جات ماشيا و رجعات لوخراا تاني شداتها و لامااار لاحت صاااكهااا
صونيا : ااااح ضرررربيني ..
لامار : واخااا علاش لا ....
قربات لعندها و هي تشد ليها فشعرررهااا هبطاتها لاررض كتنتف فيها ولوخرا كتغوووت
لامار : نزييييدك و لا براااااكاااا .. الله يجعل هاد دوود ليووم نخرجهووم على فمك ..
بدات تنتف و تخخخبش و تضربهااا لضهرررهااا بركااالي و البنت كاتغووووت لربي لي خلقهااا وجهها كاااع مخبوووش وكيسيل بدم ماشعرر تنتف كي دجاج و لامار تجننااات عليها
لامار : هاانااا نوريييك الضررررب يااا لمكبوووتة ليزباااينة دعوة الله و اااش ماابتلك غي اناااااا ..... ضربك الله جاااياااا عندي يااااا القحححبة المعفووووونة
كتزيد تنتف فيها وروخرا باغاا تنووض والو زااطما عليها و دخلووو الحرس كيتجراو حيت سمعوو صداع و الغوااات و تبعوهوم تاناس و اسد غي قالوليه بلي كاين غوات فحمام عرفها زااابلاها تاني و ناض .. غي طل و شااافهااا كالسة على لبنت و كتنتف و تريش فيها و لوخرااا غادي تموت بين يديها .. تععععصب بالمعقوووول والحرس كينوضو فلامارااا وهي مزززيرة عليييها كتخرج فيها كاع جنووونهااا لان جننانتها .... ومشا اسسسد دفع دوك الحرااس و هززهاا عندووو وهي كاترااطا فيديه
صونيا : م ماما انا جييييت غي نغسل يدي هي لي تهجمااات عليا مااعرفتش ماالها
اسد : وماايمككتش
مالها : شووووفلك على البووووحااااطية ( جات ماشية لعندها و شدها اسد ) كتتتتكدب هي لي جبداااتتي نعاااودلهم و لا نسكت
نبيل : باااركااا .. بنتي مربية على يدي اححسن تتتربية
لامار : اييييه لهلااا يررركبك على تررريتك .. ..
نبيل : رووكان انا ماغانسكتش على هادشي .... شوووف لبنت كي رداااتهااا ...
صونيا : ووجهي ابابا وججهي
اسد : ( اسد كيتتنفس و مزير على يديه و لامار غي كتتغددد تفقصاااات وجررهااا من يدهااا لبرااا وهي تابعااه تااوصلوو لزنقة كان الحال ضلام و لاحها من يدو تاكانت غاطيح وشدات فطموبيل )
اسد : واااش مااازاالا زاايدااااا فيه .. مالك مابغيتبش ديري عقلك .. واش ماايمكنش تمشي لشي بلاااصة بلا مترووونيييها
لامار : اسد وووحق الله الى هي لي جبداااتني نتا معارفش اش وااقع بلا مضلللمني
اسد : غااتمووون غي هضرااات معااك كي العاادة و نت تلسقي فيها مكنننعرررفكش ...
لامار : اااسد
اسد : راااااك غااادي طررركطقي لياااا عروووق درااااسي ... ( ضرب يدووو المجروحة مع طموبيل تاعوجها ) شحااال غانبقااا هاااز هباااالك و صااابر الاماااار .. شحااال .. رااااه كون كان شي واااحد اخوور و الله لاااصبر ليييك .. بزاااف بزااااف ديري عقلك شوية
بدا ينننهج وهي دموعها هبطو و مسحاتهم و عيط اسد على واحد واقف تما عطاه السوارت
اسد : وصلها لدااار على مانفك هااد الحريييرة ...
مشااا و لمار بقات متبعاه بعينيها دمعاانييين محملاتووووش يغوت عليها وهي مادايرااا والووو .. و ركبات مع ديك شيفور كتمسح فدمووعهاا وداها لدار و اسد دخل عندهم ..
لامار وصلات لداار و فتح ليها داك شيفور لباب و دخلات وهو شد لباب موراه بساروت كيف كتب ليه اسد فمسج لاتمشي تيه تاني .. و دخلات كلسات فوق كانابي و بدات تبكي
لامار : اناااا ماااجبدتهااااش علاااش متيييقنيييش انا .. و لا زعمااا حييييت هي لابااس علييييها وواليديها معاها و كالسين يشكرووو فتربيتهااا .. و اناا معندي لي يدااافع عليااا .. تفوووو .. شحااال غاتبقااا تصدددمني فيك ا اسد شحااال ...
دخلات لداخل و بدات تبدل حوايجها و دموعها محمرين خدها. لبسات بيجامة و تخشات فسريرهاا كتشهق ..
اسد جبد ليه التقني التسجيلات وهو شاد عندو صاكهاا ... ومحاملش علاش رد عليها عصبيتووو خصوصا فاش كيتفكر دموعها ... وخااا رونات ليه كولشي و خلات دابا الصغير و الكبير يفتح فمو .. الى ان مكانتها و قيمتها متقدرش تزعزع و لا تنقص فقلبو ... و دغيا كيندم لاغوت عليها
تقني : هاهوااا اسيدي ..
اسد ضور عندو لبيسي و اشار ليه يخرج باش ميشوفش لاكانت شي حاجة ماشي تالهيه .. وخدمو وبداا يتفرج مربع يديه .. وهو يشووف اللقطة وكيفاش لووخرااا كانت كتتغزل بيهااا و جمع حجباانوو و جاتو بحال الضحكة مخلطة مع الفقصة .. حيت كان عااارف لامااار مغاتعداااش .. كيتشوفها كدفعها عيفااانة و لوخرااا كتحادي فيهاا
اسد : ولااايني قححبة هااادي .... وااصاافي دابا واش نخبعها من الرجاال و لا من العيلات .. مووصيبة هادي ...
