حبيبي مافيوزي الجزء 22

هبطت وكالعاااادة جوليا و صابر صابحين ناااشطين جالسين فالجردة كيفطرو غير بجوج والبوسان والدلع وحتى هيا سعداتها عندها الوجه اللي يبوسو و يتعلق فيه، انا مانفدرش نتلاوح عليه ، لبارح بستو فحنكو فالجاكوزي و بزز عساك نجبد غيه و نتعلق فيه، هه الى درتها عايبدا يطنز عليا و يشد فيا بالمزيان غايقول هادي زملات و كتقلب عليه.داكشي نيت للي ناقصني باش يغركع لمي الوالدة ونتهنى، اودي.. بفففف اللي مجوجة ليه انا مايصلاحش نبسل عليه، من جهة كنحتارمو ومن جهة اخرى الهبة ديالو كتخليني نحشم. مشيت جلست حداهم بغيت ندير ليهم تلنكسة ساعا انا للي نكست ، اما هما كاع ما تسوقو ليا واش كالسة حداهم تا شبعو تشلقيم فبعضياتهم عاد بنت ايهم انا جالسة مغوبشة وكنتفرج فيهم بحال التلفازة.. صابر: هههه أمالكي؟؟؟ جرى عليك نضال خههه مروى: (كنعيبو) هنهنهنهن جوليا: هههه مالكي ؟ حولت عيني كنمييق فيهم وضورت وجهي ماجاوبتهومش تا بانت ليا كلارا جايا عاقدة حجبانها ماجاتش جيهتنا كاع لابسة مايو كحل وهازة واحد الطرف ديال الدلاح داخلا به للابيسن واصبااااح هادا ، كل واحد فين مخشي و مل واحد شكايدير.. جلست كنتمنضر مرة نشوف فصابر و جوليا مرة فكلارا مسكلة على الدلاح فالماء وكتبرونزة تا خرجات صوفيا كتفرنس لابسة مايو ديال الجلد منمر والصدر مهزوز و النمس فضهرها جاها داك المايو مقحبن ومشيتها تا هيا مقحبنة و هضرتها تاهيا ، افففف ماكدوزش ليا وماعنديش معاها وخايفة يكون الحمل اللي كيدير ليا هاكا ، كيحببني فشي و يكرهني فشي و حتى صابر ماحملتش نشوفيه، غا ماجاني على نفسي وصافي، جات صوفيا تكسلات حدايا فوق الناموسية على ضهرها و وكتلعب برجليها ودهن فالزيت طالقة زينها ،كلشهم لابسين مايوهات الا انا. ضارت عندي صوفيا باغا تجمع. صوفيا: حبيبة ، لبسي حتى نتي مايو واجي تبرونزاي مروى: شكيت عليك؟ صوفيا: ههه عارفاك الوحم اللي كايدير ليك هاكا و كيعصبك ، مانديش عليك . مروى:(طاح ليا فبالي الديكور ديال نضال كيسد ليها خيط المايو فضهرها) شنووو ، ماتديش عليا ههههه شفتيني كنرمي فحوايجي صوفيا: ههه 😋راني قلت ليك احبيبة غير الوحم اللي كيعصبك ، فين خويا نضال؟ مروى: (جهلاتني) علاش كتسولي عليه اختي😡 (كلشي ضار كيشوف فيا نضت ليها)فوقاش كان خوك و علاااياش كتقلبي هااا؟؟؟؟ 😡😡سحابليك ماعايقاش بيك ولا شنوووو.. (ناض صابر كيشدني) صابر: ميمي!!!! مالكي ؟ شنو واقع،؟ صوفيا :(جلسات دايرا يديها على وجها) هىءهىءهىءههء😢 حشومة عليك ، انا مادرت ليك والوواهىءاهىء مروى: هههههه مادرتي ليا وااالوووو ، كاضوري ليا براجلي وكاتقولي ليا مادرتي ليا والو؟؟؟ صوفيا:(هه راجلك؟ باقا كتحلم مسكينة ، طلقها ومازالة حاسباه راجلها) لاا اهىءاهىء.. حرام عليك تقولي هاد الهضرة مروى.. جوليا واقفة مصدومة وصابر كيبردني و كلارا خرجات من الماء كاتجري ، كراميل جا معايا نيشان لقاني محيحة و نضنا ليها بجوج

نضنا ليها انا وكراميل وكنا نيت على سبة . صابر: (ههه قاليها بللي ماطلقهاش ) هههه ميمي صافي حشوومة ، البنت عندنا ضيفة ماخصكش ديريها ليها هاكا. مروى: (دفعتو تا هوا ) بعد مني نتا 😠 طلق منييي.... مابقيتيش كاتديها فيا 😢😢 غير جات جوليا ونسيتيني كراميل: ويلييي شهاااد المايو ديال الادغال لابسة 😖 يخخخ شهاد الدوق وداك الشعر محروق غادي نيشان بحال السلوكة ، امم كاتبكيييي ، وا نوضي باراكة من التبوحيط ودموع التماسيح. صابر: (زعف) كرم😡 كلارا: مالكم؟؟ صوفيا: اهىءاهىءاهىء ... (نايضة كتبكي) انا غنمشي فحالي 😢 هادشي علاش جايباني لهنى 😢 باش نتبهدل هاد التبهديلة هادي؟ واش انا هاكا درت ليك فاش كنتي معايا لعام اللي فات؟ (مشات كتجري وتبكي) مروى: (كنغوت) مشياااا بلاااا رجعة ... تفوووووو (ضرت لصابر وشادني) طلق منييي😠 ماتقصنيش انا ماشي ختك ، بعد مني 😢😢😢 اهىءاهىءاهىء كلارا: كراميل: شهااادشي درتو ليها، هااا؟ هيا جايا عندي ماجايا عند تا واحد فيكم (كتغوت) ماعنو الحق تا احد يجري ليا على صاحبتي (كتغوت على كراميل وكتمعني ليا انا) وزااايدون كلشي ديال خويا وكلشي هنا ضيف. مروى: (جيت ليها كود) بلا ماتحشي ليا الهضرة ، جيني نيشان وهضري معايا انا وخللي عليك كراميل (جريتو عندي وهوا كيفقصها بحجبانو مورايا) صابر: صااافي😡 واش انا قرد هنا جالسين دابزو قدامي ولا شنو؟ كلارا: 😠نتا غير سكت وديها فصاحبتك، اش دخلك فهادشي! صابر: (تسسيف علينا و اول مرة نشوفو تعصب) تحركي حيدي من قدامي قبل ما نصفعها معاك😡 يالااااه. كلارا بقات يابشة فبلاصتها و مشات كتجري وتبكي وهوا يضور ليا انا صابر: شبااقة كاديري هناا نتي؟؟😡يالااه درقو عليا وجهكم نتي وياه ...تحركييي ضار فيا ضورة دلعما فالضلمة ومشيت انا وكراميل كنبكيو بجوج ، بقا فيا الحال بزاااف علاش زعف عليا وقمعني ومشيت ماتلفتش مورايا تا دخلنا لبيت كراميل وسدينا علينا كنبكيو . #كلارا قلب فيا ديك القلبة قدامهم ما حملتش راسي و كان شوية يضربني قدام ديك المسخة د جوليا ، كرهتهم ومابغيتش علاش مروى تعاير ليا صاخبتي وهيا مادارت ليها والو ، دخلت لبيتي بكيت فيه تا بررردت وانا نتفكر صوفيا اللي قالت ليا غتمشي بحالها، ونضت كنجري باقة بالمايو مشيت عندها لبيتها دخلت عليها لقيتها كتجمع فحوايجها وتبكي ) كلارا: فين غادا اصحبتي ؟ والله ماتمشي نتي جايا عندي وماعندو تا واحد الحق يجري عليك (كنحيد ليها الحوايج من يديها. صوفيا: اهىءاىهء  😢 لاا مانستحملش هاد الاهانة هادي ، تاهماتني اني كنضور بخوك، حشومة عليها دير ليا هاكا وانا مادرت ليها والو وشادة تيقاري وماكنجبد حد .😢 كلارا: عافاك ماتمشيش انا مادرت ليك والو ، ونتي عارفة راسك صاحبتي الوحيدة، ماتخليش هادشي يفارقنا عافاااك جلسي (شادها من يديها) صوفيا: لالا غير خليني 😢😢 انا تبهدلت ومابقاش ليا الوجه فين نشوف فيهم ولا نجلس معاهم . كلارا :نجلسو انا وياك مانكلسوش كاع معاهم ، راني نوضتها معاهم على قبلك.😦 عافاك بقاي صوفيا: واخا😢، ولاكن الى بغيتيني نبقى رجعي ليا الاعتبار ديالي. كلارا: راه رجعتو ليك و تخاصمت معاهم صوفيا: لااا😢 قوليها لخوك وقولي ليه شنو دارت ليا هيا وداك الزامل ،ويخليها تجي طلب مني السماحة كلارا:(في حيرة) ففف شنو غانقوليك...خويا فشكل وهادشي ماكيبغيش يدخل فيه ، وما عرفتش اشنو هي ردة فعلو ،ونتي شتي طبعو كي داير وحتا انا مامضاسراش معاه بزاف . صوفيا:الى كان هاكا صافي غير خليني نمشي بحالي. كلارا:(شفت تاعييت وانا..) صافي واخا غنقولها ليه ، غير خليك معايا . انا دابا قطعت معاهم كاملين ، ماكاينش من غيرك اللي نضحك معاه. صوفيا:😋 اووه كنت عارفاك احبية (تعانقو) عارفة معزتي عندك، وحتى نتي عزيزة عليا وغنبقى على قبلك (ههه على قبل خوك يا الهبيلة ، هادي اول خطوة لصالحي

