مشا تالباب غمز ليها عاد خرج .. وهي بقات كضحك و متبعاه من زاج حتا ديمارا و مشااا .. و بقات تدور فداار وتوتو ديالها كياكلهاا لانو جهلها و خرج خلاها كتغلي😂 ... عجبااتها دار كل قنت تساراتو على خاااطرها .. عاد دخلات لبيتوو كتشوف فكوستارات معلقين اشكال الواان ...بان ليها واحد ازرق غاامق ععجبها و جبداتو ليه كضحك فرحانة دخل فتافاصيل ديالو و حوايجوو و دوقو ...
وخرجات لبرااا كتقلب فكوزينة شي حاجة تاكلهاا و كلسات كتشوف لبرااا و الجو قرااب يضلاام .... ديما ملي كتحس بسعاادة كتخاالف منها مكتعرفش علاش ... وديما كارجع ليها بضيم وواول واحد جا لبالها هو عزييز وهاد المتاهة لي هي وحلة فيها .. بقات تفكر فشي حل حيت متقدرش تستغني على اسد ابداااا ... بغات تمشي تصارحو و لاكن قالت حتا نكون فالمغرب .. خافت من اسد يتعصب و يمشي يعيط ليه و لا يدير شي حاجة وهوما بعاد و موتها بين يدين عزيز متقدرش تحميمهم منو قلبها ماهناهاش وهي بعيدة ..
هزات تيليفون و ركبات الرقم ديال عزيز حيت خافت يمشي يدير شي حاجة فاش تعطلات عليه ... و بغات غي تلهيه على ماتمشي لمغرب و تقول كوولشي لاسد ...
دخلات الرقم و بقاات شحال كتتفس فتالي اتصلات .... ( اسد فهاد اللحظة مطكيشوف بيمن كاتاصل وهو كالس فالبيرو دالفندق ...و كيزيير على القبضة ديااالووو وسنانووو ونتر واحد الكابلي وبرونشااه مع البيسي لي فيه بروكرام باش يطلع اش كيقولو بالكتبة )
عزيز : الو وي
الامار : غير انا اعزيز
عزيز : باقي عندك الوجه تعيطي ليا
لامار : رااه روكان دا ليا تيليفون اعزيز
عزيز : شنووو !!! عنداك يكون عرف شي حاجة
لامار : لا لاا ..
عزيز : اش دررتي ... قدرتي تخليه يبغيك !!! عطااك شي حاجة شرالك شي حاجة !؟؟؟
لامار: احم .. ام .. م موهيم .. خ خلي حتا نجي للمغرب .. ويكون خير
عزيز : فيينك داابا
لامار : فالميكسيك
عزيز : شنووو اش داك لتمااا
لامار : راه جيت معاه ...خليني من الاسئلة دابا و سمعني .. انا بعيدة داكشي باش مغانتلصش بيك عنداك تشوفني غبرت و تمشي دير شي حاجة اعزيز راه تانا كاتعما ليااا البصيرة و الله تااانعاود ليه كووولشي
عزيز : خليك الغزالة من تهديدات راهم ماشي قدك .. وبااانليا صبري معاك كيتقاااضاااا متخلينيش ندير لي ندم عليه
لامار : عزييييز متجهلنيش صافي دوينا معاك غانجي للمغرب غانضبر عليك .. مدير والوو انا عند كلمتي
عزيز : دابا نشوفو ...
لامار قطعات عليه و تنفساات
لامار : والله يا شارف الهااارف تانهرج منك هاد تهديدات كاملين غي نوصلوووو غانقول لاسد كوولشي ويفكني منك و يحميلي خووتي .... ا اسد راه كاايبغيني اااه كيبغيني و غايحمني منك و مغايتخلاش عليا ... انا متأكدة .....غانصاارحووو غي نرجعو غاانصااارحو ... هذاك حبيبي اناااا و مغانفرطش فيه ... و ليوم غايعرف شحااال كنبغيه انا متأكدة كيبادلني بنفس الشعووور متأكدة متأكدة ......
اسد ملي سمع هضرتهم لتخ ديك لبيسي تااتهرس ووبقاا مزير على يدوو ... و صدرو كيطلع ويهبط و ناض هرررس كاع اش تما فالمكتب.. السيكريتير كان داخل شافو هاكداك و رجع خرج .. اسد بقااا تما كيتجنن .. بعد ماشخشخ كولشي و كلس على الكرسي كيشوف وصدرو طالع هباط .. بقاا شحااال كيفكر و رجع تنفس و تنهد تنهيدة قوووية .. و ناض هز سوارتو وخرج ...
لمار مشات لفاليز و هزات كسوة كحلة مشبكة و واسعة و بقات تشوف فيها و دارتها عليها قدام مراية كتشوف واش تجي معاها و هي ضاحكة و كتسنى ردة فعلو فاش تبوح ليه بمشاعرها وضحك ... لبسات ديك الكسوة و دارت مكياج خفيف مع لبارفان وخرجات تشوف اش دير علاما بجي يلاه غاتخرج سمعات طموبيل
لامار : هاء .. هذا جا دغيا ..
مشات لباب هو لتخ لباب د ططوموبيل و دخل بغات غي تهضر مشافش لعندها جاها العجب و مشا ديريكت لبيت و ضرب لباب تاتلتخات قفززها ....
مشات ناويا تهدنوو حلات لباب لقاتو كيلبس لبسة اخرى و مخنزر و كلسات على سرير كتشوف فيه و عنيها كيلمعووو فيه .. لبس الفيست وجبد السوايع كينتر ويركب فيدو و جات لعندوو بغات تركبها ليه و نتر منها يدو .. و ضار لواحد المجر كيجبد شي ملفات ماباغيش يشوف لعندها كاع .. وكيتحكم فرااسو ميضربهاش ويتجهالها باش مديرش شي حاجة يندم عليها ...
