اسد : عارفو عرس مالي قتليك غانطهر ليك ؟ ... وصافي احبيبتي راه عندي اجتماع وزيد عاد غانوحد راسي تا انا
لامار : ناااري ا ا.. دابا صافي ليوووم غااانتزوجو ...كنتي غي تعلمني ففففف ناري .. ونا جايا من جزيرة كحلة بشمش كي ليزانديان ... اوا والحماام ؟؟؟؟ و نكافة جبتيها شوف والله مكان عنها الحلوق د زغاريت كيريب سواري لانكفتني
اسد : وشنو هادي ؟؟؟؟
لامار : مكتعرفش نكافة و باغي تزوج ؟ اشمن عرس هذا دايرلي اااااجي ياكما حسابتك غا عشاااا وتقولي زيدي قدامي كي شي وحدة مطلقا ربعة ....اووووالله لامشيت لامكاااان عرس مطرطق بالعماااريا و دقاقيقة و بسطيلة و تبركيك باااش نلوح البق على جيران ونفقص مرارتهم ( طيييط طيييط ) الوووو الوووو والله الى قطع ... ( حطات داك تيليفون ) مانعرف كيفاش دابا هاد العرس لي غايكون داير فنهار واحد ؟ وزيد السيد قااالك عاااد عندو اجتماع باينا غايديرلي زواج الحاجبة .. و ونااا مختااريت وااالو عنداك تكون شي برررزة خاايبة و الله تانقتلو ... ولا شي تغطية ... خصصصصني فالقاااعة.... نااري نووضي الامار وووحدي راسك هذا راه روكان واش غايدير ليك التغطية باينا نوجد شي حاجة زوينة ..
ناضت كتغزز فضفارها نزل عليها التووتر وهي كتشوف فيديها ضفارها مامسكدينش و شعرها منتوف و تالوزن زادت فيه بزاااف تادخلات عندها البنت
- لالة .. نقدرو نبداو داباا
لامار : ها؟؟؟ وو فاش؟ بغيت نقووول ...وواخاا ..
خرجات معاها لعندهم و لقات عيالات اخرين مستفين
- هادو هوما لي غوب الالة .. ولاكن سي اسد راه ختار هادي مصممة خصيصا لعروستو هادي كتر من 5 سنوات من طرف غيسي بوول .. من حجر الكريستال الحر و توب الحرير الجنوبي .. و دونطيل دهبي خالص .. ( لامار غي كاترمش ) .. مي الى ماعجباتكش راه يمكلك تختاري على دوقك ... و سي اسد عاطيك كامل الحرية ..
مشات كضور معاهااا وتقيس فيها ...كاع لي غوب لي كانو تما واعرين ولاكن هادي شي حاجة طوووووب فخخخمة وفغاية الرقي
لامار : اا ص صافي بغيتها ... غاناخد هادي ..
جات وحدة كتاخد ليها القياسات باش تمشي تقادها على الطاي ديالها ...
- تفضلي هنا عندك صبابط ...
بدات كتختار لامار طاحت عينيها على صباط بيض و فيه تقريبا نفس الاحجار ولي موتيف لي فالغوب .. و ختارتو ومشات للورد لي كتهز فاليد و ختارتو و و خبيرة الازياء كتعاونها فالاختيار .. مشات للمجوهرات ختارتهم تاهوما وعطاتها نصيحة انها تتكتفي غي بالحلقات باش ماتجيش شاغجي حيت باقي تاج... وخصها تبان كلاص و راقية .. سمعات ليها وختارت حلاقات زوينين و بغاسلي خفيف ... سلاو معاها من لازياء .. و هي تبع وحدة اخرى للحمام ... حيت طلباتو لامار بلدي ... الابتسامة مرسومة على فمها و فنفس الوقت التوتر ...شي حاجة مكانتش على بالها ومادايراش ليها الحساب .. جاتها على غفلة ... واخا ماعجبهاش الحال حيت ماختارت والو وكولشي بزربة و لاكن كيف قال اسد الاهم هو غايتزوجو ... وهي كانت كاتسنى هاد نهار بفارغ الصبر كيفما اي بنت ...
