قدري أن أحبك الجزء 56

تقدم ايدين و جلس قرفصاء قدامو .. طان باقي كايتحرك و باقي كايتنفس .. 

شدو من شعرو و هز وجهو قابلو معااه .. 

ايدين : و اخيييرا تلاقينا من بعد زماان .. الوماان لي عذبتي فيه حبيبتي وولدي .. عيشتييهم فكابوس كحل .. عذبتييهم و خليتهم يقاااسيو بسباب عمااايلك ..*تحلو عينين عمر شوية .. رغم تشوه ملامحو الا انه لمح صدمة على وجهو * ااه ايرتان ولدي انا .. ماشي ولدك انت ... جا الوقت باش العالم يتهنا منك .. فؤاد . ارا داكشي .. 

مد ليه بواطة صغيرة .. فتحها و جبد ابرة .. عمرها بمحلول من قريعة صغيرة و جبد ذراعو ... حاول عمر يقاوم بشوية القوة لي بقاات ليه .. و لكن ماقدرش .. 

و هو كايفرغها فدراعو قال : هذا سم .. سم لي مفعولو اكتر من الولادة و الحريق .. سم غادي ياكلك من الداخل شوية بشوية ... غادي يحلل ذاتك من الداخل و انت حي كاتحس .. و ماغاديش يقتلك الى بعد 24 ساعة من دابا ... الموت البطيء .. كاين اصعب من هادشي .. غاتمةت وسط هاد الخلا فهاد الظلام مليووح هنا كيف الكلب .. ماعندك لا ولاد لا عائلة لا صحاب لا املااك .. غير انت بووحدك .. كولشي خديتو مراتي و ولدي .. و حتى بنتك .. ولاو دياالي و غادي نعيشهم فداكشي لي ماعرفتيش ليه انت .. ماعرفتيش قيمتهم .. انا لي عاارفها و غاندير كل جهدي باش نسعدهم ... و انت ... انت غير حاول تستغفر الله و تصلي فهاد 24 ساعة لي بقات ليك . لعل و عسى يغفر ليك الله غير شوية من داكشي لي دااير .. لاحو و ناض وقف كايشوف نظرة اخييرة .. شافو كايزحف و كايحاول يترجااه و هو كايشد فرجليه ... نفضها .. دفل عليه و خرج .. 

تبعوه الدراري و قال : 

ايدين : خليو الرجال هنا يحضيوه . منين يمووت ماتدفنووهش و لوحو جتتو للكلاب ولا فالخلا و لا اي حاجة ... انا مشيت .. 

كان جالس ايرتان على الفوتوي شاد رااسو .. غير مصدق بهادشي لي سمع ... هو ولد ايدين و ماشي عمر ... كان غادي يعيش حياتو كاملة و ضميرو كايأنبو ... و هاذشي شحااال و هو كايفكر فيه و مع ذلك مضى فقرار الانتقام .. و لكن دابا .. الزضع اختالف .. هو ولد ايدين .. لي كان كايتمنى لو كان هو نيت الاب ديالو .. واش هاذي معجزة .. حلم كان مستحيييل تحقق فجأة .. 

حس بدراع على ظهرو كايربت عليه .. كان عز .. لي عطاه وقت يفكر بوحدو .. و اكن نطق و قال ؛ 

عز : كانظن احسن خبر سمعتيه اليوم هو هذا .. 

هز ايرتان عينو فيه و قال : واش داكشي لي قال حقيقي .. انا ماعندي صلة بهاد عمر .. انا ولد ايدين .. 

دار ايرتان على صوت ايدين صائح : حتى انا خدييت وقت باش قدرت نستوعب الامر .. 

وقف ايرتان و تمشى بالزربة لاتجاهو .. حل ايدين يديه بوجه بشوووش ضاحك خدا ولدو فحضنو .. 

حط راسو على كتف باااه و هو مغمض عينيه بضعف فحضن الوالد ديالو .. باقي مامصدقش .. باقي مامستوعبش .. فرحاان لحد الضعف .. ذاتو كاترجف بحال الى تهنا من حمل تقيييل كان غايستامر للابد على كتافو ... 

ضرب بتقل على كتااف ولدو و هو كايضحك .. 

