تائهة أنا الجزء 13

صباح جديد☀☀☀

فاقت سميرة بكري ..حلات عينيها مالقاتش نورسين حداها...يسحابليها غي فاقت قبل منها...مشات غسلات وجهها وخرجات كتقلب...دخلات للكوزينة لقات نرجس واقفة طالقة الراديو وكتوجد الفطور وتشطح..سارات عينيها مابانتش ليها نورسين...مشات لبيت ابگلاس مالقاتهاش وهي تمشي لصالون كتقلب...بانتليها ناعسة فالراس على كرشها ووجها مكيبانش مغطي بالشعر.والمسوة طالعالها حتى لفوق قريب يبان السليب...والصندابة وحدة لابساها ووخدة فالارض فوق الزربية..وكتشخر مكيناش فهاد العالم...قربات عندها وبقات واقفة كطلع وتهبط وتحاول تستنتج لراسها اش طاري...مافهمات والو وهي تگلس عند راسها وكتهز فيها باش تفيق..

سميرة: نورسيييين...

نورسين: كتشخر...

سميرة: واااا نورسين...فيقي...

نورسين: (كتهضر نلعسة) اننننن...منهتامنع...مني...

سميرة: (كتهز فيها) نوضي...لاش ناعسة هنا...

نورسين: (حلات عين) شنو!!.

سميرة: مالك ناعسة هنا؟

نورسين: رجعات تنعس....

بقات معاها سميرة شي نص ساعة كتفيق فيها بالسيف باش ناضت گلسات وساظة عينيها...

نورسين: لاش مفيقاني اماما..خليني نعس...

سميرة: نوضي خلاص...عندنا شلا مايتقضى...گوليلي بعدا لاش جيتي تنعسي هنا؟

ماعرفات باش تجاوب وبقات كتبلق فعينيها وحصلات...

سميرة: (بنضرات شك) ياك ما خرجتي بالليل؟ 

نورسين: (خرجات عينيها) أ؟ (كتفتف) ماخرجت فين...انا غير نضت نبول وعگزت نرجع لبلاصتي وصافي...

سميرة: اممممم! وشتاهي هادي؟ (كتنعت ليها لكرطونة الي حداها)

نورسين: (تلفات بالدهشة) شناهيا هادي؟؟

سميرة : راه انا الي كنسول...

حصلات وبقات غي كدور فعينيها ومالقات ماتقول ختى دخلات نرجس:

نرجس: لا سميرة..نوضو دفطرو..راه واجد...

نورسين لقاتها فرصة ومناسبة باش تهرب..نتراتلها الكرطونة من يديها وناضت كدوي مزروبة:

نورسين: اه اماما نوضو نفطرو فيا الموت دالجوع..نوضي نوضي...

سمحات فيهوم وسلتات خرجات مشات لبيت وگلسات فوق ناموسية كترتاح من التوتر...وبقات كتفكر الموقف وبدات ضحك غا بوحدها..شافت فالكرطونة وكتفكر امتا عطاهالها..الي عقلات عليه هو كانت فوق الطبلة حدا لاطارط فاليخت...حلاتها بزربة قبل ماتجي مها...ولقات فقلبها تيليفون ...اخر موديل..وكولو كيلمع...بقات تقلبو وتشقلبو فيديها ..كيشبه لهداك الي كانت عطاتها ريما وزايد عليه بزاف...فاللور ديالو منقوشة سميتها بشكل زوين ومعمرة بالحجر ...عجبها المنضر ديالو وشعلاتو ..كانت فيه لاكارط وفيه كولشي..بقات ساهية معاه وحالة عينيها فيه تا سمعات صوت مها كتعيط بالجهد باش تجي تفطر..طارت من بلاصتها ولاحتو وناضت غسلات وجهها دغيا وخرجات كتجري...غادية بشوية وحشمانة وكطلب بينها وبين راسها ماتسولها مها والو...گلسات ومادواتش معاها..گالسين كيفطرو فصمت حتى نطقات نرجس..

نرجس: امتا ماجيين دوك الناس؟

سميرة: (كتاكول) بالليل...

نرجس: شني مانعملو لعشا؟

سميرة: خلي حتى نساليو الفطور وندخل معاك لكوزينة نوريك اش ديري..

نورسين كتاكول وتشوفيهوم مافاهمة والو ..ضرها راسها علامن كيدويو..عيات صابرة وهي تسول مها..

نورسين: شكون جاي؟

سميرة: شي ناس..

نورسين: (فنفسها) هه يسحابلي حيوان...

سميرة: شكاتگولي؟

نورسين: گتلك شكون هاد الناس؟ ياك نتي مكتعرفي حد هنا وحتى العائلة مكيناش!!

سميرة: ايييه..هاد الناس راه مجايينش على حسابي ..جايين على حسابك..

نورسين: مافهمتش؟؟ شكون هادو...

سميرة: ههه..شي ناس الالة جايين يخطبوك...

نورسين: (وحلاتلها الماكلة) كح..كحححكح..كححح...

سميرة: (مداتلها كاس دالما) هاكي هاكي...شربي ...

شدات ابكاس كتشرب وعينيها غيخرجو...شربات داك الكاس وهي قاطعة النفس سالات وحطاتو فوق الطبلة بالجهد وضارت شافت فمها وقالت بصوت عالي..

نورسين: اويلي! شكون هادو..واش حماقيتي؟ 

سميرة: ههه...علاش حماقيت..واش الزواج عيب؟ نتي ابنتي كبرتي وخاصك ديري دارك...ومغتلقايش ماحسن منو..تاتشوفيه وحكمي..

نورسين: (عضات على سنانها وخرجات عينيها) اعععععن...والله وجا حتى نقتلو😠😠

سميرة: هههه...اهاه؟ نتي كنتي غتموتي على ودو ودبا باغا تقتليه؟

نورسين: (بصدمة) واش سيف؟

سميرة: (كتغامز هي ونرجس) هههه..وشكون من غيرو

مافهمات والو وبقات غي كدور فعينيها...ومخلطة ليها الصدمة مع الفرحة...

نورسين: ولكن كيفاش ؟ امتا گالهالك؟

سميرة: البارح ..فاش كنت غادية الحمام..قبل مايطلع عندك هههه

نورسين: ولد الحراام..گاع ما گالهاليا..

سميرة: وانوضي دبا يالله توجدي راسك...نوضي..

ناضو خلاوها گالسة كتفصل وتخيط غا بوحديتها..ومرة مرة تشوف فالخاتم...حتى سمعات مها كتغوت عليها باش تنوض...عاد تگعدات من بلاصتها..ومشات دخلات لبيت..نيشان لدوش..دوشات وفركات مزيان شي جوج سوايع عاد خرجات...لاوية عليها فوطة وكتنشف فشعرها...گلسات على النموسية كترتاح وشافت التيلي باقي مليوح هزاتو كتقلب فيه ولقات بزاف دليزابيل...ابتاسمات وعرفاتو حبيب القلب...رجعات دوزات المكالمة بغات تجرب واش غيصوني وتشد الخط...