دخلات الحمام البلدي وحدة كتساعدهاا دوشااات مزيان بطين الاخضر " كيتسنا لي سميتو😂" لي كيرطب الجسد و صابون البلدي .. الحمام كان غير صغير بزليج البلدي ازرق و ابيض و فيه سقايات و سطولا مدهبين .... شموع وورد و خزامى منثورين فالارض ... كنعياااو مانشيرو فالمواد الكميائية الا انها كتبقاا الطبيعية ولمغربية هي لافضل .. من بعد دوش خرجات حنيكاتها حمريييييين و ب بينوار .. وهي تلقا وحدة اخرى مكلفة بالجسم .. مشات تبعتاها لواحد الجناح فيه سرير ابيض ... نعسوها عليها بعدو ماحيدولها البينوار و بقات هاكاك عريانة .. دارو ليها الخيار فعينيها و حجيرات مع صباع رجليها و بداو كيحدو ليها الشعر الزائد بلاسيير .. و دارو كوماج للجسم و كريمات مرطبة تاخلاو جسدها كيف البيبي مع هي اصلا جسدها رطب و كملات دابا .. هوما كيخدمو فيها وهي عاااااد تفكرات بلي راه لييييييوم .. اليوووم الموعووود.... يوووم البلووط و ما ادراك ما البلوط قلبها بقا كيضرب كان حسابتها صافي غي غاتعرس وتصور و ترجع لدارهم نسات الى كيتبعها التشنشيط .... ديكشي فكروه ليها فاش كانو كيدير لاسيرر لتوتو ويرطبوه ..
لامار : نااااري مي ... لااااااا .. ليوم يفدي فيا كاع دوك الايام لي كان يبرد بالما ... ففف غانقوووليه مزال مشريت ثوب البيض و نأجلو ... العادات هوما العادات ... ولا نقوليه جاتني ليغيكل ؟؟؟ فففففف يمكن نقوليه فياااا سيدااا .... ونااااااري مي ليلة يكزرني ...
سلاو منها و لبسات كسيوة خفيفة عطاوها ليها و مشااات لصالون تابعة بنااات اخرين ... جابووليها لاغووب حيت وجدااات .. كان معها شورط قصير و سوفيطمة بلا سماطي و كتبان كي اللحم حيت توبها مكيبانش غي باش ترفع ليها الصدر وميجيش الراس بارز .... لبساتهم عاد لبسات فوقهم لاغووب طلعو ليها السنسلة وجات حسااااب مع طايتها مابغاوش يعطيوها لمرايا يكفي فهمات من ملامحهم لي غاياكلوها انها جات زوينة ... كلسااات على الكرسي ووحدة شدات شعرها كتصايبو و جوج شدو رجليها كيصابو ضفار من بعد انتاقلو ليديها وهي كالسة كتغزز فسنااانهااا ماعرفا تفرح و لا توتر ... و عاجبها هاد الدلل كامل لي مكانتش غاتلقاه مع شي حد من غير اسد ومتصوارتش راسها شي نهار غاتعيشو وهي غي بنت الحومة الشعيية و راقصة الكاباريه .. خداااو وقت هوما كيصابو ليها فشعرها مسكينة راسها ضرها بقوة التجبااد واخا موولفة الى ان هادو كتر و كيزربو .. سلاو ليها ضفاارهاااا ودارو ليها كلوور خفييييف غوز جااا زيون مع يديها بويض ركبات خاتمها و بغاسلي .. و جات مولات الماااكيااج كلسات حداها كتصااايب ليهااا .. قبل ماتبدا حبساتها لامار
لامار : صبرووو صبرووو راااه فيااااا جوع
- نساليو ليك المكياج و ندويك تاكلي
لامار : لا دابا جعت لامشيت تماكيت عاد كليت غانخسرو ...
