حبيبي مافيوزي الجزء 28

حسيت بالجرة وانا نضور بانو ليا جوج كايخلعو شاديني و وحدين خرين كينقزو من الصور وكيتجمعو عليا وانا نطلق غوتة وحدة .. كلارا: نضاااااااااااااااااااااااال غوت تا تسمع الصدى ديال الغوتة فوسط دوك الديور المهجورين ، يالاه طلقتها وهوا يبان ليا نضال نقز من فوق واحد الصور جا واقف قدامي كيخزر فيا زدت عصبتو مللي شافني وضاير بيا شحال من واحد وعاد ما كايزيدو يبانو كل واحد منين كيخرج، كاملين عندهم بشرة سمراء يمكن من سكان هاد المنطقة ...بديت كنترعد وكنشوف فيهم يكون شي 12 لواحد، اللي زاد خلعني هوا نضال اللي واقف وسط 12 لواحد بوحدو وكايضورو بيه ناويين عليه وانا شادني واخد من يدي وكنبكي ونضال واقف ولا حركة كدغير كيضور بعينيه وجامع قبضة د يدو يالاه نقز واحد موراه بغا يضرب مور ضهرو وهوا يهز نضال رجلو بللور زواه لكرشو طيحو ماعاودش تحرك وهما ينوضو لخرين كل واحد منين كيضرب ونضال كيضرب عنا وهانا وكيتلوى فالسما و كيبؤد فغدايدو فيهم كاملين؛ حسيت براسي بحال الى كنتفرج فشي فيلم ميريكاني، بقا كيشلض فيهم ويهرس فيهم ها للي هرسلو يدو هالي عوج لو عنقو وللي تكرض من رجلو ، كلشي وقع بلمح البصر وبسرعة فاءقة ، بقيت واقفة كنتفرج وقلبي غايسكت تا جرني هاداك اللي شادني بغا يديني وانا نحس بيه تشنق وكيتخنق ، ضرت وانا نشوف صابر وقاف ، فكني ونقز حدا نضال كيضرب معاه وفنفس الوقت كيهضرو بيناتهم ، كيسلهو فلخرين وكيتناقشو بغضب نضال: فين ديتيها؟ (كيضرب ) صابر: (هرس واحد من عنقو) غاتقتلها الى وريتها ليك. نضال: (ضرب واحد بركلة لوجهو) ماغانقيسهاش ... (بغضب) فين ديييتيييهاااا (ضرب واحد كان غايضرب صابر من مور ضهرو) صابر: ( كيضرب) حتى تقول ليا... (هرس واحد كان جاي جيهتي) علاش ناوي... (كيضرب ) شنو اللي خلاك ماقستيهاش تا لدابا؟.... كنتي عارف؟ نضال: (نقز وضرب واحد لصدرو) عارف شي حوايج ...ماعارفهمش نتا صابر: شنو هما؟ (كيضرب) نضال: فالاوتيل نوريهم ليك (ضرب واحد بدماغ)فين مروى؟ صابر: ماتقتلهاش الى قلت ليك؟ نضال: لا صابر: (كيضرب) كلمة دالرجال نضال: كلمة د نضال (وقف، سالات المبارات) وقفو كيشوفو فيعضياتهم وبنادم منشور حداهم شي كيتوجع وشي ماكيتحركش كاع وهما كيلهتو وانا واقفة مصدومة ، فضاو معاهم كاملين بقيت مسمرة وهوا يرد ليا نضال البال نضال: (بغضب) ينعل ديلمك يا الكلبة (طلع معايا بتسرفيقة تا تخلطو عليا الفكاك ، ماعرفت العلوي من السفلي) صابر: قلت ليك على حسابي انضال، انا غنتفاهم معاها نضال: (بغا غير منين يدوز ليا)كن عرفتك غتفاهم معاها كاع ماغنحط فيها يدي، (بغضب) باش غاتفاهم معاها باش؟ البوسان؟(شاف فيا) تخباي لطالستك ... مزااال غنوري جدك. بقيت مكمشة مور صابر وساكتة وهوا كيسب وانا شادة حنكي عواج ليا وصابر مخبيني موراه ، زاد قدامنا معصب وكيحيح تاطلع فالطوموبيل وزاد خلا العجاج موراه ، ضار عندي صابر وانا نشوف حنو زرق خلعني صابر: (هزني) زيدي دابا من بعد نتفاهمو كلارا:ناري عينك صابر: سكتي دابا ...(خشاني فالطوموبيل ) ديمارا وردني للكلينيك ، يالاه نزلت لقيت نضال جمع ببونية مع واحد من رجالو اللي لبرا وسرفق واحد اخر ، خلطهم كاملين وكيحيح علاش ماردوش ليا البال ملي خرجت ، هزني صابر ودخلني للكلينيك وتم غادي بيا للشوملر اللي كنت فيها وانا نسمع صوت نضال فالكلينيك كيعربط ويسب فكلشي حيت مارضوش ليا البال ، كنسمع غير الاعتدارات من الاشخاص اللي فالكلينيك وهوا حييح عليهم تا جاو عندي كايجريو ركبو ليا السيروم و و كيقلبوني، وهوا يدخل عندي للشومبر... نضال:(حمر فيا) تزعزعي من هنا نححيي جدك...سمعتي بقيت مكمشة كنحرك غير راسي وخرج هوا كيحيح فالكلينيك و رجالو واقفين ليا فالباب . صابر: بقاي هنا ، من بعد نرجع عندك اوك. كلارا: فين غادي؟ صابر: عندي شي هضرة مع نضال وغانرجع كلارا: غادابزو عاوتاني 😣 شوف عينك كي ولات صابر: ماغاندابزوش ...صافي سكتي تسنتي لعضامك تا نرجعو. خرجو وخلاوني مكسلة كنخمم ونطلب الله ما يتقاتلوش عاوتاني

من بعد ما خرجو من الكلينيك وكل واحد فيهم طلع فطوموبيلتو فاتجاه الاوطيل .. دخلو من باب اللور ديال الاوتيل باش مايتيروش انتباه الناس بالحالة اللي هما فيا عريانين من السدر و راجعين من الحرب . دخلو لسانسور خاص بيهم للطبقة ديالهم و حد مكيهدر مع لاخور غير كيسوطو تا وصلو، تحل الباب دلاسانسور و هو يبان ليهم كراميل كيتسنا يهبط شافهم فديك الحالة تقلبو عينيه الفوق بدا يتمتم تسرط ليه لسان و هو يطيح ، شبر نضال بصبعو لرجال للي تما جاو يتكلفو بيه و مشاو ديريكت البيرو سدو الباب و حمر نضال فاليكاردكور عينه زعما حد ميبرزطهم .. دخلو كلس صابر و جبد نضال بيسي ركبو مع داطاشو و طلق شاشة و خدم الفيديو ... بقا نضال واقف شعل كارو وعمر واحد الكاس وبدا يشرب كيتسنا الفيدو يسالي وكيشوف فصابر واش كايلاحض شي حاجة ولا والو تا سالا الفيديو نضال:(كيفما توقعت هه) ماقشعتي تا وزة؟ صابر: ؟؟؟ نضال : (كيعبر بيديه فيها الكاس) متأكد فاش شفتي الفيديو مبان لك فيه والو ؟ صابر : داكشي اللي كاين اللي شفت .. شغانشوف ؟؟ نضال : واخا انا غانوريك داكشي اللي شفتي و مشفتيهش .. غير ركز معايا مزيان و من الاحسن تحل ديك العين اللي باقي صحيحة .. عاود الفيديو من الاول خدمو شويا و هوا يحبس .. نضال : هنا بالضبط فاش حبست تحرك فيه هاداك اللي كيصور .. بمعنى ان اللي كيصور مقابل مع مروى و كيصورها عن قصد و كان باغي يصورها و عارفها اش كدير و جودة الكاميرا باينا .. غالبا تيليفون .. صابر : كيفاش ؟!؟!؟!؟!؟؟؟!!!!!' نضال : متقاطعنيش خليني تال الاخير و غاتفهم كلشي .. عاود خدم الفيديو تال واحد اللقطة و حبسها و كيتسنا صابر ينطق ولكن كيتساءل بعينيه !! مفهم والو تاني .. نضال : فهاد اللقطة الا ملاحضتيش كاين واحد ديكالاج .. بمعنى لقطة ممكمولاش او مقطوعة او تحدفات يعني كاين مونطاااج .. صابر : (مخرج عينيه و كيتعجب ) عاود نشوف 😳😳 رجع اللقطة و تمعن فيها صابر مزيان و لقا هضرتو منطقية و معقولة .. جبد نضال من بيسي ديالو واحد اللوجيسيال وحل واحد لاباج وحط فيها العنوان د الفيديو(رقم الفيدو) و خرجات ليه Adresse IP ديال بيسي مناش تقاد الفيديو نهار الاول .. خرجو و طلب منهم سمية و لقا باللي البيسي سميتو Sophia Anastasia .. صابر : (كيشوف ف نضال تيخربق فالبيسي كيدخل فليباج و يخرج تال الاخير و هي تبان ليا سميت صوفيا فالشاشة و خرجو عيني بدات تطلع معايا الفهامة ) 😳 نضال : الا بانت لك هاد الفيديو تصاوب ف بيسي د صوفيا و انا هادشي فاش شكيت تماما هكاك علاش سيفط رجال الفيلا يقلبو على البيسي .. ولكن الخداماات قالو باللي مهرس و جمعوه حطوه ف لاكاب و طلبت منهم يحضرو ليا غير La carte mère (حل المجر جبدها ) ..هادشي ديجا درتو مي كنعاودو معاك من اللول عالله تقفل شي لعبة فيه جبد واحد لاماشين حط فيها ديك لاكاخط و دار ريسطوري لجميع الملفات الممسوحة و بدا كيقلب حتى طاح فالفيديو الاصلي .. خدمو و بداو يتفرجو حتى وصلات واحد اللقطة قالت فيها مروى نضال تماك توضحات الصورة ل صابر .. نضال : هادي هي اللقطة اللي محيدة و كانت ملعوبة فالفيديو .. نضال: معليناش .. من بين الحوايج اللي طلبت يجيبو ليا من الفيلا هي جميع تسجيلات د كاميرات المراقبة ديال SPA ..اللي فالباب ديال الدخلة، حل ودنيك مزيااان وتمزك ليا لواحد الصويت غاتسمعو خدم التسجيل و بداو كيتفرجو و بانو ليهم اللي خدامات فالسبا خرجو و فديك اللحظة صوفيا دخلات كتباوس هي و باريش باش ميتيروش الانتباه و شكوك .. دخلو و من بعد خرجو بنفس طريقة نضال: ماسمعتي والو؟ صابر : لا! بانو ليا سوفيا وباريش هارجين عادي زعما كيتباوسو بحال الى ماطرا والو نضال : ولكن الا جينا نحاولو نوضحو صوت غانسمعو صوفيا كتقوليه كنتي غاتفضحنا .. باش تفهم كثر غنخدمو تسجيل. خدم نضال تسجيل الصوت و دوز اللقطات تال ديك اللقطة و دار توضيح للصوت اللي فالفيديو و سمعوه.. نضال: سمعتي دابا..قبل ما يهرجو من الباب راه سبقهوم الصوت ، و ملاحظة اخرى المدة اللي بقات صوفيا و باريش فالسبا لداخل هي نفس المدة ديال الفيديو .. و هدشي كامل كان مدروس مزيان ولكن بطبيعة الحال لو داروه مع شخص اخر كان غيتيق و نزيدك حاجة اخرى احبيبي باريش راه معزز مكرم عندي باقي واحد التويشية خاصو يشرحها ليا .. ويخلص حسابو معايا 😉( هز الكاس شربو كامل و حطو و تم غادي جيهت الباب و هو يضور عند صابر ) بلا ماتخليني نقلب مروى ، غنجبدهانجبدها سي ميو. نرجع نلقاها فبيتها اوك

