في الوقت لي هي نعساات....كانو اعين اخرى مغفااوش...خاطرها مهول على صحبتهاا....كتفكر فيها وليهاا....تسللات من حدا ولدهاا ....دارت ليها كاس قهوة....وجلسات في صالون...كتشوف في طابليت وكدوز تصاورهم هي وصحاباتها وحدة بوحدة تا تحل لباب...
ندى..."شافت في ساعةة...وسولاتو "...شفتك رجعتي...بكري...سالا لعرس...
جوااد...."جلس حداها مرجع راسو لوور "....درت لازم وجيت...لاش نبقى تا يصبح لحال..ونتي هنا بوحدك...
ندى..."شيرات لبيت لي ناعس فيه فرطوطو "...راه عزيزة في داخل..ماشي بوحدي..
جواااد...."شافيها ودور وجهو "...ندابا شنو نرجع منين جيت ولا شنوو..."تم غادي قاصد بيت نعاس حتى نطقات "
ندى..." حطات ايدها غلى صدرو ودوات بصووت حنين "....جوااد...عفاىك في اقرب فرصة ...هي محتاجاني....عفااك شوف كيف دير..
جواد .. غايحاول اندى ولكن مانواعدكش ..
ندى .. اويلي اجواااد وااش غانتخلااو عليها فهاد الضرزووف .. و الله تا حااسة بيها كاتمووت انا لي حااسة بيييها اجواااد انااا ..
جواد .."باس لها جبهتها" اش عدك ما ديري ليهاهانتي كااع مشيتي .. وااو .. تا حاجة مغاتبدل .. هادوك الزووج بزووج روسهم قصح من الصخر .. انا عارفو كيتعذب و باغي يعدبها معاه .. حرت بيناتهم ..
ندى .. انا مكيهمنييش هو .. كون تشوفها كي كانت كاتبكي .. كون تشووف حالتهااا .. اصلا ملي مشات للمغرب رقااقت و اليوم شفت وحدة اخرى .. ماشي ليالي لي كنعرف .. صفااارت .. دبااالت و عينيها حوومر و منفووخيين .. مكانتش ليالي لي كنتي كاتشوووف ديما ضااحكة و داربة الدنياةبركلة ءهءههءهءهء .. عمر ولد المار ما قدر يلعب بقلب ليالي ..حتى جا هو .. ههءهءهءه ضيعهااا فشرفهااا و حتى قلبها اجواااد انا حااسة بيها قلبي النهار كلو و هو مامرتاااحش .. عااافااك اجواااد عااافااك ديني و حيااات عمران و معزتو فقلبك ديني ليالي محتاجااني ههءهءهءه😭😭"عاودات عنقاتو و تخشات فيه "
جواد "اثرات عليه بكلامهاا...وعلى قد ما تعصب ...برداتو لمسااتها...دخلو لبيتهم....هي حطات راسها فوق صدرو وهو خدا قرارو ...باش ميخسرص ليها لخاطر.." واخة صافي ماتبكيش .. مكنحملش نشوف هاد الدمووع....
بقى كيلعب ليها في شعرها حتى تهدنات ونعساات تدريجيااا
فايقة ناشطة وكتغني...حلات بلاكار وجبدات منو احسن قطعة فيه..لبسااتها وتوجهاات لمراية ..دارت ماكيااجهاا لي شحال مقربات ليه ولكن ليوم كيختالف الوضع ..ليووم بغات تبان فكاامل اناقتهاا ....هزات صااكهاا وتليفوونهاا..وخرجات بجرى ...لقات في دخلة دلكاريان طاكسي داايرة معااه ...ركبات حداه وقالت...اووووه تعطلت...تسعود ..قلع اخوويا سمحمد
......
☆☆سيداتي و سادتي تستعد الطائرة للهبوط التدرجي نحو مطار محمد الخامس المرجو ربط احزمتكم☆☆
ندى...."زيرات على ايديه مغمضة عينيها وكتهضر "....واخييييرااا...واخيرااا....رجعت لبلادي لحبيب...واخيرا اجوااد...😍😍
جوااد..."دور راسو وشاف في عينيها لي لفرجة غتخرج منهم "...توحشتيه لهاد الدرجةة...انا وموحال ديري عليا هادشي الا بعد..."بغمزة"😉
ندى...."دارت لمصدر صوت ومشاات كتجري لعندهااا "...حووووووووووووووووووبي...."تلاحو بزوج في حضن بعض لي شافهم يقوول تفارقو لاعوام...واعواام...هادي تبووس ولخرة تعنق...هادي تبكي ولوخرا تبكي معاها "
ليالي..."معنقاها من خصرها وكتبكي "...توحشنك...توحشتك...متعرفيش شحال محتاجااك...
ندى..."وقفات قداامها كتمسح دموعها ..وتليفون مزال في ايدها "...انا هناا...على ودك...جيت باش نتالم معاك...حيت انا هي نتي...وهمك هو همي...وفرحك..هو فرحي...
خلدوون..."حرک طونوبیلتو بسرعه"...هاا حنا غنشووفو واش غتمشی ولا لا...."کسیره ...فی اتجاه طریق لی داز منها طاکسی..حتی بان لیه...ووصل لعندو قاطع علیه طریق..."
