حبيبي مافيوزي الجزء 25

نضال: اممم...ونتي فين سمعتيهم؟ مروى: فالطواليط لتحت اللي حدا لاكويزين . نضال: مزياان... وانا شنو قلت ليك؟ مروى: شنو؟ نضال: نسيتي؟ مروى: الصمت (كنتفكر شنو قاليا) نضال: نوضي احبيبة جيبي ديك السمط باش نفكرك مروى: هاا😨 (تفكرت قاليا ماتخرجيش من البيت حتا نجي) انا😢😢😢 هبطت لكوزينة كنقلب على الحلوى وسمعتهم كيهضرو والله😢 نضال: مروى ... نتي كتقلبي على العصى ، ماتقوليش كنضلمك حيت هضرتي مابقيتيش كاتديها فيها مروى:(ناض زعفان من حدايا) انا مادرت وااالووو😢😢😢😭😭 (كنتسناه يهز السمطة) تسينتو يهز السمطة مي ماهزهاش وماجاوبنيش ودخل للدوش كيدوش وانا بقيت مكمشة فالمالطة حتى خرج مالبس والو وانا مخبية كنشوف فيه تحت المالطة ويالا مشا حتى هز السمط وانا مالابسة والو غادي يهرد ليا لحمي، بقيت كنشوف فيه غادي جاي وكايهضر معايا عارفني فايقة مي ماكانجاوبوش نضال: كاديري اللي فراسك ؟ واخا الاللة ... (كيتحرك عرياااان فالبيت ) كاتقلبي عليها؟ توحشتي العصى ياك؟ اممم (هز تيلي كيهضر فيه برموز وماعاني مافهمتش اشنو كيقصد بيهم ، اللي فهمت هوا لاكاف ديال الفيلا اللي لتحت كاااع، مضلم و كيخلع عمرني قدرت نوصل لتحت كاااع بالخلعة فحال شي غار، جبد خوايجو من البلاكار و كيلبس قدامي وانا مرعودة، حسيت بشي حاجة غتوقع وفين ما نسمعو هضر بالرموز والاشارات كنفهم بللي وجه المافيا مابقا ليه والو ويبان، بدل حوايجو ولبس سبور عادي غير شوط مستيلي مفضفض حتى الركبة ازرق مع كلاكيطة فرجلو وتيشورط بيضاء مزيرة عليه وشعرور فازك قالبو للور نضال: هانت راجع ليك 😉 نسخن لبك جنابك شوية (كيقصد يرجع يعطيني قتلة دلعصى) تفوتي هاد الباب نقصمك سمعتي. خرج كيلعب بالتيلي فيدو ويضور فيه ، كيخلعني مللي كيولي بارد هاكا وفنفس الوقت تحت راسو شي حاجة؟ وفين خارج فهاد الليل مع 3h ؟ باينة ناغادي فين حيت لابس حوايج الدار! حدو الفيلا وصافي، وانا مالي ؟ اش حرق شطاتي يمشي فين ما بغا ، مفكر غير فالقتلة اللي كتسناني مللي يرجع ، ماعرفت اش غايدير فيا ...جلست نفكر وانا نوض دوشت من الجنابة حيت طار ليا النعاس وحسن نخل للدوش و نلبس شي بيجامة بسروالها باش واخا تجي فيا شي دقة ماتقصحنيش. #كلارا من بعد ما مشاو وخلاوني فالبيت نعست شوية حتى ضربات 2h وضرباتني الفيقة و سمعت صوت طونوبيلت نضال داخلة للفيلا وداير ليها سيلونص باش ماتسمعش حسها حيت كادير واحد الصوت مجهد فاش كتحرك ، نضت طليت عليه بان ليا كيهضر مع رجالو معفر ومخزز وكايكمي ، شحال وهوا برا غادي جاي فالجردة تا دخل للفيلا ، بقيت جالسة فبيتي وحرام النعاس ما بغا يجيني ، نضت قلت نطل على صوفيا ، ومع هيا كتسهر بلليل ماكتنعسش بكري مشيت عندها لقيت الباب محلول ودخلت لقيتها كتجدب بوحدها وسط الحوايج ديالها بحال الى تالفة ليها شي حاحة ولحمها كولو زرق و شعرها مقطع شفتها سحبليا شي جنية وانا نهرب ماقدرتش نقرب منها ، اصلا موحال واش صوفيا هاديك!!! وجها كيخلع كولو منفوخ وشعرها مبرقع من شي بلايص مقرع وكتهز فالحوايج وتحط غير شافتني هرجو عينيها وانا نعلق قبل ماتشيرني الله يحفض، يالاه خرجت مفزوعة من عندها وهما يبانو ليا رجال نضال جوج منهم دخلو عندها وخرجوها سادين ليها فمها وكتفركل ، مابقيت فاهمة والو فهاد الليلة الكحلة وشنو واقع فيها ، قلت نمشي نقولها لنضال لا يكونو رجالو خانوه وهطفو صوفيا ولا شي حاجة بحال هاكا ، كلشي زلا كيخطر ليا على بالي فهاد اللحضة، مشيت مخبية وماعرفاش مناش مخبية و غير خايفة وهاد الليلة كتخلع، يالاه وصلت للدور د بيتو بان ليا خارج كيشعل كارو وخلاه فمو وخشا يدو فجيب وغادي رافع راسو ميرمي فرجليه بحال الى كيتسارا فشي جردة ، يالاه بغيت نبان عندو هوا يبان ليا واحد بالكوستيم جا عندو وانا نرجع تخبيت نشوف شنو واقع، بدا كيوشوش ليه ويهضر بينو و بين نضال و نضال حرك راسو (اه) وهبط مع الدروج ، جيت نتبعو هوا يبان ليا صابر نازل موراه كيجري معا الدروج وفيدو تيشورط كيلبس فيها ، مافهمتش اشنو واقع ؟؟؟ مال هادو؟ شكاين ، يالاه وصل ناضت البلبالة حسي مسي بلا مايسيق شي حد الخبا

بقيت مراقبة الاحدات حتا بان ليا اخي العزيز نازل هوا و صابر لتحت للقبو وكيهز فالدروج مرخي وداك الكارو و ماشدوش كاع بيدو مللي حطو بين شغايفو وهوا تما كيهضر بيه ، بقيت نازلة موراهم حسب مسي حفيانة ، هما نازلين وانا موراهم تا وصلنا لقاع الارض تحت الفيلا عالم كيخلع مضلم وفي شوية ديال الضوء واغراض مشتتة ماعرفتهااش لاياش كاتصلاح ، هزيت عيني الفوق فالدروج بان ليا شي واح نازل مورايا والضوء بعييد بحال الى نازلة فشي مغارة تخبيت فواحد القنت فالدروج وسط واحد الكارطونة حتى دازو ، كانو رجال نضال لابسين تبشورطات فالاسود وهما اصلا عوازا وكيخلعو وخرجت تابعاهم درجة بدرجة تا نزلت كاع لتحت وغادا حانية راسي ومخبية تا شديت واحد الركينة كتبين كولشي ،بانو ليا رجال اخي الحبيب منشروني فكل بلاصة كايغلعو وصابر كايشوف فيها مصدوم فيها و فحالنها ميف ما تصدمت فيها انا، بقات فيا كتغوت وتبكي وبكاتني معاها و حيدو ليها حوايجها خلاوها غير بدوبياس ونعسوها على ضهرها شادين ليه يديها ورجليها بالحديد مع واحد الحديدة مسطحة ، بديت كنترعد و نقفقف وهاد الغار واخا تفركع فيه قنبولة مايسمعها حد ، كيشد الصوت عندو ، صوفيا يالاه هزات عينيها شافت فنضال خرجو عينيها وبدات كتغوت ، وهوا كيتحرك عادي ، لاح داك الكارو اللي فمو وجبد واحد اخر شعلو ، عرفتو شاهل من لداخل ومخبي وماكايبانش عليه معصب نهايا ، وبحال اللى ماواقع والو ، ولا يمكن مولف بهادشي ماكيأثرش فيه. صوفيا: علاش جايبيني لهنا؟؟؟ شنو درت ؟ نضال: (بدم بارد) ياك كنتي كتقلبي عليا؟ (كيبتاسم ابتسامة شريرة ) وا هانتي وصلتي ليا😉 صابر: شهاد الحالة متي فيها (شمأز منها) صوفيا: مروى دارت فيا هادشي 😭😭😭😭 هجمات عليا لبيتي و ضرباتني وانا مادرت ليها والو😭😭😭 ديما كضلمني ديما😭😭 نضال: (عطا الاشارة براسو لواحد كان واقف حداها ) هز داك العزي واحد الحديدة مستطيلة بحال الحكااكة اللي كيحمو حليها الخضرة فيدو وحطها ليها على ضهرها، قرب منها نضال وحط يديه على ركابيه وتحنا عندها... نضال:(ببرودة) ماشي من عادتي نتعدى الجنس اللطيف الزوينة ، ولاكن نتي تعديتي عليا اللولة. صوفيا: شنو درت ليك اخويا نضال باش تعاقبني هاكا؟ فاش تعديت عليك؟😭😭 (فين انا ، شنو واقع ليا؟ شكون هادو اللي ضايرين بيا) نضال: تعديتي عليا بزااااف(ابتسامة شريرة) اديتيني بزاااف صوفيا: عمرني اديتك ولا فكرت نأديك. نضال: هه أديتي مروى ياك صوفيا: 😨 نضال: أديتيني انا كتر منها ، حيت تحرقت فاش وقع ليها داكشي... (كيضحك و يشوف جنب) عرفتي علاش كنهضر معاك...حيت مرى ومافيها باس نشرح ليك شوية😉 صابر:(واقف مصدوم عاد كيفهم تدريجيا) ؟؟؟ صوفيا: 😨 (تبلع ليها اللسان) نضال: شنو دابا، تعتارفي بخاطرك ولا بزز منك؟ صوفيا: ماعندي باش نعتارف ، انا مادرت والو.. ناض نضال من حداها و هوا يدوز داك الراجل اللي موراها الحكاكة من مور ضهرها تا غوتات باحر صوتها... نضال:(كياعب فالتيليفون ولا على بالو) شنو قلتي؟ صوفيا: ااااااااه 😧😭😭😭😭😭😭 نعتارف نعتارف.... (كتلهت) نضال: كنسمع... صوفيا: جوليا اللي دارت كولشي ... انا مادرت والو ، هيا اللي خططات باش طيح لبيبي لمروى نضال:(واقف كيشوف فيها وعطا الاشارة براسو لراجل اللي موراها واقف هز خنشة بسضة فيها الملخة وخواها لها على ضهرها وهوا محكوك تا طلقات غوتة تزعزعت من بلاصتي ماكرهتش نمشي نفكها بقات فيا ... نضال: اييوا؟ صابر: (مصدوم) صوفيا: خط..خططنا بجوج لهادشي (كتلهت) نضال: واخا ، نشوفو جوليا تاهيا شنو كاتقول..

