زهرة تحرجات قدام طبيبة من طريقة وردة وهي لي مولفا معاهم هي العياقة والشياكة والتاويل..ومعرفات مدير كتخرج بتسامة بزز لطبيبى لي كضحك ولالة وردة ولا على بالها كضحك وتعنق فزهرى وتبوس فيها ..بعداتها عليها ووجها حمار وقالت:مبروووك احبيبا هه
وردة:هههه وليد من محمد ههه اححح
هزات توبة كتبوس فيها ودور بيها وتغوت..حتا نغزاتها زهرة وقالت:جلسي نسمعو الطبيبة..جلسات والابتسامة على وجهها كبيرة ونطقات الطبيبة:مبرووك عليك الحفيد الثاني احبيبا..ونتي امدام الساجدي مبروك عليك البيبي
وردة:الله يبارك فيك ههه😄😄😄
زهرة:(مرضاتش حيت جاب ليها الله بحالا قالت ليها شارفا هي بالفن)ميرسي حبيبا😒😒
الطبيبة:بون دابا حملك مستقر وباقي فاشهرو الاولى..عندك شهر مي لي نوصيك ضروري تاخدي دي فيتامين اعاونوك على الحمل واقلو الحمل الاول ياك
وردة:اه الاول
الطبيبة:مزيان..ردي لبال لراسك وتفاداي الثقل راه شي حوايج بساط كيأديو البيبي..غنكتب ليك شي دوا وتبعيه بانتظام وان شاء الله يكون خير ومبروووك مرة خرا
زهرة:ميغسي بوكو😊😊
شدات من عندها الورقة وشكراتها وردة فرحانة وممتيقاش ان فكرشها طرف كيجمعها بمحمد..ثمرة حبهم..اخ ولا اخت لتوبة ..ركباتها قدامها تاني وخرجات كتمشا كي شي بنيتة صغيرة فرحانة بمونيكتها..وضرسة تالعقل كتبان ليها فحين زهرة فرحات ومفرحاتش..معارفاش تحدد اخساسها..نزلو لتحت وقالت زهرة:مبرررووك البيبي
وردة:هههه الله يبارك فيك..غتولي جدة تاني ازهيرو 😂😂
هو كان كيقلب فالفيس ديالها حيت خلاتو محلول عندو وكان تيبقشش..حتا وصلو ميساج من نمرتها هز عينيه فيها لقاها حادرا راسها على تيلي ومزنكة وبتاسم ورجع كنب ليها فميساج:عمري
صبفتات الميساج ووصلو وحلو قرا الجملة وتصدم حل عينيه على كبىهم وتلفت ليها وقال بصوت مسموع:نعااام ههه
شافت فيه حشمانة وقالت:كي سمعتي؟؟☺☺
محمد:(بفرحة)كتهضري بالمعقول مكتمازحيش خهه
وردة:هههه لا والله تابالمعقول انا حاملة هه(تلاحت عليه عنقاتو وهو كءلك والفرحة جاريا ليه فاحاسيسو..)
عنقها تا هو وخشاها فيه ممصدقش انه غيكون اب للمرة الثانية ومن المرا لي تيبفي..فحين مو وختو فاهمين اش كاين..اسماء مبتاسمة وزهرة محافظا على هدوئها..وهو كيضحك ويقول:خهههه حاملة المشكودرة ههه
باعدها عليه وشد وجهها بين يديه وقال بفرحة:هههه واخييييييرااااا
محمد:هههههه واخا باقي صغير مي مزيان الى ناوي معاها المعقول بلا متبقا مجرجرها
انور:وايييه ههه
مشاو شدو طاكسي للمول وطلعو لفوق خداو قهوة اومبورطي وجلسو كيهضرو ويتناقشو بزااف تالخوايج..حتا نطق محمد:ننحركو داير مع مراد على قبل الكومبا
ناضو تحركو نزلو لكارفور وتقدا محمد الشيء لي خاص فدار حيت هو ووردة دايرين لي خصاتهم كتقولعا ليه تايمشي يدير تقدية سيمانة ويجيب ليها لي خاصها فالمواد الغدائية من غير الخضرى هي لي مكلفا بيها..تقدا وجاب ليها دانيت بزاااف وخلص وهزهم وخرجو رجعو لسيكتور ناشطين وتيضحكو..داز للدار وداز معاه انور ابارك لوردة...حل لباب ولقا خولة واقفا مع صاحبتها كيجمعو ويضحكو والمسكة كيمضغوها كي شيخات واد زم..شافتو وبتاسمات وقالت:على سلامتك
محمد ستغرب من سؤالها وبتاسم وصاحبتها كطلعو وتهبطو وعينيها خارجين..انور عارفهم كي دايرين حيت معرووفين..نطقات صاحبتخا:انور هانيا
انور:من الحامدين الشاكرين
خولة:(عينيها على محمد)غبرتي اانور مبقينا gاع تنشوفوك(طرطقات المسكة)طاااق
انور:هي دونيت اختي..
طلع محمد معطاهمش الوقت معندوش مع بحالها حاضيا هي زواق وتعواج وتلواز لا شغل لا مشغالة وخلاهم كيضحكو وقالت خولة:شتيه اختي كيداير هههه فن
..:ويلي مبوكص ههه وعاطي العين ..دابا هذا داياه بنت المختار ههه ايوا صفااات
خولة:هانتي تتشوفي كلها وكي عطاتو..ونزيدك حاملة منو
...:ياختي شوف ليك سعد..معرت منين ضبرات عليه
خولة:منعرف..هاديك تضل تضور ولكن زمتاتنا فهاظي..سيدة مكانتش كدير تا الكحل وجابتو سيد رجال احححح شمتة
....:ايوا وشنو عاجبك
خولة:(كتعلب فشعرها)ههههههه اه..ومشهيا شي جلسة معاه باينا فيه زاهي ههه
...:زاهي ولا زهواني ههه
خولة:زاهي اما زهواني محال بنت المختار دات ليه الgلب والعقل
..:تانتي فين جهدو يهرب..ضوري بيه واخا تربحي منو هي روشارج
خولة ضحكات بصوت عالي: هههههه لا لا انا هذا بيتو للمعقول..فلوس روشارج عطا الله لي يعطيهم هذا رعد ليا الgانصة
....:ايوا منخافش عليك ههه
بقاو كيضحكو ويتعادو على لفيكتيمات بيناتهم فحين لخرين طلعو حل محمد لباب ودخلو وجات وردة تسالمات مع انور وضحكات وقالت:ههههه البغل لي ولد مالك قطعتي الرجل ؟؟
باسها فراسها وخرج ولصقات غيه توبة داها معاه..وتوجه لدار نسابو رفقة انور لي هي وصلو ودعو ومشا لدلرهم..دق محمد وحلات ليه فتيحة ورحبات بيه شدات توبة باستها ودخلو للداخل لقاو المختار حاط مجمر كيدفي بيه عظامو وهاز سبسي كيشعل فيه نعام اس..وطاقية واقفا فوق راسو والجلابة فالخضر مغلوق مع سروال قندريسي وتقاشر..متكي على مخدة بيظيه شافو وقال:اهلا اهلا بالهراب من نهار دفنوه متلاو زاروه هههه
محمد سلم عليه:ههههه هي الوقت اودي ههه
المختار:جبتي معاك هاد بوعويا😂😂
توبة:😠😠😠عنغنغنغ
فتيخة:صافي ابنتي نتا لي بوعو اما هي غزااالة وتتفتن
محمد:نهههههه كتفهم دغيا ههه فين مراد؟؟
فتيحو:فلبيت تسطاح من نهار عرف بلي لاعب وهو هي تيلوح الشكارة ويطلع ليه تيبقا اخبط فواحد الساك
محمد:هههه داكشي علاش جيت باش نعاونو
المختار:الله يرضي عليك اوليدي(جبد فنيدة من جيبو ومدها لتوبة)هاكي انحيلة ديالي هههه حلي باش تولي
شداتها من عندو كضحك وتعنغن وقال محمد:بوسي ليه يديه ابنتي
محمد بدورو عاىف ان المجتمع المغربي وبضبط الطبقة المتوسطة والفقيرة عندهم احترام الكبير واجب والاحترام كيتجلى فانك تبوس ليه يديه كعربون شكر
داها لجيهة يدو ومد المختار يديه وهي مفاهما والو تتدور فعينيها وقال محمد:ديري ليه اوا
توبة:(باست يديه)اواا
ضخك محمد ونطق المختار:الرضى..الرضى والحلوة مgردة هههههه
محمد:هههه برافو
ضحكات توبة حيت حساتهم كيمدحو فيها وخبات وجهها حشمانو وقال محمد:انا نطلع عند مىاد هاهي معاكم
ناض وخلاها معاهم وطلع لعند مراد..كان ظلام فسطاح من غير بيت لي فيه ضو..وقف عليه لقاه محيد الفوق ولابس سروال تالكيطما وكيضرب فواحد الساك تالبوكس..والبيت فيه هي القش والسدادر لي ممحتاجينش ليه وماكينة صابون والبانيوات تالصابون..