خلدوون...."ممديهاش فيها طلعها لحدا ندى وسد لباب...طلع هو وكسيراا "...عمران غاا مشيتي..وبدا يبكي بغااك..وندى حتى هي...يهوون عليك يبكيو..."كيشووف فيها من زاجة "
ليالي...'هزاتو بين ايديها شافتو ميضحك ونساات كلشي ...بقاات تلعب معاه..وندى حاطة راسها على كتفهاا ومغمضة عينيهاا ...حتى وصلوو لفين غادين....
كانت فيلا متوسطةة الحجم...فيها زوج طبقاات...وكتخللها جردة ملونة بالورود...من برا كانت عندهاا واجهة راائعه..كاانت قريبة من لبحر...شيء لي عطاها اطلالة غزاالة متسخااش بيهاا..وعصرية.. ..اما من لداخل..فكانت مغربية قحةة...وتقليدية مية في مية..صالون في قلب صالون...بفرااش تقليدي...بالاظافة الى جليساات صغاار ...مشكلين....دخلو ليها من بعد مفتح ليها العسالس البوابة..ولقاو كل من ...جمييلة...وسعيدة...في انتظاارهم..بجانبهم لخداامة لي هاازة بلاطوو لحليب وتمر...ومع عطر الورد في مرشاات هادا نوع من ترحاابهم...
سعييدةة..."تلقاات لجوااد لي خرج هو لول من سيارة كتعنق وتبوس فيه "...ولدي...لحبيب...توحشتك...توحشتك...وقف نشووف ...باقي نتا نتا...غا مزدتي طوليتي ولا كيتهيأ ليا شفت شمس درگات...
جوااد..."كيبوس ايدهاا وراسهاا "...تا انا توحشتك الواليدة كيف دايرة لاباس...عليكك..."مدتهاش فيه خلاتو يعبر ..ومشاات لعند ندى لي نزلات من سيارة ".....يااك ...فريتي فيا اناا..اوك انا نمشي لعند حبيبتي.."مشى لعند جمييلة "..
جواد..."وهو معنق جميلة ومعنقااه"....هانتي حشمتي ليا ام عمراان...
سعيدة..."كتشووف في طونوبيل "...فينو حفيدي ..😍😍
ليالي..."كتسمع صوتهم من برا مبغاش تنزل عارفة راسها غتلاقا بجميلة وممستعدا لتا شي اسئلة..ولكن مكان عندها مدير من غير انها تنزل ".....هاهووو...بغيتي غا حفيدك..شي ضياف اخريين لا....
"مشاو لطبلة ..ونظم ليهم كل من ندى..وجوااد...تغدااو في جو مضحك..ومكهرب في نفس الوقت..كان دفاع والهجووم...حلبة مصاارعة..واحد زوجات مفاهمين والو ..من بعد ماخداو تحليتهم وهما كيتعااودو...حتى ناضت ليالي.."
ليالي...'باست عمران ووقفات "..مسخيتش بيكم..ولكن كيخصني نمشي ..نقضي شي حاجة في الخدمةة..خليت مدام مريم بوحديتها...
جمييلة.....اووه لا..مزال لحال..
ندى..."كتطلب فيها "...عفااك بقاي شوية...😔😔
ليالي "باستها في حنكهاا "...حبيبتي...مزال غنتشاوفو..ونتي خااصك...ترتااحي...اولاا....مهم بيناتنا تليفون شعليه..
"تواادعات معاهم وركبات حداه....طريق كلها وهو كيشووف فيها بنص عين...متسنيها تهضر...لكن غير طلعات دورات وجها لزاج ...مبقات شافت فيه...حتى فرانا طونوبيل على غفلة "
خلدون..."كيضرب في المقود "...يالله انا كنتسنااك...تهضري...
خلدون....سؤال واحد مزال في بالي ...علاش مشيتي هداك النهار لعندو.....واش عرفتي اشنو درتي ....انتي الالة دمرتي اي حاجة زوينة ....كنت راسمها وموجدها ليك ....هنتيني في رجولتي طعنتيني في شرفي ...لاني كنت حاسبك شرفي ...طيحتي بيا قدام صحابي وخوتي....منكذبش عليك كنت كنقول لبعدت غنكرهك ...وحاولت نكرهك ...وعاقبت راسي بزاااف وقررت نتزوج.... لاني قلت اكيد مع بنت الناس غنساك ....لكن غير شفتك قدامي ..وتاكدت اني غير غنضيع بنت الناس وانا كاني غنتاحر ...مع انا معاها ولا معاك ...
مخلاتوش يكمل وسولاتو
ليالي...واش لبررتلك موقفي غتوقف ...هاد الزواج ومتكملوش
حدر راسو ومجوبهاش ومهش فيها الراس
ليالي...اذن سدات مدام وسدينا الموضوع ...انا داك السيد كنت كنبغيه ...او نقولو كنت كنضن اني كنبغيه ....وانا لبغيت شيحد كنبغي بكياني كامل ....وكنفديه بروحي وعمري ....ويطرا اللي يطرا لرجع الزمن لرور غنعاود نمشي لعندو ....لاني انا ملي كنوعد كنوفي واخة تكون حياتي الثمن ....لاني وعدت ...وملي كنكره كنكره بنفس الكيان ونفس الروح وكثر واخة يكون خويا ......دابا زوج كلمات واش غتوصلني.... ولا نزل ناخد طاكسي لانو عندي منقضي وبزااااف
خلدون : ليالي ...عقلي مزيان على هاد الهدرة ....عقلي مزياان
ديمارة الطموبيل وكسيرة موقف تال المحل نزلت بلا اي كلمة وتاهوا مع سدت الباب طار خلى العجاج موراه
اصبحنا واصبح الملك لله
🌅صباح جديد طل على ابطالنا .. صباح مختلف و على ندى بالخصوص بعد ما ولفات حياتها فدبي رجعات لبلادها لي محفوىة فقلبها و جاني نسااها ولكن البلاصة لي كانت كاتنتمي ليها هي الكرياان البلاصة لي تربات و عاشت فيها .. البلاصة لي جمعاتها باعز الناس على قلبها .. البلاصة لي بالرغم من فقرها حماتهم و عيشاتهم بكراامة و عزة نفس واخة كانت العيشة قااسية .. ناضت من حدا جواد و باستو فمو مشات هزات عمران عنكشاتو بالبوسان حتى فاق و رضعاتو ..
