ناضو كل وحدة شدات اتجاه وطلعات سارة هيا وسكينة كيهضرو فلاسانسور
سارة: كنتي غتحرقي الخبزة اصاحبت على بونت
بشرى : اوييلي وشغاتقولي راجلك؟
سارة: وكنتي غتفضحيني شكوون عارفني مزوجة هنا من غيرك، عنولي فالهضرة والنميمة ويضلو شادين بيا كاس ديال القهوى وكارو فكل بوز ديال الغدا اصاحبتي، مابغيت تا واحد يعرفني مزوجة ولا والدة
سكينة: وتا انا ماعارفني تا واحد كي شتي عندي الربح فهاد الزواج باش نعاود عليه ونفرح بيه تفو
سارة: وهااانتي فهمتي دابا ، وشوفي نسااي دابا الزواج ولا الخرى وخلينا اختي نبدلو الحو شوية واش بغيتينا نموتو ؟ شوفي هما كيعايشن حياتهم طولها وعرضها وحنا هازين عم الدنيا على ضهرنا ...مالنا مانفوجو كي الناس؟ راه والله فاش كنرجع لديك الدار وانا مغبونة ومقبوطة ومخنوقة تا كنخرج عاد كنتنفس ، وخلييينا اختي نشطو را فالعشية غنتمو راجعين للحبس المؤبد ديالنا الله يعطيه الحبس خختتفوو
سكينة: تنهدات) ناري يا الصكعة ويعيقو بينا
سارة: شكون غيعييق؟ راجلي مع بنت خالتو كيتحابو مالو مسالي ليا؟ نبقا مريضة فعقلي وهوا عايش الحب مع بنت خالتو ! ونتي براسك كتضلي تشكي على راجلك اللي كل مرة مع وحدة ويصرف عليهم ونتي يتقرزز عليك وتخلصي الحضلنة لولادك من جيبك وصابرة عليه ، مالو اش بغى كثر وتزيدي تخافي منو كنس كيداير خخختتفوو
سكينة : وايييه...مهم يالاه دابا نكملو الخدمة
رجعو للبوسط كل وحدة هزات الكاسك ديالها دارتو فودنها وبداو الخدمة وسارة متحمسة وفرحانة وعقلها غير مع شنو تلبس وشنو دير باش طلع زوينة تا خرجو من الخدمة ورجعو بحالهم ، رجعات سارة لدارها مشات نيييشات لبيت وسدات عليها، نترات حوايجها كاملين وجلسات بكسوة قصرة فوق الفخاض وبدات تجمع فالمكياج اللي تحتاج والورايح تا عمرات اصاك وخشاتو تحت الناموسة وخرجات لقات سمير جالس شاد البيسي عريان لابس غير شورط شاف فيه بنص عين دايزة قدامو وميك عليها وهي مشات للكوزينة طيبات سباكيتي بالكفتة وطحنات العصير ومرة مرة كتشوف فيه مكرهاتش تصالح معاه ويرجعو لحياتهم الطبيعية ، هاد المرة حطات العشاء فوق الطبلة وجلسات حادرة راسها باش يتعشاو مجموعين، جلسات ختو معاهم هازة البنت فيديها وسمير ناض وهز البيسي ديالو دخل لبيت النعاس وسد عليه تما ، بقات شارة متبعة ليه العين تا دخل والدمعة جارية فعينيها ورجعات هبطات راسها تعشات بزز هي وختو فصمت ونضرات ختو ليها بحال الى كتشفا فيها وهادشي ملاحضاتوش سارة لان العقل غايب وراسها تزير مابقات عارفة مادير ، تعشات و دخلات للدوش دوشات وغسلات سنانها وهزات بنتها بدلات ليها ورضعاتها وخلاتها لحنان ومشات لبيتها لقات سمير فايق وشاد البيسي فوق رجليه ، جلسات قدام المرايةت كتنشف شعرها والفوطة دايرة عليها مغطية ليها سدرها وريحت باندوش واصلة تا لعندو ، مشطات شعرها اللور وهزات سوميج دو نوي بيضاء ودخلات للدوش لبساتها ورجعات قدام انضارو دخلات فالفراش