فساد و حب الجزء العاشر

من تأليف ليالي نسيم
2018

محتوى القصة

رواية فساد و حب

مروى .. '' جبدات باليد الأخرى تلفونها و اتصلت بغزلان '' عجلااان. .
غزلان. . مك أنا .. شكون معايا ؟
مروى .. هاااء نسيتيني نسيتي صاحبتك 😱
غزلان .. هههه حتى تكون صاحبتي مفكرااني عاد نتفكرها ..
مروى .. حرام عليك و الله كون غا مكنتيش عارفة شكاين 
غزلان .. كيف راك مع ذاك الوحش ..
مروى ..كح كح .. صافا... 
أسد ..''كيبوس فيديها و يهضر'' نقصي الصوت التيلي و قولي لها الوحش هو لي غايجي ياكلك لا ماجمعاتش داك الدرگوم. .
غزلان ..ناري ناري سمعني ..😢 اليوم يقتلني ..
مروى .. وا صااافي تا تي شحال فيييك .. قولي لي كيف راه أيمن!! صافا عليه؟ 
غزلان .. لباااس عليه .. كيسلم عليك ..
مروى .. إيمتااش العرس ههه
غزلان اوا منعرف .. ماهامنيش العرس إلى مكنتيش غاتحضري لو ..
مروى .. لا علاااش .. نتي عارفة لي كاين واخة منقدرش نحضر عرسك .. قلبي و عقلي غايكونو معاك أكيد ..
غزلان .. اوا من تما لتما ربي تماا..
مروى .. يالله باي .. تال من بعد و نتصل بيك سلمي على أيمن ..
غزلان .. مبلغ بيزوو ..
قطعات الإتصال و بقات حاضية المناظر دالطريق. .
أسد .. داك أيمن كتسولي عليه بزاف .. 
مروى .. ههههه غير قول لي بيتي .. أيمن هو لي وكلتيني عليه ديك الكلخة دالعصى صديقي و بحال خويا عزيز عليا بزااف ..و هو نفسو خطيب صاحبتي الوحييدة .. داكشي لي فبالك مكاينش غير هنينا
أسد .. هههه هاذشي كلو عارفو ..
مروى . أمم مزيان .. 
خذات تيليفون كاتسيلفاا و تحط الإنستغرام و السناب و كتخطف تصيورات ليها مع أسد من غير ما يعيق.. حتى وصلو الميناء ..نزل فتح لها الباب و مد لها يدو شدات فيه و خرجات كضور فراسها فالمكان لي كان خااوي كيتسمع فيه غير صوت الطيور ديال البحر ..وكلو عامر بالالسفن و القوارب 
مروى .. شنو غانديرو هنا ؟
أسد .. ماتخافيش مغانقتلكش هنا ههههه .. 
مروى .. بصح داوية شنو لينا بهنا ..
أسد .. غانمشيو فرحلة بحرية .. باليخت ديالي .. 
مروى .. هااء.. 😳
أسد .. زيدي ماشي وقت الصدمة دابا ..
جرها من يدها نقز اليخت و جرها لعندو ..دخلها بدأت كضور فعينيها فداك اليخت لي بوحدة فيلا .. باللون الأبيض الأرضية ديالو بالخبر الكاردكورات مزلعين فيه .. صفر عليهم أسد و هوما يخرجو من اليخت .. جرها و دخلو لجهة عين كيكون القبطان... لقاو رجل كبير شوية فالسن لكن مزال شاد فراسو لابس يونيفورم أبيض و كسكيطة ديالو. .
عمار... أهلا أهلا .. 
أسد .. هاحنا جينا كيف قلت لك .. و هاهي المدام ..مروى ..
عمار. . مشاء الله صرحة أجمل من وصفك ..
مروى ..''ابتسمت ليه'' شكرا ☺
عمار .. هاذ اليخت معمر شي حد ركب فيه من غير سينيور أسد و سيلفادور كيعنبر هذا مكانو السري ..الوقت لي ضاقت بيه الدنيا كيجي يرتاح هنا ..ودابا ملي جابك معاه لهنا.. إذا غاتكوني مهمة بزاف ..
أسد ..''باسها فيديها'' مهم أكثر من أي واحد ..
مروى ..''قلبها كيدق بالزربة من كلامو '' احم ..😳
عمار .. هههههه أكيد غاتكوني مميزة حيت ختارك تكوني مرتو ..
مروى .. احم .. شكرا😄
أسد .. هههه نخليوك تسوق براحتك .. حنا تحت كيف اتفقنا صافي .. 😉 حبيبتي أجي نفرجك على اليخت..
شابك يديه مع يديها و اتجه بيها لتحت ديال اليخت .. لي كان فحال شي صالون فيه كانابيات و طبيلات الوسط و تلفازة... ..
مروى .. واااو 😍 هاذشي واااعر ..''جلسات فالكانابي كاتشوف فيه..'' علاش كدير هكذا ..
أسد .. شنو كندير؟
مروى .. هاذشي .. مرة تيليفون و خليتيني نخرج و جايبني معاك لليخت ديالك .. تبدلات معاملتك معايا بمرة شنو سبب هاذ التغيير .. 
أسد .. جلس حداها و جرها جلسات على رجليه'' امممم اش غانقول لك فالأول مكانش عندي معاك .. ولكن من بعد .. معرفتش شنو وقع ليا .. شغلتي عقلي و تفكيري ..''باسها فكتفها...جمالك .. رشاقتك.. عنادك.. راسك اليابس لسانك الطويل ..كولشي فيك ولا كيعجبني .. معرفتش علاش .. و لا كيفاش .. حتى لقيت راسي كنبغيك .. عششتي ليا هنااا''شير لدماغو'' و هنااا ''شير لقلبو'' عارفك كتكرهيني يمكن حيت ضلمتك و شفتي معايا أيام خايبة .. مكاتمنايهاش ترجع و حتى أنا .. ولكن كي تعرفي ضروفي غاتعذريني و غاتفهميني.. 
مروى .. ''سهات فيه ''😳
أسد ..''باسها فمها''احح شحال حلوة .. يالله نوضي لبسي المايو فآش يوقف عمار اليخت غانغطسو.. 
مروى .. هاااء .. محبتش المايو... شير لها بيديه على الكرطونة لي عطاتو فالقصر ..'' هاء هذا مايو .. 
جبدات الكرطونة لقات زوج مايوهات واحد فالزيتي و واحد فالأحمر مع الكاش ديالهم... خذات الأحمر..
مروى .. فين نبدل؟؟😄 
شير لها على الجهة الثانية داليخت الي كانو فيها الغرف...نزلات و ختارت غرفة كلية فيها ناموسية لشخصين و بار صغير مع ثلاجة صغيورة.. بدلات بالخف و طلعات لعندو لقاتو حتى هو لابس شورط فالأسود
أسد ...''كيصفر''باغا تقتليني.. آش هاذشي اااش ..
مروى ..'' تزنگات ..'' احم .
أسد طلعي استنايني الفوق حتى نجي اوكي! ؟
مروى .. أمم اوكي
طلعات للفوق و مشات الكراسي ديال البحر جلسات فواحد و تمددات و هو مشى جاب الأوكسيجين 
أسد .. اجي معايا ...
مروى .. شنو هاذشي ..
أسد ...''صاوبو لها فضهرها. ..'' خذا الوكسيجين باش ماتخنقيش تحت الماء ..
حطو على نيفها و دار لها النضاضر... و صاوب لراسو .. شد فيها و مشااو البلاصة لي غيتلاحو منها عنقها و نزلو. ..

حطو على نيفها و دار لها النضاضر... و صاوب لراسو .. شد فيها و مشااو البلاصة لي غيتلاحو منها عنقها وفي رمشة عين هاهما وسط البحر لي كان بحاال زربية. ..منبسطة ...بلوون الازرق باهت ...ميااه ديالو بحاال المراايا كتعكس الرؤية ...منظر جميل كانو غير هما لي وسط الماا مكااين حتى قاارب في المكاان ...من غير واحد الصخرة لي كتباان من البعد صغييرة كان منظهرها محجووب بسباب السحب لي مغطياااها ... . .. غطس بيها تحت الماء نزلو لقاع البحر و هو شاد لها فيدها و كيجذف بيديه و رجليه و هي كذالك .. و الحوت صغير كيجري چمن حداهم فآش شافهم جايين لجهتو .. حلات عينيها مزيان مكاترمش من قوى ما المنضر عجبها بقاو مدة تحت الماء و كتحاول تشد الحوت الصغير و كيهرب لها و كاتعاود تبعو حتا كيتخشى لها بين الصخر و ترجع لعند أسد .. بقاو هكذاك حتى جرها أسد طلعها و حيد لها الأوكسيجين... و حيدو حتى هو .. 
أسد .. فرحانة !؟
مروى ..''عنقاتو'' بزااف واااو .. حمقني المنضر عمري كنت نحلم ندخل لتحت البحر هههه يالله نرجعو عافاك😢
أسد .. يه لمك فرحي و نشطي عرفتي علاش طلعنا؟
مروى .. هاء .. لا علاش .. 
أسد .. حيت القرش قرب لينا ليماك هنا غانمووتو و حتى اليخت بعدنا عليه..
مروى ..''تقطع الدم من وجها '' كضحك معايا ياك ؟؟
أسد .. لا موالف لديلمك كنضحك معاك ياااك كنقول لك هنا غانمووتو..
مروى .. اويلي هئ هئ 😱 حرام عليك اويلي يالله نقلبو على اليخت هئ هئ مزال مابغيتش نموووت هئ هئ
أسد .. يه انت لي باغي نموت ياك .. وا فين غانقلبو على اليخت هانتي شوووفي حدااك مكاااين غير الماااء شفتيييي ..
