عشق و كبرياء الجزء السادس

رجاء : كتبان كيوت و نتا ناعس .. واخا داك الفم عندك غير ديال تهراس ...

هزات ايديها حيدات ليه شعرو من وجهو و هو يشد فيها

رجاء : 😱

جهاد : حصلتك .. باغا تغتاصبيني ؟ وا خليني غير حتا نكون فايق نعقل عليها 😂

رجاء : تفو خلعتيني ... نغتصبك نتا هوا أسنسيو حيد طلق مني

جهاد :(كيهدر و مازال شاد ليها ف يدها) را غير ضاربك على شعا هاداك ... أصلا قدك فالطول نتي كيعجبوك طوال ..

رجاء : اه ... 😱 باش عرفتيها أجن ؟

جهاد : هادي كيف واالو ... كنعرف عليك كلشي ..

رجاء : امم فهمنا .. يالاه طلق خليني نمشي فحالي

جهاد : قولي ليا بعدا ... كيفاش كنبان كيوت ؟ 😂

رجاء : هي هي هي (كتعوج فيه) تيقتي را عرفتك كنتي فايق .. جهاد : اممم واخة .. (طلق منها)

هزات رجاء البلاطو عطاتو ليه و هو غير كيشوف فيها و كيضحك ..

رجاء : تهجرو .. (تمات غادية خارجة)

جهاد : أجي فين غاديا ؟

رجاء : نمشي نجلس مع إسراء

جهاد : إسراء غتكون خدامة .. جلسي معاية را كنقنط بوحدي ..

رجاء : جاب ليك الله فرصة تفشش علينا فيها

مشات هزات تيليكوموند ، جلسات حداه فالجهة الثانية ديال سرير و شعلات التلفزة .. و جهاد غير متبع حركاتها

رجاء : باركة من تحنزيز و كول داكشي لي قدامك

جهاد : مبغيتش هادشي بغيت حاجة خرى .. 😂

رجاء : (تلفتات ليه ) اش بغيتي بسلامة ؟ الكرعين ؟ كول باراكة من الفشوش ..

جهاد : (لعب ليها فشعرها) هههه واخة ألكيوت

رجاء : 😒

بقات رجاء مقابلة تيفي و جهاد كياكل حداها حتا سالا ..

جهاد : آجي عونيني نوقف

رجاء : فين غادي ؟

جهاد : هز عينو فتواليط

رجاء : بغيتيني نديط لتواليط محشمتيش ؟ 😱

جهاد : را قلت ليك وصليني ماشي دخلي معايا .. زيدي داك راس عندك كلشي كيفهمو عوج

رجاء : صافي بلا فهامات

مشات جيهتو و عاوناتو باش وقف .. و سند يدو على كتفها .. جهاد : اجي ؟

رجاء : هزات فيه عينيها

جهاد : مسلمتيش عليا قبايلة فاش جيتي .. غير داخلة مدرمة بالغوات و خرجتي بالغوات .. ياك لباس

رجاء : اه ؟ أنا غوت ؟ امتا ؟

جهاد : امم معقلتيش ؟ و غير سلمي عليا بعدا

رجاء : ههه مكتعياش من سلام الله يحفظ

جهاد : أخيييرا ..

جهاد : أخيييرا .. (جرها عندو و عنقها)

رجاء : أخيرا شنو ؟

جهاد : ضحكتي .. من لي جيتي و نتي غير كتخنزري فيا 😂

رجاء : نتا لي كدير علاش ههه 😂

جهاد : رجاء ؟

رجاء : هزات عينيها فيه ... نعام ؟

جهاد : تواليييط أرجاء 😂 غتولي مسيقة هاد البيت 😂

رجاء : زيد زيد مبقيتوش تحشمو 😒

عاوناتو حتا دخل قضا حاجتو و خرج و رجع لبلاصتو

رجاء : أنا غنزل هاد البلاطو لخالتي .. بغيتي شي حاجة ؟

جهاد : غير خليه و أجي ..

رجاء : مالك اليوم داير بحال دراري صغار

(رجعات جلسات حداه )

جهاد : جلسي من الفهامات .. اري هاديك تيليكوموند نخدمو شي فيلم ..

رجاء : را عارفة حسك كتعجبك غا لقتيلة .. دير شي حاجة بعقلها

جهاد : هانتي .. اليوم نحيدو منك الخلعة .. را غير كيمثلو

رجاء : جهااااد

جهاد : وا صافي .. هاني حداك لاش غتخلعي

رجاء : عرفتي الى ماجانيش نعاس بليل بسباب الفيلم غنجي ندير ليك الضجيج

جهاد : مرحبا 😂 نعسي هنا نتي جاع

رجاء : يخ مالك نحارفتي ؟

جهاد : سكتينا هاهو بدا ..

دار جهاد طفا الضوء من حداه .. و هي تلفت ليه رجاء بزربة

رجاء : جهااد 😢

جهاد : وا صافي ...

(رجع شعل ضو و لكن نقص منو خلاه باااهت )

يالاه تفرجي دابا

دارت رجاء كتشوف فتيفي و بقا جهاد كيشوف فيها

جهاد : (كيفاش غنقدر نقول ليك هادشي ؟ كل نهار كنبغي نعنقك و نقوليك نتي ديالي بوحدي و لكن خايف تهربي مني .. حافظ شخصيتك كيف دايرة ... اوف مبقيتش قادر نصبر كثر )

رجاء : علاش ديما كيبداو هكا فديور مهجورين ؟ أصلا أش داهم تما ؟ الكلاخ كون تكمشو فديورهم ميموت حتا واحد .. غيقتلهم دابا ياك ؟

تلفتات ليه لقاتو كيشوف فيها بنضرة غريبة

رجاء : جهاد ؟ مالك ؟ كضرك رجلك ؟ عاطياك صداع ؟

جهاد : اه ؟ لا غير كنت كنتصت ليك ... الفيلم عاد بدا .. مغيقتلهمش دابا ..

رجاء : بصح ...

بقاو كيتفرجو و فينما تجي شي لقطة كتخلع كتقفز رجاء و تخبا فجهاد و هو عاجبو الحال أصلا الفيلم دارو بلعاني عارفها كتخاف ...

بقاو على هاد الحال حتا غفاو بجوج و داهم نعاس .

وصلات 10 ديال ليل .. سالات إسراء خدمتها و تفكرات رجاء ..

إسراء : ماما ؟ رجاء مشات ؟

سعيدة: يمكن مشات أبنتي كنت فبيتي

اسراء: تشغلت مع الخدمة و نسيتها .. يالاه أنا غنطلع نعس غدا صابحة خدامة .. good night 😙

سعيدة : تصبحي على خير 😍

صبح الصباح فاقت إسراء مع 8 .. دوشات و نزلات فطرات مع واليديها ..

يعقوب : جهاد فاق ؟ مشفتوش لبارح

سعيدة : غيكون فاق هاداك جن .. را ديما مبكر .. نوضي أبنتي طلعي ليه فطورو

خدات إسراء البلاطو و طلعات .. حلات الباب و دخلات و هي تصدم

إسراء: 😱 هادي أش كدير هنا ؟ 😂😂 بلاتي نصورهم ههه نلقا باش نهددهم الوقت و زمان هادا 😂😂😂

جبدات الفوون صوراتهم و مشات وقفات على رجاء حركاتها و تسناتها تفيق .. شحال عاد حلات عينيها

إسراء : حبيبة ديالي كيجاتك نعسة ؟

رجاء : اخخخ لاش مفيقاني ؟

إسراء : اه سمحيليا حرمت عليكم نعيسة 😂

رجاء : علينا ؟

تلفتات حداها بان ليها جهاد و هي تنوض كتغوت حتا فيقاتو

رجاء : وااااع اش كدير نتا هنا ؟ 😱

إسراء : بيتو هدا مثلا ؟ 😂😂😂

جهاد : مالنا على الغوات على صباح؟ (تلفت لرجاء و بتاسم) صباح نور 😉

رجاء : إسرااااااء .. خوك مالو كيغمزني ؟ 😢

إسراء : نتي ناعسة عندو فالبيت و كتقولي مالو كيغمزني ؟ 😂😂 الى عينك فيه قوليها لينا نخطبوك ليه لاش القوالب ؟ 😂😂😂

جهاد : هههه بعدي منها نتي .. اش جابك بعدا ؟

إسراء : جبت ليك تفطر ..

