قدري أن أحبك الجزء 53

ضحك ايرتان و خطف قبلة من وجنتها و قال : طانت عندي بنت قلبي .. دابا ولاو 2 .. 

جهينة : لاء .. انا بوحدي في بنت قلبك .. و هيفين خرج ليها شي حاجة اخرى .. 

ضحك ايرتان و صرفقها بحنية مازحا : كاتغيري من بنتك الحمقة .. 

جهينة : ااه .. بنت قلبك انا بووحدي ... شحاال غرت منها منين كانت قادرة تبوسك و تعنقك و انا لا ..😔 

ضحك ايرتان و عنقها لسدرو : واخا وليتي ام .. باقية بنيوتة صغيرة .. كاتبغي الاهتمام كولو ليها 

جهينة : اوى راه الخباار فراسك .. 

ايرتان : اوى الالا حضني كافيكم ب2 .. و حتى للي جايين من بعد .. 

ضحكات جهينة و قالت : ان شااء الله .. *هزات عينيها فيه* ياله دخل .. 

ايرتان : شلا شغاالات تابعييني .. 

جهينة : سلم على الدراري و شوف بنتك ...غير شوية و سيير .. 

ايرتان : وااخا .. الصغييورة ديالي هي الاولى .. 

كانو المجمووعة كيف عادتهم كايفطرو مع بعضهم .. و تولاي هازة هيفين كاتفطرها ... 

حتى شافت ايرتان و طارت كاتجري عندو ... هزها كايضحك و باسها .. 

جلسات جهينة و قالت : صباااح الخيير ... 

ماجاوبها حتى وااحد .. هزات عينيها لقات كل واحد كايشوف فيها شوفة فشكل ... 

تلبكات لشوفاتهم .. و تبعات انظارهم لي توجهات لايرتان لور كايلعب مع بنتو .. و رجعات شافت فيهم .. 

جهينة : م.. مالكم .. 

اشراق : فين كنتي اقليلة الحياء .. 

جهينة ؛ ك.. كنت .. حترجة و تلاقيت .. معاه .. 

اشراق :فين فالحلم ؟ طالقاها ابنت العبد .. اش غايخرجك و الصبااح هذا .. 

جهينة : ش... شتك ... كاتحتسبي .. 

اشرف : هههه طلقي منها .. ا اشرووقتي .. ماكاتشوفيش فيها تلونت .. 

جعينة : احتارم راسك الحيوان .. 

اشرف : هههههه و على انا قلت شي حاجة .. غير بووحدك .. 

خنزرات فيهم جهينة و شافت فعز لي كانو كتافو كايتعزو و هو كايشرب قهوتو .. هو لي فااهم اش وااقع .. 

نطق فؤاد بعد سكات و قال : شفت ايرتاان واخد راحتو مع البنت .. و انت اجهينة .. امتى طورات علاقتك معاه حتى وليتي تباتي معاه برى .. 

جهينة : م.. مابتش معاه .. تلاقينا .. الصبااح .. 

طه كايمتل :ماصدقتيييش اجهينة ابنت عمي .. بعد هاد العشرة ديال 9 اشهر تغدريني بهاد الطريقة .. مامساامحكش .. ماغانسااامحكش .. 

حط راسو على كتف تولاي كايصطانع البكاء و البقية كايضحكو .. 

جهينة : ضورتوووني دااابا .. فرااسكم ايرتااان رجعاات ليه الذاكرة .. 

رش اشرف داكشي لي في فمو .. ووقف خارجين عينيه .. في حين البقية كولشي جمدو فبلاصتهم كايشووفو و عز كايضحك .. 

اشرف : وااااااااااايلي ..

جهينة : آااايه .. 

شاف فيه اشرف و رجع جلس كايهمس بالشوية .. 

اشرف : و اشنو قااالك على دااكشي .. 

جهينة تنهدت بهيااام : حبيي راجلي الحبييب تفهم و ماخاصمش عليا .. واخا كاان مفقوووص من دااكشي لي درت و لكن عرفت كيفاش نحنن قلبو ... حبي ماطااوعوووش قلبو ... يعني ديييك الخلعة لي كنتي مركب فيااا ماطلع منها واااالو ..

اشرف : ماعرفتش كيفاااش حتى ماقتلكش .. 

