احبيبتي ... خليني نتحاسب معاه و نحدهم ليه يعطينا بتيقااار و ماببقاش يلعب حداااياا .. مخايفش من لعبو مي كيدير ليا ضجيج ... كيف شي دبانة كتزنن حدا ودني ... خصني نحيدو من طريقي و لباب لي كيجي من ريح نشدوه .... نت احبيتي ماماك عارفا راكي معايا غي بقاي هنااا تانجي موراك
لامار : ولاااااكن علاااش
اسد : حيت غداا .. سي عزيز غايصبح فراس مالو غير ديك الفيلا .... و بعد غدا غايهرفو عليها سيزي تاهي .. ومغايبقا عندو مايخسر و نخاف يآديك لان غايعرف راسو ميت ميت .... فهمتي ... ادن خليك هنا بعيدة من الخطر هاكا راه نقدر نكون على خاااااطري و مامشوش من جيهتك
مد ليها شفايفووو مبتسم و طارت عليهم المجنونة لوخرا معنقاه بيدها فعنقوو لي كيبانو صغيييورين مع رقبتو .. و هو جابدها عندو كالسة حلى رجليه و فوق المعلم لي ماشي و كيتنفخ .. وهو خاشي يدو من تحت طوب و معنقها من ظهرها و يد مزيرة عليها من خيط سوتيام ..هي سمعات لباب كتحل و بدات تبعد منووو وهو ماباغيش و امنية دخلات تاشافها كتشوف فيها عاد طلق منها و ناضت عليه لامار حشمانة وهو هز مخدة حطها عليه.... امينة حشمات و بدات تضحك ..
امينة : سمحوليا .. جيت غي ندي الفطور و نسولكم واش خاصكم شي حاجة
اسد : لا لا .. لا يمكنلك تمشي
هزات امنة اابلاطو هوما حوووومر بالحشمة وهو شاد عندو مخدة باش مايفضحوش هتلر لي كيبان من شورط تامشاووو و حا عندها يكمل وهي تهرب ليه ... لبسو حوايجهم وهي لبسات لي كان جايب ليهاا فاش جااا و جاب ليها كاع اش تحتاج و تيليفونها تاهو ردو ليها ... و علق روبن فكتفو وهي شادها من يدها وخرجو على رجليهم كيوريها فالمنطقة ديالو تامشاو على رجليهم تالمحمية و طلق رووبن .. و بدا يوريها فالحيوانات ويزعمها علييهم و يركبها على ظهرهم ... دوزو صباااح كامل فالمحمية و راها بزاف د البلايص لانو عارفااا غاتبقااااا هنا ... و مشا تاني كيساريها فالجزيرة دوزو نهار كااامل على برااا تاااضلام الكال .. عاد رجعو لدار ... و باتت فحضنوو مزييرة عليه بحالا حسااااات غااايمشي .. دوزات نهاااار زويييييين معاه ماكيتنسااااش لانو استغل كل دقيقة و كل ثااانية معاها حيت عرف غايتوحشها ..
جا صبااااح فاق اسد و داز لبس حوايجو و بقا شحااال حداها كيبوس فيهااا مساااخيش بيها فنفس الوقت مضظر يصلح الجوو باش يعيشو مرتاحين... و خرج ... هي نعساااات تالحدااش عاد فاااقت مدعمشة فرحانة ترجع معاه للمغرب ... و بدات تشوف لجنابها لقيت غي المخدة
لامار : اااسد ؟؟؟؟ اااااسد
لاحت عليها الغطااا بزربة و هبطات فدروج كتتتقلب كي الحمقة
فهاد الوقيتة عزيز وصلوو اتصاااال هوووو يييييزززير على تيليييفوون وشوية طاحلو من يدوو و شد على قلبووو مزيييير عليه بيدو ولا زرق و معسور يونس كان داخل شافو هاكاك و جرا عندو و موظفين بداو يعيطو لاومبيلونص
لامار من بعد ما لقات اسد مشاا استسلمااااات و مشات لفراشها و تكمشات فيه و كتبكي تاضرباتها بمرضة غي بالفقصة ديالللووو حيت كضن انو ميكبغيهاش مدام سمح غيها بدون ما يشتاق .. نسات بلي حبو ليها لي خلاه يدير هادشي كامل .. طووول يوماين هو كيصوني ليها وهي مكتبغيش تهز عليه و الخاطر مشا ليها غي مكمشة فوق سرير و اسظ كتجاوبو غي امنة لي كتجيب ليها الماكلة حتا عندها و كطمنو عليهاا فاش كيتصل...
من بعد يوماين .... اسد وصل بطموبيل ديالو حدا لاكلينيك هاز فيديه بوكيه د الورد ... و تمشاا بجيهة لاغيسبسون ...
اسد : عزيز قحطاني ...