شاف كيفااش ضررربااتهاااا و بداا يضحك برداات ليه جنونو
اسد : بلاصة ماتبقااا تعمر فشيكات و تقطع .. سير شوف شي طبيب لبينتك قبل لاتلقاها ناعسة ليكم مع الكانيش ....
نبيل : لااا ميكنش صوونيا ماشي هاااكا
اسد : شفتي لامسكتيش وطوتي موضوع لامار ...لفيدو غانشرو فاليوتيب و تشوف الفضييحة د سيااسي نبيل ... وااضح !
قطع عليه و نااض ..مشا لسيارتو كان يلاه حطها شيفور ..
اسد : دخلات لدار ؟
شيفور : ااه اسيدي وراه سديت الباب كيف وضيتني ..
اشار ليه اسد و مشا وهو ركب فسيارة و ديماراها و بقا واقف
اسد : اااش غانيديرو ليك دابا احبيبتي باش تررضااي ...
رجع كسيراا و مشا
لامار على عادتها بكات تااافشااات قلبهااا حاسة بالحكرة وهي كتشوف راسها بعيدة على المحيط ديالها و عايشة وسط مجتمع غريب عليها رغم انها ديما كانت كتحلم تحتك بهاد المجتمع .. كلما كتفكر اسد كتحس براسها عالة عليه ... رغم انه هو لي سمح ليها تكمل فاللعبة ووصلها حتالهاد شي ... وكتلومو علاش يغوت عليها هاكاك وهي مدارت والو منغير دافعت على راسها ... فشات قلبها بالبكا و ناضت خشات رجلها فواحد كلاكيطة و مشات تقلب ماتاكل مااعرفات كاع اش توجد.. حدها لقات عصير خواتو مع كيك وغسلات دوك مواعن وهي تشوف شكلاط نيوتيلا ف بلاكار و هزاتها و هزات معلقة و مشات لبيت تخشات ففراش و شعلات تيليفون كانت 9 دليل و كلسات تشوف فتصاور لقات بزااف واخد ليها وهي نااعسة و دغيا ابتسماات فتالي لاحت داك تيليفون و قندشات
لامار : ومنننببعد .. اصلا بانليااا مريييض هاد السيد .. مرة يتقرب مني مرة يجررحني مرة يخلي دار بووويا مافهمت والووو كيحسابتو كولشي خصووو يمشي على هوااه ( حلات ديك القرعة و بدات طفس فوجهها فشوكوولاا و تنكر عليييه وتهضر فمها عامر بشكلاط ) اصلاااا شنووو فيه زوين باش يحسب فرااسو ويتعفرر ...عندووو داك الفوورمة زويييينة و صاافي .... و وداك سنيينات .. و وحتاا لحية صااافي اش فيه .. غير ضحكة زوينةو صافي .. اصلا ضوورة د وجهووو خاايبة و تاداك الخالة لي فضهرووو مزوينااش جاياه عووجة .. وتفاحة ادم عندو صغييرة ... ( كتاكل تاردات فمها كامل مجخطن بشكلاط و كوايجها و نيفها ) علاااش قبيييلة زععععف علياا انا اش درت ؟.. باش يبقا يمن عليا لا لاواه صابرلي مالي كنقطعلو راسو وانا براسي ماعرفاش المصايب منين كيتكبووو علياااا ويلا كان شي واحد صابر رااه هووو انااا ... وااش انا لي قلت لديك ليزيبانة اجي عندي .. ومشششطبااااا هادي ..
اسد دخل لداار شاف ضلااام و شعل ضو .. كان هاز فديه بوكيه د الورد و بواط شوكولا مع شي ورااق فواحد الملف .. ودخل كيقلب عليها .. شاف فالكوزينة مابنتش ليه و مشا لبيتهاا دفع لباب لي كانت مردودة بشوووية و طل عليها لقاهااا كتاااكل فدييك شوكولا و تبررركم لدرجة مرداتش لبه لبال كاع و لات حااالتهااا حاالة و شفايفها كولهم كوحل بشكلاط و نيفها تاهواا و طاليا تاجبهتهااا و يدها كتمصهم و جاتوو ضحكة و دفع لباب بجهد تاشافت عندوو وهو مخبي اش جاب مور ضهرو
لامار : علاااش جااااي عندي
اسد : راه داري هادي اولا
لامار : و بزززعطة .. و على الاقل مادخلش لهاد لبيت ويلا كنت متقلة عليك سيفطني بحالنا
اسد : جوابك على لسانك ( داخل عندها )
لامار : هرررج علياا ماباغاش نههضر معاااك
اسد : والى مخرجتش
لامار : دابا غي قووليااا واش عندك انفصااام فالشخصية و لا شنوو... من قبيلة و نتا تزبببل فيااا و دابااا جاي عندي
اسظد : شنو نطلع نرمي راسي من فوق سطح باش ترضاي .. صاافي سمحيلياا غلطت فححقك و قلتك كلام مخصوووش يتقال صاافي جمعي و طوي راااك طيبتيني
لامار : نننجمع و نطوووي بهاااد سهووولة
اسد صبروو كيتقااضااا حيت اصلا دغيا كيتتعصب و خا كيحااول يبرررد وهي مكتففااااااكش وهو ماموالفش يحني راسو و لا يطلب سماحة من شي حد هاد اول مرة
