هند : حبيبا من الصباح و أنا كنقلب عليك .. فين كنتي جالس .. هاد رباعت المكلخيين كان عليهم اشدو لينا مقاعد حدى بعض ..
ماجاوبتهاش .. وقفت و جات لصقات فيا و تصورنا ..
شوية و هي تبان ليا الماناجر ديالها نازلة مخنزرة و كتقلب .. دفعت هند و مشيت فاتجاه الطوموبيل و خليتهم ..
عند إسراء ⬅
هند : اووف ديما كيمشي و يخليني
أنا : هند يالاه السيارة كتسنا ..
مشينا ركبنا و انطلقات بينا طوموبيل .. سرحت فالمناظر الخلابة ديال هاد البلاصة .. شحال و أنا كنتمنى نجي هنا بالحق فظروف أحسن .. نكون فيها بعيدة على جو الخدمة .. نفكر غير فراحتي .. راحتي لي مبقيتش لقيتها من نهار بديت واخا كوني ماناجر كان من ديما حلمي و لكن ستريس و الضغط تلاقاو عليا ...
مادرناش حتا 15دقيقة و وصلنا لمنتجع أكثر من خلاب .. جنة فوق الأرض .. تكلفو الناس لي خدامين تما بلي فاليز داوهم .. و موسيو آدم و المساعد ديالو مشاو لغرف ديالهم ..
هند : إسراء .. غتكوني عييتي من الخدمة ياك ؟ عرفتي شنو .. نتي معفية من دابا ستغلي هاد الوقت و رتاحي مع راسك .. اوكي ؟ ( باش نعقل نلقا راحتي معا آدم ماخاصكش تبقاي لاصقاني)
أنا : اه .. و لكن ..
هند : ماكاين ما ولكن .. صافي زوج تصيورات را المساعد ديال آدم غيصورنا .. و الحوايج ديجا عازلاهم ليا ماكاينش لاش تبقاي لاصقاني .. هه .. بغيت نقول رتاحي أختي شوية ..
أنا : اوكي لي بغيتي ... أنا مشيت . (الللله على راحة .. هنيتيني )
هند : باااااي و مشات لغرفة ديالها .
أنا : (خديت نفس عميق ) الله .. خسارة كون غير كانو هادوك سلاكط معايا .. مشيت الغرفة ديالي .. المنظر فيها رائع كيطل على البحر ... دخلت دوشت من العيا ديال السفر .. لبست بينوار ديالي و تلاحيت نعست معقلتش امتا داني نعاس .
أنا : اااااخ .. الله على نعيسة ( درت ايدي على وجهي نغطي أشعة الشمس ) .. ييه (شهقت) نعست هاد شي كامل ..
هزيت الفون لقيتها 7 ديال الصباح .. من العشية ظيال البارح و أنا ناعسة بلا ماكلة بلا والو و غير بالبينوار ..
أنا : ههه و لكن شحال مخديت راحتي فالنعاس .. الله كون كانو أيامي كاملين هاكا ... نوض ندير شوية سبور
لحت عليا الغطا و مشيت لحمام غسلت وجهي و قضيت حاجتي .. لبست شورط قصير و الفوق مايو لاصق مع سبرديلتي .. جمعت شعري الفوق .. درت ايكغون على الشمس و خرجت .. و بديت كنجري ...
بعد 45 دقيقة غير ديال الجري وقفت نستاراح .. هزيت ايديا لسما و غمضت عينيا و خديت نفس عميق ... كنحس بالهموم و الأحزان نزاحو عن صدري مع كل زفير ... شوية حسيت بظل واقف قدامي درق عليا الشمس ... حليت عينيا بشوية ..
و مشيت كنجري و نعثر فرملا و كنتلفت كنلقاه مربع ايديه و حاضيني
أنا : اويلي على شوهة ... مالي بديت نتفتف .. سيد قاليا غير صباح نور ... كيغاندير نشوف فيه مازال .... وا هو لي خلعني .. واقف قدامي بلا حس ... اووف منين خرج ليا هادا تاني ... كملت طريقي حتا وصلت للغرفة ديالي ..
عند آدم ⬅
ملي جينا للمنتجع و أنا فالغرفة .. مقابل شي خدمة .. هاد الصباح قلت نفيق بكري .. نجري شوية ... خرجت و مشيت جيهة البحر حتا كتبان ليا إسراء الماناجر ديال هند .. واقفة و هازا ايديها .. عينيها مغمضين و الشمس ضاربا فوجها .. كتبان بحال الملاك .. محسيتش حتا قادوني رجليا عندها .. حسات بيا وقفت عليها و حلات عينيها .. جيت نقول ليها صباح النور بدات كتدخل و تخرج فالهضرة و مشات كتجري ههه .. الصراحة عجبني ارتباكها خصوصا مامولفاش ليها .. كنت ديما كنشوفها مركزة مع الخدمة و معصبة كتقول زوج كلمات لي عندها و كتمشي ...