خرج نضال من البيرو خلا صابر كيستوعب داكشي اللي شاف ،تم غادي جيهت بيتو وهوا يتلاقا عهد كيضور والمربية تابعاه ، غير شافو عهد عريان لابس غير سروال و فيه الدم غوت تا بانو ليه الحلاقم (تخلع) وضربها بجرية جيهت المربية كيفرطط ويبكي ونضال كيضحك عليه ، قلب الضورة وخلاه كيبكي والمربية مخلوعة تاهيا ، مشا لبيتو دخل نيشان للدوش دوش وخرج نيطوايا الجرح اللي كان مخيط فيدو ودار ليه فاصمة ولبس حوايج سبور سروال اسود وتيشورط كري فيها الابيض وخرج من البيت عادي فاتجاه البيت ديال التوينز، دخل لقا عهد و وعد ساكتين كيتفرجو فالرسوم مخشعيين ، مشا مور عهد وهزو بلا مايشوفو وقلبو عندو ، بقا عهد كيشوووف فيه حيت اخر لحضة شافو فشكل ودابا شافو فشكل اخر نضال: ههههه نتا ماشي راجل وخوااف (باسو فحنكو) عهد: الصمت 😮(كيشوف ويتأكد واش هوا باباه ولا لا ) نضال: شكون انا ههه عهد: (عاد تأكد) 😄 هههه ددال(نضال) نضال: ههههه مابقيتش بابيتو ؟وليت نضال! وعد: بيتو..ثووف! (كاتوريه الرسوم) نضال: (هزها عندو) قوليا نتي...شكون انا؟ وعد: بيثو😄(عنقاتو)...ونتا قولي شكون انا؟ عهد: ددال 😄 نضال: هههه لا صافي مابقيتيش صاحبي ...وليتي تعيط ليا بسميتي يالبعلوك! تقادو الكتاف امم؟ ههه (شاف فوعد) كيضربك) وعد: اه😯 نضال: (شاف ف عهد) راه غنسلخك الى عاودتي ضربتيها...يالاه بوسها عهد: (بغا يبكي)😟 نضال: الابطال ماكيبكيوش ...ياك نتا بطل ؟ عهد: (جمع البكية ) اه نضال: يالاه بوسها باسها وهيا تعنقو كاع ، البنت درويشة وعزيز عليها خوها واخا كيتريني فيها نضال: تواعدني ماتبقاش ضربها، الى عادوتي تعديتي عليها نتعدى عليك ..اوك (حرك راسو) يالاه بيزو (عطاهم حنكو وباسوه) ههه شكون انا؟ وعد: بيثو😄 عهد: ددال (نضال) نضال: هههه(حطهوم) وخرج كيضحك على عهد اللي نكرو ولا يعيط ليه نضال نيشان و مشا لبيت كراميل دخل عليه على غفلة لقاه مكمش ومخلوع غير بوحدو، يالاه دخل عندو مغوبش وهوا ينقز كراميل كايطير هرب للدوش وسد عليه ومشا نضال وقف فالباب ديال الدوش كيهضر نضال: سمع...مللي نتا كيعجبك الدوش وعندك مع الجنون ...تخرج من تما بلا مانقوليك خرج غادي تلقى الموت كتسناك، غاتاكل تما وتشرب تما ومانشوفش راسك كيطل برا الدوش . كراميل: 😱😱😱 اويييلي وحدي غانبقا هنا ونبات هنا؟؟؟!!!! نضاااال ...نضووولتي 😭😭😭😭 اهىءاهىءاهىء 😭😭😭😭😭لااااا ماتخلينييييش هناااااا ااااههههىءاهىءاهىء 😭😭😭😭غادي نمووووووت نضال: تما تبقى تا رجع مروى (زاد وخلاه كيغوت ويبكي) كراميل: واااااااععو اهىءاهىءاهىء 😭😭😭😭😱😱😱😭😭😭😭😭 مانقدرش نبقا هنا ، صابر اللي داها و فاش تلفات ليا كنت غنخماااق ...ودابا راني حماااقيت نضال: (غادي وكيهضر) نزيد نسمع كلمة اخرى نقطع عليك ضوء كراميل: 😱😱😱😱😨😨😨😨💔 (قطع الحس) خرج نضال وخلاه قاطع الحس ونزل خرج من الاوتيل ، ركب فالفيراري وزاد، فديك اللحضة كان صابر نازل كايجري تا هوا دوش ولبس حوايجو سبور وكاسكيطة ، شاف نضال فلع وهوا يتبعو، بقا غادي موراه تا بعدو على المدينة وحبس ورجالو معنرين الدنيا تما كانو كيتسناوه ،نزل وخلا الطوموبيل بعيدة وهبط مع الدروج و سمع.. صابر: نضااال(تابعو) نضال سمعو ووقف كيشوف جنب كيتسناه يبان قدامو .وهوا مقلق منو وعارفو علاش تبعو

وقف صابر قدام نضال ... صابر: صافي دابا بلا ماتبقا منفخ كي المرى، مروى راه فالحفض والصون وغاترجع نضال: سير تقود ... (زاد وخلاه تابعو) صابر: هههه عرفت ليك نقطة ضعفك الساط، نااري مروى ومادارت فيك، (كيتشراشق معاه) وا طلق البشرة دابا راه غانجيبها حتا لعندك نضال: هه (استهزاء) بلااش..انا اللي غنمشي عندها صابر:! عارفها فين كاينة بعدا؟ نضال: ههه...(وقف) واش نتا دختي ولا مالك ؟ قلت لييك مروى ماغاتلفش ليا واخا تغبرها فينما غبرتيها غنلقاها صابر: لا بزاااااف وابزاااااف ، تقاداو ليا انا نضال: (دفعو) ماعطاوكش العشيير ههه طرتي تا عيتي وديتيها للمغرب باش مانلقاهاش بففف غيب..غيب دابا وغييرها من هنا صابر: الاأح...داكشي كيخصني تا انا ...اجي بعدا، السيدي هرستو ...كيدرتي تا لقيتيه نضال: ههههه (غادين كيهضرو) مفررك مع راسك واحق الرب، داك السيدي غير كولو، الفيديو جبدتو من بيسي طوشيبا هه ، حليتو لعهد يلعب فيه وديزانسطالا شي العاب وبغيت نرجعوهم ليه ...ماكان فيا اللي ي انسطالي ليه الالعاب ، داكشي علاش بان ليا الفيديو وسط الالعاب اللي تمسحو ، سيمانا هادي باش عرفتو ...نتا عاد وصل ليك طززز صابر: وا هضر ديك الساعة ، نتا ضارب الطم وماعارفينك علاياش ناوي نضال: صافي دابا ، تقااود (دفعو) صابر: هههه (كيضرب البوكس فكتف نضال وكيضحك على المدابزة ديالهم، وهوا يعكلو نضال تا كان غايطيح وشدو من يدو) نضال: هههههه صابر: هههههههه ناض وقف وتمو غادين كيضحكو بالضرب مرة مرة تا دخلو لواحد ديبو وبقاو الرجال على برا ، تمو داخلين والديبو عامر بالرجال وعما يبان ليهم باريش واقف مسفح رابطينو بالسناسل وامل الدق مزيان وسخفان من العصى اللي كلا من الرجال اللي شادينو، غير وقف نضال قدامو بلا اشارة بلا والو هزو رجالو سطل ديال الماء طايب فيقوه بيه، ناض مصلوق، شاف نضال وقف قدامو بدا يخرج فعينيه مافهم تاحاجة... باريش : (كيتنفس بصعووبة) أأأ .. أأش كن نن ن ندير هنا ؟؟ و و و و و عع (مزال كاعما كملها و هو يخوي عليه واحد من رجال واحد سطل طااااايب على جسمو كامل تا بدات كتبان الجلدة ديالو كتنفخ ) .. شير نضال لرجالو باش ميزيدو يديرو ليه والو حتى يعاود يعطيهم إشارة .. نضال : (شوفة بجنب ) انت ضيف عندي للمرة الثانية غير هاد المرة فالبلاصة اللي تجي معاك .. باريش : (ماقادرش يهدر و عينيه خرجو من بلاصتهم عارف شكايتسناه ) ع ع ع علااا ... ش ك ك ك دير لي ييا ه...ك .. (سخف بلهضرة و لاح راسو ) .. نضال : (شير لواحد رجالو و قاليه يجيب كاس دالماء ) رتاح ليا مع راسك...حيت ماغانعاودش نعاك الهضرة باريش بدات كدخل معاه هضرت نضال و كيقول مع راسو باريش: (راه يمكن مروى قالت ليه على نهار كنا غانخرجو انا و جوليا و غمزت ليها و قلت ليها باقي غانتشاوفو ... ) باريش مافراسوش باللي صوفيا صوراتو هكاك علاش ماطاحش ليه الفيديو فبالو .. نضال شير لرجالو يشربوه باش يعرف يهضر معاه .. اما صابر ماحاولش يتدخل عارف داكشي اللي غايدير نضال كافي و زيادة .. نضال : كيفاش لعبتك؟ هه ... ضايفتك عندي فداري وغدرتي بيا؟ ... بانت ليك مرتي فالبلان وبغيتي تلعب بزنطيطك وقلتي احس بلاصة هيا spa فين كاين الهدوء والاستجمام و تستمتع ليا مع راسك (حادر عينيه الارض كيلعب بلكونطاكط د طونوبيل) .. غير جبد نضال سيرة مروى و SPA باريش كب الماء اللي ف فمو و تبع ليه لما من تحتو و مع زبط كلشي بدا يتشرشر .. كان حمر ولا صفر بالخلعة .. الخرية اللي بقات ليه اطلقها .. باريش : (صوفيا مابانتش و مروى ماعاقلاش منين غيكون عرف اللهم نكر و نسلك راسي ) لا ل ل لا (تيحاول اسرح الهدرة ) امممك كك ن .. ف ف ههمتي .. ا ل لل م م وضو. ععع غلط .. نضال دار ضحكة جانبية و هو يغمز لواحد من رجالو .. فرمشة عين مالاحظ تاواحد تا طلق باريش واحد الغوتة لربي اللي خلقو .. (قطع ليه صبعانو دواحد اليد و فالبلاصة ضربو ليه واحد الايبرة باش ميسخفش ) .. صابر تصدم خرج عينيه و نضال بدا كيشوفيه كيتسناه يسالي الغوات ومبررد حيت الانتقام كيكالميه ماكيبقاش معصب ، كيستمتع بعداب العدو و كيطلع ليه المورال .. نضال : عاود ليا و متحاولش تنسى حتى حاجة .. باريش : (لسانو ثقيل عليه مقدرش بنطق ) عطاه واحد من رجال يشرب شويا باش يتوكض و رشو بماء عادي باش يفيق .. باريش : (كيلهت ) .. صوفيا سبب هي اللي دارت هدشي كامل انا مفخباري والو .. مزال مكملش هدرتو حتى طارو ليه صبعان داليد الاخرى هنا بدا كيدخل معاه المعقول ولكن ليبرة لي ضربو ليه مكتخليهش اسخف .. عرف القضية حامضة و بدا تيحرك راسو زعما غايعاود ليهم كلشي

