قدري أن أحبك الجزء 55

اشراق : هذا رااه الواااقع احبيبة .. لاعندااك بحاال هذااك مافيهش تقة الى كان قليبك هشييش غيير تفرقي منو .. حيت غايشطحك على نغمة وحدة و نصف .. 

جهينة : النصف هو لي غادي نوض نجمعك بيه .. لاعنداك اختي .. كل واحد كايكون عندو ماضي .. ماشي كولشي متالي .. و حتى انت بحالك بحالو .. الواحد يتحاسب على حاضرو ماشي مااضيه .. دابا الى كنتي نيت كاتبغيه و متأكدة من مشاعرك .. خاصك تزعميه و تباني ليه فالصورة ... ماعرفتي يكون حتى هو معجب ... 

اشراق : و ماعرفتي لا ...و مااباني ليه غير بنت صاحبو الصغيرة .. 

جهينة : و ممكن يكون كايصارع نفسو على هاد الاساس و ماقادرش يقولها .. 

اشراق : و يقدر يكون لا و مادايركش فبالو اصلا 

كانت نيسرين بيناتهم كل مرة تدور عند وحدة .. كاتبان ليها جهينة بتوب ابيض و جناوح و اشراق بتوب احمر و قروون .. نوضوها بيناتهم و كل وحدة تلغي بلغاااها .. شافت نسيرين قدامها و لاحت كتافها و تنهدات ... 

جهينة : مصييبة كااريتية معاك انت .. 

اشراق : انا كانقول ليها الحق .. ماتخليش البنت تبعد باحلامها .. كولنا عاارفين عز .. ماشي ديال المعقول .. 

جهينة : على اساس اشرف كان ديال المعقووول .. 

اشراق : هو بصراحة كان شوية زهواني .. و لكن انا عرفت نقادو .. 

جهينة : اوى حتى هي غاتعرف تقادو .. 

اشراق : اويييلي عيييييز .. واش تبرققتي فظاك الراس .. هذاك راه داير بحال شي نسر حر ماكايتربطش .. 

جهينة : احنا غانشووفو .. 

اشراق : اوى هااحنا غااانشووفووو .. 

نيسريين : هنيييييونااا .. سكتوووونا .. الله يااربي الله و اش درت فحياااتي تلااقيت بهااد 2 .. اش دااني نعااود ليكم شي حااجة ..خاص وااالديا العصىىى .. 

اشراق : تهدني الصاااحبة .. مالك تسيفتي .. 

جهينة : اوى انت كاتطلعي عين لي عمرو تعصب .. فبلاصة ماتشدي الركنة تفكري فولادتك لي قربات ... باركة تدي ذنوب هاد الصغعة مسكينة و تقتلي ليها الحوت .. 

اشراق : نقلي ليها الحوت ؟!! 

جهينة : واااتقتليي ليييهاا الحوووت .. تي مال مك وليتي مضرووبة على كرشك ..

اشراق : الحوت .. شهيتيني فالحوت .. نوض نشوف الى كاين نقليه مع شي دنيجيلات و فليفلات .. 

ناضت شادا كرشها للكوزينة و هي كاتبرغم و تشهى .. بقات متبعاها جهينة و هي مخسرة وجهها حتى مشات .. 

جهينة : الله يستر .. هاذي ماخاصهاش تحمل مرة اخرى . حيت مستحيل نتحملها مزال .. *شافت فنيسرين* شوفي فيا .. ماتديش عليها .. انت مايمكنش ليك تعرفي الى ماتقربتيش منو .. انت ماتعتارفيش دابا .. خلي حتى يرجعو و حاولي تقربي منو .. مرة ضحكو مرة دردشو و هكا حتى يتعود عليك و تقدري تعرفي اشنو فبالو .. 

نيسرين : واقلة عندك الحق .. هادشي لي قالت ليا ماما حتى هي .. غير هو بعدو مني ديك الحمقة راه هضرتها كاتدخل ليا مع العظام .. 

جهينة : ماتديش عليها .. بحالها بحال راجلها تخلقو باش يفقصو بنادم .. انت فينما تسمعيها كاتزنزن سظي وذنيك هههه 

ضحكات نيسرين و قالت : ههههه مزياان منين جيتو والله الى عمرتو الدار و مونسينا .. بنت خويا الغزالة حتى هي .. عرفتي مشوقة نشوف خويا حتى هو .. 

جهينة : ديما كايسول فيك .. علاش ماتهضريش معاه .. 

نيسرين : ماعرفتش .. احساس فشكل عرفتي شحال ماشفت خويا .. راه سنييين .. بحال الى ماكانعرفوووش .. عمرنا كنا قراب و لا بحال الخوت .. و خاصة دابا منين عرفت بلي هو خويا من ماما .. 

