كي وصلت حطيت السيارة في الباركينغ وخديت نفس عميق وطلعت مع الدروج .. ما وصلت حتا كنت غنغيب .. اتاجهت جيهت المكتب ديال آدم .. شوية و هي تبان ليا ديك المساعدة ديالو .. يخخ ماحملتها ماقبلتها .. كتعوج غير بوحدها .. كانت حتى هي غادا جيهت المكتب .. وصلنا بجوج حدا الباب ..
إسراء : هاااي ..
هاجر : (تلفتات فيا و هي تخنزر) اهلا آنسة ..
إسراء : (عرفتها عارفة سميتي .. حينت فاش كونت كنجي مع جهاد تلاقيتها شي جوج مرات وهضرنا .. مي دارت هاكا باش طيح مني .. زعما ماعقلاتش) .. اسرااااء
ادم : باي (خرجات مع الباب) منين خرج هاد هشام تاني ؟!! افففف ..
من بعد ماخرجت من عند آدم .. مشيت ديريكت للدار تغديت مع ماما و بابا .. و طلعت خديت دوش و بدلت حوايجي .. لبست جينز طالع و شوميزة بيضاء مع حقيبة فليموني و صندالة ماغون .. قاديت شعري سامبل و مايك اب خفيف كيف العادة .. يلاه غادا نزل سمعت لفون ديالي كيصوني كانت رجاء .. جاوبتها
إسراء : الوو ..
رجاء : خرجي يالعوجة خلاص راه حنا على برا ..
إسراء : مالنا على المعيور هانا جايا القزمة ..
رجاء : حاشاك .. على شحال بيني و بينك بسالمة .. 5 سنتيم !!
هبت الشانطة ديالي و توادعت مع والديا .. خرجت بانت ليا اللوطو ديال هشام من نوع جييب .. حينت قررنا نديرو Road Trip والوجهة الشمال ..
إسراء : هاي حبايبي ..
رجاء : على سلامتنا منين خرجتي ..
هشام : ( عنق إسراء) هاي الزين توحشتك ..
إسراء : حتى انا و الله ..
هشام : (شاف فرجاء) انتي مالكي شاعلة بوحدك ..
رجاء : وهي الي تعطلات ..
هشام : ونتي بالسلامة لا .. راه نص ساعة و انا كنتسنا فيك باش تخرجي .. وجالسة تعايبي عليها .. يلاه طلعو باش نتحركو ..
خدا هشام الشانطة من عند اسراء .. دارها فلكوفر .. إسراء جلسات القدام و رجاء في الخلف حينت هي و هشام كي المش و الفار غيبقاو اتناكرو الطريق كاملة .. و تجنبا لاي حوادث إسراء طلعات القدام .. ركب هشام حتى هو و ديمارا .. طركو سوبير ماركت خداو سناكس شيبس شوكولا إلى اخره باش اتلهاو في الطريق .. غاديين و طالقين الميوزيك على حر جهدها .. و ناشطين مرة اضحكو مرة اتناكرو .. دازو ساعات وقفو فشي محطة كانو فيها مطاعم .. تغداو خداو سيلفيز .. و رجعو شدو الطريق .. بعد عدة ساعات و صلو لشفشاون .. مشاو لاوطيل و خداو جوج غرف و حدة لهشام و الاوخرى للبنات ..
طلعو و حطو حوايجهم .. هشام مشا للغرفة ديالو .. خدا دوش و بدل هز البيسي و كيقلب على الأماكن السياحية و الخلابة الي كتميز بها هاد المدينة .. باش اعرف ااش الي غيسبقو .. اما البنات من بعد مادوشو حتى هوما .. تلاحو بجوج فوق الناموسية بالبنوارات ديالهم .. كاليك ياخدو قيلولة من العيا ديال الطريق .. مشات بيهم عينيهم .. من بعد ساعة سمعو الدقان .. ناضت إسراء كتجبد فتحات الباب ..
هشام : متقوليش ليا كنتو ناعسين !!
إسراء ( كتفوه ) ااه راه عيينا ..
هشام : الله امسخك كنتي جايا ماراتون .. انا الي كنت سايك ماقلتها .. نوضو تحركو راه معندناش الوقت و شلا بلايص خصنا نمشيو ليهم ..
إسراء : وخا .. هانا نمشي نلبس ونفيق ديك المعزة ..
هشام : يالاه سربي راسك .. اتلقاوني في الريسطو لتحت .. نص ساعه تكونو عندي ..
إسراء : اوكي ..
مشا هشام ودخلات إسراء كتفيق فرجاء .. الي بحرا مناضت ليها لبسو عليهم و دارو بالحالة .. نزلو لعند هشام لقاوه مجمع مع واحد جوج بنات .. و عاطينها للضحك ..
رجاء : شوفي ليك داك المكوفر .. مكيفلت حتى وحدة .. و دابا مدور بيه جوج كاع ههه ..
إسراء : ههه .. ااش بان ليك نخسرو ليه لبلان ؟
رجاء : هي الي متعاود ..