ندى .. جوااااد .. جواد فييق ..
جواد .."ضرا للجهة الثانية و غطا راسو .." اوووف ..
ندى .."صيفطات ليه وسادة لراسو" تافيييق شد عليا ولدك الصكع بغيت ندوش و نلبس حواااايجي ...
جواد .."نطر الغطا و ناض لعندها باس لها راسها و خدا من عندها عمران" الحبيب ديال باباه .. السبع ديالي صباح النور ..
ندى .."كاتشوف فيه" يا خوويا كاتلووون باااز لي شاافك مع عمراان ميشووفكش مع حد اخر العفوو منك ..
ندى .."باستو فشفايفو" ااححح نمشي ندوش و نبدل و نجي باش توصلني .
. و نتا بدل عمرانو ..
جواد.... اش غانبدل ليه لالا ولا تحلمي غانديه لواليدة ..
ندى .. دبر راسك المهم نلقاه مبدل اجي واش غاتفيقها فهاد الوقت من نيتك احاج ..😨
جواد .. و نتي من نيتك لي مفيقاني باش تمشي لكاريان .. صافابااا .. و زيدون الواليدة غانكونو فيقة دابا مع التواجد ديال عرس خلدون ..
ندى..."غوبشات فيه ... قلبات قنانفها و ناضت " شلااا عرس ولي عهد النمساا .
جواد .."ضربها لترمتها" مال مك رآه ولدها هداك ..
ندى .. شتيني حيدتو ليها .. خليني نمشي ندوش وبلا ماتصدعي تا حد انا غانساليةو نلبس لولدي ميم با دو مينوت ..
خلاتو و دخلات خدات دوش دافئ خفييييف بلا ماتقيس شعرها و خرجات لقات جواد لبس و كيحاول يلبس لعمران و معرفش كيفاش يسد ليه الكوش بقات كاضحك علبه و مشات وراتو كيفاش يدير و تا هو متبااع معاها بكل انتباه كيف لا و عمران اول فرحة ليه لبسوه بزوج و هو كل مرة يسرق بوسة من خدها مرة من كتفها مرة من عنقها بوسة فيها و بوسة فعمران .. بعد ما بدلو ليه مشات لفاليز ديالها خدات سورفيت فالاسود و دوبياس فالاحمل مع باسكيط فالاحمل و كاسكيط فالاحمل .. لبسات ووجمعات شعرها كودشوفالو دارت مكياج خفيف صباحي بانت سوووو كيوووتو هزات صاكها احمر مع صويك سيبي ديال عمران فيه كاع مستلزماتو و غياراتو شدات فدراع جود و هو خاز عمران فالرولاكس و خرجو تلاقاو مع خلدون خزرات فيه و زادت خلاتهن واقفين جواد خدا من عندو السوارت تالاوطو و مشا لعندها وصلها فالكاريان .. باستو فشفايفو و ودعاتوو ..خرجات من الوطو هاز عمران بالرولاكس ديالو بقات شحال كاتشوف فالكاريان لي احتواها سنين و اعواام دخلات كاتجري من الشمس خافت على عمران حتى وقفات قدام باب دار ليالي دقات عليها الدقة المعتادة لي كانت كادقها كل ما كانت كاتجي عندها شحال هداا... ليالي قلعاتها من الدقة الاولى .. خرجات عدها كاتجري لا صندالة ..
ليالي .. يااااختييي يااااختييي و شكووون جااا عندي .."خدات من عدها عمران و دخلات كاتجري و خلات ندى منشورة .." يا ختي على العمر ديال طااتي ..
كلثوم .. "شافت ف ليالي لي كاتلعب مع عمران و تبوس فيه مشات عندها باستو فراسو" مشاء الله الله يخليه ليك .. اوا هاانتي هاد البرهووش لي كان يمووت عليها خوك اااه يرحمو تزوجات و ولدات و نتي بقاي تلعبي ليا مع ولادها ..
ليالي .."مجاوباتهاش"
كلثوم .. اممم .. دايرة ودن سمعات و ودن ما سمعات .. انا مالي بقااي هناا بووري ليااا كراناتك ولدو الولااد و صغر منك كااع راها تابعينها البزووز و تي بركي ليا هنا ..
ليالي .."بنفاذ صبر " علاش امي لي تابعوو بحال داكشي لي تابعني و كاع الفاام محلولة ليا بااش نوكلهم غانتزوج من نيتك ..
ليالي .. مصلحتي عارفاها .. باغا غير الهنا و راحت البال ..
