خرجت هزيت طوموبيل و مشيت ديريكت لدار هند .. لقيتها عاد فاقت .. لبسات و مشينا لستوديو باش تسجل أغنية جديدة .. هكا داز النهار غير فالروتين ديال الخدمة .
عند آدم ⬅
فاق بكري دوش لبس عليه سووت كحلا ( الاسود هو اللون المفضل عندو ) رش ريحتو .. و هبط شرب قهوتو وانطالق ديريكت للشركة .. كي دخل مع الباب كلشي كيلقي عليه التحية هو كيكتفي بإيماءة رأسه .. طلع في الاسنسوغ .. حل باب المكتب ديالو و هو تبان ليه فتاة ذات شعر قصير لابسة صايا قصيرة و مزيرة فالكري و تريكو فالاسود بلا كمام كتستف شي ملفات فوق المكتب ديالو .. حنحن
آدم : احم احم ..
الفتاة : ( دورات وجها و هي تصدم ) ااااا مسيو الإدريسي صباح الخير .. انا هي المساعدة الشخصية ديالك الجديدة ..
هاجر : وي مسيو .. كولشي حاضر كيتسناوك غير نتا باش يبداو الاجتماع ..
آدم : اوكي سبقي هانا جاي ..
هاجر : اوكي موسيو .. ( سدات الباب و بقات واقفة كتسترجع النفس ديالها ) ناري ااش شفت انا .. هدا انسان ولا ملاك .. تبارك الله على الفورمة و الطولة .. احح اقلبي كنت كنسمع عليه بلي بكووس و قاسح .. و لكن ماشي لهاد الدرجة .. و الصوت ياربي كيزعزع .. ناري انا طحت .. ويلي نمشي نتحرك قبل لا يخرج القاني باقا هنا ..
ادم ناض لبس لفيست ديالو و غادي جيهت قاعة الاجتماعات .. صونا ليه الفون طل عليه لقاها هند قطع عليها و طفاه .. كي دخل كلشي ناض حياوه وبداو الاجتماع الي دام تلاث ساعات .
عند هند ⬅
من بعدما سالات التسجيل ديال الاغنية الي داز كي الزفت خلات اسراء فالاستوديو ومشات ديريكت للبار .. و هي فالطريق عاودات صونات على آدم الي من الصباح و هو كيقطع عليها .. محملاتش هاد للتعامل الي دار معاها و هي اللي كالت راه غادي اتقربو من بعض بعد هاد الرحلة .. ساع تجري الرياح بما لا تشتهي السفن .. كل خططها مشات في مهب الريح .. منين مجوبهاش صونات على أسامة فرقمو الخاص باش تسولو على ادم .. الي مولف اوصل ليها اخبارو ..
أسامة : الو هند !
هند : على سلامتك منين جاوبتي ..
أسامة : مالك معصبة غير مع راسك ؟؟
هند : خليك مني .. واحد آدم فين شادها ؟ من الصباح و انا كنصوني عليه ..
أسامة : علمي علمك !
هند : كيفاش ؟؟؟؟!
أسامة : على مفخباركش ؟
أسامة : على مفخباركش ! مسيو الإدريسي جرا عليا ..
هند : ( مصدومة ) ااشنو !!!!! 😱
أسامة : يس كي سمعتي ..
هند : و شنو السبب ؟!!
أسامة : قولي شكوون السبب !
هند : اااش كتخربق ؟
أسامة : فينك نتي دابا ؟
هند : انا دابا غادا للبار المعتاد قربت نوصل ..
أسامة : اوكي .. انا نجي عندك ونعاود ليك كلشي ..
هند : واخا متعطلش عليا .. راه درني راسي ..
وصلات هند للبار فتح ليها الشيفور الباب هبطات و دخلات من الباب اللوراني .. تجنبا من الصحافة .. بعد 20 د لحق عليها اسامة كي دخل لقاها جاسة في طبلة ديال VIP و شادة كاس فايد و كارو في اليد اللوخرى .. مشا وقف عليها
أسامة : هاني الالة جلست .. بلاتي نطلبو شي كاس ( عيط علي السيرفور ) واحد كاس ويسكي ..