اتاجهو عندو للطبلة فين جالس .. نطقات رجاء ..
رجاء : ياك اولد الحرام .. مخليني في الشومبغ لفوق .. و جالس مقصر ليا مع راسك هنا .. مزيااان
دوك البنات جمعو الوقفة .. خنزرو فيه و زادو مع الطريق .. و انا و رجاء تفرشخنا بالضحك ..
هشام : اوا الله امسخكم .. من الصباح و انا نتبت فيها .. جيتو خربتوها عليا ..
رجاء : نوض جمع قلاوعك .. براكة مضحك على بنات الناس ..
هشام : ياك لمك .. كي بنت ليك انا .. راه هوما كانو جالسين و كيتلفتو ليا و اضحكو .. اوا مشيت سلمت عليهم .. قلت ندير الصواب .. عرفتهم براسي غير سمعو بلي انا منتج موسيقي .. و هما اعرضو عليا باش نجلس معاهم .. و انا مكنتش من العاكزين .. قلت نجرب المنتوج الشمالي ههه ..
إسراء : ماشي حشومة عليك .. كتستاغل الخدمة ديالك باش تجر البنات ..
هشام : الله يهديك ا إسراء .. راه حتى هي بغات تستاغلني .. قالت ليك من شحال هادا و هي بغا تكون مغنية .. و بغاتني نلقا ليها شي شركة تعاقد معاها ..
رجاء : يعطيك كيا .. نوض تكعد .. ونتا مقابل ليا ليا غير البنات البنات .. ناري على مكبوت ..
هشام : هاا عاودي ااش قلتي .. مسمعتش ديك اللخرة ..
رجاء : قلت ليك .. راك غير م ( سدات ليها إسراء فمها)
إسراء : بليز لما هنيونا .. زيدو نتحركو ..
خرجو من الاوطيل وركبو في اللوطو .. مشاو كيدورو زارو بزاف ديال البلايص .. ت كالعادة لابد من السلفيز .. و صل الليل مشاو لواحد الريسطو معروف تماك تعشاو .. و رجعو للاوطيل طلعو للغرف ديالهم دوشو و بدلو و تلاحو نعسو .. مع العيا معقلوش على ريوسهم
في الصباح فاق هشام و صونا على لبنات باش انوضو اوجدو ريوسهم .. حينت غير غيفطرو غادي اشدو الطريق لطنجة .. داكشي الي دارو ناضت إسراء خدات دوش كملات و خرجات عاد دخلات رجاء حتى هي .. إسراء لبسات جينز مقطع مع طوب بيضاء طايح ليها الكتاف و ساك صغير
دارت المايك اب خفيف كي كتبغيه و طلقات شعرها .. اما رجاء لبسات جينز مع تيشرت اسود و تشووكر .. دارت مكياج غامق على إسراء .. اصلا هادا هو ستيلها .. جمعو حوايجهم و خرجو لقاو هشام حتى هو يلاه خارج .. هبطو و مشاو لريسبشين خلصو و خرجو .. خدا هشام السيارة من عند البالي .. ركبو مشاو فطرو فمطعم فالهواء الطلق .. من بعد ماكملو شدو الطريق لطنجة .. بعد مدة وصلو و اتجهو للاوطيل الي حجزو فيه اونلاين .. باش احطو حوايجهم و ارتاحو .. عاد اخرجو ادورو .. داكشي الي كان و صلو طلعو كيف العادة خداو جوج غرف .. كلا مشا بدل .. هاد المرة مضيعوش الوقت .. خرجو تاني و اقتارح عليهم هشام امشيو لشي ريسطو حدى البحر تما فين اتغداو .. داكشي الي دارو .. من بعد ما كلاو هبطو للشاطئ كيتماشاو مجمعين وضاحكين .. و كيتدكرو ايام الرحلات و الخرجات الي كانو كيديرو .. حينت مؤخرا كل واحد فيهم تشغل و مبقاوش كيسافرو مع بعض كيف الاول ..
هشام : البنات والله مكرهت شي عوما ..
رجاء : اوى سير عوم حنا مالنا ..
هشام : إسراء ااش بان ليك ؟
إسراء : اويلي .. حنا ما عوالين على عومان .. و مجبناش معنا مايووات ..
هشام : ( كيحيد التيشورت ) و غير زيدو عومو بحوايجكم ..
رجاء : نو نو .. هبلتي نتا !
هشام : الي بان ليكم .. هانا مشيت ..
تم غادي و كيتعنكر بدوك العضلات و البنت الي شافتو كتبقى تحنزز فيه .. دخل كيعوم و إسراء و رجاء جلسو فالرملة كيتفرجو فيه و كيضحكو .. شوية تم خارج و كيشوف فيهم شوفة شيطانية .. البنات جمعو الوقفة و كيشوفو فيه و يشوفو فبعضياتهم .. فهمو اش كيضور ليه فراسو .. هزو سبرديلاتهم وطلقو ر جليهم لرييح .. حتا هوا بقا تابعهم كيجري حتى لحق عليهم ..