كلثوم .. "طلعات فيها حجبانها دارت عند ندى" الدار دارك ابنتي مرحبا بيك ..
ندى. . ربي يخليك اخاالتي...
مشات كلثوم كتكمل شغلها و خلات ليالي و ندى شاادين تقريب الناب..ليالي علمات السيدة لي خدامة عندها بلي ماغاتقدرش تجيواليوم لخدمة و بقاو مدوزين النهار بزوجهم فالهضرة و السيلفيات وواللعب مع عمران لي تكلفات بيه ليالي تلبسو و تصايب ليه البيبروون...ما خلات ما دارت ليه..
ندى .. ليالي يالله معايا نمشي نشوف فؤاد ..
ليالي .. "نهدات و حطات عمران فالرولاكس" .. شوفي اندى ماعندي مانخبي عليك .. كنت منقول لك فؤاد مزيان غير باش ماتخلعيش عليه .. ولكن دابا راك جيتي ةو من حقك تعرفي ..
ندى ..''لونها تخطف" اويلي خويا مالو اش وقع ليه" ..
جواد .. واش تي تخورتي فمخك ولا مال طاسيلتك ..شمن حبس غاتمشي ليه ..
ندى .. وااااا عوووكاااشااا بغيييت تشووف خوووياا عااافااك اجواااد ..غاتجيني ولا بربي تا نمشي بوحدي فهمتييييي ...
جواد .. تكمشي هاني جاي و بربي و تحركي من عد ليالي تا نفرشخ بوك هاني دويت ..
قطع عليها و خلاها كاتشوا و تمشي و تجي ليالي كاتهدن فيها و مسابقات ما تهدن مشات نعسات عمران ...
قطع عليها و خلاها كاتشوا و تمشي و تجي .. ليالي كاتهدن فيها و مالقات كاتهدن و مشات نعسات عمران .. حتى صونا جواد على ندى قال لها تخرج لعدو داكشي لي دارت خرجات كاتجري ركبات معاه فالوطو ..
ندى .. "عنقاتو عينيها غاديين بالدمووع" ههءهءههءهءهءه جوااد ءههءه خوياا .. فؤااد هءهءهءهء فؤاد فالحبس اجواد يعلم الله كيف حاالتو دااااابااا هءهءهءهء 😭😭😭
ندى .."شافت فيه و عويناتها حمريييين" جوااد ديني عندوو عاافاك ههءهءهءه بغيت نشوفو اجواااد ..
جواد .. فين نديك لحبس من نيتك .. ؟
ندى .. كيفاش من نيتي .. خوويا فالحبس و نتا كاتماالغ اجواااد ..
جواد .."طلق منها" من الاخر مستحبيل نخليك دخلي لحبس واش تي صافاا ولا كيفاش .. ماغاتمشييش الالة تسناي تا يخرج و شوفيه ..و لا عرفتي شنو انا نمشي نزورو و نعطيك خبارو ..
ندى .."شافت فيه بصدمة'' نتا .. نتاااااا وااش قلبك هدااا حجر هدااا خوووياا اجواااد ..
جواد .."ببرود" و نسيتي خوك شنو دار فيك ..؟
ندى ...خوووياا عانااا قلتيها بفمك خووياةو يدير ليييدااار اجواااد انا مستحبيل ندور ليه ضهري .. هادي .. هادييي طعنااتو فضهروو و الله تا كاان كيبغييها. اجواااد فهمتي خوويااةماغايكووونش مزيااان تمااا و لنا مستحبيل اجواااد نخليهةواخة نمووت ..
جواد .. ندى كالم بلا غوات راني بعد المرات كنحبس عليك راسي غا بزز بلا ماتعصبينيش ..
ندى .." مسحات دموعها" غدا غاتمشي نشوف فؤاد .. بغيتي تجي تديني نتا هو هدااك مابيتيش ااطاكسياات عطااهما الله غا هووما و مااشي غانخلي خوووياا ولد مي و بااا خرجنا من كرش وحدة حيت نتاا اجواااد قلتي ليا لا .. تصبح على خير ..
خرجات و خلاتو مبقق عينيه و كيشوف.. خرج من الاوطو و تبعها..
جواد .. وافين غادا اشريفة فين عمران ..
ندى .. عمران ناعس .. و ماغانفيقووش .. نتلاقاو غدا .. الى كنتي باغي تجي تديني الى مابيتيش نتا حر ..
دخلات و خلاتو كان غايتبعها يجرها من شعرها ولكن نعل الشيطان و رجع فحالو .. اما ندى دخلات مكشكشة من جواد و من ليالي خبات عليها تبعاتها عضانوو قريص و نتيف عاد نعسو معانقين كيف العادة فاش كيتلاقاو بزوج .. نعسات كتفكر فكاع داكشي لي دوزات حاو مع خووها قبل ميتزوج الشمكارة ديال هناء .. و تفكرات حتى المرار لي شافت معاهم فاش تزوج .. تنهدات و نعساات ليالي كانت حااسة بيها و زيرات عليها اكثر حتى غفااو بزووج ...
🌇صباح جديد و الشميسة طالعة سخووونة فاقت ليالي خرجات تقضات المسمن و الحريشات و كااع داكشي لي كيعجب ندى جابتووو صايبات لها احسن فطوور عاد مشات عندها تفيقها لقات عمران فائق و هزاتو كاتراري بيه عاد فيقاتها غسلات وجها عاد رجعات رضعاتو و عطاتو ليالي وبركات كاتاكل و تقول ما مليت ..
