الجزء 11: صوفيا هبطت مع باباها باش يفطرو، لقات ماماها و مروان و إيناس جالسين كيفطرو، جلست و حتى حد ما هدر معاها، كملو فطورهم؛ مروان مشا للخدمة و إيناس خرجت هي و سعاد بقات غير هي جالسة مع باباها فالصالون: بابا حتى واحد مكيهدر معايا علاش مالي انا شنو درت؟
سي يوسف: عطيهم وقت ابنتي هوما غير واخدين منك موقف دبا ينساو
صوفيا: كون هاني، هي نوض نوجد راسي بستو love you so much
طلعت لبيتي و هدرت للبنات: الو وجدو رأسكم غاديين للبحر
احسان: اوك
سارة: ساعة و تلقاينا واجدين
صوفيا: يلاه تلاحو
لبست دو بياس منمر فوقو شورط دجين و تيشرت، جمعت شعري كعكة، هزيت معايا تبديلة فصاك صغير و فوطة و ايكغون، هبطت ما لقيت حد فالدار من غير الخدامة و دادا سلمت عليهم و خرجت، ركبت اللوطو ديالي و دزت على البنات، سارة لابسة بياس واحدة فوقها كسوة خفيفة و إحسان لابسة دو بياس فالبيض، وصلنا للبحر مكانش عامر بزاف و هكا احسن، جلسنا تشمسنا واحد نص ساعة و كل الوقت سارة و إحسان فارعين ليا راسي بالكوميسر
سارة: انا وخا كنت نص مغيبة مي ما عمري ننسا شكلو ههه من داك النوع القاصح ماشي صحاب ماما غطيني سراق الزيت غدي يجيني
مشينا كنجرو تلاحينا فالبحر و بقينا كنعومو بخير و نتراشو بالما، البنات قرروا يدخلو الداخل، انا كنخاف بقيت فبلاصتي كنعوم، شوية حسيت بشي حد من ورايا
تلفت لقيتو واحد الدري: هاي الزين
صوفيا: شنو بغيتي، شكنتي كدير من ورايا؟
الدري: سلام بعدا صفا عليك؟ شنو سميتك؟
صوفيا: و نتا شنو خاصك بسميتي غدير ليا الحالة المدنية ولا شنو؟
الدري: ههه مالك قبيحة انا غير سولتك، المهم نبداو من جديد، انا سميتي عمر و نتي؟
بقيت كنخزر فيه خليتو و بعدت عليه شوية تبعني: حشومة عليك بغيت غير نتعرف عليك راك حمقتيني، تبارك الله عليك الزين و لاطاي سكسي؛ بقا كيهبط فيا و ينزل بشهوة، كنكره هاد النظرة، عرفت بلي مغديش يخليني على خاطري و هي تجي فبالي فكرة شريرة 😈
بقيت كنتقرب منو و هو فرحان: شنو رأيك نلعبو لعبة
عمر: اوك موافق
صوفيا: انا غدي نهبط التحت و شوفني شنو غدي ندير و الي درتو ليك ديرو ليا اوك؟
عمر فرح اكثر: اه اه اوك مي خليني انا اللول
صوفيا: no chère les femmes d'abord
عمر: اوك هدا نظر
هبطت التحت و بقيت كنتلمس رجليه بايديا و كنطلع بشوية بشوية لفخاضو و هو عاجبو الحال، شوية حيدت الشورط هو فرح يسحابليه ما عرفت شنو غدي ندير، هزيت الشورط و هربت، هو حاول يتبعني حتى وصلت للرملة؛ هو ما بقاش زاد عرف راسو غدي يتشوه و الناس كاينين، بقا كيغوت: صوفيا رجعي ليا الشورط دبا حشومة عليك شوية و يبكي
هدا بحالاش عرف سميتي؟ بقيت كنقلي ليه السم و هو متحلف فيا، ولا وجهو أحمر بحال مطيشة، جاو البنات و عاودت ليهم شنو وقع و هو مزال واقف فالبحر، شوية بان ليا وقف واحد الدري آخر و قاليه شي حاجة، مشا هداك جاب ليه شورط و لبسو: البنات يلاه زيدو يلاه يلاه!!!
