توما واش هاد الفضييييحة درتو ليا مع نسييييب ... حسابتكم بوكم فحمام الاطلس ؟؟؟؟ لباااب ..ظ. لباااااب و سيرو تناااتفوو براااا يخلييهااا جووورة .. لبااااااب سيد را مريض زعماااا ديرو غا بحسابو
اسد :. لا لااا غي بالعقل ( ناض ) صافا موقع والو .... تهدنو ...
هنية : لاتديرهاشاي منا قلة صواب اوليدي هي لي جبداتني .. كتقول على بنتي برهووشة
سعدية : هي لي كتقوووول على بنتي بااايرة
اسد بقاوغي كيرمش مافهم والو ..
اسد : احم ... مهم موقع والو ... تفضلوو كلسو ... تبغيو تشربو شي حاجة؟ ( كيحاول يهدن )
سعدية : الله اوليدي نتا مريض وو وتصخر علينا
اسد : ههه .. لا ماشي انا ... عادل .. شوفهم اش بغاو...
خلا معاهم عادل ومشا رجع كلس حدا لامار كيييضحك وهي كتوزن 90
هنية : غاكويس د الما بارد نبرد بيه جوفي ...
سعدية : انا لابووكاا
عادل : !؟
هنية : واشوف اولدي لاجيتي لحومة دوز لعندي داري هي لي فشوكة را كطل على الصاكا د العربي .. اجي يا ولدي و ندير ليك قصرية د الكسكسوووو تاكل عليها صبعاااانك
سعدية : كسككسو ؟؟؟ لاعساك اوليد تا الحمص مكتفسخوش .. اجي عندي اناااا و نصاوب لولدي قصرية د رفيسة بالكديدة و تشوف لاما وليتي كي الموحمة دور دور و تقولي زيدني
رقية : واهنيييوناا ...
مشا عادل هارب وهوما بقاو يتنااكرووو .. و رجعووو كيضحكو دغياااا ... حيت هذا هو القلب البيض ⚪ ... لامار دات اسد لبلاصتو باش ميفكش سيروم من يدو .. وهي غي كتخنزر ...
اسد : مالكي
لامار : ناري على شوهة دارو
اسد : بالعكس احبيبتي ... فوجو عليا والله ...
تحلات لباب وهي دخل ساارة و يوونس هازين الورد ... غي شافووو العصابة تعجبو
سارة : غلطنا فشومبر يمكن ..
يونس : لا را اسد .. .
اسد كان ملهي كيهضر مع لامار وشاد فيديها ... وهوما كيتجمعو و الكبيرة حاضيا غي لباب شافتهم و لسقاتهم
سارة وغلات وسطهم وهي كل وحدة و كيضارت بيها ...ها لي كتقولها شربي الحلبة ها لي كاتقولها السالمية و الكتيرة وهي غي كتعصر ملي كتشوفو كيضحك مع لامار و ناشط مراداش ليهن لبال كااع .....و يونس كيحاول يتقرب من لامااار باش مايكونش ضالمها ..
يونس : وخا نهضرو شوية على برا ...
لامار : ( بقات تشوف فيه و تشوف فاسد ) ااه ... و واخا ..
ناضت معاه و سارة تبعاتهم بعينيها تاخرجو و ناضت يلاه غاتكلس حدا اسد وهي تكلس تما رقية خلاتها كتغلللغل ...
يونس : كيفاش غانرتاح ونت كنتي دايرة يدك فيد الواليد لي مكيشرفينيش باش تسرقو واحد وجايا تنصبي عليه ومخليتي تا كدبة ماقلتيهاش بلا حشمة بلا حيا .. شكون عرف تادابا ماتكونيش كتخططي لشي حاجة ...
لامار : اسد ماشي ولد صغير ... باش نحافض عليه .... ( رجعات عندو كتشوف فيه) هداك لي لداخل ....لوقعاتليه شي حاجة ... انا غانموت ... هداك لي لداخل كون عرفت بلي لا عطيتو و دني غايسمع و الله تانعطيهاليه ... هذاااك لي لداخل ايونس مستعدة قلبي نعطيه ليه ... ولي مكانش كافيك هادشي ... هديك را مشكلتك ..
خلاتوو و دخلات وهو بقا شحال واقف كيرد كلامها ... عاد تبعها ظظ.