ضرني قلبي وانا كنشوف داكشي مخبية مامتيقاش انا عندي اخ بحال هادا ، واخا عارفاه صعيب و وحش ولاكن عمرني تخيلت المنضر ديالو وهوا قاصي حتى لهاد الدرجة، بقيت مركنة تا نزلو ليه جوليا بنفس الطريقة باش نزلو صوفيا، ولاكن جوليا مع النزلة عطاها صابر تسرفيقة حتى سخفات هزوها جلسوها تا بدات تفيق و تستوعب عاد عرفات راسها فالقبر بين يدين قتال الارواح وماعندها فين تفلت جوليا:(عرفت صابر عرف كولشي غير شفت صوفيا حالتها حالة عرفت نوبتي جاية ) صابر انا غنهضر ونعاود كلشي بلا ماتأديوني ، والله كنت مجبرة ندير هادشي تحت ضغط من الشيطانة هادي ، كنت باغا نجي ونعاود ليك كلشي ، ندمت ندم شديد فاش اديت مروى وهيا ماعمرها اداتني صابر:(بغضب) عمرها ادات شي واحد ، وعمر فرحتها كملات، بسبابكم كانت تقدر تموت فيها جوليا: عافاك سمعني 😢😢 عافاك انضال سمعني والله ما بخاطري ، كنت تحت تهديدات هادي وشادة عليا تسجيل ، انا بصح مزوجة ولاكن زواج ماشي حقيقي ، ماقدرتش نعاود ليك هادشي حيت خفت نخسرك تصدمت فكريقة د جوليا وكيفاش كتهضر و كاتواجه بكل قوة.ونضال غير كيطلع ويهبط فيه عاقد غوباشتو جوليا: سمعوني حتى نسالي واللي بغيتو ديرو فيا ديروه اصلا انا نستاهل وانا اديت انسانة عمرها اداتني وغير كضحك مع كلشي وعمرني شفت شي وحدة فالبراءة ديالها فحياتي ، اي عقاب درتوه فحقي نستاهلو ونستاهل الموت صابر: جوليا: تسنيتك شحااال تجي تعاودي ليا كلشي بفمك واخا كنت عارف كلشي ، وعارفك مزوجة وديما كنشوف فيك وكنقول ها هيا دابا غتعتارف ، وكن عارف قبل دابا كنت نسامحك ، ولاكن فات الفوت مشات طاحت ليه عند رجلو وكتبكي .. جوليا: صابر بغيتك غير تسمح ليا وعاقبني كيما بغيتي صابر: المشكلة انكي درتي مشكل كبر من هادا اللي نتي فيه، وحاولتي تقتلي روح مادارت ليك حتى حاجة جوليا: اه بصح ، ولاكن ماشي بخاطري ، والله مابخاطري ، راه بكترت الضغط اللي تعرضت ليه من تحت راس هادي هوا اللي دفعني ندير هادشي، وباش مانأديش مروى فكرت فطريقة الحلوى حيت هادي طلبات مني ندير ليها السم وماقدرتش ، ماقدرتش ومافكرتش نهاءيا ندير ليها السم😢😢 نيق بيا ، راني انسان و كنحس واللي داز عليا خلاني نبغيك و نتعلق بيك وخفت نخسرك.

صابر: كلشي فراسي ، و فراسي داركم زوجوك بزز وخوك باريش عاونك باش تهربي وهربتي و مابغيتيش تجي معايا ديك المرة لهنا وكدبتي عليا قلتي ليا عندك ديفيلي جوليا: اه بصح كدبت عليك ومشيت انا وباريش تلاقينا بالراجل اللي زوجوني بزز كنقلبو على حل لهاد العلاقة وهوا رفض يطلقني و يخليني نتحرر وكايزيد يوترني ملي كايقول ليا واليديا تبراو مني بسباب العروب ديالي نضال: فففف (الدراااايم ...خرااا) صابر: اللي عطى الله عطاه ، دابا راكي تحت سيف وراسك غيتقطع فاي لحضة بسباب التهور ديالك جوليا: يتقطع المهم يتقطع من بعد ما تسامحني ...انا كنعتارف باخطاءي ... نضال: ااحححم... شدي ... (عطاها فردي) نتي مرى بحالك بحالها ، قتليها وهنينا... (هضر مع كلشي ) اللي هاز شي فردي يحطو دابا قدامي .... تصدمت من التصرف دنضال وهوا عاطي لفردي لجوليا وصابر كايقولها بللي غاتموتي وزاد نضال كيطلب من كلشي يحط السلاح وبقات غير جوليا اللي فيدها السلاح وماخافش تيري فيهم كاملين؟ اش هاد العجب كايوقع صابر:(مصدوم) مي... كيفااااش نضااااال شكادير؟؟؟؟؟ نضال: يالاه ... ورينا حنت يديك ... وهنينا منها ، ياك هيا اللي دفعاتك باش ديري داكشي... وا فرجيني فيها حيت نوبتك جايا فالطريق حتى نتي. جوليا: هااا؟؟؟!!!!!!!!!! (كيفاش عطاني السلاح وبقيت بوحدي اللي هازاه فيدي و كلشي حطو) صابر: (لاياش كيخطط هادا عاوتاني؟؟؟) جوليا عنداك تهوري... نضال:(كيستافزها) وا سربي طلقينا ، راه داكشي اللي كاتشوفي كيوقع ليها غيوقع ليك حتى نتي صوفيا: لاااا ... عنداكي ديريها ، الفردي فيديك دابا نتي تقرري شكون يموت نضال:(ابتسامة شريرة) جوليا: (بتوتر كبيير شادة الفردي و كترعد وكلشي كايشوف اشمن اتجاه غتوجهو... بقات كتهز يديها وكترعد وصوباتو حيت صوفيا) نتي اللي غاتموتي .. (طلقات رصاصة فاتجاه صوفيا ولاحت الفردي فالارض وطاحت كتبكي) نضال: هه (كايشوف فيها وكيضحك) صابر: (مصدووم) راقبت الاحدات اللي وقعات وترحمت على صوفيا اللي خرجات فيها القرطاسة ولاكن الصدمة كانت قوية مللي بانت ليا صوفيا هزات راسها و ماوقع ليها والو وكلشي تصدم من هادشي اللي وقع ومافهم والو.. جوليا: كي...كيفاش ماماتتش؟ نضال: نتي طلعي فحالك كتاب ليك عمر جديد (كلشي هز سلاحو عندو) صابر: نضال !!!!! شنو كتقصد، وشنو باغي دير؟ نضال: هه دابا بان العدو من الصديق(مطلع حاجبو) صوفيا:😨 نضال: صوفيا (ابتاسم ) ربحتي الماتش تم غادي طالع فحالو وصابر موراه مافاهم والو وانا كنشوف فصوفيا كضحك فرحات حيت ما وقع ليها والو ولاكن ماشفتش اللي شفت انا ، الراجل واقف عليها هز يدو تا لسما ونزل ليها على الراس قطعو ليه تا طاح فالارض ، تهزيت بالخلعة وفهمت اشنو قصد نضال بربحتي الماتش، كان كيقصد بللي بان وجها الحقيقي مللي جوليا هزات الفردي ولاكن القرطاسو ماخرجاتش من الفردي غير صوت الرصاص اللي خرج. صابر:(وهما طالعين فالدروج) فهمت لاياش باغي توصل نضال: هه على سلامتك... صابر: هههه اصاحبي داك الدماغ عندك بزااااف، عطيتي لفردي خاوي لجوليا بحال الى كتعطيها فرصة فالحياة وكتأكد من الهضرة اللي قالت ياك...داكشي علاش قلتي كلشي يحط السلاح وخليتيها بوحدها هازاه باش تشوف الوجه الحقيقي ديالها ...بففففف كنت باغي نقول ليك سمح ليها ولاكن قلت مستحيييل تسمح ليها. نضال: ماكنبغيش الضلم اصابر، والضالم هي صوفيا والكمالة من عندك... صابر: جوليا بنت الناس ، تجرجرات فالقضية ، ولاكن صافي سالينا ، غنصيفطها بحالها