شد رجاء الي كانت الاقرب ليه و عنقها باش افزكها .. و هي كتغوط وتنتر ليه .. إسراء منين شافتو شد رجاء و قفات كتلتاقط انفاسها .. هو طلق من رجاء وغفل إسراء محسات بيه حتى وصل عندها .. حتى هي شنق عليها و عنقها وميت بالضحك .. فزك ليهم حوايجهم و هما شبعو فيه معيار و ضرب .. شوية و هي تبدا تغرب الشمس .. و قفو بتلاثة كيتاملو داك المنضر الي كتر من رائع .. شوية جمعو الوقفة اتجهو للوطو ومشاو للاوطيل ارتاحو .. و هما في الطريق هشام جاه اتصال من عند واحد صاحبو ساكن فطنجة .. اقتارح عليه اتلاقاو فالليل و دار معاه اجي عندو لواحد لكلوب .. هشام خبرو بلي معاه البنات .. صاحبو اصر عليه اجيبهم معاه .. كمل معاه و قطع وقال للبنات ااش كاين .. حتا هما معارضوش اصلا مبغاوش ابقاو جالسين غير فالاوطيل .. كي و صلو طلعو و كلا واحد دخل خدا دوش .. ارتاحو شوية و ناضو اوجدو ريوسهم .. حينت قال ليهم هشام من هنا ساعة غادي امشيو ..
سراء لبسات فستان اسود فوق الركبة و مشبك من جيهت الصدر .. جاها سيكسي مع الفورمة ديالها .. شعرها دارتو مموج شوية و رداتو جنب .. و المايك اب كان هاد المرة اكتر جرأة .. دارت ايلاينير بطريقة احترافية و عكر ماط مغلوق جاها زوين .. اما الاكسسوارات اكتفت بخاتم و ساعة في الفضي .. رجاء لبسات جيب و كروب توب فالاسود طايح من الكتاف .. شعرها دارتلو بروشينغ و جمعاتو لفوق بطريقة عشوائية .. جاها سامبل و زوين .. المايك اب ركزات على عنيها مسكارا و ايلاينير و دارت لبستيك نود .. سمعو الدقان هزو تيليفوناتهم و سيكانهم و خرجو عند هشام الي كان لابس كاجوال جينز كحل مع تيشرت بيض و كويرة كحلا .. بقا كيتعنب عليهم و شكر اطلالتهم وفرحان حينت مرافقينو جوج تيتيزات كل وحدة شادا فيه من جهة (كيتخايل راسو كازانوفا صافي) ..
ركبو فاللوطو واتجهو لاشهر كلوب فطنجة .
ركبو فاللوطو واتجهو لاشهر كلوب فطنجة .. بعد نص ساعة وصلو .. كي هبطو بداو كيسمعو الزديح و الأضواء خارجين من الباب .. دخلو مع الباب كتبان ليهم الدنيا عامرة .. مكاين غير العرا والناس ناشطة شي كيشطح شي كيشرب كلا وفين شادها .. هشام بقا كيقلب بعنيه حتى بان ليه صاحبو كيشير ليه من واحد الطبلة .. محاوط البنات باديه و اتاجهو للطبلة كانت معزولة فواحد القنط هادئ شوية .. وصلو عندهم كان صاحب هشام و معاه جوج دراري اخرين .. هشام تعانق مع صاحبو و الدراري لوخرين .. والبنات تسالمو معاهم باليد من بعد ما عرفهم هشام على بعضهم .. جلسو كاملين جا السيرفور خدا طلباتهم .. الدراري خداو مشروب و البنات خداو مشروبات بدون كحول ..
في طبلة اخرى ديال VIP جالس شخص مع جوج رجال اخريين الي شادين الهدرة .. و داك الشخص الي معاهم مرفوع و كيشوف فالطبلة الي قبالتو ..