محمد:راك انوفورم ههه
تلفت ليه مراد عرقان وقال:هههه جيتي ههه كنت كتتحرك باش نسخن بيدما تجي
محمد:مزيان..ولكن الطريقة باش كضرب ممسلكلش(تقدم ليه)كتهجم ولكن مدايرش باش دافع وهادي نقطة négative ليك وغتخلي لمنافس اعرف منين اشدك
مراد:وريني كيفاش
حيد محمد الكويرة وبقا بالكيطما سوداء جاتو مزيرة على كتافو وكيبانو العضلات مطراسيين وواقفين..ودار وضعية استعداد للهجوم وقال:vas-y هجم
جا مراد بنفس الطريقة لي كان كيلعب بيها وداير يديه قدام وجهو وبغا يهجم عليه وهو يطاكي محمد بيد وحدا وعطاه لوجهو بشوي وقال:شتي دغيا ستاغليتها..والى لعبتي هاكا من ديبار غتخرج خاسر
مراد:ففففف واهاكا كنا كنلعبو فلصال
محمد:شكون تيدربكم؟؟
مراد:واحد االكوتش جايبنو الادارة راجل كبير ولكن تيلعب مزيان
محمد:peut etre يكون كيلعب مزيان وكيزطط راسو مي ماشي des techniques لي يصلاحو تلعبو بيهم contre شي حد فمبارزة جدية..شنو نوع المبارة
مراد:غنلعبو حنا عشرة تالفرق من الاخياءالمغربية لي مصنفين مزيان وسيليكسيوناوهم الجامعة باش لي غدي يجي لول يمشي يلعب فالبطولة الوطنية
محمد:مممم بون..فلول نخدم معاك على الوقفا وكيفاش تصد اي دقا و je pense ساعتين كافيانا ..شحال بقا لكومبا
بقا معاه محمد ساعتين وهوما كيترينيو ومحمد كيتحرك بسلاسة ومراد مبهور بطريقتو حيت محتارف..حيد تيشورت وبقا صولو وبقاو كيلعبو حتا عياو..ولبسو حوايجهم عرقانين وهبطو وقال مراد:واخا صدمتيني..واعندك ماتgول العمالة فالبوكس
محمد:ههههه راه ديجا كنت كنلعب شي ربع سنين فهولندا فبطولات المدرسة وحتا فاش رجعت للمغرب كنت انا واحد صاحبي عاطيينها قتلة للكومبات ولعبت فقتال الشوارع تاعييت
مراد:(صفر)واعتق اشفيق
محمد:وربحت لسنتين متتاليين البطولة الوطنية ف 18 و19 العان ديال اقل من 80 كيلوغرام
مراد: ههههه مزيان الى بقيت معاك غنبان ليك تنفرشخ فعباد الله بالعلالي هههه
محمد:باش تخرجك مك فالجزيرة😂😂
مراد:😂😂😂وامي هانيا..والعافيا فبا ووردة..
محمد:ههههه وردة على حسابي ههه
مراد:والله تتشتف علي شتي واخا تبان ليك هاكاك مضعفنة راه كي زواق gد هاكا وتتعطيني العصا
محمد:وتتgولها نيت😂😂
مراد:هي ختي هاديك..راه تتضربني وتتحامي علي فالزنقة هههه
ضحك محمد ونزلو لتحت لقاهم تيلعبو مع توبة وهي منزلا المخاد كاملين فالارض ودايرا بيهم الحمار كطلع عليهم وتقول:رااا راااا شاشا شاشا
وفتيحة كتلوح ليها كاوكاو وتضحك والمختار كيشدها يطلعها فوق كتافو وتحيد ليه طاقية وتضرب ليه صلعية..دخلو عليهم لقاو البيت مرون وقال مراد:ههههه تا شاب عاد دارو ليه حجاب هههه
فتيحة:ديها فراسك اسي هههه
محمد:مال هاد البيت هاكا😂
المختار:هانتا تتشوف بنتك تدير شاشا بالمخاد ههه
توبة:عنعنعع بابا توف ههه
ضحك وهزها من فوق راس المختار وقال:لا لا نتي باينا غطلعي شويطينة بحال مك 😂😂سي المختار قفارت
فتيحة:لواه اوليدي الله ينجيها الى طلعات ليها هذا غتردو هنا هههه وردة مساهلاش فتربيتها تا صامت وباقي تتجيب تبرية
جات تتجري هزها وهي كضحك وزدعهم وفتيحة ماقداتها فرحة بنتها حاملة والمختار فرحان حيت غيولي جد..واخا هو معتابر توبة حفيدتو..
فتيحة:واهادي هي الخبار ولا فالا😂😂
المختار:ايييه الايام كبرنا وغنوليو جدود
فتيخة:شكون gال وردة لي كنا شاكيين واش تعيش ولا لا ههه غتعيش وتجوج وتولد
رجع محمد لدارو هاز توبة بيد وهي كتلعب ليه فلحيتو وتبوسو وتضحك..حل لباب تزنقا ولقا خولة خارجا ومزيزا على الحالة والوجه كي تعريجة..والصبايغ تضفار..شافتو وضحكات حتا بانت ليها المسكة لي كتمضع بين ضروسها وقالت:مساء الخير☺☺
محمد:مساء الخير
قربات لتوبة وبشوي وحطات يديها على ذراعو وباستها بوسة فحنكها جامعا شفايفها لي معكراهم بالغوز مغلوق..زقالت:غزالة عندك هاد البنت ههه
محمد:(ببرود)شكراا
بقات واقفا قريبا ليه دافعا صدر لقدام وترمة لور وكتبتاسم ليه خلاوها المصريين بتسبلو ههه وجا بغا يدوز وهي توقفو وقالت:متعارفناش مزيان
محمد هز فيها راسو مخنزر وقال:علاش كاين شي سبب علاش نتعارفو
خولة:(تكات على لباب )خهههه ايوا تيgولو عار جا على جارو ههههه ولا شنو
محمد:تيقار حسن امادموزيل😠😠(بغا يدوز ووقفاتو)😠😠
خولة:هههه ويلي مالك زربان ومعصب..بلاتي هي مهضرو شوي ونتعارفو😉
محمد خزر فيها وقال:علايلش كتقلبي؟؟
خولة قربات ليه بكل جرأة وكتشوف فعبنيه ومع الدرب كان شبه خاوي ملقاتش المشكل وقالت:على والو..هي بيت نتعرف على جاري وصافي(قربات باست توبة تاني تا لصقات فيها لعكر)مممم مكتشبهش ليك ولا حتى لوردة
توبة تعصبات منها مكتحملش ابوسها شي حد مكتعرفوش..وهي تجرها بشوي من شعرها وكيبان ليك توبة كرزات على شعر خولة ومع يدياتها صغيورين تجمع شعر فيهم وخولة كتغوت:ااااح اي..عنداك
توبة:😡😡😡😡عنعنغنغعن بو بو نيني..بوبو نيني
محمد كيحاول افك شعرها من يديها وهي كارزا وخولة كتستنجد بصوت عذب مصطنع..فك ليها يديها بزز وهي باقي بغات تجرها..وقربات ليه بملامح حزينة:اححح شوف اش دارت ليا بنتك(دلات شفايفعا)
توبة:عنعنعنع😡😡😡بوبو نيني (متبوسينيش)
محمد:صافي ابابا..(خزر فخولة)حيدي من طريقي
خولة:هههه ومgلايش ليا والو متعرفنا عليك ماوالو
بتاسم بتسامة جانبية مستهزءة فهماتها هي بلي ضحك ليها وقرب لجيهة وجهها وهي حالا فيه فمها وقال:داك التقحبين مموكلش ليك الخبز معايا..بحالك دازو علي عدد ودوزتهم تا عييت..متجيش ديري فيها الجارة الظريفة..
