْ.. مْعَا الْفْجَرْ رْجَعْ الطِّيرْ وْجَابْ خْبَارْ عَقِيسَة بْلاَ زْيَادَة وْلاَنُقْصَانْ، عْرَفْ حْكَايَة الْوْلاَدْ وْحْكَايْةْ الْجْنَانْ وْحْكَايْةْ قْبِيلَةْ الصََّيَّادَة وْالْحَطَّابَة، وْعْرَفْ سْبَابْ لْخْصُومَة اللِّي زَارْتْ قْبِيلْتُو اللِّي كَانْ يَضْرَبْ بِيهَا الْمْثَالْ.
صْبَحْ الصّْبَاحْ وْجَابْ مْعَاهْ الصّْفَا… التُجََّارْ وْالْفْلاَّحَة وْالْخَضَّارَة وْالجْزَّارَة تْصَافَاوْ وْمَابْقَاتْ بِينَاتْهُمْ خْصُومَة.
خَرَّجْ بُومْفْتَاحْ عَقِيسَة وْجْمَعْ سَّحَّارَا دْيَالُو وْقَالْ :
عْرَفْنَا حْكَايْتَكَ أَعَقِيسَة وْذَقْنَا إِذَايْتَكْ، وْدَابَا دَارْتْ عْلِيكْ النُوبَة، كِيفْمَا آذِيتِي تْأَذَايْ.
غِيرْ سَمْعَاتُو عَقِيسَة وْتْبَدَّلْ لُونْهَا وْصُوتْهَا، حَاوْلَتْ تْسْحَرْهُمْ بِعَيْنِيهَا وْعْصَاهَا، لَكِنْ سْحَارَاتْ الْقَاضِي بُومْفْتَاحْ كَانُو قَادْرِينْ.. وْقَهْرُوهَا بْكْلاَمْهُمْ وْرَبْطُوهَا بْسْهَامْهُمْ وْهَكْذَا قَالْ لِيهَا الْقَاضِي بُومْفْتَاحْ :
- غَاذِي يَمْسْخُوكْ السَّحَّارَة دْيَالِي، إِيوَا اخْتَارِي، يَاجْرَانَة يَاجْرَادَة يَاذَبَّانَة.
عَرْفَاتْ عَقِيسَة بْللِّي هَادِي الاخْرَة لِيهَا وْحْتَّى شِي سِحْرْ مَاغَادِي يْصْدَقْ لِيهَا.. وْقَالْتْ :
- «الجْرَانْ صْدَاعُو مَا يْآذِي وْالذَّبَّانْ يْقَهْرُوهْ الْوْسَادِي، أَمَّا الجْرَادْ، كَيْهْلَكْ الشّْجَرْ وْالجْرَادِي..».
اخْتَارْتْ الجْرَادَة أَسِيدِي بُومْفْتَاحْ.
إِيوَا فْرْمْشَة عِينْ، وْللاّتْ عَقِيسَة جْرَادَة وْطَارْتْ مِنْ الشَّرْجَمْ، وْمَاعَرْفُوهَا فِينْ غَادَة. الْمُهِمْ مْشَا الْبَاسْ وْالظّْلاَمْ اللِّي بَانْ فْنَاسْ الْقْبِيلَة.. وْرَجْعَتْ لْصَافَا وْنُورْهَا.
أَمَّا الجْرَادَة عَقِيسَة، فَشَرّْهَا مَابْغَى يْسَالِي، مْشَاتْ أَسْيَادِي للصَّحْرَا، وْجَمْعَتْ سَرْبْ الجْرَادْ وْنْوَاتْ الْغْدَرْ بْأَهْلْ البْلاَدْ.. وْقَصْدَتْ الْقْبِيلَة، بَاشْ تَهْلَكْ

قَاصْدْ جْنَانْ الصََّالْحَة، جَايْ يَهْلَكْ الشْجَرْ وْيْخَلِّي الْحْجَرْ، لَكِنْ كِيفْمَا كَانْ الله حَافْظْ جْنَانْ الصَّالْحَة وْرَدْ لِيهَا وْلادْهَا، هُوَ قَادْرْ يَكْفِيهَا شَرْ عَقِيسَة الجْرَادَة وْسَرْبْهَا.
دْخَلْ السَّرْبْ للجْنَانْ، لَكِنْ مَاقْدَرْ يَاكُلْ حَتَّى وَرْقَة مِنْ الشْجَرْ، اللِّي ذاقْ شِي شَجْرَة، يَلْقَاهَا مَالْحَة، مَعَ أَنَّ الشّْجَرْ كُلُّو غِيرْ عْنَبْ وْتْفَّاحْ وْلِيمُونْ ورٌمَّانْ، كُلُّو حْلاَوَة.
إِيوَا تْقَلْبَاتْ الآيَة، خَرْجُو نَاسْ الْقْبِيلَة، رْجَالْ وْنْسَا وْدْرَارِي يْصَيْدُوا الجْرَادْ اللِّي حْصَلْ فْجْنَانْ الصَّالْحَة.
إِيوَا نَاسْ الْقْبِيلَة تْزَرْدُوا ثَلاَث أَيَامْ، حِِيثْ جْرَادْ هَدِيكْ الأَيَامْ مَاكَانْ فِيهْ دْوَا، كَانْ الْغَنِي يَاكْلُو وْالْفْقِيرْ، حِِيثْ كَانْ بْحَالْ الْغْنَمْ، سَارَحْ فْالشْجَرْ وْالزْرَعْ.
إِيَوَا تْجَمْعُو شِي وْلِيدَاتْ يَشْوِيوْ الجْرَادْ، وْمْلِلِّي شَبْعُو، بْقَاتْ لِيهُمْ جْرَادَة شَبْعُوا عْلِيهَا، وْمَاقْدَرْ حَدْ يَاكُلْهَا.. قَالْ لِيهُمْ كْبِيرْهُمْ :
- غَادِي نَضَرْبُو عْلِيهَا الْعُودْ، جْرَادَة مَشْوِيَّة نَاكْلُوهَا بْشْوِيَّة، اللِّي جَاتْ فْنَصِيبُو يَاكُلْهَا فْضَغْمَة، بَاشْ مَانْضَيْعُو هَادْ النَّعْمَة.
وْمْلِلِّي ضَرْبُو عْلِيهَا الْعُودْ، جَاتْ فْالْوَلْدْ الصّْغِيرْ، وْغِيرْ حَطْهَا فْمُّو وْرَدْهَا:
-شْحَالْ مَالْحَة، أَنَا مَا جْحَدْتْ النَّعْمَة، وَلَكِنْ مَاقْدَرْتْ عْلَى هَادْ اللَّقْمَة..
إِيوَا الدْرَارِي للِّي حَطّْهَا فْمُّو يَرْمِيهَا.. حيثْ حَتَّى وَاحَدْ مَاعْرَفْ بْللِّي هَادِيكْ الجْرَادَة هِيَ عَقِيسَة، وْبْقَاتْ عَقِيسَة الجْرَادَة مَشْوِيَّة وْمَرْمِيَّة، حَتَّى كْلاَهَا الرِّيحْ مْعَ الأَيَامْ.. أَمَّا الْوْلِيدَاتْ كَانُو كَيْغَنِّيوْ مِنْ ذِيكْ اللِّيلَة مْللِّي عَرْفُوا الْحْكَايَة :
أجْـــرَادَة مَـــالْــحَــــــة
فِــي كُـنْـتـِـي سَـارْحَـــة
فِـي جْـنَـانْ الصَالْـحَـــة
آشْ كْلِيتِي آشْ شْرَبْتِـي
غِيرْ التْـفَـاحْ وْالنَّـفـَـاحْ
وْالحَـكْـمَـة بإِيــدِيـــكْ
يَاالْقَـاضِي يَا بُـو مْفْتَـاحْ
إيوَا مْشَاتْ حْكَايْتِي مِنْ وَادْ لْوَادْ وْمِنْ بْلاَدْ لَبْلاَدْ، يَحْكِيهَا الْجْدَادْ لِلصَّبْيَة وْلْحْفَادْ

اليات- ديما كونا كانغنيو اجرادة مالحو فين كنتي سارحة ...ومعمرني عرفت انها عندها حكاية طويلة بحال هادي...

ارسلان- ههههه ولا حتى انا مي عيشة هي لي كانت كاتعاودهوملي فاش كاندخل عندها للكوزينة وعندها شلااا حكايات...
ايات-(كاتفوه) جاني نعااااس...
ارسلان- تصبحي على خير...
ايات-تصبح على خير اخوية
ارسلان-تنهد .... استغفر الله العضيم...انا ماخو حد الالة.....اخر مرا تقوليلي خويا ....لمخننة ....مشعكة ...بكايا....كاتسمعي ....اياااات ...نعستي...ايااات...(دار لعندها ولقاها غارقا فنوم) نعستيي....(تبسم)....(نفخلها فوخهها غير بشوية)..خايبة مشاغبة (لمس بيديه خدها) تصبحي على خير احياتي ...(باسها من جبينهاوبتسم) نضور قبل مانلقا راسي فالارض حمقى وديرها ههههه (ضار وحط راسو على لمخدة وغاص فعالم الاحلام الوردية).....
***فيلة مراد***
زينب-(مخشية ففراشها وشاعلة ابجورة والضوء خافت) علاش كانفكر فيه دابا.... واش حيت بقا فيا...اولاااا....(تبسمات ) اااه غادي يكون دابا فايق...(وقفت وطلت من السرجم) اوووف داك نيزار مكايتحركش من تماك اوووف...(رجعت ودخلت فلفراش)...شنو غاتكون حكايت هاد الشاب الوسيم ...وعلاش عدبوه بديك الطريقة حتى مابقى عاقل على والو من ماضيه...

***في الصباح***
ايات -حلت عينيها غير بشوية...(شافتو وهوا ناعس بحال شي طفل برئ..) ماعمري مالاحضت ان عينيك ونتا ناعس اجمل بكثيير ....اوووه شفرانو شحال كبار هههه... كونتي كاضحك عليا فياش كنت كانبكي حيت كايتسدواي لعينين ... نتا مامزيانش ...توحشت دوك اللحضات بزاف ... ماكرهتش توليرعندي 6سنين ونلعب معاك ونجري وتجري ورايا وتشدني وتضحك وتغوت عليا الي قلقتك...
اوسلان-(مغمض عينيه وجاوبها) وحتى انا (حل عينيه)
ايات- (صدمها حيت يحسابلها ناعس) ها فايق ...ويلييي...(ناضت بسرعة )
ارسلان-(تسوطا عليها وجرها من يدها حتا طاحت على الناموسية) اجي لهنا المخننا فين غاديا
ايات-(كاتغوت)ااااااااه طلق منييييي...
ارسلان- عقلتي شحال كنت كانهر فيك هاا شنو بانليك دابا...(طلع فوق منها وبدا يهرها)
ايات- لا ...لا لاااااااا ااااااه ههههههههههه ااااااااه طلااااق
ارسلان-هههههههههه نزيدك هاااا ....ههههههههه
ايات-هههههههههههههه صافيييييييييي باراكاااا ههههههههههه...
ارسلان- (شدلها يديها بجوج وكالس فوق منها وقرب ليها) مانسيتي والو
ايات-(حشمت من ديك الوضعية لي دايرين) ششششنو ...ممماعرفتش
ارسلان-(قرب ليها كتر وكتر)قبلة الصباح...(غمزها)
ايات-منحرف .....نتا اكبر منحرف ....نوض من عليا...نووووض

ارسلان- واش نسيتي القانون رقم 10 ولا نفكرك فيه
ايات-مانسيييييتش واغير نوض من عليا ونعطيك قبلة الصباح...
ارسلان-تو تو تو ...ماكانتيقش فيك نتي غدارا وراسك فيه لخواض...
ايات-والله مانهرب..غير نوض ....نوووووووض راك بزطتيني
ارسلان-والله مانوض ...شنو بانليك نعطيهاليك انا
ايات-لا لا لا .....مكانتيقش فيك (باست بوسة فلهاوة)ها هاني بستك ..وصلاتك
ارسلان- واش هادي قبلة ديال الويفي ولا شنو كاتفلاي عليااا...
ايات- اااااه مسارنبيييييي مسارني مشااااااو ...وشنو بغيتيني نديرلك ونتا شادلي يدي طلق مني باش نوض...
ارسلان- هاني غانضلق والى فكرتي تهربي والله حتى نتبعك حتى لصحراء
ايات-واصافي غير نوض...(ناض عليها)
ارسلان- كالس كايتسنا البوسة ومغمض عينيه...ها شكاتسناي
ايات-هااا (باستو من راسو)
ارسلان-شنو هادشي ....
ايات-كيفاش شنو هادشي بستك
ارسلان- من راسي واش ماقريتيش الورقة مزيان(ناض جبد الورقة وحطهالها) قراي هاديك لي بين قوصين وصغييورة
ايات-خصني نضاضر باش نقراها...(قربتها لعينيها كتر وكتر وتصدمات) ها ها ها ها ها ....من الفم خخخخخخ ها ها ها ...بايخ..
ارسلان- غادي طبقي داكشي لي فلورقة ولى غادي تعاقبي ....
ايات-ولايني راك مكاتحشمش (جبدت ستيلو وضربت عليها)
ارسلان-(حيدلها ستيلو) هاي هاي هاي ...كتبها من الفوق ...(بغات تحيدهالو) والله لا شديتيها غادي ندير عليها 100نسخة وبقاي ضربي حتى تشبعي
ايات- منحرف.... والله لاكانلك داكشي لي كاتفكر فيه غير هني راسك ارسلان حنى راه مزوجين غير فلوراق مايمشيش بالك بعيد وهاد الحركات ماتبقاش ديرهوم انا خط احمر فهمتي....
ارسلان- (بقا فيه الحال) كانعتادر .... (هز الفوطة) غادي ندخل للحمام...
ايات-(شداتوومن يديه ) بلاتي ...(قربت منو وعطاتو قبلة على خدو ) كانعتادر حيت غوت عليك
ارسلان-ماشي مشكل....(دخل للحمام وسد الباب)
ايات- زدت فيه بلا قياس الله يعطيني..استغفر الله....
ارسلان-ماتدعيش فراسك ...
ايات- هاه... سمعتيني
ارسلان- امممممم ....غمضي عينيك
ايات-لاش
ارسلان-غتدي نبدل حوايجي...
ايات اه واخا هاني غمضت عيني
ارسلان-حيد طريكو وبقي بزبطة ...
ايات- (حلت غير عين وشافتو وكاتقول فنفسها) ويلي ويلي ويلي... على عضلات عندو ااااه يانيي
ارسلان-عندات تحليهم غادي نحيد سروال...
ايات- ماتخافش ....اشنو بانليك نحل عيني دابا
ارسلان-حليهم الى ماكنتيش كاتحشمي ...
تيات-ههههههههههههه انا ماشي منحرفة بحالك
ارسلان-ماعرفت شكون لي حل عينيه قبيلة وشافني راني عايق بيك...
ايات-(تصدمات)انااا ....كدااااب والله ماحليتهوم
ارسلان- حلي عينيك ساليت...
ايات-(حلت عينيها وتسحرات ) هااا..(كاتقول فنفسها... ماعمري شفتو هاكا ديما كايلبس الطقم الرسمي )شنو هادشي لابس
ارسلان-ملابس الرياضة ...لبسي حتا نتي غادي نخرجو نجريو شوية ....
ايات- فكرة راااائعة ههههه 5 دقايق نوجد
ارسلان-5 دقايق هي نصف ساعة عندك .....يالاه سربييي
لبست حتى هي ملابس الرياضة وخرجت معاه وهوما ضاحكين ...دازو على نعيمة ونهال حيت كانو كالسين فجردة ...صبحو عليهم وزادو وتبعوهوم نضرات الغيرة والحقد...
نهال-شنو درتي فداكشي ...
نعيمة-هاهوما خرجو غادي نشوف شي طريقة باش ندخل لبيتهوم...
**في المطبخ**
رقية-مي عيشة غادي نقوليك شي هضرة والى غوتي عليا ماعمري نعاود نهضر معاك
مي عيشة- هم... قولي عارفاها شي تبركيكة هادي
رقية- )كليت حداها)البارح فليل دخلت لبيت لي مقابل مع بيت سي ارسلان....
مي عيشة-هم مشيتي تبركي عليهم ماكاتحشميش ايوا باز قلت تربية....
رقية-حشومة عليك امي عيشة ...واش انا مازالة صغيرة ندير بحال هاد لخصايل حشوومة
مي عيشة- ايوا كملي شنو كاين
رقية- طلعت باش نرتب البيت وانا نسمع نعيمة وينتها كايتافقو على لالة ايات وسي ارسلان باغين يسحرولهوم وكايتسناو غير الوقت باش يدخلو للبيت وهزو من حوايجهوم بيهم غايضربو ليهوم الضربة باش يفرقوهوم
مي عيشة-(تصدمت) اولي شكاتكولي
رقية -الله يرزيني فحياتي ماكدبت الله يعطيني لعما الله يعطيني....
مي عيشة-صافي سكتي ...فين هوا ولدي دابا...
رقية-شفتو خرج قبيلة هوا ولالة ايات
مي عيشة-ودوك عاقيسات بجوج
رقية-خليتهوم ...كانو فجردة
مي عيشة-(خرجت كاتجري للجردة).ماكاينينش
رقية-واله حتى خليتهوم هنا...
مي عيش- تبعيني غادي يكونو طلعو ...(طلعت كاتجري وتتمايل بوزنها تقيل اوصلت كاتنهش دخلت لقاتهوم لداخل فلبيت) شنو كاديرو نتوما هنا...
نعيمة-(تصدمات وتفافات) هاه اااااااا كونا دايزين وسمعنا لباب ديال البالكون كايتزدح باريح ودخلت نشدو
مي عيشة-الجو اليوم صافي ومكاين لا ريح لا والو ...
نعية-دابا واش كاتكدبيني ولا شنو
مي عيشة-حاشا يالالة نكدبك ولاكن انا ماقلت غير الحقيقة الجو اليوم زوين مافيهش الريح ...
نهال -مانا زيدي نخرجو هادي راها دايرالنا تحقيق...
مي عيشة-وقفي تما....
نهال- مالكي ياك لاباس
مي عيشة-حطي داكشي لي هزيتيه
نهال-(تصدمات)انا ماهزيت والو... لاء زدتي فيه من صبح وانا