خرجو طلبو ليها اش بغات عاد رتاحت ملي تكات على الكرسي و كتشوف مع لاغوب ديالها لي طووووووووب حمقاااتها ... تاجابو ليها الماكلة فبلاطو و كلسات تخشي فوجهها
- سبحان الله كنعرف العروسة كتمشي ليها الشهية نهار عرسها
لامار : انا توتر كيطيب ليا جوع ...
بدات كتااكل و البنات كيشوفو فيها تاسلات مسحات فمها .. عاد كملات ليها وهو يصوني تيليفون ل لي مرأساهم و كتعطي اوامر
- الو .. وي سيدي ... اا باااقي واااحد 40 دقيقة هاكاك و تكون واجدة
ضارت عنها لامار
لامار : اسد ؟؟؟؟؟ عطييييه ليا ...
- لا لالة هذا سي عادل ..
لامار : تفوو كاع ماسول فيا و غاتزوجو زعما .. كنت كنتخيل نهار نكون كنصايب لعرسي راجلي ميقطعش معايا الهضرة .. ونا لا خطوبتي لا عرسي معرفتهم امتى تندارو و لا كيفاش ....
بدات كضحك مولات الماكياج وهي كاتصاااوب ليها .. دارتليها مكياج عرايس فنفس الوقت راقي وو بسيط جا مع ملاااامحها طفولين .. وجات عروس طفلة غزالة ... مع ضلال عيون فدوغي .. حيا دوغي هو ملك الالوان لهاد ليلة الدهبية كيف سماوها اصحاب تجهيز الحفلات لي جاب اسد ... مع عكر احممر ماااط جا مع شنيفاتها و سنينتها ... سلات المكياج و لبسات صباطها و عطاوها الورد و جابو ليها مرايا طويلة هااد بدات كتشوف مع رااسهاااا و حااالة فمها .... ووحدة جات من مورهاا كاتركب ليها الفوااال "الطرحة" لي خفيييف و رقيق تطلق من لور طوييييييل .. فداك اللحظة وهي كتشوف فراسها ماعرفتاش منين جاوها دموع
بدات تعلي راسها تحبسهم و البنات بقاو غي كيشوفو مع بعضهم مالها .. هاد اللحظة من وهي صغييييييرة اول حاجة تعلماتها هي دير ثوب بيض على راسها و تخيل راسها عروسة ... كتعمر كرشها بشراوط و دير راسها حاملة و لا تهز صاك فيدها و تلبس طالون د ماماها و تمشاااا بحال شي وحدة مزوجة ... شحااال مثلات هاد دور و دابا جا الوقت لي تعشيو فلحظة حقيقة مع راجل كيبغيها و كتحماق عليه و شافت حياتها زوينة معاه ...