اسد : شكراا على زيارة ( قرب لعند لامار ) غير ديريلها خارطها .. بلاتي و نجي عند حبيبتي
لامار : غاتخرج ليوم ؟؟؟
اسد : غانخرج دابا راه عندي شغالي شنو غانبقا ندير هنا
لامار : اسد واااش تسطيييتي ولا مالك .. رااك عاد خارج من العملية و كلك مرخي باليباري
اسد : ههه انا بخير ... يلاه بوستي و سيري
لامار : ااه باش مامااااا تخرجني فجريدة
اسد : حسبي ليهاا( غمزة)
هزات صاكها و الفيست ديالهااا و دارتليه بايباي بيدها وهو عكها بوسة فالهوااا لي عصرات سارة من داخل ... و ناضز مشاااووو وهي قالبها مامهنيهااااش محملاتش لاش تبقا تما سارة ...
اسد غي مشاو بدا كينتر سيروم من يدو
سارة : وييلي اش كديييير حمااااقيتي
اسد : علاش ؟
يونس : قالت الحق.. راك باقي عيان ..
سارة : باااز ليك كيفااش كنت مستحملهم قبيلة ... ردو الشوومبر سويقة
خلاهاا و خرج لبرا و هي عجبها لحال ملي تقمع باش ميبقاش يضور بساحتها ... وجدات القهوة و بدات تطل على يونس بانليها براا كاع.. و مشات بشووووية لبيت اسد وهي تشوف تيليفون محطوط على سرير و حداه سلسلة كتفيفري غي راسها حيت حيدوهاليه فالعملية باقي مردهاش .. و قربات لقاتو كيصوني .. وهي تقشع صورة لامار ....بانليها باقي المااا مطلوق لداخل و جاوبات
لامااار : حبييبي فيييينك ناري دغياا توووحشتك
سارة بقات غي كتسنط مكتسمع والو وهي تشوف لتيليفون عاد بانتليها الكتابة مطرجمة .. قرات هضرتها بغات تموت ...
لانار ركبهاااا السععععر بقات غي كتنهج و طفات تليفووون ورجعات لبسات سبريدنتها لي كانت يلاه حيداتها حيت دخلات و هزات صاكها بنترة و ماها جات كانت كتحيد جلابتها
رقية : افييييين غاادياا تاني و يلاه دخلنا
مرداتش عليها كااع و لتخااات لباااب و مشات بزربة عند الكارد راكبينها جنووون اااش كدير ساارة عندوو فدارو ..
اسد خرج من دوش وتاجه لدريسينغ لبس الرسمي حيت ماشي للخدمة ... كوستار كري غالق لابس غي جيلي .. مع سعتو و بارفانو و نشف شعروو قااادوو لواحد جنب ... وهو بقد ما ساخط على العملية بقد مافرحان ملي لاماار وقفات معاه و متخلاتش عليه .. و كيتفكر موقفها ملي طلبات منو زواج قبل كاع لايدخل لداك لبلووك .. ومها لي جات لي حسساتو بلي كاين شي حد راد ليه لبال ... رغم ان هاد لحوايج بساط الى انو فحاجة ماسة ليهم .. قاد راسو وهز شي وراقو ديالو ودار تيلي فجيب .. و ركب سلسلتو د تيليفون فيدو حيت مع رسمي مكديرهاش فعنقو ... و خارج كيشوف فالملف تكتبان ليه سارة واقفة و بلاطو د قهوة فيدها و حالا فيه فمها تالودنين ..
اسد : شكرااا .. مي لقيتني مزرووب بلاتي و نشربها
سارة : اا و ولاكن ..
اسد : تعطلت بزااف اسرسورة و الله ... سمحي ليا عدبتك .. خودي راحتك و اعتاباري دار دارك .. فين يونس!؟
سارة : اا م معرفتش يمكن خرج ..
اسد : ام ... داكوغ ( جا ماشي و رجع عندها ) اااه ...سارة ... كلسي نهضرو شوية ...
حطات لبلاطو
سارة : اهاه واااخااا .😍
اسد : نت عارفة معزتك عندي ... وكنبغي نشوفك فرحانة حيت عارف انك قاسيتي فطوفلتك و كولشي داز قدام عني .. و ماناسي تاحاجا ... وتستاهلي تانتي تعيشي فرحانة ...وشحال من مرة كنت كنقول نرجع عندك و نديرلك شي مشرووع و تخرجي من تما .. من بعد قلت بلي انا مامسؤولش عليك يعني نت تحت مسؤوليتهم و معنديش الحق نقرر فحياااتك ... ولاكن منبعد طمنت عليك .. فاش شفت يوونس ...