نعسات وعطاتو بالضهر ، بقات ساكتة شحال تا حسات بيه كيقرب ليها شوية بشوية وسلوسها فكتافها ويدوز يدو على لحمها تا غمضات عينيها والنفس كتخرج مرعودة بكترت الهموم اللي هازة فقلبها ، قلبها عندو كيبوسها بحنان وتا هيا سلمات ليه راسها كونها كتبغيه واخا عارفاه اش كيدير مكتقدرش ترفض ليه ، شبع غريزتو فصمت وتجاوبات معاه تا سالا وناض دخل دوش ورجع لبلاصتو وعطاها بضهرو وهاز خنافرو فالسماء، شافت ردة فعلو وناضت كاتمة البكية تا دخلات للدوش طلقات الماء وجلسات فالارد كتبكي وتبرد على راسها والماء هابط عليها تا فشات قلبها بالبكى وبدات كتغسل راسها وضرب لحمها كارهة راسها وندمات على استسلامها ليه وقيمتها اللي مشح فيها رجليه كيف بغا وزاد تفرعن ، سالات وقفات حدا المراية كتشوف فراسها و فوجها الحمر وعينيها المنفوخين بالبكى والدموع نازلين سخاان ، تنهدات بنفس مرعودة وغسلات وجها بالماء بارد وخرجات لبيتها شافتو هاز تيلي فيدو ومشافش جيهتها بمرة ، زادت تأزمات ومشات لبلاصتها تا هيا عطاتو بالضهر وبقات على البكى والنحيط وكتسمع صوت المساجات كيوصلوه وحاطو يديها على فمها باش ميسمعهاش كتبكي تا نعسات.
⛅ اصبحنا واصبح الملك لله⛅
فاقت كالعادة نفس الروتين ...مالقاتوش حداها وناضت كتفكر الليلة دلبارح كتزيد تمرض ، لبسات حوايج انيقين مستورين كيما العادة وجبدات شعرها بالبلاك لان عندها كوب قصيرة كيغصها ضاروري تقاد ليها الفورمة وتنفخها باش تبان ، هزات صاكها وطلات على بنتها لقاتها ناعسة وحداها حنان وخرجات مشات للخدمة ، نفس الروتين ديال الخدمة تا وصل وقت الخروج وخرجو لقاو بشرى كتسناهم حدى طوموبيلتها فورد فييسطا كحلة ، دخلو جلسو معاها وهي تجبد ليهم كارطونة كبيرة مربعة من الكوفر
بشرى: البنااات ...ها الكساوي اللي قلت ليكم
بدات سارة كتجبد وضحك والفرحة فعينيها ومل وحدة كتشوف كسوة وكلشي قصير حتى للفخادومعري من الكتاف ، هزات سارة كسوة فالبلون كاصي مايل للدوغي باارد وفيها حجر فالصدر فالصومو والدوغي فاتح عجباتها تا برقو عينيها
سارة: وااااو...انا عجباتني هادي
بشرى: هاديك لبستها مرة وحدة شريتها من مروكو موال ب 2500درهم بااقا نيو (جديدة)
سارة: وييلي حمقاااتني خصها صندالة عالية فالصومو ومع انا زعرة وشعري قصير تا لقرفادتي غتبين ليا ضهري كامل هههه
سكينة: انا كنموت على الكحل بغيت هادي
بشرى: انا غنلبس الحمر هليتها فالدار باش طيروش ليا عليها هههه
سارة: هادشي باينة فيه غااالي منين كيجيوك باش تشريهم؟
بشرى: وهي كتجمع الحوايج) وراه اختي كنعرف غير الناس الهاااي والناس الهااااي معاهم الحبة وخصني نكون فالمستوى باش منحشمش بيهم وهما مكيرضاوش يجلسو م اي كان ، ومصاحبة مع واحد لاباس عليه كيصوفيني ويصرف عليا ويدير ليا المازوط فالبومبة دخوه فاابور
سكينة وسارة : فدقة وحدة) سعداااااااتك يا ختي
بشرى: هههههخه قلبكم طااايب يا الطيابااات...يالاه زيدو كل وحدة تقول فين اللي بغات باش نجيبها معايا غدا
