حبيبي مافيوزي الجزء السادس

وصلات الطيارة للمغرب ومروى باقة جابدا عليها.. حليت عيني على صوت رانيا كتفيقني رانيا: مروى مروى فيقي وصلنا .. فقت قاديت راسي و تمينا نازلين كلقى ليكارد كورد لتحت بلا للي جاو معايا من باريس و الطونوبيل كبيرة كحلة كتسنا حدا الطيارة الاه حطيت رجلي فالارض عيط نضال كيسول عليا و يطنز الباسل ركبت شاداني الدوخة ديال الطيارة ..وتحركنا فاتجاه مراكش و ليكارد مورانا فالطونوبيلات .. الطريق كاملة ونضال كيهضر معايا ...قطعت انا: رانيا عاودي ليا شًوية على لافامي ذيالنا كيدايرة!؟ متشوقة نعرفهم رانيا: ههه لهلا يوريك ...لعياقة والنفاخة والفوحان يقهروووك والسم كل واحد كايقول انا و انا . انا: اويلي كتخلعيني من دابا رانيا : واختي هادي هيا الصراحة وعندنا البنات بزاااف فالافامي افف معنديش معاهم ...عرفتي مللي غيشوفوك كلشي غيتصدم .. خصوصا مع نتي بوكوصة غيضهشرو هههه انا: ماتزيديش فيه..،اي ..رصا نتا تقبتي ليا جنبي افف كراميل: يااااكي صافي دابا لقيتي ختك وقلبتي عليا ياكي!!! عقلي فيها.(بقا فيه الحال) انا؛ وصااافي(عز عليا) وانتا زويتيني كالص تبوزا وتحرك ..صافي دابا(عنقتو) هيا معنقاه وهوا كيفقص ف رانيا بحجبانو مور عنقها..كتجيه الغيرة . وصلنا مع وقت لغدا لمراكش ...واااو كنحماااق عليها كنوصل ليها كيتحل قلبي تا كيبغيو يدمعو عيني بالفرحة شايلاه يا سبعة رجال..بقينا غاديبن وكنتاءمل شوارعها و الدفىء ديالها ...الاااااه كيرتاح قلبي فيها بقينا غاديبن تا دخلنا اواحد الفيلا قدها قدااااش الصور ديالها كبييييير فيها لابيسين و الجرادي و الخضورية .. نزلنا لقينا الخدم كيتسناو فالباب دخلنا و لنا كنتاءمل جاسنا رتاحينا و تغدينا و طلعاتني رانيا لفوق لواحد البيت كبييير فيه الابيض والحمر راءع .. رانيا: هادا بيتك فين ترتاحي ..دخلنا دخلو ليا حوايجي وكيستفهم ليا و عطاو لكراميل بيت بحالي مقابل ليا ..هوا طلب منهم يبقى حدايا.. دوشت وبدلت و هبطنا تجمعنا لتحت كنتجمعو.. جهان ماما: غنبداو بطريطور غنجيب احسن ممون حفالات فالمغرب ..باش يقاد لينا الديكور وغانديروه هنا فالفيلا غنخويو هاد الصالات كااااملين ونديرو ديزاين زوين و البرزة غتجي لهيه مقابلة مع كلشي فكرت نزيروه فالجردة مي من الاحسن البرزة تكون لداخل و اصلا هادي وسعة كبييييرة بزااااف غتهز كلشي والفوطويات غنفرشوهم على برا حدا لابيسن للي بغا يجلس تما ..دابا غنعيط لطويطور باش يجي لهنا ونتافقو معاه على كلشي.جلسنا العشية كاملة كنتافقو والزين الصافي كل شوية الو.. مكيقطعش تا ضروني ودنيا .. داز النهار كامل مع الطريطور اللي جا ورصينا معاه الامور وختارينا الديكور و كل واحط طلع يرتاح . صباح جديد باتت معيا رانيا فوق ناموسية وحدة دوشنا و فطرنا و رجعنا للبيت كنهضرو على العرس و كيغيدوز وكراميل مخشي حدانا مافاهم والو ...عمرو حضر فشي عرس مغربي واصلا مرة وحدة اللي جا للمغرب هيا فاش تعرفت عليه.. رانيا: غنجبو وامد النكافة مشهورة واااعرة عندها داكشي رااقي .. انا: واهيا دابا شباقين كنتسناو راه ماعندناش الوقت ..نوضي يالاه ورانيا : اوك يالاه كراميل: غنمشي معاكم .. انا: عارفاك غاتمشي و علاه نتا تخليني شي دقيقة بوحدي باا متلصق فيا كراميل: صافي باراكا من الهضرة(تبعكيك) صبحنا عالله.. انا: شتي نتا يلا بقيت جالسة حداك غتعصبني وغريشك ..نوض نقاد وجهي حسن ليا دخلت للدوش وخليتو كينكر قاديت مكياج..شوية وهيا دخل عندي رانيا كتجري.. رانيا: شدي شدي!! شي حد سميتو اذوووووب كيعيط هههه (كتحلون بنت لحرام) انا: (بلهفة) اري اري!!! رانيا: (وهيا خارجة) نتي فعار الله ههههه مدوبييييش ههه انا: الوووو..شكوووون!(تحلوين عارفاه شكون) نضال: المعلم احبيببةهههه انا: (تصبت) براكة من البسالة يا الماسخ افففف نضال: ههههه نتي كتسولي شكون ..زعما ماعارفانيش! انا: الصممممت(هجرو ليا)) نضال: ااااااه .....اففف(كيتفوه ..الله على سبع ديالي) فينك ؟ شكاديري؟ انا: والوو يالاه غنخرجو انا ورانيا وكراميل. وانتا؟ نضال: انا باقي فبلاصتي ...افففف باردة بلا بيك احبيبة(صوتو لاقي منغنغ بالنعاس...كيحمق) انا: واسير تا تفيق عاد عيط عليا(دافعة كبير) نضال: ههه تاكنسمع صوتك ا لكبيدة هاد كيتحلو عيني ... انا:اممممم(تبعكيك) نضال: ههههه (كيخرج ديك الضحكة د الصباح فشلان) صوري ليا راسك دابا وصيفطيها ليا نحل بيها عيني انا: اوك(هيا للي ماتعاود ..غادي تخضرهوم مزيان ههه) تصورت وصيفتها ليه