عند آدم ←
داك النهار كنت فالمكتب خدام حتا دخلات عندي إسراء .. منين كنشوفها كنحس باحساس غريب .. بحالة بغيتها تبقى قدامي نبقى غير نشوف فيها .. هادشي معرفتوش منين جا .. ! و علاش كنحس هاكا .. دخلات و خبراتني بعدم حضور خوها و بلي حتى هي مغاديش تكون حينت مسافرة .. معجبنيش الحال مكرهتهاش تحضر .. والي زاد عليا هو فاش قالت ليا غادا هي و رجاء و داك صديقها الي سميتو هشام .. قالت ليك هو من اقرب الناس ليها .. الصراحة حسيت بشعور خايب مكرهتش نكون بلاصطو ..ونكون من الناس الي قراب ليها و نتصرف معها براحة و حتى هي متبقاش جامدة من جيهتي .. غير كملنا الهدرة ودعاتني و مشات .. داك النهار داز عندي كحل كملت الخدمة بعصبية والى جا فطريقي كنغسلو .. منين ساليت الخدمة مشيت للدار .. و دخلت لبيتي دوشت و تكيت فوق الناموسية .. كي غمضت عينيا وهي تجي فبالي إسراء .. ااش غادي تكون كدير دابا؟ وغدا مغاديش نشوفها فالحفل .. بقيت كنفكر فيها حتى نعست .. فقت الصباح مشيت للشركة دوزت نص النهار فالمكتب كملت الخدمة .. حينت العشية كاين الحفل .. وصلات الوقيتة و مشيت انا و المساعدة شفت الامور هي هاديك .. و انساحبت رجعت باش نرتاح حينت الغد ليه عندي لقاء مع شي عملاء فطنجة .. الغد ليه كي فقت خديت دوش و لبست كاجوال حيث كرتاح فيه .. هبط لقيت هاجر كتسناني سنيت شي وراق جابتهم .. و اقتارحات ترافقني جاوبتها بلي مامحتاجش ليها وبلي عطى الله ماتقدي هنا .. خرجت لقيت الشيفور كيتسناني ركبت و شدينا الطريق .. بعد عدة ساعات وصلت للاوطيل الي كان فيه نيت الاجتماع .. خديت شومبغ و طلعت دوشت و بدلت لسوت فالاسود .. هبطت للريسطو لقيت الناس جاو .. كان عشاء عمل اتافقنا على الصفقة وكلشي داز مزيان .. منين سالينا اقتارحو عليا نمشيو نقصرو فشي بواط .. ونحتافلو بهاد الشراكة .. انا كنت غادي نرفض ماعندي كانة نسهر وبغيت غير نطلع نرتاح .. مي اصرو عليا نضنا اتجهنا لبواط .. دخلنا و قلت ليهم نجلسو فبلاصة هادئة شوية و معزولة .. و داكشي الي كان .. شدينا بلايصنا و خدينا مشروبات .. انا هاد الأجواء معنديش معاها .. الصداع و كترت بنادم .. بقينا مجمعين شوية و انا نتبلوكا .. بقيت مخرج عينيا ممتيقش داكشي الي كنشوف
هي ااه هي إسراء داخلة مع الباب و شي واحد شاد فيها من خصرها .. كانت كتبان زوينة بزاف وكضحك معاه هدا داك هشام .. بقيت متبع ليهم العين حتى تاجهو لواحد الطبلة قبالتنا .. عاد لاحضت بلي معاهم رجاء .. ديك الطبلة كانو فيها جوج رجال تسالمو معاهم وجلسو .. بقيت غير كنشوف ااش هاد الصدفة .. عاد تفكرت بلي قالت ليا غاديين للشمال .. مي معرفتش إنا مدينا! بقيت حاضيها مبقيتش عقلت على هادو اللي جالسين حدايا اش كيقولو
عند إسراء ←
من بعد ماخدينا المشروبات ديالنا .. بقينا مجمعين انا و رجاء .. و هشام كيهدر مع صحابو وواحد فيهم منزلش عينو عليا .. نظراتو زعجاتني مي حاولت نتجاهلو .. شوية ناض داك خينا مد ايدو و عرض عليا نرقص معاه .. محملتوش و مبغيتش نحرجو قدام صحابو .. وافقت و نضت شفت فرجاء وهشام .. عاقو بيا بلي ما مرتحاش و نايضة بزز مني .. مشينا للوسط فين كيشطحو الناس .. قرب ليا صاحب هشام و حط ايدو على خصري .. وهز ايديا حطهم على كتافو .. بقا كيقرب ليا اكتر و عينو على عنيا .. انا قلت ادير هاكا او هاكا نبالي به .. كنتسنا غير ادير شي حركة ماشي هي هاديك .. شوية و هو اوقف علينا هشام ..
هشام : كون مدرتش هاكا مغاديش اتفاك معاك .. خاصة الى عجبتيه ..
إسراء : اففف .. خلعتيني يلاه نجلسو ..
هشام : نو خلينا نرقصو شويا باش اتيق و اقلب عليك .. راه قبيلا شفتو كيحنزز فيك .. ( قربها عندو ) ولا لمك مبغاش تشطحي معيا ؟
إسراء : هههه .. ليا شرف اراس الطارو ..
هشام : هههه ( شاف فجيهت الطبلة بان ليه احمد حاضيهم ) .. مسكين صدمتو بلاتي نزيدو .. ( قرب لإسراء و تحنى باسها فحنكها مي بانت بحال الى باسها فشفايفها ) ..
إسراء : و هادي لاش .. ياكما تيقتي الدور ..
هشام : المساج وصل .. يالاه نرجعو عند رجاء قبل لا تهجج علينا .. ( شد فيد إسراء و رجعو عندهم للطبلة )
رجاء : (تحنات على إسراء) وخا على مك خويتو بيا .. ومخليني مع هاد جوج حلاقم شحال ممليين ..
إسراء : علاه انا لخاطري .. شفتي ااش طرا ؟
رجاء : معلوم علاه انا تفلت عليا شي حاجة .. راه انا الي سيفط ليك هشام .. قلت ليه عتق قاليا داكشي الي لقيتني غادي ندير ..
