حبيبي مافيوزي الجزء العاشر

مشيت هازة قلبي كيقطر بالدم والجرح كبيييير مغيحس بيه غير جرب الحب وصلت للفيلا ضارباني صدمة وعيني كيبكيو وشادة فصدري كنحس بقلبي كيحرقني فعلا كنحس بيه كيضرني و كيوخزني داخلة مع الباب كنجر رجليا و بزز باش كنتحرك ضلامت الدنيا فوجهي ،مابقيت لا كنسمع لا كنشوف لا حتى حاجة وانا طالعة فالدروج وقفوني كيسولوني مالكي ماسمعت،ماشفت كملت طريقي شادة فصدري ودخلت لبيتي طحت فالارض على ركابيا ودنوعي كينزلو على خدي كيحرقو بقيت هاكاك والدقان فالباب مي مكنسمع والو كنشوف وكنتفكر الدكرايات ديالي معاه غوت لربي اللي خلقني وانا شادة فقلبي وصورتو مكتحيدش قدام عيني حسيت براسي ترفعت مع الدكرايات حتى لقيت راسي واقفة قدام المرايا كنشوف فوجهي اللي ولا حمر و عيني اللي تنفخو بالبكا ونيفي اللي طاب كل شوية كنمسحو ممتردداش نموت مكرهتش ترتاح .ماكرهتش كن ما تولدش وماولدش ،واادي هما اللي مخليني باقة حية خرجت مريضة جلست حداهم فوق الناموسية كنشوف فيهم و وقلبي مزير عليا تكيت حداهم وانا كنبكي ،اخياس صعيب بزاف تعلقت بيه لدرجة وليت كنتنفس بيه واصعب حاجة هوا انني كنت عارفاه عمرو بتخلى عليا واخا كان كيسحاب ليا خاني .فاش عرفتو ماخانيش تحل قلبي ودخل ليه واحد الهوى بارد وترخى احساسي حتى كنحس بشحطة نزلات عليه فرقاتو فالنص تشتت ،دمرت.بقى فيا راسي قبل من اي واحد بقيت كنبكي وكنفكر تا نعست ،وفاش حليت عيني لقيت راسي كنبكي ،كنت كنبكي فالنعاس وفاش فقت زدت كملت الباقي شفت فوعد وعد لقيتهم كيضحكو ويلعبو بقيت كنداعبهم بيدي وراسي تقيل فوق المخدة اللي فزكات بكترة البكى،وليت كنطلع النفس مدرجة منخصصة،جريت تيليفوني شفت فيه لقيتها 8h30 وانا عمرني فحياتي فقت بكري نضت دخلت للدوش طالقة اغنية ماجد المهندس اللي ولات بحال ادمان بالنسبة ليا كل شوية كنطلقها نسمعا حسيت بيها كتغني عليا (تيناديك) وانا فالبانيو عريانة والموسيقى مطلوقة وعيني مكيرصاوش من البكا وعقلي طاير مكنفكر فوالو من غير السينتة دحياتي مع نضال كاملة كتعاود ليا فبالي دوشت وسالين ولبست حوايجي مقهورة ،مهرسة، لبست كسوة بيضة مع سندالة بلا طالعة بالخيوط وجمعت كاع تصاور واي حاجة غتفكرني فيه وحليت لباب وتميت هابطة ...مكنسمع صوت حتى واحد فالدار كلشي ناعس خرجت البرى لقيت الفيراري اللي جاب ليا نضال ركبت فيها ومشيت وعيني كيدمعو بعدت بزااااف والاول مرة كنخرج بلا ليكارد كورد تسلت منهم ومشيت وقفت فواحد البلاصة بعيدة على الناس وعيني كيبكيو جبت ليصانص من الكوفر و خويتو عليها كاملة و وجريت واحد الخط طويل د ليصانص بعيد عليها بزاف وانا قلبي مهرس وكنتنخصص هزيت تيليفوني وجعت وقيدة ورميتها فالخط وبقات غادة العافية كتجري و انا كنتوجع والعافية اللي شاعلة فقلبي كتر من هادي اللي قدامي شعلات العافية فالطوموبيل وانا كنصورها فيديو حتى تفركعات لاهيا لا لكادويات د نضال و والتصاور معاها صورت كلشي لقطة بلقطة وومشيت شادة صدري وخليتها مورايا شاعلة لقيت غادا على رجليا تا خرجت لواحد الجردة كبييييييرة فيها الكراسة وجلست فيها وانا مرفوعة كنشوف فالناس كيجريو و كيديرو الرياضة وعيني كيبكيو هزيت تيليفوني وصيفت لفيديو لنضال وشديتو ضربتو قدامي تا تشتت بقيت جالسة بوحدي حتى وقف عليا واحد.. الولد: حتى حاجة متستاهل اختي ...دااابا تنسايه... شفت فيه وانا كنشهق مقلت ليه حتى كلمة ،لهاد الدرجة باين عليا وجع الحب ؟!

اللحضة اللي مروى خلات نضال واقف ومشات بقا هوا متبع ليها العين وهيا غادا قدامو وكيتشوى عليها حس بيها غادا وكتبعد فاش ركبات فالطوموبيل عطا الامر باش يديوها وبقا هوا مع صابر جالسين فالطوموبيل ساكتين حتى واحد مكيهضر مع لاخر ونضال جار الكرسي اللور وهاز واحد الرجل فوق الفولون وراسو متكي ساد عينيه ويدو على جبهتو مرفووع كل شوية كيتنهد والكارو فيديه كيحل عينيه شوية ويرجع يسدهوم الصورة د مروى قدامو.. صابر:يدير الله خير (كيطبطب ليه على رجلو) بعد صممممممت طويييييل.. نضال: هيا اللي بقات ليا فهاد الدنيا (مغمض عينيه) ماعندي تا واحد من غيرها... صابر: وانا فين مشيت ؟! نسيتيني؟ نضال: عمرني مابغيتش شي بنت من نهار عقلت على راسي...ماعرفتش علاش الناس كتقلب على الحب ؟! مافهمتش اش بغاو يديرو بيه؟!!' صابر:نسى انني خو مروى،خليني خوك نتا وخوي داكشي اللي جامع راه عندك بزااااف مايتقال،خويه واخا غير مرة وحدة فحياتك. تنازل شوية وهضر خرج داكشي اللي عندك . بعدصممممت طويل و تنهدات ... نضال: افففففف(تنهد) كنحس بقلبي ممم..ماعرت كيفاش غنقولها ليك ؟! صابر: عاارف عراف...(شعل موجة اغاني فالطوموبيل ) نضال: كيفاش غنكمل بلا بيها ؟! هيا حياتي ...هيا كلشي ،كيفاش حتى تعلقت بيها ؟! ماحسيتش حتى لقيت راسي كنبغيها. اكفس عام داز عليا هوا هادا...وليوم كملت 29سنة بفففف صابر: واايلي؟(معجب) نضال: (تنهد) وي ليوم كملتها وهانا دابا طالع ف 30 ولاول مرة كنبغي فحياتي شي بنت واول مرة كنلقى بنت باقة بنت،عمرني لقيت شي وحدة فييرج ،حتى لقيت مروى ،على يدي طلعات.منقدرش نتخيلها مع شي واحد اخور ...ولا حتى نفكر فيها(تعصب) صابر: الصمممممت كيسمع ليه كيما قلت ليكم التقافة الجنسية عندهم عادي حيت حياتهم مgورة ... صابر: راه بيناتكم وليدات ...شحال ما بعدتو غتلقاو عاوتاني. نضال:(كيسمع الاغنية وكيتعصب) ناااري فاش فكرتيني!!! صابر: واش الديسك؟! و اش فهمك نتى فهاد النوع د الاغاني،(بغا يبدلو) نضال: لا غير خليه واخا مكنفهمش اش كيقولو مي الموسيقى فكراتني فشي حاجة. نضال سمع الديسك اللي شطحات عليه مروى وكانت اخر ليلة نعس معاها فيها بقا كيسمع والفيلم خدام ليه فبالو وهوا مغمض عينيه تا سالا... نضال: عاودو... صابر: ماعارفش سميتو ؟ كيغني بالعربية!! جبد نضال تيليفونو وهوا كيتنهد وخدم واحد ابليكاسيون كتسمع الاغنية كتخرجها ..طلق البلوتوت مع الطونوبيل وجلس يتسنط وساكت عاقد حجبانو ومغمض عينيه . صابر:قلب عليك هادشي راه كتزيد تمرض. بقا هاكاك شحاال وهو كيتحرق معالم بيه غير الله فاللخر ديمارا الطوموبيل ومشا لفيلا ديالو وصابر رجع فحالو .طلع لبيتو دخل الدوش طلق عليه الماء و بقا واقف متكي يديه على الحيط كيلوم فراسو وكيتعدب فصمت تاسالا وخرج تكا فوق الناموسية و تيليفون فيديه الليل كامل وهوا فايق كيقرى الميساجات ديالو مع مروى وكيفاش كان كيبغي يعصبها فاش كيخسر معاها الهضرة،داز على الميساجات كاملين والتصور كاملين ديالها ولفيديو اللي كانت كترضع فيه وهوا كيتاءملها وكيشوف تصاور وعد وعهد وحتى هما صورهم فيديو فاش كانت مروى ناعسة...ماحسش بالوقت حتى شاف الساعة فيدو لقاها 9h00 ديال الصباح ومع الريدوات مغطيين السراجم مادخلش ليه الضو للبيت وهوا كيشوف فالتيلي وصلو الفيديو د مروى للي سيفطات ليه ،حلو وجلس يتفرج فيه وقال... نضال: ماشي بهاد السهولة غتنسايني ...حاولي قد ما قديتي وانا غنرجعك ليا كنواعدك.عمرك تكوني لشي واحد اخر من غيري

