حبيبي الأصم الجزء 32

سارة : و و ولو ....والو احبيبة غي تفكرت واليديا واشنو دوزنا فصغر ... وجاتني البكية 

اشد بقا يسوط وخرج .. وهي قربات لعنها 

لامار : مااتبكييش راه هادي هي دنيااا ... 

سارة : ( كتمسح دموعها ) تووحشتهم وصافي

لامار : تانا بابا مات ... وحاسة بيك ولاكن مديريش فراسك هاد الحالة .. دعي ليهم بالرحمة باش متعدبيهمش بدموعك واخا ؟؟؟ .. يلاه غسلي وجهك انا غانحط الغدا .. .

ابتسمات ليها...لامار قلبهها دغيا كيحن الى شافت شي واحد كيبكي .. غسلات سارة وجهها باش متبانش حداا يونس و خرجو يتغداو بدات كتحط لامار لقات اسد على برا باقي مدخل كايكمي و مشت عندو ... 

لامار : ( حيداتلو من يدو ) والله مااكااتحشم قلتيليا غااننقص منو .. وصااافي كميتي فصباح علاش تادابا... هادي هي غاتقطعو ؟ 

اسد : صافي احبيبتي هانا ... 

لامار : متعاودش دخل هادشي لفممك 

اسد كاشوف فيهااا فتالي ابتسم فعز عصبيتو 

اسد : نمووت فيك ...

لامار : ههه يالاه نتغداااو ... بحرا نطلع نتعلم للغات 

اسد : زييدي .. 

دخلوو و اسد مكيشوفش جيهة سارة وهي عاد مكتزيد تحححرق ... تغداااو واسد ويونس رجعو للخدمة وسارة شدات عليها فبيتها ولامار تاهي دوزات نهار ماشيا جايا فجردة كتحفض الكلمات وتحاول تنطقهم ... واخا كلهم عوجين ...

دااز اسبوع واسد مكيهضرش مع سارة كتجبدو ماكيبغيش يبين حداهم باش ميضيع زواجها مع يونس .. وفنفس الوقت عاطيها بتيقار حيت عينو فاش كطيح من شي شخص ميرجعش يشوف فيه مزال .. وشسارة هاد ليام بالها مشغول غي كيفاش ترجع ثقتووو من جديد ولا خططها كاملين غايتخربو... لامار ولات كتمشي فالعشية عند ماماها تعاونها فالرحييل حيت بدات تحول حداها .. وغايكونو جيران ولالة سارة غايتخلا دار بوها لا قربات حداهم لالة حوبي ههه و فاش كتسالي كتخرج هي وماماها ولا بوحدها تقضا لراسها ولدار لاعجباتها شي حاجة وخا عندهم لي كيتقضا .. فهاد الاسبوع شقاا ولا كولو على ظهر لامار طياب و مواعن .. وخا كيجيو لي كيخملو مرة فتلتيام ولاكن مكيقنعوهاش.. سارة حدا يونس و اسد كتعاونها و غي كيمشيو كتخليها ...تالامار بدا يطلع ليها الخزز وكتجمع ليهااا ... وهي ولات غي تشوف يونس جمع شوية كتبدا طللب ليه فلووس و تمشي تشري حواايج وماكياج غاالي غي باش متخليهش يجمع وعمرهم يخرجو من تما ...

ليوم لامار دوزاتو مع ماماها فلخر خرجتت بوحدها للمول مع شيفور تقضااات وجات خارجا كتهضر فيتيليفون مع اسد .. 

لامار : لااا ماالقيتوش قلبو ليا معاك بغيتو عفاك .. اااه راني خارجة دابا لطوموبيل .. صافي واخا احببيبي .. حتا انا بزاف .. 

فتح ليها لباب شيفور و طلعات كتبقشش فلي صاك كتشوف اش خدات ضاحكة ... ويالاه ديمارا هو يتعرض ليهم واحد قدااام طوموبيل بالكرسي المتحررك تاافرانا شيفوور بجهد تاتسمع صووت فشارع كامل ... 

لامار : ايااااا اااش واقع .. 

شيفور : مععرفتش خرررج قدامي بلعاااني والله ..

جا ديك الولد كيجر رويضة دكرسي بيديه لعند سرجم وخرج عندو شيفور و لامار هبطات زاج كطل ..