سارة : اا م مال يوونس ؟
اسد : يووونس انا متاكد غايرد ليك اعتبارك وسط داك القبر لي كلو لفاعي ... متفرطييش فيه اوكي
سارة : و ولاكن انا و يوونس ما بيني و بينو واالوووو و الله عنداك تتفهم غلااط اسد و الله مابينا شي حاجة
اسد : هاداكشي كيهمكم نتومااا اسارة ... كيف مكنبغيش بي يدخل فحياتي تانا مكندخلش فحياة ناس .. غي بغيت نقولك ديك السيد غادي يصلاحلك .. يلاه نخليك عندي شغال ... خودي راحتك ..ااه وتا روبن را غانحطو فلاكاف باش تقدي تكلسي على خاطرك ..
ناض و خلاها غي كتشوف مافهمات والو من هضرتو .. او بالاحرى مافهماتش اش كيقصد .. وكتقول ياكما غار من يونس و تبتسم ؟ ..
هبط اسد روبن للكاف و سد عليه حيت لاكاف ... وخرج ماشي لطموبيل هوو يشووف لامار حبساتها طموبيل د الكارد وجايا مكتشوووفش قدامها سااعرة و مشااا قاطع ليها طريق تاتزدحات فصدرو
اسد : شششش .. بشوية عليك غاطيحيليا....
لامار : ( ضرباتو لصدرو ) نتاااااا بععععد من طريق .. .كلامي ماشي معععاالك
اسد : ( جات ماشية و شدها من يدها ) اش واااقع !؟
لامار : ططططبق مني .... من ايمتى ولاو يجاوبو على تيليفووونك هااا !!! من امتى
اسد : اااش كتقصدي !!!
تسلتات منو و مشااات كتتتجرري لللفيلا ...وهو تبعها ...
وصلات و فتحات لباب و دخلات و لقات لوخرا كانت فبيتووو و عاد خارجة و قربااااات ليهااا مخرجة فيييها عينيهاااا
لامار : اش كديري نت فبيت اسد ؟؟ وشكووووون قاااالك هضري فبلللاااصتووو مااشكاااااا عليييك حد ... ماتقابلي حدد الالة هووو قااااد برااااسوووو ... و اااااااخر مرة تجاوبي على تيليفونو و لا غتنوريييك نجووووم بنهااار ... وزااايدون اش كديري فبيتو هاا !!!!!! ( كانت عاطية بضهرها لاسد )
لامار : حتاااا انا عندي وااااحد ولد جيرااان كابرة انا و يااه .. نهار نكون مريضة غانقولو يجي يقااابلني و نكووونو بوحدناا فدار ( قاطعها )
اسد : بخرا نهرس لمك ديك راس
لامار : اواااا هي خصني نهرس ليك ديك راس ...
اسد : حبيبتي كالم ... انا ماطلبت من حد ... واش نتي كتعرفيني غانمشي نقولها انا محتاط لي قابلني !!!! رااا يوونس لي اقترح .. وزيدي عليها السيد بااغيها .. و باغاها تكونو هناا باش يتقرب منها كتر لانو فدارهم مكيخليوش ليه فرصة فهمتي ...
لامار : اوا و فيييين هو هاد يونس
اسد : يلاه لقيتيه خرج
لامار : واخا و علاش تجاوب فتيليفونك !!!!
اسد : جاوبات !!!
لامار : انا عيطت عليك وهو جاوبااتني و بدات تجبد فالهضرة
اسد : معععرفتش يمكن فاش كنت كندوش مي فغيمون مخصهاش تجاوب .. دابا نهضر معاها ...
