قدري أن أحبك الجزء 57

جلسات نيسرين قفازية كاتلعب مع بومبا لي جابهم معاه ايرتان ... 

نيسرين : شكووون انت .. و ماعمن جييتي ... 

كانت جالسة كاتلعب معاه ... كان ودود معاها و كايستاجب للمساتها .. و ماكنتش مبالية بعز لي مقابلها من بعييد ... كان كايكمي و عينيه عليها .. كانت لابسة كسيوة بيضاء صيفية ... و شعرها العسلي مطلوق براحتو كايتطاير بالبرد ... كايكشف ضحكتها و يرجع يغطيها ... تبسم عز لمنظرها البريئ اللطيف .. عكس المنظر لي شافها بيه اول مرة ... 

حل فمو و صدر صووت يعلمها بوجودو : شششششششششت ... 

دارت بخضة و طاحت جالسة منين شافتو هو بهيبتوواقف كايكمي ... 

دور وجهو قدامو و ضحك ... ضحكة تقيلة رجولية و رجع شاف فيها .. كانو عينيها خارجين و وجها مزنغ بالحشمة .. 

لاح الغارو و قرب ليها ... مد يدو و شدها من ذرااعها و نوضها ... 

عز : مالك تخلعتي .. 

نيسرين : ا... ماتخلعتش غير تفاجأت ب... مايسحابش ليا .. انت هنا .. 

هز عز راسو و دار شاف قدامو و قال : 

عز : اشنو احوالك ... بديتي تولفي؟ 

نيسرين : حمد الله ... *حدرات راسها كاتلعب بيديها * احوالي احسن من قبل .. 

شاف فيها و فيديها و قال : من الاحسن ماتفكري فحد ... الامور نيت ولات احسن من قبل ... انت وقفتي واحد المأساة كنتي غاتعيشيها فواحد الوقت ... دابا انت ويط عائلتك الحقيقية .. الناس لي كايبغيوك بلا شروط .. لوحي كولشي وراك و زيدي للقدام .. 

هزات عينيها فيه و رجعات حذراتهم و قالت .. 

نيسربن : عارفة ... و مقتاانعة ... انا غيير .. 

عز : من حقك يبقاو فيك .. كيفما كان الحال راهم باك و جداك .. 

سكتات نيسرين شوية و قالت : هوما راه .. عذبو ماما و خويا .. و ظلمو جهينة و بنتهم الصغيرة .. دارو امور خايبة و مارحمووش .. هما ماخداو غير جزاءهم .. تمنيت لو كانو اشخاص مختاالفين .. و لكن كولشي كايناال جزااءو فالاخر .. 

حسات بيدو كاتربت على ظهرها بخفة ... هزات عينيها فيه باندهاااش و عينيها كاتلمع بالدمووع .. 

شاف فيها عز و قال : ااش هاد المنظر .. كاتخلعي .. 

مسحات دوك الدميعات و ضحكاات .. 

عز : علاش كاتضحكي راه هضرت بالصح .. 

نيسرين : هههه اوى صافي راني مسحتهم .. ها انا ضحكت .. كانبان زوينة دابا ؟ 

تقادت ملامحو و دور وجهو و قال : وليتي خاايبة اكتر .. 

زمات بسمة و هي كاتفحص ملامحو بعناية .. 

حتى قاطعهم صوت ايرتان قائل .. 

ايرتان : اش كادير انت هنا مع ختي .. 

عز : انا لي بقييت لييك دااابااا .. سيير شووف مرتك و بنتك و قوتني علييك .. 

قال ايرتان وهو كايشوف فختو : جيت ندردش مع ختي الصغييرة ... ياله ديغااااج .. 

تبسم عز .. غمزها و مشا كايتعنغر و هي متبعااه .. حتى غبر و هزات عينيها فخووها .. كانو نظرات بعااد بحال الى قداام شخص غريب .. 

ايرتان : ماتوحشتيش خووك ؟ 

نيسرين : جايا ل11 العام ماتشاوفنا .. 