جهينة : خاصك انت و ياه تجاوزو الماضي و تحاولو تقربو من بعضكم .. حتى هو فاش كايهضر عليك كانحس بيه مقلق من راسة حيت عمرو قرب ليك و لا حاول يتقرب منك .. 

نيسرين : و غيير يجي .. و يكون خير ان شاء الله 

جهينة : ان شااء الله ..

في المغرب ... 

تعلات ضحكات ايرتان بعدما حط تيليفون فمكتبو ... 

ايرتان :اوى ها الصفقات المشبوهة فايدينا و فشلاات اكبر عملياتك اسيهم عمر ... ماجايب للدنيا خباار و كايقصر دابا ...السيد حماق تقريبا و باقي هذاك المرض مابغا يحيد منو .. اوى جا الوقت باش نمرمدو بصمعتك حتى هي ... 

كان عمر واقف وسط الصالة ففيلتو الخاصة ... مصدووم .. مذعوور .. اموور كتيرة كاتوقع ماقادرش يتحكم فيها .. استمرار فشل عملياتو المشبوهة وحدة وراء الاخرى ... الشركة على حافة الانهياار .. و دابا .. دابا صمعتو لي تحكاات مع الارض ... بحيت جميع المواقع الصحافة الالكترونية و الجرائد كاتحدت على فضائحو .. اول حاجة على افعالو و تصرفاتو الغير طبيعية زيادة الى هوسو بالعلاقات الغير الشرعية بحيت تنشارات فيديوات و صور مخلة كاتشمل وجهو مفضوووح ... كلشي جا فجأة و بدون اي ساابق انذااار ... كان مرتااح و غير مبالي ... كولشي كاان مستقر حتى وصل هااد النهاار ... باش يفيق من نعااسو و يسمع هاد سلسلة الاخبااار لي خلاتو مصدوم .. واقف بدون اي حركة و لا كلمة .. بحال الى الزمان وقف ... و مابقااش كايسمع .. ماكانش كايسمع كلام ياسين المستامر و لي كايعاود ليه اش واقع بعد غيابو على الشركة ... 

فجأة بدا يضحك ... كايضحك و كايضحك .. تصدم ياسين من تصرفو .. طااح الارض و بدا ينتف شعرو و كايضحك و يزييد فضحكو .. 

تحنا شد فيه ياسين و هو كايهدن فيه .. 

ياسين : سي عمر .. شد فراسك خاصك تكون قوي كيف ديما و تخرج من هااادشي .. الشركة كاتواجه ازمة كبيرة و الصفقات لي كنا عوالين نهزو بيهم الشركة ضااعو و مابقا لينا حتى حل .. خاصك تهرب و تبعد على العيووون .. خااصة ورا هاد المصيبة لي وقعاات اليوم .. 

سكت عمر من ضحكو و بقا كايشووف غيير قدااامو ... 

نطق بنبرة ميتة لا حياة فيها و قال : فين الشركاء ديالنا .. السي احمد .. فين هو بغيت نشووفو .. 

حدر ياسين راسو و تردد قبل مايقول : السي احمد غااضب بزاااف من لي وقع.. و كايقول بلي هادشي اتر فيه حتى هو ..اليوم فسخ خطوبة بنتو مع السي ايرتان .. و باغي ينهي الشرااكة ... و يسحب التمويل ديال شركتو .. عييت معاه اسيدي و لكن كانظن بلي مصر .. 

جمدات ملامحو بدوون تعبيير ... بحال الى عايش وسط كاابوس ماقادرش يفيق منو .. لاول مرة كايحس براسو مبلوكي و ماقادرش يتصرف... 

رجع شاف فياسين و قال بنبرة مرتجفة ضعيفة : فين ايرتان .. فين .. هو من هادشي كولو .. *سكت لبرهة و كأنه تفكر شي حاجة * ايرتان ... اي..رتاان ..

ياسين : كانظن بلي رجعات ذاكرتو اسيدي .. و كانظن بلي هو المسؤول على كولشي هاادشي لي وقع .. هو دابا اكييد ماغاديش يوقف عند هادشي .. خاصك تهرب اسيدي .. 