سيف: الحب...صباح الخير..

نورسين: اممم..انا مخاصماك..

سيف: ههه..علاش؟

نورسين: گاع ماگلتيلي غاتجي اليوم😞

سيف: واحبيبة..نتي نعستي كيغاندير ندوي معاك 

نورسين: اممم..ودبا شكون غايجي؟

سيف: بوحدي...

نورسين: اوكي...شنو كادير؟

سيف: انا فاوطيل يالله هابط نفطر...ونتي؟ 

نورسين: انا دوشت وعاد غنوض نلبس حوايجي...

سيف: اااح..كون خليتي تاندوشو بجوج..

نورسين: سير يالماسخ...سهتيني البارح..وباغي تكملي اليوم...

سيف: مزال ماشفتي والو الزين..غي تسناي نلقا عليك الغفلة..

نورسين: هييييه! ثافي سيفحالك..خليني نلبس...

سيف: اوكي بب..خاصك شي حاجة؟

نورسين: نو بب ماخاصني والو..

سيف: كنبغييييك😍

نورسين: حتى انا😍

قطع التيليفون وكملات لباسها وخرجات عند مها لقاتهوم خايدين فالكوزينة...بداو يوجدو لليل ...گلسات فالقنت كتفرج فيهوم ومتبعاهوم بعينيها..تا ضارت مها وشافتها جات عندها كتجري...

سميرة: نوضي ..نوضي...

نورسين: فين؟

سميرة: غانديك لصالون ...

نورسين: لاش؟

سميرة: ويلي على لاش؟ وراه اليوم عندك الخطبة..فهمتي شنو هي الخطبة؟ بغيتي تخرجي عند الناس هكا.؟

نورسين: اوووف..وافين هاد الناس راه جاي غي بوحدو اماما...

سميرة: اممم..وباش عرفتيها؟

نورسين: فين جا الصالون؟؟

سميرة: اممم...كتقلبي الهضرة..زيدي نعطيك جلابة لبسيها وتبعيني...

مشات عطاتها وحدة من جلالبها ولبسات هي جلابة ودارت زيفها وخلاو نرجس فالكوزينة وصاتها اش دير وخرجو لى برا لقات طوموبيل كحلة واقفة تحت الدار..وواقفين قدامها جوج دالناس لابسين كولشي كحل الي داز كيشوفيهوم...غي شافوها خرجات مشاو عندها...

الراجل: مدام! حنا خلانا موسيو سبف هنا..واش تبغي نوصلوك لشي بلاصة...

سمبرة: لا اولدي مايحتاحش..حنا غنمشيو غي لدرب الي لور...

الراجل: واخا ..مي غنتبعوكوم..هادو اوامر موسيو سيف...

سميرة: والي بغيتي اولدي..غي هو الطوموبيل مغدخلكومش فالدرب الي غاديين ليه...

الراجل: اوكي مدام..غنمشيو على رجلينا...

مشاو فالطريق وليگارد تابعينهوم متللور..ونورسين مرة نرة دور تشوف فيهوم..

نورسين: ماما..دبا هادو لاش تابعينا..دايرين لينا الفرطة..

سميرة: ههه..خلي السيد حاضي رزقو.

نورسين: اويلي على رزقو مالني غنهرب..

سميرة:واختي گوليهاليه هو لاش انا...دبا سربي دغيا باش نلقاوه خاوي..مع وقيت الغدا دبا...جيجي غتكون مساليا دبا..

نورسين: جييجي؟ شكون جيجي؟

سميرة: هههههه..زيدي وغتعرفي...

كملو الطريق ودارو مع واحد الدرب وهوما يوصلو للصالون مع الدخلة لقاوه كيصفر خاوي مافيه حد...بقات سميرة كتعيط بسميت جيجي...تا خرج واحد الكائن ماتعرفو بنت ماتعرفو ولد...شعرو طالع وصابغو بالزعر...وناتف حجبانو...وداير حلقة فودنيه ولابس سروال كحل مزير...وقاعو باين..مع تيشورت كول ڤي مزيرة تاهي وداير سناسل...خارج كيتعوجفالمشية...غي قشع سميرة تم جاي عندها...كيضحك ..ويتعوج فالهضرة...

جيجي: اهلاااا..يا مرحبا بالحبيبة دقلبي (كيهضر مبنت) شني نتينا؟مدة ماشوفناك..(شاف فنورسين) شكون هاد المزيونة؟

سميرة: هادي بنتي..نورسين...

جيجي: يا لالة ويالالة..غزالة ماشاءالله...(تلاح عليها كيبوس ويعنق وهي ماحاملاتوش)

سميرة: هانا جبتهالك..اليوم عندها الخطبة ...قادلها شي حاحة زوينة...

جيجي: اييه...ايوا تسنا نجيب الماطريال من داخيل..غنرودالك بحال الوردة فالجردة...

مشا دخل كيتعوج لواحد البيت ودارت نورسين عند مها...

نورسين: ماما..واش هادا معاهوم ولا معانا؟؟

سميرة: ههههه...واشوفي نتي شنو بانلك..

نورسين: هههه..انا جاني بحال سنبل اغا الي فحريم السلطان...

سميرة: هههههههه...صافي سكتي هاهو جاي...

جا عندهوم كيمشي بحال البنت...ورجع كيمضغ المسكة...وكيضحك..شد فنورسين وداها گلسها قبالت المراية ومشات سميرة گلسات حداهوم فوق الفوطوي وشدات مجلة وبدات تقلب فيها..وهو بدا الخدمة فنورسين وكيمضغ النسكة ويدوي:

جيجي: سوسو(سميرة) ماعمراك قوتلي عنداك العايلة قد هايدا! فاين كنت مخبعاها علينا؟

سميرة: ههههه..علاش ياكما عجباتك؟

جيجي: (عوج سيفتو) هييييي..ويلي ماما! نتينا عارفاني ماعزيزشي عليا العايلات...اواعدي يانا..انا بيدي وكيطمعو فيا العواول..ياختي وهايدا كيعملو بالزين...شمنك ياطولة وشمنك يا تجريدة...بالحق تانا عاطية العين اولا! (شاف فنورسين من المراية حابسة الضحكة) قول نتينا العايلة..كيجيتاك؟

نورسين: هههههه...غزال تباركالله...بغيت نگول غزالة تباركالله...