ايرتان باسى : سمح ليا اختي الصغييرة .. كان غلط خووك الكلب لي ماقلبش عليك و هملك .. 

ضحكات بعينيها دامعة و قالت : انا مساامحااك اخوويا ... 

تبسم بحنان و حل يديييه ليها .. 

قربات و هي مادا يديها و وجها كايوجد للبكا بحال شي بنيتة صغيرة محتاجة حضن بااها .. و دابا وهي وسط حضنو مابقاااش غريب .. و لا اقرب ليها و هي حاطة راسها على سدرو و هو غالق يديه عليها .. ضامها بقوة .. كايتمرجح بيها بخفة .. و حاط ذقنو على رااسها .. 

بدات كاتبكي و تخوي قلبها بين يديه و هو كايسكتها و يصبرها .. عاارف بلي هي بقااو فيها عائلتها واخا كانو ظالمين .. و لكن الدم و صلة القراابة غالبين .. ماهضرش ايرتان و انما خلا حضنو لي يهضر .. طولات مدة عناقهم .. حتى تهدناات ... 

شد حناكها بين يديه و قال .. 

ايرتان : من اليوم .. انت عندم اخ لي تعولي علييه .. ديما معاك مساااندك .. نساي المااضي .. غانعاودو نبنيو حياتنا من جديييد ... و هاد المرة غانكون حاااضر فيها .. ماشي غير خوك .. باك صديقك كوولشي ... ماتنسااايش .. خوك الذرع الحاامي لييك .. صاافي .. 

ضحكات بفرح و قالت : شكرا اخووويا .. 

ضحك و رجع ضمها بقوة و هي كاتضحك .. حتى سمع صوت غواات من الفووق .. هز عيبنيه لقااها جهينة كاتطلع من الشرفة .. 

جهينة : وااا باارااااااااااكة علييبها ... طلع عطييييتي الحوووووب حتىىىى انااااا .. واااش كلهم عطيتييبهم حقهوووم و انا .. مشحفنيييي و مسكت لياااا القلب بالخلعااااااااا ... 

ايرتان : غااادخليييي و لااا غانطللاع نتف موووووك .. دخلييي صلييي لييك 2 ركعااات طلبي اللله تموووني حاااملة .. حييت الى ماااكنتيييش .. غانبجغغ موووووك بشي طراااكس نتهنااا منك .. 

جهينة و هي كااتغبن : وااا الظووووولم هذااااااا 😭😭😭 

ايرتان : دخليييييييي ... 

دخلات كاتنتر .. و رجع شاف فختو كايضحك .. 

نيسرين : سمح ليها عاافاك .. عرفتي مسكينة البارح مانعساات حتى هضرات مع الدراري كاملين و بابا ايدين باش تطمن علييك .. منين جات و هي كاتعاود ليا عليك و علا مادوزتو .. حنيينة و ظريفة و قلبها اصفى من الحلييييب .. 

تبسم ايرتان و قال : عااارف .. بنت قلبي هااذيك .. انا غير كانربيها على فعااايلها باش ماتعااودهوومش .. 

نيسرين : هههه اوى ماتكترش علييها حيت غاانجي من جيبهتها انا كانعلمك .. 

ايرتان : ههههع يااك .. و انا لي من الصباح و انا نقوول ليك عندك خوك تعولي عليه .. خويتي بيا من اول لحظة .. 

ضحكات نيسرين وقالت : اوى احنا العياالات عزيز علينا رووح التضاامن .. 😂😂 

ايرتان : مزيااان .. غانديير حسااابي و نجمع والديكم حب و تبن ... 

دخلات جهينة للبيت كاتنطر و تغبن .. سمعات دقان و نضت للباب .. 

اشراق : جهييينة 

جهينة : اشراااق عتقي .. اليوم غايقتلني .. منيين غانجييب ليه هاد الحمل اعييباد الله ... 