غوبشات ومرضاتش وبغات تبين ليه بلي غالط ..ياله غتنطق هو يدفعها وداز دخل للدار عاقد حجبانو من ديما كيشوف حركاتها ونظراتها ليه وكيتفاداها مباغي صداع وهو كرجل خبير فالبنات عارف البنت هي من شوفا اش ناويا ووحدا بحال خولة بايننين..خلاها كتقلى وتشوا كي سردين قدام دار..غتفركع وحلفاتها فيه ردخات باب دار وخرجات للوجهة ديالها فحين هو طلع لدارو وتوبة مخنزرة كتبان هي وياه واحد فتخنزيرة..حل لباب عاقدهم حتا كيتفاجأ بوردة واسماء ناشرين ماكياج اسماء وكيماكيو..ويديرو عرض الازياء وزهرى حاطا رجل على رجل وكنفرج نافخة ريشها..ضحك وقال:قلبتو دار صالون ولا ههه
تلفتات ليه وردة لي كانت عاطياه بضهر بماكياج خفيف برز ليها جمالها الطبيعي والشعر مطلوق لور على طولو..شافها وتلف بتاسم ليها عجباااتو بزاااف وهي من النوع لي مكيديرش مكياج ديما هي الى لقات الفرصة..نطقات:هههه جيتي..توبة اجي اجي
بدات كتفركل باش تهبط وهي لي فيقاتو من سهوتو وهبطها ومشات كتجري عندها هزاتها وباستها وشافت العكر وقالت:شكون لصق فيها هادشي(هزات عينيها فمحمد لي سارح فيها)هااا
محمد:نعااام
وردة:منين جاها لعكر
محمد تفكر خولة وغوبش وقال:بنت لمرا لي لتحت باستها😒😒
توبة:😠😠😠ناني عنغنغن داكا
وردة:ههههه
مسحاتو ليها وجا محمد سلم عليهم وجلس وقال:ياك لباس ههه
اسماء:والو هي رشقات لينا
زهرة:قولو حماقيتو😏😏
محمد:ولكن جيتو زوينات ههه
وردة :هههه عارفين ههه
محمد:هضرت على ختي نتي خيبوعة ههههه
وردة:(غوبشات)بزااف عليك القرد..انا واعرة عليك غزالة وبوكوصة وعاطيا للعين يا كيتك يا خلاك وجهك كي الحصيرة اللهم شمش ولا نتا😠😠
محمد تشتت بضحك عليها وهي تعصبات اما اسماء صافي ماتت بضحك وزهرة غوبشات وقالت ايوا حشاااك هاد زين كولو وقرد😏😏شوفي هي لوقفا والضحيكة والهضرة متلقايش بحالو اطيح عرام تالبنات
وردة:(كتعيبها)بصح..ربي ربي..ايوا انا مشتش هاد زين علاش تتهضري وهاد الوقفا انا كيبان ليا بحال النعامة لا زين لا فهامة..طويل وخاوي كي شطاب القهاوي😒😒
زهرة:شوفي العضلات وليزابدو..واقف على صح
محمد:احفظك الواليدة راه حاgراني خههه معارفاش بقيمة زين لي عندها(وداك لي فكرشك غيكون تيشبه ليا
وردة:واخا نعرف نردو ونعاود ليه الفصالة ولا نولدو بحالك هاكا😠😠
ناضت دازت فيهم ومشات للكوزينة معصبة ومع الحمل المورال كيتبدل بسباب الهرمونات وخلات محمد واسماء شابعين عليها ضحك فحين زهرة قالت؛شحال فيها تالعياقة
ناض محمد وقال:راه مولفا مكتقلقش 😂😂😂هي مع الحمل واقلة انا نمشي نشوفها
محمد:(توقف عن الحركة)والله معرفت ملي عندي 17 ماباقيش شتو هههه
زهرة:خهههه واخا كان ضاسر ولكن كنتو صحاااب
محمد:وايييه
طابو ليباط وداروهم فشبكة يتسقطرو ويبردو وردو فوق البوطى كاسرونة صغيرة فيها ماطيشة محكوكة بالقوام كتشحر..وبقاو مجمعين تا طابت وحطو لي باط فطبسيل وخواو عليهم ماطيشة الفوق وزادت زهرة وردة تالقزبور من الفوق زعما الديكور..وخرجو لبرا كياكلوها ويضحكو ولاو عائلة..جمعات وردة الماعن ومدات ليهم المانط ومشات تنعس خلاتهن مجمعين ومعاهم توبة وحتا محمد..تلاحت على الناموسية عيانة بعدما مسحات وجهها..تكات حتا دخل محمد شافها متكية وقرب ليها وقال:عيتي
وردة:بزاااف كنحس براسي تسخسخت..
محمد:(واقف عند راسها)الحمل لي كيدير ليك
النعاس..(تكا حداها)اجي عندي
قربات ليه وحطات راسها على صدرو مغمضة عينيها وهو تحنا باس كرشها وقالت:ميمو
محمد:نعام ههه
وردة:كنبغيك
محمد:بزاعط😂😂😂
ضحكات وقالت:فين البنت؟؟
محمد:غتنعس حداهم مبغاتش تنوض معايا ههه
وردة:ممممم تصبح على خير
باس راسها:ونتي من اهلي هههد
تمخشات فيه ونعسات وهو كذلك حاط يديه على كرشها كيتحسسها وفرحااان
####يوم المباراة ديال مراد
يوم المباراة ديال مراد..كانت الوجهة للقاعة المغطاة الزرقطوني فالمسيرة ...كانت قاعة عامرة بالناس سوا العائلات سوا الناس لي جايين يتفرجو واكيد اعضاء من الجامعة الملكية..كانت عامرة والهرج والناس جالسين فالكراسى وكتبان ليهم الحلبة مقادة مربعة ومدورا بالازرق وجوج حكام وكيتسناو المباراة تبدا غيتبارزو عشرة تالفرق من مختلف الاحياء المراكشية ولي ربح فيهم غيدوز للمباراة الوطنية..فوسط المشجعين كان محمد ووردة هازين توبة وحداهم فتيحة وانور..جالسين متحمسيين ابدا مراد لي كان فالفيستير كيسمع لاخر توصيات مدربهم ..
وردة:ههههه داك خوخو بلع بيلعب😂غنضحك عليه الى خسر
محمد:كوني بوزيتيف شوي وشجعيه..وراه ترينا مزيان
وردة:واخا تعاودها ليا بالهولندية ههههه
محمد:باز لكمارتك خخه
فتيحة كتدعي معاه اربح ..فحين تسمع صوت كيدل على دخول اول متبارييين للحلبة..المباراة غدوز فظرف 3سوايع..دازت الكومبا لولة تباراو فيها جوج فرق وتأهلات وحدا...دازو جوج خرين وتأهلات وحدا..وبقاو هاكاك تا بقاو خمسة تالفرق وتأهلات فرقة مراد معاهم..وبدا العد العكسي..مراد لعب مزيان وتبع تعليمات محمد بالحرف وربح باحنرافية وورد عجبها وبقات عاطياها للتصفار والغوات محيحة ..لعبات فرقة مراد ضد وحدا خرا وغلباتها بالمتبارين دسالها ووقت الكومبا ثلاثة دقايق لكل جولة...لعبات وحدا خرا ضد فرقة مراد وغلباتها وكذلك الثالثة حتا بقات زحدا..دونك جوج لي تأهلو للنهائي..خداو استراحة وخرجو الفرق للفسيتير ونزل محمد من بلاصة المتفرجين ومشا عند مراد..هضر معاه وشجعو ورجع بلاصتو وجلس حدا وردة لي كتاكل فالgلية مع توبة..شافت ليه وقالت:فين كنتي؟؟
محمد:عند مراد هضرت معاه..