رجع هز عينيه فياسين .. و ذاتو كاترجف .. بادي على وجهو الخوف .. الذعر ... عرف و تأكد بلي هو على الحااافة .. ضعيف كايتمرجح بين السقوط و النجاة .. و بداك شوية العقل لي بقا ليه اقتانع بلي خاصو يهرب .. عارف بلي ولدو كايضربو دابا لنقط قوتو .. باش فالاخير يوصل ليه .. هادشي ماكان غير تمهيييد .. كيفاش غفل و حط قنبلة موقوتة وسط عرشو .. كانت كاتهدد بالانفجار فاي وقت و تدمر مملكتو .. و هادشي نيت لي وقع .. دابا اهم شيء ينجا بحياتو و بحريتو .. 

وقف مسند على ياسين .. و هو غير قادر على المشي .. رجليه كايرجفو و كذلك ذاتو .. عقلو موقف من التفكير و متبع غير قيادة يااسين .. 

كان ايرتان في الفيلا ديال ايدين لي متواجدة بالمغرب .. و كانو حاضرين الدراري كاملين مجتامعين .. 

ايدين : صافي ا ايرتان حد هنا و باراكة علييك .. 

ايرتان : لا ابووص .. انا باقي ماشبعت .. هادشي رااه واالو .. انا بغيت مزااال نعذبو .. 

ايدين بسخط و نبرة تحذيرية : هضرت معااك .. هذااك ديااالي انااا .. حسااابي معاه تقل من ديااالك .. انا لي غادي نتولااه شخصيااا .. رجع لمراتك و بنتك... 

عز : بالصح ا ايرتاان .. صافي سالا شغلك ... 

ايرتان : انا بااقي ماواجهتو .. باقي ماشفتش فعينيه و هو ضعيف مجرد من كولشي عرياان مذلووول قدااامي .. *قاطعو اتصال شاف فبهم و جاوب * نعام .. ذيتيه فين قلت ليك ؟ مزيااان مكافاءتك غاتاخدها .. مابقيتش نشووف كماارتك مزااال و لا بربي حتى غانمحيبك كيفما غاندير معاه ... 

قطع ايرتان و شاف فيهم .. 

ايدين : ايرتااان .. 

ايرتان : بوووص .. غير سمح ليا و لكن اول مرة ماغاديش نمتاتل لاوامرك .. غادي ننتاقم لمراتي و بنتي و للوقت التمين لي ضيعو ليا معاهم .. و ماغانسمحش ليكم تحبسوني و تضيعو عليا لذة داك الشعووور ..*هز صبعو فيهم* ماتحااولوووش 

رمقهم باخر نظرة و خرج كايجري .. 

من بعد ماخرج ... غوت ايدين قائل : اش كااتسنااااو .. زيدووو نتبعوووه 

كان ايرتان كايسووق بطريقة جنووونية عابر جميع الحواجز بمهاارة .. كان عارفهم كاملين ورااه و لكن ماحبسش .. خاصة يوصل قبلهم باي طريقة .. 

بعد مدة خرج من الوسط الحضااري و دخل فالخلاوات خارج المدينة ... هبط من سيارتو و توجه لكوخ المتواجد وسط غابة مهجوورة جاافة .. 

حل الباب برجلو ضااربو بقوة .. و على وجهو ابتسامة نارية شامتة قوية حاقدة كارهة ... ابتسامة انتصااار .. 

هز عمر عينيه فيه .. و كان هين و ضعييف .. كان مربوط و مجبدين اطرافو لكل جهة .. كان بحال شي وااحد محكوم عليه بالاعداام .. 

ايرتان كان عارف بلي غادي يتقبض عليه بعد هادشي كولو لي وقع.. بعدما تكشف اسمو و هو مرتابط بالاعمال المشبوهة .. من مخدرات و عصابات التجارة فالنساء و ما الى ذلك .. اي تان بغاه ليه هو .. بغا نهايتو تكون بين يديه هو .. ماشي مرمي فالحبس فقط .. 

تقدم بخطوات بطيئة ووقف قدامو .. بحال شي سلطان من السلاطين .. بحال شي ذئب قدام فريستو .. 

دوى ايرتان بنبرة قوية شامتة و قال : بابا ... يااا باابااا

هز عمر عينيه فايرتاان .. كانت الشر و الحقد متجسد فيهم .. رغم ضعفو قدامو الا انه باااقي ماردخ بداك اخر عرق لي باقي يضرب فيه و قال .. 

عمر : المرة التاانية الحيوااان .. 

ضحك ايرتان و قال : ماكاتعلمش من اخطاءك .. و غرورك ماكايسمحش ليك تاخد الحكمة من لي صغر منك .. و هاد الدرس قريتو ليك شحال هاذي و لكن عقلك خرف و مابقاش عاقل .. 

عمر : بلا كترة الهضرة .. طلقني نمشي فحاالي ... و لا .. 