نرجعو لمروى... شفت فيه وانا كنشهق مقلت ليه حتى كلمة ،لهاد الدرجة باين عليا وجع الحب ؟! لهاد الدجة رد ليا البال... الولد: كولشي غيفوت ..ماديريش فراسك هاد الحالة عاد مازت فالبكا والنحيط وراني على سبة بقيت كنشهق ونعاود هوا يمد ليا قرعة د الماء لفمي شربت منها وجلس حدايا،كان كيجري لابس شورط و تيشورط وليزيات فودنيه ... الولد: قولي شنو عندك امادموزيل ...فشي قلبك.. بعد صمممممت طويل بديت كنشكي وخاصني غا علامن فهاد اللحضة... انا: غدرني (تنخصيص) خانًي دمر ليا قلبي ... بقيت كنشكي ونشهق والقرعة فيدي وهوا كيسمع ليا حتى فشيت قبلبي و عاودت ليه كلشي اللي خرج مني من نهار تزوجت بيه مي مقلتش ليه شنو كيدير و ديجا تزوجت باباه.بقيت كنعود ونعاود داز الصباح كامل وانا كنشكي وهوا كيسمعني و يطبطب ليا على ضهري انا: من بعد جمعت حوايج اللي كتفكرني فيه و حطيتهم فالطوموبيل و خرجت فالصباح ديتها شعلت فيها العافيا وصورتها فيديو وصيفتو ليه ... الولد: ولحتي تيليفون (كيحرك راسو) شفت فاش ضربتيه مع الارض...بفففففف هادشي مرضني حتى انا معاك، نسيت همي مللي سمعت ليك.. انا الصمت و عيني قدامي ... الولد: حتى انا بحالك واللي جابني لهنا(باريس) هوا البنت اللي كنبغي ...سمحات فيا فنيويورك (تنهد) ومن تما ماعرفتش فين مشات ،حتى سمعت بللي هيا هنا ،ومريضة فيها السرطان...عييت كنقلب عليها مالقيتهاش ...(انا سادة عيني وكنسمع) فالصراحة مات احساسي تجاها وليت مزيان الحمد لله ،ولاكن فاش سمعت بللي مريضة بقات فيا وجيت كنقلب عليها ...ضميري مخلانيش نتجاهل المرض ديالها...(ضار عندي) فراسك اول مرة نشكي على شي واحد!مولف بالناس هما اللي كيشكيو عليا...هادي اول مرة كنشكي فيها انا..احم ...بالمناسبة انا سميتي دانييل وطبيب نفسي ... انا: ونيت كان ناقصني طبيب نفساني ... دانييل: هههه هاهوا جا فوقتو هههه...ونتي سميتك؟ انا: (شفت فيه والحزن فعينيا) ريم... دانييل: (مد ليا يديه) متشرفين امدام ريم...هههه ومروى فين خليتيها؟! انا: (مديت ليه يدي) مروى ماتت ... دانييل: ههه اوك ...متشرفين امدام ريم(ابتسامة) انا: مادموزيل... دانييل: ههههه اوك مادموزيل...يالاه تمشي تغداي معايا ، باينة فيك من لبارح ماكليتي شي حاجة...ونيت تبدلي الجو شوية حيت ايلا بقيتي بوحدك غتبقاي غير تفكري وتمرضي راسك.. انا: لالا شكرا غير خليني اصلا ماقادراش نتمشى والا نجلس وسط الناس... رفضت نمشي معاه مي بقى كيلح عليا شحال عاد باش نضت وبقينا غاديين كيحاول ستلفني و يهضرني فشي موضوع اخر ويخلق النكت غير باش نتلف شوية مي انا غير ساكتة كلشي كيبان ليا كحل لقيت غير غادا ماعارفاش فين وماعارفاش معامن ،عقلي مرفوع وقلبي مريض ،حل ليا الباب ديال الطوموبيل وركبت داني لواحد النادي ديال الرياضة و الرفاهية ونزلنا مل مرة كيقولي يالاه ...زيدي ،وكيبتاسم دخلنا كانت الدنيا عامرة والرواج جلسنا فواحد الجردة تما فيها الطبلات والناس كتغدى وفجهة اخرى شي كيلعب الباسكيط شي التينيس وكل واحد شكيلعب

دانييل: شنو بغيتي تغداي ؟!(كيشوف ف الموني) انا: (ساهية فالناس) ماعندوش منين يدوز ... دانييل: لا نتي حالة خاصة هههه هاكا راكي غدخلي فحالة اكتاءاب حادة ,وتقدري تسطاي ... انا:(شفت فيه) مكرهتش نموووت... دانييل: (كيحرك راسو) غادي تعداي هاد الازمة خاصك غير تصبري ،ونقوليك واحد الحاجة...الصدمة ايلا مقتلاتكش غتقويك ..يعني ايلا ستحملتي وبقيتي حية غتولي قوية حيت الضربة اللي تلقاها قلبك هيا اللي غادي تحجرو ليك هادشي ايلا بقا كيدق و مسكتش ،ودابا كولي شي حاجة باش متزيديش تكملي على راسك...راه عندك الطونسبو طايح وعينيك باينة فيهم.. بقى كيهضر انا كنسمع و ساهيا حتى تحطات ليا الماكلة قدامي ،بقا كيدفع فيا ناكل وهزيت الفرشيطة كليت دغمة وكنخليييييها فمي حتى كنساها وكيفيقني هوا كنصرطها بزز ،كتهبط ليا قاصحة مع حلقي،بقيت هاكاك شوية بشوية وكلست شوية من بعد نوضني داني جيهت البولينغ بغا يلعبني بزز مني وكيتحداني وانا ماقادراش نحرك يدي كل شوية كنجلس و كنفشل دوزنا النهار فالنادي حتى وصلات العشية وضلام الحال وركبني كنوزيه الطريق حتى قربنا نوصلو هوا يحبس نزل شوية رجع جايب ليا خنشة ديال الدوة ... دانييل: هانتي هادي غتشربها ضاروري قبل ماتنعسي ،وعنداااك تنسايها ..غتعاونك تنعسي وهادي غير تفيقي الصباح بداي بيها هي اللولة باش يترخاو اعصابك ومتبقايش تعصبي ..وهادا غتشربي معلقة تلاتة د لمرات فالنهار على ود الشهية باش تقدري تاكلي ... بقا كيجبد ليا ويورني ر شديتها وداني حتى اباب الفيلا وكانو ليكارد تما دانييل: هادي نمرتي ...ايلا حسيتي براصك ماشي هيا عاديك عيطي ليا وخوي قلبك ،فاي وقت بلليل ولا بالنهار. انا: اوك....(تنخصيص) شكرا... شديتها ونزلت دخلت للفيلا وسط ليكارد حتى دخلت لداخل لقيت صابر واقف ليا ...بغيت نطلع هوا يجرني... صابر: مروى (معصب) شكون هاداك اللي وصلك وفين بقيتي حتى لدابا ؟! قلبنا عليك الدنيا من الصباح ونتي غابرة؟ نترت ليه يديه وتميت طالعة وجرني... صابر: واش عارفة راسك شنو كديري؟!هاا؟ واش عارفة بللي سلا عرفك نضال غادي ...ممم..(معصب)م..ماعرفت اش غيدير هاا!؟؟ واكيد غادي يعرف ومتي جيتي تا لهنا ونزلتي؟! انا: (مغزفة) ماشي شغلكم فيا... صابر: راه كتعرضي حياة داك خونا للخطر ...شفت فالكاميرا ونتي نازلة من الطونوبيل ونزل معاك ،دونك نضال راه وصلات ليه دابا ... دفعتو وطلعت ساكتة وزدحت الباب مورايا حيدت ديك الكسوة لبست بيجامة وتلاحين فوق الفوطي كنفكر ساااهيا