كل واحد فين مشا كايبكي وبقا صابر جالس معصب حدى لابيسين مصدوم فكلارا وعلاش دارت هاكاك ، وجوليا جالس حداه مكمشة تخلعات من الزعفة اللي زعف وبقات جالسة صاقلة وسااااهية وكل شوية كنتشوف فيه بنص عين وطرطق صبعانها مثوترة و اول مرة تشوفو تعصب. #كلارا قنعت صوفيا تبقا معايا بزز و واعدتها نقولها لنضال ، دوشنا وتقادينا ولبسنا كسيبوات صيفيين وسنيديلات بلا و الشعر و ميكاب وانا الوقت كامل وعقلي مرفوع، زدت تجرحت من صابر كتر وكتر و مابقا عندي امل فيه ، بلعكس حقدت عليه، واخا كنبغيه غندير اللي فجهدي باش نمحيه. خرجنا من البيت ونازلين وخاسة بصوفيا مجروحة تاهيا من وجها ، نزلات هيا جلسات لتحت ورجعت انا مشيت كنقلب على نضال فين كاين والقفقافة شاداني وماعرفتش باش غنبدى ليه وشنو نقوليه وانا ماكنحملش ديك التخنزيرة كتجمد ليا الماء فالركابي. كلارا مشات تقلب على نضال وصوفيا جلسات راشقة ليها و رجل على رجل كاتاكل فالتوت وتشرب العصير مرتاااحة تا تم باريش دايز وهي تبان ليه جالسة وقال اجي نجلس معاها ونيت نتوانس حتى انا شوية بيدمن تشد ليا مروى، مشا عندها وجلس معاها كيهضرو ويتعارفو وكل واحد كيعاود على راسو وشنو كايدير فحياتو ويضحكو عادي مادام جالسين فدار وحدة مايبقاوش غرباء. #كلارا مشيت قلبت حتى عيت مالقيتوش عرفتو غيكون فالبيرو ، مشيت للبيرو ديالو دقيت جوج دقات وحليت الباب شوية طليت بعيني بان ليا جالس طالق ديك الشاشة الكبيرة و كيهضر مع المستشارين كالعادة على القنابل و النواوي وليزافير لخرين اللي مكلفين ليه بيها و واحد القنبولة قدها قداش كتخلع كادور فديك الشاشة كبر من الصاروخ باينة خدامين عليها فروسيا ،سمعني حليت لباب وضار شاف فيا فهمت بللي ماشي وقتي وحسن ليا نبدل الساعة ب اخرى ، تسليت وسديت الباب وبقيت كنخزر فدوك ليكار اللي واقفين عندو فالباب حيت ماخلاونيش نحلو فاللول.مهم مشيت كنضورها فراسي و كنشوف كي ندير نجبد لبه الهضرة ، وكنفكر فيه هوا واش غنقولها ليه فوقت مناسب وراشقة ليه ولا غنتصادف معاه وهوا ماشي على كانتو ، عنداك غير نجي معاه وهوا مقلق و يندمني ، وعاد راه فالبيرو و دماغو خدام دابا ومامساليش ، افففف جلست كنضور ونمشي ونجي تا شفتو خرج من البيرو والحراسة مشددة فديك الجهة وحتى واحد ماكيقرب من تما و مجهزة بماميرات المراقبة واشعة تحت الحمراء ماكاتبانش و اللي داز من تما كيبد يتسمع واحد الصوت كيصمك الودنين ، بقيت تابعاه من بعيد كنشوف المورال ديالو كي داير ولاكن بففف فين عمري عرفت المورال ديالو كي داير و هوا ديما عابس ماكايضحكش فوجه عباد الله ، شفتو دهل لبيتو وانا نتبعو وقلت لي ليها ليها غادي نقوليه شنو وقع ، واصلا نسبق مروى قبل ماتشريها ليا معاه

كلارا دخلت عندو لقيتو كيهز التيشورط من لتحت الفوق حيدها وبغا يهز شوميز يلبسها وهوا يسمعني دخلت وضار عندي انا شفت سمية د مروى فصدرو زادت القفقافة شداتني و كن غير بقا بالتيشورط باش نقدر نهضر واخا ديجا شايفاها فصدرو مي دابا فاش شفتها فشلاتني وانا جايا نشكي بيها ، كي غندير نهضر وانا كنشوف فالسمية ديالها محفورة فلحمو وكيتنفس بيها ؟ بقيت واقفة وجهي صفر وعيني خارجين تا هضر هوا والشوميز فيدو كنتسنى يلبسها باش نقدر نطلع النفس. نضال: ياك لاباس؟؟ ( كيهضر ويتحرك فالبيت يهز هادي و يحط هادي وانا كنترعد ولساني تقال وديك الشوميزة حطها كاع و عطاني بضهر كيشعل كارو ، اويلي وحدي غنشكي لواحد مقطع لوراق ماكايعقل على تا واحد ، اللي جا فطريقو كيفنيه! ، ماضحكش معايا كيما العادة ، اول مرة نحس بهاد الخوف هادا تا لهاد الدراجة) نضال: احح (كيسرح حلقو) غاتبقاي هاكا؟؟ (قالها ليا وهوا متكي على البلاكار غير بسروال الدجين و واقف مكروازي رجليه وداك الكارو بين صبعانو كيحرك بيه يديو ومطلع حاجبو ، زاد فعفعني كتر ما انا مفعفعة ، عرفت المورال مقوود عندو و درت بناقص كاع مانقوليهش دابا. كلارا: والو .. غير جيت نشوفك و صافي😓 نضال: امممم...جيتي تشوفيني؟ (ناري كي كيشوف فيا) وا هانتي شفتيني، قولي علاش جايا بلااااا (كيعبر بيديه) دوك الحركات د واالو. كلارا: لا جيت غير نشوفك وصافي .. انا غادة ، نخليك تا تكون على خاطرك. (ضرت باش نخرج) نضال: اجي لهنا... شديك الفضيحة درتو على برا؟ امم؟ #مروى. من بعد ما شبعنا بكا انا وكراميل و غضبت على صابر ؛ اول مرة يزعف عليا ، تا بردنا وهوا يقول ليها كراميل كراميل: ويييلي ويلي نوووضي سربي راسك سيري قوليها لنضال قبل ما تمشي كلارا تعاود ليه هي و تغرقنا مروى: هاا😨 اصلا مادرنا والو ؟؟علاش غنغرقو؟ كراميل: راك دابزتي مع ختو ، وغاتمشي تقولها ليه وتشريها ليك معاه ونتي غتجلسي على هادا🖕 مروى: (خلعني) اوييلي ، ياك انا دابزت مع صاحبتها ماشي معاها هيا😨 كراميل: واراكم تسابيتو و هاداك خوها غتقربلها عليك حيت خوك نتي كان غيضربها ، وا الخراااا والكلااااخ نوضي جري سبقيها ليه نتي قبل ما تمشي تقوليه هي داكشي للي بغات. سمعتو شكال وانا ونجمع الوقفة خفت نضال يمشي يضربني ولا يتسيف عليا على قبل ختو وضربتها بجرية كنطير لبيتي لتحت مالقيتوش وانا نطلع لفوق لبيتو دخلت واحد الدخلة ملهوفة خايفة تسبقني كلارا تا تشوكيت لقيتها واقفة قدامو ، انا غير شفتو فوجهو عرفت القاضية حامضة وبديت نترعد ونعراق تا لسق عليا الكولون والديباردور كتر ما هوا لاسق