جيجي: الله يحجبني والله يخليني ليلي..نموت فيك يا اناااا...(دلا شنايفو جهة المراية) موااااااااح😘

سميرة: (كضحك) ههههه...جيجي امتا غنفرحو بيك تانتا؟

جيجي: ايوا غي مزال ماجا نصيبي...وفارس اخلامي واقيلة توضرلو البغل...وجاي على رجلو يالحبيبة هانا كنتسنا...راه الزهر والو..ياختي مكوز وعاطيني بزكو وماقدارتشي نخورو...

سميرة: هههههه...ايوا كولشي بالمكتاب ..غي زيدي صبري دبا يجي هاد الفارس (كتغمز نورسين من المراية)...

جيجي: (كيفرقلها شعرها لنورسين) قولي تينا..هاد بوركابي الي ماحي يخطباك..فيه مايتلباق بعدا ولا عا قدي وعدي؟ عنداك دمشي دلوح راساك لشي مضهصص يدوز عليك الدكاكة...سولني انا يالحبيبة دقلبي..انا الي مجرباهوم..غالزامل لخااه ياختي..

نورسين: (كدوي مع راسها) هههه..الخرية كتقلب على ختها 100 عام..

جيجي: شني؟

نورسين: لا والو قتلك...راه فيه ميتلبق هههههه

جيجي: ايوا هايداك نبغيك...هاد الزاين كامل خاصو الي يتهلا فيه...ماشي الي يكشفو...

بقات كتقادليها وكيهضرو ويضحكو بيناتهوم ومخسوش بالوقت امتا سالا...صوبلها شعرها بوكلي...وحيدلها غي ليبوانت ...قادليها حجبانا...وضفارها...وسالاو ناضو خرجو بحالهوم..لقاو ليگارد مزالين واقفين كيتسناو...مشاو راجعين لدار وتبعوهوم...

نورسين: بفففف..جاني الجوووع..

سميرة: وازيدي دغيا غيكون لغدا واجد..تعطلنا عند جيجي...

نورسين: هههه..الصراحة فالاول ماحملتوش مي ضريف والله نشطنا بعدا..قتلني بالضحك...

سنيرة: ايوا الله يهديه وكان..

نورسين: امييين...

رجعو لدار لقاو نرحس موجدة الغدا وكتسنا..كلاو دغيا وناضو جمعو الطبلة...ودخلو لكوزينة سميرة ونرجس ونورسين مشات لبيت صونات على سيف ماجاوبهاش وحطات التيلي ونعسات...دخلات فغيبوبو ناحساتش براسها ختى جات عندها مها كتفيقها وكان ضلام الحال...ناضت مقلوبة وراسها تقيل ومدگدكة...عطاتها سميرة واحد القفطان باش تلبسو ...ديال جوهرة فالبلون كاسي..ومخيط براندة فالقرفي...ناضت طرفات وجهها ولبساتو...طلقات شعرها قاداتو ودارت غي كحل فوق عينيها وگلوس خفيف...وگلسات فالبيت كتسنا وبدا يجيها الخوف والتوتر..كتسنا فبيتها وعلى اعصابها ومرة مرة تشوف التيليفون...كدوز لسيف مكيجاوبهاش...بقات غادية جاية فالبيت كطرطق صبعان يديها ..ودور دور وتشوف فالمراية..حتى سمعات الدقان والسونيط فالباب..قلبها مشا وجا..وعرفاتو هو...زادت الباب كتصنت..وسمعات الثوت ديال بزاف دالناس ماشي غي واحد...دخلو لصالون وماحاولات تغرز تا صوت...رجعات گلسات فوق النموسية..وقلبها غيخرج من بلاصتو...ورجليها بداو يفشلو بالخلعة...بقات هكاك على اعصابها حتى تحل الباب وضارت بزربة تشوف..وخرجو عينيها بالصدمة مخلطة مع الفرحة...وغوتات غي غوتة...وناضت كتجري...

نورسين: ريماااااااااااااااااااا...

ريما: (عنقاتها بقوة) نورسين...حبيبتي...توحشتك...

نورسين: وااااع..تا انا...

بقاو معانقين وكينقزو بجوج بحال الحماق....فرحانين حيت رجعو تلاقاو ..جراتها نورسين بلهفة ومشاو گلسو فوق النموسية...

نورسين: يااااي..متصوريش شحال توحشتك اختي..

ريما: ههههحتى انا اصاحبتي....كنت عارفة اني غنرجع نسوفك والله

نورسين: كوليلي شكون برا وامتا جيتي؟

ريما: ههه..جينا انا وبابا ومي عيشة وراجلي المستقبلي وياسين الحمق..راه كولهوم برا..هههه

نورسين: (بحزن) وماماك؟؟

ريما: للاسف مابغاتش...راك عارفة الي كاين...مهم نتي بلا ماتشطني راسك بيهوم...هادا نهارك هاثك تفرخي فيه اولا؟

نورسين: ههه..غي سكتي راه ماعىفت واش نفرح ولا نحيد هاد الخلعة الي شاداني من رجلي..دبا عاد حسيت بيك على داك النهار...اجي ناتخرجيش فبلاصتي ؟

ريما: هههههههه...نعلحسك فاش فكرتيني...

بقاو گالسين كيهضرو تا دخلات مها.لابسة قفطان موبرة گرونة وسفيفة ديال الصم..وشال فلونها...ومقادة وجهها شوية..وجات عندها...

سميرة:(باعجاب) تباركالله على بنتي الله يحجبك...(عنقاتها وزيرات عليها) الحمدالله الي ربي زادلي فالعمر تاشفتك عروسة ..ونتهنا عليك ونسيفطك لدارك..ومع الراجل الي كتبغي...(شافت فبها وعينيها دامعين) متصوريش شحال فرحانة دبا...

نورسين: واصافي اماما ..غتبكيني عاود..وانا غي على سبة ..قاتلاني الخلعة..هانا غاندير بناقص والله لا خرجت ليك...

ريما: هههههه...هي لا بغيتي خويا سيف يجي بجرك من نيفك...

سميرة: هههه..وايييه..خرجي تشوفيه كيداير...مني دخل وعينيه على الباب هههه..كيدور فعينيه بحالا كيقلب على شي حاجة..(غمزات ريما)

ريما: هههه..واييه..اجي اخالتي علامن يكون كيقلب زعما؟ 

سميرة: ههه.واشكون تالفليه من غير نورسين...

نورسين حانية راسها حشمانة ومزنگة وكتسمع فيهوم..

ريما: هممم..اجي اش بانلك منخرجوهاش عندو گاع..نأجلو الجلسة حتى السيمانة الجاية هههه

نورسبن: (غوتات بزربة) شنااااهواا؟؟

سميرة: ههههه.بسمالله عليك..يالله تخرجي(شداتليها فيديها) زيدي

نورسين: (كتنتر يدها) لا..لا..اماما غي خليني حشمت والله...

سميرة: هههه.اويلي على حشمانة...

