في صباح يوما جميل تشرق الشمس لتتخيل اشعتها في غرفتي البطلة ديالنا ندى 21 عام شخصية طيبة ضريفة بزاف وسادجة وخجولة اية في جمال طويلة 1،72 فورمة ياسلام كولشي في بلاصتو لطاي حوتة (خارجة من بحر) اما واحد لعوينات زرقين وكبار ومشفرين خلاص فيم صغيور وحميمر هو هداك اديال بوسان.😉اما واحد سلاف عطيها الله شعر طويل وكحل مسبسب كتعيش في العروبية في واحد دوار ناس على قد الحال ،حلم ديالها انها باغة توالي بوليسية مي ظروف كانت قوى منها،وفاة الاب ديالها،خلاها تهاجر لمدينة وتبدا حياة جديدة مع ختها هدى،،لي كانت نسخة منها ولكن كانت كاتميز بالعناد،
هدى كان الحلم ديالها تولي مظيفة طيران من بعد واتشد الباك ديالها،ولطن مكانتش متوفرة الامكانيات الشي لي خلا ندى تخدم فالديور عند عائلة ميسورة
ملي خديت البكالوريا ديالي هنا بدأت المعانات ديالي حيت من ورا ديك الفرحة ديال الباك بشهرين توفى الأب ديالي لي كان هازنا انا وأختي كان خدام علينا وكنا عايشين على قد الحال وكنا فرحانين رغم انه كان كينقصنا حنان و عطف الأم حيت توفات ملي كانت كتولد هدى المهم الحمد على قضاء الله فاش جينا لمدينة تكرفصنا مزيان،بعنا دار وحدة بليدة كانت ديال الوالدة ورتتها من بها جمعنا داكشي لعدنا وشدينا لكار للمدينة وحنا معافين حتى حاجة بنات كابرين في العروبية اول مرة نسافروا نزلنا في محطة وكنشوفو بندام بزاف شدينا طاكسي ومشينا لواحد العنوان لي كانت عطاتو لينا جارتنا ديال ختها تما في المدينة وغادة تعاونا مشينا عندها رحبات بينا هي مسكينة لي واقفات معنا حتى وشافت ،واحد الصمصار هو لي قلب لينا على كراء رخيص...بيت وكوزينة وحمام مشترك مع الكراياا،،ايوا تما خرجت قلبت على خدمة وربي لقاني بواحد العائلة خدمت عندهم وعتابروني بحال بنتهم،،،رب الاسرة سميتو ابراهيم"رجل خمسيني،ولكن باقي شاد فصحنو هو خدام فسلك الشرطة"واما مرتو فاطمة "كانت فنفس العمر تقريباا،،امرأة ونعمة الاخلاق ولكن ربي مرزقهاش باولاد"
كانو كيناديوني دائما ببنتي،،معاهم حسيت بدفء والطمأنينة لي كنت فاقداهم
فقت من نعاس على صوت لمنبه 7 هادي خاصني نوجد لفطور لختي باش تمشي تقرا،نضت لبست حوايجي وهيطت لكوزينة وجدتو و مشيت عندها لبيت
انا:هدى هدى
هدى :مممممم
انا:فيقي راه سبعة هدي نوضي سيري لمدرستك
هدى:عافاك خليني 5 دقايق ونفيق
انا:غادة تنوضي ولا ندبر مع اختي
هدى:هنا فقت افف حتى واحد مخليك تنعس بي خاطرك
انا: ليوم غادي نتعطل في ليل
هدى:علاش
انا:حيت سي براهيم ولا كوميسير وداير حفلة في دار
هدى :هي نجي نحضر معاك ونعاونك عفاك اختي
انا:اه واخا ،ولكن حتى تكملي التمارين الا عطاوك الاساتدة ديالك،عاد اجي
وصل الليل بدات الحفلة والناس بدات توصل الله الله غير الشخصيات و الطوموبيلات الواعرين انا غير كنشوف وحالة فومي حتى من شقايا نسيتو ههه ،المهم السي إبراهيم حتى هو مقصرش الماكلة و العاصيرات والحلاوي الاشكال والانواع بقيت مقابلة شوغلي و مرة مرة كنضرب طلة نشوف بعويناتي حتى دخلات ختي كي عجاجة جيا مفركسة لبسة سروال نتع جلد في كحل معاه شوميز في بيض قصير من قودم وطويل من لور مع صبيبيط بيض بلا داربها ليك بواحد تعكيرة و مكحلة لعيني وطلقة شعرها كتبان بوكوصة اصلا هي بكوصة بلا مكياج مي انا خاصني نزير شويا شفت فيها وطالهتها و قالت انت اش هدا الحالة يكمى الحفلة على شرفك وانا مغخبريش
هدى:هههه وي راه قال ليك الا مكانتش هدى حتى حاجة ماكينة😁😁😁
انا:وتي تجمعي ولا نجمع ختي ومسحي عليا هداك مكياج دابا شويا دخلت واحد السرباية عندي للكوزينة حالتها صفرة وكتقطر بالعرق قولت ليها مالك ياك ما كين باس قالت ليا ماشكيت عليك المصران هلكني غنموت وجابني حتى ليوم لي كاينة الخدمة و شدني تاني قولت ليها بركي رتاحي قالت ليا فين هي الراحة راه الناس واقفين خاص هم العاصيرات نقزات هدى قالت ليها غير بركي انا نتصخر في بلاستك، ايوا داك الشي لي كان مشات هدى دات داك الشي لي خاص للناس انا مخلوعة خيفاها دير شي زبلة حيت عارفاها اش كتسوا .
