حبيبي الأصم الجزء 30 (الفصل الثاني)

👑شكون قال👑

*شكون قال زمان عليا يدور ويتبدل ، شكون قال؟....

*شحال عليا حكمو بالخايب و شحال على ودني داز من فال .... 

*نعتو ليا وقالو فيا لي مكاينش وصبرت شحال ...

*كولشي دارني بين عينو ...حتى قلت بلي فالزهر مشا عليا الحال ... 

*و زين لي عطاني الله فيه حق غايجي نهار لي يدبال ...

*وتاحد مغايساوم فوحدة تحطو عليها صباع بالاشكال....

*قالو عليها شيخة ،عاهرة ، تضل دور مع الرجال....

*نسيتو بلي هادي لي كاتنعتو فيها راها تقطعو بيها الحبال ؟.....

*كانت تاهي وردة حمرة محضية فدار باها لي على رزقها تمحن و جال... 

*كانت كتقرى و باها كان سبع معيشها عيشة الاشبال....

*حتى لواحد نهار حكمت الاقدار و جا الأجل ... 

*مشاا السبع للعند الرحمان ، وتقلبات الاية و الاحوال ...

*خرجات البنيتة تقلب على طرف دالخبز و تعوض بلاصة السبع لي كان للرزق حمال ...

*ولايني واااقعنا ابدا مكانش كيفرح، وكيعيش فيه غي السراق نهاب و الزلاال...

*عاد تفتجو عينين البنيتة و عرفات بلي باش تعيش خاص تفيق ليل و ترد البال.... 

*زيرات على مؤخرتها و طلعات تشطح للشمايت حاشا يكونو رجال ...

*تكوز بلا خاطرها للي عقولهم عقول العصافير و اجساد البغال ...

*يلوحو عليها الفلوووس و الغرامة ملي يزهاو ويطلع المورال... 

*ومايكفيهاش دل الليل كتزيد تا هضرة العباد من نميمة و قوال ... 

*سدات ودنيها وحرشات الجلدة و بدلات المواال...

*حيت كبرات و فهمات بلي من غير صحتك مايدوم ليك لا عمام ولا خوال ... 

*وقالو صافي ،بنت داك السبع خرجو رجليها الشواري و ولات موكة ليالي و خلطات الحرام مع الحلال...

*وحيت هي عارفا راسها شبل من سبع مايهمهاش كلام الشامتين ولا نياب الغوال... 

*حتا كيحط ربي فطريقها سبع جديد ....

*هزها من عش القزدير و حطها فعش الحديد ...

*سكت الفااام المحلولة من قريب و من بعيد...

*و لي قالو ليه كيفاش ؟...قالهم القلب و مايريد ...

*عيشها سلطانة السلاطين فالجاه الغريد...

*نساها فضلمة الليالي و حطها فالشمس و نهار العيد ...

*الفام سكتو ... و مابقاو قادين ينطقو مزال ....

*اش عندهم مايقولو و لي شمتو فيها عايشة عيشة للغزال....

*شكون قال الزمان عليها يدور و يتبدل ، شكون قااال ...

👑شكون قال👑

بيت مظلم بارد ... كيتخللو ضوء خفييييييف جاي من مصباح ربما قرب يخسر ... صوت عقارب الساعة ... و الجو كان شتوي ... من غير صوت قطرات الشتاء و عقارب الساعة ..كيتسمع صوت ديال نفس كطلع وتهبط وتحاول تستفق و ترد الوعي .... جسد انثوي ملقي على سرير و يديها مربوطين مع لحديد دسرير .. و عينيها تاهوما مشدودين ... بقا كترد الوعي فين هي واش واقع ... تاكتمسع صوت حلة دلباب ومامزيتش خلا موراه صوت بحال شي قط كيستنجد ... ودخل واحد الشخص طويييل ... و كيقرب لسرير فين ناعسة البنت ... وهي تخطف ملي حسات بالخطوات ...

- فيين اناااا .... شكون هنااا

- ششششش ( هز يدو كيدوزها على وجهها ببطء وهي كتنتر منو ) تكالماي 

- ( كذكر نبرة الصوت ) شكووون تتا ؟؟؟؟ فين اناا ؟؟؟ و وووواش باغي مني!!!!!! 

- باغي منك بزااااف ... اولهم نرد اعتباري ... ونعلمك مزيان اللعب بقلوب الناس كيفاش كيكون

- (بالبكا ) شكون نتا ؟؟؟؟ اااش درت لك؟؟؟؟

- عاد كتسولي ..( يلاه غايهضر هو يسمع صوت ووقف ) 

صوت كااااان مجهد لدرجة معرفش منينن جاي واش من فوق البيت و لا على برا ... عاد بدا كيتوضح ليه انو صوت لكوبتير ... تلف ماعرف مايدير و مشااا كيطل من زاااج كاتبان ليه مروحية و خاااارج منها واحد ساعر لي متوقعوووش ... والمخطوفة بدات كتغوت ومشا سد ليها فمهااا بثوب ... وخرج سووورت عليها لباب مزيان وحيد سلاحو كيتخبااا مع الحيط ...

شخص كيهضر بتوتر و عصبية 

- سير نتااااا من جيهة الاخرى ... و نتا دور من لهيه ... الى فلت ليكم غاااااندبحكم ( زير على واحد ) ددددمكم غاانشربوووو .... اتا غاندخل نقلب عليهاااا ..... تحركوووووو ماتهليوهش يهرب ...قتلوووه ضربوه شدوه مهم بغيتووو حي و لا ميت ....

جبد السلاح و بدا يضرب ف الساقطة دلباب تا تهرسات ... وضرب لباب بركلة طاحت و دخل سااااعر كي للحمق و سلااح رشاش كبير فيدييه وعينيه حووومر ...... و الخاطف من مور واحد لباب شاد تاهو سلاحووو ومستعد .. .

⏩⏩⏩فلاش باك⏩⏩⏩ .....