رجاء بقات غير كدور فعينيها

إسراء : سبحان الله ... (شافت فجهاد غمزاتو) .. اش درتي لهادي ؟ 😂

جهاد : مازال مدرت والو هاد الساعة 😂

ناضت رجاء خارجة بشعرها طلع لسما ..

جهاد : اه بلاتي رجاء ..

وقفات تسمعو شنو بغا يقول ..

جهاد :اجي عاونيني بغيت ندخل لحمام تاني 😂

إسراء : دخلتيه حتال لحمام 😱😂 بتزاكرو من وراناااا

رجاء : (حيدات صندالتها و شيرات عليه و خرجات حفيانة)

جهاد : هههه زكلاتني الحلوفة 😂😂

إسراء : ههه نعاونك تمشي تغسل ؟

جهاد : (ناض وقف) لا غير سيري شوفيها 😂 كنقدر نتمشى شوية

إسراء: ههه تبوحطتي عليها مسكينة 😂 يالاه تلاح ..

نزلات اسراء كملات فطورها مع رجاء قالو لسعيدة بلي كانت ناعسة فبيت ضياف ..

إسراء : أشنو قلتي غتمشي معايا ؟

رجاء : صافي واخا .. غتجي توجدي راسك هنا ولا فالأوطيل ؟

إسراء : لا فالاوطيل .. مبغيتش نبقا غادا جاية .. المهم نتي ملي توصل الوقيتة اجي عندي تما ..

رجاء : اوكي .. نوضي وصليني لدار .. لبارح شديت غير طاكسي

إسراء : امم لبارح كنتي زربااانة 😂

رجاء : سكتي ولا غنزرق ليك شي عين ميعرفكش حبيب القلب

إسراء: معنديييييييش ....

رجاء : حتا منكونش أنا رجاء و اجي كذبي عليا 😂

إسراء : تهزي يالاه نديك لداركم مبقات معاك هضرة

رجاء : ههه هربي بحال ديما ..

كملو فطورهم و ناضو وصلات إسراء رجاء لدار و مشات لخدمتها .. وصلات عند هند لقاتها تالفة

إسراء : صباح الخير .. مالكي ياك لاباس ؟

هند : معرفتش شنو نلبس .. ياكما تعطلنا ؟

إسراء : مازال ساعة .. طلعي ديري ميك اب أنا غنوجد ليك متلبسي

جدات هند و مشاو المؤتمر الصحفي .. لي مخلاش من الأسئلة على علاقة هند و آدم و هي كتجاوبهم و فرحانة ... سالاو الخدمة و دازو نيشان الأوطيل لي غيكون فيه الحفل .. مشات إسراء مع هند حتا وصات عليها ناس ديال سبا و جابت ليها الميك اب ارتيست و قادات ليها حوايجها و نزلات عند رجاء لي كانت كتسناها .

رجاء : على سلامة .

إسراء : متهضريش معايا دابا .. قتلوني دروج ... اووف عييت .

رجاء : نوضي مازال بزاف ميدار .

إسراء : 😢😢 نديرو بناقص ؟

رجاء : نووضي من الفشوش .

طلعو لغرفة ديال إسراء و جبدو حوايجهم .. دوشات إسراء أما رجاء مشات فركات راسها فالحمام .. إسراء لبسات كسوة كتافها طايحين كول باطو و رجاء ختارت كسوة مشبكة لاصقة حتال ركبة .. قادو شعرهم و الميك اب و نزلو ...

رجاء : عنداك تخليني بوحدي لمك ..

إسراء : انا لاش جايباك غير باش نبقا لاصقة فيك 😂

دخلو لمكان الحفل كانت الدنيا عامرة بالمشاهير و المصورين ..

رجاء : 😱 شوفي شكون كاين

إسراء : نتي ديما كتجي مازال مبغيتي تولفي ؟ 😂 اجي نوقفو فهاديك الطبلة ..

مشاو وقفو فواحد الكوان معزول و كيبان منو كلشي ..

رجاء : يرضي عليك الموقع استراتيجي .. 😂😉 صاحب دعوتك مابانش ليا

إسراء : بديتي تاني ؟

رجاء : تاني و ثالث ..

... : إسرااااااء

تلفتو بزربة يشوفو شكون كيعيط

إسراء : ريييم لاباس عليك ؟ (سلمات عليهم)

ريم : حمد لله .. فين غابرين ؟

إسراء : غير مع الخدمة راك عارفة ..

قاطعهم صداع ديال المصورين .. تلفتو لباب كتبان ليهم هند داخلة شادة فآدم و كتضحك ..

رجاء : اووف شحال ثقيلة على القلب

ريم : ياك بعدا ماشي بوحدي لي معنديش معاها .. معرفتش امتا غيساليو هاد الفيلم ..

شيرات ريم لآدم .. شافها و جات عينو فعين إسراء .. و لكن هاد المرة محشماتش منو بقات كتشوف فيه ..

رجاء : (كتشوف فيهم بجوج) كتقطعو فالقلب ..

ريم غير كتشوف فخوها معلابالهاش بالفيلم لي واقع .. حتا جاو لعندهم .. آدم عينيه مفيكسيين فإسراء و حتا هيا نفس الشيء

هند : هاااي .. ريم سافا ؟

ريم : امم سافا .. نتي بلاما نسول باينا عليك بيخير

هند : هه معلوم ..

جات وقفات عليهم هاجر لابسة كلشي مقزب و مزير بحالا غاديا لبيت دعارة

رجاء : هادي كيتسناها شي كليان ؟ 😂

ريم : (سمعاتها) ههه ولاهيلا .. 😂😂

هاجر : موسيو الإدريسي؟ بغيتيني فشي حاجة ؟

هند : شكون نتي بعدا ؟

هاجر : أنا المساعدة الشخصية ديالو ديجا تلاقينا

هند : امم معقلتش عليك 😏 ملي يبغيك غيعيط ليك أحبيبة

آدم : هاجر غير سيري اليوم بكري ماشي مشكيل

هاجر : لا معنديش مشكيل نبقا الا حتاجيتيني ..

رجاء : وايني لصقة هادي 😂

إسراء : مشفتيش را كتقول لناس بلي هي و آدم واحد .

رجاء و ريم تفرشخو بضحك .. هاجر تحسسات منهم و خنزرات فيهم ..

آدم : الشيفور غيوصلك

هاجر : اوكي موسيو .. بصحتكم و مشات

هند : حبيبة أجي نشطحو شوية

آدم : هند متعيقيش ..

هند : حشومة عليك ناس كيشوفو فينا

آدم : اوف واخا زيدي .. شاف فإسراء و مشاو لوسط القاعة .. لصقات عليه هند و عنقاتو ب ايديها بجوج و هو حط ايديه على ظهرها ..

إسراء كانت متبعة تحركاتهم كلها .. خطفات كاس من يد ريم

ريم : هادا ماشي ع..

شرباتو قبل متكمل ريم هضرتها ..

إسراء : اووف شحفت

رجاء : كالما كالما 😂😂

داز من حداهم سيرفور هاز بلاطو دلكيسان خطفات ليه إسراء واحد و سكحاتو .. و عينيها على آدم و هند

ريم قربات لرجاء : موالفة ليها كتشرب ؟

رجاء : لا علاش ؟

ريم : شربات جوج كيسان دابا دغيا غيدوخوها

رجاء : 😱 مسخوطة يسحاب لي البنت كتشرب غير فالعصير 😂😂😂 صافي قفارت

إسراء: اووف ماجاكمش صهد ؟

ريم : ههه لا

رجاء : نتي صهدك بوحدو أبنيتي 😂😂

إسراء : غادي نخرج برا شوية تخنقت هنا

دازت من حدا آدم خنزرات فيه و خرجات لجردة ..