بقات كتمشا حدا المرايا و تبتسم لاغوب خلانها تبان اميرة ... خرجات من تماا و عطاتها وحدة تمرة كلاتها ...الحال كان ظلام ... وكلسات كتسول فوحدة
باقا كتهضر وداك البنت علات عينيها كتشوف فلباب الريق سرطاتو عنيها تبلوكاو ... دغيا جمعات راسها ومشات لامار مافهماتش مالها وبدات كضور بشوووية وهي تلمح أميرها واقف بوقفتو المعتااادة ...ببدلة رااااقية سروال اسود و قاميجة بيضاء و كوستيم فااازرق غالق مع الجلد فجنابو و بابيون .. و شعرو مسكد لواحد جنب و كيلمع و لحية مقااادة .. وريحة بارفان عاطيا منو كتهبل ...هاز بواط فيديه وكيشوف فيها مببببتسم و عينيه لسقوو فييهااا ... فأميرتووو لي خطفات قلبو بكدوووبهااا ... ببراااءتها .. ثم بجسدها ... ثم بجملها .. وليوم عرووس .. كيشوف فوجهها ويتفكر اوووول نهار جات عندو ملي فتح لباب فوجهها وهي مادة شفايفها ... ملي شافت نمر وجات عندو كتجري ... اول قبلة بيناتهم ... اول مرة تعترف ليه بحبها ... عنادها شقاوتها ... ابتسم مطوووول و بدا يقرب ليها بخطى بطييييئة و ملامحووو كيبانو هادئين و حنان كتر من اي وقت وهي كاتشوف فبه باغا تبكي ... هذاك لي مشات باش تنصب عليه ليوووم عريييسها و مأنق على قبلهاا ومهاه غاتشرك الفراش و للاسرار و كولشي.. و هز يدها باااسها بببشوية وبدا يضورها و كيصفررر وهو كيطلعها وهبطها ويعض على شنافتو ...ولسقها معاه بالمقلوب عاطياه ضهرها و يديها شادهم و باسها فعنقهااا و بعد هز واحد البواط كان فيها تاج ابيض ماسي مرصع انيق و راقي .. حطو فوووق راسهااا وضورها لعندو
اسد : ودابا كملات حلتك اميرتي
لامار عيات تعافر تهضر ونقول كلمة مقادة مقداتش
اسد : ههه ( بعد عليها كيضحك وحك فليحيو ) اشنو ؟ ...فين داك لسان طويل .. سرطتيه اروحي ؟
لامار : صبببر كيفاش يالاه ... مااالك كون رومنسي شوية
اسد : راه لابستك مابقيناش ماشييين
لامار : متنهضرش انا على البوساان .... ززعما قول شي حاجة زوينة راه غانتزوجو من قبيلة و نتا تزرب عليا ... راه اي عريس فهاد اللحظة كيقول حاجة زوينة لعرووستوو مكتشوفش الافلام ؟؟؟ .. وزيد عاد راه مفخباريش تابهاد العرس خليني غي نتسوعب و نتيق
اسد : حبيبتي كتعرفني كيداير .. يعني لاكنتي كتسناي ديك وااااش قاااابلا تزوجي بياااا و نعشيووو مع بعض و داك تخربيق لاااخور راه مكنعرفش ليه زائد كون مكنتيش باغا كاع مغالقاك لابسة اولا ؟؟؟
لامار : وغي حااااول قول شي حاجة طلع لي معنويااااتي ازمر ... دابا فليلة عرسنا غانتعايرووو
لامار : اااااسد ( ضرباتو بداك الورد هو كيضحك )واااش ما كانقول حتا كنسا المووضوع كاتفكرني فيه
اسد : ههه اوااا اش غانقوليك انا هادشي لي عارف دابا و كنتسناه
لامار : بعدا غي كيجتيك
اسد : ( كيشوف معاها ) ممم ... خطيييرة .... غير هو احبي كتعجبني على طبعيتيك .. مي لاغوب جات معاك من داكشي ( ضربها لي هونش ) احح عليييك راك نت لي جتي معاها حق الرب هاد ليلة تاناااااكلك ...
لامار : صاااافي سككككت ...( كيشوف فيها عاض على شفتو ) تانتا جيتي زوين ..
اسد : عارف يالاه اروحي ...
طوا دراعو باش تخشي فيه يدها و داكشي لي دارت و هبطو فالمصعد تاوصلو لسيارة لي كانت كتسنا .... وجا شيفور حل ليهم لباب ركبات لامار فلول و ركب هو لي صاك و شيفور بقا تما ...
