حبيبي مافيوزي الجزء 12 (الفصل الثاني)

انا: اوووف براكة عليا من هاد الدوايات ...تقهرت بغيت نوقف شوية ونتمشى على رجلي عييت ناعسة على ضهري وهاد السلوكة دايرين بيا... دانيل: ههه غير صبري احبيبة...هانتي غادا وكتحسني تذريجيا ...غير تقاد صحيحة ديالك مزيان و غنوضك ديك الساعة ...هاهيا جايا البنت للي غدير ليك الترويض لرجليك ..(كيقيصني فيهم) كتحسي بيهم؟ انا: اه لحمد الله دابا راني كنحس بيهم وكنحاول نهزهم واخا كيجيوني تقااال مي كندير اللي فجهدي باش نبرى دغيا ونخرج من هاد الشومبر طلعات ليا فراسي تفو ... دانييل: قريب غتحسني وتولي حسن من الاول غير نتي متفكريش بزااف وريحي دماغك من الفكير وبلا ماتحاولي تبقاي تذكري بزاااف حيت غضري راسك و تقدري دخلي فغيبوبة عاوتاني انا: هههه فقت منها بعدا باش نرجع لها ههه كنحس بعقلي ملحوس ههه دانييل: ههه الحمد لله للي راكي كضحكي اما فاللول كنتس خالعاني ...خلعني الاكتاءاب ديالك .. انا: ميمكنش نكتاءب دابا وانا مزوجة بطبيب نفساني خطيير ههه دانييل:(باس ليا جبهتي) لهلا يخطيك عليا احبيب ديالي ...انا غنخليك دابا ،غنمشي للعيادة و فالعشية نرجع عندك ونكملو الحصة ديالنا ...باش ترجع ليك شخصيتك القوية للي نسيتي عليها تا هيا ..اوك انا: ماهيا خرباانة خربااانة ههه كنحس براسي بحال شي كرطونة خااااوية ... دانييل: هههههه ماتنسايش غير انني كنبعيك ...يالاه باي باي انا: باااي(بيدي) دانييل ضريف معايا بزاااف من نهار حلليت عيني لقيتو حدايا غير هوا،وقاليا بللي انا مرتو مي انا ماعاقلة على والو بصفة نهاءية وزاد اكد ليا مللي وراني وراق الزواج ديالنا ولقيت لخاتم فيدي..وللي زاد اكد ليا هوا انني كنحس براسي ماشي بنت.(دخلات مايا للي كدير ليا الترويض؛ مايا: (لونكلي) هاااي حبي ،شتك راشقة ليك اليوم ..وليت كتحرك مزيان . انا: اه خاصني غير نتفك من هاد التيوات وليباري ونجرب نوقف على رجلي.. مايا: قريب مابقاش بزااف،انا ليوم غنروض ليك رجليك مزيااان باش تقدري توقفي هاد لعشية ...راه الطبيب قالينا غيجي يحيد ليك هاد الخيوط،.. انا: بصااح ..اووف هنية عليا.. مايا هيا اللي كدير ليا ترويض منين فقت وهيا معايا ولينا صحابات بزاااف بكترت ما كندوزو انا وياها الوقت بزاف ،وديما كنشوف نضاراتها باعجاب لدانييل طول هاد الفترة اللي دوزات معايا فهاد لكلينيك.واخا هيا مكتبغيش تجرحني بشي تصرف مي انا عايقة ببها. مايا: مالكي ؟(كتروض ليا رجليا) سارحة فحبيب القلب... انا:(قررت نجيها من اللخر) مايا...انا فاهمااك ..وعارفاك كتبغي دانييل وحاسة بيك(قاطعاتني) مايا: لا لا احبيبة متفهمنيش غلط انا.. انا: مايا بليييز انا راني فاقدة الداكرة ماشي مكنفهمش ! راني كنشوف بعيني وعارفة شنو كيضور قدامي مزياان والقلب راه مكيشاورش! وكيما نتي قلب بغاه ومن حقو يبغي ،حتى انا قلبي مابغاهش ومن حقي منبغيش وحتى انا قلبي متشاورش معايا ،(مايا تزيرات) شوفي واخا هوا راجلي انا مكنحس بحتى حاجة تيجاهو ولا تيجاه تا شي واحد . انا عزيز عليا وصافي وفرحانا حيت هوا المساند ديالي فقط . ومابغيتش نقوليه بللي انا مكنبغيش غير باش منجرحوش فهمتيني مايا: الصمممت انا: انا عطيتك الرخصة دابا ايلا بغيتي تجلبيه ليك غير حاولي ومضيعيش الفرصة ،باش حتى انا نكون مرتاحة ،ومن بعد ما نبرى منقدرش ندخل معاه فعلاقة حميمية و انا مكنحس بحتى حاجة تيجاهو و ماعاقلة على وااالو ... مايا: مهم ...سمحي ليا انا..انا غنخليك ترتاحي شوية .. خرجات مزيرة وحشمات وجلست انا وعقلي وقلبي كنهضرو مع بعضياتنا ما كنحسو بوالو ومعاقلين على والو... {لا فراق في حب صادق فلا الغياب ولا الموت يستطيع ان ينهيه،فلو غاب احدهم سيبقى الاخر يحمل الحب في صدره وفاء حتى اللقاء...}

جلسات مروى اللي ولات سميتها ايميلي كيما قاليها دانييل كتسنط لعضامها فلكلينيك من بعد ماقاليها دانييل غير داكشي اللي بغاها تعرف ، مللي فاقت ولقاتو حداها كدب عليها قالها بللي هيا مرتو ومزوج بيها وبللي دارت كسيدة وفقدات الداكرة ومع هيا اصلا مابقات عاقلة على والو جلس كيهضر ليها على الحب ديالهم و كيوهمها هاد المدة كاااملة وبقا كيعالجها صحيا ونفسيا ،استغل الفرصة ديال النسيان ديالها و بقا كيدير ليها حصص يوميا باش ترجع ليها شخصيتها اللي نساتها ونسات كيفاش دايرة وما داز عليها ،وهيا كتعالج عندو نهار على نهار كتزيد تقوى ليها الشخصية بحال ايلا يالاه تولدات من جديد نسات الخوف و نسات كاع داكشي اللي عاشتو واللي حسات بيه وهادشي زاد خلاها تبني شخصية زوينة واها احساس الخجل محيدش منها والانوثة التلقاءية باقة فيها، هاد جوج حوايج هما اللي بقاو معاها بالفطرة بلا متحتاج تقلب عليهم.والطبيب النفساني ديالها زاد عاونها حتى ولات كتفكر بدماغها و تفهم داكشي اللي كيدور قدامها لدرجة سولاتو على دليل زواجها بيه ،تقبلها هوا ومشا جاب ليها اوراق مزورين وراهم ليها وتسد هاد الموضوع د الزواج و تاقت بيه ،ولاكن مروى(اميلي) كيما سماها دانييل مكتبغي حد وشخصيتها للي صنعها فيها خلاتها تبغي غير راسها ودربات الدنيا بركلة مكيهمها تا واحد وزاد كدب عليها قاليها ما عندك حد و عاءلتك ماتو فحريق وخلاوك صغيرة كبرتي فالخيرية وتما قريتي . الحاصول وماغيه الف ليها قصة باش متسولش على عاءلتها و بعدها عليهم و داها لنيورك باش تبقى معاه تما و ميوصل ليها تا واحد وحتى هيا متقلب على حد و متفكر والو والمعاملة الزوينة للي كيعاملها بيها خلاتها تيق فراسها وكل نهار كدوزو فالكلينيك كتزيد تحسن نهار على نهار حتى وقفات على رجليها ولات مزيانا و دانييل كيضور بيها فكل مرة يبغي يبوسها كتصداه و تحاول تهرب منو وديما كتسول راسها كيفاش راجلها و هيا مكتبغيهش وتزوجات بيه و كترجع تكول راه غير حيت فاقدة الداكرة داكشي علاش نسات حتى الحب ديالو ليها. اما نضال ماعارفهاش بللي مزالة حية وعايشة فنيويورك مع دانييل.ديما كيتحرق عليها ونهار هضر معاه صابر طلع طل على ولادو لقاهم كبرو شوية واللحضة اللي هزهوم بين يديه وصابر حداه. بقاو كيعيطو بابا لكلشي للي شافوه نضال ابتاسم وفنفس الوقت بقاو فيه عنقهوم وبدا كيبوس فيهم وهما كيضحكو لكلشي للي شافوه كيضحكو ليه وشوية نضال حس بشي حاجة تخلي ليه امل فالحياة . رباهم وكبرهوم على يدو وفكل مرة يشوفهم كيعيطو ماما قدامو كيبدا يتحصر عليها و يتوجع...حتا ولات عندهم عاماين برات مروى ولات صحيحة فصيحة و الذاكرة الله يجيب وعند بالها سميتها ايميلي وجالسة مع مع دانييل فدارو واخا مكتبغيهش يقرب ليها و ديما المشكل بيناتهم مي معندها فين تمشي كتحاول تاءقلم مع الوضع و تحاول تبغيه ...حتى لواحد النهار...