السيرفور : وي مسيو هي اللولى .. ( مشا )
هند : راه غادي تكول ليا ااش طاري مع آدم ولا ميعجبك حال ..
أسامة : غير تهدني انا غادي نعاود ليك كلشي ..
هند : يالاه طلقني ..
أسامة : اوى الالة فاش كنا في المالديف .. فالليلة فاش كنا سهرانين فالكلوب .. مشيت عند اسراء طلبت منها نرقصو بجوج ..
هند : ( قاطعاتو ) ااش كتخرى .. انا كنسولك على آدم و نتا كتعاود ليا على إسراء .. واش بغيتي تحمقني !؟! 😠
أسامة : و غير صبري هاني جايك للهضرة .. و مباقيش تقاطعيني .. لمهم انا طلبت منها ترقص معيا و هي وافقات .. بقينا كنرقصو اوى انا بقيت كنتقرب منها .. حيت بانت ليا عاجبها الحال شوية ضارت فيا .. انا كلت راه غير كتمتل دور الفتاة صعبة المنال .. اوى بقيت كنتقرب منها شوية طارت عليا بعضة المجعورة اللوخرى و ضرباتني فحجري حتى كانت روحي غتخرج .. انا بقيت حتى كمدتها .. منين هزيت عيني شفت موسيو الإدريسي هازك وخارجين و اسراء موراكم .. صافي انا طلعت لشومبغ ديالي .. كنت ناعس حتى كنسمع الخبيط فالباب .. قفزت من بلاستي مشيت حلييت الباب و انا نلقا موسيو الإدريسي قدامي .. كان معصب بزاف .. عمرني شفتو فديك الحالة .. حتى فاش كيتعصب على ود الخدمة مكتوصلش به لهاد الدرجة .. يالاه بغيت نسولو واش كاين شي مشكيل .. و هو يجمع معايا بواحد الكروشي .. حتى تلفات عليا القبلة .. معرفت باش تبليت .. وهو يشنق عليا من التشورت و كيسوط .. كاليا غادي تجمع قلوعك وتمشي فحالك .. وغدا دوز للشركة خود حسابك راك مطرود .. يالاه بغيت نستفسر شنو السبب .. و هو ازدحني مع الحيط كاليا غادي تغبر من قدامي والا غادي يجيو ميلقاو ميجمعو فيك .. و قالي مبقيش نشوف حسك في الشركة ولا كضور بشي حد من المعارف ديالي ..
.. انا الصراحة تخلعت .. ومفهمتش علاش دار هاكا .. مبقيتش زدت حرف واحد حدرت راسي .. تم خارج و هو ادور وقالي بنبرة كتخلع ' باقي نشوفك كضور بساحتها منعقلش عليك ' منين خرج جمعت حوايجي و خرجت فحالي .. وانا فالطريق بقيت كنفكر شكون هادي الي هضر عليها . وهي تجي ليا فبالي .. اااه كيهضر على إسراء !! دبا انا ضربني و طردني على قبل الماندجر ديالك ..
هند : ااش كتخرف نتا ااش بينو وبينها حتى يدير هاكا .. شووف ااش درتي ليه .. كاليك على قبل اسراء ههه .. هبلتي نتا ولا مالك ..
أسامة : اوى منين ماشي على قبلها .. ادن علامن ها ؟! راه باينة .. اصلا هو كيتعامل معها فشكل ماشي بحال كي كيتعامل مع باقي البنات .. و ديما كنشوفو كيدير فيها شي شوفات فشكل !
أسامة : انا غير كلت ليك .. باش ديري حدرك منها .. السيدة قافزة .. و بحال والو طير ليك به !