اسد : مكنرتاحش يصوك بيا شي حد و بغيت ناخد راحتي عندك شي مانع ؟
ديمارا طوموبيل وهي كتتترعد بالفرحة ووتوتررر وهو شاد فيديها كيبوس فيها واخا كيبغي يدوز الفيتاس كيدوزو بيديها ماباغيش يطلقها وهي فرعات ليه راسو بالاسئة بشنو موجد فالعرس .. تاشافت راسها دخلو فواااحد طريييق طويل ومضلااام ... على لبحححر عاد كتشوووف بناااية عريضة بحال فندق على البحر .. كوووولها كضضضضضوي .. محدو كيقرب وكيتزاد روووعة و الاضواء ديالها معكوسين مابين السماء و البحر .. وهي شدات على فمها من الدهشة وهو مامسوقش خاصو غي امتى يتفاااك و ينفرد بيها .. خصوصي ملي عارف الصحافة خصها تكون ومكيحملش لقائاتهم .... ولاكن كيبقا هاد نهار هو النهار الموعود لي كان كيحلم بيه من نهار بغاها .. وصلو قدااام المدخل و غي حبسات طموووبيل جااو رجال لابسين سلاهم بوويض و طرابش حومر كيجيرييييو و فتحو ليه لباااب وهو شاف عندها لي بقا حالا فنها وفرقع باصابعو حداها تاتخطافات وشافت فيه
اسد : كلامي لي قلت واش سمعتيه ؟؟؟ ماتهضريش بزاف و جاوبي غي بقياس ماتقولي والو على لحياة الشخصية ديالك و ديالي داكوغ ...
لامار هضرتو هي كاع مكتسمعها غي دهشانة فطموبيلااااات لي غي اااخر مووووديييييييل و السيارات الفخمة .. محطوطين تماااا و تقريبا الماطريكولات غي دخارج البلاد اروبا و الخليج... لمدخل عااااامر بصحافة و لي كارد بصح الحظور مامخريجنهمش لبرا كاينين فالمدخل الرئيسي كيتسناو
نزل اسد وهو كيسد صدافة د كوستيم بيد وحدة و صحافة كتصور فيه الفلاااش د الكاميرات عورهم ومشا فتح عليها الباب و مد ليها يدو ..
اسد : ( بابتسامة عريضة قدامهم ) غاديري شي حركة اخرى غانجمع مك شمال .. خلي هاد ليلة دوز على خير
لامار : اسد ؟؟؟ نهار عرسي كتهددني
اسد : قيدي عندك ...
....زادو وهي شادة فيديه و ماشين مشيو الامراء و السلاطين ... ضو
الفلاش كيضرب فيهم وهوما خطوة بخطوة حتا وصلو لمدخل طويييل كان مفروش بزربية حمراء منثور عليها الورد و للابوجورات على الجنااااب ... باقين على برا ...
قربو يوصلو لعند صحافة لي منضمينهم لبوديكارد باش متوقع الفوضة و الاضاءة كانت قليلة غي حتا وصلو قدام الكاميرات د القاعة وهو يتضرب فيهم ضو قوي وناس فلاصال كاع كيتفرجو فيهم من البلازمات و كلشي كيشوف شكون هادي لي قدات تخطف قلب الروكان لي مكسدود ب7 قفولا ...