صورتها وصيفتها ليه..شافها وعاود عيط فالبلاصة نضال: عرفتي ونشدك غتحملي فليلتك .هههه (توكض) انا: شهاد لبسالة على صباح عاوتاني(هههه فيقاتك ..وااشد) نضال: هههههه ناوية تخرجي بداك الصدر هاكاك ؟!! انا: (تزنكت) لاا عاد غنبدل حوايجي ..يخ نضال : دابا نوريك يخ ههه دابا غير هضري لحساب من بعد انا: الصمممت. نضالي :ولاااه يا بنتي منخليها فيك مصيفطا ليا هاد الصورة على الريق ...بلعاني ياااك(ولا كيهضر نيشان مابقاش صوتو فيه النعاس) عقلي ،..قيدي عنداك تنسلي شي حاجة انا: ايوا كنت اصلا واقفة حدا المرايا صورت ليك راصي كيما انا (هههههه غزيت فديلمك) نضال: اهاااااه وكالسة تبوزاي ...مالكي ماكاديريش هاكا مللي كنكون حداك ...واااع فيقتي فيا المزفت انا: براكا تخصار لهضرة ...انا غادا دابا راه كيتسناوني نضال: اجي لهنا اري بوسة هههه انا: الزفت. نضال: واااخا واردي بالك ماتعرفي فاي لحضة تلقايني حداك .. خلعني وكلس لباسل كيهضر وانا غير كنسمع ... نضال: عرفتي مكرتش نسمع ديك اح و ااه ديالك. انا: راه غنقطع!!! نضال: ههه بغيت نفهم هاد تفكير عندك كيداير؟ فاش كنشد كتولي تاءهءهي وتاءحءحي مكتكونيش كتحشمي ديك الساعة و دابا كالسة ديري لي فيها حشمانا ..واشوفي والله تا تسمعي شغانقوليك و الا قطعتي غنوريك تا نشوف انا هاد الودنين ديالك واش غيفلفو يسمعو هاد الهضرة ولا لا ..واسمعي دابا ..انا مكرهتش نشدك ونتكا علي هه سمعتي صعرت ماقادرش نصبر ..ناكليك شفايفك و نرضع ليك من صدرك تا تولي تغوتي وطلبي وتزاوكي فيا نطلق منك سمعتي ..واقطعي دابا نشوف. انا: تفوووو على خرى مالك هاكا ماسخ مالك واش باغي تحمقني تفوووو على كنس ...يخ المقزدر لاخر نضال: مالكي ماقطعتيش.؟خفتي؟ هههه انا: بعد مني ..ماتبقاش تهضر معايا هاكا.. كلست نحيح تا عييت و هوا حرام واش كيحشم .. تا دخلات رانيا ... انا: صافي بسلامة غنخرجو دابا رانيا معايا. نضال: سيري دابا ههه وماتخلينيش كنصوني بزاااف. انا: اوك صافيي افف(كيضحك)قطعت رانيا : مالكي تخطف فيك اللون هههه شكون هاد ادوب هههه اللي عيط ليك. انا: صافي هادا غير نضال(كنضور فعيني) رانيا: هههه غير نضاااال. حشمت لقاتني كتبا ليه فالسمية ادوب ...ويلي كن يعرفها هوا نمشي فيها اجا ماسكتو ..ونيت راني كندوب يخ شبغا عندي اخرتها غنولي نضرب بالحجر ونرمي فحوايجي معاه. خرجنا ابست سورفيت كحلة اديداس وطلقت شعري ورانيا كدالك لبسات بحالي ..كنابسو انا وياها بحال بحال حيت توام و نزلنا لقينا كراميل لتحت كيتسنى وينكر..شفتو وانا نكحل بالعمى ..صابغ لي يديه و لكلوز و سروال شيبي مزير والقميجة بيضا مزيرة معرية على الصدر و كيتحلون انا: (اويييلي ايوم نتشوهو مع المغاربة) كراميل كن مسحتي ديك الصباغة!!! (نتابهت لشعرو) مابقيتيش كتنفص فشعرك طوال ؟؟؟ولات عندك كارية؟؟(رانيا كضحك) كراميل: نونونو حبيبة انا ماشي مصطي نقطع شعري...زايدون انا باغي نطولو ..ودابا بلا ماتبقاي تصدعيني زيدو فين كنتو غاديين ..الزفت كيداير..تفو طلع فالطونوبيل(فيراري كحلة خلاها ليا نضال) كيتبعكك و خلانا حاللي فمنا. سديت فمي و هضرت معا البوديكارد.. انا: انا غادي نسوق صافي سير(خديت الكونطاك) الكارد: اوك مدام. طلعت وكراميل خدابا ورانيا اللور ومشينا كتوريني رانيا الطريق. والطنوبيل مورايا كاط كاط كحلة فيها ليكاركورد بالكوستيمات. غاديين مع شارع كيليز فمراكش وكلشي كيشوف والطونوبيل كدير الصوت...وصلنا ونزلنا وليكاردكورد كيتسناوني فالباب فين ما مشيت .. كراميل حدايا حدايا كيتعوج.