عند إسراء ⬅
دخلت لغرفة ديالي دوشت و لبست عليا و مشيت لريسطو لي فالمنتجع نفطر .. كملت ماكلتي و جبدت الفون نهضر مع رجاء
أنا : الحب ديالي .. 😍
رجاء : عاد تفكرتيني ألحولة .. قولي ليا كيداير الجو تما ؟ كاين شي تيتيز ؟
أنا : هههه باراكة عليك غير تيتيز لي تما
رجاء : لا هادشي صافي تبيريما ...بغينا الجديد 😉
أنا : أحيانا عليك نتي ... أنا لي كنعرفك آش كتسواي .. عينك زايغة
رجاء : الله يحفظ أختي .. أنا باغا نذوق الحلوة ... وا قولي ليا .. كيدايرا تسافيرة مع هاداك الزين ... نتي لي طلعات ليك ألعوجة
أنا : سكتي متفكرينيش .. ماشي جلست حداه فالطيارة .. و صباح لقيتو قدامي بديت نتفتف .. شوهت مع السيد .. مشات ليا image ديالي
رجاء : 😱 وا سعداااتك شكون بحالك ... لاقيا زين و كتعفري .. بالحق هاديك خيتي لاصقة فيه
أنا : تي آش كتفصلي و تخيطي غير بوحدك .. داكشي لي فبالك غير نسايه .. جامي تكون شي حاجة .. ميمكنش نخرج على خدمتي
رجاء : ناري على اكتئاب .. و تلاحي سيري لبسي تقادي و خرجي شفي ليك تيتيز متعي عويناتك ... را عارفاك غنكوني حاجبة ف شومبغ ..
أنا : را عاد دخلت كنت كنتريض .. هاد الليلة نخرج نسهر شوية .. هند عطاتني ها الأيام راحة .
رجاء .. اوكي باش ماكان علميتي بالجديد .. عنداك نلقا المتعوس عارف قبل مني ..
أنا : آش غيطرا مثلا حتا نتي ... يالاه تلاحي .. تهلاي 😘
رجاء : يالاه بااااي 😙
قطعت معاها و عيطت للاستقبال قادلت ليهم بلي بغيت نمشي لسبا spa و هزيت الفون و درت نظاظري دالشمس و خرجت ... لقيت واحد البنت كتسناني فالاستقبال .. سلمات عليا و جراتني معاها لسبا .. دخلت حيدت حوايجي و لبست بينوار و مشيت لسونا sauna بقيت شي ساعة حتا كنت غنعس تما و جات عندي لبنت داتني لجاكوزي كلو عامر بالورد و ريحتو غزالة .. استرخيت تما .. و جابت ليا smoothie ديال الفواكه شربتو .. من بعد مشيت لاسال ديال الماساج .. سلمتها الجسد ديالي .. و غمضت عينيا ستحليت حركات ايديها على ظهري .. حسيت بالراحة و داني نعاس ..
فقت على صوت موسيقى هادئة فلاسال و كاينة غير بوحدي .. هزيت الفون نشوف الساعة لقيتها 8
أنا : 😱 نعست هادشي كامل ؟ هذا هو الوقت .. نمشي نوجد راسي باش نخرج .. الللله عظيماتي مرخيين الله يعطيها الصحة .
مشيت خرجت .. تلاقيت البنت شكرتها على خدمتها و دورت معاها و طلعت لشومبغ .. طلبت الماكلة و جبدت الحوايج لي غنلبس .. ختاريت صاية دجلد كحلة مع crop top كحل معري من الكتاف و كمامو عراض من التحت و صندالة عالية كحلة .. حطيتهم و مشيت كليت .. صوبت شعري و الميك اب .. لبست و نزلت ..
في الاستقبال ⬅
أنا : ممكن تدلني على أفضل مكان لسهر عندكم هنا ؟
موظف : طبعا .. كاين لاونج lounge فيه فرقة موسيقية لايف .. و كاين الكلوب club .. كنصحك تمشي لكلوب .. كاين واحد dj مشهور اليوم و الدخول حصري على ناس لي نازلين فالمنتجع .. ماغاديش يكون عامر بزاف .
أنا : ممتاز .. شكرا بزاف 😊
موظف : العفو .
مشيت و كيف دخلت تبهرت بالجمالية ديال المكان هو صحيح كلوب و لكن تصميمو راقي جدا و ماكاينش صداع لي كنعرف على لي كلوب ديال المغرب ...