ندى .."فمها عامر شرباات عليه اتاااي" الحمد لله
ليالي .. زيدي كولي مالك حبستي
ندى .. ماعندي منين يدووز 😟
ليالي .. لا و الله😳😳
ناقص تااكلي عمران احااي تي شخليتي اصلا ..
ندى .."ضرباتها لفخضها" مفطراني و كاتحسبي عليا ينعلطبونمك. .😣
ليالي .."هازة عمران و كاتبوس فيه" يا ختي .. ياااختي شكوون عدوو مامي غووولة الله يحفض و ماااتااكلك يااا روحي اصلا نتاا صاالح للاكل العمييرة ديالللي لك اااخخخ💋💋💋😍😍😍
ندى .. ناري ولدي مسكين😭 .. عداك تغتصبيه اويليي
ليالي .. حرق طاسيلة مك غانوض نغتصبك تي لا ماسكتي 😌
وراتها ندى شحال تعطيه فالبيبروونة تالحليب و الوقت و هزات صاكها خرجات عند جواد ركبات و دوات معاه بالنفخة ..
جواد ...فين عمران ..
ندى .. بيان سوغ ماغانديهش لحبس ..
جواد و تدي راسك عادي ..
ندى .. يا ما دقت على الراس طبوول و ماشي الحبس هو لي غيخليني نخاف انا كنت فبلايص كثر و كرف منو على العموم انا جلدي حديد و باغا فهاد اللحظة نشوف غير فؤاد ..
ماعاودش جاوبتها ديها ديريكت للحبس لي مشدود فيه خوها و طبعا بما انو عندو المعارف و داكشي دخلوها للمكتب ديال مدير السجن و جابو ليها فؤاد لي غير شافها حس براسو اكبر شماتة على وجه الارض ..
ندى .."كي دخلوه تلاحت عليه عنقاتو .. كاتبكي و تشهق ..'' ااش وصلك لهااد الحاالة اخوويااا يااا ما نصحتك و قلت ليك هااديك ماتصلاااحش ليك .. ههؤهؤهؤه😭😭
فؤاد .."دموعو بداو كيطيحو .. قبط وجه ختو بين يديه " ختي .. توحشتك .. فين غبتي علياا فيين ..
ندى .. هءهءهءهء.. انا .. تزوجت افراد و عندي ولد دابا ..
فؤاد .. بصح .. تستااهلي على قلبك البيض تستااهلي يااامااا تحملتي مني العذااب ولكن مااشي لخااطري اختي .. كوولشي مننهااا ..
ندى .. "مسحات ليه دموعو '' الله يااخد فيها الحق .. الله ياااااخد فيها الحق ..
فؤاد ..بربي تا نااخد حقي بيدي تااا نخرج غانااخد حقي و حقك ندى .. بربي مانخلبها هانية...
ندى ..لالا اويلي اش كانقول .. نتاااااا غاااتخرج من هنااا و غاتفكر فحيااتك و مستقبلك فهمتييييي .. غاتنسااااهااا ..
فؤاد .. مااشي فؤااد العمر اندى لي خلي حقوو .. دارتها بيا بنت القحبة و مانكونش فؤاد الى ما رضيتهالهااااش
ندى .. فؤاد .. سمعني .. هادشي ماغايفيدك بواالو فهمتيني بواالو .. غاضيع حياتك و مستقبلك على ود شمكارة .. اصلا انا مافهمتش كيفاش و فين مشات عقلك حتى شفتي فوحدة بحاال هناء ..
فؤاد .. قهرااتني بالسحوور اختي وليت كيوالكلب تتابعها و تقوول واخة ..
ندى .. كنت عارفاها وااعدني ماغاتقربلهااش افؤااد وااعدني ..
فؤاد .. سمحي ليا اختي ..سمحي ليااا ماباااغي والوو من هاد الدنيااا غير تسمحي ليااا ..
ندى .. ماتقولش هكذاا راك خوويا نتاا ورثي لي خلااو ليا الواليدين من رييحتهم ..
فؤاد .."باس لها يديها بزوج و جبهتها" الله يخليك ليا و مايحرمنيش من شووفتك ..فين راجلك ماجاش معاك ..
ندى .. هو لي جابني .. و هو لي وصاهم يجيبوك لهناا .. مابقى لك والو اخوويااا و تخرج انشاء الله..
فؤاد .."تنهد بارتياح ''انشاء الله اختي ..
بقاو على الجماعة و يتفكرو ايام زماان طبعا قبل لا تدخل حياتهم #الشمكارة_هناء حتى جاو باش يديو فؤاد تفارقات معاه بالكشااايف و البكااا و واعداتو نزورو في أقرب فرصة عاد خرجات لقات جواد كيدوي فالتيليفون ركبات فالاوطو مرتاحة حيت تسامحات مع خوها ولكن قلبها واجعها على حاالتو ....
طريق كلهاا غادة وكتبكي..مقاداش تهضر ولا تدوي غير سااكتة ودمعة على خدها كتجرر...حتى وصلو ...
جوااد..."بلا ميشووف فيها "...انا نتسناك سيري جيبي عمران وجي...