تلاحيت فوق الفوطوي كينفكر ونخمم حتى دخل عندي كراميل ... كراميل: تي غين كنتي مجلية ؟!نوضتي العجاجة موراك ونضا،.. انا: (غوت) اخر مرة تجبدو سمعتي ...ماباغاش نسمع سميتو.... كراميل: واااهيا ناري ،،مال هادي ؟ مالكي كترعدي؟!! انا: الى بغيتي تبقا مزيان معايا سكتني وهنيني من صداعك ما ناقساكش حتى نتا...(تفكرت) فين وعد وعهد؟!! كراميل: بلا متخلعي راهم مع المربيات ... انا.افففف تخلعت .. كراميل: قولي ليا فين كنتي؟! بلييييز...ماغادوزش عليا الراحة بلا مانعرف.... انا: اهااااه باش تمشي توصلها ليه ياااك هاا! كراميل: والله مانوصل ايه شي حاجة ... بديت نعاود اكراميل على شنو وقع كاااامل منين خرجت مع ليكارد كورد حتى لدابا وهوا مخلوووع مافراسو والو... كراميل: هااااااا!!!!(حال فمو) هادشي كامل وقع فنهار؟! و بيرلا حاملة؟! انا: (تصدمت فيه) كنتي عارف حتى نتا!!! ها!! كلكم عارفين الا انا !!! كراميل: ر رر راه منقدرش نهضر ...راكي عارفة نضا.. انا: (غوت) مااااجبااادش سميتو قداااامي ..كلكم كتكدبووو كلكم منافيقيين هىءهىءهىء...خرج عليا قبل مانقتلك ...خراااااج. خرج كراميل كيعتر بالجرى وكلست انا كنترعد حسيت براسي ماشي هيا هاديك وهزيت النمرة د دانييل عيطت ليه من تيليفون د بيتي... انا: الو دانيييل .... عاودت ليه وانا كنرعد انا: اه نمشي ...هىءهىءهىء ...اصلا ماما و بابا تما ...بغيت نبعد .... هضرت مع دانييل و قالي بللي هوا راجع لنيويورك غدا وقررت نمشي معاه عند ماما و بابا..نضت كنجمع حوايجي و حوايج ولادي وهبطت طلعتهم عندي للبيت نعستهم حدايا حتى صبح الحال فقت لبست حوايجي و بدلت لوليدات بيديا وانا م هزيتهم قدامي فحمال بالصماطي ديال التوام وتميت نازلة جارة باليزة صغيرة فيدي فيها اغلبية غير حوايج عهد او وعد انا نزلت لتحت لقيت صابر واقف بحال ايلا كان كيتسناني ومعاه مريم وكراميل كيبكيو.نزلت لتحت شفت فيهم بحقد و بغيت نخرج مع الباب و انا لقى نضال واقف تما تزدحت بالخلعة و هوا كيشوف فيا بغضب وانا تخلعت مللي شفتو مقدرتش نتحرك

نضال:(بغضب) حطيهم وسيري ... انا: (تصدمت) لااا ميمكنش ...انا للي هزيتهم فكرشي 9 شهور وتمحنت عليهم (الدموع) ميمكنش نخليهم مورايا هىءهىءهىء...(انا كنبكي جات المربة حلات ايا السمطة مور ضهري وحيدهم ايا وانا حاللة عيني كنترعد ... صابر: مروى بليييز كلشي هنا شنو نتقصك ؟! خليك مع ولادك هنا ...راه مسمكنش تديهم من باهم ... انا: باااعد مني (كنشهق) هىءهىء متا ماشي خويا ...نتا بحالك بحالو ...كيفاش كتجي منو هوا وانا اللي ختك مكتحسش بيا ها!هىءهىء صابر: انا كنجي من جيهت الحق امروى ...حتى انا منبغيش ولادي سبعدو عليا و البنت اللي كنبغي ...المسامح كرسم امروى هانتي شحال ونتي مخاصمة معاه وعمرو فكر يحسدهم ليك ،مي دابا لا ميمكنش يكيرو بعاد على باهم ... بديت كنترعد ونبكي وكنشوف فصابر ونشوف فنضال وهوا واقف كيشوف فيا بغضب... انا: منقدرش نخلي ولادي يكبرو بعاد عليا هىءهىءهىء نضال: بقاي حداهم وحتى واحد ميحيدهوم ليك(بغضب) انا: منقدرش نجلس هنا ...انا باغا نمشي عند ماما وبابا هىءهءىهءى بغيت نعيش معاهم تما نضال: غتمشي عند ماماك وباباك ولا هاداك اللي .. انا: لااااااالاا ماتفهمنيش غلاط (قربت منو عيني فعينيه )انا باغا نمشي عند ماما وبابا هىءهىء خليني نديهم معايا بليييز انضال...انا خايت ليك التروة اللي خلا ليا باباك كااااملة مابغيتهااش هىءهىء بغيت غير ولادي نضال: (مخرج عينيه) متحلمييييش تدي شي واحد فيهم معاك...ولحد الان مازال محطيتش يدي فهاداك اللي كنتي معاه لبارح كتسمعي ودابا بلا ماتبكي عليا مللي نتي بغا تبداي حياة جديدة بصحتك ونساي ولادك ..وحاجة خرى ديك التروة تنازلت ليك عليها شحااال هادي .ههه التروة gاتليك ..! بقيت واقفة كنطلبو ونرغبو ونبكي عليه حتى بانو ليا المربيات هازينهم و خارجين بيهم لبرى بدت كنغوت ونبكي وهيا تشدني مريم وكراميل طحت فالارض كنبكي وهوا دار عطاني بضهرو وخرج داهم وخلاني كندب فالارض ومشا ... هدا نضال ولادو ولاكن السبب الرءيسي علاش خداهم هوا مروى وكلشي بينو ولين صابر داكشي علاش صابر معاه كيحاول يرجعهم مع بعضياتهم ،بغا بشدها بولادها ...خلاها كتندب فالارض حتى يخفات فالارض هزوها لبيتها ... فقت لقيت راسي دايرين بيا كامل ... انا: ولااادي(قفزت) فين هماا ؟!! واش هداهم بصح ولا كنحلم ؟!! مريم : اه داهم.. انا: (نضت كنجري) طلقوو مني هىءهىء (كيشدوني) بعدووو منييي نضت هبطت كنجري للجردة تلاحيت فطونوبيل ... انا: ديني عند نضال .. لكارد: واخا امدام... داوني وانا اول مرة نمشي عندو دخلت للفيلا كنجري كنقلب عليه .... الخادمة: علامن كتقلبي امدااام؟!! (تابعاني) انا: فين هوا ..فين كااااينهىءهىء الخادمة: واش مسيو نضال... انا: مسيوك الخرى فين هوااااا(بغضب) لخادمة: راه لتحت امدام فصالة د الرياضة... هبطت كنجري كنقلب على الصالة د الرياضة تا دخلت عليه لقيتو كيتريني بعصبية... لاح ديك الخديدة اللي فيديه ووقف قدامي كيفقصني... انا: فين ولاااادي هىءهىء عطيني ولادي هىءههاىء نضال: هه جيتي...مرحبا بيك احبيبة ..كتقلبي على ولادك ههه انا: (صعرت كنقز فالارض) رجعهم ليااااا الزفت ...كنكرهااااك من اعماق قلبي كنكرهااااك... نضال: هههه (كيتهزاء) عرفتك غدي تجي تقلبي عليهم ...ايلا بغيتيهم جلسي حداهم ،وهما مغيخرجوش من هاد الدار ... عرفت نضال لوى ليا يدي اللي كضرني وبغا يشدني بالولاد ماسعرتش براسي حنا ضربتو بسلاحو وقات ليه بغضب... انا: واااخااا...سحابليك غنحني ليك الراس ..راك غالط هاد المرة ...شتي لكرش اللي جابتهم غاتجيب عشرة منهم ...(كنترعد) خليهم ليك ..ويلا كنتي راجل متعرضش ليا لطريقي لا انا لا الناس اللي كنعرف ... نضال: (متكي على واحد الحديدة) هه متاءكدة من هادشي للي كتقولي ... انا: اه ..وهانتا غتشوف ... خرجت خليتو واقف متبع ليا العين