مروى .. ''كضور فراسها و كتبكي و كضرب فالمااء'' هئ هئ هييييييييييئ كااااين شي حد هنااااااااا هئ هئ عتقووووناااااااااا. . هئ هئ ..
أسد... ديلمك تابعة ليا الحوت فحال دراري صغار يسحابلك تابعة النمل. .
مروى .. هئ هئ .. عافاك دير شي حاجة .. مابغيتش نموووت
أسد .. شنو غاندير هااا شنوو ..
مروى .. معرفتش معراااافتش .. هئ هي هئ ... 
أسد .. صافي هووووش هوووش صدعتيني فراسي .. بقاي هناا أنا جاي .. 
مروى .. اويلي فين غادي ..باغي تمشي تخليني يا كلنا القرش ياااك هئ هئ باغي تهنى مني و جبتي لهنا أاأ هئ هئ هئ
أسد .. غاتزمي ولا غانقتل مك .. 
مروى .. هئ هي ديني معاك عافاك متخلينيش بوحدي عافاك .. هئ هئ..
أسد .. أنا دابا راجع نزل نشوف تحت ياكما قرب لنا و نجي .. ماتخافيش ..
مروى .. واش كضحك عليا هئ هئ .. وا بغيت نمشي معاك هئ هئ
أسد .. ''حط يديه على وجها'' .. صافي حبيبة شوفي فيا .. غانرجعك و الله إلى غا نرجع ماتخافيش. . '' حيد لها القرعة دالوكسيجين ..'' هانتي القرعة ديالك خوات ميمكنش تمشي معايا ..هاكي إلى عيتي تكاي عليها واخة أنا دابا جاي 
مروى .. ''حركات راسها بالإيجاب '' هئ هئ متعطلش. .
أسد .. إلى مرجعتش عرفي كلاني القرش ..
مروى. . لالا متزيدش تخلعني عافاك هئ هئ ..
ء سد .. صافي حبيبة متخلعيش غانرجع انشاء الله ..
غطس تحت الماء و خلاها عينيها غارقين بالدموع و كتشوف فيه حتى مابقاش كيبان لها .. ... بقات كيتسناا حتى شافتو تعطل دازت مدة طويلة و هي كاتسنى .. دفعات القرعة لي كانت شادة فيها و تحركات شوية كتعوم و تعيط على أسد .. بقات غاداا حتى بانت لها الحمورية فوق الماء .. قربات حركات الماء بيديها و طلعات لها القرعة دالكوكسيجين ديال أسد ..
مروى .. هئ هييييييييييئ... كون قتلتيني و ماتخلينيش هناااا هييييييييييئ عتقوووووني هئ هييييييييييئ كاين شي حد هنااااااااا هئ هئ أساااااااد .. هئ هأساااااااااااااد هنهنهههههنننننهههههنننممننئ حرااام عليك تخليني هناااااا هئ هئ هئ ... ''بقات كتغوت و ضرب فالمااء حتى بان لها الرأس ديااالي القرش جاي لجهتها'' ... هئ هئ هئ اااااااااععاعععاااااااعععععع لالا هئ هئ لااا أساااااااد هئ هئ هييييييييييئ واااااااااااعوووووععععععع هئ هئ

....أسد .. ''رمى الراس ديال القرش لي كان ديال بالاستيك ..'' هههههههههههههههههههههههههه كالم كااااالم İt's me هههههههههههههههههه يا مي كرشي كون تشوفي وجهك
مروى ...''كترعد و فمها بياض''..شششنو ..الل ..القرش ماشي هو 😓
أسد ..''عنقها '' لا لا أنا ماشي هو و الله غير ءنا .. سمحي لي خلعتك. .
مروى ..''ضرباتو لصدرو' هئ هئ علاااش هئ هئ حرام عليك اووووف واش باغي تسكت ليا القلب يصحااااابلي متي هئ هئ يصحابلي خليتيني هئ هئ علاش كدير هذاااا هئ هئ
أسد .. '' شد لها يديها باسهم '' صافي حبيبة كنت كنضحك معاك و الله صافي كاالم هاذ البلاصة مافيهاش القرش غير تهناي 
مروى .. هئ هئ حرام عليك شنو درت لك أنا باش دير فيا هكذا هئ هئ ..
أسد .. ''عنقها و زير عليها '' وا صافي بب أنا معاااك مشيت نجيب لك شي حاجة داكشي علاش تعطلت ..
مروى .. ''كترعد وتحك فيديها لي زراقو بالبرد '' ددد. .ددد.ديني. . كح ..كح .. دييدديني لليخت هئ هئ هئ .. ديني من هناااااااا.. هئ هئ 
أسد ... ''باسها بين عينيها وبعد عليها جبد كوكياجة '' شوفي شنو جبت لك ..
مروى ... ك..ككتضحك ع.عليااااا هئ هئ .. مخليني هنا كنموت و ماشي جايب لي كوكياج.. فيا البرد ديني من هناا ..
أسد ...''شد لها يدها وحط لها فيها الكوكياجة'' حليهاا شوفي شنو داخل ..
مروى .. ''تعلقات فيه عنقها من خصرها .. فتحاتها وكترعد..'' د..ددد .. و.و..واااو. . ش.ششنو هذاا .. ..ددد..ددديالي ؟؟
أسد .. ديالك أحبيبة ديالك بوحدك .. خاتم زوجنا ..
مروى .. هئ هئ هئيييننيننيييييئئ و مالقيتي حتى طريقة من غير هاذي تعطيني بيها الخاتم .. هئ هئ .. واش نتا بعقلك ولا صافا بااا .. 
أسد .. وايليييي باراكااا من تبوحيط وجعتي لي مخي..
مروى .. ييه ييه غوت عليا اصلا هاذشي لي كتعرفو نتا هئ هييييييييييئ. .
أسد .. صافي حبيبتي مكانغوتش .. يا صافي باراكااا من البكاا راه عصبتيني .. ماشي هكذا كنتي وليتي غا على سبااا. .
مروى .. ''كتمسح وجها بيديها و حالة فمها فالخاتم '' حمقني 😍
أسد .. هههههه لا حول الله ههههههههههه ..''خذا الخاتم من الكوكياجة و ركبو لها فيدها و هو كيضحاااك. .''
سهات فيه و فعينيه لي بمجرد ما تقابلو م الشمس رجع لونهم عسلي .. جراتو من عنقو و باستو فمو.. تصدم من الحركة لي دارت ابتسم ليها فمها و جرها لعندو شدها من عنقها.. زير على القبلة و نزل بيها لتحت الماء زادت عنقاتو و واخاا تخنق صابرة... حس بيها تزيرات و هو يطلعها .. 
مروى ...هااااا .. اوف .. كح كح .
أسد .. سمحي لي حبيبة .. صافا؟
مروى .. اه 😄.. غانبقاو هنا؟
أسد ... لا غانمشيو هههه ..''صفر و هوما يطلعو زوج رجال من تحت الماء .. و مشاو كيسبحو ..
مروى .. هااء ..سس..سسلام قولا من رب رحيم منين جاو هاذو .. 
أسد .. هههههه هاذو عاونوني باش ندير فيك هاذشي.. 
مروى .. واخلااص راه غانموت لك هناا .. 
أسد .. صافي حبيبتي .. دابا غايجي اليخت .. ..
ماهي إلا دقائق وصل لعندهم اليخت ..سبحو لجهتو تعلق أسد من حديدو و طلع مد لها يدو و طلعات حتى هي كترعد بالبرد و لحمها زرق .. مشى كيجري جاب لها پينوار لواها فيه و هزها نزلها لبيت ... حطها على النموسية ..
أسد ..''باسها فشفايفها بوسة خفيفة '' همممم .. أنا غندوش و نجي 
مروى .. واخ😄..
بقات متبعااه بالعين حتى خرج و رجعات عينيها لصباعها شادة فالخاتم لي جاها على قد قياس صبعها هو هذاك .. بقات مدة كتشوف فيه و فلمعانو .. رجعات ما ذكرياتها لي مافيهم مايتشاف مع أسد ..و بالمقابل رجعات هاذ الأيام لي كيشد لها فيهم الخاطر و قلبها كيخفق بزربة..
أسد ..''رجع هاوي عليه الفوطة و فوطة أخرى على عنقو كيمسح بيها شعرو ''رتاحيتي .. !؟
مروى ..أتشووم 😷. . اه مزيانة ..
أسد .. ''قرب لها حط يدو على راسها ..'' غايشدك الروااح ابب اطط ..''جبد من صندوقة ديال لاسعافات الأولية دواء عطاه لها و مد لها كأس دالماء ..'' هاكي شربي هذا قبل ميشد فيك البرد... 
مروى.. اوكي ..''خذاتها من عندة و شربتها. . '' شكرا☺..
أسد .. على عيني أحياتي ..
تكى حداها كيشوف فيها و مرة مرة كيحيد لها خصلات دالشعر على وجها... و هي كذلك كتخطف فيه شوفات و وجها مورد من الحشمة ..
مروى .. علاش كتشوف فيا هكذا ..؟؟
أسد ..رغم صلابتي.. لنت لك !!
مروى .. هاء .. 😳..
أسد..''حط شفايفو على ديالها مدة عاد باسها ..'' فيك جوع ؟؟
مروى .. اه😢..
أسد .. ههه سمعت الكريشة كتغوت. .أنا نمشي نصاوب الغداء و نتي رتاحي 
مروى .. أوكي😍 
..
أسد .. ههه سمعت الكريشة كتغوت. .أنا نمشي نصاوب الغداء و نتي رتاحي 
مروى .. أوكي😍
دخلات لدوش تحيد عليها الملح دالبحر و هو طلع للكوزينة لقى الحوت علاياش وصاهم مغسول و مصاوب و مشرمل هزو طلعو للشواية كيشويه و كيقطع السلطة .. 