إسراء : اففف .. راه كون ماجا هشام .. كون قلبناها صباط .. هاني جايا بغيت نمشي لطواليط ..
رجاء : اوكي .. سيري يا البوالة .. متعطليش ..
ناضت إسراء اتاجهات للطواليط .. دخلات قضات حاجتها غسلات اديها .. و عاودات لبستيك و تمات خارجة .. غادية في الكولوار يلاه غادي ضور و هي تساطح مع شي حد .. هزات عنيها وهي تصدم ..
عند آدم ←
بقيت حاضيها مجمعة و كضحك .. شوية وقف واحد من دوك الي كانو جالسين معاهم .. مد ليها ايدو يعني بغاها ترقص معاه .. ناضت شدات فيه و مشات معاه .. تعصبت لاقصى درجة ومنين شفتو حط ايدو عليها و شدها من خصرها .. تماك صعرت و زيرت على ايدي كنحاول نتمالك راسي .. و لكن منين شفتو كيقرب ليها .. معقلتش على راسي جمعت لوقفة و اتاجهت ناحيتهم .. يالاه كنت غادي نجرها من دراعها .. و هو اوقف عليهم داك هشام .. انا كنت واقف وراها مشفتنيش .. منين سمعت الحديث ديالهم نزل عليا داكشي بحال الصاعقة .. دابا هادا حبيبها ماشي صديقها .. رجعت باللور حسيت بقلبي ضرني .. رجعت فين كنت جالس و مراقبهم كيشطحو شوية تحدر عندها باسها فخدها ( البلاصة فين كان جالس ادم بانت ليه البوسة من زاوية اخرى و شافو دارها ليها فحنكها ) و هي كتبسم .. مبقيتش قادر نصبر و صلات فيا فين بغات .. تخلطو عليا الاحاسيس و معرفتش علاش كنحس هاكا .. خبط الكاس الي كان فايدي مع الطبلة و دوك الي جالسين معيا غير كيشوفو مفهمو والو .. متسوقتش ليهم و نضت خرجت على برا باش نشم الهوا و نتنفس .. حسيت براسي مخنوق و باغي انفاجر و النار شاعلة ليا فقلبي .. تميت راجع باش نخبر دوك الي معيا بلي بغيت نمشي .. مبقيتش حامل نجلس هنا دقيقة خرا .. تميت غادي فالكلوار وهي دخل فيا واحد البنت .. هزات راسها كانت اسراء .. بقات مخرجة عنيها و مصدومة منين شافتني .. يلاه بغات تهدر وانا نجرها من اديها خرجتها على برا .. بقيت جارها حتى وصلت حدى لاكوت .. (لبواط جا حدا البحر ) وصلنا و هي تنطر ايدها و شادة فيها و كتشوف فيا شوفات تسائل واستغراب ..
عند إسراء ←
انا بقيت غير مصدومة و كنتساءل آدم ااش كيدير هنا .. يالاه بغيت نهدر وهو اجرني من ايدي و غادي بيا .. انا مافهمت والو بقيت كنجر ايدي مي هو كان مزير عليا حتى توعطت .. وصلنا حدى البحر وانا نطر ايدي ..
إسراء : آدم .. ااش كادير هنا ؟ و مالك على هاد التجرجير ؟؟
آدم : ( كيخنزر فيها ) شوفي نتي ..
إسراء : كيفااااش .. مفهمتش اش بغيتي تقول ..
آدم : كنتي كتباني ليا شخصية قوية و ناجحة .. بريئة و مميزة .. و زيد عليها جميلة من الداخل و الخارج .. ساعة صدقتي حتى كذابة ..
آدم منين سمع ااش قالت العافية شعلات ليه فقلبو .. زاد زير عليها و هي كتنتر .. و كتشوف فيه بنضرات كلها تحدي .. حط ايدو مورا عنقها و الاخرى شادها من خصرها قربها ليه اكتر .. و هو اتلاح على شفتيها .. كيبوس فيها هي من قوة الصدمة عنيها تحلو على وسعهم و بقات جامدة .. غير سرات معاها بقات كدفع فيه او والو متزحزحش من بلاصتو .. اصلا السيد غيب مكينش فهاد العالم .. هي كتقاومو و هو كيزيد ازير عليها حتى ولا كيقبلها بعنف .. شوية حس بالملوحية فمو .. حل عنيه بانت ليه إسراء كتبكي .. و هو ابعد و بقا كيحك فراسو ..