وردة:(بتاسمات)بنتي ليا ناشط تيعجبك البوكس
محمد:بزاااف..كنت مهووس بيه كل نهار كننتريني مع كنت عصبي كنلقا فيه راحتي..وبشوي بشوي تا حطيتو ههه
وردة:اححح شهوتي نشوفك فاش كنتي صغير وتتلعب
محمد:دابا نصيفت اسماء تجيب ليا لبيسي ديالي من الفيلا ديال الواليدى بقا تما من نهار تشديت ونتي مجبتيهش
وردة:خهههه واخا..ولكن الى كنتي خايب ماتنعرفك ماتتعرفني
وردة:😂😂😂دابا نشد الالبوم من عند مي ونوريهم ليك...شو هاهوما غيدخلوووو
كلشي شاف جيهة الفرق لي مكونين من ستة تالناس وكل واحد غيلعب ويشوفو النقاط..بدات الكومبا ومراد لي فتاتح ضد واحد دري اخر من نفس عمرو..بداو فالعراك ومراد مسيطر تا غلبو..ودازو لخرين..كذلك وربحات فرقة مراااد..وبهذا غتشارك فالبطولة الوطنية للملاكمة..تعالات التصفيقات وتصفيرات وردة وانور وفتيحة عينيها دمعو واقفا كتصفق وهوما كيتسلمو الجوائز ومراد ماقاداه فرحة هو وفرقتو والمدرب فخور بيهم..ساالات التظاهرة وبدا بناظم تيخرج فحالو..شد محمد فوردة وهي هازا توبة قدامها كتمضع فالgلية وتدور عينيها..خرجو لبرا ودازو لجيهة الفيستير..مشا انور ومحمد اعيطو ليه بحكم ان الفيستير ترجال..دخلو لقاوهم كيتسالمو ملابسينش فالفوق ويتعانقة والمدرب كيمدح فيه..شاف مراد محمد وجا عنقو برجولية وقال:نتا سبابي😂😂ربحنااااتاا خههه
انور:امبرووووك الربحة اسي مراد..ارا عليها شي ميزان
خرحو ووقفو مع وردة وفتيحة لي بطا عليها هي امتا تشوف ولدها..تسناوه عشرة دقايق وهو يتم جاي مع صحابو مدوش وهاز ساكو..شافتو وهي تزغرت شوهاتو ووردة تكرشخات بضحك..جا لعندها عنقها وهي كتبوس فيه ومكاين هي:يا جغمة دم ديالي نتبان لي نوارة وسطهم
تقلبات وردة فصباااح بكري على جنبها وبعدات على صدر محمد ..ضربات فيها سمشية داخلة من شرجم البيت وعاودات تلفتات تاني لجيهتو منزاعجة من اشعة الشمس ومكمشة كذلك ..بكثرة حركتها حل محمد عبنيه وشافها كتقلب فبلاصتها باعين شبه مغمضة وقال بصوت مبحوح:وردة مالكي؟؟
وردة:قفففف شمش(درقاا وجهها بانزعاج)
ضحك وناض من بلاستو سد شرجم ورجع تكا حداها ولاحت عليه رجليها وراسها فوق صدرو..بتاسم من حركتها ورجع غمض عينيه تاني حتا نغزاتو وردة:ميمو ميمو
محمد:مممم(مغمض عينيه)
وردة:ياك كنتي بيتي تجري ايوا نوض
محمد:مافياش..
وردة:غتزيد شهر بلا رياضة تولي كرشك بحال ديالي منفوخة
محمد:(ضحك وحل عينيه)ههههه ياك..هاهو نايض
ناض من حداها ومشا للطواليط بعدما خدا الما سخون من الكوزسنة قضا حاجتو وغسل سنانو ورجع للبيت لبس كيطمة فالاسود والسبرديلة ومشا حداها وقال:حبيبا نوضي خرجي تمشاي معايا
وردة:نمنمنم😴😴سير سير..راه صباح هذا
محمد:ههه نوضي راه طبيبة وصاتك بالحركة
وردة؛(قلبات وجهها لجهة لخرا)داك شقا كولو لي كنشقا ماشي حركة
محمد:لا رياضة الحوامل بوحدها...وانوضي تكعدي(حيد عليها لغطا)
وردة:(مقندشى)اشاوا با مك على صباح😠😠سير جري نتا بيت الكلاب اجريو عليك..صباح الله
ضحك وهزها من بلاصنها داها لاطواليط وهي كتبعبع ليه وتنتر وتحاول متغوتش باش متفيقش مو وختو..دخلها للطواليط وسد هليها وقال:تسناي هاني جاي
عطاتو بظهرها معفرة ومعاجبها حال..وهاكا حالها مع اوحم كيطلع ليها دم دغيا ويبقا فيها الحال وتزيد تبكي..جمعو ليها كوب شوفال وقال:هاكا جا زوين
قلبها لعندو وباسها فمها بحرارة وقال:ياله هه
شدات فذراعو وخرجو بجوج فالصباح بكري الستة ونص تالصباح..باقي الحال بارد بزااف والناس كتخرج شي بشي..تشبتات بدراعو وتمشاو ساكنين كيستنشقو الهوا ديال الصباح..باقي مخرج حد الوثو..شاف فيها ولقاها مرتاحة وقال:كنت غتحرمي راسك من هاد الهوا ونتي محتاجة بيه
وردة:(مبتاسمة)نعودو كل حد نخرجو فصباح واخا
محمد:(باس يديها)واخا احبي ههه
ضحكات ومشاو جيهة جردة حداهم معروفة كيخرجو ليها ناس نهار لحد اتريضو..اغلبية فيها هي مالين سكر والريجيم..وقال:انا غنجري ونتي تبعيني كتمشاي بشوي صافي
وردة:واخا
جرا محمد فواحد الطوالة وهي منوراه كتمشا فرحانة..كيف لا وهي عايشا الحياة كيف بغاتها مع زوجها الرجل المثالي..عارفاه كيدير جهدو وكثر باش ميخليها مخصوصة من والو وكيحاول ماامكن اوفر ليها لي حلات عليها فمها وحتا هي مكتشرطش باش متعبقش عليه حيت عارفا الفلوس لي عندو وكيقضي بهم بيدما اتخلص قربو اساليو وهوما كيقتاصدو فالمعيشى بيدما تخلص محمد اول خلصة ليه..فيقها من سهوتها محمد لي ضرب طوالة وراجع اضربها رجوعا..شافتو وبتاسمات ليه كمل طوالتو وهي موراه كتمشا وتستنشق الهوا النقي..وقف كينهج وحمر ووجهو عراق شافت فيه ومدات يديها مسحات ليه على وجهوبحب وقالت:دغيا عرقتي هه
محمد:ههه حيت جريت..فيك باقي ميتمشا ولا نرجعو
وردة:عييت ههه ياله نمشيو