دخلت عليهم دخلة سخونة شفتو واقف وكلارا قدامو وجها صفر بقيت ساكتة ماهضرتش وهوا كيشوف فيا ويشوف فيها .. نضال: يالاه جاوبوني... شديك الحالة درتو برا؟ خرجو عيني وانا واقفة حدا كلارا كنشوف فيها بنص عين و هيا كذالك ماقدرناش نهضرو، دغيا كنتزير انا و كيغرغرو عيني هادشي غير باقي مازعف، بقينا مصمرين قدامو ماهضرات حتى وحدة فينا، حانيين الراس ماكنقدروش نشوفو فيه. نضال: (بدا كايعلي صوتو علينا) واش غتهضرو ولا. كلارا: هيااا... (كتفتف) هيااا. اللي ...اللي جبدات الصدع. سمعتها سباتها فيا و خرجو عيني وقلبي طاح بالخلعة وهيا كاتهضر و وتمتم مرعودة و نضال متكي على البلار طالع ليه الخز كيتكييف و يشوف فينا ماعرفتش كي كانبان قدامو البولة شاداني والدم حبس فيا العرق نشفو ليا. كلارا: هيا اللي... اللي عايرات صاحبتي وانا دافعت عليها و...وو.و هيا ضور فيا سمعتها كتغرق فيا و انا كنبكي دغيا بديت كندمع مروى: 😢انننههههههنننه😢😢 انا ما ما (كنهضر و نشهق) ما قلت لي هء ااهىء ليها والو😢 اهىءاهىء ما ما ماعااهىءاهىء يرتهاش هيا 😢 كلارا: لا هيا عايرات صاحبتي😢 اهىءاهىء و جرات عليها اهىءاهىء😢 مروى:لا 😢 اهىء اهىء انا كاع ما جريت عليها 😢 هيا بغات تمشي راسها😢 اهىءاهىء كلاارا: لا عنداك 😢 جرات عليهااااهىءهىء جلسنا ندمعو عليه وهاوا كيخزر فينا تا دخل عليا صابر لقانا واقفين كنرجفو وطلع وهبط فينا ومشا وقف حدا نضال تاهوا طالع ليه الدم وانا غضبانة منو كنشوف فيه بنص عين ونمسح فعيني. صابر: كاتبكيييو ؟؟ فاش كنتو غاتناتفو برا كان عاجبكوم الحال هااا؟😡 ودابا كالسين الدمعو ؟ كلارا: اهىء اهىء😢 هيا خاصها تعتادر لصوفيا 😢 حيت مادارت ليها والو😢 مروى: (😨 هااا) لااااا اهىء اننننهنننهههنهن اهىءاهىء😭😭😭😭 والله مانعتادر 😭😭😭😭 هيا جبداتني اهىءاهىءاهىء كلارا: لا لا ماجبداتهاش اهىءاهء😢😢 قالت ليا قالت لها فين خويا نضال وصافي اهىءاهىء 😢 صابر: (هاااكاك ، وانا نفهم)نتي مالك درتي للبنت ديك الحالة؟ هاا؟؟؟ غير سولاتك ونتي نضتي جعرتي عليها 😠 كلارا: وجرات عليها 😢 صابر: سدي فمك نتي 😡 نضال غير كيخزر فينا كنقول دابا وهوا ناض يشركني انا وياها بالسمطة، غير كندير شي فعلة كنتفكر السمطة ، واقفة قدامو وكنشوف فيها شاد بيها السروال وفين ما يحرك يدو كنقول غيجبدها دابا. وبالخوف بقيت غير ساكتة وكنبكي وكلارا كتمسح فيا كلشي ، عارفا ضهري مالح وانا اللي غنخلص الحق وكلشي غيتقلب عليا. صابر: قال قلتي ، قالت هيا قلتي نتي..😡 باغيين ضاربو قدام عيني بحال اللي ماواقفش قدامكم مروى: 😢😢😢😢 هيا اللي قالت لينا كلشي ديال خ... صابر:😡😡😡 سكتي، تزيدي شي كلمة نهرس ليك فمك سمعتي.. كلارا: 😨 نضال: مروى...برا. مروى:😨 مادرت وااالووووو نهننننهههنننن😭 نضال: 😡 خرج فيا عينيه وانا نخرج وقفت برا وكنتسنط من الباب وعرفتها غاتزيد تشخد ليا الطرح معاه وغيشدني يهلكني عصي

كلارا خرجات مروى وبقيت فالمعماعة بوحدي كنت غنخرى فحوايجي، غير شتو وقف ولاح داك الكارو وسط الكاس فيه الويسكي زاد عندي الزايد وكندعي يفكني صابر غير هوا اللي حاضر هاد الساعة ، وليت كنطلب فين ما درت شي خير يوقف معايا فهادي، هادي و التوبة عمرني نعود، تمشي صوفيا ولا تقاود كاااع وانا مالي جبدت على راسي الصداع انا ماشي قدو ، وعمر نضال ضار فيا تا يضور فيا بسباب هاد الخريات بجوج تفوو، وقف عندي ويديه على جنابو وقالي... نضال: زيدي عندي لهنا... بقيت كنكحز و نترعد وصابر واقف كيشوف فيا مقلق، وانا كنبكي تا وقفت قدام نضال و هوا كاعي كيشوف فيا، هز يدو شدني من ودني تا كانت غاطير من بلاصتها ولواها تا بلت فالكسوة وهبط البول مع رجلي لصندالتي تا تختخات وانا كنزنزن وليت حمرا بحال اللي خارجة من الفران و هوا شاد ليا ودني وكيهضر.. نضال: كلشي ضيف ياك؟؟؟امممم (كيضور ليا ودني) كلارا:أااااااااااي هىءاهىءاهىء😭😭😭😭😭 نضال: كلشي ديالمن؟؟؟؟ كلارا: أ ااااااااااا هىءىءاىء اااي 😭😭😭😭😭😭 نضال: جاوبي، ديالمن (عاطيني ودنو وكيجبد ليا فودني) كلارا: ااااااهههاااءاهةءاهءء...د دد دد دد ديال ...ديالددد ديالكلشي ... نضال: عاوديها. كلارا: دد دددد د يالنا ك كككاملين😭😭😭😭 صابر: صافي نضال طلق منها (شاف البول هابط معاها)نضاال نعل الشيطان. نضال: (مابغاش يطلق مني، ودني مابقيتش كنحس بيها) شكون خاصو يعتادر للأخر؟؟ كلارا: ااااايهىءاهىءاهىء (جرني من ودني كنشطح وقفني قدام صابر) يالاه ... كلارا: سس سسسمح ليا ... نضال: بالجهد (كيزر ليا ودني) ااااااااي اهىءىء صابر: براكة نضال ، خليها عليك . (كيوريه بعينيه البولة اللي هابطة مع رجليها) نضال: ماسمعتش كلارا: كوكوككو ..ف فف سس خو...😭😭 سم سمح ليا ص صا صابر على الهضر😭 اللي قلت ليك ..ك كك كانسحبها😭😭😭 عافاك سمح ليا.😭 صابر: صافي اخاي نضال المسامحة (بقات فيا المصيبة غتموت ليه) نضال: نعاود نسمع بحال هاد الهضرة نقطع ليك ودنيك سمعتي(طلق ليا من ودني ) ونسمعك دابزتي نتي ومروى نعلقك نتي وياها. صابر: (ههههه ) طلق مني و ودني سخنات ماكنحسش بيها واش باقا فبلاصتها .وضرت كنتفتف خارجة. #مروى عيت لاسقة مع الباب باغا نسمع ماسمعت تا كلمة ، البيت ما كايخرجش الصوت، بقيت لاسقة وكنتفتف تا تحل الباب وانا متكيا عليه تا كنت غانجي لداخل وانا نجمع الوقفة مور الحيط وهيا تبان ليا كلارا خارجة كحلة دايزة قدامي بايلة فحوايجها ومصدومة شادة ودنها وكتزنزن ماشافتنيش كاع بالخلعة واخا واقفة قدامها، خرجات هيا وصابر موراه تابعها،... صابر: تكلمي نتي .😡 ويلي جات نوبتي وكلارا بالت انا غانخرى ، بقيت كنطل عليه بعين وحدة كانشوف الاحوال كي دايرة ، بان ليا الجو مكهرب عندو وكانقول ياربي مايعيطش ليا ، ضار كيعمر واحد الكاس و عاطيني بضهرو . نضال: زيدي عندي نتي لهنا... سمعتها و خواو بيا رجليا ، داخلة وكنشد فالحيط لا نطيح وسديت مورايا الباب، مشا بيا البيت وجا و حلقي نشف وهوا واقف ضار عندي كيطلع ويهبط فيا والكاس فيديه خايفة يشير عليا بيه