نورسين: ماقاداش نخرج والله..رجلي فاشلين عليا..

سميرة: (دارت يديها على جنبها) هممم..رجليك فشلو عليك غا دبا..مكيفشلوش عليك فاش كتخرجي عندو فنصاص اليل ها؟

نورسين: (غرقات فبلاصتها وكدوي فنفسها) الصراحة كبفشلو..ههه

سميرة: يالله تحركي قدامي ..(شافت فريما) جيبيها هانا غنخرج عند الناس..متعطلوش.

مشات خرجات وضارت ريما عند نورسين...

ىيما: (حابسة الضحكة) لا طلعتي گراض ..غا من جولييت لسندريلا..ههههه

نوىسين: ههه...ناري ياصاحبتي صدماتني يسحابلي ماعايقاش..

ريما: ههه..وانتي كتعرفي تستري شي حاجة بعدا..

نورسين: اودي انا من نهار بغيت خوك..وليت اكبر مكلخة على وجه البسيطة..هههه

ريما: ههههههه...حالتك صعيبة الزين..دبا زيدي نخرجو قبل مايصعر عليك...راه كيڤيبري برا..

نورسين: هههه...زيدي انا راه معالم بيا غي الله..قلبي كيشطح العلوة..ياربي امتا دوز هاد الليلة...

ريما: غادوز مزيان متخميش ..راه صعيبة غالبدية..سالي المجرب لا تسالي الطبيب..ههه

نورسين: ههه..عالله...گوليلي بعدا كيحيت؟

رينا: (شداتليها فحنكها كتجبد) غزالة..فنة..امورة...ماشاؤالله..شهيتينا فالبلدي تاحنا...ياله وازيدي خلاص...

نورسين: (تنفسات مزيان) اوكي..زيدي..

شدلتليها فيديها وخرجو..غادية لصالون وكتسمع الهضرة والضحك..زمن حها كتقرب وقلبها كيزيد يضرب بالجهد...بقاو غاديين ختى دخلو للصالون...وبقاو واقفين فالباب وضارو شافو فيهوم..وهي حانية عينيها ماقادتش تشوف...تا سمعات الزغاريت والصلا والسلام...عاد علات عينيها..بشوية..بانليها جاي عندها بكل انافتو ووسامتو..لابس سروال كحل توب وقميجة فالازرق مشرط ومحلولة مم العنق...طاويها من الكمام شوية ولابس صباط كحل...اللحية مقادة والعضلات مفتولين باينين...جاي عندها وداير ابتسامة جنب وكيضحك باعجاب...هي غرقات فبلاصتها بالحشمة وحنات راسها وكتڤيبري ودوات مع ريما غي بشوية ومن تحت سنانها..

نورسين: ناري لاش جاي؟ عنداك يدير شي فلاش قدامهوم والله تانموتلك هنا...

ريما: (كضحك تحت حوايجها) ههه..ناري قودتيها...جاي مقيم عليك...(بقات كضحك ماحسات تا ضرباتها نورسين بواحد الكود بيديها لجنبها حتى سكتات من الضحك وبقات تڤيبري...

وصل عندها..كيطلع ويهبط فيها بحب واعجاب...وقف حداها والاعين كولها عليهوم...هزلها يديها بلطف باسهوم...وزاد قرب عندها وهي غارقة فحوايجها بالحشمة والتوتر...شدها من راسها وباسها من جبهتها بحنان..وزاد لودنيها...ودوا بشوية..

سيف: اااح..ونشدك ..كنبغيك😍

بقات كدور فعينيها وبعدات شوية عليه وتزنگات ولات بحال مطيشة ...شدلها فيديها كترعد وباردة بحال التلج..طبطب عليهوم وابتاسم وجرها تگلس..تحت نضرات الحاضرين..وزغارت الي نالية الصالون...مشات معاه..وكتعلي عينيها بشوية تشوف شكون كاين...بانليها عمها..گالس والابتسامة على وجهو ..وحداه بابات سعد وبجنبو مي عيشة وماماها ومامات سعد....وشيرجال لابسين جلالب معرفاتهومش...مشات بخطوات بطيئة سلمات على عمها هو الاول وماهزاتش الراس..باركليها ورضى عليها وسلمات على الحاضرين كولهوم...وجرها سيف گلسات حداه وشادلها فيديها وماحيدش عينو عليها وهي بالسيف باش كطلع راسها تشوفيهوم...تا نطق السي ابراهيم..

ابراهيم؛ (موجه كلامو لسميرة بابتسامة) لالة سميرة...كيما كتعرفي حنا اليوم جينا نطلبو منك بنتنا نورسين لولدنا سيف..على سنة الله ورسوله... وبغينا الموافقة ديالك ...اش گلتي امدام...

سميرة: ههه..واشغانگول السي ابراهيم...نورسين راه بنتكم حتى نتوما...وانا مغنلقاش احسن من ولدي سيف ...والشوار شوارها هي..

ابراهيم: اييه...ماگلتي عيب امدام ...(ضار عند نورسين) بنتي! واش نتي موافقة ؟

بقات حانية عينيها وحشمانة ماقداتش تجاوب..وريما حداها حابسة الضحكة..ودوات تحت سنانها بشوية...

ريما: ههههه...جاوبيهوم...گوليلهوم..بقالينا غالولاد مادرناهومش ونتوما عاد كتسولو واش موافقة ههههه

نورسين ضرباتها اللقوة ماقادة تاوب تا حد..غي ساكتة وحادرة راسها ورجليها كيترعدو...ومزيرة على سيف فيديه من شدة التوتر...تا نطق ابراهيم

ابراهيم: هههه..ايوا صافي سكتات ...ياك مانطبقو داك المتل ديال السكوت من علامة الرضى الالة سميرة هههه

سميرة: هههه...اييه..داكشي الي بانلي...واصلا السي ابراهيم كيبانلي غي عدبنا راسنا ...ولادنا...راه موافقين من شحاال هادي ههه

ابراهيم: ههه...عارف الي كاين امدام..غي گلنا نحييو التقاليد دبلادنا...يالله اسيادنا نقراو فاتحة...

سماو الله وقراو الفاتحة ..كولهوم وجابولهوم طبلة حطوها قدام نورسين وسيف...وناضو دوك جوج رجال حطولهوم كتاب فالوسط...وگلسو كل واحد من جنب...ونورسين غي كتشوف بعينيها مافاهمة والو...وسيف الضحكة واصلاليه لودنيه..ولوخرين شي كيغمز شي حتى نطق واحد فيهوم...

العدول: تجمعنا اليوم انشاءالله باش نكتبو كتاب هاد الشباب...الي نواو الحلال وتوجهو للخير...(شاف فسيف) سيف ولد ابراهيم تاج الدين..واش قابل تزوج بنورسين بنت اسماعيل تاج الدين؟

سيف: (شافيها وهي مصدونة كدور فعينيها ...ضحك وباسلها يديها وقال) اكييد...