شد فيها معنقها من كتافها ومشاو..مع بعض مجمعين كيف ديما..دازو من حدا واحد المخبزة وبقات وردة كتشوف فيها ياله حالين وحاطين كرواسا باقي سخونة وكتشهي..طلعات الريحة مع نيفها وسهات..ومحمد كيهضر غي راسو..تلفت ليها لقاها كتشوف فيها وريوكها قربو يسيلو..شافها فين كتشوف وقال:بغيتيها
شافت فيه وجمعات فمها وسرطات ريقها وقالت:لا لا مبيتهاش
وردة:لا ا لا واش غنبقاو نخسرو الفلوس هي هاكاك..بلاش
محمد:(خنزر فيها)ونت اش مشا ليك😠مليون مرا كنقول ليك الحاجة لي بغبتيها قوليها متبقايش تشهاي وتكبتيها فراسك😠😠
وردة:ولكن نتا ياله كتكافا مع المصروف تدار والطبيبة والدوا
نهض فيها بالغوات:واش شكيت عليك😡😡
حنات راسها حشمانة منو مكنبغيش تقوليه بحال هاكا ولكن فنفس الوقت مبغاتوش اضيع فلوسو وشحال من حاجة كتشهاها وكتحبسها فراسها..هز ليها راسها بعصبية وقال:تحركي gدامي شوفي اش بغيتي😡😡
حنات راسها تاني وتمشات قدامو كي شي بنيتة صغيرة وهو موراها ماعاحبوش الحال..دخلو ليها وكانت ريحة كرواصا طايبا عاطيا..جات عندهم وحدا من البنات لي كيبعو لابسا طابلية بيضة:اش جب الخاطر اشرفا
محمد:(شاف فوردة مخنزر)شوفي اش بغيتي
شيرات بصبعها لواحد النوع ومهضراتش وقالت البائعة:شحال من وحدا؟؟
حمر فوردة كيتسناها تنطق وقال:ديري ليها عشرين وحدا
جمعانهم ليها وقال محمد موجه كلامو لوردة وهو باقي مخنزر:باقي بغيتي شي وحدا خرا
وردة:لا لا😔😔براااكا
محمد:(حمر فيها)قولي اش بغيتي ابنادم😡😡
وردة:(بنظرة طفولية شيرات لنوع اخر عامر بالشكلاط)هاديييك
محمد:عطيها عشرين تاهيا
مشات البائعة وجمعات ليهم عشرين ومداتو ليها وجبد محمد وخلص ووردة حانبة راسها والريحة كطلع ليها مع نيفها..خرجو من المخبزة هازا جوج ساشيات قهويين فيهم كرواصا وهو عاقد حجبانو..شافت فيه وقالت:ودابا مالك معصب وتتخنزر فيا😢😢
محمد:(تلفت ليها معصب)واشوفي نتي😠😠تديري شي فعايل غي ديال العصا..عييت نقول ليك لي بغيتيها قوليها ونتي لي فراسك فراسك😡😡
وردة:وانا هي gلت منزيدكش بهمي تانا..ونخفف عليك راه يد وحدا مكتصفقش
محمد:(زعف عليها)ونني مالك😡😡مشكيتش عليك باش تهزي ليا الهم ولا لا😡😡كولي وشربي ودخلي سوق جواك
وردة:والله منتخرك من هنا ونتا معصب😔😔مالك تدير ليا هاكا مالك😢😢ديما تتغوت علي ومتندير والو(بدات تتبكي)مالي انا على حالتي😭😭😭
محمد:(مسح راسو بنفاذ صبر)ومالك كتهرطي علي دروك😠😠ظلمتك ولا شنو ..نتي لي كديرها قد راسك..باغا تحرمي راسك من شي حوايج باش تعاوننيني معارفاش بلي بهاكا كتعصبيني كثر😡😡
وردى:اييه نستاهل😭حيت هازا ليك لهم ساعا نتا واحد ولد الحرام مقطر منك مكاين اهئ اهئ😭😭
بقاو كيتجاحدو والناس كيدوز من حداهم كيدخلو لمخبزة ويشوفو تا داز واحد الولد باقي جون وشاف فيهم وغوردة بظبط خنزر فيه محمد وقال:هانيا اخويا😡😡😡
الولد:هانيا الخاوا..
تلفت محمد لوردة وشدها من كتافها وقال:جمعي خنوننك وتحركي لدار
طاحو دموعها بجهد وبح صوتها وبدات كتشهق غتسخف بالبكا..تخلع عليها وبدا كيحرك فيها ..
سمير:(قرب ليها وشدها من ذراعها)لا ازهرة متقوليش هاكا..نسيتي ايامنا وحبنا احبيبا..سمحي ليا وندير لي بغيتي..عارف راسي غلطت وبزاااف كاع..ومستاعد نعتاذر من محمد ونرد ليه كلشي هي سمحي ليا😢
نترات منو بعصبية وقالت:علااااش اسمييير علاش اش دار ليك
سمير:الحقد عما عيني ازهرة..امين ولدك من الراجل لي كنكره حيت خداك مني وتزوج بيك وحرمني منك سبع سنين..هدم كاع داكشي لي بنيت معاك..محمد امين كان خصو يكون ولدي انا كون ما عزيز(اب محمد)تزوج بيك..كرهتو حيت بحال باه وكيتعامل بحالو..ومحملنيش فحياتو مع العلم اني كنت مستاعد نديرو ولدي وكثر..ولكن باه..باه خداك مني
زهرة:باااه راجل عليك وكان انسان مزيان عمرو قلل مني ولا طعني فظهري بقا شريف فعيني تا مات..نتا لي مبقيتش عارفاك..حقدتي على ولد عندو 7سنين..اش كنتي كتسنا منو ..وباه ياله مات(كتبكي بحرقة)😭😭😭امين كان متعلق بباه بزاااف ملي مات تصدم ومرض فراسو وفنفسيتو..كنني كتسناه اتقبلك ببساطة..ارحب بيك ويقولك بابا هااا😭😭😭حتا انا كنت كنفكر بحالك ولكن كلشي توضح..ولدي كان عندو الحق كيفاش قدرت نتزوج براجل وانا ياله حيدت لبيض هااا كيبفااااااش كييفاش بغيتيه اتقبلك
سمير:(دمعو عينيه وقرب ليها)زهرة شيغي الله يخليك حلينا من الفراق وياله لدارنا نهضرو ونحلو الموضوع
زهرة:(بالغواتت)براااا علي 😡😡معندنا فاش نهضرو..الهضرة غتكون مع المحامي ماش معايا وحاجة وحدا لي غنطلب منك طلقني وعمرك باقي طوف بساحتي
زهرة:براااافو موسيو سمير..برااافووو بنتي على حقيقتك..غتدعيني..واخا اسيدي دعيني وشوف فين غتوصل..ونجبد ليك ضواسيك كاملة من نهار عتب ولدي فالحبس تا نهار خرج وتفرج شكون لي غيغلب..