عمار .. هممم الريحة طلعات لعندي هههه شحال هاذي ما صاوبتي لنا هاذ الحوت هههه 
أسد .. '' عطاه الحوت فالطبسيل'' ههههه تعقل على الأم لي كنت كنجي يوميا .. هاك ذوق..
عمار...''كيتبنن'' أمم نفس المذاق .. 
أسد .. بالصحة .. 
عمار .. فين المدام .. عجباتها المفاجئة. .
أسد .. ههههههه ناعسة عيات .. قول خلعاتها المفاجئة ..
عمار .. هههه هو صراحة الطريقة عندك غريبة لكن كتبقى مميزة و غاتبقى تفكرها حياتها كاملة .. هههه 
أسد .. هههههه واييه .. 
طيب الغداء و فرش يزار حط عليه الماكلة ..المشروب و حط زوج مخدات كبار ..ونزل لعند مروى لقاها ناعسة و شادة فالخاتم جلس حداها كيشوف فوجها بتمعن شد فيدها باسها من الداخل و حطها طلع لعنقها خشا فيه وجهو و كيحركو بشوية حتى بدأت كتحرك عاد طلع راسو ..
أسد .. فيقي أنعاسة فيقي .. 
مروى ..'' ضارت للجهة الأخرى ..'' خليتي نعس عافاك عيييت..
أسد .. ''كيهرهاا. ..'' نوضي نوضي ولا غانهز نرميكش فالبحر .. يالله فيق فيق .. 
مروى .. هههه صافي .. هههه أي .. وأاااي صافي هاني غا نفيق ..
أسد .. ابتي ديك أي راني قلت لك محتاجها فحال أخرى .. نوضي يالله 
مروى ..'' كتلوى تحت منو ''هههه صافي خليني هاني غانوض. ..
أسد ...''عطاها مايو مع الكاش ديالو'' ..لبسي هذا .. هاني سبقتك..
مروى... همم اوكي
زير على حناكها وباسها فمها و هي نشفات شعرها بالفوطة و لبسات المايو زيتي مع الكاش ديالو لي كان مخيط بالسفيفة على شكل دراعية قصيرة و طلعات لعندو لقاتو مجبد و تاني رجل وحدة و الأخرى طالقها و كيلعب بالكأس ديال المشروب جلسات حداه و بدات كتاكل بلا ماتسناه. .
أسد .. بصحة ..
مروى .. اممم يعطيك الصحة .. نتا لي طيبتي !!؟ 
أسد .. ههه يمكن ..
مروى.. اممم هاذشي بنين بزااف .. اصلا انا من عشاااق الحوت همممم. ..
أسد .. كولي بشوية ..دابا يوحل لك ..
مروى .. تخافش مايوقع ليا والو .. كول نتا. . غاتبقى تشوف فيا هكذا ..
أسد .. أنا الشوف فيك كتشبعني ..
مروى .. كنسد لك الشهية ؟؟
أسد .. لا .. لا غاناكل ههههههه لاش مكاتحاوليش تفهمي هضرتي لااش 
مروى.. اممم الحمد لله شبعت ..
أسد .. واه دغيا شبعتي .. 
مروى .. اه ..😄 خذات القرعة لي حداها بغات تخوي فالكأس و هو ينطرو من يدها''
أسد .. شنو كديري باغا تشربي ؟؟
مروى .. هاء وعلاش حاطو هنا ؟
أسد باش نشرب أنا .. ماعنديش عيالات لي يسكرو. .
مروى .. ههه لو كنت عارفاه شراب منهزوش منقربش للحرام أنا .. 
أسد .. مالك مكاتقرايش. .''مد لها كأس دالليمون'' هاكي الليمون..
مروى .. شكرااا😍
أسد .. يالله وكليني ..
مروى .. هااء .. علاش كول نتا لراسك .. 
أسد .. لاباغيك توكليني نتي .. باغي ناكل من يديدات الحبيبة ديالي ..
مروى .. أمم واخة ..
خذات الحوت دارتو فلاسييت حيدات لو الشوك لي كان فيه و بدات كتعطيه يأكل و كيتبنن فحال لا عمرو ما كلا الحوت ..
أسد .. واش هذا مذاقو نيت ولا يدياتك لي بننوه. .
مروى .. ههه لا هو بنين. .هاك ..
أسد .. اممم لالا من يديك فيك Le goût de chocolat
مروى .. من نيتك 😑.. شوكولا و الحوت ..
أسد .. وا صبيعاتك لي فيهم الشوكولا😍
مروى .. هههههه صافي باراكااا عليك ..
أسد .. صافي يالله نوضي غسلي يديك ورجعي ..
مشات و حاسة بنظرات أسد لي خلاوها كتعكل فجلايلها دخلات للحمام بقات كتشوف فوجها حناكها توردو و ودنيها حماارو ..حلات الروببني و بقات كتغسل فيديا ..كتشوف فالخاتم و بدون شعور كتبتسم .. غسلات نشفات يديها و خرجات لعندو لقاتو جمع البقايا دالغداء وهو مكاينش تما .. طلعات لواحد البارتية بحال ديال التيتانيك كتمنظر فالبحر و لحظة الغروب بقات كتأمل فيه نتأمل فداك المنظر الرائع لي كيسحر الأنظار .. حسات بشعور غريب ماعرفاتوش مناش..، السكينة لي كانت فيها خلاتها ترجع كاع داكشي شيء أي دازت منو ..عامت فبحر ذكرياتها مع صحابها و مع عائلتها و مع أسد لي كان كيظلمها فالأول واش يمكن واحد بحال أسد يبدو الحب ؟؟ السؤال لي جاها فبالها فديك اللحضة يمكن كيتحل تعطيه فرصة و تعطي لقلبة فرصة يبغيه .. يمكن ميكونش كيف ما هي كتوقع هاذشي كلو كيلعب فمخها نفضات راسها من هاذشي و خرجات بقرار .. قرار يبدل حياتها .. حياتهم بزوج يمكن للأفضل أو للأسوء قررات تفتح ليه قلبها و تعيش معاه هاذ التجربة و الي جاي ربي هو مولاه .. رجعات بالها مع جمال البحر و أمواجو الهادئة وسكونو الغريب ، يمكن هاز مشاكل العالم كامل لكنو ميقدرش و يشكي... نزلات عينيها عاود للخاتم لي سلب لها العقل
حسات بيدين شدوها من خصرها ضورات وجها بزربة شافت أسد و هي ترجع دور ..

....حسات بيدين شدوها من خصرها ضورات وجها بزربة شافت أسد و هي ترجع دور ..
أسد .. عجبك ؟؟
مروى .. بزااف 😍 عمري شفت بحال هاذ الشكل .. تصميم رائع و اللمعان ديالة أروع .. 
أسد... ''دورها لعندو '' كيشبهلك. . تصمم على حساب شخصيتك .. مامنوش زوج واحد هو عندك نتي .. 
مروى .. واش بصح كدوي 😳
أسد .. مروى وحدة لي عندي .. حبيبتي و مرتي .. و بغيت أي حاجة تفرحها تحضر .. 
مروى .. واش أسد هذا ؟؟ 
أسد .. معتز هذا .. معتز هو راجلك .. هو لي سكنتي قلبو ماعرفتش كيفاش و إمتا لي عارف هو أنك دخلتي ليه بدون اسأذان...
حط راسو على كتفها و بقاو كيتمعنو فغروب الشمس لي قدامهم 
''''''''''''أنيس'''''''''''''''
كريستينا... ولدي أنيس .. مسالي ندويو شوية .. 
أنيس.. ''حط لابتوب '' دخلي الواليدة وقتي كلو ليك .. 
كريستينا ..''شداتو من وجهو بيديها و باستو فحنكها '' اخخخخ يخليك ليا وليدي حبيبي و نشوفك عريس ..
أنيس .. شي بلان هذا اكريستي. .
كريستينا. .''جلسات و شدات لو فيدو '' لقيت ختك .. 
أنيس ..''مصدوم من كلامها ''..خ.خختي. . مريا؟؟
كريستينا. . اييه ختك أخيرا جابها القدر حتال عندي. .
أنيس..''بفرح'' ش.ششكون.. ختي ياك ..؟ فينها .. بغيت نشوفها دابا ؟؟
كريستينا. . يا جلس .. خلينا ندويو .. 
أنيس ..هاهو جلس '
كريستينا... سمعني مزيااان و حل وذنيك. .
أنيس .. هاهو كيسمع .. 
كريستينا. . مروى .. مرات أسد .. هي ختك ..
أنيس .. شناااواااا... واش كدوي من نيتك ..
كريستينا. . اييه هي بنتي هي كبدي ..ختك هاذيك يا أنيس ختك لي تفرقتي عليها من الصغر ختك لي كنتي كضل تهترس باسمها فنعاسك.
أنيس ..''وقف كيمشي و يجي فالبيت ..'' ولكن .. كيفاش !! كيفاش مرات دأسد ختي أنا .. دابا نتي منين عرفتي هاذشي ؟ شكون قالها لك واش متأكدة ..
كريستينا .. متأكدة مليون فالمئة راه بنتي هاذيك إلى كان قلبي غالط تصاورها مع باك فآش كانت صغيرة و تصاور لي عندها ميمكنش يغلطو. .
أنيس .. هههههه أخيرا .. أخيرا لقيتها .. ههههه .. و..ولكن أسد منين عرفها ..
كريستينا. . أسد معارفاش واش بنتي .. سيلفادور وحدو لي عارف .. إياااك تقول لو شي حاجة لا هو لا مروى ..مابغيتهمش يعرفو دابا ..