رشوه بالماء تاني باش يتوكض و شربوه جغيمة و هو يبدا ينطق كلمة بكلمة عاود ليهم كلشي كيفاش تخطط و باللي هو مفخباروش اللعبة اللي لعبات صوفيا دالفيديو .. هدر ليهم على تخطيط اللي دارو و على المسرحية انهم مصاحبين و الحبة المهلوسةو توقيت بالضبط فاش قررو يدخلو ل SPA بقا كيلهت حتى سالا الهدرة كاملا .. و نضال تيسمع ليه هو و صابر .. فاش سالا هدرتو صابر بقات فيه ختو جاتو نفس مشا بغا يسلخو شدو نضال نضال: دقة اللي غاتعطيه كاعما غايحس بيها قدام العداب اللي عايش فيه هوا دابا ..(شاف فباريش) المهم نتا قستي ليا حاجتي و حتى انا غانخلي ليك الضياف للي يقيسو حاجتك .. ( غمر لرجالو و جر صابر و خرج ) غير خرج نضال و هما يقطعو ليه لسانو باش ميبقاش يغوت و ودنيه حتى هما باش يتعدب مزيان قبل مايموت و هما يهزو واحد المادة كتجبد الفيران فينما كانو و البخاخش السامين ، عبارة عن غبرة و خواوها ليه فوق القضيب ديالو و المأخرة و خلاوه منشور تيقطر بالدم و بقاو مقابلينو غير الرجال حاضينو والفيران كاياكلو ليه الاعضاء ديالو وهوا حي كيشوف ، استعملو الموت البطيء باش يتعدب مزيان. خرج صابر ونضال كايهضرو عادي بحال الى ماطرا والو، رجعو للاوتيل و وفالطريق وصل مسج للتيلي د نضال بللي باريش مات ، طلعو للطابق الخاص بيهم وقفو صابر: شنو دابا؟ غاتمشي عند مروى؟ نضال: وي صابر: بلا ماتأديها ...عارفها غلطات وماسمعاتش الهضرة ولاكن ... نضال: راه معاقبة بلا مانزيد ليها، اسوء عقاب هوا يطفاو ليك عينيك، سلوكااات وصافي...كنفكر هادشي كنمرض اففف صابر: سلاك ، مهم تولد بعدا و يكون خير ، نديرو ليها عملية لعينيها و نتمناو من الله يرجع ليها الشوف ... تعدبات بزاااف نضال: (حرك راسو) يالاه ...تهلا و رد البال للتوينز صابر: ههه بلا ماتوصي ، غانرجع لكلينيك نشوف كلارا. نضال: اوك ... (غادي وكيهضر) وا زيير . .زيير السمطة شوية تفارقو وكل واحد فين شدها وتم نضال غادي لبيتو وهداز على الشومبر د كراميل ودخل نضال: (بغضب) كرم... كراميل: ههيهيهيهاا؟ نضال: (واقف حدا الباب ديال الدوش) تبعني...غانمشيو للمغرب توسويت(تم خارج) مراميل: (فرح ) هههه...ههههههه (كيضحك كي لحمق بالفرحة من بعد ما ولا حتلتو حتلة بالبكا والدوخة ، دخل تحت الرشاشة مضهشر بالخلعة وكيدوش باش يحد الدوخة

مروى من بعد الخلعة اللي طارت مني وكان قلبي غيست فقدت الوعي وماستوعبت حتى لقيت راسي ناعسة على ضهري وتحت راسي مخدة ، بديت كنتفتف بيدي فجنابي لقيت راسي ناعسة فوق ناموسية وصوت الطيارة فودنيا ،حيت براسي راكبة فطيارة وبديت كنغوت تا قاستني يد و صوت بنت كطمأني ، سولتها فين انا وفين غادين وكنبكي وهي تقول ليا حنا غاديين للمغرب مافهمت والو وماعرفتش اشنو واقع وهي تقولي البنت: راه مسيو صابر اللي سيفطم للمغرب# او وصانا عليك واستأجر طاءرة خاصة باش تمشي فيها وخنا دابا نابقا لينا زالو ونوصلو مروى: شحال باقي؟ شحال وانا غايبة و فاقدة الوعي؟ البنت : مدة ونتي غايبا وكتهلوسي ودابا حنا بقات لينا نصف ساعة ونوصلو...احمم..مسيو صابر خلا ليا رسالة وصاني مللي تفيقي نقراها عليك مروى:(كنبكي ) قراي...قراي نشوف اشتو بغا مني ، خرجو ليا عليا حياتي وهلكوني وبعدوني على ولادي ، وحووش كاملين لا هوا لا نضال ، بغيت كراميل، فيين كراميييييل 😭😭😭😭كرااامييييل أهىء أهىءأهىء ... البنت: انا المساعدة ديالك الجديدة ، ماعرفتكش علامن كتعيطي ، حاولي ماتعدبيش راسك ... (مدات ليا شي حاحة فمي) حلي فمك ..هادي حبة مهدءة باش ترخاي ، وانا وجدت ليك شربة تشربيها مروى: مابغييت والووو..اهىءاهىءاهىء مابغيت نامل مابغيت نشرب، بغيت ولاادي صاافي 😢... (كنغوت) وااااااااااعد 😭😭😭عااااااهد آه اهىءاهىء البنت: عافاك تكلماي بليييز ، راه عندك ولد اخر فكرشك ، راعي ليه شوية وعطيه ياكل ، شوفي مرشك شحال صغيرة بحال الى ماحملاش بكترت الاهمال اللي هاملاه ..راه حتى هوا كيحس ، غطيه ياكل مسكين ، غايموت ليك فكرشك وهوا ماعندو تا دنب ، كيتعدب معاك وهوا ماشي قد هاد العداب بقيت كنبكي وهيا حلات ليا فمي وعطاتني لحبة والماء ، شريتها وبميت تا ضرني قلبي وراسي تزير وهيا تشربني الشربة ...ماعندهاش منين دوز ، حلقي مقجوج ولاكن شربتها كاملة على قبل البيبي، تبعت ليها سلاد فروي وعصير الليمون ، كليت بسيف عليا وكنسؤط وكنبكي ، بقيت جالسة متكية راسي حتى حسيت بيه كيتحرك فكرشي ، غير حسيت بيه بديت كنبكي عاوتاتي ، ولاكن هاد المرة كنبكي عليه...بقا فيا مسكين ، ما كنتش كنحس بيه كيحرك، كان سخفان ؛ حتى كليت عاد تحرك وبدا كيتقلب فكرشي ويفركل ، بقيت متبعا حركاتو وكنبكي تا حسيت بالطيارة نازلة ، وصلنا وشدات ليا المساعدة فيدي وكنتمشى ا بديت كنزل فدوج الطيارة، ضرباتني ريحت البلاد لنيفي و بقيت واقفة نستنشق هواءها وكنبتاسم ، حسيت بواحد الرااااحة مللي سميت ريحتها وكنسمع نتس كيهضرو الدارجة ، شحااااال ماسمعتها ،بدا قلبي كيفرف وخفاف وجعي شوية، احسن حاجة دار صابر هيا رجعني لبلادي ، البلاد اللي كبرت فيها ومشيت وبنيت فيها شخصيتي واخا شخصيتي ضعيفة ولاكن احساسي قوي ، حسيت ببلادي كضمني ليها ...هبطو ليا الدموع مع الفرحة مع الوجع اللي جامعة فقلبي ، تخلط عليا كلشي ...دخلاتني المربية للطوموبي كانت واقفة حدا الطيارة وركبت ومشينا ، وصلنا ونزلاتني كنتفتف برجلية وانا نحس بشي واحد عنقني ، من الريحة عرفتها مرى كبيرة وبدات كتبكي ومعنقاني الميمة: على سلامتك ابنتي الحبية ، الله الله على بنتي ....الله الله اش دارو فيك..اااهىءاهىءاهىء...تكرفسو عليك ورجعوك ليا عمياء (تفركعت بالبكا والشهيق وهيا معنقاني ومزيرة عليا وكدوح بيا وكلامها كيزيد يبكيني) الله يابنتي الحبيبة ماخلاوكش تهناي فحياتك..عدبوك وعدبوني معاك ...تسنيتك تجيني صحيحة فصيحة ...رزاوك وشواو ليا كبدتي الله ياخد فيهم لحق ، دعيتهم لله ياخد فيهم الحق 😭😭😭 بقات كتبكي وتبوسليا فيدي وراسي وتعنقني وتهضر وانا كنشكي عليها ونبكي عليها ومعنقاها تا بغيت نسخف وهيا تشد ليا فيديا وداخلة بيا كنبكي انا وياها والمساعدة تا هيا كنسمعها كتبكي واخا مافاهمة والو حيت كاورية، شافتنا كنتباكاو وبكات معانا تا هيا ، دخلت وماعارفاش فين انا حتا جلسات الميمة وجلساتني حداها وحطات راسي على صدرها وكدوز يديها على ضهري وانا كنبكي وهيا كتر كنحس بصدرها كيترعد بالبكى .. مروى: اااهىءاهىءاهىء...ضحكو عليا و تكرفسو عليا وقهروني😢😢😢 وكاع المصاءب دازت عليا، كندفع تمن شي حاجة انا مادايراهاش 😢😢😢 هما كيفلكو وانا كنخلص اعىءاهىءاهىء...خرجوني من بلاظي وبعدوني على ولادي وعدبوني اعىءاهىءاهىء 😭😭😭 حتى واحد ماحن فيا ...حتى واحد ماتاق بيا ..تكرفست فحياتي 😭😭😭من نهار تزاديت فهاد الدنيا وانا معدبة ، كنضحك نهار ونهجرو شهر 😭 الميمة:(معنقاني) دعيتهم لله كاااملين ...كاع اللي عدب ليا بنتي و قهرها بغيتو عمرو يربح ، حسبي الله ونعم الوكيل فيهم ...اهىءاهىء 😭 بقيت ناعسة عندها وكنشهق ونعاود ليها تا فشيت قلبي ورتاحيت شويا ووكلاتني وطلعاتني للبيت دخلاتني للدوش وحيدات ليا حوايجي ودوشات ليا بيديها وغسلات ليا شعري ، هي كدوش ليا وانا كنبكي ، دوزات يدها على كرشي وانا نسمعها كتبكي وقاطعة الحس باش ماتبينش ليا تا سالات ليا ولبساتني بيجامة رطبة قصيرة وحطاتني فوق الناموسية ونعسات حدايا وحطات راسي على حجرها كدوز يدها على شعري وانا كنعود ليها ...عودت ليها كلشي وهي تسولني الميمة: ماكانش عليكتخليه يقيسك ونتي مطلقة منو سمعتها وانا نشرح ليها بللي ماطلقنيش وعاودت ليها على الفيديو للي شفت وكيفاش تعميت وشنو داز عليا تا نعست