وصلات طموبيل لعرسان ديااالناا قدام دارهم جديدة ....وهوما مدوزين ااااااحسن شهر فجزر الهواااي ... و تستقبلو باستقبااال زوين من طرفرقية و جاراتهاااا بالعمااارية و الدقااايقة و عوضووهاااا بداك العرس لي كانت كتمناه .... من بعد جات مع اسد لداارهااا لي غاتعيش فيها ماتبقى من عمرها ... كانت تاهي ضمن منطقة الروكااان ... محروسة من طرف الامن ... فيلا كبيييرة على لاولى و راااقية .... نزلات لامااار الفرحة شادها من صبعها الصغير 

لاماار : يييييي اخيراااا غاااااانشوفهااا 

اسد : علاش حيدتي لفيست راه البرد و نس سخونة فطوموبيل...

لامار : ( جات لعندو تعلقات فعنقو وعضاتو من نيفو وشخص مراقبهم من السرجم ) نحماااق فلي يخاف عليا انا 

اسد : وسيري لبسي حوايجك انا لي غانوحل فدواء 

عوجات فيه فمها ومشات لبسات الفيسن وهو حل الكووفر كيجبد لي فاااليز ... وجا بجيهتها هي لي تعلقااات فيدووو فرحااانة ...

لامار : حبيبي .. شفت الضوء مشعوول كاين شي حد لداخل ؟؟؟؟ 

اسد : هانتي غاتعرفي .... 

لامار ابتسمات عرفاتها تاني شي مفاجاءة منو ودخلو كتشوف مع جردة ... كانت كبيييرة و بقاا مامصايباش مزيان ... عيا يجبدها وهي كتحنقز ليه . عااين نشوف هادي.. عااين نشوف هادي... فلخر حط لي فاليز وهزهااا هي عاد تاجه لباب ... يلاه غايحطها وهي تحل لباب فوووجههم و نزلات لامار من يد اسد و الابتسامة من فمها كاتجمع شوية بشوية كتشوف فشكون فتح لباب و بدات طلعها من ... طاالون الاسود لي لابسا ل ليباموس الكحلة لي كتبين اللحم ...ل ميني جييب الكحلة و كبيبيط بالبيض شييييك ... وشعر مسكد ومقطع ومسبووغ بالزعر ... ومكياااجها و كتركز فملامحها .... 

لامار : سااارة ؟؟؟؟؟

سارة : مرحبااااا .... كنا كنتسنااااوكم ... لالة العروسة مرحبااا بك فداااارك ( بابتسامة عريضة و جات مبدلة بزاااف فاللوك ديالها حيت ببغات تقلد لامار و دارت المستحيل تبدل لوكها وصراحة جات زوينة ) 

لامار بقات غي كترمش كتشوف فيها و ترجع تشوف فاسد لي مبتسم ... مافاهما والو وكتقول يمكن غي جاو يستقبلوهوم ... ولاكن معجبهاش تلقا دار عامرة وهي باغا تاخد راحتها مع راجلها فأول دخلة ديالها ليها و تكتشفها فخاطرها ...

دخلات سارة كتمختر و لامار بقات كترمش فأسد وقرب لعندها جبد على حنيكاتها ...

اسد : يالاه القملة ديالي دخلي ...

رجع لي فاليز وهي دخلات كتلقى تا يونس فالاستقبال .. 

يونس : على سلاااامتكم( سلم عليها بلابيز حيت عندو عادي ) كنااا كنتسناااوكم ...( جا اسد ومشا عندو سلم عليه ) على سلامة اصاحبي ... ااوو طياارة نزلات مع 12 ونتوما يلاع جايين .. ياك لاباس ؟ تخلعنا 

سارة : وي خويااا تشوشناااا بزاااف عليكم ...

اي.: ( بعد ماشاف كلامهم مشا لصالون كيحيد فجاكيت ولامار كتشوف مع دار ) لا كنا عند مامات لامار ..عنهم تغدينا ... لامااتااار 

لامار : هم ؟ ( كانت كتشوف على صال امونجي الماكلة موجووودة و وشمع على شوميني مشعووول و سارة كتبتسم ليهاااا ماعرفتها من القلب ولا لاء ... وحطات صاكها ومشات حدا اسد وكولشي كلسو) 

يونس : اوااا كيدوزتووها ؟؟؟ استمتعتو؟

لامار : زوينة اخوويا و الله انا بعدا ماسخيتش .. العقوبة ليكم نشااءالله 

اسد : ااه نسيت ماقلت للامار .. راه احبيبتي تزوجو 

لاماار : ها ؟؟ واااش بصححح مبروووك مكانتش فخباااري و الله 

سارة: الله يبارك فيك احبيبة اخيرااا حن علينا الله و تجمعنا ( شدات فيدو و يونس و ابتسم ليها ) 

اسد: تبقاو طول العمر انشاءالله ... تانا مكانتش فخباري حتا تزوج عاد قالها ليا 

يونس : اوا راك كتعرف بزربة .. غير فالمحكمة وصافي ... حتا نوقف على رجلي و نعوضها بالعرس لي كتحلم بيه ...

سارة :لا لا المهم هو نكون معاك 

اسد : شفتي القملة شفففتي ...امولات العماارية و دفيع ولا معرت شنو 

لامار : دفييع ؟ وباااز ..

سارة: حبيبية غي سمحيلينااا سبقناك لدارك و نت عاد جايا ليها عروسة .. غي استحملينا شي ايام

لامار : ؟؟؟ مافهمتش 

اسد : اش هاد الهضرة مرحبا ..

لامار بقات غي كترمش مافاهما والو ...

لامار : ااسد ... واخا تقولي فين هو البيت ...بغيت نبدل حوايجي ..

سارة : اه وييييلي مزال مكتعرفيش دااار ؟؟، اااجي نوضي نوريهااا ليك قنت بببقنت 

لامار : ( معجبهاش الحاااال هناااا حيت وحدة اكتشفاتها قبل منها ) لا شكرا ... فين البيت ااسد...

سارة رجعات كلسات دايرا فيها مقموعة ...

اسد : اجي معايا...