شيفور : وااش مكتشوووفش قدامك.. راه كنت غانضربك ... ولا كاديرووها بالعاني باش تنصبو على ناس 

- اش كتقول ااعمي ( كيفولو عمي وخا كيبان قدو ملامحووو حزاانين وخوضر و عينيه كيلمعو منظرو مبهدل ) ترخااااص عليا صحتي انا ...وزايدون غي قتلني لا بغيتي تققتلني اصلا الحياة مابقات كتسوا قدااام عيني وااالووو ( لامار جاب ليها لبكية ) 

شيفور : سير قلب علامن تغغغبن .. راني مزروب حيد من طريق

- عفااك اسيدي لله يخلي ليك مرااتك لي راكبا لور مولات شعر طويل ولابسة لحمر .. لاما عااوني بشي صدقة ندواي راسي عندي مرض خايب و قلبي كيدق ورجليا مكيتمشاوش وخارجين فيا البواسر وعندي الما فالعدة و الما فركابي واحد الودن مكنسمعش بيها ديما .. واحد العين كتفرفر... 

لامار : ( مع راسها : اناري سيد مجموعين فيه كاع هاد الامراض و صابر ) 

شيفور : اواش شفتيني فاتح جمعية تحركك منهنا اسي محمد خليني ندير خدمتي 

- لااا اخيي سميتي متشي محمد محمد سميت سيادنا الروسول صلى عليه وسلم وملكنا الله ينصرو حاشا واش نكون فداك المقام انا هي مواااطن معوز

شوفير : راه قتليك تحرك منهنا راه غاندوز فيك بعد من طريق ( جا راجع لطوموبيل و الولد خسر سيفتووو وطاحت عليه الكآبة و الحكرة حيت معطاه والو ) 

لامار : صببر عااين ( نزلات عندو ) مالك اخويا ؟ 

- ععععع😦😦😦 ... الله .. سميتك لاامااار لا ؟ ( لامار بقات كتشوف مبهوضة ..هو راه شافها فسلسلة عنها فعنقها منقوشة ) 

لامار : واااش كتعرفني ؟

- سووووبحاااان الله ... حلمت بييك لباااااارح كتمشاي وسط جردة د الوروود وجيتي عندي قلتيلي سميتك لاماار و عاونتيني نوووقف وطرااات المعجزة اني وليييت كنتمشااااا على رجلي بعد ما قالولي الاطباء عمرك تقدر 

بسباااب لامااار بسبااااك نت .....

لامار لمعو عينيها و شيفور كيشوف لساعة تعطل ... 

لامار : بصح ؟؟؟ ..سبحااان الله

- ورررربي العاالي وححق جغيمة الحليب لي عاد شربت ... كنتي لابسة البيض و كي وريدة كتباني اخيتي .... ياااه نت لي غادي تعاونيني .. نت هي الامل دياالي فهاد الحياة انا راه عندي الحاسة السادسة و كنحس بنادم وكنعرف المستقبل حق جغيمة دالحليب لي عاد شربت ...

لامار : وماالك اش وقعلك اش وصلك لهاد الحالة ؟

- ايييه ( كيتغبن ) كنت حتاا انا عايش معزز مكرررم وسط دارناا وخوتي .. حتاا ... حتاا طرطقات الوالدة ... بغيت نقول زعما البوطة.. كولشي مات ....و انا نجيت وبقيت كنتلاوح فزناقي كيف كلاب طارويات اخيتي ... ورباوني شي ناس و تكرفصو عليا حتا هوما كتر من زمان اخيتي ... وهانتي كتشوفي حالتي .. ايييه ياااا دنياااا شحااال غدااااارة

لامار : فففف ... ( ضربات على كتفو ) مااشي مشكل كبير راك باقي صغير و مستقبل قدامك ... ( حيدات بزطامها عطاتو ) .. نتمنى نكون عاونتك 

- ررربي خليييك ويحميك وينيجيك ويبعد العديان عليييييك ..

لامار : اامين حتا نتا الله يشافيك .. ولاكن متبقاش هاكا كتسعى فطرقان راه تقدر ضربك شي طموبيل شي نهار .. سير لشي جمعية ولا قلب ليك شي خدمة( سااهي فيها ) 

- كتنتفي حجبانك ؟ 

لامار : ؟؟؟؟؟؟ 

- اا بغيت نقووول ( رجع كيتغبن ) وااااش كضحكي عليا ا خيتي .. واش يقبل شي واحد يخدمني ونا مشلل بلا رجلين بلا حول ولا قوة ... 