وقفت وشادة فواحد الفيترينة بيدي فشلانة و يدي ورجلي كيترعدو والدموع ديما سابقيني وهوا معبس كايشوف فيا وانا كنصرط فالريق قبل مايهضر .. نضال: مالكي واقفة تما ؟؟ زيدي عندي لهنا مروى:( بيني وبينو 15 ميتر ) مادرت ... غير كدبو علييييك اههههنننهنن😢😢 ما . مم.ماعايرتش انا كلارا، 😢😢😢 (ماقدرتش نزيد عندو) اهىءاهىء ماقلت ليها والو😢😢 غوتات على كراميل وقلت ليها ما مم ماتغوتيش عليه وتهضؤ معايا انا اهىءاهىء هادشي للي قلت انا وصااااااافي😢 و ...وو وماجريتش على صوفيا اهىءاهىء هيا اللي اللي ....اللي بغات تمشي بحالها وو.ووو.ووو...وقلت ليها (كنسرط فالريق) ومقلت ليها اهةءاهىءاهىء م ممم مشيا ب بب بببب...بلا رجعة 😢 ولاكن والله ماجريت عليها ولا سبيتهااااااااهىءاهىءاهىء😭😭😭😭 نضال: ههههه... دابا ماغتجيش ؟ نجي انا؟ (خرج فيا عينيه) بقيت كنقرب و ورجلي كيشطحو وكللي كنترعدوهوا كيشوف فيا وانا كنقرب وخايفة بحال الى قدامي نمر خايفة ياكلني، وقفت قدامو وكنشوف فالارض وعاضة فسناني و كنبكي كنتسنى داك الكاس يتهرس فوق راسي تا حطو وجرني من يدي تكا على واحد الطبلة موراه و ودخلني بين رجليه وانا مغمضة عيني الخوف كلاني و هادي طريقتو الباردة باش كيعدبني بحال ديك لمرة شد ليا يدي وباسها وهوا يلوي ليا صبعي تا طرطق وكان غيحرفني بالكارو.ودابا كنتسنى شنو غيوقع ليا وانا مغمضة عيني وحسيت بيديه مور خصري ولسني معاه وطبع قبلة على عنقي وانا نحل عيني مامتيقاش!!!!! واش انا تسطيت؟؟؟ هييهيهيي لالا تسطيت وراني كاناكل فالعصى وعند بالي كنتباس😨 نضال: عندك الزهر جيتي فهاد النهار هادا بالاخص، اما كن وريتك الصدع اللي نوضتي برى مروى: هااا!!!!!!😋 (ياحليلي ماضربنيييش هيييهيهييي) ولاكن انا مادرت وااااالووووو (كنتفشش) ما قلت تا حاااجة وما جبدش كلاااارااا🙁(كنهضر ونعلب فالسنسلة فعنقو) نضال: امممم ههه (مغياارة ههه) عارفك مادرتي وااااالو، غيير حيحتي برى وصاااافي ياك؟ مروى: ههيهي😋 اه ...صااافي ههه نضال: هههههههه نتي خايبة ههه مروى: هيهي 😋(عنقني وكيداعبني فعنقي ويبوسني ) نضال: تخرجي معايا؟ مروى: اه😁 فين نمشيو؟ نضال: قلت ليك عندك الزهر هاد النهار، و غانديك فين ما بغيتي (ابتسامة) مروى:😍 يااااي...😍 بصح نتا اللي غتخرجني؟ نضال: هههه وي انا اللي غنخرجك وغير انا وياك😉 مروى: دابا؟ نضال: توتسوييت😉 عنقتو بلا مانشعر ، كنت غانموت بالخلعة فاللخر كنلقى راسي بين يديه وكيداعبني . مروى: نمشي لبس حوايجي ونجي😁 نضال:(حرك ليا راسو وكيبتاسم) هبطت كنفرفر بقا ليا غير الجناح ونطير مامتيقاش راسي ، ضربتها بجرية للبيت هبطت الماريو كامل وتلفت ماعرفت مانلبس وماعرفتش فين غايديني وانا نعيط لكراميل فالتيلي يجي يفكني

جا عندي كراميل لقاني هبطت الحوايج وجالسة وسط منهم كنهز ونحط كراميل: هاي هاي هاي... فرحااانة!!! مالكي دايرة هاد الروينة هادي كاملة؟؟؟ ماتعرفيش تشوفي بعينيك ، كان ضاروري خاصك ترفسي لحوايج وتكمشيهم عاد تلبسيهم😬 مروى: ههههه نضال غادي يخرجني بووووبيييي😍 تاني مرة غنخرج انا وياه من نهار كنا فلوكس مبورغ😁(تيليفوني كايصوني) عطيني عطيني تيليفوني ... كراميل: (هز تيلي شافو) احححم انا غادي نجاوب ، هادي غير ماماك.. مروى: غير ماما😠 وااا عطيني نهضر. كراميل:(زرب وجاوب هوا) هاااي ... ههه سافا، اااه راها فالدوش... مروى: 😨 ارااااا نهضر 😬...المداب كراميل: صااافي قطعااااات ، الى عطيتو ليك غادي تبقاي شادا معاها الهضرة كي ديما وغيصدق نضال داير بناقص. مروى: لااا ارا نعيط ليهاا.. (تيلي كايصوني) عطيني هاهيا كتعيط عاوتاني.. كراميل: هادي رانيا... الو رانيا ...ههه اوك راها فالدوش دابا نقول ليها عيطتي ليها..باي مروى: (نضت) ااخرااااااا علاش كادير هاكا ، علاش ماخليتينيش نهضر😡 عطيني تليفوني (مدابزا انا وياه عليه) كراميل: هييييي😀طفاااا (تهنييينا دابا يالاه ها خنا طفيناه) مروى: علاااش طفيييتيه 😡 تفووووو كراميل: صااافي باراكا من الهضرة و دخلي دوشي وديري شي ماسك لداك الشعر راه شبع شمش و كلور د لابيسين (كيدفعني للدوش) يالاه يالاه سيري طلقي راسك ، غاتخرجي طلقايني جبدت ليك ماتلبسي. دخلني كيدفع فيا وسد عليا فالدوش بقيت كنحلف تا شبعت وسكت فاللخر وحلليت واحد الباب كبير ديال الزاج فيه فرماسيان ديال ليبرودي و ليكام و كريمات وكلشي من الراس حتى للرجلين غير السييني وليمارك . هزيت واحد الماسك ديالك الشعر مكتوب فيه حريري وكيعطي لمعان و بريو للشعر وداكشي لاخر ، درتو لشعري ودخلت فجاكوزي فيه خليط من الزيوت وكريمات مرطبة والروايح وداشي بيدمن تسالي المدة د الماسك اللي فشعري، داز وقتو ونضت غست كلشي واهم حاجة تهنيت منها هيا الشعر الزاءد ، درت ليه الليزر لحمي كامل قبل مانفقد الداكرة ماعمر شي زغبة تنوض، لهلا يخطي عليا افكار كراميل ، شافني محنة كل مرة ايبيلاسيون وداني دارو ليا الليزر وتهنييييت فمرة. خرجت من الدوش كلي رطبة وناعمة بحال الصابونة ولقيت كراميل كيتسناني ، جلست كينشف ليا شعري وانا نتابه للون غادي و كيتفتح!!!! مروى: شعري مابقاش كحل😨 كراميل: شنو درتي ليه؟ مروى: ماسك!! كراميل: جيبيه نشووف؟؟؟ مشيت جبتو وجلس يقرى عليه لقيناه فيه مادة كيماوية كتفتح الشعر 2 درجات. ولاكن كتمشي دغيا ماكاطولش . كراميل: امممم مابان ليك غير هادا درتيه دابا؟؟ دوزي نغسلو ليك بواحد الشامبو د لكيراتين كيحد كلشي كيرجع الشعر على طبيعتو. مروى: واخا يالاه سربي. يالاه نضت وهيا دخل لخدامة حلات علينا الباب ...: مدام ، مسيو نضال كيسول عليك. مروى: ها!!! هانا جايا دابا.كراميل صافي دابا نشفتيه واللي عطا الله عطاه ، تا نرجع ونغسلو... كراميل: لادويييد فيك 😬 كاطيري ماتعرفيش تشدي وتقراي عاد طليه..تفو مروى: صافي دابا بلا ماتبقا تحل عليا زكك، عطيني شنو لبس . كراميل: شدي...كمااارة كيدايرة😖 مروى:(شديتهم وبقيت كنشوف) علاش عاطيني هادو؟؟؟ عطيني شي غوب ولا شي كسيوة ونتا عاطيني سروال و بيل !!!! كراميل: لكسوة حتى للل .. ل ...لبسي وسكتي ، راه البرد محرك هاد النهار برا ، وخليك شوية على طبيعتك نساي ليغوب و تقزاب. (اوييلي باغا تقزب ويمشي يبشل عليها شي حد و هي خارجة معاه وغتوللي لخرجة كاملة دمايات.) شفت تا عييت ومشى لحال وانا لبست سروال كحل وبيل فالموف بااارد فيه بابيون فالصدر وطلقت شعري و ميكاب شامبل و وصبرديلة كيزت كتبري ، صراحة جيت فنة والبراءة عليا حسن نيت من شي تقزاب.ورشيت بارفان د فيرساس خفيفة وحلوة وخرجت عند نضال لقيت لحب لابس لخزي 😍 دجين مستيلي كحل صبادري ناايضة فالخزي مغلوق وشوميزة فالخزي وداااااك الصدر مطراسي فيها وجوج عقدات محلولين من العنق والكمام مطويين جوج طويت ، ديما مكفض والمكانة فاليد و كورميد فاليد لخرى ، بقيت حاللة فمي تا دفعني كراميل كراميل: تحركي يا النم مشوها راسك دييما يخخخ مشيت عندو ماشافنيش كان كيهضر فالتيلي فالجردة حدى الفيراري تا وقفت حداه بقا كيطلع ويهبط فيا وكيهضر فتيليفون تا قطع. نضال: هيلو كيتي ههه (وينووو قطيطة ديال بصح) مروى: ههيييهيي😋 نضال:(نتابه للشعر) وداك اللون شكون قاليك ديريه؟ مروى: (زربت قبل مابرضني منين جيت) لاا غسلتو بواحد الماسك هوا اللي دار ليا هاكا، غير نرجع نعاود نغسلو وغيتحيد (كنعضر وخايفة) نضال: امممم .. هاحنا غنشوفو ، ويلا ماحيدتيش ندوز ليك بالطوندوز 😉 اوك بيبي مروى: 😨 (نااااري ، ياربي يتحيد ، ويلا ماتحيدش نصبغ مو بالاسود) نضال: يالاه طلعي (حل ليا لباب وطلعت ) طلع جلس حدايا وهوا يقرب ليا وجهو باسني من فمي وانا نشم فيه ريحة د كالفن كلين للي كتحمقني، شحااال هادي مادارها جا حتى ليوم زعما!!! غيكون شمها فيا الصباح فاش رشيت منها و ماهضرش هههه 😍، تحركنا وانا نشعل الشاشة د الطونوبيل درت فيديو كليب ديال شاكيرا ، وكيتسع فايباه د الفيراري مزدددح و كنفرنس طاااايرة بالفرحة وهوا طاااااير فالطريق بحال البرق. شاد ليا فيدي فوق بواط افيتاس وكيسوك و كيحركها بيدي ويدو