ايوا شوية حتى تمت جاية لالة هدى حتى دخلت عندي تجري
انا:امالك ياك ما كين باس
هدى: هههه ومارس أختي اش هاد الشي شفت والله حتى بحال الأفلام
انا:سيري سيري تكلسي
هدى: والله أختي إلى كاين غير القوق سعدات لي مزوجة ولا غتوزج شي واحد من هادو
الساعة هدا غير السي إبراهيم باغي يقول شي هضرة ويشكر الناس لي دعموه حتى وصل للي هو فيه المهم بقا داوي داوي... شوية هو يدكر بأن الدولة محتاجة بوليس جداد وهاد الشي علاش غيكون شي كونكور قولت مع راسي ايييه البوليس زعما الحلم ديالك يتحقق ا ندى ،خرجت انا نسربي الماكلة واتاجهت صوب طابلة سي إبراهيم حطيت الماكلة حتى استوقفني كلامو ابراهيم:ندى
انا:نعام اسي ابراهيم
ابراهيم:قربي لهنا بغيت نعرفك على واحد الشخص
(تقربت منو ووقفت حداه)
ابراهيم:نعرفك سي مصطفى مكلف بالكونكورات ديال البوليس
(مصطفى كان رجل اربعيني ،غير شكلو عطيه هبة،اكتفى بالابتسام ليا ولابراهيم)
خليتهم ومشيت لكوزينة وانا كنفكر فهاد الحركة لي دارها.....بقيت ملاهيا مع الشقة حتى كنسمع الدنيا خوات ابراهيم ومرتو طلعو ينعسو وانا بقيت كنجمع ديك الروينة انا وختي حبيبتي اللي عوناتني ،بقينا لنصاصة الليل عاد سالينا،بدلت حوايجي وخرجنا وصلنا شيفور سي ابراهيم هاد المرة حيت تاخرنا بزاف
صبحت ناعسة حيت ليوم مخدمتش حيت اليوم السبت (نهار راحة عندي) نضت وجدت الفطور وفيقت ختي كلسنا بجوج على طبلة فطور
هدى:انا لبارح بايت كنحلم غير بالفواكه البحرية
انا:هههه اشمن بحر كانو عيشين
هدى:هه بحر ميت
انا:ههه عرفتي انا من لبارح وهدرة سي براهيم كدور ليا فراسي معرفتش شنو قصد بديك الحركة لي دار
هدى:حتى انا تعجبت من اللي عملو،اوا الله يسهل علك نشوفوك شي بوليسية
نضت بستها :امين يخليك ليا ازين ديالي وحفظك
هدى:راك ماما قبل ما تكوني اختي انا بغيت نرد ليك اشويا منداكشي لدارتي على قبلي
انا:اي حاجة درتها ماشي خصر فيك ياله دابا نخرجو ندزرو ونصو لهم ونضحكو ونشطو من حد اليوما مكاينا لا قرايا ولا خدمة
هدى غير سمعت حس خروج طرت لبيت تلبس حوايجها انا جمعت طبلة غسلت ماعن ودخلت لبيتي لبست حويج عادين وخرجنا ندورو مخالينا فين مشينا لبحر لقسارية تقدينا شي توشيات و تغدينا برا ورجعنا لدار حتى ادن العشاء رجعنا مسخسين غير وصلنا تلحنا فوق السدادر
هدى :اف اف عيت
انا:انا كتر منك تسخسخت غادي نوض نعس
هدى:انا غادة نتفرج ونرجع شويا
عادة نوض نعس
انا:اكي تصبحي على خير
مشيت ضربتها بنعسا محسيت حتى صبح صباح نضت وجدت الفطور فيقت ختي تمشي لتانوية ديالها وسبقتها لخدمة وغير وصلت خبرني العساس بلي سي براهيم بغا يشوفني،طلت نيشان لعندو
مشيت لمكتب دقيت عليه ودخلت (كان كالس وحني راسو على شي ورق)
انا:سي براهيم عيطيتي ليا
هو :اجي ابنتي بغيت ندوي معا في واحد الموضوع
انا :الله يسمعتا الخبر الخير
هو:شوف انتي بحال بنتي واكتر داكشي علاش قرارت نعونك دخلي لبوليس حيت كنتيق فيك وعرفك تقدي عليها انا غادة نصيفطك عند واحد صاحبي هداك لكنت عرفتك عليه بارح
انا من كترات الصدمة جتني لقوة بقيت شحال ساكتة عادة نت عندو بست ليه ايدووقلت ليه غادي نكون عند حسن ظن ديالك
هو:الله يرضي عليك ابنتي
خرجت ومشيت لكوزينة نوجد لفطور (فرحت بزاف اخيرا ربي حقق ليا داكشي لبغيت اخيرا غادي نحقق حلمي)داز نهار طير مشيت كنجري عند اختي بغيت نفرحها ونقول ليها غادة تحقي حلمك وتولي مظفة وأنا وليت كنشوف بعيد المهم داز شي أسبوع على كلام السي براهيم و مزال مصيفطني لا عند صاحبو لا والو بقيت نقول مع راسي او يكما دار في كلامو يكما مبقاش غيعاوني المهم دازت الأيام وكان داك النهار الجمعة وهو تاني عيط ليا السي ابرهيم عطاني واحد الادريس وقالي نهار الاثنين تمشي راه هادي لادريسة ديال صاحبي لي غادي يعونك غير ملي دوخلي قولي ليه انا من طرف السي ابراهيم الكوميسير عطاني داك العنوان مكتوب في الورقة و عطاني معاه 200 درهم قال ليا باش تمشي وتجي في الطاكسي الله يكثر خيرو مسكين
ايوا داز السبت جا نهار الأحد لي هو يوم العطلة ديالي مشيت أما و هدى الحمام رتاحينا شويا و في الليل وجدت الحويج لي غادي نلبس وتشتيت ومع ست بكري .