احسان: فين غدي نمشو حنا يلاه جينا
صوفيا: وا نوضي راه جاي عندنا نوضي
جمعنا قشاوشنا و ضربناها بجرية خليت عمر ورايا كيغوت و يتحلف فيا ههه
وصلنا للوطو التقطنا أنفاسنا و ديماريت
احسان: ههه لابد شي نهار دوز فيه شي مغامرة، ما معمرنا غدي ندوزو نهار نورمال بحال كاع الناس ههه
صوفيا: حنا ماشي بحالهم
سارة: هضاي هضاي ماشي بحالهم ههه
احسان: شعلي الكاسيط خلينا نشطو شوية
صوفيا: هي اللولة، شعلت الكاسيط جينا فموسيقا ديال shakira chanje كنتشط بقينا كنغنو معاها وخا ما فاهمين الاسبانية و نشطحو
مشينا للريسطو، دخلنا شدينا بلاصة جا السيرفور جايب الموني، طلبنا فريتور و سلاد كلينا و خلصت احسان مشينا للمول درنا فيه و شرينا الي خاصنا من بعد للسينما خرجنا مع الغروب و كان المنظر زوين جلسنا فوق اللوطو نستمتعو بيه، قاطعني التلفون كيصوني هذا بابا
احسان: ههه لابد شي نهار دوز فيه شي مغامرة، ما معمرنا غدي ندوزو نهار نورمال بحال كاع الناس ههه
صوفيا: حنا ماشي بحالهم
سارة: هضاي هضاي ماشي بحالهم ههه
احسان: شعلي الكاسيط خلينا نشطو شوية
صوفيا: هي اللولة، شعلت الكاسيط جينا فموسيقا ديال shakira chanje كنتشط بقينا كنغنو معاها وخا ما فاهمين الاسبانية و نشطحو
مشينا للريسطو، دخلنا شدينا بلاصة جا السيرفور جايب الموني، طلبنا فريتور و سلاد كلينا و خلصت احسان مشينا للمول درنا فيه و شرينا الي خاصنا من بعد للسينما خرجنا مع الغروب و كان المنظر زوين جلسنا فوق اللوطو نستمتعو بيه، قاطعني التلفون كيصوني هذا بابا
صوفيا: يلاه، ركبنا اللوطو وصلت البنات و انا رجعت للدار، لقيتهم جالسين فالصالون كاملين و مروان فرحان: اه ها هي جات
صوفيا: مساء الخير ياك لاباس؟
سعاد: غدي تولي عمة
صوفيا بلا مبالاة: مزيان مبروك عليكم
سعاد: إيناس اليوم مشات للطبيبة قالت بلي عندها شهر شفتك ما فرحتي
صوفيا ضحكة صفرا: بالعكس هدا احسن خبر سمعتو اليوم
مروان جلس حدايا: العفريتة إلا جا هاد الولد غدي ديري عقلك و غدي تولي احسن عمة انا متأكد
صوفيا: اممم مالي بنت ليك بلا عقل
مروان: نتي عارفة قصدي
صوفيا: اوك هي من ناحية مزيانة حيت غدي يجي فاش تلها و تخليني عليك 😒
سعاد: ههه نتي هي المدللة ديالنا و غدي تبقاي هكا ديما شوفو الحمقة غارت من دبا
صوفيا: شنو وا ماما مالك فاهمة كلشي مقلوب راه بغيت نقول.. قاطعتهم دادا حورية: العشا واجد تفضلو
جلسنا كناكلو و مروان مسكين خايف على ست الحسن و الجمال: حبيبة جلسي بشوية تهلاي ليا فولدي
صوفيا: عنيبة 😏
مروان: شنو قلتي؟
صوفيا: خاص العنب جيبوه لينا نديسرو
دادا حورية: هي اللولة اضو عيني
المهم كملنا داك العشا بسيف حيت قهرتني مياعة مروان تقول هو الوحيد الي متزوج و مرتو حاملة كيفقصني بعد المرات، هدرت مع البنات على الخبر الي خسر علينا أمسية كون غير كان شي حاجة مهمة بعدا؛ بقيت كنتكونيكطا حتى لقيت واحد مسيفط ليا انفيتاسيون بان ليا بعقلو قبلتو فالبلاصة سيفط ليا مساج
حسن: hi cv
صوفيا: cv lhamdollah et toi? C' qui
حسن: m3ak Hassan de Casa et toi?
صوفيا: Sofia de Casa aussi
حسن: chaft photo dyalk très jolie , a qu'il âge tu es?
صوفيا: 23 ans et toi
حسن: 27 فين ساكنة؟
صوفيا: pourquoi?
