حبيبي الأصم الجزء 31

اسد : لامار فين لقيتي هادشي!
لامار : فكوزينة و الله ..فاش مشيت نجيب لما كنت راجعة لقيت منو على الكنطوار و بقيت نشوف شنو هو ملي شميتو لسقلي فنيفي
اسد : ليي لقيتيه نت خشششي فيه مناااخرك ....مرا اخرى تلقاااي بحال هاكا ماتشميهش فين عايشة فين
لامار : اولي هانتا براسك شميتيه .... وشنووو هاد زمر خلعتيني
اسد : هذاا راه لادغوووك ...
لامار : شنوو؟؟؟؟ ك كيفاش مخدرات زعما ؟
اسد : ايه ... ونوع من انواع الكوكاين و نوع رخيييييص بزاف ... سميتو السنو ....
لامار : و اش كيدير عندنا ؟؟؟
اسد: هادشي لي كنحاول نعرف ....المشكل انو لي كيتعطاه رااااه خطر ... راه ماشي تالكوكايين راه هذا نوووع رخييص و خطير على بنادم وادمانو صعيب كيهولس ...
لامار : 😨 اربي سلامة ....وااااش جابو لهنا ...
اسد : على الله مايكونش يونس .. حيت لاكان هو راه مكاين لي يفكو مني... كولشي تا الادمان مكنقبلوش ...وماركة رخيصة بحال هاذي ....
لامار : ( كتفكر ) صبر صبر .... شوف دابا انا قبل ماندخل لكوزينة لقيت سارة فظلااام فنفس بلاصة فين انا لقيت دااكشي ..وغي شافتني تخلعات وبدات تدخل و تخرج فالهضرة .... مافهمت والو ... تكون هي ؟
اسد : اش كتقولي لا مكيمكنش ( دار عليه مخدة كيفكر ) سااارة؟؟ لاا ....
لامار : وعلاش لا
اسد :واااموصيبة هادي تاني ....مشكل راه معنهوموش فلوس .. وفلزس لادغوك منين حات ... راه هذا نوع رخيييص كاع على الاقل خاصو 500 تا ل 1000 رهم لغرام ..
لامار : ونتااا باش عرفيتيه ؟؟؟ ياكما كنتي كتاخدو ...
اسد : كوكنت كناخدو كاع مناخد نت اصلا ... كو ؤاه تاليا دايلا واخد شي جنية راه قتليك كيهلوس لي تعطاع بزاف اخخرتو مكتكونش على خير .. اه فعلا ناا كنا كناخد لالكول.. شيشة ..كنكمي .. مي باش نتعاطا لهادشي .. صحتي مرخيصاش عليا ( ناض ) تبعيني غسلي يديك ...
مشاو لدوش كيغسلو و كيغسل ليها نيفها ....
اسد : غدا و نشوفو هاد الحريرة ... واخا انا متأكد غايكون غي شي غلط مابايناش عليهم لا ...
مشاو لسرير
لامار : دخلتي ليا الوسواس لراس دابا
اسد :وعلاش ؟؟ ( جبدها عندو نعسها عليه ) مديريش فبالك نت ... فف ( كيحك فنيفو ) مروح وزدت هاد المرض
لامار : ( طلعات معاه راسها ) نديرلك شي دواء ...
اسد : ( مد ليها شفايفو ) همم اه

بدات تضحك و طلعات كلسات عليه و كالاتو بالبووووسان تالقاتو قلبها تحت منوو .... كيهبط ليها فللكسوة .....
جااا نهار جديد مشمش والبرد فيه ...لي دااز ليل ديالو ثقيل على سارة... يونس ناعس وهي غي كضور و تفكر عنداك لامار تفضحها ولا تكون شافتها .... اما لامار فاقت ودخلات لدوش دوشات و خرجات ببينورا و شعرها مشدود بفوطة لور ...ورجعات لبلاصتها فسرير و اسد ناعس على كرشوو عريان وشعرو مخربق زادت خرباقوتليه بيدها كضحك ..وهزات تيليفون كتشوف ... حتا كطيح فواحد الموضوع كيقولو ان المراا خاصها تكون قاريا اللغات وواعية باش ثيق فراااسهااا و ماطيح فحتا احراج و كلسات تفكر نهار لي قال سيرفور لي بواسون وهي قتالو ماخصنا بو حوت كانت قمة الاحراج و لتخات داك تيليفون كتغزز فضفارها و تحاول تنطق جملة مقادة بالفرنسي واااالو
لامار : زممممر فاااش كانو ناس كيقراااو انا فين كنت ... وراااه كنت كنجيب فيها مزيان مالي دابا ... ( ضارت شافت فأسد لي نااعس ماجايب ليها خبااار و بدات تفيقو بيدها ).