خرجت خليتو واقف متبع ليا العين .. خرجت من الفيلا ماباغاش نركب فشي طوموبيل من ديالو ،مشيت شديت طاكسي وانا كنتغدغد ونتقصقص حتى حطني فباب الفيلا دخلت كنتنفض و نقز ونتهز ونكشكش طلعت كنجري جمعت خراوطي وشطايطي و زفتي كااامل فواحد الباليزة ونزلت كنزلع فيها فالدروج ونعاود نجمع ونخشي فيها بالفقص طوطقات لها السنسلة وجريتها هاكاك بالغدايد السراول خاوحين من الجناب ونزلت لقيت كراميل فالباب واقف حسكة كي شي عسكري جراو عليه لالس شورط دجين مزير جليه منتوفين كيشعلو وقميجة حمراء معرية من السدر وبالغينة حمرة وحداه باليزتو .دزت من حداه مارديتش ليه البال وتميت خارجة ..ضرت لقيتو مورايا تابعني ... انا: فين تابعني لقحبة مك حتى نتااا(صعرت) كراميل: غادي معاك...(مكمش) انا: عارفني فين غادا هااا ولا تابعني باش توصل خباري لداك اخرى؟ كراميل: خليني نمشي معاك والله هىءهىء والله مامسيفطني هوا .. انا: باراكة ماتكًجدر عليا فالهدرة ..رجع تقود لعد مني ..كنتي عارفو مع ليرلا ولا ماعرت اش سميت دلمها وما قلتي ليا والو عادي هيا الصحبة؟! كراميل: والله كنت ديما كنبغي نقوليك ولاكن نضا... انا: زم عليا داك المدفع (الفم) وماتبقاش تجبد ليا سميتو ..تفووووو تميت غادا للطوموبيل ديال لافامي خشيت الباليزة فالكوفر وحدايا كراميل كيخشي باليزتو.. انا: واااش لاغي تسطينيي(كنقز) قلت ليك ماغاتمشيش هيا ماغاتمشيش... طلعت فطوموبيل وطلع حدايا.. انا: افففففففففف(شادة جبهتي) بااااربي شنو ندير مع هاد الخروة تاهوا!!!!(شنقت على مو) اجي لهنا (كنديه ونجيبو) والله وكنتي مسيفط ليا تا نفتي ديلمك سمعتي ،والله وصلتي ليه شي كلمة تا نشق بيك الارض (دفعتو قدامي) زيد دابا ...(كنطلع النفس) كراميل صقل ماتلاش دوا وبقا يقاد فحوايجو ويستف ويشوف فيا بنص عين هوا يجبد المرايا من ساكو وحلس يشوف واش القميجة مكمشة... انا: ديني للمطار... الشيفور : واخا امدام... انا: (كنكر) واخا انضال والله تا ندمك على هادشي للي داير فيا ...غابلاتي (مغزفة) لويتي ليا دراعي ..اوك ...خليهم معاك...ايلا منخليك تاكل جنابك انا ماشي مروى ركبتي فيا الاعصاب ..هاد القلب انا غزطم على جدو نحسكو وديك الساعة نتواجهو غير بلاتي (شفت فكراميل وانا نجرو) توصل ليه شي حاجة نحكو ليك فالحكاكة د مطيشة سمعتي (شد فحجرو مخلوع) واهانا علمتك.باغي تمشي معايا ...يالاه زيييد مشيت كنتقلى ونبكي تا لقيت راسي حدا الطيارة د نضال؟!!! نزلت ساخطة وليكارد كورد تما... انا: لااااش جايبيني لهناااا هاا ؟! شكون قاليكم انا غنمشي فييها

مشيت لكوفر كنحبد باليزتي والحوايج خارجين من جناب كتشتتو وكراميل مورايا كيجمع فيديه و بغيت نمشي تا تحريت من يدي...ضرت ... انا: طلااااق منيييي علاش تابعنيييي...(كنفض) نضال: زيدي وسكتي .... انا: ماغاديااااش ...طلق منيييي نضال: غنعطي لمك شي ضربة نسخفك ...يالاه تحركي .. جرني من يدي طلعني فالطيارة وكراميل مورايا هاز لحوايج بحال ايلا مهبط النشير من السطح.. طلعني وجاسني فوق الفوطوي... نضال: (زعف براسو) برااااا خرجو ليكارحد كورد... نضال: (طلع عليا برجليه) باغا تمشي بصح (بغضب) هاا..باغا بصح تسمحي فولادك ...هضري(غوت) وانا مفكرتييش فيا وجهو فوجهي.. انا: مابقيتي كتعني ليا واااالو صااافي مابقيتش كنحس بيك واخا تقرب مني سمعتي... نضال: بصح !!!(بغضب) ااجي نشوفو... انا : طلق مني ...خرى...حيواااان.... جوني دخلني لبيت النعاس نضال: (لاحني فوق الماموسية) فين كنتي لبارح ...هضري (طلع عليا بحوايجو دجين وتبشورط كحلة وصلرديلة كحلة) شنو درتي نتي ويااااااه هااا؟(صعر) انا: ماشي سوقك (كنفقصو) طلق مني غتهرسني الزمر... نضال: (مكاليني برجليه ويديه ) هضري (بغا يطرطق) قاااااسك هاااا.؟! قولي ليااااا واش درتي معااه شي حاجة... حسيت بنضال بغا يهبل والعروق خرجو ليه وانا نكمل عليه.. انا: (كنغزز سناني) كان حسن منك ...كان ضريف معاايا... عينيه خرجو وبدا يترعد ونفسو كطلع بالزربة..تصدم انا: كان يسحاب ليا غير نتا اللي راجل (فقصتو) مي كاين مارجل منك (مصدوم) خلي ليك الدراري انا مزال غنجيب وحدين خرين ... نضال: (جهل) نعيتي معاااه!!!! نتي امروى؟!!!! انا: ااااه ومازال غنعاودهاا (صلااااااااي) صرفقني انا: (شفت فيه بغضب) مالك ماعجبكش الحال هاا..(ابتسامة شريرة) داكشي باش حسيتي ونتا مع بيرلا حيبت بيه وانا معاه ...وقريبا غنحيب بيبي منو (صلاااااااااااااي) سرفقني.. نضال: خرجتي ليهااااا ديريكت هااا ماقنعكش انا (صافي تسطى هه) باغا تحمقيني يا بنت القحبة ...(كيحل الصمطة) انا: جهدك تغتاصبني ...هادشي اللي كاتعرف دير ...ااااااااي (ضربني بالسمطة) انا: ولفت العصى ....اااااي .(شحطني) واخا تقتلني ماغاتبردش فيك ..اااااااي نضال: (لاوي السمطة فيديه وطاح عليا وجهي فوجهو) سكتي قبل ماقتلك ...(معصب) رااه غادي نقتلك امروى ...ومامتيقش هادشي اللي كتقولي ... انا: تيق ولا ماتيقش ...شغلك هاداك ...المرة جايا غنصور ليك فيديو باش بلا منزيد نشرح ليك نضال:(غوت) صااااافي سكتيييييي ...صااااافي ماباغييييش نسمع (كيلهت) غنقتل ديلمك نتي وياااه ... تخلعت ...ناري غيمشي فيها دانييل ... ناض عليا بغا يخرج شديتو ودفعني نضت وقفت بالزربة ماعنديش كيندير نشدو وانا نهز الفردي كان طاح ليه فوق الناموسية مللي نقز عليا وهبطت كنحري موراه قبل ميدير شي موصيبة خرجت لبرا وهوا صاعر غادي لطوموبيل عييت نغوت ونوح وانا نضرب القرطسة فالسما باش يوقف..وقف وضار عندي ورحالو تفعفعو ... نضال: حطي دااااك القلاوي بلا ماتزيدي تصعري ديلمي ... انا: (حاطاه فصدري) لاااا مغنحطوش حتى تسمعنيي تم جاي جيهتي مكيقشع والو ... نضال: لوحي داك الزمر امروى ... انا : لا مغنحطوش(كنتفتف) جا عندي بلا مايفكر فقد السيطرة من داكشي للي سمع وبغا يحيدو ليا من يدي وانا كنتفتف حول الفردي من صدري لصدرو وانا قلبي بغا يسكت بالخلعة وعينيه فيا شاعلة فيهم النار ... نضال: كنبغيييك امروى (طااااااااااق) ورك ليا على صبعي وخرجات فيه القرطاسة فصدرو... انا: لاااا لاااا لااا لااا ميمكنش. بقا وقف قدامي واحد شوية وكيتعصر وبدا كيطيح فالارض شوية بشوية ... انا: علااااش انضال ..علااااش انضااال علاااش درتي هاكااا نضال: (فالارض كيتنفس بصعوبة وكيسد عينيه) حسن ليا ن ..نموت..و ولا ..نتخيلك ..مع.مع واحد...ا..ا..اخر.(غياب) انا: اهااااهاهاااى اهااااىءهىء ...مادرت والو ا نضااااااااا هىظهىء فييييييييق....نووووووووض(هبلت) لااااااا...ميمكاااااااااااااانش