بقا يشوف فيها شحااال كيتمنى كيتمنى تقول شي حاجة لي تغير نظرتو عليها .. و كلس كيتسناها اش تقول وهو غي ساااكت و مبرد دموو حيت هو ماشي من نوع لي تيمد يديه على لعيالات و لا يعنفهم .. و نهار يبغي كيبغي من قلبو ويلا كره كيمشي فمرة ... ولاكن فهاد اللحظة هو مابين الكب و الكره .. معارفش واش يبغي و لا يكره او بالاحرى كل مرة كيحس بحاجا .. فاش قرا ردها على عزيز ماحملش راسو خصوصي كلي قاتليه غانضبر عليك .. ولاكن فاش كيشوف فعينيها كيقراا حااااجة اخرى .. ولا مخربق غي مع راسو ماعرفش يصدق عينيه و لا عينيها ... بإمكانو يهزها ويردها للمغرب و يتهنا فخطرة .. اي انسان عاقل فهاد اللحظة غايشدها ويديها لعزيز و يعطيهم درس وهادشي لي مفروض يدير .. اما اسد فهاد اللحظة ماشي انسان عاقل ... انسان عااشق .. كيأجل كل ثانية غير باش تغير نظرتو و مع كل ثانية غي مكيزيد يبغيها كتر ... وخا عارف ان حبو هذاا خطأ فخطأ ... كيشوف فيها دابا وهي مبتسمة وووااضح انها فرحانة و مهدنة كلسات مقابلة معاه و هزات يدو شدات فيها و كتشوف فعينيه ... تنفساااات عاد هضرات
لامار : اسد ... انا عارفا ان لا الوقت و لا مزاجك كيسمح لهاد الكلام ... ولاكن كنضن انه يقد يخرجك من عصبيتك.... انا متأكدة غاتضحك ليا ... ( كلها أمل بريء)
اسد : هضري
لامار: ... ا اسد... ص صاارحة معرفتش كيفاش نخرجها على فمي و الله .. و لا حتا منين نبداها ولا حتا اش نقول .. رغم اني كنت مرتبة الكلمات ...كلشي مشاليا...تقدر تجيك غريبة كنهضر بجدية هاد المرة و لاكن و الله الى من قلبي ... نهار لول ديالي معاك ا اسد .. شفت فرق كبير بيناتنا فالعقلية و فكولشي اخر حاجة ضنيتها انني ندوز معاك كاع هادشي ... نهار على نهار .. كنزيد نتقرب من كل تفاصيلك ( كتهضر و تشوف فمنحى اخوور وهو مراقبهاا و لداخل ديالووو حححرب معارفش واش كتهضر بصصصح و لا غي تمثيل باش تووقعوو وكيحاول يقنع راااسو بلي كتمثل ) وليت كل مانغمض عيني غي نتا لي كتجيلي لبال فاحلامي فمنامي فتفكري ... معرفتش اش وقع ليا .. اصلا هاد عيني لي كنشوف بيها غي بساب العدسة .. كنقدر نشوف بيها حاجة وحدة بلا عدسة .. هي نتا .. صورتك سااكنة فعيني ... حسيتك آمان ...حسيتك عائلة بجنبي رغم انك شخص غريب عليا و مكتجيني بحتا صلة .. كل مكتقرب ليا ... تقيسني و لا تقبلني و الله تاكنحس براسي وحدة اخرى ااسد ... ع عيت نخبي و نكدب على راسي ولاكن فالخر ( شافت فيه) لقيت راسي .. ( بعد مدة هو باقي كيشوف فيها بنفس طريقة ) بصح كنبغيك .... تيقني ... كنبغيك ا اسد ... ( بقات غي كترمش وتسرط ريقها حيت شافتو مدار تاردة فعل .. شوية نتر يدو من يدها و ربعهم )
لامار : اسد.. راه كلمة كنبغيك كنضن كافية و لخصات كولشي اولا .. كنبغيك
اسد : اهاه .. ومنبعد ( بكل جدية )
لامار : ؟؟؟؟ ا اسد ... اسد راه قتليك باش كنحس زعما .. ماشي وقت الطنز هدا
اسد : اشمن حب هذاا كدوي عليه الامار ؟؟؟
لامار : اكيد كضحك معايا ياك ..
اسد : ( وقف كيشوف فيهاا وكيحاول يقنع راسو را كتمثل وهي عينيها عمرو بدموع ) حمام الخلا ... مكيربيه حتا حد .. حتا حد الامار .. ندير راسي مسعت والو ..
هز ملفو و سوارتوووو و مشاا وهي ضورات راسها معاه مصدومة تاشد لباااب وهي موسعة عينيها وباقا فنفس كلستها غي راسها لي ضار معاه ....و دموع نازلين مافهمات والو .... احساسها هو الاحساس فاش تكون غادير شي حاجة متفااائل و عارف انها غاتنجح وكتخطط لشنو يكون منبعد و نتاا متيقن من نجاحها و كاتصدم انها فشلات ... بقات غي كتشووف عجز عقلها هاد المرة يهضر وتاقلبها ضرب الطم ... تاحد فيهم ماعطاها شي فكرة و لا تبرير و لا حتا تفسير ... من غير جوارح صامتة و دموع قطاارة .. قطرة قطرة .. و مع كل قطرة بزااف د الهضرة و الكلام ...
لامار : ح حح حمام الخلا !؟؟؟؟ هادي لي بغاتك حمام الخلا !؟؟؟ هاادي لي هبطات راسها و جات قاتلك شنو فقلبها حمام الخلاا .. ( بدات تبكي بببجهد ) عندك الحق ... غي حماااام الخلا ( كضرب فراسها ) الى هاكا كتععتبرني .. علاش خليتني نتعلللق فيييك .. علاااش توااعدني ... علااااش تهتتتم بيااااا .. علاش تشووف فيا علاش تقيييسني ... علاش تقولي انا معااااك علاااااش ... شكون هاذا لي دخل عندي !!! ا اسد لي كنبغي خرج قبيلة مزال ماررجع .... لا لا مستحيل يكون هذا .. ا اسد لي كنبغي كان غاافرح ويقوليا تانا كنبغيييك ... لاا ... ا ااسد لا .. حطيت راسي فالارض وجيت قلت اش فقلبي و تخليت على نفااااختي و كولشي ... ضنيتك كاتبغيني ضنيييتك غاتحميني ا اسد.... سعا نتا شنو !!! حاسبني حمام الخلا ... اييه عندك الحق جايا معاااك و ساكنة معاك ... معععندي حد يقولي فين غادة و لا علاش ... ومتشوش عليا حد يجي يقلب عليا .. باااش تحس انني حمااام مربي مااشي غي دااايعة فالخلا ... بسيف نكون حماام الخلا ... ( صووت تبحبح ليها بالبكا ) بسيف نكون غي حمااام الخلا .. للحظة نسيت راااسي و بنييت معاك احلام ... تخيلت راسي طاوس مربي و انا غي حمام الخلا ....