لامار : ااااسد .... اااسد وافيق و باااركا ... وطااارلي نعااس وااابنادم واااروووكان ... اااسد راااا ثمنة د صباااح ماتنوضش تخدم على ولادنا لي مخبعين فالخصية ديالك مزال ماشافوو ضو
اسد خسر سيفتو طلع فيها عين وحدة و لوخرا مسدوة ...
لامار : فيييق معاايا ..
شاف فيها كيسغفر الله قبل مايخلطها و ضار لجيهة اخرى و بدات تاني كاتنوضوو
لامار : و الله تاااتفيق معاياااا بالله ....وفييييق عندي مشكككلة عاااويييصة
بدات تزعزع فيه تادارتليه الارارة وحل عنيه مخسر و ضار عنها مدددعدع
اسد : لامااار فوتني عليك كانقولك ماتخسريش فيا نعاااس ...
لامار : يااااك ياااك .. مالك ولتي كسول هاكا كنتي كتنوض مع ديوكا قبل مانتزوجو .. نخسر فيك نعاس دابا ؟؟ نسيتي نهار صونيتيلي مع ربعة د صبااح كتقولي اجي عندي و على سعدي و عدي جيت ( هي كتهلل واسد تكاااا موكل امرة الله كيحك فعينيه و نعاس باقي شاد فيه ) عقلتي فاليخت كنتي كتنوض قبل مني توووطد الفطووور ... مالك تكاسلتي دابا
اسد : ( هز تيليفزن كيوريها ليها ) راااه ثمنية د صباح ... مالي غانوض نقل الخضرة ؟ راه ماشي انا لي تكاسلت نت لي ولتي تنوضي مع دجاج
لامار : ورا زواج دابا الموسؤولية قاتليا ماما بداي تنوضي بكري باش تووولي مراة
اسد : وانا لاش تردني معاك مرااا ؟؟؟، خلني نعس ( جا يرجع و شداتو )
لامار: لاااا حتااا تسمع لياااا ....راااه عندي مشكل مشكل مشكل
اسد : ( رد شعرو لور ) اعوود بالله على الصباح
لامار : شوووف بغيييت نقرا
اسد : ؟ اش تقراي !!!
لامار : الدمياااطي .... اللغااات ..
اسد : هههه ( جاتو الضحكة و بدا يحك فلحيتو و شاف عنها ) تغوفلات ياك خاصني نقصها ...نقصيهاالي
لامار : غااانقص ليك من داك دنجال المكلكل لتننحت لابغيتي كنخييبر علياااا وهانتا غاتعيشرني عاوتاني ونا باغا ندير عقلي ...واش انا كنقولك باغا نقرا اللغات و نتا كتشوف للحيتك ...واش خصها تنقص وباغي تفقصني صحة
اسد : ( ربع يدو ) الالة سكدي غي العربية بعدا عاد سيري لحاجة اخرى ...ناس راه كاتبدا من درجة لول ماشي كطلع ديريكت لسطح
لامار : وماالها عربيتي مكادة
اسد : كننهضر على الفصحى ...
لامار : وتاااهي مقادة سير سول كوااااني ..
اسد : كنقولك هاد سمية متبقايش تنطيقها حدايااا
لامار : وااخاااا وااا سير سول كوااك ..والله تاكنهضر مزيان اللغة العربية ... الحوفصى .. الصوفحى .. شناهي هاديك ؟ كتنسالي وصافي

اسد : ( فيه نعااس و خصو يرجع يكمل نعاسو .. وهي مغاتخليهش... كيفكر غي كيدير يصدرها ) وخا انا غانعس ونعطيك اكزيرسيس .. مني تخرجيه فيقني
لامار : ( قلشات ودنيها ) اااه قووول قووول و الله تانخرج وتخرج على باااباه ... يالا قول
اسد : ( مخربق بنعاس مكيعرف اش كيقول خاصو غير يتهنا ) واحد اغتصب وحدة فالغابة تحت تأثير الكحول وملي سلا الماتش طاح نعس بالعيا ... صاافي ملي تعرفي تقوليها بالفصحى و تكون جملة مفيدة فيقيني ..
رجع نعس ودار عليه الغطا
لامار : دابا انا لكوا تابعيني تافرقرايا ....