شاف العدول فنورسين ووجهلها نفس السؤال...ماقداتش تجاوب ولتازمات الصمت...هادشي جا على غفلة وكان يسحابلها غي 

خطبة حتى زدقات فضريب الصداق..وغتولي مراتو رسميا...تخلطو عليها الاحاسيس البكية مخلطة مع الفرحة...كولشي كيتسناها تهضر وهي ترفعات لعالم اخر..وداز شريط دكرياتها معاه من اول نهار شافتو حتى لاخر كلمة سمعاتها من عند العدول .واش موافقة؟ ايتاسمات تلقائيا وهزات عينيها شافت فيه بحب..كتأمل ملاميحو بخالا اول مرة غتشوفو...شكرات الله فنفسها الي خلاها تعيش هاد اللحضة...هزات راسها وقابت بتقة وبدون تردد...

نورسين: اه..موافقة...

مدلهوم تلعدول الورقة وستيلو باش يسنيو تحت تسفيقات وزغاريت الحاضرين...خدا من عندو القلم وسنا هو الاول والضحكة واصلاليه لودنو...وعطاها الستيلو شداتو ويديها كيترعدو...وعينيها دامعين وقلبها كيضرب بالجهد..اخساس رهييب فاش كتخلط الفرحة بالخلعة والتوتر...حنات على الكتاب سنات والضبابة على عينيها ...حطات القلم وبقات حانية راسها كتبكي فصمت...جمع العدول الكتاب من بعد ما وتقو زواجهوم رسميا ...نورسين ماقدراتش تعلي عينيها...ختى شدلها فيديها ودورها عندو تحت نضرات الكل..علات راسها شافت فيه...لقاا كتبكي..وجرها لعندو عنقها وزير عليها...وبدات تشهق غي بوحدها...مولشي كيشوفيهوم ..شي مبتاسم وشي كيبكي معاهوم...خصوصا العيالات...بقات فحضنو كتبكي وهو كيبوس فيها باش تسكت..ومانسوقش لي لي حداه...حتى بردات وارتاحت عاد عاقت براسها كولشي كيشوفيهوم..حشمات وبعدات عليه حشمانة وخدودها حمرين وقلبوا فالتالي ضحك كولهوم...حتى نطقات سميرة وي كتمسح دموعها...

سميرة: بنتي حبيبتي سمحيلينا خبينا عليك بالي اليوم ضريب صداقك..ولكن سيف الي بغا يديرهالك مفاجئة...هههه

ابراهيم: هههه...اييه الالة سميرة..وكيما تافقنا العرس حتى يدوز ديال ريما السيمانة جاية ماجاتش نديروهوم فدقة..

سميرة: اييه السي ابراهيم كلامك هو الكبير...الحلال راه داروه والعرس كيبقا غي احتفال فوقاش مكان يديروه..

ابراهيم: انشاءالله 

سميرة: انشاءالله..يالله تفضلو نتعشاو....

هادشي كامل الي قالوه گاع متصنتو ليه نورسين وسيف...مكاينينش معاهوم...ترفعو لعالم غي بوحديتهوم...شي ساهي فشي وكيهضرو غي بعينيهوم الي كتشرح شحال من حاجة...هي مامتيقاش بالي اخيرا ولات مراتو..وهو عارف راسو بالي هدا ماشي حلم ولكن حقيقة جميلة...نورسين بالنسبة لسيف عي احسن حاجة طرات فحياتو...هو ديجا جرب الحب..مي فتش داقو مع نورسين..عرف بالي هداك الشي الي كان كيحسو اتجاه بسمة لا علاقة له بالاحساس ديال دبا..تفكر نهار حرق تصاورها وواعد راسو باش يخلي حبها فقلبو حتى يموت...ولكن تجري الرياح بما لا تشتهي السفن..جات نورسين بحال شي عاصفة...غرقاتو ودفناتو فقاع البحر...دازت شحال من لقطة بين عينيه...فاش كان يالله عرفها...شحال هانا وشحال بكاها...دموعها الي مكانوش كيهموه شحال هادي..مي دبا مستاعد يظفع عمرو وميشوفهاش كتبكي...وهو كيحقق فعينيها بحب...وكيلوم راسو على العداب الي تعدبات بسبابو..حس بالندم فواحد اللحضة وقرب عندها وهوما مزال گالسين فالصالون...شدلها فوجها وقرب وجهو وقال بحزن:

سيف: سمحيليا....

شافت فيه باستغراب...وشداتليه فوجهو حتى هو وقالت ببراءة:

نورسين: علاش كطلب مني السماحة؟

سبف: (حط جبهتو على جبهتها وشدلها فيديها) سمحيليا حيت بكيتي بزاف بسبابي..سمحيليا حيت ما عرفتش قيمة الحب ديالك حتى تعدبتي بسبابو...

نورسين: (بعدات راسها وشداتليه فوجهو وقالت بابتسامة) انا وياك عارفين بالي الضروف كانت اقوى مني ومنك ياك؟ 

سيف: الصمت...

نورسين: سيف...انا بغيتك بدون مقابل...متبقاش تلوم فراسك الله يخليك...

سيف: (شدلها فيديها وزير عليهوم) واعديني ماعمرك طلقي من يدي...ومتبعديش عليا...واعديني تبقاي شادة فيدي حتى تفرقنا الموت...

نورسين: (باستليه يديه) كنواعدك

ضحك وقرب عندها باسها من جبهتها وهبط باسها من فمها بوسة طويلة ...قطعاتهالهوم غير ريما الي دخلات بعجاجتها...شافتهوم فوضع مخل بالحياء وغوتات وقلبات وجهها بسرعة وكدوي فنفسها:

ريما: اااخ يا ربي..علاش طيحتيني فهاد الموقف علاش...(بقات دوي بوحدها تا سمعات صوت خوها ماللور)

سيف: اش بغيتي؟

ريما: (ضارت) ايلا ساليتو نوضو تعشاو راه كيتسناوكوم غي نتوما...

لاحت الهضرة وضرباتها بجرية لبرا...وخلاتهوم كيضحكو...شدليها فيديها ومشاو خرجو عندهوم...لقاتهوم دايرين بالطبلة ودايرين جوج گلسات..گلسو هوما فالراس شي حدا شي...وبدا يتحط العشا الي كان مغريبي 100% سميرة ماخلاتش من جهدها ...وضايفاتهوم احسن ضيافة الي تليق بيهوم...وتكلفات بكولشي لراسها...وهدا اقل شي تقدر ديرو لبنتها..واخا فرخانة ليها حيت تزوجات الي كتبغي..مي حزينة حيت غتفارقها تاني وهي يالله لقاتها من بعد سنين دبال الفراق...