سمير:ندوز الحبس ونحط لي عندي ولي ماعندي المهم مانخليكش(شد يديها كيبوسها)عفااااك ازهرة..الله يخليك ديري بحساب العشرة والايام الحلوة لي دوزنا وخليني نصلح غلطي
خرج من الباب مكسور الرجى وطاحت زهرة فالارض كتبكي بحرقة وصوت بكاها مسموع كتشهق..خرجات عندها وردة كتجري شدات فيها وعنقاتها حيت بقان فيها وهي ولات حساسة بقان طتبكي معاها وزهرة طاحت بالبكا وسخفااات وجهها عرقان وعامر دموع كتشهق وعينيها مقلوبين..وردة تخلعات عليها وناضت كتقلب فيها عرفاتو سكر لي دارها..مشات كتجري جابت الما وطرف تسكر..دارتو ليها فلسانها وكترشها بالما وتنادي باسمها..حتا وكدات شوي والشهقة كتسمع ليها ..شدات فيديها ودخلاتها لبيت الجلاس حطاتها فوق التليق وغطاتها وبقات واقفا عند راسها كتشوف فيها باسى واخا هاكاك كتبقا مرا واعدى حاجة عند اي مرا هي الخيانة والخيانة انواع اقساها خيانة الثقة الممنوحة من الطرف الاخر
زهرة طتبكي وتشوف فسقف ودكرياتها مع سمير كلها دازت قدامها تحطات بين نارين..من جهة ولدهل لي ميمكنش تسكت على اشنو وقع ليه ومن جيهتها قلبها لي كيتقطع على سمير رفيق العمر لي طار عليه غطاء الثقة ..زردة بقات كدوز على راس زهرة وتبكي معاها..وكتسمح ليها وجهها وعنقها بالما وترشها والاخرى مرفوعة..جابت ليها دواها وشرباتو ليها وتكات زهرة غفااات..رجعات وردة لبيتها وجلسات كتبكي هي بوحدها هي حال وعقل بحالا هي لي وقع ليها هادشي هرمونات الحمل اثرو عليها تا ولات على سبة..ناضت جمعات البيت وسخنات الما ودخلات للطواليط هازا حوايج جداد نقيين وتوضات من الجنابة ولبسات فطواليط كترعد وخرجات دايرا زيف حياتي لشعرها..نشات لحوايج اسماء هزات سوشوارها ونشفات شعرها ورداتو..عاد فيقات توبة بززز وهزاتها غسلات ليها وعطاتها متاكل..جلسات حدا زهرة فالصالون طالقا توبة فالدار كتلعب حتا تحل لباب كان محمد داخل بالاسود..شافها وبتاسم وقال:الحب ديالي
وردة:(بابتسامى باهتة)جيتي؟؟
محمد:ههه عاد ناوي(شاف فمو لقاها ناهسا)ممولفاش ليها
جراتو لبيتهم وهو عينيه على مو لي غارقة فالنعاس..دخلو وقال بنفاذ صبر :هضري اش كاين😠😠
وردة:جا سمير لهنا
محمد خرجو عينيه وتعصب وقال بالغوات:شناهو😡😡😡اش جا يدير الزا*** هنا
وردة:هضر بشوي مك ناعسة..جا يشوفها..هضر معاها وهي تفرgعات عليه وعايراتو وهو تيطلبها مطلقش منو وبدات تتبكي وتغوت عليه
محمد صعر وحجبانو معقودين..ويديه تزنكو وقال:ولاش معيطوش ليا لااااش 😡😡😡تخليو ز*** ادخل عليكم نتوما عيالات بوحدكم..ولكن انا غنفاريها مع قبيلة مو😡😡
وردة:محمد برد اصاحبي راه هاد العصبية مغتخرجك فين..كون كنتي وسمعتي مك كتغوت عليه غتفهم بلي تصدمات وتحرقات..راه مرا فلخر(جراتو من يدو)اجي جلس نهضرو متسرعش
تبعها وجلساتو فوق الناموسية وجلسات حداه..شدات فبديه وقالت:واش تيحسابك مك نسات ولا شنو..راه منساتش راه كتبغيه وتصدمات فيه..سنين من عمرها وهي معاه وتتبغيه وفلخر صدق كيحفر لولدها..وتحطات بين نارين ماحيلتها ليك نتا ولا ليه..راه الى تنبعيو شي حد واخا معرت شنو يدير كنبقاو تنبغيوه..راه هي تعصبات منو وبقا فيها الحال اما قضية تكرهو راه هي تتبين..راه هي تجرحات وضافي وحتا هو راه بان ليا نادم وبزاااف
وردة:لا ماشي هاكا..رحم مك راه تتبغيه وقلبها مجروح..شتي نتا كون درتي ليا هاكا غنسامحك حيت تنبغيك
محمد:(بثقة وكيحك لحيتو)نتي غتقدري ديريها مع توبة؟؟
سكتات وردة وقالت تاني:لا..حيت بنتي ..حيت ربيتها مني باقي صغيرة ومعاقلاش وحلات علي عبنيها يعني انا مها..ماشي بحال سمير لقاك كبير شوي ونتا متقبلتيهش
محمد:راه جا بلاصة با..عرفتي اشناهي ولد فعمرو سبع سنين تيبان ليه راجل اخر كيتخطر فدار باه ومع مو وواخد بلاصة راجل اخر..كيبغاني نتقبلو😡😡
وردة:داكشي باش غتفهم مك..وحيت نتا بلش معمرا كتافها خصك توقف معاها واخا كانت سعادتها فتعاستك ماشي مشكل..سمير راه ماشي غيقتلها ولا يتعدا عليها راه تيبغيها وتيموت عليها مغيضرهاش..نتا تقدر تكرهو مورا هادشي لي دار ليك ولكن مك لا
محمد سكت وبقا ساهي كيدور هضرتها فعقلو..وهي كتسناه ادير شي ردة فعل..حجبانو باقي معقودين وعروق عنقو منفوخين..حطات عليهم يديها وباستهم..وحطات راسها على كتفو وقالت:فكر مزيان مديرش شي حاجة تندم عليها
زهرة:(كتشهق)اهئ تهئ 😭😭ماساهلاش انني ننسا..راه سنين وانا ثايقا فيه وهو صدق كيحفر ليك
محمد:المشكل بيني وبينو..نتي الى كنتي باغاه خرجي داك سوق..
زهرة:كون وردة دارت فيا نفس شيء غترجع معاها؟؟
محمد:وردة مكتحقدش واخا كتبان ليك برهوشة ولكن شاربا عقلها ومديرهاش..باغ كونتغ سمير لي حقد علي..شوفي(هز ليها راسها)انا مباغي منو لا فلوس لا ويل..باغي هي نتي تكوني مرتاحة وصافي
زهرة؛وراحتك نتا فينها؟؟😭😭😭
محمد:راحتي لقيتها هنا..فهاد دار ومع وردة ووسط هاد الناس..من بعد الافلاس كتاشفت بلي الفلوس هي جزء من السعادة وماشي هوما لي تيشكلو الحياة..انا هاد ساعة مرتاح هنا..واكل شارب وضاحك والدنيا غاديا..على عكس فاش كنت غارف فلوس كنت واكل شارب ولكن مكنضحكش من نيتي..دابا لا..لقيت راحتي مع هاد الناس..داكشي بلش كنقوليك الى لقيتي راحتك معاه رجعي معاه وانا راه مغنتقلقش منك بتاتا
زهرة:انا ماشي بغيت نتفارق معاه فقط حيت اذاك ولكن حيت خان ثقتي بيه..والثقة صعيب ترحع امحمد صعيب
محمد:سي صعيب مي انا عارف سمير تيبغيك واخا هاكاك واخا انا معنديش معاه ولكن هو تيبغيك ومعمرو خسر ليك الخاطر
زهرة:بغيت نمشي لدلري ونرتاح ونفكر على خاطري😢😢
محمد:بقاي هي شي يامات وسيري
زهرة:لا بغيت نمشي..براكا علي..وكون هي ساعفتيني ورجعتي معايا
حطات صينة وكبات ليهم القهوة المسوسة وزادت فكاسها وكاس محمد السكر ومداتها ليهم وتوبة بقات كنشوف فيهم وقالت حاطا صبعها على فمها:مامي😢😢
وردة نتابهات ليها وضحكات وقالت:ههههه نستك ههه
ناضت للكوزينة جابت ليها كاس التحليب وطلقها محمد ومشات عند وردة شداتو من عندها فرحانة وكتشرب فيه وضحك..وزهرة حانيا راسها..وهي تنطق:غنوض نجمع حوايجي ونعيط لشيفور
وردة:علاه فين غاديا
زهرة:(بنفخة مرضاتش تشوفها كتبكي)لداااري..