ايوا ها الصباح وصل الإثنين وصل فقت بكري فطرت وجدت راسي هدى مشات المدرسة وأنا شديت طاكسي
شديت طاكسي عطيتو العنوان وصلني ليه نزلت مكتوب الادارة العمليات الخاصة او اشهدشي دخلت لدخل اش هدشي ياربي كلشي زاج تصميم ولا في خيال مقسمينو لعدة طوابق كل طابق ينسيك في لخور شفت راسي غادي نتلف مشيت عند البوليسي واخ بان ليا مخلف على البوليس
انا:عافك فين مكتب سي احمد فؤاد
العسكري:طابق السابع
انا:شكرا
طلعت على سعدي وعدي في دروج نعتو ليا المكتب ديالو دقيت تسنيتو جوبني وانا ندخل
انا سلام عليكم سيدي
هو :عليكم السلام ابنتي
انا:انا جيت من طرف كومسير سي براهيم
هو:اهلا اهلا بنتي انتي هيا ندى مهم ندخل في موضوع انا عرف انكي بنت متفوقة وباغة تخدمي بلداك لهدا غادة تخدمي معنا ولكن خاصك تقري واحد تلات شهور في الاعلاميات داكشي ديال الحاسوب مع انتي راسك خفيف داغية غادة تشدي(ضروري هو عرف عليها كل صغيرة ولكبيرة وعرف انها شدات باك بي 18 في علوم زائد الجمال لعندها) حيت وقت ضيق بزاف
هو:ههههههههههه لا حنا ماشي بوليس ابنتي حنا عمليات خاصة ودورك مهم جدا بنسبة لينا
انا بعدم فهم😮😮 :مفهمتش اسيدي
هو:اكي انا غادي نفهمك حنا محتجين لبنت تكون كتعرف لحاسوب و الانترنيت وعقلها خفيف وتكون داكية حيت غادة توالي عندها مسؤلية فهمتي دب
انا:بصراحة انا عندي مع حاسوب ولكن تقدرو تشوفو واحدة اخرى من غيري قريا على هدشي وكتفهم فيه وعندها دراية اكثر
هو:احنا عرفين شغالنا (قمعني ولد الحرام)وزيدة على هدشي غادي يكون معاك فريق كامل ومدربين اعلى مستوى انتي هتكوني الجانب نظري فقط
انا:نظري!!😮😮
هو:اه حيت كل قضية فيها بزاف ديال الاجزاء كاين جزء نظري وجزء تطبيقي وجزء اشتباك
انا:اها وانا دوري نظري
هو :ايه وغادي يكون عندك مكتب ديالك تحت تصرفك فيه اي حاجة غادة تحتجها ومتنسيش كاين فريق تحت ايدك خدام
انا ان شاء الله نتمنى نكون عند حسن ظن ديالك وديال سي براهيم
هو:موعدنا غدا جي في نفس الوقت بش نوريد اش غادة ديري
انا :اكي بسلامة وخرجت مرفوعة اش هدشي ظفهمت حتى الحاجة
ناري اش هدشي كنت بغا البوليس حتى وليت في ماهيا وما لونها مهم نشد طاكشي نشوف خدمتي ونتشور معا ختي هيا لتقول ليا اش ندير اففف تلفت.وصلت 6 خرجت مشيت لدار لقيت هدى كاينة ومجدة كوتي تجمعنا على طابلة وبديت كنعود ليها كولشي
هدى:حراسة الخاصة !! مفهمتش
انا:حتى انا بحالك وراه قال ليا غادي نسطاجي تلاتة شهور في هدشي ديال الحاسوب والانترنيت.
هدى:توكلي على الله وسيري حقي حلمك ويكون خير ان شاء الله
انا: ان شاء الله
مهم كلينا تفرجنا حتى وصال وقت نعاس جاء صباح فقت لبست حوايجي عادين ومشيت لادارة نشوف فين غادي نقرا. مشيت لعند نفس الشخص نتع البارح سي هشام كان داني لواحد البلاصة فيها بزاف ديال بيسالت كول واحد كتلس في بلاصتو وبدا كيوارني كولش حاجة لش كتصلح مهم عيط على واحد الولد سميتو خاليد (نسيت ماقلت ليكم راه مكينش حس البنات غير الولاد)عرفنا على بعضياتنا مشى وخالني معاه وبدا كيشرح ليا طبيعة عمل ديالهم واي حاجة لش كتليق .سلا الوقت ودرت معاه في نفس الموعيد ....
بعد تلاتة اشهر
ليوم اخير نهار عندي في هذا البلاصة تعلمت بزاف ديال حواج كفاش نحول روموز سرية كفاش نتجسس على واحد كفاش نتحكم في كاميرات كيفاش نركبهم واخ قريا على هدشي مي هنا كان تطبيقي... مشيت عند سي هشام عيت عيط ليا طلعت عندو دخلت كان هو وسي براهيم سلامت عليهم وكلست
هشام :ليوم ابنتي برهنتي ليا ساليتي اول مهمة كانت دبا غادي نشرح ليك انتي محتجاك شريكة خاصة في تامين كنتعملو معاها من زمان وهما طالبو لينا شي عميل يكون في اعلى مستوى وهدا الادارة كاينة في الامارات وانت بعد غدا غادة تمشي الامارات
سي براهيم :اختك حنا غادي نتكلف بها من ناحية كولشي اهم انا الادارة ديال الامارات طالبت عميل في اسرع وقت وهي لغدا تكلف بيك تما ساكن نقال اي حاجة زيدة على هدشي غادي يكون معاك فريق متكمل
انا :ترددت بزاف باش نوافق اصلا معندي حتى شي حل اخر اف بقي كيف غادي نقولها لهدى
سي هشام:سيري عند خاليد يعطيك واحد الساك فيه شي حوايج غادة راح راحة معادنا بعدا الغدا اكي
اكي وخرجت مشيت عند خاليد عطاني واحد الساك كبير بزاف هازو ليا حتى لطاكسي ومشيت لدار هدى كانت عيت ليها تهز معيا ساك كان تقيل اف اش ديرين فيه دخلنه لدار هدى بدات كتقلب فيه لبسة لغادة نحتاج فيه تلفون ونمرة ديال االامارات فيه بزاف ديال لحوايج فيه وراق ديال سفر وسوارت دار وفلوس ديال الامارات و المغرب
هدى:اش هدا الوراق
انا:اجي نفهمك انا دبا غادي نمشي للامارات
هدى:اشنننننووووو😱😱😱
انا:انا مكنتش عرف لو كانت عرف مكنتش نقبل مي دبا معاندي حتى حال هما غادي يتكلف بيك وبي قريتك وانا تيقة فيك
هدى ناضت كتجري مشات لبيتها نضت تبعتها سمعي نقول ليك راه قلبي كتقطع كتر منك عرفتي اشنو هي نخاليك حنا بوحداك لا حنين لا رحيم راه مسهلش عليا انتي راك بنتي انا هدشي كندير فيه على قبلك بغيتك تحقيقي حلمك ونعيشك في احسن مستوى .مشيت كالست حدها وكندوز ايدي على شعرها سمعي ردي لبال راسك وعنداك تخلي شي واحد اضحك عليك ياله نوضي غسلي وجهك اجي نكلو اكي.