بديت كنحل عيني وانا كنشوف راسي فكلينيك مجبدة شفت هاكا وهاكا لقيت كراميل حدايا...تفكرت شنو طرا ونضت كنغوت... انا: نضال نضااااال ...مايمكنش يموووت ...لاااا (دخلو الاطباء كيجريو عندي.) الطبيب: تهدني امدااام ...تهدني.. كراميل: ماماتش ماتخااافيش ...راه باقي حي. انا:(بغاو بضربو ليا لبرى) لااا مضربهاش ليا ...مغنغوتش ... الطبيب: اوك مغنضربهاش ليك . مي ايلا خرجتي على السيطرة ديالك غنضطر نضربها ليك... انا: فين هوا (ملهوفة) واش بصح باقي حي ؟ واش بصح ماماتش ؟ بصح باقي حي؟!! نضت خارجة.. كراميل: اجي نديك عندو.. جرني كنجري انا وياه ملهوفة كنطلب الله ميموتش وانا غادا كيبانو ليا رجالو داخلين خارجين والحرب نايضة فالكلينيك دربنا الدورة و انا ناقى صابر و مريم او واحد الزعرة معاهم ...مشيت كنجري تلاحيت على صابر عنقتو ... انا: ااههاىءىءاااهههىءهىظهههء...علاش كيوقع ليا هادشي انا علااااش هىءهههءىء صابر: ششششش صافي ماطرى والو .. انا: بغيت نشوفو ...(تلاحيت جبهت الباب هوا بجرني صابر) صابر: بلاتي فين غاادا ..ممنوع يدخل عندو شي حد انا: شنوو(كنغوت والغوتة عندي رقيقة كتقل الودنين) انا ماشي اي واااااحد (صعرت وبديت نضرب فراسي ) انااااا مرواااا واااععو (كنقز وصابر كيشدني) طلق مني خليني ندخل عىءهىء مريم: تهدني عافاك راه فالانعاش مخصناش ندخلو دابا..صبري شوية انا: لاااا غندخل (كنبكي ونشهق ) جلست نجدب ونطير وشعري كينقز معاها ونسخف لصابر فيديه ونتجبد بالجنون وحوايجي وتيشورط طالعة لفوق كنت لابسة شورط قصير مع تيشورط واسعة بيضاء قصيرة وصبرديلة بيضاء وشعري مطلوق رطب ،جلست ندب ونتجبد ليه فيدي ونزلق ليه فالارض وكيهزني ويشدني وانا كنضرب راسي ونولول انا: اويييلي وحديي اشنو درت (كنفركل ) يعطيني لقطااع لهاد اللسان (كنبغي نضرب راسي و صابر كيشدني) مااااال ديلمى انا مكنسكتش هىءهىء صابر: (كيوقفني وانا كنتمرغ ليه فالارض) رااه غتقتلي راسك (مخلوع) واش بهاد الطريقة باغا دخلي تشوفيه ها؟! صبري شوية وشدي راسك راه غتموتي جالسة فالارض وصابر شادني كنضرب فراسي وشاد ليا يدي ... انا: اش قرب اصل مي لشي فردي اش داني نهضر ليه على شي خرية ...(كراميل كيندب معايا معاونني) هههننههههنههننن انا اللي بنت القحبة عارفاه مصعور وزدت كملت عليه ههننهنههن هنههنهنننن ااهىءىءهههنهن مالي مكلخة مالي عننهننهنهننهععععهههنهنه شداني نتسنطح معاه ههههنهههننننهننه صابر: واماااماتش الحبس راااه ماااماااااش فهمي he is not dead باااااقي حي متمرضييينيش حتى نتي .. انا: ههههننهنههههنهمن اااههههههنهنهناعععععهههننهنه (كنصعر) علاش ماعندي زهر ههنهن

كراميل كان حاضر مللي وقع هادشي مي ماعارفش شنو دار بيناتهم تا وصلو لقتيلة... صابر: شنوو عند باالك مع السي كرك هاا؟! كلمة جوج تهزي لفردي ...عاهيا خرجات فيه دابا ... مريم: صافي اصابر متزيدش تكمل عليها ..شوف حالتها كيدايرة ..ماشي وقت هاد الهضرة دابا ... صابر: راه حتى قلبي كيتحرق عليه ...عمر نضال و صل لكلينيك ؟!! بقيت هاك بالاك على التحيار والبكى والتولويل وشاديني وانا كنزعرط تا جا الطبيب الزعرة: واش ممكن ندخل نشوفو... هزيت راسي فيها وعيني خارجين ،عاد رديت ليها البال... (على فكرة الحوار كامل بالانجليزية) سمعتها وانا نقض عليه تا جرني صابر .. انا: شكووون نتي تا دخلي عندوووو هااا؟! (شفت فصابر) شكووون هاد الخامجة هاااادي .. الزعرة: قولي دكتور واش ندخل... الدكتور : (في حيرة) ممكن دخلي دابا... انا: واااا الخرااااا لا دخلات (شاديني) شكون هاد ختنا...(بغات تدخل) خرجووو عليا هادي منهنااا شدوها ليكارد بغاو بخرجوها انا: طلق منييييي صابر: (تزعزع) تكالماي ا مروى ... وخليها معانا بليييز من بعد نشرح ليك شنو كاين ... انا: اش غتشرح ليا هاااا؟! (مع ليكارد) شباااقين كتسناو ؟ خرجوووها (شفت فالطبيب) شنو كيسحاب ليك راسك نتا ...ومعامن تشاورتي دخل عندو اللي بغيتي...(دفعت صابر) حيد علياااا.. حليت لباب وقلبي كيزدح ودخلت للشومبر كانت كبيرة ودايرين بيه الالات والغرفة بااااردة وهوا عرياان مغمض عينيه و الاكسيجين على نيفو و الفاسمة جيهت قلبو وملوية على يدو ومسرح فوق الباياص شادو كااامل ودايرين ليه واحد الصناطات صغار ديال لحديد على سدرو ومغطي نصو ...وانا كنقرب منو وقلبي كيضرب و كندمع وصوت د قلبو كيتسمع فالشاشة وشي اصوات خرين كيتسمعو شفت فيه وقربت منو وبقيت كنبكي حداه وشادا ليه فيدو وكنشكي تاشبعت بكا وشهيق.. انا: غير كدبت عليك انضال ههىءهىء هاداك مابيني وبينو ولا .انا بغيت نغيضك وقلت ليك هاكاك..هوا غير طبيب نفساني وعاوني باش نخوي قلبي من داكشي اللي درتي ليا.