اسد : صافي الامار راه اعتدرت زعما غاتبقاي تجرجريني غانلسق مك مع الحيط ... صااافي عاارف راسي غللطت مكانش عليا نغوت عليك ونت مغالطاش بالعكس راك دافعتي على راسك و شفت تسجيل د كاميرا و عجبتني فيها .. زعفت عليك فلحظة غضب وكونت جاااامع ليك ... ومكنضنش قلت شي حاجة د العيب رااه بصح فين ماشيتي كتروينها
لامار : اااش كندير ااااش
اسد : قوولي اش مدرتيييش .. نبداو ملي جيتي .. وكليتني حووت ماالح .... بتي فبلاكار ... شربتي ليموون ليكيغسلو فيه اليدين .. هربتي لغابة ليلة كاملة و نا نقلب .. تبعتني ليل كاملة بوسني بوووسني جهههلتني مع دالك مابغيتش نقيسك .. مشيتي عند المشعودين بلا خباااري .... جبتك معايا زعما راااكي فوسط المحيط معندك ماديري سعااا ديتينااا لجااايحة الكحلة تاوحلنا مع دوك الحتارف .. جهلتي ليا رووبن و تاالعضة ديالو باقي مبراتش من يدي .. جبناك وفهمناك قلنا صافي غاديري عقلك من المصايب ماشيا لسينمااا كتفرطي فجووني و طاويا راسك فالكرسي .. مشيتي كتبققشي فضواسا تاطلعتي اايكو د روبن و جايا تقوليلي عندي بلوطة ( لمار غي فاتحة فمها 😯 ) وصلناك الالة للجزيرة بمشقة نفووس ... مشيتي كتحلبي لياا فتووور و قالبا ليا دار بروايح ....جبناك لميكسيك ملي جيتي و نت فالمصااايب هربتي خلتني كي لهبيل نضور فشواارع .. ومشيتي تشطحي لثوامل تاكنت غانقتل الرووح ورجعتك سلختي ليااا رجلي و جهلتي دين مي و خلتني شاعل وهربيتي .. زدتي عليااااا بالباطل و كتقولي حكيتني ولا معرفت اش ... و بلاا مننهضرو على الكدووووب و و على المصايب داليوم.....
لامار : انااااااا 😦😦😦😦
اسد : لا انااا.... اوا شفتي علاش صاابر و ساكت راه مزيااان لي مااخرجتني لبرا نقطع حوايجي و نضرب ناس بالحجر ..
لامار : و باركا بااركا ماااشي لخااااااطري على انا لي درتهوم بالعااااني ... ( شافت للتحت قالبا قنانفها ) ويلا طلعتليك فراسك ديني فحال
اسد : نمووت الى فرقتك... انا باغيك بمصااايبك وكواارثك ..
طلعات عينيها فيييه كترررمش من تحت القصة لي طايحة على جبهتها و شكلاط لي مجخطنا بيه ..وهو قاال حمد الله رطابت وهي تحمع تخنزييرة
لامار : انوووووض عليااا حسااابتك بهاد الهضرة د كمال و منااار غاتصالحني تانووووض
اسسسد تننفس و لاح الوسادة و ناااض خرج منيير وهي شافت لبواط د شكلاط و تفتحو عينيهاا
لامار : فريييرووو روووووشيه 😍😍😍😍😍😍😍😍😍😍
حلات ديك بواطة وهي ريوكها سالو بحالا ماشي شكلاط لي كانت كضرب قبيلة و كلات وحدة كتبنن فيهااا و تبتسم فاش تفكر هضرتوو و بقاات شحااال كتشوف و هزات ديك الوررد كتتتشم فيه و حطاتو..وناضت وهي مبتسمة مشات لصالون ملقاتوش و مشات لبيتوو بانليها غي بسوال و ملفوق عريان كيدير طراكسيون .... و بدات تضحك و مشااات ركبببات من فوقووو و طلع معها راسو
لامار : جاي تبرد فقصتي فطراكسيون هههه
اسد : نووضي عليااا
لامار : لاااء
اسد رجع كيكمل وهي كي ريشة فوق ضهرووو كيطلع بيها و يهبط و كضضحك تاكتلقااه قلبهااا تحتووو و جا فوقها وكيكمل تراكسيون و هي تحتو .. كيطلع ويهبط عهت يبووسهاا و يطلاع هي غي كتدور فعينيها .. تاطاح فخطرة و كلا بيديه كيشوووف فيها مباشرة لعينيها بقات غي كترمش فيه
اسد : صاافي تقضاو الحجر .. سكتي دابا ..
لامار غي سااااكتة و ممشقلبة غي مع رااسها و مدابزا مع افكاارها لي غي كيشوفو عينيه كيخليوهااا تفكر حبو وتبغييييه كتر .. و تسمح ليه على كوولشي و لاكن عقلها كيقوول خصوو يتععدب راه تاهوا غلط معاها... تاحسات بيه هبط لشافيفها طيمص فديك شوكولا لي بقا عليهااا تاانقاهااا و طلع لنيفهااا تاهو غزووو و جبهتهااا
اسد : حلوة و ززدتي نيوتيلا ...
لامار : . نوووض خنقتيني
اسد : ( خاشي راسو فعنقهااا تتابع شكلاط تاامصو كامل و رجع شاف فيها ) شي نهار غاناااكلك ... دينمك كتسطني وخاااا ركبتي فيا الاعصاااب .. اخخر مرة تهضري بلا فرانات
لامار :تانتا متعااودش تحكم فيا
اسد : نتتتحكم ......