معقلش على راسو ااش كان كيدير .. يلاه بغا اهدر و هي تهز اسراء يدها حتى لفوق و طرشاتو و زادت مع الطريق .. مخلاتش ليه الفرصة حتى انطق .. بقا متبعها بعينيه حتى دخلات .. و هو اهز ايديه دوزهم على وجهو .. معرفش اش طرا ليه وعلاش دار هاكا .. حط يدو على قلبو كان كيضرب بسرعة .. تفكر فاش كان كيقبلها حس براسو ترفع .. شعور معمرو حس بيه فتجاربو السابقة .. ولكن ندم حيث تسرع و دبا إسراء غادي تكرهو على هادشي الي دار .. هي مخلاتش ليه الفرصة حتى باش اعتاذر .. تحرك من تماك عيط للشيفور .. تسناه على برا حتى جا ركب مشا ديريكت للاوطيل .. كي وصل دخل حيد حوايجو و دخل ادوش .. واقف تحت الرشاشة مهبط راسو و حاط اديه على الحيط .. و الما كيهبط عليه .. كي غمض عنيه جات فبالو اسراء و القبلة و الطرشة الي عطاتو .. تبسم بلا مايشعر .. كمل لوا عليه فوطة على نصو خرج .. لبس عليه سروال سيرفيت كري بسيور بضيين .. و خرج للبالكو كيخمم فالخطوة الجاية الي غادي ادير .. باش اصلح الوضع ..
عند هند ←
جالسة كدير اليوكا و كتحاول تلقى حل .. لهاد الوضع الي ولات فيه هي و آدم .. محدها هي كتحاول تقرب ليه و هو كيبعد .. و هادشي ماشي فصالحها .. هزات الفون ديالها اتصلات به و كالعادة مجوبهاش .. خاصة هاد الاونة الاخيرة مبقاش عاطيعا وقت .. بقات كتفكر و قالت تمشي عندو المكتب .. و تحاول تقرب منو اكتر .. و جاتها الفرصة باش تعرضو ارافقها .. للمؤتمر الصحفي ديال اطلاق البومها الجديد .. و هو اكيد مغاديش ارفض حينت كتهمو السمعة ديالو .. ناضت طلعات خدات دوش تانقات و حولات تبان فابهى حلة .. على وعسى اديها فيها .. كانت كتمنى كون كان مغروم بها كيف العامة كيضنو .. ولكن هو بارد من جهتها بلا قياس .. رغم المحاولات الي كدير باش تغريه .. خرجات فتح ليها السائق الباب طلعات و تاجهو ديريكت للشركة .. تمات داخلة و هازة قنانفها للسما .. و الموضفين كيدوزو من حداها و انعتو فيها .. اكيد عارفينها شكون مغنية غنية عن التعريف .. و زيد على ذلك خطيبة المدير آدم الإدريسي .. كاين الي كتعجبو وكاين الي محاملهاش .. خاصة البنات الي كيحسدوها على داكشي الي عندها .. الشهرة وخطيب اي وحدة تمناه .. طلعات فالاسنسور و تمات خارجة كتمختر .. وصلات حدا مكتب آدم شافتها السكريتيرة .. يلاه غتهضر وهي توقف عليهم هاجر ..
هاجر : ( مع السكريتيرة ) غير سيري شوفي شغلك ..
السكريتيرة : اوكي ( حدرات راسها ومشات )
هند : ( كطلع فهاجر و تهبط ) شكون نتي احبيبة ؟
هاجر : انا المساعدة الشخصية ديال موسيو الإدريسي ..
هند : اممم .. نتي الي جيتي بلاصت أسامة .. ( حطات يدها على البواني بغات تحل الباب )
هاجر : وي انا هي .. موسيو آدم ماكاينش ..
هند : هااا .. و فين مشا ؟
هاجر : ( باستهزاء ) مسافر .. علاه مفخباركش ؟
هند : ( تزيرات ) اا .. اكيد فراسي
.. غير نسيت ..
هاجر : ( كطنز ) اسحابلي غير مقالهاش ليك .. زعما راك خطيبتو ..
هاجر : اوكي .. ( مع راسها ) هادي هي خاطيبتو .. اممم حالها ساهل .. كيف دايرة كاع متستاهلو بففف ..
هند تمات راجعة فحالها .. كي دخلات الاسنسور و تسد الباب و هي تخبط ساكها مع الارض .. مرضاتش تحط فهداك الموقف .. حسات براسها طيح منها ومعلمهاش حتى بلي مسافر .. تمات خارجة بخطوات مسرعة ابطا عليها امتا تخرج من تماك .. طلعات للسيارة وخبرات الشيفور اديها لسبا .. حينت حسات بعنقها تبلوكا من كترت الاعصاب ..
عند إسراء ←
رجعات لبواط كلها كترعد ووجها مزنك .. قربات للطبلة فين جالسين .. خدات نفس عميق و جلسات حدا رجاء ..
ناضو البنات و مشا هشام جاب اللوطو .. طلعو وتمو راجعين .. الطريق كاملة و إسراء ضاربة الطم .. رجاء و هشام الي كيهضرو وهي كتحرك راسها .. وتفكيرها كلو مع داكشي الي طرا .. وصلو وطلعو لشومبغ دياولهم .. كي دخلو البنات شدات رجاء اسراء من دراعها ..
رجاء : اجي نتي حالك معاجبنيش .. مالكي مضبعة ؟
إسراء : اا .. لا ما مالي والو .. غير عيانة شوية ..