لامار : اااسد ... مااابغيتهااااش تبقا معاك هناا😔
اسد : احبيبتي .. سيدة را بحال ختي و زيد عليهااا غاتولي مرات خويا لاكتاب ... وهي و يووونس رااه باغين بعضياتهم .. يعني هنا غي باش يرتاحو وصافي .. ( جبدها عندوو بدلع ) يااااك انااا مرييييييض و نت جااايااا كتكملي عليا
لامار ( طللعات فيه عينيها ) : كضرك شي حاجة
اسد : مهلووووك احبيبتي خصني بوسة فرنسية باش نصح
لامار :بععد مني .. بنتلك عندي خاطر بوسة دابا
اسد : ( كلس على واحد كرسي وربع يديه كيشوف فيها ) دابا يا ايما غاتعطني بوووسة و لا غانطلع عنها هي تعطيهاليا
لامار : وااااشمن ااااشمن غيرة ... و راااه غي مكيعجبنيش بنادم المسنطح .. ماشيا وهي تجبد تقول راكبين فيها روسولات .... مكنرتاحش ليها و صافي .. ودابا نلي قلتيلي لياااا راه هي و يووونس كيبغيو بعضياتهم صاافي غانميك عليها .. ولاكن بشرط
اسد : اجي عندي و قوليه رااك نت كتهضري تما و نا كتجنني هنا اجي عندي ( قربات كلسها على رجليه ) يلاه شنو شرطك
لامار : ماحدها هي هنا ... تانا كلس معاك
اسد : دارك هادي احبي .. شوفي غي مع ماماك ههه
لامار : حالها ساهل و الله و نقولها معها بنت فدار يا تاتجي هي هههه
اسد لمح الهاتم فعنقها
اسد : عطيني ديالي ...
لامار : ااا نسييتتتو ( حيداتو من عنقها و ركباتو ليه ) بحراااا نيت يعرفوك معربن ههههه
اسد : معربن !؟
لامار : يعععني مرهون ( شافتو مفهمش و جراتو من الكول عاضة على شفتها ) يععني ديااالي بوووووحدي
اسد : ( زيرهاا لعندووو يلاه غايتخشع و حباستو )
لامار : سيييدة لفوووق اناري
اسد : ومنبعد ( كيقرب يبوسها و كتبعد باش مايلصقو تما )
لامار : ورااك لابس بحالا كنت ماشي لخدمة لا
اسد : ( خشا رلسو فعنقها وزيرها لعندو ) درت بناقس
بدا يبعثر بوساتو على عنقها وهي كتلوا معاه كيبروشها وريحتو مدوخهها
اسد : ( قرب وجهها لعندو عندو وكيدوز يدو على شعرها ) حبيبتي سمعي ليا ... بلا متجبدي مشاكل مع ساارة و لا تغوتي عليها ديك البنت كتبقا فيا ... خليها هنا ترتاح بلا مشاكيل راها شبعاااتهم فداك دار ..واخا ا روحي
لامار : ممم صاافي واخا .. انا مكنتش كنرتاح ليها حيت كدير فيا شي شوفات ديال سم ..ووكنت كنحسها كتقرب منك و تانظاراتها لي كدير فيك ماشي عادييين و لاكن ملي شرحتي ليا صاافي بدلت نظرتي .. تاهي باركا غي اشنو عانات ...عي انا فاش كنتعصب هاكا كنبدا نغوت بلا منحس ولاكن تيقني و الله مابغيت ليها شي حاجة خايبة
لامار خرجات من البيت لقات اسد تاهو كيشوف فتيلي شافها ووما ليها نكلس حداه .. وتاهي ماشي من عاكزين مشات تخشات فيه كتشوف معاه فتيلي ويونس غي كيقرا على احسن طريقة لطلب الزواج ههه.. سارة بدات كتوجد على صال مونجي فراشط و مواس وهي عينيها غي عليهم و كتغدد....فللحظة لاامار تفكراات دوااء ... و ناضت بزربة اسد مردش ليها لبال و سارة بقات تشوف مالها .. لان لامار من نوع لي مكيعرفش يخبع توترو ودغيا كيبان عليها... و مشات لصاكها هزات دواء مخبياه و را ضهرها حيت عارفا لاشافو اسد مغايبغيش يشربو ...ومشات لكوزينة و هي كتشوف موراها واش مامراقبها تااحد و سارة كطل عليها من بعيد... مشااات للماكلة بان ليها كولشي فيهم لاصوص الى واحد طبسيل ناشف عرفاتو غايكون ديالو حيت هو مكيكلش لاصوص وسارة كطل عليها شنو كدير ... حلات بدات كتفرتت الكينة فيديها و ترشها على طبسيل تاسمعات صوووت سااارة و تخطفااات بالخلعة
لامار بقات غي ساكتة شاداها القفقافة و نتر ليهااا يدهااا هوو يطيح دوااا و بقا يشوف فيه معلي حاجبو
اسد : اش هاادشي
لامار بقاات غي كتشوف لجيهة اخرى و تحبس البكية لان حسات براسها دارت جريمة و ضارو بيهااا ضورة وحدة .. وهي غي كتفكر فمصلاحتو ...