فقت الصباح حسيت بيدها على وجهي وكتبوس ليا يدي وانا سمع صوت عرفتو ديالمن ...مع حليت عيني وهيا تعنقني ختي رانيا وبدات كتبكي وزدت كملت الباقي معاها وبكيت تا شبعت وجلست كنهضر وماعرفاش فين انا . مروى: فين انا؟ 😢 شكون معانا الميمة: نتي فمراكش فالفيلا اللي دارت فيها رانيا العرس ومامعانا تا واحد ، من غير رانيا والمساعدة ديالك و الخدمات لتحت، ماتخافشي الحبيبة من هنا الفوق ماعمرني نهلي شي حد يأديك ماحدي حية ، ماتخافيش انا معاك ...كنت عارفاك غادوقي المرار مع نضال ولكن صافي يكون كيما بغا يكون مايقربش ليك ومايحطش يدو عليك و ماعارفكش فين نتي وولادك مزال غانجيبهم ليك وغنفديك بروحي رانيا: توحشتك 😭😭 بزاااف امروى بزاااااف (عنقاتني) غاتبقاي معانا وماعمر شي واحد يقرب جيهتك ، حنا عاءلتك وغانحميوك كاملين وما يقدر لا نضال لا صابر لا حتى واحد يقيس شعرة منك ...نتي دابا فبلادك ف ارض الوطن وما بقيتيش غترجعي لداك الجحيم اللي كنتي فيه الميمة: كاع اللي قلبو صافي ونقي و نية كيتكرفس ، نتي قلبك صافي ومخبيتش داكشي علاش بقاوك قنطرة ساهلة و دازو عليك، والخبت اللي فقلوبهم ماخلاهمش يفهمو ان قلبك صافي ونقي ، حسبوك هبيلة وماعرفوش بللي الطيبة ديالك هي نقاء الروح ماشي غباء . صافي نساي اللي فات وانا غير يوصل عندي صابر غنتفاهم معاه، عالله غير مايجيش نضال ، مافيا اللي تجاحد معاه ، ولاكن ماغاديش نخليه يديك ولا يأديك ماحدي فالحياة جلسنا كنتجمعو وكنسمع صوت ولد صغير كيلعب عرفتو ولد رانيا ... رانيا: هادا ولدي وسيم هههه وسيم بحالي هههههه...شنو عندك نتي؟ مروى: عندي ولد حتا انا الميمة:تبارك الله عشت وشفت ولاد حفادي (عنقاتنا) جلسنا كنتجمعو وكنعاود ليهم ويعاودو ليا وفطرنا مجموعين وتعدينا مجموعين، حسيت براسي شوية وفاجيت على قلبي ورتاحيت تا ضلام الحال تكون ديك 8h دالعشي وانا نسمع صوت الطوموبيلات داخلين للفيلا ، من الصوت حسيت بشي حاجة ماشي هيا هاديك صوت طوموبيل مجهد بحال طونوبيلت نضال بقيت جالسة وسط الفيلا لتحت والباب ديالها محلوا وكنسمع الميمة كتهضر مع رانيا بعاد عليا شوية وانا قلبي كيزدح... الميمة: هييييييه 😱الله اكبر ..هاهوا جا...الله يخرج العقيبة على خير رانيا: ماتقصحيش معاه ماخصنا صداع ، هضرو غير بلاتي هي احسن ، بان ليا ساخط عالوضعية الميمة: صافي سكتي ... خليني مني ليه ، صافي سكتي هاوا جاي جيهتنا رانيا: مالكي كترعدي ، هادي هيا الجبهة اللي من صبح ونتي دافعة الميمة: (تحت اللسان) اللقوة ...سكتي دابا

نضال: (وقف قدام الميمة دجين وتيشورط سوداء مطراسية و صباظري سوداء) الميمة ...توحشتيني ؟(كيطنز عليها) مستقبلاني بالحلييب والتمر ، هه (باس ليها راسها وسلم على رانيا من الوجه) زيانيتي ؟ هههه الميمة: علاش جاي؟ (مقصحة زعما) علاياش كتقلب؟ 😠 نضال: توحشتك وجيت نشوفك ...قالو ليا عندك مايتشاف هنا ومخبيا شي حاجة ديالي وجيت برجلي باش ناخدها😉 ياك يا غتخليني ناخدها ... اناسمعت صوت نضال تهزيت بالخلعة وعرفتو حاي يقتلني و غايكون شاف الفيديو ، بقيت كنسمع صوتو برا و كيهضر حتى سمعت صوت جاي كيجرس جيهتي و كيبكي كرامييل: ميييمي...حبي 😭😭😭😭 توحشتاااااك وهىءاهىءاهى (تلاح عليا عنقني) مروى: (شنقت عليه) علااااذ خليتين بوحدي علااااش هىءاعىءاعىء(عنقتو) كراميل: ماخليتكش هما اللي بعدوني عليك وتسكنت وسكنوتي الجنون بسبابك اهىءاهىءاهىء😭😭😭 انا جيت تى لعندك توحشتك (تعانقنا وكنيدبكيو نضال: غاتخليني برا 😉 ماغاندخلش (داز فيها وتم داخل) الميمة؛ (تابعاه) فيين غااادي...اجي لهناااا...علامن كتقلب؟؟ سمعت خطوات نضال كيقربو جيهتي والميمة تابعاه كتهضر من موراه وكيقربو عندي تا حسيت بيه واقف حدايا وانا جالسة مخشية فكراميل ماكانشوف والو... نضال: ها علامن كنقلب...هه (استهزء) الميمة: (وقفات قدامو) ماغاقيسهاش ، قتلني عاد قرب ليها. نضال: هههه ...الله يهديك ، حيدي خليني نشوف مرتي ... الميمة: شغاتشوف فيها هاا؟ شنو باغي منها؟ تكرفستي عليها حتى مابقاتش كاتشوف ودابا جاي تابعها ؟ واش باغي تقتلها وتهنا؟؟ نضال: (غوبش) هه انا اللي تكرفست عليها؟ انا سباب حتى مابقاتش كاتشوف؟ بقيت جالسة كنسمع حتا حسيت بيه شدني من ودني و وقرب حدا وجهي (تعصب) نضال: شكون سباب حتى وقع ليك هادشي هااا؟ (غوت) هضري (انا كنبكي ) شنو قلت ليك انا ديك النهار؟ قلت ليك ماتخرجيش ؟ ونتي شنو درتي؟ خرجتي ياك... (شادني من ودني) وصيتك ماشي مرة ماشي جوج ...وقلت ليك تبقاي فبيتك تا نجي ونتي درتي اللي فراسك وخرجتي تا لعبو عليك الحمارة (صرفقني) الميمة: حيد عليها ...بعد منها...(عنقاتني) ماتحطش يديك عليها ، مادارت والو نضال:( كيمشي ويجي فالفيلا ومعصب) هضرت معاها وماسمعاتش الهضرة (كيشير بصبعو جيهتها) نزلات من بيتها وقلت ليها ماتنزلش تا شدوهاشبعو فيها بوسان ، وصوروها وشفتها بعيني ...تخايلي انا باش كنحس فاش كنتفكر الفيديو ، كلشي دارتو راسها هيا ، ولاكن احبيبة غادي نربيك تا يرطاب ليك الراس ، تعماااي ولا جلسي ...وبكي ولا موتي ، الهضرة ولات عندك زايدة ناقصة ، كادير اللي فراسها ، مي غادي نتقاد معاك من هنا لفوق ...ونشوف واش غاتقادي ولا لا.. بيدت كنترعد ومخشية فالميمة مخبيا فيها .. الميمة: صافي طلقها ... ياك هيا ماصلحاش ليك ؟ وماعندك علاش تكرفس عليها..طلقها وخليها نضال: هه الطلاااق ! والله لاحلمات بيه...حدايا غتبقا حتى تموت ، واخا تمشي للمريخ نجيبك ، انا دابا مابقا عندي شغل من غيرها ، طيير ولا تنزل حدايا غتبقا واللي سميتو راجل يحيدها ليا،تبغيني ولا تكرهني تعاود راسها، ودابا غاتاكل وطلع تنعس حدايا ، وحتى نتي الميمة يلا خايفة عليها اجي نعسي حدانا. طلع وخلاهم مشوكيين ... مروى: شتي ...شتي كيداير ؟ شنو غندير انا دابا؟ اهىءاهىءاهىء الميمة: غاديري داكشي اللي قاليك، غاتاكلي وتمشي تنعسي ! رانيا: (مخلوعة) مروى راه عندو الحق ،هادشي اللي سمعت ماقلتيهش لينا،رطبي وبلا ماتقصحي راسك

