صفحة قصة رقبة تحت السيف

رقبة تحت السيف الجزء 31

من تأليف Ghazal trust
2018

محتوى القصة

قصة ذهب و رياض رقبة تحت السيف

رياض : ذهب... ذهب ... 
حلات عينها بتتاقل لقات رياض عند راسها كيفيقها والفرحة فعينيه وفيديه تيليفون هازو ... ناضت مستغربة لفرحتو وقالت

ذهب : شنو؟ الفجر هادا علاش فيقتيني دابا؟

عندي مفاجاة ... دابا عاد قطعت مع باباك ... لقاو سلام 

حبات عينيها على كبرهم وقالت

ذهب : هااه!!! بصح ؟ واش بصح؟ وحلف ( خطفات التيليفون ) عطيني نهضر مع بابا

شد ليها كتافها فرحان كيهدنها وقال

رياض : بشوية عليك وسمعي بعدا وعاد هضري معاه .... اه لقا سلام ... ولاكن المشكل ...

هبط راسو بأسى وهي تحركو مخلوعة 

ذهب : شنو وقع مااالك ؟ شنو اللي وقع مالو سلام؟

رياض: لقاوه .. ولاكن مريض .. مكيقدرش يمشي و لا يحرك رجليه ... هوا دابا فالكلينيك كيهضر ويضحك وياكل عادي... مي مابقاش كيقدر يحرك رجليه... قالي لواليد فاش عيطت ليه نتأكد باللي تقاس فراسو ... داكشي علاش تشلل 

ناضت وقفات بالزربة كتجري

ذهب: يالاه نمشيو ... يالاه خاصنا نمشيو 
ناض عندها شعرو مخربق لابس شورط وتيشورط وشدها كيتبتها 

رياض: ذهب .. بلاتي... كلشي مزيان دابا وانا فرحان بحالك وباغي نمشي مي قاالو ليا غيجيو.... ماعندناش علاش نمشيو هنا اصلا غيجيو .

ذهب : بصح؟؟؟؟!
رياض: انا عمري كدبت عليك،؟؟ قلت ليك اللي قالو ليا.... باباك مارجع حتى جاب معاه سلام ... وحلف مايرجع حتى يجيبو معاه سواء حي ولا ميت ...والحمد لله لقاه حي ... مقادرش نستوعب ونزيد نسول كتر.. غير نستوعب غانعيط ليهم باش نفهم ونعرف كلشي بالتفاصيل.. فين لقاه وكفاش لقاه .
ذهب: بفرحة) الحمد لله غير ملي لقاه 

طارت عليع عنقاتو بالفرحة وعنقها هوا بقوة وبحب وبعد راسها شاف فوجها 

رياض: رتاحيتي دابا؟ علاش كتبكي عاوتاني؟
ذهب: مسحات دموعها) الفرحة ارياض الفرحة ... واش فخبار أسلام؟

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.