وبحال كل صباح فحياة نينا ... ومع شرق الشمس بأشعتها الذهبية فاقت كما متعودة تفيق بكري ... جالسة بوحدها على طبلة دالمرايا وفيديها لاتروس صغيرة عامرة مكياج ... جالسة وكتقلد داكشي اللي كتشوف ... وعلى حد علمها بالاغراض اللي فيدها انها كتزيد تزين الايناث كثر تماما بحال اللي كتشوف ريلي كديري وكتزيد تزيان مع لمسات خفيفة من المكياج اللي كتحط على وجها ... وحسب فهم نينا وماقال ليها راسها كضن ان المساحيق اللي كتستعمل ريلي غادي يرجعو ليها وجهها كما كان وترجع زوينة بحال من قبل . . . وهادشي اللي خلاها تخلط جميع المواد فيديها ودهن فوجها ... احمر الشفاه فوق العنين وفالعنق وفالفم والماسكارا فالشعر والودنين والبودر خواتو على وجهها حتى رجعات بيضاء بحال الجير ناهيك على الريحة اللي خوات عليها حتى طعنات الدنيا ... مكياج ريلي كانل مشا فالرجلين واليدين حتى من كلوز بنكهة الفراولة كلاتو وعصراتو كامل فنيفها وكتسنى المعجزة ... امتى غادي يبدا التحول ؟ متى سيتدفق الجمال ! علاش ريلي كاتكون صفرا وفاش كتحط مكياج كترجع زوينة ! شحال قدها تستا المكياج يعطي مفعول ديالو ؟
جلسات قدام المرايا كتسنا وتشوف واش ناقص شي حاجة تزيدها ... بان ليها غبار كيبري فقرعة صغيرة قدلمها وهزاتو بدات دردر على وجها ماتبقا من المكياج ، شي دكدك وشي فزك وشي تزلع المهم حتى حاجة مابقات صحيحة او نافعة تحط على الوجه مرة اخرى.
ساعتان دازت وهي كتسنى التغيير الجدري ... التحول المعجزة !
لاكن كانت المفاجأة صادمة ... ريلي واقفة موراها كتشوف فالمرايا مصدومة ... مصدومة مناش! واش من المكياج اللي مشا ليها كامل ولا من داكشي الغريب اللي كتشوف فوجه نينا! شنو هادشي كاتشوف؟ واش المكياج اللي دار ليها هاد الحالة ولا وجهها اللي هاكاك ! مافهمات والو غوتات بأعلى صوت حتى جات اوليفيرا جالسة فوق الفوكوي وعينيها مقلوبين للور ناعيك على الشعر المجعد المكركب والسلوكة اللي طالعين فالسماء بحال الشمس ... ناضت عرقانة وعنقها فازك كتلهت من الحلمة اللي كانت كتحلم وتهزات بالغدايد كتجري لبيت النعاس لقات الحرب قايمة على لاتروس دالمكياج ... ريلي تجر ونينا وكل وحدة كدفع من جيهة شوية كلقو من لاتروس وتحناو للارض بريوسهم بجوج مرايشات كل وحدة جارة من جهة
###
لبنات غندير تسريع الاحداث لان الوقت مابقاش كيكفيني مع القراية والخدمة والدار حتى هي ومابقيتش قادرة نركز مع القصة بحال من قبل داكشي علاش مغنزيدش نطول فيها وغنحط الاجزاء المهمة ونساليها فنهاية هاد الأسبوع .. ليس اعتزال لاكن مضطرة ونهار نبغي نكتب غادي ناخد وقتي الكافي ومنحطش قصة في كور الكتابة مرة اخرى حتى نساليها على خاطري وماتقلقوش مني حيت نهار بديت نكتب كنت غير حالسة لا شغل لا مشغلة ومقابلة القصة كما يجب ماشي بحال دابا ، اللي خادمين وكيقراو فنفس الوقت فيعرفو الزيار اللي كنعيشو هاد الفترة . داكشي علاش غنختاصر ونسرع القصة
لورا : وفين عمرو هوا عطا مبرر لشي وحدة فينا؟!!! قالك جمعي حوايجك ولحقي عليه ... انا غنبقا هنا مع ريلي .... ااه وردي بالك رله كشاااكشو خارجة خاصو غير فيمن يلسق ... قبل مانجي سمعنا اللي عمرنا سمعناه .. اوف انا غنتهنى منو شوية ونرتااااح هنا بعيدة عليه . ونتي نوبتك يتغسلو ودنيك شوية ههه
دخلا لورا فرحانة بحال الى حطات شي حمل تقيل على ضهرها ةخلات اوليفرا واقفة مصمرة... ماتعنات تفكات منو هاهيا عاوتاني راجعة عندو وخاصها توجد راسها لمعيورو وهضرتو وشوفاتو وتستحمل عصبيتو .