بقات ترمش و تحرك فششفايفها ماكاملاش دقيقة بدا تتفيق فيه عاود وهو كاايسووط
لامار : وصااافي لقيتييها
ناض عنها معصب
اسد : انا معرفت اش دا جدي لشي زواااج كاع ... كنت مههني .. غي انا وروووبن و سعااادة اش دا دينمي لشي صداع راس
لامار : وهاد الهضرة منبعد و نتفاهمو عليهااا ...ودابا سمع قبل مانسى الجملة...
اسد : ( ربع يدو كيتنفس موكل امرو الله )
لامار : حشائشي ضرب حشوونا وسط الحشائحش فطاح للارض محشيااا ... مم محشيااا الاركاابي ...
اسد بقا يرمش فيهااا شحااال وحيد عليه الغطااا يجهد وناااض لدوش وهي بقات ترمش فيه
لامار : ها ؟؟؟ مالها ماعجباااتكش ..وراه درتها بحال الشعر زعمااا ... واجججي غاعطيني النننقطة ... واش ماشي هاااكا ؟؟؟؟ تفوووو محساااد مغيار ماتبغي حد يتتتعلم ... مخسكش نكون حسن منك .... بناااقس عطا للله المعليمين يعلموني ....
ناضت غضبانة كتقلب ماتلبس

ناضت غضبانة تقلب ماتلبس .. لبسات جين و كبيبيط كرونه وجمعات شعرها لغوق تاكان اسد خرج من دوش لابس فوطة وعاقد غوباشتو ... وهي كتشوف فيه و تخسر فسيفتها
لامار : اييخ عمرو يصبح ضاحك كي ناس ...
اسد : وجديلي كوستار بلو ( كيفتح المجر يجبد البوكسر ) ..
لامار : مااموجداااهش ...
اسد مشافش عندها كاع لبس ورجع ليها كانت كتجمع فراش وجبدها عندو
اسد : فين كوستار ؟
لامار : سييير نتا خودو مالك ماعندكش اليدين و لاياكما محني ؟
اسد غي كيشوف فيها
لامار : مااماشياااش وربي كبير ( اسد باقي كيشوف فيها ) راااه ماغانجيبوش سير خودو راااسك ( نفس الشوفة ) اا م ... م مانجيبوش ..... ( خنزر و بدات تدمع و طلقاات الحلوق ) هئ هئ هييئ ... والله تااااحكاااار ...حكااار بالله تااااحكاااااار ... ( اسد بقا غي كيرمش مستغرب ) يااك ياااك كتحكر عليا انا لي مرتك ولا حول لي ولا قوة ....شوووف نتا قداش و نا غي صغيييرة حداك ... حيت بعيدة على ماما ... حيت منقدش ندافع على راااسي يالحكار
اسد : لامار ؟؟؟ تسوطالك شي فيزيبل ولا بغا تسوطيه لديلمي هاد كنازة كاملة حيت قتليه توجديلي حوايجي !؟ ( كيشوفها كتبكي من نيتها)
لامار : ( كضربو لصدرو ) هذي هي غانكون باك وماك وخووتك وجارتكم الكبيرة و خالتو امنة و كواااني .. ونتاا دايريني كيشي خدامة كالس كتآمر فياااا جيييبيلي فعليلي تركيلي و نتا عندك يديك فين يبانو مع ديالي خباطات ضرب بيهم يهودي والله تايشهد ويقرا الفاتحة ويدخل لاسلام ...ططططلي عليا يااا ماما طلي على بنننتك طلي عليهاااا تامن الصووفحى مابغاش يعلمهالي عدويا هاذا ولا راجلي ... باش مانكونش حسن منو ونبقا ديما لتحت لتحت .... حكاار باااش غاتكون نتا حسن مني .. بدووو عضاالات ..ولا بمولاي جعففر لي اضلا كيولي فيدي غا خالتي ضاوية ..

اسد جابتلو الضحكة وجبدها لعندو عنقها
اسد : ششش سكتي الحمقة كتبكي من نيتك ولا شنو ... روحي را لاقتليك وجديلي كوستار غي كيعجبني مرتي توجدليا حوايجي ... اشمن خدامة ولا زبل ... وصااافي حبييبة .. صااافي مغانعاودش الالة غانعلمك صوووفحى و كوولشي داكشي ... وصاافي سكتيييينا قبل لانقلب وجهي ... كاع مسحتي فيا خناينك
بعدات عليه كتمسح فدموعها بيديها و تخنشش
لامار :غي اااجي وسمح ... راك جرحتي جرح كبير فقلبي و بلاصتو محفووووورة هناااا( كضرب لقلبها ) حفرة كبيرررة
اسد : اووه يانا على الدراماا ..