لامار : 😒😒😒😒😒
اسد : مناوياش تسامحيناا هم.؟؟؟ ( تكا على جنبو على طابي وهي ناعسة و دار يدو تحت راسو متكي عليها و كايشوف فيها ) صافي الامتاار ....كولشي توضح .... انا عارفك علاش جبتي و تانتي وليتي عارفا انني عارف ... و انا عارف انك كتبغيني و حتاا اناا كنبغيييك ( شافت عندووو ) سمحي ليا ( كيدوز يدو على شعرها ) سمحي ليا لازعفت عليك... ويلا قتلك كلام جرحك تيقني احبيبة مااشي من قلبي غي ساعة غضب .. و نت رااك كتتعصبي لي ماا يتتعصب شتي لي دموو ثلج راه حداك يولي كيغلي ...رااه فعايلك كيركبو السعر فالواااحد ..
لامار : اناا مدرت والو .. ا انا رااه غي كنت خدامة على خوتي .. تاتصلط عليا عزيز و قالي نعاونو يصيد روكان وقالي منخاف من والو وغايحقق لي احلامي .. تيقتو و بلا هوايااا قبلت غير باش نفقص المرارة د بنات العائلة و ندير الفلوس و نتشهر حتا انا ....ولاكن مكنتش مقتنعا بهاادشي تيقني .. اول مرة جيييت لعندك و اول مرة نشووفك حسيت براسي صعاابت اللعبة.....مكنتش كنتخيلك هاكا .. عشت معاك اياام عمرني عشتهااا من قبل ( كتشوف فيه و تهضرر وهو مركز مع شفايفها ) نهار على نهار كتقربني لييك .. حتاا قررت ااني نحبس اللعبة و تمنيت لو لاقاتنا ضرووف حسن .. و قلت لعزيز مابقيتش باغا نكمل .. ولاكن ههدني بخوتي و نا عارفاه واصل و عندو رجالو لي رهن اشارتو ..تالنهار لي وصلنا فيه لي هنا .... حسيت براسي ماقاداش نكدب علييييك كتر .. لان صاافي وليت كنبغييك....ولامار الى بغات مكتقدش تخبي ... وداك نهار انا عيطت لعزيز باااش نسكتووو علما نمشيو للنعرب و نكون قرية لخوتي و نعترف ليك بكوولشي غي نكون قريبة ليهم ... وسكتو قتليه رااه غاندير ليك داكشي لي طلبتب ...من بعد مااطمنتو و طمنت تانا ...جيت لعندك نصارحك بمشاعيري ... ( دمعو عينيها ) مشاعر لي اول مر كنكنها لي شي واحد ا اسد... معمرني قلت هاد الكلمو من قبل لشي حد ... كانت اول مرة .. متصورتهاش غاتكون بداك البشااعة .... قلتي ليا كلام لي عمرني نساه .. وصفتيني بحمام الخلا ا اسد ونا جايا غي نعبر على محبتي ليك ... صدمتني بقمعة مكنتش حاسبا ليها الحساب ... اش كنت كتسنى مني ندير من غيير نهز راسي و نطج ...فديك ساعة كان كيبانليا غي نهنيك مني وربي كبير ... كنت غي ماشيا فشارع تاماعرفت داك خينا منين سلاط عليا .. كان كعرفني حيت كنت راقصة و عرض عليا نحيي ليه الحفل مقابل يهدخلللصني ويردني للمغرب .... ونا قبلت غي باش نرجع فحالي و نعطي دوك فلوس لعزيز و نقوليه جبتهم من عندك و نخرج من اللعبة بلا خسائرر.. ولاكن مطراش داكشي لي بغيت و جيتي نتا و زدتي كملتي على تباقي مخلتي ليا منين نقبط .. ولا تانشرح
اسد : حبييبتي رااع نت نهار هضرتي مع عزيييز انا قريت اش قلتوو .. حسااابتني رااك بقااا كتلعبي .. وغي كتمثلي عليااا فاش قلتلي كنبغيك .. باش كنت غادي نعرف كنتي غي كتكدبي عليه هم ! راه داكشي باش تععصبت حيت معرفتش نتيقك ولا لا ...
لامار : كنتتي كتجسس على مكلاماتي ا اسد
اسد : كان لابد مانديرها الامار باش نتأكد بلي مابقاتش عندك حتا صلة بيه ولاكن تصدمت ملي سمعت المكالمة بغيت نتسطى وفداك الوقيتة عاااااد جاك تعبري على الحب و نا كنت وازن 90 .. وداك حمام الخلا انا نقصدتش بيه بلي نت هاكاك .. قصدت بلي بااغاا تكووني هاكاك و مبغيتيش تبقاي مربية عند واحد بقييمتك ... حيت ديك ساعة كانت ساااعر وحمد الله لي مدرتش فيك يدي .. ( لامار غي كتشووف فيه )
اسد : هداك الضربة ديالو كنمهدها ليه غييييي بشوية عليه ... نت غي متبقايش تجاوبيه و خليه يمووت غي مع راسو .. مزربانينش ... لان واحد بحال هذاك مكيخلعنيش و مخصوش يخخلعك حتا نت... لانوو شمااتة ... حيت كو كان راجل مكانش غايتعدا على وليد صغير و يحرمو من السمع طيلة حيااااتو
لامار ناضت
لامار : كيييفاالش؟؟؟؟؟؟؟؟؟
لامار : م ممفهمتش .... و و وااش .. واش هو سباابك ا اسد !؟؟؟؟؟؟
اسد : على ماعارفاش بلي هو راجل الوالدة .. مقالهالكش
لامار : لاااا انا بغيت نعرف ... عاودلياا كولشي بااش نكونو وااضحييين و منطيحوش فشي سوء فهم اخور .. بغيييت نعرفو على حقيقتو ا اسد... و بغيت نعرف اش خلاك مكتسمعش والديك .. بغييييت نعرف كوولشي
اسد : ( تنهد ) و اجي عندي بعداا
هبطات لعندو و عنقها وبقا يشوف فيها شحال
اسد : على نت فين كتعرفيه .... هم !