مشيت جلست فطبلة VIP معزولة و طلبت مشروب غير كحولي .. و بقيت كنتسنط الموسيقى ..
واحد الشوية دخلات هند و معاها موسيو الإدريسي .. هي كتفرفر و هو باينة عليه قنطان كيف ديما .. شافتني هند و دارت ليا باي ب ايدها و حتى أنا .. شفت فيه لقيتو كيشوف فيا و ملامح وجهو باردة .. تفكرت شنو وقع الثباح و ظغيا دورت وجهي .. جبدت الفون بقيت كنتميساجا مع هشام و رجاء .. شويا و هو يجي عندي المساعد الشخصي ديال موسيو الإدريسي ..
م.ش : ميس إسراء .. راك منورة
أنا : مغسي أ موسيو ...
م.ش : وايلي لدابا ماعارفاش سميتي ... أسامة
أنا : اه .. متشرفين .. و هزيت الفون تاني ..
أسامة : شنو مغتشطحيش ؟ ماجاكش الملل ؟
أنا : نو مغسي مفياش ..
أسامة : اييييه و غير زيدي زيدي دابا يولي فيك .. مترديهاش فوجهي ..
أنا : اووف واخا
.. مشيت معاه .. و كانو طالقين أغنية اسبانية زوينة .. بقينا كنشطحو .. واخا محملتوش و لكن بغيت نبرد هوايشي فشطيح .. شوية السيد زعم و ولا كيحط عليا ايديه .. مرة فخصري مرة أسفل ظهري .. عصبني دفعتو .. و هو يجرني قربني ليه
أنا : وا بعد مني ألخرا و هضر .. نتا لي بقيتي ليا ..
أسامة : علاش معجبتكش ؟ (بدا كيقرب وجهو لوجهي و أنا نتلاح عليه عضيتو فكتفو حتا غوت و بعد مني .. هزيت رجلي و عطيتها ليه لحجرو حتا طاح كيتلوا حدايا )
أنا : تحط عليا ايديك مازال نقطعها ليك أشماتة .. تفو جنس كيداير .. خليتو طايح و مشيت دخلت لتواليط .. عاودت قاديت ماكياجي و خىجت رجعت لبلاصتي كأن شيئا لم يكن .. منخليش كلب بحالو يفسد عليا ليلتي ..
بقيت جالسة .. جاو عندي دراري كيطلبوني نرقص معاهم و رفضت بأدب . كتفيت أنني نتمايل مع الموسيقى فبلاصتي .. واحد الشوية كتبان ليا هند كتمشي و كتجي و كتهضر بجهد باينة فيها سكرانة .
أنا : اوووف أنا عارفة راسي ماشي ديال الخروج .. سكىات تاني الى صورها شي حد مشينا خلا ... مشيت كنجري عندها لقيتها حدا موسيو الإدريسي كتغوت عليه و هو ماكاينش فهاد العالم ..
هند : إسرااااااء ... المنقذة دياالي ... سوبرمانة ديالي جاااات .. هضري مع هذا (شيرات فآدم ... شفت فيه و شاف فيا) ... مكيبغينيش ... قولي ليه يبغيني ... هانتي نتي مكتكدبيش .. ياك أنا زوينة ؟
أنا : اه زوينة .. (آدم ضحك ضحكة استهزاء)
هند : اوا شفتي هاهيا قالت ليك أنا زوينة و بغيني خلاص .. اوووف .. إسراااء سوبرمانة ديالي بغيت نشرب .. لا عطيتك اجازة ياك .. آداااام بغيت نشر... و طاحت سخفات ..
أنا : مشيت كنجري شديتها .. جاتني ثقيلة .. لقيت حدايى غير موسيو الإدريسي. . شفت فيه بعيون مترجية .. فهمني شنو بغيت و جا هزها ..
هزيت أنا ساكها و سبقتو فاتجاه السويت ديالها .. جبدت البطاقة من الساك و فتحت الباب و دخلها لاحها فوق السرير ماحاولش عليها و خرج .. قاديتها . حيدت ليها الصباط و غطيتها و خرجت .. لقيتو جالس على كرسي فالجردة .. و مشيت جلست حداه ..
أنا : شكرا بزاف حيت عاونتيني ..
آدم : العفو .
بقينا ساكتين شوية محملتش الوضع و بغيت نمشي ..
أنا : اوكي نخليك .. بونوي موسيو الإدريسي و تميت غادية
أنا : تلفت و الضحكة على وجهي .. غريب هاد السيد .. مكرهتش غير نبقا مجمعة معاه ... اويلي آش كنقول .. مالاقية جرية حتا أنا .. تميت غادية و مجمعة غير مع راسي حتا عثرت فحجرة و طحت على ركبتي ..