ناض جر لي فاليز و طلعو فدروج لي جاين وسط الطابق و سارة كلسات على تكاية د الفوطوي قريبة من يونس ..

سارة : بحالا تقلقات ...

يونس : طيييبيعي راه لقاتنا استعمرنا ليها دارها حشمت والله راه غي تبعت ريك وزيد نت كتقولي لاسد مايقولها والو ونديروهاليها مفاجأة وهانتي فاجأتيها...

سارة : اش كتقول هدا هو الصح .. زايدون انا بغيت غي نرحب بيها 

يونس : فداارها ؟ راه هي لي خصها ترحب بينا ... والله تاحس براسي متقل وداير لك خاطرك ..

سارة: ( نزلات كلسات حداه ) اشنو نسخا بيك تعيشني فبيت مع جيرااان هاا ؟؟؟ صاافي هدا هو الحب لي فارع ليا بيه راسي ... ودار دخوك هاهي طويلة و عررريضة ...

لامار دخلات لبيت لي كان كبييير و بسيييط وراقي غالب عليه اللون الابيض و البيج .. فيه صالون صغيير و حمام وديريسينغ و غرفة مغطاة د لابيسين السخون .. طان على شكل جنااح ....وهو تقريبت لي شاد الطابق العلوي كامل ...

اسد شد لباب و جاي بجيهتها كيشمر بنيفو لي حمر حيت مقيوس برواح *الزكام*...

لامار : اسد فهمني ... كيفاااش نستحملها ؟؟؟ وعلاش كتهضر معايا بديك الاستفزاز بحالا جايا ساكنة عنها .. كيفاش تخليها ضاسرة هاكا معانا ونتا عارف اش دارت فيا ...وبلي دارت يديها مع عزيز لي لهلا يرحم فيه شي عضم ولعبو بيا وكانت باغا دابزني معاك ونزلو عليا الباطل

اسد : كاالم حبيبيتي ... كنت غادي نقولهاليك و لاكن اصرات فتيليفون تكون مفاجأة ... مدرت ليها خاطرها واااصلا نسيييت و الله مشات من بالي حيت معاطيش للامر اهمية وكنت غانقولهاليك عادي مجانيش البلان يستاهل مفاجأة .... يعني قضية ايام وغايمشيو ... حشومة انا سبب فدمار دارهم ... و حتا رزقهم ... ماتجينش نشوفهم فشارع وهوما يلاه تزوجو .... 

لامار : واش انا قتلك سمح فخوك ؟؟؟ ولاكن نتا تغلا عليك ابارطومون ؟؟؟ لا ... كان عليك تاخدها ليهم وصافي ماشي بضارورة نسكنوو مجموعين ....

اسد : واش حسابتلك انا مقترحتهاش عليه ؟؟؟ ... مابغاش رفض ... ماخليت مادرت معاه نعاونو يدير مشروع ونقلب ليه خدمة معايا و احسن بوسط يكون ليه مااابغاش ... بغا كولشي يديرو راسو تا من سلف مابغاهاش اش غاندير ليه... قالي غي ضايفنا لشي ايام ... ومابغيتش نبان بحالا رافض يجيو ... قتليهم مرحبا تحرجت ...

لامار : ناري ... كنتي بعدا غي تقولهالي .. جانني فشكل اول مرة ندخل لدارنا لقاها عامرة و كيعرفوها قبل مني ...

اسد : حبيبتي عادي ماشي براني ... مسألة ايام قليلة و صافي ( جا عنقها ) انا اصلا خصني ناخد وقت مع مرااتي فدار .. وندير بسالتي فراحتي ..... يعني مامولفش هاكا .. شي حد معايا فدار مكنوكش مرتاح منغير حبيبيتي طبعا ... عمري اناااا..( كايبوسها من عنقها بوسات خفاف مبعثرين وكيخننش بنيفو فيها ويشمر ) وعد... من بعد ايام الى مامشاوش الالة حنا نمشيو 

لامار : ماااشي هاكاا اسد مرحبااا بيهم ... دار دارهم ... ماشي مابغيتهمش... غي جاتني على غفلة ... معرفت كندير نتصرف و نتا ماقلتلي والو ..وسارة م ماااعرفتش مزال مابغيت نرتاح ليها ....

اسد : غادي تصرفي عاادي دااار هادي اميرتي ... ومصممها انا على قبلك ولي كولور لي كيعجبوووك ...ومخلي ليك بيت ولدنا و لا بنتنا ديريه على دوقك ... سارة حاولي تولفيها واخا تبانلك هاكاك راه حنينة و ضريفة ...غي عزيز ديك ساعة لعب بيها وهي كتخاف منو ... الى تفاهمتو وليتو صحابات غاتولي تونسك و تخرجي نت وياها ونت عارفاني الشركة جديدة و الوزين لي فتحت غايوليو واخدينليا الوقت بزاف هاد ليام ... يعني بعد المرات غاشوفيني من ليل ليل.. بعدا ماتقنطيش وكاين لي تونسك وحتا انا منبقاش مشوش من جيهتك

لامار : واااا شكييييت عليك انااا اسدي مكنقققنطش 

اسد : لامااار 

لامار: ( دارت شنايفها فلارض ) صااافي .... غانحاااول ولاكن رااا مكدوزليش و الله واخا تغمسهالي فالعسل و السمن و الكوفيتير

اسد : ارا كنعرفك لسانك خايب و كتسبقي للعيب ...فوتي عليك السيدة لانجي شي نهار لقاها منتوفة ...ولا مليوحة من شي سرجم ...

لامار : ياااك دابا انا لي خااايبة

اسد : اييه نت ( طبدها عندو ) الخايبة ديالي .... حببتي غي ايام قليلة و غايمشيو .... ( لسق طوج صبعاانووو ) غغغي قد هاكا👌👌 

لامار : هههه وناري بحالا كنحري ليك عليهم مرحبااا بيهم ... غابانلي نتا لي ماعجبك حال هههه 

اسد : ههههه خلي داك جمل راكد .. ( ناض كيقلب على باش يسمح نيفو ) بعد الرات كنقوول ياكما نكون اناني و مكيعحبنيش لباشار يكون معايااا ...هاكدا طبعي ولفت بووحدي ...