بشرى: ههه ويلي غير سكتي فينما يشوفو وجهي يعرفوني جايا على شهادة طبية...مهم ها ختنا خرجات من عن الطبيب نوضو تشوفو زماني ههههه والله يامكوم وضحك ليا شي وحدة على شيباني ديالي تا نقتلها
سارة: ههههه انا لديت نضحك من دابا
سكينة: وييلي بغيت نشوفو كمارتو
المساعدة: مادموزيل بشرى تفضلي
ناضت بشرى كتهضر تحت السنان
بشرى: تهزو ببلا فرطة ديرو راسكم مراض باش بنادم ميعيقش
الطبيب: كيفرنس)مرحبا مرحبا ... شحال بغيتو عام عماين تلت سنين
بشرى: غير سيمانة صااافي...دير ليا فيها طالعة ليا السخانة فوق ربعين وسارة دير ليها عندها بوشويكة ولا بوحمرون ولا شي لعبة هي وسكينة
الطبيب: كيفرنس) هي اللي متعاود الكبيدات
سارة: تحت السنان) ها اللي كيقهرني ...تا شارف كيعرف الكبدة وراجلي ميعرف يقوليا حتى المرارة خختتفوو
سكينة: سكتينا كلشي غيعرفنا مزوجين ششت!
عمر ليهم ليهم الطبيب الاوراق وعطا لكل وحدة وحدة ورقة فيها 20 الف ريال ديال الدواء خداهم وخرجو كيفرنسو للشارف تا هبطو وبداو يضحكو تا عياو ومشاو شدو الطريق للصالون دخلو وكل وحدة شدات كرسي بداو بالشعر ، سكينة صايباتو بوكلي وبشرى سامبل طويل تا للكتاف وسارة سامبل نفخوه ليه من اللور وقصيصة للقدام جات كيوت ولاكوب كتجيها زوينة ، صبغو ضفارهم وتكمشو فواحد القنت بداو كيصايبو لبعضياتهم المكياج ويركبو فاشفار وليلونتي من غير سارة الوحيدة اللي مادارتش ليلونتي لان لون عينيها فاتح تا سالاو وجلسو كيتسناو ضرب 2 عاد يمشو...بفاو كيتجمعو تا قربات الجوج وهي تنوض بشرى جبدات الحوايج من الموفر دخلاتهن للصالون لبسوهم تما كل وحدة اش لبسات وحاو كانلين انيقات وزوينات و وقفو حدى المراية
بشرى: ناقصكم عقل زيدو تق**** راه مشا الحال والمكياح غيبرد غير بكترت الشوفان دعينيكم ونتمسخو ونديرو فراسنا الضحكك ...يالاه جبدي الهبابط والسبابط نشوفو اش لبسو
سكينة: هاهما
جبداتهم وكل وحدة طارت على صباط وسارة طارت على صندالة فالصومو فاتح وعالية بزاف كانلة كتبري ، هزات بوشيطة صومو خشات فيها المكياج اللي تحتاج وخرجو كيفيبريو هازين بكاجهوم لاحوه فالكوفر وطلعو كيتجاراو حشمانين وعريانين وشدو الطريق للحي الرياض ، الطريق كاملة وهما كيضحكو متحمسين وفرحانين تا وصلو للباب دالفيلا لقاو الطوموبيلان على برى على الجهد
بشرى: خراااا فين غنسطاسيوني انا المرض تفووو
سكينة: انا بان ليا هنا غير الحديد الواعر اللهم سطاسيوتي فشي دورة خبي طوموبيلتك حشومة تحطيها قدام هادو هههه
بشرى: كيت مك هادي راه شريته ب 14 لمليون مليون ينطح مليون مزالة كنخلص ليها فالكريدي ..والله كن ماحشمت تا ندخلها ليهم وسط الفيلا قالك نخبيها هاي هااااي
سارة: لاعساك اختي حطيها غير هنا مافينا ما يبعد على الباب ونتمو جايين كنقرقبو بالطالون على رجلينا يشوفناش شي واحد داخل يقول هادو جاو فطاكسي