اشراق : و مااال مك مافكرتي فهادشي منين كنتي طااالقااها . واشوفي دابا اش غاديري .. تولاي مابقا ليها غير تجي .. 

جهينة : الله ياااربي مشيييت فيهااا .. اش دااااني .. اجي .. عطيني شوية من بيبي ديالك .. انت لي غاتعتقني .. 

اشراق : اولا الباب مسدود .. تانيا هانتي كذبتي عليه بتيست و منين يديك للطبيبة .. 

جهينة : غادي نحمل عاد نمشيو .. 

اشراق : هههههههههههه .. واش كاتهضري من نيتك ... جيتي حتال عند ايرتان و بغيتي تلعبي معااه .. 

جهينة : انا مشيييييت فيييهاااا .. مشيييييت فيييهااااااا ... 

اشراق : ماعليك غير تحلوني و تخليه ينسا بطريقتك .. هههه لييك الله .. 

ايرتان : اش كاديري انت هنا .. طلباتك تعطيها ديالك ياااك ؟ 

اشراق : التسليييييم اخووويااا .. 

ايرتان غمض عينيه و قال : غادي تمشي ظرقي زلافتك و لا غاندير فيك يديا .. 

اشراق : الى مادعيت فيك اوليدي ا ايرتان فاش نكون نولد .. ما ولدات فيا مي غيير الخلااا .. 

ايرتان : تصب .. 😤 

مشات اشراق كاتبرغم و حل ايرتان الباب و دخل ... 

كانت جهينة واقفة قدامو كاطرطق صباعها .. 

سد الباب و شااف فيها ... حدرات عينيها ليديه و شافتو هاز كيس صغير و رجعات هزات عينيها فيه .. 

ايرتان : كانتمنا تكوني حااملة .. مااشي انا لي تلعبي معااايا .. زيدي قدامي .. 

جهينة : ا.. ايرتاان .. انا راه مامتأكداش .. غير حااسة .. 

ايرتان : تراجعتي دااابا .. زيدي قدامي .. احنا غانتأكدو .. 

دخلات جهينة لاحمام و هي كاتغبن .. دارت تاخد من عندو .. دفعاها و دخل وراها .. 

جهينة : اش كادير .. خرووج انا غادي نديرو و نوريك .. 

ايرتان : لا .. قداامي .. 

جهينة : اويلي على قدااامك .. تسطيبتي 😨 لا مستحيييل .. 

ايرتان : جهينة .. ماشي وقت بسالتك ... انا على اعصااابي و بغيييت نعرف .. شدي .. ياله طلقيني .. 

شدات جهينة و قالت : دور وجهك .. 

ايرتان : لا .. طلقيني .. هاكي استعملي حتى هادو .. 

جهينة : 4 كاملين .. 

ايرتان : ااه .. ياااله سربي .. 

جلسات جهينة و دارتهم و مدات ليه .. ستفهم قدامو و برك كايشوووق .. وقفات حداه كاتطرق صباعها و تمتم مغمضة عينيها .. دازت شي 5 د .. و دار عندها .. 

رجعات لوور و ملامحو ماكاتفسرش .. 

حل فمو و قال : اشنو هما الاعراض لي بانو .. 

جهينة : ا.. ا.. غ..غير العياء و ...و سدري مورم .. و بعض المرات تحت كرشي كاينغزني .. 

طلع فيها ايرتان و هبط .. و شوية بشوية ملامحو كاترتااح و كاتحول لابتسامة بشووشة.. قرب ليها و جرها من يدها لعندووو قربها ليه .. و حط يدو فذقنها و وجنتها بابتساامة و عينيها كايفحصووها كاملة ... 

ايرتان : مبرووووك عليك ابنت قلبي ... 

جهينة خرجو عينيها بالدهشة و الصدمة .. طلقات منو و طارت هزاات التيستس .. كاتشزف فيهم واحد واحد .. و كلهم ايجابيين .. 

خرجو عينيها بالصدمة مامتيقاااش .. 