بقيت جالسة كنبكي وكلشي ساكت قاطع الحس وانا سولهم بشوية مروى: فين مشا؟ الميمة: طلع للبيت ...صافي سكتي باراكا من البكى راه واخا كايقول هاكاك ماغايأديكش ، بلعكس خايف عليك جهدو كاع يضربك ضربة خفيفة ولكن مايقدرش يدير ليك شي حاجة للي تأديك غير سمعي لكلامو وماتعانديهش ، راك سمعتي اش قال، ماعايضربكش غير هاكاك، الى درتي داكشي اللي كايقول ما ماغيمدش عليك يدو ...فهمي هضرتو اللي قال و وزنيها...هوا قاليك غايشوف واش تقادي ولا لا ، يعني واش غتفهمي الهضرة ولا لا ، ونتي فهميها بلا مايحتاج يضربك ...اففف يدو سابقينو تا هوا (تنهدات) معصب غير بوحدو ، لالا ولاكن الصراحة ن حقو ، يعلم الله اشنو شاف فاليفيديو ! رانيا: انا متافقة معاه...شكون عارفو هوا باش كيحس واشمن منضر اللي شاف عليها ، والصراحة راه صابر ...على حساب ماقال باسها شي حد وهوا شاف الفيديو بعينيه وقاليها ماتخرجش وخرجات ، راه عندو الحق فاي كلمة قالها...نجيو من جيهت الحق بلا نفاق. حتى راجل مايقدر يشوف مرتو كيبوسها شي حد...وعاد نضال !!!! مروى: غير كتهضرو ...انا اللي عارفاه مي داير و انا اللي غنعطي ضهري للعافية ،كي غندير نجلس معاه فبيت واحد وهوا شاعل ، تخلي نتي راسك مع راجلك فبيت واحد وهوا شايف عليك داكشي وصاعر !!(كراميل حاك راسو على كتفي وساكت ) الميمة: ماديرش ماتخافش ...سيري ونعسي ماتهضريش كاع معاه ، اصلا ماغاتشوفيش وجهو ...حسن ...غايزيد يخلعك بدوك الشوفات. بقينا جالسين وكنهضرو وانا جاسة وصط منهم فوق السفرة كل وحدة شنو كتخشي ليا فمي وكيوكلوني تا ساليت بقينا قصارين تا لجوج دلليل وهوا ماهبط ما سمعت صوتو ، من غير لميمة للي طلعات عندو طلعات ليه لعشا ورجعات ... الميمة: يالاه طلعي تنعسي.. (شدات ليا فيدي ) ماتخافيش راه طلعت ليه العشا لقيتو متكي مضلم البيت و شاد بيسي خدام فيه وماهضرش غير حطيت ليه البلاطو ونزلت . طلعاتني حتى حسيت بيها حلات الباب...دخلاتني وا نشم ريحتو مي ماشفتوش اش كايدير ولا واش ميشوف فيا حتا دخلاتني الميمة للدوش نيشان قدامو وسدات الباب ومدات ليا شيتة د سناني ، حكيت سناني و بدلات ليا حسيت براسي لابسة سوميج دو نوي ملسة وقصيرة ومعرية من الصدر ودارت ليا بسنوارها من الفوق مروى: اشمن لون هادي؟ الميمة: كحلة...هوا كيعجبو الكحل عالله يشوفك هاكا ويحن فيك مروى: كي داير هوا؟ واش شافيا؟ الميمة (كتمشط ليا شعري) ماهزش راسو كاع،ولا يمكن هز راسو وماشفناهش ...راه متكي مبودر علينا غير بالشورط ، كنحشم انا وهوا حرام واش عندو الوجه علاش يحشم ... (رشات ليا بارفان ودهنات ليا يديا ورجليا) يالاه زيدي .. مروى: كي جيت ؟ زوينة؟ الميمة: كن ماكنتيش زوينة كاع مايشد الطيارة ويجي كيطير هههه كترت الهم كضحك. خرجاتني من الدوش وخلاتني واقفة حتى سمعت الباب تحل وتسد، خلاتني واقفة ماعارفة اشمن تيجاه واقفة جيهتو ، ومشات ...بقيت مصمرة ماكانشوف والو واقفة وقلبي كيضرب بالجهد بحال الى اول مرة نتجمع انا وياه فبيت واحد، ماعرفتش واش كيشوف فيا ولا ماكايشوفش ولا كيضحك ولا معبس ، ماعرفت ماندير ، واش نزيد القدام ولا نرجع بللور ، غير واقفة وشادا فيديا وكنحاول نسمع شي صوت ديال شي حاجة.كنسمع غير صوت التلفازة فيها الاخبا

بقيت واقفةشي 5 دقايق وانا كنسرط فالريق حشمت حتى بديت كنترعد و كنقول واش نزيد ولا نبقا واقفة ؟ اويلي غنبات واقفة؟ مايمكنش غنوقف تا نعيا و نقلب فين نجلس ، عيت نفكر وهوا قاطع الحس حتى صوت الكلافي ماكنسمعوش ، دونك راه كايشوف فيا ، الميمة قالت ليا شاد بيسي ...دونك حط البيسي و نعس ولا راه ميشوف فيا ، لالا مايمونش ناعس ...نعاسو خفيف غير كنتحرك انا من حداه كيفيق عساك الميمة اللي خرجات وصوت الباب تسمع ..شنو زعما مايكونش فالبيت؟ لا كن ماكانش كن قالتها ليا الميمة فاش خرجاتني من الدوش ، لا هوا كااين ..حااااضر داكشي علاش الميمة زادت خلفة حيت كتحشم تشوفو مكسل عريان كيما وصفاتو ليا.بعد تخمين طويييل طويت لجليا وكنهبط لتحت بشوية وكنتفتف بيديا فبلاصتي اللي واقفة فيهاا وانا نجلس فالارض لقيت راسي جاسة على زربية رطبة فيها الريش فالارض فالبلاصة فين واقفة ، اشنو غاندير ؟ ماعرفتش فين جات الناموسية !اللهم ماكنشوف والو نشد الارض كيما كيقولو ...اللي داخ يشد الارض وداكشي نيت لي درت .ربعت رجلي وبقيت كالسة وكنشوف فاتجاه واحد ماكنحركش كاع راسي حيت اصلا ماكنشوف والو، بقيت جالسة شوية وانا نسمعو نايض، حسيت بيه كيقرب جيهتي وانا قلبي كيضرب والبكية شاداني تا حسيت بيدو دازت تحت رجليا ويدو مور ضهري ، خرجو عيني وهوا يهزني وساكت وبقا غادي بيا حتى حطني فوق الناموسية وحيد ليا بامطوفة من رجليا وانا جالسة مخلوعة مكنتململش من بصلاتي تا حسيت بيه كيحل ليا العقدة ديال الحزام دالبينوار و حيدو ليا خلاني عراينة غير بسوميج وجرني كالعادة من ليمولي ديالي زلقت على ضهري تا طلعات لفوق ، طلع عليا الغطى ورجع تكا حدايا وكنسمع الكلافي كيتحرك وانا صاقلة والنعاس فبحال هاد النواقف فاش كنحتاجو كايطير بقيت مغمضة عيني وانا نتقلب جيهة الاخرى عطيتو بالضهر وكنسمعو كيكتب فالكلافي د بيسي ، واحد اللحضة تحرك وقاص رجلو مع رجلي وخلاها ، بديت كنقفقف ..افففف فالصراحة توحشتو ...ولاكن ديك تاكلمة تالي قالي ديال قليلت الادب بقات فيا ...بقيت شي نص ساعة وانا ناعسة على جنبي وهوا ماقربش ليا ، تفوووو شنو ندير انا دابا شنو ؟ غانبقا هاكا كنسمع فيه كيكتب وانا حداها كاع ممسوق ليا ، نخلني حتى وليت انا باغا نعنقو تفووو..جلدي مالح ، عاد قبيلة جمع معايا ودابا كنقلي على الحنان ! خصني العصى...زدت نص ساعة اخرى عرفت كانتسنى شي تعنيقة مي والو، اول مرة نحس بيه قاسي تا لهاد الدجة...فكرت تاعييت ومكنحركش ...ساعة وانا كارمة ورجلو بين رجليا ..(كنهضر بيني وبين راسي) غادي يقول نعسات ! ساعة ماتحركت ..فكرت وانا ندير راسي ناااعسة و بديت كنتقلب زعما تا تقلبت جيهتو وتخشيت فيه وهزيت رجلي على رجليه وانا نقيس المعلم بركبتي لقيتو واقف وصابر مابغاش يقرب ليا ، يالاه ضرت عندو دايرة فيها ناعسة و تكمشت بيه وحطيت يدي على صدرو ورجلي خليتها كيما هيا فوقو وانا نحس بيه حط البيسي ودوز يدو تحت عنقي