وصلو قدام الصحافة لي كتصووور و هو معلي حاجب و مبتسم اوا تخيلو ليا هاد الابتسامة مع الحاجب مععلي كي غاتكون ... وهي طالقة سرهاااا وعنيها كاملين كيلمعووو كتحس براسها صاحبة السمووو بهاد الرقي كامل ... قربو ليهم المايكوروفونات لي كل واحد عليه شارة القناة لي تابع ليها و بداو بأسئلتهم المعروووفة واسد كيجاوب بكلمة و لا جوج تالتفتو ليها وهي تجمع ضحكة
- مبروووك و الف مبروك بالرفاه و البنين ... سؤالي ل لالة العروسة عارفين ان الزفاف هو مفاجأة كان محضرها ليك سي اسد كيفاش كانت ردة فعلك
لامار : ( شافت عند اسد لي كيومي ليها تجاوب و رجعات شافت فيهم مبتسة ومن داخل كترعد ) .. اجمل حاجة طرات ليا
- واش نقدو نعرفو احساسك فهاد اللحظة و نت فالزفة و بعد شوية غاتعلني رسميا زوجة لاسد الاسماعيلي
لامار : الاحساس عمرو كان كيتقال بالكلام .. ( شافت عند اسد بكل حب ) ربما هو حلم كنت كنضنو بعيد .. لاكت اسد قربو و خلاه يتحقق هاكا فجأة و بدون مانعرف لقيتو غايتحقق ليوم ...و نعيشو مع بعضنا لي بقا من حياتنا .. ( عينيها دمعو وهي كاتشوف فيه ) نعوضو ويعوضني ... نولدو وليداتنا و نشفوهوم كيكبرو قدامنا... مشاتقة نشوف اول شعرة غاتبيااااض فراسو و ربما نقدر نتفها حيت مغانبغيهش يكبر و غانبغي نبقاو ديما هاكا و معمرها تسلا اللحظة ... مشتاقة نشوف اول التجاعيد لي غاظهر عليه ( اسد غي كيرمش باغي يحبسها و فنفس الوقت ماباغيش )وحتا اول حاجة يبدا ينساها .... احساسي ربما شي حاجة كبر من الكلام ( شافت عندهم و مسحات بصبعها بالخف تحت عنيها دمعة قبل ماتفضحها ... )
- ربي يخليكم لبعض حتا تحققو جميع امانيكم ... سي اسد من عينيك واضح اننا بلا منحتاجو نسولوك ... ولاكن غانضطر نسولك السؤال التقليدي ههههه واش نتا مستعد تودع للعزوبية و الحرية
اسد : زواج مكيعنيش توديع الحرية .. زواج ربما يكون كيعني الانضباط كتر .. و الانضباط عمرو مكان فقدان الحرية ... ويلا كان زواجي ليوم بلامار كيعني انني غانفقد الحرية .. انا بغيت نبقا طول عمري سجين ...
بداو كيصفقو الصحافة و انسحبووو واحد تلو الاخر و كملو اسد و لامار المشي ديالهم باتجاه المدخل الرئييسي ...
لاصال لفوق فيها غي نص الضيووف لان كوولشي مشااو لواحد بلاصة فيها بحال البالكونات كيطلوو على لباب لتحت منين غيدخلو اسد و لامار ...و كولشي مخدم الكاميرا فتيليفونو باش يصوروو وكيتسناو على احر من الجمر يوشوفوهم و بالاخص يتعرفو على لامااار لي ختار اسد من البين الحشد لي كان معروض حداه ... ... اما لي كيعرفو لامار من جيرانها و عائلتها غي كايتغززو بالسم كيقولو كيفاش لرااقصة تدي واحد بهاد البدخ كامل ... العرسان غي قربو لمدخل هوما يلقاو بنيتاااات لابسين لباس الباااليه نفسهم لي حضرات للعرض ديالهم فالميكسيك وقربات ليهااا لي كانت طااحت وعاوناتها لامار ... تحنات ليها وخشاتليها ديك البنوتة وردة بيضة مع شعرها و باسسستها فرحات لامااار بزااااف .. و بقاو غادين ووديك البنيتات تابعنهم بخطوات متناسقة الممر كااان طوييييل و عامر غي لبوديكااارد و المصورين .. عاااد كتبااان لبااااب الكبيييرة لي كانت كوولها منقوووشة و ابوابها مفتوحين بجوج وعلى جنابهم العافية مشعولة طويييييلة بحال شكل المفرقعات ...و فالارض بضووو مرسوووم حروفهم L/A لامار رجليها فشلو وهي كتشوف مع البنااية كيدارة من الداااااخل كيف شي قصر دخلووو وكان قاابلتهم دروووج عرااااااض و كوولشي لفوووق كيطططل عليهم ويصفرر و يصفقوووو غي دخللوووو تسمع صوووت المزماااار📯📯 قوووووي كيوحي بأن العرس هاهو بدا و العرسان راهم وصلووووو كااان استقابل غاية فالرققي و النظام...