زفرات بإكراه ومشات للبيت بدات كتجمع فحوايج نينا .
ماهي غير ساعة حتى كانو حدا باب الفيلا وقفين واةليفرا كتوصي نينا وتعاود
اوليفرا : شوفي... هاحنا وصلنا ... لي حاجة بفيتي ديريها ولا ماعرفتيش بيها سوليني انا بلا ماديري ليا مشاكل معاه ... ماقادراش نتحمل عصبيتو وسعدااااااااات ريلي ولوار اللي تهناو .... سمعي... هانتي وليتي كتفهمي اللغة وعقلك خفيف .. انا مزاااوكة الى فكري فالحاجة عاد ديريها ولا تشاوري معايا قبل ماتبغي ديريها
شافت فيها نينا وقالت صعوبة فالنطق
نينا : ماطياج .
اوليفرا: سميتو المكياج .... المكيااااج والى بغيتيه غادي يحضر... هنا اي حاجة بغيتيها تلقايها ولاكن تبتي وتصرفي مزيان . ماديريش اللي فاسك تافقنا
حركات نينا راسها بالأيجاب فرحانة
ودخلو لداخل لقاوه جالس شاد ورقة وستيلو كيحسب فيها ويعاود .. هز راسو فيهم ورجع شاف فالساهة لفيدو وقال
اسلام : يالاه توصلو عند الطبيب ديال التجميل يشوف وجهها .
اوليفرا : قلتي عام باقي خاصها؟
أسلام : تمشي تشوف الطبيب من بعد هوا يعرف اش يدير معاها ... مافيا اللي بقا هاز مسؤوليتها عام كامل ... فوقاش ترجع كما كانت وترجع بحالها منين جات
ضلام وجه نينا وهي كتسمع هضرتو ... معارفش باللي بدلات مجهود كبير باش ترجع تفهم لغتهم وتهضر بيها شوية... جرحها كلامو وحسات براسها جالسة على قلبهم وفير مرغوب فيها فعالم ماشي ديالها ، لاكن كتبقى مسؤولة عليه هوا ... وماشي غير هوا بوحدو ... مسؤولة عليه هوا وذهب ورياض ... الكل مسؤوال عليها لانهم هما اللي داوها وعارفينها غريبة ومختالفة عليهم ... هما اللي كيتحملو مسؤوليتها لانها مكانتش عارفة ان اليخت كيتحرك ولو كانت عارفاه مكانتش غادي تركب فيه ابدا ... وجهها اللي تشوه بسببهم هما كاملين ... كل حاحة تعرضات ليها كانت بسببهم وفبلاصت مايتعامل معاها مزيان كونو هوا سببها فاللي وقع ليها كيخرج كلام جارح كما العادة ... هادا هوا اسلام ... ماشي من النوع اللي كيعرف يهضر ... مولف بالتجريح حتى رجع مكيحسش بكلامو الجارح اللي ممكن يكسر بخاطر وحدين اخرين ، وحيت حاس بمسؤوليتها عليها وتكلف بيها هوا من دون الخرين ... وحيت فيه جانب كيصدق زواجو بيها وبأنه المسؤول الوحيد عليها واخا عقلو ماباغيش يتقبل فكرة زواجو ، لاكن احساس اخر واها ضعيف كيأثر فيه ويحسسو بمسؤوليتو عليها وباش يرتاح خاصو يرجع ليها وجهها كما كان .
طبعاتها اوليفرا لبيتها وجلساتها فوق الفوطوي ومشات كتقلب ليها على ملابس تمشي بيهم لمركز التجميل العالمي لأشهر الدكاترة العالمية .