نهال-(تصدمات)انا ماهزيت والو... لاء زدتي فيه من صبح وانا صابرا ليك...
مي عيشة-ادن وريني شنو مخبيا مور ضهرك
نهال-طيحت داكشي لي هازاه اوراتها يدها....ها شوفي يدي خاوين
مي عيشة-شافت داكشي لي طاح بين رجليها... مابغيتش نبقا نشوفكوم فهاد البيت
نعيمة-هادشي بزاف انا غادي نقولها لخوية وماغاتزيديش الضربة فهاد الدار ....
مي عيشة-.ديري لي فجهدك ماتقصريش
رقية- (تسناتهوم حتى خرجو)شفتي.شنو قلتليك وكاتقوليلي مانبقاش نبركك دابا شكون لي نفعك من غير تبركيك ديالي...
مي عيشة-الالة تسليييييم .... شوفي لمسخوطة شنو كانت مخبيا وراها ...الملابس داخلية ديال ولدي ومرتو ...الله ينعلها قاعيدا
رقية-خصنا نقولوها ل لالة ايات باش ترض بالها منهوم...
مي عيشة-غير سكتي الى مشا حتى ساق لخبار ولدي غادي يجري عليهم اليوم قبل غدا...
رقية-وداكشي لي بغينا حتى حنا طلعولي فراسي وكرهوني فعيشتي فهاد الدار فينما درت نلقا ديك شيطانا دناعيمة حاضياني ... ماعندها شغل من غيري...
مي عيشة-هاديك راها خطيرة... سكتي لايسدقو جارين عليك نتي لولة ...
رقية -ايوا وشنو غانديرو فنضرك نكلسو نتفرجو فيهم وهوما كايفرتكو شمل لدوك لوليدات مازال ماشافو فدنيا والو...
مي عيشة-ماغاديش نسكتو..لاول مرا غادي ينفعنا تبركيك ديالك فشي حاجا... غادي نعلمو بنتي ايات باش ترد البال منهوم وحنى غادي نحضيوهوم وهاد البيت غادي يبقا يتسد غير يخرجو ايات وارسلان...
رقية-الى بغات تسحر ليها ..راها غاتلقى ميات طريقة لحوايج هاحنا حاضينهوم وتصاور كيف غانديرولهوم
مي عيشة-مافكرتش فهادي نخبيو حتى تصاور
رقية-وهاحنا خبيناهوم وهادوك لي فلجرائد ولمجلات كيف غانديرولهوم....
مي عيشة- لا حولة ولا قوة الى بالله ... هاد الناس مكايخافوش من الله...
با علال-(دخل عليهم)انا عندي الحل...
رفية- با علال كيف جرا وطرا خرجتي من لكوزينة
با علال -شفت دوك سليحفانات هابطيك كايزعفو وطلعت النشوف شنو كاين ....
مي عيشة-وشنو هوا الحل لي عندك
با علال- نكلفو شي واحد يتبعهوم ويحضيهم
رقية-صعيييبة هادي ابا علال ديك شنيولة ديال نيهال كاتقيل تخيط وترقع فشانطيات بديك لحديدة ديالها...باقي مها نعيمة شوية
مي عيشة-رقية عندها الحق..صعييبب بزاف
با علال-ماصعيب ماوالو كانعرف واحد المخبر كايخدم مع البوليس يميتو براهيم نملة مكايزكلهاش هوا لي غايتبعهوم
مي عيشة-وزعما هاد المخبر نقدرو نتيقو فيه ...
با علال-على حسابي ....اهم حاجا مايشتتوش شمل هاد العائلة من شحال هادي ماشفنا الفرحة فوجه سي ارسلان حتى تزوج بهاد بنت الناس .. البارح فليل كانسمع ضحكهوم من الكوزينة وفرحوني حيت شحال هادي ماسمعت الضحكة فهاد الفيلة
رقية-ههههه وكون شفتي هاد صبح شحال وهوما يضحكو...
مي عيشة- الله يخليها قاعيدة علاش كاتصنتي ورا لبيبان
رقية-حشومة عليك امي عيشة انا غير كنت دايزة بالصدفة وسمعتهوم ...وبيني وبينكوم جاو مع بعضياتهوم كايحمقوووو...
با علال-هاهههههههه الله يعفو عليك ابنتي من هاد تبركيك هادا مانقولك
مي عيشة-خمسا وخميس عليهم لادربيهم بالعين
رقية-غير عين لمحبوثة هادي امي عيشة مكاضرش...ههههههه
مي عيشة-ههههههههههه الله يخليك بالخلى ...يالاه جمعي هاد البيت وماتنسايش غير تسالي سدي الباب بساروت وجيبيهلي
رقية-واااخا امي عيشة كوني هانيا...
مي عيشة-مزيان ايوا هانا مشيت(خرجو وسدو الباب)ايوا اسي علال شنو موجدلينا لغدا هاد نهار
با علال -خلينا من لغدا ولا لعشا .... مانخرجوش انا وياك هاد لعشية عارض عليك نمشيو لسينما...
مي عيشة-(حشمة)اويييلي واش حنا قد سينيما
با عال-ومالنا مازالين شباب غير شعر لي شاب ...غادي يديرو واحد الفيلم هيندي ديال !!شاروخان عاد جديد
مي عيشة-لا مايمكنش ماشي دابا اجلها من بعد حتى نشوفو شنو نديرو مع هاد نعيمة وبنتها نخاف نخرج ويستاغلو الفرصة ...
با علال-عندك الحق من بعد انشاء الله...

نعيمة-فين هوا داكشي لي عطيتك
نهال-لحتو تماك فلبيت
نعيمة-اوييييلي على هاد الصكعة ولاش لحتيهم
نهال-ماشفتيش ديك شارفا لباطوزا عاقت بيا ضطريت نلوح لحوايج فالارض
نعيمة- اويييييييلي وعلامن معولة خفتي من ديك الشارفة
نهال-كون شفتي راسك ...كنتي قرابا تبولي فسروالك بالخلعة
نعيمة-اناااا ايوا الله يغصبك يا بنتي وليتي ترضي عليا الهضرة بلا حشما بلا حيا التريكة ناقصة تفو...

***في الشارع***
ارسلان-ماتقوليليش عيتي ...
ايات-(كاتنهش) صافي مابقيتش قادرة رجلي مابقاوش هازيني عيطلي لجعفر يردني لدار ونتا كمل ...
ارسلان-نسيتي ولا نفكرك القانون رقم 4 ممنوع تلاقاي مع جعفر الا للضرورة..
ايات-كاين شي ضرورة بحال هادي..
ارسلان-(جرها ثمن يدها ونوضها من الارض) نوضي مكاين لاجعفر لا غيرو ...
ايات-(بالوقفة لي وقفت وطلعت عينيها لمحت سيارة كحلة ولي شافتو خلا قلبها يضرب )(الشخص لي فسيارة غمزها ودارلها اشارة باش تتاصل بيه)
ارسلان-مالكي فين ساهيا
ايات- هاه لا والو...(كاتقول فنفسها) هدا المحقق سفيان ... شنو غاندير معاه دابا ...

عدنان- مكابيباليش فيها عوالة تعاونا هانتا كاتشوف عايشة حياتها ومبرعااا ومامسوقاها لحتى حد..
سفيان- واخا هكاك لا مراد ولا رجالو غايتفرقو عليها مازال غادي تزير وتجي هي برجليها حتى لعندي وتطلب مني نعاونها ..
عدنان- كايبالي مزال مكاتعرفش مراد مزيان
سفيان-معمرها شافتو ولا سمعت بيه لانه كايخدم غير من بعيد باش يحافض على الصمعة ديالو نقية ومخدم فبلاصتو دوك شارفات مليكة والحاجة كايتحكم فيهم بحال الكراكيز ...

عدنان-دابا انا لي مابغاش يتفهملي علاش ايات قبلة دير هاد المهمة ..
سفيان-ستغلو ضعفها وصغر سنها وكايهددوها هدا لاش..
عدنان-كانت تقدم شكوة ضدهم وماعمرهوم يتعرضولها..
سفيان-مالك اصاحبي على هاد الغباء كولو ...البنت ماعندها لا حنين لارحيم فهاد دنيا كون كان عندها فين تمشي كون مادخلتش عندهوم لدار الدعارة من اصلو فهاد لبلاد القوي كياكل الضعيف... وهي ضعيفة وبحدها ومازالة صغيرة طبيعي غاتخاف وغاترضخ لتهديداتهوم...
عدنان -عندك الحق....وشنو غانديرو دابا...
سفيان- نخليوها على خاطرها حتى تصوني هي ويكون كلام اخر...
عدنان-صافي زيد بينا لشي صناك غانموت بجوع مافطرتش مزيان...
سفيان- شنو هوا كيلو ديال لمسمن كليت منو طريف ولباقي كولو دزتي فيه بوحدك ودابا فيك الجوع
عدنان-هاحنا عاود فتخصار الهضرة كرشي هاديك ناكل لي بغيت...
سفيان- انا كانشوف غير فديك الكرش ديالك كانهزليك الهم ..
عدنان-انا مولف بيها ومانقدرش نعيش بلا بيها اسيدي كانبغيها وكاتبغيني وعندنا دكريات مع بعضياتنا ونتا مالك
سفيان-هههههههه الله يكمل بالخير...

***في فيلة مراد****
الدكتور- شنو سيتك
ادم-قولتيلي ادم ...
الدكتور -(شكون هادا لي فصورة)ارسلان...صديقي من الطفولة
الدكتور-مزياااان...عقلك خفيف دابا غانوريك صورة وتقولي شكون...
ادم-(كايشوف فاصورة) ماعرفتهاش ...
الدكتور-هادي سميتها ايات زوجة صديقك ارسلان...
ادم-امم فهمت ...
الدكتور -وهادا لي فصورة شكون
ادم-ماعرفتش...
الدكتور-هادا بوشتا اب صديقك ارسلان هوا لي رباك وتكلف بيك فاش ماتو واليديك. .
ادم-وليديا ميتين..
الدكتور-اه ميتين وهاد بوشتا هوا لي قتلهوم ....
ادم-(تعصب)كيفاش قتلهوم ...
الدكتور -كان عندو حساب مع بباك وقتل عائلتك مك وباك وختك الصغيرة...
ادم- (تعصب كتر )وهوا لي دار فيا هاد الحالة هوا لي عدبني هاكا
الدكتور-لا ماشي هوا لي عدبك هوا صديقك ارسلان خانك مع البنت لي كنتي كاتبغيها وتزوج بيها هوما بجوج غضرو بيك وبسبب ديك البنت نتا دابا هنا خطفك وعدبك وكان باغي يقتلك باش ماتوقفليهش فطريقو كون ماسي مراد كون راك دابا ميت هوا لي لقاك مرمي فواحد لخلا جنب مزراعتو
ادم-مازال عاقل فاش حليت عيني لقيت راسي وصط لخلا وهوا لي كايفيقني
الدكتور-تماما...هوا انسان مزيان وكايبغي يدير الخير هدا لاش تكفل بعلاجك
ادم-امم ولاكن كيفاش نتا عرف عليا كاع هاد المعلومات ..
الدكتور-(تفافا ماعرف مايقول)هاه ...اااااا
مراد-(دخل عليهم)حيت انا كانعرفك مزيان...
ادم- نتا هوا مراد ...كانشكرك على المساعدة ...
مراد-(كلس حداه) العفو....نتا تضررتي بزاف من ديك العائلة ومازال كاتعاني بسببهوم ...
ادم- قولتي كاتعرفني ...ادن كاتعرف ارسلان....واكيد ارسلان غايكون كايعرفك ...كون كان باغي يقتلني كيف كايقول الدكتور كون لاحني فشي غابة ماشي فمزرعتك....
مراد-(تصدم من السؤال) اااااام .... ههههههههه دكي مع راسك الصعقات الكهربائية خلات مخك يولي يفكر بشكل منطقي ....ايوا ياسيدي هاديك المزراعة ماعارفها حتى واحد ديالي حيت ماكانمشيش ليها بزاف ومنين عيطلي لعياس لي لقاك جيت نشوف ومنين شفتك عرفتك ...
ادم-هادشي مكايدخلش للدماغ قالي الدكتور الاب ديال ارسلان قتلي عائلتي... كيفاش قتل عائلتي كلها وخلاني غير انا وتكفل بيا عاد.... هادشي فشكل اسي مراد....
مراد- هههههههههههه دابا واش ماصدقتينيش ....
ادم-ماشي ماصدقتكش ولاكن كلامك فيه بعض التناقض وماشي منطقي ...
مراد- صدقني هادي هي الحقيقة ارسلان اكبر عدو عندك تربيتو نتا وياه وكان كايكرهك وحاقد عليك لدرجت انه خانك مه خطيبتك وكرهها فيك وتزوج بيها ...هانتا شوف هاد المجلة شنو كايقولو عليكم ولا خليني انا نقراها عليك.... فضيحة الاسبوع ...
حفل زفاف انقلب من عريس الى عريس اخر حيت ان الحضور كانو معزومين الى عرس السيد ادم ... وزوجته المستقبلية ايات ... وتفاجئو ان العريس هوا رجل الاعمال السيد ارسلان بنيس كيف حدث دالك هل السيد ادم تراجع عن الزواج في اخر لحضة مما ادى الى زواج السيد ارسلان بعروسة صديقة مع اختفاء تام للسيد ادم...ويبقى اللغز المحير كيف حدث دالك ...وما هي الاسباب التي دفعت الرجل الاعمال السيد ارسلان الى الزواج من خطيبة صديقة السيد ادم هل هوا الحب او التضحية ....
ادم- ( تنهد بعصبية وكايفكر)
مراد-شنو بانليك فهاد الهضرة...
ادم-ماعرفتش كون كانت هاد ايات كاتبغيني بصح مكانتش غاتزوج بصديقي ولاكن هي دارت العكس ادن حتى هي غضرتني ومافكرتش فاسبب لي خلاتني نختفي

ادم-ماعرفتش كون كانت هاد ايات كاتبغيني بصح مكانتش غاتزوج بصديقي ولاكن هي دارت العكس ادن حتى هي غضرتني ومافكرتش فاسبب لي خلاني نختافي فجئة
مراد- دابا خاصك تنوض على رجليك وترجع لخدمتك ولشركة حيت عندك فيها نصيب من الاسهم الدكتور غادي يبقا يجي عندك مرا مرا ويديرلك بعض الحصص باش تحاول تتفكر كتر
ادم- كانشكرك مرا اخرى اسي مراد على العلاج والمساعدة ولاكن انا محتاج نعرف فين هي داري باش نرجع ليها مابغيتش نبقا متقل عليك
مراد-نتا مامتقل عليا مالو خود راحتك وفاش تبرا وترجعلك الداكرة داكساع نخليك تمشي خليتلك الراحة .....دكتور محتاجك اجي معايا
الدكتور -واخا اسيدي (خرج معاه)
مراد-بغيتو يولي يكرهوم كره شيديد وبغيتك دخليه فكرة ان ايات كانت مامزياناش وخانتو فهمتي
الدكتور -فهمتك اسيدي غدا نبدا لخدمة على هاد الموضوع...(مشاو بجوج بيهم)

زينب -(حلت الباب غير بشوييية ودخلت) سلام كي بقيتي دابا
ادم- شنو كاديري نتي هنا ....وشكون نتي
زينب-تهدن ...انا اخت مراد
ادم- مزيان ....بغيت نرتاح الى سمحتي
زينب-انا سمعت كولشي لهضرة لي دارت بيناتكوم
ادم- كاتصنتي ورا لبيبان ماشي حشومة عليك
زينب-انا غير بقيتي فيا وجيت نشوف واش مامحتاجش لشي حاجة وسمعتهوم غير بالصدفة ...
ادم-مزيان ...
زينب- ماتستاهلكش ...
ادم-شكون هي
زينب- خطيبتك ايات
ادم-مابغيتش نسمع سميتها كاضرني فراسي ....بغيت نبقا بوحدي
زينب-خليني معاك غير شوية ...
ادم-شنو بغيتي مني تفرقي عليا ...
زينب-(بقا فيها الحال)انا غير بغيت نعاونك ونكون صديقتك وتعاودلي ونسمعلك سمحلي الى قلقتك
ادم- شنو غادي نعاودليك انا ماعاقل على والو حتى حاجل شنو غانعاودلك...
زينب- شكي عليا همك وشنو لي ضارك ... سمعت انك كنتي كاتبغي ديك البنت بزاف
ادم- اممممم
زينب- لبارح فاش عرفت سميتك مشيت وبحت عليك فلانترنت وشفت صورتك نتا وياها فواحد الحفلة وكنتو كاتبانو فرحانين بزاف..
ادم- بصح....ممكن توريهالي...
زينب- غادي نوريهالك من التلفون ....هاك شوف...
ادم-(كايشوف فيها...)ماعرفتش علاش قلبي كايضرب بسرعة ...
زينب-هدا دليل انك كنتي كاتبغيها بزاف ...
ادم-(لاح تلفون على الطبلة) ولاكن هي خانتني ...
زينب- كاتبين فالصحف والمجلات انك تخليتي عليها نهار العرس ...
ادم-وهي قبطت وتزوجات من صاحبي بلاما تعرف ضروفي...
زينب- فبحال هاد المواقف مكايبقاش لعقل خدام وتقدر دير اي حاجا انا بنسبة ليا الى تعرضت لنفس الموقف نقدر نقتل راسي ومانسمعش كلام الناس والصحافة وكل واحد منين كايهضر ....
ادم- فين بغيتي توصلي بكلامك...
زينب- انا ماشي ضد وماشي مع ان صاحبك تزوج بيها ولاكن هوا تصرف بشجاعة لي حتا واحد مايقدر يديرها...
ادم- هوا راه خطفني وعدبني
باش قدر ياخدها مني ويتزوجها...
زينب- نتا عاقل على شي حاجة
ادم-لا...
زينب-ادن ماتحكمش على البنت ونتا ماعارف والو على الاحدات لي وقعو ليلة العرس ....
ادم- لي غايحمقني هوا خيانتها ليا ....
زينب-قولتلك ماتصرعش ... وماتحكمش عليها ونتا ماعارف والو...