أنيس .. ولكن .. مغانصبرش .. مغانقدرش .. نتي عارفاني شحال كنت متعلق بيها ..
كريستينا. . غاتصبر .. و غاتقدر. . ماتندمنيش حيت قلت لك .. 
أنيس .. صافي صافي مغانقول والز .. غانحاول ..
كريستينا. . هكذاك يرضي عليك .. 
أنيس .. '' هز جاكيط ديالو '' أنا خارج نشرب قهوة على برا و نشم الهواء ..
خذا الجاكيت ديالو وخرج كسيراااا بالاوطو ديالو موقف حتال ريسطو .. دخل ساهي و مخو طاير مع الهضرة لي قالت ليه كريستينا حتى خرج فشي حد ما تقسحش هو لكن سمع صوت ''بوم '' ديل شي حد طاح. . نزل عينو بانت ليه بنت طايحة و طايحة ومليوح حداها كأس دالقهوة و الشعر مغطي لها على وجها ....
أنيس ..''تحنى لعندها '' .. اوبس .. سمحي لي مشفتكش. .
.........''حيدات شعرها على وجها '' و فين كااانوووو عينيييك😡
أنيس ...''كيحقق فوجها ''ههههههه نتي نتي ههههههه عاوتاني .. 
........ الله يا ربي شنو درت أنا هاذ النهار حتى تلاقيني مع هذا عاوتاني 😳
أنيس .. أكييد درتي شي خير .. 
.......''مدات ليه يدها و وقفها''الخاااي المرة الماجية عود شوف قدامك..
أنيس ... احح شحال زوينة  😍 
...... ينعل جدك قليل الأدب .. صبحان الله ديما كنوحلو غا مع المروك ..
أنيس .. اوا صافي ماضسريش عاود .. غا بنتي لي بنت البلاد و بغيت نتعرف عادي مافيها حتى حاجة ..
........ أنا مامساليش لهاذشي ديال التعارف .. الله يعاون ..
أنيس ..''جرها من يدها '' أولا مكيعجبنيش نهضر مع شي حد و يخليني بلاكة .. ثانيا .. إلى معندكش الوقت باش تعرفي دابا غاتكون عندك .. وتزيد غاتشربي معايا قهوة بدل هاذي لي تكبات. .
........ هههههه شنو عند بالك نتا .. غاندير شي حاجة بزز عليا ؟
أنيس ..إيييوييي... هههه يالله تفضلي نشربو قهوة و نتعرفو😉
........ لالا أكيد نتا حمق مافيهاش ..
أنيس .. أنا لي بغيتي غير كوني هانية لقيتك و هاذي فرصة مهانضيعهاش. . ''جرها من يديها جلسها على كرسي ..و جلس قدامها''
........''ضربات الطبلة بيديها ..''شكون عطاك الحق تقيسني هاا .. 😡
أنيس ...''كيضور راسو لعند الناس لي كيشوفو فيهم من الغوات ديالها .. وشد ها من يدها زير عليها'' هاذ اليد غا نقسمها لا مزالة تغوتي😠 ..
...... واش نتا حمق منين كاتعرفني باش تشدني هكذا طلق مني ولا غانغوت نجمع عليك عباد الله ...
أنيس ... غوت نشوف 😄
.... و ااااااا عقوني هئ هييييييييييئ واااااع بغى يخطفني ..😭
ضارو الناس كاملين كيشوفو فيهم الطابلة لي قدامهم كانو فيها شي شحوطة قربو لعندهم كيسولو و هو مامسوقش ليهم الإبتسامة على فمو و شاد فيديها .. 
الشخص 1 .. كاين شي مشكل أسي ..
أنيس ... ماكين حتى مشكل كنضن المشكل عندك نتا ..
الشخص 2 شنو كتجي هاذ البنت حتى شاد فيها هكذا ..
.... ماكانجيه والو 
أنيس .. هاذي خطيبتي دارت حادثة و فقدات الذاكرة .. و معقلاتش عليا .. كل ما كنخرج معاها كدير لي هاذ الحالة .. 
الشخص 2 .. اه سمحلنا .. يصحاب لنا كتحرش بيها ..و راك عارف التحرش و الخطف كثر هاذ الأيام داكشي علاش بغينا نعاونوها ..
...... هيييييييييننننيييئننننئ الكذاب كدب عليكم .. هئ 

تفرتكات الجوقة لي كانت حداهم و جاء مدير المطعم كيعتذر من أنيس حيت زبون وفي ديالهم بقات هي كتغوت عليه .. جرها من يديها و رماها فالاوطو و كسيراااا موقف حتال جنب البحر .. نزل و جلس فوق الاوطو هي بقات كتغزز فسنانها حتى عيات و نزلات وقفات قدامو ..
.... شكون نتا ؟؟ منين كتعرفني باش تجيبني لهنا .. بقا لك شوية و ضربني .. واش تخالفت لك مع شي وحدة ولا شنو .. 
أنيس .. تو تو .. ماتخالفتيش ليا .. ''نزل و قرب لها '' احم .. أنا أنيس العدلي عندي 29 عام المدير العام دشركات الأسد ..
...... 😳 الأسد ..
أنيس .. هاذي لي لسقات لك فالدماغ .. ايه .. الاسد
.... أنا و الله ما درت شي حاجة غير خليني نمشي عافاك  😭
أنيس .. وا ها الزبل عاوتاني .. براكا من التبرهيش .. قولي ليا اسمك ..
..... يسرى .. اسمي يسرى..
أنيس .. شحال فعمرك! ؟
يسرى .. 23 سنة ..
أنيس ..شنو كديري هنا .. مع من جالسة.. 
يسرى..كنقرى و جالسة مع ختي و راجلها 
أنيس .. اااممم مزيان أري تيليفوك. .''شد من عندها تيليفون و اتصل براسو سجل نمرتها و سجل نمرتو عندها باسمو. .'' شد فآش نتصل بيك جاوبيني ..
يسرى ... واخة😳 ديني عافاك تعطلت على الدار..
أنيس ..واخة ركبي .. 

يسرى ... واخة😳 ديني عافاك تعطلت على الدار..
أنيس ..واخة ركبي .. 
وصلها للمكان لي قالت لو ..بغات تفتح الباب و لقاتو مسدود أوتوماتيك دارت لعندو لقاتو كيشوف فيها..
يسرى .. فتح لي الباب بغيت نمشي 
أنيس .. همم واخة قولي لي نتي منين ..
يسرى .. شبيتيني منين .. مغربية و السلام ..
أنيس .. اللهجة ديالك مراكشية .. 
يسرى .. اييه مراكشية وا حل عليا هاذ النم نمشي فحالي .. 
أنيس .. إلى اتصلت بيك و مجاوبتيش يا ويلك .. هاني كنقولها لك كنقسم لك بالله نجي نحيح ليك هنا و ضبري راسك .. 
يسرى .. واي واي خلعتيني 😒 وا حول الباب ..
أنيس : ههه باز لوجهك مرة تجعويق مرة الخلعة تي مالك كتلوني مالك. .
يسرى. . وا حوول راه تعطلت😡..
أنيس .. ''حل لها الباب'' هاواا حليناه. . 
يسرى ....''ترعات لو الباب و خلاتو'' نزل سدو😒
أنيس ..''نزل كيصوط و ينفخ '' اش هاذ التبرهيش هذا.. تت ولكن تستاهل حلوة 😌
..............
أسد ..''جالس فوق الكانابي فاليخت و مروى حاطة راسها على رجل كيلعب لها فشعرها'' جاك البرد ..
مروى ..''ارتعاشات من صوتو'' شوية .. ...
أسد ..''طول يدو و خذا الجاكيت ديالو غطاها'' شي شوية غانوصلو....
مروى ... معتز .. معتز فخري ..
أسد... همممم ..
مروى .. معتز حسن من أسد ..
أسد .. علااش معتز حسن ..
مروى .. حيت معتز ..اممم ضريف .. و حنين .. مكيضربنيش اممم .. كيحترمني .. باغي يدير شي حاجة سپيسيال باش يفرحني ... امممم مكرهتش تبقى معتز ديما ..
أسد .. ههههه أسد غاتشوفيه غير لا درتي شي مصيبة .. لهذا حاولي تفااداااي أي مشاكل معايا حيت فآش كنتعصب كنولي أسد هههه..
مروى .. المشاكل لابد منها بين أي زوج .. يعني نتا لي خصك دير إعادة النظر فشخصيتك .. 
أسد .. ههههه لا عاجباني شخصيتي هكذا ..
مروى .. أنا معاجبانيش. .
أسد .. خلينا من هاذشي مكانبغيش نتناقش فبحال هاذ الهضرة حيت غانتعصب و نصدق فهضرة خاسرة ولا شي حاجة فحال هكذا ..
مروى .. لاه وعلى اييه .. بلاش منها هاذ الهضرة .. أمم قول لي كيفاش تا جاتك هاذ الفكرة ديال البحر و القرش و هاذ الفيلم لي درتي لي تحت ..
أسد.. ههههههههه اش غانقول لك .. مشيت عند سيلفادور قلت هو كيفهم فهاذشي منفعني بوالو كريستي طيحات عليا فكرة الخاتم و فنفس الوقت طاحت عليا فكرة البحر و هاذ البلان هذا ..
مروى .. كولشي عندك نتا بالعنف حتى لا بغيتي تفاجئ شي حد خصك طيرها منو خلعة يا ربي السلامة .. 
أسد .. شنو دابا ماعحباتكش ولا شنو ؟
مروى .. لالا شكون قال معجباتنيش .. زوينة يكفيني فكرتي فيا بهاذ الطريقة 😊
أسد ..اخخخخ هاذشي لي طحت فيه فشي شكل .. 