#مروى بقينا غاديين فالطريق وهوا كيشوف قدامو منيير وكمتبع مع الموسيقى بفمو ، الحب طلع حافض الديسك هههه نضال: فين تمشي (الضحيكة) مروى: ههه ماكرهتش تديني لشي بارك 😄 نضال: هههههههه قلت ليك باقا برهوشة ههه باغا تلعبي ههه مروى: هههه اه ... عااافاك دينييي ليه (عارفاه ماعندوش مع بنادم وصداع الراس ) نضال: ههه شوفي من غيرو😉 مروى: صافي بلاش (ربعت يدي وغضبت) نضال: واااخا هاحنا غنشوف هاد البارك هههه من اللي كانت عندي 13 عام مامشيت ليه. مروى: بصااااااح 😍😍😍😍 غاتدييني نضال: ههه داني لواحد مدينة الملاهي كبيييييييرة ومع الصباااح كانت خاااوية قليل اللي فيها ، نزلنا وشاد ليا فيدي و غادا كنقز فرااااحنة ، كانو معانا ليكار مي مورانا و بعاد علينا شوية، انا غير كنضحك وهوا كيشوف فيا و كيضحك، يالاه دخلنا بانو ليا الشخصيات الكارتونية كيرحبو بالناس للي كيدخو ، دراري وبنات لابسين حوايج الرسوم والناس كيتصورو معاهم ، شافوني وضوروني والموسيقى فديزني مجهدة كيدوزو اغاني د الرسوم وحدة مور وحدة ، كيعجني عالم الكارتو ، بقيت كنضور وسط منهم ونضال واقف كيشوف فيا والابتسامة على وجهو داير ليا خاطري ما زربانش تاهوا واخا باينة فيه عصبي وماشي ديال الضحك فوجهو ومن الوقفة ديالو و المشية، حنا زدنا شويةبانو ليا المتاجر مستفين واحد حدا واحد مروى: ندخلو هنا😍 نضال: (كيشووف فيا ومبتاسم ودار ايا براسو سيري) مشيت كنقز دخلت وهوا مورايا جاي بشوية عليك وكيتنهد ، دخل جلس فوق واحد الفوطوي وبقيت انا كنضور فيه كانو فيه بزاف ديال انواع الحوايج من الشخصيات الكارتونية كاااملين ديال ميكي و هيلو كيتي و السيدة ملعقة تا هيا و اسفنجة و والضاحكون ، طوم وجيري ، موبي وسنابو، تويتي، هههه كاع عاءلتي اللي دوزات معايا الطفولة الجداد والقدام ، جمعت كووووولشي حمقني وشطبت داك المحل حيت فيه غير داكشي د الرسوم ، طرابش و سبرديلات ، بيجامات كسيوات اكسيسوارات وكلشي وجيت عند نضال لقيت شاد تيلي خدام فيه مروى: قلت ليه ساليت..😄 نضال: ؟؟؟ ماديتي والو؟(شافني ماهازة والو) مروى: هيييهي لا هاما غاخرجهم ليا ههه جلس حداه تا بداو كيخرجو و الساشياات كبااااار بالعرااام وتابعينهم نونوسات وليكارد مورد كيهزو و يخرجو ونضال كيشوووف نضال: هههههههههه مروى: (ضار شاف فيا وكيضحك وانا نفرنس ليه) هههيييهي😄 بقا كيضحك و يحرك راسو وهوا يجبد كارني دشيك وستيلو عمر شيك و عطاه ليا وكيضحك ، شديتو وعطيتو ليهم ماعرفت شحال فيه تا كنسمع طرطاقااات باااق طااااق🎉🎊🎁 وداكشي كيبري نازل من الفوق عليا الفوندوز: مبروووك حطتي الرقم القياسي فالمشتريات (كيصفقو عليا) مروى: 😍😍😍😍 بقيت كنشوف وهما يعطيوني جوج سيكان فالغوز الفوندوز:😁 هادو كادو من عندنا (جاب ليا واحد منهم نفاخات فالغوز عطاهم ليا) شديتهم و بقيت كنشوووف طااايرة بالفرحة و ضرت عند نضال كالس متكي و كيشوف فيا من لهييه ومبتاسم .شديتهم و جيت عندو كنتكسول عاجبني لحال

مشيت كنتكسول عندو وناض عندي شدني من خصري وبساني فمي وخرجنا شادا فيديه و كيلعب ليا فصبعاني وبقيت غادا معاه كنضور و كل شوية نمشي كنجري ناخد الفوشار ونرجع عندو و دوك النفاخات فيدي غادة جايا بيهم كنطلق منو ونمشيييي نلعب مع لكلون وكيبقا هوا واقف كيتفرج وحتا هما كايشوفوني كيلسقو عليا ماكايبغيوش يطلقو مني ، بقينا غادين و هيا تبان ليا واحد اللعبة كدور فالسماء لفووووووق مي ماكتخلعش غير كاضور بشوية ، حنا دايزين من حداها وانا عيني فيها وشادة لاكلاص بيدي ونفاخات فيد لخرى ولحسن الحض انني هازة واحد الصاك صغير فيه الصرف فين ما نبغي نشري شي حاجة كنمشي كنطير ليها و كنخلي نضال واقف كيبدا يضحك عليا فاش كايشوفني كنجبد الصرف من الصاك و كنخلص حيت هوا ماعندو تا شقفة فالجيب عندو الكارني دشيك و لكارطات مستفين فالبزطام وهادو كاع ماغايشريو ليا انا الحلوى و يركبوني فالالعاب . مروى: نضال 😄 نركب فهادي؟ نضال: امم؟ مروى: هاااديييك 😁 (كنشير بصبعو لفوق والنفاخات فيدي) نضال: ويلا دختي؟ مروى: ههه لا ماندوخش ، 😮 وراه ماكتحركش بالجهد. نضال: غاتقياي من تما وغاتسقي كااع هاد الناس للي لتحت مروى:😳 نضال: يالاه احبيبة ماعندك ماديري بداك العلو كامل ونتي حاملة غاتسخفي تما . مروى: غيير خليييني نطلع فيها 😯 نضال: سيري طلعي وطلعي معاك بلاستيكة هههه مروى: شنو؟؟؟ نضال : والو هههه (طبع قبلة على فمي وتكا عليا تا قوص ليا ضهري) باقا باغا طلعي؟ (حركت ليه راسي وهوا يبوسني فمي زاد قوص ليا ضهري تا وصل شعري لارض) ودابا ... مروى: (حركت ليه راسي زعما باغا حيت كيبوسنيهه) نضال: ههههه واخا (هزني ) مروى: أااااا هههههههه نضال: براكة عليك ، غنرجعو😉 مروى: بلااااتي شوية... نضال: مرة اخرى... داني هازني وكنشوف فيه هازني بحال لي ماهاز والو... شوية و هي تجي اللي ماكاتعلمش مروى: نضال...😳 نضال: مالكي؟ مروى: الصممت (شنو غانقول ليه 😨 اوييييلي تزيرت هههههننننهنننن واش انا ضاروري خاصني نتشوه معاه تفو) بقيت ساكيتة وهوا غادي هازني شوية وانا نحس بيها بغات تفلت وحطيت يدي على حجري شديتها وهوا يعيق ، وااااع على شوووها ,غايشد فيا دابا بالمعقوووول