أنا : آااااخ ... اووف الدم .. (شفتي لي كيخرف بزاف اش كيوقع ليه)
آدم : اجي .. (حط ايديه فخصري وقفني .. شاف الألم فوجهي و هو يهزني )
أنا : 😶 معليش نقدر نمشي بوحدي ..
آدم : ( ماجاوبش) حطني فوق الكرسي فين كنا جالسين .. تسناي هنا شوية .. ( و مشا)
أنا : اويلي آش كندير مع السيد هنا .. لي شافنا غيفهمنا غلط .. (دورت راسي نشوف واش كاين شي حد) .. غنمشي و من بعد نشكرو .. الى بقيت غادي غير نزيد نتحرج .. (وقفت بزز و تميت غادية و كنتألم )
آدم : فين غاديا ؟ (كيهدر من ورايا)
أنا : (وقفت تسمرت عاطياه بالظهر) ناري على حصلة ..
آدم : (جاهاز شي حاجة ف ايديه وقف قدامي و مخنزر) ياك قلت ليك تسناي ..
أنا : بلاما نعدبك معايا ..
آدم : زيدي من الهضرة الخاوية .. رجعني لبلاصتي و نزل على ركابيه كيشوف ليا فالجرحة .. بقا ساكت
أنا : ياكما خاصني نخيط .. لا عفاك را كنخاف من داكشي 😢
آدم : (ضحك) جبد قطن و مسح ليا الدم .. بانت جرحة صغيرة ..
أنا : (مرضيتش حيت بصح ضراتني و غيقول هادي كتبوحط) .. را واخا صغيرة كضرني 😒
هاد النهار دوزتو غير فشي وراق ديال الخدمة وشي اتصالات علي قبل واحد الصفقة الي غادي نطلقو فيها لاين جديد للبراند ديالنا .. خاصة بالاطفال .. وخا مسافر مي ميمكنش نسمح فالخدمة .. ضاروري نقدي شغلي فينما كنت .. وصلات ديك 7 و جا عندي المساعد ديالي أسامة و معاه هند بغاوني نمشي معاهم لكلوب .. مكنتش باغي نمشي ولكن أصرت عليا هند و فكرت بلي غادي يخصنا نتصورو أونسومبل .. شييت مليت و بدا كيطلع ليا الخز من هاد ال*لاوي كاملو .. ولكن قريب ندير نهاية لهاد الزعتر .. نعلت الشيطان و دربتها بتدويشة ولبست حوايجي و خرجت لقيتهم كيتسناوني حدا الباب باش ندخلو بجوج .. كيف دخلنا المكان كان عامر والموسيقى مجهدة معنديش مع الاكتضاض و كترت البشار .. تلفت وهي تبان ليا إسراء جالسة بوحدها فواحد القنت .. دارت باي لهند شافت فيا و دغيا دورات وجهها .. كتبان زوينة بزاف .. مكرهتش نمشي لعندها بغيت نبقا غير نشوف فيها .. و لكن لا ماشي آدم الإدريسي لي يذل راسو على قبل بنت .. مشينا جلسنا و كل مرة كنلقا عينيا غاديين جيهتها .. شوية مشا عندها أسامة .. بقاو كيهدرو و شفتها كتقول ليه لا و من بعد ناضو يشطحو .. معجبنيش الحال معرفتش علاش .. هي مكتعني ليا والو .. مع ذلك منين كنكونو في نفس المكان كنبقا حاديها بوحدها .. وهي كالعادة كتجاهلني وعمرها كترت معيا الهدرة .. و انا كنحلل لمحت أسامة كيتقرب منها بزاف وهي كتنتر منو .. تعصبت حتى مبقيتش كنشوف قدامي يالاه نضت نخلي لمو ضاربوه و هي تبان ليا عضاتو وضرباتو لحجرو حتى لوا .. جابت ليا الضحك بالطريقة باش دافعات على راسها .. ولكن ميتخافش عليها .. هادو من الحوايج الي كيزيدو اخليوها تكبر فعيني و هاداك ال*امل حسابي معاه من بعد ..من بعد ماعطات لجد بوه علاش كيقلب مشات كتجري للطواليط .. شوية و هي تخرج عادي بحال الى مطرا والو .. فعلا هاد اللايدي قوية و مثيرة للاهتمام ..