لامار : انااا كنت كنرقص فواحد البار ...وهو ديما كان كيجي يتفرج .. وديما كان كيحاول انو يقرب مني ولاكن مكنتش كنعطيه فرصة حيت عارفا نيتو اش هي .. تالواحد نهار سيفلطيا شيفور ديالو كيقوليا نجي عندو لاوطيل .. وديك نهار بدااات خووياا كانو تنفخو ليه الحلاقم بزااف و كان ناعس فسبيطار و خصو يحيدهوم و نا كنت محتاجة لفلوس ... ومشيت مع شيفور ديالو ( ااسد حمر فييها ) وصلنا لداك الاوطيل و طلعت عندوو .. فرررح و بدا عليااا غايبرععني غايفعلي غايتركلي .. وكي لعادة بديت نتحلون عليه تا سكرتوو مزياااان تامابقا عاقل على راسو و يلا غير نفختي عليه يطيح... وخديت ليه لفلووس و و تيليفون وساعتوو وكااع اش بانلي تماا و هربت .. و بيهم مشيت داويت خويا .. و رجع ليلة تانية لكااباريه كيقولي سرقتيني و لاكن كان كيقولها وهو ضاحك وكيقولي لابغيتي نزيدك نزيدك غي تبقاي تجي عندي .. منظرو كان كيجيني مقزز كيف كاااع الشمايت لي كانتلقا بيهم فخدمتي .. وديما كان كيوقوليا راكي كتترطبي الحجر لدرجة سرقت فلوسو بلا مايحس بيا و عرفت نضحك عليه .. تانهار لي عيطليا و قالي نخرج عندو ... وخرجت وهو يقترح عليا الامر و قالي غريه حتا هو و سرقيه ... حيت هووو دغيااا قدرت نضحك عليه .... اما نتااا .. نتا حااجة اخرى .. مهم فلول مابغيتش خصوصا ملي سمعت شوية عليك و على نفودك .. قتليه يقدر يقتلني ومانقدش عليك ...ولاكن هو بقا مصر و قالي نعااونك و نديرلك هوية جديدة و خليه غير يبغيك ... بديت كنفكر فحالتي و خصوصا ان الكاباريه ولاو دبازات بزااف و ديما مخداماش و المصاريف كيكترووو و خوتي كيحتاجوو و مكنبغيش نخليهم يحسو بالنقص و خااا نتقطع .. داكشي لي خلاني نواافق .... ولاكن مني جيت عندك و الله ا اسد تانسيت كوولشي ... هدفي كان فقط هو نبقا حداك .. حتا كيعيطليا عزيز عاد كنتفكر علاش جيت .. و غي كيقطع ونشوف فيك كنسى كولشي ...عممممرني عممرني حتاا فكرت ااني ممكن ناخد شي حاجة من عندك و نعطيها ليه .... ابدااا ..
اسد : ( باسها فجبهتها ) عارف ... وكانو عندك فرص بزاف و فلوسي كانو فبيت نعاس غير حداك... كنت كنقول تقدي تهزيهم و تمشي .. ولاكن كتصدميني ملي كنلقااك مداياهاش فيهم و ناسيا تاعلاش جيتي .. داكشي لي خلاني نبغييك .. و نعرفك ماشي ديال هادشي الامار ... امااا عزيز .. عزييز هذااك اكبر حيوان عرفتو فحياتي .. و لاكن ملي سيفطك ليا ... خاصني نشكروو ... ( ابتسم )
لامار : كنت مضطرة ا اسد .. انا كنت بحال كاع لبنات كنقرى و نتفشش على واليدياا بغيت هادي بغيت هادي ... مكنتش كنضن شي نهار غايتقلب بيا زمان .. كان عندي سيزيام ... كيف عادتي فطرت مع بابا و عطاني فلوس طوبيس .. و قاليا حضي راسك من دياب ( دموع نزلو ) وقرااي مزيااان ... م مشيت ل ليسي ووخليتو مورايا ... مشيت و نا ماعرفاش بلي داك نهار غاتقلب حيااتي .. ملي رجعت لقيت جيران كيفيقو فماما لي سخفات فشارع معرفت اش واقع و ناس كتعزي ... سؤال لي كان فمي هو شكوون مااات ( كتمسح دموعها ) ملي قالولي باباك .. جاتني الضحكة معرفتش منين نزل عليا ضحك ديك نهار كلست الارض كنضحك بدموع ... قتليهم بابا خليتوو هنا . هناااا واقف . وهااا فلوس لي عطاني بااقين عندي لامتيقتونيش ... ديك ضحك كولو هجرتووو ..
محسيش براسي تالقيت جيران دخلوني لدار ... متتتيقتش و مزالا لحد ماباغاش نتيق ... بلي صافي شمعة لي كانت مضوية عليا تطفاات فخطرة ... باباا لي كان مفششني و يتقطع ويجيب ليا اش بغيت رااه مابقاااش مزال .. ( كتنفس و ترجع تكمل ) ديك سيمانة لولا د الكنازة كنشوف فماما لابسة البيض كنبغي نحماااق .. ( كتسكت تبكي و ترجع تكمل هوو غي كيشوف فيهاا عينيه حمااارو وهي كتهضر ) كانت العائلة مكتخرجش من دار عمام و خوال قراب و بعاد ... وكولشي كيقولينا منخافو من والو هوما يتكلفو بينا .. شهر لول ...تاني بداو كيغبرو واحد بواحد ... الله يحسن العوان كلها و مسؤوليتو ... قرايتي مابقيتش مركزة فيها .. غير نتفكرو نبكي ... داز عام و طلعت للباك ونا معرفاش كيدرت نجحت ... حيت جاتني صعيبة تكون عايش حياتك عادي بواليديك و ظارك و عائلةة.. كتقول راه عندي يطرا لي يطرا .. ولاكن تاحد مغايدوملك .. وممكن بين ليلة و نهار تقلب حياتك .. فديك العام كولشي تخلا عليناا ماماا فالموت د بابا قاسها السكر و طبيب وصف ليها لانسولين .. و فاش كانت كتمشي تخدم عند ناس على الاقل غي باش تخلص دواها ... دغيا كانت كتعصب و دابز و تغوت ... شفتها كتقاتل مع طرف د الخبز باش تعيشنا و لاكن المرض ديالها مامخليهاش خصوصا ملي تخلات علينا العائلة ... خوتي تاهوما كيحتاجو كيجيو لدار ويقولو لماما بغينا بحال ديك سبردينة وهي كتقولو اااه دابا نشيريهالك اولدي ... ماما فين حوايج العيد .. ماما كولشي شرا حوايج شتا و حنا .... كنشوفها كضحك فوجهوم و بوحدها كتبكي وتقوليا غي لبصلة . ماعرفاتش بلي بنتها كبرات وولات تميز بين دموع البصلة و دموع القهرة ...
