جالس عاقد حجبانو فوق كنبة وسط الفيلا وفيدو الأيمن فردي ذهبب اللون كيدور فيه ومتكي بفكو على صبعو كيسنى الرد من عند باه على داكشي اللي دار وكيتسنى الحضور ديالو ولا هجوم من جيهتو ... وهوا جالس داز من حداه ريح خفيف جاي من موراه حامل معاه راءحة دافية وجذابة خلاتو يتلفت بنفس الملامح الصارمة وجبهتو المكمشة مطلع حاجبو بنص عين كيشوف فيها دايزة من حداه بثوبهت الازرق كتمشى بشوية وبلا مبالات وشعرها الاسود منسدل مور ضهرها ... بدا كيطلع ويهبط فيها بعينو من اللور حتى قلبات الدورة جيهت المطبخ عاد رجع قلب وجهو بلا مبالات لجهة اخرى وغير كيرمش ومعبس ... عيا يتسنى الرد ... معروف عليه قليل الصبر ومكيقدرش يصبر ومكيطيقش الانتضار ابدا لدرجة كيتعصب غير مع تيليفونو فاش كيحطو يتشارجا و يضطر يتنساه يشعل .. زفر وتنهد وشاف الساعة السوداء اللي فيدو ... بد صبرو كينفد وبدات رجلو كتشطح فبلاصتها وتفيبري .. اطفح الكيل... جبد تيليفون واتصل بنضال كيحاول يستكشف الامر
أسلام: الو
نضال: اش كاين؟
أسلام: هادي 4 دسوايع باش قلتي جاي ! فين هوا ؟
نضال: ببرودة) شكون هوا ؟
زير اسلام على سنانو محاملش الطريقة الباردة باش كيهضر نضال ... قاصد يلعب عليه على اعصابو وعارف طبعو كي داير كيكره الاحوبة المقزبة اللي مكتخليه يفهم حتى حاجة وكيكره اللي بدا يقطر عليه فالهضرة ويخليه يعاود السؤال ويزيد يبحث ويكثر فالهضرة. غمض عينو بنفاد الصبر ونفخة صدرو حتى لحلقو ورجع فشو وقال بنفاد الصبر
اسلام: رام عارف علامن كنهضر
نضال: ببرودة) مافهمتش؟!
اسلام: كنهضر على الواليد عل...
قاطعو نضال: الواليد بوجهك حمر؟ عارفو باك امسخوط الواليدين وكدير فيه فعايل العدو
أسلام: دابا من اللخر وصل ولا باقي؟ كنتسناه يوصل عندي
نضال: وصل
تحلو عينين أسلام وقال: عجبو الانفجار؟ ههه (بسخرية) وعلاش مايعجبوش والمنج على قدو نفاجر... تبخر... مابقا فيه والو .. وقريب نوبت الجزيرة .... وغنبدا بداكشي اللي كيعجبو وعزيز عليه ههه (بمكر) المغااارة ... الكنز ديالو
قال نضال بسرعة : ماشي ديالو هاديك ... ديال ماماك والجزيرة كانلة دماماك وعنداك تقرب ليها ... وهادشي اللي درتي فالمنجم مزال غتندم عليه... باك وصل وعارف اش درتي المسخوط وباش تبرد وترتاااح ... بلا متسناه يجي عندك ... بان ليا ماتأترش بداكشي اللي درتي ... واللي مخبي ليك حاجة كبر من داكشي اللي نتا كتخطط ليه وغيدوقك من نفس الكاس وعد مني ا اسلام ... غادوق من نفس الكاس... وكل حاجة بوقتها
اسلام: باغي ندوووق ... قوليه كنتسنا ندوق
نضال: غادوق غير صبر... تعلم تصبر .... الفرق بينم وبين باك هوا نتا قليل الصبر وهوا كيصبر ومكيزربش هه
بينما اسلام واقف غادي جاي كيهضر خرجات نينا من المطبخ هازة دالليمون فيدها كتشوف فيه بنص عين مشغول مع تيليفون . . . جلسات حدا بلاصتو فين كان جالس ودارت رجل على رجل فجلسة انثوية وحطات الكاس فوق الطبلة وبدات تفرج فالتلفزة وهوا كيدور حداها ويهضر مركز مع الهضرة... قطع من بعد ما فور ليه نضال دمو بالفقصة وخلاه كيسوط ... التفجير ماقضا ليه والو على هاد الحساب.... كان هدفو يحرق دم باه ويفقصو لاكن واضح انه مانجحش وغير ضيع المنجم على والو .... يمكن الاشياء اللي كتعلق بالمادة مكتأثرش فباه ؟ شنو اللي يخليه يتحرق ويتحصر ويحس بالخساءر... شنو الحاجة اللي تهليه يتخرك بلا ميشعر ويجي برجليه لوكر أسلام باش يتشفى فيه ويسمم دمو ... شنو هي نقطة ضعفو؟ مايمكنش باه هاداك ومعارفش نقطة ضعفو .... واكيد باه حتى هوا معارفش نقطة ضعف اسلام... وبما انه سخا بالحياة ورمى راسو للتهلكة برجليه فما عند باه منين يشدو على هاد الحساب.
أسلام : واخا غير بلاتي ... دابا نشوفو ... شحال قدك تصبر وتسمح فحقك؟ ونشوف ممتلاكاتك كضيع قدان عينيك ... شحال قدك تصبر ههه! حتى يكون كلشي تحرق ومايبقا ليك حتى حاجة ديك الساعة غنضحك عليك مزيان..... واخا ... وحد راسك لأوتيل" تون بيار " هاد المرة ... تشوفو كيتحرق قدام عينيك وسط امريكا وكلشي يكتب عليك وفين ماضرتي تلقا الهضرة عليك
هز الكاس دالليمون اللي فوق الطبلة هبط عليه كامل وخبط الكاس مع الطبلة وتلفت عند نينا كيسوط ويشةف فيها بغضب
أسلام: الى محرقتو وخليتو يتفرتت من الطاج 120 حتى للاكاف ماسميتيش اسلام .... الا ماخليت سميتك فجميع القنوات كدور وكلشي يهضر على داكشي اللي كيوقع ليك انا ماشي راجل
زير على سنانو ونينا كتشوف فيه مصدونة ومخلوعة من ملامحو وعينيه الحومر وناض بلمح البصر طالع فالدروج خلاها مبلوكية مافاهمة والو ... يمكن ماشي الوقت المناسب باش طلق زينها عليه وتخليه ينتابه... عينيه معميين هاظ الساعة .. ولاكن علاش لا متحلهمش ليه هيا؟ علاش متحداش نفسها وتشوف واش تنجع فترويض هاد التنين اللي قدامها ولا لا
وقفات كتجمع النفس وقررات دير خطوة اخرى كبر من هادي تقدر تنفع
________
بدات الشمس كتغرب على ذهب ورياض اللي جالسين فوق تلة على الرببع كيلاحضو الغروب ديالها ....تكلم رياض وقال
رياض: نرجعو دابا حسن يمكن ... حيت غيضلام علينا الحال هنا ختى باش نضويو مكاينش
ذهب: صافي يالاه نرجعو
رياض: دابا تقدري تركبي على العود بوحدك
ذهب : نقدر ... ولاكن دابا غنركب موراك
رياض: بابتسامة) اوك هي اللولة
ناض وقف كينفض سرواو من اللور وطلع على العود .. مد يدو وبجرة وحدة طلع ذهب موراه وشد اللجام ... حس بيديها دوره من خصرو وابتاسم قاءلا
رقبة تحت السيف الجزء 29
محتوى القصة
###
التنقل بين الأجزاء