مشات ايام وجات ايام...#مروى دانييل: ايميلي راه ميمكنش نبقاو انا وياك هاكاك؟! كل واحد فينا كيبات بوحدو؟ انا: دانييل راه ميمكنش ليا نبات حداك مانقدرش فهمني عافاك ،واخا انا مرتك منقدرش نشرك معاك الفراش ،من الاحسن خليني على خاطري حتى نتعود من جديد على حياتي عاد ديك الساعة نقدر ندير معاك شي حاجة!!! دانيل: كيفاش غنبداو من جديد ؟ راه انا كنقوليك ديجا كنا كنعسو بجوج قبل ما يوقع ليك المشكل وتفقدي الداكرة؟ وكنا عايشين مزيان؟ شنو للي خلاك متبقايش تبغيني هااه!!؟(غادي نخليك تبغيني امروى غير بلاتي ،وغتولي تبغيني قبل مترجع ليك الداكرة.) انا: اففف الله يخليك ادانييل ..خرج ليا من بيتي خليني نرتاح راني عيانا وراسي كيضرني! دانييل: (بغضب) اووك هانا خارج ...غنشوفو حتى لفوقاش غنبقاو هاكا!!(غير بلاتي ماحدك مزال ماعاقلة على والو غنشد بلاصة فقلب ) خرج وسورت من موراه لباب..اففف ياربي ماعرفتش انا كيفاش تزوجت بيك و انا مسلمة و نتا مسيحي؟!! هادا هوا العجب !! عارفة راسي عربية و لاكن من اينا و حدة من العرب انا و فين جات بلادي و اصلي ...يخ ما علينا نمشي نشد داك البيسي شوية ولات فيا بلية تاهوا افف جلست فوق الناموسية حاللة بيسي وكندخل و نخرج ...اممم شنو زعما حنا ميكونش عندنا فايسبوك ؟! ههه غنبقا هاكا؟الملل...نصايبو شي كونت نتافو فيه الوقت تا حنا ،مالي ماعلياش الله ! جلست متكية على كرشي وكنلعب برجلي ...وبديت نقاد فالكونت ...صايبتو ودرت فيه سميتي الاميرة ايميلي ههه الواحد هوا لي يدلل راسو ينعل بووو العلاااام هههخخخ ماهيا خربانا خربانا(جملتي الشهيرة) ايوا دابا مزياااان ارالنا نضريو تصيورات تا حنا ونحطوهم ،نشوف نسبة الجمال ديالي هخهههخ نشوف شحال من جيم عنجمع ههخخخ نضت لطواليط وجلست نبدل ونعاود ههه جاني لحماق ديال الليل و جلست كنتمكيج ونتبوزا ونضرب فالتصاور تا شبعت فاللخر رجعت لبست بيجامتي وتلاحيت فوق الناموسية ....منعزل ونتخير. ونهضر بوحدي -دابا اينا تصويرة نحط فالبروفيل هههخخ هادي ولا هادي ههه ...انحط هادي . حطيت صورة جالسة حدا المرايا شادة الورد للي كان جاب لبا دانييل لووول ههه ودرت ليا بوبليك كلشي يشوفها ،وجلست كنتسنى الناس ي اجوطيوني وشحال دسال ليجيم غيديرو ليا ونشوف تعاليق دياهم ههاهاهاخخخ .قلت مايدار موصيييبة بففههه . مهم بيدمن اجوطاوني الناس نطلق شوية دلموسيقة و نوض ندربها بشي ركزة نفوج على قلبي وعاد نرجع نشوف هاد الفايسبوك نعضر فيه هاد الليلة.... داكشي لي درت نيت دخلت ليوتيوب وطلقت داكشي للي جا قدامي ونضت كنشطح ونتخير فجوج د لليل تا شبعت و رجعت جلست عند لبيسي نشوفو لفايس فين و صل..(شتو) واااااااااااواااااااو هاشي كااامل !!!! بفففففف فساعتاين جمعت هاد ليجيم اه اه اه !!! شحال دبنادم داخل عندي ،هنا غنبات كن اكسيلتي حتى يصبح لحال هه ،بلاتي نشوف شكون نقبل و شكون نخليه شاد الصف مع خوتو .. جلست ندخل هادا اه ..هادا لا ..هادي اه ...هادي لا ...فالصراحة زربت للي تزوجت ...

فالصراحة زربت للي تزوجت ..مالي على هاد الزربة ؟! مالي كنت خايفة نعنس؟ مافهمتش كيفاش تا تزوجت؟! باينة مالقيت فين نمشي مللي خرجت من الخيرية و تزوج بيا هوا...اففف الله يسمح ليا منك ،ولاكن راه ماشي لخاطري ...مكنحبكش ! شغاندير(عيني خارجين فبيسي) لغااالب الله (مركزة مع ليزانفيت كناكسيبتي ههه) بديت كنشوف فبنادم كيتلاح عندي وكيطلعو ليا ليجيم وانا نضسر ههخخ بديت نحط فتصاوري مي هاد المرة غير ليزامي ديالي ..ونهضر مع اللي قالي راسي و اللي رشقات ليا عليه ،وهما غا لاصقيني ممفاكينش كل واحد كاتب ليا جريدة بففف وانا دافعة كبير عاجبني راسي ،كانجاوب غير ب ok ولا non هههه زعما الذكور بحال التنبر ماحدك كدفل عليه و هوا كيزيد يلصق ،بقيت عليهم بالقميع و الفريط ...نااااري ههه حللو ليا البعرة هههخخ اجا ماسدها ليا ههه ولليت حاااسة براسي ودخلني التكبر وتفرعين و العياقة.بقيت الليل كامل هاك بالاك ماحسيتش براسي تا نعست هاكاك منشورة على كرشي والبيسي قدامي ورجليا مزاوطين كل وحدة فجيه. ضرباتني الفيقة على الدقان فالباب ،حلليت عيني بزز وانا مضهشرة كنهز راسي ،لقيت حنكي فوق لكلافيي (الدقان) اففففف تميت نايضة بزز دايخة بالنعاس ومبوقة ومشيت حلليت وانا لقى دانييل... دانيل: بونجوور الزين ههه عاد فايقة؟! (لابس كوستيم) انا مشييييت للخدمة وجيت ونتي مازالة شاخرة.. انا: شكاااين ؟! مالك اااااااهاااااه (كنتفوه) مالك مفيقني على النبوري!!!!(تبويقة) دانييل: ههه ينوو شحال زوينة ونتي عاد فايقة.ههه ايلا مافراسكش هادي راه 2h دابا الزين(كيشوف فالساعة) هههههههه مالك فوجهك؟!!(بغا يحط يدو عليا) انا: (مجوجة بيه من زمان وعاد بنت ليه زوينة وانا فايقة؟! مال هادا!!) صافي سير سير دابا خليني تا نحل عيني ونهبط (سديت ليه الباب فوجهو) اففف دانيل:(من مور الباب) واااخااا ...عقلي على هاد الزربة ...هاهوا غادي. انا: (بصوت منخفض فاتجاه الدوش) سير تخرى تغصبت فشبابي بهاد التزويجة تفو !!! تا لدابا عاد عرفت بللي عليا الاقبال ماعرت فين كان عقلي(وقفت حدا المرايا) ههههه وييييلي شنو هادشي(كنشوف حنكي) واااع هههه لكلافي تطراسة ليا فحنكي ههه بففف دخلت ضربتها بغسلة تحت اغنيتي للي كنغني ديما مرافقاني .. انا:(كنغني) ايميليييي اييييميليييي بالصبر تجملي اييميلييي ايميييلي حااويلي لن تفشلييي (كنتعوج تحت الماء) ايييميييلي ايييمييلييي نتي اجمل وحدة فالدنيا ههه (كنلحن) (اغنية رسوم ايميلي) كلست نغني و نلوز والدقان فالباب،..افففف باينة هادا دانيييل يخ..خليك تما. ضربتها بغسلة تحت الصابون تااااساليت على خاطر خااطري وتميت خارجة مشيت كنجبد حنكي ونحيد لاطراس كللبس فحوايجي ،لبست شورط دجين قصير مع تيشورط بيضة والسرة كتبان و ضربت سبادري د نايك وانا وطلقت شعري نشفتو وضربت مكياج خفيف وانا نتبع ليها تصويرة نمشي نصبح بيها على الفايسبوك خههخخ تلاحيت على لبيسي نشوف ليفان دياولي شحال ولاو ههههخخ.دخلت لقيت بنادم محيح عليا نايضة عليا الحرب ههه وكل واحد كاتب ليا لعيبة فلمير ديالي اما نوامرهم غير كيلوحو فيهم باغيين يعواجو ههه بديت كناكسيبتي فبنادم وكنسوف شكون ...تا بان ليا واحد مسيفط ليا مساج! ...شكون هاد الزامل المخنث ههه