هي ماقاداش تهههضر غي منبهرة وهو كيتسنا ايمتى يتفك مكيحملش هاد الجو ديال كولشي كيشووف ليه .. قربو لدروووج طالعين وهي مزيرة على يديه وكووولشي كيشوف فيييييهم ويشوفو فيها هي بدااات لي كاتبان اميييرة و كسوتها لوور طويييييلة واحجارها الكرساتلية كيلمعو ... ودوك البنات د الباليه تصافو فجنب د دروج ووقفو عاطين رونق خاص لدخلة العرووووس و اسد حاجة وحدة لي تفكرها فهاد اللحظة وهو شاد يديها وقريب تولي ديالو رسميااااا .. تفكر نهااار طاحت على ركابيها قدمات ليه الخاتم وكلامها بقا مسموع فقلبو رغم انو اصم
** واش قابل تزوج بيااااا ... و نبقاو مع بعض طول الحياة .... نكبرو بجوج تانشيبو .. و تجيك المراهقة المتأخرة و تبغي تخوني و نتبعك بالعكاز و نرجعو كنضحكو .. تصبر على هبالي و قلة عقلي و مصايبي وتاعيشوريت ديالي ... نصبر ليك على روبن و على طياب العنب و تالعلى ديك الفارة د سارة وجنسك الوهمي .. انوليو كلا ليلة نديرو تيحواندو بلااا ماتبردو بدوش غانتلعم نطيب و كل مرة نصاوب ليك الحوت د الخنزير ...مرة يمرضك و مرة يقتلك و مرة يحييك تانتعلم .. انولي نفيق معاك بكري و نتمشاو حدا البحر .. تزوج بيا اسد ؟**
زير على عييينيه و ضار شاف عنهاااا وكووولشي كيشوف وعلا ليها الفوااال على رااااسها وهو كيشوف فيها ما مبتسم ما والو .. .تاهي كتساااءل اش كدير حيت كاتشوف عينيه دمعانين ... و قرب باااسها فجبهههتهاااا مطووووول و كلشي لي كيطل كيصفرووو و البنات قربو يسخفو بعد عليها و هو كيشووف فيهااا و عنقااتووووو جااابت للحاسدين لي مااايبقااااش .... وهي فحظانو فجأة تفكرات اول نهار فتح عليها الباب و شافها مادة قنانفها و ملي شافت روبن اول مرة وطااارت علبيييه كتعلق فيه خيفاانة .. اول قبلة بيناتهم .. اول مرة اعترف ليها بحبو .. غيرتو .. وعصيبتو وحتا رومانسيتو .. زادو طالعين فدرووج ورقية كتشوف من البلازما وشادة على قلبها و دموع فيعينيهااا ... وهوما طالعين لاصااال ... كولشي لي كانو فديك البالكونات مشاو كيجريو لمدخل لي غايدخلووو منو وتصافوو مورا الباريارات ... وهوما داخلين دخلة الامررراء ...