لامار : راااه كندوي من نييتي
اسد : موشكيلة هادي .. صافي كي نكون جاي نجيب معايا السيما و الياجور نسدو داك الحفرة ..
لامار : 😡😡😡😡 والله مكتحشم ... انا جرحي عميق ونتا كطنز
اسد : ملللخر ....
لامار : كاادووو
اسد : ااش بغبتي ( ربع يدو )
لامار : الكادو مكتقالش
اسظ : مكيتقالتش و ماكايتطلبش
لامار :انا كنطلبوووو.. حيت عارفا راسي لامطلبتوش ماغانشوفوش ...
اسد : صافي حبيبيتي انا نجيبلها كادوات هوما ماشي غي واحد ... صافي ؟ وسري جيبلي الكوستااار راني معطل مابقيتش باغي لبلو جيبلي كري ...
صاطت على لافرونش ديالها لي طاحت على عينيها طلعاتها و مشات لديريسنغ وهو بقا يضحك .... لبس وهي كالسة تلعب برجليها وتسولو امتى يعلمها اللغات .. وهو كيسكد الكرافات مع المرايا جات رشات ليه البارفان وكلاها بواحد 5 دبوسات بالخف وخرجو ..سارة كانت تاعدهي خارجة من بيتها سمعاتهم ورجعات تخبعات
لامار : اااه حقااا ...واش غاتسول يونس على الكوكاين لي لقيت فكوزينة ؟ كيفاش غاتقولهاليه اتاري عنداك تحرجو ..
اسد : ضروري غانسولو .. هادي حاجة متادوزش ببساطة ...
هبطو وسارة بقات تغزز فظفارها ...
ورجعات تاهي تبعاتهم متوترة .. لقات لامار فكوزينة كتوجد الفطور
سارة : صباااح الخييير ... سمحيلي مفقتش بكري محسابتنيش غايصبح اسد خدام
لامار : ماشي مشكل نعستو مزيان ؟
سارة : ( كتشوف لشعرها فازك مجموع كعكة كتزيد تجنن ) اااه مزيااان ... خليني نصاوب عليك القهوة اسد كتعجبو القهوة ديالي
لامار : مم ... اوك ..
خلاتها كتصاوب وهي كتسول راسها واش تقد تكون هي لي كتعاطا داك شي ... يونس تاهو هابط فدروج مقاتل مع الكرافاط
يونس : اااسد فككني غاتجييفني .. كيف كاتعقدو هاد زمر وتستحملوه
اسد : ههه واش داك ليها
يونس : وراه ليووم غانعرض المشروع ديالي و خصني نكووون انيق ...
اسد : ( كيصاوبها ليه ) بون كوغاج ...
سارة و لامار و جدو لفطور و بداو كايحطو على طبلة ... و تجمعوو .. لامار كلسات حدا اسد و كتشوف فيه واش غايهضر و اسد سالا فطورو و مسح فموو .. وشاف عند يونس وسارة مراقبة و قلبها غايسكت
اسد : يووونس .. وو( قاطعاتو سارة )
سارة : ناااري شوووف زاج كيفاش خلاتو المسخوطة والله مكاتحشم ( كلشي ضار فين كتشوف )
يونس : علامن كتهضري
سارة : على المرا لي جات لبارح تعاوني نخمل دارر باش نستقبلوو اسد و لامار حشمت يلقاو الدار مغبرة

يونس : جبتي شي مرا ؟؟؟؟
سارة : اااه نتا كنتي مشيتي تشوف الخدمة .. صراحة انا كنت باغا نخملها بوحدي ... ولاكن حاتني كبيرة و منقدش .. وعيطت لداك المرا لي كانت كتجي عندنا شحال هادي عقلتي عليها ايونس
يونس :خديجة ولا معرفت اش سميتها ؟
سارة : اااه هاديك سعا مصدقاااتش ...
اسد : اشمن مرا ؟؟ علاش عيطتي لشي وحدة راهم كاينين ديجا ...عيطي غي لاجونص غايسيفطهوم .. وعلما كنضن راه سيفطهوم فاش وجدات دار
سارة : وووي بصح شفتها رجعات توسخات ... ماعرفاش واش كاينين عندك .. انا ديك مرا عيطت ليها حيت عارفاها مططلبش بزاف ...