ناضت كتمسح فدموعها ودخلات للبيت ديالو و بقات كالسة شحااااال كتفكر ... كتحس براسعا تقلات عليه .. للحظة نسات تاعلاش جات لعندو ... للحظة حسات براسها مكتسوا تاحاجا بعد مابنات
مابنات احلام كلها زمرد .. شافت لديك العقد باستهزاء لحالتها ... وفكاتو من عنقها بقات شااداه شحاااال ..فتااالي طلعات راسها لفوووق شحال كتنفس و ناضت للمجر ديالو هزات ورقة وبانليها قلم و كتبات ..
ايه عندك الحق حمام الخلا تاخد مكربيه و ماعندو والي ... وليوم هاد الحمام راك طيرتيه بلا جنحين ...
حطات داك العقد فوق الورقة و مشات لباب فتحاتها رجعات كتشوف موراها واااش القرار صائب و لا لا ... فتالي حكم عقلها بلي هذا هو الصواااب .. بلا متهين فراسها كتر وشدات لباب و مشات ...
اسد خرج جا يفتح لباب هو يزدخهااا بجججهد .. وبقا متكي يدو على طموبيل كيتنفس عاد رجع فتحها و ركب ..ومشااا تفيكرووو كلووو مع هضرررتهااا
لمار ماحسات براسهاا تاكلاكصوناات عليها واحد طموبيل بجهد وهي تهرب لطريطوار و شدات فواحد الحديدة كتنفس ... معرفاتش كيدارت وصلات هنا و ايمتا .. بقوة مكانت ساهية رجليها مشاو بلا هواها ... بقات تشوف مع جنابها ناس غادا جايا شي على رجليه شي فسيارتو و كولشي عارف الوجهة فين غادي .. وهي !؟؟؟؟ فين غاتمشي ..للحظة كلساات و شدات على حنكها
ناس دايزين و كيشوفو معاها و كاين لبعض لي وقف يستفسر مالها و لاكن مكاتفهمهومش و بقات غي كتربقق بعينيها و كالسة تماااا ... كتفكر اش غادير فهاد الوحلة ... فكراات فكرامتها و مفكراتش فالشارع لي كيتسناها ...مدة طويلة كالسة تابدا الشارع يخوا و الحركة كتقلال .. و ناضت جارا رجليها ...وتهضر مع راسها
لامار : غانمشي للبوليس .. نقوليهم معرفتش كي درت وصلت هنا ويرجعوني فحاالي ... اااه هادشي لي خصو يدار .. بحرا نغبر عليه خلييقتي .. نوريه حمام الخلا ... عنداك غي نمشي نتشد ويحسابتهم حاركة .. اووووف شهاد المووووصيبة ياااااااربي فاااجيها ياربي لاما فاااجيها عليا ..
بدات كتمشى شحااال تاحرقووها رجلييا و شوارع بداو يخواو وهي تخشي يدها فجيب لكسوة .. و لقات تيليفوون عاد تفكرات جابتو معاها ... و بقات تشوف فيه شحااال ...........
اسد : حلي هذاك غاتلقاي شي حاجة تما ديالك
لامار : هااا !! واش بصح هنا !!
اسد : هم
لامار : ا ا اسد !!!! واااش ديااالي
اسد : راه شفتي عليه سميتك .. انا لي لحت ليك تليفونك .. ديباني بهاذا
بقات تشووف فيه شحال ( كانت واقفة قدام واحد الكافي واحد الشخص كالس فواحد الطبلة كيقول هي و لا ماشي هي )
تنهدات لامار و حطات تيليفون فالارض و مشاات تاني كتفككر .. كتمنى دير اي حاجة غي مترجعش لعندووو مزال .. لامار لي طول حياتها ماحنات راسها لشي واحد .. حناتو ليه و قالت على كاع اش فقلبها و كانت كضنووو غايحميييها ويقف فجنبها ... بقات كتقول هذا غي فصحتلو بمشاعيري و الجواب لي عطاني و نهار نفصح ليه بالحقيقة !! باقا غارقا فافكارها تاكتحس شي حد شد على كتفها و ضاارت مخلوووعة ...
السيد : كنت عاارفها .. اصلا وجهك منتسيتووش غي استغربت اش تكوني كديري هنا ...
لامار : ( توترات فنفس الوقت فرحااات لي لقات شي واحد مغربي وكايعرفها من لفوق فواحد البلاصة لي بعييييييدة ) واش كتعرفني اخويا
السيد : ( مد ليها تيليفون ) هذا ديالك ! علاش لحتيه
لامار : فين كتعرفني نتا بعدا
السيد : انا كنت كنشوفك كتررقصي فالداباريه د كازا ... معقلتيش عليا ديماا كنت كنجي نتفرج فيك
لامار : ؟؟؟
السيد : خلينا ندخلو لدامل و ونهضرو فرصة سعيدة هادي ...
لمار بقات غي كتشوف ... بلا هواها مشات معاه حيت مكاينش شي مخرط اخور و دخلو لديك الكافي و كلسات
السيد : تشربي شي كاجة
لامار : لا شكرا
السيد : مهم انا شكييب.. ( مد ليها يدو و بقات غي كتشوف فيها تاجمعها و تنحنح ) والله صدفة زوينة .. اش جيتي ديري هنا .
لامار : ( تنهدات ) جيت نتهان
شكيب : نعام !؟
لامار : والوو .. والو
شكيب : متصوريش شحال كنت باغي نهضر معاك ولا نتواصلو ..... لا بلا متشوفي فيا هاكداك ماقصدتش شي حاجة .. غي كان كيعجبني الرقص ديالك .. خصوصي انني مهوووس بهاد الفن .. كنت كلما نجي للمغرب كنشوف عروض د الرقص و ناخد افكار من الراقصات باش نطبقوهوم عندي هنا .. تانهار لقيتك نت.. غي كتطلعي ترقصي كتبهرينا .. كانت كنجي غي نقل الحركات ... ولاكن فاش كترقصي نت .. كنكون كنتففرج بلا عقل
لامار : شكرا غي سمكليا معقلتش عليك ..