وردة:بقاي حتا تبراي هي gبيلة سخفتي
زهرة:(معجبهاش الحال)تا فداري كاين لي يرد ليا البال..الخدم هي مشتتين
وردة:الخدامات ماشي بخال فدار ولدك..انا هي gلت ليك ونتي ديري لي بان ليك
زهرة:سي بحال بحال..بحالك نتي بحالهم هوما..نتي كتطيني دوا فالوقت la même chose غيديروها هوما
وردة:(تقرصات)مممم واخا
محمد تدارك الوضع:وردة عندها الحق الواليدة..غتمشي لتما مكاين لي يرد ليك البال وغنبقا مشوش عليك..هنا بعدا كاينا وردة ممرضة وحتا الى وقعات شي حاجة لقدر الله هي ممرضة وغتعرف كي دير
زهرة:غنجيب ممرضة خرا بلاصتها 😒😒مديرش فبالك
وردة:لي بان ليك..حنا باقي بيناك تgلسي معانا
زهرة:(بسخرية)بغيتوني ههه بغاني نجلس هنا اما نتي محال
وردة:هي اش..جيني gود..زعما انا مبيتكش تبقاي هنا ولا شنو
زهرة:الله وعلم(قلبات وجهها)
مجمد:الواليدة الله يهديك..شهاد الهضرة..شو شحال ونتي جالسا معانا وباقي كاع معرفتي وردة كي دايرا
زهرة:انا ماقلت والو دابا..راه دارك هي داري ونبقا فيها الى بغيت مي دابا بغيت نمشي لداري
وردة معجبهاش الحال وناضت من حداهم زاعفا..تلفت محمد لمو وقال:علاش قلتي هاكاك..راها حاملة والهضرى كتشد فيها
زهرة:شنو واش عايرتها نو..مقلت والو😏😏
محمد:تا منكونش كنعرفك..حرام عليك مظارت ليك والو
زهرة:واش شفتيني هضرت معاها..لا..دونك راه مدرت والة
محمد:شكون قالها ليك هااا..الواليدة ماشي من نوع لي تيبين الضرافة ديالو دونك متديش عليها احبي صافي..هاني انا كنبغيك وتنموت عليك ومنقدرش نعيش بلا بيك شنو بغيتي باقي
خرجات بعدما عطانها علاش تتقلب دارت بنتها فالكروسة ومشات وهي كتقول فنفسها:داك طيابة تالبنات حافظاه احنينتي..لعبيه على غيري..جيتيني بنت حليمة اما نخمج ليك وجهك ونوريك تهضري مع راجلي
عطاتها مشي ومشات لشغلها..فحين وردة مشات للسوق جارا البوسيط فيها وردة لابسا الابيض ورجليها كيبريو وهي تضحك..كبرات ولات عندها عام وخمس شهوى وكتخرج شي هضيرات ههه..ووردة دافعا كريشة القدام وتتبوطا فالمشيا..تقدات الخضرة ودارتها لنحت فالبوسيط ورجعات لدارها تلاقات مع مها فالطريق سلمات عليها وقالت:افين اتا كنتي؟؟
وردة:مشيت تقديت الخضرة ونتي فين غاديا
فتيحة حيدات النقاب وقالت:اووووف وجهي تيقطر بالعرg..الله يحضر السلامة باقي هي شهر ربعة والحرارة بحال جنهنم
وردة:شتك مابقيتي تاتحشمي داك النgاب دايراه هي ديكور ها وذني منك راه دابا نgولها لبا 😂😂
فتيحة:تاتعرفي المقدم يا سيري وصليها ليه..نgلس تالعاد العمر ويجي باك احكم فيا ايوا صفات هههه
وردة:ايوا ونتي فين شاداها؟؟
فتيخة:بيت نمشي عند لالة خمسية نجيب شي بيجامة ليا تقدات بنتها من سبتة داكشي متول..بيتي شي حاجة
وردة:هي بصخة انا متنلبسش داكشي فدار ههه ياله سيري فحالك وديركت لدارك راه تنعرفك من عند خميسى لعند زاهية لعند خديجة والى بغا الله لدار القاضي😂😂
فتيحة:باك حالفا تانضيع معاك شرفي ههه(طلعات النقاب)سلمي على راجلك
وردة:مبلغ ههه
مشات فتيحة كتهز فجنابها لي تيبانو من تحت الجلابة للزرقة وتحط..والنقاب محطوط تحت المنخر..وعينيها مكحلين ومنيما دازت تتسلن وتوقف تجمع..دازت من حدا حانوت المختار تيبان ليها السقيل وقشعات واحد الباخرى داخلة لعندو لابسا جلابة بتوب ساتان ومزيرة وجامعا شعرها الخفيف بقراصة وجارا فرجليها صوينديلة وهازا قفا..خرجو عينيها من الكمية لي هازا وراها وتبعاتها كتسلت..فحين المختار كان جالس تيشرب فدكا تاتاي ومنعنع مع راسو بطاقيا واقفا كيف العادة حتا شافها داخلة وهو يوقف مبتاسم وقال:حادة يا حادة نتي والنخلة مgادا ههه
...:صباح الخير المختار هه
المختار:صباح التوت الى تات..والبنات فالمحيبقات والتفاح الى فاح..صباح العسل فالشهدة وصباحك نتي يالغزالة بعدا ههه
ضحكات حادة بخجل وقالت:الله يمسخك واخا كبير باقي ناشط
المختار وقف الطاقية ومتكي على زاجة تالفيترينا ديال الفانيد وقال:انا راني حشومي هي الى شفت الزين تيتخلطو ليا العرارم ههه
حادة:خههه ياك..ايوا عبر عبر شي رابعة تالعدس
المختار:هادشي كولو ياكل العدس ههه جي الغدا تاكلي الكرعين
حادة طلقات ضحكة عالية على اثرها دخلات فتيحة كافرة ولالة هيشة البحرية واقفا ليها عند راسها وقالت مهبطة النقاب:اشاوا رديتو هنا فندق لي جا يتعشا ولي جا يتغدا
حادة:(منفخة)لا يالالة هي عندي مناسبات بزااف تنظل تنطيب للناس ومكنساليش😏😏
فتيخة:داكشي باش جايا تقداي العدس..فتي مالين الحوانت كلهم لي حداكم ومبان ليك هي المختار
المختار:(كيترعد)فتيتوح اش جيتي ديري هنا
فتيحة:(باستهزاء)كنت دايزا وانا نgول ندوز نشوف زماني غطا راسي اش تيدير ساعا لقيتو مجمع ليا مع تخت تالحومة..
حادة:(تقرصات)اهياتا علامن تتمعني..😠
فتيحة:تنمنعني؟؟انا اختي تنجي لبشري ديركت..اش اختي وصلك لعند راجلي لاويا عليك نص ميترو تتالثوب وجايا تتلوزي لمالين ليقامة(النعناع)ومالين جابير وتسحابك دايرا طيسة..شتي هذا(كتشير لنختار)هو لي عمرو يعتب فديك 20 ميترو ديالك ولا يغرم على طاسيلة مك شي ريال..ودابا وحدا من جوج غادي تدgي من هنا ولا نوليو براهش
حادة:(صعرات)اش ناهو😠😠 اعرفي اش تاتخرجي من ديك الكابينة وخليني محتارماك ونني مرا كبيرة
فتيحة ضحكات:هاهاها وا..كبيرة gالت ليك كبيرة..شكون لي حاضر وعاقل على زيادة الخامس انا ولا نني..سيري اتريكة ربعمية مكمشة فينما بان ليك شي حد دار طيسة تتجي تلصقي فيه وتلوحي عليه راسك😡😡 المختار ميصلاحش ليك ابنتي..