"خبطات باب طونوبيل ومشات خدات ولدها وحوايجو ..توادعت معاهم ورجعات غادين في طريق لفيلا..وهاكا داز نهاارهم عاادي ...وصبااحهم كذلك...ندى مرة تجمع مع عداايزااتهاا "ربي عطاها زوج وانا معندي تا وحدة "...ومرة تدوي مع امونة وفرطوطو...واغلب الوقت...مدوزاها تقرقيب ناب...مع ليالي...
ليالي...يالله سيري رضعي ولدك ولا بدلي ليه ليكوش راه ريحة وصلاتني تال هنااا خليني نكمل خدمتى...
ندى...." متكية على كرشها فوق ناموسية وكتبووس في عمران.."...بزااف عليك يكوون خانز..."كتشم وتشوف فيه "..نتا فيك...ليحةة...اشنو ماامي...فيك ليحة حاايبة...شتي شتي...طاتي لقحبة...
ليالي...اللقوة ..كتخسري الهضرة قدام دري......بلاتي نزيدك هادي يسمعها تقاااااودي..."قطعات عليها كتضحك وهو يعاود يصووني تليفونها..."....تعيري نطلع ليك تال تم ونتفك ..
جوااد..."حنحن "...شكون تنتفي...
ليالي ..."شافت نمرة لقاتو جواد "...هاء ...مرتك شكون من غيرها ...كنت كندوي معاها عيرتني وقطعاات...🤣🤣
جوااد....هاديك شي نهار نهرس ليها فمهاا...ونعاود ندير ليها وحدين جداد...لمهم...نتي ليبغ....بعيتك فشي خاجة من ورا متخرجي من لخدمةة..
ليالي...."مستغربة "...يااك ...لاباس خلعتيني...😟😟
جوااد...."بدا يضحك "...كتخافي نتي زعمة....لمهم ملي تجي تعرفي...وبلاما تقووليها لصحبتك...لي هي مرتي....اوك..."قطع عليها وخلاها مخرجة عينيها...ومية سؤال يديها وميتين يرجعوها .... خدات الاذن انها تخرج مع ربعة...صيفطات ليه مساج بلغاتو بالوقت..وبالفعل .. لقات جواد كيتسناها بطموبيل ...ركبات وتوجهو ...لاقرب قهوة ...جلسو فيها ....وليالي ممرتاحاش باغه غير امتى ...يطلق السخون باش ...قلبها يبرد ..
جواد ...."غمزها"....باليا دارك راسك وبزاااف...
ليالي ...وهي لعطيتيني ....دوليبران وخليتيه يزكى راه دوخني
جواد ...."بظحكة ".. نتي هي نتي مغتبدليش...
ليالي ...والله يخلينا في صباغتنا ...ودابا بلاما تشحفني وجيني من الاخر ....
جواد ....بلاتي نجيب ليك واحد كاس الليمون بارد ...وانا نعصر على... واحد كاس القهوة ونهدرو
"طلب جواد اشنو بغاو ...وبقا شوف فيا نشوفك اطجين الحوت حتى جا العصير والقهوة "
هزات ليالي الكاس وزكحاتو كامل ....عاد حطات الكاس ..
ليالي .. هانا بردت قلبي طلقني
جواد ...الله يعطك عقل ...مهم بغيت غير نسولك... على الناس اللي نصبو عليكم ...وصيفطوكم للامارات ...وخلاوكم ...مليوحين تم حتى .....
ليالي...ايه نعرفهم وسط الف دالبشار ..والاسم اللي عندنا معرفناه اسمهم ....ولالا واحد اسمو ابو بكر وواحد اسمو على ما اعتقد زياد لكن لقبهم الله اعلم والدار منعرفهاش ...حنا تلاقينا بيهم "بدات تخمم حتى ختارعت كدبة "... في ملهى مشينا ليه بغينا نكتاشفوووتافقنا ..."قالت لملهى وقلبات عينيها "😞
جواد .."خنزر "...عطيني عنوان ديال هاد زبل ويالله قدامي... ربما نطيحو على خيط ...
"خلص جواد الكونسوماسيو... وتوجهو لبلاصة المعلومة...و فيه البنات مع النصابة... وسولو تقريبا كاع اصحاب القهاوي... اللي تم وحتى السرباية والزبائن الدائمة.... ولكين موصلو لتحاجة الشي اللي عصب... جواد ولكن مفقدش ...الامل لانو باغي يلقاهم
وصلات عشرة الليل ...ومزال مبان والو ...
قرر جواد ...يوصل ليالي لدارهم حتال من بعد و يمشي لمخافر ...يقلب على قضايا النصب ...الخاصة بالهجرة لعلا وعسى ...يلقى طرف الخيط ...وكذالك وصى السمسارة وطمعهم بالفلوس.... بلا باغي يسفر مجموعه لبنات... وكيقلب على زوج الاشخاص... بالاسم باش يمشيو على طريقهم
وصلها لكريان.... وكمل طريقو لدارو وكيخمم فيهاد الزوج.... اللي ولابد ميشدهم ....ومغيهنا ليه بال حتى يلقاهم ...ويعذبهم عاد يخلي العدالة تاخد مجراها...وهادشي كامل باش يرجع ...شوية الاعتبار لمرتو..... اولا ثم لخواتاتها واخة ....انو اعتبراهم رجع بعد اعدام الجوفا ...