شوية و هي تبان ليا هند كتمايل ودخل وتخرج فالهدرة .. جات عندها إسراء كتعونها انا مليت من التصرفات والطيش ديالها .. بانت ليا غيبات و إسراء كتعاني معها شافت فيا بعيونها الجميلة كتستنجد بيا مشيت هزيتها .. ودخلتها للغرفة ديالها و خرجت للجاردن نشم شوية الهاوا .. غمضت عيني كنستنشق الهواء و هو اوصل عطرها لنيفي .. امتى وليت كنفرز عطرها على النسا اللوخرين منعرف .. عمرني نتابهت او رديت لبال لهاد المسائل .. ولاو كيوقعو معيا شي حوايج مقادرش نفسرهم .. جلسات حدايا وشكراتني على المساعدة .. وبغات تمشي تمنات ليا امسية سعيدة و كالعادة ناداتني بموسيو الإدريسي .. قلت ليها تناديني بآدم فقط استغربات .. خطوة غير متوقعة مني عمرني خليت المجال لشي حد اتقرب مني او نعطيه فرصة اديرها وكاع الناس عارفيني .. .. كنبغي اتعاملو معايا في حدود و اناديو عليا برسمية .. غير الناس المقربيين الي كينادو عليا باسمي الشخصي فقط .. هي الوحيدة الي طلبت منها تحيد الرسميات .. انا مبقيتش كنفهم راسي تصروفاتي في الوجود ديالها غريبة .. كي سمعت اسمي من فمها ابتسمت تلقائيا .. و هي غادرات على الفور كانت كتمشى بالزربة .. شوية و هي طيح نضت كنجري تخلعت عليها لواحد الدرجة مكتصورش .. عونتها باش توقف شفت الدموع فعينيها ضرني قلبي إحساس غريب و جديد عليا .. مقداتش تمشا هزيتها بين اديا و حطيتها فوق الكرسي .. مشيت كنجري جبت علبة الإسعافات لقيتها بغات تمشي جريتها و عالجت ليها الجرح .. كانت خايفة بزاف و كتصرف ببراءة و الدموع فعينيها .. كان جرح صغير حسيت بها مرضاتش و حسات بالاحراج .. شكراتني و مشات بقيت متبعها بعنيا شوية تلفتات .. ولقاتني كنشوف فيها قلبات وجها دغيا و غادرات ..
عند إسراء ⬅
من بعد ما مشيت لغرفة ديالي .. دوشت و لبست عليا .. تعشيت و تلاحيت ففراشي و بالي غير مع الابتسامة ديالو .. هاد الاحساس غريب عليا و أول مرة نحسو .. علاش قاليا نعيط غير آدم ؟ منقدرش .. كيفاش غنطقها .. آدم .. آدم 😶 .. اويلي آش بيني و بينو حتا نقولها ليه هكا حرفية .. اصلا معندي مندير بهادشي .. الحاجة لي تشغلني على الخدمة مبغيتهاش .. حاولت نعس و لكن صورتو كتبقا تجيني فبالي .. بقيت على هاد الحال حتى غفيت و استسلمت لنعاس ..
الصباح فقت على صوت المنبه مع 7 .. اليوم قررت نخرج شوية من المنتجع و نمشي نشوف المنطقة فين ساكنين السكان الأصليين. . هوايتي هي نتعرف على ثقافات جداد و نكتشف طرق العيش ديالهم .. لبست سروال غوز و crop top فالأبيض و هزيت pochette و درت نظيظراتي و خرجت .. سولت قالو لي بلي خاصني ناخد الحافلة كتكون كل ساعة .. مشيت تسنيتها حتا جات ... ركبت و هديت مكاني ... و أنا نتفكر الفون ديالي نسيتو فالغرفة ديالي ..
أنا : اووف دابا ميمكنش نرجع نجيبو .. خاص نتسنا ساعة أخرى ..
تحركات الحافلة و قصدات طريق وسط الطبيعة .. مكرهتش هاد اللحظة متوقفش و نبقا وسط هاداك المنظر .. بقيت ساهية كنشوف .. حتا حسيت بيها حبسات .. لقيت راسي وسط ساحة عامرة بالناس .. لباسهم مميز و بزاف ديال الباعة ديال الفواكه و المأكولات المشهورة عندهم و باعة الورد لي ريحتو كتشم من البعد غزالة .. نزلت و تمشيت بين الناس و كنشوف .. حتى من الفون نسيتو لي غنصور بيه باش نفقص الحلالف ديال رجاء و هشام ..
مشيت وقفت عند واحد كيبيع جميع انواع الآيسكريم .. حرت و حيرتو معايا .. حتا دقت من كلشي عاد تهنيت .. بقيت كندور و كنشري فلي سوفنير .. دخلت كليت فواحد ريسطو حتى عمرت الكريشة .. كناكل و حالة فمي فالناس ..