- ( بعد البحث ) غرفة 12
تاجه حل الاسانسور و طلع وهو راسم ابتسامة على فمو ... بلغة المنتقيمين كتسمى "ابتسامة انتصار طال لها الانتظار "
لي خرمو من سماع صوتو لسنين جا الوقت لي خصو يدفع فيه ثمن جريمتو لي هو ضن تنسات .. جا وقت يتصفيو الخسبات و يتنبش الماااضي . تحل الاسانسور و تمشا فداك الرواق برجولتو المعهودة ...يد فجيب دسروال كالعادة .. بانليه يونس و سارة و راوية كالسين على الكراسى راوية شافتو كحلات بالعما ولات غي كاتولول فخاطرها ... و يونس ووقف كيشوف مع البوكيه و يرحطجع يشوف فابتسامتو
يونس : اسد !؟
اسد : حمد الله فسلامة سي عزيز .. فايق !؟
يونس : اااسد ... عفااك ماااشي وقتها
اسد : بالعكس .. هذا هو الوقت المناسب لي كنتسناه سنين
يونس : عااارف .. و لاكن را..
مخلاهش يكمل كلامو و تاجه حدا لباب بقا شحااال شاد على البواني .. و صورتو هوو كيعدب فيه وحرق فمساميعو و يتلفها بدون رحمة وهو كيترجاه يحن فيه ...كولشي داز بالعرض للبطيء بين عينيه و فتح لبواني و دخل .. عزيز كان مستلقى على سرير شافووو هووو يتخطف و كلللس .. و اسد دخخل بهدووووء و ابتسااااامة ماكرة ... حط الورد و كلس على كرسي حداه و دار رجل على رجل بفخامة
اسد : حمد الله صااافاا كتبانليا مزيااان ...
عزيز : اش جيتي دير هنا واااش جيتي تش( قاطعو )
اسد : نتشفاا ..... ( بعد مدة مبتسم ليه بشرر و هوو مالقا ليه جهد و رجع قرب بالكرسي باستفزازو و اسلوبو المعهود ) حشومة عليك ضلمتيني .. واش انا جاي نطل عليك و نتا كتقوليا نتشفا .. ففف جررحتيني اسي عزيز ونا انسان حساااس
عزيز : اااش باغي مني ؟؟؟؟
اسد : بزاااف ... دابا تخلصهم وحدة وحدة موسيو قحطاني ( وقف و شد بوطونة د الكوسيتيم بيد وحدة و تنحنح شاف فيه ) لاكلينك خلصت مصاريفو حيت سمعت بقيتي على ضس ... مغاتشكرنيش !؟؟ ( عزييز غي سااااكت و كتتتتغدد ) اوكي عادي .. تانا مكنتسناهلش منك ... ( قرب عندووو لوجهو ) يالاه برا لينا دغيااا و استجد القوة ديالك حيت مزااالل غاتحتاجهااا فالصدمات الموالية .. اراااجل ميمتي
غمز ليه و خرج خلاه كينهج ويونس كان كيمشي ويجي شافو خرج و مشا عندو
يونس ؛ اسد !؟؟؟ اش قلتو
شوية بدا كاايتسمع تهرااااااس و يونس ظطدخل كيطري اسد عرفو غايكون رد الحر على شي حاحة وخا ماسمعش و لايني جرية د يونس كافيا ... و مشا باتجاه طمزبيل بقا راكب فيها شحال عاد انطلق ...
يونس : صافي تهدن راه ملعندك مدير ليه .. واش نسيتي شحال قاسا معاك !!! رااااه منجقو بدير ليك هاكا و هادشي كان خصك تكون منتظرووو .. تانتا مديريتيش فيه القليلة و كرهتني فالأبوة لي شاركا بيني و بينك
جات ممرضة دكات ليه ابرة و خلاتو ويونس خرج كيحك فراسو ماعرف يوقف مع اسد لي عندو الحق .. ولا مع عزيز لي كيبقا باااه رغم كولشي .... اسد غي وصل ححححس بالقنط دار مافيها لا روبن لا لامار خاااوية باااردا و على عادتو فاش كيمل من الارض كيهبط لتحت للبحر و وفعلا مششاا غطططس و نساااا هومو مع السباااحة او بالاحرى هارب من همووو و كيحاول مايخليش ضمير الانساني ديالو يتحرك وكل ما جا يحن على غي يتفكر كيف حرمو من السمع بوحشية كينسااا كولشي .... من بعد ما سالا الغطس دخل لدار شاد عندو شيشة و كيحاول يصوني للمااار و يتسنا تجاوبو و كالعااادة لللااااا من مجيب تالتخ داك تيليفووون زااادت كملات عليه ... و دار منوم باش ينعس و يهههرب من ضميرو و تا من اشتياقو للمار و من اعاقتو لي كل ناتفكرها ضاقت عليه نفسو ...