دوزنا نهار غير في دار حتى لغدا نخرج نتقدا داكشي لغادي خصني
وقد جاء الصباح فيقت قلت ليها ياله نخرجو ندورو ليوم لحد ونفطرو برا داكشي نيت لدرنا خرجنا فطرنا مشيما لقصرية نتقدا الحوايج مكياج روايح غديت ليلونتي في كحل وخديت بريك كحال قصير ونظاظر كبار اف شي افكار كيطحو على اختي عالم قلت ليك نولي نديرهم باش ميطمعوش فيا خليج حيت الا شافو زين مكيفتو واحد حتى كيخدو دكشي بخاطر ولا بزز انا على نيتي داغية تقت مهم سالينا مشيت خديت جلبة وشي تخربيق خر ومشينا فحالنا من بعد متغدينا وصالنا عينين تسرحنا جمعنا قشوشنا ومشينا لحمام تحمحمنا مزيان ورجعنا لدار معا مغرب دخلت بديت كنجمع اش ندي اش خصني ثديت كولشي ساليت ونعست حدا اختي كيف ندير حتا نخاليها وهيا مزال صغيرة اففف
فقت واجدة لفطور مشيت عند اختي بستها وخرجت مابغيتش تفبق ونشوف دموعها حيت صعيب عليا هزيت حويجي وخرجت انا غادة ونبكي على فراق اختي حتى وصلت لمطار لقيت سي هشام وشي براهيم كيسينو فيا سالمو عليا واصوني وصيتهم على اختي ويردو ليها البال ومشيت طلعت لطيارة
واخيرا وصلت نزلت من طيارة خرجت من مطار اه على دولة كي ديرة داكشي واع . خديت طاكسي عطيتو العنوان لعطاني سي هشام.وصلني لواحد العمارة في حي راقي نزلت مشيت لدار رقم 4 حليت ودخلت وصدمة كانت قوية اش هدشي دار كي مفرشة اشمن يا اتات اشمنك يا تصميم كولشي هو هداك بيت نعاس واو كبير مفرش بطريقة عصرية معه دوش واعر فيه كولشي لنحتج دخلت خرجت مشيت لكوزينة ويلي ولي حسن من دار سي براهيم هه بقششت مزيان تلاجة عامر كليت خديت تلفون نهدر معا هدى طمأنت عليها ومشيت نعس حيت عيات وبزاف. مفقت حتى لغد نضت دوشت جبت لحويج لغادي نلبس قميجة بيضة فوقها فيست كحلة وسية كحلة قصيرة حدا ركبة وبريك كحل جمعت شعري ودرتو وليلوني ونظاظر مكياج واحد شيويا شفت راسي في مريا لا علاقة كنبان كبيرة بحال غادة نقري تلاميد في ابتدائي منك لله يا هدى كملتها بصبيبط بلا حيت للبست طالون شوها هيا هديك. فطرت خرجت لقيت شفور كيسين فيا حال ليا باب سلمت عليه وزدنا حطني قدام واحد البناية تميت داخل مهدا يا الله من كثرت صدمة غادي نهدر بي العربية فصحى ههه مبنى شاهق دو الواجهات الزجاجية اللامعة لم اتوقع ان يكون التصميم رائع وفخم بهدا الشكل.فالمبنى مقسم لعدة طوابق.ففي الطوابق السفليي يوجد صالات للتدريب والقتالي بمختلف انواعه وهناك طوابق مخصصة لمكاتب افراد الحراسات الخاصة. بالاضافة الى كافتريا ملحقة بالمبنى .......
وانا بقى كنعبر بي عربية ات دخل في واحد دحش ياله غادي نبدا نعير هو يبدا بالاماراتية كيعير انا بقيت غير كنشوف هدا الزين كولشي فيه كيحمق طولا ولا تكلضيمة لعندو عوينات كحلين وكبار مشفرين لحية مقدة ولفيم اما سنينت بيضين مسيتفين مهم كيحمق.هدشي كامل محسيت حتى دفعني وجبني على فومي نظاظر طاحو شعر كان غادي طيح غير شديت فيه ههه لا فاش كملها فاش قال ليا يا لعورة انا عورة واخ والله لا بقت في حمار تع بوك راني منتسمش الكلب الدحش خيب ميشون (ههه تحية لسارة وابو جاد)😀😀😀
جمعت وقفة ومشيت عند واحد عسكري سولتو على اللواء احمد ال مكتوم قال ليا في طابق الرابع شكرتو ومشيت نقلب على مكتب اف اخرا لقيتو حتى سخفت دقيت عليه قال ليا دخول (مهم فاش هز عينو تصدم مالي لقني لا علاقة ويلي ناس كي لالبسة اكيد قال اش هد شوها مسيفطين ليا)
انا:سلام عليكم انا ندى مروك العميلة جديدة
ناض جمع الوقفة يا اهلا يا هلا والله نوتي الامارات اتفضلي
انا:كلست منورة بي اهلها (ههه ناس تهدر بي االامارت وانا قلبها مصرية ههه شوف هدر كولها غادي تكون بي الامارات مي غادي ندرها بي دريجة ههه)
هو:تسلمي ياغلي اشنو تشربي
انا :لا والو
هو:اكي
(ولد الكلبة عاع محكر عليا)
هو: انت راح تكوني الجزء النظري يعني غادا ترقبي كاميرات في قضية وكاين فريق وكول واحد عرف بلاصتو فهمتي
انا :طبعا مفهوم
هو:نتمنى ليك توفيق مع فريق ومنبغيش حتى شي غلط يوقع خاصتا حنا الادارة معروفين بزاف وعدنا فريق علي مستوي من كولشي لذالك ممنوع الاخطاء
دبا يالهي معيا نوريك مكتب وفريق لغادي يكون معاك
انا :اكي
اه اه اه قضية حامضة
داني لمكتب ديالي وراني معامن غادي نخدم كانت واخد العميلة معايا هي مصرية الله بعدا غير نشدو ناب ومعنا واحد اخر مي مازل ماجا سميتو عمر عرفني عليها سميتها ريم (نوصفها ليكم بنت طويلة زوينة بشرة حنطية عينين كحلين وفيم صغير فاش كضحك عندها حفرة زين شعر طويل كحل مهم بوكوصة لبسة واحد اللبسة كيديرة بقيت غير حالة فومي كسيوة مزيرة بكحل واعرة وحتى فورمتها زوينة)
وصاها تشرح ليا طبع خدمة ديالهم (حيت انا واخ هكاك راني مافهما حتى وزة ههه )كاتبان ضريفة مهم خالنا وخرج.