ضحك ايرتان و ضمها من الخلف و خشا وجهو فعنقها .. 

ايرتان : شوووفي شحااال من مرة كاتفلتي .. عندك سبع روااح .. و مرضية امك .. 

جهينة : ا.. انا .. حااملة .. غ.. غادي نولي ام مرة تاانية .. *دارت عند ايرتان كاتوريه* ا يرتان ... احنا غانولدو بيبي اخر .. غايولي عند هيفين خوها و لا ختها . ما.. مامتيقااش .. الكذبة صدقاات بالصح .. 

ايرتان : ربي جاا من جيهتك .. و الله الى كنت داااير لييبك خطط .. و لكن داابا مانقدر ندييير وااالو .. منين كنتي حاملة ببنتي .. شحاال تحلفت عليك حتى تولدي .. ماكتابش نكون معاك ديك 4 سنين .. و دايا غانتسنا 9 اشهر كاملة تاني 

جهينة تعلقاات فييه : هههههههه .. واصافي نسا الماضي .. انا بغيييت نعيشو مرتاحين ماصدقت رجعتيرليا و تهنيينا من المصااايب .. 

عنقها ايرتان و باس جبهتها و قال : مامساامحكش على داكشي لي درتي .. 

جهينة : و لايني رااااك وااحد حقوود 😒 

ايرتان : و لكن كانبغييييك ... 

جهينة : اوى صااافي هادشي لي كايهم .. 

ضحك ايرتان و رجع عنقها .. 

ايرتان : اليوم غادي نقولو لبنتي بلي انا باباها .. 

جهينة : واخا .. 

ايرتان :و نقولو ليها بلي غايجيها خووها .. اححح الله واش كاين احسن من هااادشي ... عياالااتي ضااايرين بيااا .. مرتاحين فرحاانين .. 

جهينة : شكوون هاد عيالاتك ... 😠 

ايرتان : بنت قلبي و بنتي و الوالدة و اختي .. 

جهينة ضحكات و رجعات لحضنو .. و قالت 

جهينة : فيا الجووع .. طيب ليا ... ماكليت وااالو .. و توحشت طيااابك ...

تنهد ايرتان و قال : here we go agaain 😧😖😖 

تعاشات العشية... 

كانت جهينة و ايرتان و بنتهم سادين عليهم بيتهم و جالسين مع بعضهم ... 

ايرتان : اجي احبيبة عندي .. 

قربات ليه هيفين هزها و جلسها هلى رجليه قبالة جهينة .. شافت فيه جهينة و رجعات شافت فبنتها .. 

هيفين : مالك اماما كاتشوفي فيا هكا ... كليتي الشكلاط لي خبيتو عليك 😠 

جهينة : مخبية عليا السكلاط لمك منيين جاك .. 

هيفين : جااابو ليااا تشييم تشيييم .. ماغادييش نعطيك منو .. غير بعدي مني .. 

ايرتان : ههههه لا احبيبة .. ماماك بغات تقوولك شي حاجة ... غاتعجبك بززاف .. 

هيفين : شنو هي .. 

جهينة: حنا كنا سافرنا باش نقلبو على بابا يااك ؟ 

هيفين : ااه .. واش بااقي مالقييتووهش ؟ انا بغيييت نشوووفو دغيااا .. 

تبسمات جهينة و قالت : احنا صااافي لقيينا بابا .. 

لمعو عيونها و قالت : بصاااااح 😀 فييين هو .. 

جهينة : باباك .. سميتو اييرتان .. 

دارت هيفين عند ايرتان لي كان كايتبسم و قالت : عااارفة بحال عمو ايرتان .. 

جهينة : اوى عمو ايرتان هو بوونغ بوونغ .. 

تحلو عينين هيفين و قالت : انا بابا هو بوونغ بونغ ... عمو ايرتاان هو بااابااا... 

غمض ايرتان عينيه و ضحك و قال : اححح على الذكاااء و دغيا قشعااتها بنت باااااها ... 