جا صبااح جديد .. لي جحيييم بنسبة لعزيز لقحطاني لي هابط فدروج الفيلا لي خاااااوية و الحوايج كاع حجزو عليهم و تحطو فالمزاد ... هابط هاز صاكو و كيشوف معاها .. الفيلا لي طااالما كانت مصدر فخرو و تباهى بها قداامو صحاابو .. دابا خارج منهااا مدلوول حيت غايديوها السيزي .. هاابط ثقيييييييل و مستسلم كلياااااا ... تاوصل للتحت بان ليه يونس و سارة غادي يخرجو و حوايجهم فيديهم ...
عزيز ( بصوت مؤسف ) يووونس
يونس : ( ضار عندو )
عزيز : .. فين لووخرين
يونس : الواليد ... مابقا حد .. النحل كيتجمع على الحلاوة .. ملي كتمشي الحلاوة كولشي كيتفرق و يقلب على راسوو...
عزيز : ؟؟؟
يونس : جدة مشات لدار العجزة ماغاتبقاش تلاوح معاك فزناقي و سفيان قالي صاحبو سافر لكاندا
عزيز : سااافر ؟؟؟؟ منينن جاب لفلووس
يونس : سرق دهب جدة
عزيز : جداك كان عندها دهب ؟؟؟ و مخبياااه علياااا .... و سفياان سمح فيااا ؟؟ وااااش ولادي نتوما و لا شنو
يقرب عندزو ) على نتا نهار كنتي تهرف على رزق ناس و متخلصش الخدامة فعرق كتااافهم .. كنتي كاتجيب شيخااات و تلوح عليهم الغرااامة بالملاين .. مكاينش شي نوع د الخمر خرج فسوق مدخلش عندك .. حرمتي و لد صغير من السمع بووووحشية ومااحنيتي فيه و لا فغوااتووو لي باااقي لدابا كيتعاااود فوووودنياااا..... و لووحتيه لشاااارع بلاااا رررحمة ... الوالدة لي دابا راها تحت تراب مهنية كتر مكانت معاك شحال مرة دخليتي عليها العيالات ؟؟ شحال من مرة ضربيتيها ؟؟؟ نتا وجدة دوزتو عليها الصراااط ... هادشي كنتي كضنو غايتلا ليك بالربح؟؟؟؟ لااا الواليد لااا... هادشي لي واقع راه غي نتيجة جرائمك لي غرك فيها الشيطان ... خليه دابا ينفعك ... هادشي كان عليك تكون حاسبلو حسابووو هدا شحال حيت الله يمهل و لا يهمل اسي القحطااااني ...
يالاه خرجو هو يشوفو اسد واقف مربع يديه على طموبيل و كيشوف فيهم و كيشوف مع الفيلا لي ضتيررين بيها شرائط الحمراء د سيزي و جا قرب عنهم كيقول بفمو تو تو تو ( زعما لا لا لا )
اسد : واش حسابتك الزلد لي ربيتيييييه مسيكين غاينساك لالا اسي عزيز على نت قليل ما تهليتي فيااا هلينا نتهلاو فيك ليووم ..... ررركب واخا سمحو فيك كولشي ....انا معاك😈
عزيز بقا غير يشوف مفااهم والو و يونس كيسول اسد بعينيه و اسد غي داير شووفة ديال الانتصار مع ابتسامة شريرة ... فتح لباب د طوموبيل فوجه عزيز و كيقوليه بعينيه اركب! .. و عزيز طوووول الشوووفة حااااس بلي صافي خسر وهو ميكحملش الخساااارة ... شاف راسو مشا مشا فيها .. اللهم تا حياة اسد يضيعها ... اسد شافو تعطل ماركب هو يخنزر وشدو من الكوول د قميجتو و لاحو فطومووبيل و لتخ لباب و عزيز سكد حوايجو لي تكمشو بالقجة د اسد و هااادئ... ركب تا اسد و ديمارا و و يونس و سارة ركبو لور هازين حوايجهم حيت سيزي حجز على كولشي تامن السيارات ... يونس مافهم والوو و كيترجا الله مادير اسد تاشي غلطة لي يندم عليها ... و اسد شاف فعزيز باستفزاز
اسد : نشعل ليك موسيقى غاتكون باغي تحتفل ؟؟؟ اووه بااغدون نسيت مكنسمعش ... رجع كيشوف قدامو و عزيز تقلب كيشوف فيه بشر ..حس بيه اسد و ضور راسو
عزيز : اااه مكتسسمعش .. وعمرك غااااااتسمممع مزاااال ... و كون جات عليا كون حيدتتليك السمع و البصصررر و تادوك الرطلين لي كتمشااا عليهم .. كووون جات عليا كون الهواااء لي كتشممووو نقطعوووو عليبييك
يونس : ااسد ... اسد وقف خليه ينزل عفاك ( من المرايا باش يشوف شفايفو لي اسد ماكترثش لبهم و مبتسم ببروود ووسامة خطيرة ) اسد : هههههه لا واش بصح .. زيد اش كنتي غادير اخور .. ( كيشوف لطريق و يتقلب يشوف لشفايفو ) عزيز بالعاني باغي يستفزوو .. باش يدير ليه شي حاجة و يشكي بيه للبوليس ... و يضيعليه ماتبقى من عمرو فالحبس .. لان كيشوف راسو خاسر خاسر .. غااايموووت غايموت .. الى ماماتش على يد اسد غايموت على يد المافيا لي كتسالو الفلوس .. اللهم يقتلوو اسد باش يدخل للحبس .. طبعا هادي فكرتو حيت مزال ماعرفش شكون هو الروكان .. و بلي محمي من طرف الشرطة ...