شكيب : عادي .. قوليلي واش طايا عطلة و لا شنو
لمار : لا .. هو فصراحة آه.. ولاكن تنادم معايا الكال و لقيتني غانرجع
شكيب : وعلاش !!! دابا ملي شفتك مانش نسمح فيك تمشي .. لقيتني كااالس مهمووم عندي غداا زبائن مهمين .... وخصني لي ينشطليا.. ديري فيا هاد لبليزير و نعطيك لي بغيتي .. اش قلتي .. و الله تانزلتي عليا كي رحمة .. را ربي سيفطك ليا شفتي الصدفة
اسد سلا اجتماعو لي مااركز فحتااا لعبة ... وهبط للبار د الفندق كلس فواحد القنيتة و بدا يسربي قرعة و را لوخرا لواحد اللحظة بالعاصاب زير على الكاس تاطرطقو من يدو و ناض دفع طبلة بركلة و ديمارا سيارتو و زاد لدار لداار .. عيااااا بصبر .. قرر يمشي يواااجهها ولي لييها لييها .. كاارز على سنانو و عنيه حمرين بقوة الشراب لي شرب .... حل لباب بنتيير و بدا يقلب عليها و الخلفة كيدير فيها 4 د خطوات .. ماعرفها فين مشات عيااا يععيط .. و دخل لبيتو و و كل على دوش مابانتش ليه وجا خارج هو يشوف العقد محطوط .. خسر فيه صيفتو و مشا بجيهتو .. و هز ديك الورقة قراها وهو شادوالعقد .... قبل تامايكملها بالقرايا لقا راااسو هز الجااكيت و خرررج كي لهبيل ... والورقة مكمشة فيديه
شكيب اقترح الامر على لامار و خلاها تفكر و مشا لحمام .. لامار ربعات يديها و تكات على الكرسي
لامار : اصلا الى مامشيتش معاه فين غانمشي ؟ نرجع عندو مزال .. مقادش تانشوف فوجهو لااا ... و عزيز و خوتي .. باانليا نمشي مع هاد سيد و يرجعني فحالي و باش غايخلصني غانمشي نعطيهم لعزيز و نقولو جبتهم منعند روكان ويخلني نعيش حياتي و نخرج تامن حيااة اسد .. لي اصلا مكانش عليا ندخلها من الاساس ....
بقا فأفكار وحدة تديها وحدة تجيبها حتا جا و كلس كيضحك
شكيب : راه عندي داري و متخافيش مغانآديكش حسبي راسك ضيفة عندي ..
لامار بقات غي كتشوف فتالي نااضت .. و تامن تيليفون خلاوه على طبلة د الكافي ...
ركبات معاه فسيارتو عادية و مشاو حتا لواحد العمارة وهي غي حاطة راسها على زاج و ساهية .. تاقاليها وصلو شافت راسها قدام العمارة .. نزلات و دخلو للمصعد 3 طوابق و وصلو وهي تابعاه فنفس الوقت محملاش راسها لي ولات تابعا اي واحد لدارو ... فتح لباب وهو غي كيفرنس و دخلات معاه .. كانت شقة عااادية و مأثثة بشكل بسيط و جميل وابتسم ليها تاهي كلسات
شكيب : بلا متحححشمي خودي راحتك اعتبريها بحااال دارك .. وكاع لابغيتي نخرج و نخليهاليك معنديش مشكل
لامار : لا لا علاش نجري عليك من دارك .. كتر خيرك غير بقا
شوية كتشوف واحد الكنيش خاارج و سهاااات كتفكر نهار دخلات لدار اسد و لقات روووبن تابدات تبتاسم تلقائيا .. لقات شكيب هز الكانيش عندو و سهااات... اي حاااجة كتفكرها فأسد ... تانتبه ليها شكيب
شكيبب : هييهوو فين سهيتي
لامار : ها ؟ ل لاا والو ... غير هنا ..
شكيب : مهم راه تقدري ترتااحي فأي بيت بغيتي عفاااك خودي راحتك .. بغيتك تكوني مرتاحة باش غدا تعطي كل مااعندك ( هو كيهضر وهي كتشوف غي شفايفو كيتحركو اما عقلهاا فبلاصة اخرى .... )
اسد : نت جايا بلا حشمة بلا حيا هاجمااا .. ودابا كديري فيها حشمانة دوزي تكلسي
لامار : ماااهجمتش انا غي تقطعو بيا الحبال
اسد : ممم ودوزي تكلسي دوزي متبقايش واقفالي عند راسي كي شي جدارمي
لامار : ا . ف ف فيين غانعس
اسد : اجي هنا
لامار : ا ك كن كنقصد مابانلي حتا شي بيت عندو لباب
اسد : داري مافيهاش لبيبان
لامار : وعلاالش
اسد : راه مغايجي يغتصبك حد غي سيري تنعسي
لامار : ا و ول ولاكن .. ففف صااافي واااخا ...
بقات لمار غي كتبتسم و عينيها عمرووو بدمووع ..
شكيب : لامار واش نت بخير .. ياكما مكتحمليش لكلاب
لامار شافت مع الكانيش و مسحات واحد دمعة دغيا .. و هزاتو عندهاا كضحك
لامار : بالعكس ... كيعجبوني .. كيعحبوووني بزاااف
شكيب : اواا لابااس ... ااحم موهيم راه يمكنلك تنعسي فبيتي .. انا غانعس هنا و فصباااح انشاء الله نتفاهمو اش نديرو فالقسارة .. وحتا على الكاشي .. و ياريت ترتاخي و تعاودي لي غدا اش جابك لهنا باش نقدر نعاونك
لامار : انشاءالله .. فين قليتيلي لبيت
اشار ليها
شكيب : راه .. لاخصاتك شي حاجة انا غي هنا ..
ابتسمات و مشات و رجعات بلور
لامار : شكرااا ..