لماكازا كبيييييرة هااااي و اللباسي فالمانكان داكشي الطوب ديال لعرايسات...داخلين وستاقبلاتنا النكافة لابسة كوستيم كحل و طويلة ورقيقة انيقة (هادي غا نكافة) ... النكافة: مرحبا مرحبا لالياتي زيدو تفضلو (ضربات عالفيراري وليكارد كرود والاناقة ولات باغا تهزنا فوق رايها) ...كلسي امادموزيل .. انا: مدام الاه يخليك ..هاهيا المادموزيل لعروسة. النكافة: هههه حتى نتي ماشاء الله كتباني بحال لعروسة(الصباغة) شنو تشربو...(كتعيط) اراو ليل ليكاطالوك ...سربييو ...جيبو الحلوة.. انا: بلا ماتعدبي راسك امدام حنا زربانين خاصنا نشوفو لباسي دغيا باش نمشيو.. رانيا: مازال تابعانا شحال من حاجة ..وماعندناش الوقت. كراميل: احم..(رجل فوق رجل ..ربي لما خلي دوك ايدين ودوك الضفار) الله يخليك شي كاس ديال الما..(تقحبين) النكافة شافتو بقات غا كتشوف ...حاللة فمها هيا والناس اللي داخلين خارجين واللي خدامين تما. كراميل: (تعصب) راني واقيلا طلبت كاس ديال الماء!!!! واش غتبقاي هاكا كتشوفي فيا(كيتبعكك) النكافة: aaa!!! و..واخا ..هيا اللولة...(مصدومة) اراو الماء سربيييو.. جابو ليه شد الكاس بدوك الدفار و هما حاللين فمهوم كيشوفو غير فيه.. انا: ياااامداااام (ساهية السيدة) شوفي معنا حنا راحنا زربانين.(كراميل عزيز عليا و مكنبغيش شي حد يشوف فيه شي شوفة خايبة واخا هوا شاطة ماطة مكيسكتش على حقو) النكافة: اه امادام ..هانتوما شوفو هاد لبيسة (كاطالوك) وهادي ...وهادي... بقينا كنشوفو وكراميل طالق عينو... كراميل: اري ليا داكشي لهنا(خدا ليا لكاطالوك) نشوف هادشي كيداير؟؟؟؟؟؟؟ ستيل و الاناقة من اختصاصو مي هادشي مغيفهمش فيه... كراميل: شهااادشيييي طخوشارجي بزاااف ؟؟؟؟؟ شهاد الكسواي؟!!؟؟؟؟؟ انا: عطيني هاداك(خديتو ليه) هادو تكاشط دالعرابسات ماشي كساوي! مغتفهمش هادشي هادو التقاليد د المغاربة.. جلسنا ختارينا وسالينا وشافتنا لاباس علينا بدات دير لينا فالخاطر مقصراتش سمحات فكلشي وقابلاتنا. رانيا: من دابا شهر ...عنداكي يكون عندك نهاري د العرس عامر النكافة: لالالاااا ويلي واخا يكون عامر نخويوه ،على الراس والعين. تافقنا وخرجنا نتقداو حوايج العروسة اللي غيجيو فالدفوع ..واجيييو تشوفو كراميل شدار ليناا !!!!

دخلنا اللمول نضورو بليكارد كورد مورايا وكاع عيباد الله كتفرج فينا شي كينخز شي مشينا لديامونتين (ماركة ديال البلدي) وجلسنا نختارو وليكارد كيتسناو فالباب.بحال الى دايرين الحلقة كولشي حاضينا و حاللين فمهم فكراميل وهوا ممولفش مع بنادم هاكا. فالخارج مكيسوق ليه حد مي فالمروك (المغرب) جاهم فشكل ..ستقبلونا بالحليب والتمر هههه الحبة و مادير..كلشي كيضور بينا مقصروش كراميل غير كيضور وسط التكاشط مافاهم والو مسكين ماعارفش عادشي كيكيتلبس...انا كلست انا ورانيا على الفوطوي وهما كيجيبو لينا ويوريونا كلسنا كنتشرطو رجل على الرجل انا: بغيت 3تكاشط اخر موضيل تكون وحدة وحدة فسومو بااارد موديرن معرية او وحدة فالخضر تكون مخزنية على حقها وطريقها او وحدا فالباج بااارد يكون غادي لدوغي ..وجوج جلالب وحدة فالحمر ايفازي مخدومة بالمعلم طويلة وبلغة د جلد حمرا وحدة بيج بحالها مع البلغة بلا و فراشة على شكل عباية معرية من الضهر موديرن متوريوني حتى حاجة خرى من غير هادو اللي طلبت ... الفوندوز: هيا اللولة امدموزيل(قاطعتها ) مدام الله يخليك .. رانيا : انا بغيت جوج قفاطن ايفازي د جورهرة بالسراول يكونو براندة غليضة د لعرايس و فالدوغي بارد بحال بحال مع 2 بلغات فالدوغي وجوج شيلان فالبيج بارد ..وجوج جلالب وحدة بيضاء وحدة غوز بارد مع بايغات فلونهم .. جيناهم من الاخر باش بلا منضيعو الوقت جبدو لنا كلشي عزلت داكشي للي بغيت ورانيا كذلك بدينا نقيسو ..شافنا كراميل هوا يجي عندي كراميل: امممم جاتك عاد الكسوة غنشري تا انا بحالكم (تقحبين) انا: (كملات) هههه واخا صافي نتا خنختار ايك على دوقي داكشي للي غيعجبك(ساويت معاه حيت ماعارفش القفطان من التكشيطة وغاندير لو خاطرو غير بالفن) بنادم بدا كيشوف فيه وحال فمو .. كراميل : مال كلشي كيشوف فيا(تبعكيك) انا: كن ماكنتيش زوين احبيبة تا حد مايشوفيك ههه (بستو فحنكو) مشيت حيدت تكشيطة للي كنت كنقيس و جريت المسءولة فالمحل بيني وبينها. انا: احم ..بغيت قفاطن رجالية فالالوان يكونو مطرزين و جابادور وفوقيات فالالوان و الله يخليك بلا مدكري انهم د رجال ..