لامار : و اش فيها ؟ . عمر للاعاقة مكانت عائق

- اوا وعلاش سماوها اعاقة.. هو فصراااحة انا راااه كنننعرف نديررر كوووووولشي و كنتقن كولشي و فين مااحيطتيني نحمر ليك وجهك ... خاااص غي لي يشوف لعندي ويحس بقدوراتي رااني قااري و مجاااز .... غييي الحياة حكارة

لامار : فف والله كون عرفت بااش نعاونك حتا نعاونك ... ولاكن مكنضنش واش عندي ليك شي خدمة 

- غغي شوووووفي ربي اخليك راك غادي تجزااي بخييييير كبير ربي غايحن عليك ويفتح لي بيبان الخير ..والجنة مضمووونة مضوووونة لادرتي الخير فهاد اليتيم راااااه كاانعرف ندير كولشي لابغيتي انا نصوك بيك ماشي مشكل ورا قتري داكشي د لاميكانيك وداااكشي ( شاف فيه شيفور بعمنى انا اش كندير هنا ) 

لامار : هاء؟؟؟ كيفاش غاتصوك ونتا مشلل ... 

- نصوووك والله تانصوك طيااارة انا نطلعها .... نتي رااه بقاا مكتعرفيش انا را عندي واحد القدرة كبيييرة حق جغيمة دحليب لي عاد شربت

لامار : مكككرهتش نعاونك والله ... كنتمنى ليك تلقا شي خدمة غي انا معنديش شي فكرة اناا كنت باغا غي جاريدينيي .. ولاكن نتاا راك مققعد .. راه مامكنش 

- شكون قالهااالك 😯😯😯 ...وهاانتي ششششتي اخييييتي .. ياك قلتيها بفمك ولسانك شاهد .... الاعاقة عمرها كانت عائق .. اوا علاش حكيرتيني و ماقبلتيش تخدميني عندك قبل ماتشوفي علاش قاد ... ياك غي جردة ؟؟؟ لاخدمت عندك نردها جنة فجوج دقاايق اشمنك ياشجر اشمن يااورد اشمنك نخل وي ويدااان .. را تا واد سبو ندوزو حداا باباك .. راه فايت خدمت فواحد جردة د موسيو علالي هذاك لي كيدوز فرشيد شو وسيري سوليه .. وتا داك مغنية اجلام انا لي سكدت ليها المحاابق ....ااايييه يااا خيتي .. حق جغمة د حليب لي عاد شربت ... راه كندير كلشي جاردينيي طرسيااان بولومبي نقابل دراري صغار نصايباك شعرك ندير ليك لاسيير .. نغسلك مواااعن نشطح ليك لاقنطتي كوولشي نخوي موراك الما فطواليت كوولشي كوولشي

لامار : ههه زويين يكون فيك النفس دالخدمة والله .. ياريت الشباب كاملين بحالك.... صافي انا غانشاور راجلي لابغا مرحبا بيك تصاوب لينا جردة .. شنو سميتك بعدا 

- انا ؟ اسبرووو 

- شنو؟؟دوا؟

- اه كيشتي اسبرووو كيصلاك لكولشي ..وتانا كنصلاح لكوولشي اخيتي 

- هاكاك هههه صافي واخا .. نتا كتكون غي هنا ؟ 

- ااا هنااا اراااه هنا تلاقيني دييما هادي هي بلاصتي .. 

- صافي نشاور راجلي ونرد عليك

- (خبع على فمو ) على هدا بو فيكورة ماشي راجلك ويلي ويلي ويلي على حالة اخيتي .... ونا لي كالس و الله مايساتهلها البنت اية فالجمال .. هااويلي يسمعني راجلك يشللي يديا لي بقاو ... 

لامار : ههه والله ماسخيت بالهضرة معاك ..جيتيني لسانك طويل كتر مني ا اسبرو .. صافي غدا لا بغا راجلي غانجي عندك تانا عجبتني .. ..يالاه بسلامة دابا مزرووبة و ماتبقاش تلوح راسك قدام طوموبيلات 

- هاااويلي لا على نقد مزال اخيتي ... الله ببيتك فراحة الله ويسهل عليك ماااصعاااب 

رجكبات لامار كدير ليه بايباي من زاج وهو غي باقي كيدعي 

- وينصرك ويعلي مقامك و شاانك و الله يحن عليك ( تاحس واخد ليد شداتو و ضار عندو ) والله يخليييييها سلعة ..

-الشرطي : ااش كدير نتا هنا؟ كنقووولك متبقاش تصدع المواطينين .. واش بااقي مابغيتيش دييير عقلك 

- هاوييييييلي؟؟؟ شرطي كيتعدا على مواااطن معاااااق عارف عقاب هادشي فالقانون ؟؟؟؟؟

- دابا وليتي كتفهم تا فالقانون ... انا بعداا كتقلني بدااك جبهة لي عندك

- ومالها جبببهتي ... نسيتي جبهتك ؟ كون تشوفها شي باطرونا و الله لا زكلاتها تفرش فوقها بيت نهاس و دخل ليه المناضيلين الاخيار ... نيت حبهتك غادالكوا .... 