رجاء : واش من نيتك غادي دوزيها عليا .. راه كنعرفك كتر من راسك .. طلقيني خلاص .
إسراء : ( مشات جلسات على الناموسية ) ممتيقاش اش وقع .. مقدراش نستوعب ..
رجاء : ااش الي وقع .. هضري خلاص .. راك بديتي كتعصبيني ..
إسراء : شفت آدم ..
رجاء : آدم ! شكون آدم ؟ واش آدم الإدريسي ؟
إسراء : ااه .. هو .. آدم الإدريسي ..
رجاء : فين شفتيه ؟؟
إسراء : فالبواط .. فاش كنت جاية من الطواليط .. تصاطحت معاه ..
رجاء : اهاه .. و عادي كن راه كان مقصر تماك حتى هو ..
دخلات إسراء للدوش .. زولات حوايجها ووجدات الجكوزي .. تخشات فيه ورجعات راسها اللور .. كي غمضات عنيها تفكرات القبلة .. بلا متشعر هزات يدها حطاتها على شفايفها كتحسسهم .. شوية وهي تنطر ايدها وحاولات متفكرش فيه وفلي وقع .. كملات ناضت شللات ولوات عليها فوطة خرجات .. ومشات للشانطة خدات بيجامة لبساتها .. و تلاحت فالناموسية بلا متهضر مع رجاء .. الي حتا هيا ميكات و خلاتها على راحتها .. من بعد مخدات رجاء دوش نشفات راسها ولبسات عليها و تخشات حدا إسراء ونعسات .. بينما إسراء كانت مغمضة عنيها و كتحاول متفكر فوالو .. حتى داها النعاس ..
فاقو الصباح طلبو الفطور .. جا عندهم هشام فطر معاهم .. كملو لبسو عليهم وجمعو حوايجهم .. مشاو خلصو وخرجو ركبو .. وشدو الطريق راجعيين لمراكش ..
طول الطريق و إسراء غير كتفكر .. كيفاش غادي تصرف مع آدم من هنا لقدام .. حينت اكيد غادي اتشاوفو على حسب الخدمة .. ومكاينش كيف دير تجنبو .. هشام و رجاء شاديين الحتيت و اضحكو و اتناكرو .. إسراء مرة مرة ضحك معاهم وتشرد عاوتاني .. وصلو لمدينتهم هشام وصل كل وحدة لدارها عاد مشا فحالو ..
كي دخلت سلمت على ماما و بابا .. و طلعت لبيتي حيدت حوايجي خديت دوش و لبست بيجامة ديال الدار .. تلاحيت فالفراش و غمضت عيني .. كنحاول نرتب افكاري بقيت هكاك حتى داتني عيني ..
عند آدم ←
في اليوم التالي فاق آدم خدا دوش و لبس عليه .. سروال جينز و تيشورت ابيض دار ريحتو .. ونزل للاستقبال خلص و خرج لقا السائق كيتسناه .. ركب و شدو طريق العودة .. هز الفون ديالو كيتفحص الايميلز الي صفتات ليه هاجر .. مشا ابلاصة الكونتاك وبقا كيشوف فرقم إسراء .. بقا متردد واش اتاصل او لا .. هو حاس بالدنب على داكشي الي دار ولكن مندمانش .. حينت ديك القبلة مكانتش عابرة بالنسبة ليه ولا لحضة ضعف ابدا .. و دبا هو بغا اعتادر من إسراء حينت مبغاش علاقتهم تسوء .. اما بالنسبة للمشاعر الي فالداخل ديالو هو مبغاش احللها و نوعا ما كيحاول انكرها .. بعد ساعات كانو فمراكش مشا ديريت للشركة .. كي شافتو هاجر جات تجري عندو كتعطيه بروكرام ديال اليوم و الفرحة بغات تنقز من عنيها .. سولها على واش طرات شي حاجة و لا سول فيه شي حد فغيابو .. جوبات بالنفي و مخبراتوش بلي هند جات و بغاتو امشي عندها عمدا .. دخل المكتب و بدا فالخدمة ديالو و مرة مرة اسهى و اتفكر فشنو وقع بينو وبين اسراء .. قرر اعطيها وقت حتى تهدا حينت غادي تكون معصبة منو بالتاكيد .. ديك الساع امشي اشوفها واعتادر منها .. كمل شغلو و مشا للدار ارتاح من تعب السفر ..
فشركة سويفت ←
ادم جالس في المكتب مقابل خدمتو .. شوية صونا ليه الفون شاف لقا رقم ديال هند .. هزو وجاوب ..
آدم : ( هز واحد الفاز صغير ) غادي تغبر فحالك .. ولا نوض لتاصيلتك ..
مجد : Relax Bro .. هاهو غادي ..
ريم : باي الحب ديالي .. نتشاوفو فالدار اوكي ..
آدم : اوكي ..