او(حاجبي طالع معفرة) الفوندوز: هيا اللولة امدام (مع ابتسامة..فهماتني شنو قدت) بيدمن شي كيجمع ليا حوايجي و رانيا كتلبس و تحط والمكازة كبيرة ...كلاص.ماركة مغربية.. جابت ليا كاع داكشي للي طلبت و مشيت جريت كراميل.. انا : هاك احبيبة لبس هادا نشوف (بداو حاللين فيا فمهم والطريقة المنفخة الراقية وكيفاش هضرت معاه...وانا نشوف فيهم مطلعة حاجبي ..زعما مالنا شكاين؟!! هما يتجمعو كيتفتفو دخل كراميل لبس وخرج عندي.. كراميل: كيجيتاااااك (فرحان) جيت بحالك ياك.(قفطان رجالي خضر ملكي) انا: وحسن مني كااع ويلي جيتي غزااال. كراميل: واديري ليا السمطة تا انا!!(تبعكيك) انا: (يادي النيلة) ههه احبيبة هادو بحال ديك الفراشة للي لبست مكيديروش ليهم السمطة .. كراميل : اممم اوك ..واجيبي ليا شي وحدا بحال لخرين لي خديتي(تكاشط) انا: ويلييي ولبستي هاد لوين غتجي كتسطي مع ضفارك فالحمر غايجيك غزاااال و مع بلغة فالحمر غتجي فننننن (كنتلفو) ياك عزيز عليك الحمر. كراميل: امممم(تلف دغيا) اوك نجربوه..داه ومشا.. افففف سخفني ياربي ينسى تكاشط انا: سربي سربي دغيا ردي هاد تكاشط و جمعي ليا حوايجي دغيا قبل مايخرج ..اففف عالله مايتفكرهمش . رانيا: (وقفات عليا ) مالكي مخلوعة ؟ انا: صافي ساليتي؟ يالاه نخرجو من هنا راه كراميل قالك بغا تكشيطة. رانيا: هههههههه كملات ولبسه السندالة طالون تاهيا. انا: وهوا كره راه كنساوي معاه سربي يالاه .. خرج عندي كراميل كيضور بوريني ..ويلي بنتي زامل على حقك وطريقك مع ديك السباغة و داك لكلوز ..مي اللهم هاكا ولا يضور ليا لتكاشط انا: اوووووه راءع شوف فالمرايا كيجيتي. رانيا: واااااااو غزااااال(كتساوي معاه

عجبو لحال وضورناه انا ورانيا بالهضرة تا تلف جمعنا ليه كاع الالوان و البلاغي ..ضورت عيني وهيا طيح على واحد كبيير عاجبو راصو كيصور.. خليت كراميل دخل بدل وانا نمشي عند خونا... انا: ارا داك تيليفون لهنا ..(حيدتو ليه و تميت خارجة من المكازة ) الولد: مالك اختي زربتي عليا هاد الزربة..طلقي طلقي ولا نوريك..(ماحس براسو تا ضوروه ليكارد كورد) انا: طلقووه..(طلقوه) بلا فضيحة غتمسح داكشي قداامي ولا ميعجبك حال(مطلعة حاجبي) شويا وهيا تسرا معايا الطريقة اللي تسرفت بيها ولليت نهضر بحال نضال !!!! اواااه !!ناري كيرضني بلا منشعر تسيفت تسيفة وحدة مي حتى اكراميل لا كيموت عليا وشحال بكا فاش كنت مريضة وحتى انا مقطر ليا من عيني .. الدري تخلع وبدا يمسح ويوريني تا دخل فتصاورو كاع .. انا: مزيان دابا سير بحالك مشا ماضارش موراه ورجعت دخلت رجعات ليا انوثتي خلصت بالشيك خرجنا ب 6 د لمليون من تما فالحياب كامل انا نحلف ورانيا تحلف متخليتهاش تخلص مشينا اتجاه الملابس الداخلية ..تما بدا كراميل كيفهم وبهز ويعزل .(التيلي كيصوني ..ادوب هه) انا: الووو(تبعكيك) نضال: احح ديالي ههههه ..فين شاداها انا: تا تعلم تهضر معايا وعاد غنجاوبك. نضال: افففف كنسمع صوتك كيوقف ليا هههه انا: اففففف حشومة عليك انضال مالك سخون تا لهاد الدرج.. نضال: هههههه والله ماكنت عارف راسي سخون تا حويتك ههههههه انا: هىءهىءءهىء (فقصني ...خفت نقطع) نضال: هههههههههههههههه ولفو وديناتك شوية ولا باقي .. انا: واللهيلا حشومة عليك هادي ماشي هضرة كتكال..ففف نضال: ههههههههههههههههههههههههههههه كتقتلييني فاش كتعصبي ههههههههه والله ماكدبت عليك والله عمرني عرفت راسي سخون تا ليك نتي ...شغاندير دابا؟! انا: ياك عرفتي بزاااااف د البنات ومقصرتيش من جهدك لاش دابا كتهضر؟! نضال: هههه نااااري سكتي شوية خخخخههههههه تاوحدة فيهم مافحالك ههه انا: افففهوءهىهىء (عيطرطق ليا لمرارة ) نضال: شهر كامل ابنتي غير شوفي ليك شي حل فاش نجي هههه راه جامع ليك ههههه انا: الصمممممت) نضال: نتي فشي مول ياك؟ انا:اه علاش باش عرفتيها.؟! نضال: نتي هيا للي متلفيش ليا ههه شنو كديري فالمول ؟ انا: كنشويو الحوايج د العرس. نضال: امممم مازال مدزتو لبلاصت دو بياس؟ انا: لا مازال (بحال لي علمو لاه ) نضال: هاااكاك ...وشري ليك شي حاجة مشبكة و خبيها تا نجي هههههههه انا: تفوووو علا باشار ...مالك هاكا الخرى مالك؟!!! نضال: غير سبي دابا هادشي كامل غنفكرو ليك من بعد . بقا يهضر واااالو واش كيحشم افغفففف انا مابقاش ليا الوجه نشوف فيه ...يخ على ضاسر قطعت معاه وكملت شغلي.