اسد : كملي .. متسكتيش ...
لامار : كنت بغيت نخرج من قرايا ومخلاتنيش قاتلي على الاقل خودي لباك .. الدار لي كنا ساكنين فيها كانت بسمية بابا و عمي وملي مات ... عمي خلاها لماما هادي هي الحاجة الوحيدة لي داروها زوينة .. و بعناا الفوقي و السطح لشي ناس و بقينا ساكنين غي فالسفلي .. و داك الفلوس د البيع بيها كملنا داك العام .. شديت لباك و قلت صافي غانقلب على خدمة .. مااخليت فين دقيييت تاحد ماقبل بياااا .. شي كيطلب الرشوة شي كيلطب نعس معاه ... وكونت ديما كنشكي على واحد البنت كوافورة فحومتنا .. و قاتليااا كنشووفك كيعجبك الرقص الشرقي و كتقنيه .. علاش ماتشوفيلكش بلاصة فشي كاباريه راه غي الغرااامة غاتعيشك . .. انا سعرت معاها جاتني بحالا عايرتني و مخليتش ليها الحومة كاملة تفرجات داك نهار .. و منبعد بدات تكبر الفكرة فراااسي ... وليت نتفرج فيديوهات بزااف و نقلدهوم ...ومشيت لواحد بواط دونوي و نا ليلة كاملة كنتدرب .. طلبو مني نرقص حداهم و داكشي لي درت .. ملي عجبتهوم خدموني .. كل ليلة من غير الجمعة كنمشي .. كانو كيخلصو خلصة قليلة و لاكن الغرامة ديالي كانت وهزيت مصروف دار .. وهاكا كملت كنصرف على دارنا وماما معندها ماتقول حيت عارفني غير كنرقص مكنديرش شي حاجة غلاط و عارفا تربيتي ... ولاكن الهضرة د ناس صعيييبة بزاااف .. هي لي خلاتني نحلم امتى ندير لفلوس وغير نفقصهوووم .. داكشي لي خلاني نجي عندك .. باش نرد اعتبار لراسي ... و الغاية تبرر الوسيلة ...بغيت مابيقا حد يقول عليا زويهرة الشيخة ... ( هبطات راسها كتمسح دموعها )
اسد : زوييهرة ؟
لامار : حيت سميتي .. سميتي فاطمة زهراء
اسد : عارف .. ( كيمسح ليها دموعها ) صاافي ... كولشي غايفوت .. وماغاتلوحيش مزال راسك على شي واحد .. حيت نت داباا رااك ديالي الامار .. ومغانسمحش لشي حد كيف مكان يفتح فمو عليك .. متبكيش .. انا حاس بيك و مكنلومكش ....حيت عارف اشنو هو الحرمااان .. ماتبكيش نت عارفاني مكنحملش دمووعك ....
اسد : ههه .. واخا .. وديري فبالك انك اول شخص من بعد السيد لي رباني لي غاتعرفي هادشي ... ( لامار حركات راسها بآه) ....انا كنت صغير معاقلش على الواليد البيولوجي ديالي .. لي عاقل عليه نو كنا ساكنين مع جدي و خوالي .. تانهار قالو للوالدة بغا يتزوجها شي واحد مطلق .. الوالدة فلول مابغاتش ولاكن كنعقل بقاو عليها تاقنعوهها ملي شافو راجل لابس عليه .. و قاتليهم نوافق بشرط يعيش معايا ولدي .. و ووافقوليها .. وخا كنا بسااك فدار د جدي الله يرحمو .... الا ان عمرني تحكرت ولا نقص مني شي حد ...ولا خصتني شي حاجة .. ولاكن ملي تزوجات و مشينا سكنا معاهم ..... الوالدة بدات كتشوف مسؤوليات اخرين ... راجلها داار عكووزتها ضيااف ... و كانت هاملاني الله يسمح ليها .. فلول طمعها و قالها نديرو بحال ولدي و نقريييه و نعلمو ... ولاكن غير دار بلاصتو خرجني من قرايا و قالي خصك تخدم .. ولدات لوالدة معاه جوج ولاد .. ادلكبير هو يونس راك شفتيه عندي فدار ... واااحد نهار كنعقل ضربهااا ضرب خايب وكانت حاملة بتالت . و دخلات فكومة مات فيهاا داكشي لي كانت خاملة و كيدو ليهاا تا الرحم عمري نسا ديك نهار الولدة ولات غي شادة عليهها و تبكي .. وخا تاكنبغي نمشي نشكي عليهااا فاش كان كيضربني هو و مو ...