- امااابقيتي كتحشم المممبنت 

- راااااجل ...ولي ماتقتيش اجي تجررب .... ومااالك تقلقتي اش فيها تةلي تكري جبهتك بسطاش لميا لليلة ولله تادير لابسا حسن ماتبقى ديما كتشير بيديك فرومبوانات كي شي واحد مشير اخيي

- او اللة يعطيك شي عقل يلاه تتتحرك منهنا و منبقاش نشوووفك 

- وطططلق مني ولا والله تاااااا نفضحك ونمشي عندك مرتك نقولها كايتعننننب على دريات لي كيقطعو فممر الراجلين .... نقولها كايشد العميات يدير راسو مقطهم طريق وهو مكايوصلو لطريطوار تاكايخورهم ملور ... وكااان طااامع تا فيا كون ملقيتيني قاااد ليك .. ماال مرتك ماعندهاش تقبة ؟؟؟ ولا ياكما وسعتيها ليها وباغي توسع خرزتي تانا ....

- سكتنااا لله يمسخك

- وطلع واحد لالف ريااال راه شتك عطاها ليك واحد قليتيو مدايرش الصمطة هو كان دايرهااا ... نتا سرقتيه حرام عيك ... عطيهالي و نردهاليك وتولي حلال عليك 

- اييه صافي من القانون لدين

- ايه من القانون لدين .. لخلا دار بو الواليدين ..يالي معووولين عليهم يحرسوونا ويلا غفلنااا يخورووونا .. يا لي معولين عليهم يقطعونا طريق ..هوما يكويونا بلا حريق ( كيشد ليه فمو ) 

- سكككت ااااربي علامن مسيييت

لامار وصلات لدار دخلات ..طلعات بدلات حوايجها و كتسمع تلفزة من بيت سارة ... وهبطات لكوزينة توجد العشا وهي تلقاهااااا مروووونة دارت الكوطي و كلشي محطوط مرووون و بدااات كتفقص 

لامار : هااااادي اش كيييحسااابتها راسها ... 

مشات شااااعلة طالعة فدروووج حالفة تقجهااا وهي تحبس فواحد الدرجة و شياااطن تحركو وقالو اولييييماااااه و تجمعو حدا ودنيييهااااا تاتقلبو ليها داك تخنزيرة لضحكة شريييييييرة😈😈😈 ورجعات هبطات فدروووج كتحك فيديها 

لامار : ليييييلة غانبيت بوك مع لافابوووو ...امتوااازي الساقين ...

رجعات كوزينة و لاحت دوك موااااعن كاااملين فلافابو و بدات توجد الحوت للعشا دارتوو ففران وبلعاني كتووووسخ فالمواااااعن بزاااف معلقة تخلط بيها و ترجع تلوحها فلافابو وتحبد وحدة اخرى ... و كيسااااان و طباااسل .... دارت العشا يطيب و شلايض ... و مسحات يدها و بقات كتشوف مع كوزينة و ضحك ...ومشات لصابون د لافيسيل خواااتو كامل فزززبل باش متستخدمهاش ... وطلعات لبيتهااا لبسات كسيوة مشعرة فالبيض بحكم لبرد دابا ... قصيرة فيها بابيون فالوسط ودارت معاها كولون مزير و لبسات ليبوط د دار بحال بانطوفات مشعرين تاهوما و سكدات شعرهاااا لواتووو من تحت و صايبات مكيااااج زوين ...وعكر غوز ماط ... وصبغات ضفرانها حيت ملي بدلات صلات العشاا .. بدات تسمع الهضرة ديونس لتحت ... رشات بااارفان ... وهبطااات كتممختررر لقات يونس و سارة فصالوون ... 

يونس : ايهايهاي اش هاد تووت البري هااابط هههه قطيب لووز ههههه

لامار : لواه الفجل ههههه

يونس : لا لا اسد عندو زين ...

لامار : هههه اوا هانتا غاتقلق مرتك ههههه

يونس : ههه لا تانا عندي زيييين ....

لامار كضضضحك بالعاني و سارة غي كطلعها و تهبطها و هي كدير راسها كتحك فشعرها وهي بالعاني داييرة بيدها خمسة 

و خميس ... 