ايدين : هههه ولدي ... شافاك كووردو ولدي انااا ..

كان ايرتان متكي فالسرير دارو فآخر الليل .. تيمون و بومبا لي جابهم معاه متكيبن فوق السرير حداه و يديه في فرو تيمون ...كايشوف فالسقف و كايفكر .. البال هاني دابا و مرتااح ... خدا التأر ديالو و مابقا غير يتجمع بعائلتو لي كبراات .. باه و اختو و بنتو .. افرااد جدااد دخلو لحيااتو .. غايبدا معاهم من اول و جديد الى جانب امو و مراتو و صحابو .. 

على سيرة مرااتو .. توحشها ... و فهااد الاتناااء ماكرهش ينعس فحضنها و كأنه لا غذ ... 

شاف الساعة .. كان الحال معطل و اكيد غاتكوون ناعسة .. شعل تيلي لي كان طافي و لقا مكالمات كتيرة منها .. تبسم و حطو حداه و جبد البيسي .. راشق ليه يتفرج فاعمالها .. ماعرفش علاش ولكن تشهى يشوف صور حية تبرد عليه شوقها و لو غير شوية .. 

قلب على فيلم اكشن كيف الاول و مالقاش .. مابان ليه غير السلسلة الرومانسية .. اول حاجة شعلات فقصتو هي الكووفر لي كانت محاوطة دراعها على البطل و كاتبين بلي شانقة عليه بشقاوة ... 

ايرتان : غابلاتي على مك .. 

ورك فالحلقة الاولى .. التانية .. التالتة .. الرابعة .. الخامسة .. وحدة تجرو الاخرى و ماحدو كايدخل مع الاحدات و هو كايتفقص .. كان كايفوت كولشي القطات و يتفرج غير فديالولها .. كانت كيمياء غريبة بينها و بين البطل .. السكين شييب حااضرة ... ماكانوش لقطاات غير محترمة و لكن بالنسبة لييه هو ...هي مرااتو و حتى وااحد ماعندو الحق يشوفها من الزاوية ديالو واخا يكون غير تمتيل

عناق .. ضرب.. ضحك ..نظرات .. حتى الجلوس جنبو اتاار نار غيرتو ... 

زدحوو سااادو و عييينيه كايلوحو شراارات الغيرة و الغضب .. ناض وقف غادي جاي و يديه على خاصرو بشكل قبضة .. 

ايرتان : هوكاااك اجهينة... 4 سنين و انا معذب غاافل علييك و انت قبل ماعرفي اش كااين نضتي كااديري هااذشي كوولو وراايا .. باقي غصة الشعرو اللبس و الزواج و حتى خدمة التمتيل واااحلة ليا هنا ... و دابا كملات بهاااد البسااالة لي دااايرة ليا مع الرجااال ... فوتها المرة الاولى حييت قلت خليها ماكانتش عااارفة و كااانت بااغية تداوي كرامتها ... و حتى عذاابها شفع ليها .. و لكن .. دااابا ... بربيييي حتى غاادي ندييير فييبها يدياااا ... اما غاادي نوري لمك ... كيفاش تعنقي الرجااال و تخليهم يقربووو لييبك .. 

هز تيلي عيط لباه ... و من بعد بدا يجمع حوايجو .... 

يوم جدييد .. 

في تركيا ... 

دخلات تولاي و اشراق و نيسرين كاايجريو عند جهينة لي كانت باقية نااعسة... 

جلسات حداها تولاي كاتغوت و تململ فييها .. 

ت لاي : جهيييينة .. جهاااينة .. نوووضي المسخوووطة دغيا ..

جهينة دارت مغطية وجهها و كاتهضر بنبرة كسولة : اممممم .. اشنووو .. بغييتي ... 

تولاي : نووضي تغعدي راااه 2 هاادي واش باااقي ماشبعتي من النعاااس .. 

اشراق : وااا نوضي يا مسخووطة رااجلها اليوم يذبح مك .. 

ناضت جهينة قفزات جالسة شافت فيهم و قالت : رااجلي ؟!! اش وقع كاينة شي خبااار ؟! 

نيسرين : ههههه عااد طفات عليك الشمعة .. راهم جااايين دابا .. و كوولشي هو هذاك .. 