اسد : دواا !؟ ( تحنا هزو )
لامار : هذاااك السم ... كنت ناويا نوكلوليك ....
اسد : ( غي كيرمش ) ؟؟؟!
لامار : ( بانفعال ) ... انااا لي حمقة نستااااهل و الله الى نستاهل .. هذاااك غي دوااااك .. عارفاك راسك قايح مغاتبعيش تشربو و بغيت نديرو ليك فالماكلة سعا شكووون خلااااك .. مني ولا لي يحي يدخل بيناتنا .. اش بقا !
خرجات ساعرة شافت سارة فلباب وطلعاتها و هبطاتها
لامار : سمعني نت ... مرة اخرى غادخلي بين و بين اسد ..غاندخل فختي بالطول و ارتفاع ... و بقاي تجمعي كرك ومدخليهش فلي مكيهمكش قبل مانوريك الوجه لاخور .. و متنسايش ... ماااحدك نت غاتبقاي ضوري عليا السمطة و نا غانجيب فيك البزيم اكووباي ... ردي لبال 😉..
وهداك راه غي دواه لي نتوما تاحد فيكم ماافكرووو ...
طلعاتهم و هبطاتهم و مشات لصاكهاا هزاتو وهو يشدها اسد ...
اسد : فين ماشية !؟
لامار : لجااايحة لي ضربني ... بقا مع لي ميخافو عليك و كيبغيو مصلاحتك اما انا غي غانقتلك بالسم ..
سارة : ( كتشوف لكينة لي فيد اسد ) ديلاش هاااد دوا ( شاف عنها اسد )
اسد : ( بحدة ) ... خليونا بوحدنا
يونس بغا يجرها و هي تعكس
سارة : لاا .. انا مكنتيقش فيها معاه ويلا دارتلو شي( قبل ماتكمل هضرتها ... اسد جر لاماار و هز سوارتوو و خرج خلاهم غي كيشوفو و خرجوو لبرااا هو جارهاا من درااعها و هي تابعاه بلا هواااهاااا و معصبة تاوصلو حدا طموبيل وقفو
اسد : فففف .. مرض و الله .. اااش هاد الحالة ... دايرين روينة على حاجة تافهة .. ناقصين حنا !
اسد : لا غير بصحتكم ...الموضوع راه تحل سوء فهم مكاين لاش نكبروه .. واضح .. يعني ا سارة .. نت بحال اخت صغيرة عندي .. وهي رااها غاتكون مراتي .. لهدا كارضيو شوية د الاحترام .. كنضن راكم ععارفيني مكيعجبنيش ضسارة .. كندوي معاكم على اساس خوتي حيت كو كنتو برانين كانت غاتكون هضرة اخرى ( سارة بقات غي كترمش بغا طرطق وهو ابتسم ) ... يلاه بصحتكم وخودو راحتكم ... ..
غمز ليهم و هبط للكاف عند روبن
طلع اسظ رووبن و رجع شاف عندهم ..
اسد : يونس اجي معايا شوية بغيت نهضر معاك
ناض يونس ماعاجبوش لحال علاش هضر معاهم هاكاك و سارة غي خرجووو ضربات واحد الفااز بجنووون هرساااتوو و بقات كتنهج ولات حممررر و سنانها بداو يترعدوو و داتها كامل كتنفض بالاعصاب لي فيهاا من صغرها ...
سارة : انتاا ماااخت ماااااااخت حد
خرجو اسد و يونس لبرااا و اسد وقف ودار يدو فجيبو ويونس مربعهم
يونس : ( بعد صمت ) كنعتدر بنيابة عليها ... حنا ماقصدناش ندخلو فحياااتك .. غير كتبقا خونا كيف قلتي من واجبنا نخافو عليك .. ويلا كان هادشي زاعجك رااه نقدو رجعو ميف لول .... انا غير حسبتك قريب مني و اخ لي انا محتاجو .. كنعتدرو لا قلقناك و لا درناليك مشكل معاها ( كيهضر مقروص )
اسد : اش كتخور ؟ يونس .. راه طبيعي نتقلق ماخلات ماقالت عيها خلاتنا نتجمعو عليها بحالا قاتلة روح بدون مانفهمو ... وهي كانت غي كدير ليها دواء ... يعني راكم ضلمتوها ...و اقل مكان عليكم ديرو هو تعتدرو اولا ؟ حيت مكمكنش نشوفها هاكاك تضلمات و منقول والو ...