إسراء : تفو على جنس .. شااد فيها و كيشطح مع راسو .. يبوس وحدة و يشطح مع لخرى .. خدا ليا بوستي اللولى ولد الحرام .. 😢 تفو كنكرهو ..

آدم : شكون هدا وريه ليا نخلي دار بوه ..

إسراء : (سمعاتو و تلفتات ليه) بففف وليت كنتخيلو ..

مشات قربات ليه و حطات ايديها على صدرو

إسراء : ههه شحال ضخم .. معرت شنو كياكل داك سيد .. هزات ايديها لوجهو دوزاتها على لحيتو ..

إسراء : (تنهدات) معندي مندير بالأوهام ..

و تلفتات غاديا .. جرها من ايدها و رجعها عندو ..

آدم : إسراء .. لاباس ؟

إسراء : لا 😢 مالاباسش .. غنتسطا غنحماق .. مبقيتش فاهمة راسي .. دخل لحياتي رونها ليا .. كنشوفو معاها كنبغي نقتلو و نقتلها .. علاش هاد روينة كاملة .. كون تلاقينا قبل .. 😭

جرها آدم عندو و عنقها زير عليها و هي كتنخصص ليه فصدرو .. ايديه فوق شعرها ... هز ليها راسها و قابل عينيها مع عينيه

آدم : حتا دابا نحبس هاد المهزلة كاملة .. أصلا كنت غنقول لهند اليوم بلي خاصنا نتفارقو ..

إسراء : (تنترات منو) واش حماقيتي ؟ بغيتي تخرج عليها و على راسك ؟

آدم : داكشي كامل مكيهمنيش ..

إسراء : خدمتي كتهمني

آدم : من غدا تبدلي الخدمة .. داكشي حالو ساهل

إسراء : نتا معارفش شحال تعذبت باش وصلت فين أنا دابا .. مستحيل نتخلا على خدمتي .. اووف

آدم : خلينا من هادشي دابا .. (شد ليها فايدها) نخاف غدا متعقلي على والو 😂 موالفة كتشربي ؟

إسراء :( شافت فيه) لا مكنشربش أنا .. داكشي حرام

آدم : امم و دابا شنو شربتي ؟

إسراء : واحد العصير .. ولكن جاب ليا صهد معجبنيش

آدم : هههه أنا را نتي لي كديري ليا صهد

إسراء : كيفاش ؟

آدم : هه جيتي زوينة اليوم

إسراء : غير اليوم ؟ 😢

آدم : هه لا ديييما زوينة ألالة

إسراء : هه حتا نتا زوين ...

سكتات و بقات كتشوف فيه

إسراء : عرفتي كتشبه لآدم ... تفو كنكرهو .. كيشطح معاها قدامي 😬

آدم : اووباااا ها لي قلنا .. غدا تنكريني 😂

خرجات رجاء لجردة كتقلب على إسراء و هما يبانو ليها واقفين و آدم شاد لإسراء ف يدها ..

رجاء : 😱 هادو كيتحابو بتخبية 😂😂😂 مشات عندهم ..

رجاء : هاي .. 😈

آدم : رجاء لاباس ؟

إسراء : رجااااااء 😘 شوفي شوفي (شدات لآدم فوجهو) كيشبه لآدم ياك ؟

رجاء: 😨 إسراء. . اش كديري ؟

آدم : شربات شي حاجة لداخل يمكن

رجاء : اه .. 2 كيسان ..

آدم : طلعو لشي سويت باتو هنا اليوم بلا متمشي لدار هاكا .. بغيت نهزها و لكن دنيا عامرة صحافة

رجاء : اه واخا ماشي مشكيل ..

سندات عليها إسراء و تمات غادية

إسراء : باااااااي .. يختي كيووت 😍😍

آدم : هه باي

رجاء : سكتي لمك .. قودتيها 😂😂

طلعاتها فدروج بزز بااش كتزيد ليها حتا وصلو لغرفة ديالهم و للاحتها فوق السرير

رجاء : اووف سخفتيني .. نتي تحابي و أنا نهز ثقل ..

إسراء : ههههه 😂

رجاء : هه كتفرنسي .. غدا صبحي تعفري عليه تاني نعلق مك

من رجليك مشات جابت démaquillant مسحات ليها الميك اب و حيدات ليها صباط و قاداتها فبلاصتها .. يالاه بغات تلاح حداها و هو يصوني الفون كان جهاد

رجاء : أللو (كتنهج)

جهاد : سليعفانة مالكي ؟

رجاء : ختك سخفاتني بدروج

جهاد : غتباتو فالأوطيل ؟

رجاء : آه .. مفياش لي يمشي حتا لدار عييت اليوم

جهاد : يالاه سيري رتاحي مع راسك .. بوننوي

رجاء : اه جهاد ؟

جهاد : وي ؟

رجاء : كيبقيتي ؟ مكضركش رجلك ؟

جهاد : لا الحمد الله سافا ..

رجاء : امم اوكي

.. take care جهاد : حتا نتي

.. good night رجاء : good night

😊 قطعات و نعسات حدا إسراء و عينيها فسقف كتفكر حتا نعسات .

فالحفل .. هند كتقلب على آدم .. بان ليها داخل لقاعة

هند : آدم .. فين كنتي ؟ من قبايلة و أنا كنقلب عليك .

آدم : طلعي لسويت ديالك أنا غنجي عندك .

هند : (أخيييرا) واخا أحبيبة .. متعطلش 😘

مشات كتجري طلعات لسويت .. دخلات دوشات بالخف بلاما تقرب لشعرها .. لبسات شوميز دو نوي و قادات ميك اب .. حتا صونا الباب .. مشات تحل ..

هند : آدم .. مرحبا 😍 .. دخل ..

مشا جاس فوق فوتوي و جات جلسات حداه ..

هند : (كدوز يدها على كتافو ) غتكون عييتي اليوم ياك ؟

آدم : (حيد ليها يدها لاحها ) وجدي راسك من هنا سيمانة ناس غيعرفو حنا تفارقنا .

وقف بغا يمشي

هند : 😱 كيفاااش ؟ لا ميمكنش ... علاش ؟ عارفاك مكتبغينيش و لكن واش حاولتي ؟ ... ماشي مشكيل تبغيني مع الوقت .. آدم .. واش كاينة شي وحدة ؟ (شدات فيه) سرقاتك مني شي وحدة ياك ؟ و الله منخليكم تفرحو .. آدم عفاك مديرش فيا هدشي 😢😭

آدم : (دفعها) ممساليش للأفلام دياولك ..

هند : آااادم

خرج و زدح الباب موراه ..

🌟🌟🌟

صبح الصباح .. فاقت إسراء كتجبد فوق سرير

إسراء : اخخخ رااسي كيحرقني

حلات عينيها و هي تبان ليها رجاء جالسة فكرسي مقابلة معاها و دايرة رجل على رجل

إسراء : خلعتيني بغيت ليك جوع 😑 مالكي على صباح ؟

رجاء : فقتي أكبيدة ؟ فين مشيتي لبارح ؟

إسراء : فين مشيت ؟ ياك كنت معاك .. أجي امتا طلعنا هنا ؟

رجاء : امم فنظرك علاش ماعاقلاش ؟

إسراء : معرف.... 😱 نوووووو متقوليهاش

رجاء : على سلامتك ألحب .. يا سكيرية 😂😂😂

إسراء : شيييت .. ياكما درت شي مصيبة ؟

رجاء : لا .. غير سكرتي جبتك هنا 😈😂 .. نوضي دوشي باش نزلو نفطرو را 10 هادي

إسراء : واخا

ناضت إسراء دوشات .. لبسو عليهم و نزلو لمطعم فالأوطيل .. كيفطرو حتا وقف عليهم وليد صغير

ولد : طاطا إسراء ؟

إسراء : وينوووو شحال غزال .. وي أنا إسراء .. باش عرفتيها

ولد : هاكي هادو .. عطاها كارت و بوكي صغير ديال الورد و مشا كيجري

إسراء : أجي غير نسولك .. بفف مشا

رجاء : اش داكشي ؟

إسراء : بلاتي

حلات الكارت قرات شنو مكتوب ..