بقينا فالحوايج داخيلية هادي تنفع هادي ضر.. رانيا كتشري جوج جوج من الحاجة تا حاجة ماخدات منها وحدة كلشي مضوبل اما فليغوب دو نوي عطاتهم قتلة و كراميل بانت ليه الموهبة بدا يعزل و انا جالسة طلعات ليا القردة كنضور هضرت نضال فراسي و مكشمشة ..ترن(مساج) افففف (كنجبد تيلي عاارفاه شكون.ادوب هدا نحلف عليها. ولاهيلا هوا ..عرفتو ! (حليت المساج) نضال: ماتنسايش سترينغ (سليب) هههه ماتقلقيش احبيبة ههههه ااافففففف هادا غادي خرج عليا صافي انا ولليت نسمع صوتو ولا شي مساج كنتهز !!! وانا جالسة مربعة ووجهي حمرر يدي على خدي كنخمم فداك الباسل وكنفكر نهار يجي ..فضيحة ماعنديش الكمارة للي تشوف فيه وانا فودني ديك الهضرة؟؟ باينة غيجي يلوحها ليا فوجهي مباشرة مافيها شتخريش مي غندير ..تفوو كن بقيت حداه حسن كوراه كايحوي صباح وعشية و ما يجمعش عليا كريدي شهر كامل تفووو وسخ ليا عقلي شوو فاش كنفكر الله يمسخني (وقفات عليا رانيا) رانيا: مالكي تبدل لونك ؟ انا: والو احبيبة غير بالي مشطون مع نضال فروسيا ونتي عارفاه كيداير مكيحنش فبنادم! رانيا: ههههه نتي حمقة هه خايفة عليه ؟ انا: ايوا نتي عارفا المافيا . رانيا: سكتي (كضور عينيها) هادشي اسرار ماخصهاش تخرج يسمعك شي حد ويشوف ليكارد كورد معانا غنوليو فحاجة خرى. انا: هههه الا قدرات الدولة تهضر غير تهضر نتي راك ماعارفة والو يالاه (تنهيدة) الى ساليتي يلاه.. رانيا ساليت يلاه نمشيو.. جابو ليا الفاتورة وشديتها ورانيا بغات تحيدها ليا. رانيا: ولاهيلا عيقتي امروى بزااااف. خرجتي ب 6 د لمليون من لهيه و دابا عاوتاني باش باغا تخرجي. انا: اري لهنا براكة من لهضرة وتكون تا مليار كاع ماشي خصارة فيك احبيبة ديالي. (تعانقنا) خلصت و اصلا بحال لي كاع مكنخلص جاني داكشي عادي فالتمن .. بغينا نخرجو هوا يتم كراميل خارج معانا هاز شاصيات كبار تاهوا. انا: اويييلي غتلبس هادشي؟!'!!!!(رانيا عواجت بالضحك) كراميل: (غوبش) شدي عليا باراكة من الهضرة هادشي ديالك جمعتو ليك انا: ومالك محمن راسك (غاديين كنتمشاو)لعلم الله شنو هزيتي ليا تما؟ (خلصت لحساب كامل بلا منعرف بلي خلصت تا لحوايج للي جمع كراميل)كوراه خليتيها ليا تقحبين!!!! كراميل: سولي راجلك ...يخ شدي وحيدي عليا! انا: شنوووووو ؟!!! اجي ياجي لهنا؟! شنو قلتي(جريتو من القميجة) كراميل: دون طاتش مي..ديما كنقوليك الفيترينا ماتحطيش عليها يديك (كيستف فحوايجو ويقاد) انا: كيفش نسول راجلي؟!!!! (ترن ميساج) جبدت تيلي نشوف شكون و مخنزرة ف كراميل(رانيا كتخرى بالضحك)مسج ادوب اففف شنو كانب ليا عاوتاني؟!!' باينة شي فضيحة؟!(حليت مسج) نضال: بالصحة و راحا حبيبة هههه عنداكي تعصبي.بيزووو. صعرت و انا نشنق على كراميل.. انا: اجي لهنا ...علاش ماقلتيهاش ليا،؟!!! كراميل: حيدي يديييية ...الخرى ...خربقتي اللوحة!!! راه هواا قالي نجمع ليك داكشي؟!!! انا: عاارفك غدير مجهودك وكتر و مع نتا كتفهم فالبس ..باينة مقصرتيش. كراميل: قودي عليا ...(تبعكيك) خخخخخززيييت ماتبقايش تقيصيني ...خربقتي ليا شعري كلسنا نتناكرو ضرت لقيت رانيا شادة كرشا لاسقة مع الحيط و كتبكي بالضحك صعروني و تميت خارجة من المول وهما تابعيني كراميل منفخ كيتكسول وهيا كتشتت بالضحك

خرجت ركبت فالفيراري وسط الشارع و الدنيا عامرة جالسة وحاللة الباب رجل لداخل رجل برا كنتسنا لخرين يطلعو كيعمرو فالكوفر و بنادم حاضينا و ليكارد كورد واقفين حدانا الكوستيمات والفورمة كيخلعو و الكيت فالودن ايف بي اي ههه طلعو و ديماريت غاديين نقصيو شي لعيبة ..كراميل حدايا و كيبدل ف الاغاني و يشطح و رانيا لور كتصفق و انا غادا مخنزة غير نضال اللي كيضور ليا فبالي..وصلنا لواحد لغيسطو فواحد لوتيل فخم ودخلنا ..داخلين و بنادم تابعنا بعينيه (كراميل) جلسنا . اووووف تبركيك ..كراميل كاع ممسوق لجدهوم ..جالسي و ليكارد كورد دخلو ايكارد كورد وكل واحد فين وقف بعاد كيراقبو شويا جا عندي مول لوتيل.. مول لوتيل: مرحبا بسياتكم الاللة اللي خصاتكم على الراس و العين..يحصل لينا الشرف تشرفونا. انا: ميغسي مشا فحالو دغيا وصلوها ليه تم هابط كيجري عندي..مهم طلبنا الغدا تغدينا تا الربعة سالينا وخرجنا رجعنا لدار لقينا ماما غير كتوجد و تعيط فتيلي و الحالة ..الى اخ ..تمينا داخلين لقلب لفيلا شفت مرى كبيرة و حداها وحدة قد ماما. يالاه دخلنا جراتنا ماما لفوق قبل مايشوفونا طلعنا و هبطات هيا جلسنا رتاحينا و انا نسول رانيا عليهم. رانيا: عرفتي هاديك شكون ..هاديك راه خالتي وخالتك خت ماما و اللي حداها مامات ماما جداتنا هههه انا: وعلاش ماما هرباتنا لهنا .. رانيا : ماعرفتش ..ماكرهتش نقولهم ها ختي مي ماما ماعرفتش علاش دارت هاكاك..ماتقلقيش راه غتجي و تفسر لينا. انا: (تقرست) الالا عادي ماطرا والو انا غندخل لدوش ندوش دخلت وسديت عليا الباب و نفجرت بالبكاء قدام المرايا ..