دارت عندو هيفين و وقفات بركابيها على فخاضو و قالت .. 

هيفين : واااش انت هو بااابااااا .. 

ايرتان : اااه .. انا بااابااك .. 

ضحكات و عناقااتو : عموو ايرتااان هو بووونغ بووونغ ... 

ضحك ايرتان ووقف هازها كايبوسها و جهينة كاتشوف فيهم و تضحك .. 

ايرتااان : عجبك الحااال ؟ 

هيفين : ااااه .. انا كنت بااغياك انت تكووون هو بابا... 

ايرتان : بالصح ...

هيفين : اااه .. حيت كايعجبني منين كانهضرو و نخرجو ب2 .. 

جهينة : صااافي لحتووني للتوووش .. 

شافو فيها ب2 و ضحك ايرتان .. مد يدو و قال .. 

ايرتان : اجي للهنا المغياارة .. 

وقفات كاتضحك و ضمعا لصدرو و باس رااااسها .. 

جهينة : هفهووفتي... بغيتي يكوون عندك خوك و لا اختك ؟ 

هيفين : واش كرشك فيها بيبي ؟ 

تحلو عينين جهينة و رجع ايرتان رايو لوىدر كايضحك .. 

جهينة : بغيت نحس براسي مع بنت 4 سنيين و وااالو .. بزاااف عليا هاادشي .. 

ايرتان : بنت باااها هااذي ..*قلبها دارجة * حمد الله ماشي غبية بحال امها .. 

جهينة بالدارجة : رد البال اش كاتقول قدامها راها كاتش... غير لي بغاات .. ماتنعتنيش قدامها 😤 

ضحك ايرتان و شاف فهيفين .. 

ايرتان : اشنو رأيك بغيتي ؟ 

هيفين : ااه.. بغيييت .. بغييت بنت باش تلعب معايا .. 

جهينة : لا بغييت ولد .. انت بنت و خاصنا ولد .. 

هيفين : لا بنت 😠 

جهينة : غانولد ولد .. ياااله .. 

هيفين : بووونغ بووونغ هضر معاااهااا .. 

ايرتان : بابا ماشي بونغ بونغ .. و انت خلي عليك بنتي لاش كاتفقصي فيها .. بغات بنت صافي بنت .. 

جهينة : اااه وليتو تحاماو داااابااا .. 

في غرفة اشرااق و اشرف ... 

كانت متكية كاتقرى كتاب بخصوص الحمل و جا تكا حداها اشرف ... 

حط يدو على كرشها و راسو على سدرها .. طل على الصفحات لي كاتقرى و خرجو عينيه .. 

اشرف : اش .. اش كاتقرااي .. 

اشراق : كانقرى على الحمل بالتوائم .. و سبحاان الله كانحس براسي هازة 2 ماشي غير واحد .. 

اشرف : ك.. كيفاش .. شكوون قاالها لييك .. الطبيبة ؟ 

اشراق : لا ... انا غير كانربط الخيوط فبعضهم ... 

اشرف نطر الكتاب و هز عينو فيها : م.. ماتبقاايش .... تبحتي .. ياك الطبيبة قالت .. انت حاملة بولد صافي ولد .. غير هو وزنو اكبر شوية و صافي .. ماتبقاايش تبحتي .. 

اشراق : شوف فيا 

اشرف : ا.. اش.. اشنو .. 

اشراق : شتك كاتفتف و تبرغم .. مخبي شي حااجة ؟ 

اشرف : و اش غاانخبي .. متلاا .. 

جا ينوض و شنقات عليه .. 

اشرااق : وا بربيييي حتى مخبيييي علياااااا شي حاااجة .. *خرجو عيينيببها و شهقاات * لااا مااايمكننننش ... 

اشرف : شرووقتي .. بشوية عليك احبيبة مامزيانش ليك العصب .. راك .. 

اشرااق مخرجة عينيها غيه و شانقة عليه : عندي التوااام يااك .. 

اشرف : منين جبتي هااد الهضرة .. 