لامار : هاء ... اش كتقول ... اشمن اناني ... يمكن غي باغي تاخد راحتك 

اسد : ووي هاكاك ..منا يونس وسارة راهم على راسي و عندي عزاز يعني يدرو لي يدرو مايضعيوش مقامهم عندي ..كاع اش درت فعزيز و خرجت على رزقهم مخدتوش موقف مني ... زباقي واقفين معايا ...ويونس راه توسطت ليه فواحد مقاولة بلا خبارو و راه بدا فيها لبارح ... راه تاهو غايبغي يستقل... تاهوما راهم عرسان متنسااايش ...

لامار : مم .. مرحباا بهم اسيدي ... و غانحاول نفتح قلبي لبنت وخا عينيها كيضورو كتجني بحالا ناوية على شي حاجة 

اسد : نو غي كيجيب ليك الله هاكاك دايرة يمكن دابا مع الفرحة د زواجها ولات غي كضحك ...هانتي شتي تا لووك بدلاتو .. جات زوينة صراحة ...

لامار : ( طلعات حاجبها حاجبها ) واامتزيدش فيه 

اسد : هههههه ( جبدها لعندو متكي على لكوافوز ومتكيها عليه بالمقلوب و كيهضر فعنقها ) حبيبتي كتغير و لا شنووو ... هم ؟؟؟ على كاااين لي تشبهك ... مم مكنضنش 

لانار : ( سلاتات منو عنقها وقفات قدامو ) وبناادن غاتبقا تبوسني هاكاك فعنقي تانا مغانبقاش نصبر 

اسد : غي ماتصبرييش وريني علاش قاااادة 

لامار : اوا كون ماعرف ناس لتحت كون وريييتك 

اسد : بغغغيت انا بغييييت 

لامار : بعععد مني .. 

مشات بجيهة تيليفونها 

اسد : واخا القملة دابا نشدك ... حطي دااك تيليفون وجبديلي حوايجي ... شي حاجة سخونة جاني البرد ...

لامار : كالس كتقووليا لبسي للفيست غااتمرضي ونتا لي هابط من طيااارة عريااان مشتيش راسك ... كنتي غي تسمع لماما وتشرب العشوب لي عطاتك ونتا كتعيف تامن راسك .. 

اسد : جبدي حوايجي براكا من الهضرة عطيني سيرفيت الكحلة .. نخرج من دوش لقاهااا مجبودة ...

لامار : تفو حكام دوالو... 

اسد : وغاعااايري لمك( عاطي بظهرو ) 

لامار : ( مشات وقفات حداه ) ويااااك مكتسمعش😯 

اسد : مكنسمعش مكيعنيش امني مكنعرفش طبااايعك ...اقلها غاتكوني قلتي تفوووو ( دفها ) بععدي باغي ندخل 

دخل لدوش و هي بدات تجبد فالحوايج ...

#فلاش_باك ...

يونس : سارة .... صراحة فلوس الاوطيل مابقاوش عندي وراه غالي .... انا لقيت واحد الاوطيل اخور رخيص شوية بين ما لقينا فين نسكنو انا وياك.....

سارة : ( ناضت عندو ) شنوووو يونس ؟؟؟؟ كتسطا عليااا كيفاش بينما لقينا ...دابا حنا غدا غانتزوووجووو باش نبقا انا معلقة و ماعرفا فين نستقررر هذا هو زواااج عندك

يونس : سارة واصبري معايا راك عارفا لي كاااين ... راه الضربة جات على غفلة كولشي داوه و تا حساباتنا لي فالبنك تجمدو و تا من طموبيل تاهي ... و لي بقالي كاش خسرتو فالكنازة د الوليد ... راه معندي باش نخلص لوطيل مزال .... وصبري معايااا راه تزوجنا ولا متزوجناش نت على عاتقي .... وزواج راه هو توقفي معايااا اولا ..؟

سارة : يووونس نتااا مفهمتيش قصدي ( ناضت كدوز يدها على كتفو ) حبيبي ماشي مامقدراش ظروفك.. غي بغيت تانا كأي وحدة غاتزوج تكون فدار مستقرة هي ورتجلها و فالامان مااالني مانستااهلش هم؟

يونس : تستاااهلي كتر ... ولاكن هانتي كتشوفي معنديش كيفاش 

سارة :لااا كاااين كيفاش .. ياك اسد هو لي سباب هادشي كامل اوا راه خاصو يتحمل مسؤوليتنا حنا شنو دنبنا فهادشي .... قولو يعاااونك فهاد المحنة 

يونس : اسد ؟؟؟ على هو نهار كان يلاه خرج من عندنا وبدا يوقف على رجليه سولنا فيه ؟؟؟ ونهار ولا لاباس عليه عاد نقوليه يعاوني ..عاونتو انا؟؟ لا لا ... خليه ابار هاداك ماضاسرش عليه لهاد الدرجة ...

سارة : وراااه ماشي غايحيدها منو ولا محتاجها..راه شايطا عليه اصلا فلوس كيلعب بيها وماعندو مايدير بيها ..... ونتاا خوووه زعما ....وهو سباب فهادشي غايخليك ملويح فشارع ؟؟؟؟

يونس : وتاهو مقصرش من جهدو.. عطاني نطون مدير عام فشرطتو د المرجان ومبغيتش .. وعطاني وزين نسيرو ومابغيتيش.. باغي نديرها بدراااعي ...

سارة : مزيااان ديرها بدراعك ولاكن بعدا غير فين نسكنو وااها حنا غانتزوجو غداا نشاءالله ... اوا فين نسكنو فشااارع ؟؟؟ ... على الاقل يضااايفنا عندو علاما نتا تهزز راسك ...