"Let's bring back the lost memories .. come out at 12 -A.I"

"لنسترجع الذكريات الضائعة .. اخرجي مع ساعة 12- A.I"

إسراء: A.I ؟ شكون هادشي ؟

رجاء : ههه معرفتيش شكون ؟ ناري مجمكة ... شكون كتعرفي سميتو كتبدا ب A ؟

إسراء : كنعرف ... 😱 آدم ؟ نوووو .. آدم الإدريسي A.I

رجاء : غتبقاي كتهجاي عليا هنا ؟ تهزي يالاه قادي هاد الحالة

ناضو خلصو و طلعو لغرفة ديالهم .. إسراء بقات غير غاديا جاية

إسراء : لا لا مغادياش ... أويلي آش بغاني هدا

مشات وقفات قدامها رجاء و شدات ليها فوجها

رجاء : حيدي عليا العياقة و تبتي معايا .. كيعجبك آدم ؟

إسراء : حركات راسها ب اه ... بزاف 😶

رجاء : روروروي .. على سلامتنا .. شدي لرض .. أش غنلبسك دابا ؟ شعرك خليه سامبل كيجيك زوين .. هانتي لبسي هادو غتباني كيوت .. توب بيض خفييف و سروال دجين و شال طويل خليه معاك لطوارئ ليكون البرد واخا الحب و داكشي مغتحسييش 😂 احح سعداتك ألعوجة

إسراء : اشمن حب ولا زمر .. علاش زعما هادشي كامل ..؟

رجاء : حتا تمشي و تعرفي .. زيدي نقاد ليك الميك اب

دارت ليها ميك اب خفيف لبسات حوايجها و قادات شعرها .. غير وصلات 12 نزلات لقات طوموبيل كتسناها .. حل ليها شيفور الباب و ركبات و بقات كتشوف فرجاء حتا مبقاتش كتبان ليها ..

بقات سيارة غاديا تقريبا نصف ساعة حتا طلع ليها الدم

إسراء : واش مازال معطلين ؟

شيفور : صافي وصلنا أ آنسة .

دورات وجهها لزاجة كيبان ليها مطعم معزول و راقي على البحر .. وقفات طوموبيل و جا شيفور حل ليها الباب ..

إسراء : شكرا 😊

شيفور : العفو .. غير سيري دخلي موسيو الإدريسي كيتسناك لداخل

إسراء : اوكي 😶 ...

ارتابكات و توترات و طلعات معاها سخانة

إسراء : إسراء .. تبتي مالكي .. عادي مولفة تلاقايه ..

تشجعات و دخلات .. المطعم كان خاوي و فأبعد كوان كان جالس آدم كيتسناها .. غير شافها و وقف قرب لعندها ..

آدم : إسراء .. (بابتسامة) مرحبا

مدات ليه يدها باش تسلم عليه و هو يجرها باسها فحنكها

إسراء : احمم ..

آدم : تفضلي جلسي ..

إسراء : ممكن تقوليا شنو واقع .. مفهمت والو ..

آدم : واخا .. غنقوليك مي دابا نتغداو اونسومبل ..

إسراء : اوكي

جا سيرفور قالو ليه شنو بغاو و مشا ..

آدم : فقتي اليوم مزيان ؟

إسراء : راسي حرقني شوية مي سافا

آدم : عادي .. مامولفاش تشربي داكشي علاش

إسراء : وي .... أجي ؟ باش عرفتيني شربت ؟ رجاء قالت ليا .. (اخخ منك أرجاء باينة شي كدبة جديدة تاني 😒)

آدم : ههه ماشي مشكيل دابا تفكري شنو درتي لبارح

إسراء : 😶

جا سرفور جاب ليهم الغدا ...

بدات إسراء كتاكل شوية حبسات و حطات الفورشيت ديالها

إسراء : منقدرش نصبر حتا نتغداو بغيت نعرف دابا

آدم : أول حاجة بغيت نعتذر على داكشي لي وقع فطنجة .. ماكانش خاصني نتصرف بهديك طريقة معاك .. مكنتش عارف عندك بويفرند

إسراء : حتا أنا سمحلي بقيت كنستفزك بالهدرة .. و كدبت عليك قلت ليك عندي بويفرند .. هشام مجرد صديق أنتيم ديالي و صافي ..

آدم : (تنهد) اوا لاباس ..

إسراء : امم ؟

آدم : دابا مصالحين ؟ 😂

إسراء : ههه وي .. اه نسيت مقلتش ليك شكرا على البوكي ديال الورد .. زوين بزاف ☺

آدم : العفو ..

كملو غداهم و بقاو جالسين مجمعين ..

آدم : واحد الحاجة خاصك تعرفيها .. قررت السيمانة جاية غنعلنو على انفصالنا أنا و هند

إسراء : 😱 هند فخبارها ؟

آدم : وي من لبارح

إسراء : ممكن نعرف علاش ؟ هادشي غيأثر عليكم بجوج

آدم : كاينين 2 الأسباب .. واحد هو أنه مبقيتش قادر نزيد نمثل كثر .. الشركة ماشي مشكيل الى تأزمات نعاودو نوقفوها على رجليها و لكن حياتي الخاصة مبقيتش بغيت ناس يعرفو عليها شي حاجة

إسراء : الصراحة من حقك و لكن كوني ماناجر ديال هند ماغاديش نبغيها ليها ..

آدم : و لكن ماشي الماناجر ديال هند لي معايا دابا .. أنا جالس مع إسراء اليوسفي نيسبا ؟

إسراء : هه بصح ..

آدم : نخرجو نتمشاو شويا ؟

إسراء : اوكي ☺

خرجو مشاو لا كوت لي كانت خاوية .. بحكم المنطقة بعيدة شوية على المدينة ..

إسراء هزات راسها و غمضات عينيها كتستنشق الهوا ديال لبحر .. آدم غير كيشوف فيها و متبع ليها الحركات .. تفكر نهار دارت نفس الحركة فالمالديف و لقاتو عند وجهها و رتابكات و مشات كتجري و جاتو ضحكة .. استغل الفرصة هي مغمضة عينيها و مشا عاود نفس الشيء

إسراء غير حلات عينيها لقاتو رجعات بلور حتا كانت غطيح .. شدها آدم بالخف

آدم : هاد المرة ماغاديش تمشي كتجري ؟

إسراء : هههه و نتا رابطني هاكا ؟ 😂

ضحك و طلق منها .. بقاو غاديين و كيشوفو فالبحر حتا نطق آدم

آدم : مقلتش ليك السبب تاني علاش بغيت نعلن انفصالي من هند

إسراء : اه وي قلتي ليا كاين جوج دالأسباب ..

وقف آدم و بقات غاديا قدامو

آدم : كنبغيك

اسراء غير سمعات شنو قال وقفات تسمرات فبلاصتها

آدم : عارف غتجيك ..

إسراء : (دارت عندو) ششششش

آدم : مالكي ؟

اسراء : باقي مأثر عليا شراب يمكن ..

آدم : ههه من نيتك ؟( حط يديه على وجهها )

إسراء : 😶😶

آدم : لا نتي ساااحية و بصح كنبغيك ..

إسراء : أنا ..

آدم : نتي شنو ؟

إسراء : خاصني نعيط لرجاء 😢😐

آدم : ههه اوكي خدي وقتك

بعدات عليه .. جبدات الفون و دوزات ابيل ل رجاء .. دغيا جاوباتها

رجاء : ياك لاباس شنو وقع ؟ اش قاليك ؟

إسراء : رجااااااء قاليا كيبغيني 😍

رجاء : اوااااااه بنت الهم نتي لي طالعة ليك .. اييه اشنو قلتي ليه ؟

إسراء : قلت ليه خاصني نعيط ليك

رجاء : اوييييلي على البنت ؟ واش عندك شي عقل و لا معندكش ... السيد كيشعر عليك و نتي معيطة ليا دابا غيقول معا راسو غا ليزبيانا

إسراء : اويلي .. را حتا أنا كنبغيه ..