بقات كالسة كضحك مع يونس بحكم بجوج بيهم كيعجبهم تقشاااب تاكتسمع طموبيل 

لامار : ييييي اسد جاا 

ناااضت كتجري للباب 

يونس : شفتي ناس كيفاش كيفرحو برجالهم ؟ 

سارة : وابسيف توحشوو هو غابر عليها نهار كامل ماناا راه ديما خنشوشك حدايا 

يونس : ياااك ؟؟؟ دابا انا خصني نبقا نغبر باش تستاقبليني

مشات عنندو لامار لطوموبيل و فتحات لباب دخلات عندو كلسات عليه وعنقها عندو داخلين فقبلة من داااااااكشي لساااان و العضان 

اسد : تووووحشت حبيبتي 

لامار : ( تعلقات فعنقو عضاتو من نيفو وسارة كتشوف من زاج وتقلا) وجدتليك اش تشهيني ... ومن بعد عيطيني انا اش مشهيا

اسد : نحرررفتي المكبوتة

لامار : وسربي قبل لانشدك هنا فطموبيل ههه

اسد : هههه تاهيا بحلاوتها بقالنا غي هي مجربناش فيها هههه ..جا يونس 

لامار : ووي جااا ... يلاه احبيبي ندخلووو توحشت نكلس حداك نهار كامل و نتا غابر عليا

اسد : وخااا روحي يلاه .. 

نزلو هو وياها معنقها عندو و دخلو عندهم

كلسات حدا اسد فصالووون وكتعمد توريه فتيليفونها تصاور جداد باش تلها معاه و هو حيد ليها تيليفون من يدها و كلس كيلعب فشعرها كيعاود ليها شي بلان طرالو و يونس مشغول مع تيليفون سارة مقداتش تبقا تشوف فيهم منسجمين هاكاك ...و دخلات لكوووزينة كتغزز فضفارها ... 

لامار : بغيت نووض نحط العشا و ماسخيااااش بحبيبي 

اسد : اوا خليك تاحنا مامعشينش هههه ...اجي 

جرها طلعها من يدها لبيت نعاس ... حيد حوايجو لبس غي كيطمة خفيفة بقا عريان من فوق و جبدها عليه فلي فوطوي ... 

اسد : ( كيشم فشعرها ) ريحتك كاتسطيني ....

لامار : غيي ريييحتي ؟؟؟

اسد : كاملة حبيبتي ...

جبدها عندو كيبوس فيها ويهبط لصدرهااا تاكتقاطعهم سارة بتعياط يتعشاو ...

لامار : حبيبي سارة كتعيط .... نتعشاو بعدا وجدت الحوت كيف كيعجبك ... ونكملو ( غمزة ) 

اسد : وصافي خليهم نتعشاو منبعد .. ( رجع لعنها ).

لامار : لا حشووومة يلاه باركا البااسل...

ناضت عليه وهو لبس واحد جيلي طلع ليها غي نص د سلسلة وهي رجعات قادات عكارها لي جخطنو ... وهبطو كيتعشاااوو وهي كاديرها ليهاااا بالعاااني باش تعلمها تبقا ترون ليها الكوزينة وتخليها .... تعشااات فخاطرها و اسد قدامهاا كيشوف فيها مجاتو شهية و هي بالعاني كدوز لسانها على شفايفهااا تاجعراتو بالمعقول ووقف ...

اسد : انا صافي شبعت ... يالاه ا لامار فيا نعاس

لامار : هاء لا را باقين على طبلة اويلي 

اسد : واش يوونس براااني 

يونس : عادي اصاحبي خود راحتك

لامار : ناااري لا حشومة و طبلة شكون يجمعها و كوزينة مرووونة ونتا كتعرفني كتعحبني تصبحليا دار نقية و لا مغايدينش نعاس

اسد: هاهي غاتصبر سارة هاد ليلة ... ( شاف عنها ) يلاه 

سارة : اا .. و واخا ...

يونس : ( فاهمو حيت اصلا هو براسو لاكان مرتو مقادة كاع قد هاكاك مغايصبرش ) صافي الامار تبعي راجلك المواعن ماشي مهمين..

لامار ضحكات ليهم 

لامار : سمحيليا ااااحبيبية غانعبدك هاااد ليلة ( باستفزاز ) 

و شدات فاسد و طلعات و سارة سعرااااات بالمعقول

سارة بقات غي كتبرقق بعنيها ومشات لكوزينة وبقات شحال واقفة فتالي كلسات كتسوط ...

سارة : داارتها بالعاااااني ... صافي انا هادشي لي كااان ناقصني .. ماحيليتي لاسد نرجعوو ليا ولااا لتشيطين دياالهاا ... لا ابنتي لا راك طحتي مع الشخص الغلاط ... 

لامار طلعات مع اسد لي مشا ليهاا ديريكت داير فيها ابتسامة خطيرة وكلها اعجاب ... 

لامار : اييه ماشي سمعيتيني مشهيا صافي غادير فيت مادار العود فالبغلة

اسد : والله فيك لاشفت اش كتقولي كنعرف هضرتك كيدايرة ... تاكتجعري الموطور فالخر كتكبتيها

لامار : ورا نتا عارفيني فيا غي لسان ( راجعة بلور ) شوووف لبارح قصحتيني وباقا مقصحة ... شووف صببر ( اسد وقف وربع يدو وهي تفكر داك القشلة د مواعن لي تحت ورجهات ابتسامات) 

لامار : هههه ماتديش عليا ....غاشرشم لابغيتي تشرشرم لايجعلني نبات فليزيرجونص غي مكلقنيش هاد الليلة .... 