يونس : لاتت حشومة مجاتش .... سيد يلاه باني دارووو و نمشيو نستعمروه ونا ماعرفش امتى غانوقف على رجلي ... وانا كنعرف عقليتو كيدايرة ...محيحمل حد يكون معاااه كيعجبو يعيش مستقل كيف مولف... وراه غي غاتبانلو فمرتووو و الله منا لاحشم .. راك شتي باااسها وسط الباشار .. هداك راه عقليتو ديال الكور و نا غانحشم فداك المواقف

سارة : وتااانتا راه غي غايتزوج غاملهااا ...مالو نانسي عجرم ...على مالنا حنا فاش غانآديوه ولا نخسرو ليه ... يصبر علينا شي ايام ...

يونس : لا لا مجاتش و الله ... هوما عاد عرسان ويقدر مرتو ماتبغيش و ماتكونش مرتاحة و مكيعجبنيش نتقل على شي حد ...

سارة تععصبا ت ومشات كلسات وشدات عنها مخدة 

سارة : اواااا دير لي فممخك وحافض على لكرااامة وعيييشني فشاااارع هذا مانسواا عندك 

يونس تنهد و دوز يدو على وجهو وجا عندها عنقها بواحد ليد ...

يونس : حياتي مااشي هاكا ... مرخيصاش عليا ... صااافي لاالة غانهضر معاه ونقوليه يعاوني فالكرا دشي بارطما غي سلف ونردهوم ليه .. صافي ؟؟

سارة : و لاااا مابغيتش انا ليوم و لا غداا مرتو تبقا تعايرني وتقوليا راااجلي لي داااار منكم .... لا

يونس : اوا شنو غادي ندير ؟؟ زايدون لامار مكنضنش دهاد الفعايل

سارة : صااافي .. نسكنو معاهم غي بحال ضياف اااش فيهاااا ... غي على ما نتا توجد فلوس كرا دشي دار مزيانة 

يونس : ( صمت ماعاجبوش الحال )

سارة : ( بدات كتدوز يديها على صدرو ) حبيبي كندوي غي على مصلااااحتنا و كرامتنا وتنا فيا النفس بحالك ومنبغيش لي نمدو ليه يدينا ولاكن هذااااك خونا نديرو راسنا بحالا ضيااف عندو ...ورااه تاهو السباب فهادشي ... ومنهااا تانا نتوونس مع مرتووو دوك للايام ... حاساا براسي دابا وحداينية لا جدة لا عمي عزيز لا دتر لي كبرت فيها لا سفياان ...كولشي مشا ...

يونس : صاااافي الالة دابا نعيط ليه فتيليفون و نطلبها منو الى بغا ... بفيتي على خاااطرك داابااا 

سارة بالفرحة عنقاتوو....

#عودة ... 

خرج اسد من دوش.. كلينيكس فيدو و هي كتعطي ليه حوايجو ..ولبس سيرفيت كحلة طلع ليها سنسلة تالفوق ودار القب ... تاهي كانت لابسة سيرفيت فالازرق قصيرة و مزيرة وجامعة شعرها كعكة ...جات خارجا تاكتلقاه لاح عليها الكاب ملفوق مخنزر فيها ... ... وهبطو لتحت لقاوهم كالسين ... واسد مشا ديريكت لشيميني كيشعلو ...

سارة : اوو هاهوما جاووو ... العشاااا واجد عرفتووو وجدت كاااع داكشي لي كيعجبكم ...غانمشي نجيب العصير من ثلاجة ... 

مشات لكوزينة واسد شعل الشيميني لي بالضو وكيبان بحال دعواد وهو كيمدم بالضو و زيت... ومشا لكوزينة تبع سارة و لانار بقات كتهضر هي يونس ... 

اسد : سارة ( سد ليها ثلاجة ) ...

سارة : ااء .. اسد ؟

اسد : بغيت غي نشكرك 

سارة : وعلاش ؟؟

اسد : على اهتمامك .. الاتصال ديال قبيلة فرحني ... ملي بديتي كتسولي على اش كيعجب لامار تاكول باش توجديه ليها ... وملي تاتهلاي فيها راه بحالا كتهلاي فيا انا ...وهاد اللومبيونص ديال لي بوجي فدااار ... فغيمون مانييفيك .. ميغسي 

سارة : خاااصكم كتتتتر ... ياربي تعجبكم الماكلة .... 

اسد : ( ضرب ليها على نيفها ) عارف طيابك زوين الفنكوشة .. 

مشا و سارة بقات شادة على نيفها جاتها البكية بالفرحة وضحكتو خفيفة و تصروفاتو كيدوبوها ...

سارة : مزااال غاتولي دياااالي ..... غير شوووية بشوووية ..... ففففف مشبععتش منوو علاش مشا دغيا ...

جات عندها لامار و بداو كايحطو على طبلة و كلسو مجموعين و اسد كيهضر مع لامار على وديت الدار الجديدة د ماماها تاكتقاطعهوم سارة بواحد بلاطو فيه حليب و تمر 

سارة : صصبرووو .... رااه نتوما عرسان وخاصكم تبداو عشاكم بالحلاااوة .... 

عطاتهم تمر و الحليب و لامار غي كتشوف مافهامش هاد اللطافة كاملة فتالي كتحاول انها متضلمهاش يمكن انسانة مزيااانة ... كيف قال اسد

لامار : ( هزات جوج تمرات اخرين ) راااه تانتوما عرسااان ماشي غي حنااا ( وكلاتهم ليهم ) 

يونس : وهانتوما اصباح كامل فارعالي راسي اااش نديرولهوم باش نفااجأهوم ... مليقاناش شي كادو من غير هذا ... 

كان كادر كبير فيه صورة عرسهم ...

يونس :خرجتها باش تبقر دكرى 

لامار : اوووه زوينة ( هزاتها كتشوف ...ففاش كانو كيرقصو مرادنيش لبال لكاميرااا و جات زوينة ) عجبااااتني ... شكا ليكم 

سارة : ولووو احبيبة .. خليها فبيتك كل مافقتي وشتيهاا تفكري اسد ..

لامار : ( كتشوف عند اسد ) ههههه .... اصلا بلاا منشوف فصورة ...صورتو فقلبي...