هبط ايرتان لمستواه و قال : و لا اشنو .. هضر .. اش غادي ديييير .. هههه انت راك درتي .. و جا الوقت بااش غانديير انا .. 

اول حاجة انقض عليه بضرب قوي عشواائي فكل مكان و فينما طاحت قبضتو الحديدية الملجمة بخواتم تقيلة .. و ع

كان بينهم خاتم جهينة لي هذاتو .. كان كايضرب و يتكلم .. 

ايرتان : هاذي حيت تعذبات مراتي فالولادة .. و هاذي حيت دخلات غايبوبة .. و هادي على دمووعها و هي كاتظن بلي تخليت علييها .. و هااذي حيت داارت عملية بسبااابك .. هادي على قبل الواالدة لي لحتييها فالسبيطاار بلا رحمة .. *وقف كايشوف فيه بضحكة متشفية و قال* بالمناسبة امك كاتواجه نفس المصييير .. *ورجع كايلكمو بكل ما اوتي بقوة* هاذي على بنتي .. صغيييرتي لي كبرات بلا بيا ..رضعات و بكات و ضحكات و مرضات وحبات و تمشات و نطقات و انا مااكاااينش معاااها .. ماقالتش كلمة بااابااا .. ماااقااالتتتتش كلمة بااابااا حييبت مااكانتش معاااهاااا .. ماكنتش نااكنتش مااكنتتتتتتتتتش .. 

مع كل كلمة كانت الضربة غير كاتشدظ و كاتزيد تشدد .. عمر كان مربوط و غير قادر على تصدي اي ضربة .. مابقاش قادر يهز راسو بالالم لي كابحس بيه .. وجهو تنفخ و نيفو كان كاينزف بغزارة ..اكيد هرسو ليه .. ضربات كانت موجهة لوذنو لعينو لعنقو .. سدرو .. حتى منطقة ماسلمات من غضبو و بطشو .. ضاق سدرو و مابقاش قادر يستحمل .. حتى صوتو مابقا غير انيف خفييف غير مسمووع .. 

ايرتان ماكتافاش .. ظل على حاالو كايضرب .. كل ضربة كاتحفزو على ضربة اخرى .. ولا بحال المجنوون .. جهل و مابقاش قاادر يتحكم فاعصاابو .. السينتة ديال 4 سنوات ديال العذاب دازت عليه .. و حتى داكشي لي تخيل عليه جهينة .. عذابها بوحدها و هي غير بنت ضعيفة .. بنت قلبو قبل ماتكون مراتو و ام بنتو ... 

طلقو طاح فالارض بحال شي كيس عامر .. تقيل و مرخي غير قادر يحمل راسو .. 

طاح تحت رجلين ايرتان .. لي شتف عليه و ركلو بكل قوتو .. 

و اخيرا .. جاء لي يفكو .. كان ايدين و عز لي شدوه بعدوه على عمر .. و هو كيف الذئب المصعوور . عينيه على فريستو و باقي ماكتافاش منو .. 

ايرتان : طلقوووني .. طلقوووني .. 

صااح ايدين بسخط و قال : اسكوووووت .. 

ايرتان : نهااايتو غاتكوون على يديا .. غااادي نقتلووووو .. غادي نقتل الراااااجل لي ولدني .. اااه .. نهايتو على يدين ولدوووووو .. 

شدو ايدين و دور وجهة لعندو بقوة و صااح : انت ماشي ولدو .. ولديييي اناااا .. ماشي غير حيت ربييييتك .. و لكن رااك نيبت من صلبي اناااا .. ولديي اناااااا .. امك تزوجاات بهااد الحيوااان و جزء مني فكرشها .. كان انت اولدي .. انت ولدي اناا .. ديااالي انا مااشي ولدو هوو .. 

طار داك الجنون و داك الغضب باش يولي ذهول و صدمة .. استسلم ووقف كايشوف فايدين غير مصدق لي كايسمع .. 

ايرتان : و.. ول..دك .. انا .. ولدك .. انت .. 

هز ايظين راسو بثدقوة مايقول : اه اولدي ...انا هو بااك الحقيقي .. باك البيولوجي و الروحي *جرو لحضنو بعناق قوي* و ماغانخلييكش توسخ يديك بحيووان بحااال هذاا .. انا لي غادي نتولاااه ... انا لي غادي ننتاقم ليا و لامك و ليك و لمراتك و حفيدتي الصغيرة .. هو ديالي .. سييير رجع منين جيتي .. عز .. تحرك .. 

جر عز ماه ايرتان لي باقي مصدووم من كلاام بااه .. اما فؤاد و اشرف فبقاو واقفين كايشووفو ..

يتبع