بقيت كنعاود ليه ونشكي عليه واخا عارفاه مكيسمعنيش حتى دخل عندي الطبيب... الطبيب: مدام خاصك تخرجي نزيرو ابه السوان للجرح ومن بعد ممكن دخلي ...وبلا ماتخاعي واه فات مرحلة الخطر واخا الصاصة جات ليه فالقلب مي الحمد الله عتقناه. انا: هههنهنهنن شحال وهوا هنا؟! الطبيب: من السبعة د لعشيا وهوا هنا ونتي كنتي غايبة (شاف الساعة) وهادي دابا 12h30 ديال الليل... انا: واخا انا غنخرج ههننهن نتسناكم حتى تساليو.. خرجت وبقيت مصدومة انا غلت هاد المدة كااااملة؟! صابر: بردتي دابا ؟! هانتي شتيه ..شتي فين وصلتيه ؟ انا: الصمممممت... جلست كندمع تا خرج الطبيب ودخلنا شفناه كاملين وخرجو هما مشاو للدار وبقيت انا جالسة حداه وليكارد على برا بقيت شحال كنتاءمل ملامحو والصقييييل فالغرقة من غير الالات ،وغا ماقال ليا لحمار د راسي طلعت بشوية فوق الباياص وتجبدت حداه وراسي على الصدرو من الجهة اللي سليمة وبقيت كنبكي ويدي على كرشو كندوزها وهوا مغيب ماحسيت براسي حتى غفيت ... مروى نعسات عند نضال وهوا فوق الباياص كبييير وتكمشات حداه كتسنط لدقات قلبو حتى غفات.. كانت 3h د الليل ونضال بدا كيحس و يفيق ... نضال...اح...اه... بدا نضال كحاول يحرك راسو وحس بالشعر كيهرو حدا وجهو وبدا يحل عينيه تدريجيا و كيتبت الشوفة وعاقد حجبانو ،حس بشي حاجة تقيلة على صدرو وهبط عينيه لتحت وبدا كيحقق مزيان كيبان ليه غير الشعر كحل بدا كيحرك يدو اللي ناعسة عليها مروى جرها بزز وماحسات بيه فاش جبد يدو ،هز يدو وحيد الاكسجين اللي على نيفو فمرة لاحو على البايص وبدا يبتاسم ..شم ريحتها عرفها هيا عنقها بيدو وجر الشعر اللي كيهرو و هوا كيتوجع ..خلاها ناعسة عندو واخا مزيرة عليه وبقا كيشوف فالسقف وعينيه عيانين ..بقاو هاكاك شحال حتى حس بيها كتحرك و غمض عينيه... ضرباتني الفيقة و هزيت راسي فيه لقيت الاكسجين محيد ليه من نيفو تخلعت بغيت نوض حسيت بيديه كتزلق من خصري مافهمتش اشنو درت ليه وانا ناعسة انا: اوييييلي شنو درت شداني نعس حداه هههننهنه(بديت نهرنن) ويييلي حيدت ليه الاكسجين (تخلعت) ونضت من حداه باغا نمشي نعيط للطبيب انا درت كنتفتف بغيت نمشي وهيا تشد ليا يدي (تهز قلبي) ضرت لقيتو حال عينيه فيا و شاد ليا فيدي...( تحلطو عليا الاحاسيس) انا: ن ننن نضال...!!!! جرني من يدي لعندو كيبتاسم قربني منو... انا فديك اللحضة حشمت من داكشي اللي قلت ليه فالطيارة ... انا: نضال...انا(كيقربني عندو) انا غير كدبت عليك اىءاهنهنهههن نضال: امم ..سمعتك احبيبة اح..(شدني عندو) اجي عندي...طلعي عندي... بقيت مصدومة غير كنشوف فيه قدامي كيتوجع وكيبتاسم..طلعني عندو نضال: توحشتك ااه..نعسي حدايا ... نعست حداه ودار يدو مور ضهري والدموع نازلين ليا وحطيت راسي فوق صدرو وسكت وعنقتو ويدو معنقاني كتلعب ليا فلحمي تحت التيشورط نضال: تخافي ماتحشمي ..ااه(صقلت) نضال: علاش كدبتي عليا؟ ...امممم..(قرصني) انا: الصممممت نضال: واااخا عليك واخاا دابا نوض ليك (ابتسامة) كنتي غتيتمي ليا ولادي... انا: الصممممت نضال: دابا نوريك يا لكديديبة ... هزت راسي وخشيتو فعنقو وسكت نضال: ياك كتكرهيني ههه انا: هههننهن اه كنكرهك. نضال: حتى انا كنكرهك ..او بزاااااف (زير ليا على خصري) انا: علاش عدبتيني ههنهن نضال: شكون اللي عدب لاخر همم انا ولا نتي .. انا: الصممممت. نضال: شكون اللي سمح ولادو هممم..(كيقرصني) هضريي انا: نتا السباااب نضال: دغيا سخيتي بعهد او وعد همم ؟ انا: ماسخيتش بيهم ههنهن نتا بغيتي تشدني بيهم. نضال: غييير بلاتي عليييك هادشي كااامل غنخرجو منك ....(ميل راسو جيهتي) كتسمعيي (سرفقني فلحمي) خشي فيا راسك دابا ...(خاشياه فعنقو) فاش نوض ليك عنداكي ماتجيش تخشي ... انا:الصممممت... بقيت هاكاك معنقاه و ياكتة وجهي فعنقو حسيت بالراحة وانا معاه تهز كاع داك الوجع اللي كنت كنحس بيه فدقيقة اللي عنقتو فيها ،بقا كيهرني و كنهضرو الليل كااامل تا غفيت ليه فحضنو ...:

بقا كيهرني و كنهضرو الليل كااامل تا غفيت ليه فحضنو ... مروى ستحلات النعسة مع نضال مي هوا منعسش بقا فايق كيفكر ويفكر ويدو معنقاها حتى هوا برى جرحو مللي رجعات ليه مروى مي مزال متصلحات الامور بيناتهم . بقا فايق حتى صبح الحال ودخل عندو الطبيب ،الطبيب حدو وصل الباب شافهم حنى راسو رجع حتى دخل صابر و مريم و كراميل عندو ومروى باااقة خاشية وجها فعنقو و شعرها مزلع على وجها و سدرو .دخلو عندو بشوية مريم حشمات رجعات خرجات وتبعها كراميل و بقا صابر واقف حدا نضال معجب ومروى ناعسة و مطلعة رجلها على رجل نضال من فوق الغطى. صابر: (بصوت منخفض) علا سلامتك اخاي(شادو ليدين) خلعتينا واحق الله اففف(تنهد) كيبقيتي دابا شوية ؟! ... مال هادي منشورة هنا؟' نضال: (بصوت منخفض) غير خليها ههه صابر: بففف كن شتي شدارت لبارح هه ... شاف فيه نضال شوفة سوءال؟!! صابر: كانت غتسطى ...بقات كطير وتنزل وتجبد ليا فالارض(نضال كيبتاسم) كن ماشديتها كن نتفات شعرها (كيهضر مخلوع)شوهاتنا فلكلينيك ...نااري كن شتيها(كيطلع ويهبط فمروى) مالها لحمها زرق ؟! اححح فخادها زورق؟!!!!! نضال: هه انا ضربتها لبارح ...مي مشفتش واش خليت فيها الطبايع(معنقها) صابر: ناااري يا نضال كي خليتي لها رجليها...باش ضربتيها باش؟ شنو دارت ليك(مصدوم) نضال: الى عرفتي شنو قالت ليا غتقتلها ...مللي ماقتلتهاش راه لاباس ..(صابرمصدوم) قالت ليا شي هضرة وفاللخر طلعات ماشي بصح ..سمعتها لبارح قبل منفيق كتهضر حدايا وتشكي ... بديت كنحل عيني ونفيق ونتحرك وانا نستوعب بللي ناعسة عند نضال ...هزيت راسي بشوية عليه لقيتو فايق معنقني وكيشوف فيا وكيبتاسم وانا دايخة بالنعاس لقيت راسي حاطة رجلي وطاوياها عليه وانا نوض ... صابر: صباااح لخير ... ضرت لقيتو واقف مورايا معبس بقيت ساكتة ... شفت فنضال هوا يجرني من قرفادتي باسني من فمي و انا كنضور فعيني...ناااري وقدام صابر !!! صابر: سيري لدار لبسي شي سروال ... نضت من فوق الباياص وقفت ... وساكتة مكنهضرش ونضال كيطلع فيا ويهبط ... بغيت نخرج من الشومبر نضال:سيري وجيبي عهد و وعد معاك ... خرجت وجهي حمر لقيت مريم وكراميل جالسين فوق الفوطوي...كيطلعو و يهبطو فيا... مريم: مال رجليك زورق(شفت فرجلي تصدمت) كراميل: عطاها نضال سلخة لبارح ...سمعنا غواتها من برا الطيارة... انا:الصممممممت (مغوبشة) مريم: ويلييي كرجع ليك لحمك!!!(مخلوعة) هادشي كاع ماكان باين لبارح!!! انا:(عصباتني)،واااصااافي مابقا حد ياكل لعصى ... كراميل: خليها راه صرب الحبيب زي اكل الزبيب.. انا: زي الخرى ..يشدك يعطيك غير شحطة و تشوف الزبيب كي داير ! مريم: ههههه سري غطي رجليك هههههه قادليك الطرحة (عاضة شنايفها) انا: (معفرة ) خلييينيي بصحتي ... كراميل: شتي(تبعكيك) تستاهل داكشي لي كيدير ليها...عبر عليك (كيسممني) انا: (طرت عليه) راه غا نعطي لمك!!!(مريم كتفك) كراميل: مالكي ماديري هاكا قدامو هااا (كيضرب فيديه و يفقصني) ولا كتحكًري غير عليا انا ...(كيتعاير معايا) غزاا فديلمك (تبعكيك) مكتقديش تفًنفًني قدامو هااا...انا بغيتو يسلخ ليك الجلدة.. انا: (كنقز و مريم كتفك) غاا بلاتي نشدك يا لقواد ..لقيتي للي يفكك دابا ...شوووفي يا ختي كي كيفقصني !!!اولله... هااا...غا تا نشدك ...دابا نوريييك ... مروى منوضاها برا سبان هي وكراميل و صابر مع نضال لداخل كيهدرو... صابر: وليتي لاباس شوية... نضال: (كيحاول يجلس) وي سافا سافا...ااااي.... صابر: شنو وقع اصاحبي(كيقاد ليه الجلسة) كيفاش تا وصلتي لهنا؟!! راه عاود ليا كرم شنو وقع مي علاش ..شنو السبب ؟! نضال:(بيدو وصبعو كيدور) من بعد نعاود ليك... صابر: جات لهنا بيرلا لبارح ...شافتها مروى وهي تجهل نضال:(مخنزر) شنو للي جابها لهنا اففففف ...وااااع عطيني تيليفوني... عطاه صابر تيليفون كان حداه ... نضال: الو مروى...مشيتي...صافي بلا ماتمشي تجيبهم راه صابر مشا ...اوك baby...(قطع) اففف سير اصابر جيب عهد و وعد قبل ماترجع الوقيدةدد ختك و تبقا عليا كتكدب ما كتكدب.. صابر: صافي هاني غادي غير رتاح نتا ...مروى دابا راه مضهشرة مازال متفكرات بيرلا .. مشا صابر يجيب الدراري لنضال يشوفهم ... نضال: (فتيلي) الو تبقا فالدار ماتخرجش ...(قطع)