ضحك ليهاا وهي مشات بجيهة ديك لبيت و شكيب متبع ليها شووفة بديك الكسيوة و المؤخرة الواقفة ...سدات عليها لباب بساروت وهو بقا يشوف فيها
لامار دخلات لببيت لي كات فيه سرير بلاكار طابل دو نوي مع مراية فالحيط .. بسيط جدا دد. و كلسات على سرير كتفكر و مامرتااحاش ... عقلهااا كيمشي غي لاسد اشنو غاتكون ردة فعلو واش غايهتم و لا لا .. واش غايتشوش عليها و لا لا
لامار : ( كتشوف غي فجيهة وحدة و القلب طايب ) معرفتش وااااش نلوومك ولا نلووم راسي ... انااا غي هبيييل و لي فقلبي على لساني .. داكشي باش جيت و قتلك باش كنحسك .. مكنتش كنضنك غاتقمعني ... وتفيقني من احلامي .. هادشي لي دخلني ليه عزيز كبيير عليا بزاف .. هو كنت ننجح فيه مع واحد اخور و لاكن نتا اسد منقدرش ننجح ... تمنيت لو يرجع زمان بلووور غانت غانرررفض و منخليهش يستغل ضعفي كنت غااانصلح بزاف د الاخطاء .. اه فعلا انا غالطة .. ولاكن راه لحد لان ا اسد مآديتك فواالو .. غير هبيلة و عايشة معاك يمكن تسببتلك فبزاف د المصايب .. ولاكن نتا .. نتااا سباب هادشي كامل... نتا لي مخليتينش نحس راسي هبيلة نتا لي رفففعتني لسبع سمواات .... وخليتني نحلم و رجعتي للمراهقة د 15 عام ... و فاللحظة لتختيني لارض .... بلاا متفكر فحالي ولا فإحساسي كيفاش غايكون فاللحظة لي كنت كتنسى منك تفرح و تبادلني نفس الشعور...نتا سبااب تاحلمت احلام كبيرة عليااا و بنيت آمال فارغة... كولشي نتا سبابو .. وهنا دابا طايرة بلا جنحين .. بلا وراق بلا فلوس و بلا حتا القلب لي زطمتيلي عليييه راه خليتو عندك تاهو .. .. دنبي يمكن اني دغيا كتغلب عليا فرحتي ... و حيت بكل بساطة صارحتك .. هه؟ ايييه كنت كنضنك غاتعنقيني .. غاتقول لياااا كنبغيك .. شحااال كنت هبيلة .. ( بدات تبكي )
مادرتي لا بحسابي و لا بحساب حبي البسيييط الصادق لي حسيتو من جيهتك ... مشييييت بعيد و حلمت بواحد بحالك وانا غييير فاطمة زهرااا بنت الصباااغ لي مااات بصباغتو فجبينو و كنازتو مشاو فيها 4 درجال .. غي ديك فاطمة زهراا الهبيلة لي كتحاول تخرج راسها من المصايب و كلتلقا انها غي مكتزيد طيح فيهم .. هاديك لي كانت تحلم بشهرة و شي نهار تولي لاباس عليها .... انا غي هااديك البنت البسيطة ا اسد .. طمع عماني و ضنيت راسي غانوصل للفوق لاجيت عندك .. ولاكن ( كتمسح دموع ) لقيت راسي غي ماراجعا بلور ... .
ربما داك شي كان حلم .. وربما حقيقة .. شنوو ماكان المهم هو انوو تلاشى ... اهتماماك دلعك ووعودك .. كولشي تلاشى مع كلمة وحدة خرجات على فمك .. ولاكن #ضربة_لي_متهرس_الراس_تقسحوو ...
بكات تافشات قلبهااا وديما من بعد مكاتبكي كتاخد جرعة اخرى تكمل على مابدات ... وتقوا و تنسى الضعف حيت ماشي ديالها هي قوية غاااتبقا قوية .. بهبااالها و تسنطيييحها .. وكدوبهااا المفضوحين
حسات بالعطش .. و خرجات حشمانة لعندو لقاتو طيتفرج فتلفازة شافها و قاد الكلسة
لامار : سمحليا .. غير بغيت نشرب
شكيب : ااه رااه الكوزينة خودي راحتك
ابتسمات ليه و مشات لقات القرعة دزاج محطوطة على الطبلة وخوات كتشرب وهي تحس مداقوو فشي شكل و رجعات لعندو
شكيب : مهم انا سميتي شكيب .. فعمري يالالة 30 عام وعندي ريسطور هنا مكلف بيها .. ونا كازاوي .. ونت .. منغير لامار و الرقص شكون نت ( كيشووف معها و عينو كتمشي غي لصدرها )
لامار : شكون انا ؟؟؟ .. لامار .. لاماار فهري .. بنت واحد المصري ملللعق .. جايا من رووسيااا .. بنت البرستييج والبروتوكول و هزوها و حطوها .. بنت الشااان و المرشاان .. ااه نزيدك لي بغيتها كتحضضر فالبلاصة .. ( شكيب ماعرفهاش اش كتقول ) كنت غانولي مرااات الحاكم ...( بداو عنيها يتقالو ) و لاكن جااا واحد المسعوور وهربني نهااار عرررسي .... وداااني .. و داااني و هزني و علااني لفووووق .... مشيت معاع لثلث الخالي .. شفت معاه الموووت .. و هبطني حتا لقاااع لبحر و سط الحووت .. وطلعتي لسماااا وسط سحاااب و الغياام .. ( مكتحكمش فراسها و ماعرفاش علاش تقاالو عينيها حمااارو وهو غي نراقبها بشر عارف مفعول المشروب لانه كان كحولي هي كتهضر هو غي كيشوووف فيها كيتسنى تفقد السسيطرة على راسها حيت عارفو مشرووب قاسح ) عرفتني شكون
لامار : اصلا لاكنتي رااااحل دير .. انا رااااه هي زوييييهرة لي كيخاااف منها درب كااامل تقتل الميت و نمشي فكنااازتو انا و الله تانوريك الليل و نجوم فعز نهار و السحاب و غيومو فقلب دار راااه معنظي ماااايدااار .. الوراااق مقطعين الفراخ طايرين ....سمعتي اوووجه الفشلوووق المحروووق
شكيب كيدير راسو مسمع والووو حيت بان ليه فيها لبلان اما لامااار كتحس برااسها فدرهم كتعاير ... بظددا يحيد الفيست ديالوو و نصل تاتيشورت وهي كتشوف معاه
لاماار : غادووش !
شكيب : اااه غاندخل لدوش ( كيقرب يقيس فيها و هي تبعد )
لامار : اصكع راه الدوش و الحبس كيدخلهوم غير لي داير علاش ... ياكما مجونب
شديب : لااا عاااد غانتجونب .. ( كيحيد ليها الشعر على عنقها و دفعات يدو وهو صااابر و كتشوف لصدرو و تنتف داك زغب )
لامار : صدرك مززغب
شكيب : كاااع رجال هاكا
لامار : لااااا اسد ماشي هاكااا .. نتا كاع معندك داك دروج فكرشك بحالو . هو عندو هنا درووج هنا و هنا .. ( العضلات السداسية ) نتا غي مزززغبن لا دروج لا سانسور لا ظيك لا يخليك فيك غا زغب عااامر وغي عنقك لي مافيهش ورقيق .. كيبان بحال الثب د القرد ههههه .. اصلا الصدر لمزغبن كيكون مقحبن مطعفن ببببعد يديك لهيه
شكيب : ااه ( كيسوط ) بطاطا ..خلينا من بطاطا داابااا .. حيدي هاد الكسوووة راه الصهد
لامار : لاااا مجانيش الصهد ..