حسن: غير سولت المهم عرفيني على رأسك
عرفتو على راسي و هو بقا كيعاود ليا راسو بلي خدام فشركة ديال الاتصال و ساكن بوحدو هنا، عطيتو النمرة ديالي و نعست
دازت سيمانة و انا و حسن ولينا مقربين بزاف دار معايا اليوم نتعشاو فبلاصة و انا واقفت، اصلا هدشي كنديرو غير باش نعمر وقتي أما هدشي ديال العلاقات الجدية و الحب معنديش معاه و حتى الزواج ما معمراش بيه راسي، قطعت مع البنات و نضت للدوش، دوشت نشفت شعري بالسيشوار، بوكليتو و لبست كسوة بيضة مشبكة من الفوق و التحت دونتيل درت مكياج خفيف، هزيت صاكي و خرجت طبعا حتى حد ما يسولني فين غادية و لا معاش جاية حيت انا الي عندي الحق نوجه حياتي للطريق الي بغيت مي فحدود طبعا، المهم ركبت اللوطو و مشيت للريسطو الي دار معايا حسن لقيتو جالس كيتسناني، سلمت عليه و جلست: أوو زوينة بزاف، الحقيقة احسن من الصور
صوفيا ابتسمت ليه: ميغسي
جا السيرفور عطانا الموني و مشا، بقيت كنتفرج فيه نحاول نختار، شوية هو يهدر حسن: انا بعدا الي غدي تختاري هو الي غدي ناخد حيت عارف عندك ذوق راقي
صوفيا: هه اوك هي نختار سلاد نيسواز و نخليك بالجوع
حسن: ههه ياك الالة ماشي مشكل
صوفيا: اوك انا نختار سلاد و من بعد نشوفو الطبق الرئيسي اوك؟
حسن: اوك مزيان
بقينا كنهدرو و نضحكو، هه هو ضحوكي و راقي فتفكيرو ماشي بحال القماقم الي كنت معاهم كل همهم هو التحت ديال البنت، تعشينا و دوزنا وقت زوين بزاف
حسن: نعاودوها مرة أخرى
صوفيا: انشاء الله
حسن: اوك من غدا إلا بغيتي؟
صوفيا: نشوف إلا مكان عندي والو( انا معندي والو مي بغيت ندفع عليه كبير)
حسن: ههه اوك الالة حاولي تخلي ليا سويعة من وقتك الضيق و الثمين
صوفيا: ههه غدي نحاول يلاه تصبح على خير
حسن: تصبحي على خير
ركبت اللوطو و رجعت للدار الفيلا مظلمة غالبا نعسو، طلعت لبيتي بدلت لباسي عاودت للبنات التفاصيل و تلاحيت ننعس
صبح الصباح فقت متعطلة كيما العادة، دوشت لبست سروال دجين و تيشرت اليوم سخون شوية، هبطت التحت لقيت غير ايناس: صباح الخير
صوفيا: وايلي على نسية نسيت البيكيني خاصني نرجع دبا
احسان: اوك متعطليش
رجعت للدار طلعت البيت هزيت بكيني فالاصفر و فوطة و مشيت عندهم، وصلت لقيت البنات كيعومو: كتعومو بلا بيا الخائنات
سارة: وراه تعطلتي و الحال سخون
صوفيا: اوك بلاتي نلبس و ننضم ليكم
مشيت للسويت الي حجزناه لبست البكيني و جمعت شعري، تلاحيت فالما و بقيت كنعوم مع البنات، طلعنا نشفنا راسنا
احسان: بسبس شوفي هاداك من قبيلة و هو كيشوف فيك
صوفيا: فين هو؟
احسان: متعيقيش اصاحبتي حاولي دوري بلا ما يعيق بيك
صوفيا: امم هداك مزوينش بزاف و عندو الشعر مكنحملش بحال هادو
سارة: ههه ايوا خليه ليا
صوفيا: اصلا أنا و حسن دبا على علاقة كنعتبر خائنة إلا شفت فحد آخر
احسان بصدمة: شكون نتي فين هي صاحبتي صوفيا؟
سارة: اه نتي ماشي صوفيا ههه