ريم :مرحبا نورتي الامارات (ريم مع راسها اف الحمد الله مالي خيبة كانت خابة تكون شي بكوصة
انا:منورة بيك
ريم:اشنو تشربي
انا:لا والو
ريم :لا ضروري تشربي شي حاجة
انا:قهوة
ريم :اكي دبا نهدرو انا وياك ونتعرفو مزيان اففف بصرحة كنقنط هنا نعرفك على راسي ريم 24عام عامين دبا باش خدمة هنا
انا:مشرفين ندى 21 عام مغربية
ريم مشرفين ازين
انا:قبيل قال للواء معنا شي واحد شكون هدا
ريم :اه عمر هو ظابظ هنا يعني قائد ديالنا
انا:مزيان وكيف دير تعامل ديالو
ريم :ظريف بزاف تعامل ديالو مزيان وتنهدات
انا:مالك
ريم :لا والو
انا:اكي احم احم ممكن تشرحي ليا اشنو طبيعة خدمة ديالكم
ريم :شوفي الالة حنا حراسة خاصة يعني فينما كان شي مسوؤل شي شخصية مهمة في بلاد خاصنا نأمن ليها الحراسة عدنا فريق مكتمل كول واحد وباش مكلف مثل انا كنهتم بي
بي مراقبة داخل قاعة او اوطيل على حسب الاجتماع انتي غادة تكالفي بكاميرات المرقبة داخيلية وخارجية وعمر كتكلف بي تفتيش الناس لغادة دخل عادة كين فريق لكيدخل الا وقعت شي حاجة
انا:اكي دبا فهمت عمر عندو غير تفتيش صافي
ريم:لا كيتكلف بي تنظيم فريق يعني كل واحد كيحطو في بلاصتو وخاصو ميتزعزعش
انا:مزيان
وحنا كندويو ات دخل هداك.....
دخل بكوص لخرج فيا ناري ياربي هد غادي نخدم انا وياه الله الله مهم شفت فيه وخنزرت
عمر:سلام عليكم
ريم وانا:عليكم السلام
ريم :هادي انسة ندا عميلة جديدة من مغرب
عمر:وي راني عرفت مشرفين وضحك ليا
انا ويلي ويلي على زين كيقطر حتى انا بدلتو ابتسامة
عمر : سمحيليا قبيلا كنت زربان ومشفتكش
انا:هانيا (عترفتي العور لخور شكون خاصو نظاظر)
ريم :يلاه نهبطو اندى نتغدو وانت غادي تهبط معانا
هو :لا غادي نخدم على ملف ديال الامير زياد
ريم:اكي الله يوفق
هو:امين
عرفتكم ضاركم ريوسكم عمر بوكوص زين عربي عينين كحلين شعر رطب وكحل عطاه الله واحد طولة اما عضلات سداسية تشهي تنعسي عليهم 😶😶 خلاص فاش كيبدا يهدر كيحمق )
رجعو فين كنا هبطنا لواحد القاعة على شكل مطعم فيه بزاف ديال بنادم كيكلو كتسمع غير حرف شين كيتشير خدينا اش بغينا واخ انا معرفت اشنو هدشي خديت بديت كنكول اف على ماكلة كي باسلة.
انا :اش هدا ماكلة لباسلة تقول مديرنش فيها عطرية
هي:بدات كضحك ههههه دبا تولفيها
انا:اش فيها متولف الله يهديك
تغدينا ورجعنا لمكتب لقينا عمر مزال تما كان شد شي بلان في ايدو شفنا وجمعوو
عمر :ندى كيف جاتك ماكلة
انا:اف بسل منها ماكن
عمر:دبا توالفي
انا:ان شاء الله
بقينا مجمعين وكيهدرو على خدمة مرة على حياتهم كل فاش حتى وصل وقت خروج
انا :هدشي لعطى الله ياله زيدي قودامي راه غادي نتعطلو
مشينا لخدمة طلعنا لمكتب لقينا عمر كين تما
ريم وانا :صباح النور
هو هز عينو:صباح الخ...
شكون هدي لمعاك اريم
ريم :هههه هدي ندى
عمر:جيتي واعرة زين كامل خدام معنا
انا:شكرا بانت ليا ريم بحال معجبهاش لحال
ريم:ياله نبداو الخدمة ولا غادي نبقو نهدرو في خوا الخاوي
انا:اكي
عمر :اكي مهم راه نهار السبت كين حفلة في اوطيل....
ريم:ناري متقولهاش اوطيل...هدا كيصتدف غير شخصيات مهمة في البلاد ولا ناس ليلباس عليهم شكون غادي نوفرو ليه حماية خاصة
عمر:الامير زياد ال بن نهان
ريم:لا متقولهاش😱😱😱😱
انا:ياك لباس
ريم:كون تعرفي شكون
انا:شكون
عمر:ماشي مهم تعرفيه هو مهم خاص تكون حراسة مشددة حيت هدا ماشي شخصية عادية راه امير ولد اميرة
انا:ههه مزيان
عمر:ندى انتي غادة تكلفي بي مراقبة كامرات داخيلية لكينين في اوطيل ريم انتي غادة تكلفي بي مراقبة خارجية اي حركة غير عادية تعلموني انا دبا غادي نمشي نشوف باقية فريق.
انا و ريم:اكي
انا:اربي لما قولي شكون هو هدا ريم:هدا الالة امير يعني من الاسرة ملكية معروف بذكاء وصارمة وجدية ناهيك على غناء الفاحش هو شخصية مستهدفة حيت هو الاب الاماراتي والام مغربية.