معرفتش علاش طرا ليا هادشي ؟!! علاش دارت ليا ماما هاكا!!؟ هىءهىءمارباوش عليا الكبدة حيت ماعشتش معاهم ..هىهههءىهء.(تيلي كيصوني...) جبدتو نضال ..اففف عاوتاني نتا ماناقصاكش هاد الساعة ...ماجاوبتش . جلست كنبكي و نتنخصص تا بغيت نسخف ونضال كيعط ما بغيتش نجاوبو ..ترن(مساج) نضال: ختاري تجاوبي ،ولا نجي.؟ عاود صونا.(فتحت الخط) انا: الصمممت (ماقداش نهضر بالبكا و الشهيق و سادة فمي باش ميسمعنيش. نضال؛ (صعر عليا) علاااش مكتجاوبيييش ...الووو مروى ... انا: ا ا ال ووو(كنتنخصص) نضال: كتبكيييي؟؟؟؟'!!!! انا: الصمممت. نضال: هانا جااااي.(قطع ) مقدرتش نهضر بالبكا و الشهيق . مروى تزير عليها الحال ونضال سمعها كتبكي كان يلاه سالا اجتماع مع الراءيس د مريكان و الريوس الكبار د الدولة فديك اللحضة وسنيا على القنبلة النواوية باش تخرج من روسيا ويديرها ماليها . تم غادي منييييير فاتجاه لوتيل يدي حوايجو ويشد الطيارة للمغرب. سرررر سررر (نضال فلوتيل هابط وليكاد كورد سبقوه بالبالز) نضال:(مروى!!) الوووو وي حبيبة هانا جاي. انا: علاش جاي انضال ..(كنتنخصص اول مرة كنعيطو انا) راه ماواقع والو . نضال: اوك ماشي موشكيل هانا جاي . انا: والله انضال ماطرات شي حاااجة تيق بيا غتجي على ود سمعتيني كنبكي؟!!! نضال: كتبكي دونك كاينا شي حاجة مهم انا غنوصل و غنعرف شنو هيا. انا: نضال بلييييز قول ليا انا كيغندير معاك ..وحلت متعرفتش كي ندير نتعامل معاك ... نضال: بلا هضرة دابا ..وبلا ماضيعي الحجرة انا: (قهرني تنهد) ففف عافاك انضال عافاك احبيبة سمعني بليييز. مادرش ليا بخال هاكا عىءههىءهىء ايلا كنتي بصح كتبغيني والله ماكاينة شي حاجة .انا راسي حسيت بالضيق و بديت كنفش قلبي هادشي اللي كاين نضال: الصمت انا: قهرتيني والله ..مرة وحدة سمع ليا ..عااااافاك احبيبة بلا مادير ليا بحال هاكا . يلاه السي نضال شنو غدير دابا قضات عليك مروى. نضال: يلاه كولي ليا علاش كتبكي. اناي والله ماكاينة شي حاجة انا راصي تزيررت وتفكرت شي حوايج خلاوني نبكي .هادشي للي كاين. نضال:هانا غنسمع ليك باش مرة خرى متكوليش ليا عمرك سمعتي ليا ...انا دابا غادي نرج لباريس خوك دار ليا الطيارة بالتيليفون ...قولي ليا حبيبة ..نجيب ليك شي حاجة فاش نكون جاي ..بغيتي شي حاجة؟ انا: (كنمسح دموعي وكنشهق) لا ماخاصني والو ..مابغيت والو. نضال: نتي اصلا خاصك انا ههههه انا هوا اللي ناقصك. انا: بديتي عاوتاني!!! صافي رانيا كدق خاصني نهبط(لكدوب) نضال: ههه سيييري هبطي شحال قدك تهربي ..نشدك نشدك

مروى جالسة فدوش كتفكر وتهرنن وماماها لتحت مع الميمة...وختها سامية ...سامية شبعانا عياقة لاهيا لا لباقية دخواتتها وعيالات خوتها وبناتهم مهم الطسيلة كاملة فيها لهضرة والعياقة.. سامية: كيف طرا رجرى يا لحبيبة تا قررتو ديرو العرس ..ياك قلتو ماكاين عرس ماكاين والو. الميمة: بقاي تسكتي شوية ابنتي مال داك السان عند مكيسكتش واش باغا تبكي ختك؟! جهان: هههه غير خليها تهضر اماما ما غنبكيش صافي الجرح برى والفرح بدى. سامية / وا باااز ليك اختي!!(تبعكيك) دغيا نسيتي بنتك(تمياق)...مهم انا غنمشي هبة بنتي خاصها توجد راسها وحوايجها دلعرس ...تانتوما جيتونا على غفلة كنا ناويين ندوزو العطلة فالبرتغال مي مفيها باس البرتغال غير قريبة(الفوحان)...(شافت فمها) ماما... خليك نتي مع جهان بلا ماتبقاي غادا جايا كدوخي فطونوبيل. جهان: هي اصلا غتبقى انا باغاها فشي حاجة ضارورية على قبل العرس ..هههتفيدينا يا ماما شوية ..نستافدو منك. مشات سامية كتبغكك و تحلون ودافع كبير وبقات الميمة ...الميمة ماشي شااارفة باقة كدردك وشادا فراسها وتاهيا ليسانها سليط وصعيبة كتعطيهم علاش كيقلبو ههه وبالاخص حفايدها و عيالات ولادها ،والدة فرقة د احواش تبارك الله هه جهان: تحنات عند مها) ماما عندي ليك واحد المفاجاءة بغيت نوريها ليك وخفت يسكت ليك القلب ههه الميمة: دابا مللي قلتيها (حرف الراء عندها معكل بحال فواسة) غير وريها لي ،بلا ماتبقاي تشرفيني وتقول ليا غيسكت لك ما غا يسكت ليك !! جهان :يلاه اجي معايا ..(جراتها من يدها كانت لابسة جلالة فالباج وصباط دومي طالوت و الشعر كاري قصير مزعراه والاناقة عايطياها قتلة...هادييك على لميمة ..فكرتيني فالحاجة الحمداويةواخا كبر منك بشحاال). انا غسلت وجهي ودوشت وخرجت لقيت كراميل هوا رانيا شادين ديك الورقة اللي مقيدين فيها كيشوفو سنو باقي خاصو يوجد..شوية وهيا دخل ماما فيديها ديك المرة مو عوينات رماديين بحالي..جات وقفاتها قدامي ... جهان: ماما شوفي واش تعرفي هاد البنت.؟(ابتسامة ..رانيا وقفتت قلبها كيضرب ..كراميل بنص عين) الميمة: (كتشووووف فيا )ماااشاااااء الله سبحااااان اللي خلقك(كدوز يديها على شعري و كتاءمل) بنت من نتي البنتي....؟ انا كنشوف فيها واقفة بحال فلة وعيني كيلمعو و البراءة ديال الدراري الصغار قلبي كيضرب فتسعين ...تك..تك..تك....وعيني كيغرغوو... جهان: تزيرات وكتهضر بصوت ممزوج بين الفرحة و البكية جايا فالطريق ..) ماما.....(عينيها غرغرو) ماعرفتيش ش ششكو ن ه اا دي... الميمة: (شافت فبنتها مالها ..وهيا تحقق فيا) حاسة بيك قريبة من قلبي ...(كدقق النضر ويديها على وجهي) ...معرفتش علاش كنحس احساس فشكل....(عينيها محلولين فيا...انا غمضت عيني ونزلات دمعة على خدي) رانيا كتشوف وعينيها كيجريو بالدموع كراميل داير يدو على فمو ونيفو مشوكي. جهان: (دارت عليا بتعنيقة معها غوتة) هااادي بنتييييييييييييييييييييي ....ااااااااههههىءىهىء الميمة:( مصدووووووووومة بغات طيح شداتها رانيا...) ري ... ر...رييييم!!!!!!!!!!!!!!!!! رانيا: (عنقاتها بابكا) اه الميمة ريييم رييم رجعات ختي رجعااااات هىءهىءههىء الميمة: (كتقرب مني وكترعد وعينيها كيلمعو) ب..ب..ببنتي رييم (ماما شدات فيها) كدوز يديها علو وجهي وانا واقفة مزيرة سادة عيني كنتنخصص وكنبكي ونرجف (البكية ديالي صيلونصيو قليل فاش كتسمع شي نبرة كنبكي لداخل)كرتميل كيبكي فصت معنق المخدة ..مكرهش يعنقني فديك اللحضة. الميمة: (عنقاتي) الاااااااااه بنتي رجعااااات ،..الاااااااااه ياقلبي شحاااااال ونتا مريييبيضهىءهىءهىء (انا فحضانها كنرجف) حمدتك يااااااااربي وشكرتك للي بقيت حية تا شفتها عروووسة...الااااه يابنتي فين كنتي غابرة...هاد سنييين كاملة وحنا بلا روووووووح .. بقات معنقاني كتراري بيا تاسخفات.. غوتنا وشديناها: مااااامااا ..؟!!!!...الميييييمة .. حطيناها فوق الفوطوي فبيتي كنفيقوها و انا غير كالسة حداها يدي على جبهتها و كنشهق ونشوف فيها. كراميل: هىءههىءههىء من الفرح لعزى؟!!!! ماتموتيش ...فيييقي فييييقي. الميمة: (كتحل عينيها ) فين ..فين بنتي ريم!!! (شديت لها فيديها) جهان: هاهيا ...هايا حداك اماما غتبقى ديما حداك..(الدموع) شافت فيا وبدات تبكي ونتباكاو وحاطا راسي على حجرها و كدوز عليا بيديها و تشكي مسكينة و كلهم دايرين بينا انا ساكتة الدموع نازليت و سادة عيني ..صعيبة عليا الهضرة للي كتقول ..وكتشكي مسكينة على ماداز عليهم

جلسنا لعشية كاملة وسط داك الجو العاءلي فشيت قلبي بالبكى على حجرها مزيااان..تاشبعنا بكى و رجعنا درنا عقلنا وجلسنا كي الناس شوية وهي تنتابه لكراميل. الميمة: شكااادير نتا هنا ؟!!! ويلي ويلي شديك الصباغة و ديك ..ويلي ويلي وداك الشعر هييييييي باقي مبغيتي توب مازال ميما نتا كي طرا جيتي للمغرب ؟!! هوا مكيفهمش هضرتها المعكلة غير كيشوف علمتو الدارجة كيفهمها شوية ولاكن الميمة ماقشبل فيها والو حسن اللي ماكايفهمش.هوا كيعرفعا ديجا معندوش معاها. جهان: هههه كراميل مرافق د مروى اماما. الميمة: شكون مروى؟ رانيا: مروى هيا ريم هههه سميتها مروى مابقاتش سميتها ريم. الميمة: الااااا(كتشير بصبعها) هادي بنتي ريم غاتبقا سميتها ريم. جهان: ههههه ماما الله يهديك راه راجلها اللي باغي هاكا مكيبغيش نعيطو لها ريم حيت باباه هوا للي سماها مروى قصة طوييييلة لليل نبات كنعود ههه. الميمة: (شافت فيا مصدومة) مجوجاااااااااا(حلات فمها) انا حدرت راسي تزنكت رانيا: اااااه مزوجة ههه وعرفتي بيمن؟!!!!(هزات حاجبها وكتفرنس) رانيا: (الميمةخرجت عينيها باينا فيها مسيميمة) ب نضاااال هههههههههههه الميمة: هااااااااااا؟!!!!!! نضال صاحب صابر؟!!!!!!(شدت فقلبها) جهان: هههههه ايييييه هوا هداااك كلشي بالصدفة هههه نضاال اللي عزيز عليك و كنتي تجبدي ليه ودنيه هوا وصابر فاش كانو صغار هههه وباباه افتخار الله يرحمو هوا اللي رباها ههوسماها مروى. الميمة : (تكمشات مافهماتش) دوختوني اش جابها لعند افتخار ؟ وحنا مافراسناش و هوا كان يكلس معانا هاد المودة كاملة فالطبلة؟ جهان: هه ماكانش عارفها بنتنا فهمتي حيت رباوها شي وحدين كانو عندو فالقصر و جابوها ليه صغيرة ورباها. الميمة: ااااااه ...صبحااااان الله(وهيا ضور عندي) الميمة: هياا قولي ليا تزوجتي بنضااال(فرحانة حشماتني) ههه فين راه ؟ هادي سنين ماجا للمغرب كنت كانشوفو غير فاش كنسافر عند ماماك لباريس !!!! داااابا نشدو ونوريييه ..ياكما قبيح معاك؟! راني عارفاه تربيت يدي هاداك (كضور فراسها) رانيا: ههههههههه مازال ماجا غيجي هوا و صابر واري ما تجبدي ليهم فالودنين هههههه نتي للي كتعرفي ليهم هههه انا فخاطري ..ربي لاما فرجيني فيه اخيرا جا شي حد كيقطعها فيك انضال . جهان: ماما غنطلبك طلب...هادشي يبقا بيناتنا تا لنهار لعرس باغا نصدم حبابي و عدياني خليها بيناتنا. ميمة: ايييه فرجيني فيهم(مسيميمة) ...اجي بنتي لحبيبة نشبع منك ..حيد عليا نتا ديك الحالة راه ماشي باريس هادي ... ماداهاش فيها و جلس يميق ولف نكير ديالها واخا شي كيفهمو شي لا . عنقاتني و بقينا نضحكو وتعاود ليا على نضال وصابر ههه