شوية تجهدات شتا و مشيت كنجري تخبيت تحت واحد السقيفة .. الناس لي مازالين كلشي كيجري كل واحد دخل لمحالو و سد عليه ...
عند آدم ⬅
فقت الصباح .. فطرت و خرجت حيت داير مع واحد صاحبي كان جا يدير استثمار و عجبو المكان و استقر هنا .. خديت سيارة و مشيت لعندو .. ملقيت حتا مشكيل فالطريق حيت ماشي أول مرة كنجي .. و حتا أنا كنفكر ندير شي مشروع فالجزيرة ... وصلت لقيت الصديق ديالي كيتسناني .. مشينا جلسنا ف كافي مجمعين حتا كتبان ليا واحد البنت كتشبه لإسراء دايزة ..
آدم : (وليت نتخايلها .. )
الصديق : مالك أصاحبي سهيتي .. شفتي شي واحد ؟
آدم : لا غير تشبه ليا ..
دوزت معاه نهار مشيت شفت المشروع ديالو و هضرنا على الخدمة .. وصلات الوقيتة لي خاص نمشي و لكن بدات كتصب شتا
أنا : (هزيت ايدي كنتلمس سرير كنقلب على تيشرت و مازال مغمضة عينيا) .. هاك هاهوا ..
شدو من عندي لبسو عاد حيدت ايديا تلفت شفت فيه و مشيت كنجري لحمام و سديت عليا .
أنا : مسخوط ضخم .. أناري اش كياكل هدا .. ولكن داكشي مستف و زوين ... اويلي على مستف هو بلاكار ؟ قلة مايدار خايبة ليا .. كنت ملاهيا مع الخدمة مهنيا من صداع الراس .. اووف ... خديت دوش دافي لويت عليا فوطى و بقيت كنخمم دابا انا ااش غادي نلبس مستحيل نخرج عندو هاكا بالفوطة .. شوهة صافي .. شوية سمعت الدقان في الباب .. اويلي هادا ااش بغا ..
انا : وي ااش كاين ؟!
آدم : هاكي لبسي هاد التيشورت و شورت جبتو ليك من عند صاحبي .. راه حوايجك فازكين ..
انا : (فتحت الباب شوية ومديت ايدي) أوكي شكرا ..
آدم : العفو ..
خديت الحوايج ولبستهم واخا كبار عليا .. الشورط زيرتو بسيور ومازال كبير ههه .. والتيشورت جاني كسوا .. كملت اللبس و نشفت شعري وخليتو مطلوق .. اووه كاد كيبان شكلي مضحك .. الى شافني هاكا غادي اضحك عليا فور شوور و انا مالي اضحك ولى ازمر بفف .. خرجت لقيتو فرش فالأرض و عاطيني بالظهر .. الحمد لله
مشيت طفيت الضو و تلاحيت فوق السرير .. كنشوف فظهرو ..
أنا : بونوي .. (خداا وقتو عاد جاوبني )
آدم : بونوي ..
صبح الصباح .. فقت لقيت راسي مجبدة فوق السرير كل رجل فجيهة .. و بوحدي فالغرفة .. مشيت غسلت وجهي لبست حوايجي .. هزيت ساكي و خرجت ... كيف حليت الباب تساطحت أنا وياه
آدم : غاديا هربانة ؟
أنا : لا كنقلب عليك ... زعمة بغيت نقول .. خاص نمشي
آدم : امم .. اوكي اجي نفطرو و من بعد نمشيو ..
أنا : لا بلاما نزيد نتقل عليك أنا عنمشي نتسنا الحافلة ..
تمينا غاديين .. حتا كتبان ليا هند شافتنا و جات كتجري .. تلفت ليه لقيتو مكينش فهاد العالم ماداهاش فيها ..
هند : آدم ؟ إسراء ؟ فين كنتو بجوج ؟ علاش جايين من هنا ؟
آدم كمل طريقو بحالا مسمعهاش
أنا : غير تلاقينا صدفة فالبلدة و جابني .. أنا مشيت لغرفة ديالي .. مشيت و خليتها .. بانت ليا مشات تبعاتو .. مافيها نفس ..
دخلت الغرفة ديالي .. أول حاجة هزيت الفون لقيتو غارق مكالمات و ميساجات من عند هشام و رجاء و خويا جهاد ..
أنا : هادوك جوج باينة علاش معيطين .. و جهاد مالو ؟ 😱 يكون مشا المغرب ؟ 😍 .. دوزت أبيل لجهاد ..