رجاء : وا قوليها ليه هو ماشي أنا .. تلاحي قادي شغلك .. قطعات عليها ..

تلفتات إسراء لقاتو كيشوف فيها .. مشات عندو وقفات تقابلت معاه

آدم : هدرتي معاها ؟

إسراء : وي .. آدم ؟

آدم : وي كنسمعك ..

إسراء : ح .. حتا أنا 👀😶😶

آدم : حتا نتي شنو ؟

إسراء : داكشي .. 😶

آدم : شنو داكشي ؟

إسراء : وااا داكشي لي قلتي قبايلة ..

آدم : ههه آجي .. جرها عندو و عنقها و حتا هي بادلاتو العناق ... بعدها عليه باس جبهتها و عاود خشاها فصدرو و هي غير كتبتسم

في فيلا اليوسفي ⬅

سعيدة : جيتي أفليفلة .. الحلقومة لاخرى مازال ماجات

رجاء : الله يسمح ليك أخالتي .. أنا جيت نشوف العجل لي لفوق

سعيدة : ههه سيري را قانط بوحدو فالبيت

طلعات كتجري مع الدروج .. غير حلات الباب و هز عينيه

رجاء : هااااااي

جهاد : سليعفانة جابك الله .. توحشت صداع

رجاء : لهلا يحييك ألفرك .. و أنا لي جاية نشوف طاسيلتك زعما ..

جهاد : أجي أجي حدايا ..

رجاء : (قربات ليه) شنو ؟

جرها عنكشها و خربق ليها شعرها

جهاد : فين كنتي من صباح يالاه جاية ؟

رجاء : اووف طلق مني .. ناري على متوحش .. مالك ديما مهاوش

جهاد : وا نتي لي تعطلتي

رجاء : تعطلت مالي دايرا معاك .. را غير دايرا فيك خير 😏

جهاد : هه يالله كملي خيرك و عاونيني نزل لتحت را قنطت هنا .

رجاء : زيد .. نتا و ختك خرجتو ليا فعودي ..

مشات وقفاتو و تسند على كتافها و نزلو ..

عند آدم و إسراء ⬅

واقفين فلا كوط ..جبدات إسراء شال لي عطاتها رجاء دارتو على كتافها ..

آدم : جاك البرد نمشيو من هنا ؟

إسراء : لا صافي هادا قضا الغرض .. (تلفتات لبحر و عاودات شافت فيه ) كيحمقني هاد المنظر

آدم : (كيشوف فيها) حتا أنا كيحمقني هاد المنظر

إسراء : ههه را هو البحر ..

آدم : (حيد ليها شعرها على وجهها) البحر طالع ليا فراس

إسراء : 😶☺

آدم : يالاه مشينا ؟

إسراء : وي 😀

رجعو حدا المطعم فين كاينة طوموبيل ديال آدم .. حل ليها الباب

إسراء : شكرا ☺

ضحك معاها و مشا ركب و تحرك ..

آدم : آش خبار جهاد؟ امتا غيرجع ؟

إسراء : اه نسيت مقلتش ليك .. جهاد يوماين هادي باش جا .. طاح على رجلو و مقصح .. خاصو شهرين ديال راحة .. دابا راه حاجب فالدار .

آدم : وااه .. ياكما شي حاجة grave ؟

إسراء :لا الحمد لله ماشي شي حاجة خطيرة ..

آدم: اوا مزيان .. دابا ندوز عندو نشوفو ..

إسراء : اوكي .. غنتسناوك 😁

آدم : 😉

إسراء: (احح قلبي باغي يفضيها ليا هدا) 😶

وصلها حتال باب الفيلا ..

إسراء : دغيا وصلنا

آدم : وي .. خلي الفون ديالك حداك ..

إسراء : هاهو ديما معايا 😊

آدم : يالاه تهلاي فراسك

إسراء : حتا نتا ..take care

حلات الباب بغات تنزل و جرها باسها فحنكها ..

آدم : دابا عاد سيري 😂

إسراء : ههه باي

نزلات تسناها حتا دخلات عاد مشا ..

دخلا نيشان لصالون لقات كلشي جالس .. سعيدة و يعقوب و جهاد و رجاء

إسراء : هااااااي 😊

إسراء : هااااااي 😊 مشات سلمات عليهم

جهاد : أهلين .. ولينا كنشوفوك غير من العام العام

رجاء : ناشطة مع راسك 😂

إسراء : معلوم 😊

سعيدة : نحط ليك تاكلي ؟

إسراء : لا شبعانة أماما .. غنطلع نرتاح

رجاء : تسناي نمشي معاك

طلعات إسراء و تبعاتها رجاء كتجري .. دخلات و سدات

رجاء : كاهمك الحب أبنت الهم 😂 يالاه سرسبي كلشي

إسراء : هههه رجاء .. قفارت 😂😍

رجاء : اشنو وا هدري ...

عاودات ليها كلشي ... ناضو كينقزو بجوج ...

رجاء : مسخوطاااا دابا مبقيتيش سينغل .. يااااي أخيرا 😂

إسراء : هههه جلسي نتي فرحانة كثر مني 😂

رجاء : متنسايش هادشي را بفضل الجهود ديالي ..

إسراء : حتا دابا مازال مدرنا فطاجين ميتحرق .. مازال القضية ديال هند مرونة

رجاء : وا نساي عليا داكشي و عيشي لحظة .. مالكي عزيز عليك الهم .. الحب زين ياك ؟

إسراء : ههه غزال 😂

رجاء : حتا أنا بغيت 😢

إسراء : را العجل لتحت 😂

رجاء : العجل المعطوب مادايزش فضحية 😂😂

إسراء : ههههه يسمعك يعلقك 😂

رجاء : حتا يقدر يتحرك بعدا 😂

إسراء : اه قاليا آدم غيجي يشوف جهاد

رجاء : عنداك تخرجي عندو مشعككة تاني .. شافك فهاديك الحالة و بغاك بااز 😂😂

إسراء : تي سيييري لي زين زين 😎

رجاء : دابا كتنفخي عليا فريشك لمك .. دابا تجي نوبتي غير بلاتي 😂

في فيلا الإدريسي ⬅

داخل آدم كيلعب بسوارتو ف يدو ..

ريم : آاادم أجي تشوف شكون أخيرا شرفنا

دخل لصالون ..

فتيحة : عوايدك هما عوايدك أوليدي

آدم : الواليدة .. امتا جيتو ؟ .. سلم على والديه و جلس حداهم

فتيحة : هاد العشية .. كنتي طافي الفون و صونينا ليك فالمكتب قالو لينا خارج

آدم : اه كان عندي ميتقضا برا

ريم : أصلا كعما كنشوفوه غير الى حصلتو فالمكتب ..

احمد : خليو سيد يخدم على راسو ..

آدم : غا خليهم ألوليد عند بالهم داكشي ساهل

ريم : اجي معمرني سولتك .. كيدايرا الخدمة مع جهاد ؟

آدم : مزيانة السيد بروفيسيونيل .. اه قالو لي بلي تضرب فرجلو و غيجلس شهرين راحة غدا غنمشي نشوفو

ريم : 😱 نوو .. ياكما شي حاجة خطيرة ؟ غنمشي معاك .. شكون قالها ليك بعدا ؟

آدم : احم الماناجر ديالو

ريم : إسراء؟ شفتيها؟

آدم : احمم لا .. اتاصلات باش تخبرنا .. أنا غنطلع نرتاح

فتيحة : شوية و نزل تعشا ..

آدم : غير بصحة

طلع لبيتو .. مشا دوش .. لبس عليه غير شورط و تلاح فوق سرير .. تفكر إسراء و هز الفون كيفكر واش يعيط ليها ولا لا .. فالآخر دوز الأبيل ..

عند إسراء ⬅

إسراء : 😱 سكتي ... آدم كيعيط ..

رجاء : 😱 واو جاوبي ..