جهينة : اوى راجلي الحنيين توحشني و غييير ظلمتو ... 

اشراق : اوى باااينة ماشافش المسلسل الرومانسي ديالك ... و دووك الاشهاارات مع التوووت التركي و بلااا مانهضرو على ذيكور و داك اللبس و ما الا ذلك .. هو ياله شاف غير داكشي لي كان قداام عيينو .. 

جهينة طارت سدات فمها : سكتي يسكت لييك الحس .. دابا يسمعك ..😨 

اشرف : طلقي من مراتي .. و زاايدوون داكشي ماشي سر .. رااه طاالي الانترنييت .. 

جهينة : زعما يكون شاافهم .. ناري كيفاش نسيت دااكشي .. 😢😢 

اشراق : ههههه عندي احساااس شي حد قرب يموووت .. 

اشرف : يسحاااب ليك قطعتي الواد و نشفو رجلييك ؟ هههههههههههه الله ياااربي و شحااال كاانبغي حياااتي .. 

جهينة : اوى تسنا تفكرو هيفين بخطيبها تشيم تشيم و نشووفو ديك الساعة شكوون غايضحك ... 

اشرف ؛ سكتي اللقوة .. هاهو جااي .. 

ايرتان : صبااح الخيير .. 

كلعم هزو عينيهم فيه بدوون رد .. 

ضحك ايرتان و قال : اكيييد وصلاتكم الخبااار هههه 

وقف فؤااد و اتاجه لجهتو .. 

حط ايرتان هيفين و تعانق هو و باه كايضاربو بكتاف بعضهم .. 

فؤااد : على سلااامتنااا ههههه

ايرتان : هههه رجعت لديلمكم ... *شاف فاشرف* غير ردو البال 

ناض اشرف لعندو حتى هو .. دارو سلامهم الرجالي و تعانقو .. 

اشرف : مرحبا برجووعك الليدر .. هاذو رااه جرتيلة و الدووخة معاهم .. ماكاين ما احسن من مخططاتك .. 

عز : ولد الحراام .. راه غيير كايتزلل تما .. 

فؤاد : على مااشي هيفيين باغية تزوج بييه منيين تكبر هههعع 

دار اشرف عندهم و قال : الله يحرق والدين بووكم الكلااااب .. 

شنق عليه ايرتان بدراعو دورو شاانق علييه ... 

اشرف شد دراعو كايخهف تشديدها و كايقول .. 

اشرف : و اللهما ذنبي رااه بنتك قليلة الحيااء ماكاتحشمش .. كاتستاااغلني العفريييتة .. 

ايرتان : عااوداات ليا فعااايلك الحيواان .. مافهمتش مااالك مع عيااالاتي .. ماالقييتينيييش حدااهم قلتي ندييير مابغيييت .. اني رجعت لواالديك ماعندي شغل من غيييرك .. 

ما حس ايرتان غير برجلو عواجت .. دار لقا اشراق مولاتها .. شادا كرشها و كاتفك .. 

اشراق : رجعتي اجلااخة تااني .. مالقيتي غيير راجلي تبدااا بيه .. 

ايرتان : هلي هاي على صعصع .. شيري حيدي من قدامي لا تجيك شي دقة .. حسابي معااه خرجييه انت .. 

عز : ههههه عطيييه .. جا لي كايعرف لييك .. 

اشرف : دابا هذا خيري .. شحال ديت هيفين للطبيب و بدلت ليها .. و لاهيتها فاش كانت كاتدغ الجلبة .. و شحال سكتها و لعبت معااها .. دااباا خذا هو خيييريي .. 

ايرتان : و علاااش كاتقولك خطيبي .. مالقات غير خطيبي تنعتك بيها .. 

اشرف : بنتك مفرجة فشي فيلم ديال امها هضرات فيهوعلى الخطبة و لا ماعرفت تشنو و شداتها بنتك .. 

دار ايرتان عند جهينة لقاها كاتندب و قال : اشمن فيلم هذا لمك انت ؟ 

جهينة : ا.. وا..سلسلة .. بغيت نقول مسلسل طويييل بزااااااف ماتقدرش تفرج فيه .. 

ايرتان : كاتحاولي تمنعيني نتفرج فيه .. علاياش كايهضر انا تفرجت غير في فيلم الاكشن .. 

جهينة : ا... ل... 