بعد ماتفرجت فالفيلم الاكشن ديال نضال ماقدرتش نتحرك من بلاصتي حسيت بالعروق ديال نشفو من الدم و كن غير ماحضرتش لهادشي عنرني نقدر نعس فحياتي، راس صاحبتي طار قدام عيني، ولاكن تستاهل كرهتها ، بقت حالسة فبلاصتي كنستوعب حيت اللي شفتو ماشي ساهل ، فالافلام وماكنقدرش نشوف بحال هاد اللقطات عساك قدا م عيني ومع عاءلتي و صحابي، بقيت فحالة صدمة شحااال ، فاش فقت من القلبة لقيت الدنيا خوات بقات غير صوفيا جتة هامدة ، القبو خوا ونضت كنجري تفزعت مللي لقيت راسي بوحدي مع الموتى وفغار كيخلع، طلعت كنكير مع الدروج والضلام كنطيح ونوض والصمة القوية ان الباب مسدو 😱 كلارا:اويييييلي سدو عليا هاناااا😭😭😭😭😭 حللوووو ليا حلووووو هاااااهههههههءهءهءهءهءهءهء 😭😭😭😭😭😭 نضاااااااال 😭😭😭😭 صاااابر واحللووو علياااااا انا كلارااااا انا الزمررررر انا النحسسسسس 😭😭😭😭 اويلي غادي نتسطى ماقادراش نصبر كايجيب ليا الله بحال اا شي حد جالس حدايا وخصوصا ومعايا جتة د صوفيا وكنتخيلها فداك المنضر اللي شفتها فيه فالبيت كتجدب وسط الحوايج وتقلب ، كاع الهواجيس تجمعو عليا وليت نتخايل غير الكوارث تا حاجة زوينة ماطاحت ليا فبالي من غير الرعب اللي حاسة بيه وافكاري والسفة بدات تشدني ، قللي كيضرب بحال القرطاس بالجهد وماكاين الي يسمعني وهاد الغار جا تحت لا كاف يعني خاص اللي يهبط لاكاف عاد يسمعني كنغوت لتحت ، بديت كنبكي بغيت نتسطى هادا الدوا اللي كيدخل فما لاياعنيه ، اش جابني انا لهنا ، التبركيك عمرني نضور بيه عادي و التوبة، بديت كنشطح فيلاصتي و نترعد عقلي خرج بالخلعة وماكايبان ليا والو، كيتهأو ليا شي حوايج وشي خيال كنزيد نمرض وسناي كيقرقبو ، وصلت للحد الادنى من الرعب تا مابقيت عاقلة على والو . حسيت براسي كنتكركب مع الدروج تا لتحت وغبj

مروى تعطل نضال مارجع ، كالسة نتسنا فيه واخا عارفا راسي غناكل قتلة من عندو ، حليت الباب خرجت راسي بانو ليا رجالو واقفين ليا عند الباب ، داير عليا الحراسة باش مانخرجش ، رجعت دخلت وسدست الباب واصلا ماناوياش نخرج غير طليت نشوف شنو واقع ونتفحص الاجواء، دخلت بحالي و جلست نضور كانتفكر الصمطة والدق اللي كيعطيني بيها شحال قاصح، بقيت غادا جايا تا سمعت المشية ديالو كتقرب وانا نطير للدوش دخلت وسديت عليا تما بالساقطة، سمعتو دخل وتقطع الحس والخلفات ديالو، عرفتو واقف كيقلب عليا بعينيه تا بديت كنسمع مشيتو كتقرب عندي لدوش وقلبي كيضرب بالخلعة عاق بيا مخبية فالدوش، قطعت الحس والخلفات ديالو تقطعو وحاسة بيه واقف مور الباب وانا صاقلة تا دار دقة وحدة وانا نقفز غوت غوتة وحدة نضال: نتي تما ؟؟؟ خرجي خرجي ... عرفتو قطع الحس باش نسهى انا كنتسنط ومن بعد دار ديق الدقة فالباب باش نتخلع ونغوت باش بلا مايشحف راسو يبدا يهضر وندير راسي ماكنسمعش . نضال: خرجي لهنا ... واش سحابليك مخبية زعما؟ راه غنكيح عليك هاد الحيط . مروى: لا...ما. مم. ما خارجاش نضال: خرجي ابنتي بلا متخليني نجمعهم ليك كتر من هاكا. مروى: هههههنننههنه😢 غاضربني . نضال: وحدة من الجوج ، تخرجي ولا نهرس لباب، ويلا هرست الباب غانهرسك معاه، شنو قلتي؟ شفت تا عيت وانا نحل لباب وخرجت راسي كنطل بشوية هوا يبان قدام بحال البرق شدني من الرقبة ديالي وخرجني ، كنت لابسة كولون اسود وديباردو اسود وشعري فازك شوية... مروى: اااايييي😢😢😢😢😢 ههههننننهههن نضال: كرم ليك الراس ؟ هاا؟ هضرتي ولات كتبخر فالسماء؟ مروى:ااااايييي (شادني من الرقبة) مانعاااااووووودش (كنلحنها) انننننههههههمممخنممم😭😭😭 شفت فيديه لقيتو لاوي عليها السمطة عرفتو غيتهلا فيا (مالقيت حتى مخرج وانا ن..) مروى: اااااي كرشيييييي 😭😭😭😭😭 اااااي ا مااامامااااا ايييي😭😭😭 نضال: (تخلع) مالكي ؟؟؟؟ شنو وقع ليك مروى:(ههه هانا نوريك ضربني ، درت ليه موتا حمار وكنتوجع) ااييي . ااااه كضرنييي كرشييي 😢😢اهىءاهىءاهىء نضال: (لاح السمطة ، وهزني ) اففف ... صبري شوية غنعيط على الطبيب دابا. مروى:(الطبيب لا .. مالاعبينش) اااي ماتخلينيش بوحدييييي 😭😭😭😭 (تيقت راسي فتمتيليتي) ااااه كرشي كضرنييي اهىءاهىءاهىء نضال:(حاط يده على كرشي وخايف وانا مكسلة على ضهري) فين كيضرك ؟ هنا؟ ..هنا؟ (وينو عاد نتابهت ليها بدات كتبان) انا كنبكي ونشهق وهوا عرا ليا على كرشي كيلمس فيها ترفع ، كنشوف فيه بنص عين كيضحك وكيدوز يديه عليها و فجنابي ، مال هادا؟؟ عاد كان غايشلضني عصى ودابا تقلب؟سكت نسيت راصي كنمتل وبقيت كنشوف فيه 😮 نضال: ميمي .... (كيبتاسم) هاهيا كريشة بانت شوية ههههههه ويييينووو شحال زوينة، (باسها ) مازال غتكبر ياك؟ كيما شفتها ديك المرة !!! شفت فيه مزنكة وكنحاول ندخلها باش ماتبانش حيت الوقت كامل كنت كنخبيها حيت كنحشم يشوفها ويشوفني بيها ، تفكرت نهار اللي شافني بيها وكانت باااينة وكنت لابسة غير ديباردو مزير وشاف فيا وحنى راسو كيضحك ، وبديت انا كنجبد فالبودي ونغطيها تزنكت تا بغيت نتفركع ، حشمت وماعمرو شافني بيها تا كبرات وجا عندنا لفيلا وشافني مقنبلة بيها، وبدا كيقرب مني و يضحك عارف راسو دارها بيا،نفس الاحساس حسيتو دابا. نضال: (كيشووف فيا وينزل عينيه يشوف فيها) اووووه هههه علاش كتزيريها؟ خليها!!! مروى:😳(بقيت غير ساكتة وكنخشيها ونجبد فالبودي نضال: حيدي يدك.. (حيد ليا يدي وكيعريها ) كتحسي بيه؟ مروى: شوية😳(كنقولها ومهبطة راسي ) نضال: كيفاش كتحسي؟ مروى: امم؟😶 نضال: واش كيتحرك؟ (كيبتاسم ويشوف ليا فيها) مروى: ماعرفتش 😮 كنحس بحال الماء كيهرني شوية وصاافي. نضال: ههههه (طلع عند وجهي) كنحماااق عليك مروى:هيييهيهي😋 ماغاضربنيش ياك 😄 نضال: هههههههههه خاااايبة .... تفو عليييك (باسني ) حميمقة ، نتي ديالي بووووحدي احسن حاجة فحياتي (عنقني ) مروى: ههههه 😄 حتى انا ديالي بوحدي هيييهي😋 نضال: ههههههههههه حمييمقة (طبع قبلة على فمي طويييلة ) تقلب عليا وقلبناها كورة ههه #كلارا فقت والدوخة مدوخاني والنجوم و لاماعرفت الجنون كايمشي ويجيو فوق راسي ، بدات كتوضح ليا الصورة وانا نلقى صابر عند راسي ...