من بعد ماختارت اوليفرا لباس خفيف سامبل تلفتات باغا تهضر وهي تشوف وجه نينا ماشي هوا هاداك ... كانت جالسة و مهبطة راسها وجسمها كيهتز من بلاصتو ، قربات منها اوليفرا كتسكشف الامر وجلسات القرفصاء قدامها ... خزات يديها حيدات ليها القناع وهي تلقا دموعها كتنزل بغزارة ... قببات نينا وجها حاطة يدها على خدها ماباغاش تشوف اوليفرا دموعها
اوليفرا : حتى أسلام هادشي اللي كيبغي ... ماحدك هنا معاه ديري عقلك ... هوا كتعجبو البنت اللي بعقلها ومرزنة وفنفس الوقت مرحة ودلوعة ... كتعجبو البنت الفانتة الجدابة والشخصية القوية ماشي الضعيفة ... كتعجبو اللي شافة راسها عليه ومسبقا نفسها قبل كلشي ... بالمختصر المفيد أسلام كتعجبو البنت اللي كتبغي راسها ... انانية ... تفضل راسها ديما وتكبر بنفسها وتعلل فراسها قبل مايتهلا فيها شي واحد ... ونتي الى بغيتي تشديه سمعي ليا شنو نقول ليك مزيااان وديري داكشي اللي كنقول وغايجي عندك زاحف
بعد الاتفاق اللي دارو قررو ينفدو بداية من هاد اللحضة . قررات نينا ترجع وحدة اخرى وتعايش مع المحيط ديالهم وتضعاف مجهودها اكثر باش توصل لداكشي اللي بغات وكما كانت فارضة شخصيتها و الجميلة الفاتنة وداءما الاولى فبنات جزيرتها غاتخدم على هادشي فالعالم الجديد اللي ولات عايشة فيه وعجبها . بغات دير بلاصتها وتفرض راسها حتى هنا .
لبسات لباس جميل ونزلات كالعادة بالقناع رافقات اوليفرا للعيادة . قابلو الطبيب وكشف على وجهها وتحمس لأول عملية ليها لانها لازمها اكثر من عملية تجميل وحدة باش ترجع كما كانت .. لقا بشرتها الحساسة على استعداد لأول عملية وخدات موعد مع الطبيب وخرجو من العيادة ، داتها اوليفرا لمخبات التجميل وشرات ليها كل مايحتاجها .. عرفاتها مولوعة بداكشي ... خدات ليها صاك قدو قداش عامر مكياج و صبايغ الدفار ودوزاتها لمحل كساتها من راسها حتى لرجليها لانه مكانش عندها ملابس داخلية وخارجية الا القليل ، لاكن دابا خدات ليها اوليفرا كل شىء .. ملابس النوم القطنية المريحة و الاتواب الحريرية كونها غضل فالغرفة الوقت كامل ... ملابس انيقة ... رياضية وكلاسيكية .. وحتى اغراض الحمام وبينوارات وفاوطات خداتهم ... كل مايخص الفتاة ... عمرو السيارة .. الكوفر مابغاش يتسد ... ردهم الشيفور للفيلا وطلعو لقاو الصمت حس اسلام مكايدورش ... مشاو للغرفة وخطو الاغراض كاملة ... دخلات وسطهم نينا بشعرها المنسدل على ضهرها وكتافها وقناعها الجميل فرحانة كتنقز ... تحل هادي وتلبس هادي ... تهز هادي وتحط هادي طايرة من الفرحة ... من بعد ماستفو كلشي و وراتها اوليفرا كل حاجة لاياش كتصلاح وحفضاتها وقراتها وعلماتها تفرق بين الملابس ... الخاصة للخفلات بوحدهم .. وملابس النوم بوحدهم ... و الرياضية بوحدها ، انتاقلو للدراسة اللي كتسناها نينا من الصباح وكل شوية تنخز اوليفرا باش يجبدو الكتب وتعلمها تقرا ... كانو عيون نينا وهي لامعة وهي كتدرس ... سعيدة وعاجبها الحال .. كتحس بعيونها كيتحلو وهي كتقرا ، صدق من قال " العلم نور والجهل عار"
المغرب .