جهينة : الحمد الله ... مالكم مجمعات عليا اش واقع .. 

تولاي بملامح قلقة و مترددة قالت : م.. مصيييبة وقعاات .. اكييد هاد المرة ماغاتفلتييش منها .. 

جهينة : ا.. اشنو .. اش وقع .. 

عطاتها تيلي و خدماات الفييديووو .. 

كان اشهاار لصابون الجسم .. كانت جهينة لي مقدمااه .. و اكيد بلقطة فالحمام مبينة جزءها العلوي و فقط القليل من ظهرها و شعرها و ذراعيها .. 

ناضت جلسات على ركابيها و كاتنذب .. 

جهينة : اويلي وحدي .. اناري مي مشييت فييها ... الله ياااااربي و فيين كاان مخبي هاد الزمر .. *طارت على تولاي كاتنخدها* كيفااش ياله تعرض .. كيفااش حتى وقع هاادشي .. هذا صورتو دااك العااام .. 😨

تولاي ؛ ماعرفتش .. الشركة يمكن واجهت شي مشاكل و احلوه و دابا راجعين بحلة جديدة و داروك طريق باش يطلعو منتوجهم فالسووق .. 

جهينة : نااااري غايسحاااب ليه ياله صورتوووو .. نااااري مشيييت فييها .. مشيت فيها مشييت فيها ... 

اشراااق لور جالسة شادة كرشها كاتضحك و قالت : هههههه قلت لييك ماتدييريش هااد الفعاايل .. شحال من مرة قلت ليك ماتزيديش فيه راه ممكن تندمي .. واشوووفي دااابا اش غايوقع فيييك .. زماانو جااااي و هاايخلي عيييشتك هههه 

ناضت جهينة للماريو حلاتو و البنات وقفو فجنابها .. 

جبدات فاليزتها و بدات تجمع حوايجها .. 

نيسرين : اوييلي .. اش غااديري .. 

جهينة : غانطوووج .. 

اشراق : هههه وا هذا وقتك ياله توصلي للاسكا و لا غاااع طلعي للقمر تما امان اكتر 😂😂 

جهينة : سكتووووو الكلبااااا .. 

اشراق : ههههههههه 

تولاي : هاادشي لي كاااديري رااه ماشي حل .. فين غاتمشي .. 

جهينة : لاي بلااصة .. غيير مايلقاانيش .. صافي انا غاادي نتخلا على كوولشي في سبييل حياااتي .. حتى بنتي خوودووها .. غانطج .. قبل مايوصل و يعصرني فيدييه بحااال هكااا ✊ هو قااالها بفمووو .. 😭😭😭 اش درت فحياااتي ياااربي غاتدنموووت معصوورة فيد راااجليييي .. اش هاادشي ياااربي .. انا اعتازلت و تهنيت من داكشي و لكن المااضي ماكايرحمش ... باقي مطااردني و مامخلينيييش نعيييش .. 

اشراق : ههههههه تي هنييينا ياا هااد البنت .. دوخييه كيف كااديري ديما و لا شي موووتة حمااار فاعلة تااركة بحال ديما .. 

جهينة : لا صافي .. قررت .. انا غااادي نطوووووج ... 

هزات ساكها و لبسات لي لقات قداامها و خرجااات ... و هما تابعيينها كايطلبو و يحبسو فييها ... و اشراق وراهم بشوية كاتزحول بكرشها

تولاي : وا جوووهااينة ديري عقلك وااش درتييها بالصح... 

نيسريين : واش خويا صعيييب لهاااد الدرجة لي تخليك هكا تطجي حتى من بنتك مامسولاش فيها .. 

جهينة :راهم يقوولو ليك الجلاااخة اش كايسوى .. فاات قاجني و هاد المرة ماغايطلقنييش .. اويلي حي درتها بييييدياااا .. صاافي مابقيتش قاادرة نتحمل .. ماغاديش نقد نهز الدقة هااد المرة ... 

خرجو مع الباااب ديال الفيلا برا و هما تابعينها كايحبسووها .. 