اسد : مرة اخرى مادخلي تاوحدة غريبة لدار و لا للمنطقة كاملة خصوصي لاكان عنها علاقة بداركم لقديمة ....
سارة : غي سمحولي و الله حشماانة منكم خصوووصا ملي .. ففف كيفاش غانقولهالكك
لامار : ؟؟؟ ياك لاباس
سارة : غي سكتي اختي .... خليتها فكوزينة قاتلي بغات تشرب .. ملي شتها تعطلات لقيتها ... فففف .... لقيتها كتشم واقلة شي عجب بيض كيف طحين داير
اسد : ( شاف عند لامار ورجع شاف فسارة ) اهاه
سارة : يمكن مدمنة انا شكيت فالمخدرات ... وجريت عليهاااا دغيااا تامن شغل مدارتوش مقاد هانتا زاح باقي مضبب
اسد : معنديش مشكل فزاط اسارة .. وحدة غريبة مدخلش لظار مرة اخرى لامكنتش اخر مرة تعاوديها اسارة ... اخر مرة
يونس : مغاتكونش قصداات .. مغاتعاودهاش ...
سارة : غير سمحولي مكنتش باغيا نبرزطك بتيليفونات ...
اسد :امتى جات هاد المرا
سارة : فصبااح كان يونس عاد كيخرج .. ونا حسابتني غانجيو لغدتء جبتها تعاوني ....
يونس : وعلاش مقلتي والو ملي جيت
سارة : راه داك ساعة تشغلنا كنتسناو فيهم ونوجدو مشات من بالي .. ( لامار غي كتشوف فاسد )
يونس : زعما مراا كبيرة اش وضلها لهادشي
سارة : وهانتا كتشوف بنادم متعرفو علاش طاوي ... ( ناضت كتجمع الطبلة هاربا من قوة الاسئلة )
لامار : خلي بشوية انا غانوض نعاونك
سارة : لا احبيبية مكاين لااش غي رتاحي ... والله تاحشمانة منكم ...
اسد : هادي دازت... مرة اخرى متعاوديت وماديخل تاحد لدار بلا خباري ... ( ناض ) يونس يلاه نوصلك فطريقي نساو هاد موضوع ....
مشاو ولامار تبعات اسد وسارة بقات كالسة كتحمد الله لي تاقوو ويونس كايشوف فيها واش تجي تاهي تودعو كيما لامار لي تعلقات فاسد كتسكد ليه الكول ..
لتمار : رد لبال لراااسك ... غانتوحشك متعطلش
اسد : ( جبد ليها على حنكها ) حتاا انا القملة لاقنطتي عيطي ليا
لامار :اش تبغي لغدا ؟؟
اسد : دابا نجيبو فيدي توحشت طياب شيف لي عندي ... بلا متعدبي يلاه ترتبي لحوايج مزيان فدريسينغ كولشي مخربق ( باسها ) يالاه تهلاي فراسك

سلمات تاعلا يونس و خرجو وهي شدات فلباب كتشوف فيه
لامار : ( كدير بايباي بيديها ) متنساااااش الكاااادووو ...
عطاها بوسة فالهوا و دخل لطوموبيل و يونس طالع ليه الخز علاش تاهو مراتو مديريش ليه هاكا .... دخلات لقات سارة كلسات على ليفوطوي و شادة عندها تيليكوموند مامسوقاااش و طبلة دالفطور هاكاك ... ياك هي لي كانت كتجمع فلول حداهم؟؟؟ .. مابغاتش تحكر و مشات كتجمع كتبقا هادي دارها وهي مسؤولة عليها .... دارتهم فلافيسيل و بدات تمسح وهي دخل عنها
سارة : حبيبية سمحلي غانعدبك... واخا توجدييليا شي عصير كنضن مابقاش من لفطور
لامار : نعام ؟؟؟؟
سارة : عصير احبيبية
لامار :هههههه ( طلقات ضحكتها د زويهرة ) حوووباي الفنينونة ... بانتيلي مكتعرفينيش مزيااان ... ولاكن غاتعرفيني مع الوقت ... راجلي و مكنحملش يآمرني عساك واحد اخور ؟ منيتك ابب...را ثلاجة قدامك
سارة : اا ؟؟ سمحليا عنداك تكوني فاهماني غلاط ...ولا تقولي كنآمرك ... مقصدت والو يعني تانا عادي لبارح كامل واقفة فكوزينة كنوجد ليكم العشا دلبارح
لامار : لهلا يخطيك .. نرودوهاليكي فساعة للخير
غمزات ليها ومسحات يديها ونفضات سربيتة و طلعات لبيتها وشدات لباب
لامار : هادي اش كيحسابت ليها راسها من صواب كان عليها تجمع معايا طبلة رااه تاهي وراجلها فطرو .. اش هاد ضسارة حداهم كطير كي فريفرة و فاش كيمشيو كدير فيها سلطانة هيام ..لا وقالك ممكن توجدلي عصير يتعصرو بزازلك انشاءالله تايخرج منهم رايب زربق ... هاادي بانلي بااقي ماشفت وجه زويهرة ... اييخ مابغاتش تسرط ليا
دخلات لدريسينغ روم كطوي وهي تسمع دقة و دخلات سارة و لامار تنهدات معارفاش علاش متكترتاحش ليها وكتجيها كتبعكك صحة ...