اشراف : مااااتكدباااااش راااه اناا لي خااازااتهم فكرشي ياااولد الحرااام .. *بدات تضربو* انااا ديييير معاااايااا القوااالب اااه .. 

اشرف : رصاااي يااا هاد المراة ... اااح اشراااق .. 

اشراق : كوووريييبطة هااادي .. انا لمك تكذب علياا و تخبييي علياااا .. هازا جوووج غكرشي اعيييباااد الله و مااجايبة لدنيا خبااار .. امتى طنتي معول تقووولها ليااا هااا علااش كذبتي ... اليوم نقتل مووك .. 

اشرف : و اش بغييتييي .. منين حملتي و انت كاتقولي ليا خايفة من التوااام .. مابغيتيش توااام ... اش بغييتيييني ندييير .. 

اشراق : تنوووض تخبي عليااا اش كنتي معول تربي لاخر بالتخبية ..*شدات كرشها * ااااه .. اااااي .. 

ناض اشرف من تحتها و شد فيها : اش كااين .. مالك .. 

اشراق : الوجاع .. الوجااع الوجااااااااااع .. 

الدراري كولشي مجمووعين قدام غرفة العمليات كايتسناو .. جهينة و بيراي و نيسرين حتى هما واقفين معاهم .. كايسمعو غوااات اشراق و غوات اشرف معااهاا .. 

ناضت جهينة عند ايرتان و قالت : سمعتي .. 

ايرتان : انت شكون دخل معاك ؟ 

جهينة : حتى حد .. بووحدي..

ايرتان عنقها و قال : هاد المرة غاندخل معاك .. 

بيراي : نيسرين .. سيري احبيبة جيبي ليا الماء .. شحفت ... 

نيسرين : واخا اماما .. 

مشات نيسرين كاتجري و عينين عز تبعوها .. 

و رجعو كاملين داارو منين سمعو غواات اشراق بغوات اشرف .. 

اشرااق ناتفة اشرف و كاتغوت : اااااه .. غااانقتلاااااااك ... اناااا تقوولبنييي .. اناااا تحملني بالتوااام الحيواااااان ... اااااي اميييي كانتقطااااااع ... اااه .. 

اشرف : دفعي احبيييبة ..و صبري دااابا يفوووت كووولشي .. 

اشرااق : غاااديااا نقووووتلااااك .. وااا مااااماااا فيييينك واش هاااااد العذااااب .. 

*ويييع ويييع🐸 * 

حطو الاول فوق سدرها و نقص غوااتها .. شافت فالبيبي و بدات تغبن بالبكااء ... اما اشرف... خرجو عينيه و مابقاش تحرك .. و اصلا يد اشراق ماطلقااتش شعرو .. 

شافت فيه اشراق رغم انها عرقانة و مشعكة و بدمووع فعينيها ..الا ان ضحكة فوجهها .. ضحكة رضى و حب حنان فوجهها .. تبسم ليها اشرف و رجع شاف فولدو .. كان البيبي ولد .. باستو اشراق و تحنا اشرف حتى هو لمسو و باسو و هو كايبكي فوق السدرها لي كايتهز و يتحط .. رجع بااس رااس اشراااق .. ماطالتش المدة حتى رجعاات كاتغوت تاني .. خداو البيبي من فوقها و رجعةالصرااع من اول و جديييد .. 

تعطلات نيسرين و عز ماداير بالو غير معاها .. علاش لا .. و هي خارجة بحوايج الدار بالدركة .. كانت لابسة تيشورت عادي و شوورط قصير ... 

دوز يدو فووق راسو و هو كايشوف فايرتان ملاعي مع مراااتو مادا مااجاب .. 

تمشا شوية كايقلب عليها بعيينيه.. هبط للكافي و قشعها واقفة هازا قرعة الماء و كاتهضر مع راجل .. كانت كاتهضر معاه و بسمة على وجهها .. طلع و نزل فيها عز و حتى فهاداك لي معااها ... ما حس حتى وقف عليها ... شافت فيه نيسرين و جمعات ضحكتها .. استأذن الراجل و قال : شكرااا .. 