نضال: ههههههههه بواااالة بفو عليك مروى:😳😳😳😳😳 (يالاه ها اللي قلنا) حطني وانا كنشطح غانطلقها ونيت من صباح وانا نضور ونشرب ونسرط بسيف ما تجيني البولة والخرية ، يخخخخ نضال: اجي هههه (شدني فيدي وداني جيهت طواليطات وانا مزنكة) صافي كلشي عارفني غادا نبول ههههنننهههن هوا وايكارد كورد والطونوبيلات والشوهة وغادي كيطنز عليا. نضال: يالاه دخلي ، قالك باغا طلع فالفرفارة هههه سيري بولي وخراي يالبوالة (ماديتهاش فيه حيت كنت غنطلقها ، طلقت من دوك النفاخات شدهوم وهوا وضربتها بجرية وهوا كيموووت بالضحك ، دخلت درت بيبي وخرجت حدا المرايات بقيت واقفة كنبرد فوجهي بالماء ، رجع حمر غايطرطق ، حشمت نخرج عندو مي غايدخل هوا ايلى بقيت واقفة غايسحابليه سخفت ، خرجت عندو مهبطة راسي ووجهي مزييير ويدي شاداهم مور ضهري ، لقيتو كيهضر فالتيلي شافني وغمزني ، ياااربي مايقطعش كاااع يبقا كيهضر عمرو يقطع. نضال: (قطع) االبواااالة هههه فشيتي نبولة دابا ههههههه (عنقني بيدو وعطاني نفاخاتي شديتهم) مروى:😳😳 (حسمت تا غرغرو عيني) نضال:(❤) يالاه بكي ههههه مروى:(على سبة)😢😢 نضال: هههه بكاااية عنقني وكيضحك وانا صاقلة ماكانجاوبش، بدا كيداعبني ويبوسني تا بردت و ركبني وتحركنا مشينا للفيلا الطريق كاملة وانا ساكتة كنشوف قدامي وهو شاد ليا يدي كيبلعب فيها ويبوسها تا وصلنا للفيلا ، دخل الطونوبيل وانا نلقى الجردة مزوقة بالابيض كلها ولابيسين غطاوه كاااامل بوحد الزاجة و دايرين فيها طبلة فوق الماء طويلة مستطيلة والخدم لابسين كوستيمات و كيتحركو ... مروى: شنو وااقع؟ واش صابر كيتزوج بجوليا؟ نضال: بحال داكشي😉 نزلنا وانا غير كنضور فعيني و نفاخاتي فيدي وشاد ليا فيدي وهوا يبان ليا كراميل كيعطي فالاوامر ، زدنا دهلنا للفيلا وانا نشوف صوفيا جالسة عادية مع باريش وجوليا ، شفت فيها وانا نفخ الريش كنفقصها ، زعما شوفيني. جا عندنا صابر كايكركر وانا نضور وجهي غضبت صابر: (شد ليا فحناكي) مالنا غضبانييين (عنقني وانا منفخة) هههه واااصااافي (هرني فجنبي) مروى: أ اااااا ههههههه صابر: واهاكاك نضال: هههه مروى: علاش ماقلتيش ليا غتزوج؟ نضال: 😉 صابر: أ؟؟ اااه .. هههه بغيت نديرها ليك مفاجاءة نضال: baby سيري رتاحي شوية 😉 (باسني فعنقي) مشيت كنتعوج قدام صوفيا وهوا يجي عندس كراميل. صابر: كلشي كيسول شنو واقع ههه نضال: فين كلارا؟ صابر: فبيتها ماخرجاتش من تما... وحتى هيا مافراسها مايتعاود نضال: (كيتهند) يالاه العشير ، نمشي نشوفها 😉 كراميل: اوووه هادشي كيووووت ههه اشنو جبتي معاك كاع؟ مروى: جيت كلشي هههه منين مادزت كنجيب ، يالاه نوريك شنو جبت 😁 كراميل: نووو من بعد ، اول حاجة غاتهبطي دردربي دااابا ترجعي اللون الاسود فشعرك ، وعندي ليك واااحد اللوك غانديرو ليك هاد النهار ، 😘 يااااسلاااام ، غنطلعك امراءة كااااملة بمعنى الكلمة كلشي غيتصدم فيك مروى: 😍😍😍 هانا غادة دابا كراميل: غير بشوية غاطيحي ومايبقا لا لوك لاخرى مروى: لالا كون هاني (مشيت لسبا كنطير ) كراميل: اااححح هاد العشية غنشوفو شنو غاديري يا صوفيا ههه مسكينة ماعارفا والو وكتسنى مروى تعتادر هههه ، غااادي نشطووو مزياااان