سارة : اييه ماشي وقت رومنسيااا دابا .. خاضنا نتعشاااوو راه غايبرد ...

بدات كتخوي العصير فالكيسان و بالعاني الكاس دلامار مشقوووق من للفوق ...

سارة : ( فراسها ) نستقبلوووك بهاد الكوييس الالة البنااات ... 

عطاتهم كيسانهم واسد غي كيشمر على نيفو وياكل 

سارة : اسد ؟؟؟؟ مريض ؟؟

اسد : همم .. شوية ...

سارة: نااري حشومة عليك الامار علاش ماكترديش ليه لباااال 

لامار :نعام ؟؟؟؟

سارة : كان عليك مااتخليش لبرد يضربو 

اسد : هه على ماله اهي شافتو فاش كان جاي يضرب هههه 

لامار : هههه شفتو جاي ليك بمقدة و قتليه عطيه لراس هههه راه هو لي خرج من طيارة عريان

سارة : ههه ( تقمعات ومابغات تبين شكوون جيتي تخااااصمي احوبي و الله تايبردو لبوك جناب غاصبري ) ناري تانتي شحال باردة .. مخصكش تكوني هاكا حبيبة ... ملي مريض خاصك توصلي ليه الماكلة تالفمو 

اسد شاد ضحكة

لامار : هههه زوينة هادي هههه

اسد : هههه وكليني وكليني 

لامار : هههه البرد قطعلك يدك ؟ ههههه لا احبيبتي .. الحب ماشي هو توكليه بيديك ... كاين شي حوايج كبر ...ماكاينداروش قدام ناس😉 

اسد خشا ليه الخبز ففممها مورصو كبييير باش تصقر لا تزبلهااا .. وكلسو كياكلو و سارة مراقبها ولامار هزات للعصير كتشرب منو وهي تجرح شنافتها ولاحتو .. 

لامار :ففف .. يي

اسد شاف لعنها لقا دم فشفتها وسارة بدات تشرب كاسها بهدوء

سارة : هادي غي لبداية .....

اسد : لامااار ؟؟ ( هز سربيتة كيحطها على فمها ) ... عضيتي شنافتك ولا شنوو 

لامار : ( بالحس ) نعض شنافتي مالي مقيمة ... رااا الكاااس مهرس واقلة ( مخسرة سيفتها واسد شاف للكاس فيه الشقة وباقي فيه دم )...

سارة : اووووه والله مانتبهت ليييه احبيبة ناااري سمحيلي بزززاف نووض نيجبب دواا دابا

لامار : ( شادة سربيتة على فمها ) لا لا ... صافا ...

اسد : ( رجع كياكل ) مكاين لاش مولفاهم مجروحين ...

شافها وغمرها وهي تزنكات وسارة كطحن سنانها غا لداخل وبدات لامار كتعشااا وهو مرة مرة يشوف فيها واش ماكتحرقهاش ... رغم انو مكيبنيش ... الى ان قلبو كامل معاها واخا غي طرحة صغيرة ... تعشاو ... وبدات لامار كتجمع مع سارة للكوزينة وحدة حطات لمواعن فلافيسيل وحدة كتمسح ... واسد و ينوس كيهضرو وكييعاود ليه على المقاولة و اسد داير راسو ماعارف ولو 

سارة : اوا مقلتيلبش كيفاش دوزتوهااا ..وكيفاش دايرة الهاواي ؟؟؟

لامار : ( لامار من طبعها ماكاتعاوووودش كوولشي لحتى حد وطتخلي مسائلها لراسها ومزال معنها هذاك لي تيق فيه وتعاودلو اضغر تفاصيل من غير اسد ولباقي مكتعطيش راس الخيط ) ممم دازت زويينة صراحة ... انشاءالله تمشي ليها تانتي وتكتاشفيها راسك..

سارة : مااانعرف اختي .. يونس مأزم بزاااف ومالاقيش خدمة ...وحنا مضطرين نكلسوو معاكم هنا تايحن الله ....

لامار : مرححباا بكم ... اعتبروها داركم 

سارة : اكيد احيبيبة .. اسد قالها لينااا وقالينا هادي داركم وتصرفوو كيبغيتووو وختارو لبيت لي بغيتووو ...

لامار : مزياان ... بصحتكم ... ( كتسد لافيسيل باش تمشي )

سارة : ااه حقاااا كاين شي وليدات ولا مزاال 

لامار : راه يلاه شهر باش تزوجنا ... مزال مكنفكرش فيهم دابا

سارة : مزيااان هاكاك راك بقااا صغيييرة و المرا فاش كتوولد دغيا كتكبر و راااجل كيشوف لبرا... لوحدة ( قربات ليها بالهمس ) ديالها باقي مجموع .. ماشي تفردك بالولدة راكي عارفاني علاش كنهضر ... الولاد ملحوقين معندكم ماديرو بيهم دابا 

لامار : لا احبيبية .. حنا عارفين امتى خاصنا نولدو و امتى مخصناش .. وراجل لي غايشوف لبرااا حيت مرتو ولدات وتفردكاات كيف قلتي ...هاداك راه معنديش انا ... اناا عندي لي نهار مرتو غاتووللد عاد غايزيد يبغيها كتتتر ... وراه خوووك زعما خاص تكوني عارفا عليه هادشي كتر مني ... 

العصيييييير امولاي🍸🍸🍸🍸🍸 الكااااس لكبير 😂

ابتسمات ليها ومسحات يديها وخرجات وسارة لاحت سربيتة من يديها بعصبية 

سارة : كااادوزيها ليااا بالفن .... هاااحنا غانشوفو واااش غايشوف فغييرك ولا لا .. 

اسد شاف لامار جايا و دار ليها بلاصة حداه كلسات وطلق موراها يدو على لفوطوي 

لامار : اجي حقااااا روووبن ماغايرجعش تووحشتوو

اسد : روبن تاتمشي لجزيرة وتشوفيه راه كبر .... مايسكادش يبقا معانا خطر 

لامار : ( سارة تاهي جات وكلسات حدا يونس مقابلين معاهم ) واجيب واحد اخور ياك قلتي كان غي كيكبر واحد كتجيب واحد اخووور ... 