إسراء : نجاوب ؟

خطفات ليها رجاء الفون و جاوبات و لاحتو ليها و هربات

رجاء : سورييييي 😂😂

إسراء : 😨 أ .. أللو

آدم : إسراء .. ؟

إسراء : وي .. آدم .. كيف وصلتي سافا ؟

آدم : وي حمد لله و نتي ؟ كلشي بيخير ؟

إسراء : وي كيف خليتيني كيف باقا 😊

آدم : امم بغيت نقوليك غدا غنجيو أنا و ريم نشوفو جهاد

إسراء : (صافي هادشي لي باغي تقول 😒) احم اوكي أنا غنقولها ليه ..

آدم : و بغيت نسمع صوتك داكشي علاش عيطت

إسراء : 😍احمم ..

آدم : هه مقالتهاش ليك باش تسكتي ..

إسراء : احم .. رجاء را عارفة

آدم : هه هادي مافيهاش شك ... الآخرين غيعرفو فالوقت المناسب ..

إسراء : صراحة خايفة من رد فعل هند

آدم : إسراء مبغيتك تشغلي بالك بوالو لا بهند لا بالخدمة أنا غنتكلف .. غير نساي عليك هادشي اوكي بيب ؟

إسراء : اه ؟ 😶 اوكي ..

آدم : يالاه نخليك ترتاحي دابا بوننوي .. take care

إسراء : حتا نتا .. بوننوي 😊

قطعات و تلاحت فوق سرير

إسراء : اووف قلبي الصغير لا يتحمل .. منين غيجيني هاد النعاس 😍 ... فين مشات هاديك الفركة ديما دارا ليا شي مصيبة ..

ناضت خرجات من البيت كتقلب حتا سمعات صداع جاي من بيت جهاد .. مشات حلا الباب

إسراء : مالكم منوضينها تاني ؟

رجاء : هاد خوك جاهل

جهاد : دخلنا عليك بالله أنا معوج من رجلي اش عندي مندير ليها ..

إسراء : ههه الله يستر .. ملي مكتلاقاوش اش جابك هنا ؟

بقاو غير كيشوفو فبعضياتهم

إسراء : 😂 سقلتو دابا ... اه موسيو الإدريسي غدا غيجي يشوفك هو و ريم

رجاء : ريم ؟ ولاش جاية ريم ؟

إسراء : أويلي كيفاش علاش جاية ؟ سيد معطوب جاية تشوفو ..

جهاد :(كيهضر و حابس الضحكة) .. كيوت هاديك البنت

رجاء : بصاح ؟ 😒 إسراء مغيجيش زياد ؟ 😈

إسراء : ماقاليش غيجي .. بحال والو

جهاد : و نتي مالك و مال زياد ؟

رجاء : والو غير كيوت هاداك سيد 😈

خرجات كتعوج

جهاد : هادشي لي بقا خاصني دابا 😡

إسراء : أنا و الله مبقيت فاهما شي حاجة

مشات رجاء لبيت إسراء. .

رجاء : بفف قاليك كيوت .. منين ؟ 😒

دخلات إسراء ..

إسراء : اجي نتي واش كيعجبك زياد ؟

رجاء : شنواهوا ؟ لا اش كتخربقي ؟

إسراء : و شنو داكشي قلتي ؟

رجاء : والو مديريش فيا راسك .. نتي هدرتي مع موسيو ؟

إسراء : هه آه 😊

رجاء : كتفرنسي .. نوضي الله يقطعك .. حاولو علينا حنا 😒

إسراء : هههه وا غير مبغيتيش

رجاء : سيري من الفهامات .. طفي داك الضو خلينا نعسو ..

إسراء : هه هي اللولا 😂

🌟🌟

صبح الصباح فاقت إسراء مع 7 خلات رجاء ناعسة و مشات لخدمتها .. مشات مع هند دارو جولة فالإذاعات .. و دوزو لي انترفيو مع المجلات .. ماسالاو حتا وصلات 6 ديال العشية ..

إسراء : اووف تعطلت بزاف .. غيكون جا لدار 😕

هند : شكون هدا ؟

إسراء : اه غير خويا جاي من الخارج

هند : اه .. تعطلتي .. بقا لنا غير نمشيو نشوفو ستايلست

إسراء : وي ماشي مشكيل ياللاه ..

في فيلا اليوسفي جالسين جهاد كيتفرج فماتش .. سعيدة شادة مجلة و رجاء حاضية الباب ..

رجاء : 6 هادي ..

جهاد : علامن عاصرة نتي ؟

رجاء : كنستنا غير فإسراء

جهاد : امم ..

شوية سمعو صونيت .. ناضت رجاء كتجري مشات حلات الباب .. لقات آدم و ريم جاو

ريم : رجاء .. لاباس عليك ؟

رجاء : حمد لله 😒 .. موسيو آدم سافا ؟

آدم : سافا مرسي .

رجاء : دخلو ..

دخلو لصالون .. آدم داخل و كيقلب بعينيه على إسراء مابانتش ليه ..

جهاد : أهلا بيزنيس مان .. لاباس عليك ؟

آدم : هه نسولوك نتا .. سافا شوية ؟

جهاد : حمد لله هانتا تشوف .. شدينا الأرض بمرة 😂 ريم لاباس عليك ؟

ريم : حمد لله .. كيبقيتي نتا .. تخلعنا عليك

رجاء : ( تخلعك جنية انشاء الله ) 😡

جهاد : لا كيف والو غير مقصح شوية و صافي .. الخدمة غاديا مزيان ؟

آدم : كلشي سافا .. عندنا شي حاجة جديدة مي نتسناو حتا تبرا ماشي مشكيل

جهاد : غير دوز داكشي لإسراء تقضي الغرض

ريم : اه مابانتش ليا إسراء فينهيا ؟

رجاء : خدامة أحبيبة .. شوية و تكون هنا

ريم : اه كنت باغا نشوفها ..

رجاء : حتا هي مغيعجبهاش الحال الى جات و لقاتكم مشيتو ..😏

دارت ضحكة جانبية و شافت فآدم حتا هو فهم الهضرة عليه

عند إسراء ⬅

خرجات هي و هند من عند ستايلست ..

إسراء : هند سيري مع شيفور أنا غنشد طاكسي و نمشي لدار .. يالاه سي يوو

هند : اوكي باي

مشات بجرى شدات طاكسي و طريق كاملة و هي حاضية المرايا حتا وصلات ..

إسراء : اووف ياربي يكونو مازالين .. قادت شعرها و حلات الباب دخلات .. مشات جهة الصالون و سمعات صوتو و ضحكات

إسراء : السلام عليكم 😊

تلفتو ليها كاملين ..

رجاء : أخيرااا

إسراء : كنتو كتسناو فيا

مشات سلمات عليهم .. وصلات عند ريم تعانقو .. و دازت باش تسلم على آدم .. عطاتو يدها و عينيها فعينيه

إسراء : موسيو آدم .. سافا ؟

آدم : وي .. و نتي ؟

إسراء : الحمد لله 😊

رجاء : اححم ..

بقاو كيتسالمو حتا سمعو رجاء كتحنحن .. عاد فاقت اسراء و طلقات منو و مشات جلسات حدا رجاء ..

رجاء : لمك شفتيه غا لبارح .. شديتي فسيد مبقيتي طلقتيه 😂

إسراء : سكتينا .. توحشتو 😍

رجاء : ويتك ويتك .. وا نوضي بغيت ليك الحكة و قلة الظفار مبقيتيش تحشمي .

سعيدة : خاصكوم تجلسو حتا تعشاو معانا مغنقبل حتا اعتراض .

كلشي شافو فآدم ..

آدم : أنا معندي حتا مشكيل

جهاد : أحسن حاجة غديرو .. أنا قهروني هاد جوج سليعفانات فاش كيتلاقاو مكيقد عليهم حد

آدم : دابا ولاو ثلاثة 😂

رجاء : راني سمعتك ألعوج ..

إسراء : و الله لا فكيتك منها هاد المرة 😂 دبر راسك

جهاد : رجاء زوينة عارفاني غير كنضحك ياك ؟

رجاء : امم صبغني ..