مكلقاش عنها الخااطر تسمع ليا ... كان كيعاملني كيف شي عبد... العصاااا و الاهانات .... وكنبات فواحد كاراج بوحدي غي انا و الفيران .. حتا جات سارة .. سارة هي بنت خوه ماتو الديهااا و جات عاشت معانا .. كانت كتعامل بحالي ديما انا وياها كنا كنعسو مع الفيران فالبرد و فاش كنت كتعاقب و يحبسني فواحد لبيت كانت مسكينة كتمد ليا لخبز من تحت لباب ... كنااا صغااار انا كانت عندي 10 سنين وهي واقلة 7 سنين ... هي كانو مخلينها تقرا ... وديما كانت كتجيبها كتبها و كنقرا انا وياها غي بتخابيعية .. صراااحة كااانت كتر من ختي .. اعتبرتها ختي صغيييرة ... تاالواحد نهار .. مشيت كنشكي على الوالدة قتليها بغيت نقرا حتا اناا ... ومشات قنعااتوو .. و سمح ليا نقرا فالعام طديد... كنضن اخخخر فرحة غانفرح فحياتي كانت هي هاديك ملي سمعت غانقراا .. اخخخر فرحة فرحتها من قبلي كانت عندي 10 سنين و دابا 30 سنة و مزال مافرحت بحال ديك نهار ... وليت غي لي لقيتو كنسولو امتى الدخووول .. امتى غاندخلو نقراو ...امتا غايفتحو المدارس .. و قاتليا سارة بلي راه كيقولوها فرااديو .. و بلي راه فالبيت ديالو هو الوالدة .... مشييت و بديت كنقلب فالبلاكار ديالو ( تنهد شحااال و لامار دموع هابطين ليها ) لقيتووو و جبدتو فرحااان كنشعل فيه باش نسمع امتى دخووول المدرسي ... باااش نننسمع .. كنت كنننسمع الاماار ... كنت كنننسمع كوولشي ... كنت قاااادر نسمع راديو .. ( لامار زيرات ليه على يدو ) حتا كنشوفوو شنق علياا وكيضربني مع الحيط( كيزير على سنانو ) قالك منقربلوش لحواايجوو .. و هبطني كيجرجر فيا فدروووج و نا كنت صغييير ماقادش ندافع على راسي ...باش تعرفيه شماتة .. قوليه يجي يواجهني دابااا اولا يحط عليا يدو .. حيت اكبررر خوااااف و مخبع من مورا ضهرك .. حيت نت قوى منووو .. و بزاااف ... ( تنهد ) الوالدة ماقدات دير والو هااادشي لي كااان كييبعصبني مدافعت عليا مقالت تاكلمة و مكنتش كنحمل ملي كاتخاف منووو .... هبطوني لاكااف و رجالو شادييني .. ( سككت )
لامار : ( مسحات دموعها ) اش دارلك ا اسد...
اسد : ( نااض و تكا على الحيط كيشوف فيها ) حررمني نسمع صووتك دابا .. حررمني نسمع حتاااا صووتي .... وعلاش ! حيت بغيت نسمع لراديو ديالو ... غي نسمع امتى دخول المدرسي .. فرحتي خلصت ثمنهااا غاااالي .... باقي ماقادرش ننسا منظر السفود لي كان كيخشيلياا فوودني و دم لي كان كيقطر على عنقي و كتافي ... باااقي كووولشي قداااااام عنيني .... ماابغاش حتااا يجيب ليااا طبيب باااش ماايتفففضحش .. الوالدة كانت كتبغي تديني بتخبية حيت ودنيا كانو تنفخو .. ومصدعني بتصفاااار مكنتش كنعس بضجيج و شقيقة .. كانت ديما كتقولي يلاه نديك و مكنتش كنبغي حيت مكنتتتتش حااملها ... كنت كنلومها علاش مدافعتش عليا و ماحماتنيش منووو .. صوتهاةنهار على نهار كيتلاشى فودني .. تالواحد نهار فقت مكنسنع والو .. سهيييييط .. كنغووت كننضرب وااالو .. وسارة كتكتب ليا فالورااق .... وليييت مكندير والو غي معصب و كنعض فراسي ...وكان تيقوليا نوض تخدم كيكتبها فلبااب ...وكنبزق عليييه .... وعلى موو تاهي و الوالدة مكنتش كنحمل نشوفها الله يرحمها و يسمح ليها تاهي كانت مغلوبة ...تالواحد نهار طلعلو دم و قالي برااا مغانبقاش هازك و نتا مكتفديني فوالو طبعا هادشي غير كتاباتو ليا سارة باش فهمتو ..... شفت عند االوالدة لقيتها غي كتبكي .. عرفت بلي مغادافعش عليا كيف ديما ... وهزيت راسي ومشيت جمعت حوايجي لي كانو عندي وخرجت .. دموع سااارة وهي صغييرة مزااال مفكرهوووم .. كانت كاتقوليا ديني معاك....وكنت قلتليها موال غاانجيبك عندي ... رغم اني حاولت نسول فيها من بعد .. و لقيت ان يوونس كان راد ليها لبال حيت كيبغيها من صغرو ...وتهنيت عليها ... اول حاجة درت قصدت دار خواالي و انا صغيييير وماعارف والو .. ماقبلوش بيا و قالولي سير عند مك .. الا واحد خالي اخور دخلني من داك البرد و جوع .. ولاكن غي خرج مرتو جرااات عليا ... و ليت فشااارع .. تامن حوايجي بعتهوم فجوطية ..