لقيت صابر عند راسي بقيت غير كنشوف ونترعد ، كنقفقف والرعدة شادانيي ، تفكىت الاحداث اللي دازو والقتيلة اللي داز تقدام عيني ، ولات عندي نضرة اخرى على نضال وحتى صابر، وليت كنحس بالخوف منهم وكنقول ماشي عاءلتي هادي ، كايمكنش تكون عندي عاءلة بحال هادي ، مايمكنش يكون عندي اخ خطيير وكيقدر ينفي بنادم من الوجود بدم باارد بلا مايتأثر ، واش مافيهش الروح؟ واش ماعندوش القلب؟ واش ماعندوش احساس ، واخا يديرو ليه الي دارة ماينتاقمش بهاد الطريقة الشنيعة!!!! عارفاه مافيوزي والمافيا كيتكون كلها اجرام وحري تابعة حرب ماكاتساليش ولاكن ماشي نشوف بعيني ونتأكد ان خويا حقا مافيوزي ديال بصح، فاللول ماكنتش كنتصور يقدر ينتاقم هاكا كان كايجيب ليا الله غير قرطاسة يقتل بيها وصافي هاهوا سالا، هادا هوا المفهوم اللي كان عندي عليه وعلى عالم المافيا ولاكن صدقت غالطة، عالم الاجرام والمافيا اخطر بكثيير مللي كنت كنتصور وكيوقعو فيه شي حوايج اللي متخطرش على البال و ميتصورهاش العقل. بقيت كنشوف فصابر وكنفكر والصدمة ضارباني حتى هضر .. صابر: صباح النور (ابتسامة) كلارا: الصمت(غير كنشوفيه مصدومة، ماشي هادا هوا الوجه الاي شفت لبارح ، مايمكنش يكونو عندهم جوج وجوه ، وجه عاطفي كيحن و وجه اخر كحل لاشفقة ولا رحمة، خفت ومابقاش كايبان ليا الوجه الزوين والحنون وليت كنشوف غير الوجه الاخر اللي عمرو يتمحى ليا من بالي ، هوا كيشوف فيا وانا كيتهيأ ليا انه كيخزر فيا والشر فعينيه ، مابغاتش الصورة تقاد ليا فعيني ونشوف الوجه الضاحك، تكمشت فراسي خايفة و عيني خارجين كنرجف) صابر: مالكي خايفة كلارا: الصمت (كنشوف غير بعيني وكنتهرب ونتكمش) صابر: واش عيانة ؟ مالكي هاكا؟(بغا يحط يدو عليا) كلارا: وااااو (قفزت كنطير للدوش وسديت عليا وتكمشت فواحد القنت جامعة رجلي عندي وكنقفثف وعيني خارجين بالصدمة) صابر:(واقف كيدق عند الباب) كلارا ... حللي الباب.. حللي مالكي شنو وقع ليك؟ (اففف اش داك تبعي الفضول ديالك، كيفاش غنرجع ليك عقلك دابا تفووو) كلارا حللي مهضر معاك بقيت ساكتة مكمشة غير كنسمع ماكنهضرش تا نغرع عليا لباب ووقف عليا و فعيني الخوف. صابر: نوضي اجي معايا (بغا يوقفني ) نوضي احي نهضر معاك... كلارا: 😨 (كنحرك غير راسي ماباغاش نوض) تحنا عندي وهزني هاكاك مكمشة وخرجني من الدوش حطني على الناموسية وانا عيني خارجين وعقلي مامعاياش باقي عايش بين الاحداث اللي وقعات. صابر: علاش تبعتينا؟ امم ؟ كن مابقيتش انا فلاكاف باش كنا غنعرفوك بقيت تما والباب تسد عليك؟ سمعتك كتغوتي بطريقة هستيرية وفاش حليت الباب شفتك مرمية لتحت غايبة ، اش داك لهادشي كامل ؟...اش داك تشوفي ولا تعرفي اشنو كيوقع لتحت ؟ جاوبيني راه معاك كنهضر كلارا:(الصدمة) صابر: (كيتنهد) افففف... سكتي ليا القلب، لليل كامل وانا حداك كنستاك تفيقي ...كن دابا بقيتي تما و ماعرفك حتى واحد شنو كان غادي يوقع ليك. هوا كيهضر وانا مرفووعة مارانيش معاه نهاءيا تا بديت كنحس براسي قلبي كيضرب بالجهد و واحد الحرارة حسيت بيها طالعة مع رجلي وهي كتقرب عمرني حسيت بيها فحياتي ، بداو رجلي كيترعدو بواحد الطريقة سرييعة وماحد الحرارة كطلع معيا وانا كنترعد ونرجف و راسي كايتقال تاوصلات ليا لعنقي وبديت كنتخنق وهيا طالعة مع راسي حسيت بعيني كايرجعو اللرور ومابقيت كنشوف والو وماكنسمع والو وماكنحس بوالو تا تطفيت مابقيتش عاقلة على راسي.

مروى حليت عيني على صوت التيليفون لقيت نضال ناعس على كرشو وحاط راسو على صدري والضو داخل وتيليفون ميصوني ويعاود ، يالاه بديت كنحل عيني هز نضال راسو كيحل عيني والضو ضارب فوجهو وهوا حال عين وساد عين ، كان تيليفون عند راسي محطوط وطول يديه هزو وشاف فيا مبتاسم.. نضال: احححمم..وي صابر (كيشوف فيا مبتاسم) هوا كيهضر فتيلي وانا كنبتاسم ليه وكنحك عيني تا بدا كيشوف فيا شوفة فشكل، شوفة كتخلع وتعابير وجهو تجمعو والضحكة تا هيا تجمعات وناض كيجري عريان ، خلعني بقيت غير كنشوف فيه و اشمن كارتة وقعات عاوتاني للي خلاتو ناض هاد النوضة بحال هاكا وشنو قاليه صابر، بدا كيجد الحوايج بسرعة البرق لبس بزربة وهز تيشورط كخلة فيدو خارج من البيت وكيلبس فيا طاير، هلاني حاللة فمي ومامولفاش نسولو اشنو واقع اشنو كاين ، كنبقى غير كنشوف مكمشة وماقاليا تا كلمة ، ناض نوضة وحدة بررد ليا الماء فركابي ، هادا شي نهار يقتلني بالخلعة ولا يركب فيا شي مرض بهاد الخدمة النايحة ديالو ، غير الويل الكحل اللي فيها وهوا براسو وحش غير فاش كيكون معايا اللي كيوللي ضريف.داكشي اللي داز عليا معاه واللي شفت عمرني نساه فحياتي الحمد الله اللي باقة بعقلي ماتسطيتش، نضت دوشت وجمعت شعري لفوق ولبست شورط قصير دجين و تيشورط مايلة من كتفي وخرجت كنطير لبيت كراميل ، حليت عليه الباب لقيتو ناعس كي الاميرة مسطح على ضهرو ومعطي عينيه ببانضة وداير ميزومبلي لشعرو بوكلي ولابس شويريط وتيشورط ومكسل كيشخر ، نقزت عليه فيقتو فياق العسكر ناض جالس كيغوت حيد البانضة على عينيه وشافني حداه كراميل: 😨😨😨 (مخلوع) قتليني وتهناي، اشنو باغا عندي اختي مفيقاني من احلى حلمة حلمتها فحياتي بغيت غير نكملها سلاطيتي عليا نتي ، شكون محرشك عليا 😬 خراااا تفوووووو مروى: صافي سكت دابا ...راه نضال ناض من حدايا طاير ماعرفتش اشنو واقع ؟؟ شنو اااي خلاه ينوض بحال هاكاك خلعني كراميل:كوراه شدو ايه شي واحد كان كيحلف فيه ولا كان كيقلب عليه و نا يقتلو بااااينة... (رجع بغا ينعس) مروى: وانوووض راه سمعتو قال الو صابر!!!! وانا كنهضر تفكرت اشنو قلت ليه ابارح وعاوت ليه على صوفيا وجوليا)كراميل .. كراميل: امممم؟؟ (مغطي وجهو باغي ينعس) مروى: راه عاودت لنضال على جوليا وصوفيا.. كراميل: (بلسان تقييل) بزعط.... (بقا ساكت شوية وتهز) شنووووو😱😱 قولتي ليه كلشي😱😱😱😱 مروى: اه 😊 بقا مبلق فيا عينيه هوا ينوض طااار دخل للدوش سكن فيه و خلاني انا كنشوف فيه مافهمت الو تا هرج عندي لابس سروال ابيض مزير وقميجة غوز وطالق شعرو بوكلي وصبرديلة كيوت فرجليه بلا الصباغة ومكياج خفيه هادوك ماعليهم هضرة ، ضاروريين، خرج عندي كيطير كراميل: نووضي...نوضي دغيا نشوفو شواقع الله يلقيها ليك ، قلت ليك ماتعاودي ليه والو تا نقولها ليك. تفوووو مروى: بلابلابلاا صافي دابا يالاه شوفو شكاين ، النم كي داير يخخ خرجنا كندافعو ودزنا على بيت صوفيا لقيناه محلول والخدم فيه كيخملوه دخلنا ليه لقيناهم كيجمعو الحوايج ديالها وهازين البيت كينقيوه كامل. مروى: شكاديرو؟؟؟؟ ...: التعليمات قالت لينا نخملو البيت ونجمعو كاع الخوايج اللي فيه نخرجوهم. كراميل: هه (صافي حوفيا الله يرحمها) مزياان ...يالاه نتي نشوفو شواقع ، باينة هاد النهار بنهاااؤو غايدوز. تمينا خارجين وهي تعيط ليا واحد الخدامة ... ...: مدام مروى....مدام مروى (ضرت عندها) لقينا هاد cd وحنا كنجمعو البيت ومكتوبة فيه سميتك ، قلت يمكن ديالك ؟ شديت cd كنشوف فيه وفعلا مكتوبة فيه سميتي ولاكن ماعرفتش علاش وشكايدر عند صوفيا؟ كراميل: اري نشوف؟؟؟ (كيشوف فيه) ديالاش هادا؟...واش ديالك؟ مروى: ماعرفتش ؟ يمكن ديال لانيف ديالي ؟؟يقدر كانت كتصور لانيف وكتبات فيه مروى!!!(شديتو من عندو ) كراميل: ماعلينا... بلاتي نعيط لصابر نشوفو فين كاين ، ياك قلتي صابر اللي عيط ليه الصباح ياك (حركت ليه راسي) ايوا هوا اللي غايقول لينا شنو واقع.. بقينا غاديين وكنشوف فcd فيدي وداخلين لبيتي قلت نحطو ف بيسي نشوف شنو مصورة ديك اللفعة، حنا دخلنا ومراميل كايصوني على صابر ومكايجاوبش وكيصوني ويعاود وانا شعلت بيسي د نضال دخلت فيه cd هوا يهضر كراميل.. كراميل: الوووو صابر .. ضرت عندو فرحت مللي شدليه تيلي وبقيت كنتسنى شنو كايقوليه ، بقيت كنشوف فيه وهوا وجهو بدا يصفار .. كراميل: هاا😨 فين؟؟؟؟ (سكت بقا مصدوم وطاح ليه تيلي من ودنيه) مروى:( هزيت تيلي )الوووو... الوووو (تيت..تيت..تيت) تقطع .شنو وااااقع هضر كراميل:(مصدوم) كلارا😨 مروى:(خلعني) مالهااا؟ كراميل: جاتها جلطة .. مروى: هاااااا😱😱😱 اويييلي..نوووض ...نووض يالاه نشوفو شواااقع؟ جريتو و هوا مضهشر و خرجنا، خليت داك cd ف بيسي حتى نرجع ونشوف اش مصورة ديك الزبلة