شكيب كيدور يتنننفس ويرجع عندهااا عصباااتو
شكيب : غيي حيديييه
لامار : ( كتصغر فيها عينيه ) شووو كيدااير ...
شكيب : مالي كيجيتك
لامار : وجه الفشلووق
قرب عندها حيت صبرو بدا ينففد وهبط ليها الكسوة على كتافها
لامار : اييييييه جمع يدددك ( ناضت كتمايل )
شكيب : لماار متعصبيينيش ضااافي اجي لهنا بغيييتك تعراااي .. ( جرها لعندووو وشدها من خصرها و يدو كيحطها على مؤخرتها و هي تهز رجليها و ضرباتو للمعللم خلاتتوووو كيتلوااا وهي كتميل غادي طيح و كتشد فالحيط
لامار : متحااااديش فيااااا عنداك يحسااابتك انا عطااية بحال تريكتك اتيريييكة هزان الرجلين فثلاث و ثنيين .. و الله وماجمعتي عليااا يديك يا المقحححبن بو صدررر مزززغبن يااا تانجمع عليك صغير و الكبيررر يخخخخخخ تفوووو كيدااير اصلااااا كنعرفك هاااد نووووع كتقلب غير على الكوااا و الشوااا اتريكة زناااا و ترمة محسناا
ناض حممممررر عندهاا بغا يشدهااا وهي تطلق الحلووووق
- بنت القحبة دايرالي فيييهااا العفة ..لقيتيني محتاجك غدا مانا نوريك وجه الفشلوق شحال ساوي .. غي بلاتي عليك ...
خرج منير و لمار بقات دور فدار و ضحك غي مع راااسهااا وكل مرة تخيل اسد فقنت و تنفض فراسها ...
لامار : اسد ؟ .. ا اسد ؟؟ (كضور موراها ) ااسد.....نتا هنا ياك ؟؟ اصلا كنت عارفاك غاتجي مورايااا تشوشتي عليااا ياك .. اااسد... ( ضارت موراها ) نتا غي كنتي كضحك معايااا عفاالك ا اسد .. باان... نتاااا راااك جيتي .. جيتي لللعندي .. ( عينيها كيتعمرو بدموع و ثقالين بسكرة كتمشي و تميل وشادة فالحيط ) اسد كننشم ريحتك .. و الله الى كنشمها فنيفي .. نتا هناا ... مغاتسمحش فيا .. نتا واعدتيني غاتبقا معايااا وخا يطرا لي يطرا نتااا قلتيلي انا حبيبتك .. فيييينك فين وعووودك .. ( كتبتسم و دموع قطارين ) عقلتي نهار و كلتك حوت مالح و صبرتي و جيبتي ليا بيتزا باش منباتش بجوع ...عقلتي نهار حيدتي جاكيتة فشتا و عطيتيهالي .. عقلتي نهار روبن كان غايعطني و شديتي عليا العضة ..... ( طاحت على ركابيها وكلسات فالارض كتتتبكي و اابتسامة كتلاشى ) اجي عفااااك .. تووحشتك .. تووحشت تحطني على صدرك و تقوليا هانا معاك ... تحزرني فاش نتقلق .. تركبلي هبالي .... تشوف لفمي ونا كنههضر توحشت نشوف نيابك فاش كضحك ... واش مشوش عليا ولا ناسيني ... ولا فرحتي فاش خرجت من حياااتك ياك .. ( كتمسح دموعها ) هاادشي لي غايكون وااقع مدام استهزأتي بحبي ليييك ادن نتا غاتكون ناعس مرتاااح دابا و نا بعيييدة و الله عليك لابكيييت مزااال .. و الله لابكييت صاافي ا انااا مابقيتش صغيرة قادة براسي ... ( نزلو تاني دموعها و ضعافت معاهم ) ولاكن و الله الى توووحشتك....
من بعد لييييل طويييييل ... وعميق و حااالك .. جاااا صباح جديد الشميسة شرقات فوجه لاماار لي ناعسة كاالسة بقات تشد على عينيهااا من الاشعة تافاقت كتحك فعينيها و ترد داكرتها وامنى لو كانت غي حلم .. و كترمش و راسها ثقيييييل بزاف .. وعنقها بسيف باش كتحركو .. و كتشوف فين هي لقات راسها فصالوون .. و الكانيش كيظشي ويجي حداها .. ناضت مشقلبة كتفكر امتى نعسات هنااا و اش وقع قبل ماتنعس لقات الداكرة ممسوحة بالكامل .. تاجنات للافابو كترش الماء على وجهها و تحاول تصحصح..
لامار : مع العيا مبقيتش عاقلة على راسي تافين نعست .. شفتي ا اقلبي اش درتي فيااا .. ااح تانهار حبيت بحال كاع نااس هاكدا تجازيت .. انا ممكتابش عليا اصلا نحب .. حبت انا غي حمام الخلا .. واش هو غايبغي وحدة من الخلا .. ماعرفها منين جات و لا شكون تاصيلتها ... و تاكاع بغاني و نهار يعرفني شكون انا .. يرضا بعائلتي !!! كيبانلي حلمت لللبعييييييد بزاف .. و هاد الحلم خصو هناا يتوقف .. خاصني نفيق منو خلاص
شكيب : داك صباح الخير و مكنتش ناويك غاتقوليها ( زاد لكوزينة وتبعاتو )
لامار : وعلاش
شكيب : ( بقا سااكت شحال عرفها ماعاقلة على والو هو يبتسم حيت ماباغيش يخسرها هو مصلاحتو فيها ) والو .. غي ضحكت .. فطرتي
لامار : لا يلاه فقت .. لقيت راسي فصالون معرفتش كيفاش سمحليااا يمكن ديرونجيتك
شكيب : لا لا عادي اصلا انا بت عند صااحبي ..