اسد : شوف خلينا من هاد تفاهات راسي تنفخ ... اناا ماقصدتش انني نجرحكم غي انا طبعي هاكااا مكنعرفش نصبغ يعني فاش كضرني شي حاجة كنقولها فاص ... و لي ضرها هي راه كيضرني تانا واضح ؟ غير باش نحطو النقط عى الحرووف .. و نهيو الموضوع لانو ميستاهلش تعلا عليه ايسطوار .. وطبعا هادشي ماكيقلل من معتزكم عندي تاشي حاجة .. نتوما خوتي الصغار و نتا الحاجة الوحيدة لي ربما بقاتليا من الواليدة .. يعني مافيها باس لاسمعتو شوية د توبيخات ( خربقليه فشعرو كي ولد صغير )
يونس : عارف ..و مغانتقلقش منك اخويا لكبير
اسد : مهم راه وصيت عادل على العشاا .. و ماغانجيش ليوم يلااه يلاه نحزرو ديك السيدة لي خليتها كاراطا فطموبيل .. وخودو راحتكم .. حاول توفر ليها الجو المناسب عاد هضر ..
يونس : متردد و الله
اسد : ؟
يونس : انا بااااغيها ... ولاكن هانتا كتشوف مستقبلناا مهدد يعني يمكن ليوم و لا غدا غايحجزو على دار و على الشركة فين غانعيشها ؟؟؟ من الاحسن نأجل الموضوع تانوقف على رجلي
اسد : علاش نهار يجيريو عليكم .. هي فين غاتمشي ؟؟؟؟ نتا لي خصك تحميهااا ا يونس سواا كنتو مزوجين او لا لا ... على لامتزوجتوش غاتخليها تمشي لشي بلاصة بلا بيك ؟!.؟
يونس :طبعا لا
اسد : اذن الامر مكيغير والو .. وحتا يلى طرا هادشي نتا راه عندك خوك .. و نا مستعد نعاونك حتا توقف على رجلييك و تستقر ماديا.. مغانخليش خويا و ختي الصغار فشاارع وهوما لي عندي .. مرحبت بيك عندي فأي وقت ..
يونس : ااانشاااءالله .. غااانمشي معاك و انا معاك فأي قرار خديتي و غانحاول نتقرب منها ربما نكون ضالمها بزاف
اسد : بزاااااف وغاتوقف على هضرتي .. يلاه انا مشيت راه كتسنا هادشي لاملقيتهاش هرسات زاج ..
زاد و روبن تابعو ومشا لطوموبيل كيطل عليها لقاها كتبكي و بقا مخسر فيها سيفتو و فتح لباب لوور خشا رووبن و شدو بسمطة و طلع لطموبيل كيشوف عنها ورخف عنقو من الكرافات حيدها لاحها و فتخ البوطون د شوميز لفواقا عاد تنفس و شاف عنها
لامار ضورات راسها لزاج معصبة وهو كيضحك بشر و كسيرااا تااكانت غاضرب راااسهاا مع طابلوو و شدها بيدو كيضحك عليها و هي مقندشة شعرها كيهبط على عينيها و كتحيدووو بززعفة
اسد : ربعااانتني و لا معرفت اش كيقولو ليها .. مرعبناني !! لااء واقلة مربنعاني لاااا ماشي هاكا كيييفاش كنت قلتيها احبيبية ؟؟؟؟
لامار : ياااااااربي تصبرني قربت نقتل واااحد من عبدااااك
لامار : اااسد فين ماشي تاني ...ماشي طريق دار هادي
اسد : سييي طريقها ...