دارت جهينة عندهم و قالت : بنتي امااانة فرقبتكم .. بسلااامة عليكم .. اشراق هاد المرة غاتولدي ولد و لكن منين تولدي بنت سمييها جهينة .. بقاو تذكروووني بالخيير ... بسلااامة عليييكم .. 😭😭😭 

غير دااارت جهينة تكمل طريقها و هي تساطح مع حيط ... حيط فيه نبض و ريحتو مؤلووفة .. هزات عينيها بسلو موشن .. فشلو بيها رجليها منين شافت عينيه محذورين لعندها ... نظرة صلبة فهمااتها بلي نهارها ماطالعة فيه شمس ... 

لاحت الصاك و لعدات بخطوة .. و بانو ليها الدراري واقفين وراه ... رجعات عينيها فيه و قالت .. 

جهينة : خ.. خليني .. غير نشرح .. ليك.. 

ايرتان شاف فالصاك و قال : غادية معلقة .. ناوية تهربي... *تقدم ليها بخطوات بطيئة * ماحشمتييش .. 

جهينة و هي كاتبعد : ه.. هانتا .. غير سمعني انا .. 

ايرتان : انت شنووو ... مرات شااافاك كووردو كادير اشهااار عريااانة هااااا ... ياااك وصييبتك الحماااارة .. وصييتك تبعدي من ديييك الطرييييق ... اشنو بغيييتي تبتي بهاااد الفعاايل اااه .. 

بعدات جهينة راجعة بلوور و هي كاتبرد فيه .. و هو كايقرب .. 

عز : ايرتان .. ماتنسااش بنتكم كاينة .. جر مراتك و هضرو بالعقل .. 

ايرتان : تولاي .. سيري شديها .. 

ماحسات جهينة حتى علقات و ايرتان طار تبعها .. 

ايرتااان : وقفي لموووك .. و بربي لااافلتي هااد المرة .. 

جهينة : ماااااامااااااا ... وا عتقووووو مابغييتش نموووت .. 

طلعات كاتجري و هو وراها .. كايغووت .. 

كولشي دخل تبعهم يفكووو .. حتى شافوه شدها و هي كاتجدب و تنطر و محيحة بالغواات .. 

ايرتان : تبتي الارض راااه غاانفوت فوااالدييك شي دقة .. 

عز : طلق السيدة شوف كيف ولات صفراء .. 

نيسرين : خويااا .. راه داك الاشهار مصور من شحال هاذي ... راها اعتازلات كيف قلتي ليها .. 

دار ايرتان كايشوف فمصدر الصوت .. خوياا كلمة جديدة على مسامعو .. تفحصها بعينيه و تقادت ملامحو و هي واقفة حداه شادا دراعو و هو شاد جهينة لي ولات كيف الفلوس المبلول بين يديه ... 

رجعو من سهوتو صوت جعينة لي كاتنوح .. 

جهينة : و اللهما ظرت شييي حاااجة .. طلقتي ا اييرتااان راك كاتقسحني.. 😭😭😭

دار عندها و رجع ربط غوبااشتو .. 

ايرتان : واخا الاسهار تصور شحال هااذي .. و امن علااش تعراااي لمك ...علااااااش .. و داك مسلسل ديال الخرىى لي مصوورة .. اشنو مانبااان ليك ميهي و لا بوووكيموووون .. اااه .. انا مرااتي تعنق ليا مع الرجااال .. 

فؤاد تدخل كايجرها من يدو: ايرتااان برد اصااحبي طلقها راه بنتك ممكن تسمعك .. 

تولاي : راها خارجة مع جدااها .. 

جهينة : الحلاااااقم .. واش بااغياااها فياااا 😭😭

ايرتان : طلق مني .. و انت زييدي قداامي .. والله اليووزم لا داااز نهااارك .. 

بدا كايجرها و هي تبت رجليها و بدات كاترفرف بعينيها و ترخي داتها .. 

و هو يقول : تسخفيي ندبااح مك .. قوااالبك حفظتهم ..😡 

غير قالها و رجعات وقفات .. و هي تشعبق فيه معناقاه بيظيها و رجليها و كاتغبن و تطلب .. 

جهينة : بنت قلبك انا ام بنتك . و الله ختى داتمشي من الماااضي و ندمت علييه العاااار لا مانساااه .. راني اعتازلت .. و الى بغيتي نلغي دوك العقود واحد واحد و نحيدو داكشي و لا نشريوه منهم .. غير سمح ليااا .. 