صوفيا: وايلي زدتو فيه مالي شنو درت؟
بقاو البنات شادين فيا، شوية هو يبان ليا وجه مألوف
كان حسن واقف مع جوج رجال لابسين كوستيم مرتحتش ليهم، مشيت عندو: حسن؟
دار عندي و حيد النظاظر: صوفيا شكديري هنا؟
صوفيا: جيت نبدل الجو اصلا كنجي هنا بزاف مع البنات و نتا؟
حسن: غير خدمة عادية، يمكن ليكم دبا تمشو من بعد نهضرو اوك؟
الرجل: اوك سي حسن نتلقاو
مشاو و هو يهدر حسن: ايوا من امتى و نتي هنا؟
صوفيا: شي ساعة تقريبا شكون هادو؟
حسن: راه قلت ليك غير خدمة ماشي شي حاجة مهمة يلاه عرفيني على صحاباتك
صوفيا: اوك يلاه
حسن: اجي بعدا شنو هاد اللباس؟ 😑
صوفيا: هكا لباسي احياتي تعود عليه 😉
حسن: حبيبتي انا ما بغيت حتى حد يشوف جسمك
صوفيا: حسن خاصك تعرف بلي بابا مكيدخلش فيا و حتى نتا دير بحالو، خليتو و مشيت عند البنات و هو تبعني: السلام
احسان و سارة: أهلا
صوفيا: البنات هدا هو حسن حسن هادي سارة و هدي احسان أعز الناس على قلبي
حسن سلم عليهم باليد: لي الشرف نتعرف عليكم
سارة: حتى حنا
حسن: نخليكم تستمتعو بوقتكم صوفيا ممكن نهدر معك على انفراد
صوفيا: اوك
مشيت معاه لواحد البلاصة خاوية حدا لابيسين: وي؟
حسن: اه بنسبة للموعد ديالنا غدي نأجلو حيت جاتني خدمة مستعجلة اليوم مي نتلقاو غدا نتغداو فشي ريسطو شنو قلتي؟
صوفيا: اوك
حسن دوز ايدو على حنكي، بعدت عليه: حسن هدرنا فهاد الموضوع
حسن: مي ياك حنا على علاقة شنو فيها إلا قستك؟ مغديش تعطيني و لا بوسة صغيرة
صوفيا: لا نتا عارفني مغديش نعطيها ليك و خلينا مزيانين
حسن تقلق: اوك باي
صوفيا: كلكم بحال بحال لا بد تاخدو شي حاجة متقدروش ديرو علاقة بلا بسالة ياك؟
حسن: لا انا ماشي من داك النوع؛ المهم مع الوقت غدي تعرفي عليا مزيان خليتك لك الراحة لقائنا غدا
هو مشا و انا رجعت عند البنات، دخلنا لريسطو الاوطيل طلبنا الي بغينا و جلسنا نتغداو
نمشو عند البطل ديالنا ↔↔↔↔
جالس فالبيرو ديالو كيقلب شي اوراق حتى دخل عليه حميد لقا التحية: سيدي طلبتيني؟
صلاح: وي حميد جلس تسمع هاد الخبر
حميد: ياك لاباس اسيدي؟
صلاح: عويطة ماشي هو البوس ديال المافيا
حميد متفاجأ: وايلي و شكون؟
صلاح: و هدشي الي بغيت نعرف، مكاين حتى معلومات عليه حيت مكيدورش بالساحة و حتى حد ما شافو أو سمع صوتو هو خدام فخدمة عادية كأي مواطن هدشي الي فهمت من عويطة بعيد كل البعد على هدشي داير بحال هداك الي كيلعب الشطرنج يحرك البيادق و هو مكيبان
حميد: اممم باينة فيه ذكي
صلاح: اه لحد الآن هويتو مجهولة مي خاصنا نديرو جهدنا باش نكشفوها، أوف كان كل همي نشد عويطة حيت كيسحابني هو البوس صدق غير خدام عندو بحالو بحال الآخرين