بشرى: اه ..قولي ليها قولي ليها ..قاتلك نخبيها والله مكتقشر
سكينة: هههههه
بقات بشرى كتزاحم تا خشاتها بين الطوموبيلا ونزلو كيترعو حشمانين وسارة شادة القصة باش ميطيرهاش البرد ومرة تشد جلايل الكسوة باش ميبانش السليب ودخلو للجردة سرحو عينيهم تا هبطو ريوكهوم
سارة: وناااري على حديييد !!! يحسابني غير الطوموبيلات اللي على برى اللي كاينين ساعة حتى لداخل عامر تقولي العرس
سكينة: هادا قصر ماشي فيلا ...شكون الكلبة اللي قالت فيلا؟؟؟
بشرى: اناا يا ختي ...شوفيني شوفيني مي جيك يا كما داع ليا الكحل
سارة: لالا باقي ...وانا كي جيت ؟ مكترتش النكياج بزاف درت غير ريسيل وعكار وييييلي نسينا الريحة
بشرى: جبديها وعنداك يقشعها شي واحد
جبدات ليهم روايح دالعبار اللي قالت ليهم وبداو يرشو ومشاو حشمانين . سارة غادية كتفيبري لابسة كسيوة بحال القلب من الصدر عريانين ليها الكتاف ومزيرة حتى للكرش كاملة فالبلون كاصي منبتة بالصومو ومنفوخة بحال ديال العرايسات بتوب مشبك طبقة فوق طبقة تا لفخاد فيه ميلونج بين الصومو والبلون كاصي قصيرة وفيها حجيرات رقااق مشتتين فوق الشبة جات بحال باربي وطويلة القامة ورقيقة وبيضاء كتشعل ، حداها سكينة لابسة الاسود عبارة عن كسوة كحلة لاسقة تا لفخاد بالدونطيل والضهر عريان بصاط كحل وبشرى لابسة الحمر عندو يد وحدة واليد الاخرى عريانة وقصية تا للفخاد انيقة . لقاو الدنيا عامرة بليكارد كورد فالباب طلبو منهم الدعوة عاد خلاوهم يدخلو ، دخلو لقاو كل واحد فين مجمع مع كليكة والبنات بليغوب كلاص كيمشيو ويجيو واخدين راحتهم على آخر وشي كيعرف شي والمشربات كتفرق ، دخلو كاداها فيهم تا واحد ومشاو جلسو فوق واحد الفوطوي فيه طبلة مخبي فالقنت بثلاتة وبداو يبرككو
سارة: مبانوش ليا الناس بزاف؟؟؟
بشرى: راه 32 واحد اللي حاضر دابا وباقي كيجيو ..راني قلت ليكم هادو كيعرفو بعضياتهم ودايرو كروب خاص بيهم يعني مكيدخلش معاهم البراني
سارة: وانا كيدارو قبلوني
بشرى: غيكونو غلطو ولا حساب ليهم كيعرفوك ..عادي مهم جينا من اللولين ...ناري هاد المويدسيقى كتجيب ليا الهوايش بغيت نشطح
سارة: لالا اختي انا خليني نشوف غير بعيني ...انا كنرضع نصدق مسكرة البنت تولي دايخة ليا ونوحل فيها
سكينة: شنو سميتيها؟
سارة: سميتها دينا
سكينة: سمية زوينة.
سارة: شهبة بحالي خخهه
سكينة: عندك الزهر طلعات تشبه فيك
سارة: لالا الصراحة حتى باها زوين وحروفو زوينين غير هوا ياختي مابقيتش كنبان ليه انا معرفتش علاش تقلبات حياتنا
سكينة: نساي عليا الهم ...اجي نضربو تصيورات هههه
سارة: هاكي صوريني من تما بلا متعيقي ويشوفونا كنتصورو يقولو هادو عمرهم دخلو شي فيلا
بقاو جالسين ضاحكين تا جات عندهم بشرى كتجري وتزلق بالطالون فرحانة نوضات فيهم الشياط وجلسات حداهم
بشرى: البناااات شفت واحد الربعة ديال الدراري داخلين مع مروان مق**** ن ضربو ليهم السلام ليكارد كورد فالباب ...اححم ...بلا فرطة هاهما داخلين.