اسد : ايه فاش كنت بوحدي ... دابا كاينا نت نربيك .. 

لامار : واابغيت بحال روووبن

اسد : صافي .. غير يتولد واحد بحالو نجيبوه ..

لامار : حلف والله تاتجيبووو 

اسد : ( اسد ضحكة شريرة ونيفووو حممر وتاصوت مبحبح مع دالك البسالة هي هي وكيهضر معاها بالحس غي بينها و بينو ...مي صوت مسموع شوية ) والله تاانجيبو بالله ... 

لامار : وابغيتو دابا انا ...

اسد : واخاا نجيبووه دابا شحال بغيتي من واحد ؟

لامار : ممم غاتجيب بزاف ؟؟؟؟

اسد : اوا نااوين ( يونس بظا يشوف فالارض جاتو ضحكة و الحشمة وسارة كتفرك فيديهاو ) 

لامار : مممم بغيت جوج ... ل ااااء ... ربعة ... 

اسد : هههههه واخا الالة تا خمسة... بغيتيهم متابعين ولا كل واحد امتى 

لامار : لااااء متاابعين فخطرة 

اسد : هههه واخا يلاه نجيبوهم ( وقف حيت تاهو كان طالع ينعس ) يوونس تصبحو على خير شكرا على العشااا عيان بطريييق والله ... نتشاوفو غدا ...

يونس : ( بضحكة فاهم ) ليلة سعييييدة 

لامار : ومزال الحال ..

اسد : ياك بغيتي روووبن ... ويلاه نجيبوه ( جرها من يديها وهي طالعة كتسول )

لامار : كيفاااش نجييبوووه ... على كاااين لفوووق .... من تما غانيجبوووووه ؟؟؟؟؟ وااشفوف بغيت ربعة ويكوووم كبااار شوية و زوينين

اسد : وحلوييين غي زيدي ...

طلعو لفوق و يونس شاف عند سارة 

يونس : شفتي ... حارجنيهم حشومة 

سارة : راهم هوما لي حارجيناا ...( كتقلب فعينيها ماحاملاش )

يونس : يلاه احبيبة ... تانا عيااان ( ناض و مد ليها يدو ) 

سارة : لا غي سير ... مزالا مقصرة 

يونس : ويلاه حدايا وققصري 

سارة : قتتتتلك لاااا ..

شاف معاها يونس مطول حيت بدات طلع ليه فراسو بهاد تصروفات تنهد ومشا لبيتو 

اسد شد لباب ولاحها على سرير 

اسد : حانا غانجيبوه داااباااا ( كيقرب عنها كيبوس فعنقها و وكايشمر بنيفو ) 

لامار : نتا اش كتتتقصد

اسد : لي كنقصدوووو انا راه باين غي لامابغيتيش تفهمي 

لامار : ( كترمش فتالي ناضت و ضرباتو بوسادة ) تفوووو فين مشا عقلك وكالس تقولهالي قدام كولشي

اسد : ( شد عليها الوسادة كيضحك ) هههه علاش زعمااا هوما ماعرفيينش .....كيلعبو مع بعضياتهم لل ... داك لل. معرفت لي كتنفزو فوقها ملي كتكونو صغار اش سميتها؟؟

لامار : شريطة ؟؟؟ ا حبيلة ؟؟؟ لاستيك !؟ 

اسد : نووو شي سمية اخرى 

لامار : اوا انا غاهادو لي نقزت عليهم ...

اسد : شوف وكان😈 

لامار : ( كتفوه ) والله تاجاني نعاس 

اسد : وانا😯

لامار : و الله ومابعدتي عليا ......طيبتي ليا جناااابي ... 

ناضت لطواليط وهو بقا متبعها مصمدوم 

اسد : طيبت جنابك ؟؟؟ ... دابا انا كنطيب جناااب القملة ... 

شاف لعند تيليفونها فوق طابل دونوي و عارفا غاتجي ليه ديريكت حيت تبلات بواحد الكروب ف فايسبوك سميتو مختلف اللهجات هههههه.... شدولها وخبعو مع غشاااء د وسادة باش تعيا تقلب متلقاهش وهو يتشفا ..... خرجات كتمسح فيديها و كاتحل سلسة د سورفيت ... ومشات بجيهتو كتقيس على جبهتو هو حال البيسي 

لامار : حمد الله ماطلعاتش الحرارة 

اسد : طااالعة غي ماشايفاهاااش 

لامار : كنقووولك متقلبش عليا الهضرة ملي نكون بنيتي كنهضر .... كنهضر على الحرارة الشمااالية ...ما الجنوبية عندك ديماااا طالعة ...( كتشد الوسادة وتعطيه لراااس تاكتسمع ضربة مع راسو وشاد عليعها ) 😯😯😯 اش وااقع ؟؟؟ ضربتك غي بوساااادة ( كتشوف ليه ) 

اسد: ( شاد على جبهتو مخسر سيفتو ) فيهااا تيليفووووون 

لامار : ( جبداتو ) و اش وصلوو هنااا ( شافت عندو مطلعا حااجبها) ياااك كنت مخبعووو ليا وهانتااا جبتيييها فقلقوووولتك ... ولا زدتي شي لعبة خرى غاتديها ف قلقولتك بلا القاف الثانية ....و اللام الثانية .....