يونس دخل عند سارة لكوزينة لقاهاا غي كتلللتخ ..

يونس : حبيبة .. نعاونك ؟؟ 

سارة : تعاوني ؟؟؟ .. على فاش هو هز مرتو و طلع نتا فين كنتي ديك ساعة؟ ولا ياكما انا غي خدامة هنا

يونس : سارة لاواه .. راه ملي سكنا هنا ومسكينة كتبات مع الكوزينة .. مافيها باس ليلة وحدة .. 

سارة : كتتقتلني غي فالهضرة ...اوووف بزاااف هادشي بزااااف

يونس : سارة متنسايش اننا ضياف هنا ...اذن استحملي ... وااصافي احببية هنا غانعاون مرتي ودغيا غاتسالي 

سارة : متعاوني مانعاااونك صااافي غي سيير بعد مني ..

يونس طلعها وهبطها و تنهد وخرج .. وهب قات تلتح فلافابو 

سارة : نتااا لي بقيتيلي .... بغيتي ديري فيها مطوورة ... لا راك باقا مكتعرفييينيش .... ( صدرها كيطلع و كيهبط مغددة و حطات طبسيل من يدها و هزات واحد الكاس بقات كتشوف فيه ... شوية وهي تلتموو فالارض تاتسمع صوتو عند يونس و جا كيجري هي غي شاافتوو دارت راااسها غاطيح وشدهااا كيضرب فوجهها )

يونس : سااارة ؟؟؟؟ حبيبية ماالك ؟.. سااارةة .. ردي عليااا .. اساااااد ...لامااااار ... ساارة متخليعينيش عليك ردي عليا عفاك ( كيضرب فيها وهي دايرة راسها سخفانة ) 

لامار يلاه بداو هي و اسظ فتسخيناات حتا كدفعو عليها وناضت 

اسد : اش واقع ؟

لامار : صوت يوونس ؟؟؟ .. رااه واقعة شي حاجة لتحت 

اسد : ؟؟؟؟ 

لامار : نوض نشوفو راه كيغوت لتحت 

ناضو بزرية وهي دارت عليها واحد بينوار وتاهو لبس تيشورت ديالو وهبطو لقاو يونس غادي يخرج ليه العقل بالخلعة وهي سخفانة فيدو .... اسد فبحال هاد الحالات كايتخربق ماكيحملش يشوف هاد المنظر 

اسد : اااش وااقع ليها ؟؟؟ 

يونس : مععرفتش سمعت شي حاجة تهرسات وجيت لقيتها سخفانة 

اسد : غانطلع نيجب سوارت هزها سبقني لطموبيل .. 

طلع اسد بجرا لبيت و تبعاتو لامار كيلبس جاكيت و شداتو 

لامار : صبرر ولاكن نتا فين ماشي ... عطيه سوارت يديها هو غاتكون هي سخفانة 

اسد : لامار تسطيتي ؟؟؟ حشومة نشوفو شنو عندها ... حبيبتي خليك هناا ... لا حتاجيتيني عيطي مغانتعطلش عليك ( باسها فراسها و هبط وهي تبعاتهم و شافت يونس خارج بسارة لي ضارت كتشوف فلامار و ضحكات ليها بشررر .... و رجعات كتمثل دوراها ) 

لامار : ها !!!!!!! كك كتكدب ؟؟؟؟؟ ضحكااات !!!!!!

لامار بقات غي مصدومة مافاهما والو ... وكتستوعب فلخر ضربات فيديها مغددة ....

لامار : لطييفة احرار ومداارتهاااش .... ربي اشمن خلييييقة هادي ؟؟؟شيطاااانة داااارتها بالعااااني .... كتلوووون كي تاتا بنت الحراااام تفووووو ...لا وزينة راجلي تابعها مقيم ...ياودي انا لي السعد مقيم عليا فهاد اللحظة ... 

سارة مركبينها لور حسااات بلي غادي تفضح لامشات لسبيطار غايقولو معندها والو و دارت راسها كتفيق 

سارة: فف ف فيين ...فين انا 

يونس : هااا ا اسد بدات كتفيق ( ضار شد فيديها ) حبيبتي باااش كاتحسي شوية دابا ؟؟؟

اسد : ( كيشوف فمراية ) سارة صاافااا ؟؟؟

سارة : ( جاتها من جنة و ناس تبوحط منها تبقا تا فاسد منها انتقمات من لامار ) حاسة برااسي ثقيل بزاف وكيضرني 

يونس : غي صبري احنا قربنا ل لاكلينيك

سارة :اا م مكاين لاش كنحس براسي مزياان دابا

يونس : واخا هاكاك خاصنا نعرفو اش كاااين ... 