ايرتان : هبطييييي ... انت رااك مادرتيش غير غلطة واحدة .. انت رااك جمعتيهم حب و تبن .. حلفت لااافكك مني فماااك حتى نربيييي وااالديك على عاااد الخفة .. *كايحرها يهبطها و هي لاصقة كيف العلقة *

ايرتان : نزلييييييي .. 😡😡 

جرها بزز نزلها و تلاحت فالارض كاتمرغ .. 

شي كايفك شي كايضحك و اشرف مبعد كايصور .. شافت جهينة القضية حاامضة و بلي غايغلبها .. و هي تحل فمها و نطقات لي جا قدامها .. 

جهينة : هدااا .. ا اييرتاان .. انا حااملة .. حاملة ..حاااملة .. 

توقف من الجران و عينيه خارجين .. كيف كلهم تصمو و اندااهشو .. 

ايرتان : اشنوووو 😨 

هزات عينيها فيه كاتغبن .. و حدراتهم ماتشوف فاشراق لي كاتندب و تولاي و نيسرين لي يديهم على فمهم .. 

اشرف : وااايلي توما كييف درتو لييها .. 

ايرتان ؛ و .. وقفي .. 

شدات فيه جهينة ووقفات كاتبلق فعينيها و تعض على شفايفها .. كاتبعد عينيها على ايرتان و كاتلعن راسها على هاد الزلة ... فكات راسها من مصيبة و تلاحت فوحدة اخرى .. 

كان ايرتان كايشوف فيها و كايطلع و يهبط .. متيق و مامتيقش و قال : غير كاتكذبي باش مانقتلش مك .. 

جهينة : ل.. لا .. انا .. ح.. حاملة .. 

ايرتان : كيفاش حاملة و احنا غير هادي شي 20 يوم باش رجعنا .. 

جهينة : و.. واش .. غان..هضرو .. فهادشي . قدام .. ك.. كولشي .. 

شاف ايرتان فيهم و كل واحد بدا يتلوى و يبعد عينيه و لا يحكو مؤخر راسو باحراج ... 

رجع شاف فيها و جرها من دراعها قبالتوو قال : عرفتي و تكووني كاتكذبي ... عرفتييي و تكوووووني كاااتكذبييييييي ... غادي نجرجر مك من هنا حتال المغرب و نعلق وااالديك فشي شجرة ديال شي محمية فيها السبووووعة يهنشرو وااالديك نتهناا من حماااقك .. طلعي قدااامي .. 

شافت فاشراق بحال الى كاتطلب تعتقها .. 

و عضات اشراق على شفايفها و كاتندب غير بالرييط ... زادت جهينة فغصتها و دازت على البقية كاتشووف فيهم و هما دايزة قدامهم بحال شي وحدة غادية للمشنقة .. 

طلعات و هو وراها .. و دخلو للبيت .. 

ايرتان: فين التحاليل .. 

جهينة : ب.. باقي ... مادرتهم .. 

ايرتان : و بااش عرفتي و حنا رجعنا غير 2 يوم هادي كييف درتي لييييها .. 

جهينة : ب... ا... انا ... ماكانشربش البيلول حيت ماكنتيش معايا .. و حنا رجعنا لبعضنا فجأة بلا مانديرو حسااب .. و ع.. عاد .. ب.. بانو شي اعرااض .. 😨

ايرتان شنق عليها و قال : مامتأكداااش و معنزااااني لموووك .. 

جهينة : وااا رخااااف علييااااا لي فياااا مكفييينيييي 😭😭😭😭😭 

ايرتان : انا غانمشي نجيب تيست .. غاديريه قداامي ... و ناااااااري و ماتكوونيش حااملة .. دااابااا درتييها فبااالي و عولت .. و الى مااكنتييش حاااملة .. راااه ماغاااديييييييش نرحمك .. 

خرج من البيت و سدو بالساروت .. جلسات فالسرير كاتنذب و كاتغبن ... 

هبط ايرتان كايجري ووقفوه الدراري .. 

اشرف : اش درتي لييها.. 