خرجنا من الفيلا وهيا تبان ليا جوليا وباريش خارجين تاهما وجارين باليزاتهم ، مشيت كنطييير عندها باغا نريشها حيت عييت كنقلب عليها لبارح هوا يفكنا باريش مروى: منااافقة، كدااااابة، تافقتوو عليا متي وديك بنت الحرااااام جوليا: (كتبكي) سمحيي ليا بزااااف راه ماشي بخاطري 😢😢😢 راه راجلك عارف كلشي وطلب منا نخويو.. باريش: (قرب تا لعندي ) غانتوحشك...ولاكن مزال غنتلاقاو (ابتاسم ليا) مروى: شنووو؟؟؟ شكايربق هادا... جوليا: سمحي ليا بزااف (جرات باليزتها ومشات كتبكي وباريش غادي وكيشوف موراه كيضحك ليا) مافهمتش هاد الحمار اش قاليه راسو ، ضرت عند كراميل ليقتو باقي واقف مصدوم عاد سرات معايا حريرت كلارا وانا نجرو طلعنا فطوموبيل هامر كحلة عندها شيفور ... مروى: هضر فين قالك كاينين ؟؟؟ كراميل: (مصدوم) هزيت واحد البارفان من ساكي رشيتها ليه فوسط وجهو كراميل:(قفز)هيييييه😖 مروى: راحنا غادين واش ماكتشوفش راه خرجنااا من الفيلا ، هضر قول فين كاينين نمشيو عندهم هضر وقاليه المستشفى اللي داوها ليه و مشينا يالاه وقفات الطوموبيل فالباب د الكلينيك شفت رجال نضال على برا ، دخلنا كنقلبو فالاستقبال على كلارا مي كنيتها ماشي بحال كنيت نضال حيت خوت من الام ماشي من الاب .قاليهم كراميل الكنية ومشينا للطابق اللي قالو لينا هوا يبان ليا نضال جالس شاد راسو ورجالو غادين جايين القيامة نايضة ، وصابر غادي جاي والاطباء داخلين خارجين، مشينا كنجريو دزت قدام نضال شاف فيا بقا كيحنزز فيا خفت يقول ليا علاش جايا وانا نتخبا مور ضهر صابر وحط عليا يدو باش مانخافش وبديت كنطل على نضال من مور ضهر صابر وكنشوف فيه مهموم ومعصب باين من تعابير وجهو. طالع ليه الدم ، جريت صابر من كتفو عندي سولتو...بصوت منخفض مروى: شنو وقع لكلارا؟؟؟ بقا ساكت وشاف فيا حرك ليا راسي زعما من بعد و نقول ليك.سكت وتمكمشت حدى كراميل فوق واحد الفوطوي وكنشوف فنضال داير بحال شي تور هايج وصامت غير كايصوط فبلاصتو ومل شوية يشوف فيا ويطلع ويهبط ويرجع يشوف فيلاصة اخرى. بقينا جالسين تا جا الطبيب خايف غير بوحدو ناض عندو نضال و عينيه حومر هوا يشدو صابر ، تفزعت وتخلعت وتخشيت فكراميل وهوا مفزوع كتر مني ... الطبيب: فاتت مرحلة الخطر صابر: ندخلو نشوفوها الطبيب:لا ما... (شاف فنضال) اه ممكن دخلو شوفوها. مشا الطبيب ودخل نضال عندها و نضت تبعتو بغيت ندخل معاه ، دخلت موراه و بقيت واقفة بعيدة كنشوف فكلارا وهيا مسطحة و الخيوط دايرين بيها ، وقف حداها بقا كيشووف فيها ودوز يدو على شعرها وعلى وجها وساكت ماهضرش غير كايشوف ، بقا شحال كايشوف فيها وانا منبكي فصمت يقات فيا بزاف ، يمكن صابر السبب ، صبرات حتى عيات فاللخر جاتها جلطة ، بسيف ماتجيها ، دزت من هادشي اللي دازت منو هيا وحاسة بداكشي اللي كحس، بقيت ساهيا فيها والدموع نازلين حتى حسيت بيد شدات ليا فيدي ، هزيت عيني لقيت نضال هوا الي شاد ليا فيدي وجارني معاه ، خرجنا من الشومبر و خليت صابر داخل مورانا عندها، خرنا من الكلينيك وركبني حداه فيراري كان حا فيها وزطم ماحبس حتى للدار ، الطريق كاملة وهوا ساكت، نزلت من الطوموبيل وتميت غادا وهوا مورايا معصب وساكت تا دخلت للبيت ودخل مورايا ، جلست حدا لبيسي للي خليت الصباح محلول وانا نسدو وحطيتو فالجنب وهوا بدا كيحيد حوايجو تا بقى بلكالسون ودخل للدوش ، حسيت بيه شاعل وعلى اي حاجة يقدر يخرج العافيا اللي فيه، بقيت مكمشة حتى خرج لاوي عليه فوطة وكيمسح شعرو ورجع لبس حوايجو وحدين اخرين، قميجة بيضاء ناصعة و سروال بيج وصبادري بيضاء وتم خارج، وصل تا لباب وضر شاف فيا لقاني غير كنشوف ورجع عندي

نضال: (طبع قبلة على جبهتي) رتاحي احبيبة ، بلا ماتبعيني ...دابا نرجع و نقوليك شنو كاين. رتاحيت فاش هضر معايا، خرج و خلاني جالسة كنفكر فشنو واقع بوحدي تا حسيت بالتقيا طالعة معيا ونضت تقيت تا سخفت وخرجت سخفانة نزلت لكوزينة دايخة كنتشهى ، وجدو ليا داكشي لي جا على خاطري وجلست فالجردة حدا لابيسين كناكل وحاسة براسي عياانة وماعندي نفس تا تكهمت ونضت طلعت عند التويز لقيتهم كيلعبو فببتهم وتشبحت حداهم كنتفرج فيهم وهما كاينقزو عليا ويلعبو ومرة يدابزو ويضحكو ويبكيو النهار كامل وهيا غادا تا نعست حداهم. فقت لقيت راسي فبيتي ونضال ناعس حدايا معنقني والليل، نضت فيا الجوع غير تحركت فاق ، كنحاول مانفيقوش مي هوا نعاسو خفيف ... نضال: مالكي احبيبة؟ (كيدوز يدو على شعري) باش كتحسي؟ مروى: حاسة براسي عيانة والنفس كتقطع فيا وقلبي مقبوط ، بالي مع شي حاجة وماعارفاهاش شنو هيا(كنهضر وسخفانة وحاطة يدي على قلبي حسيت بيه مزير ) نضال: (جرني من كتافي نعسني على يدو)رتاحي ...انا غنسيفط ليك على شنو بغيتي غير خودي راحتك. تميت وكنتفس بصعوبة وحاسة براسي باغا نبكي ، مروى: الصمتهز نضال الفيكس كيهضر... نضال: شنو بغيتي؟ (كيداعبني بيدو فالشعر اللي فجبهتي) مروى: (كنهضر سخفانة) شي حاجة باردة... نضال: بحالاش اكيدة (كيهضر ويبوس) مروى: ماعرفتش ...اي حاجة باردة هضر معاهم يطلعو لي كلشي اللي كايتكال و اللي كيتشرب وقطع و ضار عندي . نضال: ميمي...عيانة بزاف؟ مروى: الصمت بقيت ساكتة وهوا متكي حدايا مايداعبني بيديه فوجهي وجعري ولحمي كامل وكيبوس ليا يدي تا دخلو ليا الماكلة ونضت جلست بديت كاناكل بزز ، دزت على داكشي كامل دقت منو شوية شوية ورجعت تكيت حداه، جلست شوية ونضت كنجري للدوش رضيت كلشي داكشي للي كليت وهوا شاد فيا تا نقيت وغسل ليا وجهي وهزني بلاصتي نعست وهوا مقابلني وكيهضر معايا ويبوس فيا و يداعبني تا نعست.فقت فالصبح حتى ل 12 ديال النهار مالقيتوش حدايا العادة داز عندي النهار عادي الملل لا صابر لا كراميل لا نضال ، حتى واحد فيهم ما كيعمرفالفيلا ، كاملين جالسين مع كلارا في الكلنيك ونضل كايجي حتى لليل حتى كانكون انا ناعسة ، دوزت الوقت كامل مع ولادي تا عيت ومشيت لبيتي دوشت ولبست شوميز دو نوي ونعست ... -نضال: ههههههه جات نوبتك امروى (هاز عليا لفردي) مروى: (كنشوف فجنابي و مورايا ) شكون مروى؟ انا؟ نضل: وشحال عندي من مروى؟ مروى وحدة اللي كاينة هيا نتي مروى:(مصدومة) وعلاش هاز عليا هاد الفردي ؟ علاش جايبني لهاد الغابة فهاد الليل؟؟ نضال: جبتك باش نقول ليك كنبغيك (ضحكة شريرة) علاش نتي ماكتبغينيش؟...ماكاتبغينيش؟ ماكاتبغينيش؟ (الصدى كيتعاود ليا فودني) مروى: 😢😢😢 اهىءاهىءاهىء... -حليت عيني كنلقى نضال كيفيقني ويضرب ليا فوجهي .وانا كنبكي بغا قلبي يسكت نضال: مروى...مروى...فيقي ...ميمي... مروى😢😢😢 اهىءاهىءاهىء (حليت عيني فيه) نضال: ششوووو صافي احبيبة غير كتحلمي ، (كيمسح ليا عيني) شششووو (عنقني عندو) عطاني لماء شربني ورجعني معست عندو مع مداعابات حتى رجعت فالنعاس.