***في الفيلة***
ارسلان-مي عيشة غانموت بجوع عتقيني
ايات-وحتى انا غانموت كون
شفتي يامي عيشة فين داني وعلى تكرفيسا دارلي
ارسلان- هههههههههه فاشلة على ماتولفي وغايجيك داكشي لي جريناه كيف وااالو
مي عيشة-ههههههههه حاولي نتا على بنتي بغيتي تقتلها ولا شنو
ارسلان- انااا لاااا امي عيشة غير بغيتها تولف الرياضة
ايات-نولف مابغيتش اسيدي خليني هاكا عاجبني راسي..
ارسلان-ههههههههه باز ...وامي عيشة راه غادي نتوفاليك هنااااا...وابغيت ناكووووول
مي عيشة-شووووو وتكول واش بغيتي تكبر ...هاني غانقول لرقية توجدولكوم...
ارسلان-رقية مشات تسكن عام فلكوزينة...غانطلع نستحم على مايوجد لفطور....
مي عيشة-بلاتي ...هاك ساروت
ارسلان-ساروت وعلاش سديتيه
مي عيشة-هاه ...اااا نتوما عرسان جداد وانا خفت عليكم من العين ....
ارسلان-(باسلها راسها)هههههههههه الله يطول بعمرك الواليدة
مي غيشة-امييين اوليدي...(شافتو طلع مع دروج وكلست حدى ايات) كاتبانيلي هيااانة
ايات- اه ههههه تسخسخت ....
مي عيشة-(شدتلها فيدها) بنتي نصحك لوجه الله وتقبليها مني...
ايات-(تعوطت فالكلسة) ياك لاباس امي عيشة واش درت سي حاجا ماعجباتكش...
مي عيشة- لا حاشا ابنتي ... بغيت نقوليك ردي لبال لراسك ولحوايجك وجوايج راجلك ...
ايات-مافهمتكش امي عيشة ...
مي عيشة- سمعيني مزيان نعيمة وبنتها ماناوينش على الخير وكايتسناو غير الفرصة باش يأديوك ويفرقوك على راجلك
ايات-(تصدمات)علاش انا شنو درت ليهم باش يأديوني...
مي عيشة- لحسد ولغيرة هوما السبب ..
رقية-(كاتحط الماكلة على الطبلة) البارح سمعتهوم كايتلفقو عليكم واليوم حصلناهوم كايبقشو فحوايجكوم...
ايات-(تصدمات) وعلاش كايبقشو فحوايجي
رقية-باش يسحرولكوم ويفرقوكوم...وتزوج ارسلان ببنتها لهبلة شفتهوم بعيييييني هادو لي غاياكلهوم الدود هازين الملابس الداخلية ديالك وديال راجلك...
مي عيشة-سكتي ياهاد لمراه

رقية-خليني نقولها شوفي راكي فمتابة بنتي ومانبغيلكش الضرر ردي البال من دوك شيطانات
مي عيشة-صافي بلاماتخلعي البنت...
ايات-هادشي كايخلع شنو مازال مادازش على هاد الراس بقالي غير سحور ...
مي عيشة-الله يستر ابنتي حنى غانحضيو منهوم وحتى نتي رضي البال منهوم ....
ايات-انا عيت مانصبر على بنادم ولاكن باش توصل للسحور هادي ماغانسكتش عليها...
رقية-سلام بنتي ايات كيف دايرا لاباس عليك...
ايات-(طلعت وهبطت فيها)لاباس...
نهال-ايوا مالك قالبا هلينا وجهك هاد صبح
ايات-(تنهدت ) ماعزيزش عليا نهضر مع بنادم على صبح مي رقية طلعيلي لفطور للبيت ...(ناضت وطلعات)...
نعيمة-رقية هادي مالها ...
رقية -مانعرف...(مشات وخلاتهوم)
نهال- من نهار جات هاد لبنت وليت كانحس اننا ولينا مدلولين...
رقية- دابا نشوفو شكون غادي يتدل فلخر...
ايات- (دخلت على ارسلان وهوا كايلبس حوايجو وضارت للحيط) سمحلي مايحسابنيش كاتلبس
ارسلان- غير ضري راني لابس شورط
ايات- (ضارت وتصدمات منين شافت عضلاتو) احم اممم بصحا وراحا
ارسلان- الله يعطيك الصحة دخلي تانتي دوشي محد الحمام مازال سخون
ايات-(حشمات) اه واخا (جات داخلا.وجرها لعندو)
ارسلان-(كايشوف ليها فعينيها ) القانون رقم 2 الى فتي نصف ساعة غادي ندخل عليك للحمام...
ايات-(ماقدرتش تقاوم سحر عينيه ) هاه ...اااه ...واخا...دابا واخا طلقتيني ندخل...
ارسلان-(طلق منها وبعد)نصف ساعة ديالك بذدات من دابا....
ايات-اشنووووو لا مادايزاش (دخلت كاتجري)
ارسلان-هههههههه الحمقة ديالي...

داز داك نهار زوين عند ارسلان وهوا كايشوف حبيبتو معاه وفجنبو اما ايات كانت كاتشوف فنعيمة ونهال بنضرة احتقارية وهوما كايبادلوها نفس النضرة ... اما ادم مشوش وافكارو مشتتة وماعرف مايدير ...عكس مراد لي كان كلشي واضح بنسبة ليه مصالحو فوق كولشي وماكايهمو لا لي عاش ولا لي مات ...اما زينب كانت كاضور وتضحك وتسرح بخيالها مع الشاب لي خطف قلبها من اول نضرة ...اما با علال ماكايساليش من كلامو لمعسول لمي عيشة وهي بدورها حشمانة من غزلو فيها....عكس رقية لي دايرا جولة تفتيشية وتصنت مور البيبان وتسمع لخبيرات ليي فيه شي بلية ماكاتزولش ...اما سي بوشتا كالس فالمكتب ديالو شاد سيكارا وطالق موسيقى قديمة كاتفكرو فالايام الخوالي والدكريات لي بقا منها غير الصور.... اما الحاج مصطفى كالس وكايفكر فولدو لي باغي يحي الماضي ويشعل العافية لي ماعمرها غاطفا الى بالدم ويعاود نفس الافعال لي قام بيهم هوا وشرد ناس وقتل ناس وسرق ناس غير باش يعيش هوا ملك فوق الكل هدا ما يسمى باجنون العضمة يا سادة...

****في الصباح***
ارسلان-(فاق هوا الاول) ايااات...ماغاتفيقيش..(كايلمس لسها شعرها)
ايات-(مغمضة عينيها)كولتليك لي تخطيتي الخط غاتلقا راسك فالارض...
ارسلان-ههههههههه مجرمة وزايدون راحنا فقنا دابا... حلي عينك
ايات-(حلت عينيها) صبح الخير
ارسلان-صبح النور ... امممم مانسيتي والو
ايات-(ناضت بسرعة )الا مانسيت والو...(دخلت للحمام وسدت عليها)
ارسلان-(كايدق عليها) نفكرك فالقانون رقم 8 ولا شنو ...
ايات-ماتفكرني مانفكرك
ارسلان- ايوا خليني نفكرك باقانون رقم.2 تعطلي فالحمام ندخل عليك
ايات- هههههههههه الى قديتي ديرها
ارسلان-نديرها واش حكرتيني ولا شنو
تيات-(حيدت حوايجها ودخلت تحت رشاشة دلماء) وماكاتحشمش ...
ارسلان- باقيلك 10 دقايق ...
ايات- ههههه.(كاتغني)اخصمك اه.....اسيبك لا...وكو الروح حاتفضل حبيبي لنا عايشاااااااااه انت حبيبي ومنيا لي دبني انت لي بعد عن هوايا بيتعبنيييييي....اخصمك اه
ارسلان - بدا العد التنازلي ...1 2 3 4 5 6 7 8 9 10
غادي نحل
ايات-(حلت الباب فجئة) ساليييت
ارسلان- (تصدم من المنضر) لبسي حوايجك
ايات-(ملوية عليها الفوطة) بلاتي نجبد لحوايج بعدا ...
ارسلان- (اثارتو بديك الفوطة وهي كاتقلب فلحوايد) استغفر الله العضيم
ايات-قلتي شي حاجا...
ارسلان-لا ماقلتش غادي ندخل نستحم
ايات-الى فتي نصف ساعة غادي ندخل عليك...
ارسلان-(رجع خرج) قبلة الصباح
ايات-ماكاتنساش ... (باستو)
ارسلان-الللله دابا غادي يكمل نهاري.... قبل مانسا اليوم عارض على صحابي تقلقو مني حيت ماحضروش للعرس وعرضت عليهم للعشاء...
ايات-اها مزيان مرحبا بيهم ادن انا لي غادي نطيب ليكم هاد النهار
ارسلان-واش بصح
ايات-ااه غادي نتعاون مع رقية ومي عيشة ونحمروليك لوجه مع صحابك
ارسلان-(عنقها)شكرا بزاااف
ايات-ههههه العفو مانساش الخير لي درتي معايا مانقدرش نرجعلك منو ولو جزء بسيط
ارسلان-(ابتسم)الخير لي ديري فيا هوا ماتعتابرتيش خوك وتبادليني نفس الشعور ...
ايات-غادي نهبط نشوفهوم شكايديرو فلكوزينة وندير معاهوم زحام
ارسلان- كاتهربي مني ..ماشي مشكل ...
ايات-حنات راسها وزادت

***في المطبخ***
با علال-ماشي هكاك ارقية غسلي دجاج بعدا
رقية-راني غسلتو
با علال-عاوديه مازال خصو يتغسل
ايات-سلام عليكم..
باعلال-اهلا بنتي كلسي ماتبقايش واقفة.....

ايات-شكرا شنو غانديرو اليوم للعشاء
رقية -قولتي نديرو... يعني غاتعاونينا فلعشاء
ايات-ههههه ضروري اليوم ارسلان عارض على اصحابو للعشاء وبغيت نحمرليه وجهو قدامهوم
با علال-كوني هانية من هاد النحية لي بغيتيها نصوبوها ونتعاونو معاك ابنتي
ايات-لهلا يخطيكم... اااام بانلي نديرو بسطيلات صغار بدجاج وطواجن بالحم ودجاج لمحمر وشي شليدات ...شنو بان ليكم
با علال-انا نتكلف بدجاج..
ايات-مزيان وانا انصوب بسطيلات وطواجن..
رقية -وانا نعاونك الالة ايات
مي عيشة-(دخلت عندهوم)كااتخططو بلا بيا امم
ايات-ههههههههه مي عيشة نتي هي الكل فالكل ونتي هي لجنة التحكيم دوقي وتردي علينا لخبار
مي عيشة-هههههههه لهلا يخطيك ابنتي واخا هكاك ندير يدي معاكوم ...

نعيمة-افين كنتي يالمتعوسة...
نهال- كنت فجردة مالكي
نعيمة-(جراتهارللبيت)اجي لهنااااا
نهال-ااااااي غير بشوية شنو درتليك...
نعيمة- شووووو سمعيني اليوم غايجيو الضياف لدار
نهال-ويجيو انا انا مالي
نعيمة-تفو على بنت كيف دايرا يخليك بالخلة ....هادي هي فرصتنا فين نضربو ضربا ونشوهاها
نهال-شكون هي ...
نعيمة-اويلي على غدايدي ياويلي ياويلييييي.... انا فيييين ونتي فيييين
نهال-ماما راسي كايحرقني طلقيني شنو كاين...
نعيمة-اليوم غادي يجيو صحاب ارسلان يتعشاو
نهال-رجاال..
نعيمة-اه رحااااال
نهال-ووووووااااااو نطلع ندير ماسك ديال البيض لوجهي ونتمكيج ونقاد على الله نعجب التيتيز الي جاين...
نهيمة-(قرصتها)هااااااا ايتيز الحمارا
نهال-أااااااااي هئ هئ هئ علاش ديما حاكرا عليا علاااااش
نعيمة-سمعيني لي غايطيب لعشا هي ايات
نهال-الله يعاونها ....
نعيمة-الله يعاونها...الكلبة زاه خاصنا نخصرولها لماكلة باش نشوهوها قدام صحابو ونخليوه يغوت عليها ويبهدلهااا....
نهال-ولايني نتي اكبر شيطانا
نعيمة-(قرصتها)الله يغصبك يابنيتي تفو تريكا ناقصا لازين لا عقل لامجي بكري
نهال -ااااااااااااي.....هئ هئ هئ
نعيمة-غادي نخليوهوم حتى يساليو ويقادو ويفرحو ونزيدولهوم فلماكلة سريسرا...
نهال-سريسرا شنو هي هادي...
نعيمة-هادي واحد الغبرة كاتباع عند العطار كايستعنملوها للقبض ومنين غانديروهالهوم كولهوم غاتطلق عليهم الكرش وغايبقاو داخلين خارجين لطواليط هههههههههههه
نهال-هههههههههههههه ويلي ياويلي ياماما عندك افكار خطيييييييييرة هههههههههه....
***في المطبخ****
رقية-(كاتنهش)ويلي ويلي ويلي ويلي
با علال-مالك كاتولولي
رقية-الحرب غاتنوض الحرب
ايات- اشمن حرب
رقية-سريسرا سريسرااااا
مي عيشة-الله يرض بيك ابنتي عاود جاتك النوبة ديال لهبال
رقية-اشمن هبال امي عيشة ديما حاكراني حرام عليييييك
ايات-تهدني وحكي لينا شنو كاين...
رقية-سمعت نعيمة وبنتها كايتافقو علينا باش يضيعولنا لعشا بسرسرا....
ايات-وشنو هي هاد سريسرا...
مي عيشة-هادي واحد الغبرة كاتباع عند العشاب وكاطلق الكرش لي شربها يبقا داخل خارج لطواليط
ايات-(تصدمااات)ايوا وشنو الحل غادي نحخليوهوم يديرو لي بغاو
با علال-غادي نديرو ضوبل ديال الماكلة وغادي نبداو من دابا شي غانخبعوه وشي غادي نخليوه يديرو فيه لي بغاو وغادي نقلبو السحر على الساحر...
ايات-ههههههه الله يستر وصافي ...
باعلال-عاودوليك عليهم شنو دارو لبارح
ايات- اه عاودولي وصدموني
باعلال- وماقالولكش على المخبر
مي عيشة-لا ماقلنالهش
ايات-اشمن مخبر ابا علال
باعلال- دابا نتوقعو اي حاجا من دوك شيطانات وقتارحت عليهم نكريو مخبر يحضيهم
ايات-كانضن مكاين لاش
رقية-بالعكش الالة هادوك باغين ليك الضرر وخاصنا نحضيوهوم باش الى عولو يديرو شي حاجة نكونو عارفين اواجدين ..انا حاضياهوم فدار اما برا يعلم الله شنو يقدرو يديرو
ايات-وهاد المخبر زعما تيقة...
باعلال-انا كانتيق فيه بزاف ومعريفة قديمة سميتو براهيم نملة مايزكلهاش
ايات-ههههه نتوما خاطااار ...
مي عيشة-ههههه خايفا لايديرو شي مشكل ويلسقوه فيك هادوك خصهوم غير السبة وحنا ماخصناش نخليولهوم الفرصة ...
ايات-عندك الحق حتى انا عيت مانصير لبنادم هاد المرا لا... غادي نوقف كل واحد عند حدو...با علال-ايوا اجيو دابا نبداو نوجدو ...

هاد النهار داز خطااار كايلعبو لعية القط والفار وجدو وانقو وانتكو الماكلة بشكال ونواع وكل ماتشتهي النفوس وكولشي فالمطبخ محطوط كانتسناو غير يجيو الضيوف ...وصل الوقت وضياف بداو يوصلو شي 10 ديال الشباب ورجال ماكاين غير تيتيز خلاتها نهال هههههههههههههه

نهال-ويلي ويلي ويلي شحال فنين شوفي هداك لي لابس لكحل شحال فنيييون
نعيمة-عقلك خاوي الله يعفو عليك شدي
نهال-شنو هادشي
نعيمة-لغبرة ديال سريسرا شوفي كيف ديري دخلي للكوزينة ورشيها على الماكلة...
نهال- انااا لا اماما كانخاااف
نعيمة-ماعندك مناش تخافي حنا ديري لكولشي الى لجوج طباسل ديالي وديالك...
نهال-(خايفة)واخا واحضي لايدخل شي واحد...

دخلت لالة مولاتي ورشت على الماكلة كلها الى ديالها وديال مماها....اما رقية قايمة بمهمتها لي هي اتبركييييك ...

ارسلان-(مدهوول) جيتي زوينة بزاف
كانت لابسة كسيوة حد الركابي مزيرة من الخصر وسدرها طالع شوية فاللون الاسود مع ليبة فلون اللحم وعملت بروشينك لشعرها دارتو كورلي مع مكياج خفيف وبارد برز جمالها الفاتن وطالون ماطويلش بزاف جات كيووووت
ايات- شكرا بزااف كانتمنا نكون عند حسن الظن
ارسلان- اكيد غادي تحمريلي لوجه مع صحابي قلتلهوم نتي لي مطيبا لعشا...
ايات-نارييي مصاب غير يعجبهوم...
ارسلان-غادي يعجبهوم انا متأكد ... مشينا صحابي راهوم وصلو
ايات-واخا صافي سير شوية ونهبط
ارسلان-لا بغيتك تهبطي معايا باش نعرفك عليهم...
ايات-(بتاسمت) اممم واخ (شدت فيه وهبطو بجوك لصالة)
ارسلان-مرحبا مرحبا مرحبا بصحابي ...
مجد- الله يبارك فيك ...مدام نعرفك على راسي انا مجد صديق مسيو ارسلان
ايات-(بتاسمات)لي كامل الشرف
مجد- الشرف لينا انا نعرفك هدا مسيو راشيد وهدا مسيو عماد وهدا مسيو فيكتور برتغالي الاصل ...وهادا ميسو امين... وجيروم روسي الاصل...وهدا فيصل...ومحمد...ياسر...يوسف ...وعلي...
ايا-(تبسمت)تشرفت بمعرفتكوم كاملين
جاوبو كاملي- تشرفنا بمعرفتك...
ارسلان-تفضلو للطبلة لعشا واجد...
يوسف-هي غاناكلو من دوك صبيعات امدام ايات
ايات-بصحة والراحة كانتمنى يعجبكوم
ياسر-تفضلي كلسي معانا نتعرفو عليك اكتر
علي- مسيو ارسلان ...سمحلينا ولاكن المدام عندك جمالها فاتن انا هبلتني
ارسلان-(قرصاتو الغيرة) احم احم سي علي كول الماكلة غاتبرد
ياسر-لاااا ماتقوليش غرتي
علي-واش لي عندو هاد الجمال كولو ومايغيرش...هه

جيروم- انتي رائعة وطبخك ايضا مدام ايات

ايات- شهية طيبة سيد جيروم...
فيكتور- انا احب الطبخ عليكي اعطائي وصفة الدجاج لكي اطبخ بنفسي...

ايات- هههههه. حسنا سيد فيكتور لاكن بعد الاكل شهية طيبة ...

ايات- رقية ....رقية
رقية-نعام الالة..
ايات-عيطي لخالتي نعيمة ونهال يتعشاو معانا
رقية-اه واخا الالة
ارسلان-(قرب ليها)كون غير ماعيطتيلهومش
ايات-ماعليش خليهم ياكلو معانا...
نهال-(بابتسامة عريضة طويلة)هااااي ....هاواريو
نعيمة-السلام عليكم...
جاوب الكل-وعليكم السلام ...
نهال-(قربت لنعيمة)شفت ديك الغبرة مادارت والو ....
نعيمة-ههههه سكنيتينا....

تناولو داك لعشاء لي كان لديد وحبوه الضيوف
نهال-ماما كرشي كاتحرقني...
نعيمة-وختا انااااا اااه
ايات-نهال مالكي كاضرك شي حاجة
نهال- لا والو سمحولي غادي نوض ااااه
نعيمة- هههه وحتى انا بصحة والراحة ...
ايات-شافت فرقية وغمزتها وبدلو يضحكو

ناصو بجوج وجخلت نهال للحمام كاتجري وسدت الباب هههههههه سريسرا عطات المفعول هههههه
نعيمة-حليييييي اااااه كرشيييييي حلي الباب
نهال-اااااه سيري لحمام اخر ااااي كرشيييي
نعيمة-اااه الله يغصبك التريكة الناقصة
خرجت نعيمة كاتجري لحمام لي فجردة واطلقة العنان للغازات لي فمصارنها ههههههه كارييتا هاد جوج من حفر حفرة لاخيه وقع فيها....