شكون هاد الزامل المخنث هههخخه بقيتي ليا غانتا!! متسوقتش ليه وهوا يطلع ليا مساج ديالو عاوتاني!!! افففف شكون هاد ااخرى؟!!! شنو داير فالسمية؟!....karamelloo ههههه واعرة هادي؟! (دخلت لميساج) -karamelloo: هاي !! مروى؟! مال هاد الخرى !!واش مكيشوفش سميتي؟! مروى؟(عصبني(' -انا: زوبي انا ...ماشي مروى! جاوبني فالبلاصة! karamelloo: شكوون عطاك الحق تهزي تصاور ماشي ديالك وتحللي بيهم كونت ..؟هاه! وزايدة كتصنطحي!!!! مال هاد الخرى صبحنا عالله؟' شنو بغا ؟! هانا غنعطي لمك الزامل للي ولدك! -انا: واسيير تقود ..الزامل بزاف على مك نهز تصاور ماشي ديالي سحابابك انا بحالك هاه ؟! وجه الحبس. -karamelloo: هادو ماشي تصاور ديالك؟! منين جاوك ؟! فين لقيهم؟' قحبة ! حاللة كونت بتصاور غيرك ،ما عندش دليمك الشخصية ...حطي وجهك نتي ولا عارفة راسك مشكوضرة ! عصبني عاد الخرى ...مال هاد الزفت علاياش كيهضر؟! -انا: هادو تصاوري انا (كنكتب معصبة) دوك الفعايل خليتهم لزوامل اللي بحالك يا لمونيكة ...حسدتيني ولا؟ وريني هاد ختنا اللي سارقة ليها انا تصورها؟! وانا كنهضر معاه دخلت لبروفايل ديالو...ايييه هتد خونا ملعاااااق شبعان لعاقة بفففففف فيراريااات نعام اسيدي!!!! (وانا كنتفرج فتصاورو) مصور ايا مع لبراهش ؟!! ههه وينوو توام هههه شحال فنيين ههه. -كراميل: مولات التصاور معندهاش الكونت اصلا ..ودابا غتمسحي هاد التصاور ولا راه مغيعجبك حال!... هاني كنعلمك ،يا اما غتحيديهم يا ما غتندمي. -انا: اوك هانا غنحيدهم ... بلوكيتو هههه يالاه شد دابا الزامل لاخر عاجبو راسو بفف سير تخرى دابا. مسحت كونفيراسيون (المساجات) فمرة جلست كنشاطي ونعاود ومحيحة فالفايس وجالسة نزل فتصاوري..فرحانة براسي..تا كنسمع الدقان .نضت نحل لباب ...افففف دانييل. دانييل: مالكي مهبطتيش؟ من الصباح وانا كنتسناك لتحت؟ (درم لداخل) شنو اللي ملهيك(ضرب على البيسي) انا: مالك على هاد الدخلة؟ شكاااين ...جالسة مشاطية ...(خزر فيا) دانييل: (بلغوات) ومعااامن مشاطية هاااه(جلس ليا فوق الناموسية و شد البيسي. انا: ونتا مااالك (كنغوت) سوقك ؟! حيد ليا على بيسي ديالي. دانيل: (كيبقش) شكوووون قاليك حللي فايسبوك وحطي فيه تصورك؟! هاااه..؟! (غوت) انا: وشنو فيها ؟! مالي كنشفر؟ دانيل تعصب ملي شافني كنشاطي وجلس يقرى ليا لميساجات ملقى والو غير الخوى الخاوي وانا كنغوت وكنحيد ليه لبيسي وهوا صاعر عليا. دانييل:(بغضب) الى بغيتي تشاطي مسحي تصاورك سمعتي ،مالقى تا صورة عندك هنا ...ودااابا...(مابغيتش نتعنف معاها كتر من هاكا باش متكرهنيش) يالاه مسحي .. انا- دانييل راه عادي نحط تصاوري اشنو فيها ؟! كاع عباد الله كيحطوهوم وزايدون انا ماشي عبدة عندك! سمعتي ! دانييل: ايميلي بليييز سمعيني ! حيدي هاد تصاور ..انا متباغيش نحيدهم ليك بيدي ...انا كنبغيك وما بغيت تا حد يشوفك من غيري...اوك. مال هاد لخرى متملكني ولا شنو ...تفو كرهني فيه مي واخا هانا غندير ليك خاطرك! باغي غير تحراميات اوك هما للي غنخدم معاك.ماهيا خربانا خربانا... انا: صاافي اففف هانا غنحيدهم...تفو .. دانييل: (بغا يعنقتي) سمحي ليا حبيبة...(دفعتو وهوا يصعر) انااا راااجلك سمعتي رااجلك وبزز منك غترضيني انا: ااي ...طلق مني الخرى(باغي يبوسني بسيف) الخرى تفو عليك ...حيوااان تفوووو... طيحني فوق الناموسية بغا يغتاصبني تا بدى تيليفونو كيصوني ليه فجيبو! طلق مني ورد على التيليفون وهوا كيلهت ...اففف كان غيغتاصبني هاد ولد لحرام تفووو على بنادم.. دانيل:(جاوب) الو وي....اوك من دابا 10 دقايق نكون تما.(قطع) هانا راجع...نجي لقاك مسحتي داكشي.(مشا) خلعني كنت غنبول فحوايجي بالخلعة ...حيوااان تفو علو بنادم ! كيفاش انا كنت كنعس مع هادا؟! الحمد الله اللي ماعاقلة على والو. جريت بيسي عندي نشوف شنو ندير ! وحريييرة هادي طحت فيها مع هاد خينة..بقيت طالعة نازلة فالفايس مخلوعة من دانييل وانا لقى عرام د ليزافيت ديال الناس دخلت نشوف ...شوية بان ليا واحد البكوص دخلت لبروفايل ديالو حمقني بففف شحال بوكوووص الله الله هوا مسيفط ليا دعوة بيديه ..سعداني! ..مي موحال واش هوا؟ حاط تصويرة وحدة فالبروفايل صافي.! باينة من سميتو انه عربي ماشي كاوري ...نضال...؟! اكسيبتيتو فالبلاصة .سيفط ليا مسج فالبلاصة