داز النهار زوين فالاوطيل و صل الليل و كانت حفلة كبيرة تماك قررت انا و البنات نمشو ليها، هدرت مع بابا باش ما يتخلع عليا، لبست كسوة حد الركبة فالبيج بلا جنيدات بوشيط و طالون فالذهبي، سارة لبست كسوة فالأزرق الملكي و معاها اكسسوارات و طالون فالبيض و إحسان لبست jumpsuit فالكحل، درنا مكياج جينا واو كنحمقو، ضربنا سيلفي و خرجنا للحفلة الي كانت فclub ديال الاوطيل: نقولها ليكم من هنا وياكم تشربو شي حاجة لا ديرو ليا بحال ديك الليلة
احسان: براكة من السخرية و يلاه نشطو اوه الليل طويل و الموسيقى خطيرة، مشينا لبلاصة الشطيح و بقينا عاطيينها للشطح و النشاط، تسخسنا مزيان جلسنا واحد شوية و هو يبان ليا واحد فايتة شيفاه مي ما عقلتش غير شافني تبدل لونو و هو يجي عندنا: هاي صوفيا من زمان ما شفناك
صوفيا: واش كنعرفك اخويا؟
الشخص: وايلي نسيتيني؟ انا عمر داك النهار تلاقينا فالبحر و كنت ظريفة معايا بزاف ما عمري ننسا داك النهار
صوفيا: اه عرفتك كان نهار زوين 😉😙
عمر تعصب: و كتقوليها بوجهك حمر؟ خليتيني ضحكة و شوهتيني والله يا منتعاتق معك حضي رأسك مزيان حيت هدي غدي تكون أسوأ ليلة بنسبة ليك
صوفيا: ههه أوو خلعتيني ماما عتقيني عفاك اهئ اهئ غدي يضربني، تا سير تكمش عند ماماك ترضعك أولدي
عمر: عقلي على كلامك مزيان، قالها و مشا
بغا يخلعني زعمة يمشي يعاود راسو اصلا موالفة بهاد التهديدات و حتى حاجة ما شفتها، رجعنا كملنا شطيح انا و البنات، و من بعد تفرقنا انا جلست كنتفرج فالناس، سارة كتهدر مع واحد الدري صيداتو و إحسان مشات تجيب شي حاجة نشربوها، بقيت جالسة شوية جا عندي واحد السيرفور: انسة صوفيا ياك؟
السيرفور: بقاي ماشية نيشان و دوري عاليسر غدي تلقايه
صوفيا: اوك شكرا
مشيت فين قال ليا، وصلت للطواليط مي كان خاوي يصفر: سارة؟!!
مكاين جواب: سارة واش نتي هنا؟ شوية طفا الضو و بقيت واقفة فالظلمة: سارة براكة من الضحك واش هدي نتي؟!!!
هنا بديت كنخاف، شوية سمعت التقرقيب درت ورايا ما بان ليا والو كان غير الظلمة، بقيت واقفة فبلاصتي حتى حسيت بإيد تحطات على خصري و أخرى على فمي باش ما نغوت
صوفيا: امممممم
الشخص: ششش متخافيش غير انا شوفي غدي نحيد ايدي و لكن إلا غوتي نقتلك بلاما تصعبي الأمور علينا حركي رأسك إلا فهمتي
حركت راسي باه، حيد ايديه و انا طلقها بجرية و هو يشدني مرة اخرى: واش بغيتيني نرتكب فيك جريمة
صوفيا: شنو بغيتي مني؟ غدي تطلقني دبا و لا ندمك
عمر: ههه كتعرفي غير بلا بلا مكتقدايش
صوفيا: شوف عمر انا عندي عمي فالبوليس غدي يشدك يكردك و يرميك للكلاب إلا قستي شعرة مني فهمتي؟
عمر: ههه وي عمك فالبوليس و خوك جنرال و باباك وزير الدفاع شنو آخر؟ تحركي قدامي
صوفيا: مغدياش معك راه مكنضحكش معك غدي تندم
عمر: بالعكس احبيبة انا مغديش نندم، تحركي يلاه، جرني و انا كنحاول نقاومو، خرجنا لقينا لوطو كحلة واقفة كتسناه: سي عمر السويت واجد و كلشي وصيتي عليه كاين
عمر شد من عندو الكونتاكط: اوك شكرا
حيد ايدو من فمي و لاحني فاللوطو: فين غدي بيا الحيوان؟!!