هند : إسراء انا كنعرفها معندهاش مع داكشي ديال المشاعر .. وهي اخر حاجة كتخمم فيها هاد الساعة هي تكون فعلاقة ..
أسامة : انا داكشي الي بان ليا كلتو ليك .. اوى الى متيقتيش غادي تجي الأيام وتاكدي .. يالاه نخليك خاصني نمشي .. المشروب على حسابك ياك .. راني عاطل عن العمل ههه ..
هند : اويلي هادا اش كيكول .. آدم مستحيل اطرد المساعد ديالو على قبل وحدة كاع مكيعرفها مزيان .. وهوما اصلا شافو بعضياتهم شي جوج مرات .. هاد الزمر باينة كيخربق وبغا احمقني معاه .. و لكن خاصني نتاكد .. اي حاجة نسمح فيها الا ادم .. هو ديالي و منبغيش الدبانة تزنزن حداه .. الصباح نتفاهم مع لالاهم اسراء .. ونشوف هاد الحريرة منين خرجات ليا !!
ناضت كتمايل حينت كانت شبه سكرانة .. جا الشيفور عونها حتى ركبات .. وصلها للفيلا ديالها .. دخلات مشات ديريكت البيت ديالها وطاحت نعسات ..
عند إسراء ⬅
اصبح الصباح .. فقت كيما العادة بكري نضت درت الروتين ديالي الصباحي .. بعدما لبست عليا و صايبت شعري و المايك اب .. نزلت لقيت ماما و بابا كيفطرو سلمت عليهم خديت عاصير الليمون شربتو و انا واقفة .. ماما و بابا عياو معيا نجلس نفطر مي انا معنديش لوقت باش نفطر على راحتي .. هادي هي حالتي كل صباح .. خرجت خديت سيارتي وتوجهت ديريكت لعند هند .. بعد 30 دق وصلت .. كي دخلت مع الباب بعد ما فتحات ليا الخدامة .. تميت غادا جيهت الدروج نفيقها .. كيف العادة غتكون شربات و صبحات ناعسة .. وانا غادة كنسمع شي حد كيعيط باسمي .. تلفت و انا نلقا هند كالسة في الطابلة كتفطر .. لعجب فاقت بوحدها فهاد الوقيتة !!! مشيت لعندها ..
إسراء : صباح الخير هند ..
هند : آش بينك و بين آدم ؟
إسراء : بيناتنا نتي .. آش هاد السؤال على صباح ؟
هند : دابا جاوبيني بلا فهامات ... آش بينك و بينو حتا يطرد المساعد الشخصي ديالو بسبابك نتي ؟
إسراء : آش كتخربقي ؟ شكون لي تطرد ؟
هند : زعما مافخبارك والو ؟ أسامة ألالة كلا العصا و خرج من الخدمة و نتي سباب ...
إسراء : واش حماقيتي ؟ هو الا تطرد من خدمتو را دار علاش ... أنا آش دخلني فهادشي .. و زايدون نتي عارفة بلي أنا معندي مندير بشي علاقات و مبعدة راسي عليهم ... دابا نوضي نخدمو و باراكة من الهضرة الخاوية .
هند : امم .. اوكي .
دوزت نهار كامل على أعصابي .. أعدى حاجة عندي هي تجي شي حاجة توتر ليا مسار الخدمة ديالي لي أساسها الثقة .. كيفاش سمح لنفسو يدير حاجة بحال هادي مشكيتش عليه ... ضروري خاص نهضر معاه اليوم قبل من غدا ..
ساليت الخدمة مع هند فالعشية و هزيت طوموبيلتي و كسيريت نيشان لسويفت .. سولت فالاستقبال قالو لي كاين فالمكتب و طلعت فالدروج بالفقسة لي فيا محسيتش بيهم .. كيف وصلت تلقات ليا واحد خيتي كطلع و تنزل غا بوحدها
البنت : شكون بغيتي أختي ..