حادة:ديريها فين تجيك افتيحة الا منهجرو ليك خليت ذل على تريكتي
فتيخة:(تتكفض)ومالي منهجرو لواليد دروك نيت(طارت عليها لشعرها)اجي يابنت الق*** يا الواسعا لي جا يبول فيك ميان ليك هي راجلي
خرج المهتار من بلاصتو بغا يشدها وهي دور فيه وقالت:والله وتقرب تانخلط قبيلتك معاها ونصيفتك بشيباتك فين تربى😡😡
المختار تركن فبلاصتو تيشوف وعارف اش تتسوا وديرها وتفوتها الى فاتا تا قندشات اما هي شرشمات حادة نتفاتها وقرصات وعضات تا شبعات
فتيحة كتغوت تا جوقو عليها ناس وتقول شفارة كتبلحس على راجلي..وحادة فالارض كتاكل فالعصا بالبلغا..جاو شي عيالات فكوهم وناضت حادا كتنهج ووجها كولو مقموش وتتحلف:زالله فيك لبقات
فتيحة:الى وصلتي وذنيك عضيها ابنت المعفونة😡😡
مشات حادا كتعرج وشعرها تشنتف وفتيحة باقي اتحلف والعيالات اكالميو فيها تا تفرقت جوقة والمختار داير يديه مورا ظهرو وكيخنزر فيها شافت فيه مغددة وقالت:لا نوض ضربتي نيت😡😡ماحشمتيش اشيبة العاصية هاااا...gلستي تاشرفتي وبدات ريحتك تاتعطي وليتي تتنg على الخانزات..ياك للمختار هذا هو سري صبرت معاك على الجوع والعطش اوجه الجوع وفلخر تبدلني وبمن؟؟بشيخة لي جا يحط فيها وسخو😡😡ولكن سري..سري حيت بنت الحرام للرجال المخيرين دقو بابي وانا تنولول ونgول منو نخلاق باش فخر يامي تردني مسكة بين ضروس للشيخات😡😡
فتيخة؛(ضربات فجنابها)تجيك فراسك اولد الكعبي..تجيك فالركابي..سير انا بيت ليك دقة با لي مشا متلا رجع..بيت ليك شلل وتجلس فالركنة ونخرح تترس عليك😡😡😡
المختار:(قرب ليها)والله يهديك افتيتحتي راه العمل هذا..وتيخصني نضحك فوجه الكليانات ولا راه مبقا بيع مابقا شرا
فتيخة:مومو كغا انا ياك😠😠جايا مورا شمش وبيتي تدوخ علي بهاد الهضرة..البازرية(مالين البزارات)ومتيهضروش هوكاك..بلحق واخا اولد هنية سري سري..وجه الحلفة مايخفا😠😠 ولكن بيميني الى خليتها فيك..الى بقات فيك(شادا فقرجوتها)خليت الذل على لمراكشيات
المختار:وافتيحة..وا عمارة الدار ههه(باس راسها)واش مورا هاد العمر كولو ونجي ونغدرك مع خاديك..راه هي جاب ليك الله انا بيت هي نشد ليها الخاطر بحالها بحال كاع الكليانات ونتي جيتي وخليتي عشتها هلى والو
شداتها منفخة وزكحاتها كاملة..قرعة صغيرة ضرباتها وتكرعان وقالت:الحمد لله..شد شد تال دار ونكملو لهضرة😠ليتسحابك سكتيني بهاد الباجباطي
المختار:سبحان من خلقك هاكا..متتردعيش اهاد المرا ههه
فتيحة؛(قادات نقابها)الشيطان ومتيتردعش عساك انا 😠😠
مشات كتعوج وهو متبعها تيضحك على راسو وقال:معليكش اودي المختار باقي عاطي لعين وتيغيرو علبك😂😂اوالله الى نمرة واش من نمرة
رجع المختار لخدمتو وفتيحة مشات لغرضها مبردة..المهم عندها نتفاتها..فحين وردة كانت وصلات للدار دخلات الكروسة وطلعات المقدية بزز كتنهج وهزات توبة وخلات الكروسة لتحت تا يجي محمد..حطات بنتها فقاع الدار تتلعب بميعنات تالبنات فالغوز بحال ديال عاشور وهي مشات بدلات عليها ولبسات كسيوة حد الفخض مبينا ليها فخاضها البيضين وترمتها خارجة ..وجات معرية من الكتاف هابطا شوي فالبوردو..وبدات كتعجن الخبز هاد الاخير تعلماتو من عند مها وشوي تتجارب فالدار حتا تقاد ليها..دارت خبزة وgرصة..(خبزة صغيرة)وردات الغدا وتوبة كدور حداها وتدير بحالها فميعنتها..لاحت عليها عباية ونزلات لتحت حلات لباب وعيطات لواحد دري صغير ادي ليها الخبز للفران وطلعات جلسات فالبيت لي فرشوه بجوج تلوقان ملمطين بفراش زوين وزربية وطبيلة هازا تيلي صغير ديالها كتخربق فيه وتلعب كدوز الوقت..حتا تصالات بيها اسماء علماتها بلي غتغدا برا.وبقات بوحدها كتحسس كرشها وتبتاسم وتوبة كتلعب بكورة صغيرة حداها وتجري وراها وتضحك..بانو ملامحها وطلعات كتشبه لمها النسخة طبق الاصل ليها..طفات على الغدا وجلسات كتدور فعينيعا حتا طاحت فبالها تشيزة(بالنسبة لي مكيعرفهاش راه هي العيش ديال مصر زعما الخبز ديالهم كيعمروه بالكاشير والفرماج والزيتون والمايونيز ويسخنوه فبانيني وكاين لي تيديرها بالمسمن)دوزات لساتها على فمها تشهاتها..وناضت بغات تخرج تشريها..هزات تيلي كتعيط لمحمد ولقاتو طافي..عاودات شي عشرة تالمرات ومجاوبش مبغاتش تمشي بلا متقولها ليه وفنفس الوقت الى مكلاتهاش غطرطق..ناضت لبسات حوايحها وهزات تيلي والفلوس وشافت تيقيقت تالشمش..هزات كاسكيطا ديال محمد فالاسود..ودارتها وشعرها مجموع كوب شوفال..هزات توبة ونزلات لتحت دارتها فبوسبط ونزلات عليها الغطا على قبل شمش ومشات
تمشات على رجليها والشمش ضاربا ليها فراسها ومطاكيا عليها الكاسكيط..من دارها تال باب غمات اشهر قنت معرووف بتشيز..او بالاحرى ناس لي ختارعو تشيز فمراكش..وصلات بعد نص ساعة تطريق كدخل هي بين دروبا وتخرج تا وصلات حدا واحد سميتو سفيان تيبعيها طلات على توبة لقاتها غارقا نعاس..عزات عليها حيت نعسات بلا غدا..وقفات وقال:سالام وعليكم
وردة جلسات فكرسي فضليلة وطلات على توبة جبدات كلينيكس ومسحات ليها وجهها حيت عرقات وباستها..وهزات راسها كدورو على المحل كان كيفما خلاتو فيام المدرسة..على قد الحال..فيه لظاخل تياكلو فيه والقدام تالمحل فيه على اليمن مولات لمسمن خدامة مع المحل نيت تتكون فصباح مرا قصيورة سميتها خديجة تتعجن المسمن وفلعشية تيولي الغدا تيديرو صوصيت والطيحان وزيد وزيد ..( هاد البلاصة راه فعلا حقيقية وهاد الناس كاينين الناس بي قراو فثانوية محمد الخامس غيعرفوها)شاف فيها سفيان وقال:تتفكري يامك هنا اشيطانة
محمد:طيري لعندي عشرة دقايق نلقاك هنا ولا والله تنحرق اصل مك الكلبة نوريك التق*** كي داير
قطع عليها ولاح تيلي زاعف..كان جاي معول القاها تا لقا البرد كيصفر فالدار..وتيلي ديالو كان طافي..دارو فااشارج ولقا مكالمتها..بقا غادي جاي فالدار وتينحلف عليها معول اخلي دار عشتها..فحين هي بقا فيها الحال حيت هايرها ردات تيلي للجيب وناضت وقفات ومشات تخلص وقالت:هاك اخويا ها خلاصك
سفيان:سيري اتا عاودي لراسك فين عمرك خلصتي باش تخلصي اليوم هههه
وردة:ديك ساعا مكانوش دابا كاينين..هي شد
سفيان:واهيا بيتينا نتقلقو ونساكييو ونسباكسيو ههه هي سيري بصحة راك عشيرتنا..وها هي تشيز خرا فابور علاه هي تفكرينا
سفيان:الله اودي راه مدوزناش قليل تانتي شحال من مرا كنتي تتسلفيني لفلوس ونتي باقي هي تتقراي..سيري اختي الله يتوب عليك
وردة:امين
ودعاتها ودورات الكروسة والرعدة شاداها وتتحس براسها غطيح كلما كتفكر صوتو..كتحاول تزرب فالمشية قدر المستطاع ومقدراتش كل شوي توقف تتساراح..ومحمد شاعل فالدار..نزل لزنقة واقف قدام الباب هاز كارو طيكمي ومغدد عليها تاكتبان ليه جايا من راس درب مزيزا على الحالة ولبسها لاصق..جارا البوسيط هي هي شافتو طاح منها النص وولات كتفيبري..لاح الكارو بعصبية وشتف عليه ..كان لابس كيطمة كري ومخنزر وباينا فيه واصلا فيه العظم..قربات لجيهتو كترعد وتسرط فريقها وهو كيتفحصها بعينيه وقالت بزربة:بلا شوها فزنقا..ندخلو للدار ونهضرو
منذ الأزل و إلى الأبد الجزء 14
محتوى القصة
التنقل بين الأجزاء