دوز يدو تحت عنقي وجر ليا شعري بيدو باش مانتنتفش وقلب وجهو جيهتي حتى حسيت بنفسو قريبة من وجهي سخونة ويدو الاخرى على فخدي اللي حاطة فوقو وانا مستسلمة ليه ومغمضة عيني نااعسة زعما ، شوية نفسو بدات كتقرب كتر من نيفي حتى حسيت بشفايفو حدا شفيفي وهز ليا راسي عندو بلطف وباسني من فمي حتى حسيت بقلبي بغا يخرج من بلاصتو ودرت فيها فقت وحليت عيني واخا مكنشوف والو حسيت بيديه كيجمعوني عندو وكيقبلني من فمي وانا نهرب وجهي زعما وبغيت نضور كندفعو بيدي وهوا يزيني عندو ماخلانيش نضور نضال: شششش..ششش..ششت (زعما ماتحركيش) بديت كندفع فيه ماخليتوش يبوسني دايرة فيها عزة نفسي وانا راني انا اللي قلبت عليه، ماخليتوش يقرب ليا وكندفعو مروى: امممم...بعد منييي.طلق منيييي.. (كندفعو) ماجابونيش وتقلب عليا وشد ليا يديا لفوق و جهو فوجهي وانا كنتركل ... مروى: طلق منييي....اعىءاهىءاهىء (دموع التماسيح) كنكرهك...ماكنحملكش ...طلقي منيييي😢😢😢 اهىءاهىءاهىء نضال: (وجهو فوجهي ونفسو فمي) بالخاطر ولا بزز...مابغيتش بخاطرك غنشدك بسيف ، ويلا درتي عقلك غنتي اللي غتقصحي ماشي انا مروى: (يااي ..شحال زوينة هاد بسيف ...كيعجبني الحال فاش كيشدني بزز مني كنمموت انا فالقوة فاش كيترجل عليا) طلق ...اهىء😭😭 اااي ..يدي (زير ليا على يدي) حكااار ...كتحكر غير عليا هىءهىء اهىءاهىءاهىء 😭😭طاق مني مكنحملكش نضال: (كيبوسني بسيف ) شوفي ...غتهنيني وتخلينا ندوزو هاد الليلة على خير ولا غنتكرفس عليك ...ونتي مجربة وعارفاني، غتنعسي معايا بخاطرك ولا بزز ...ختاري نتي اللي عجبك بدييت كنبكي وانا نستسلم ليه زعما مابغيتش نعس معاه مي ماحاملاهش واخا انا كنحمااق ونمووت عليه ترخيت ومابقيتش كنضرب وندفع وقلبت وجهي زعما مابغيتش و مضطرة نسلم ليه راسي باش منتكرفسش، خليتو كيبوس فيا وماقال حتى كلمة وماطولش فالبوسان واخا سلمت ليه راسي وقالبة وجهي ، حيد ليا حوايجي خلاني عريانة وماطولش فالبوسان بزاف...دغيا خشاه و بدا كيزرب بيه وانا كنتأوه ووجهو فعنقي كيبوسني ومرة مرة كيبوسني من فمي وكنهرب وجهي زعما.. تا جابو دغيا، وناض عليا وغطاني ونعس حدايا كيلهت ، حسيت بديك اللهتة ماشي عادية لهتة ديال شي واحد معصب وباغي ينفاجر : جريت عليا الغطى وتقلبت الجهة الاخرى وجاب الله ماندامجتش معاه واخا كنت مستمتعة ، عالاقل بقات عندي قيمة قدامو و رفضتو واخا انا اللي قلبت عليه ، مي فاش دار معايا هاكا غانولي نرفضو بسيف ، تقلبت وبديت كنبكي وهوا ناض من حدايا سمعت الكيسان كيتقرقبو عرفتو ناض يشرب ، شوية سمعتو خرج للبالكون كنسمع الكاس كيتحط ويتهز وريحت الكارو وصلاتني ، واخا قاليا ماغانبقاش نكمي رجع كيكمي ! بقيت ساكتة حتى نعست ما بقيتش كنحس بيه شكايدير

نعست وهي ضربني الفيقة فنص الليل بغيت نمشي للطواليط حليت عيني كنتفتف بيدي فبلاصتي لقيتو ناعس حدايا حطيت يدي عليه جات فوق ضهرو ، ناعس على كرشو بديت كنتفتف على البينوار فين كاين وهوا يفيق نضال: (بصوت تقيل ) مروى!...بغيتي شي حاجة؟ مروى: بغيت بينواري ...فين حطيتيه(كنتفتف بيدي وانا نحس بيه كيتقلب) نضال: علاش بغيتيه؟ راه باقي ماصبح الصبح ...4h هادي! فين باغا تمشي؟ مروى: (مغطية بليزار وكنتفتف) بغيت ندخل للدوش. يالاه كملتها وهوا ينوض لبسو ليا وكنغطي راسي وجيت نوقف وهوا يهزني .مركرت وتزيرت حيت باغا ندخل للطواليط وهوا غادي بيا حتى حطني وسط الدوش ... مروى: صافي خرج نضال: !! (باقا ساكت شوية وقلل ليا) ها هيا لاشاص (كيورني بيدي) غير بشوية عليك ، عنداك طيحي مارضيت حيت وراني اتجاه فين كاينة لاشاص ودارها اكسبري خلاني واقفة حداها باش مانتلفش عليها مروى:😩 خرج ...انا حافضة الدوش .(مارضيتش) نضال: (منفخ) اوك سمعتو حل الباب وخرج ورجع سدو ...بديت كنبكي على حالي مع 4 دالصباح وانا نحل لاشاص وماكنتش لابسة سليب ...طلقت الماء ودرت بيبي وبديت كنتفتف بيدي على ليلانجيت (نضال واقف حداها وقرب ليها ليلانجيت بلا ماتعيق) بقيت كنتفتف حتى طاحت يدي على ليلانجيت وجبدتهم وكنبكي ونشهق غير بوحدي ، تحرجت قدامو فاش دخلني للدوش ووراني لاشاص) مسحت بيهم حيت الطبيبة هيا اللي قالت ليا ماتغسليش فاش تكوني ناعسة وتنوضي سخونة غايضربني البرد ويتنفخ البيبي فكرشي وتصعاب عليا الولادة ، خرجات ليا ليلانجيت معقمين وكنستعملهم فبيبي ولا فاش فشي علاقة مع نضال، مسحت بيهم ولحتهوم فلاشاص ووقفت كنتفتف بيدي و كنبكي غير بوحدي تا وقفت حدا لافابو ، والدوش كبير كل حاجة فين جات ، غسلت يدي وتكيت على لافابو كنبكي تا بردت وغسلت وجهي وبديت كنتفتف على الفوطة (حط ليها نضال الفوطة حداها وواقف مراقبها) بديت كنقلب وهيا غير حدايا وانا سارحة بيدي مسحت وجهي وانا نسمع الدقان فالباب عرفتو نضال مروى: (حشمت ) انا خارجة سمعت الباب تحل وبغيت نخرج راسي وانا نحس بيه هزني ومكيهضرش معايا ، حطني ففراشي وجريت عليا الغطى ، تحطيت فموقف حرج بزاااف افففف، تقلبت للجهة الاخرى وهوا يرجع ينعس حدايا ، ماقاصنيش من غير الاحتكاك اللي كيوقع بيناتنا فاش كيتحرك شي واحد فينا ، بقيت ساهية كنخمم تا نعست اصبحنا واصبح الملك لله... فقت ماعارفتش شحال فالساعة وبديت كنتفتف بيدي ... الميمة: صباح النوور الكبيدة ... مروى: الميمة؟ نتي هنا؟ شكون معاك؟(حست بشي حد اخر معانا) الميمة: انا وتورية (الخدامة) نضت بغيت ندخل للدوش وهي تبعني الميمة دخلات مورايا دوشات ليا ... الميمة: ماغوتش عليك البارح؟ مروى: لا... الميمة: ديري ليه خاطرو راه داز حدايا الصباح ماقال ليا نا صباح الخير تا وقفتو عاد رد ليا البال دزت حداه، غاااادي مرفوع مروى: فين مشا؟ الميمة: خرج ...ماقالش فين انا غير كنتنهد تا سالات ليا ولبساتني بينوار و جرجاتني وانا نسمع الميمة كتهضر مع تورية الميمة: هزي ابتي دوك الغوطات رجعيهم فالبلاكار تورية: السي نضال قالي نخليهم هنا، فوق لافابو ! الميمة: من امتى ولا كيدخل فهاد التخربيق؟ رجعيهم رجعيهم لبلايصهم راه دايخ وقاليك هاكا انا سمعتهم تفكرت لبارح فاش دخلت للدوش ووبغيت نهز فوطة ، دونك الفوطات ماكيتحطوش فوق لافابو !!!وانا حطيت يدي فنفس لبلاصة ماكانتش وفاش رجعت تفتفت فالبلاصة نيت لقيتها!!!شنو زعما يكون بقا معيا فالدوش ماخرجش؟ ....اويييييلي يلا كانت بصح 😱 اويييلي تشوهت معاه !! كنت بعينيا وماكنتش كنفكر بعاد الطريقة ونعيق بهاد السرعة ، حتا تعميت عاد وليت كنعيق! عندو الحق كراميل فاش قاليا راهم بعينيهم وماكايشوفوش ! بدا تركيزي كيقوى حيت عليه وليت كنعتامد ، وليت خاصني نركز مع الحاجة وكنمي حاسة اللمس و السمع والدامرة تاهيا باش نحفض فين محطوطة كل حاجة و مانساش عليها ونرمز باش نبقا عاقلة ومانتلفش وكنحاول ندير الكريق الراس واخا فالضلام . تقبط ليا قلبي وشكيت يكون بقا معايا ومخرجش ، وبغيت نتأكد من هادشي بأي طريقة و كنتمنى مايكونش شافني وحضر ليا