انا :مغربية
ريم :اه مغربية مي مطلقة حتى هي من ناس ليلباس عليهم ولكن امير احمد يعني الاب زياد كان اغنى منها داكشي علاش خدا ليها والد مدا دعو مي هو لربح قضية حيت ولدو هي حياتو عندو غير هو واخ تزوج مولدش مرتو كتحمل وكيطيحو ليها معرفوش سبب لهدا زياد كان هو محور اساسي في حياة الاب ديالو وام ديالو تمنعت انها تشوفو وكيقولو انه كيكرها معمرو شافها ملي كان عمرو عام
انا:ناري اب ديالو بينا صعيب
ريم:ههههه صعيب ولكان تشوفي ولدو راه قال ليه متعرفي حتى شي لعبة
انا:باز الام ديالو بقات فيا عادة مغربية
ريم :معرفتش كيف درات ختى صبرت
انا:هدا الامير زياد مزوح
ريم:ههه مزوج هديك مركة كتزوج هداك عندو بنات بحال لعب لبات معاها ليوم مشوفش كمرتها حياتو كاملة
انا بقيت غير ساكتة او سيد دير بحال حريم السلطان.
ريم نوضي نتغدو ومن تما نصيرو نشوفو اوطيل الله جتنى سبة ونمتعو عوينتنى راه غير دخلة ديرينها بزبل ديال فلوس
انا:انري وياش غادي ندخل انا وياك
هي:راحنا غادي نخدمو فيه يعني غادي نديرو سبة بي خدمة ونمنظرو عويناتنا
انا اكي ههههع
هبطنا تلقينا بي عمر واقف معا شي ولاد قد حلالف مي زوينين انا نغزت ريم شكون هدوك
ريم:هادوك هما كمالة ديال فريق راه مدربين واعلى مستواى في دفاع وهجوم وتدخل سريع هادوك هما لغادي كونو مع امير في جنابو متفرقوش عليه ملي يدخل للاوطيل.
كامل زجاج كولو خلاص مناظر لقدامو كي ديرا اما فاش بغينا ندخلو وقف علينا واحد غول سولنا كتر ما مكسولك فاش تبغي تصيب لكارط ساعا ريم زربت عليهم مادخلنا حتى سخفنا والي ولي على ناس كيف عيشة اما حنا راه غير مدردفين وراهم ههه انا صراحة جاتني دوخة تصميم خطير من داخل داكشي الاوروبي.
مشينا الاستقبال سولنا على مسؤول الامن جا ديك ساعة قدم لينا راسو.حتى دبا باقي كولشي هو هداك.دانا لغرفة المراقبة كاميرات شادين اوطيل كامل مازكلين والو من غير غرف ريم باغة ضرب دورة على اوطيل دترت سبة خاصها تشوفو اوطيل كامل وتزيد كامرات حيت هدشي ماشي كافي
مسؤول مرفضش راه امير هدا ههه اول حاجة دانا لكلوارت ناري صرعينهم تخاف غير توسخهم ريم قالت ليه خاصها تشوف جناح ملكي باش نامن ليه حماية اودي كون غير ممشيناش اه.طلعنا في مصعد ديريكت تحل في جناح حيت هدا المصعد مكيستعملوش كولشي يعني خاص.فاش دخلنا والله الا جاتني ساخفة بقيت غير نشوف واعر زعما هدا مهندس الله يعطيه صحة مسخيتش نخرج من والله اما ريم خرجتها بي لبكا هه كمالنا دورة كولشي كيسطي... مهم خىجنا مشينا وصلت لدار عيانة ومقهورة اففف بقا فيا الحال ميت حتى شي سلفي حيت ممنوع تصور فيه هههه
اففف عيت خاصني نود ندوش باش نرتح ونعس غدا شال اش تبعني.توحشت اختي مكرهتش تكون معيا تفكرتها وبديت نبكي نعس بي بكيا
صبح الحال وصبح نهار جديد فقت فطرت خملت دار حيت حتى لعشية عادة نمشيو ل اوطيل ستليت دربتها بواحد تحمحيمة هي هاديك وبديت نشوف اش نلبس معرفت اش نلبس جبت ماريو كامل شفت حتى عيات ومشيت عند ريم
ريم:شكون
انا:ندى حولي
حلت ريم وشافت فيا واو جاوك ليلونتي زوينين بزاف
انا:اه اه كانت خديتهم من مغرب ناري اختي عتقيني معرفت اش نلبس اف
ريم:ياك عرف غادي تلبسي كسيوة
انا:لا
ريم:اكي ماشي مشكل اجي نعطيك واحد غوب في كرونة غادي تجي معا طاي ديالك وحتى انا غادي نلبس بحالك
انا:مغسي سي تغي جونتي ه
قدتني وسيبات ليا شعري بوكلي ومكياج مخفيف ماتقيل وحتى هيا لبسات جاتها لبيسة واعرة بحال في كرونة غير هي خلات شعرها سنبل درنا لمسات اخيرة وخرجنا مشينا للأوطيل قبل مايوصل الأمير والضيوف باش و نشوف المكان لي كيف دير في الحراسة و نكونو موجودين مهم المنضر ما كاين ما نقول فيه الجنة فوق الأرض، ورانا عمر المكان لي غادي نكون فيه بالضبط قديت امور ديالي كان مزال شي ساعتين عاد غيبدا مشيت لعند ريم للمكان لي وراها عمر حتى هي غتخدم فيه لقيتها كدالك سلات قولت ليها مزال لحال ياله نشربو شي كافي و نرتاحو شوية راه تابعنا الصهير قالت ليا اوكي مشينا للقهوة ديال الاوطيل وجلسنا نرتاحو و ندويو
ريم: ليوم تابعانا تمارة راه خاصنا نكونو في المستوى
انا: ايوا صافي مالنا اش عندنا غنخدمو عادي
قبل ما نكمل قاطعاتني ريم : وا الحبيبة واش عارفة اش تقولي را اميييير هدا واش عرفتي شكون هاد الأمير
انا : ايوا خلاص عرفناه أمير حنا سوقنا راه حنا عادنا ملك ماشي غير امير المهم نديرو خدمتنا وصافي اجي شحال في عمرو
ريم بعصبية:59
انا:شوفي شوفي الناس كيف دايرة يا ختي ملي دخلت لهنا وانا كنشوف غير المناضر الخلابة ههه
ريم: هههه وايه الفلوس صحيحة تما احبيبة
المهم فهاد اللحضة جا لينا عمر : ياله البنات الأمير في الطريق نوضو كملو اش عندكم مبقاش وقت الجلوس ريم تزعزعت من بلاصتها و حتى انا جمعت رجليا و نضت
مشينا كنجرو قدينا كولشي هو خاصتا فاش وصل كيبان ليا كولشي كيجري كاع مسوولين مستفين كي باط سردين وحتى حنا تستفنا وبوليس ولكدكور مهم دنيا مطرطق بنادم كيبان ليك كيقفقف ناري جبو ليا ضحكة معرت حيت انا مغربية ماجنيش حب انتماء وطني ليهم هه مهم عادي لا لا زوينة هي فاش تم دخل يله بغيت نشوف وهو يبدا تلفون يصوني كانت ختي ناري هدي راه حياتي كتعيط هزتني واحد خلعة في شكل نتسوخر لور ومشيت لواحد قنية قلت الو و انا نسمع صوت لبكا صافي تما فشلت معرفت باش تبليت انا:الو الو هدى هدى جوبي
هدى:اهى اهى اهى ختى
انا:مالك اخيتي ياك لباس مالك كتبكي
هدى:توحشتك بزاف
انا:هدى قولي ليا مالك انا عرفك
هدى:انتي خدمة
انا:اه خادمة مي ماشي مشكل هانية غير قولي ليا مالك.