مشا و دارت عند عز لي كان متبعو كايخنزر فيه .. رجع شاف فيها و قال .. 

عز : بان ليا الشطااح عنرو ينسا هزة الكتف .. 

نيسرين : اش كاتقصد .. 

عز : اسحاب لي بغيتي تبظاي من جديد .. ساعة بااقي ديك اللولة ديال الرجال و التفلية مابغات تحيد منك .. 

نيسرين : احتارم رااسك .. الراجل سولني على جناح الولادات .. حيت اسيدي مراتو عاد جابوها كاتولد .. 

تحولات ملامح الغضب لملامح الندم .. خنزرات فيه و دازت فييه .. 

غمض عينيه بندم و تبعها .. 

عز : نيسرين تسناااي .. 

ماسمعاتوش و كملات طريقها .. ماشي مقلقة منو و انما عجبها هاد الموقف .. تابعها بهاد الطريقة و باغي انتبااهها .. 

ماحسات بيه غير وقفها من دراعها و دورها عندو . 

شافت ملامحةالغضب رجهطعات من جديد و قال لبها : من الاداااب فاش نعيط ليك دوري و شوفي فيا.. 

نيسرين : انا قليلة الترابي .. غير طلق مني الله يرحم واليديك .. 

عز : صافي بلا ماتديري قصة .. فهمتك غلط الله يسامح .. و لكن مامزيانش بنت قدك هكا تخرج بحوايج بحال هكا .. 

هزات عينيها فبه سكتات شوية و قالت : و مال لبسي .. علاش مهتم بيه ؟ 

عز : مامهتم ماوالو .. و لكن بنات الناس كايسترو ريووسهم ... ماشي لي داز يشووفها و يتخيلها كيف بغاا .. و ماشي لي هضر معاك توقفي لييه .. من بين الناس كاملين مابنتي ليه غير انت ... 

نسرين ؛ عاادي .. هو غير سولني و صافي .. 

و هو كايتصنت ليها .. دازت ممرضة من حداه و تبعها بعينيه .. شافت نسرين فلي داار و هي تنفض يدها منو و هربات فحالها .. دار شاف فيها لقاها فلتات من يدو .. 

عز : هااذي مااالهااا .. 

كانو مجموعين عليها فالغرفة ... كايباركو و يضحكو عليها .. 

جهينة : وييلي اش درتي فييه و اللهتا حراام عليك .. 

اشرف : شفيتي .. شفتي اجوجو اش داارت فيااا بحال الى انا بغيتها تولد التوااام .. بحالي بحالك كوولشي بيد الله .. 

اشراق : و منيين هكااك .. علاش تخبي علياا حتى تفقصت و صدقت والدة بلا وقت .. الله يلغيييها لييك .. 

عز : من هاادشي كووولو .. فبلاصة فرح و لاو فرحين ... هاهما 2 عزارة تزاادو للرصيد فانتظار مفاجئة جهينة حتى هي .. ههه 

بيراي : مبرووك عليكم اولادي .. 

اشرف : الله يبارك فيك مدام بيراي .. 

اشراق : الله يبارك فييك .. 

نسرين : كايحمقو يرباو فعزكم ان شاء الله .. 

اشرف دار يدو على ظهرها و تبسم ليها : شكرا الغزااالة .. 

اشراق : شكرا احبيبة ..*غمزاتها* العقبة لييك .. 

خرجو عنين نسرين و حسات بالاحراج و قالت : ا.. الل.. الله ينجييني .. 

ضحك ايرتان و جرها من حدا اشرف لعندو و قال : اش بغيتي فييها .. باقية صغييرة .. 

جهينة : و انا ماشي صغيرة لي حاملت فعمري 24 .. راها فعمرها 23 دابا .. 

ايرتان : بلا مانفكرك كيفاش وقع .. خلينا ساكتين ... 