سارة : حبيبة بقا بالي معاك .. انا راه مقصدت واالو ...
لامار : تانا راه ماقلت والو
سارة : شوفي الى متقلين عليك قوليها
لامار : اش وصلنا دابا لهاد للهضرة ؟؟
سارة : معرفت غي حسيت
حطت لامار الحوايج وجات عندها
لامار : سارة انا كيعجبني بنادم لي يكون صفحة بيضة نعطيه عيني و مايغلاوش عليه ظ. يعني بلا متحاولي تلعبي شي شخصية قدامي حيت سابقاك لتمثيل و مزوجة بواااحد كيعرف كولشي من العينين و عاداني و علمني . .. العينين فاش يكوونو كيضورو بزاااف ومثابتينش كيكونو غي كيمثلو هادشي لي قاليا... كون نصرفي معايا عادي و بقلبك وبلا داك تبعكيك خاوي ... راه غانترصف معاك تانا كتر من ختي ...انا ماشي منافقة وبنادم كنعطيه حر عيني فوجهو ...
سارة : ولاكن انا را
لامار : شش ..عنداك يحاسابتك نسيت اش درتي اخر مرة ؟ كيفاش لعبتي عليا وثقت فيك وخرجت معاك ونت كنت مودجالي خلا دار بويا ... ولي عضو الحنش كيخاف من عود الند آالعمر ..بلاصة متجي تمثلي عليا كسبي ثقتي لي ضيعتيها من قبل ... ومغاترجعش غي بضحكة صفرة منك
سارة : حبيبية و الله الى كنشوفك فاهمة غلاط
لامار : داك حيبية بدات معااجبانيش ... كون تقوليلي لاامر عادي ...غانتيقك ...هاد حبيبية راجلي و مكيقولهاليش كاع قد هاكا ... وتكوني كتبغيني كتر متو؟ منضنش
سارة : والله ماعرفتك معايا انا هاكااا دايرةة
لامار : انا ره كنعرفك من قبل كيدايرة ... ورااا تشاااوفنا ...شفتك كيفاش تعاملتي معايا اول مرة ماكن لا حيبية لا ستة حمص ... وكيفاااش نزليتي عليا الباطل و حمرتي عينيك فيااا وقلتي بلي انا دايراا اسم الاسد ونا كنت كانعطيه غي دواه ... نسيتي ؟فين كانت داك ساع حبييبة وهاد بروتوكولات.... كانو خارجين كونجي ؟

سارة : ورا حيت ندمممت وعرفتك انسانة مزيانة .. كنحاول نتقرب منك ملي دابا ساكنين بجوج
لامار : بب انا سميتي لامار ماشي التربية التشكيلية د الخامس ..لابغيتي تكسبيني خاصك الثقة ماشي الصباغة المائية ... وداابا خليني نطوي الحوايج عفاك ....
رجعا كتطوي و سارة تنهدات و مشات لبيتها شدات عليها كاتمشي و تجي
سارة : انا اصلا مالي فيها وعلاش نكسب ثقتها لي كيهمني هو اسد خصني نكسب ثقتو وتبان حداه هي لي قبيحة ...مزيااان تبقااا هاكاااا .... مزيان .... غانزيد عاد نخلييها تكرههني.. غي بشوية ... غانشعل العافية و نرجع بلوور ....
لامار طوات ورتبات كولشي سماطيه سوايعو الكاسكيطات الكاشكولات ... و كلسات على سرير كتعيط لماماها لي مشفولة كتجمع رحيل حيت اسد خدا ليهم دار اخرى قريبة من لامار فنفس للمنطقة ديالو ...سلات معاها وهبطات كتسكتشف فداار على خاطرها... وخرجات لجردة كتشوف و تخطط اش دير فيهاا خصوصي انها لقاات مافيها والو... وسارة كطل عليها ملفوق وتخطط ... كلسات على واحد صال مونجي خشبية كانت فالجردة وبقات مكونيكطية تاكتشوف سارة هازا القهوة وجايا عندها ...