عمر: لا بيب حنا غاديين ندوزو احسن ليلة غدي نخليك تستمتعي مزيان و غواتك يسمعو الاوطيل كامل من المتعة طبعا، اه عرفت شحال كنتسنا هاد اللحظة و ها هي جات سبحان الله صدفة زوينة بزاف باش تعرفي العالم صغير بزاف
صوفيا: اهئ اهئ نتا حيوان حقير وقف اللوطو دبا!!! والله لا خليتك تقيسني الموسخ نموت و ما نخليك
عمر: حبيبتي خليلي طاقتك كاملة الليلة حيت غدي تحتاجيها هههه
بقيت كنضرب باب اللوطو و نغوت مي هو مسورت كاع البيبان، مكرهتش نطير عليه نقتلو، بقيت كنسب فيه و نعاير مغديش نزاوكو حيت معمري غدي نذلل راسي، من بعد بزاف المحاولات بقيت كنطلب ربي عارفة راسي مقصرة فحقك اربي لكن عاوني كلشي إلا شرفي، وصلنا للأوطيل و انا قلبي غدي يخرج من بلاصتو شداتني الرعدة، خرجني بهدوء باش ميتير الانتباه و حط شي حاجة قاصحة على ظهري: تحركي و لا تهدري طلقة وحدة كافية تقتلك، غدي ندخلو عادي و غدي تصرفي عادي وياك تحركي اوك؟
صوفيا: كون متأكد بلي غدي ندمك على هدشي غير صبر
عمر: ههه اوك، تحركي دبا
دخلنا للأوطيل و هو شاد فيا و حاط الفردي فظهري: مساء الخير أنا حجزت سويت باسم عمر عاصم
البنت الي فالاستقبال: وي مسيو عمر السويت رقم 21 تفضل السوارت
عمر: مغسي، يلاه حبيبتي
تفو على مكلخة من الصباح و كنغمز فيها ما فهماتني، شوية جا شخص مكنتش متوقعاه شافني بنظراتو الحادة باستغراب، شفت فيه بترجي حمدت الله و شكرتو فخاطري، بقيت مركزة الشوفة عليه عالله يفهمني، هو شافني و كيحاول يفهم حتى قاطعنا الزمر ديال عمر: بيبي يلاه نطلعو كيهدر تحت سنانو
شاف فيا بخيبة أمل حدر راسو و مشا اهئ اهئ لا لا مشا املي الوحيد يا ربي، دحاني عمر: تحركي واش غدي نباتو هنا؟
طلعنا للسويت السيد مجهز الشراب الشموع و الورد و الموسيقى هادية، انا هنا تخوا ليا الما فالركابي حسيت بالفشلة مقديتش نتحرك بقيت جامدة فبلاصتي، سورت الباب مشا للبلاكار جبد منو شوميز الي معري أكثر من المغطي فالحمر لاحو ليا شفت فيه و انفجرت بالبكا: اهئ اهئ اهئ عفاك خليني سمحلي ما قصدتش نهينك انا حمارة مستعدة ندير الي بغيت غير شرفي لا انا مزال بنت حشومة عليك اهئ اهئ لأول مرة نرغب شي واحد و لا نكون ضعيفة قدامو مي مكانش عندي حل آخر تحطيت أمام الأمر الواقع
عمر: نو نو بيب لاش كتبكي بالعكس خاصك تفرحي غدي يعجبك الحال ههه دبا وليتيني ترغبيني قبيلة دافعة عليا كبير و كتهيني فيا(شدني من شعري) مي دخول الحمام ماشي بحال خروجو غدي نغتصبك حتى تكرهي رأسك تندمي على النهار الي درتي معايا هداك الستون، و دبا غدي تنوضي دوشي و تلبسي هاد الشوميز و الا ما بغيتي بلاش، احسن حاجة هي نقطع هاد اللباس كيما كيديرو فلقطات الاغتصاب ههه اه هكا احسن
صوفيا دفلت على وجهو: نتا مريض نفسي
عمر: اه مريض بيك دبا اختاري اشمن طريقة
صوفيا: وا عتقوني اهئ اهئ اهئ عتقوني عفاكم
عمر صرفقني: ششش سكتي!!! ز دبا القح** غدي تلبسي هدشي ولا نذبح مك هنا
بقيت فبلاصتي ما تحركت، نوضني بزز و رماني فالدوش: طلقي رأسك
طحت للأرض كنبكي و نشهق، مسحت دموعي و درت دكشي الي بغا حيت جاتني فكرة، لبست داك الزمر كرهت راسي، خرجت عندو حل عينيه فيا و قرب مني: اووو واو بنت الحرام طايتك واعرة
قربت ليه حطيت ايديا ورا عنقو، حاولت نغريه بحركاتي، شفتو مركز معايا و انا نضربو فالمعلم نيشان: ااااااااه بنت القح** شدني من شعري و حط الفردي على راسي
صوفيا: غير قتلني نفضل نموت و لا يوقع ليا هكا اهئ اهئ
عمر: ماشي بهاد السهولة سمعتي!!! قاطعو صوت الباب كيدق بجهد: فتح الباب لا نفرعوه
الظابط الصارم و الجريئة الجزء الثاني
محتوى القصة
التنقل بين الأجزاء