بقاو كلشي مجمعين و ضاحكين .. ستأذنات إسراء تمشي تبدل عليها .. و مشات طلعات لبيتها .. لبسات كسوة فالكحل و جمعات شعرها كوب شوفال .. غير حلات الباب بغات تخرج و هو يبان ليها آدم ..

إسراء : آدم 😱 آش كدير هنا ؟

جراتو لبيت دفعاتو على الحيط و سدات و بقات كطل هو غير كيضحك

إسراء : الا شافك شي واحد دابا ؟

سمعاتو كيضحك و تلفتات ليه ..

إسراء : علاش كضحك ؟

آدم : كنت غادي غير الحمام 😂

إسراء : اه ؟ الحمام ؟ ... (مرضاتش يسحاب ليها جا عندها) اوا سير لحمام راه على يدك ليمنا ..

طلقات منو و بغات تخرج و هو يجرها و حاصرها جهة الحيط ..

آدم : فين غادية تاني ؟ حتا قلت أخيرا بقينا بوحدنا

إسراء : احمم .. اوا نتا بغيتي الحمام ..

آدم : توحشتك (دار يديه فشعرها كيلعب بيه)

إسراء : آدم .. غيجي شي حد يشوفنا

آدم : أنا معندي سوق نمشي دابا نقول ليهم حنا اونكوبل ..

تم خارج و جراتو

إسراء : أجي فين غادي ؟ 😂 حتا أنا توحشتك 😶😍

آدم : امم بزاف ولا شوية ..؟

إسراء : هه بزاف

آدم : قداش هاد بزاف ؟

كيهدر و كيقرب ليها .. حتا مابقا والو و يتلاقاو شفايفهم ..

رجاء : إسرااااااء

سمعات رجاء كتعيط ليها

إسراء : 😱 خاصني نمشي

دفعاتو و خرجات .. آدم تنهد و تكا راسو على لحيط .. شوية رجعات إسراء كتجري ..

إسراء : آدم ؟

آدم : وي

تلاحت عليه باستو فحنكو و هربات

آدم : وا اجي فين هربانة 😂

نزلات إسراء لصالون جلسات حدا رجاء ..

رجاء : مالكي مزنكة ؟

ماجاوبتهاش إسراء غير كدور فعينيها .. شوية دخل آدم و جلس معاهم .. دارت رجاء عند إسراء

رجاء : اوا الله يلعن لي ميحشم .. 😂

إسراء :(حابسة الضحكة) اللقوة .. سكتينا

جهاد : اه إسراء. . خاصك دوزي عند آدم لشركة على قبل شي خدمة

إسراء : خدمة ؟ تلفتات لآدم ..

آدم : اه كاين بروجي جديد حتا تجي و ناقشوه ..

إسراء : شوقتيني بغيت نعرف ..

آدم : غدا أجي فالصباح و تعرفي كلشي .. متأكد غيعجبك

إسراء : معنديش شك 😊

جهاد : بجوج مهووسين بالخدمة تلاقيتو 😂

ريم : ههه بصح ..

إسراء و آدم بقاو غير كيشوفو و رجاء حالة فمها كتفرنس

إسراء : سدي فمك الموت كدور

رجاء : يموتو عدياني و لي ميبغيوني

إسراء : 😂😂

سعيدة : أجيو تعشاو

ناضو كاملين تعشاو فجو ديال الضحك و جماعة .. نساجمو و مبقاش البروتوكول بيناتهم ..

ريم : الله يعطيك الصحة أخالتي .. طيابك غزال

سعيدة : بصحتك أبنتي .. ولدي مكليتي والو ..

آدم : لا كليت الحمد لله .. الله يعطيك الصحة

رجاء: (بهمس) كهماتو بنتك 😂😂😂

جهاد : سليعفانة مالكي كتفرنسي ؟

رجاء : عندي سمية 😒

جهاد : اه آش سماك الله ؟ 😂

إسراء : بعد ليا من صاحبتي .. را مكتجبدكش

ريم : واش نتوما ديما هكا مدابزين ؟ 😂

إسراء : مشفتي والو .. كل شوية قالبينها صباط

آدم : منيمتا و نتوما اونكوبل ؟

رجاء : كح كح كح (بالصدمة وحلات ليها )

جهاد : هاكي شربي .. محاملانيش لهاد الدرجة ؟ 😂

رجاء : أنا و هدا اونكوبل ؟ واخا يبقا غير هوا 😒

جهاد محملش هضرتها و بقا فيه الحال ..

آدم : آه يمكن أنا فهمت الأمر غلط ..

إسراء : وي الصراحة أنا سباب .. 😂

ريم : كيفاش ؟

إسراء : كانت هند و ضطريت نكدب عليها باش ... راكم عارفين ..

ريم : آاااه .. ههه عبرتي ...

كملو عشاهم و توادعو .. خرجات معاهم إسراء لباب

ريم : باي أحبيبة متغبريش علينا

إسراء : ان شاء الله نتلاقاو قريب 😊

ريم : بااي (مشات لطوموبيل )

آدم : غنشوفك غدا ..

إسراء : ان شاء الله .. غنجي باش نهدرو على .. الخدمة

آدم (حط يديه عى يدها) الخدمة .. 😉

إسراء : (كطل تشوف واش كيشوف فيهم شي حد و حابسة الضحكة) ههه تصبح على خير

آدم : كتجري عليا ؟ 😂

وقفات على صباعها قربات ليه موصلاتش ..

إسراء : وا نزل عندي

آدم : هاني 😂

تحدر عندها و هي تبوسو فحنكو و وركات عليه .. و دفعاتو

إسراء : يالاه سير 😂

آدم : ههه سي يو 😉

مشا ركب فطوموبيل .. دارت ليه باي ب يدها و دخلات لدار . مشات لصالون جالس جهاد و سعيدة و رجاء ..

رجاء : هادشي كامل غير بسلامة

إسراء : مكتساليش نتيا .. 😂

جهاد : أنا غنطلع لبيتي تصبحو على خير

رجاء : صافي غتنعس دابا ماموالفاش ليك ؟

مشا باس لماماه على راسها ..

جهاد : تصبحي على خير ألواليدة

سعيدة : و نتا من أهلو أحبيبي

مشا و تلفتات رجاء لإسراء

رجاء : مال هدا؟

إسراء (هزات كتافها ): معرفتش ... يالاه نطلعو حتا حنا

مشاو دازو حدا بيت جهاد و تلفتات ليه رجاء .. شافتها إسراء

إسراء : أنا غنشوفو مالو ..

رجاء : اوكي .. و مشات دقات إسراء على جهاد ..

جهاد : وي ؟

إسراء : غير أنا أجهاد نقدر ندخل

جهاد : آجي ..

دخلات لقاتو ناعس فسرير و مشات جلسات حداه

إسراء : جهاد ؟ آش واقع ؟

جهاد : كيفاش شنو واقع ؟

إسراء : غير كتبان طالع ليك الدم و شي حاجة شاغلة بالك ؟

جهاد : مكاين والو من هادشي .. غير راك عارفاني معنديش مع الجلسة فدار

إسراء : اوكي .. نخرجو دابا تقدر تحرك .. فين بغيتي نمشيو ؟

جهاد : (جرها عنقها) غير سيري نتي خدامة غدا .. سيري رتاحي متشغليش بالك معايا اوكي ؟

إسراء : اوكي .. لي بغيتي .. تصبح على خير 😊

جهاد : good night 😊

خرجات إسراء مشات لبيتها لقات رجاء كتسنا فيها

رجاء : آش قاليك ؟

إسراء : قانط .. راك عارفاه معندوش مع الجلسة فدار

رجاء : امم اوكي ..

إسراء : يالاه نعسو .. غدا عندي ميدار فصباح ..

رجاء : اوكي بوننوي

إسراء : بوننوي 😊

طفاو الضو و بقات رجاء ساهية كتفكر فجهاد لي معبرهاش فاش هدرت معاه ماموالفاش ليه ينخلها واخا يكون مقلق .. حتا داها نعاس ..