أنا : (بقيتي لي غير نتي دابا ) بغيت نشوف موسيو الإدريسي
أنا : مكاينش لاش نجلس (هو جمع الضحكة) ...(كنغوت) أسامة علاش طردتيه ؟ واش أنا شكيت عليك ؟ من ديما صابرة على المرض ديالو و نهار قرب ليا را وريتو حسابو .. ممحتاجاكش سمعتي ؟ بأشمن صفة ضربتيه ؟
آدم : واش كتسمعي راسك آش كتقولي ؟
آدم : واش كتسمعي راسك آش كتقولي ؟ ماكانش عند بالي نتي مغرورة براسك لهاد الدرجة .. شكون نتي كاع لي غنطرد المساعد ديالي على قبلك .. و كيما قلتي نتي بصفتك شكون .. نتي فقط ماناجر ديال ارتيست خدامة معايا .. فقط (نطق كل حرف بوحدو) ...
أنا : (هدرتو صدماتني .. متوقعتش هدرتو تكون قاصحة معايا لهاد الدرجة) ... نكون أنا السبب ولا منكونش مكيهمنيش .. و نتا مكتهمنيش .. الخدمة ديالي هي حياتي سمعتي ؟ قاد أمورك نتا و "خطيبتك" ماشي تخليها تجي تغوت عليا أنا و توتر عليا أجواء الخدمة ... صداعكم خلوه بيناتكم مدخلونيش ..
قلت هاد جوج كلمات و خرجت بعد ما ردخت عليه الباب .. لقيت هاديك خيتي واقفا حدا الباب كتصنت ضربت فيها و نزلت كنجري .. ركبت فطوموبيلتي و شديت طريق البحر.
عند آدم ⬅
كنت كالس مقابل الخدمة .. لي مزيراني هاد الاسبوع .. شوية كنسمع الغوات برا المكتب .. وبعدها دخلات اسراء وموراها هاجر .. كانت كتبان معصبة بلا قياس .. طلبت من الاسيستن ديالى تخرج .. طلبت منها تجلس وخا مامساليش وغارق بالخدمة .. شوية و هي تبدى تغوت و تخاصم .. كالت ليك علاش نطرد أسامة على قبلها .. على ااش كيسحاب لها راسها ! هادشي لي درت كنت نديرو مع اي وحدة لتعرضات للاساءة .. بقات كتغوت حتى تعصبت وبقينا مني منك .. كالت داكشي لي بغات وخرجات ردخات الباب .. خلاتني باقي مكملتش هدرتي .. أعدى حاجة عندي هي بنادم يتجاهلني و يخليني كنهدر و يزيد .. صافي وصلات فيا فين بغات .. كنت غادي نلحق عليها نوريها هاد قلت الاداب بشحال كتقام .. ولكن تراجعت حين فاش كنكون معصب مكنعقل على حد .. كلست حتى تكالميت واستانفت الخدمة .. ونتي أ الآنسة إسراء من بعد نتفاهمو على هاد النفخة و الغرور الي فيك ..
🌟🌟🌟🌟🌟🌟
بعد مرور أسبوع ..
رجاء : نوووضي باراكة من نعاس ..
أنا : وا بعدي مني .. اليوم ماخداماش بغيت نعس أ عباد الله ..
رجاء : (جرات عليا الغطا) وا تكعدي اليوم را معروضين
أنا : (حليت عيني و شفت فيها) فين ؟
رجاء : دابا حليتي عينيك أشنيولة .. و الله منقول ليك حتا تغسلي وجهك .. 😛
أنا : يخخ منين تسلطتي عليا هاني فقت .. (مشيت دخلت الحمام غسلت وجهي قضيت حاجتي و خرجت جلست حداها) يالاه قولي .