فالفيرمة ديال نور... اب رياض ... واقف حصان اصيل رمادي اللون قوي البنية ... وحداه واقف رياض بسروال اسود وبوط جلد وتيشورط كحلة فيها فرس مرسوم فالصدر صغير ... داير كاسكيطة وكيضحك مع ذهب اللي واقفة حداه مترددة تركب عليه واها جاهزة فباسها بحالو وجامعة شعرها دير حصان ... رتب على ضهر الحصان وقال
نور : طلعي ماتخافيش على حسابي
ذهب : لالا منقدرش... منقدرش ... مانساش نهار لاحني ارياض.. لاني فالهبطة وهبطت كنتدردب حتى شدوني غير الحجر كنت غانموت
رياض: حنا جينا من كولومبيا للمغرب باش نبدلو جو شوية ... ومنها نعالجو الفوبيات اللي عندنا ونعالجو الماضي ديالنا .. ياك هادشي علاش تافقنا
ذهب : لا ارياض منقدرش نركب
رياض : واخا لاللة
طلع هوا فوق العود بسرعة وشد لجامو وبدا كيمشي ويجس بيه قدامها ... كان ركوبو شامخ فوق العود ... بان فعينين ذهب بنضرة اخرى عكس النضرة اللي كانت كتشوفو بيها .. اول مرة يتير انتابهها وإعجابها ويجذبها واخا مقصدش ومعارفش باللي انجاذبات ليه ... وحتى هي دغيا شتتات النضر باش مايحسش بيها وتكون بهادا سببت الاحراج لنفسها ... قال بابتسامة جذابة من فوق العود
رقبة تحت السيف الجزء 27
محتوى القصة
اوليفرا: باستغراب ) لورا! علاش جيتي!
لورا : بابتسامة عريضة ) حيت مسيو أسلام بغات تهزي البنت اللي معاك وتمشي عندو للفيلا
اوليفرا: أينا بنت!
لورا : نينا. . . اللي سميتها نينا
اوليفرا : مقالش ليك علاش؟
لورا : وفين عمرو هوا عطا مبرر لشي وحدة فينا؟!!! قالك جمعي حوايجك ولحقي عليه ... انا غنبقا هنا مع ريلي .... ااه وردي بالك رله كشاااكشو خارجة خاصو غير فيمن يلسق ... قبل مانجي سمعنا اللي عمرنا سمعناه .. اوف انا غنتهنى منو شوية ونرتااااح هنا بعيدة عليه . ونتي نوبتك يتغسلو ودنيك شوية ههه
دخلا لورا فرحانة بحال الى حطات شي حمل تقيل على ضهرها ةخلات اوليفرا واقفة مصمرة... ماتعنات تفكات منو هاهيا عاوتاني راجعة عندو وخاصها توجد راسها لمعيورو وهضرتو وشوفاتو وتستحمل عصبيتو .
زفرات بإكراه ومشات للبيت بدات كتجمع فحوايج نينا .
ماهي غير ساعة حتى كانو حدا باب الفيلا وقفين واةليفرا كتوصي نينا وتعاود
اوليفرا : شوفي... هاحنا وصلنا ... لي حاجة بفيتي ديريها ولا ماعرفتيش بيها سوليني انا بلا ماديري ليا مشاكل معاه ... ماقادراش نتحمل عصبيتو وسعدااااااااات ريلي ولوار اللي تهناو .... سمعي... هانتي وليتي كتفهمي اللغة وعقلك خفيف .. انا مزاااوكة الى فكري فالحاجة عاد ديريها ولا تشاوري معايا قبل ماتبغي ديريها
شافت فيها نينا وقالت صعوبة فالنطق
نينا : ماطياج .
اوليفرا: سميتو المكياج .... المكيااااج والى بغيتيه غادي يحضر... هنا اي حاجة بغيتيها تلقايها ولاكن تبتي وتصرفي مزيان . ماديريش اللي فاسك تافقنا
حركات نينا راسها بالأيجاب فرحانة
المغرب .