لامار :وااااش تسطيتي ... رااه قتليك ماشي طريق دار .. دييني لدارنا
مابغاش يشوف فيها و خا عيات تزعزعووو و فاش كضور ليه وجهووو كايبوسهاااا تاكتندم و رجعات تكات على زاج مرة مرة كطل على روبن واش مشدود مزيان لايدير شي هجووم .. و هي كتفكر المشهد د قبيلة كتزيد تعصب ... و تسعر كتر فاش كتشوفو خرج على المدينة و شاد طريق ماعرفاتو فين مااشي .. تاداها نعاااس حيت ليوم فاقت بكري باش جات عندو لاكلينك .. و نعسات على زااج وهو قاد ليها راسها على كتفوو و كمل طريق ... تاوصل للوجهة ديالووو لهي المحمدية و دخل لفين عندو دارو تاهي مقابلة مع البحر طبيعي فاهذا سميتو روكان ... وصلووو و سطالا طموبيل وبدا كيحرك فيها باش تنوض و هي عاد مكتزيد تحلا ليها نعس و تقلب .. خلاها فطوموبيل و هبط روبن .. و زاد لدار فتحهاا كانت نقية بحكم كيتجي لي كتنضف ... دوموندا الغدااا و خا الساعة كانت 6 .. و رجع عنها لطموبيل هزهااا وهي نعاسها تقييييييل .. هز ليها صاكها و ضرب لباب برجلوو سدها و داها لدار طلعها لبيت نعاس وحطهاا تما بعد ماغطاها .. وبدل حوايجو لبس غي شورط و جيلي سبول بالقب و بلا يدين .... و هبط لتحت عند البيرو د الامن كانو كالسين كيشربو للقهوة و يلعبو ضامة غي شافوه داخل تهزو ناااضو ماعرفو باش تبلاااااوو ... وولا منين نزل ...
اسد : اخر مرة ديرو قدامي هاد الحركات .. راه مكنخلعش .. و ماشي عيب بنادم يشرب قهوتو ويلعب ...... نفهوم
- : مفهوم اسيدي .. على سلامتك غير معلمناش سي عادل متوقعناكش تجي
اسد : كولشي هو هذاك ؟؟ مطرا حتا مشكل .. .
- لا اسيدي غي سولو عليك لبارح فلوطيل حيت 3 د للاجتمعات لي لغيتي عاد عرفنا كنتي فالميكسيك و غدا عندك لقاء مع موسيو عمراني ...
- نضمهوم لصباح و غانحضر ليهم ... الى وصلات طلبية للغدا دخلوها راه طلبتها ..
خلاهم ورجع لدار عطا لوروبن ياكول .. و طلع عنهااا لقاها باقااا ناعسة و نعس حداها كيمشط فشرعرهااا بيدو ويبوس فيهااا وهي حالة فمها و شعرها كاع مشعكك كيحمقو منظرها العفوي .. لسقهاا معاه حيت شوفة فصدرها لي كيبان كامل من تيشورت لي لابسة كتجننو و بدا يبوسها فصدرهاا مزير على مؤخرتها بيدووو تااافيقهاا مخطووفة و شافت عندوو مخسرة
لامار : ف فيين انااا
ناضت مخطوفة و تكات على سرير كتمسح على عينيهااا وهو تكا ودار يدو تحت راسو كيشوف فيها ...
اسد : ياك قلتيلي ديني لدارانا هانا جبتك
لامار : ودااارنا ماشي هنا
اسد : هادي هي داارنا احبي
لامار : تسطية هادي ..
اسد : ( جبدها عندو تاطاحت حداه ) وصافي طلقيييهاا .. و الله اروحي لامخنوق و باغي غي نرتاح ... متكمليش عليا
ابتسمات بالخف و غي ساكتة و هو كيدوز يدو على وجهها و يشوف فيها .. و تاهي طولااااااااات فيه الشوووفة وهو كيتسنا منها شي تعبيرر وهي كدير فيه شوووفة بحالا باغا تقولو شي حاجة )
اسد : طلقيهاا ..
لامار : ل للا والو
اسد : هه قولي شنو ؟ ...
لامار : غي ديييما كنقول نسولك وننسا
اسد : ممم ؟؟؟ بحالاش اشمن سؤال هذا
اسد طاحو فبالو في دوك الاسئلة الروتينين ديال واش كتبغيني بصح ولا واش فايت بيغيتي من قبل ولا شحال من وحدة دازت فحياتك ... تانطقات
حبيبي الأصم الجزء 20
محتوى القصة
التنقل بين الأجزاء