. عزيز : مفتاااخر برااسك هاكا ؟؟ صممممك؟ دوك ناس لي ضايرين بيك لي نتا كيحسابتك كيبغيوك راهم غي شفقاانين عليكم منهم لامااااااار .. راااها من نهار سمعاتك مكتسمعش عاد سيدة رطاابت ... علاش زعما؟؟؟ حييييت بقيتي فييييهاا حيييييت صصصمك مسكيييين
اسد : ( مبرررررد لانو عارفو كيديرها بالعاني .. حيت كيشوفو كيخلي ايسباس مابين الحروف يعني هضرتو مترردة وكيقلب على الكلمات .. كيخليه يفهم انه كيدييها بالعاني ... وهو كيف سبق و قولت بعينيه كيعرف شنوو فقلب الواحد ) اووه فكريتيني فلامار ... كتسلم عليك و قااتليااا واااالو نعرض ليك لعرس .. عنداااك مااتجيش ؟؟؟ يونس لور غي كيفرك فيديه محاملش كيحسو هذووء ماقبل العاصفة وهو من نوع لي مكيحملش الغوات و الماشاكل ... وصلو قدام ديبوو د شركة عزيز لي تاهي مدورين عليها اشرطة الحجز الحمراء ... ماوصلو تاكانو غايردو كل مافكرشهم من السرعة د اسد ... سارة خلاص ولات صفرة كان يحسابتها غايفضحها عزيز ... لي هو ناااسييهااا اصلا كيفكر غي فحريرتو ... نزل اسد ووما ليهم ينزلو تاهوما... و عزيز مافهم والو علاش جابو لهاد ديبوو .... روشدي كان فالمكتب ديالو كيجمع ما تبقى من حوايجو الخاصة فواحد الكارطونة تاكيشوف من شرجم طموبيل داخلا .. عرفها د رووكان و لاح داكشي من يديه و مشاا كيضرب فسانسوور يتفتح دغيا .... اسد كااااان ديييجا موجد ليه المفاااجأة ... كككرسي ديال الحديد و طبلة عليها صطل د للحديد مشعولة فيعا العافية زززرقة و حداها مقص كبير كيسخخن .. عزيز بقا يشوف فداكشي و يشوف فأسد...
عزيز: اش هادشي
اسد : سووبرااايز .. عجبااتتك !؟ ( عزيز خنزر ) اوووه نوو ماتقوولهاش تعدبت باش وجدتها ... يونس بقا غير يرد فشعرو لوور وينهج و سارة كتشوف بعنيها و تطلب االله مايجبدهاش عزيز ... روشدي وصل لديبووو و بقاا يطل غي من واحد سريجمة صغيييرة
عزيز مافهم والو ... و سد كلسو على لكرسي ....
اسد : عاقل نهار كلستيني على هاد الكرسي ... مممم كان نهار الاثنين 24 اكتوبر ... مع 10 د صبح بضبط .. يييييي شفتووو على صدفة ( كيشوف فيونس و سارة ) سبحاااان الله تاليوم نفس التاريخ ؟؟؟؟ ووو صدفة زوينة .... ( كيشوف لساعة ) مممم تسعود و 50 دقيقة .. باقي غاتسنا 10 دقايق اخرى اسي القحطاني .. مافيها باس ندررشو شوية ماحد غانقدر نسمع صووتك ... حيت منبعد مكنضنش ...