دخل عندي كراميل كيعنق ويبوس توحشتو وتوحشني وجبد ليا حوايجي من البلاكار،وانا اصلا كنتيق فالدوق ديالو ، لبست ونزلت انا وياه لتحت و سولت على رانيا قالو ليا مشات لدارها مي غاتعاود ترجع جلسنا انا وكراميل كنهضرو تا بديت كنحس بالخريق فكرشي غادي و كيتجهد و بديت كنغوت تا جات الميمة كتجري عندي وكراميل مفزوع.و بدا الحريق كيزيير عليا ويزيد وضعري تكوانسا حسيت بالموت داخلني ، هما كيسولوني مالك وانا كنتعصر و نغوت تا حسيت بالماء هابط مع رجليا كيشرشر بزاااف الميمة: هادي هي الوقيتة ...غادي تولدي، كركقلت ليك السقية ...خاصك تمشي دااابا توالدي كراميل: 😱 مايمكنش الميمة: (ضارت فيه) علاش مايمكنش ؟؟؟ كراميل: راه يالاه عندها سبع شهور !!! كابن شي حد كيولد على سبع شهور ؟ لميمة : نضال مزيود على سبع شهور ...مافراسكش هادي! سكت عليا وعيط ليه يجي ... ( كاتقاد ليا الجلسة) سربي راسك عيط عليه...يالاه تحرك ونتا مقجوج بحال بيبي...تقول نتا اللي غتولد 😬 عيط كراميل لنضال وانا لقيت جالسة فبلاصتي كنتوجع وشاد ليهم فييهم و كنكمدها ونصبر ونزيد نتعصر كنتسنى نضال يدخل ، حسيت بالوجع بدلني مني يالاه فقت ولاكن ما ضنيتش غادي يتجهد عليا ...خسيت براسي لحال الى غندير كاكا وانا نحيد السليب ، كنت لابسة كسوة قصيرة و ماكنغوتش بزاف كنوفر السوفل للولادة حيت مجرباها فاش مشا ليا السوفل فالغوات المرة الاولى و سخفت. مروى: امممممممممم آااه.....اننننننننن اااااااه 😢😭 الميمة : شدها معايا نديوها من بعد يتبعنا نضال ... شدوني من يديا وانا نوقف قلت لميمة جاتني كاكا كنحس بيها بغات تخرج ..وانا نرجع جلست فوق الفوطوي تزيرت بزاف تا بغيت نتفركع وحابساها فاللخر ما بقيتش قادرة نحبسها وانا نرخي ليها مي ماشي هيا اللي كانت فيا ولاكن الراس د البيبي خرج دغيا مروى: الميييييييماااااااااااا .....أااااااااااي اااااه (حليت رجليا وهزبت الكسوة واليخفة شاداني) غير انا هزيت الكسوة وكراميل خرج برا وبقيت انا والميمة والخدامات كيجريو الميمة: الراس خرج...مابقاش ليك الوقت تنشي للكلينيك دابا ... (مخلوعة) دفعي...دفعيييي غتقجيه . دفعيييي بديت كندفع ونغوت ووحدة من الخدامات كترش الريحة باش مانسخفش وهوا ردخل نضال كيطير .. لقاني مفرقة رجلي و كنولد وجا جلس حدايا مخلوع والميمة مغطية ليا رجليا بليزار وانا ماكنقشع والو الدنيا دارت بيا كنحس بنضال كيلهت وهوا يوقف كيمسي ويجي فالفيلا وعيطو على الطبيبة تجي . وهوا غير كيمسي ويجي وينفس بصعوبة شوية خرج برا وبقيت انا لداخل كنتقطع ..يالاه خرج البيبي وهيا دخل الطبيبة كتجري ومعاها المساعدين ديالها والمعدات ، غير ولدتو وانا نلوح راسي سخفت

من بعد ما سخفت ورجعت الوعي ديالي قبل مانفتح عيني حسبت ب ألم حااد فراسي و جبهتي ، صداع لا يقاوم ؛، بديت كنتحرك حسيت بشي حاجة شاداني من يدي تكاتني حليت عيني كنسمع الميمة: راه فالقرعة ... ماغايخرج من تما تا يكمل 9 شهور كراميل: غايتخنق🤔 اويلي غايبقا مخشي شهراين فقرعة ؟؟؟ مالو سردينة !! الميمة: حيد من حدايا ... (تعصبات) اويلي غيسطيني هادا؟؟؟ ...فين نضال؟ كراميل: فالقرعة ...بغيت نقول ف.ففشومبر اللي فيها ولدو كيضور تما ! مروى: اااي ...راسيييي(كنتحرك) حليت عيني بديت كنشوف غير الضبابة كلشي مضبب تا حاجة ما واضحة مروى: فين اناااا ...اااااه (كنهضر بزز) ولدي...فين ولدي؟ كنحل عيني ونسدهوم وكنشوف غير الضباب ...وشوية شوية بدات الصورة كتبان تدريجيا و بصعوبة و انا كنضور فعينيا فحال الى كنت ناعسة عاد المدة اللي ماكان كايبان ليا فيها والو ودابا فقت من النعاس . كنسمع المبمة كتهضر معايا و كراميل تا هوا كيهضر معايا وانا كنضور فعيني فالسقف تا توضحات الصورة ، لقيت راسي فالكلينيك و سويت ملكي ديالي بوحدي ناعسة فيه بقيت ساااكتة غير كنضور فعينيا ...توحشت الضوء .ت توحشت الالوان ..فحال الى كنت فشي حبس و خرجت منو ...ضرني الضوء فعيني و رجعت سديتهم وكنبتاسم تا حسيت بشي حاجة حدى فمي ...بكترة ماتوحشت نشوف الدتبا ماسمعتش كاع للميمة شكانقول ليا هيا وكراميل ...حليت عيني لقيتها كتعطيني الماء نشرب مع بديت كنشرب وانا نشوف نضال دخل لابس تيشورط كحلة وجاكيطة د الكوير كحلة محلولة لها السنسلة و دجين غامق وصبادري كحلة ... بقيت كنشووووف فيه ..توحشت نشوفو ..باقي كيما هوا ...ماكيضحكش ملامحو هادءة و ماكيضحكش كااع غير شفتو وانا نقلب عيني لفوق مابغيتوش يعيق بيا...غير خطفت الشوفة فيه بزربة و هزيت عيني