لمار شدات على راسها بدووخة وراسها ثقيل بالكحول يالاه بغات تضور وهي دوخ كانت غاطيح وشدات فالحيط وجا هو شدها من لور كيدير راسو كيهزها و خشا يدو من تحت بيطانها كيقيس فصدرها تامقدرش يشد راسو و قاس فالرويس
لمار تقندشاات سخانة طلعات ليها و ضاارت عندو بقوة و عنيها حاقدين علات فيه صبعها
لامار : ااخر مرة تقيس فيااا سمععتي ... حنا بيناتنا الخدمة .. نتا محتاج راقصة .. و انا محتاجة الفلوس .. فخلينا ندوزو شغالنا على خير و كل غازي يقصد بلادو ...
كان جايب معاه واحد نص حولي مشوي من الريسطو لانو جاين عندو صحابو حطو فثلاجة .. ورجع خرج .. لامار حسات بالملل اما جوع مدارش بساحتها من غير العطش و مشات كتقلب لقات القرعة لي شربات منها لبارح خاوية و عمرات كاس من الروبيني .. و كلسات كتفكر فحريرتها تاكتشوف الكانيش جاي كيشمشم ..سهاات كتفكر فروووبن لي واخا كان كيخلعها ا لى انها ولفااتووو وتوحشاتووو.. مشات عند ديك كانيش هزاتو اصلا ديعجبوها لي كانيش و كانت كتمنى تربيه ..
لامار : اشنووو جعتي ... هم !!!
كيلحس ليها فيديها
حطاتو و بدات تقلب فالكوزينة بانت ليها ثلاجة بحال ديال رووبن لي كانت عند اسد .. قالت حتا هو داير ثلاجة للكانيش ديالو .. فتحاتها و هي تلقا نص حوولي محطوط .. و نزات حطاتو قدام الكانيش و بدا ياكل وهي كتشووف فيها و تملس ليه على شعرووو ..
خلاتو كياكل وهزات بنانة ومشات قدام تلفازة شدات ريمود كتقلب فقنوات وهي تفكر نهار سينيما و الفيلم الايباحي فجأة ترسمات ابتسامة خفيفة و عرفات انها وخا تعيااا تحاول تنساه دكرياتو ملاحقينها فكل مكان .. مكيهمش شحال دوزات معاه الاهم هو شنووو دوزات معاه ..
نفضات افكارها و بدات تقلب تالقات قناة هندية و كلسات تفرج وهي تسمع الفيكس ديال دارو كيصوني .. ماعرفات تجاوب و لا لا ... بقا يصوني شحال فتالي جاوبات
شكيب : هذا غي اناا الامار .. جاين عندي شي ضياف دخلي لبيتي و شدي عليك مابغيتش تباني ليهم تالحفل دليل
شكيب : و بلا متحكري .. سيري دخلي لبيتي حنا شوية و جاين
قطعات عليه و بقات ضور هضرتو فراسها
لامار : كيفاش راقصة!!! ماااالها الراقصة .. هه !! اشنو كنتي كضني يكلسك مع ضيوفو ولا ؟ واش نسيتي بلي نت دابا عبارة على لاجئة .. باشمن صفة يكلسني معاه و لا يقدمني لضيوفو .. ااااه ا اسد اااه نتا سباب نتااا لي فششتيتي و ضسرتيني تاكيحسابتني ماع غايتعاملو معايا بنفس طريقة ... ولاكن نتا .. نتا معرفتش كيفاش نوصفك .. الوكيد لي حسيت براسي معاه امييرة فوق العرش تانسيت منين جيت و شكون انا .. وغير خرجت من عندك رجعت عرفت مكانتي و شكون انا .. ورجعت لحقيقة اني لمار الرااقصة من بعد ماكنت فحظنك اميرة .....
دخلات للبيت كيف قاليها كلسات فسرجم كطل على حيهة لورااانيا د العمارة لي فيها غي ساحة كيلعبو فيها دراري صغار .. و بالها كلو مع اسد ..ليل كامل داز و صبح وكاع مسول فيها ....شوية تبرد راسها تقول يمكن مالقانيش .. بقات فأفكرها غارقة الهم كثير و الكربة عمييييقة تاكتسمع الهضرة بزاف بالاسبانية ( لغة الميكسيك الرسمية ) بنات وولاد وصوت شكيب تااهو ..تندهات و بقات تشوف من سرجم حبيسة البيت بينما كولشي كيضحك برا .. من بعد مدة شافت لباب تكلات و دغيا سدها و دخل عندهااا مششعششع
بقات فسرجم و جوووع فيهااا وكتقارن مابين كي كانت مع اسد ... وكيف دايرة هنا شي لي كيخليها تحسسر كتتتر ...
حسات بشقيقة و راسها تقييل بزاف و حطاتوو تاداها نهااس بجووعهااا تامن لون تخطف من وجهها ... مكتفيق على على يد شكيب
شكيب : واااالانسة .. وافيقي واش غانبقاو هنااا راه تسعود دليل هاذي
ناضت مضهشششرة
لامار : شنووو
شكيب : تكعدي دغيااا راحنا معطلين ...
ناضت كتحاول تفتح قعينيها وراسها ثقيل
وخرجات لعندو
لامار : منقدرش نلقا عندك دوليبران
شكيب مشا لكوزينة عطاها ليها شربات وحدة ومشات تبعاتوو لطموبيل ركبات و زاادووو و هي تبعهوم طموبيل اخرى ...
طريق كاملة هوما ساكتين هي حاطة راسها على زاجة تامن الميكسيك لي كانت مشووقة ليهااا نهار لول لي جات دابا مابقاتش حااملاها .. و شكيب غي كيسوط ناوي ليها من بعد الحفل يخرج منها كاع فقاايسو ..
وصل لريسطو ديالو لي بليل كتبان بحال بواط دونوي و خرجها من طوموبيل و دخلها من الباب لورانية د سكور و بقا غادي بيها تاوصلو قدام بيت تبديل الملابس و دخلها وشد لباب..
شكيب : مابقالهم والو ويوصلو .. ( جر واحد العلاقة ) شوفي من بين هاد لباسي باش غاطلعي و جدي راسك هانتي كولشي كحداك .. راك مولفة بهادشي منحتاجش نوصيك ( لامار مغيبة كاع شي كاتشدو من هضرتو شي لا ) واحد شوية و نجي نشوفك .. سربي رااسك
مشا متوتر هو كان لابس كوستييم كحل ..