نضال: (فتيلي) الو تبقا فالدار ماتخرجش ...(قطع) ... انا من بعد السبان والمعيور للي نوضت مع كراميل خرجت من الكلينيك وخرج معايا هوا كالعادة ديما منوضينها انا وياه مي مكنتفرقوش ، طلعنا فالطوموبيل فاتجاه الفيلا د نضال والشيفور سايق بينا وكيما ديما ليكارد تابعيني مكنتحركش بلا بيهم ،وحنا فالطريق جاني اتصال من عند نضال فالتيلي د كراميل قاليا صافي صابر غيجيب الدراري .قلبنا للتجاه لفيلا د ماما و بابا ماتليتش غادا نجيبهم ،وصلنا وطلعت بدلت حوايجي و دوشت ،وانا فدوش كندير الصالون كندوز على فخادي و كنشوف الشحطات ديال السمطة مطراسين ليا من طرمتي حتى لتحت مي ماقاسنيش لفوق بقيت كنخوي عليهم الما وكنتفكر الهضرة للي قلت ليه ...ممتيقاش راسي انا للي قلت ليه ديك الهضرة وييييلي على شوهة ..كنت معصبة ماعارفاش اش كنقول و الحرقة د وليداتي للي حيد ليا هي اللي خلاتني نهضر هاكاك ،جلست كنغسل و نشوف فرجليا و ندب على لهضرة للي خرجت على فمي ...اويييلي على كان رجل منك؟!!!! اويييلي واش انا قات هاد لهضرة!!!! (كان يحساب ليا غير نتا اللي راجل) وييييلي على شوهة !!!!(كان ضريف معايا) لالا !!! انا بلا شك تسطييييت ...فين هوا لوجه للي غيشوف فيه دابا ملي يتقابل معايا و يحسبهوم ليا وحدة وحدة !!!! باش غنجاوبو؟ شغانقوليه؟!! (خرجتي ليها ديرييكت) نااااري غيدي عليا نضرة خايبة اففففففف...اعود بالله من الشيطان راجيم...(جهدك تغتاصبني) اووووووف (غوت) ياربي تميح ليا هاد الهضرة من بالي هههنهنهننن علاااش قلت هاد الهضرة علااااش تفوووو غيقول دابا شووف تفكيرها كيداير وشوف عقلها شفيه عههنهنهن ...ماحملتش راسي علاش خرجت ديك الهضرة وانا حتى لخرى ماكنقدر نقولها ليه وكملتها وجملتها دابا بهاد الشي للي يمع مني ،صافي انا مابقاتش ليا لكمارة للي نشوف فيه ،وزدت نعيت حداه بلا حشمة بلا حيا وخاشية عنقي فوجهو !!!!!!ولاه ما كنحشم تفووووو لااا الا نضال مابغيتوش يسمع ولا يشوف مني شي حاجة خايبة واااععععههنهن(تعصبت) واخا انا مقزدرة مع كلشي مي حتى ليه هوا لااااا تفو مرضيتش ...هه(استهزاء) قاليك كرشي غتولد ليا عشرة ...ولمن قلتها!!! لنضال..! ويلي وحدي اجا منساني فهادشي... كيفاش غنوقف حداه و هوا فودنو هاد الهضرة و عاد ماكاينسى تا حاجة ،غيبقى يشوف فيا و الهضرة التصرفات ديالي الخامجة فبالو ...اففف جلست بيني وبين راسي كنلوم فراسي وكنغسل و الضيم طايح عليا وكنتفكر داكشي للي وقع و ماشي ديالي هاد لفعايل للي درت فلحضة غضب بديت كنخرج فشي هضرة .بقيت هاكاك تا ساليت الدوش و جرجت لابسة بينوار هبطت للكوزينة حليت التلاجة و جلست وسط الفيلا كندوز فالتلج ونبرد فتصاور اللي فلحمي ومعصبة والهضرة مكتمحاش من بالي وغير كنكر ونغوت لى لخدامات لي غاديين جايين حدايا تا جا جلس حدايا كراميل... كراميل: احححح ولاهيلا بقيتي فيا انا:الصممممت (كندوز التلج) كراميل: توتوتو(كيحرك راسو) يعلم الله شنو درتي تا ... انا: صافي سكتني الله يرحم باك ،ماتزيدش تكمل عليا... كراميل: دوري ندوز ليك التلج راه فخادك زورق من اللور ... انا:(نضت معبسة) يالاه نطلعو لفوق .. طلعنا وكنكر دخلت لبيتي وتكسلت فوق الناموسية على كرشي وكراميل حالس حدايا هاز ليا لبينوار كيبررد ليا الوان الطيف اللي خلا فيا الرسام بيكاسو (نضال) وانا ماحاملاش راسي وكنتفكر فعايلي ديال الزفت.. كراميل: شي نهار غيقتلك(كيدهن) فففححح قلبي ضرني بهاد الزروقية ... انا:الصممممت خاشية وجهي بين يدي...وكراميل كيبرد ليا بالتلج ... كراميل: هاهما بداو يبردو ...ناااري قطعتي ليا قلبي...صافي نوضي لبسي باش نمشيو لكلينيك.. انا: معنديش لوجه للي يمشي لتما ... كراميل: ربي لما قولي ليا شنو كاين... بقيت كنعاود ليه من اللول ختى لخر وهوا كيدوز التلج على لحمي... كراميل: ويلي ويلي(مصدوم) قلتي لييه هاد لهضرة هاكا!!!!!! وفين كان عقلك تا خرجتيها؟!! انا: صافي بلا ماتزيد تكمل عليا.... نضت كنلبس وكراميل كينكر على داكشي للي سمع... كراميل: قلتي ليه ماين مارجل منك هاااا!!!!!! فين هوا هادا للي مارجل منوو؟ (انا كنلبس معصبة) بسيييف ما يقتل راسو !!!!! هااااويييلي على ماشي راجل !!!!! حمدي لله للي مهرطش ليك الطرمة ويوريم الرجلة د بصح!!!!!!!! (مصدوم) بقيت كنلبس ونصوط و كنسمغ لهضرة د كراميل عندو لحق ،نحمد الله للي ماشركنيش ديك الساعة...بدلت ولبست سروال كحل مقطع من الفخاد و تيشورط كري فيها كتابة فالكحل عقدتها على كرشي و بالغينة كحلة و سميطة فعنقي كحلة و طلقت شعري و تمينا نازلين هزيت طاس د القهوة فيدي نشربو و خرجنا فاتجاه الكلنيك...