كملو العشا فجو ديال الفرحة والضحك...يالله تحطات الحلوة وناض سيف من فوق الطبلة..وشد لنورسين فيديها..

سيف: سيادنا تصبحو على خير...(جر نورسين مافاهمة والو وتم خارج)

سميرة: فين غادي بيها؟

سيف: علاش بغيتوها؟

ابراهيم: (غالباه الضحكة) ههه...لا غي سير سير...

جرها وهي غرقات فخوايجها بالحشمة...يالله خرجو ولوخرين تكرشخو بالضحك عليهوم..

ريما: ههههههههه...ناري...هانتوما غتشوفو غيولي خاصكوم رونديڤو باش تشوفوها..مشا يغبرها فشي قنت...

سميرة: اويلي...واش بصااح؟

ابراهيم: هههههه...مدام سميرة ماتديش علي داك الحمقة..متخافيش راه دبا يرجعها...

بقاو كيضحكو بيناتهوم وكياكلو الحلوة..وسيف هابط بيها فالدروج بقفطانها وشربيلها وهي كتنتر منو..

نورسين: فين غادي بيا؟ هييييييه وشداك المرگة ضربتيلي قدامهوم؟

وصل حدا الطوموبيل حلها الباب دخلات گلسات وطلع لجهة لوخرا گلس وهي كدوي غا بوحديتها...ديمارا وزاد...

نورسين: وااافين غادي بيا؟ (كتشوف فراسها) هليني غي نبدل بعدل..

سيف: (شافيها وضحك) لا احبيبة انا بغيتك تبقاي هكا...جا معاك البلدي..

نورسين: (ضحكات) هممم..ودبا گوليى فين غادي بيا؟

سيف: (شدلها فيديها وبقا سايگ غي بيد) غاديين ناكلو الحلوة الحب...

نورسين: هاااء والحلوة خليناها فالدار...

سيف: هههه...بغيت ناكلها غي انا وياك...

نورسين: (بففففف...دبا محشمني قدامهوم على قبل الحلوة كون گلتيهالهوم..غيكونو نواوها عوحة دبا 

سيف: (شافيها وتفرگع بالضحك) هههههههههه..وراها اصلا عوجة...واحد جار مراتو وغادي فنضرك فين غيكون دايها؟

نورسين: (بسداجة) ياكلو الحلوة...

سيف: هههههههه...صافي صافي..مهم نتي بقاي عاقلة غي على الحلوة ونساي عليك لوخرين...

بقات كدور فعينيها ومافهمات والو ونزل عليها الغباء من حيت لا تدري...جرها عندو عنقها..وبقا سايگ غير بيد...وغادي زافر فالطريق...

*******فامريكا*********

دخلات مريم على عايدة الي حابسة راسها فبيتها..لقاتها گالسة هازة تصويرة سيف...وگالسة على نموسيتها كتشوفيها وساعية كتبكي..گلسات حداها وماحساتش بيها حتى حطات يديها على كتفها عاد ضارت عندها..عينيها دامعين...وحومر بالبكا...شافت فيها ورجعات شافت فابتصويرة وقالت بحزن...

عايدة: (كدوز بصبعانها على التصويرة) تعقلي فاش گالوليا طيحيه...ماخاصكش تولديه حيت كاين خطر على حياتك؟

مريم: الصمت...

عايدة: هه...خبيتها على ابراهيم..وماخليتش ابطبيب يقولو شي حاحة..وهددتو نجري عليه من القصر ايلا مشا تا خبرو..هه

كنت حاسة بيه غيتزاد وغيعيش..وكنت باغا نولدو وربي كبير واخا على حساب حياتي...مابغيتش لتمرة حبنا انا وابراهيم ضيع من بعد ماكبر فكرشي ووصل لسبع شهور...ربيت عليه ابكبدة وهو مزال لداخل..الفكرة ديال اني نتخلا عليه كانت كتقتلني...(ضحكات بسخرية) هه..ساعة هاهو كبر وهو الي تخلا عليا..نسا العداب الي دوزت عليه من ولادتو حتى لطفولتو الي دازت صعيبة...وحتى فاش كبر وقرر يستاقر بوحدو...اليالي الي سهرت معاه والبكا الي بكيت حداه...هادشي كولو نساه وقالي ببساطة..الواليدة انا غنتزوج بيها بغيتي تجي اجي مابغيتيش على راحتك...(ضارت شافت فيها) لهاد الدرجة نساتو فيا ا مريم؟

مريم : (تنهدات بحسرة) بفف...انا والله مابقيت عارفة مانگول..ماحيلتي ليك ولا لفيروز الي سادة عليها فبيتها من نهار مشا وهي وكتبكي...كتنعس غي بالمهدئات وفاش تفيق كترجعلها الحالة...

عايدة: (كتمسح دموعها) شنو قالك الطبيب؟

مريم: انهيار عصبي حاد..وايلا بقات هكا خاصنا نديوها للمستشفى..حالتها النفسية صعيبة...(شداتلها فيديها وغلبوها دموعها) بنتي كضيييع مني ا عايدة...اهئ اهئ😭😭😭 ماعرفتش شنو ندير!! 

عايدة: شتتتت!! واش لهاد الدرجة؟ 

مريم: وبزااف عاد اهئ اهئ 😭😭

عنقاتها كتسكتها ولوخرا كتبكي وتفش قلبها عليها...وكتزيد تكمل غليها وتحقدها كتر ماكانت حاقدة...

عايدة: ماعمري غانساهالها...غندمها على النهار الي تولدات...دخلات لعائلتنا دمراتها.اللله ياخد فيها الحق..المجرمة بنت ابمحرمة...شتتت! صافي متبكيش...خاصك تكوني قوية ...وفيروز انا غنعرف شغلي معاها...مغاديش نخليها تنهازم..متخافيش..مغيطراليها والو..كنواعدك...مسحي دموعك ويكون خير انشاءالله..

مرين: انشاءالله اختي..انشاءالله...

نورسين غادة وكيديها النعاس فالطريق ..حتى خرجو المدينة ووقف الطوموبيل جنب الطريق وغي فالخلا...نزل خلا الضو مشعول ومشا جيهتها حلها الباب شدلها فيديها ونزلات كتعتر بقفطانها ولابسة غالشربيل وكتحك عينيها مابانلها والو غي الخلا والضلام...سظات الباب وشافت فيه..