سالات لعراضة والضيوف غادرو المكان ...
رقية-ههههههههههه ويلي كون تشوفي وجهوم كيف ولا تمووووتي بالضحك
ايات-ههههههههههههه الفضل كولو ليك ارقية ...كون ماكنتي نتي كون راحنا كول واحد شاد فكرشو هههههه
باعلال- ههههههههههه خرج الله فيهم هادي غير البدايا ويعلم الله شنو مازال غايديرو ماخصناش نتيقو فيهم ولا نغفلو عينينا عليهم
ايات-بصح ابا علال عندك الحق واش دويتي مع المخبر
باعلال-اه دويت معاه وغدا غايجي عندي الي بغيتي تشوفيه وتهضري معاه
ايات-مكاين لاش تكلف بيه غير نتا
مي عيشة-بصح خليك نتي بعيدة على هاد شي
ارسلان-(دخل عندهوم) نتوما مجموعين هنا وكاضحكو وانا كالس بوحدي برا
مي عيشة-هههههه اجي كلس هنا....
ارسلان-الله يعطيكم الصحة الماكلة كانت لديدة
مي عيشة- خصك تشكر بنتي ايات هي لي وجدت لعشا حنا غير عاوناها ...
ارسلان- (حط يدو على كتافها) ماعرفتش بلا بيك شنو ندير كانشكرك بزاف
ايات-(حشمات) احم العفو هدا واجب...
با علال-هادي هي لمرا دزمان اولدي ختاريتي وعرفتي تختار....
رقية-انا غير شفتك من نهار الاول دخلتيلي لخاطري ....
ايات-(تبسمات)لهلا يخطيكم ....حتى انا رتاحيت ليكم من نهار الاول وحسيتكوم عائلتي والله...
مي عيشة-نتي راكي بنتنا لغالية ...قوليلي واليديك كاع ماشفناهوم ماجاوش يشوفوك
ارسلان-مي عيشة ايات هي البنت لي عاودتلك عليها.... ايات هي البنت لي كانت معايا فالخيرية
مي عيشة- (تصدمااات)كيفااااااش ....
ارسلان-مالكي تصدمتي امي عيشة
مي عيشة-(كاتقول فنفسها مستحيل تكون هي بنت الكابوني مستحيييييل) شداتها سخفا...
ايات-مي عيشة باش كاتحسي رقية جيبي كاس دلماء
رقية- مي عيشة شربي الماء ماتخلعيناش عليك
مي عيشة -انااا بيخير ... (مشات لعندها وعنقتها وكاتبكي)هئ هئ هئ شحال كان يعاودلي عليك ولدي

مي عيشة -انااا بيخير ... (مشات لعندها وعنقتها وكاتبكي)هئ هئ هئ شحال كان يعاودلي عليك ولدي كان ديما كايجبدك وهضر عمرو مانساك الحب ديالكوم ماعمري شفت بحالو
ايات-(غرغرو عينيها وشافت فارسلان) وحتي انا عمري نسيتو قلبي كان ديما معاه وكنت مشتاقة ليه ولاكن الضروف لي عشناها هي لي بعدتنا على بعضياتنا
مي عيشة - المكتاب ابنتي لمكتاب شكون كان يقول غادي ترجعو تلاقاو مع بعضياتكوم
ارسلان- ماتصوريش فرحتي بيها نهار عرفتها هي ايات لي تربات معاها
مي عيشة-بنتي كانترجاك تسامحيه هوا ماعندو حتى شي دنب لسقو فيه كولشي هوا مادار والو هو بريئ
ايات-(عرفاتها شنو بغات تقصد وسكتات)لارد
ارسلان-ايات شنو هادشي لي سمعت
ايات-لارد
ارسلان- دويو هضرو شنو مخبين عليا
مي عيشة-(كاتشوف فايات) لارد
ارسلان-واش باغين تحمقوني شنو هادشي لي مخبين عليا....جاوبوني
ايات-(قلبت وجها)بما انك عارفا جاوبيه نتي...
ارسلان- مي عيشة... هضري
مي عيشة- (بتالعت ريقة وعرفت راسها تسرعات) ااااااام اناااا غير تخلطت عليا الامور ااااام غادي نمشي...
ارسلان-وقفي ....تكلمي شنو كاين ....
ايات واش بيناتكوم شي حاجة ماعارفهاش
ايات-انا ماعارفا والو
ارسلان-دابا واش باغين تحمقوني ولا شنو...
مي عيشة- ههههههه مالك تعصبتي بنتي ايات واقيلة نعاودولو ....ايوا سمع اولدي نعيمة وبنتها باغين يفرقوم وداك النهار سمعتهوم رقية كايتافقو باش يسحرولكوم وجات قالتهالي ومنين خرجتو تبعناهوم لقيناهوم كايقلبو فحوايجكوم
ارسلان-كيفاش شنو هادي لي كانسمع
با علال-هادي هي الحقيقة وحتى انا كونت
رقية-وحتا انا سمعتهوم بردني لي غاياكلهوم الدود....
مي عيشة-وماكفاهومش لي دارو وكانو باغين يخصرو لعشا هاد النهار لايات باش يشوهوها قدام صحابك ولاكن حنا عقنا بيهم وطيبنا ضوبل ديال الاكل وخليناهوم حتى دارو واحد الغبرة على لعشا وبدلنا طباسل وخلينا غير دياولهوم وكيف ماشفتي غير تعشاو ناضو كايجريو بلوجع
ارسلان- (تصدم)لا حول ولا قوة الى بالله ....ولاكن نتي قلتلي لايات هو برئ ومادار والو شكون هوا
ايات- باعلال ياك امي عيشة
مي عيشة-ااه هوااا علال كونا مخاطرين شكون لي غايربح واش حنا ولا نعيمة وبنتها وهوا كان كايقول نعيمة وبنتها فهمتي....
ارسلان- ام ...ولاكن ماغاديش ندوزهالهوم كيفاش يفكرو يديرو حاجا بحال هادي ....ماغديش نسامحهوم...(جاخارج وطلاقا مع نعيمة)
نعبمة- (دارت ديك الضحكة الصفرة) هههه تصبحو على خير
ارسلان-وقفي تمااا...
نهال-اااااااه ااااي(طلعت كاتجري)
نعيمة-ولدي ماشي وقت الهضرة خلي من بعد( طلعت كاتجري)...
ارسلان-هههههههههههه كاوارييت بالحق ماغاندوزهالهومش

شبعو عليهم ضحك ديك الليلة اما مي ايات كاتشوف فمي عيشة غير بنص عين وماباغياش تعطيها الوقت ..... رقية كادير جولتها التفتيشية وباعلال هضر مع المخبر براهيم ودار معاه الوقة لي يتلاقاه اما نعيمة وبنتها كايتقطعو بلوجع مساكن وداخلين خارجين لطواليط عكس ايات وارسلان بسرعة طلعو رنعسو
*****غي منزل مراد****
زينب- توحشتك ...
ادم-وحتا انا... تعطلتي عليا...
زينب-عاد خرج خويا وقدرت نجي
ادم- (باسلها يديها) توحشت لغزالة ديالي
زينب-(حشمات)وانا اكتر احياتي...

زينب وادم تغرمو ببعضياتهوم وهادا بفضل الدكتور قدر ينسيه فايات ويقنعو انها خانتو وانها انسانة مامزياناش سي مراد كان شايف ختو كادخل عند ادم مرى مرى ولاكن دار عين ميكة كولشي فسبيل خدمتو الى كانت ختو غادي تنسيه فايات فليكن دالك ادم مابقاش فبيت جردة دخل وسكن معاهوم فقلب الدار اولى واحد منهوم سي مراد دارب حسابو ومايفلتش همزة بحال ادم عقلية وكريزمة وهوا لي يقدر يسير ليه اعمالو على اكمل وجه ....الدنية مصالح...

ياريت تعرف الناس احدودها ===== ياريت توفي الناس وعودها
ياريت تبدل للخير جهودها ===== حملات الباطل باليد العليا
الصداقة حدها عرف المصالح ===== والجورة فوائد تتغير بالملامح
الفرجة والفتنة عندهم مسارح ===== واشعالهم للنار عندهم تسليا
ناس ناقصهم للقبر يوم ===== حياتهم كلها عاشوها اغيوم
ايثيروا ما بين الناس لهموم ===== غايسين باوحالهم واوحال ثانيا
ناس تعتبرهم اتقى واجود ===== لكن شرارة نارهم ما تخمد
شمس انهارهم تبدى اسود ===== اوء ناس في هذه الدنيا
اكلامهم ابغض من صوت حمار ===== نواياهم تولد الاف الاضرار
الخير يبدى عندهم عار ===== اشرار يدعيوا دايما بالرزيا
ياريتهم يفكروا ليوم الحساب ===== ياريتهم يتذكروا كلفة العقاب
ياريتهم يعلموا القلم والكتاب ===== والاخرة خير والدنيا فانيا
المقدر والمكتوب لازم يتصرف ===== والمخلوق لازم به يتشرف
مسير ما امخير لاش يتعفف ===== دورك قادم وساعتك جايا
الزمان بدال يصدي الحديد = ==يهدي الصحيح ويرشي الجديد
لزمان بدال يصدي الحديد ===== يهدي الصحيح ويرشي الجديد
يبعد لقريب ويقرب البعيد ===== والايام اتدور لفت حيا
اللي يشوف لطريق الحق ===== واللي يصاحب بعفة وصدق
واللي يجارف اعليه اتدق ===== والغدار يحصل اتشدو النيا

***في الصباح***
نعيمة- كيف بقيتي ابنتي شوية دابا
نهال-امم شوية دابا...بغيت غير نعرف علاش هوما ماوقع ليهم والو
نعيمة- شووو بلاتي(ناضت وحلت الباب ) اشنو كاديري نتي هنا
رقية- هاه اااااا اناااا كوونت دايزا من هنا وقولت نشوفكوم كيف بقيتو من لوجع دلبارح
نعيمة- شوفي اديك لبركاكة انا راني عايقة بيك كاتصنتي وراء البيبان وتوصلي هضرتي ...
رقية-انااااا بلعما يالالة ...
نعيمة- تحركي يالاه غبري من حدايا...
رقية-سمحيلي يالالة...
نهال-غاتكون هي لي سمعتنا اوصلتلهوم الخطة ديالنا...
نعيمة-مافيهاش الشك دابا هاد ايات عاقت بينا ماباغينلهاش الخير وغادي ترد البال منها خاصنا دابا نتهدنو هاد الفترة حتى ترجع المياه لمجاريها وداكساع نضربو ضربتنا شنو بانليك
نهال-عندكك الحق وحتى ارسلان بدا يشك فينا ..
نعيمة-مايقدر يدير والو هادي دار خوية وهوا لي كايحكم هنا ماشي هوا
نهال-الى حصلو علينا شي حاجة مشينا فيها...
**في المكتب**
سي بوشتا-كولتليك لا هي لا ختي وبنتها ماغانجريش عليهم
ارسلان-لواليد واش نخليوهوم حتى يديولنا شي كارتة ويفرقونا
سي بوشتا- لي عندي قلتو ... ختي وبنتها غادي يبقاو حتى يمشيو بوحدهوم انا ماغانجريش عليهم عندي اخت وحدا هي لي عندي...
ارسلان-الى حاولو ياديوني ولى ياديو مرتي غادي نسا ختك وعمتي غادي نجري عليها من هنا انا غير علمتك...(خرج وسد الباب)
مي عيشة-ولدي ماتعصبش حنى راه حاضينهوم مايقدرو يديرو والو غير رتاح نتا من هاد الناحية...
***في الحديقة***
باعلال- المخبر لي قلتليك باغي يشوفك شخصيا
ايات- لا ماعنديش كيف ندير ارسلان ماكايتفارقش معايا
رقية- سمعتو كايهضر مع شي حد فتلفون وقالو ساعة ونكن عندك
ايات- الى كان هكا واخا ولاكن فين غانتلاقاه
باعلال- نقولو يجي لدار
ايات- لا مايمكنش نعيمة وبنتها ماكايخرجوش وغايشوفوه
با علال- صافي نمشيو عندو انا وياك لشي بلاصة ونتلاقاوه
ايات- قواو يجي مور لفيلة
باعلال- واخا الالة هاهوا كايصوني عليا....الو... اه...لا سمعني ضور مور الفيلة وتسناني..واخا صافي ...بسلاما
ارسلان- حياتي انا غادي تحتاجي شي حاجة نجيبهالك فطريقي
ايات- لا مامحتاجة والو احياتي ريق السلامة
ارسلان- (غمزها) واخا احياتي لي بغيتي ماغاديش نتعطل غير نجي ونخرج لغزالة ديالي اوكي(قرب منها وباسها من جبهتها)
ايات-(حشمت) اممم واخا غادي نتسناك بااااي...
باعلال-(خلاه حتى خرج) يالاه ابنتي راه كايتسنانة
ايات- بلاتي بلاتي نلبس شي حاجة(دخلت بسرعة وخرجت)
باعلال- واجدا
ايات- واجدا يالاه نمشيو
خرجو بجوج وهوما كايشوفو فجنابهوم لايشوفهوم شي حد وصلو بسرعة ورا دار ولقاو واحد السيارة كحلة وزاج ديالها كحل ومكايبانش شكون فيها قرب باعلال للسيارة ودق فازاج
باعلال- سي براهيم راه البنت معايا
الشخص- قولها تطلع بوحدعا
باعلال- لا حتى انا غانركب مستحيت نخليها بوحدها
الشخص_ ادن انا مامساليش غادي نمشي عندي شلا شغال
باعلال- بلاتي ..خليني نسولها بعدا..(مشا لعندها) بنتي بغا يشوفك غير نتي بوحدك
ايات- اناااا ....واش هادا مخبر ... S A E
باعلال- صافي يالاه نمشيو بحالنا
ايات- بلاتي انا غانشوف مالو ..
تمشات حتى قربت توصل وشافت الباب لورانية تحلات وحدها ترددات فالاول ومن بعد تشجعات ودخلت
ايات- سمعني غادي نختاصرليك اناااا...
الشخص- بلاتي عليك امدام ايات مازال عندنا بزاف مانقولو
ايات-(تصدمات وكاتقول فنفسها هاد الصوت سبقلي سمعتو) شكون نتا
الشخص- دار لعندها وحيد نضارات الشمسية) كانضن سبقلط شفتيني
ايات- لا مايمكنش ( تصدمات وبغات تخرج وقفل عليها الباب)
الشخص - (قفل الباب) ماعندك فين تمشي حتى نكمل كلامي
ايات- حال الباب حااااااال الحقير غادي نديرلك شوهة هنا
الشخص- غاتسكتي ولا غانكسيري هاد سيارة وغاندوز فداك الشارف
ايات- علال خدام معاوم..... سماعيل جاوبنييي
اسماعيل- لا مكايعرفنيش اصلا ...هوا كان باغي مخبر وانا صفيتهالو وجيت فبلاصتو كيف جيتك ههههههههههههههه
ايات- القييييير المجرم القتاااال حل الباب قولتليك حاااال

ايات- الله ياخد فيكم الحق المجرمين لقتالة ...كاضيعو الشباب المغربي بهاد السم باش تربحو نتوما لفلوس اكروش لحراام...
اسماعيل- هاد لهدرة زيديها فراسك ...سمعيني عنداك يقولك داك لعقل ديالك ديري شي حركة هكا ولا هاكا ....كانقسم ليك غادي ندمك على النهار لي شفتك فيه...
ايات-حقيير ...
اسماعيل- اممم شكرا خرجي
ايات-ردني منين جبتيني
اسماعيل-كلتليك خرجي مامساليش ليك
ايات-خرجي
ايات-غادي يشوفني ارسلان
اسماعيل-قلتليك خرجي قبل مانخرجك بزز
ايات- تفو الله يخليها تريكة ياولد لحرام الله يلكيها ليك...(خرجت وزدحت الباب وشافتو كايسلم على الراجل لي واقف وكايتوادع معاه)
ايات-(مشات عندو) ارسلان...
ارسلان-(دار موراه)ايات شكاديري هنا
ايات-اااام ...انااا ...قلتيلي غادي تجي مورايا باش نخرجو ...اووو تعطلتي عليا وجيت نشوفك...
ترسلا-(تبسم) كولي توحشتيني..
ايات-(دارت ديك الضحكة الصفرة) اه توحشتك...
ارسلان-فين غانمشيو دابا..
ايات- ديني لجبل لي كان كايمشيليه ادم
ارسلان-(جمع الضحكة) وعلاش جبل باضبط واشي بغيتي تمشي باش ترجعي الدكريات
ايات- فهاد الوقت اخر همي هوا ادم... بغيت نتناقشو فعلاقتنا ونشوفو هاد الشي فين غايوصل مايمكنش نبقاو هاكا...
ارسلان-واخا لي بغيتي
مشاو وطريق كاملة وهوما ساكتين مانطقو بحتى كلمة حتى وصلو
ارسلان- وصلنا غادي....
ايات-ارسلان ....بغيت نطلقو فهاد السيمانة....
ارسلان-(تصدم) اشنو كاتخربقي واش يحسابك غير اجي وطلق هاد طلاق عمرك تحلمي بيه
ايات-(بصراخ)ارسلان بلاما تعصبني...
ارسلان- (خرج من السيارة ولتخ الباب )
ايات- (تبعاتو) ارسلان انا مكانبغيكش ماتجبرنيش نعيش معاك
اوسلان-وانا كانبغيت وماعمرك ماغاتكوني لشي واحد من غيري دخلي هاد لهضرة لدماغك مزيان الطلاق ما ت ح ل م ي ش.. بيه اوكي...
ايات- ارسلان انا مانصلاحليكش
ارسلان- وانا هاد لفشوش ديالك طلعلي فراسي شحال وانا صابر عليك مرتي وحلالي وماعنديش الحق نقيص فيك كانقول هادنهار تبغيني غداتبغيني ونتي قلبك بحال لحجرة ...
ايات- الحب ماشي بزز
ارسلان-(بصراخ) بزاااااااز حمقتيني خرجتيلي عقلي شنو بغيتيني نديرلك كتر من هادشي فاش حسن مني هداك ادم فااااااش جاوبيني
ايات-(بصراخ) علاقل هوا ماكانش اناني بحالك
ارسلان- اناني.....اناني ....انا كون كنت اناني ماكونتش غانتنازل عليك نهار عرفتك نتي هي البنت لي كانقلب عليها تنازلت عليك ودعست على قلبي ماشي على قبل ادم ولاكن على قبلك بغيت نخليك على خاطرك بغيت نخليك مع لي ختار قلبك وكاتقولي اناني شكون لي هرب عليك نهار العرس شكووووون انا... ها انا شكون جاوبي... شكون عاونك شكون وقف بجنبك ...عيت مانفشش فيك هربتي مني فكورية ...ورديتك بزز ماشي حيت اناني حيت خفت عليك من اعدائي ... حيت خفت ياديوك بسبابي كون كنت اناني كون نهار تزوجتك نخليك مرتي بزز منك ولاكن انا مابغيتش نقيس شعرة منك بدون رضاك بغيتك تعيشي معايا باحاسيسك ماشي مجبورة....
ايات-(بصراخ) اناااااا ما كا ن ب غ ي ك ش ...فهمها ابنادم...
ارسلان-(مشا لراس جبل وبصراخ قال) سمعيني الى ماكنتيش ليا مانستحملش تكوني لغيري ...انا غانهنيك مني ومن صداعي ...
ايات- (كاتبكي) ارسلاااااااان ... شنو كادييير
ارسلان- (واقف فراس جبل وفاتح يديه ومغمض عينيه) غادي نهنيك مني
ايات-( جرات عند وعنقاتو من لور) الى كونتي باغي تموت ديني معاك حتى انا مليت من هاد الدنيا...
الشخص- (كايصفق) برافووووووو ....مشهد رائع كاتحسسوني انني كانشاهد فيلم التايتنك تصفيقاتي الحارة... ووووو
دارو بجوج بيهم وتصدمو من الشخص لي واقف وراهوم
ايات- ادم...
ادم- اممممممم ادم...
ارسلان-(بغا يهجم عليه وشداتو ايات) شنو كادير هنا الحقير .....
ادم-تهدن اولا هادي بلاصتي ونتوما هما المتطفلين ...
ايات-شنو كاتقول...
ادم-كيف كاتسمعي...
ايات-(شدت فيد ارسلان) يالاه نمشيو كانحس براسي مخنوقة
ادم- هههههههه مخنوقة الحقيرة ....
ارسلان (ماستحملش ونهال عليه باضرب) نتا هوا ااحقييييييير
ايات-ارسلاااان طلاق منووووو غادي تقتلووو طلاااق
ادم-ههههههه خايفا عليا الغزالة
ا سلان- غادي الحيواااان(بقا يضرب فيه حتى سخفو بجوج )
ايات-(كاتبكي)كانترجاك ديني من هنا مابقيتش قادرة مابقييييتش هئ هئ
ارسلان-(ناض من عليه وشدها من يدها وجرها حلها الباب) ركبي
ايات-ركب حتى نتا
ارسلان-عندي جوج كلمات غانقولهوملو....(رجع عندو وشنق عليه) ايات دابا مرتي ونتا لي خسرتيها وانا ربحتها لانتا ولا سيك مراد غادي تفرقوني عليها
ادم- شكون مراد
ارسلان-يحساب لمك انا راني ناعس على ودني نهار التاني من العرس كونتي عندو فقلب دارو ..اشنو كاتامر معاه ضدي ...
ادم-مايحسابنيش عندك الجواسيس هههه
ارسلان- سير قول لسيك مراد الى ماكفاتوش لعصا لي كلى من عندي نعاودهالو....هادي رسالة وصلهالو..الى فكر يلمس شعرة من مرتي غادي نريب ديك الفيلة على راسو ولي معاه ماغانرحم حتى شي واحد فيهم ونتا منهم سمعتيني
ادم-(بتالع ريقو) كلامك غانوصلو اارسلان