مشاو لاكلينيك وهي كدعي اخرج ليلة على خييير و ماتفضححش ... غي شافو اسد جاو كيطيرو طابو كرسي متحرك و كلسوها فيه و زادو بيها لواحد صال ...و اسد و يونس بقاو كيتسناو و برا ... و سارة كيدوزو ليها و كتغززز فظفاارنااا غايفضحوووهااا .... محسابتهاش القضية غاتوصل للاكلينيك ...قالت غي غايديها لبيتها ترتاح ...

اسد : كااالم طوا اصاحبي .. هانتا شفتيها فاقت ... 

يونس : خلاص اسد تانتا تسخف لامار بين يديك ونتا ماعرفش علاش ... باش غاتحس غاتكالما هي لداخل و نتا برا 

اسد : ( تنهد ) مققديتش تانفكر فيها .. 

اسد بالو غي مع داكشي لي كتعاطا يكون هو السبب ....

لامار ضارت شافت موراها لكوزينة و تنهدات 

لامار :تخوييييرة من داااكشي ... زهررر مطرررم واكل لوبية بايتة حزق عليا ليوووم وحدة ورا لوخرا ...

على سعدها ووعدها كفضات على دراعها تجمع كوزينتها ...

سارة دوزو ليها و شافو الضغط و رجعو دخلوها لصال اخرى و دكتورة خرجات عند اسد و يونس ...

دكتورة : فين زوج السيدة ... ا اااوه سي أسد هاد السيدة معاك ؟؟؟.

اسد : ااه مرات خويا .. راها صافا دابا ؟

دكتورة: وي صافا سمحليا خليناكم برا محستبتنيش نتا هنا زييدو دخلو 

دخلو تبعوها للبيرو و تما سارة ناعسة على واحد الباياص ...

يونس : دكتورة شنو عندها ماتخليعيناش 

سارة ولات غي كترعد عرفات راسها غاتفضح ..

دكتورة: لاااا مكاين والووو ...غي الاغماء طبيعي فهاد الفترة لي كدوز منها 

يونس شاف عند اسد ورجع شاف فيها و سارة قلشات ودنيها 

يونس: كيفاش زعما ؟....

دكتورة : واش معارفش بلي المدام حاملة ؟

يونس : شنووو ؟؟؟؟(بالفرحة مخلطة مع الصدمة و ساارة شهقااات و شدات على فمهااا ) 

يونس : لا ك .. كيفاش ز زعما .. ح حاملة ؟؟؟ ي يعني دابا وليد و لا بنيتة مني راه عندها 

اسد جابلو ضحكة و حسدو على هاد الموقف لي تمنى يكون فيه تاهو ..

دكتورة : تمااااماا ...

يونس ناض عند سارة لي باقااا تحت تأثير الصدمة شادة على فمها و عنيها مطرطقين ناض فرحان مامتيقش كيبوس ليها فيديها وعنيه كيلمعو... 

لامار سلات دوك المواااعن بالفقصة معرفاتش كيدارتليهم و نقات الكوزينة و يلاه طالعة و هي تسمع لباب كتحل و رجعات هبطات ... يونس داخل شاد فيها ضاحك وهي ملامحها مكيتفسروووش بحالا سمعات عندها شي مرررض خايب و اسد غي داخل كيرد فشعرو لور .. شافها و ابتسم ليها ... وهي جات مربعة يديها و كاتشوف فيها بشر وتحدي

لامار :اوا ؟؟؟؟ اشنووو قالولكوم !! علاش سخفااات !!!! هادشي للااسخفااات

اسد طلع لفوق و يونس غي ضااحك ...

بونس : غايووولي عندي بيبي 

لامار تقلبات ضحكتها لصدمة و بقات ترمش فيها و فيه 

لامار : ا اكيفاش زعمااا ... سارة حاملة!!!

يونس : وي يلاه عرفناااهااا ...

لامار معرفات كدير تعامل ...حيت شافتها غي كتمثل شوية طلع كاين سبب لاغمااء و رجعات ابتسمات بالخف 

لامار : مبروووك عليييكم ... تفاااجأت معرفت مانقول ... انشاءالله يثبتو ...

يونس : ياربي امنين شكرا ...

طلعها يونس لبيت وهي باقا مصدومة مكتهضر ماوالو ... و لامار مشات للبيتها لقات اسد كيشوف فتيليفون شافها وطا عندها...