(جهاد ← الاخ الأكبر لإسراء ، 26 سنة مبوكص شعر كحل و اللحية كحلة و مطراسية.. عندو فورما زوينة بحكم انه لاعب كرة القدم محترف في اقوى الأندية في البطولة المحلية .. من الصغر ديالو كان هادا الحلم ديالو وجاهد و ثابر باش اوصل ليه .. شخصيتو بحال ختو تقريبا الى دارو شي هدف قدام عينيهم مايرتاحو حتى اوصلو ليه .. عندو علاقة قوية مع إسراء . )
قطعت معاه و جاوبت هادوك الحلالف ديال رجاء و هشام فميساجات .. مشيت جمعت حوايجي .. و خرجت نتغدا .. من بعد مشيت طليت على هند جمعت معاها داكشي ديالها و تكلفو الناس ديال المنتجع بلي فاليز و ركبنا فالسيارة باتجاه المطار . طلعنا لطيارة و هادالمرة جلسات هند حدا آدم و أنا مقابلة معاهم .. درت السماعات فوذني و غمضت عينيا مستسلمة للنوم ..
في فيلا اليوسفي ...
هز جهاد الفون ديالو و دوز ابيل لرجاء
رجاء :ألو
جهاد : سليعفانة لاباس ؟
رجاء : شكون نتا بعدا لي كتعاير ؟ مابقيتو لقيتو فاش تلاهاو تعيطو لبنات الناس و تفلاو .. يخخ على قوم .. هاد النمرة غنديها لبوليس و ديك ساعة نوريك سليعفانة آش كتسوا .. غير ..
أنا : لا مشفتوش (من هاديك الليلة المشؤومة مبقا بان ليا .. غريبة) يالاه نخليك .
بان ليا آدم جاي و مشيت عندو ..
أنا : موسيو آدم .. شكرا على كلشي .. نخليك دابا .
آدم : العفو .. تبغي نوصلك معايا ؟
أنا : لا شكرا غيكونو كيتسناوني لداخل 😊
آدم : اوكي .. on se verra إن شاء الله
أنا : وي ماحد جامعانا الخدمة ( درت شفت فهند .. تنهدت و شفت فيه ) 😊 نخليك دابا .. باي
آدم : احمم .. باي
مشيت دغيا خديت لا فاليز ديالي خرجت كنجري و كنقلب بعينيا .. حتا كنشوف جهاد و فليفلة مناكرين
أنا : جهاااااد
رجاء : لمك بان ليك غا خوك ؟
جهاد : مشا عندها .. عنقها و تخشات فيه
أنا : توحشتك بزاف
جهاد : حتا أنا أحبيبة ..
أنا : طولتي هاد المرة .. متعاودش ديرها ..
جهاد : ههه هاني غنجلس معاك حتا نطلع ليك فراس
رجاء : أنا ألقردة جايا معاك فالطيارة ؟
أنا : أجي عندي نتي را الحب 😍 .. تلاحت عليا عنقاتني كانت غتخنقني ..
جهاد : وا براكة عليها .. قجيتيها .
رجاء : ديها فجيها ضاراك .. 😒
أنا : يالاه نمشيو .. توحشت ماما و بابا
جهاد : يالاه .
توجهو للسيارة ركبات إسراء حدى خوها و رجاء اللور .. وصلو للفيلا ديالهم .. خرجات إسراء و رجاء معانقين و جهاد هز الفاليز ديال ختو .. دخلو للدار مشات إسراء كتجري عنقات واليديها وطلعات لبيتها خدات دوش باش تحيد العيا ديال السفر ..
جهاد و رجاء جالسين لتحت فالصالة مع المدام سعيدة و السي يعقوب كيتسناو إسراء تنزل باش اتعشاو مجموعين ..
الام سعيدة : شحال هادا متجمعنا بحال هاكا .. كبرتو وولا كل واحد مقلفت فجيه ..
جهاد : اوى الواليدة مغاديش نبقاو ديما حداك .. وخا كنتوحشوك نتي و الواليد .. مي عارفين انا كلا مرا فقنت مكينش كيف ندير ..
سعيدة : عارفة اولدي غير خوات عليا الدار .. نتا كل مرة فمدينة .. و ختك تاهيا ديما مسافرة وحتى فاش كتكون مكنشوفوها غير فالليل .. كتجي غير باش تنعس ..
يعقوب : الالة واش انا ممعمرش ليك العين .. كالت ليك الدار خوات عليها !
رجاء : عندك الحق اعمي .. خالتي نتي كبرتيهم و دابا قادين بريوسهم .. اش بغيتي ديري بيهم .. ها راجلك حداك عيشو الحياة ورجعو الشباب ..
جهاد : ههه شوفلك فليفلة كتهدر ..