نفضات وسادة و ناضت كتحيد سيرفيت لبسات غي كسيوة خيففة د نعاس فللكحل 
لامار : توحشتي اللعب انا نوريهليك ...( ضارت عندو ) حبيييبي غانهبط نجيب لما نسيت ماطلعتو ... 
اسد داير فيها غضبان مردش عليها ... ولباست عليها بنوارها 
اسد : افين غادا بداك رجلين... 
لامار: لزامبيا... راااه نعسو ازمر غانهبط بالخف لكوزينة و نجي مافيا لي يلبس ...
اسد : دوزي غطيهم ...
لامار : لاا ( مشات وهو بقا يتغدد غاتخرج فيه شيب ) ... 
هبطات لتحت كيبان ليها ضلااام داخلت لكوزينة و هي تلقا سارة كادير شي حاجة فظلام خلعاتها تااااقفزات وشعرلات ضو 
لامار : باسم الله الرحماان الرييييحم 
ضارت عندها سارة مخبعة شي حاحة ورا ضهرها ونيفها حمر ومتوترة 
لامار : سااارة؟؟؟؟ اش كديري هنا فظلام 
سارة : اا لا ... ر راه كنت شاعلة ضو .. وو وااطفيتو ( كتشمر ) فاش جيت خارحة ... ونسيييت د د دواايا .. و رجعت فضلام نجيبو .. ونت تجي
لامار : ؟ ماقشبلت معاك تللعبة .. مالك كتقفقفي
سارة : ر رااا حيت خلعتني وصافي
بقات تشوف فيها سارة بدوك رجلين بويوضين و عامرين ولابسا قصير بزاااف غي حوايج نعاس و ريحة كريم زوينة عاطيا منها عاد مزاادت تكرهااااات ومشات سارة بالزربة ولامار متبعاليها العين ... 
لامار : اشنو فيديها ؟؟؟؟ ... مافهمت وللو .. اش كدير هادي ؟؟؟؟
مشات لثلاجة جبدات الماايونيز خباتووو مع البينوار .. و هزات قرعة دلالما هي غادة و هي تقشع غبرة بيضة على كونطوار ... ومشات كتقيس فيهاا و تشمها مقرباها لنيفها ...
لامار : اااش هادشي ؟؟؟؟؟ .. 
نفضات يدها و طلعات لبيتهم.. حطات الما وهو مركز مع بيسي ماشفهاش ... و دخلات لدوش ديريكت ومشات لدونتيفخيست عارفاه قبل ماينعس غايدوز يبروسي سنانو .. خواتووو كامل وبدات تعمر فيه المااايونيز ... و خلاتو ليه تمااا عاد خرجات حيدات بينورها و مشات جيهتو غي شافها اسد لتخ لبيسي ..
اسد : شحال غاتبقاي تعاندي ؟؟؟؟؟ كنقول لمك جوج كلماات منبقاوش نعاودهم كل ساعة ... دوك الكوارع ميتعراوش ... ويونس لتحت 
لامار : وراا مرتو معرياهم كتر مني
اسد : شغلها هاداك بينو و بينها مرتي لي كتهمني انااا تسمع كلامي و لا غانشتتلك داك الفم لي كاالس عليا لا ... راه متاقي فيك الله
لامار : وباركاااا ازمر ماتبقاش تهدد فيااااا جيت الما و جيت 
اسد : انا منبقاش نحفي ف كري ... هضرة وحدة قلناها 
لامار : وصافي دابا لاش معصب ( كتقرب تهدنو ) واااحبيبي ... مالك شاااعل علياااا دابا هم

اسد : حتا كيشدك صح بداي تبحلسي 

لامار : ( مجبدا ليه شفايفها يبوسها ) همم ...هممممممم هممم ( كتقوليه بوسني ) 

اسد : ( عطاها مخدة ) بووسيها حيت هاد مخدة تسمع و لا نت

دفعها ودخل ناض حيد سيرفيت بعصبية لاحها ودخل عريان لدوش ... وهي كالسة تحسب فصبعانها كملات العاشر وهي تسمع 

اسد : ( فمو عامر وصوت مبحبح ) لامااااار

لامار : ههههههههه 

غسل فمو وخرج عنظها هاز فيدو لبوماض 

اسد : اش هادشي ححامض ....

لامار : دوونتفخيس ... دوا سنان كيف كتقولو نسيبتك

اسد : والله مكاااتحشمي اس دايرة فيع 

لامار : اااااشهاد ظلم ( خنزر فيها ) وااانتاا لي مخبيلي تيليفون مع للوسادة كتحشم ؟؟؟ هانتا برقعتي جبهتك ...

لاحو و دخل جبد واحد اخور جديد ... غسل فمو خرج عندها .. (.دابا سارة كيجيب ليها الله راه مكاين غي الشعرررر و روووومانسية ههههه ) خرج مكيشوفش جيهتها و طفا ضو مخلي غي الفايوز و تخشا فسرير وهي تكمش فيه ... 

لامار : اش هاد الفشووش نزلو عليك تاني .. كتمرض كاتفلللس وكاتخسررر 

اسد : راه نتي لي كتقلبي عليا خاسر دابا

لامار : خاسر مالك سونطرال تسالاتك الصلاحية ... نىدو بزك لشركة يديروك لبنن ...ولا يردوك للبققرة و لا لذاك ثور لي كفت ليه هععععه حيت ملي كتغضب كتولي مخنخن هههه بحال داكشي لي حلبت منو ههههعهه

اسد : نوضي تكعدي 

لامار : ( كتزيد تشبط فيه وبدلع ) لااااء لاء ... بيييت رااااجلي راااجلي انااا حبيبي اناااا

اسد : ( طلعها عندو بيدووو من فكها مزير على سنانو و لاكن معاملها برفق ) نعاود نقول لكلام وتعوجي عليا فمك

لامار كضور راسها باه ولا 

اسد :لامااار مكنضحكش 

لامار : لاء مغانعودش ... والله و الله 

كيشوف ليها لنيفها مستغرب ....وهز يدو كيقيس ويشوف لنيفها وشمو ..... 

اسد : لامار ؟؟؟؟ اش هادشي 

لامار : شنو ( كتمسح فنيفها وهي تلقا دلك غبرة ) اااه لقيتها لكوزينة طنت كنشمها شنو و بقات فيا

اسد : شنوو؟؟؟؟ اش كيدير عندي هادشي فدار ؟؟؟؟

لامار : وشنوو هذاا ؟؟؟ حسايتني طحين و لا سكر كلاصي ...شنو هو ؟؟؟

يتبع