نضال ما سيفطش انفيطاسيون لمروى بالصدفة،و انما الخبار وصلاتو سخونة من عند كراميل ...فاش تكونيكطات مروى مع كراميل كان كيسحاب ليه بللي شي واحد حال فايسبوك وحاط تصاور مروى وكيتفلى على الناس ،ماطاحش ليه فبالو انها تقدر تكون هيا ولا شي وحدة كتشبه ليها ،و انما قال يمكن شي واحد لقى تيليفون مروى لي مشا ليها فالكسيدة وهز تصاور منو وحل بيهم فايسبوك. وهوا فاش كان كيهضر معاها كانت كتجاوبو وفنفس الوقت كانت كتبركك فتصاورو ،شافتو مصور مع عهد او وعد بدات كضحك عجبوها , مي ماعرفاش بللي هادوك راه ولادها .واللحضة للي بقات نازلة كطلع فتصاورو... هيا يالاه جات تبان ليها تصويرة د كراميل معاها اللي كانو كيتصورو شحال هادي مي مع الاسف فديك اللحضة جاوبات كراميل وعصبها وزبات بلوكاتو فالبلاصة ،علا بونت كانت غتشوف راسها معاه مي الدودة اللي فيها والعياقة زربات عليه زربة وحدة وبلوكاتو ومسحات الميساجات ديالو معاه ورجعات لشغلها وتصاورها تكمل اللعب .اما كراميل فديك اللحضة ناض هزها سخونة وصل حتى لباب د نضال وخاف يقولها ليه ويصدق مصفيها ليه وهوا على سبة خاصو غا معامن ،ناص كراميل قلب الدورة ورجع لبيتو وكتب داكشي للي غيقول فورقة ومشا لبيت نضال لقاه فالدوش و حطها ليه تما ..فديك اللحضة للي كانت مروى منوضاها مع دانييل وبغا يغتاصبها كان نضال خارج من الدوش وشاف الورقة وحلها ولقى فيها اسم الكونت وبللي تصاور مروى فيه ،تعجب وحل فايسبوك فالبلاصة دخل السمية وطلعات ليه الصورة د مروى ،مي قال مع راسو غتكون شي وحدة كتلعب بتصاورها و لا شي وحدة كتشبه ليها ،حيت كان متاءكد ان مروى ماتت وتندفنات قدام عينيه وهوا كيشوف مي الحقيقة هيا ان مروى فاش هزوها لسبيطار بدماياتها وهزوه تا هوا معاها بنهيار عصبي وداوها هيا لانعاش وجلسات تما 15 يوم وهيا داخلة فغيبوبة ونضال مع التلفة والخلعة ديالو عليها كان مكيحيدش من حداها صباح وعشية ونسى بيرلا بقا بالو غير مع مروى والحالة للي وصلات ليها وزاد الطبيب كمل عليهم وقالهم تقدر تعيش تقدر لا ،ماتقبلهاش هوا، ونوض الروينة وبقا حداها خاف يغفل عليها ويرجع يقولو ليه راها ماتت ،كلف الرجال ديالو باش تبقى بيرلا تحت الحراس المشددة حتى يبالي بيها وميقولو ليها والو مافراسهاش بللي تسببات فمشكل قد السخط.مي فديك 15 يوم جاه تيصال من الفيلا بللي شدها شي وجع فكرشها وجابوها لكلينيك فين كاينة مروى وهيا كتموت ...مشا لعندها لشومبر وهوا فنيتو يشرك ليها مسارنها تما مي اللحضة للي وقف فالباب خرج ليه طبيب كيتفتف فالهضرة ومع نضال راكم عارفين كيداير .مهم قاليه الطبيب بللي لبيبي ميت فكرشها هادي شهر وهيا ماعارفاهش بسباب مرض السرطان لي ضربها لكرشها وبللي عيا ماغاتعيش وايامها معدودة وزاد كمل عليها الحمل لي مات فكرشها وجاب لها الكاو ،وهي كانت عارفة راسها مريضة ومخبية هادشي عليه سمح فيها تما وخلاها تموت وهيا فداك العداب اللي عايشة فيه مكتشوفش النعاس وديما كتغوت ..تنادم معاها الحال ولات غادة وكتقرب من الموت وماكاين تا واحد للي يوقف حداها ،وهي تفكر صاحبها القديم اللي كان كيحماق عليها (دانييل) عيطات ليه وجا من نيويورك باش يشوفها وهوا ديجا كان كيقلب عليها ومالقاهاش تا لنهار اللي تلاقى مروى .

جا دانييل لباريس ودخل لكلينيك ولحسن الحض ديالو كان نضال مكيخرجش من الشومبر دمروى باش يتلاقاه وهوا شايفو فوجهو نهار وصلها لفيلا وشرى ليها الدوى ،مي دانييل مكيعرفش نضال وعمرو شافو وحتى سميتو ماكالتهاش ليه مروى هي فقط فشات قلبها وصافي.مهم دخل لكلينيك لقى الزلزال ضارب تما وكلشي كايجري ورجال نضال محيحين وتم طالع لطابق اللي فيه بيرلا ودخل عندها وقبل ماتموت تسامحات معاه وماتت قدامو ،بقات فيه مي موصلاتش تعواد ليه على الحمل ديالها من واحد اخر، وللي كان عارف هوا ان فيها غير السرطان وصافي فديك اللحضة اللي كان هوا فيها مع بيرلا لفوق كانت النار الغضب شاعلة لتحت حيت مروى توقف ليها القلب وعياو كيحاولو معاها مي مقدرو يديرو والو صافي القلب وقف وخرجوها مغطيين ليها وجها يهبطوها لفريكو قدام نضال اللي خرجات ليه الروح فديك اللحضة هوا والعاءلة ديالها كاملة .شدو نضال مخلاوهش يهبط معاها باش مايقتلش شي واحد ولا يدير شي كارتة،وهبطوها هيا فالاسانسوز لقاع كاع ،وفديك الاتناء كانو مهبطين حتى بيرلا ومعاها دانييل نازل معاها لتحت .بحكم انه طبيب النفس رافقها فجميع الاجراءات ديال الوفات وتكلف ليها بكلشي و وصل معاها حتى جمعاتها الصدفة بمروى .حطوهم حدا بعضياتهم فالباياصات ودايرين ليهم النوامر فرجليهم باش يعقلو على الموتى وفديك اللحضة خلا دانيل بيرلا ودخل لطواليط و رجع باش يتوادع معاها ويكمل ليها اجراءات الدفن .ولاكن الصدفة هيا فاش بغا يشوفها ل اخير مرة وهز لغطى على وجها ولقى مروى تصدم ! وهز لغطى للي حداها ولقى بيرلا متيقش ان مروى تما وشنو كدير ...بقا كيشوف فجنابو واش جاي شي خد هوا يحيد النمرة و السمية لي فرجل مروى وعلقها فرجل بيرلا و بدلهوم الاوراق للي ملسقين فالباياصات و هز مروى فكرسي متحرك و تقمص دور الفرميل و لبس لباسهم و بقا غادي بيها جارها و هيا مفضية مغطي ليها وجها بكاسكيطة ديالو و تم غادي بيها وراد بالو ليشوفو شي حد لتحت فالبلوك تا خرجها من باب الطوارىء وداها نيشان لكلينيك اخر بعيد على لبلاصة فين كاينة هيا ،و دخلها بحجة انها سخفانا و ضور مع الطبيب للي تما باش يضرب الطم و ركبو ليها التيوات و الاكسيجين و كلشي واخا القلب ساكت ..تا كاليه الطبيب راه هيا داخلة فغيبوبة والقلب ساكت .قاليه دانييل غنخاولو منزربوش حتى نتاخدو ..كلسوها تما شي ساعات هوا يبدى القلب يخدم حيت كان عندها سكون موءقت وعرفو دانييل حيت طبيب د النفس و السكوت النوءقت كيجي من الاضراب او الصدمة القوية هيا للي كتجعل القلب يسكت وتحد الفترة مي العقل كيبقى خدام واخا داخلة فغيبوبة .عتقوها وتاكد منها انها حية وهربها لنيويورك وتما بقا كيعالجها تا برات . اما نضال فاش تلقى هلر الوفات تصدم صدمة العمر اللي سكتاتو والاطباء غلفو بيرلا بالابيض وحطوها فالصندوق باسم مروى لي لقاو عندها فرجليها هوا والنمرة و الاوراق اللي لسق ليها دانييل ديال سبب الفات ،هزوها ودارو الكنازة وماشافوعاش العاءلة ديالها خيت صافي سدو عليها.النضرة الاخيرة اللي شافو هيا فاش ماتت و خلاوهم توادعو معاها ونزلوها لتحت. تهزات بيرلا فالصندوق باسم مروى و تدفنات قدام نضال وهوا كيشوف وكلشي متاءكد من الموت ديالها وتا واحد مفكر فبيرلا ولا شنو وقع ليها حيت كلشي كان مصدوم تا وصلو لوراق ديال وفات بيرلا للي عمر ليها دانييل تا لعند نضال و قاليه الطبيب راه ماتت مي اللي مكلفين بالاموات مارضوش لبال لتبادل اللي وقع حيت كتارين عندهم الموتا وداك الروتين طالع ليهم فالراس و الطبيب كيهضر غير بالاوراق اللي عندو ممكلفش بالوتى هوا فقط خرجات من عندو ميتة و لوراق ديالها عندو . نضال متسوقش لموت ديالها ومعبرهاش وكن ماماتش كانت غتموت على يدو .بقا نضال هاكاك تادازت عاماين و كي اجوطي لكونت للي وصل ليه كراميل بسمية الاميرة ايميلي و تصويرتها د لبروفايل وبغا يدخل يشوف بعينو و قال اجي نقلقل السوق نشوف شكون هاد ختنا للي كتلعب بالعافية ...