عند إسراء ⬅
فاقت إسراء وهي كل عزم انها تنسا الي وقع .. باش هادشي ميأترش على حياتها و خدمتها .. لي بالنسبة ليها كلشي .. جاهدات ودمرات باش توصل لهنا .. ومستحيل تخلي شي حاجة دمر ليها مستقبلها ..
إسراء : مزيان .. هي هاد فترة الراحة الي خديتي نفعاتك ؟
هند : هي ارتاحيت .. ولكن جاني الملل وانا بعيدة على حبيبي آدم ..
إسراء : احم .. اا .. لمهم كي كتعرفي غدا عندك عامر .. المؤتمر الصحفي و من بعدو الحفل .. سو اليوم غادي غير ديري جلسة تصوير بسيطة .. باش ياخدو ليك تصاور وتوقعيهم للمعجبين ديالك .. منين تسالي راه خديت ليك موعد فسبا باش تمشي تريحي داتك شويا وتقادي أمورك .. و تكوني واجدة لغدا ومرتاحة ..
هند : اممم .. تبارك الله عليك كلشي هو هداك .. بلا بيك غادي نكون ضايعة .. مي حتا انا غادي نتهلا فيك متخافيش ..
إسراء : نو لا داعي .. انا كندير خدمتي فقط ..
هند : الي عجبك .. افف ابطا عليا غير امتا اوصل غدا خلاص .. باش نشوف حبيبي ..
هبطات اسراء و هند ودخلو الاستوديو .. دوزات جلسة التصوير و اتاجهو للسبا هبطات هند .. اما إسراء خبرات السائق اوصلها للدار .. دخلات لقات ماماها فالصالة كتفرج جلسات حداها من بعد ما سلمات عليها ..
2 سعيدة : إسراء مالك احبيبة .. كتباني ليا ماشي هي هاديك ؟
إسراء : لا والو اماما .. غير مشاكل الخدمة وصافي ..
سعيدة : اوى ابنتي رتاي على راسك .. متبقايش غير الخدمة الخدمة .. راه الحياة فيها حاجات خرين حتى هما خاصنا نعطيهم وقتهم .. ماشي تبقاي تابعة غير الخدمة ..
إسراء : ااه عارفة اماما .. مي انا حاليا كتبان ليا غير خدمتي ..
سعيدة : اوى ابنتي .. ااش غادي نقول ليك .. عارفة راسك قاصح .. الله اهديك و انورك واجيب ليك شي ولد الناس ..
إسراء : امين .. الا اللخرة مابغيتهاش ..
سعيدة : تعاندي حتا تعياي .. داكشي هو الي غادي ادوم ليك ..
جهاد : هالعار لما سكتي ونتي هبطي عليا بالأسئلة واحد مورا لاخر .. اجيو نجلسو بعدا راه مافيا الي ابقا واقف .. خاصني نعطيها الراحة ..
شدات فيه إسراء سنداتو عليها حتى وصلو للصالة .. جلس و جابت ليه بوفا باش احط عليها رجلو .. جلسو تقابلو معاه و كيتسناو فيه اهضر ..
إسراء : اوى طلقنا .. كي طرا ليك .. واش تهرستي ؟
جهاد : نو متخافيش ماشي كسر .. غير تشعرات و مخصنيش نعسف عليها باش تبرا دغيا ..
إسراء : إمتى وقع هادشي .. وعلاش مخبرتيناش ؟؟
جهاد : فالتداريب كنا لاعبين .. تساطحت مع واحد الاخ طحت .. جيت نوض مقديتش صافي جا الطبيب ديال الفريق .. فحص ليا رجلي قالي راه تشعرات .. و خاصها الراحة وميمكنش نلعب شهرين على الاقل ..
إسراء : شيييت .. كون تهرستي .. مالك متشور على راسك ..
جهاد : كتاب وصافي .. غير هو معرفتش كي غادي ندوز هاد الشهرين بلا منلعب .. معنديش مع الكعاد و الراحة ..
سعيدة : غير صبر اولدي باش تبرا ليك دغيا .. راه فمصلاحتك , متكون غير عوينة وصابتك اولدي ..
جهاد : ههه لا الواليدة هادشي راه كيترا .. الاصابات ولابد منها ..
إسراء : علا سلامتك اخويا .. منين غير متهرستيش ..
جهاد : الحمدلله على كل حال .. انا نطلع لبيتي نتكا شوية ..
إسراء : بلاتي نعاونك ..
ناض جهاد هز العكاز مسند عليه و إسراء شادة فيه .. طلع لبيتو تكا فناموسية ديالو وجلسات حداه إسراء .. كيتعاودو حتى نعس جهاد من بعد ماخدا الأدوية .. باستو اسراء و غطاتو وخرجات .. مشات للغرفة ديالها .. كي دخلات سمعات لفون ديالها كيصوني .. هزاتو و جاوبات .
رجاء : الله اعطيك دقة .. من صباح و انا نصوني ..فين كنتي غارقة ..
عشق و كبرياء الجزء الخامس
محتوى القصة
التنقل بين الأجزاء