مروى ..'' ناضت جلسات حداه'' فآش طحتي 😳
أسد .. حبك ❤
مروى .. هههههههههههه 😄 أوه طحتي گاع
أسد .. ''قرب لها ''وكثر من طحت ''باسها فنيفها'' خص غير هاذ القلب يحن علينا 😉
مروى ..'' أوعدي أنا حن و داب يا ولد فخري'' انههههههه مزال ما غا يحن ..مزال مانسيت العصى لي لي كليت من عندك .. 
أسد .. ''غوبش'' اهاه مازال مانسيتيش ؟
مروى .. مزال مزال 
أسد ... اييه واخ ....
تمالك أعصابو و ناض من حداها نزل للغرفة كيبدل حوايجو و طالعة لو القردة للرأس .. أمى مروى بقات كضور فعينيها مكاتنش عارفة هاذ الهضرة غاتقلقو لهاذ الدرجة .. حطات الجاكيت ديالو و نزلات تبعاتو لها تو كيلبس التيشورت ديالو بأعصاااب .. قربات ليه وقفات قدامو .. بعد عليها و مشى لجهة المراية كيصاوب فشعرو.. عاودات قربات ليه و عنقاتو من اللور...
مروى .. نسيت .. كلامك .. تصرفاتك .. و هاذ الحوايج الزوينين لي درتي كلهم خلاوني نسى .. هو باقة مفكرة ديك الدقة ديدي حيت باقة كضرني ولكن ماشي بزاااف .. مكنتش عارفاك غاتقلق.. كنت كنضحك معاك 😦 
أسد... اممم.. ''دار لعندها و عنقها من خصرها''.. أصلا متقلقتش منك .. مقلق من راسي .. على الحالة لي درت لك .. و ظلمتك .. و الستون لي طرا مع عمك .. بزاف دالحوايج مكانبغيش نتفكرهم .. 
مروى .. عمي .. ههههه هاذ الموضوع بالذات مكانبغيش نتفكرو ..
أسد ..''باسها فجبهتها'' كنواعدك غاندير جهدي باش تنساي كاع داكشي لي فات .. غانبدى من اليوم .. من دابا غانبداو صفحة جديدة .. موافقة ؟؟ موافقة تكوني مرتي و حبيبتي .. ؟
مروى .. علاش أنا بالضبط؟ ؟
أسد .. حيت نتي ماشي بحالهم 😉.. حيت قدرتي تخلي هذا يتحرك ''شير على قلبو'' بعد ما كان جامد و ميت.. حيت نتي مكااتبدليش و مكاتحاوليش تبين لي صورتك زوينة قدامي .. حيت نتي دائما على طبيعتك ..!! هاذشي علاش ختاريتك .. ملي دخلتي لحياتي (ملكتيني يا مرولاتي اححح الحب ديالي شكون عرفو😍😍) خليتيني واحد اخر وليت نفكر فيك وليت كنقول واش نيت أنا هذا واش هذا أسد لي ميمكنش يحن لجنس البنات ولكن نتي خليتيني نحن و نبغي و نعشق...
حطات يدها على صدرو و الأخرى خشاتها فشعرو من اللور وقفات على صباع رجلها و حطات شفايفها على ديالو .. عضاتو فقنوفتو الفوقية باش يحل فمو .. حلو و دخلات لسانها كتلعب بلسانو و هو كذالك هزها لعندو خشى يدو فشعرها و رجع كيبوس فيها بكل شوق و حب كيفرغ كاع داكشي لي كيحس بيه فديك القبلة لي كانت أول قبلة تكون برضاها و تكون البادرة منها هي .. 🌸 
أسد ..''بعد عليها شوية بقى كيشوف فيها كانت حالة فمها شوية و مغمضة عينيها.. باسها فعنقها و طلع راسو ..''نعتبرها موافقة ؟
مروى ..''حلات عينيها و ابتسمت ليه بلى ماتقول حتى كلمة .. ''..
أسد...''عنقها بجهد و باسها بين عينيها '' يالله لبسي باسش نمشيو .. وصلنا .. أنا كنتسناك الفوق ..
مروى .. اوكي ☺..

أسد...''عنقها بجهد و باسها بين عينيها '' يالله لبسي باسش نمشيو .. وصلنا .. أنا كنتسناك الفوق ..
مروى .. اوكي ☺..
أسد .. متعطليش. . 
طلع و خلاها كتنقز غا بوحدها لبسات حوايجها بزربة صاوبات مكياجها و طلعات لعندو شدها من يدها باسها وخرجو من اليخت لقاو لي كارد كور مع الاوطو عطاه الكونطاكت و حلو لهم الباب .. دورها و مشى بشوية و حل السقف ديال الاوطو على حساب مروى لي قالت لو كدوخ .. حطات راسها على الباب ديال لاوطو و ساهية فالمنااظر لي فالطريق ..
أسد .. نعستي ..؟
مروى .. أم .. لاء .. فايقة غير عيانة شوية ..
أسد .. ''شابك يدها يدها مع يدو و حطها على قلبو'' شوية و غانوصلو ..
مروى ..''تصاوبات فالجلسة'' ..كاينة شي حاجة نتصنطو لها !؟ 
أسد .. راهي الكلي شوفي واش يعجبك داكشي لي فيها ..
''شعلات الكلي بدأت كدوز المزيكا لي كانت كلها غربية و هادئة حتى وصلا لأول حب ديال دوزي كانت تالفة بيناتهم 😂 زادت فالصوت و بدات كتغني معاها و تشطح بجنون مهتماتش لا لفين هي ولا مع من طلقات راسها و خلاتو يتصرف على سجيتو .. و أسد مرة كيشوف فيها بإعجاب مرة كيشوف فالطريق ..و فينما تكمل الأغنية تعاودها حتى حمضاتها ليه فودنيه🍋😂 ماوصلو لدار حتى كان غيفرشخها...
أسد و مروى...''داخلين مشادين'' مساء الخير ..
الكل .. مساء النور ..
مروى.. أنا غاطلع نبدل و نجي 😄
طلعات بدلات لبسات بيجامة بسروال من الساتان فالأسود بلا كميمات جمعات شعرها عشوائي ..مسحات المكياج و نزلات لعندهم.. مشات ديريكت جلسات حدى كريستي و عنقاتها و تكات على صدرها. . و هي بدورها بادلاتها العناق و أسد كيخنزر فيها ..
كريستينا. . أجي كولها .. هههههه ماشبعتيش منها النهار كامل و هي معاك
أسد ..علاه كاين لي يشبع من الحلوة ..
مروى .. باز مابقيتيش تحشم...
أسد .. وا نتي لي مخك خامج .. علاه أنا كليت من عندك شي حلوة بعدا .. 
مروى ...''تزنكات'' ماما دوي معاه😳
أسد .. ايهااي من إيمتا نحابيتو نسيتي اول تفرشيخة كليتي فهاذ الدار على من هههههه منين جا هاذ الحب كلو منين و ماما قالك ههههههه
كريستينا. . ايه و نتا شغلك .. شنو مشا لك بالسلامة...
أسد .. ماشى لي والو أنا مدى بيا تبقاو هكذا ديما..''شاف فأنيس لي كان ساهي فمروى .. ضربو بمخدة لوجه'' شوف قدامك أصاحبي مالك ..
أنيس .. اودي غا ساهي .. 
أسد .. سهى فجهة أخرى سهى فيا انا مثلا ولا سيلفادور شقرب عينيك لتم؟
أنيس .. سير اوليدي تنعس راك عيان بنتي لي ..
أسد .. واييه اصاحبي عيان نييت و راسي غايطرطق..''كيحك فراسو''
مروى .. ندير لك مساج!؟
أسد .. مكرهتش و الله .. 
مروى ..''ناضت لعندو جلسات حداه و ربعات رجليها تكى على الكنابي ز دار راسو على رجليها و بدات كدير ليها مساج بصباعها'' شنو لي درك فراسك عاد كنتي بخير ؟
أسد ... الدوزي فرع ليا راسي كون لقيتو فهاذ اللحضة نقتل ديلمو. . 
مروى .. ههههههههه شدارلك مسكين ..كنموت عليه أنا 😍
أسد .. ديري المساج و سكتي قبل لا نوريك كتموتي عليه كيدايرة هو داير هكذاك كي البطبوطة ماهوما بادر ماهو غلط دد درب الماساج و هنينا ...
مروى .. ههههههههههه اوف بطبوطة محشمتيش..
أسد .. و نتي حشمتي .. بففف .. '' دار شاف فسيلفادور لي كان ملي مع التيليفون و كيبتسم غا بوحدو ..'' سي سيلفادور ياك لباس .. مالك كضحك. .
سيلفادور... ها ؟ لا والو بغيتي شي حاجة !!؟
أسد .. نوض أحنيني نشوف الخدمة داليوم كي دازت ..
أسد ..''
سيلفادور .. يالله ..''ناض دخل للمكتب و تبعو أسد ''
أنيس ..'' كيشوف فمروى '' كيدازت الخرجة ؟
مروى .. très bien دازت واعرة ..
أنيس .. مزياان الله يخليك ديما فرحانة اختي ..
مروى .. merci .. ماما .. شنو درتي اليوم. .
كريستينا. . راك عارفة غير الدار و الصداع مع الخدامات هاذي هي خدمتي هههههه ..
مروى .. هههه مزيان .. 
أنيس .. أنا غانعس تصبحو على خير ..
مروى و كريستي ... تصبح على خير ..
كريستينا .. ''دارت لعند مروى و شداتها من يديها'' اوا عاودي لي كيدازت العشية .. ههه عجبك الحال.. عاودي لي شنو درتو ..