وصلو لممدخل د لاصااال وعائلة لامار خااالقا الجوو فواحد الركن كانوو جيران و بنات الحووومة و خالاتها و عماتها ... كاين شي لي ماشاافتو من سنين كولشي بعث ليهم دعوة ... بناااات الحومة جاو كيحمقو كل وحدة طلقات شعورااات و لبسات احسن ماكاين فتكاشط كولا وحدة كرات اللوكس دقفاطن ... وخا شعبيين لاكن فالاناقة حيد بلاك كيحمرو الوجه.... الكوافورات د الحومة تعمرووو ليوووم كيتأنقو فيهم .. وجاو بحلم تاهوما يكونو بحال لامار ويطيحو التيتيز ... وفعلا الكل تما كان كيشوف لعندهم ... حيت طالع ليهم فراسهم البنت المبعككة مولات الغوب تالركبة و الهضرة بالفرنسي .. موحشين البنت تقليدية مولات ليهووونش و الطرف و الشعرر طويل و الحداكة و الضحكة و البسااااطة وححرشة و فاش ماحطيتها تخرج نيااااب وياويل لي قيس حااااجتهاااا ... وحتا يللا تقلقات من راجلها مكتمشيش كتجري لفاليزتها كتجنع فحوايج .. لا كتوجد الماكلة ومتاكلش معاه هذاك عقابو .. على مال اسد غي جا و تربط ... ماجاتش بزين ..جات بالقلب الحاااار و البيض و الكبير ..... اما واخد عادل قلبو صافي مشا مع وحدة تما .... ماتكون غي وحدة منكم هههههه ...كلهم كااايزغرتو و يصليو على النبي و حاميين السووووق خلاو كولشي كيشوف فيهم ....... لامار و اسد وصلوو لباب صااال لكبيرة لامار رجليها فشلووو وهي كتشوف معها طاغي عليها الون الذهبي كيف ولا و المصمم ديالها عالمي جا خصيصا لاحياء حفل الروكان ... و سماه بالعرس الدهبي ... وعطاه اطلالة فدوغي ....فالباب كان رجل بلباس ابيض و سلهااام احمر هاز صينية د الحليب و مرااا تاهي بلباس ابيض و سلهام احمر هازة هرم كبير د تمر معقود بخط من الفانيل ... وكلها اسد ووكلاتووو وزاادوو داخلين للقاعة ولكارد كايحيدو ناس من طريق وينظموهم و دوك البنيتات تابعينهم كيضورووو ويرقصو ...لامار نلفات وسط الحشد لي مكتعرف فيه حد ....تا جيران بداو كيعيطو ليهاااا وهي ضور عندهم و بدات تضحك و تلوح بالبوكيه ديالها ...بحال شي واحد لقا حبابو فالغربة لان كتشوف غي نااااس الكلااااص تما و مكتعرف حد .... رقية بدموع فعينيها لي كانت لابسة قفطان فالبيض ومرصع سيفطو ليها اسد مع فولار مقادة و دايرة ماكياج د سنها ... وخوتها تاهوما كالسين بالكوستيمات .. جات لعنهم تعنقها الكارد جا يحبسها هو يخنزر فيه اسد وقلب ضورة موحال واش يبان حداه مزال.... جات رقية وعنقااات لامار لي جات طويييييلة عليها بطالون .. و باست على راسها و عنقات تا اسد
رقية : انا راااااضية عليكم اولادي .. ربي يتاويكم ويكمل عليكم بالخير ( كتزغرت و البكا مخربق صوتها ) طرطقات نفاخة كبيييرة كانت فوقهم و هبط منها الوررررد علييييهم و كولشي كيصفق خلق جووو ممتااااز مع الورد كيتناثر معاه تا اشرطة بيضاء عاطية لومبيونص .. واسد كيلقي التحية بعينو للي كيلوحو ليه .. وهي دهشاانة مع الحضوور لي مكتعرفهمش ورجعات شافت لفين كاينين معارفها و دارت ليهم بايباي و نيفهااا حمممرر بقوة ماشادا البكية ..زير ليها اسد على يديها غاظي بيها لفين كاينين العدول كانو كالسين بجلالبهم فكلسة بحال لي فوتوي قدامهم طبلة مفرشة بالورد و عليها المايكروفونات ....طلع اسد و مد ليها يدو و كيغمز ليها هااااشنو كان كيتسنى هو من صباح ... ... و دوك البنات تصاااافو تما ووقفووو عاطين حلة مبهجة للحفل ...
حبيبي الأصم الجزء 27
محتوى القصة
التنقل بين الأجزاء