اكسيبتيتو فالبلاصة .سيفط ليا مسج فالبلاصة ... حليتو لقيتو كيهضر بلونكلي! NIDAL: بالصحة الفايسبوك الجديد انا: شنوو؟!! ...(شنو كيقول هادا) NIDAL: مالكي زربانة!!! فالبلاصة قبلتي لانفيت! انا: (مال هادا غيدير ليا محاضرة) ونتا مالك؟ تا دابا سير بسلامة ...حاط تصويرة ماشي ديالك باش نقبلك ...وجهك صحيح !! NIDAL: (اوك ..بسلامة (غميز اوااه !!دغيا كال ليا بسلامة؟! ...حاس براسو !!!! بلوكيتو بلا منتردد وبقيت جالسة كنفكر فهاد بنادم اللي داخل عليا مجهد تا سالام ماقالها ...يمكن تصويرتو هاديك ؟ كون مكانش هوا كاع ميقول ليا بسلامة! غيبغي يجمع معايا كون كان شي واحد وداير الصورة د هاد البوكوص!!! ...بقيت جالسة وكنفكر اول واحد كيهضر معايا بهاد الطريقة !!! دافع كبير !! -نضال قطع مع مروى للي زربات عليه و كال مع راسو... نضال: (معصب و متكي على الناموسية غير بشورط ولقوق عريان ) هاحنا غنشوفو شكون نتي ؟ واش كتشبهي ليها ولا حاطة تصورها ! وعالله لقاك حاطة تصاورها .غادي يكون هاد النهار اخر نهار فحياتك . دخل كيخبرق فالبيسي جبد البلاصة منين مكونيكطية بالدولة و المدينة و الحي و العنوان وجلس يبحث وتيليفون فين محلول الفايس ديالو حداه. -بقيت طالعة نازلة فالفايس كنبقش جاني لملل بقا داك خونا كيضور ليا فراسي و الطريقة باش هضر معايا و انا نديبلوكيه وبقيت كنحقق فتصورتو ...تفوو كن غير مابلوكيتوش ...شنو دابا ؟ نسيفط ليه انفيت؟! ...افففف يخ شخال عزيز عليا تجرجير تفوو(سيفت ليه انفيت) جلست نتسنى فوقاش ي اكسيبتي مي والو ما اكسيبطاش؟ -نضال وهوا كيبحث فالبيسي وصلاتو لانفيت من عند ايميلي ..هز تيلي شافها و خلاها ماقبلهاش ،ضارب حسابو فراسو..وغيجيبها يجيبها. بقيت انا كنترطى غير بوحدي حدو البيسي كنتسنى ي اكسيبتي ،والو ماحاشاهاش ليا! يمكن ديكونيكطا؟!! فكرت نكتب ليه مساج...(كتبتو وصيفتو) نضال وصلو الميساج ودخل قراه .. ايميلي: يمكن كاين شي خطاء، انا بلوكيتك حيت شكيت فالصورة ماشي ديالك!!!! -بقيت جالسة نتسنى يجاوبني ..يسس ههه اخيرا جاوبني هه NIDAL: اوك ...تا دابا ماكاين مشكيل،حتى انا شاك فتصاورك ...حللي نحللو لا كام ونتاءكدو بجوج. جاب ليا الضحكة هههه قالك شاك فتصاوري تا دابا ماشي موشكيل ،حتى انا مكرهتش نتاءكد منك ونشوف واش بصح نتا هادا ولا لا ..(سيفت ليه مساج. ايميلي: اوك نضال شافها قالت اوك طلعات معاه السهدة وبقا قلبو كيضرب بالجهد وكيفكر واش يحل لاكام و لا بلاش ...قبل الدعوة اللي سيفطات ليه و بدا كيحقق فتصاورها مزيان ... نضال: للالا ميمكنش ...هادي تصويرت مروى! شنو زعما! تكون كتشبه ليها تا لهاد الدرجة؟ افففف (كيدوز يديه على راسو ومصدوم وعينيه خارجين.) بلاتي نشوف ...خليها هيا تسيفط لاكام. -اففف دابا انا غنيقى نتسنا فيك تصيفطها؟! ياك بغيتي تاءكد ايوا حتى انا نتاءكد ..ناااري و يطلع هتد البوكوص بصح ههه (دخلني لفضول) نسيفط ليك انا هاد لاكام كاع ..اش غيطرى. جلست ربعت فوق الناموسية و كنتقاد خهههه وانا نسيفطها ليه. نضال بقا كيتسناه على اعصابو تا طلعات ليه لاكام..

نضال بقا كيتسناه على اعصابو تا طلعات ليه لاكام..وهوا كيحلها عينيه خارجين و قلبو كيزدح ويردخ والصورة كتوضح ليه شافها عينيه خرجو وتعابير وجهو تزيرات بالصدمة انا حليت ليه لاكام و دافعة كبير تا بان ليا !!! هاااا والله تاهوا!!! نفسو اللي فالصورة؟! نااار شحال كيحمق ....مالو مخرج فيا عينيه!!!! خلعني! بقبت مصمرة كنشوف فيه وهوا مطرطق عينيه فيا حشمت نبدى نترطى قدامو فالهضرة و كنتسناه يقول شي حاجة ماحسيت بواحد التسرفيقة منين نزلات عليا قدام هاد خونا وهوا كيشوف فيا فلاكام . -ايميلي شافت نضال عالواااااضح و حتا هوا شافها و تصدم وبقا كيشوف فيها ممتيقش عينيه تا بانت ليه يد جمعات معاها لحنك سخفات قدامو وهوا كيشوف وتقطع الاتصال بيناتهم . نضال: (بغضب) هادي مروى ،ويلا عيني كدبوني قلبي مكدبنيش.شكووون هاد الزاااامل اللي ضربها؟ وكيفاش عاماين مابااانت(فقد السيطرة) لاااا ميمكنش !! (دخل صابر) صابر: مالك اصاحبي؟!(مخلوع) نضال: (بلغوات وكيلهت وسدرو كيطلع ويهبط) مرواااا بااقة حية...ماامااتتش...(كيتنفس بزز) صابر: كالم توا !!! راه ماتت الله يهدييك!! واش تسطيتي. نضال: (بعصبية) وهاااااادي شكوووون هااا!!(جبد ليه الفيديو) صابر:( كيشوف مصدو) مرواااا!!!!! هيااااا!!! (شاف تسرفيقة) شكون هادا؟!!! نضال: وبربي تا نحوي لقبة تمو(لاح ابيسي نشرو) هز نضال تيلي وتم خارج هاكاك غير بالشورط كحل وكلاكيطة كيطير وهيا كتفلت ليه من رجلو وصابر هاز فردة و تابعو ولا حمر بالجعرة مبقاش كيشوف قدامو وكيهضر فالتيلي .تا دخل الاسانسور نضال: (الاتصال لنيويورك) هااد العنوان ..دااابا تكون تما تجمعو ليا لحزاق كااامل اللي فديك الدار ..هانا جاي. نضال كيهضر بغضب و صابر كيقوليه لبس السندالة (نزل الاسانسور) نضال: (خشا رجلو فكلاكيطة بالزعفة) ولاااه ديلمهم تا نفنيهم كاااملين للي فديك الدار(خارج صاعر) كوراه تكرفس عليها ولد القحبة(بغا ينفاجر) صابر: (بغضب ) ولد القحبة ...شكون هادا للي سرفقها و كيفاش عاماين مابانت!؟ تمو خارجين ساخطين بجوج كيطيرو ونضال هبط هاكاك وسط الاوتيل كيسب و يقدف ماكايبان ليه تاحد وكيهضر فالتيلي. سيفط رجالو للي عندو فدنيويورك للعنوان اللي جبد ديال ايميلي. ونسى كلشي ،نسى حتى سمية د ايميلي مللي شافها و شاف اليد اللي سرفقاتها .مابقا كيفكر فوالو من غير الفيديو اللي شاف . مشا فاتجاه المطار وكيعيط يوجدو ليه الطيارة تا وصل وطلع كيلهت جامع الحر والغدايد تفعفعو الموضيفات ورجالو للي تما مع الدخلة نوضها معاهم و كيغوت ويحيح ...باغي يوصل دغيا وصابر كيحاول يستنتج داكشي اللي شاف تا بانت ليه الموضيفة دايزة قدامو... صابر:(غوت ) تحركي البيت النعاس عطيه شي حاجة يلبسها... مشات الموضيفة كتفتف البيت النعاس اللي كانو فيه موضيفات خرين كيفادو ويستفو جبدات ليه حوايجو حطاتهم فوق الناموسية ... تا دخل لتما نضال كيسوط وينفخ خواو ليه البيت وجلس كيلبس بغضب و الفيديو فبالو خدام..