سارة: شكون هادو ؟
بشرى: احح على شكون...هاداك راهوا اللي شعرو كحل ورقيق شوية هوا مروان السنتيسي مول هاد الفيلا ودوك الثلاتة ...هاداك راهوا اللي كيسلم على البنات ويضحك سميتو ...هاداك احبيبتي راه يوطنة ( lieutenant) ديال القوات البحرية دالبلاد كاملة عندو 30 عام خاانز فلوس منين ما داز كيتضرب ليه السلام ولاخر مول تيشورط بلو مارين وسروال دجين قاءد القوات الجوية ...ايييوا يا الحبيبة وهاداك رااه اللي لابس قميجة بيضاء مطوية من اليدين وداير خيط كحل فيدو كيهضر فالتيليفون راه جينيرال دو كودارمي وجدو هوا جينيرال دارمي ديال الجيش اللي فالسماء واللي فالبر كامل وباه هوا الوالي للامن العام ...هوا الراس الكبير دالبوليس والجوندارم فالبلاد كاملة من الطرف تا للطرف وهاداك ولدهم هوا اللي غيشد بلاصت جدو باش يرجع جينيرال على الجيش من طنجة للكويرة
سكينة: اوييلي علاه جدو باقي فالجيش؟
بشرى: هه ! وشنو يحساب ليك راه ماشي كيتحارب راه هوا الكلمة وهوا الري والشوار و فيدو القبضة دالجيش كلو ...واخا كبير باقي حار وقاصح كيعاودو عليه صعييب مكيعقل تا على ولد ولدو ...هادا اللي كتشوفي قدامك راه كيضرب السلام لجدو وحيت باقي صغير عندو 26 سنة مزال ملحقش عليه السن باش يتقاعد جدو ويولي هوا بلاصتو
سكينة: سميتو؟
بشرى: سميتو وسام ...هاهوا دار ههه بوكووص شعرو مايل للزعورية شوية وعوينات عسلية والطولة والتجريدة يال الحبيبة تشهيت نشوفو كيعزعف على العسكر، كيبان فملامحو ضريف والفم صغير وغير كيضحك كيتسدو عينيه واااتجي تشوفي فاش كيكون فالصح والمعقول فالخدمة كيولي واحد اخر مكيعقلش على الضباط اللي تحت منو كيما مكيعقلش عليه جدو هههه ولاكن غزااال كيسطي ..اححح امي
سكينة: ياختي كيختارو غير دوك الباكص والطوال والزين هما اللي كيقبلو فالبوليس والجوندارم و الجيش
بشرى: اودي داك وسام راه مكينش اللي يزعزعو من بلاصتو ...راهم فالحيش ابا عن جد معرووفين غير كنيتهم كتخلع بنادم وتنوض الرعب فالجيش ، ولاكن اختي تبااارك الله مشاء الله قادين وشادين وصارمين بزااف داكشي علاش ضابطين جيش على قدو
شافت فيها سكينة وسولاتها بعينيعا وهي توريها سارة تيلي كيصوني وطالعة النمرة د سمير ؛ ناضت سكينة بزربة ونوضات معاعا سارة مشاو كيتسلتو تا للطواليط
سارة: ناري غيسمع الموسيقى والزديح والرديخ
سكينة: سدي عليك الباب وخبي وبي وجهك فالقنت وهضري منفخة باش يقطع
سارة: افف واخا ..ياربي ميعيقش ولا يكون مشا عندي للخدمة...تفووو غيكحل ليا النهار وحرر عليا الخرجة خختتفوو
خشات راسها فالقنت كتهضر فالتلي وسكينة فالباب برى واقفة عاسة ليها باش ميدخلش عليها شي واحد
سارة: الو...