وصلنا لكلينيك وانا نتلاقى مريم خارجة.. انا: فين غادا؟! مريم: راجعة لفيلا...راه صابر مع نضال ومعاهم الدراري... انا: اه اوك ...(تسالمنا) يالاه بايباي... دخلنا دخلنا لكلينك وانا قلبي كيزدح حليت لباب لقيت صابر هز عهد فيدو ضرت لقيت نضال شاد وعد ناعسة ليه على سدرو وكتفركل وهوا شادها بيدو ...ويدو لخرى دايرين ليه فيها فاصمة من جيهت القلب و دايرة على اليد و الضهر ومغطية بصمطة كحلة قاصحة كتجبد حتى هيا ضايرة من القلب واليد ومور الضهر باش واخا تقيسو وعد بيديها مكيحيش بيها... قربت كنسرط فالريق و هوا شاد وعد عندو اول مرة نشوفو شاد واحد فيهم وكيبضحك معاها وهيا كتغوت و ضحك بالجهد وصابر حداه شاد عهد كيرضع فالضاعة ناعس..شافوني دخلت حشمانة كنعوج وساهيا فنضال كيفاش متكي او وعد فوق منو جلست حدا صابر فالفوطي دايرة رجل على رجل وكراميل حدايا وانا ساكتة مهضرتش كنشوف غير فنضال وهوا كيهرها فرجلها وهي كتغوت بالضحك وضرب بيديها على سدرو ...شوية طلعها عندو وشادها وجها فوجهو و كتحط فمها على فمو وفين ما تميل براسها على فمو كيبوسها هوا ويديها يطبلو فوجهو وانا كنقول دابا وهيا تقيات عليه ههه ،ماهضرش معايا وكيشوف فيا بنص عين كيفعفعني كنبدا نتفتف ونسرط فالريق ضرت شفت فكراميل لقيتو داايب فوعد و نضال كيفاش منساجمين وانا نزوي ديلمو لجنب وكضدتو ... اما صابر منساجم مع عهد وهوا ناعس كيرضع. نضت بغيت نشد وعد على نضال ... انا: اراها نهزها راه غتقيا عليك... نضال: (تعفر عليا وكيبتاسم) حيدي يدك عليها...(مع وعد) مال هادي ابابا جايا دايرة لينا الطيارة ...اممم(كيبوسها) ههه قولي لها سيري فحالك ههه (وعد كتغوت بالضحك) ههههه سمعتيها ! واسيري بعدي منا (مع وعد) خليني انا وكبيدة ديالي تبوسني ونبوسها ...امممم(مواحح) ياك ماجاتك الغيرة (حاجبو طالع فيا) انا: الصممممت مشيت تكمشت حدا صابر و ربعت يدي وهوا عايش لحب مع بنتو وحتى هبا فرحاانة وخاشية يدها فمو ومخليها دير اللي بغات بقات هاكاك كتلعب وهوا معاها كيغازلها حتى بدات كتنعس ليه على سدرو و هوا كيدوز صبعانو على فخيضاتها كينعسها كانت لابسة كسيوة حمرة (نعساات) نضال: (بصوت منخفض) اجي هزيها حطيها تنعس... نضت نهزها يالاه حطيت فيها يدي وهيا تقيا ليه على سدرو... نضال: هانتي يا صاحبتي تقييتي علينا !!!ههه انا: قلتها ليك! نضال: بحالك بحالها...نسيتي فاش تقيتي عليا تا نتي ...ايوا كيما درتي ديك المرة اجي ديري هاد المرة ... انا: الصمممت هزيتها حطيتها حدا صابر اللي مابغاش يحط عهد من يدو واخا نعس،هزيت الباكية د لانجيت من الساك ديالهم ومشيت وقفت عند نضال كنمسح ليه سدرو ومزييرة وهوا كيشوف فيا وكيبتاسم وانا كنمسح عاطا بضهري اصابر وكراميل ماحسيتش بيد نضال تا قرصاتني من راس ديال بزولتي ماعرفتش كيدار خشاها ...خرجو عيني فيه !!! وكيحرك ليا راسو افوق ولتحت كيقول ليا واخا ... وانا نهرب جلست حدا صابر كنسوف فيه بنص عين ميدوز ليا يدو على لحيتو وكيحرك ليا راسو،عارفة راسي مقوداها ...بقينا الوقت كاااامل جالسين ساكتين و نضال كيشوف فيا فين ما نشوف فيه يتحلف فيا ويدير ليا حركة كتخلعني مرا بيدو و مرة بشفايفو ..فاللخر هزيت لبراهش بغيت نديهم ... نضال: اجي لهنا (براسو) مشيت عندو... نضال: غيرجعو عندي لفيلا ..ونتي(شدايا ذرمتي) من بعد نتحاسب معاك (زير عليها) صقلت ماعاودش لهضرة وخرجت انا وكراميل وخليت صابر معهم يتكلف بيهم ومشينا حنا فالطوموبيل قلت نبدلو الجو شوية نمشيو نتمشاو على رجلينا و الهضرة د نضال كدور ليا فبالي قجااني.

ولليت فكل نهار كنمشي نطل على نضال فلكلينيك كنحاول منقربش منو حيت يديه كياكلوه يمشي يخشيها ليا فسليب !! اما ولادي ديما كيجيبهوم صابر لكلينيك ديما كنلقاهم تما...داز شهر ونضال فكلينيك حتى ولا لاباس ومع المراقبة المستمرة والاطباء اللي دايرين بيه ولا قلبو صحة سلام عرفتو غيخرج من الكلينيك وممشيتش عندو ...الشهر كامل و انا كنطلب الله يطيح لبيبي ل بيرلا للي من نهار شتها فلكلينيك ما عاودات بانت يعلم الله شحال من شعر عندها ؟!! وكراميل ماعارفش بشحال حاملة و ديما كنسولو كيقول ليا ما عرفتش ،فداك الصباح اللي غيخرج فيه نضال كلشي مشا عندو الا انا لقيت ف الفيلا فقت من النعاس و بقيت كالسة فبلاصتي كنفكر فالاخدات اللي طرات .الحب ديالي لنضال طغى عليا ودفع التمن داكشي اللي دار ليا وكان غيموت فيها،تعادلنا انا وياه و كيما خرجات مني و تعدبت حتى هىا خرجات منو و تعدب ولاكن هاد بيرلا اللي حاملة شنو غندير معاها دابا؟! باينة مشات فحالها تولد فدارهم واقيلا؟!! باينة نضال سيفطها لدارهم من بعد ما برهن ليا بللي كيبغيني بصح وبرك ليا فصبعي و خرجات ليه الفرطاسة فالقلب ،عرفت بللي ضحى بحياتو باش يرتاح من العداب اللي حاس بيه من جيهتي عرفت بللي انا هيا كلشي بالنسبة ليه . وانا جالسة كنفكر تزير عليا قلبي فكل مرة نتفكر بيرلا حاملة كنبغي نهبل ..مايمكنش شي وخدة تحمل من نضال من غيري ...ميمكنش تخيلو معاها ..وكيف ما كيدير ليا بكون دار ليها ميمكنش يعيش معاها داكشي اللي عاش معايا لالا ،كنتهيل راسي فاش كنت معاه و كنتخيلها هيا معاه كنبغي نحماااق كنتخيلها فبلاصتي كنبدى نترعد وهوا كيفاش عطاتو خاطرو يديرها ومن بعد فاش قلت ليه درت و درت بغا يموت؟! اه بصح تقت بيه كيبغيني ولاكن راني كنموت كل نهار كنتخيلها معاه فبلاصتي ،كنتقطع ونتحرررق على هادشي... كترو عليا الاحدات و الافكار و التخيولات فكل مرة كيدوز حدت فشكل قدامي مرة يدوز نهار للي هرجت فيه ديك الهضرة و بسبابها رجع نضال من الموت ومرة دوز حدايا بيرلا وهي معاه فوق الناموسية ...ماعرفتش اش ندير غادي نحماااق الا رجعت ليه منقدرش ندير معاه شي حاجة منقدرش نشوف فيه ونتخيلو مع بيرلا وفنفس الوقت كنبغيه و منقدرش نعيش بلا ليه وحتى واحد مكيقول ليا شنو خصني تدير و لا على الاقل يحاولو يهضرو معايا ..حتى حد مكيبغي يدخل فهادشي من غير صابر اللي كيجي من جيهت نضال غيحمقني باغي يرضني ليه والسلام. شفت راسي كنهنرس غير بوحدي فالبيت وانا نتفكر دانييل ...عزيت تيليفوني للي شريت جديد و قلبت على لااكارط فيزيت ديالو واخين الحظ تيليفون يالاه شريتو مازال ماشافو نضال ويدير ليا فيه ليزابليكاسيون ديال المراقبة ،طابيت النمرة و عيط ليه (تيلي كيصوني) انا: الوووو دانيييل...انا ريم ..يعني مروى ...راني عارفة داكشي علاش عيطت ايك باش نعود كلشي اللي وقع..حسيت براسي تالفة ماعارفاش اش نديير؟ جلست كنعاود ليه من نهار تافقنا نمشيو حتى لدابا...لقيتو هوا مشا لنيويورك ...ومعندوش فاش يعيط ليا داكشي علاش تقطع الاتصال بيناتنا. مهم فشيت قلبي عليه وسمع ليا وقاليا نزيير السمطة و مانكونش هبيلة و اي حاجة بغيت نديرها نقولها ليه بقا كيقول ليا شنو ندير و كيفاش نتعامل وانا كنقيد فدماغي وكنتمنى منزربش و منتوترش كيما العادة ونضعف قدام نضال واخا عرفاه غيشدني يعصرني .قهرني تفكيري ونضت دوش ولبست حوايجي و خرجت نبعد شوية بوحدي نشم شوية ديال الهواء بلا مابصدعني تا واحد وكنفكر فللي جاي