جرات ديك العلاقة ديال الكساوي كتشوف و دوز يدها و دارت ضحكة مستهزاة
لامار : وها زوهيرة رجعات لحرفتها لقديمة من بعد حلم زوين ضنات راسها فيه امييرة ..
تنهدات وهي محملاش راسها فهاد اللحظة .. رغم ان الرقص كتحماق عليه و لاكن معندهاش ليه الخاطر و عزلات لبسة لي جاتها لولا ... لبسة الرقص فالاحمر جيب مفتوحة كااملة جهة فالخدين و سوتيام ديالها مدلي بالموزون ... لبساات ديك البسة لي كتجيها مع الفورمة و مع الحلقة لي كيعلقو فسرة .. طلقات شعرها باش تقدر تشطح بيه و صايبات مكياجهااا بلا خاطر غي رونات مع عكر حمرر .. و ركبات لخلال فرجلهها و كلسات كاتشوف فراسها فالمرايااا شحاااال بلا متحس نترات كلينكس و بدات تمممسح فداك العككر بعصبية و تبببكي تاااتجخطن كوولشي و ضرب فراااسهااا
بعد مدة دخل شكيب لقاها فالقنت و مججججخطنة و ساهية ونوضها مزير ليها على دراعها
شكيب : واااش بغااا تحمقيني نت ولا شنوو القوووق خرجتيهم فيااا ... ناااس راااهم برااا كيتسناو و نت خصك تخرجي منهنا 10 دقايق حنا ماشي فالبكا دابا ملي يسالي الحفل ارا ماتبكي .. غسلي عليا هاد الحتلة عندك 10 دقايق بالحساب و لا غالوحك لبرااا و الله علييييك لاعقلت ..
نترها من يدو و خرج زدخ عليها لباب و هي دموعها نشفوو غي متشوف بتفس وضعيتها
من بعد 10 دقايق ناض شكيب من حدا ضيوف كيبتسم ليهم وكيتوعدهوم برااقصة من طراازز الرفيع و ريسطورون عااامرة شوقهم بيها خصوصي ملي مغربية ....
مشا بجيهتها فتح لباب لقاها قدام المرايا كتعاود تعكييرة و شافت لعندو و راسها فالسمااا و كتحاول ترجع للامار القديمة
لامار : واااجدة ...
شكيب : ( ضحكة ) ودااابااا عجبتيني
قرب ليها وبعدات
لامار : خليك بعيد ومتنساش غي نسالي عطيني فلوسي و سيفطني بحالي نتا راك واعدتني
شكيب : اممم واخا ... غاترقصي الشرقي ... هووو لي كاااتهبيلني فيه .. و بغيتك تهبليلي هاد ناس ليوم .. يالاه لامااار بيني ليا ..
طلعات فيه شووفة وخرجات و صوت الخلخال كيتسمع وهي بالحفااا زاد قدامها و تابعها تاوقفها حدا لباب و تقللات الاضااءة ولات ضئيلة مايلة للاحمر ... و هضر فالمايكوروفون بالاسبانية
شكيب : تصفيييق حااار للرااقصة لاماااااااار ...
بداو يصفقو و غمز ليها تدخل ومشا لطبلة ديالو ....وهي دااخلا بحالاا اوووول مرة غاترقص اول مرة غاتطلع لشي مسرح .. الفرقة الموسيقة بدات بالعزف البطيء وهي بدا يتسمع منها صوت الخلخال و توجهات الاضااءة ليها و كلشي كيصفق .. توسطااات المسرح عاد علات عينيها فالحضور لي كان قوي .. ولاكن متشي كاع بحال كاباريه .. شافت لعند شكيب لي كيومي ليهااا تبدااا و ناس حبسات تصفيق كتسنا .. رغم انها محترفة لاكن معرفاتش اش وقع ليها فهاد اللحظة .. الموسيقى تعلات .. و الدقة د الدروبكة كتعطي ليهااا الاشارة تبداا .. بدات تشطح بالبطىء و الخصر ديالها كيتمااايل و كيتمايلو مع الرؤووس الثملة .. عينيها ميكيشوفو فحتا بلاصة غير تايهين .. بدات ترررقص كالعادة وناس كاملة حالة فمها نسا و رجال ... وهي كتحرك على السمرح كيف شي فراااشة كيهزها ريح موسمي ... كيف نوطة موسيقية كيلعب بيها الموسيقار على لوحة البيانو .. وعقلهااا كلووو هايم .. جسدها على المسرح و العقل فأعماق البحر مع اسد كيركب ليها العقد .. ومرة كايمشي لليلة العااصفة لي كانت فاليخخت وشحال كانت خيفانة عليه ... كيمشي لليالي رومنسية و قبلات ديالووو لي اثارها باقي مبعثرة فجسدها .. شوية شافت كنازة باباها قدام عينيها ورقصها عاد مكيزيد يشرااس و الدقة كتزرب ... شافت مسؤوليية لي عليها و خوتها لصغاار .. بداو صور يتجاراو قدام عينيها و كل مشهد يهرسها كتر من لاخور وهي كدوووور و كدوووور و الكسوة تاهي طايرة معاهااا و دموع بداو ينزلو و غي كتدووور وناس مبهورة بديك اللفة لي كدير فالرقص و طريقة لي كتضورر بيها كيف شي عجلة بدون توقف .. و دموعها كيتسكبو للحظة خانوها رجليها و طاحت على ركابيهااا مزيرة على عينيها و كتتتبكي شكيب بداا يتنحنح ويشوف فناس لي بداو بهضرو مع بغضياااتهم و تعلات الهضرة فالقاعة و كلشي كيغوت بغاوهااا تكمل خصوصي ان اغلبهم سكرانين .. شي بدااا يضرب بطفايات د الكارو لي على طبلة شي كيضربها بالكيساان وهي كتتبكي فتالي ناضت و هربات كتتجري وشهيقها كيتسمع... و شكيب ناض تبعهاااا مععععصببب ... وااحد جر الكررسي تاطاح و ناض تبعووو .. .
شكيب دخل عندها لقاها دخلات كتبكي وضورها لعندو يالاه بغا يضربها لباب كيييتلتتخ فتحو و لتخو مع الحيط لمار كانت مخبيا وجهها فاش شافت مجاتش فيها الضربة علات عينيها وهي تصصصصدم ......
حبيبي الأصم الجزء 11
محتوى القصة
التنقل بين الأجزاء