مع انو اعتبارهم رجع ..من بعد اعدام كل من الجوفا والجراااح
وصل لدارو ...لكن تفكيرو كامل ....في دوك الزوج.خاصو يلقاهم اليوم قبل غدا ...هكا بات كيفكر جواد ..واخيرا قرر يمشي لمركز الشرطة الصباح ....
اول مصبح الحال ...كانت سيارة جواد في مركز الشرطة ...دخل وعرف على نفسو وتلقى ترحيب كبير ..من عند زملائو ...وشرح ليهم اشنو باغي وعلاياش كيقلب ...وخداوه للارشيف كيقلبو على محاضر النصب اللي جاتهم... هاد العام والعام اللي قبل منو ...وفعلا من بين المحاضر اللي كاينة ...انو كاين فتيات جاو شكاو.. بزوج الشباب نفس المواصفات ....لكن الاسماء تختلف والهدف واحد.. يصيفطو بنات يضيعو في بلاد الناس ويتكرفصو عليهم ...وكاين اللي مرجعاتش ...وكاين اللي لقات خدمة وخدمات ...وكاين اللي ضربوها الحيوط ورجعات ...مهم بعد البحت والاخد والعطا ...متوصلو لوالو لانو تقريبا كيقلبو على برة في القش ....خرج جواد معصب ..لانو اخر خيط كان قدامو فقدو ..لكن خلا رقمو في حالة ما تعرفو على شيحاجة ...ركب طموبيل ومكسيري مخو ممعاهش ..فيقو من سهوتو رنين تليفونو....والرقم ممعروفش جاوب مستغرب
.....ايه ايه مرحبا لكن شكون اللي صيفطك عندي ...لانو كنضن كيعرفوني غير اللي ديجا معامل معاهم
جواد...صيتك تعرف وكيما قلت ليك باغي ناكل ونوكل ...سو الا كيهمك الامر مرحبا مكيهمكش نشوفو غيرك الكرة عندك فكر ورد عليا
......اك بالليل نرد عليك واكيد نتشاوفو
"قطع معاه جواد وهو فرحااان اخيرا غيتهنى من الموضوع اللي شاغلو
دار دومي تور ...ورجع لمركز الشرطة باش ينسق معاهم ...كيفاش يطيحو دوك الزوج ...ويتهناو من المشاكيل وفعلا وصل نزل دخل... لمركز تلقى مع العميد وشرح ليه الوضع ومشاو لغرفة الاجتماعات ....ونضمو مع الشرطة كيفاش يطيحوه ....فعلا تافقو على كلشي وكانو... كيتسناو على نار اتصالو وفعلا بعد اربع ساعات توصل باتصال ...من عند احد النصابين ...ومفادها يتلقاو من هنا لساعه في المكان ******* وخبرو انو يجي ويجيب معاه باسبورات البنات اللي باغين يمشيو ...
كمل الاتصال وتوجهو لعين المكان وكل شرطي تمركز في بلاصتو ....وخداو سخصيات بائعين متجولين وواحد الشرطي... كان سرباي والبعض منهم زبائن
وصل جواد لمقهى المعلوم ...وهاز معاه جوا كبير على اساس انو باسبورات ضحايا ....جلس وتاصل بالنصاب ...وخبرو انا جالس على برا في طيراس لابس جكيت اسود وحاط قدامو جوا كبير ....قطع معاه شوية وقف قدامو شخص عالي.... وعندو كريشه ومعاه شخص فحالو في الفورمة ..."
الشخصان ....السلام عليكم
جواد..."عبرهم مزيان "...عليكم السلام ؟؟؟؟
الشخصان ...جواد ياك معاك سمحمد وراضي
جواد ...مرحبا مسرور بمعرفتكم ....كيما كيقولو معرفت الناس كنور
؛؛بابتسامة ساخرة ؛؛
الشخص1 ...فعلا معرفة الناس كنوز ...
عموما ندخلو لقلب الموضوع نت عند بنات باغي تصيفطهم... وحيت حنا رجال مكنصبوش على رجال فحالنا كنصبو غير على القحاب ....مكاين لا كونطرادات لوالو كنطلعو ليهم رحلة زيارة لانو راضي خدمتو هادي ومكنخلصو حتى حاجة من غير طيارة ...وكيف مكتعرف كول الكيكة ولوح الميكة
جواد من بعد هاد الهدرة صافي وصل لطوب وجمع ايدو وكان غيعطيه لعين ....لكن تدخل الشرطي اللي متخفي في سربايل ووقف عليهم ياخد.... الطلبات وفي نفس الوقت غمز جواد يصبر مزال لانهم .....دايرين جهار تنصت في الطاولة وباغين اعترافات كثر
جواد ...تانا باغي غير ناكل مسوقيش اشنو غيطرا ليهم تم وانا درت معاهم ثلات 3 المليون زوج ليا وواحد ليكم
ش...ههههههزوج ليك وواحد لينا مطور مع راسك اسي جواد ....حنا اللي غنقادو كاع لوراق تعطينا ريال ونت اللي غير سمسار تقولبنا ...نديرو حل فيفتي فيفتي وحتى الكوا لكان تاهوا فيفتي فيفتي
جواد ...اك مفاهمين لكن كفاش لكوا فيفتي فيفتي
شخص 2...ومندوقوش الماكلة قبل منصيفطوها ..حشومة فحقنا طبعا كلشي بيما يرضي الله مغنجبروهمش اللي بغات ....ومع الطمع طاعون كلهم غيبغيو