فقت الصباح كنحل عيني بزز لقيت مخدة مخشية بين رجلي ومهدة معنقاها وفايقة حتى ل 12 ، اصلا ديما كنفيق معطلة وشي مرات حتى ل 4 دلعشية كااع ، ماتابعني والو ، منبقى جابدة عليها ومع ماكاينش اللي يصدعني ولا يفيقني كنستحلاها ، ومع الحمل ماكاين غير الشخير كنفيق شوية ونرجع النعس . مهم نضت مدكدكة على والو كنرتاح شوية تقول كنت كنجاهد، فايقة من تلنعاس وجالسة كنرتاح، ديما فاش كنفيق كنبقى مكسلة فالفراش ساعة ساعتاين منشوف فالسقف ونضور عيني عاد كنوض ندوش كنجلس فالدوش 3 دسوايع مجبدة فالجاكوزي وكنكمل الباهية حدا المراية كنتمنضر فراسي ونهضر بوحدي ونجلس ندير فشي حراكات كنشوف راسي كي كنبان وانا ضاحكة، وانا باكية، وانا مقلقة، للي شافني يقول غير حمقة ، كندوز الوقت فوااالو غير فضوران بحالتي وكنكره نشوف راسي مرونة ولا مكتاءبة ولا وجهي شاحب، كيعجبني نشوف راسي فنة ومقادة، كنفرح وكنتفاجا فاش كنجلس نخلق السعادة بيني و بين راسي ونتمنضر فكرشي ونرسم فيها بالمكياج اللي ولات عندها دابا 6 شهور و مكورة قدامي صغيورة على قدي، هاكا دازو ايامي من نهار سافر نضال لروسيا عاوتاني ، 3 شهور وهوا غابر وفين ما يعيط فنيلي ماكايشدنيش، ديما ناعسة قليل فين كيشدني ويجلس يتجمع معتيا ويسولني ، ويقوليا ديري كام نشوفك وكانديرها ليه مي مكنبينش كرشي ، كنحشم يشوفني مكرشة والضحكة والشوفة ديالو كتزيد تحشمتي ، ديما كنتهرب واخا كايقول ليا راه كايشوفني كنتحرك فالبيت من خلال الكامرات اللي فيه وعارف كرشي فين وصلات مي انا مكنقدرش نوريها ليه وانا كنشوفو ويشوفني، ما عرفت كيفاش غنوقف قدامو فاش يرجع، توحشتووو بزااااف كنتسناه يرجع ونعنقو ونبوسو ...ههه اش كنخربق ! وانا نقدر بعدا نتلاح عليه، غير كنحلم وصافي اما انا ماعنديش الجرأة نطبر عليه ونشنق عليه بشي بوسة معها غوتة ونقوليه توحشتاااااااااااك ..

كراميل: (دخل عليا حال فمو) مالكي كتغرنسي غير بوحدك؟؟ مروى: (ضرت عندو مقفوزة) 😨 راه غندعي فيك (شادة فقلبي) مالك مقفزني ؟ ماحشموماش عليك؟ كراميل: غير هضرت ماشي غوت😬 مروى: لا راك قفزتيني تا طرت انا وولدي مسكين 😠 كراميل: صافي دابا بلا زيادة فالهضرة ، راهم طالعين عندك يديرو ليك المساج ويدورو بشوية، نقصي شوية من النعاس ، راكي بهلولة وغايزيد النعاس يبهللك مروى: ديها غير فراسك 😬ماشي شغلك فيا. جلسنا نتناكرو كالعادة حتى دخلو عندي البنات اللي فالسبا لتحت هازين اللوازم ديالهم ، فالاشهر الاخيرة رجعو هما اللي كايطلعو عندي ماشي انا اللي كنعبط، حيت ولليت كنعيا بزااف وكنسخف دغيا وكايديق عليا صدري وكلشي تزير فيا مللي بدا البيبي كايكبر . كراميل: يالاه انا غادي ءنجلس مع كلارا، ماتيقنا ولات كتقدر تحط النعمة فمها. (خرج وخلاني مع البنات) حيدت حوايجي وبقيت غير بدو بياس فالابيض مشبكين وجلست فوق واحد الفوطوي مربع كامل ريش ابيض و طلقت رجلي ويدي وجلست جلسة مستيقمة ودافعة طرمتي اللور ، ولات جلستي غير المعتاد ، من قبل كنت كنجلس جامعة رجلي ، جلسة راقية وكيوت ودابا مع كرشي كنجلست فاتحة رجلي شوية والضهر مستاقم ومكنقدرش نجلس بالحوايج و نغطي كرشي ،حيت كنحس بواحد الحرقة فكرشي فحال العافية و كنسهد ماكنستحملش الحوايج عليا ، وكيما قاليا الطبيب السبب جاي من الشعر اللي كبر عند البيبي هوا اللي كيدير ليا الحرقة و الحكة ، كنضل كنحك فكرشي فين ما تقلب ليه الراس ، كنحس ببه كياكلني وكنبدا نحك من على برا تا كتولي كرشي حمرة ونعطي لكراميل يحك شوية ويلى جا صابر فطريقي تا هوا كايدير يديه ، حيت كيعياو ليا يدي بالحكان.ولاكن واخا هاكاك كنقول الحمد الله اللي راني كنتحرك، حيت كنتفمر الخمل الاول اللي دوزتو كامل وانا نةعس على ضهري فالكلينيك كنقول الحمد الله واخا هاد الحمل جاني صعيب بزااف والمورال ماعنديش وديما فشلانة و سخفانا ومل شوية كنحس براسي باغا نبكي، الميزاج ديالي مرون بوحدو كل مرة كيفاش داير. مهم جلست على الفوطوي مستقيمة والبنات ضايرين بيا ولفت الهضرة معاهم و الحديث هاد الفترة اللي وليت كندوزها تقريبا كاملة غير معاهم، كل شوية يطلعو عندي يريحوني ويضورو بيا، وحتى هما كيعجبهم يطلعو عندي ، كيبقاو يشوفو فيا بأعجاب حتى كنحشم انا. عزيزة عليهم وكيحماقو عليا وماكايخليو مايدورو ليا ، وحتى انا ضريفة معاهم وماكنتكبرش عليهم ولا نبدا نتبعكك واصلا ماكايخليو ليا مانقول قايمين بالواجب واكثر وهما فرحانين، ماكاينش ما احسن من الواحد يلبي ليك طلاباتك وهوا فرحان حسن ما تشوفو كيدير خدمتو وهوا ماحاملكش و بزز منو . نيللي: مدام (ابتسامة) تبغي ندير ليك مساج لضهرك دابا ونتي جالسة ، وعاد من بعد الى بغيتي نعاودو ليك ونتي ناعسة...حيت شفتك جالسة وكتمشي وتجي فالجلسة بحال الى مامرتاحاش ! مروى: امم؟ (فشلانة ) واخا اللي بغيتي (عيني فشلانين) بدات كحرك يدياتها الرطبين بكترت الزيوت والكريمات اللي كضل تخدم بيهم ، كدوز يديها على ضهري وانا كنتأوه وراسي كيتمايل وهضرتي ولات تقيلة حيت النفس ولات صعيبة كنتفس بصعوبة ، ماحد البيبي كيكبر وياخد مساحة والاعضاء فكرشي كاتنقت و تزيير عليا وعلى قلبي ، ومع انا فنيااانة ومعكازة ، زدت كملت الباقي. نيللي: مزيان؟ مروى:(الصمت، حركت ليها راسي تكمل ) جالسة مرخيت وهما كيصاوبو ليا يديا ورجليا تا صونا تيليفوني وعطاتو ليا وحدة ، شفت لقيتو نضال، غير شفتو بدا قلبي كيجري جرى وعيني ناعساانين غير كنتهد ،صعيب تهز روح فكرشك وتعيش معاها 9 شهور وفنفس الوقت احساس زوين كنعيشو كل نهار غير انا وياه كيتألم فاش كنتألم وكيفرح فاش كنفرح وكيتخلع فاش كنتخلع ، وحتى فاش كنتعصب كنحس بيه معصب وماكيبقاش يتحرك حتى كيبغي قلبي يسكت كنقولياكما واقعة ليه شي حاجة. مروى: الوووو.. نضال : اححح... اخيرا شديتك،من صباح وانا كننسنى نسمع هاد الصويت مروى: هههه كنت نااعسااا (هضرتي مبعككاااا، ولفني لفشووش) نضال: عاااارفك كنتي ناعسة ، وغير بارازار حليت لكام د البيت شفتك جالسة هههه وديك الكريشة قهرتيها بالحكان مروى:(حشمت ، عرفت جالس يتفرج فيا وكيهضر معايا وانا جالسة بدوبياس.

حشمت وهزيت راسي فواحد الكاميرا مقابلا معايا لقيتها كتشوف فيا وانا نشييير بيدي لوحدة من لبنات جيهت واحد الكاش كنمعني ليها تغطيني بيه نضال: شنو زعما؟ مانشوفوش (ماعجبوش الحال علاش نغطي راسي) حيدي داك الكاش. مروى: الصمت (ماجاوبتوش) نضال: نعودها؟ مروى: افففففف... (جبتهااااا ليه فودنو وحيدتو) نضال: اففف...؟؟ مروى: شنو دابا بغيتييي؟ (ماعنديش الكانة نهضر) نضال: ياغي نشوف ، حيدي تا دوك الدوبياس مروى: الصمت (والله مانحرق دمي معاك) نضال: واحيديهم... مروى: راك كتشوف اش كاندير، ماشي جالسة بوحدي نضال: خرجيهم وحيدي دو بياس ههههه مروى: الصمت (قطعت عليه) ياالللاه معيط ليا باغي تفقصني ، هادشي اللي يصلاح ليك غير نقطع. (كايصوني) الى جاوبتك ها وجهي ، هه قالك حيدي دو بياس .شفت فالكاميرا وبديت نضحك حيت عارفاه كيشوف فيا وشادة تيلي فيدي كانقولي هاهوا كيصوني و ماغانجاوبش وا طرطق ههه. قطع و عيط فالفيكس ديال البيت ... نيللي: نحيبو ليك؟ مروى: لا غير خليه ...ولا عرفتي شنو غادي يصدعنا ، هزيه من باراي وخليه حداها حسن. مشات هزاتو من لاباراي كيما قلت ليه وحطاتو وبديت كنشوف فلاكام ونفرنس ، شوية وصلني مساج، هزيتو بالنفخة وحليتو .. نضال: بربي وماتجاوبي تا دابا تلقايني تما ، وغنشدك نفرعك هاني فين قلتها ليك شفت المساج وانا نطفي تيلي فمرة ، كيعجبني نفقصو وديما كنديرها ليه، وكيتعصب و يدور تا يعيا ويرجع يعيط عادي بلا مايتعصب عليا ، رجع كايدير ليا الخاطر بزااف وانا طلعت ليه فوق راسو و دايرة فيه ما بغيت وماكايقدر يدير ليا والو ، ونيت بعيد عليا ، جهدو يهضر و يغوت تا ينشف ليه الحلق . مهم كملت شغلي و خرجو لبنات وبقيت بوحدي ، يالاه جيت ندخل لدوش نشلل من الكريم اللي فضهري وانا نسمع الباب تحل . ضرت وانا نلقاه واقف مورايا ويديه على جنابو لابس سروال بلو مارين و قميجة فالشيبي مخططة خطوط رقاق فلبلو مارين ، وسبادري بيضة ، كايموت على السبور فرجليه ، شفت فيه لقيتو مخرج عينيه فيا وكيطلع و يهبط وانا ياااحلااااوة غير دو بياس بويض، بقيت مخرجة عيني كنشوف واش انا فايقة ولا كنحلم ، واقيلا غير حيت قالي غاتلقايني حداك داكشي باش بقى بالي معاه!!! نضال:(باعجاب) اووووووووه...اش هادشي😉 مروى: 😨😨 (شي واحد يعطيني شي طرشة نفيق بلييز) هبطت راسي شفت فيا وانا نستوعب كيفاش واقفة قدامو وانا نجري للدوش باغا نتخبى كي موالفةولاكن لقيتو كي البرق قدامي وقف ليا فالباب. نضال:(ضحكة شريرة) فين هاربا ... هاا؟ مروى: 😨😨 شكون نتا؟؟؟؟ (دخت) نضال: اللي حواك ههههههههههه مروى: هاا؟؟؟ (ماتيقاش اش واقع ، واش هوا ولا ماشي هوا ، واش انا فايقة ولا كنحلم) بقيت مسمرة حاللة فمي تا شدني من دراعي وضورني تكاني على الباب فين كان واقف نضال: اشنوو دابا؟ شنو غاندير فيك دابا؟ (حط يدو على كرشي) شكايعاود هادا؟ مروى: 😨 (مزال ماتيقت) نضال: باش ماتبقايش هاكا حاللة فمك غنقول ليك بللي كنت دايرها ليك مفاجأءة ، وعيطت ليك و انا لتحت نشوف عياقتك فين وصلات ...وافين هيا الطيابة دابا ؟ هاهوا جا ...(بغا ياكلني بعينيه) مروى:جيتي؟😨 نضال: واقيلا 😉 مروى: (كنقفقف) وكي خيي فكك ش...هااا؟؟؟ (تلف ليا كلشي ) نضال: بابوبي هههه (طار ليا فمي الجعان كيبوس ويمص)