طلق من اشرف و شد جهينة من حوايجها من قرفادتها و قال : اشمن نوع ديال المسلسلات هذااك ؟ 

جهينة ؛ ك.. كوميديا عائلية .. داتكشي لي ماكايعجبكش .. باسل و عاادي 

ايرتان : متأكدة ؟ 

جهينة : 100 ف ال100 .. 

اشراق و تولاي شدو كرشهم كايضحكو .. اشرف صغر عينيه و كايدور وجهو .. قرب ليه عز و فكها من يدو .. 

عز : ههههه بالشوية عليهم اصاحبي ... العمر بااقي طويل ارا مااتحااسب ..خلينا دابا فالمهم .. 

شاف ايرتان فجهينة و اشار بصباعو لعينيه و لوحهم ليها بمعنى مراقبك .. 

جرو عز و تبعهم فؤاد .. تقابل اشرف مع جهينة و قال .. 

اشرف : نااري كانتخيل فاش غايشوف اللقطة لي كنتي كاتداوي سدر البطل ابو عضلات العرياان .. و لا اللقطة لي كنتي توكليه .. اولا لقطات الحب و نظرات العشق و العناااق .. اوووف .. ماتبكيش ماتبكيييش .. هاذي هي الحياة و كووولنا ليها .. 

غمز تشراق و مشا تبع الدراري كايضحك .. 

جهينة جلسات فبلاصتها ماكاترمشش .. و اشراق جلسات حداها و قالت : هههه مدمر اللحظاات .. شي نهار غادي توقع ليا شي مصيبة و انا معاه غير بسباب فعايلو .. 

جهينة : شنو دابا .. ايرتاان غايشووف داكشي و غادي يشعل .. 

اشراق : مابغيتش نخلعك و لكن هادشي لي بان ليا . 

جهينة : انا متلت داكشي قبل مانتلاقا معاه .. يعني ماعندو عليا والو .. الانسان كايتحاسب على اغلاط الحاضر ماشي الماضي .. 

اشراق : القوانين كاتجي حتال عند ايرتان و كاتولي استتناء .. طلبي ربك مايشوفهمش .. 

جهينة :هو ماعندوش مع داكشي .. ماغاديش يتفرج فيه .. 

اشراق : الا اذا كانت ممتلة فيه بنت قلبو .. 

جهينة : واش دابا مانقدرش نفرح غيير شويبكيكة .. غانبقا حياتي كااملة و انا مخلوعة لايشوفهم 😭😭 سييير ا اشرف بغيت ربي .. 

اشراق : اوييلي ماتدعيييش ليا على الرااجل ... وهو اش داار .. 

جهينة : تداااااارت ليا 😭😭 فين هيفين .. تولاي .. 

دارت جهينة كاتقلب مالقاتهمش ... 

اشراق : ههههه سلتو مع طه .. 

جهينة : هنية .. 

اشراق : اوى قولي ليا.. اش درتو .. 

جهينة : كيفاش اش درنا ؟ 

اشراق: زعما كيفاش حتى هضرتو .. اش قالك .. اش تعاودتو .. 

جهينة تنهدت و قال : تعاودنا على لي فاات .. دردشنا .. و نتفني نتفة باقي لدابا كانقيسها كاضرني .. 

اشراق : و علاش ؟ 

جعينة : يسحاب ليه علاقتي بطه كانت حقيقية .. و لكن تاق بيا منين عاودت ليه 

اشراق : اوى بزز منو يتيق ... اوى و من بعد 

جهينة : بقا يلومني على شعري و التمتيل ماتسرطووش ليه واخا ماتحاسبش معاايا .. 

اشراق : اوى مانظنش غايبقى على نفس الرأي منيين يشووفهم .. 

وقفات جهينة بانفعاال و قالت : وااش لمك نتهنا من راجلك تجيني انت ... ماغايقوول والو .. بحال دابا نيت ... انا متأكدة .. 

اشراق : هههه و صافي نساي دابا .. خلينا نعيطو لايناس نمشيو للحمام .. تشهيتو.. 

كانو الدراري مجموعين فالديبو ديالهم فين كانو مولفين يتجمعو .. 

فؤاد : و اخييييرا ...عرفتي شحاال خططنا و صبرنا ترجع ذاكرتك .. 