كيلبس بغضب و الفيديو فبالو خدام... انا بديت كنحل عيني شوية بشوية وكنحس بلحمي كيتكال ..بديت كنحقق لقيت دانييل كيبوسني بلهفة وكنحس بالشورط للي لابسة كيهبط ،بغا يحيد ليا حوايجي..(تخلعت) جاب الله ماغيبتش بزااف دلوقت.ومازالة فبيتي مللي جمع معايا طاح عليا . انا: طلاااااق مني الحيوااااان ...اااهاهىءهىء (كنضرب و ندفع) بعد مني الخرى ......واالكلب والحماااار هىءهىء (كندفعو و نقمش و نعض ونضرب) دانييل: (ملهووف) سكتي لديلمك ..حرام عليا وحلال على غيري ...(شادني كيحيد ليا حوايجي) انا: اااااي...بعد مني ااهاىءهىءاهههىءهىههنه.. بقيت نحاول ندافع على راسي بكل ما كانملك من قوة وانا كنغوت لربي لي خلقني و هوا كيحيد ليا فحوايجي تا لواحد اللحضة بقيت غير بسليب وهوا متقل عليا بتقلو وحيد سروالو وجبد داكشي وبغا يهبط ليا السليب ،انا صافي قلبي بغا يسكت بقيت كنجبد يدي وكنتفتف على شي حاجة حتى شدين فايوزة د الزاج (سليبي تحيد) جريت ديك الفايوزة نيشااان بكل جهدي عطيتها ليه لراس سخف فوق مني) انا: (كنلهت مخلوعة) الله يحرق اصل مك يالكلب(دفعتو عليا طاح حدايا ) افففف ...اففففف (كنتنفس فبلاصتي وهوا مجبد حدايا ) الله ياخد فيك الحق الحيوااان ...اففففف ..اوووففف. بديت كنوض بشوية سخفانة ...افففف سخفني ولد الكلبة. ___ هزيت راسي بزز او وقفت على رجليا فشلانة بكترت ما حطيت جهدي كامل وانا كندافع على راسي.طلعت سليبي وانا كنمشي و نجي بالعيا و كنلهت وزدت طلعت شورطي وانا سخفانة بالعيا وكنتنفس بزز ،قطع ليا تيشورط خلاني غير بسوتيامات .شفت فيه لقيتو سروالو محلول و داكشي ديالو خارج و مخلوعة ما بان ليا غير واحد الكابيتشو مرمي حدايا كحل بالقب ديالي... انا: (هزيت كابيتشو كنلبس فيه) الله يقطع لجد ديلمك الجدر يا الزااامل ...حيوام ...حلوف (الست لكابيتشو ومشيت تا لوجهو ) تفوووووو عليك يا لبغل(دفلت ليه على وجهو ) خرجت من البيت كنطير والعيا قاتلين كنطيح على ركابيا و نرجع نوقف هاربة كانت الربعة د لعشيا على حساب ما بان ليا فالصوء دنهار ..لغيت نخرج مع الباب حتى كنشوفو كيتفرع تخلعت ما عرفتش اش واقع و هربت للكوزينة كنجري وبدي نطل من مور الباب بنص عين .شوية وانا نسمع صوت الرصاص تضرب فالباب طرطق الساقطة ... انا: نااااري ياربي شكون هادو!!!!!!! الله مشيت فيها ليوم يدوزو عليا كاملين!!!! بانو ليا شي عشرين واحد شي كينقز من السراجم شي داخلين مع الباب بالفرادة كيخلعو واحد ينسي فلاخر لابسين الكحل بغا يقلبي يسكت بالخلعة وبداو هما كينتاشرو فالدار كيقلبو بالخلعة مالقيت فين نهرب بديت كنرجع بللور كنتفتف تا لسقت مع التلاجة ضرت لقيتها مورايا وانا نحلها كانو فيها جاوج بيبان كبيرة ودخلت كلست فيها وسديت عليا. تكمشت قطعت حسي و بديت نبكي ..ونشهق فنفسي و عاضة فالكابيتشو باش مانديرش الحس ...بديت نضور فعيني وانا معنقة ركابيا كايبان ليا غير لحم و الجاج ضايرين بيا والربيع مدلي ليا فوق راسي وجالسة على مطيشة ممعوسة ليا فطرمتي ، بقيت تما شحال وانا كنسمعهم كيقلبو فالكوزينة تا طلقت البولة فحوايجي وبقات غير الخريا كنتسناهم تا يحلو عليا ونطلقها ...تكلاصيت بالبرد تا بدا نيفي كيسيل وماعارفاش اش واقع ..

تكلاصيت بالبرد تا بدا نيفي كيسيل وماعارفاش اش واقع ... -رجال نضال هجمو على الفيلا ومروى تخشات فالتلاجة كتكلاصة اما نضال راه جاي فالطريق كيغلي وكيدورها فراسو جالس فالطيارة على الفوطوي متكي على ركابيه وكيشطح برجليه و يديه على لحيتو وسنانو معضوضين و يدور فعينيه ،وصابر قدامو فالفوطوي شاد تيليفون د نضال وداخل ليه للكونت كيقرى و يتفرج ويعاود فالتسجيل د الفيديو لي سجل نضال و حطو فالتيليفون . صابر: (كيتفرج مصدوم ) هادي مروى بصفتها ونعتها !!!! ميمكنش تكون شي وحدة خرى و كتشبه ليها تا لهاد الدرجة !!! ولاكن كيفاش عيا مزالة حية ؟!! حنا دفناها قدام عينينا؟!!! كيفاش دابا عاد كتبان ؟! اش هاد الحماق هادا ؟ وكيفاش نيويورك !! اش جابها لنيويورك ؟؟؟ معامن كلسات هاد المدة كاملة ؟!(صعر نضال) نضال: وعلاااااش مارجعااااتش تقلب على ولادها و عاءلتها!!!! وكيفاش وعلاش و شنو براااف ديال لخرى غادي نعرفو مللي .....(ضرب الطبلة) ملي نوصل!!!! شكون هاداك اللي شفت و باينة غير يدو !!! والحماق انها جالسة فوق الناموسية ..يعني معاها فالبيت!!(شابك صبعانو مور عنقو و كيتعصر) صابر: راه تقدر تكون شي وحدة خرى!!!! (كيحقق فالتصاور) لالا عادي مروى!!!!! لااا ولاكن اش كدير مع هادا!! وعلاش ضربها!! تقدر متكونش هيا ....يمكن مباشرة مكتشبهش ليها!!!! نضال: (غوت) واش كتسطى عليا نتا هااا!!! هاديك مروى وميحيدهاش الطبيب...انا ماشي واكل مخي فطرف د الخبز باش تخفى عليا صورتها وهيا ديما فبالي عمرها تنسات!!!! (كيشوف فالساعة فيدو) هادشي كاااامل غدي نعرفو فاش نوصل ...مي مروى بااااقة حية هادا سوءال وعارفو ولاجوبة لخرى غانعرفها غير حتى نوصل .علاش و كفاش ،كاملين غنعرفهم مللي نشد هاداك نفرع ديلمو ونشوفو قصتها هيا .. -نضال شاف مروى ومغيتهنى تا يعرف شنو كاين سوا هيا ولا ماشي هيا ولخا هوا دخل لراسو لفكرة د يال انها عايشة .اما هيا بقات فالتلاجة كتشطح بالبر ..ورجال نضال طلعو كيقلبو تا لقاو دانييل ناعس قلواني فوق الناموسية و ربطوه هاكاك كيما هوا معاها نا ضرباتو الفيقة لقى راسو مكسل صون سليب صون سروال والرجال واقفين عليه .. دانييل: شكون نتوما!!!!(مخلوع) شنو واقع؟ علاش رابطيني هاكا!!!! شنو بغيتو مني... زعيم الفرقة: بلا متفرع لنا راسنا ...دابا تعرف علاش ...مالك زربان على عمرك ههه دانييل: طلقووني(لقى راسو عريان) شكون نتوووما !!!! فين ديتو لبنت للي كانت معايا!!!(دخل واحد) الواحد: ماكاين تاوحد فالفيلا ...كيبان ليا كاين غير هادا هنا!! الزعيم.: (غوت) التعليمات كتقول بللي الفيلا مافيهاش غير واحد ...والهضرة كتكول جمعو ..ماشي جمع واحد ...تحركو فين ما كان شي واحد جبدوه ...يالاااه ... دانييل: فين مشات البنت اللي كانت هنا ...فين درتهوها؟! هاااه الزعيم : قطع حسك و لا نقطعو لمك(حطو ليه الفرادة عند راسو) مابقاش بزاف هههه هانتا قريب تموت ههاههاهاا... بقيت انا فالتلاجة شحااال تا قربت نجمد ...شوية مابقيتش كنسمع حس تا واخد فالكوزينة ...حليت لباب تلاجة بشوية و انا كنطل مالقيت حد من غير الغوات فالفيلا و الجرى والارض كتعزع..قليو الكوزينة فلاوها مالقاو فيها تا واحد وانا نخرج كنقفقف لاسقة مع الحيط ...باغا نشوف كي ندير نهرب تا سمعت حس شي واحد جاي و انا نتخشى بشوية تحت البلاكار مور البوضة و زميت فمي ...اففف الحمد الله اللهم لبلاكار ولا تلاجة ..تفووو وليت حالتي ..اعع ...يخ. -ضرباتها مروى بصقلة وعندها الزهر كيهرس لحجر ،يالاه خرجات من التلاجة جا واحد حلها جيد منها الما وسدها ومشا .... -جلست مور البوطة كنتسنى تفنى الدنيا تا داني النعاس وانا كنبكي والخلعة فيا. داز الوقت والطيارة د نضال وصلات ونزل كيطير ركب فالطونوبيل وحداه صابر وتبع العنوان بعد ما جاه اتصال ..(الزعيم د الفرقة) . نضال: وي(مغزف) هانا جااي...فين مشااات (صعر) هانا غنتفاهم معاكم ...(قطع) مالقاوش مررى؟ (مغدد) صابر: هاا!!! ...كيفاش ..كيفاش ملقاوهاش!؟ نضال: الصمت و البركان فايض منو. وصل بلليل تا دخل للفيلا كيسب و يعاير فيهم و طلع نيشان لشومبر ...يالاه دخل مصعور كلشي جمع الوقفة ... نضال: (عينييه ف دانييل عريان).... فاااك(كيحك سنانو) صابر: (مصدووم) هادا !! هادا نتا؟!!