ارسلان-سييييك ارسلان ..عمري وسخت يدي فدم اي واحد ...ولاكن الى تقاست شعرة من مرتي الحرب لي غانوضها عليه ماعمرو غايشوف بحالها... كانقسمليك بادم لي كايجري فعروقي غادي ندمرو كتر وكتر وكتر من قبل خليتو يجرب يعيش الافلاس وهاد لمرا غادي ندوقو طعم كتر من الافلاس ...وصل هضرتي بالحرف...

خلاه ومشا ركب فيسارة وكسيرا وزاد...اما ايات ماحيدتش عينيها على ادم حتى فاتو سيارة وحطت راسها على الباب بالم

طريق كلها وسكات مسيطر على الوضع ارسلان قلبو مغلغل على ايات وزاو حتى ادم ومراد طريق كاملة وهوا هتيج فصمت كيف التور...اما ايات عايشة الصدمة بطريقتها ومازالة كلمة الحقيرة لي قالهالها ادم كاضرب فودنيها بحال البرق مامستوعباش واش هوا الانسن لي بغاتو مت قلبها واش معقول هوا ادم لي كانت معاه وعايشين فنفس الدار علاش تقلب عليها علاش ولا يكرهها وهي مادارتلو والو دنبها انها بغاتو هاد الافكار كانت كاتراود ايات طول الطريق ودمعة مرافقة عينيها شحال ديال الصدمات عاشتهوم فمكاملاش 4 ساعات... كيف غادير مع المهمة لي كلفوها بيها وشنو الحل لهاد المصائب لي نزلو عليها فدقة وحدا

ايات-فين غادين...
ارسلان- مانعرف
ايات-مابغيتش نرجع للدار
ارسلان-ولا حتى انا .. (وقف جنب الطريق)
ايات- ارسلان عندك الدم فوجهك (بغات تقيسو دفعلها يديها) سسمحلي..
ارسلان- كاع داكشي لي دار فيك وكادافعي عليه ...
ايات-انااا
ارسلان-شنو نتي . ...شنووو
ايات-انا مابغيتكش توسخ يديك فيه...
ارسلان- ماتكدبيش انا شفت نضراتك ليه.... على الاقل حتارمي وجودي قدامك وحتى انا عندي قلب كون كنت كانتحكم فيه كون قتلت وجودك فيه من النهار الاول ولاكن ماشي بيدي بسف عليا... بسف عليا بغيتك ونتي بنت 3 اشهر ماشي دنبي انا....
ايات-(كاتبكي) كانترجاك تستكت حس بيا شوية لي فيا كافيني
ارسلان- وانا شكون يحس بيا ...ها...شكون
ايات- (كاتبكي) كانترجاك سكوت سكوووت....
ارسلان-(بقات فيه) صافي تهدني اناا
ايات-بغيتيني نكون مرتك...
ارسلان- ماكرهتش
ايات- ديني لشي دار نكونو غير انا وياك فيها وغادي نكون ليك داكساع روح وجسد خود حقوقك مني وماتبخلش على راسك انا كولي ليك...
ارسلان-(تصدم) شنو قلتي
ايات-كيف سمعتي
ارسلان-من قلبك كاتقولي هاد الهضرة
ايات-من اعماقي...
ارسلان- مانقدرش نقيسك الى مكنتيش كاتبادليني نفس الشعور .... غادي نديك لدار عندي مايدار.هاد.لعشية (كسيرا وزاد بسيارة)
ايات-علاش مابغيتيش
ارسلان-لارد
ايات- جاوبني
ارسلان- عارف علاش كاديري هاكا... بغيتي تشفي غليلك فادم وماعندكش شي طريقة اخرى مت غيري...
ايات- شافت فيه ونزلت راسها...
ارسلان-شفتي شنو قلتليك....
بقاو ساكتين حتى وصلها لدار
ارسزان-نزلي دخلي لدار
ايات- معاياش غادي ترجع
ارسلان- مانعرف ...(سد الباب وزاد)
باعلال-(غير شافها جا كايجري عندها) بنتي. ..الحمد لله على سلامتك شنو دارليك داك المسخوط وعلاش وشيتو بجوج
ايات-باعلال راسي كايحرقني بغيت نرتاح....
باعلال-واخا ابنتي نطيبليك شي حاجة سخونة تاكليها....
ايات- بغيت نيقا بوحدي....(خلاتو وطلعت لبيتها وسدت الباب) علاش ادم علاش انا شنو درت ليك لهاد الدرجة تبدلتي عليا حرام عليك(تلاحت على نموسيتها ودفنت راسها بين الوسايد) علاااش ياربي انا ...هئ هئ ..نترجاك غفر يا االعالي يا العالم باحوالي نمشي فطريقك لخبيث ما خلاني..نضل و ننسى الضمير ماهناني...راك شاغل بالي و فقلبي عزيز و غالي.. سبحانك يا عضيم الجاه..عبدك ليوم الغاوي غواه..الصديق عدوه و الشر دواه...الطبيعة طبيعة و الخير نساه ياربي شغاندير ارسلان مابغاش يبعد عليا مابغيتش يدكرو باشر لسان بسبابي هوا الوحيد لي حبني بسدق وانا مابغيتش نخسرو ..قلبي كايدق غير كانشوفو قلبي ليه نبض بسبب طيبتو وقلبو لكبير مابغيتوش يتعدب معايا بغيتو وغانبغيه وغانبقا نبغيه حبو نساني فادم وفسيرتو كانبغيه ومانقدرش نعيش بلا بيه وفنفس الوقت الى كان قربي غايأديه فامانقدرش نبقى قريبا منو خلي الحدود لي رسمت بيناتنا تخلي قلبك يبعد ويمل ويطفش مني... هادا هوا الحل..وياخوفي انا لي نضعف امامو اااااه ياقلبي وشغاندير فيك
مي عيشة-(كادق فالباب)بنتي.. بنتي ايات واخا دخلت

ايات-(كلست بسرعة ومسحت دموعها...) دخلي امي عيشة
ميعيشة-(حلت الباب دخلت وكلسة حداها)كنتي كاتبكي
مي عيشة- كنتي كاتبكي
ايات-هاه لا غير شي حاجة دخلتلي فعيني
ميعيشة- ماتبكيش دموعك غالين ابنتي...طلعتي حسن من الوصف لي وصفولي ارسلان
ايات-مافهمتش
مي عيشة- كان ديما كايعاودلي عليك فاش كان صغير وحتى فاش كبر ماعمرك غبتيلو عالبال ...
ايات-(تبسمت) وحتى هوا ماعمرو غابلي على بالي ...
مي عيشة- (تنهدت)نهار لي كنا فالمطبخ انااا ماعرفتش شغانقولك...بغيتك غير تفهمي هوا مادار والو
ايات-مافهمتكش علاياش كاتهضري
مي عيشة-لا فهمتيني مزيان ...
ايات- قلتليك مافهمتبييپپللل؛كش
مي عيشة- سي بوشتا غير زطموه هوا ماعنو حتى شي دخل
ايات- ههههههه مافهمتكش علاياش كاتهضري
مي عيشة - قولتليك راك فاهماني مزيان ولي سيفطك لهنا عندو هدف راحد يدمر سي بوشة اولدو...
ايات-(تصدمات) اناا بغيت نعس عافاك خليني بوحدي...
مي عيشة-مابغيتكش تبقاي غافلة راكي كاتلعبي مع ناس جبناء مخبين وراكي وكايتحكمو فيك كيف بغاو..
ايات- اااااناا ...اااا
مي عيشة- ماتقولي والو كلسي باش نعاودليك وتفهمي حيت داكشي لي معاودين ليك انا عرفتو كامل وحتى شي كلمة منو ماصحيحة...
ايات-وكيفاش نتي عرفتي هادشي...
مي عيشة-كلسي نعاودليك
ايات-انا كانسمعك
ميعيشة- قبل سنوات انا كنت الزوجة الاولى للحاج مصطفى و الله مارزقنيش بلولاد كونا عايشين انا وياه مزيانين وعندنا دار صغيورة عايشين فيها بسلام كان داكساع مازال كايقرا حيت تزوجنا صغار ... بعد 3 سنوات من الزواج جاتو خدمة فواحد الشركة كبيرة وعطاوه منصب محاسب وكان مصطفى ديما ماراضيش على الوضع والمنصب واحد النهار سولتو
مصطفى-صافي سكتنيني اعيشة
عيشة-ماغاديش نسكت الى ماعاودتيليش على هادشي لي مخبي عليا علاش ماراضيش على المنصب ديالك كاين لي كايحلم بيها ومالقاهاش
مصطفى-(بصراخ)صافي سكتييي نتي ماعارفة وااالو هداك لحقير ديال لكابوني شنو الفرق لي بيني وبينو شنوووو حيت هوا الابن الشرعي وانا ولد لحرام حيت هوا الوريت الشرعي يتمتع بالاملاك والشركات ولفلوس وانا شنوووو عندنا نفس الدم كايجري فعروقنا ديال نفس الاب وهوا يتمتع وانا لا
مي عيشة-(تصدمات)نتا ولكابوني خووت
مصطفى -اه خوت انا خوه لي عمرو سول فيا لا هوا ولا با لي ولدني وسمح فيا كانه ماولدنيش
مي عيشة-علاش ماقلتيليش هاد الهضرة من قبل
مصطفى -ماجاتش فرصة نقولهالك... تعدبت بزاف فحياتي ولواليدا كانت كاتمشي تصبن لوسخ ديال الناس.باش تقريني حتى ماتت مسكينة وهي كادمر عليا ...كون كان لواليد وقف معايا وعاوني فالعيلاج ديال مي كون راها مازالة عايشة لدابة مشيت لعندو كانبوسليه يديه ولكابوني كان كبر مني اواقف كايشوف فيا بنضرة احتقارية وماراضيش ببيا وحتى منين جرا عليا لواليد ماحاولش يوقفو....
عيشة- يمكن ماعرفكش خوه
مصطفى-وان يكن كان خصو يدخل ويمنعو مايجريش عليا..

مي عيشة- كان حاقد على خوه وباه وكايعتابرهوم اعدائو بعد مدة توفا الاب ديالهوم والكابوني اصبح الوريت الشرعي الوحيد وفديك الفترة زااااد لغل فقلبو وتعرف على مليكة كانت خدامة عاهرة وكان كايخوني معاها حتى حملت منو

ايات- كيفاش مليكة لي هي ماما...
مي عيشة-اه ماماك ولا كايبغيها وهملني انا بسبابها وفذدك الفترة عرفها على خوه الكابوني وتغرمو بيها بجوج لكابوني تقرب منها اولا كايبغيها ومصطفى مارضاش وكان كايحاول يبعدها عليه ولاكن ماقدرش حيت مليكة تعمات بلفلوس والمضاهر سمحت فيه وتزوجت بالكابوني واخا كانت حاملة من مصطفى الكابوني تقبل ديك لكرش وقالها نكون انا هوا الاب ديال هاد الولد لي فكرشك تزوجو بجوج ومليكة بعد مدة ولدت بنت كان فينما يجي لدار يبرد فيا اعصابو يضربني ويهيني ويعايرني حيت مكانولدش ...حاول ياخد بنتو ولاكن الكابوني كان واقفليه فطريقو وماخلاهش باش يدير لخاطر لمليكة ماكانش يقدر يشوفها مقلقة ... فاتو ايام وشهور سنين ومليكة حملت تاني وهاد المرة لي فكرشها ولد الكابوني...فهاد الفترة سي بوشتا دخل معاه شريك فشريكتو
ايات-(وقفت وكادور فالبيت) لا كيفاش شريك هوااا ...ولاكن
مي عيشة-باش انا قلتليك داكشي لي معاودينلك ماشي صحيح وغير كدوب
ايات- واخا كملي ليا...
مي عيشة- دخل معاه سي بوشتا شريك فالشركة حيت من بعد الموت ديال باه الشركة تازمات وكانت مهددة بالافلاس وسي بوشتا هوا لي عتقهوم براس المال ودخل شريك... هوما كانو صحاب ولاكن من بعد ولاو شركا تقوات صداقتهوم وسي بوشتا ولا هوا ليد ليمنية لسي لكابوني ومكايديرش شي خطوة بلا مايتشاور معاه
فهمت-وكيفاش مات بابا شكون لي قتلو
مي عيشة- لي قتلو هوا
سي بوشتا-(دخل عندهوم) عيشة خليني نكملها انا...
مي عيشة- يكون احسن...
سي بوشتا- واحد النهار كنت فشركة وكان الوقت متأخر جاني اتصال وقالولي ان مليكة مرت الكابوني كاتخون راجلها مع واحد ماستحملتش كيفاش تغضر صاحبي ...خرجت من الشركة ومشيت بسرعة لعنوان لي عطاوني وفاش وصلت لقيت لعنوان جاي فواحد الدرب مضلام ومقطوع

سي بوشا-فاش وصلت لقيت العنوان جاي فواحد الدرب مضلام ومقطوع نزلت من السيارة وشفت سيارة الكابوني توجهت نحوها وفلحضة شفت الكابوني طالح فالارض وغارق فدمو نزلت عندو كانغوت باش يعتقوه ولاكن حتى شي حد ماسمعني تما فهمت ان الاتصال لي جاني كان لغرض منو يلبسوني لجريمة ماعرفت ماندير هزيتو من تم ودخلتو لسيارة وديتو لطبيب ولاكن مالقاو فيه مايتعتق عشرين رصاصة ختارقات جسمو وقتلاتو فلحضة لحسن الحض تشريح لي دارولو فالمستشفى كتاشفو ان رصاص مامرخصش وان لوقت لي مات فيه ماشي هوا الوقت لي وصلت فيه الشرطة العلمية ولمحققين دارو خدمتهوم والحمد لله طلعت برئ ... ماتصرطتليش وماستحملتش كيفاش تقتل صاحبي ورفيقي وحاولو يتاهموني بقتلو بحت وكلفت مخققين ومخبرين حتى جابولي لخبار واول مرة غانكتاشف ان الكابوني عنو خوه غير شرعي وهوا لي قتلو بسبب الورت ... جاتني شمتة وماصبرتش... فهاد الوقت كان هوا استلم المنصب ديالو فبلاصت خوه كونو الوريت التاني حيت اب الكابوني كان عندو غير ولد واحد لي هوا لكابوني ولولد التاني الغير الشرعي لي هوا مصطفى ... اخد المنصب وترئس على العرش وتقوى كتر وكتر علن الحرب عليا حيت كنت شريك فاالشركة وهوا كان باغي كولشي ليه بغا ياخدلي رزقي لي تعبت عليه ويسبك عليا بدات الحرب والنار شعلت بيناتنا جمعت رجالي وهجمت عليه تقاتلت انا وياه لدرجت دربتة لعينو بواحد لعصا حتى فقيتهالو ومابقاش كايشوف بيها نتاصرت انا وخطفتو وديتو لواحد الدار مهجورة شهر وانا محتاجزو تما دوزت عليه العداب الاليم حيت كان قلبي شاعلة فيه النار على قبل موت صاحبي وحيت بغا ياخدلي رزقي...فالاخر قتارح عليا نبيعو الشركة ونقصمو الارباح فاالنصف وافقت ولاكن ماشي على البيع عطيتو نصيبو فاالشركة وطردتو والشركة بقات ليا ومن تما وحنا اعداك ومكانتحاملوش

مي عيشة-نهار لي مات سي الكابوني نهار لي تولدتي نتي ... وفالغد فالليل كونت ناعسة جاعندي مصطفى كايضق باجهد فالباب نضت طافجة وحليتلو الباب وصدمني لقيت فيديه تريبية صغيرة

مي عيشة- اشنو عادشي امصطفى
مصطفى حيدي من طريقي...
مي عيشة- ارا ....ارا نشوف ...باسم الله ماشاء الله
مصطفى- هاد ترابي غادي تبقى معانا واحد الفترة
عيشة- ديالمن هاد الصبيي منين جبتيه
مصطفى -هاديك راها بنت
عيشة-بنت من
مصطفى-بنت الكابوني...
عيشة-كيفااااش شنو كاتقول البنت عاد تولدات البارح ونتا جايبها حشومة عليك راها مازالة محتاجة ترضع ...
مصطفى- بلاما تبقاي تبلبلي عليا قلتايك فترة وغانديها
عيشة-فين غاتديها...
مصطفى- ماصوقكش ماغانخليهاش حتى تكبر وتجي طالب بالورت نصفيهالها من دابا
عيشة-(بصراخ) اويلي شكاتقول واش حماقيتي هاد البنت شنو دنبها حرام عليك نتا ماشي باشار
مصطفي- صافي سكتينا...
عيشة- صافي احبيبتي صافي ماتبكيش صافي...علاش جبتيهالي انا علاش ماديتيهاش لمرتك التانية
مصطفى -هاديك بحرا مكافية مع مراد وزينب نتي لي ماعندك مايدار غاتقابليها حتى نشوف شنو ندير بيها....
عيشة- شنو غادي نقوليك الله ياخد فيك الحق ياعدو الله
مصطفى- اه اه اه خليني سيري جيبيلي ماناكل..