رجاء : آش واقع معاك ؟ غا سمعتي سويفت و تبدل لونك ياكما دايرا شي مصيبة ؟
أنا : ناري باينة لهاد الدرجة ؟ 😶
رجاء : لمك معاودتي ليا والو ... قولي آش كاين
أنا : اوكي سمعي و خليني تنكمل عاد هضري .. دابا فاش كنا فالمالديف ....... ( عاودت ليها كلشي بالتفصيل ) و ردخت عليه الباب و خرجت 😶 صافي غير هادشي
رجاء : غيير هادشي ؟ نتي مخليتي فيه غير لي نسيتي ... السيد عاونك داوا ليك مكافشك و دخلك من الزنقة و وصلك و نتي غادية تسممي فيه .. واش عندك الوجه علاش تحشمي ولا معندكش ؟
أنا : واش أنا لخاطري ؟ را كنت معصبة و زايدون حتا هو مخلاش من حقو قال شي هضرة معمرني نساها ..
رجاء : اليوم خاص تمشي تعتاذري
أنا : شناهوا ؟ واخا يبقى غير هوا و الله لا سمعها من عندي .. غنمشي غير باش ميسحابش ليه باقي فيا الحال عليه و لاشي حاجة بحال هكا ..
هبطات رجاء لتحت وشوية و هي تخلط عليها اسراء .. خرجو و ركبو فالوطو ديال اسراء .. ديريكت لبيوتي سنطر .. وصلو ودخلو نيشان .. كلشي كيعرفهم تماك حنت زبائن معروفيين .. دارو بالحالة المساج لسوان للوجه وقادو الشعر والمايك اب .. اسراء دارت مكياج بسيط كيبرز ملامحها الجميلة ..وشعرها دارتو سامبل
اما رجاء المكياج ديالها كان اكتر جرءة ولكن ماشي مبالغ فيه .. لبستيك ماط مغلوق .. شعرها حتاهيا قاداتو سامبل .. البساطة احلى .. من بعد مكملو رجعو للفيلا طلعو لبيت إسراء يلبسو عليهم .. اسراء لبسات جامب سووت سوداء بلا كتاف مع حقيبة و كعب عالي في الاسود كذلك .. بالنسبة لرجاء فهي لبسات جيب بيضاء عالية الخصر مع كروب توب فالاسود .. دارو اللمسات الأخيرة و هبطو مع الدروج لقاو جهاد واجد كيتسنا فيهم .. كان لابس سروال اسود مع تريكو كري وكويرة كحلا .. لبس داكشي كاجوال ..
الكلوب كان عامر بالناس غير شكون و شكون .. المشاهير و الإعلاميين .. كل مجموعة واقفة على طبلة و المشروبات غير كيتشايرو .. كلشي كيضحك و ناشط .. وقفنا فطبلة و بقينا كندورو فعينينا ..
رجاء : 😱 سعد المجرد هاداك ؟
جهاد : هاداك الكانيش حتاهو كيعجبك ؟ 😒
إسراء : كلشي كيعجبها 😂😂
رجاء : سكتونا .. ناااري الدنيا زاهيا بالمشاهير ...
جهاد : أنا لي حداك معجبتكش ؟
رجاء : (تلفتات ليه ) اممم .. مابيكش و لكن طالع ليا فراس نتا
أسراء : (غتموت بالفقصة .. محملاتش تحط فهاداك الموقف و لكن صبرات ماقالت والو باش متحرجش خوها)
جهاد : (كلامو موجه لرجاء) حبيبة ديالي تسمحي ليا بهاد الرقصة ؟ (جرها و مشاو قبل متجاوب)
بداو كيشطحو وسط الناس .. و هو حاط ايديه على خصرها ..
رجاء : كتعرف تمثل مع راسك .. دغيا وليت حبيبة
جهاد : ههه الا بغيتي نقلبوها صح أنا موجود 😂
رجاء : (كتعوج فيه) هاهاها أنا موجود 😒
جهاد : ههه سكتي خلينا نشطحو فخاطرنا ..