صابر: (مصدووم) هادا !! هادا نتا؟!!!.. بعد الصدمة د نضال و صابر...عرفوه وعقلو عليه و ميمكنش لدماغ نضال ينسى شي حاجة دازت قدامو. نضال: فكوه... (تحت السنان بعصبية و جامع القبضة د يديه) فين البنت اللي كانت هنا!!! الزعيم: (خايف) لقينا غير هادا!! ...(نضال مخرج عينيه ف دانييل) فاش جينا كان مرمي فوق الناموسية هاكا كيما كتشوف ...(مهبط ليه السروال والمشروط باين ليه) صابر: شكادير نتا هنا !!! وفين مروى!؟ نضال: اجي لديلموك لهنا...(طار على دانييل) تكا عليه من فوق الناموسة و شدو من الكول د القامجة وجرو وقفو ودخل فيه بدماغ شرك ليه وجهو كامل ،كلشي كحز لتيساع حيت عارفينو فاش كينوض كيخلط كلشي وضربو خايب تقدر تجي اي ركلة هواءية فالسما فوق راس شي واحد ،مي تدخل صابر غير بالهضرة كيغوت من بعيد .. صابر: نضال حبس ...الا مات مغنعرفوش اشنو واقع ..صافي طلقو انضال ... نضال: نطق ...لزامل بوك(خاشي ليه راسو فالحيط) دانييل:(كيغوت) اااااي...شكون نتومااا...ااااااي(عاصر ليه وجهو فالحيط و يدو ملوية مور ضهرو) نضال: هضر (بغضب) فين مروى...شكادير معاك هنا (تصدم دانييل) هضااار قبل حلليك راسك. دانييل عرف بللي عرفو بلاصتها وماعارفش نضال شكون ولا شنو كيجيها..مي تزاد معاه الزايد فاش وقفو عليه قتالين الارواح . دانييل: انا مكنعرف تا وحدة(عصرو نضال) اااااااااااايااااععععع نضال: يالاه كمل ...دانييل ...شحال هادي كان عليا نقتلك. دانييل تشعر لحمو مللي سمع نضال نطق بسميتو وماعارفش كيفاش دار تا عرفو .. صافي عاق براسو طاح فالشبكة وبغا يخرج منها باءي طريقة. دانييل: طلق مني و نقوليك...ااااااي اي.... صابر: صافي طلق لخرى خليه يهضر. نضال: (لاحو فالارض) يالاااه هضر.. وقف ليه عند راسو ويديه على السمطة د السروال مخزم ليه وكيتغدد. دانييل : شنو اللي بغيتوني نقول ليكم؟ نضال: (عطاه ركلة تا تقيا) واااهضر ازبي واش غنبقى عاصر معاك هنا. صابر: واااا لحبس و ااااا النم ...واااهضر راه هاداك واجلها. دانييل: (كيتلوى من حر الركلة) ...انا..اعععو (تقج) كنت تعرفت عليها شحال هادي....(كيتوجع) وعاودات ليا على مشاكلها...اااه...و ..و ولادها وقالت ليا مطلقة وبللي هيا ممرتاحاش و...وراجلها خانها... و..وحاولات تنتاحر شحال من مرة ااي ...وقالت لي ...غتنسى سميت مروى..و معيط ليها ريم... وبقات كتعاود ليا بصفتي طبيب نفساني ديالها...ودارت معايا باش تجي معايا لنيويورك عند واليديها مي تسميتها باش نجيو بجوج وماجاتش و رجعت فحالي لهنا..تا لواحد النهار عيطات ليا فتيلي و قالت لي بللي راها مريضة فسبيطار و غتهرب و تجي عندي ..وداكشي لي دارت هربات من الكلينيك وجات عندي و قالت بللي كرهات كلشي ومابغات تشوف تا واحد وبغات تعاود حياتها من جديد...فاللخر تعلقات بيا وقالت ليا كتبغيني و بغات تبدل سميتها و وتزوجنا .. نضال شعلات ليه البولة حمرة فاش سمع هادشي وبقا مصدوم صابر: لااا مانيقش بيه ...بااينة كيكدب...عنداك انضال تيق بيه دانييل: لا مكنكدبش وباش انا غنعرف انها كانت مزوجة و هندها لولاد و جوج سميات !!! وبغات المرة اللولة تجي معايا لنيويورك و ما جاتش حتى عيطات ليا فتيليفون قالت ليه راه ماجاتش ديك المرة حيت طليقها تضرب بالرصاصة و طراو مشاكيل وجلسات و بقا الاتصال بيناتنا. -مروى مسكينة كانت كتشكي همها لدييل و كتشوف فيه شوفة صديق و طبيب ديالها و كطلب منو يد المساعدة باش تعرف تصرف مي هوا قلب كلشي ضددها باش يبرىء راسو . ونضال تاءكد من ان مروى باقة حية ماماتتش وهاد العاماين