. عزيز : ؟؟؟؟ يونس : ( شد فيه و ضار لعندو ) اسد !! اش باغي دير اسد غي شاف فيه مجاوبوش و رجع وقف داير يدو فحيبو و كيشوف فعزيز .... نفس الرجل المتسلط بجبروتو كالس قدامو مدلول و لحيتو مغوفلة وحوايحو مشندرين .. نفس الرجل لي حرمووو من السمع بطريقة وحشية .... بقا اسد كيمشي ويجي وهو كيتفكر اااااش دوز عليه .. شحال من مرة تحبس بجووع .. شحال من مرة ضربووو قداام ناس و صحابو .. شحال من مرة هانو .. شحال من مرة ضرب ماه حدا عينيه .. كان كياكل مع القطوط و الخدامة على برااا .. كولشي بسبااااب السيد عزيز القحطااني .. هاذ المدلول لي كالس على الكرسي مخرربق ... عزيز تبعو بعينو حيت عطا بضهرو و هو يلمح عندو سلاح مخشي مع سمطة د السروال و بقا يرررمش شحال... فهمو باغا يقتلووو ... و فرررح حيت هو اصلا كيشوف راسو ميت ... ضار عندو اسد كيشوف فيه .
اسد : الموت راها رحمة ليك ... و انا ماباغيش نرحمك .. يونس كلس على واحد الكارطون و بقا يشووف... فشل و تخربق ... ماحيلتووو لباااه لي كيشوفو فداك الحالة و عارف ان اسد غايصفيها ليه اليوم .. و بلي هاد نهار هووو لي كان كيتسناه هادي سنين .. و لا فاسد لي خوه وكايبغيه و عارفو تضلم بزاف و من حقو يدير فعزيز كتر .. و لا فمستقبلو و اموالهم لي ضااعت و تلاحو لشاريع ...
. عزيز : و اش باغي دير ؟؟؟؟ اصلا اش فجهههدك ماادير ... كووون كنتي قاادر دير شي حاجة كنتي ديرها شحال هادي ماشي حتاا لدابا ... و حتا سيفطت ليك لامااار ..
. اسد : هههههه ... ( جر واحد الكرسي و كلس بشموخ ) نديرو واحد عملية حسابية .. انا و ياك ... بسيطة ...( رجع بلور تكا و ربع يدو طيشوف فعزيز و روشدي كيسمع ) شنو خلاك .. تسيفط ليا لاماررر ؟؟ ... الفلوووس! ... وشنوو خلاك محتاج للفلوس ؟؟؟ سمعة الشركة لي طاحت ... و شنو خلاها طيح ! الديوون لي تراكمو ... وشنو خلاهم يتراكمو ؟ الصفقات لي خسرو ... و شكون خسر الصفقات ؟؟؟ مم !!
عزيز : ؟؟؟ م ماافهمتش
اسد : خصني معاك الخشيبات اصاحبي .. المعادلة بسيطة كتعني بلي اااسد .. داك الوليد صغير ... راخه منساكش... وراه كان كيوجد ليك لهاد نهار ( وقف تاني ) و لهاد الكلسة ... لهاد الكرسي... لنهار للاثنين 24 اكتوبر مع 10 د صباح ... نفس للتوقيت .. نفس للتاريخ ... و نفس الكرسي ... و نفس طريقة التعديب ..... غي الفرق دابا هو نتا لي كالس .. وانا لي واقف عزيز : نفهم من كلامك نتاا سباب دمار الشركة
اسد : لا لا لل ... ( يونس غي كيشوف اول مرة يسمع هادشي مكانش عارف اش داير اسد ) لا لا انا ماشي سباب دمار الشركة .. انا سبااب دماااار جبرووت عزيز القحطااااني .. لتصحيح فقط ( غمزة ) عزيز : ( مغدد) مكتسواااااااش
اسد : ( بهدوء و ابتسامة ) حتا نتا ... عزيز : لا لا مييمكنش ... مايمكنش تكون نتااااا ... لي خسرولي صفقات هوما عصابة كاتسااالني ... ماشي نتا ..