هبطت لسبا كنطير حيدت حوايجي للي كنت خارجة بيعم ولقيتهم كيتسناوني مصافين وحدة حدا وحدة ، لبست بينوار وبداو ليا برجلي و يديا واخا مامختاجينش مانيكير و باديكير خيت ديما مقابلي راسي و ديما ساكنة عندهوم ماكنطلغش من السبا وماعندي مايدار ، ولادي راه عندهوم مربيات وكلشي كايجي حتى لعندي دونك بقا ليا راسي ونضال ، ويلا ديتها فراسي راني ديتها فيه تا هوا ، كايلقاني ديما هي هاديك واجدة كاع ماكاندير ليه روطار. #كلارا. مللي مشا صابر ماخرجت ، بقيت فالبيت مخشية شادة تيليفون نص نهار ديال الصباح كامل تا دخل عندي نضال ، شتو دخل وانا نجمع الجلسة وحنيت راسي، وقف قدامي جامع يديه وكايشوف فيا وانا بديت كنحس بقلبي كيتزير وعيني كيدمع ماشعرتش ختى نضت عندو كنطير عنقتو وبديت كنبكي، عنقني وكيدوز يدو مور ضهري عرفتو تصالح معايا واخا ماقالي والو ... كلارا: سس سسمح ليا... عمرني نعود نضال: (ابتسام) تواعديني؟ (مطلع حاجو) كلارا: كانواعدك😢 نضال: يالاه وجدي راسك كاينة حفلة ليوم😉 كلارا: حفلة؟ ديالمن؟؟ نضال: دابا تعرفي😉 كلارا: (يكون داير ليا حفلة زعما) ههه اوك😁 ابتسام ليا وباسني من جبهتي وخرج، كيعجبني خويا ديما زاز لوز ، انيق وستيلو زويين ماكرهتش حتى انا يطلع ليا الزهر بحال مروى ونلقى شي واحد بحال خويا ، واخا لقيتو مي ماشي من نصيبي ، داوه ليا زاخا انا اول وحدة بغيتو قبل من جوليا وهوا معتابرني بخال ختو😔. مهم جمعت راسي ولبست كولون قصير ابيض وكلاكيطة وبودي معري من الضهر x وجمعت شعري وهبط لسبا نرخي عضيماتي ونوجد راسي ، انا يالاه نزلت لتحت وانا نشوف الحيحة نايضة شي داخل شي خارج وهي تبان ليا جوليا مركنة هيا وصابر فواحد القنت معنقاه وجالسة تحاون عليه، شافتني ودارت راسها ماشافتنيش و بدات تقحبن عليه وتبوس فيه و تشوف فيا بنص ، غرفتها نقرصات مللي شافتو كيضحك معايا، شفتها ماحملتهااش وانا نقلب وجهي، بانت ليا صوفيا جايا عاقدة حجبانها تا وقفات عليا. صوفيا: ماشي عادشي علاش تافقنا (ضارت فيا) كلارا: (شتها ضارت فيا ديك الدورة بحال الى انا خدامة عندها) ضربيني حسن😬 (وقفتها عند حدها) صوفيا: 😨 (استوعبات) امم .. ااا .. ا. سمحي ليا حبيبة ماشي هاكا بغيت نقول زعما، حيت قلتي ليا غاتقولي لخوك يخلي مروى تعتادر مني و.. كلارا: انا ليوم زدت عرفت خويا اش كايسوى، شفت الوجه اللي عمرني شفتو بسبابك ، ونتي جايا دابا بلا حشمة بلا حيا كادوري فيا (عندك الزهر ماشافكش ، اما كن طرتي من فوق الارض) صوفيا: ياااكي ... وليت انا للي فالطة دابا😢 اهىء اهىء اهىء، صافي انا غنمشي بحالي كلارا: ففف... سمعي صوفيا، نتي ماجرا عليك حتا واحد ، بغيتي تمشي سيري، راكي غاتمشي بخاطرك، اما حنا مادرنا ليك والو ، ومروى الى غوتات عليك راه غير حيت حاملة وكاتوحم و كتسيف على والو وماشي لخاطرها. صوفيا: (بنت القحبة هادي، دابا انا غنجلس واخا تجري عليا 20 مرة ، تفوو خرج ليا لبان فالصو ....شنو ندير دابا🤔... اااه ههه ) قلتي ليا شفتي لوجه اللي عمركي شتيه؟؟ واش غوت عليك؟ كلارا: اه و خلطني انا ومروى. صوفيا: (هادشي للي بغيييت) ايوا انا مابانش ليا غوت على مروى! حيت عاد دابا دخلات هيا وياه وشادة فيه وباسها ونفاخات فيديها ، كانو خارجين وهازين موراه بزاف ديال لكادويات مغلفين!!(هه وراك واراك والزمن طول) كلارا: شنووو؟؟؟ كيفاش مخرجها وشاري ليها لكاديوات!!! (وانا مخليني فالبيت كنبكي) صوفيا: انا كنضن ما غوتش عليها ، غوت عليها بلعاني قدامك باش مايبقاش فيك الحال ، ودابا راه دايرها بحال الاميرة ونتي مابقاش كاع حاسبك واش ختو كلارا: 😨 (عليها قالها خرجي وشدني انا تا بلت فحوايجي ، وهيا مادار ليها والو😡) صوفيا: نتي حبيبتي وصاحبتي وعزيزة عليا داكشي علاش مابغيتكش تكون شايطة، بغيتك تكوني نتي هيا كلشي ، ومروى راه غاتاخد ليك خوك ومايبقاش عاقل عليك واللي قالت ليه يديرها غايديرها و تقدر تخرجك من حياتو ، شوفي غير دابا ، نتي دابز معاك وهيا مخرجها تسارا. كلارا: صافي براااكة😬 (حسيت بالغيرة من مروى ، ونضال نقص الاهتمام ديالو بيا، هبطت لسبا ف لاكاف لتحت وخليت صوفيا واقفة وكنفكر فهضرتها) صوفيا: ههه ها حنا غانشوفو دابا شنوههه ، المهم هوا نرد كلارا فصفي، اااااه 😍 صورتو وهوا خارخ بديك الفورمة وداك الخزي مابغاتش تمحى ليا من بالي وليت كنعس و نفيق بيه ، وكل كانشوفو كنزيد نبغيه كتر ، ماعمرني شفتو بحالو، هادا هوا الرجل اللي كنت كنقلب عليه ، هادي هي الخصية اللي كنت باغا والزين اللي كنت ديما كنحلم بسه اااااه هادا عوا فارس احلامي

جالست دايرة الصباغة كحلة لشعري حيت داك القهوي للي طلع ليا مابغاش يتغسل و خاصو الوقت باش يتحيد وانا ماغنديش الوقت وكانتساناعا تخرج تا دخلات كلارا شافت فيا بنص عين وقلبات وجها وتا انا عطيتها بوجه مكمش ماشفتش كاع فيها، جلسات مقابلة معتيا منفخة وكضور فعينيها و دارو بيها كايقادوها وفين ما تجي عيني فعينها كنلقاها كتخزر فيا وكنقلب عيني ونتعوج ماحاسباهاش كاع واش كاينة ، ساليت انا قبل منها و غسلت شعري وصايبتو ملوي وشديتو فليبانس باش مايفسخش ليا دغيا وقاديت حجباني فورمة غليضة شوية ودرت حمام تفتيح البشرة حيت تشمشت وصماريت ودابا عاد رجعت بشرتي الفاتحة، طلعت بالبينوار كحل طويل وتحتو دو بياس فالكحل وبلا ماكياج، خدود حمرين وبشرة كضوي و شادة لبينوار لا يتحل وغادا وخايفة نخرج فنضال ويلقاني طالعة وسط الفيلا بالبينوار ماتحتو والو و يضرب ديلمي تا نتكركب مع الدروج، بقيت غادة وكنتسلت ومع الضورة بان ليا التقية (باريش) جاي وكيشوف فيا ، يخخ هاد بنادم ماكايدوزش ليا ماعرفتش علاش ، ديك الضحكة عندو باسلة وعينو زايغة غير كادور كيجيب ليا التقية، يالاه بغا يهضر درت راسي زربانة ونست زربانة ضورت وجهي ودزت من حداه بقا غير حاضيني بعينو تفووو.. باريش: (واقف مبهووط) واواواواواو!!!!! لاللة زينة وزادها نور الحمام!!!! اححححح (كيلحس فمو ويسرط فالريق) اودي مزوجة بداك البارد ماكايعرفش ليك ، بفففف الفول كيتعطى غير للي ماعندو ضراس، ولاكن اللي عندو ضراس مللي يشد الفول غيدرسو احححح غييير بلاتي (طاحت عيني على لكامرات) اهيا !!خصني نرد البال مع هاد الكامرات، تفووو فين ما نبغي نهضر معاها كنوحل مع هاد هاد الكامرات يخخخ ااو ماكاينة تا بلاصة بلا كاميرات!!فين غانشد انا هاد الكيوية هادي وهاد الكامرات غير كايدورو!! (تحرك كمل طريقو) ماااعلييش نزيدو نصبرو ، ولابدة غاتكون شي طريقة اللي نتمكن منك فيها