سمير: شوفي ..راه دينا مع حنان فدارنا وانا مجايش ليوم تا لغدا ..يلاه باي
قطع عليها خلاها باغا تبكي وطفات تيليفون فمرة ووقفات حدا المراية كتشوط بيدها على وجها باش متبكيش وكتنفس بزربة قاطعة البكية تا بردات وشربات جغمة دالماء من الروبيني وخرجات باين على ملامحها الحزن
بشرى: افففف..وقولها من اللول ماشي تا لدابا...مغيعجبهومش الحال على هاد الجرة اللي درتي ليا قدامهظ
سارة: ماسوقيش ...شوفي لينا شي بلاصة اخرى بلا منجلسو معاهم
بشرى: واش اصاحبتي غنبقاو جالسين بوحدنا مي اليتاما...راه هما اللي بعدو على بنادم وجلسو هنايا وجلست انا معاهم دايرة السبة بمروان ...اجيو بلا فرطة جلسو
جراتهم مخلاتش ليهم فرصة فين يهضرو تا لقاو راسهم واقفين قدام الدراري
بشرى: اجيو البنات جلسو
مروان: بابتسامة) مرحبا
كحز وسام جلس فالزاوية ديال الفوطوي دار ليهم بلاصة وماجات غير سارة اللي دفعوها جلسات حداه وجلسات حداها سكينة وجواد جيهت سكينة ، سارة جلسات مرعودة جمعات رجليها وفنفس الوقت قلبها مزير وملامحها ضاهر عليهم الحزن ، بقا مروان وجواد و وسام كيهضرو بيناتهم غير على امور الخدمة تا جبد وسام باكيط دالكارو من الجيب جبد واحد دارو فمو وكيهضر وحط الباكيط قدامو وشعل الكارو كيكمي متكي على يدو عاطي ليسباص بينو وبين صارة ومفرق رجليه باين عليه الارهاق كيهضر بزز وعينيه تقال
مروان: تعطلتو اصاحبي انا الصباح درت معاكم جايين معطلين
جواد : كيتفوه ) والله كن اجلتي هادشي تا لغدا ..(شير بعينو جيهت وسام)هاداك جبناه بزز فحال الى جارينو للعافية
وسام: كيهضر وحاجبو طالع) باقي التزنزيين ديال الطيارة عندي فودني باغي غي نعس ...19 لساعة ديال ديال الطريق من كوريا للمغرب وجايبيني لهنا !
مروان : ههههه ياك درتو ليسكال فدبي!
جواد: واخا هاكاك بقينا فالطيارة منزلناش
بشرى: خاشية قنوفتها) اشمن ديارة مشيتو فيها؟ قطرية هي اللي حسن
جاوبها جواد واخا مكيعرفهاش
جواد: لااا لا مامشينا لا فقطرية لا فإمراتية ، مشينا فطيارة خاصة غير بليجينيرال ...وغير انا وياه و واحد صاحبنا و واخا هاكاك تهدينا ، سيمانة وحنا كنسهرو الليل كامل نهار على خوه وبالنهار كنعسو سعتاين بحال الشينوا تا تسدو عينيا ولينا كنشبهو ليهم هههه
بشرى: هههه
سارة وسكينة ساكتين غير كيضحكو و وسام متكي راسو على الفوطوي مرة يسد عينيه مرة يحلهوم والدخان دالكارو كيمشي جيهت سارة تا تعصبات وضارت جست سكينة ومعبسة ، مروان حط يدو على رجل وسام كيضحك وقال
مروان: وافيق معانا اصاحبي ونتا اللي شافك يقول محشش
جوادة : وراه محشش نيت...واش للي جاي كيشرب الطريق كاملة وباقي فايق بنادم! كيقولي ليك التزنزين ديال الطيارة فودنيه وهوا مزكل تا قرعة تا وصلنا ...راه باقي شارب لدابا ومكملها بكاس اخر هبط عليه قبيلة مع الدخلة
مروان: خلي عليك السيد ونتا حاضيه هههه
جواد: راه جدو غاديين وكيوصي عليه هوا وباه ويوصيو فالتيلي ومو تا هيا كل شوية تعيط ليا تسول عليه
وسام: ساد عينيه شبه ناعس) ونتا كتوصلها ليها سخونة