يونس : اسد.؟؟؟؟ و واش نتا لي ... اسد : ( قاطعو ) شنو حسابتك اسي عزيز ... غاتفلت بفعلتك .. و لا ياكما حسابتك هبيل لداك درجة لي نجي نهجم عليك و نقتلك وسط دارك ... لا لا لا .. انا مابغيتكش تموت ..... انا باااغييييك تمناااهااا.... بحال كيما كتمناها دابا
يونس : اسد جاوبني ... واااش نتا لي من ورا صفقات لي كانو كايخسرو !؟
اسد : اه ... شي مانع ! انا وراهم ... و انا هوو نفس الشركااات الوهمية لي تعاملتو معاهم .. انا لي سيفطت لسي عزيز هادوك لي بلاوه بالقمار تاخسر فلوسو فالبيرااان و الكارطة ... كانت اول مررررحلة غانديرها ... و غي سي عزيز القحطاني خسر فليلساتو قدام اككبر و امهر لاعبين د الكارطا لي انا سيفطتهم ... فكرتو بلي كتسناه شركة بواااحد الصفقة انا سيفطتها .. لي كان مبللغها ( شاف عند عزيز ) شحال اسي عزيز
عزيز : ( راسو فاالارض كيتفكر ) 800 الف درهم
اسد : ... و داك المبلغ هو لي كان عند باك مسكين تحت يديه حطو فالصفقة يااااخساارة .... و طلعات وهمية ففف فقصة ياك ...... و باش نخلييييه يتشبت شوية بالامل و مايقتلش راسو حيت باقي محتاطو .. سيفطت ليه ناس يتعاملو معاه حقيقيين ...نجحت ليه جوج صفقات لي كان ربح ديالهم شحاال اسي عزيز (شاف عندو ) عزيز : ( مغدد ) 400 الف درهم
اسد : فوااالا ... و منبعد جات صفقة اخرى .... كانت كطلب شحال اسي عزيز !!! عزيز : 400 الف
اسد : وهاااكااا ورد ليا الواليد ديالك الفلوس لي ربحتهوم ليه فدوك جوج صفقات ... وخسرتووو فثلاثة بعد ما رديت فلوسي .....وهاكا طاحت السمعة ... و طاح ااسم .. و القحطاني ز لا فالحضيض ...و تسلطات عليه عصابة كتبيع ليه السلعة بالنواااار حيت التجار مابقاوش باغين يبيعو ليه ... و فجاة داك العصابة مابقالوش باش يخلصها .. وهي تهددو بلي الى مجابش الفلوس غاتقتلو ... وهو يقلب على لاماار لي تنقدو ... و جاب لياااا مرااا و حب حياااتي تالبين يدي .... لي تاهي تقلبات عليه ..... وهاكا رجع سي عزيز القحطااني مدلووول مممقطع .. كيتمنى الموت ... و علاش قنضرك كيتمناها .. ههههه كيت باقي كيضن مسكين بلي لاقتلتو غانتحبس هههههه ... واش كضنني هبيل اسي عزيز !!! و لا ياكما كيحسابتك باقي مكبرتش ... هم !؟ عزيز بصدمة ماقد يقول والو و يونس غي كلس و شد على راااسو و سارة مافاهمة تالعبة
اسد : لنا عمرني ننسا ... و النوووبة راها جايااا على سي روشدي .. حتاااا هو ياكل حقو ..... ( اسد شافنووو من لول كيطل و بغا يسمع ليه ) روشدي غي سمع ديك الهضرة نزل على داك الكراطن لي كان طالع فوقهوم و مشا كيجيري كيعيط فتيليفون .. ...و اسد شاف لساعة
اسد : اووووه تلهينا بالهضرة .... هاهي العشرة .... قرب ليه الطبلة و عزيز كيشوف معاه و يشوف فطبلة و فداك للمقص لي كيسخن وروشدي فسرجم كيشوف و يسمع مصدوووووم اسد : ( كيسخن المقص ويهضر ) كيف ما حرمتيني نسمع صوتس ... حتانا نتا غانحرمك تسمع صوتك .... غي للفرقلي داين هو انني مكنت كنقد نسمع ناس لي كتعايرني فضهري باعاقتي ... و لاكتا نتا غاااتقد تسمعهاااا ( خنزززر و زيير ليه على فمووو فتحو ليه )
يونس شافو كيفتح ليه فمموو و عزيز ولا زرررررق وهو عارف انو على ضفاف النهاية ... اسد سخخخن داك المقص مزياااان وهو كيحاول مايفكر فحتى حاجة لي تفيق ضميييرووو .. كيفكر غير فمعاناتو مع السمع و نهار تعدا عليه بدااك الوحشية .. كيحاول يقققسح قلبوو .. خااااصو يديررها هذا هو الصواااب .. يونس مقدش يشوف فالمنظررر تعععصر ولا مخربق و مافاهم اش طاري ... كوولشي ولا كيحسووو لعبة .... اسد زير ليه على فموو و جبد ليه لساااانووو و عزيز خررررج عينيه .. وكتركل ليه فوق الكرسي هز ديك المقص وهو سخوووووون تاولا الحديييد ديالو حممررر فنفس لون عينين اسد فهاد اللحظة وهو معااافر مايفيقش ضمييرووو .. وكيخاول يقرب لمقص للسانو يقطعو ... تاكتشدووو يد يوونس و شاف معاه
يونس : اسد ... متوسخش يديك فيه .. صافي طلقو كنضن لي درتي ليه راه كافيييي و زيادة ... ولاكن راه كيبقا الواليد منقدش نشةفو فهاد الحالة ... لاكانت عندي ليا شي قيمة عندك طلقو ربي يخلصوو ... نتا ماشي ديال هاكا اسد ....