دخلت لبيتي قلبي غايسكت وخيال نضال منين ما دزت كنشوفو بالخلعة اللي ركب فيا ، وهاد زبي العور كايبقى يحنزز غايمشي يشوفو نضال كيشوف فيا يفرع ديلمي انا وياه واخا مادايرة والو تفو، ماقلت تهنيت من المشاكل هاهما كيدورو بيا عاوتاني 😨 كراميل: مالكي ؟؟ من الصباح وانا مبتد كانتسنى فيك هنا، مالكي طالعة هاكا ؟ واش كتقلبي على خليان دار جدك 😬 مروى: صافي باراكة من كوتوكوتو ، جيت دابا وسالات الهضرة بلا ماتزيدني تا نتا. كراميل: جلسي ياوجه النحس نشوفو ديك الكمارة شنو يجي فيها 😬 جلست وتكيت راسي خليتو كايزوق مابانش ليا كاع اش كايدير .. مروى: مادريش ليا داكشي باااسل كتر من القياس انا كيعجبني راسي طبيعية، بخال قبيلة جيت زوينة وخروفي بانو ، ماشي تخلي الماكياج يبان و وجهي انا يغبر كراميل: دابا غاتسكتي ولا ندير بنااقص😬 راك عارفاني ماكنحملش للي ينكر عليا وانا خدام فالماكياج، غاتبقاي عليا دير هادي دير عادي غاندير ليك شي تخربيقة وتوللي ضحكة مروى:(مشطونة ماتسوقتش ليه) واغير زيد دابا ، راني عارفاك "بيكاسو" غير كتشد وجهي وتفرش دوك الشيتات كنعرف شي خضورية جايا فالطريق(زعما نضال غينفخ ليا عيني الى بسل عليا شي حد) كراميل: (بدا يتجمع) شتي المعوقفة د صوفيا، ياك كاتلك غاتمشي فحالها؟؟ (كيماكي ليا ويتجمع) مروى: مابانتش ليا ، راه قلت ليك كلارا قالت ليا نطلب منها السماحة كراميل: هههه وايييه،😂 وجها صحيح ولاكن نمووووت عليييييك يالحب ، ماجبدتينيش قدام نضال. مروى: ويييلي وانا نقدر نجبد الحب ديالي ونشري ليه الصداع ، مانقدرش واخا كلارا كانت غاتشريها ليك فاللخر خرجتك منها وقلت ليه راه بدات كتغوت عليك وقلت ليها هضري معايا انا خللي عليك كراميل كراميل: يخليك لييييييلي عارف اللي كاين ، ومالي انا كنموت عليك غير هاكاك؛ راني نعار شتك اول مرة حبيتك ، عقلتي هههه مروى: واايييه هههه عقلتي على ديك الايام هههه كراميل: ماتحركيش حجبانك غانطراسيهم ليك مروى: ههه واخا ،عقلتي فاش تزوج بيا نضال وناض وكيخزر فيا ، ناري انا نهار شتو اول مرة فاش طلعت للبيت دباه وضار عندي تزعطت فيه مع الدورة، ولاكن خلعني الصراحة عرفتو ماساهلش كراميل: هههه ماساهلش و تزوج بيك ههه داتو وداتو والله ماخلاتووو (كيسفق) مروى: ديت الخرى...كمل كمل، كن ما باه اللي خلا ليه الوصية وقاليه امانة فرقبتك وتزوج بيها عمرو كان يتزوج بيا كراميل: لالا كان ممكن يتزوج بيك ، حيت شافك بنتي ليه بحال شي نميلة وهوا مانولفش مع النمل، مولف معالتسلكيط و الكاوريات صحابات الحوى الصحيح ههههههه كنت كنسمع غواتهم من الزنقة ههههههههه مروى: هههه عاود ليا عاود ههههه نضال ماكيبغيش يهضر معايا فهادشي كراميل: ماعندك ماديري بعاد التخربيق، دوزها وسالا وطالع ليه كلشي فراسو واها تعرى شي وحدة قدامو مايديهاش فيها ، شبعااااان حوى وتتيز وغيير شك ن وشكون ،، ولاكن مايوثلوش ليه واخا يعلاو تا يعياو مايوصلوش للنيفو فين واصل هوا لا فقرايا ولا فعقل ولا فالزين ولا فالحبة...خلييني ساكت حسن مروى: اصلا دزاد لقى باه بوكو لعاقة ومو تاهيا كانت ملكة جمال فعهدها، ماعارفش حياة الفقراء مساكن اللي كنت كانشوف فالمغرب ، مدابزين غير مع الميزانية ، وكل مرة يزيدو ليهم فالمواد اغداءية درهم وهما درهم ماكايشدوها تا كينشفو عليها . كراميل: واخا كبر فالفلوس راه ماكانش كيهضر بالفلوس وعمرو تكبر على شي واحد واصلا ماكانش كيتعاشر مع الناس باش يبدا يفوح ، واليديه غير قراوه وكبر شد طريقو راسو مروى: بغيت غير نعرف كيفاش تا دخل هاد الميدان كراميل: على حساب ماسمعت من مو كان جالس شي نهار فبيتو وبيتو ماكانش ميبغي شي واحد يدخل ليه واخا كان صغير كان عنو شخصية قوية، مهم كان قالك جالس وداخل كيرون فبييسي وختارق شي منضمة و شي تخربيق وقرقبو عليه تا لقاوه وباه كان غايحط التروة ديالو كاملة باش يرجع نضال مي المنضمة مابغاتش طلق منو وحنا كان كيسحابلينا غيقتلوه ولاكن فاللخر بغاوه يبقا معاهم حيت داكشي للي ختارق ليهم ما كيختارقو غير انشطاين هههه وهوا بغا يبقا معاهم وسير ليهم كاااع ديك المنضمة ومن تما بدل سيستيم اللي خدامين بيه ياش مايتختارقش مرة اخرى

تا مات الرءيس ديال المنضمة وشدا نضال وهوا يالاه عندو 23 سنة ههه تهيلي معايا رءيس منضمة قد السخط ، الننوي والاسلحة رءيس ديالها فعمرو 23 سنة . مروى: واااو تا فالمغرب كيجبدو ادمغة بحال هادي كيلقوهم كايحسبو بلا الة حاسبة و شحال من واحد ختارق نضام بحال هاكا كراميل: ههه ولاكن باش تختارق نضام روسي ديال مافية عالمية والنووي راه ماشي ساهل مروى: ايوا زيد كمل ليا. كرانيل: كملت ، نوضي شوفي خنشوشك فالمراية مروى: واكمل ليا شدار من بعد ما شد المنضمة كرانيل: شدها وطورها كتر و دار فروع فجميع البلدان ومعروف عند كاع الرؤاساك ، ودار مشاريع اخرى لا تحصى غطى بيها على المهنة الاساسية ديالو ، وهنا فين زادت تكونات عندو شخصية قوية و مافيهش الهضرة بزاف، حيت كيفكر كتر ماكايهضر وفاش كيهضر كاتكون هضرتو عندها معنى ، ماشي بحالك نتي فمك ديما محلول كي الطبون تفوووو ديما دايرة المشاكيل مروى: بزااااف علييييك غنضرب مك 😡 عاد كنتي كتهضر زوين ، كمل ليا دابا علاش هوا قلبو قاصح غير كايدمي فالناس كراميل: قااااصح حجرة و ماكايرحمش حتى واحد غلط معاه حيت شعار ديالو كايقول اللي غلط مرة كيغلط جوج مرات مروى: ولاكن من الخطىء يتعلم الانسان كراميل: مكانهضرش انا على الاخطاء العاديين، كنهضر على الخاوانة واللي سخن عليه راسو ولا للي كدب عليه، بحال هادشي فهمتي ...تحركي دابا من بعد ونكمل السيرة الداتية ديالو ، ونزيدك عمرو ماقال ليا سد فمك على مروى ، ماعندوش موشكيل الى عودت ليك ، وانا هادشي اللي عاودت ليك سدي عليه فمك حتى يكبر ولدك وعاودي ليه يشد الرءاسة بلاصت باه مروى: ههه لالا انا ولدي مابغيتوش يخرج قتال ومافقلبوش الرحمة ، بغيتو يكون عادي بحال الناس ماعندو عديان ما يحمق راسو مع ناواوي، و..وو ووماعندو مايدير بالجنس للي طاحت فيديه تخرج مفروعة ، تا يلقى بنت الناس و سبغيها وتبغيه كراميل : ههههههه هاكي🖕 جلسي على هادا، واش بان ليك طالع عادي؟ ماشتيهش كي داير من دابا مخرج نيابو وكيبدا يخزر بعينيه غير على لعبة يلا حيدوها ليه، وذكي ماشي بحال وعد ، وعد كاتشد اللعبةكتلعب بيها وتلوحها ولاكن عهد كيشدها كيحلها كاملة ويعاود يركبها تا كايعرف كيدايرة عاد كايلعب بيها، هنا فين كايبان الدري كي غيطلع واش عندو حس الاكتشاف ولا لا. مروى: لالا ماغيطلعش بحالو غير كاتقول كراميل: هه دابا تشوفي ، وغانفكرك ديك الساعة غير غايزيد شوية يولي يعرف غايديه نضال يوريه القنابل لي فروسيا وكي كايتصابو ، وديك الساعة قولي ليه نتي لا ماتديهش هههه وشوفي ديك الساعة كي غيرجع ليك من تما مللي يشوف داكشي ودوك الرجال الاليين كي كيتحركو ويتحقق الحلم ديالو وداكشي اللي كايشوف فالرسوم يشوفو قدامو ديك الساعة يعواج ليه تما يلسق ليه ، وتبعيه نتي قوليه لا ههههه مروى: صافي بلا ماتمرض ليا راسي من دابا تفووو😡 كراميل: (كيزيد يكمل عليا) هههه اما يلا ولدتي ولد اخر غاتكمل ديك الساعة ، غايجرو باه وخوه ونتي غاتكلسي حدا بنتك ههههههههه مروى: غانوض نمسح هاد الخرااااا 😡 كراميل: هههههههه عولي عليها ا حبي راه نضال غيربي ولادو قاصحين و الذكور كايتبعو باهم . مروى: كراميل بديت كنحس براصي كنتعصب ، ماكنقدرش نتخيل عهد فبلاصت نضال والفرادة والقتيلة والقنابل والزمر ...افففف صافي سكت متتزيد تا كلمة. نضت شفت راسي بقيت كنتاءكد واش انا هادي !!!! ماكياج رااااءع و بنت بعقلي وناضجة زعما كراميل: شدي لبس (جبد ليا كسوة) مروى: واااو😍 جا هاااءل، (شفت الكسوة) ويبينو زوييينة