ايات- ديك البنت هي انا ياك امي عيشة
مي عيشة- اه نتي هي (نزلت الدمعة من عينيها) كونتي بحال شي ملاك ولفتك وربيت عليك الكبدة جابك لعندي ونتي طريف دلحم صريرا ديالك مازالة خضرة ...شريتلك لحوايج ودوا ورضاعة ولحليب وبعد المرات كونت كانرضعك من صدري واخا ناشف باش نحسسك بالامان وباش نحس براسي وليت ام...عشتي معايا 40 يوم ربيت عليك الكبدة حتى لواحد النهار فقت مع لفجر باش نصلي ومالقيتكش حدايا كان قلبي غايسكت نضرب فراسي ونبكي حتى سمعت الباب تحلات وكان مصطفى هوا لي دخل شنقت عليه بالاعصاب وكان سكران ومقلوووب وماشي فوعيو بقيت نضرب فيه ونغوت

عيشة-ياعدو الله فين ديتيها
مصطفى- واطلقي منييييي
عيشة- فين ديتيها يالكافر بالله رجعلي بنتييييي
مصطفي-هاديك ماشي بنتك فهميهااا
عيشة-ماشي صوقك جيبلي بنتييييييي
مصطفى-هني راسك لحتها مشاااات بححح مااااتت ههههههه
عيشة- قتلتيها (كاضرب فيه) قتلتيلي بنتيييييي الله ياخد فيك الحق فين لحتيها فين درتيهااااا فهاد البرد والشتا الله ياخد فيك الحق
مصطفى-لحتها فضاية لي فلخرجة دلمدينة
عيشة-(طلقت منو ولبست جلابتها) الى مالقيتهاش غادي نقتلك

مي عيشة- خرجت كانجري نطيح ونوقف وكمل طريقي ...وشحال طوالت ديك الطريق مابغات تسالة واملي الوحيد نلقاك عايشة ..وغير وصلت وشفت من لبعيد جوج درجال واحد فيهم هزك وحطك وسط جاكيطة ديالو وشدو طاكسي باش يديوك لطبيب وقفت نفس الطاكسي فوسط الطريق ودرت السبة باطبيب ركبت معاهوم اوصلنا ودخلوك للمستعجلات انا كنت مراقباك غير من لبعيد باش مايشكوش فيا شحال بكيت عليك ودكتور لي يخرج نسولو على حالتك ماقديتش نصبر على بعدك وطلبت من واحد الصدقيقة عندي كانت خدامة فداك المستشفى باش تتوسطلي ونخدم فلمشفى وداكشي لي كان عطاوني نخدم فالميناج وكنوت مقابلاك حتى درتي 3 اشهر وجا لوقت باش يديوك للخيرية ..

حتى جالوقت باش يديوك للخيرية وتما ماصبرتش خرجت من لخدمة لي فلمشفى وتبعتك للخيرية وكونت باش نشوفك كاندير السبة كاندير راسي جايبا التبرعات للاطفال وكنت كانطمن عليك مرا مرا وعرف انهم سماوك ايات وانا لي كنت مسمياك ملاك فرحت فاش شفت معاك وليد مكايتفرقش معاك ديما هازك ودما حاضيك طمنت الحمد لله وقلت مع راسي من الاحسن تعيشي فالخيرية ومايسيقلكش لخبار مصطفى انك عايشة ويحاول يقتلك وخا هكاك كان كايشك فيا ودار واحد يتبعني وحصلني كانجي للخيرية بزاف وتما عرف ان بنت الكابوني مازالة عايشة درت معاه المستحيل باش يبعد عليك ومابغاش وفديك الفترة ناضت الحرب بين مصطفى وبوشتا ومصطفى غبر فديك الفترة وبعد مدة رجع ورجع مشغول بالفلوس لي خداهم من سي بوشتا تلها بالمشارع والاشغال ونسا امر ايات بقست معاك متبعاك حتى كبرتي ودرتي 6 سنوات واحد النهار جيت باش نشوفك وقالولي تبناتك شي عائلة بكيت حيت مابقيتش غانشوفك تعدبت ولاكن فكرت مع راسي هاكا احسن ليك تبعدي وتعيشي حيات طبيعية ....

ايات-(كاتبكي) ااااااه وانا لي كنت ضالما بابا ومعتابراه مجرم وكنت كانقول يستاهل يموت بديك الطريقة ...
سي بوشتا- الكابوني غضروه وتعداو عليه وعليك على قبل لفلوس
ايات- وكيفاش ارسلان عاش فالخيرية ونتي كنتي كاتشوفيه معايا
مي عيشة-انا ماكنتش كانعرف سي بوشتا مباشرة كونت غير كانسمع بيه بعد مدة طلقت من الحاج مصطفى.... وقلبت باش نخدم فاي حاجة كانت قلبت وقلبت والقدر طيحني فسي بوشتا من اطيب خلق الله خدمت عندو واحد المدة وقدرت نكسب الثقة ديالو وقالي على ولدو
سي بوشتا- بما انك كلستي فترة مع مليكة والحاجة اكيد قالوليك ان الحاجة كانت مرتي
ايات- بصح قالولي نس الهضرة
سي بوشتا- الحاجة كانت مرتي تزوجنا ان حب ولاكن هي كان فيها لخواض وكتاشفت عليها شلا حوايج خايبين وكان عندنا ارسلان صغيور فعمرو اربع سنوات كانو بيناتنا بزاف دلمشاكل وتافقنا على الطلاق ...المحكمة حكمت فصالحها ودات الولد صافرت بيه وحرمتني نشوفو وشحال قلبت عليهم تقول سرطتهوم الارض
مي عيشة- الحاجة تقل عليها لحمل ومابقاتش مساليا لولدها ومابغاتش تعطيه لسي بوشتا غير ضد فيه داتو للخيرية ...وانا كونت كانشوفو معاك تما ومكايتفارقش معاك وفاش خدمت عند سي بوشتا قتارحت عليه نقلبو على الولد فالخيريات
سي بوشتا-فالاول انا رفضت وقولت الحاجة مستحيل ترمي ولدنا فالخيرية ولاكن عيشة قنعتني وبدينا فالبحت واول خيرية مشينالها هي لي كمتو فيها بجوج وغير شفتو عرفتو حيت ماتبدلش نفس الصورة لي كانت عندو فاش كان 4 سنين لفرق لي كان هوا صوتو لي غلاض ولحيتو كانت بدات تكبر كانت عندو 16 لعام فاش لقيتو وباش نتاكدو كتر درنا فحص الابوة وطلع هوا ولدي ارسلان...فرحت بزاف وبغيت نعوضو على الاعوام لي ماكانش فجنبي ديتو لامريكة وخرجنا كاملين ديت ادم وارسلان وعيشة عشنا تماك فترة وعاد دخلنا للمغرب

ايات- وادم كيفاش ماتو والديه
سي بوشتا- ادم قصتو صقة حوى هداك ...الحاج مصطفى كان مخدم معاه اب ادم وكان امرو باش يقوم بشي عماية خارجة على القانون...والاب ديال ادم رفض يقوم بيها كان خايف يتشد فالحبس وكان كايهددو ...الاب ديال ادم جاعندي وشكا عليا وطلب مني نحميه من مصطفى حيت عرفو كايخاف مني وداكشي لي درت سيفطتلو رجالي كانو عاسين على دارو رجال مصطفى كانو ادكياء ودوخو رجالي بقنبلة دخان ودخلو ليهم قتلوهم واحد بواحد وبقا منهوم غير ادم حيت مكانش فادار فاش سقت لخبار مشيت لدار وديت ومعايا لبوليس ولقيت ادم مسكين فواحد الحالة يرثى لها بقا فيا بزاف وديتو معايا وقررت نتكفل بيه ونديرو بحال ولدي وخرجتو معانا لامريكة قراو هوا وارسلان وكانو بحال لخوت مابخلتش عليه قريتو وعلمتو وعطيتو الحصة ديالو من الشركة كانه ولدي ومكانش يحسابلي غادي يتبدل ويولي يضحك على بنات الناس....

ايات-الله يسمح ليه هدا مغانقول ...اوكيفاش عرفتي امي عية انني باغية ننتلقم من لي قتلي بابا شكون قالهالك
سي بوشتا-انا نجاوبك ...منين قالتلي عيشة انك بنت الكابوني بحت عليك وعرفت انكي جلستي فترة مع مليكة والحاجة وقلت اكيييد غايكونو عمروك عليا وفهموك غلاط باش ينتاقمو مني مع اني ماعملتلهم والو...وداكشي لي كان لقيصة لي عاودولك تعاودتلي باتفصيل الممل ...
ارسلان-(دخل عليهم) السلام عليكم
جاوبو جميعا- وعليكم السلام...
ارسلان- شفتكوم مجموعين هنا
سي بوشتا- غير كنا مونسين بنتي ايات...انا غانمشي خليتلكوم الراحة...
مي عيشة-وحتى انا بسلامة عليك ابنتي تصبحي على خير مازال ماتعشيتي
ايات- لامافياش الجوع تصبحي على خير...
مي عيشة- ونتا اولدي
ارسلان-مافياش الجوع...
مي عيشة -ايوا تصبحو على خير...
دخل ارسلان هز حوايجو ودخل للحمام بلاما يقول لايات حتى كلمة
ايات- كايبانلي مقلق مني ( تخشات وسط لفراش)
ااااه ياقلبي شغاندير فيك...
خرج ارسلان من الحمام شافها ناعسا وماداهاش فيها نشف شعرو ودخل فلفراش باش ينعس وعطاها باضهر...
ايات-بس ....بسبس ...بس (ماداهاش فيها)

ايات-واش مابغيتيش تهضر معايا
ارسلان-لارد
ايات-على خاطرك تصبح على خير
ارسلان-تصبحي على خير
ايات-ارسلان .... اناااا ..كانعتادر على لي قلتليك هاد لعشية
ارسلان-لارد
ايات- ماغاديش تسمحلي
ارسلان-(ضار لعندها) تفو على بنت كيف دايرا
ايات- اناااااا.... قول لي بغيتي ماعنديش مشكل
ارسلان-مخننة بكاية مشعكة مفششة ...
ايات-(كاتشوووف فيه وبتاسمت) لارد
ارسلان-(حتاهوا بادلها نفس النضرات) علاش كاتبتاسمي وانا كانعاير فيك
ايات- .خود راحتك اصلا انا كاتعجبني فاش كاتعصب
ارسلان- ياك المشعكة كاتبغي تشوفيني معصب
ايات-عرفتي لعرق لي فنص ديال جبهتك كايولي باين وغايطرطق وعينيك كايصغارو وكايطلاقاو حجبانك وكاتبقى تزير على سنانك .. وكاتولي حمر ودخان خارجليك من ودنيك
ارسلان-هادشي كامل لاحضتيه بشاااخ ....ونتي فاش كاتعصبي كاتولي تنتفي فشعرك وتعضي على شفايفك وتغمضي عينيك بحال شي قطة شريرة ...
ايات-هههههه هادشي كامل لاحضتيه بشااااخ...جاوقت تعاودلي حجايتي باش يطيب نعاسي
ارسلان-اوووف نعاسك واخا نديرو فكوكوط مايطيبش...
ايات-حشومة عليك ...عاودلي
ارسلان-واخا نتفكر شي حاجة...امممم
كان حتى كان لحبق و السوسن في حجر النبي العدنان عليه الصلاة و السلام
حكايتنا اليوم يا أهل المكان على امرأة من نسوان زمان

كانت شابة لكن كانت محرومة من العيال يعني " عاقرة" بكل المعان
هذا ما خلاٌ حياتها همٌ و غمٌ لا مع الراجل و لا بين الجيران
تظل تبحث و تبات تفكٌر و لا حدٌ قدر يلقا ليها سر الواحد المنٌان

حتى لواحد النهار من نهارات زمان

جاب الله من أخبرها بسر تفاح الحباري اللي كان آخر أمل ليها من بعد أملها فالرحمان
و من هنا بدأت حكاية تفاح الحباري، حيث الشابة هيئت دواها في يوم من الأيام
فكرت قبل ما تستعملوا تمشي الحمٌام.

لكن من بعد خروجها جاء راجلها و ملأ بطنه بدواها
بلا ما يكون داري بأنه ضيعها في رجائها..

من بعد الهمٌ اللي صاب الشابة و راجلها مرٌت الأيام و ظهرت علامات الحمل
على الراجل، و هذا كان سبب فالولادة الأولى من بعد تسع شهور..

كانت ولادة بنت سبحان من خلقها و من صوٌرها
ماهي مثل البنات و لا تشبه حدٌ من والديها تقول حورية و خلاص..

مرٌت الأيام و الشهور و البنت المقصودة تكبر و النور يزيد يطل من وجهها
ارسلتها أمها فيوم ترعى في الغابة
شعرت هناك بالعطش لكن ربي ما خلاها..

سخٌر ليها غزالة فتية مثلها شربت من حليبها
و فساعتها صارت البنت المقصودة تقفز مثلها مثل الغزالة
و كان خلف الشجار رجال كبار
يمكن يكونوا صيادة السلطان
بهرتهم غزالة الإنس بجمالها و بالنشاط اللي فيها
و غرهم الشيطان عليها حاولوا يصيدوها
لكن تقول كأن حليب الغزال كان حاميها
صارت تقفز و الرجال يجروا من وراها
و لا كانت ليهم..

تعبوا الصيادة من اللحاق بيها و رجعوا عند السلطان يحكوا ليه عليها
تبهر السلطان باللي قالوه و أمرهم فاليوم التالي ليه يجيبوها..

راحوا الصيادة فالوقت المعهود قاصدين الشر لبنت الجود
و ما كان منهم إلا أنهم جابوها كما أمر السلطان من بعد ما غلٌبتهم
و طلب منها السلطان تكون من نساء اللي فالقصر
و كانوا ما يتعدٌوا مايتحصاوا

لكن كلنا نعرفوا حرب النٌسا و نعرفوا باللي مايحبوش الشريك الزائد
تعبوا من التفكير لأجل تصير البنت المقصودة من القصر مطرودة
و ما كان أمامهم غير عرٌافة القصر اللي سحرها ما ينفع غير يضرٌ
نصحتهم بسبع إبر يوخزوا بهم البنت المقصودة..

و هكذا فعلت نساء القصر، فصارت البنت من بعد الوخز حمامة
تطير بجناحين..

و من حزنه عليها حاول سلطان القصر يبني متنزه ينعزل فيه و يتذكرها
و لكن كلما حاولوا رجال السلطان يبنيوا سور المتنزه كانت حمامتنا المعروفة
تطير و تقف فوق ذاك السور و تقول:

" تفاح الحباري أشنو عمل فيٌ، أمي رغبت بي و بويا حمل بيٌ
و الصيادة جابوني ليك يا السلطان و النسا بالقصر مثلوا بيٌ"

و هكذا على طول الأيام كلما قالت هاد الأغنية كان يسقط السور
و يرجعوا رجال السلطان يبنوه من جديد..

فأحد النهارات أمرهم السلطان يوضعوا العلكة فوق سطح السور
فوقعت الحمامة فيه و ما قدرت تطير
خاذوها للسلطان اللي حطٌها فوق ركبتو و ربٌت على رأسها

و يقول ليها:
" علاش يا حمامة كتوقعي السور؟؟"
حكات ليه الحمامة كل ما جرا من نساء القصر ،
و كان السلطان ساعتها كل ما يربت على رأس الحمامة توخزه إبرة من الإبر
و كيرميها لغاية آخر إبرة
و ما كان من الحمامة غير ترجع لحالتها المعهودة و تكون امرأة السلطان

و هكذا سارت حكايتنا مع الواد من بعد ما كانت من نصيب أهل الكرم و الجواد.....طاب نعاسك ولا مازااااال
ايات-مازاااااال ....هاد لحكاية عجبتني بزاف بالاخص فاش تزوجت باسلطان من بعد ماعتقها وحيد منها ليباري كانحسها كاتشبه لحكايتنا انا وياك انا لحمامة ونتا السلطان ...
ارسلان-(تبسم) لحمامة دياليي نتي ...
ايات- توحشت نرجعو لدوك الايام تجري عليا ونجري عليك فالحديقة
ارسلان-وحتى انا توحشت دوك اللايام....

***في فيلة مراد****
مراد-هههههههههه لحقير طوالو لسان اولى يهددني
ادم-خصنا نوقفوه عند حدو اسي مراد
مراد-هههههه خايف علي مرتو مني هههه الجبااان مايحسابوش مرتو هي ليغاتجيب اخرتو....هاحنا غانشوفو شكون لي غادي يغلب فالخر الحقير... كايهددني ...
ادم- شنو الحل اسي مراد...
مراد-نتا لي غادي تمشي مع ايات لسبتة نتا غاتبقا برا وهي غادخل لديوانة
ادم-ولاش انا باش غانفيدك
مراد-غادي تبلغ البوليس عليها فديوانة وغادي تشد فالحبس
ادم-ولاكن حنا غانخسرو بزاف دلفلوس فهاد العملية..
مراد-مكايهمنيش لي كايهمني دابا هوا نشوه داك ارسلان لي فرحان ليا بديك مرتو غادي يتمرمد وجهو فالارض تصور تسمع فتلفازة خبر عاجل...لقد تم القبض علي حرم السيد ارسلان ... وهي متلبسة باكياس من المخدرات ...اولى السيد الاعمال الشهير ارسلان يتاجر بالمخدرات بمساعدت زوجته الماصون...هاهاهاهاهاها...كيف جاتك هادي
ادم-هههههههه فكرة رااائعة...
مراد-هههههههههههههه غادي نوريه معامن كايلعب لحقير...
****في الصباح****
فاقت ايات بكري قبل مايفيق ارسلان وبقات كاضور فالغزفة وتفكر كيفاش غادي تفلت من لدوانة ..