فاطمة السملالي ج320 اسد : طلعات حاملة ... فرحت ليهم على الله هاد الجنين يجي رزق عليهم... لامار : اميين تفاجأت و الله حيت يالاه تزوجو اسد : را تقريبا شهراين هادي يعني نوغمال ... عقوبة ليناا لامار : حبيبي ؟ وااش باغي لولاد اسد : نو باغي ولاد ووبنات انا لامار : ماشي مزاال الحال اسد : شي حاجة زوينة عمر مانخأروها .. فوقتاش مجاو مرحبا بهم .. لامار : ( بدات كتبتسم ) هههه عرفتي كتخيلهم بجاغط مخنفسين كتر مني و منك اسد : وهاد المخنفسين راه مغايتزادوش بالويفي ... عارفا كيف كيتندارو بعدا ؟؟؟ وازيدي قدااامي .. لامار : فين نزيد قداامك،؟؟ سييير بعد مني داابا ....على قبيلة فاش مديماريا ومشيتي مع يونس داك ساعة مكنتيش عارف كيكايندارو الخنافس تااا بردت موطوري مع المزاعن وا داااابا غيي سييررر بعد .. كنت مواطنا صالحا مشات لبلاصتها ودارت عليها الكوفرلي وهو جا موراهتدا كيجبدها اسد : لا مديريهاااش ...لامار حرام عليك لامار : حرام عليا؟؟ حرام عليك نتااا لي مخليني و تاببع وحدة براجلها ... وسير دابا عند يونس يبدلو ليك نعسات وهو بقا يحلف فييهاا ... تافداها منها فصباااح ماتكعدووو تالحداش دصباح لدوش ... دوش هو وياها فخطرة ولبسو حوايجهم وهبطو لتحت يونس بدا ييفيق فساارة بدلع ... حتا فااقت ... يونس : حبيبتي مراااتي لي غاااتولي ام ... اش مشهيا ؟؟؟ هم سارة غي كترمش فيه وشوية قلباتها ابتسامة حيت ليلة كاملة بايتا كاتفكر كيفاش تستغل هاد الحمل لي هي اصلا ماباغاهاش منو لصالحها .. سارة : حبيبي ..انا مامشهيا والو غي كنحس بالخوووف لانخسر ولدي يونس : اش هاد الهضرة على صباح سارة : خااصني نبقاا ديما رادة ليه لبال مكنتخيلش راسي فشي بلاصة بووحدي ... حمد الله لي راني فدار عامرة و كتبقا معايا لامار فاش نتا كتمشي يونس : حببيبتي ولاكن راه خصك توولفي .. راه قريب غانخرجو سارة : لاااا .. لا عفاك مانقدش .. ويلا طراتلي شي حاجة ولا لولدنا و نتا مكاينش .. لاا خاليني هناا عفاك غي حتاا نولد .... باش حتا ولدنا يكون فالامان ... لامار و اسد هبطو لتحت هي كتوجد لفطور هو حداها مداحسهاا كالس كينكرر ويفقص فيها ويعيب بالعاااني و كيصايب قهووتوو ... تاقربات تجري عليه بالمقلة عاد صقر ... لقاتو شاد الفنجال ومكونسونطري قدام زاج وهي تقووول صاااافي هذااا هو الوقت المناسب و مشات وقفات قدامو لامار : حبييييبي ....حبييب ديالي ... سبع دياااالي انااا اسد : ملخر اروحي انا لامار : احم .. موهيم راه تقدر تقلق و تقدر ماتقلقش تقدر تعجبك الفكرة و تقدر ماتعجبكش ولاكن والله تااااااا نديرهااااا و لابااااس اسد : باغا تشاوري و لا تخبري ؟ .. اصبر هاد الحاجة درتيها ولا مزال ... لامار : لاا مزال ولكن حسب دررتهااا اسد : ( حط فنجالو ) الله يسمعنا خير لامار : لقيت جارديني اسد : ( علا فيها حاجبو ) وشكون قالك باغي جارديني ؟ لامار : انا باغاااه ... اسد : وراه غايجي اصلا .. مي حتا تصب الشتا لامار : اا لااا .. صافي انا لقيتو واحد مسكيييين يستاااهل الخدمة وبنااادم يدي معاه غي الاجر اسد : شكون هذا ؟ لامار : تصوور غي شااافني عرف سمتي وقاالي نت لاماار رغم اول مرة كيشوفني... فاش سولتو واش كتعرفتي .. قالي حلم بيااا..سبحااان الله اسد غي كيرمش و يسمع الابدعات وقلب عينو لسلسة لي فعنقها وررجع شاف فيها كيتسنها تكمل

يتبع