شويا سمعت هرج جي وصوت عمر هدا جي جهتي وانا نطير لمصعد الخاص دخلت فيه ودرت ليه بوز وكلسة نكمل هدرتي مع ختي شي 5دقايق وانا معاها مالك مالك والو شفت حتى عيت وحيت بوز وخرجت مي خرجت في شي باب ولا حيط لعرفت اناني فقت نيفي هزيت عيني وانا نشوف واحد غول لا خنزير مخنزر ودير ديك لعيبة في ودنو عرفتو حارس شخصي ديال شي حد دفعني ودخل ودر ايدو من جهتي وهو يدخل واحد بكوص واحد زباد بحري اف اف اف على زين كيف دير بين نصرني عرفتو غير من عوينتو خضرين وفيم حميمر ونويف مقاد اما واحد لطاي عندو اح اح اح داكشي كولو هو هداك😙😙😙كيحمق كهبل انا بقيت غير حدياه نسيت راسي حتى كنسمع اختي الو الو رباط فرنسا
انا:اه اه (كنشوف في حب مي هو والله متلفت اكيد مفهمنيش ههه )
ريم:فين مشيتي ساعة وانا كنهدر معاك
انا:راه اما لساعة وانا نحول معاك باش تقولي ليا مالك
ريم:ختي جبت في متحان 5 ديال عربية تقولي عندي جنسية مريكانية
انا فش سمعت الخبر لمفلت عليا لحظة ديال نشوف امير وعاد غادي نسمع هدرة على 5 في عربية
انابغوات:دبا واش من نيتك كتهدري يعني ضيعتي عليا لحظة فاش نشوف داك شارف ديال الامير هداك قرد شارف هارف باش تجبدي باش تقولي ليا جبتي 5 في معدل عربية
فاش بديت كنغوت ولقيت زين صافي كيشوف فيا شفت فيه وقلت ليه والله معليك راه غير على هداك قرد انا عرفتك مكتفهمنيش ولكن تكون من روسيا تعلمها على قبلك
ريم :رجوع الله معامن كدوي
انا:معا واحد زين صافي وحد بقولاة ضيعة في الامارات عرفتي اهدى ندفع نص عمري غير نعرف اصلو منين شلح ولا عربي ههه وانا كنشوف فيه
ريم:عندك يكون كيفهم
انا:لا سيد نصرني
ريم :هي يجوز فيه
انا:اه يجوز فيه خطف واغتيال والاغتصاب كون مكان معه هد الحلوف كون غتصبتو هنا
ريم:هههه وشدي نمرة
انا:بلاتي زين زين نمرة فايس وغير انستغرام وهديك الله غير هز عينك ناري اختي مخنزر شوي هو يوقف مصعد وخرج انا اجي ادخحش وكلب صلقوط خرج بل ميشوف فيا ههه
ريم : ههههه ايو هدي هيا حدكتك اهو خرج ههه
انا:وتسيري خاليني نشوف خدمتي
قطعت معا ختي وانا مازال تحت تاتير صدمة قفزني غير صوت تيلفون شفت فيه لقيتو سيدي عمر ناري طرت من بلاصتي راني نسيتكم
انا:الو وي شاف(صواب زعمة)
عمر بعصبية:يكمى عجبك طواليط
انا:وي زوينة بزاف
عمربلغوات:اشنووووو
انا:لا والو انا جيا دبا
قطعت الخط خرجت من مصعد اف مشيت طيرا لعندهم كان حتى فريق واقيلة الاجتماع وانا كاع مكينة في خط لقيتو كيصوط غير وصلت وبدا عليا
ريم:ناري على بنت حرام كتقلب على الحبس والله يسمعك شي حد والله حتى يغبرو بوك من هدا البلاد الكاحلة
انا:عوجت فمي :مممم ناري نسيتيني على ماشي قبيلة فاش كنت كنهد مع ختي تلقيت معا واحد البكوص واحد زين شفت حتى عيات في زين مي بحال هديك ماركة ماشفت مي خسارة بينا فيه نصراني من عويناتو.
ريم:هههه هي دبرتي على راسك
انا:لا اف معرفتش اشمن لغة كيهدر حيت متكلمش مي في حفلة بين غادي يكون تما فين غادي نشد نمرتو عجبني والله
ريم :حتى انا نويا ان شاء الله من حفلة ندبر على شي بكوص وبوكو حبة ههه
انا:نوضي نوضي راكي بديتي كتحلمي بي نهار خالي حتى ليل بعدا
ريم:ههههه.
بقينا عطينها لحديث وتقرقيب الناب حتى وصل وقت حفلة قديت كاميرة مهمة معا تلفوني درنا لمسات الاخيرة على ريوسنا وخرجنا مشينا لقاعة مع داخلة معا حلينا فمنا اويلي حي اش هدشي ماهدا انا قادمة لك يا الله انا تلفت تزعزعت كولشي مقاد زين غير مشتت دور وجمع بكوص ينسيك في واحد اربي فين كنتو مخزونين فين.