سارة : هاانا ا لالة صايبت لينا القهوة بجوج واخا نت مابغيتيش تصاوبي ليا عصير
لامار مرداتش عليها من غير ابتسمات
سارة : بغيت غي نهضرلك انا على داك نهار ...انا ديك المرة كان مهددني عزيز و مكانش عندي شي حل اخور غير نفد اواميرو
لامار: ولاكن انا كنتي كاتبانلي مستمتعة بداك شي لي كديري ..ماشي حالة وحدة مهددة .. ( حطات تيليفون وشافت عنها ) سارة هادي لي قدامك دازت من 5 دالمدارس ... لولا ( كتحسب بصبعانها حداها ) هي المدرسة ... ثانية حومتنا وجيران ...ثالثة هي خدمتي .. الرابعة هي عزيز .. وللخامسة هي اسد ... ماشي ساهل ديريها بوحدة دازت من 5 دمدارس .... تعلمات بما فيه الكفاية من زمان
سارة : ههههه كان كايقولهاليا عمي عزيز و متيقتويش لسااانك طووويل احيبيبة
لامار : طوييييل وطاين شكلااات خريييين فيه ... ولي طاي ...

رجعات كتشوف لامار فتيليفون وسارة كاتشرب فقهوتها ضاحكة تاكتسمع طموبيل اسد و يونس جاو وبقاو يوشوفو معاهم وهوما جاو لجيهتهم وواسد محيد للفيست هازها فيدو و يونس هاز الغدا .. وشداتو عليه سارة
سارة : ناااري ماكانش عليكم تجيبوو الغدا يلاه كنت غانقول للاماار نمشيو نوجدوووه
لامار طلعات فيها حاجبها ...
لامار مشات عند اسد سلمات عليه كتحل عينيها بزز فمشمش
لامار : ( درق ليها عينيها بيدو ) فين الكادو
اسد : فين الكاادو ... بعدااا غي سولي فياا
لامار : وهنا كانشوفك واقف كي العود شغانسول فيك .... ماقوليش نسيتي الكادو ...
يونس : ههه قضيتك صعيبة اصاحبي ..
سارة زيرات على داك لي ساشي ومشات لكوزينة
اسد : لا على انا نقد .. راه فطموبيل ...
مشات لامار كتجري لقات كاروطونة كبيرة عااامرة بالكتب ديال تعلم اللغات
لامار : يااا اسد غاااتعلمني ..
اسد : همم( هزهوم ليها و زادوو طلعو ديريكت لبيتهم ) ..
لامار : ( كتلقب فيها ) اووب حتا التركية ؟؟؟
اسد : ( حيد الكرلفاط وتكا على سرير ( تما كولشي باش متقبقايش محفيا ليا مخي كولا ساعة ...
لامار : يييي والاه تانتعلم بالله
اسد : خلي دابا داشكي و اطي عندي ... ماتوحشتيش راجلك هم ؟
حطات داكشي من يدها و مشات تخشات فيه ماطلق منها تا طبعها كاملة بالبوسان خلا شفايفها قرب ينزل منهم دم ... سمعو يونس كيعيط يتغداو وهبطو ... لامار خشات راسها مع يونس كتشوف معاه مشروع و اسد دخل عند سارة كانت كتوجد غدا .. وحيد ليها لبواط من يدها و ضورها عندو مخنزر ...هي بقات غي كتشوف مافاهما والو وداك الشوفة كتخوف ... ربع يديه و بقا يشوف فيهااا مخخخخنزر
سارة : ا ااا اسد ؟ اش واقع!

اسد شد لباب د الكوزينة وبدا يقرب عندها وربع يدو كيشوف فيهاا
سارة : اا اسد .. اسد اش واقع ..؟ .. م مفهمتش مالك
اسد : علاش كدبتي ؟ .. هم !؟
سارة : اا فاش كدببت ... ا اسد!؟
اسد : راك عارفا مزيان ولا ياكما تخالطو عليك الكدوب ؟ وديجا كادبة بزاف!؟
سارة : اوولي اش كتقول !؟
اسد : اوا الى كاينة غي كدبة وحدة لازم تكوني عارفاها ...