خنزر فيه اييرتاان و بدا يجذب و يغوت : وااا ماااسوووقكش ف مرااااتي راااه غااادي نقتللل موووك حتاا انت  😡😡 

اشراق : اجي احبيبي هااذاك رااه مصعووور هاااد الساااعة .. 

فؤاد : هههه تهدن اصااحبي .. راك خلعتي مرااتك .. اكييد قالت هكاااك باش تهرب من عصبيتك .. 

ايرتاان هز يدو للسماء : ياااااااربي تكوووووون داااااارت هكااك باش نقتلها و بلا مايبقىى فيااا الحاااال... 

شاف فتولاي و قالل : غاتمشي انت دااابا .. غاتهزي عرام ديال لي تييست جيبيهم .. اليوم جنااازة شي حد .. دابا تكوووني هنا... 

خرجات تولاي كاتجري و تلاقات مع بيراي و هيفين داخلين .. 

بيراي : تولااي ماالك !! فين غاديا ؟ 

تولاي : دخلي عتقي امدام بيراي .. راه ولدك ايرتان حمااق و غايظير شي حاجة فجعينة .. اما غادي نجيب شي سخرة و نرجع ... 

مشات كاتجري و بقات بيراي واقفة كاتشوف بصدمة و حوف من مواجهة ولدها .. 

هربات هيفين من يديها و دخلات كااتجري .. 

بان ليها اشرف و تمات غادية غندو كاتجري و كاتضحك و هو يخرج عينيه .. عنقاتو من رجليه و هو كايدفع و يشوف فايرتان بنثدصف عين .. 

اشرف : هذا وقتك حتا انت . سيري راه بااك لهييه .. ماقادين على شي قجة تااني .. 

ايرتان : هيييفين .. اجي لهنا .. 

طلقات منو و طارت غندو كاتجري .. هزها لعندو و عنقها غادي بيها ... باس حناكها ب2 اكتر من مرة و هي معنقااه كاتضحك بشقااوة .. 

ايرتان بالدارجة : توحشششتكك .. 

هيفين : تا انا تحوشتك .. 

ايرتان : هههههه ... توحشتك واش ماغاديش تقااديهاا .. 

هيفين : واش جيتووو عااد داابا .. 

ايرتان : اه ... 

هيفين : ماتبقاوش تمشييو .. 

ايرتان : صافي ماغاديش نبقاو نمشييو .. 

بيراي : ولدي .. 

دار ايرتان شاف فامو ... و حط بنتو ببطء ... 

كانو عينيها دامعين و جسمها كايعكس الشوق لعناقو و تردد ... 

تقدم ليها هو منين ماقدراتش هي و عنقها ... 

ارتاحت فحضنو مغمضة عينيها و هي كاتبكي ... 

بيراي : توحشتك اولدي .. توحشتك احبيييبيي .. 

جر اشرف هيفين و اشراق و طلعو .. تبعهم فؤاد ... خرج عز للجردة يكمي ... بقات نيسرين واقفة كاتشوف فيهم .. دمعات عينيها متأترة و خرجات تشم الهوااء .. 

بيراي : توحشتك اولدي .. عمر باالي ماهنا و انا عاارفاك بين يدين داك الرااجل .. 

ايرتان : ها انا رجعت .. و دااك الراجل ناال جزاءو .. مابقا باابا غير يرجع و كولشي يرجع كيف كان .. 

للحظة توقفات من البكاء و شافت فعينيه و قالت : انت عرفتي .. ب.. 

اومأ ايرتان براسو و قال : اه عاارف .. قال ليا بابا بلي كنتي خاايفة عليااا منو لا يدير فيا شي حااجة ... و لكن راه كان عارفني ولدو و حاول يقتلني .. كان عليك تعاودي ليا انا على الاقل .. ماكنتش غادي نتعذب و انا فبالي بلي ولد داك الرااجل .. 

بيىاي : سمح ليا اولدي .. عافاك سمح ليا .. انت عاارف بلي سنين و انا عايشة مخدرة اولا سكراانة ... خوفي عليك و جبني ماخلاانيش ننطق .. سمح ليا اولدي عااافاك .. 

رجع ايرتان عنقها و قال : عااذرك .. كيف قلتي راك كنتي عايشة مخدرة .. انا عاااذرك ... 

يتبع