اسد بقا يرمش بعينو و يشوف شحال فعزيز مزير على فكوووو و كيحس بيونس كيتعدب من داخل ديالو للحظة اختلست لداكرة ديالووو ديكراياتو مع لراجل لي رباه و حط راسو فبلاصة يونس ماكنش غايصبر . و سارة غي كتشوف و تبرقق فعينيها .... اسد لاح دااك المقص من يدة الارض وداز قدامهم كي البرد و خرج بزززربة تاوصل حدا سيارتو عاد وقف كينهج و فتح صدايف د شووميييز كيتنفس حس بالخنقة ...
يونس مشا بجيهة عزيز لي ماعارف يفرح و لا يكعا ...
يونس : حمد الله وشكرو لي اسد ضميرو حي ... ماهو لي يدير فيك ماشي قليلة ... كرهتني فالابوة اسي القحطاني
جر سارة فيدو .. خرجو برا لقاو طوموبيل د اسد يالاه كسيرات مشات ... تاااسمع غووووتة بجججججهد و دخل كيجري لقااا عزيز غالرق فدمايوووو و خاشي قرعة زاج مهرسة فكرشووو و دم خارج تامن فمووو .. سارة شهقااات و شدات على فمها و يوونس جاتوو دوووخة كان قريب يطيح و شد فالحيط ....
اسد كسيرااا بسياارة ماااشي مرفوع و غي كيفكر .. ماعارفش واش تصرفو صواب و لا غلاط ... تامعرررف منين خرجو ليه 6 طوموبيلااات و داااروووو بيه عاامرين غي بالرجال كيف الحلالف ... و اسد يقا يشوف معاهم و شاد على الفولون كيشوف ااااش باغين يصنعوو .....
خرج واحد ... و واحد منهم اتصل بهداك لي سيفطهم زقال ليه بلي صافي ضارو بيه .. لي خرج تمشا بجيهة سيارة اسد... و تكا ليه على زااج د سرجم
- الروووكاااان ... ليوم طحتي فالشبكة ... .
اسد ربع يديه و ككيشوف فيه حيت هو اصلا طبعو ماشي خواااف و دازو عليه قبح من هاكا ...
اسد مابغاش يرد عليه غي كيشوف فيه بمعنى "مسكيييييين هههه" ...
لاخوور حس بالاستفزاااز من التصرف الهاديء د روكان ... و هببط كيعيط لرجالو .. و اسد تأكد من سلاح واش عامررر غي بالفن كاع ماشافوه و ردو لورا سروال و نزل عندهم ..ظ. وهوما يتجمعو عليه و مسلحيييين ...
اسد : اش واقع ؟؟؟
جا عندو واحد لي كايبان مزعمهم وهو لي هضر معاه فلول ...
- جينا نتصورو مع الروكان ديالنا سيلفي .. ملينا نشوفوك اصاحبي غي فللتلفازة و جورنالات ...
ايد : و بستة ؟ ( جبد سلاح ديالو تاهو لي رشاش فالحجم الصغير بثلاث فواهات و مصمم فروسيا منقوش عليه الروكااان ... طلقة وحدة تقضي على ثلاثة لاكانو فنفس الخط ... داكشي لي دار تيرا فيهم لرجليهم حيت هو ماشي قتال ... وطاحو ثلاثة فدماياتهم ورجليهم موش يوقفو عليهم ...و جر عندو لاخووور مول سلاح و بقاو جوج كيشوفو فلخر مشاو تخبعو ورا طموبيلات...
هداك غفل اسد و لوا دراعو و ضربووو لكرشووو ضررربة قووووية و تسلت منو و رجع عطاه ببونية لوجهو تا اسد رجع بلووور وتلتخ مع طوموبيل لان ضربوو لكرشو ززواه بالبيان .. و رجع ناااض عندووو قجووو من عنقو و ضربو برووسية تاجا على ضهرو و هبط عندو طلعوو لعندوووو
اسد : الشماااتة هو لي كييييغفل .. اما الراجل كيعطيها فالوووووجه ( عطاع بوونية و رااا لوخرا تاخلا دمايات سايلين من نييفووو ووقف كيضرب بركاالي لكرشو مع كل ركلة لاخور كييبزززق دم من فمووو .. تالشوووية كتسممع 2 طلقات وحدة ورا الاخرى جاتو من ورا السيارات لكرشووو ديركيت وحدة فصدرو و بقا شحاااال واققف معصووور من حريقها .. و لي طايح فالارض كيشوف بعنيه وسط دمااياااتوو و اسد طاح على ركابيه شاد على كرشوو لي سايلا بددم و عينيه حمارو ومعصور ... و هدااك ناااض كيعتر فرجليييه وبدا ينوض فلوخرين لي رجليهم كينزفو و داروهم فطوموبيلات وهربووو ... و اسد بقا شحاااال متكي على رويضة د طوموبيلتو و دددم كيخرج منو و ضبابة كدوز ليه على عينيه تاكاااايغبر على الوووعي فمممممرة و بقا غي البيااااااااض ........