دخل بخطوات بطيءة مي ديما ...وكيضور فالكونطاك فيدو وجلس ساكت ومرة مرة كيعقد دوك الحجبان وكيشووووووف فيا ..صقلت مابينتش ليهم بللي وليت كنشوف...وسولت على ولدي قالو ليا فالقرعة ...نضت بغيت نمشي وهي دخل الطبيبة جات عندي نيشان ونضال جالس داير رجل على رجل وكيلعب بالكونتاك وساكت كيحنزز فيا ...مرة مرة كندوز عيني عليه كنلقاه كيشوووف فيا بحال شي واحد حاط العين على شي وحدة ... الطبيبة: مدام مروى ...على سلامتك...(كتعبر ليا الضغط و كتهضر) كنتي هااملة راسك بزااف ففترة الحمالة ...البيبي تزاد ضعيف بزاف وعاد على سبع شهور ...ماكنتيش كتهتمي بالصحة ديالك والتغدية ديالك مروى: (كنشوف قدامي بحال العميا) بغيت نشوف ولدي...انا كنحس براسي مزيانة ...بغيت نمشي نشوف ولدي ...ديوني عند ولدي الطبيبة ...رتاحي شوية ومن بعد نديوك تشوفي ولدك .. خرجات وخلاتني جالسة معاهم مروى: بغيت ندخل للدوش... الميمة : اجي معايا ... نوضاتني وهوا يبان ليا كراميل خارج ...عرفتو غادي يشوف البيبي ...دخلت وبقات معايا هيا فالدوش وانا نقوليها بغيت نبقى بوحدي الميمة: واخا ابنتي ...صبري ..صبري دابا تشوفي نشاء الله ولدك ..انا حاسة بيك خرجات وخلاتني واقفة وانا نضور بشوية جيهت المرايا وكنهز راسي بحال الى حييت من جديد ، وقفت قدام المرايا وكنطلع ونهبط فراسي ..توحشت نشوف راسي ...توحشت راسي...ماتبدل فيا والو ..باقا كيما انا شغري منشوط وطويل مطلوق وبانضة حمرة فيها بابيون مزينة ليا شعري قادليا كراميل كلشي ...شفت فيديا ورجليا لقيت راسي باقا كيما انا ...ضفاري طوالشوية ومقادين مصبغين بالغوز ولابسة بيجامة حمراء بالشورط دايلها، عحبني راسي وجات معايا الولادة حناكي حومر بالسخانة اللي فيا . تمعنت فراسي مزيان وانا نهز راسي لفوق كنحس براسي قوية ، اه قوية حيت استحملت كاع هاد العداب و اللي داز عليا واخا هاكا باقة الابتسامة فمي فكل مرة نشوف راسي فالمرايا كنبتاسم لراسي ...استحملت عداب اللي ماتقدر تا وحدة تستحملو واخا هاكاك باقة شادة فراسي وكيعجبني راسي و الضلام اللي عشت فيه وراني شحال من حاجة ، علمتي نحس ونركز ونفطن باي خاجة كاتوقع قدامي ... حسيت براسي حيت من جديد و غنسير حياتي كيما بغيت و مانخلي حتا واحد يضحك عليا ، صافي ختى لهنا وحبس ..باراكا من التقة العمياء اللي درت فبزاف دالناس و خدلوني ، واخا انا ماغانأدي تا واحد ولاكن ماغانسمح لحتى واحد يأديني ، العمى علمني نشوف شحال من حوايج ماكنتش كنشوفهم قبل مانعوار ...ودابا حليت عيني وحليتها بطريقة اخرى ، يكفي ماداز عليا والصبر اللي صبرت ، مابقاش عندي مناش نخاف ...حيت ماغاتوقع ليا حتى حاجة كتر من داكشي اللي وقع ليا. حليت الباب الباب و بديت كنتمشى وكنتفتف وكندخل فشي حوايج بلعاني باش نضال مايشكش تا جات الميمة شدات ليا فيدي ورجعاتني لبلاصتي ...فرحاااانة بزاااف حيت غنشوف مولود جديد ، وكنت خايفة ماتشوفوش ، تكيت و نضال باقي جالس قبلاصتو كيما هوا .سولت الميمة بلعاني عليه وكنعضر عادي باش مايرضش ليا البال لشي خاجة ، وخاصني نحضي معاه مزياااان . مروى: الميمة ...لمن كيشبه ولدي .🙁 الميمة :(بحصرة) باقي مابلينش ...مازال حتى يبانو ملامحو شوية فاش يخرج من القرعة مروى: اممم...وفين نضاب؟ ماجاش؟ (جالس قدامي كيتفرج فيا ) الميمة: هاهوا جالس...بغيتيه؟ سكت ودرت راسي ماعجبنيش الحال خيت سولت عليه تا ناض خارج يهضر فالتيلي كايصوني ليه . بقينا جالسين انا وياها وهوا ناكايهضرش معايا و مكيقربش جيهتي ...دوزت شهراين فالكلينيك مع ولدي تا خرجوه ليا من القرعة كنت وليت لاباس وصخيحة وكاناكل مزيان ومكنفكر فحتى واحد ولا فشي حاجة اللي تقلقني من غير ولادي اللي توحشتهم بزااااااف وصابر قال غايجي هوا وكلارا ويجيبوهم معاهم .شفت ولدي فالقرعة اول مرة كان ضغييف وصغييييور ...مي دابا فاش خرجوه صحيح و وزويييين عرفتو لمن كيشبه ، وقفت انا والميمة وكراميل حدايا ونضال معفر كي ديما ...يالاه عطاوه ليا فيدي نديه وانا نسول الميمة باش مايشكش السبع فيا مروى: بانو ملامحو؟ ...كيشبه ليا؟ الميمة : لالالا ...غير نضال ...مادا منك والو هادا ، تسخرتي وصافي ...العينين والفم و النيف والشعر ...كلشي ديال نضال ... (شافت فيه) عالله غير مايكونش فالفعايل بحالو. نضال كيشوف فيها وكيضحك باستهزاء ما جاوبهاش ، خرج قدامنا وليكارد مورانا ..ركبنا ورجعنا للفيلا وهوا يحيدو ليا من بدي بلا مايهضر ...شدو فيدو باش مانطيحوش وشداتني الميمة وكراميل مدخليني تا جلست وهوا يحطو حدايا و جلس حداه كيقيس فيه و يتمعن فيه وهوا نااعس و كيصورو

بقينا جالسين و البيبي حدايا وتغدينا مجموعين والوقت كامل ونضال عينو فيا مكيحيدهاش ، الميمة كتوكلني وهوا حاضيني دار ليا الستريس داير كاسكيطة غوج ولابس تيشورط كري وسوال كيطمة كري ، ماقدرتش نجلس على خاطري وناخد راحتي ... واش هاكا كان كيشوف فيا ! واش الوقت كاامل وهوا حاضيني وانا جالسة قدامو ما كانشوفوش ! الميمة: (كتهضر مع نضال) فوقاش قاليك صابر غاظي يجي؟ نضال: ماعرفتش... (كيهضر و كيشوووف فيا) الميمة: بدل عليك هاد القاعدة ، ورطب شوية ، مالك ديما معبس ، طلق البشرة شوية (كتوكلني) نضال: الصمت (حاني راسو وهاز فيا عينيه ) الميمة: كتفقصني بهاد التصرفات ديالك، مايعرف حد يهضر معاك كراميل: مروى...تاكلي لحلوى؟ مروى: الصمت (نضرات نضال كيوتروني ) انا كاناكل وهوا كيشوف فيا تا زلعت الكاس حدايا وبديت كنترعد ،عينيه بحال القرطاس كيشككني فراسي وخايفة نفضح راسي ويعيق بيا الميمة: ماطرا باس ... (كتهضر على الماس اللي زلعت) تورية ...جمعي هادشي مروى: بغيت نطلع لبيتي .. الميمة: سالي ماكلتك عاد سيري مروى: (متوترة) لالا...بغيت نطلع ، عيت بغيت نرتاح بغيت نوض وهيا تشوف فيا الميمة كنتفتف و شدات فيا تا وقفت وطلعاتني المساعدة ديالي لبيتي وتبعني كراميل هاز البيبي فيدو جايبو ليا . جلست فوق الناموسية و هوا حدايا كراميل: شهرين ونتي ونضال ماكتهضروش؟ وحتى انا فين ما نبان ليه كيخزر فيا تا كنخوي البلاصة اللي حداه؟ مروى: اصلا هناني ...حسن مايهضرش معايا واصلا من نهار ولدت ما نعست حداه باش يهضر معايا...راك شتي كنت كانبات فالكلينك ديما وماخرجتش منو تا جيت لهنا كراميل: ياختي بااز ليك ، كي غاديري معاه؟ مروى: ..مانعرف بقينا كنهضرو تا دخلات الميمة... الميمة : مروى...اري الولد بغاه نضال...راه غايسميه ويدبحو الحولي مروى: هاا!!!! كيفاش ...مافراسي والو؟؟ الميمة: راه تدبح الحولي اللول نهار ولدتي . مروى: نضال اللي دبحو؟ (طرا ليا العجب) الميمة: لا ...انا للي وصيت عليه وجابو و تدبح فالجردة...شكاتعرفو نتوما شكاااتعرفو (كتشير بيدها) كن ما انا اللي وصيت على هادشي ماكنتوش واقيلا ماع غادبحو ليه مسكين...واريه دابانهبطو ليه يسميه راه جا واحد الفقيه اللي غيدبح الحولي ...شنو غاتسميه؟ مروى:(دخت) ماعرفتش؟ الميمة: بسس....ياودي ياودي ...نتوما كاتجيوني بحال شي جوج مصاحبين متشي مزوجين ... (هزات الولد) ظاتو وخلاتني انا غير كنشوف فالسماء مصدومة... كراميل: زيدي كدامينقاد ليك حالتك ونتي حالة فمك مي الضبعة.. مروى: كراميل بغيت نقول شي حاجة كراميل: غير كاتقولي ليا بغيت نقول ليك شي حاجة كنعرف راسي غنتصدم مروى: اجي بعدا ...خاظ الشومبر مافيهاش الكامرات كراميل: لالالا ... ديو د نضال الي مايكونو فيهم الكامرات ...اما هلظي د باباك مكنضنش . مروى (ضورت وجهي نيشان شفت فيه تا تخلع) كراميل: مالكي كتخنززي فيا؟ بحال الى ماتشوفيني مروى: وراه كانشووفك ...وليت كنشوف كراميل: ييااااااااااي 😍😍😍😍😍😍😍😄😄😄😄😄 (طار عليا بتعنيقة) واااااو اخيييرا حليتي عينيك مروى: (سديت ليه فمو)شششووووووو غاتفضحنا....انا مابغيت تا واحد يعرفني كانشوف.. كراميل: وعلااااش؟عجبك الضلام ؟ مروى: لااا ...شاطت عليك الفهامة صبحان الله....مابغيتش وصافي، باغا نخرجها من نضال شوية كراميل: فوقاش حليتي عينيك؟ مروى: شهراااين هادي كراميل: وييييييلي ....😨 وساكتة؟ عافاك ماتبقايش تعاودي ليا اسرارك ...ديما كنمشي فيها انا...الى عرف وجا قالي واش كنتي عارف وماقبت ليه والو غايقتلني هاد المرة ماشي غير غيدخلني للدوش ويسد عليا مروى: ماشتك ماشتيني ..ما قادلت ليك ما قلتي ليا ، صافي سالينا نكر وتهنى كراميل: اخر يامي غانموت مشنوق والدبان كيزنزن عليا بسبابك مروى: صافي باركا ما تغبن عليا...شحالل خواف..اففف بقينا مجمعين تا دخل نضال هاز البيبي فيدو وكيسرح فيا دوك العينين، خرج كراميل وخلانا بجوج ،عطاني البيبي فيدي بلا مايهضر ، شديتو وماقدرتش تا نسول اشنو سماه بقت ساكتة وولدي ناعس عندي ونضال تكى حدايا وطلع كاسكيطة لفوق باش نبان ايه مزيان وبقا كيشوف فيا وانا كنترعد فبلاصتي ، كيظير فيا شي شوفات كايوثروني ، بقيت ساكتة وكانشوف قدامي وصدري كيطلع وينزل و هوا يهضر نضال: ولفتي شوية مع الضلام ولا باقي...مابقيتيش كاتخافي تبقاي بوحدك مروى: (مرتابكة) اه ...شوية!! نضال: امممم...مزيان (كيطلع ويهبط فيا) عطيني داك تيليكوموند اللي حداك. سمعتو دغيا ضورت وجهي باش نشوف تيليكوموند نعطيه ليه وانا نحصل...صافي فضحت راسي ردة الفعل ديالي فرشاتني ، بقيت كنضور وجهي بشوية جيهتو وقلبي غيسكت بالخلعة وانا نشوف تيليكوموند فيدو و هوا كيشوف فيا بحال الى كايقول ليا حصلتي