سارة : انا را معرفاكش علاش كتهضر انا را ( قاطعها )
اسد : دار مدخلات ليها تاشي مرا لبارح ...
سارة : اا ي؟؟؟؟
اسد : المنطقة كاملة مدخل ليها تاشي حد...منين نقزات هاد مرا ..من سماء ؟ جنية شفتيها غي نت !؟
سارة : ؟؟ اا ك كيفاش
اسد : سارة ... ( كيقرب كتر ) بلا متحاولي تكدبي قدامي ..وبلاما تكدبي كاع .. كون فكرتي شوية كو عرفتي كايوصلني تقرير مفصل فصباح اشكون دخل وشكون خرج ... وخا مدايرش الكاميرات فالدار باش تبقاو على راحتكم ... الى ان موظفين الامن كاينين ... اذن كدبة بحال هادي مغادوزش على واحد بحالي ... داكوغ ؟ دابا واخا تشرحلي علاش كدبتي ؟ وعلاش قلتي عليها مدمنة و حصلتيها كتعاطا لادغوك وهي مكاينة لا مرا لا والو ... علاش هادشي ؟
سارة بقات غي كتنفس وهبطات لرجليه شدات فيه بهستيرية
سارة : اااسد عفااااك كنترجاااك ا اسد ماتقول والو ليووونس عفااك نبوووس رجليك نبووس يديك ... عفااااك اسد ندير ليك لي بغيتي قتلني دببحني غي متفضحكنيش
اسد : سااارة .. ( نوضها ) اااش هاد الفعايييل ؟؟؟؟ مرضتي ولا مالك !؟؟؟ اش هاد تصرفات د الخراا
سارة : عفاااك اسد الله يررحمليك الوااالدة عفاك على وجه ماك الله يرحمها لمااا سترني ... متفضحنيش متقولهاش حدا مرتك ويووونس عفااك اااسد دير بوووجه التربية ل تربيناها بجوج
اسد : نت لي كتعطاي اسارة ؟؟؟؟ ( دارت راسها فالارض غادا تبكي ) سااارة راه معاك كنهضر ...نتي لي كتضروكاي ؟؟؟؟؟؟
سارة : ( كتبكي ) ر رااك عارف ضغط لي مريت منو والعيشة معاهم .. كيخليو الواحد دير كولشي
اسد : ( بعد صمت وهي كتبكي ) ... . فخبارك طحتي من عيني ؟؟؟؟ عقلتي اش درتي ل لامار ؟؟ مع دالك بقيتي عزيزة شوية حيت عرفتك ماشي ديال هادشي و كنعرف قلللبك حنين ... ولاكن باااش تكون كتدروووكاي و نت فهاد السن لي لازم تكوني عارفاا مزياان المعنى د الادمان وراجلك مافخباروش .... هادو ماشي فعايل بنات ناس
سارة : مااشي لخاطري و الله مالخاطري .. تيييقني والله ما مدمنة .. راه غير كنت كناخدهم باش ننسا شووية وماكنتش كنااخد بزااف و الله ... را رميت كووولشي فززبل والله مابقااا نتعاطا ليهم وبغيت نبدا من جديد
اسد : ماشي هنا فين كاين المشكل ... المشكل هو فداك الكدووب دقبيييلة .. وبحالا كنت عارفا انا اش غانقول وفخباري .. جيتي نت سبقتي الهضرة ... ونا من عينيك عرفتك بلي باغا توصلي لشي حاجة لي مكنتش عارفاها فديك اللحظة ... ماتقيتيش و مادوزش عليا كدووبك ... شكيت تكوني كتخبعي على يونس .. ولاكن باش تكوني نت ..ففف ... معنديش فمشكل فالادمان ..شغلك هذاك صحتك لامكانتش كتهمك شكون انا باش نخشي فيها راسي ؟ ولاكن باش تكدبي علينا هاكاك وعينيك فعينينا ... هادي راه مكنقبلهااااش ... اطوونسيووون اسارة راك غاتشوفي مني لي مايعجبكش ... كو كانت لامار لي كدبات عليا هاكاك كنت غاناكلها ... مي نت كنحسبك ختي صغيرة وكتبقاااي فيا وماشي من حقي ندخل فيك ولا فتربيتك ... ولاكن باش نشوف عليك هادشي .. راه مكيشرفينيش
شوية تكلات لباب و بقات تشوف معاهم لامار و اسد تنهد وهي بقات تشوف فسارة كتمسح فدموعها ...
لامار : اسد ؟؟؟ ا اش واقع مال سارة كتبكي ؟؟؟

يتبع