#كلارا اخر مرة عقلت على راسي فيها كنت جالسة مع صابر و كايهضر معايا ويعاتبني علاش تبعتهم تا غبت مابقيت عاقلة على والو، وفاش حليت عيني لقيت راسي فالانعاش وضايرين بيا الاطباء والتييوات والسلوكا وكاسك فراسي فيه السلوكا وناعسة على ضهري شحال ،وكل مرة كيدخل عندي صابر يجلس معايا وكيبقى يهضر معايا وواعدني يبقى السبب اللي باش وقع ليا هادشي بيناتنا وبلا مايوصل لنضال ويعرفني تبعتهم وشفت اللي شفت ، وداكشي اللي كاين ...نضال كيسحاب ليه بسباب الحب القوي ديالي لصابر وقع ليا هادشي ولحد الان ماقلتش ليه السبب الحقيقي اللي وصلني لهاد الحالة ، جلست فالكلينيك شهر تا وليت شوية لاباس ولاكن تعقدت من داكشي اللي شفت ، وليت خايفة وكانوض مخلوعة وكل ليلة كيبات مع صابر ولا نضال واغلبية كيباتو بجوج مجمعين عند راسي حتى كيصبح الحال، كملت شهر وخرجت للفيلا وانا صماء و بكماء ، مكنهضر ما والو غير خايفة و العقدة اللي ولات عندي مابغاتش تفك، جلست فالفيلا 2 جور فبيتي تحت الرعاية الكاملة، فكل مرة كنشوف فنضال كنبقا مصدومة فالطريقة باش كيتعامل معايا وكنتفكر داكشي اللي دار ديك الليلة كنبدى نرجف قدامو ونعواج كيبقى كيشوف فيا مافاهمش علاش ،وكيميك ماكايبغيش يجبد الموضوع ديالي مع صابر . فكرت واحد العشية نخرج من بيتي نشم الهواء و كنتحرك بزز ، خرجت ودزت على بيت عهد ووعد وضحكت ، توحشتهوم ودخلت نشوفهم ومالقيتهمش ،قلت يمكن مع مروى فبيتها، تميت غادا عندها لبيتها وانا نلقاهم كيلعبو بوحدهم وهيا ما كايناش، قربت ليهم وهوا يبان ليا عهد كيلعب بالبيسي فالارض ، طيحو وكيخربق فيه ، وكلنا عارفينو بقشاش و كيبقا يحول عينيه فالحاجة و يخربق فيها ، جلست حداه وهيا تبان ليا بلاصت السيدي خارجة وفيها سيدي مكتوبة فيه مروى، هضرت غير بالعقل مع عهد باش يخليني نحيد ليه البيسي بلا مايبدى يصعر وداكشي نيت اللي درت حيدت ليه البيسي وهزيتو فوق الكوافوز ورجعت السيدي خشيتو ، حيت عهد بقا كيخربق تا خرج السيدي من بلاصتو . هزيت عهد عندي و ماعجبوش الحال بقا كيغوت بغا يلعب فالبيسي ومعكس لواحد الدراجة كيفقص بنادم ، رجعت هزيتو وشعلتو وبديت كنقلب ليه على لعبة يلعب فيها تا بانت ليا السيدية والسمية د مروى وقلت نشوف شنو فيها ، يالاه خدمت السيدي وهيا تبان ليا مروى هيا و باريش فحالة خلاتني كنترعد فبلاصتي وعيني كيشوفو داكشي مامتيقاش وكنكول مستحيييل هادشي اللي كنشوف ، وشنو كايدير السيدي فبيسي د نضال وهو ماشافوش؟ اه ماشافوش حيت كن شاف اللي شفت غايدبحها ومايتردد حتى تانية ، سمعت خطوات جايين جيهت البيت وانا نخرج السيدي بزربة خبيتو فصدري وانا كنترعد وهيا دخل مروى لقاتني جالسة حدا البيسي وشادة عهد فيدي عرفتها كانت جالسة معاهم وخرجات دغيا ورجعات حيت هزات البيسي كاطير حيداتو لعهد وقالت ليه د نضال غادي يضربنا ، بقيت كنشوف فيها كيفاش مخليا السيدي فالبيسي ديالو وكيفاش اصلا هاد السيدي دخل فيه وشكون دخلو ، بدات كتهضر عادي وانا كنشوف فيها كنحاول نفهم تا رجعات بحال الى تفكرات شي حاجة وحلات بلاصت السيدي كتشوف فيه وانا نقول ليها.. كلارا: مالكي؟ كاتقلبي على شي حاجة؟ مروى: (باستغراب) واحد السيدي كان هنا من شحال هادي كنت حطيتو ونسيت وحتى لدابا عاد تفكرتو؟ كنا مشطونين معاك فاش كنتي فالكلينيك ومشا ليا من بالي ماعقلتش كاع واش خرجتو وحطيتو فشي بلاصة ولا شنو؟ شفت فيها كتهضر ببروودة ماخايفاش من السيدي بحال الى كتهضر على سيدي ديال اغاني ، حاولت نعرف شوية كتر وانا نقول ليها.. كلارا: واش نضال مابقاش محتاج هاد البيسي؟ غير ناخدو.؟(حيت مايمكنش يكون كايستعملو وماشافش السيدي ، و مروى كاتقول ليا بللي كان فيه من شحال هادي، دونك من شحال هادي ماحرك نضال بيسي؟) مروى: ماعرفتش ، يمكن كايخدم بلاخر وهادا قليل فين كايحلو ، حيت اغلبية كنشوفو شاد البيسي لاخر. شوفيه الى مابغاهش يعطيه ليك، ولا سيفطي على واحد اخر جديد حسن. فهمت بلي نضال ماعارف والو عليه ويمكن من النهار تحط فيه السيدي ماهزو يخدم بيه. مروى: (كتساءل) اففف ماعرفت فين رجعت داك السيدي ؟ شفتها كتسول والفضول قاتلها وانا نقوليها كلارا: ديالاش هاد السيدي؟ مروى: ماعرفتش اشنو فيه ، لقاوه فبيت صوفيا و مكتوبة فيه سميتي وعطاوه ليا، اجي بعدا صوفيا شفتها غبرات؟؟؟ فين تكون مشات؟ سمعت اش قالت و سهيييت فتفكيري و تفكرت الليلة المشؤومة اللي ماتت فيها صوفيا وكانت باغا طيح البيبي لمروى وعرفت بللي هيا مولاتو وهي اللي مصوراهم، ولاكن اللي محيرني هوا ان مروى ماشافتوش وشحال هادي وهوا عندها ، كن شافتو كوراها دابا كتقلب بجنوون عليه ماشي ببرودة