رجاء : هادي حناك لواه .. مالي كلت شي حاجة فيها العيب !
يعقوب : لا ابنتي كلامك كولو صحيح .. انا متيقت كبرو و هزو ريوسهم .. دابا حاجة وحدة الي باغي هي نشوفهم مستقريين فديورهم .. و تخوا عليا الدار نفارد بمراتي العزيزة بمرة .. ياك الالة سعيدة ؟
سعيدة : اويلي حشم شويا ..
جهاد : لاعنداك الوليد خود راحتك .. وحتى القاضية ديال الاستقرار .. راني دايرها فبالي .. إنشاء الله قريب هههه
سعيدة : هي اولدي نشوف ليك شي بنت الناس ؟
جهاد : لواه الواليدة .. البنت الي بغيت راه كاينة .. خاسني غير نزعم ههه ..
رجاء : هاي هاي على السيد هي قاني على شي وحدة .. ومخبي عليا ماشي حشومة عليك
جهاد : و نتي مالك شغلك !!
إسراء : (هابطة مع الدروج ) اهيا بعد ليا من صاحبتي .. متبقاش تحكر عليها ..
رجاء : علاه انا ساهلة ليه باش احكر عليا ..
الخدامة : لالة سعيدة راه العشاء موجود فوق الطبلة ..
كملو عشاهم فاجواء الضحك والنشاط .. ومشاو للصالون كيشربو القهوة و يتحتتو .. و كلا كيعاود على الجديد ديالو .. بحكم شحال هادا متجمعو .. مهم دازت ديك الأمسية غير فالضحك و التقشاب .. وصلات ديك 10 وودعاتهم رجاء .. اقتارح عليها جهاد اوصلها ورفضات ولكن جرها بلا ميتناقش معها ..
إسراء طلعات للغرفة ديالها .. راجعات البروكرام ديال هند ديال الغد وتلاحت فوق نموسيتها و ضرباتها بشخرة .
عند جهاد و رجاء ⬅
جهاد : (كيسوق و كيهدر معاها ) مازال مصاحبة مع هاداك البرهوش ؟
رجاء : أولا .. أمين ماشي برهوش را قدك فالعمر و ثانيا لا .. سالينا شحال هدا .. من مورا مامشيتي ..
جهاد : ههه و دابا ؟
رجاء : دابا شنو ؟ (كتهدر و كتشوف فالمرايا)
جهاد : كاين شي برهوش آخر تاني ؟
رجاء : (تلفتات ليه و خنزرات ) 😒 لا ..
جهاد : امم مزيان .. أحسن ليك .. هانتي ألالة وصلتي
رجاء : (يالاه بغات تحل الباب و هو يسورتو من حداه ) .. تلفتات ليه ..
جهاد : غادية بلاما تسلمي ؟
رجاء : غنبقاو غا نسلمو ؟ هاك (سلمات عليه بالوجه) ها سلامك .. وا حل ليا را بغيت نمشي نشوف تصاور سيفطاتهم ليا إسراء.
جهاد : ههه يالاه سيري 😂
نزلات بقا حاضيها حتا دخلات لدار عاد رجع فحالو .
🌟🌟🌟🌟🌟
في فيلا الإدريسي ⬅
آدم كي وصل دخل للمكتب ديالو طل على شي وراق واتصل بالشركة باش اكد على الاجتماع ديال الغد .. بخصوص الاطلاق الجديد ديال 'Swift Kids' اللي من هنا اسبوع غادي يتم اطلاقو .. كمل داكشي طلع لبيتو ضربها بتدويشة ولبس عليه سروال كري والفوق عريان .. هبط التحت تلاقا مع زياد و مجد داخلين كيكركرو ..
آدم : فين كانو بيكم ؟
زياد : فين غنكونو فنضرك .. لكلوب العشير ..
آدم : صافي تلاقيتو تاني !
زياد : والله الى لقصارة مع مجد الى شهوة منها .. مكاين غير النزاهة و التيتيز كيتشايع هههه ..
مجد : خويا على سلامتك .. تساريتي شوية ؟
زياد : ااش من تسارا راه داكشي كولو تمثيل فتمثيل .. باينة كنتي كتعاني !
(ريم ← أخت آدم الصغرى ، 22 سنة طالبة جامعية كتدرس في أرقى جامعات أمريكا ' جامعة هارفارد ' تخصص القانون حلمها تكون محامية .. هي فتاة جميلة سمراء البشرة بحال خوتها شعر أسود جسم رشيق الى شفتيها تحلف عليها مودل كيوت و عزيز عليها البساطة ..)
عشق و كبرياء الجزء الثاني
محتوى القصة
يتبع
التنقل بين الأجزاء