نضال: (مع الكارد) ارى ديك القرعة لهنا... (عطاه قرعة د لماء دزاج ) عرفتي اللعبة ديال القرعة هه ،ليوم غنلعبوها انا وياك. نضال صعر بمعنى الكلمة وبان وجهو المافيوزي عاوتاني وحيد التيشورط للي كان لابس وتسيف بقا بصدرو عريان ولا كيبان ليه غير الضلام وعاد مللي ملقاش مروى دابا عاد غيبرد غدايدو ديال بصح فدانييل. شد القرعة وبدا يخوي منها الماء و بلا ميهضر رجالو فهموه اش بغا يدير وناضو ربعة منهم شدو دانييل و كل راجل يا راجل نصفهم عوازاا..بداو كيعريو ليه حوايجو.. دانييل: (بلغوات) طلقوو مني (مخلوع) شنو كاديرو ...(مكتفينو مكيتفنفنش) علااش كتحيدو ليا حوايجي اشنو باغيين ديرو؟!!!(كيترعد) صابر: (بغضب) معامن يسحاب ليك راسك كتلعب هااه ...هانتا غتشوف اخرت هاد الهضرة للي كتقول فين غتوصلك...دير فبالك بللي هادا ااخر نهار فحياتك. دانيل تخلع ودخلو الرعب ومتوقعش غيوصل لهادشي كامل .حيدو ليه حوايجو خلاوه عريان كامل وكيغوت وكيلغي يتحرك مي معندو كي بدير يديه ورجليه و كلشي مزير و لاسق مع الحيط بحال الصليب شادينو ليكارد ..وقف نضال قدامو كيتفرج فيه و ابتسامة بجنب شعل عليه كارو وحطو ليه الكرسي موراه وجلس داير رجل على رجل كيخزرر فدانييل وهوا خايف وبحركة من من عينيه شد الزعيم القرعة وقفها الوسط وشدو دانييل طيحوه على ركابيه وتبتوه فوق منها مكتف بحال الحولي وكيغوت وقبل مايعطي نضال الاشارة د لعداب الاليم اللي كيتسنى دانييل... نضال: قلتي هربات وجات عندك ياك..(كيتكيف) دانييل: اه هيا اللي جات ...عافاكم طلقوني..(عطاهم الشارة ) اااااااي..لااااااا مكلسينو عليها وكيبركو عليه و القرعة كطلع معاه تدريجيا فكل مرة يعطي نضال الاشارة.. نضال: قلتي تزوجات بيك ياك..(مخنزرر) دانييل: (كللو كيترعد بالالم) لااا ماتزوجاتش ...انا نقول الحقيقة... نضال: مزيااااااان... (عطى الشارة باش ميبركوش عليه) يالااه هضر ...هانا كنسمعك. صابر: ههه كتهضر بالعصى. دانييل: الا هضرت طلقوني!(عطا نضال الشارة ) ااااااااااااااااي اااه اهاههىءهىء لااااااا غنهضر غنهضاااار.(اشارة التوقف) العداب اللي دار نضال لدانييل خلاه يهضر بزز منو وبدا كيعاود و القرعة تحتو مخشية فيه .عاود كلشي من البداية فاش شاف بيرلا وماتت حتى لنهاية د التسرفيقة اللي عطى لمروى ونضال كيسمع وكيغلي وعرفها تشللات من رجليها وبرات و فاقدة الداكرة و بللي ممزوجاش ب دانييل وصابر مصدوم فهادشي اللي سمع وبغا يطير عليه يقتلو وشدوه الرجال ... صابر: (صاعر) تستاهل كتر من هادشي للي كيوقع ليك ...الله ينعل ديلمك يا ولد الكلبة درتي فيها اللي بغيتي و تكرفستي عليها وكتقولها مرتك ... دانييل: لااا عمري قصتها...كنحلف ليكم بللي عمري درت ليها شي حاجة..ياك عاودت ليكم ..واطلقوني خليوني نمشي. نضال: (وقف بغضب) عاماين ...وتجي تقول ليا عمرك قصتيها...انا كنرضع صبعي.(مع رجالو) تخلاو فيه...تم خارج من البيت بغضب تا سمع الصرخة العضيمة والاخيرة ديال دانييل وهوا نازل وجنون الدنيا والدين مجموعين فيه.رجالو كملو عليه و كلسوه عالقرعة تا طلعات معاه شركاتو كامل وخلاوه مرمي فالبيت كيما هوا وسط الدم ماتقدرش العين تشوفو فداك المنضر

هبط كيزعف على رجالو مللي مالقاوهاش وهيا راها غير حداه . -انا فقت مخلوعة من صوت واحد الغوتة سمعتها ،هزيت راسي تا ضربتو مع السقف عاد يتوعبت شنو كاين و انا نتكمش كنسمع شي واحد برى كيغوت صوتو كيخلع ...الله ياربي كن يشدوني ..غنمشي فيها مافيهاش تخرشيش.بقيت صاقلة كنسمع وانا نحل الباب د لبلاكار بشوية مابان ليا حد فلكوزينة وبديت خارجة كنتسلت و الخلعة شاداني خايفة يوقف عليا شي واحد .و انا كنتسلت مع الحيط كنقرب من الباب دالجردة للي فلكوزينة هزيت واحد الطبلية د فام دميناج كانت معلقة حدايا وتميت غادة مع الحيط و الزلزال كنسمعو فالفيلا و الصداع وشي واحد محيح تما غير من السمطة لتحت.حليت الباب و خرجت كنتسلت فالجردة تا خرجت ومع الليل كايبانو ليا عراام ديال الرجال كل واحد فين منشور واقفين كيخلعو ..ماقدرتش نوقف على ركابيا لا يشوفوني ولقيت غادة كنحبو مع الارض كي كلاب تا بعدت عليهم شوية و نقزت واحد الصور وضربتها بجرية تا بداو رجلي كيضربو ف قرفادتي بالخلعة ماضرتش مورايا تميت هاربة كي الحمقة بالشورط فازك حالتي حالة بمطيشة و بيبي للي طلقت وديك الطابلية للي لابسة ..علقت قلت لهم كان هنا ههه.. -مروى ضرباتها بجرية ماعارفاش فين تمشي والليل والشوارع خاويين و حوايجها مسخين جاب الله خركًات الطبلية سترات بيها الفضيحة ..اما نضال بقا فالفيلا كيلهت مفقوص لا هوا لا صابر تا جا عندو واحد من رجالو كيجري... نضال: (شافو جا كيجري) شكااااين !!!! الواحد: راه لقينا الفيلا دايرين بيها الكامرات لداخل و على برا ... صابر: طلق ...ورينا بلاست المراقبة!!! مشا نضال و صابر لبيت نعاس ديال دانييل لقاو تما شاشة كبيرة مقسمين فيها الفيديوات وباينين فيها جميع البيوت د الفيلا وخارج الفيلا... نضال: (غوت ) كلشي براا... خرجو رجالو وتلاح على الكرسي وصابر واقف حداه ،اول حاجة دار جبد البيت دمروى وطلع ليه. صابر: (بغضب) ولد الحرااام داير ليها كاميرة فبيت النعاس باش فين ما يقيسها يجلس يتفرج فيها على خاطرو(نضال جعر) نضال: (غوت) صااافي ماتقوليش هاد الهضرة .. صابر ونضال يسحاب ليهم كان كيبات معاها تما وكيصور داكشي للي كايدير معاها.مهم عاود السينتة منين شاف التسرفيقة فالكام ..بدا كيتفرج وكيشوف فيها و كيتغدد حيت هي حية و ماشي معاه ،شافها فاش خرجات من الدوش ومن زهرها كانت ديما كتلبس فالدوش حيت عندها بلاكار تما وجاب الله دانييل مكانش داير ليها الكاميرة حتى فالدوش. جلسو كيشوفو اشنو واقع وكيزرب فالفيديو باش يختاصر حتى بان ليه دانيل دخل عطاها طرشة تا سخفات وبدى كيبوس فيها ويحيد ليها حوايجها..فديك اللحضة تزيير نضال ورمش عينيه بعصبية وضرب فالطبلة ببونية وةيتنفس بصعوبة ورجع حل عينيه وتعابر وجهو معصبة كيشوف بزز وقلب كيضرو.. صابر: نضال ...بلا متكمل الفيديو ...(معصب) دوز بزربة هاد الجزء دابا اللي عطا الله عطاه ... بغا نضال يدوز لجزء تا بانت ليه مروى فاقت و بدات كضرب وتغوت وتبكي ...(صابر بدى يبكي على المنضر) ودفع فيه و هوا جابد داكشي ديالو عليه و كيحيد ليها السليب..بقا مخرج عينو وكيغزز سنانو كيلهت تا دمعات عينو وهوا كيشوف .شوية بانت ليه مروى كتجر الفاز ضربات بيه دانييل لراس سخف قبل مايقيسها... نضال: لعزززز امروى (بعصبية ) كن قتلتي ديلمو... صابر: ااوووففففف ناااري الحمد الله ماشافتش عيني داكشي للي كان غيطرى ... شافها وهيا كتلبس و دفلتت على وجهو وجرجات...فالبلاصة هوا قلب الكاميرة تابعها فين هاربة وشاف كلشي شافها فاش دخلات لكوزينة وقلب تاني الكاميرة دلكوزينة ... نضال: راها فالكوزينة ...فالتلاجة !!!(مصدوم ومتحمس يلقاها) ...بدا كيزب فالفيديو متحمس و معصب وهيا تخبا فالبلاكار دوز الوقت ديال الفيديو وطار صابر للكوزينة وبقا نضال كيشوف اشنو كدير تا خرجات من الكوزينة وهربات مع الباب ... نضال: (نايض يتبعها)فيييين هاااربة البرهووووشة (بغضب) يخخخخ تفووو ،..فاقدة الداكرة!!!افف هبط كيجري لقا صابر طالع عندو.. صابر: ماكيناش فالكوزينة.!!!! نضال: (كيمشي بغضب ) هربات المكلخة لخرى...(غوت مع رجالو) تحرركو قلبو المدينة كاملة ...فين ماكانت تجيبوها...سااااربيي...هه غنجيبك امروى قبل ماطلع الشمس. تحركو رجالو وكاع اللي كيعرفوه فديك اللحضة كلشي كيقلبو عليها نوض الروينة فنيويورك فساعة دالمكانة تقلبات الدنيا بالبحت عليها.. تفرقات صورة ديالها عبر خطوط تواصل السرية لكاع وساءل البحت ديال العاالم الحديثة تستخدمات وفالبلاصة وصل ليه للتيليفون خط المراقبة بالكامرات اللي دايرة الدولة فالشوارع د المدينة كاملة..

يتبع