مروان: وراه خايفين عليك اصاح ...راه ولد واحد اللي عندهم هوا نتا
سارة بغات تعصب وغرغرو عينيها وهي على سبة وهوا يجرها جواد بعدها حدى وسام باش ميتشادوش و وقف كيهضر معاها وهي كتبكي بقا فيها الحال
جواد: صاف اختي متديش عليه راه هوا هاكاك داير ومع دابا منغم بالشراب والكارو بنتي ليه نتي فالكاس وطلعتي ليه مع التبويقة اما هوا ميهضرش معاك كاع...سمعي مني انا راه هاداك صاحبي وعترفو مزيااان ، دابا يفيق ويقولك سمحي ليا
سارة: بالبكى)) لالا خويا غير يعطيني التيساع ...انا معرفتش مالو معايا غير انا بوحدي ومكنعرفوش اصلا
جواد: صافي ماشي مشكل ماطرى والو ، دابا هوا جيتي ليه فالبلان و مع قبيلة نضتي معجبكش الدخان بقا حاط فبالو وصاافي هاهوا شوية ينساك كاع...يالاع نجلسو لفوق ومتشوفيش جيهتو كاع وخليه يهضر تا يعيا
مسحات سارة دموعها وهزات راسها ومشات قدام جواد وهوا موراه كيسواي معاها طلعو تبعو مروان و سام وبشرى وسكينة لفوق لقاوهم جالسين فواحد الصالة خاوية لفوق بعيدة على الصداع وبنادم ، جلسات سارة حدا مروان بعدات على وسام وجات مقابلة معاه ، اما هوا جلس شاد واحد الفوطوي كامل بوحدو وبدا يكمي ويبخ قدامو بلعاني باش يعصبها
الوقت كيدوز و وسام كيزيد يعيا تا ولا كيسمع غير بودنيه وساكت كيتسنط ليهم ، وسارة جالسة مجمعة هي وسكينة وكل شوية تبكي وتخبي البكية تا وصلات العشية
سكينة: انا خصني نرجع دابا
سارة: انا مسخيتش كن غير بقينا شوية
سكينة: ياك نتي راجلك مكاينش وعايش حياتو بقاي مع سكينة تا ترجعي نتي وياها
سارة: داكشي اللي غندير
سكينة: مهم انا غنهبط معاها للطوموبيل نبدل حوايجي باش نشد طاكسي نرجع فحالي
سارة: واخا
بقات جالسة فبلاصتها وناضت سكينة سلمات عليهم باليد ونزلات مع بشرى وهبط مروان يتكلم للدراري وبقات غير سارة جالسة وكتعصر فصبعان يديها متوثرة كتسنى بشرى ترجع ، صونا تيليفون ل جواد وناض وبقات غير سارة الراس فالراس هي و وسام جالس قدامها مفرق رجليه ومتكي راسو على الفوطوي ساد عينيه ، حلهم حومر شاف جنابو بشوية لقا راسو جالس غير هوا وياها وبقا كيطلع ويهبط فيها من راسها تا لرجليها شحاال تا تعصبات عاد هضر
وسام: اجي...قربي لهنى نهضر معاك
سارة: لا رد (قلبات وجها)
وسام: مغاناكلكش غير غنهضر معاك
شافت فيه وحسات بنوع من الخوف كونها مكتعرفوش ومعارفاش اش كيدور ليه فراسو زيداة على الصدع اللي نوض معاها ودابا كتشوف فيه جالس قدامها عينيه حومر كيتلسقو وهوا مرخي على الفوطوي كيشوف فيها ، قربات حداه بحدر كتساوي معاه بيدمن يطلعو لخرين للي ناضو ، جلسات حداه جامعة رجليها ويديها وهوا قالب وجهو جيهتها وغارق فالجلسة ، شاف فيها مطلع حاجبو
وسام: من الصباح ونتي كتبكي مالكي؟ راه ضحكنا معاك ماشي نوينا نبيكوك
سارة تصدمات مساحبهاش كان كيشوف فيها وهي كتشكي على سكينة وتبكي بالتخبية ، بقات ساكتة
وسام : واهضري (ناض تقاد فالجلسة ولا كيبان حداها بحال شي غوريلا بالفورمة والتكلديمة تا تخلعات وهزات عينيها كتشوف فيه
سارة: لا ...لا والو غير ...غير عندي شي مشاكيل
وسام: امم...بحالاش؟