مشاو هادوك الجوج و خلاوني مع هند و آدم بوحدي .. محملتش راسي .. يالاه كنت غنمشي فحالي حتا وقف علينا واحد الضخامة .. تسالم مع آدم بجهالة .. قول غا تساطحو ماشي تسالمو .. و وقف معانا ..
زياد : حاشااا .. و أنا نقدر ؟ .. نعرفكم إسراء ماناجر ديال هند
أنا : أهلا .. سلمت عليهم
ريم : متشرفين أنا ريم و هدا مجد خوت هاد السيد
أنا : تلفت لآدم .. لقيتو حاضينا .. و هند شادا فيه شدة العما فالظلمة ..
مجد : هند .. اجي نشطحو هادو جابو ليا الملل .. (غمز آدم😉) .. مشات معاه و تلفت زياد عند ريم .. طلب منها ترقص معاه و حتا هما مشاو .. بقيت غير أنا و آدم الراس فالراس ..
أنا : 👀 .. احم .. بون نخليك دابا .. و درت غاديا
آدم : الدعوة ديالك رجعات ..
أنا : (وقفت تسمرت فبلاصتي) .. (خديت نفس و تلفت عندو) .. وي أنا لي سيفطها
آدم : يعني مكنتيش غتجي .. علاش بدلتي رأيك ؟
أنا : كيف كتشوف جيت مع خويا .. هو لي بغا نجي معاه .. و زيدون معنديش علاش نفسر ليك ..
آدم : امم يعني جهاد اليوسفي خوك ..
أنا : وي خويا ..
ريم : 😱😱 جهاد اليوسفي خوك ؟😍😍
أنا : اه علاش ؟
آدم : 😑
ريم : نوو واااااي عافاك عرفيني عليه ... كنتسطى عليه .. أنا أكبر فان ديالو .. عرفتي فينما كان شي ماتش ديالو كنمشي نتفرج 😍😍
أنا : ههه واخا أحبيبة يجي نعرفك عليه
زياد : شكون هدا ؟ 😒
ريم : عرفتي شكون هنا .. جهاد .. جهاد لي ديما كنقوليكم عليه 😍😍
أنا : هاهوا جاي .. (تلفتو ليه كاملين)
ريم : 😍 (مشات وقفات حدا إسراء)
أنا : جهاد أجي بغيت نعرفك على واحد البنت
رجاء : و أنا متعرفينيش عليها ؟
أنا : هه أجي حتا نتي .. كنقدم ليكم ريم الإدريسي .. قال لك أسيدي فان ديالك
جهاد : متشرفين (عطاها ايدو بغا يسلم عليها تلاحت عليه عنقاتو)
رجاء : موسيو الإدريسي .. واخا ؟ (دفعات إسراء جيهتو و جرات جهاد و مشات )
آدم : (مد ليا ايدو) تسمحيلي ؟
أنا : (بقيت كنشوف ف ايدو ممدودة ليا .. و عطيتو ايدي ) واخا
تقدمنا وسط القاعة وقف .. قربني ليه و حط ايدو على خصري .. و هز ايدي حطها على كتفو .. كانت الموسيقى هادئة و التوتر غلب عليا .. بقيت حادرة عينيا مقدرتش نهزهم .. خصوصا و أنا كنحس بعينيه عليا ..
آدم : شفتك معضيتينيش كيف درتي لهاداك ؟
أنا : (حاولت نحبس الضحكة و لكن غلباتني) هههه ميسحابليش كنتي كتفرج 😂😂
آدم : سمحيليا على الكلام لي قلت هداك النهار .. تقال فلحظة غضب .
أنا : (هزيت عيني فيه بصدمة .. متوقعتوش يعتذر مني ) ح ..حتا أنا ..
آدم : حتا نتي شنو ؟
أنا : بغيت نقول زعما .. حتا أنا كنعتاذر .. ماكانش عليا نتصرف بهاديك الطريقة
آدم : هي مخداماش معايا شخصيا و لكن من خلال داكشي لي شفت .. هند متلقاش بحالها ..