🌻 بعد مرور اسبوع 🌻 ...
دقة فالباب خفيفة و نبرة مبحبحة جاوبات
لامار : دخول ...( ناعسة فوق سرير و جامعة رجليها عندها ووجها حمر )
آمنة : صبااح الخير على الوريدة ديالنا (داخلا ب بلاطو د الفطور حطاتو على كوافوز و كلسات حداها كتحادي على جبهتها ) الحمد الله سخااااانة هبطات .. شفتي قتلك غي غاتشربي دوك العشوب د البارح غاتبراي
لامار اكتفت بابتسامة بائسة
آمنة : وخلااص ابنتي سيمانة ونت شادة عليك هنا ... هاد نهار الطو زوين و كاع كيسولو عليك برا و توحشتو ضحكتك .. عقلتي نهار حلبتي لينا الثوور و مخليتي لمن عاودتيها كلشي مزال مفكرهااا هههه .. نووضي ابنتي دوشي ليك و خرجي غاتحسي براسك مزيان و غايفوجو عليك
لامار طلعات فيها عينيها شحاال عاد نطقات
لامار : ماكيسولش فيا !؟
آمنة: أسد .. !؟ ا .. ل لاا ..( مخربقة حيت هي براسها مشوشة عليه حيت كان كيعط كل ساعة و دابا اسبوع ماعيط تاحد فيهم و تامن عادل معطاها خبار ) نوضي ابنتي موجدا ليك فطووور من داكشي
لامار : ماسوولش فيااا كاااع ( ناضت )
امنة : اا غي تلقااايه مشغوول مع الخدمة كتعرفي شحال من حاجة على ضهرو مسكين
لامار دارت ضحكة مستهزأة
لامار : مسكيين !انا لي مسكينة دايرني لعبة ... مرة يعلقني بيه .. مرة يخلني نبغيه .. مرة يلوحني بلا ما تايسول .. اكيد بغا غير يناتقم مني على اش درت فيه بحال عزيز .. وراه لقا احسن وسيلة .. مرمرد قلبي بالبيااان
آمنة تنهدات و خرجات .. ولامار ربعات رجليها على سرير و دارت مخدة و تكات يدها عليها ...
لامار : ااااكبر هبيلة هي انا .. كالسة هنا و ضاربها بسهطة د المرض على قبلو هو لي مكلفش راسو تايسول فيا .. يسول فهاد الحمقة لي لاحها هنا ... علاش جابلي هاد تيليفون الى مغايعيطش فيه (هزاتو و لتخاتووو مع الحيط) تفوووو ... ثقتي فبناااادم و نيتي هياااا لي غاتخرج عليا ...
لاحت ديك الوسادة و ناضت كتجر رجليها لحمام و دخلات كتغسل فوجهها توكض و بقات كتشوف مع راسها فالمرايا .. تحت عينيها كححححل و شنايفها بياضو ووجها بهااات بحالا فيها لموت و بدات كتسقل فراسها
لامار : مااالك وليتي هاااااكا واش نت راااجل يدير فيك هاد الحالة .. نسيتي بلي نت زويهرة لي مكيديرها بيها تاوحد زعما ... و نهار طحتي طحتي فخطرة ... شكوون يكون كاع لي تخسري عليه صحتك ... نووضي تكككعدي و عيشي حياتك كيما هو عااايشهااا ... عند بالو الى لاحني هنا غايعاقبني و لا ينتاقم مني.... لا اسيدي غانخليك تحححس بلي راك درتي فياااا اكبرررر خير ... عارفا عندك لي كيوصلك خباري .. و غاتفرح لاسمعيتيني فالفراش مريضة و مفقوصة .. و لاكن دابا لا .... مغانخليش ليك فرصة تفررررررح فيها .... غاوصلك غير خبار لامااار نااااشطة و عاجبها الحال ....
نترات ريدووو د فين كيدوشو و دخلات موراه و بدات كاتلوح حوايجها فوقو بياااسة ب بيااسة و طلقات لماااااا سخوووون كيهبط عليها تاغطا شعرها السارد عينيها المفقوصين .... غير عمر البانيو تلاحت فيه كترولاكساااااا و تحاول تبدل اي حاجة تسببات ليها فكل المشاكل لي مرات منهم .. منهم الثقة فناس منهم النية و منهم التبهليل .... و لاكن لي ماعارفاش لامار هو لي طبعووو مررررح ... راه مايمكنش تبدلو .. و غاتبقا فنفس مرحها و تبهليلهااا الحلو و شقاااوتها و خا غاتحاول تقسح الغشاء الخارجي .. الداخلي غايبقا رطيييطب و شقي.... غير غاااتنضج شوية ...
حبيبي الأصم الجزء 23
محتوى القصة
التنقل بين الأجزاء