سارة: مع دار وصافي
وسام: مع الدار....باباك؟ ماماك؟
سارة: خوتي (دمعات عينيها)
شافها كتبكي وتنهد وجبد كلينيكس من جيبو عطاه ليها بين جوج صبعانو وخداتو كتفتف بدات كتمسح عينيها وتبكي
سارة: لا والله...غير غنعدبك راه معايا صاحبتي عندها الطوموبيل
وسام: بصوت خافت)على خاطرك مكاين تا مشكيل
سارة: نتا كتبان عيان بلا منزيد نتقل عليك
وسام: دوز يدو على شعرو ) هانيا العيا راه مكيتحيدش
سارة: مهم ...تشرفت بمعرفتك ، انا غنمشي
ناضت مرعودة سلمات عليه بيدها وناض سلم عليها بحنكو ، هوا عندو عادي يسلم بالوجه بحال الى كيسلم باليد ، اما هي ولات كترعد غير بوحدها وريحتو طلعات ليها مع الشرايين دنيفها دوخاتها ولصقات ليها فحناكها ويدها ومشات كتمايل قدامو على وحدة ونص ونزل هوا موراها كيخربق فتيليفون تا هز راسو مابقاتش كتبان ليه ، نزل ماتلاقى تا واحد فصحابو وخرج ركب فطوموبيلتو بورش رياضية بجوج بيبان ستيل ديالها بحال الفيراري لاسقة مع الارض وسوداء اللون ، طلع معاودش شاف موراه وخرج نيشان كيطير رجع الكوسان اللور وتم سايق كيشوف بنص عين فيه العيا والنعاس ، وصل للفيلا كبيرة شكلها بحال شي قصر كبير دايرين بيه العسكر كامل خارجة على المدينة فنواحي عكراش كيكونو فيهم القصور دالاماراتيين والفيلات الكبار مفرقين بين الجبال كل وحدة جات معزولة بوحدها ، ضربو ليه السلام فالباب وهوا فاللوطو ودخل حطها فالباب ونزل مع الدروج لان الفيلا جات فالهبطة الشكل ديالها غريب وكبيرة مفرقة على بزاف دالاجزاء كل بناية فجهة البناية الخاصة بالرياضة والبناية الخاصة بالاستحمام والاستجمام والوسط جامعهم مسبح فسيح وكبير داير بيه الشجر والنخل مفرق فكل الجهات ، بحال شي واحة كبيرة والطبيعة والعصافير كتغرد ، نزل للباب الرءيسي ودخل زربان طلع نيشان لبيتو كيطير قبل ميشدو جدو ويفرع ليه الراس بحال ديما، دخل لبيتو اللي داير كامل بالزاج كيطل على الطبيعة والفيلا جا فراس الجبل كتبان ليه ضاية كبييرة دالماء بعيدة فالاسفل والشجر والغابة ، منضر خلاب ، جا فجهة كتغرب منها الشمس وكيبقى متبعها من الزاج تا كتغبر ، لا ح حوايجو فوق الناموسية وتيليفون وليزاكسيسوار د دراري اللي فيدو و دخل دوش وخرج ملوي عليه فوطة ، وقف كينشف شعرو الفاتح قدام المراية وكيطلع ويهبط فراسو ساهي كيتفكر البلان ديال سارة ، رجع للواقع و تنهد وكمل تنشاف شعر وحل البلاكار وقف قدامو وهي طيح ليه فبالو سارة من جديد ، الوقت كامل وهوا كيتفكرها ، لبس بوكسر كحل وشورط قصير اسود بالسيور غلاض ومشا تلاح على ضهرو ساهي فالسقف كيتفكر ، حط يدو على صدرو العريض كيدوزها على الشعر المشتت فانحاء الصدر تا تنهد وتقلب على جنبو بقا متبع الغروب وساهي تا غربات الشمس ونعس .
وهوا غاارق فالنعاس وطاح الضلام على بيتو تحل الباب بشوية دبيتو بشوية وبداو كيراقبوه عيون براقة كتبان فالضلام كتبري والوجه مضلم مكيبانش من مور الحيط ديال الباب وكل مرة يتخباو العيون ويرجعو يطلو من جديد على وسام وهوا ناعس
قلب جريح الجزء الثالث
محتوى القصة
التنقل بين الأجزاء