ايرتان : هههه تعطلت .. و لكن هاني معااكم دابا .. 

عز : ماخاصناش نضيعو الوقت اكتر من هكا .. 

ايرتان : داكشي لي بغييت نقول حتى انا .. خاصني نهضر مع بابا بعدا.. 

شافو الدراري فعز و قال : اه .. اما قلت ليك باي استرجعت ذاكرتك .. و قال غايجي.. 

ايرتان : و الوالدة و اختي .. 

عز : غايبقاو تما .. 

ايرتان : بان ليا نسيفطو البنات يبقاو تما احسن .. 

اشرف : هادشي لي بان ليا حتى انا .. 

غؤاد : و اشنو خططك .. 

ايرتان : غانستاغل وجودي فالشركة .. و غادي نوصلها للافلاس اول حاجة غانبدا باغلا ماعندو .. غادي نخليه على الحديدة و نجردو من داك السلطة .. و من بعد كرامتو و صمعتو غانمرمد بيهم الارض .. غانخليه يكره حياااتو و يتمنى الموت و مايلقااهاش .. هادو اول حاجة و من بعد غاادي نبدع و تقلب كيفاش .. انا ماعواالش نقتلو .. انا غادي ندوزهم عليه شوية بشوية .. 

بعد مرور 3 ايام ... 

في تركيا .. 

كانت نيسرين فبيتها كاتدور فعينيها .. كلامها مع امها و المدة لي جلسات معاها كانت كافية باش تصفي الخواطر بين بعضهم .. تفهمات امها و التامست الضعف و الصدق فكلامها .. حتى ان نقص لي كان فقلب نيسرين خلاها ترمى فحضنها بدون تردد .. كيف لا و هي امها .. فهاد الوقت عجبها اهتمام امها و ايدين بيها .. وقتها معاهم خلاها تغير نظرتها لامور كتيرة .. تأتير ايدين ماكانش هين .. كل جلسة معاه كان كايمدها بطاقة و تحفييز باش تخرج من قوقعتها و تعيش حياتها .. ماشي بديك الطريقة لي كانت عايشاها و انما طريقة سلييمة... قارنات بينو و بين باها .. و قدرات تفهم علااش ايرتان متعلق بهاد الشخص .. هو لي فاهم معنى الاب ماشي عمر .. بغات حياتها الجديدة الا ان هااد التغيير و هاد كم الارتياح لي ولات عايشاه ماكملش .. و ديما كاين نقص .. ديك اليد لي تمدات ليها و جبداتها من ديك الحفرة المظلمة .. عز لي ولا شاغل بالها .. قبل ماتنعس و مبااشرة منيين كاتفيق .. دوك 15 اليوم لي جمعاتها بيه تحت سقف واحد ولو لدوك اللحظات القليلة ... الا ان سحر شخصيتو لقات كيف تجدبها ليه ... رغم قسوتو فالمعاملة .. الا انها ماكانتش باردة بل مشتااعلة .. كان ممكن يجيبها بالرغم منها ولكن خلاها معاه و كان وااضح بلي باغي يوصل ليها ميساجات بالرغم من قسوة طريقتو .. و فالاخير اقتانعت .. و لكن دابا مشا .. تمنات لو يتاصل يسول فيها و لو غير من باب الصواب و لكن علااش غايديرها .. هو كايشوفها خت صاحبو .. يعني بحال ختو .. و عااد مستحييل يكوون كايفكر فيها كيف كادير هي ..و هااادشي بدا كايزعجها و يضايقها .. علاش لا و مشاعيرها نحوو كاتطور بسرعة .. 

دخلات امها عندها و قالت : احبيبة .. باقي مانعستي .. 

نيسرين : لاء اماما .. 

بيراي جلسات حداها فالسرير و مدات يدها لشعرها : حتى انا احبيبة .. ماكاينش ايدين .. كانحس بالدار خااوية .. و عاد مشوشة على خوووك .. توحشتو تاهو بلا قياااس .. 

نيسرين : ماعليش اماما .. غادي يرجع و يرجعو معااه .. دابا .. بابا اش غايوقع ليه .. 

شافت فيها بيراي باسف و قالت : ماعرفتش احبيبة .. 

نيسرين : هو راحل ماممزيانش .. و كيفما كان الحال خااصو يتعاااقب .. 