فالفيرمة ديال نور... اب رياض ... واقف حصان اصيل رمادي اللون قوي البنية ... وحداه واقف رياض بسروال اسود وبوط جلد وتيشورط كحلة فيها فرس مرسوم فالصدر صغير ... داير كاسكيطة وكيضحك مع ذهب اللي واقفة حداه مترددة تركب عليه واها جاهزة فباسها بحالو وجامعة شعرها دير حصان ... رتب على ضهر الحصان وقال
نور : طلعي ماتخافيش على حسابي
ذهب : لالا منقدرش... منقدرش ... مانساش نهار لاحني ارياض.. لاني فالهبطة وهبطت كنتدردب حتى شدوني غير الحجر كنت غانموت
رياض: حنا جينا من كولومبيا للمغرب باش نبدلو جو شوية ... ومنها نعالجو الفوبيات اللي عندنا ونعالجو الماضي ديالنا .. ياك هادشي علاش تافقنا
ذهب : لا ارياض منقدرش نركب
رياض : واخا لاللة
طلع هوا فوق العود بسرعة وشد لجامو وبدا كيمشي ويجس بيه قدامها ... كان ركوبو شامخ فوق العود ... بان فعينين ذهب بنضرة اخرى عكس النضرة اللي كانت كتشوفو بيها .. اول مرة يتير انتابهها وإعجابها ويجذبها واخا مقصدش ومعارفش باللي انجاذبات ليه ... وحتى هي دغيا شتتات النضر باش مايحسش بيها وتكون بهادا سببت الاحراج لنفسها ... قال بابتسامة جذابة من فوق العود
رياض : اجي طلعي قدامي ماتخافيش ... اجي كنواعدك مغيوقع ليك والو
ذهب : لالا غير ركب نتا ... انا كان عزيز عليا العود لاكن دابا لا ... نوقف حداه اه وجرو اه ولاكن نركب لا منقدرش وحتى ركابيا كيفشلو
رياض : ولاكن انا معاك دابا ماشي بوحدك ... ونتي عارفة انا والعود عشرة سنين ماشي اول مرة نركب عليه... يالاه اجي وماتخافيش
مد يدو ليها كيزعمها وبتردد كبير مدات يدها .. جرها بشوية عليها باش متأثرش من قبضة يديه القوية وطلعها قدامو ... حسات بالدوخة مأنها طالعة فوق برج ماشي عود وزادت خلعاتها حركات العود وقالت بخوف
ذهب : عنداك يجري بينا ... عنداك يجري ... صافي قوليه يوقف عافاك
ماردش عليها وقالت مرة اخرى: عافاك ارياض قوليه مايتحركش خايفة
تسمع صوتو من موراها هادىء وغليض قاءلا
رياض: شووووووو ت ت ت ت
كان يخاطب الحصان ونفسو كضري فودنها ... كانت قريبة ليه بزاف لدرجة نسا راسو وقرب من عنقها كيشوف فيها بنضرات غريبة... تقالو عينيه وببطىء دور يديه على كرشها شاد اللجام فيديو وحاوط خصرها ... ضهرها لاصق مع صدرو ومءخرتها بيه رجليه كتمشي وتجي وريحة عطرها ختارقات شعيرات مناخرو ... شحال تسنى هاد اللحضة ... شحال جرا وسخف باش تقدر تقبلو وتغير علاقتها معاه... كانت ملكو ومزالة ملكو وغتبقا ملكو حتى لأخر نهار فحياتو ولايمكن يستسلم ... وخس أنها ملكو مللي عنقها من اللورخايف عليها طير .. اما هي كضن بديك التعنيقة والتاساقو بيها على انه خايفها طيح ... سكتات فور ما حاوط يديه بيها .. وماقدراتش تهضر وهي كتحس بوجهو قريب من عنقها ونفسو فودنها .. حرارة ودفىء وحنان حسات بيه فهاد اللحضة وريحتو اللي كانت كتكره وتعايرو بيها وخلاتو يبدل الروايح كاملين على الله تعجبها شي وحدة .. اليوم عجباتها وارتاحت ليه ... حرك الحصان برجلو وتحرك بيهم بخطوات بطيءة خارج من الفيرمة ...مشا بيهم للطبيعة والخضورية والهواء الطلق ... الصمت حتى واحد مكيهضر ... هي كتشوف وتسرح عينيها وهوا موراها ساهي فيها وكيتنشق عطرها .. كسرات الصمت وقالت بابتسامة
ذهب: هاد الريحة اللي درتي زوينة ارياض عجباتني 😊
ابتاسم قال بصوت خافت قريب من ودنها
رياض : ماشي بزاف باش كنتي كتكرهيها
ذهب: ولاكن ماشي هادي... هادي حسن من هادوك
رياض: بنفس النبرة ) هي نفسها .... وحدة من دوك الروايح اللي مكنتيش متحملي
قالت بطلاقة : المهم انا بعدا عجباتني هادي وجاتني جديدة وجات معاك
رياض: هي نخليها ؟
ذهب: اه خليها ... عجباتني بزاف
ابتاسم وماكرش يعنقها بقوة ... متمالك نفسو بصعوبة وبدون شعور لمسات يدو اللي حاط قادمها يدها وشد فيها برفق وقال بصوت خافت
رياض: شدي معايا اللجام
شد يدو الثانية فيدها وجمعهم بجوج على اللجمام وغطاهم بقبضة يظو وزير عليهم وزيرها عندو بقوة وقال
رياض: غمضي عينيك
غمضات عينيها وهوا يضرب العود برجلو وانطالق كيجري بيهم والريح كيضرب فوجهم اجسامهم متحدة وشعرها كيديه الريه جيهت عنقو وهوا مزيرها بقوة
التنقل بين الأجزاء