وكل مرة باش كنت كنبريكولي راسي ...و نا صمك وكولشي كيعااير فيا .. كيهضرو معايا مكنردش عليهم و كيبقاو يضربو كيحسابتهم كنديرها بالعاني .. الحقد كبر منهار على نهار فقلبي .. واكد نهار كانو حكروو عليا شي دراري بالمعقول حيت شافوني خدمت مزيان فواحد رحيل و مولاه خبصني و بغاو يحيدو ليا الفلوس .. تاجا فكني منهم واحد الرااجل و رد ليا فلووسي ... داني معاه و بدا يهضر معايا بالاشارة و طلبنت منو يكتب ليا فالورقة و نا كانجاوبووو و عاودتليه .. حن فيااا مسكيين و داني معاه .. كان عايش غي هو مرتوو لي فرحات مسكينة حيت كان عندها سرطان الرحم . و فأيامها الاخيرة اول مرة غانشوفها كانت بلا شعر ...ولاكن كانت زوينة بزاااف .. دوزات غي 3 سيمانات و ماتت .. و بقيت غير انا معاه ....قراني فأمريكا لغة الشفايف و ادارة الاعمال .. و ملي تخرجت جيت قابلت ليه شغالو و زدت بيهم القدام بافكاري و استثماراتي ...كان كيتييق فياااا بزاااف وكيقولي نتا ولدي لي معطانيش الله.. عليتو فسوق البورصة .. و انا هدفي هو شي نهااار نوصل لهادشي لي انا فيه دابا و ننتاااقم غيير بالهداوة من اي واحد آدني و اولهم عزيز ... طيحتليه سمعتوو وسط الشركات و خيبت صورتو و سط السوق .. وماخليت تااحد يمشي عندوو ولا يتعامل معاه و لا يشري عليه ..وصفقة لي كنسيق ليها الخبار عقدها كنرون ليه فيهااا غي من بعيييد و بمعارفي .. تاكيفسخوها .. ... و راه واغل دابا فالكريدياات تالراسوو ..ولا يشوفني و يحني راس .. و تالكلام ماقدش يخرجو قدامي ... مزااال عليييه مزاال ... بغيت نهار لي نشوفوو كيرميوه صحاب السيزي لزززنقة كيفماااا رااماااني ... بغيت نشوفووو مدلووول .. بااش يبرد قلبي حيت لاقتلتو.. مايبردش قلبي ...
لامار بقات غي كترمش و فتالي تلاحت عليه و عنقاتووو مزيرة عليه وهو استغل الفرصة مكتشوفش فيه و مسح واحد دمعة معرفهاش كيدارت هبطات .. يمكن جرح الماااضي سباابهااا .. وشافت عندو و شادة وجهو
لامار : انا معااك .. و نشااءالله نخلييوه يدوووووق المرااااار
اسد : ههه لا احبيبتي لا نت خليك بعيييدة ... قاد بيه .. حاجة الوحيدة لي غادري هي ملي يتصل بيك قطعي عليه . راه معاندو مايديرلك .. ماحدك معايا معندكش مناش تخافي .. تواعدني
لامار حركات راسها بآه
لامار : و الله ماانجاوبووو اصلللاا مكيسواااااش ... انا محسااابتنيش خرج منو هااادشي كاانل الحمااااار الجيفة و الله كو كنت عاارفة هادشي ...انا لي غانتقتلوووو
اسد جاتو الضحكة و هز يديها رقيوقين
اسد : با بهاد اليديااات تقتليه هههه
لامار : بلا متحككككرني .
اسد : حبيبتي المسعوورة .. اش غانحرك فيك ونا شقت السلخة لي عطيتي لداك القحبة و الله مانخاف عليك ( عنقها عندو كيضحك عليها و رجعات شافت فيه ) دابا واش نغير من العيلات و لا من رجاالة
اسد : انا اصلا مسامح ليها و لاكن اخر لقاء كان بيناتنا مكانش تالهيه
لامار الله يرحمها .. اكيد غاتكون فخورة بلي وصلتي ليه ... وكولشي من داك شيبة العاصية تفووو بو شنااكر زوورق
اسد : لماار شووفي عندي
شافت فيه
اسد : ممنووووع ثم منووووع غي تهضري معاه .. كاع لاصبرت على هاد الاخطاء لولا راه حيت كنت عارفك ماعارفا والو .. اما دابا و الله لادوزتها ليك .. ممنووووع و حتا يلا هضر معاك بشي رقم اخور قطعي عليه و اجي قوليها ليا .... وراه غانبدلك داك الرقم .... مفهوم
لامار : ( حركات راسها ب اه ) اصلاا مابغاش تانهضر معاااه .. تيقني اسد و الله ماكنت بغا نديليك شي حاجة
اسد : ولاكن نت راك ديتي
لامار : انااا😯 و الله ماااااديت شي حاجة بالله
اسد : شوووف و كان
لامار : و الله وحق ربيييي مديتش شي حاجة شنووو ديت
اسد : راك ديتيلي قلبي ...
لامار : هااا ! ك ك كيفاش ..
اسد : تكولختي تاني .. ( باسها من جبهتها و شاف فيهااا حاط نيفو على نيفها ) كنبغيك
لامار ابتسمات
لامار : يبغيييك الخيييررر 😂
اسد : 😑
لامار : ههههه تانا كنبغيييك اسكااايري المسعوووور ديالي .... وشوووف عندي ماشي غي نتا لي كتعرف تححكم و تقول ممنووع و ممنوع .. تانتا منوووع تبووسك شي وحدة ..
اسد : تانتي !
لامار : و انا علاش ( زيرات على وجههو و باستو و شافت عندو ) بووووحدي نبووووسك ☺☺☺
اسد : اااي زيديييني ..
لامار : باركااا .. باقي ماسالينااش الهههضرة
اسد : ااش باقي تاني رااه اول نمرة نهضر قد هاكا مع شي حد
حبيبي الأصم الجزء 14
محتوى القصة
التنقل بين الأجزاء