نورسين: فين جايبني لهاد الخلا؟

سيف: هههه....زيدي...غنقتلك هنا مايسيقلك تا حد الخبار..(جارها من يديها بشوية وداخل بيها وسط الشجر...فالضلام وغي ضو ابطوموبيل الي باقي ضارب..زادو غي شوية بدا كيتسمع ليعا صوت هديير جاي ..قربو من الصوت تا خرجو من بين الشجر لقات راسها قدام هيليكوبتير...موطورها محرك وصوتا مجهد...وقفو حدااها ونزل منها واحد هضر مع سيف بالانجليزية وبصوت عالي باش يسمعو..سلم عليه وعطاه ييف سوارت الطوموبيل ومشا بحالو..وضارت عندو نورسين كتشوف ومافاهمة والو..وشعرها كيطير بريح الهيليكوبطير..

نورسين: متقوليش غنركبو فهادي؟

ضحك وهزها بالخف طلعها وهي كتفىكل...حطها فبلاصتها..وگلس حداها فمقر القيادة...عطاها كاسك دارتو ودار ديالو ربطلها الخزام وهي غي كتشوفيه ومخلوعة..قرب عندها باسها من حنكها...

سيف: متهافيش احبيبة غتعجبك...

ابتاسماتلو وغمزها...برك على شي بوطونات قدامو وشد فالمقود جرو عندو وقلع..ارتافعو شوية على الارض..وطار وعلا حتى بدات كتبانلهوم المدينة باضواءعا صغيرة وكتلمع ...نورسين كانت خايفة فالاول مي فاش شافت داكشي عجبها الحال وبقات خالة فمها كطل من الزاج..

نورسين: وااااااااو! اول مرة نشوف هيليموبطير كطير بالليل...ههه

سيف: هههه..بصاح نوغمالمون غي الهيليكوبطير ديال الحرب هوما الي كيطيرو الليل ولكن هادي ماشي عسكرية وانا الي طلبت هاد ابتصميم..فيها بزاف دالخصائص...لا من ناحية السرعة ..ولا حتى الارتفاع...كتشد العلو بزااف..وكتصبر فالسما مدة طويلة...

نورسين: همممم...وشكون علمك تسوگ؟ 

سيف: خديت تدريب شحال هادي فاش كنت يالله كنقرا...ماصعيباش بزاف خاص غي شوية التركييز..(عوجلها الاتجاه ودار)

نورسين: (كطل) مابقاش كيبان الضو..

سيف: ههه...راحنا فوق البحر دبا...

نورسين: (بخوف) هيييه..😨 ولا طحنا؟

سيف: هههه مكتعرفيش تعومي؟ 

نورسين: لا كنخاف...

سيف: مزيان زيدي ...كل نهار كتقرايلي كلمة من قاموس الخوف عندك ههه...يعلم الله شنو مزال 

نورسين: ههه...بزااف..

سيف: ناااري تصيدت ...خديت اكبر خوافة فالعالم...

نورسين: (ضرباتو لكتفو بالضحك) ههه...واخلاااص...

سيف: وليني كنموت عليك...(قرب عليها ويدو على الڤولون) اري شي بوسة..

نورسين: هيييه!! شوف..شوف...قدامك...راه الڤيراجات كتار..ههه

سيف: هههه..غي بلاتي نوصلو لشي فو روج...ونوريييك ههه

بقاو غاديين كيضحكو وماحسوش بالوقت..حتى بدات كتبان لنورسين بحال شي جزيرة جاية وسط البحر وضيوانها شاعلين...بقات كتراقبها فصمت...حتى قربو وهبط بالهيليكوبطير...شوية بشوية حتى نزلات فالارض...سكتها بزربة من الصداع وشافيها شدلها فيدها وخرجو...هبط هو الاول وهزها هبطها..حطها فالارض سارات عينيها يمين شمال ماعرفات راسها فين صدات...كيبانلها دار كبيرة وريحة البحر والهوا ديالو كيضربو عرفاتها جاية على البحر..والجردة فين نزلو حداها بيسين..وبزاف ديال الشجر...بقات كدور فعينيها وضارت شافت فيه...

نورسين: فين حنا؟

سيف: جزر الكناري...(شدلها فيديها وزادو)

نورسين: واااو واش تابعة للمغرب هادي؟

سيف: نوغمالمون جاية فالمحيط الاطلسي يعني فالبحر دالمغرب ولكن محتلة من طرف اسبانية بحالها بحال بزاف ديال الجزر المغربية...

نورسين: اه هكاك...

دخلو لداخل...كانت دار كبيرة وراقية دايرة كولها زاج...ومتكونة من جوج طوابق...علات عينيها كتبرگگ وهو جارها طالع بيها لفوق ..وصلو لبيت حل لباب ودخلو...

سيف: (بابتسامة)عييتي؟ 

نورسين: امم...جاني النعااس..

سيف: غتنعسي قبل مناكلو الحلوة؟

حيدات الشربيل لاحتو فالارض ومشات گلسات 

نورسين: مابغيييتش..شبعانة

سيف: ههههه....دبا نشوفو واش غتبقاي شبعانة...انا داخل ندوش ...ايلا بغيتي تبدلي حوايجك راه فالماريو (غمزها ومشا)

دخل هو للدوش وناضت بملل حلات الماريو كطلع وتهبط فيه كتقلب ماتلبس ...لقات غي الكساوي مقزبين وليشوميز دونوي...بقات كدور فعينيها فالتالي جبدات كسوة خفيفة لبساتها وبقات كدور فالبيت كتسناه يخرج..وكتسمعو مزال طالق الرشاشة...حلات البالكون وخرجات لقات طيراااس كبير كيطل مباشرة على الجردة الي فيها البيسين وقبالتها كيبانليها البحر...عجبها المنضر وبقات واقفة كتشوف ...الجو دافي وريحة البحر كضرب فنيفها والهوا كيطبر شعرها...وضو القمر ضارب فعينيها...طالما كان عزيز عليها تراقبو بالليل...بقات ساهية كتفرج ومستمتعة بجمال المنظر حتى حسات بيدين حاوطوها ماللور ابتاسمات تلقائيا وضارت عندو بزربة دارت يديها على عنقو وتعلقات فيه حيت طويل عليها ..حاوطها من خصرها قربها عندو ابتاسمات وشافت فيه بحب وعينيها فرحانين...هز يديه كيحيدلها الشعر جنب وكيتأمل فعينيها بدقة..

سيف: عيناها عينا المها ولرموشها السود سحر يا ربي ما ادري ما الخبر ....خضر هي تلك العيون بحر من الجمال ما اجمل المنظر ...لا استطيع اطالة النظر فالعقل يسبح في الفضاء بمجرد النظر…اقف امامها وكاني لست امامها فجمالها يخطف العقل بلمح البصر

هل تعلمين بان السحر وقف احتراما لسحر عينييك.؟...او اتعلمين ان قلبي دق قائلا او لم متلها بين البشر؟..لا يا قلبي لم ارى متلها فضحكتها تبهج الدنيا وتنسيني الخطر..اعلم انها قاسية قليلا ذاك حقها وزد على انها اميرة مرصعة بالدرر...دعها فلتنافس القمر وانضر حيائيا لنوره كيف انكسر...ارجوكي يا عيناها قولي لها ان ترحم قلبا لطالما انتظر...