بيراي : عارفة احبيبة بقا فيك الحال من جيهتو .. 

نيسرين : بقا فيا الحال حيت بابا مامدايها فيا مامسوقش ليا و فوق هادشي عذبك اماما انت و خويا .. ماكنتش عاارفة دااكشي كولو دااز علييكم .. و لكن رغم هاادشي كولو خااصو يناال جزاءو .. داك العطف الابوي من جيهتو ماكاينش .. ماعقلااش عليه حاااضر فحيااتو من غيير فلوسو 

بيراي عنقاتها باسف و قالت : سمحي ليا ابنتي .. 

نيسرين : ماكاين لاش طلبي مني السماحة اماما .. انت مافدنبم والو انا لي خاصك تسمحي ليا ..

باست بيراي راس بنتها وضماتهاةليها بقوة و قالت : احبيبة ديالي انت .. 

دام صمتهم لاكتر من دقيقة و قالت بيراي : مالك احبيبة .. حاسة بيك ماشي هي هاذيك .. 

نيسرين : والو اماما .. 

بيراي : انا ماماك .. و حاااسة بيك مقلقة و هازة للهم فقلبك .. خوي على ماماك .. اشنو عندك احبيبة .. 

كلام بيراي فيض الكاس و خلاو دموعها يبانو .. تخشات مخبية فحضن امها و عاد ماعلا بكااها شوية بشوية .. عنقاتها امها بقلق و قالت .. 

بيراي: نيسريين اشنو بيك احبيبة .. 

نيسرين : مااامااا 😭 قلبي كااايتقطع .. مااابقييتش قاااظرة نتحمل هااد التقل لي علاا قلبييي .. 

بيراي : هضري احبيبة .. قولي اش عندك .. اشنو متقل علييك .. 

نيسرين : انا ... انا كانبغي عز ... 

في المغرب .. 

دخل ايرتان للفيلا بعد لقاءو مع الدراري ... داز على الكوزينة و سمع توشوييش بين 2 ... ناكانش غادي يوقف يتصنت و لكن شي حاجة لفادتات انتباهو .. 

.....: العقروشة جاابت ليك الدواء تااني .. واخا قطعناه عليه باقي مارجعاات ليييه .. 

جاوبات كببرة الخدم : دابا ترجع ذاكرتو .. مدام مابقيناش مانعكيوه الدواء .. بصراحة ابنتي انا بغييت نخرج من هاد الخدمة .. مابقيتش مرتااحة مع هااد الناااس .. مابقيتش قادرة نتحمل هاد التشيطين و هاد الفعايل لي كايديرو فداك الولد مسكيين ... 

دخل ايرتان فجأة و كل وحدة فيهم دارت يدها على فمها بصدمة .. 

ايرتان : عاودي اش قلتي .. 

كبيرة الخدم : ء... ء.. سي ايرتان .. 

ايرتان لمح الدواء فيدها و خطفو كايشوف فيه : اشنو هذا .. 

شافت الخادمة فالاخرى و ذاتها كاترجف بالخلعة .. رجعات شافت فبه كبيرة الخدم و قالت : هذا دواء.. كاتعطيه ليا الحاجة باش نديرو فماكلتك .. باش ماترجعش ذاكرتك .. الله يرحم وااالدييك اسي ايرتان .. انا بغيت نمشي فحااالي صافي انت عرفتي اش كاين .. و انا حيد عليا التقليد .. 

دام صمت ايرتان للحظة .. تم عز راسو فيها و قال : امتى حبستووه ... 

الخادمة : اكتر من 3 الاسابيع .. 

ايرتان : اممم .. داكشي علاااش ... مهم .. انت غاتهناي من هنا .. و لكن باقي بااغيك شوية .. غادي تعاونيني .. 

الخادمة : ا.. غير عفييني اسي ايرتان .. انا خاي..

ايرتان : ماعندك منااش تخافي .. الى عاونتيني غادي نكااافئك بلي تستاهلي .. و زايدوون بان ليا انت امرأة معقولة و ماكاتبغيش الظلم ... ماتقدريش تعاونيني شوية نوقفوه عند حدو .. كوني متأكدة غاتبقاي برا الصورة .. ماغايقيسك والو .. 

الخادمة بعد تردد سكتات شوية و نطقاات : واخا اسي ايرتان .. امرنا لله... 

يتبع