رجاء : وايييه خاص غير هاد هند تفيق خلاص
آدم : نعام ؟
رجاء : قلت ليك منديروش شي partenariat ؟ أنا عندي شين يوتوب و ناجحة الحمدلله ..
آدم : ههه نفكر فالموضوع و نجاوبك .
كملات الأغنية و رجعو كاملين للطبلة لي تلاقاو فيها ..
جهاد : كانت أمسية زوينة .. تشرفت بمعرفتكم
رجاء : (كتهضر ليه فودنو) صواب كيقطر ليك من الودينات
ريم : حتا أنا .. شكرا بزاف و سمحليا درت ليك الضجيج
زياد : مزيان ملي فهمتي راسك
جهاد : ههه لا ماشي مشكيل ..
ريم : إسراء .. عطيني نيم ديالك باش نبقاو على اتصال
رجاء : هااااا لي مبغيناش
جهاد : سكتي شوية .. 😂
إسراء : واخا أحبيبة هاهي ..
رجاء : يعطيك حبة فالقز*بة يالفركة تنبقاو بوحدنا
جهاد (كيعنقها و كيخنقها بلعاني باش تسكت) : يالاه نخليوكم ... good night
توادعو و جر جهاد رجاء تبعاتهم إسراء و خرجو .. ركبو فاللوطو و شدو طريق لدار .
رجاء : مزيان تبارك الله .. كون جبتيها هي معاك و خليتيني أنا 😠
أنا : صافي أصاحبتي مالكي مغيارة بلا قياس .. لبنت بغات نمرة نقول ليها لا ؟
جهاد : ههه غير حشمات تاخد نيم ديالي و خدات ديال إسراء
رجاء : مزييينك ... عاجبك الحال 😒
جهاد : علاش ميعجبنيش ؟ 😉
رجاء : جنس ناقص
أنا : هههه (تلاحيت عليها ببوسة) نتي راك حبيبتي ... 😍😘
رجاء : امم حزريني حزريني ..
كملنا طريقنا .. وصلنا رجاء لدارهم و كملنا لدار .. كيف دخلت طلعت لبيتي و تلاحيت فوق سريري .. اللحظة لي طولنا فيها الشوفة مبغاتش تحيد من بالي .. اويلي أ اسراء الله اهديك .. حيدت عليا هاد الافكار و بقيت شحال مسرحة مكندير والو .. من بعد دخلت لحمام دوشت و مشيت ديريكت نعست بلا عشا .
عند آدم ⬅
راجعين من الحفل آدم هو و زياد في اللوطو و مجد و ريم موراهم فاللوطو الاخرى ..
زياد : شتي ديك البرهوشة بغات طير .. شافت الدري تلفات .. كل ساعة تبربص حداه ..
آدم : ( ساهي ) ..
زياد : و بنادم معاك داوي !! فين مشيتي ؟!
آدم : ها .. لا مامشيت فين .. اش كلتي ؟
زياد : لا نتا معجبتنيش .. مالك وليتي غا ساهي ما موالفاش ليك !
آدم : ما ساهي والو غير كيبان ليك ..
زياد : ماعليناش .. كلت ليك شفتي الاخت ديالك غير كتبربص على خو اسراء !
آدم : ( بابتسامة ) ااه إسراااء ..
زياد : وايلي .. من هادشي كامل الي كلت سمعتي غير إسراء !!! لا نتا كتبان ليا بحال الى طحتي على وجهك هههه ..
ادم : ااش كتخرا .. ااش من طايح و لا مزمر !
زياد : اوا مالك كتهضر عليها وكتفرنس .. و قبيلا شتك منساجم مع الدانس كاع مسخيتي .. كن ما قاطعكم خوها .. كن بقيتو الليل كامل ههه ..
ادم : لا عادي اصاحبي .. وداكشي الي فبالك مامنو والو .. و قلب عليا دبا ..