مروى .. هههه ناري و تشوفي واحد الخلعة خلعني اليوم عمري ننساها .. ههههههه''بدأت كتعاود لها من الأول حتا اللخر ..'' 
كريستينا...''حاطة يديها على فمها '' 😳 واش هاذشي لي قلتي دابا بصح .. اويلي هذا حمق ولا مالو ..كولشي عندو بالغوت. .
مروى .. ههههه ناري بزاف شفت حتى عيييت بحال أسد عمري ما شفت ههههههه
كريستينا.... هههه مكيعرفش يعبر ولا يدير شوية دالرومانسية ههههه
مروى .. لا بالعكس عجباتني الطريقة بزاف واخة تخلعت ولكن يكفي انو تشغل بيا و و خصص ليا وقيتة وجد فيها هاذشي كلو ..
كريستينا ...اوااا مزياان ههه شامة ريحة الحب هنا هههههه
مروى ... قررت نعطيه فرصة و نعطيها لراسي معاه.. 
كريستينا....''عنقاتها'' اوا مزيان يخليكم لبعضياتكم. .
مروى... هههه اميين 😄..
..........
سيلفادور. . مناويش تنزل لإفريقيا؟ 
أسد .. دوينا فهاذشي يمكن .. سير نتا ..
سيلفادور. . أصاحبي خصك تمشي للمنجم تشوف الخدمة بنفسك ..
أسد ... راني قلت لك آخر مرة مشيت جيت حالتي بالأمراض و الحساسية ..
سيلفادور .. وا نتا تعرف ولكن ضروري خصك تمشي .. 

سيلفادور .. وا نتا تعرف ولكن ضروري خصك تمشي .. 
أسد .. مهم نا نشوف حيت دابا مامساليش خصوصا عند بزاف مايدار هاذ الأيام أول حاجة غانمشي ندوز الهاني مول ديالي أصاحبي 
سيلفادور. .. يا سلام ..نتا لي جات معاك .. سير أخي الكريم دوز شهر العسل ديالك و خلي الخدمة كاملة عليا و على أنيس .. 
أسد .. ماشي مشكل إلى صبرتووو واحد العشر أيام .. 
سيلفادور... اودي ماعليش عنينا ليك ..
أسد .. ولكن قبل خصنا نزلو للمغرب عندنا تما واحد الغرض خصنا نقديوه. .تدا انشاء الله غانمشيو .. 
سيلفادور. . شنو غانديرو تما !؟ 
أسد.. تال تما و تعرف... 
#أنيس ..
بعد ما طلع لبيتو .. كمل الخدمة لي كانت تابعاه هز تيلي ديالو و خذا النمرة ديال يسرى دخلها للفيسبوك ..طلعلو الكونط ديالها بقى طالع نازل فيه كيشوف فتصاورها و يعاود يشوف .. دار لهم كلهم حفظ عندو فالفون و اتصل بيها ...
أنيس .. أم لسان طويل ..كيدايرة ..
يسرى..'' فخاطرها'' مك أنا .. لباااس عليا ..ياك لباس منخافوووش شبيتيني فهاذ الساعة .. مفيقني من النعاس ..
أنيس .. أواه كاتنعسي بكري ..
يسرى .. تا شمن بكري راه 3 دالصباح هاذي أعمي .. سير أخويا الله يسهل عليك خليني نعس غدا راني فايقة بكري ..
أنيس .. ربي مالك هذا مالك .. 
يسرى .. مالي مالي .. شوف اه أنا راني ماشي بحال دوك لي فبالك .. أنا ماشي ديال الضحك و اللعب سمعتي .. قلتي نتعرفو تعرفنا الله يعاون العاونات اخويا ماشي كل ساع تنقز ليا من جيه..
أنيس .. وا مال مك مكاتفهميش .. كون معجبتيني و الله مانصبر عليك و على هاذ الهضرة .. 
يسرى .. أنا سير شعندك ما دير موت وحدة لي كاينة غاتخلعني بأسد .. ؟
أنيس .. غانخلعك براسي أما أسد مامساليش ليك .. 
يسرى .. اوا إلى غير نتا هانيا.. 
أنيس .. اوديييي لقيتيني فكونجي كانحاول نخلي دمي بارد. .
يسرى ..وا طرطق لا معجبك حال المهم ماتبقاش تتصل بيا ولا نشوفك مرة أخرى .. 😬..
أنيس .. غدا معاياش غاتمشي لقراية ؟؟
يسرى .. مع 8:00 علاش 😒 '' سرات معاها واش غايتلقاه حدى دارهم..ضربات راس بيديها''.. اخخخ إيااااك إيااااك..
أنيس .. 7:55 غانكون تحت داركم .. تعطلي نطلع و ضبري مخك يالله تشاو .. ''قطع الاتصال ''
يسرى ..ألوووو ألو الحماااار قطع عليا 😳 يعطيك مصيبة .. لا ماشي مصيبة عاود .. خصارة داك زين يعطيه مصيبة .. اويلي شكنقول أنا .. نعس اوكاان.... 
أنيس بعد ما قطع معاها نعس على ضهرو كيتفرج فتصاورها و كيبتسم حتى غفى...
أما أسد بعد ما كمل خدمتو مع سيلفادور خرج من عندو مالقى لا كريستينا و لا مروى .. عرفهم مشاو ينعسو طلع لبيتو لقى مروى شادة تيلي كتهضر فيه ...
أسد .. مع من كدوي ؟؟
مروى ..''شافت فيه و قلبات تيلي '' اممم م..مع ممع
أسد ..'' مطلع حجبانو'' عن أيمن ؟؟
مروى .. اه ..''نقزات و جلسات على ركابيها'' و الله غير كنت كندوي أنا و غزلان و جا هو . هي مشات تصاوب ليه شي حاجة و الله انا .. أنا و الله هو بحال خويا هو و الله انا ماشي.. اوووف .. وا هو أيمن بحال خويا طيف قلت لك المرة لي فاتت مابيني و بينو والو و الله .. 
أسد ..''شداتو الضحكة من منضرها'' و انا مقلتش لك ماباغيش نتعصب منك .. وا هاني تعصبت..''حيد الجاكيت رماها و قرب لعندها .. نقزات وقفات لصقات مع الحيط ..'' شنو قلت أنا مقلتش مانعاودش نشوفك كدوي معاه .. ''طلع فوق النموسية.. حط يدو على الحيدو حصرها بين بين يديه'' هااا مقلتش؟؟
مروى ..''كتمسكن''هييييييييييئ و الله ما درت شي ماجة هئ هئ هئ .. راني قلت لك بحال خويا راه راجل صاحبتي هذاك واش نفس سيجي غانبقاو نعاودوه كانو كيعاودو ليا على تحضيرات عرسهم ..فالوقت لي منقدرش نكون معاهم هئ شنو درت أنا ..
أسد ...''عنقها و باسها فعنقها'' ههههه اوا صافي غا كنت ضاحك معاك هههههه صافي ..
مروى .. ''مسحات دموعها و ابتسمت ليه .. '' مامقلقش مني ياك ؟؟ 
أسد .. لا .. ''شد فراسو '' جيبي ليا شي كينة دالراس .. راسي كيتفرع.. 
مروى ..''مشات جابتها بالخف و عطاتو كأس دالماء ..'' صحة .. 
أسد .. أنا غانعس .. غدا مسافر على النبوري.. بونوي بب .. ''تلاح على كرشو''
مروى ..مغاتبدلش حوايجك .. 
أسد ... ''بصوت ناعس ..'' لاا وافيااااش همم ..
مروى .. ''غطاتو و تكات حداه''.. بونوي ..
أسد . بوونويي...

مروى .. ''غطاتو و تكات حداه''.. بونوي ..
أسد . بوونويي...
................🌅🌅🌞🌞🌞🌞............
وئام... قلبت على نمرتك و مالقيتهاش قلبت على مكتبك قالو لي ماعندوش مكتب فاسبانيااا .. بالسيف حتى لقيت الاوطيل الي نتا جالس فيه .. ..اوووه غاتخليني هكذا فالباب .. ماتقول ليش دخلي ؟؟
ناصر ..''فتح الباب و حيد من قدامو..''دخلي ..
وئام... وجهك برا شوية ؟؟.. أمم وليتي أفضل. . المهم ندخل فالموضوع لي جاية على ودو ..
ناصر... بيني و بينك موضوع نشترك؟! مكنضنش. ..
وئام... اووووهوووه بيناتنا ولا نسيتي يوم الحفلة . 
ناصر... نتي بعدا شكديري هنا و شدخاك بيوم الحفلة.. مكنضنش بلي أسد صيفطك باش تعتذري .. 
وئام ... عاود شنو قلتي . هاهاهاهاهاهاهاهاهاهاييييي أسد بجلاااالة قدرة يصيفطني باش نعتذر من نيتك ابب .. ههه هاذشي هو لي عمرك تحلم بيه ولا يخطر لك عالبال.... أنا جايا على موضوع ااااخر .. 
ناصر... ''جلس قدامها''اما هو ..؟
وئام... مروى العدلي ..
ناصر.... مالها ..؟!
وئام.... خصها تفرق على أسد .. بأي ثمن .. بأي طريقة .. 
ناصر.... هههه و انا مالي ..
وئام... توتوتوتو. . أكيد مالك و نص .. أنا عارفة بلي عجباتك و بزاف ... مني دخلاات للحفل و نتا عينك عليها ...تصدمتي فاش عرفتيها تبع أسد .. و عينيك كانو غايخرجو بالغيرة فاش شد فيديها.. و يا حرااام يا مسكين كليتي على ودها قتلة دالكلااب .. 
ناصر ... حتارمي راسك الأخت ..