اححح لبارد ضربتلك واحد الطرف مقود واليوم صيفتو يتقلا مع خوتو في صهد الامارات 😂😂😂😂😂
جواد .....وصل لطوب ديال ناض وقلب عليهم الطابلة وجلس يبوط فيهم والشرطة طوقت المكان وكيحاولو يهدنو جواد ويفرقوه ....لكن هوا صافي تعمات ليه البصيرة . ولا كيفكر كون شدو ندى.... بزز وتكرفصو عليها مطلقهم حتى جندخهم مزيان ...وهكاك مبردتش ليه ...انهم كيصيفطو بنات بلادهم لتكرفيس وبالاخير كيقولك المغربيات كيهزو القلوة في الخليج ....على شكون اللي ظحك عليهم الاول ولد بلادهم ...عاد يتسناو من البراني يحن فيهم
هزوهم للمركز ..وتم استجوابهم قدام جواد وتكلف انو يجيب ليالي تتعرف عليهم ...وفعلا اول مشافتهم شهقت ومشوار العام كامل.... اللي داز منهار عرفاتهم داز قدامها كتفت انها تقول
ليالي...حسبي الله ونعمة الوكيل حسبي الله ونعمة الوكيل
وجاو ضحايا جداد وكلهم تعرفو على دوك النصابين ...اكتمل التحقيق والقضية وصلت للمحكة واكيد غياخدو جزائهم ...والبنات حكات ليهم ليالي وجواد ...الواقعة وفرحو بزاااف لان الموضوع واخة مكيهدروش فيه الا ومنغصهم ....وباغين العدالة تاخد ليهم عقهم من اي ....واحد تعدى عليهم نفسيا ومعنويا
"كان ولا بد نطرقو لهاد زوج حيت تاهنا عندهم دخل فيلي طرا لبنات وميمكنش منتطرقووش ليهم ..."
في صباح يوم جديد في شيكاغو بالنسخة الخليجية ...وبعد ليلةحمراء....ك كل ليلة ....ومورا آذان الظهر...ناضت بطلتنا آمونة ....وهي ممغوصة....ناضت تلوات في ليزار ...وتوجهات لحمام...وغير دخلت وحيدت ليزار.ودخلت تحت الرشاشة ...باغة تسخن لعلا وعسى ..يبرد عليها هاد المغص ....غير نزل عليها الما شافت سائل احمر ....خلى عينيها يدمعو ...ككل مرة ملي كتزورها ليغيكل... ولا ملي كتجرب تيست الحمل وكيطلع négative ...كملات الدوش ديالها ....ولبسات بينوارها وتوجهات لدريسينك ....هزات بيجامة دافية مع دوبياس في النواغ ....واكيد فوطة صحيه ....وطلبات من البنت اللي عندها طلع ليها كاس القرفة .....رتبات سريرها جمعات حوايجها وحوايج امين في سلة الغسيل..... ورجعات تخشات في فراشها... ودموعها على خدودها ضلمت البيت وطفات المكيف ...ورجعات ايتسلمت لنعاس ...او كتحاول تنعس راسها ...باش متبقاش تخمم ..
بعد 3 ساعات داخل امين المغوار كيدندن حل لباب ...واستغرب امونة مكتسناهش عند الباب ...وولفها يوميا في استقبالي ...دخل لمطبخ لقا غير الخدامة وسولها
امين .. سلام عليكم ماري وين ماما
ش.غ ماري ...عليكم السلام بابا ... ماما تعبان هي بس اشرب قرفه بعدين ارجع نام
"""المرجو من المسافرين على الخطوط الامارتية المتوجهين الى المغرب رقم الرحلة 1209 التوجه للبوابة 13 للعبور الى الطائرة """ ناض امين وشد ايد امونة وتوجهو لبوابة العبور .....دازو وطلعو لطيارتهم وجلسو في الكراسي الامامية ....من الدرجة الاولى جلسان بأريحية ...لانها واخيرا غتشوف ليالي وغتشم ريحة بلادها
♤♡السلام عليكم ورحمة الله وبركاتة شركة الطيران الاماراتي ترحب بيكم وتتمنى لكم رحلة موفقة ...ونطلب من جميع الركاب الاعزاء ربط الاحزمة استعدادا لطيران ♡♤
كان صوت الطيار ...طلب منهم الاستعداد ...فعلا تربطات الاحزمة وقلعات الطيارة ....متوجهة لبلاد المغرب الحبيبة اللي اول مخرجت منها كانت فاقدة امل الحياة وباغه غير تكون الدرع لحامي لخواتاتي ...بالاظافة انو كانت باغة تخدم وترجع ليها هما وشان ...وهي شادة في خواتاتها لكن كيما كيقولو ""انا اريد وانت وتريد والله يفعل مايردي"" الحمد لله انا رجعات مع راجلها..... اللي كان سند ليها..وعمرو حسسها بالغربة وباغي غير يرضينها ....وتاهي ولا عندها بالدنيا ومافيها .... من بعد وقت قليل على اقلاع غفات على كتفو مفاقت غير على صوت
طييييي↙↙
اعزائنا المسافرين نرحعو منكم ربط الاحزمة وتعديل كراسيكم للهبوط الامن بي مطار محمد الخامس وشكرا على تفهمكم ↙↙↙
صديقات في الخليج الجزء 25
محتوى القصة
التنقل بين الأجزاء