زياد : اوا الله اجعلني نتيق هههه ..
من بعد ما وصلو للفيلا ديال الادريسي زياد توادع معاهم و خدا سيارتو و مشا لدارو .. اما الاخوة الثلاث كلها طلع لبيتو ..
🌟 🌟 🌟 🌟 🌟
بعد يومين في فيلا اليوسفي ..
إسراء : جهاااااد
جهاد : (دخل عندها البيت ) ياك لاباس ؟
إسراء : ايميل ديالك آش كيدير عندي ؟
جهاد : ههه علا مفخباركش .. ختي حبيبتي ولات الماناجر ديالي في المغرب ؟ 😂
أنا : هاد ساعة فدارنا .. هند خدات كونجي .. حتا قلت غنرتاح جهاد خرج ليا خدمة جديدة
هشام : ههه الكوايري هنا ؟
أنا : نتا ديما آخر من يعلم .. المهم متغبرش و نتشاوفو عن قريب إن شاء الله.
هشام : اوكي take care
من بعد ما قطعت مع هشام .. جلست كنخمم دابا انا مكتاب ليا نبقى كل ساعة مناطحة مع ميستر ادم .. هو الصراحة في الاول مكانش عندي معاه كنت كنبغضو .. على مكان كيبان ليا مغرور حاس براسو بزاف .. مي دابا اكتاشفت بلي انطباعي عليه كان خاطئ .. واقلة حينت كان تعاملو مع هند بارد اسحابلي داير هكاك مع كلشي .. و لكن دابا كنشوفو من منضور آخر .. He's alright ..
في الشركة ⬅
جالس آدم في المكتب ديالو حتى دخلات عليه هاجر ..
هاجر : موسيو آدم .. راه تواصلنا مع ميستر جهاد .. ارسلت ليه باش اجي عندك للشركة ..
رجع آدم مركز مع الخدمة .. و هاجر مشات المكتب ديالها خدامة و مرة مرة كتسها و صورة آدم كتجي قدام عنيها .. ممتيقاش بلي مواصفات رجل احلامها كتواجد فالمدير ديالها لا مناحية الشكل و الشخصية .. ودبا هي فجنبو وكتشوفو يوميا .. قلبها بغا يخرج من بلاصتو بالفرحة .. وهي فوسط تخيلاتها هزات راسها وهي تبان ليها فتاة رشيقة و طويلة هازا معها Pet (كليب ديالها) وغادة جيهة مكتب آدم .. شافتها و هي تقفز و تمات خارجة .. مشات وقفات فطريقها ..
هاجر : حبيبة فين مدرمة ؟! (شافت في السكريتيرة) ونتي ااش هاد الخدمة العوجة .. الي جا تخليه ادخل .. مفخباركش موسيو الإدريسي مشغول ..
السكريتيرة : ولكن ..
هاجر : ( قاطعاتها ) .. آش الي ولكن .. الي فخباري موسيو الإدريسي ما كيتسنى حد .. معندوش مواعيد هاد النهار ..
آدم : جهاد لاعب كرة قدم واعد .. حقق انجازات وشهرة فوقت وجيز .. بدا من القاع اوصل بفضل الموهبة و المجهود ديالو .. كان كيلعب في البطولة المحلية ومؤخرا وصل للاحترافية .. وولا لاعب رسمي في الدوري الإنجليزي الممتاز .. هو قدوة للشباب المغاربة الي عندهوم طموح اوصلو ..
ريم : هادشي كلشي الي قلتي راني عارفاه .. راني من الفانز ديالو كنعرف عليه كلشي .. ولكن الي بغيت نعرف هو اش كيدير عندك بروفايل تاعو ؟!
آدم : هو رياضي و حنا عندنا براند ديال الملابس الرياضية .. فنضرك لاش بغيتو 😏؟
عشق و كبرياء الجزء الثالث
محتوى القصة
التنقل بين الأجزاء