ايات- اااه ياربي شغاندر وكيفاش غادي نفلت من الديوانة وهوما عندهوم لكلاب واجهزة متطورة كيف غاندييييير.....(طاحت عليها فكرة)ماعنديش شي حل اخر من غيرو ...لبست حوايجها لي عبارة عن ملابس رياضية وخرجت غير بالحس وارسلان ماحسش بيها ...

سفيان- ههههههههه....دوخك النعاس ليل كامل ونتا فايق
عدنان- خخخخخخخ دابا واش ماتقتيش والله لعاضيم باش نحلفليك
سفيان- شوووو شوف شكون كايصوني عليا
عدنان- جاوبها شكاتسنا
سفيان- الو
ايات- سي سفيان انا ايات
سفيان- لباس عليش اش فكرك فيا على صباح
ايات- سمحلي الى فيقتك بكري
سفيان- انا اصلا مناعسش
ايات- مزيان بغيت نطلاقا معاك ممكن
سفيان- امممم ..ااااا
ايات- عافاك محتاجاك
سفيان- واخا فينك نتي
ايات- انا فجردة لي قريبا للكومسارية
سفيان- بعدي من تماك اجي عندي مور لكومسارية
ايات- واخا ماتعطلش عليا....
اسفان- واخا(قطع) انا غانمشي شد بلاصتي علامانرجع
عدنان- نمشي معاك
سفيان- غايجي شاف مايلقاناش يجري علينا بدوج خليك هنا (هز جاكيطتو) هانا مشيت
**بعد لاحضات***
ايات- فين تعطل هدا
سفيان- سلام عليكم سمحيلي تعطلت عليك
ايات- ماشي مشكل ماعنديش بزاف دلوقت بغيتك تعاوني قولتيلي الى حتاجيتك نعيطليك ودابا انا حتاجيتك
سفيان- مرحبا فاش نعاونك
ايات- سماعيل كاتعرفو
سفيان- اممم عرفتو
ايات- كايهددني الى مانفدتلوش لي طلب مني غادي يقتل ارسلان
سفيان- شنو طلب منك
ايات- باغيني ندوز شحنة من المخدرات من سبتة وخفت من تهديداتو

بقاو بجوج شي ساعة وهوما كايهضرو ويتافقو على المهمة ....ايات رتاحت نسبيا للوضع ولاكن خاطرها مامهنيهاش من جيهت ارسلان وكيفاش غادير حتى تهرب منو فليل بلامايعيق بيها
سفيان- صافي دابا نتي سيري انا غانتكلف بكولشي رتاحي وماتخافي من والو
ايات- كيفاش ماغانخافش
سفيان - انا غانبقى معاك على اتصال طول المهمة شوفي كيف ديري غدا تخرجي من الدار وتجي لعندي
ايات- علاش غانجي عندك
سفيان- غادي نعطيك المكرفون والكمرة وغانعطيك المنوم لي غاتنعسي بيه ارسلان
ايات- اوووووف صافي واخا نتلاقاو غدا فهاد لبلاصا
سفيان-ايات ردي البال دوك الناس متساهلينش حاولي ماتيريش الشكوك اكيد غايكونو مراقبينك ...
ايات- اااه قلبي كايضرب غادي نمووووت بالخلعة
سفيان- ماعندكش مناش تخافي المهمة غادي تنجح باي طريقة
ايات- خصكوم تحاولو تشدو سماعيل
سفيان- الى شدينا اسماعيل ماغاديش نوصلو لريوس لكبار اهم حاجة دابا تردي البال وماتيريش الشبهات سيري دابا راك تعطلتي
ايات- واخا بسلاما

مشات ايات ورجعت للدار لقات ارسلان قالب عليها الدار باتقلاب
ايات- سلام عليكم
ارسلان-(جرها من يدها بجهد) فين كنتي .....(بصراخ ) جاوبي فين كنتي
ايات- ارسلان تهدن .... انا كنت كاندير سبور
ارسلان- علاش خرجتي بوحدك وعلاش مافيقتينيش
ايات- شفتك ناعس ومرتاح ومابغيتش نزعجك ..
ارسلان- الالة زعجيني ....(بصراخ)ماعمرك تعاودي تخرجي بوحدك
ايات-( كاتبكي) اناااا مايحسابليش غادي تقلق مني ماقصدتش
ارسلان- سمحيلي ...ماقصدتش نخليك تبكي ولاكن راه خفت عليك راكي عارفا لي كاين
مي عيشة- صافي اولدي خليها ترتاح زيدي ابنتي طلعي ترتاحي
ارسلان- ايااااات سمحيلي
ايات- لارد....

ارسلان-(تبعها دخل وسد الباب) ايات حياتي ماتقلقيش مني انا غير كانخاف عليك ماستحملتش نشوف دموعك
ايات-(عنقاتو بشوق وكاتبكي) هئ هئ ....
ارسلان- اوووه كانقسمليك غير من خوفي عليك كاع الافكار شيطانية خطرو على بالي لي سولتو كايقولي ماشافكش محد حتى لعساس ماشافكش
ايات- (معنقاه وكاتبكي) كان ناعس فاش خرجت
ارسلان- (زير عليها) على الاقل كان عليك تقوليها لجعفر يخرج معاك
ايات- واش نسيتي القانون ولا نفكرك فيه ياك نتا لي كتبتيه ممنوع نهضر مع جعفر...
ارسلان- امم نسيت ....قبلة الصباح نسيتيها
ايات- (بتاسمت ) لارد
ارسلان- اول مرا غانطلب منك قبلت الصباح وتبتاسمي ديما كاتغوتي وتهربي...
ايات-لارد مع ابتسامة...
قربو من بعضياتهوم شوية بشوية بشوية وطبع قبلة طويييلة على شفايفها وهي ستسلماتليه للنهاية
ايات-(توكدات وبعدت بسرعة) احم ...ااااا...انااا غادي نهبط نفطر...
اوسلان-(جرها من يدها) انا نجيبلك تفطري خليك معايا شوية
ايات-(قلبها كايضرب) ااااام....لا ...مكاين لاش
ارسلان-(قربها ليه) عافاك خليك معايا ...
بدا يقرب منها وهي تبعد هوا يقرب وهي تبعد حتى حاصرها مع لحيط...
ايات-(قلبها كايضرب بسرعة) ارسلا...
ارسلان-(حط صبعو على شفايفها)شوووووو...ماتقولي حتى كلمة...(وطبع قبلة طويييييلة اطول من الاولى وستسلمو بجوج لمشاعرهم ومكايفيقهم غير الدقان فباب الغرفة
رقية- لالة ايااات....لفطور راه واجد...
ايات-(دفعاتو بعد عليها) ااااانا جايا (حلت الباب وخرجت بسرعة وخلات ا سلان شاد فالحيط وكايبتاسم
ارسلان-اااااه يارقية الله يعطيك موصيبة ....
رقية- فين كنتي الالة هاد صبح سي ارسلان كان غايحماق عليك
ايات-مشيت غير درت سبور...
رقية- المحقق سفيان وصاني عليك...
ايات- (وقفت من الصدمة) شنو قلتي
رقية- انا سميتي الهام محققة فمركز مكافحة تهريب المخدرات ....
ايات- ( شداتها سخفة ) شنو كاتقولي
رقية...الهام- كلسي رتاحي شربي هاد الكاس دلماء...
ايات- شكرا...دابا نتي محققة ...وكيفاش وشنو كاديري هنا
رقية- الهام-انا دخلت لهاد الفيلة قبل منك بسيمانة ولمهمة ديالي هي نتي كلفوني نعاونك ونسهل عليك ونوصل ليك الاخبار باش مانتيروش الشكوك حيت نتي مراقبة
ايات- اه فهمت ...طلاقيت سفيان صبح مقالهالكش
رقية-الهام- اصلا انا شفتك فاش خرجتي صبح وغير تاصلتي بيه تاصلو بيا من المركز وعلموني وحاولت نتلف سي ارسلان حيت كان باغي يخرج يقلب عليك وماخليتوش لهيتو على مارجعتي...
تيات-مزيان احسن مادرتي....قالي سفيان باغيني نطلاقاه غدا....
رقية-الهام- مكاين لاش تكلمت معاك وداكشي لي قالك غانوصلو ليك حتى لبين يديك...
ايات-صافي مزيان ...على الاقل ماغانضطرش نمتل حداك ...عيييت من التمتيل قدام الناس
رقية-الهام-لهضرة لي قالوليك لبارح سي بوشتا ورقية كولها صحيحة انا سمعت كولشي اعدائك واعداءنا واعداء الوطن هما ناس مجهولين بانسبة لينا الصفقة لي غاتم بعد غدا غادي دوز على اكمل وجه ماعندك مناش تخافي خصك تحاولي تكسبي ثقتهم باش نوصلو للراس لكبير....
ايات- وكيفاش غاندير مع ارسلان ماشفتيهش شنو دار هاد صبح كان هايج كيف الثور...
رقية-الهام- انا غادي نتكلف بيه غادي نديروليه منوم باش مايعيقش
ايات- ياخوفي الى عاق غادي يريب علينا هاد الدار فوق ريوسنا كاملين
رقية-الهام-انا عارفة خدمتي مزيان .. تهناي من هاد الناحية ... غدا غادي تقرير ديال الخطة وغادي ندربو عزيه انا وياك باش ماتغلطيش ويعيقو بيك
ايات- بانسبة للبوليس لي فديوانة كيف غانديرو معاهوم
رقية-الهام- هادوك غادي نتكلفو بيهم شحنة غادي ذخل للمغرب بدون مشاكل غادي نخليوهم يفرحو ويتيقو بيك وتما عاد غادي تبدا لحرب....
ايات-هادشي كايخلع ا إلهام...
رقية-الهام- بصح اول مرة غادي تخافي ولاكن غادي تولفي(شدتلها فيدها) هادي قضية وطنية ومن اجل بلادنا خصنا نديرو المستحيل هادوك لمجرمين كايسممو شبابنا بديك الغبرة وكايخرجو عليهم وكايقومو ببزاف ديال الاعمال الغير قلنونية بحال السلاح والالماس والمخضرات والتجارة بالبشر....
ايات- كيفاش يعني التجارة بالبشر
رقية-الهام- التجارة بالبشر هي كايجيبو الناس الفقراء وكايستغلوهم كايعطيوهم جوج دريال وكاياخدو الكلاوي ديالهوم كايكونو متافقين على وحدة وفوقت العملية كايقتلوهم وياخدو جميع اعضائهم ويبيعوها باثمنة خيالية
ايات- هاد المجرمين خاصهوم يتعاقبو على افعالهوم
رقية-الهام- تعاوني معانا نتي هي الخيط الوحيد لي غادي يوصلنا ليهم .... وحنا غادي نحميوك ونامنو ليك الطريق ....بغيت نقولك حاجة
ايات- الله يسمعنا خبار الخير
رقية-الهام- ادم نصيحتي ماتيقيش فيه
ايات- اش دخل ادم بهاد لموضوع
رقية-الهام- ادم كايخدم معاهوم وداير يديه فيديهم..ماعمرك تيقي فيه
ايات- مافهمتش ادم علاش كايدير بحال هاكا
رقية-الهام- ادم مفهمينو داكشي لي فهموك نتي ومعمرينلو على سي بوشتا وزارعينلو افكار عدائية عليكم كاملين
ايات- كيفاااش معمرينو علينا...

رقية - الهام- كيف كاتسمعي ادم كايحسابو سي بوشتا هوا لي قتليه عائلتو تماما نفس الافكار لي زرعوهوم ليك اوهموك ان سي بوشتا هوا لي قتل الكابوني بباك...
ايات- دابا عاد فهمت علاش كايكره ارسلان وكرهني حتى انا فاش تزوجت بيه
الهام- رقية- حضي راسك منو هداك بمتابت قنبلة موقوتة وفاي لحضة تنفاجر ردي لبال مزيااان
ايات- تمام فهمت انا مابقى كايهمني لا ادم لاغيرو ...فداء وطني ندير المستحيل
رقية-الهام-(عنقتها)كانشكرك بزاااف ماتصوريش بالمساعدة ديالك شحال غادي تسهلي علينا نشدو راس الحية ونحطوه فمكانو الحقيقي لي هوا الحبس..
ايات-ياربي يقدرني ... هادي قضية وطنية وشخصية وغادي نقوم بيها على اكمل وجه ...
ارسلان-( دخل عندهوم) فين هوا هاد لفطور كونتي غادي تهرسي لباب قبيلة على لفطور ودابا كانشوف الطبلة خاوية
رقية-هاه ااااا..انا كونت كانوجد وعاد غانحط على الطبلة غير سبقوني نتوما انا غادي نجيبلكم لفطور برا ...
ارسلان- مزيان طلقي راسك...ايات اجي بغيتك فموضوع مهم...
ايات-واخا هانا جايا سبقني نتا....(شافتو خرج) رقية ...بغيت نقول الهام ...
رقية-الهام- عيطيلي رقية حسن ...
ايات- (تبسمت) بصح رقية حسن ..انننا غادي نمشي وغير يجيك لمخطط علميني متشوقة نشوفو
رقية-برافو عليك هكا نبغيك ديما قوية...
ايات-بتاسمت وخرجت...ارسلان ....فينك
ارسلان-انا هنا فالمكتب
ايات-(دخلت عندو وهيا حشمانا من القبلة) بغيتيني فشي حاجة...
ارسلان-احم...ااااا اليوم عندي حفلة ضخمة وتعرضت وبغيتك تمشي معايا
ايات-بصاااح...ولاكن ماعندي حتى حاجا زوينة نلبسها..
ارسلان-انا غادي نسيفطايك واحد البنت خبيرة فهادشي ديال لباس وداكشي ديالكوم
ايات-شنو هوا هادشي ديالنا
ارسلان-داكشي ماعرفتش دوك الالواان لي كاديرو فلعينين وفلوجه
ايات-المكياج...
ارسلان-اه هوا
ايات-(بتاسمت) اوكي معاياش غانمشيو...
ارسلان- لخمسة ندوز عليك نلقاك واجدا
ايات-اوكي كانتمنى نشرفك
ارسلان-(قرب ليها)نتي ديما مشرفاني...ولاكن الى شاف فيك شي حد مانضمنش ليك شنو غاندير...
ايات- ماتزيدش فيه عفاك...
ارسلان-(كايلعب ليها فشعرها) وعلاش انا عندي هاد الجمال كامل ومانغيرش...
ايات-(حشمت)احم لي يسمعك يقول داي ملكة الجمال
ارسلان-نتي اجمل من ملكة الجمال ...(شدليها فيدها) اياات
ايات-هممم
ارسلان-بغيت وليدات منك...
سي بوشتا-(دخل عليهم)احم سمحولي الى جيت فشي وقت غير مناسب...غاندي غير شي وراق ونخرج....
ايات-لا اعمي جيتي فوقتك انا اصلان كنت خارجة خليتلكم الراحة....(خرجت وسدت الباب)
سي بوشتا-(علا عينو)مالك كاتشوف فيا هاكا
ارسلان- استغفر الله العضيم...(خرج وسد الباب)
سي بوشتا-هدا مالو عاد كان كايضحك ....
ارسلان- ايااااات(شدها وجرها عندو ) يالاه نطلعو لبيت بغيت نقولك شي هضرة
ايات-قولها هنا
ارسلان-حشووومة
ايات-ادن هادي ماشي هضرة....(مشات وخلاتو)
ارسلان-رقياااااااااا....
رقية-(خرجت كاتجري)نعام اسيدي
ارسلان-فين هوا لفطور
رقية-(شافت فيه بتعجب)هاهوا على الطبلة
ارسلان-(ضار شاف فاطبلة) وعلاش ماعيطتليش
رقية-خفت نعيطليك وتغوت عليا بحال قبيلة
ارسلان-هاه...اه..صافي غير سيري...
ايات-هههههههههه لا حول ولا قوة الى بالله....
ارسلان-لاش كاضحكي نتي مابغيتيش طلعي معايا للبيت سكتي حسن...
ايات-هههههههههه هاهيا ساكتة
****في فيلة مراد****
زينب-ادم كيف جاتني هاد لكسيوة...
ادم-زوينة عجبتني
مراد-جيتي كاتحمقي اختي لغزالة
زينب-ماقلتيليش شكون لي غادي ترافقك للحفلة
مراد-كونتي نتي وطيرك مني ادم.... وماعندي ماندير غانرافق ضلي...
زينب-ههههههههههههه انشوفلك خالتي ضاوية هههه
مراد- نتي لي جامعاك ضحك غير كركري...
ادم-هههههههه ومال خالتي ضاوية ماشي راجل....ههههه
زينب-ههههههههههههههههههههه اااااااااه ياكرشييييييي
مراد-لا اله الا الله ....واصافي سكتي هههههههههههههه

***في المساء***
خبيرت التجميل وجابت معاها فستان رائع وراقي عملت ليها مكياج دخاني عطاها اطلالة جريئة وعملت ليها تسريحة كلاسيكية مجموعة من جنب ومطلوق من الجيهة التانية ولبست فستان ارزق غامق طويل ضيق من الصدر والخصر وهابط وكايوساع محلول من الصدر وسماطيه عراض ومرصع كولو بالاحجار وكايلمع...لموهم جات غزالة ماشاء الله...
اما ارسلان لبس بدلة سوداء وسوميج ابيض وبابيون وحداء اسود وعمل تسريحة فشعرو ديال ولاد الوقت جا بحال شي عارض ازياء ياسلاااام عالجمال

ارسلان- (فتح الباب ودخل ونباهر من جمالها)
من أنتِ؟ يا من سلبتِ مشاعري وأحاسيسي من أنتِ؟ يا من تفجّر بركان شوقي إليها من أنتِ؟ يا من هلّت مدامعي من أجلها من أنتِ؟ يا من عجزت الروح نسيانها من أنتِ؟ يا من جعلتني أتحسّر ألماً على ما مضى من عمري بدونك رحماكِ سيّدتي؟ رحماكِ على قلبٍ يتشطّر ألماً في غيابك رحماكِ على روحٍ ترتوي من عذب همساتك رحماكِ يا سيّدتي ما عدت أقوى على الحياة بدونك

ايات-( وحنات راسها خجلا)لارد
ارسلان-(قرب ليها وقبل يدها ) سحرتيني يالمجينينة ديالي
ايات-(تبسمت) انا مجينينة حشومة عليك
ارسلان- لمشعكة لمخننة لخايبة لبكاية ...
ايات-امممم ههههه مشينا...
ارسلان-مشينا ممكن تتمسكي بيدي
ايات-(تبسمت وشدتليه فيدو) ماقلتليش ديالمن هاد الحفل...
ارسلان-حفل خطوبت ابن الوزير...
ايات- اوووه حفلة ضخمة.هادر..