🌟🌟

صبح الصباح .. فاقت إسراء مع 8 .. غير سمعات المنبه و ناضت كتجري .. دخلات دوشات و خرجات لابسة بينوار حاات البلاكار و وقفات

إسراء : آش غنلبس ؟ اوووف حتا حاجة متحمر الوجه

مشات كتفيق فرجاء

إسراء : رجاااء .. رجاء .. وا فيقي بغيتك ضروري

رجاء : واا بعدي مني 😢 بغيت نعس أعباد الله

إسراء : وااا دغيا

ناضت رجاء شعرها مشعكك و معمشة .. جلسات مخنزرة

رجاء: هاني .. آش عندك فهاد الصباح

إسراء : معرفت منلبس 😕

هزات رجاء مخدة و زفات عليها ...

رجاء : هادشي علاش مفيقاني .. على شطايط .. هداك الماريو لي غيطرطق كامل مابانت ليك فيه حتا حاجة ؟

إسراء : هه وا صافي دابا فقتي .. غير عاونيني ..

مشات رجاء جبدات ليها متلبس فدقيقة و رجعات نعسات

إسراء : 😱 كنت نااسية هادو .. خطيرة أصحيبتي

تلفتات ليها لقاتها نعسات ..

إسراء : ههه دغيا ودعتي .. (مشات باستها) اه معمشة 😂

لبسات اسراء قادت ميكب خفيف و شعرها سامبل .. خرجات بلا فطور .. مشات لريسكو فطرات و فنفس الوقت كتراجع جدول الخدمة ديالها .. كملات فطورها و مشات عند هند حضرو اجتماع مع شركة مستحضرات تجميل باش دير ليهم هند إشهار .. سالاو و خرجو ..

هند : اووف شحال فيهم ديال الهضرة 11 هادي ..

إسراء : هاد العشية معندك والو .. أنا غنمشي عندي شي خدمة .. نتلاقاو من بعد

هند : اوكي .. باي

ركبات إسراء فطوموبيلتها و سهات ..

إسراء : اووف مابغيتش نكدب عليك أهند و لكن معندي مندير 😕 (شافت فساعة) اوو تعطلت ..

شدات طريق لسويفت .. غير وصلات و نزلات كتجري .. طلعات و لقات هاجر حدا المكتب ديال آدم

إسراء : هاد الجنسا تاني .. اووف

هاجر : هااي .. الماناجر ديال موسيو جهاد ..

إسراء : عرفتي معنديش الوقت للتعارف دابا .. كاين موسيو الإدريسي؟

هاجر (كطلع و تنزل فإسراء) : عندك موعد ؟

إسراء : ديجا قلت لك منحتاجش موعد أحبيبة .. تقدري تحيدي ليا من طريق ؟

هاجر : بلاتي نعلم موسيو الإدريسي

مشات هاجر لمكتب هزات الفون متسناتهاش إسراء و دخلات لمكتب ..

هاجر : يخخ منين جاتني هادي تاني .. 😤 ماغاديش نخليه يشوف فيكم .. حتا وحدة فيكم .. آدم ديالي أنا

إسراء دخلات .. بان ليها آدم جالس فالكرسي و عاطي لباب بظهرو ..

آدم : هاجر قلت لك مابغيت حتا واحد يدخل عندي

سدات إسراء الباب و مشات قربات ليه حطات يدها على كتفو ..

إسراء : حتا أنا ؟ 😊

آدم سمع صوتها و تلفت عندها

آدم : إسراء .. امتا جيتي ؟

إسراء : (جلسات فوق المكتب) عاد دابا .. دارو ليا استنطاق فالباب عاد دخلت 😂

آدم : دابا نهضر معاهم ..

إسراء : نو

بلاش غير غنجبدو علينا النحل .. ماشي مشكيل ..

آدم : you look beautiful

إسراء : حتا نتا مابيكش 😂

آدم : (وقف و قرب ليها حاصرها فوق المكتب ) امم مابياش قلتي ؟

إسراء : اه ؟ زعما حتا نتا ... (شافت ملف حداها .. هزاتو ليه عند وجهو ) ديالاش هدا ؟ 😶

آدم : ههه داكشي ديال الخدمة .. غيجيبلك غير الملل ..

إسراء : اوكي .. يالاه خليني نمشي نجلس دابا يدخل شي واحد يشووفنا هكا

آدم : هه غتغداي معايا اليوم ياك ؟

إسراء : واخا .. غير نوض عليا 🙈

آدم : ههه يالاه ألالة سيري فين عجبك ..

بعد عليها جلس فالكرسي و حتا هيا مشات جلسات فالكرسي لي مقابل معاه ..

إسراء : مقلتيش ليا أشنو البروجي لي بغيتي فيه جهاد

آدم : بغينا نبنيو ملاعب كرة القدم فشي مدن .. لي غيستافدو منهم المواهب الصغيرة و ناس لي معندهم فين يلعبو .. و مكرهناهش يكون معانا ..

إسراء : نااايس .. متأكدة غادي يبغي يخدم معاكم 😊

آدم : هاهو الملف ديه معاك فيه المعلومات كاملة ديال البروجي ..

إسراء : اوكي .. ماغاديش نتغداو ؟ جاني جوع 😢

آدم : ههه يالاه هي اللولا ..

إسراء : لا أنا غنمشي .. و نتا تبعني مور 5 دقايق .. اوكي ؟ اه . جبت طوموبيلتي .. كيغاندير ليها ..

مازال كتهدر جرها من يدها و مشا جهة الباب

آدم : مشحفتيش ؟

إسراء : 😱 آدم .. لا لا .. اوكي واخا نمشيو غير طلق من يدي

آدم : (طلق منها) ههه يالاه .. را عادي نتغداو اونسومبل .. اوكي ؟ (شد ليها حنيكاتها ب يديه و جرهم ) اوووكي ؟

إسراء : اح .. صافي اوكي .. غير طلق 😂

جرها و باسها فحنكها

إسراء : احمم .. يالاه خلاص .. سبقاتو و خرجات زربانة

آدم : 😂

تبعها آدم .. حتا وقفاتو هاجر فطريق

هاجر : موسيو الإدر...

آدم : (قاطعها) ماشي دابا ..

مشا تبع إسراء لدروج و شد فيدها

إسراء : خلعتيني .. (كدور فعينيها حداهم تشوف واش كاين شي واحد)

آدم : حتا واحد مكينزل فدروج ..

إسراء : هه اوكي 😂

بقاو غاديين مشاديين .. حتا وصلو الباركينغ .. حل ليها الباب ديال طوموبيل و مشا ركب و ديمارا ..

إسراء : فين غنمشيو ؟

آدم : ممم خليها مفاجأة؟

إسراء : اوكي 😊 ..

ماكانتش 10 دقايق حتا وصلو ..

إسراء : سوشييي .. باش عرفتي كيعجبني سوشي ؟ 😍

آدم : ههه اوا حمد لله ملي كيعجبك .. 😂

نزلو دخلو لمطعم و طلبو شنو بغاو ... إسراء طاحت فالماكلة عميا مبقاتش هزات راسها .. بقا كيشوف فيها آدم هز كاس ديال الما عطاه ليها ..

إسراء : (شافتو عطاها الكاس .. هزات عينها فيه) كح .. شكرا 😶

آدم : (دار يدو مسح ليها حبة رز كانت حدا فمها) العفو 😊

إسراء : 😶

كملو ماكلتهم خلص آدم و خرجو

إسراء : طوموبيل بقات فالباركينغ ديال شركة

آدم : ماشي مشكيل خلي ليا سوارت نسيفطها ليك مع شي واحد .. (حل ليها الباب) طلعي

إسراء : ☺

ركب حتا هو و ديمارا ..

آدم : ضروري تمشي لدار دابا ؟

إسراء : آه 😕 جهاد قنط بزاف فدار بغيت نخرج معاه هاد العشية .. حتال غدا و نتلاقاو .. (حطات يدها على لحيتو) اوكي ؟

آدم : (باس يدها) اوكي

وصلها حتال باب الفيلا تسناها حتا دخلات عاد مشا ..

#يتبع

عشق و كبرياء الجزء السادس

محتوى القصة

التنقل بين الأجزاء