وئام... محتارماااه و الله خصك غير تعاو معايا .. خطة عندي .. خصاني غير خطة الكلبة لي جاية تاخدو مني أنااا و ئااام و نتا عارف يد وحدة مكتصفقش .. ميمكنليش ندير خطة و تكون محكة بوحدي .. خصني أكيد لي يساعدني .. و انت أنسب واحد .. على ما أضن .. 
ناصر ... ''وقف و كيقيس فلحيتو. '' هممممم و انت اش يجيني من هاذشي كااامل .. 
وئام .. كل خير . علاش مروى ماكفاتكش؟؟ إلى نجحات الخطة اعتبر مروى ديالك..
ناصر ... امممم خليني نفكري .. 
وئام ..''حطات لو كارت فيزيت ديالها فوق طبلة'' .. إلى فكرتي اتصل بيا .. هههههه
ناصر .. اوكي .. تفضلي.....
خرجات وئام خلاتو غارق أفكارو ..الخطة لي كان كيقلب كيف يدير ليها باش يدخلهم جاتو حتال بين يديه فنضركم غيضيعها ؟؟
......... صباح جديد .. أمل جديد ..حياة جديدة ..شافت من بين رموشها الشميسة لي داخلة من البالكو... حلات عينيها بزز و عاودات سداتهم ضارت على جنبها لجنة أسد ..دارت يديها فبلاصتو مالقاتوش .. .. حركات راسها فالغرفة كاملة مكانش .. ناضت بالعكز لي فهاا لطواليط قضات حاجتها و غسلات وجها ..سنانها و مشات للبلاكار كتشوف شنو غتلبس خذات سروال جينز أزرق عادي طلع و تيشرت فالأسود لاسقة و كلاطيطة فالأسود مشطات شعرعرها و جمعاتو كوتشوفال. . مادارت لوجهها حتى حاجة .. نزلات لقات أنيس فطبلة دالفطور كيفطر .. و كريستينا فالصالون كاتقرى فشي مجلة ... 
أنا ... صباح الخير ميا أنيس .. 
أنيس .. صباح النور مروى .. كيف صبحتي ..!؟ 
أنا .. بخير الحمد لله و نتا..
أنيس .. حتى أنا ..
أنا ... مبانلكش أسد .. 
أنيس .. علاه مقالكش مسافر على ود شي خدمة ..
أنا .. اه قالها لي البارح ولكن مسلمش عليا قبل لا يمشي .. 
أنيس .. ماعليش .. جلس تفطري .. 
أنا .. نمشي نشوف ماما هي الأولى ..''اتجهت لعند كريستي .. '' ماما أحلى ماما فالعالم .. 
كريستينا. . زين ديالي .. كيف صبحتي ..
أنا .،،،''باستها فحنكها'' الحمد لله .. ☺
كريستينا... سيري تفطري و رجعي عندي أنا فالجردة .. يالله .. 
مشات تفطر .. حسات بنرات أنيس ليها لي جاها ماشي هوما هاذوك و هي من الناس لي كيتوثرو فآش كيبقى شي حد يشوف فيهم.. حطات الماكلة لي كانت كتاكل و اعتذرات منو و مشات لحقات على كريستينا للجردة ...
.....
أسد .. وصلنا لدار خال مروى .. سيلفادور. . عطيه العنوان ..
سيلفادور. . علاش .😨 اش غادير تما ؟؟
أسد .. غادي نخطب ليك أصاحبي .... و دير لي قلت لك و باراك عليا من الأسئلة الخاوية ....
سيلفادور. ..''عطا العنوان للشيفور و رجع تكى .. '' يا صاحبي .. بغيت نفهم مرة وحدة فحياتي ..
أسد .. بلا متعيي راسك .. 
..... بعد ما وصلو للمكان لي كيسكن فيه خال مروى ولي كان فيلاج صغير .. ناسو غير شافو الطونوبيلات ها لي خرجو من ديورهم كيتفرجو ها لي كيطل من الصطاح... و حتى هوما جايين ب 10 ديال الطونوبيلات كلهم كلهم كات كات فالأسود و زااج فيمي إلا ديال أسد كانت أودي سبور فالگري و حتى هي زاج فيمي وصلو لفيرمة همها .. .. نزلو لي كارد من السيارات لوخرين كيجريو حلو الباب لأسد .. و دارو بيييه كلهم .. عطاهم الأمر باش يوقفو بعيد و داكشي لي كان .. دخلو للفيرمة و دقة حلات عليهم مرأة كبير فالعمل تعرفو عليها على أنها مرات خال مروى ... رحبت بيهم و دخلو كيستناو. .
أسد .. قول لها تقول لراجلها رانااا كنتسنااوه. .
سيلفادور. . الحاجة .. ممكن تقولي للحاج بغينا فشي حاجة .. 
الحاجة .. هي اللولة اوليدي صبر عليا دابا نقولها لو .. 

سيلفادور. . الحاجة .. ممكن تقولي للحاج بغينا فشي حاجة .. 
الحاجة .. هي اللولة اوليدي صبر عليا دابا نقولها لو ..
أسد .. هو حنا فالحقيقة بغينا مامات مروى و لمى .. 
الحاجة ... لالة خديجة .. يه أولدي كاينة .. أنا دابا نقولها لها ...
خرجات من عندهم مشات علما راجلها و قالتها الخديجة حتى هي .. و نزلو لعندهم .. خديجة كي شافت أسد و سيلفادور تكمشات و خرجات عينيها .. سيلفادور شافتو الحلقة لي دوز مع مروى .. و أسد كتشوفو فالحفلة لي كيديرو لهم البث المباشر فالتلفازة .. و زيد عليها عارفاهم هوما لي خطفو بنتها .. 
خديجة .. شش..ششنوو .. نتوما. .
أسد .. ايه حنا ،؟؟كتعرفينا .. تفضلي بغينا ندويو معاك ..
محمد''الأخ ديال خديجة'' نعام أولدي شحب الخاطر شكون نتوما ..
أسد .. أنا أسد .. راجل مروى .. بنت المدام خديجة ..
محمد .. علاش مروى تزوجات ؟؟
أسد .. اييه تزوجت هاذ الأيام نيت .. ماشي هذا هو الموضوع علاش جاي .. أنا عارف بلي المدام خديجة عااارفاني مزياان و عارفة أنا نقدر ندير أي حاجة ..
محمد .. مفهمتش أولدي شنو بغيتي تقول ؟
أسد .. ماشي مهم تفهم نتا .. المهم عندي تفهم المدام ...'' شاف فخديجة'' .. بغيناك على انفراد إلى سمحتي ..
خديجة ..ايه واخة .. 😓
محمد .. واخة انت مخليكم دوي على خاطركم .. 
أسد ..''حاط يدو على فمو ..بقى كيشوف فيه حتى خرج و دور عينيه لعند خديجة '' مدام خديجة .. و لا نقول لك حماتي احسن .. هو انا جاي على ود واحد الموضوع آخر ولكن دابا بغيت نفهم واحد الحاجة دارااني في راسي .. ولكن بغيت الصراحة.. حيت أنا اعدى حاجة عندي هي الكذووب. .
خديجة .. شش..ششنو بغ.غييتو مني .. 
سيلفادور. . والو ماعندك لاش تخلعي .. أمدام كاالم... 
أسد علاش كاتعاملي خايب مع مروى مع أنها مادارتش حاجة تستاهل عليها هاذ التعامل ؟
خديجة .. ك.كيييفاااش .. أنا .. عادي .. داكشي بين أم و بنتها ..
أسد .. مروى .. بنتك ؟؟ اه .. لا .. 
خديجة .. شهاذ السؤال ؟؟ و بنت من غاتكوون. .
أسد .. مروى بنتك .. اه ولا لا .. مكنبغيش نعاود السؤال ..
خديجة... هي .. هييي .. بنت راجلي ولكن أنا لي ربيتهااا و درتها بحال بنتي و مافرقتش بينها و بين لمياااء نهائيا ..
أسد .. هممم ..''شاف فسيلفادور ..''كنت عارف .. حيت ميمكنش أم تعرف بنتها تزوجات بلا خبرها و تعامل مع الخبر ببرود .. 
خديجة .. هي دائما كانت بحال بنتي .. و الله إلى عزيزة عليا هئ هئ .. أنا ربيتهااا على يدي ملي كانت صغيييورة جابها ليا راجلي كانت عندها 3 سنين .. و الله اهتميت بيها فحال لا بنتي ماشي بنت راجلي ..
أسد.. لا باينة من التعامل ديالك معاها .. باين لي واش درتيها فحال بنتك ..
خديجة .. أنا خفت على بنتي هئ هئ بنتي هي ي عندي و ماعندها صحة. . تخلعت عليها فآش خطفتوووهاااا هئ هئ كنت غانمووت كون جرات فيها شي حاجة ..
سيلفادور .. واش عند بالك حنا غانآديو شي حد مداارلنا حتى حاجة ... بنتك كانت عندنا تعاملااات أحسن معاملة و تقدري تسوليها دابا .. 
أسد .. هي معارفاش بلي نتي ماشي مها ..
خديجة .. ل..لاا باباها مابغاهاش تعرف باش ماتحسش بالنقص ..
أسد ..''كارز على سنانو كيغزز فيهم..''على أساس دابا ما حاساش بالنقص .
.. المهم هذا ماشي موضوعنااا ماشي هاذشي علاش جاي أنا .. 
خديجة .. ش.ششنو بغيتو ؟؟
أسد .. لمياء .. بنتك .. مروى غاتفرح بزاف لا شافتها و لمياء تا هي كنضن غاتفرح .. داكشي علاش غانجيوها تجلس معاها شوية و نرجعوها لك سالمة غانمة كيف ما ديناها ..