خرجو عشاقنا بجوج ركبو فسيارة وتوجهو للحفل وطريق كاملة والجو ملئ بالغزل واللمسات والهمسات
اما ادم وزينب كدالك فسيارتهم ومرامرا يتغزل ادم فحبيبتو زينب ومعاهم ايضا مراد فنفس السيارة مرا يضحكو ومرا يهضرو ومرا هاهوما ساكتين
وصلو سيارات بجوج فنفس اللحضة ارسلان وايات مراد زينب وادم...
ايات-(تمسكب بيد ارسلان بقوة)ماقلتيليش حتى ادم غادي يحضر
ارسلان-(لمس خدها بيدو وبتاسم) ماكنتش عارف غايجي حتى هوا .....
ايات-شكون هاديك لي معاه
ارسلان-شاف فيها ....وفاش كايهمك تكون شكون مابغات تكون ماتشوفيش فيه وماتفكريش فيه ....يالاه ندخلو

مرو ايات وارسلان تحت نضرات ادم ومراد
زينب-(كاتشوف فادم)هي هادي ايات ياك
ادم - اممم
رينب-زوينة بزااف حسن من الصورة لي فالمجلة...
مراد- (بتاسم بمكر)جميلة بزاف ماشاء الله ...
ادم- يالاه ندخلو ....
ارسلان كايعرف ايات على اصحابو ومعارفو وهي ياعيني قلبها وعقلها مامعاهاش وكاتفكر فلمشهد لي شافت فيه يد ادم شادة فيد زينب
ارسلان-ايات ضحكي شوية
ايات- اه واخا سمحلي ...(ضورت راسها وشافت ادم داخل بكل افتخار والبسمة على وجهو كانه عمرو كان يبغيها وهادشي لي خلى قلب ايات يتحرق وحست باشمتة وكاتسائل كيفاش انا بغيت واحد بحالو كيفاش قلبي نبض ليه وفين كان عقلي صحيح لي قالو الحب اعمى دابا عاد حليت عيني على الواقع وعرفت قلبك منافق وغدار ماتستاهلش دمعة تنزل من عيني

ارسلان-(شافها كاتشوف فيهم ومارضاش)ايات الى كنتي مامرتاحاش يالاه نرجعو للدار
ايات-(فيقها من الصدمة)هاه....لا مكاين لاش الحفلة زوينة وعاد بدات...
مراد-(تقدم لعندهوم) اوووووه صديقي العزيز مسيو ارسلان هنا نوووو (عنقو)
ارسلان-(ماحاملوش وبادلو نفس الابتسامة الزائفة) صديقي مسيو مراد هنا ومافخباريش نوووو
مراد-هههههههه دمك خفيف ماعرفتينيش على المدام...
ارسلان-(خنزر فيه وقرب ليه) مسيو مراد لتازم حدودك راحنا فحفلة ماتخلينيش نقلبها جنازة
مراد-هاهاهاهاهاهاها..... كاتقتلني بالضحك مسيو ارسلان مازال كيف كنتي ماتبدلتيش دمك خفيف وكومدي تبارك الله عليك (شاف فايات) نعرفك على نفسي امدام...انا مسيو مراد صديق ارسلان من الطفولة...
ايات-(بتاسمت ) تشرفت بمعرفتك
ادم-(مشا عندهم ومعاه زينب) مانحتاجش نعرفكم على نفسي كاتعرفوني عز المعرفة
ارسلان- صحيح كايقولو لي حشمو ماتو هههههههه
ايات- (قربت لزينب بغرور ) مادموزيل انا مدام ايات زوجت مسيو ارسلان
زينب-(بادلتها نفس الابتسامة بغرور) تشرفت بمعرفتك انا زينب خطيبت مسيو ادم ....
ايات-(تسعقات) اهاااا مبروووك الله يكمل بالخير بلحق ماتضمنيهش نصيحتي ليك ربطيه حداك ليلة العرس ماتخليهش يفلت منك (غمزتها)
ههههههههههههههه
زينب-(جمعت الضحكة) لارد
مراد-هههههههههههههههه مدام ايات وااااو على جمال اسلوبك فالكلام رائعة بكل المعاني....
ايات- (بتاسمت بغرور) ميغسي مسيو مراد
ارسلان-(قرب من ادم) دوك العينين غادي تجمعهوم على مرتي ولاا غادي ننن...
ادم- (بتاسم بغرور) هي نتا مكاتيقش فمرتك امسيو ارسلان اولااااا ماكاتيقش فنفسك....
ايات- مسيو ادم اطلالتك اليوم جميلة كيف العادة مانسيتيش تلبس لكرافاطة لي شريتلك
ارسلان تصدم وبقا غير كايشوف اما زينب البرق ضرب فقلبها ومارضاتش
ادم-(تصدم) هههههه نسيت انكي نتي لي شريتيهالي....
ايات- ههههههههههه مسكيييين اصلا عندك النسيان شي حاجة عادية ....
زينب- ادم بغيت نعرفك على صحباتي اجي معايا
ادم-(شد فيها وشاف فايات) يالاه الحبيبة ديالي ...خلينالكوم الراحة
ارسلان- الله يعرضك السلامة ...
مراد- (وقف النادل. وخدا منو جوج كيسان من الشمبانيا)مدام ايات تفضلي شربي معايا
ارسلان-(خطفولو من يدو وهبط عليه شربو فجغمة) شكرا امسيو مراد
مراد-ههههه بصحة وراحة (عطاها كاسو)خودي هدا شربيه بصحة

ارسلان-( عاود خطفوليه من يدو) مرتي مكاتشربش الشراب ...
مراد- اوووه واش بصح
ايات- اااام ...اه مكانشربوش
مراد- نوووو نتي مزالة جون وخصك تجربي بحال هاد المسائل شمبانيا لنبيد الاحمر والابيض من اغلى المشروبات
ايات- مع دالك هاد المشروبات حرام واى حاجة حرام كانبعد عليها....
ارسلان- حياتي اجي نعرفك على واحد صديقي
ايات-استئدن منك
مراد-(بتاسم) بتسامتك معاك
اسماء- قربت عندو....مسيو مراد عااااش من شافك
مراد-اووووووه مادموزيل اسماء توحشناك
اسماء-عليها كاتسول فيا...
مراد-راكي ديما فالبال غير اشغال الدنيا لاهيانا وخلاص
اسماء-بصح عندك الحق(هزت كاس ديال شمبانيا وكاتشوف فارسلان وايات) الحفلة زاهيا اليوم
مراد-(شافها فمن كاتشوف وبتاسم) وي عندك الحق ارسلان ومدامتو واتاو بعضياتهوم
اسماء-(ضحكة باستهزاء)عندك الحق
مراد-وكيف جرا حتى تفارقتو
اسماء- مابقيتش بغيتو وطلعلي فراسي وفسخت الخطوبة
مراد-(عارفها كتتكدب) نتي تستاهلي ماحسن منو ...
اسماء -اكيييد طبعا (ضربت كاسها مع كاسو)
ارسلان-حياتي ماعيتيش...
ايات- لا بلعكس مستمتعا واصدقائك دريفين بزاااف...
ارسلان-(بتاسم وهوا كايشوف فادم بنص عين) مزيان داكشي لي بغيت غير تبدلي الجو شوية احياتي
ايات- اه بصح اممم بغيت نمشي لطواليط
ارسلان-يالاه نوصلك ..
ايات-لا مكاين لاش غادي نتبع دوك لبنات وندخل معاهوم حشومة توصلني
ارسلان-هههههه واخا الخايبة
الشخص-مسيو ارسلااان مرحبا بيك عندنا
ايات-انا مشيت
ارسلان-واخا...مسيو مبروك مادرتي لولدك....

مشات ايات للحمام تحت انضار ادم دخلت وخرجت وماحست براسها حتا جبدتها يد ولسقتها وع لحيط...
ايات-طلق مني... وشهاد الاسلوب باش كاتصرف
ادم- عاجبك الحال معاه ...
ايات-علامن كاتهضر وبعد عليا شوية
ادم-(زاد قرب منها وزير عليها) راكي عارفاني علامن كانهضر
ايات-اه فرحانا معاه هوا راجلي وحبيبي واب ولادي ومؤخرا كانفكرو نجيبو وليدات
ادم-مستحيل نخليك ديري معاه شي حاجة
ايات-وبشمن صفة اييدي ....وبعد عليا شوية راك خنقتيني....
ادم-(مابغاش يبعد عليها) علاش تزوجتي بيه علاش
ايات-ههههههههههههههه شوفو شكون لي كايسول ماشي نتا لي سمحتي فيا بغيتيني نبقا نبكي عليك
ادم- نتي قبطتي وتزوجتي بيه ماعرفتيش ضروفي واش مريض واش واقعالي شي حاجة واش مت قبطتي وتزوجتي بيه
ايات-لاء زدتي فيه واش فقدتي الداكرة ولا شنو واش نسيتي شنو درتيلي وشنو قلتيلي
ادم- مكايهمنيش دابا نعرف خلينا نرجعو لبعضياتنا
ايات-حماقيتي لا...وخطيبتك حتى هي دايرها غير احتياط ولا شنو
ادم-ماتبدليش الموضوع انا كونت كارهك ولاكن منين رجعت شفتك قلبي نبض من جديد وهاد الاحساس عمري حسيتو مع اي وحدا....
ايات- مليت جرحك وتبريرك وموالك... تخطئ وترجع تعتذر باش ترضيني""إدا كان جرح القلوب البيضة يهنالك يموت حبك ولا تنزف شراييني "
ادم- علاش كاتقولي بحال هاكا ونتي لي غدرتيني وتزوجتي بصاحبي
ايات- غرورك أعماك وتحلم تبني آمالك...لااا نهايتك درتيها بيدك قبل ما تنهيني"والله لاانت ولاعشره من امثالك تخضع له النفسي ويفكر يمشيني"
ادم-(خنزر فيها وشدها بعنف من وجها) طوالك لسان اشنيولة ماكنتيش هكا من قبل غادي ندمك على هاد الهضرة
ايات-(دفعاتو بقوة) الحقيييير اسمعني يا خاين العهد
ياك تلاقينا بالصدفى وساد بينا الحب واللهفى
تعاهدنا علصدق والصفى ويكون شعارنا هو لوفى
عاهدتيني تبقى ليا وافي وتكون ليا وحدي
اليوم تبدلتي وتغير حالك ...ماعرفت اش جرالك..الى كانت من عند الله مرحبا بيها الى كانت من عند العبد الله ياخد الحق... كرهتيني فيك بسبب افعالك حتى كلمة سمحيلي ماخرجتش من لسانك... علاش انا شنو درت ليك واشنو دنبي هااا(كاتبكي)دنيي انني حبيتك ....دنبي انني تقت فيك ولاكن نتا ماتسواش وماشي راجل حيت الرجولة مواقف ونتا غير شماتة ( مسحت دموعها وخرجت )
ادم -(طاح فالارض وكايشد فراسو) ااااااااه راااسييييي .....شي حاجة ماشي هي هاديك شي حاجة ناقصة من هاد لقضية
زينب-(دخلت عندو) حياتي باش كاتحس نديك لطبيب
ادم- طلقي مني ...صافي انا بيخير باش عرفتيني هنا
زينب- انا سمعت كولشي اادم نتا مزال كاتبغيها...
ادم- دماغي دايخ وماعارفس راسي شكاندير غادي نحماق
زينب-خلينا نمشيو لدار
ادم- لا مابغيتش خلي من بعد
ايات-(دخلت للصالة وهي كاتسب وتعاير فنفسها )لحقير حتق كلمت سمحيلي ماخرجتش من فمو ومايلومني انا...
مراد-مداااام تسمحيلي بهاد الرقصة ...
ايات- (ماسمعاتوش)شنو قلتي...
جرها مراد ودخلها للوسط وكانو غير هما لي واقفين كايرقصو
ايات-شنو كادير
مراد-ماتحشمينيش ورقصي معايا....بليييز
جرها لعندو ولاصق خصرو مع خصرها وبدا يتمايل على انغام الموسيقى وهي غير مصدومة وكاتحرك بحال شي روبو اما مراد كايتحقق فكل ملامح وحهها وسارح فسما الاحلام الوردية
اما ارسلان كان كايقلب على ايات ومالقاهاش ورجع للقاعة وتصدم من المشهد لي شاف
اسماء- تسمحلي بهاد الرقصة
جراتو للوسط وعنقاتو وبدات ترقص وتتمايل مع الحان الموسيقى الكلاسية

جراتو للوسط وعنقاتو وبدات ترقص وتتمايل مع الحان الموسيقى الكلاسية اماا ارسلان مصدوم من ايات وهي مصدومة منو وكايتبادلو نضرات الغيرة .... اما مراد شاف نضراتها لارسلان وحاول يلهيها بالهضرة ويتغزل فيها....اما اسماء كاتهضر وتهضر وتهضر وشكون سمعها ارسلان مرفوع وعاقد حواجبو وباغي يقتل مراد ستفزو كتر من اللزوم
دخلت زينب وادم للوسط وحتى هوما كايرقصو وعينين ادم مازالتش على ايات وكايتسائل علاش ايات حاقدا عليا وهي لي خانتني
اما زينب كاتشوف فعيون ادم لي سارحة فبحر ايات تالمت وتازمت على راسها وكاتقولل فنفسها شنو لي فيها ومافياش ...
اسماء - فرحان فحياتك الزوجية
ارسلان- اممم اكتر مماتصوري
اسماء- اممم مكاتجيكش لغيرة على مرتك وهي كاترقص مع راجل اخر
اوسلان-حنى بيناتنا الثقة فهمتي
اسماء-(بتاسمت بمكر) اممم
غمزت النادل باش يدير لي وصاتو عليه وداكشي لي كان كب واحد جوج كينات فالعصير وكايتسنا اوامر اسماء
مراد- (كايتغزل فيها) وصاحبتي اذا ضحكت يسيل الليل موسيقا
تطوقني بساقية من النهوند تطويقا
فاشرب من قرار الرصد ابريقا فابريقا
تفنن حين تطلقها كحق الورد تنسيقا
وتشبعها قبيل البث ترخيما وترقيقا
انامل صوتك الزرقاء تمعن في تمزيقا
ايا ذات الفم الذهبي رشي الليل موسيقا
ايات-(تبسمت ابتسامة صفرة)لارد

مراد- ابتسامتك سحارة سحرتني
فهاد اللحضة كان ارسلان قريب من ايات وسمع داك جوج كلمات "ابتسامتك سحارة سحرتني" نوضت الغل فقلبو وبلامايحس جر ايات من يد مراد وبغا يدابز معاه
مراد-تهدن اصاحبي مالك
ارسلان- كايبانلي لهضرة لي قلت لادم ماوصلاتكش
مراد-وصلتني وباتفصيل الممل
ارسلان-(كايتنفس بعصبية) ادن ديرها فعقلك ولتازم حدودك
ايات-ارسلان تهدن
ارسلان-(جرها وداها لجنب ) كيفاش بغيتيني نتهدن وهوا كايتغزل فمرتي (قرب منهم النادل )
ايات-(شافت النادل وهزت جوج كيسان ديال العاصير) هاك شرب هاد العاصير وتهدن
ارسلان-كيفاش غادي نتهدن قوليلي....
ايات-صافي عافاك ماتزيدش فيه
اوسلان- مانزيدش فيه ونتي عاجبك الحال ياك
ايات- لا ماشي هكاك ولاكن ماضخمش الموضوع هاك شرب هاد العاصير
ارسلان-ومابغيتش ماغانشربش
ايات-عافاك على عير تهدن وعلى قبلي نشربو انا وياك انا عطشانا

دارليها خاطرها وشربوه بجوج حتى خواو الكاس اما اسماء حاضياهم كاضحك عليهم بمكر وخبت عوالة تشوههوم فالحفلة
ارسلان-ايات يالاه نمشييو عييت
ايات-واخا يالاه حتى انا عييت
خرجو بجوج وعيون اسماء عليهم ولمخطط ديالها فشل كانت عوالة تخليهم يحماقو ويتشوهو امام الناس وصحافة لاكن هوما غير شربو العاصير وخرجو ....
ايات-(راكبين فاسيارة)كانحس يادنية كاضور بيا
ارسلان- كون شفتي انا هاهاهاهاهاهاها
ايات-خخخخخخخ هاهاهاها اجي لاش كانضحكو ارسلان-هاااااههههههههههههه مانعرف المشعكاااااااااا ههههههههههههههههههه
ايات-ماشي بحالك المخنن خخخخخههههههههههه
ارسلان- هااااااههههههه فين غادين دابا
ايات-اااااا نمشيو للمارشي نجيبو لخضرة ونرجعو نطيبلك كسكسو واااااااااعر ههتههه
ارسلان--خخخخخخخخخ لا لا لا نمشيو للبحر نعومو حسن
ايات- الااااااااااا اصاحبي اليل هادا
ارسلان-لاااا شمس مكاتشوفيهاااش عواريتيييي خخخخخههههه
ايات- (كاتشوف فسماء) ها هاديك راها لكمرة العور عندك عما الالوان
ارسلان-هاه ااااااه وشنو هي لكمرة
ايات-لكمرة هي واحد الكورة بيضة معلقة فسما
ارسلان-ااااااااه فهمت
ايات-دابا حنا الى مشينا لدار غانلقاو الباب مسدودة وشكون غايحل لينا الباب
ارسلان- اه شكون غايحل لينا الباب.....
ايات- جاتني فكرة نمشيو للاوطيل
ارسلان- واااااااااهيا لماليك واااااااهيا لحكومة هادي احسن فكرة سمعتها ....بلاتي فين هي طريق ديال الاوطيل
ايات-ييييخ على بنادم ....غير زيد انا نوريك طريق

وصلو للاوطيل وخرجو من السيارة
ارسلان(جبد جيابو) يابنت الناس انا فقير ودراهم يومي معدودة تيراراااا....ههههههاااااا
ايات- اهصمك اااااااه اسيبك لااااااااا لا لا لا
دخلو وهوما كايتمايلو شي على شي خداو غرفة
وفتخو لاسانسور
ايات-لاااااااااااا مابغيتش نمووووووووووت
ارسلان-(كايجرها)هااااههههههخه نموتو انا وياااااااك الخوافاااااااااا (دخلها بزز)
ايات- انا غادي ننتاحر ونكتب سميتك فورقة باش تختخ فالحاااابس
ارسلان- خخخخخخخخخ مجريمة (وصل بهم لاسانسور) ايوا خرجي
ايات(خرجت وبانتلها مراية) ويليييييييي شكون هاد لبنت ييييخخخخ كاتخلع
ارسلان-هاهاااا هايك راها نتي الهبلة
ايات-بزاف عليك انا حسن منها....يااااااااااااه هاد الارض شحال رطبااااااا كانشوف فيها وجهي هههه(نعست فالارض) وافيا نعااااس
ارسلان- انوضييييي (جرها اوقفها) بلاتي فين هوا بيتنا...
ايات-مانعرف اجي نجربو سوارت والباب لي تحلات هي ديالنا....
بقاو يجربو فدوك لبيبان حتى خرج عندهوم واحد الراجل شارف وخنزر فيهم
اوسلان-عمي الحاج تصبح على خير(جر الباب وسدها)
بقاو يجربو فالبيبان وفكل مرا كايخرجولهوم الناس كايغوتو عليهم حتى وصلو لبيتهم ودخلوو...

يتبع