بدينا كندرو نشوفو ناس كيف دير هضرة بي لعبار وتعوج وبرتوكولات خاوية عيق علي نعيق عليق (ودمدومة قادي حاجة) شويا دخل واحد علم بلي الامير داخل بنادم تستفو عوتاني وحنا بقينا في جناب قال ليك معدناش لحق نقربو ليه مهام ديالنا نحديوه صافي .تحل لباب ودخل لحب ديالي لتوت شفتو وبديت كنضحك الله على ناس ديال اعمال لباس واحد كوستيم كحال وكميجة بيضة وكرافطة كحلة جاه مطرطق ساعة في ايد وشعر مطلعو ولحية خفيفة ودير واحد ضحيكة بينة سنينات بيوضين ومستفين اما لفيم اخ اح فهمتوني ياك 😈😈ريحة خلاص انا دبت في بلاصتي شديت واحد كاس ديال عصير نبرد بيه هدشي مجهد عندهم شفتو غير دخل وهما يسدو لباب درت عند ريم
انا :او فين هو الامير شفت غير مساعد
ريم:ههههه اويلي على مساعد هداك راه هو الامير بكوص اختي ياك
انا فاش سمعت هداك راه هو الامير😱😱😱 طاح ليا الكاس من ايدي جاب الله بنادم ملاهي معا الامير مشيتي فيها يا ندى وهدي هيا لخرة ليك زعمة يكون كيفهم داريجة لا لا راه مو لتعلمو مكانتش معاه حمد الله مكيفهمهش مي قرد وشارف يفهمها شفتو شافني وركز عليا شوفا مي درت راسي بحال معرفتوش قلت نخرج حسن ليا ياله جيت نخرج وانا نسمع الانسة
حط يدو على وجهي لالا حرارتك هيا هديك سيري تكمشي حدا ريم ولا غادي يكون معك تصرف الاخر
انا وسير الله يلكيها ليك ان شاء الله من قبيل وانت دير ليا فيها شاروخان في لخر قمعني .مشيت رجعت حدا ريم وانا كنفخ
ريم:مالك
انا:غير سوكتي كون تعرفي اش وقع ليا
ريم:خالي حتى نعسو وعودي ليا راه غادي نبتو هنا في اوطيل
انا:اويلي متقوليهاش
هدشي لكان ناقص اف بقينا واقفين كل مرة كيطلع واحد يهدر انا قتلني ملل وطالون في رجليا.شويا طلع الامير منصة وكلس كيهدر اف صراحة بكوص حول بنات ميدرو بيه الصراحة انا حسيت براسي عجبني بزاااف و بحكم أننا حنا حاضينو استغليت خدماتي و بقيت كنشوف فيه و هو كدالك مرة مرة كيهز فيا راسو ولكن واش واحد فحالو غيشوف في وحدة بحالي الهم هاهوا سالا الخطاب ديالو ونزل من المنصة مشا لبلاصتو كلس وانا مزال حاضياه .
انا مليت والله بغيت غير امتا تسالي هاد الحفلة عيت بزاف و عيني تسدو بالنعاس و جاني الجوع حيت وصل وقت الماكلةو حنا بحال الكلاب مزال حاضين حتى نساليو عاد ناكلو
وأخيرا وصل الفينال ديال الحفل الناس بدات تمشي فحالها كلشي خارج جا الوقت باش يمشي الأمير.
صافي خرج تبعوه حراس وحتى حنا تبعناه في هاد الوقت عمر عيط لينا قال ليك امير بغي يتعرف علينا حيت عجبتو خدمتنا(الله يمسخو حنا وخدمتنا) وحنا نهار كامل غير حدينو ريم فرحات انا شدتني خلعة ليوم يغبرني اكيد مفيهاش لاعب. تبعنا عمر مشينا الجناح الملكي ديالو ناري كلورات مطرقينهم بي الامن زعمة لبغيت نهرب مكينش كيفاش صافي وصلنا اهئ اهئ دخلنا لواحد بلاصة زوينة شويا دخل امير عمر مشا كيجري هو وريم انا معا عرف راسي مكحلة دوسي بقيت واقفة في بلاصتي حتى عيط ليا هداك لويل ديال عمر ندى اجي وبدا كيقدم فينا ليك عميلة ريم من احسن عميلات عدنا وهي مكلفة بي كاميرات خارجية ديال اوطيل اما عميلة ندى فهيا مكلفة بي جميع الكاميرات داخيلية زيدة على تفعيل نظلام داخيلي اي حركة غير عادية كتبدا صفارة خاصة في تلفونها هو اول (مهم البنات راني غير نكدب )
الامير زياد:كيشوف فيا تشرفت بي معرفتكم وكنتمنى ميكون حتى شي خطأ حيت انا مكنحملش الغلط يوقع وخاصتا الا كان من عند بنت.
انا في خطري سير اعمر الله يعطيك لعما هدا هو شكر في بلادكم تركت قنب
ريم:لا لا ان شاء الله مغادي يكون حتى شي خطأ احضرت سمو الامير.
عمر:كون هني مغادي يكون حتى شي خطأ وانا كنتحمل مسؤلية جميع فريق ديالي
عمر نخليو سعادتك تستريح جينا خرجين وانا نسمع سميتي صفريت خضريت مهم كاع خلعات شدوني درت شفت فيه نعم الامير زياد
زياد:بغيتك تشرحي ليا تطبيق لديرة على تيلفونك
انا:اه مرحبا(انا وليت نخرا خريا هنا وخريا في الحبس ههع)
خرجت ريم وعمر بقيت غير انا وياه قال ليا تفضلي كلسي كلست وجا كلس حديا اشمن حديا قول تخش فيا انا بعت زاد قرب حديا وحط ايدو على ظهري وانا نوض من بلاصتي حتى هو ناض(واش حنا كنلعبو)قالت ليه انا غادة حتى لغدا ونشرح ليك تطبق تميت غادية شدني من شعري(شعري لا لا كلو الا شعري)نتفني حرامي دفعني معا حيط وقال ليا انا قرد ياك ناري عقل صلكوط كنت غادي نسخف لا فاش قال ليا انا شارف هارف انا هنا سخفت لا ماشي على كلمة مي حيت كيهدر بي دريجة جا حتى لعند ودني وقال ليا غادي ندمك على نهار لفكرت موك تجيبك لهد دنيا ودفعني حتى جيت طيحة
قصة رحلة معاناة و عشق
محتوى القصة
التنقل بين الأجزاء