نورسين: نزار قباني..شاعر المرأة.😍

سيف: ههه...حافضة معندي مانسالك...

نورسين: هه..شحال هادي ماقريت ولا كتبت شي حاجة...

سيف: هممم...هي مراتي اديبة وانا مافخباريش هه

نورسين: سيف..انا مزال مامتيقاش اني وليت مراتك..

سيف: ههههه(باسها من نيفها) غي تيقي احبيبة...دبا راك مراتي وحلالي وحبيبتي وحياتي وقريب غتكوني ام ولادي...ودبا (هزها) اوبلاااا...غنمشيو ناكلو الحلوة..)شافيها وضحك) .تقاليتي...

نورسين: (معلقة فيه وكتلعب برجليها )ههه...تحلاتليا الشهية هاد الايام وليت ناكل بزاف..

دخل لبيت وحطها على النموسية...شافت يمين وشمال..وهو گلس حداها كيحيد التيشورت..

نورسين: فينهيا الحلوة؟

سيف: هههه...(تلاح فوقه منها وبقا كيهرها فكرشها وتحت يديها)هههه...نتي هي الحلوة..

نورسين: (كضحك وكتفركل برجليها ) اااع ههههههه..وااع...سيف...كنتهر..ههههههههههه..صافي صافي حبس عافااك..ههههه وااااااع😂😂

سيف: ههههه....غناكلك...اجي لهنا..

نعس على ضهرو وجرها عندو طلعها فوقو كتلهت بالضحك وبدا كيفرق فقبلات ساخنة ...فوجها وعنقها وشفايفها ...مرة يقلبها تحتو ومرة يطلعها فوقو ..كيلعب بيها كيبغا فالفراش كتجيه خفيفة وعلى گانتو...وكتعجبو فاش كترخا وكتخليه يدير مابغا...كيتسارا فجسما بكل راحة ..حفض گاع تفاصيلو وكوكان يعرف يرسم غيجيبها نسخة طبق الاصل..وهي بين يديه كيحسسها انها انتى. بمعنى الكلمة..كتشعل فيه العافية وملمسها وضحكتها ونضرات الحب الي فعينيها وقوود بالنسبة ليه...كتغيبو على الواقع وكينسا راسو فالممارسة وكيفورصي عليها ..ولكن مكيقدش يتحمل نضرات التعب والالم الي فعينيها واخا مخلطين ع نضرات نشوة الا انها كتبقا فيه وكيمشي معاها على قد استطاعتها وراضي عليها ومقتانع بيها ...الليلة كاملة وهوما خدامين..ماشبعوش تا قرب يصبح الحال عاد طلق منها كتلعادة فاش فشلات ليه ونعسات وخلاتو كيضحك عليها...جمعها عندو عنقها وتغطاو وبقا كيبوس فيها حتى داه النعاس...مزير عليها بحالا غتهرب ليه...

*****صباح جديد******

ﻭﻧﺼﺤﻮ ﻣﻦ ﺟﺪﻳﺪ .. ﻳﺮﺍﻓﻘﻨﺎ ﺃﻣﻞ ﺟﺪﻳﺪ .. ﺷﻤﺲ

ﺫﻫﺒﻴﺔ ﺗﺸﺮﻕ .. ﺑﻌﺪ ﻇﻼﻡ ﻭﺳﻜﻮﻥ .. ﻧﺮﻯ ﺯﻫﻮﺭﺍً ﺗﺘﻔﺘﺢ ..

ﻧﺴﻤﻊ ﺍﻟﻌﺼﻔﻮﺭ ﻳﻐﺮﺩ .. ﻓﺮﺍﺷﺎﺕ ﺗﺘﺮﺍﻗﺺ ﻓﻲ ﺍﻟﺸﺮﻓﺔ .. ﺭﺍﺋﺤﺔ

ﺍﻟﻘﻬﻮﺓ ﺗﻨﻌﺸﻨﺎ ﻣﻦ ﺟﺪﻳﺪ ﻭﻣﺎ ﺃﺟﻤﻞ ﺍﺑﺘﺴﺎﻣﺔ ﺍﻻﺣﺒﺔ ﻛﻞ ﺻﺒﺎﺡ .

حلات عينيها بتتاقل ...تجبدات فبلاصتها وضارت تشوف سيف ملقاتوش حداها...ابتاسمات وناضت گلسات كتفكر داكشي دالبارح وفرحانة...شافت يمين شمال وناضت لاوية عليها ليزاار..دخلات للدوش نيشان لتحت الرشاشة..دوشات بزربة وخرجات لبسات كسيوة فالاكحل قصيرة وخلات شعرها فازگ مطلوق...لبسات كلاكيطة فالاكحل وخرجات كتقلب عليه بعينيها..هبطات لتحت مالقات تا حد..وخرجات برا ضرباتها الشمس لعينيها تا دمعات..دارت يديها على عينيها حجبات اشعة الشمس ومشات كتقلب..تا لمحاتو...كيعوم فلابيسين...ضحكات ومشات عندو ووقفات عليه وهو غاطس..علا راسو وشافها..

سيف: صباح الخير النعاسة ههه

نورسين: صباح النور..علاش مافيقتينيش؟

سيف: ههه...راه كان باقي غي الطبل مسمعتولكش الصباح احبيبة مابغيتيش تفيقي...(مدلها يديه) نزلي تعومي...

نورسين: (بعدات) لا...غي عوم نتا بالصحة...

سيف: هههههه..اممم..مابغيتيش؟

نورسين: (بقات راجعة باللور...تاشافتو خرج وداير نضرات شر وضرباتها بجرية...وهو تابعها كيضحك..حتى ضرها جنبها ووقفات كتلهت وقف عليها وهزها بالخف ومشا كيجري بيها جهة البيسين وهي كتصرخ وتفركل...وترغب فيه باش يحطها..ساعة مداهاش فيها وتلاح هو وياها فالبيسين...غطسها حتى لتحت ورجع طلعها ..غتموت بالخلعة..تعلقاات فيه بيديها ورجليها ..وكترغب فيه يخرجها..

نورسين: واااع...بارد...خرجني..

سيف: هههه...زويين غيعجبك..ترخااي باش نعلمك تعومي...طلفي مني 

نوىسين: (كتعلق فيه) واااع..لا...لا...بقا شاد فيا مطلقنيش...غنموتليك هنا..

سيف: هههه...صافي واخا مغنطلقكش ويالله غاترخاي دبا ومتبقايش معصبة...طلعي فوق ضهري...

نورسين: واااع كيغاندير..ايلا طلقت غنغرق.

يتبع في الجزء الثاني