بقيت كنشوف فيها وفبرودة دمها واحساسي تيجاها بدات كيتبدل من اللحضة اللي شفت فيها اللي شفت ، بفيت ندي ونجيب معاها فالهضرة، شكيت فيها واش عارفة شي حاجة عليه، باينة ماعارفة عليه والو، كن كانت عارفة غتبقى ساكتة نرعوبة خايفة تفضخ وماغاتحبدش ليا كاع سنيت السيدي وهادشي اللي قالت ... كلارا: ونتي شحال هادي وهوا عندك وماشفتيهش ؟!!! مايمكنش؟ مروى:(على نيتها) راه يلاه شديتو فيدي بغيت نعرف ديك بنت الحرام علاش كاتبة عليه مروى و حنا نسمعو باللي وقع ليك وسمحت فيه فالبيسي وجينا عندك كنجريو ومن تما وحنا مرونين معاك تلفنا مللي سمعنا بالجلطة اللي جاتك وكلنا تخلعنا عليك ، تمحى ليا كاع من بالي، بقا عقلي غير معاك تا لدابا تهدنات الامور و وليتي لاباس و شفت دابا البيسي عاد تفكرتو...اففف بغيت نعرف غير شنو مصورة ديك بت الحرام. كلارا: هههه عادي شغاتكون كاع مصورة ، ماعندها ماتصور!!!(كنحاول نطلعها) مروى: واييه زاعندها ماتصور، باينة غايكون غير لانيف ديالي داكشي علاش كاتبة فيه سميتي. كلارا: اه ...داكشي اللي كاين (نضت) يالاه نخليك (كنشوف فيها شوفة حقد) خرجت من عندها وانا قلبي كيضرني و كنت صابرة غير بزز باش مانبينش ليها بللي فدقيقة وليت كنكرهها من الاعماااق قلبي ، من اعمااااااااق الاعمااااق ، حيت كنشوف نضال كي كايعاملها وفالاخير طلعات خاينة ، وخانتو مع باريش وهيا فقمة السعادة وعريانة ملوية غير الفوطة ، كيتعانقو ويتباوسو وسط دارو وهوا داير فيها التقة التااااامة ، ماتستاهلش داكشي اللي كايدير عليها، صوفيا اللي كانت عايقة بيها ومشات ضحية ، نضال تعماو ليه العينين بالحب ديالو لمروى حتى ولا للي قاس شعرة منها كايقتلو ويعدبو. خديت السيدي ورجعت لبيتي خبيتو عندي فبلاصة مايقدر حتى واحد يوصل ليها وكل ليلة قبل مانعس كنجبد بيسي ديالي ونتفرج فالسيدي وكنبدى نبكي ، كنبكي حيت خت الراجل اللي كنبغي وما عندي ماندير ، ماكرهتش نفضحها ، ونشوفها كتموت بحال اللي ماتت صوفيا، ولاكن نانقدرش حيت غاتنوض العداوة بين نضال وصابر ، والعداوة الى ناضت راه يعني الحرب غاتنوض ونضال غيقتل مروى وصابر ماغايتقبلش هادشي وغايكرهني وعمرني نحلم نشوفو مرة اخرى .فكرت نسكت حتى نشوف شي حل ونفك نضال من مروى بلا مايشوف هوا السيدي ويتفارقو بلاتي هيا احسن بلا ماتنوض لا عداوة لا والو ونبقى انا نشوف صابر، ماعرفتش اشمن زهر عندي ، ختى ولا كيهتم بيا كتر من نهار وقع اللي وقع عاد خرج لينا هاد المشكيل ، حتى ولا عندي امل فيه واخا مزال كيحسبني ختو وتفكيت من جوليا وبقا عزا سيليباطير على حساب ما كايقول عاد خرجات لينا هاد الموصيبة، افففف فكرت تاعييت و مابقيتش كنخرج من بيتي والنعمة ما كادوزش ليا والفيديو ديال الخيانة مرضني ، فين ما دخل عندي مروى كضحك كنزيد نمرض، وفين ما نسولها واش كتبغي نضال كتقولي اه وعينيها كيلمعو ، هههه ممتلة من الطراز الرفيع ، قدرات تخدع نضال اللي عمر شي واحد ما قدر يضحك عليه ، وفالاخير جات هاد البراءة الكاذبة ضحكات عليه بسهولة . ااااه شحال صعيب تكون مخبي اسرار عندك وكل سر قدو قداش، وليت محتافضة ب 3 د الاسرار، سر بيني و بين نضال بللي كنبغي صابر وساكتة، وسر بيني وبين صابر اللي واعني عمر نضال يعرفني شفت اللي شفت وسر اللي زاااد مرضني واللي بيني و بين راسي هوا الخياااااانة الخاااانة د مروى لنضال ، وكن يشوف اشنو شفت يصفيها ليها فالبلاصة واخا تكون فعلا بريءة ، بكترت الحب اللي كايكنو ليها مع هادشي اللي فالفيديو غادي تموت موتة شنيييعة بلا رحمة. دازت الوقت وسافر نضال وجلسات هيا مرتاحة وكرشها كتكبؤ نعار على نهار وانا كنشوف فيها والنار شاعلة فقلبي وكنقول واش اصلا هاداكشي اللي فكرشها من نضال ولا لا

قهرني تفكيري وهضرتي ولات قليلة معاها ومع كلشي طول هاد الفترة اللي دوزنا من نهار سافر نضال حتى لليوم ، فقت الصباح عادي وخرجت مشيت طليت على صابر فبيتو لقيتو ناعس عريان ومضلم البيت، كنت كل نهار كيعجبني نفيق قبل منو ونمشي نحل الباب دبيتو بلا حس ونشوفو وهوا ناعس . بقيت كنشوف غير من الباب وهيا طيح عيني على الساعة لقيتها 2h ديال النهار ، ماكرهتش نفيقو كيما كنت شحال هادي ، ولاكن دابا مابقتيش كنتعامل معاه بحال ختو غير باش نبيين ليه بللي انا ماشي ختو كيما كان قالي كراميل ، قالي ماتعامليش معاه معاملة اخت وبللي كلشي عادي ، داكشي علاش مابقيتش كنهضر معاه مطلوقة ونضحك معاه و نقز عليه ، حيت هوا براسو كنحسسوو بللي انا فعلا ختو بهاد التصروفات ، دابا ولليت كنحتارمو وكلشي فحدود وحتى هوا ولا معجب من طريقتي فالتعامل معاه ، ولا كيدير معايا ضحك باسل كنحشم حتى كيبقا هوا غير كيشوف فيا وكنحسسو بللي انا وحدة غريبة عليه ماشي ختو اللي تقبل هاد الضحك .مهم خليتو ناعس وكملت طريقي بان ليا كراميل داخل عند مروى ومعاه البنات وميقت ماحملتهاش وقلبت الطريق ليبيتي سادة عليا تا سمعت حس الطونوبيلات داخلين الفيلا و البيبان كيتحلو ويتسدو ومشيت كنطير كنطل ، حيت البيت ديالي كيطل على الجردة والدخلة د الفيلا والبيت د نضال كيطل على لابيسين والبحر والجردة اللورانية، طليت هوا يبان ليا نازل من الطونوبيل ومعاه رجالو ، رجع من السفر عند الكدابة والمنافقة ديالو ، بقيت كنطل هوا يبان ليا كيهضر فالتيلي وكيزعف و يحيح غير بوحدو كي ديما، جاي بعجاجتو ، قطع الاتصال و تم داخل الفيلا وكيصوني فالتيلي والابتسامة كترتاسم على وجهو وداخل كيهضر ويضحك بالجهد ، عرفتو كيهضر مع مروى، والكيت فودنو وكايشوف فالتيلي بحال الى كايشوفها ، بقيت مراقباه تا مابقاش كايبان ، خرجت من بيتي وانا نشوفو داخل عندها و كيبتاسم ، ماكرهتش نوقفو ونقوليه راه هادي متسواش وراه خاينة من الدرجة اللولى وكضحك عليك ،ولاكن غايضربني تا نسى على سميتي اللهم نسكت ونخليه يضبر راسو ونشوف انا راسي مع صابر ديالي، حتى نشوف اشنو ندير فقضيتهم وكيفاش نتصرف بلا صداع بلا والو . رجعت باللور كنتحصر وانا وتساطح مع حبي خارج من البيت مضهشر بالنعاس لابس غير الشورط وكايشوف بنص عين فيا وكيدوز يدو على شعرو.. صابر: ااااااااااه (كيفوه) وافييين؟ كاين شي مانقضيو؟ كلارا: (بغيت نبوسك) صباح الخير!! صابر: (عينيه مسدودين ) كنت جاي عندك، فين غادا؟ كلارا: (😍 جاي عندي، يااااااي من النعاس نيشان عندي) اححم و..و.وعلاش بغيتيني؟ صابر: تحكي ليا ضهري ههه، قالي راسي سير عندها كمل النعاس تما كلارا: (وييلي شكايقول؟ واش من نيتو) سير كملو فبيتك، وزايدون مابقا نعاس دابا ...راه جوج هادي(ماكرهتش يكمل النعاس فبيتي ) صابر: اممم جوووج واخا، كاتجري عليا؟ كلا:(بدلت رأيي) اوك يالاه ههه صابر: (زاد وخلاني) بناقص ... مشا وخلاني واقفة ، مابقاش كيتفهم ليا !! تضرفاتو فشكل؟ مابقيت فاهمة فيه والو؟ عاد قاليا مات جاي عندي ، شنو زعما؟ يكون دايرها ضحك وصافي وانا تسقت راسي؟ اففف دوخني .تميت غادا كنتسركل فالفيلا شوية وهيا دير ليا طن فالراس💡 علاش اللي مانشيش نشوف مروى الغدارة كيفاش كتبحلس على نضال و نشوف علاقتهم مع بعضياتهم كي دايرة عن قرب، خصوصا من بعد ما شفت السيدي ولات معششة ليا فدماغي ، ولليت مقابلاها غير هيا وافعالها و تصرفاتها، شحال زوين تكون عارف السر ديال شي واحد اخر وهوا ماعرفكش عارفو ، كتبقا غير مراقبو فالصفيرة والكبيرة بلا ماتشعر كيدفعك الفضول ديالك تزيد تراقبو كتر .دارت ليا فراسي وانا نمشي كنتسلت للبيت اللي ملاسق مع بيت نضال وخرجت للبالكون ديالو ونقزت للبالكون دبيت نضال ومروى بلا ماندير الحس وبديت كنقرب شوية بشوية من الزاج ديال الباب نشووف مروى وطريقتها فالتعامل معاه وكيفاش كتخليه يبغيها ونشوفها نيت وهي كتكدب وتنافق فيه ونشوفو هوا حتى اينا درجة واصل فالحب ديالو ليها وشنو اللي مخليه يطيح فيها ويبغيها من دون البنات اللي عرف كاملين باش هاكا نقدر نتصرف ونكون عارفة عليهم كلشي . قربت من الزاج والريدو مخبيني و كنحاول نلقط السمع ونشوف اشمن تيجاه شادين ولاكن وااالو الصقييييل ماكاينش الحس ديال الهضرة ولا تحراكته نهاءيا .مللي ماسمعت والو زاد دخلني لفضول وطليت شوية بغيني وانا نتصدم فداكشي اللي شفت