خديجة .. شنووووو😱 اويلي لا بنتي .. بنتي أنا مانتفرقش عليها لا لا ميمكنليش نخليها لكم ..
أسد .. بالخاطر بزز غاتمشي عند ختها .. ختاري يا تمشي تجلس شوية عند ختها و ترجع ليك يا تمشي بخطرة و عمرك تعاودي تشوفيها؟؟
خديجة ..''تخلعات'' واخة واخة .. لي بغيتو .. غير عافاك خليوها تتصل بيا 
سيلفادور. . ألالة راه بنتك غادا تمشي لدار ختها معززة مكرمة ماشي خاطفينها تقدري تتصلي بيها وقتاش ما بغيتي 
أسد .. سيلفادور غا يرجع يديها إلى كملو وراقها.. ''شاف فسيلفادور''مشينا .. ؟؟
سيلفادور .. مشينا. . 
خرجو خلاو خديجة مشوكيا مقادة تقول حتى كلمة .. بقات ساهية حتى حيات بيد على كتفها كانت لمى خرجات من بيتها دافعة كرسيها بيديها من الروايض ..
لمى .. ماما 😊
خديجة .. ''عنقاتها'' حبيبة ماما بغيتي شي حاجة ..
لمى .. لا .. كان هنا شي حد ؟؟
خديجة . اه .. شي ناس جاو يشوفني .. .. أنا غانمشي نشرب شحفت ..
لمى.. اوكي .. 
خرجات و خلات لمى كتشمشم فالريحة لي خلاو الناس لي خرجو من وراهم ..
لمى .. بحال ريحة سيلفادور... ''خذات تيليفونها جبدات صورتو بقات كتشوف فيها'' اااخ شحال توحشتك ..😢..
...... 
أسد ..آش بان لك فهاذشي لي سمعنا دابا ..
سيلفادور...''ماتفاجئش لأنو كام ديجا عارف بلي كريستينا هي مها '' هاذشي فشكاال .. 
أسد .. شنو بان لك نقولها لمروى ولا شنو ندير .. غاتصدم ..مابغيتهاش تقلق .. 
سيلفادور.. ماقلتيش ليا غاتجيب لمى ..
أسد .. واش ديلمك أنا كندوي معااك على السيدة لي غاتنهار لا عرفات بلي المراا لي ديما كتقول لها ماما غير مربياها و نتا كتقول ليا لمى و لا الخرا .. 
سيلفادور... يا صاحبي نقص من هاذ العصبية .. غاتخرج على راسك ..
أسد .. شتي نتا لي غاتخرج عليا .. وا وليتي تقيييل يا صاحبي ..مال ديلمك وليتي سايح مالك .. 
سيلفادور. . غير الحب هذا .. 

أسد .. الزملة هاذي .. شبعتي نتا ..
سيلفادور. . شنو ناوي دير دابا ؟؟ شنو البلان الثاني ..
أسد .. البلان الثاني أسيدي أنا غانمشي هاذ العشية باش غداا انشاء الله نمشي أنا و المدام لموناكو. .و نتا غاتجلس فالمغرب حتى تجيب معاك لمياء .. 
سيلفادور... نتا لي جات معاك ولكن هانية كل شيء يهون في سبيل الحب ..
أسد ههههههه بييس أند لووف✌
سيلفادور. . ههههههه ناري بلان مقووااد عندك دابا المفاجئة الثانية هي الهاني مول فموناكووو و ترجع منو تلقى ختها فالقصر .. خطير مع راسك. .
أسد .. كانلعبو هنا و لا ....
.... وصلو سيلفادور لطائرتو ودعو رجع لفندق لي حجز فيه ..خذا تيليفونو و اتصل بلمى ..
سيلفادور... حياتي ... 
لمى .. توحشتك هئ هئ بغيت نشوفك ..
سيلفادور. . قريبين احبيبتي تشوفيني غير صبري ما بقى والو .. تشوفني و تشوفي حتى ختك ..
لمى ..مروى 😍 واااو واش غاتجيو لعندنا ولا شنوو
سيلفادور. . نتي لي غاتجي لعندنا .. ''عاود لها شنو وقع بالصباح مع مها'' غير وجدي راسك من دابا ..
لمى .. كاع مقالتها ليا ماما .. واااو يعني دابا أنا غانمشي عند مروى .. ياااي و غانشوفك .. 
سيلفادور. . ههه ييه ألالة و غير بشوية تقبتي لي الطبلة دوذني بالغوات. .
لمى.. سمح ليا حبيبي .. من كثرة الفرحة و الله ..
سيلفادور. . اححح عاودي شقلتي .. 
لمى ..سمح لي ..
سيلفادور. . تي شمن سمح لي ديك لي قلتي معاها ..
لمى .. حبيبي😍
سيلفادور. . احححح يخليلي حبيبي و روح حبيبي .. 
لمى .. احم المتا غانمشيو .. 
سيلفادور. . أنا مكرهتش من دابا ولكن خاصانا واحد الوريقة باش نمشيو و
على الأغلب غدا فالعشية نمشيو ..
لمى .. هممم اوكييي ههه😄 سيلفو دابا واش بصح ختي مزوجة بداك الوحش. .
سيلفادور. . هههههه الوحش .. ايه ألالة مزوجة بيه و غدا غايمشيو يدوزو شهر العسل .. العقوبة لينا حتى حنا 
.لمى .. ههههاااء. . حنا .. حماقيتي ولا ؟
سيلفادور. . علاش؟؟ 
لمى .. ههههه غاتزوج بيا أنا .. مزالة صغيرة ..
سيلفادور. . نفس سيجي لا كنتي غاتقولي ليا نفس الهضرة ديال ديما .. عافاك بلاش .. قهرتي ديلمي أنا ..
لمى .. مالك وليتي هكذا .. مالك وليتي عصبي بزاف .. اي كلمة زوج تقول ليا حقا مادويش ماتقوليش ..
سيلفادور. . لمى لمى .. عافاك مباغيش نضارب الله يخليك ..
لمى .. تا انا مباغاش نضارب و مكنبغيش نضارب معاك .. 
سيلفادور. . يالله ابب سيري جمعي حوايجيك غدا غاندوز عليك بالعشية ..
لمى...اوكي بيزو💋
..... 
بعد مرور ساعة وصل أسد لإسبانياا و بعد نصف ساعة بالتمام وصل للقصر وقبل مايدخل بان لو واحد من لي كارد كور شاف على شي واحد مبلاصي الاوطو قدام القصر .. نزل جار ناوي يخلي دار بوه ...
أسد ..''جاي جار و كيهلل'' آش كاين اش هاذ التكلبين لاش واقف ليا هنا اسي ..
الشخص.. سي..سيدي أنا جايب لك رسالة .. ق..ق. .قققق.
أسد .. بيض و هنيني .. وا شمن رسالة شكاتخراااا عليا دابا. 
الشخص .. قلت لو يوصل لك الرسالة مابغاش .. مابغاش ياخذها من عندي ..
أسد .. آرا نشوف ..الشخص.. ''عطاه الرسالة و هو كيترعد. .'' 
أسد..''طلع و نزل فيه '' يالله شريه ..
مشا كيجري ركب سيارتو و زطم ماتلاااش تلفت وراه.. خذا أسد الرسالة فتحها لقاها تقرير ديال الطبيب ..رجع الاوطو ديالو جبدها كيقرا فيها غير قرى الاسد و هوما يتقلبو ملامح وجهو.. قطب حجبانو و كمل القرائة ديال التقرير .. كمشو و حطو فجيبو و صلات السيارة لباب القصر جا الكارد حل لو الباب و نزل مغوبش نفسو كطلع و تنزل بجهد... دخل للقصر لقى مروى جالسة بوحدها فالصالون شاعلة موسيقى كلاسيكية هادئة و هازة رواية كاتقرى فيها .. هكذا كاتنسى راسها ... بمجرد مكاتهز الكتاب كتعيش معاه.. و كاتنسى راسها .. وقف تكى على الحيط ربع يدو و سهى فيها فالجلسة ديالها الطريقة باش شادة الكتاب .. تقاسيم وجهها لي كتغير مع كل حذث فالرواية .. قرب لها و عينيه مزالين غارقين فيها .. حسات بوجودو وقفات عنقاتو.. بادلها بدورو العناق لوى يده على خصرها .. باسها فخدها...
مروى .. كان يصحابلي مغاتجيش اليوم ..
أسد .. ماقدرتش نبعد عليك .. 
مروى .. همممم ..سعادتي هههه😄
أسد..''باسها فشفايفها '' أنا لي سعادتي ..
مروى ..''شافت فعينيه'' مالك ؟ بيك شي حاجة ..
أسد .. لا والو .. علاش ..
مروى .. عينيك دابلين على غير العادة ..
أسد .. لا غير العيااء ..عندي ليك مفاجئة 
مروى ..مفاجئة ؟؟ عاوتاني ..هههه ديال اش هاذ المرة ياكما غاتديني للغابة ؟؟
أسد .. ههههه لالا غانمشيو ندوزو شهر العسل .. بما ءنا مدرتش لك عرس ألوغ قلت نديرو شهر عسل مانحرمكش منو حتى هو .. 
مروى .. يا ختيي على العسل 😍..''شداتو من حناكو و باستو فمو'' إمتااا غانمشيو 😍
أسد .. هههه غدا فالصباح .. إنشاء الله .. 
مروى .. وااو أنا غانمشي نجمع حوايجي ..
طارت من حداه خلاتو كايشوف فيها و يبتسم من تصارفاتها.. لقاها كاتجمع المكياج... خلاها و دخل دوش رجع لقاها مزالة كتجمع تكى فبلاصتو كيشوف فيها حتى داه نعاس .. 
#يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.