بلعات بقية كلامها و دارت كاتبرغم .. 

ضحكو البقية ... هزات نسرين عينيها فعز .. كان كايشوف قداامو ساااهي .. سهات كاتفكر حتى هي .. حتى هز عينو فيها فجأة ... و دارت قدامها متلبكة متوترة و مااعارفاش كيفاش تصرف .. و هي حاسة بعينييه باقيين عليها .. 

بعد مرور 4 اشهر ... 

في بيتهم الخاص في تركيا ... 

كانت جهينة هازا تيلي كاتهضر مع امها و هي لابسة غير كولون و ملابس الداخلية الفوقانية .. مقابلة مع المراية كاتلمس كرشها و كاتهضر .. 

جهينة : لا اماما ماتقوليش ليا .. انا داايرة ريحيم و كانغلاااض .. مشات الفووورمة لي ضربت عليها تماارة .. و داك البغل كايتشفا فيا و عااجبو الحااال .. 

زكية : هههه الله يهديك ابنتي .. هذا هو الحمل ضروري يتزادو شي كيلوات .. المهم صحتك انت و البيبي بيخيير .. تهلاي ليا فصحيحتك احبيبة .. 

جهينة : ماتخافيش عليا اماما .. انا بيخيير حمد الله و ايرتان مامقصرش من جهدو .. مهنيني من هيفين و شحال من حاجة .. 

زكية : الله يخليكم لبعضيااتكم ابنتي ... و الله يرضي عليكم و يبعد عليكم ولااد الحراام .. 

جهينة : امييبن اماما الحبيييبة .. 

زكية : وا سيييري فطري احبيبة شديتك بالهضرة ... و انت ياله فاايقة هاد القااعدة مابغااتش تحيد منك واخا وليتي مراة بداارك عندك الزهر طحتي فولد الناس .. كون كان شي وااحد اخر كون رجع والديك من نهارك .. 

جهينة : قطعي اماما قبل مانبدا تاني .. 

ضحكات زكية و قالت : ياله بسلامة احبيبة ... 

جهينة : بسلاامة .. 

غير قطعات معاها .. و جاها اتصال من ايناس .. 

جهينة : وا فيبن العجلة .. 

ايناس كاتزغرت : يويويويو و على سلاااامتي منيين جاوبتييني .. 

جهينة : كنت كانهضر مع ماامااا .. اش كااين عااد البارح هضرنااا .. 

ايناااس: عيطت نبشرك الكلبة ... غاتولي خاالة .. 

جهينة : واااايلي 😍😍 و لكن كيفاش ماقلتي ليا واالو و حنا كمدنا كانهضرو يوميا .. حشومة عليك .. 

ايناس: والله حتى عووت عووت ماقلتهاش ليه .. كنت باغية نتأكد عاد نفرحكم .. 

جهينة : اوى مبرووك احبيييبة .. ربي ماكاينساااش عباادو .. صبرتي و ربي جاازااك .. 

ايناس: عندك الحق .. حمدتو ياااربي و شكرتوو .. الله يتبتهم لينا حتى نجيبوهم بخير .. 

جهينة : ان شااء الله يااربي .. 

ايناس: كاقااداني فرحة .. كوون تشووفي عتماان .. هاهو .. دردك المسخووط .. 

عتمان : وااا المشعكة غانولي اب .. سمعتيييي .. 

ضحكات جهينة و قالت : مبروووك ارااس الطبل و الله حتى فرحت لييكم .. 

عتمان : الله يبااارك فيييك المشعكة .. كوون كنتي هناا .. كوون درنا شي زردة فااعلة تااركة .. 

جهينة : غانجيو السهر الجاااي .. و ناااري و مادييرهاااش .. 

ضحك عتمان و قال : مرحبا .. جيبي القشلة و اجييو .. 

جهينة : ههههه ان شاااء الله و بقا غير على كلمتك .. 

عتمان : ههههه كلمة الرجااال .. 

يتبع في الجزء الأخير