وحنا جالسين كنضحكو و ادوب كيعيط هههه جبدت تيلي كنهضر حداهم واخا عارفة ديلمو خاسر مي انا ماشي خاسرة مكنخسرش الهضرة. انا: الوووو ههههه (عيني كيضورو فيهم ) نضال: صبحااان الله ..عاد كنتي كدمعي تقلب ليك لبارابول ؟!! انا: هههه لا طحت على واحد لاشين واااعرة(قناة.الميمة بليييز) ... نضال: باينة ديال السيكس.مقدرتيش تصبري تا نجي هههه توحشتيه احبيبة ؟! اانا: الصممممت (جمعت الضحكة وهما حدايا ماعنديش كيندير نسب ونشتم) نضال: هههههه صقلتي ههههه نجي ههه؟!!!! انا: الصممممت(تفو على خاسر خرى ،.) لميمة : هداك نضال ..،اريه ليا. نضال: شكون كيهضر حداك؟! انا: هههههه خفتي يسمعوك.. نضال: ههه يسمع للي بغا يسمع فاااك . انا: وهاك ..شي حد بغا يهضر معاك.(عطيت تيلي لميما و هيا تبدا عليه) الميمة: نضال؟!!!(السم) ولاه لابقات فيك تزوجتي وعرستي وماقلتي ليا والو.....اييه(كضور راسها لعالم الاه شكايقولها) ايوا لحمد الله اللي ختاريتي بنت البلاد مامشتيش عند داك الدجاج كروازي (الكوريات) ...بلا ماتدهني دابا درتي الغلاط ..ولاكن دابا نوريك .......صافي سكت يا سلكوط .....مازال زايد فيه ....(كنخراو بالضحك) اممم مريييض فيك الحلاقم (كيكدب عليها) ....فين داك المسخوط د صابر .....فوقاش غتجيو......اولاه تا نجبد ليك دوك لودنين ...تاتجي ...حبس بلاتي مازال ماساليت الهضرة........بلا متكوليا لا مريض لا مانعرف شنو .... اممم كيعيطو ليك ؟! واسير سير تا نتفاهمو .....هاك هاهيا بلا ماتموت ....(عطاتني تيلي) نضال: علاش دوزتيها ليا ؟!!!! افففف ناريييييي. انا: ههههههه كيجيتك ؟! نضال: ديري للي بغيتي دابا ...فاش نحليك رجليك بداي دوي ديك الساعة عنداكي ماتقوليش ليا كيجيتك هههه انا: الصممممت(هاد الضاسر محكل الميمة كالت ليه السلكوط) بقا يدوي وانا ساكتة قدامهم كنفرنس بزز تا قطع ...هبطنا تعشينا وتلاحينا نعسو وبقات اميمة فبيت النعاس مع ماما كيداكرو. مروى طلعات تنعس وكلشي تلاح وبقات لميمة كتعبر فبيت نعاس هيا وجهان. الميمة: شوفي العرس غنديرو تقليدي ماكايش داكشي د لاكلاص و تخربقي عليا ..هوا غنديروه كلاص ولاكن الاصول والتقاليد غنطبقوها . جهان: اييييه غير كوني هانيا وحتى مروى غتبرز مع رانيا بجوج حيت ماشي بزاف باش تزوجات يالاه شهر ..ومابغينا نقولو ليها والو و راه رانيا شرات ليها الحوايج فاش خرجو د العروسة بلا ماتعيق خدات جوجو من الحاجة ...دابا قولي ليا شنو للي خاصو يدار وشنو للي مايدارش و كيدايرين تقاليدنا حنا .. الميمة: حيدي عليا ..مسيتي لخارج نسيتي كلشي راه المغرب كولو تقاليد وكل واحد كيمشي على اصلو وحنا غنمشيو على اصلنا واخا حتى واحد فيكم ماكيعرف لهادشي انا وخوالاتك غنتكلفو ونتوما تكلفو بديك الطبقة العليا وخليو لينا لعرايسات نخلطو ليهم لاموض مع التقاليد. جلسو يداكرو تا صبح الحال و يقيدو الناس اللي غيجيو باش يبداو يعرضو ..

صباح جديد والعرس بقات ليه يومين ولافامي كل شوية يطل واحد ويدي تبركيكة و ماما مابغاتش تقول شكون انا كل مرة كتهرب من الجواب... مهم فقت على صوت ادوب هههه حل ليا عيني بتخصار الهضرة تفووو على كنس على باسل ،.دخلت للدوش دوشت ولبست بيجامة كحلة شورط زيباردور ديالها فيها خط ابيض وطلقت شعري وتميت هابطة ،،طنطينة ديال الشمس اليوم ..انا هابطة مع الدروج هما يبانو ليا الخدامات و الخدامين غير كيجريو و يوجدو و الناس شي داخل شي خارج مكنعرف حد من الناس اللي كيجيو يطلو علينا هبطت و انا لقى ماما جالسة كتهضر مع الضياف..دزت من حداهم بديك التقزيبة شافوني ضطريت نمشي نسلم عليهم ،جلست نسلم و كلشي كيطلعني ويهبطني و يشوفو فيا و ماما فرحانا وكتشوف فيا شوفة افتخار ببنتها و انا ومكنفرنس لحد على حساب ما بانو ليا غير العويقين ..كانو تما 4 دلعيالات و 3 دلبنات ..بديت نتحنى عليهم وحدة وحدة كنسلم عاطين حنكهم بنفخة تاسلمت و ساليت و روايحم كتعطعط و داربين عالحطة وهيا تقول ليا ماما.. جلسي احبيبة ..(جلساتني حداها) وبداو يشوفو فيا و حدة كتنخز لخرى درت رجل فوق رجل وكلعب بيها فيها كلاكيطة كحلة وكنشوف فيهم بغو ياكلوني. جهان: (كتقدمهم ليا) هادي خالتي و هادو خواتاتي ... وهادو بناتهم .. انا: متشرفين(ضحكة متصنعة) وحدة فيهم: جهان شكون هاد الزييييين(كتفرنس و طلع فيا) جهان: ههه هادي ضيفة الشرف ههه نهار العرس نقوليكم سكون. انا نخزتها باش نخرج للجردة ..وخرجت كندور و شادة تيلي فيدي كنتميساجا مع نضال ههه..ماحسيت بيدين تا ضارو بيا مور ضهر قفزت ضرت و انا نغوت .. الشخص: اوووبس !!!!!سمحي ليا اختي ماقصدتش.. انايالاه جيت نحيح وهيا تخرج رانيا مع الباب كضحك .. رانيا: هاااي مون كولونيييل ههه(طارت عليه بتعنيقة) انا بقيت غير مصدومة مافهمت والو ؟!! رانيا:مروى هههه كنقدم ليك عاصم ههه (الخطيب) انا : متشرفين (كنخزرر) عاصم :سمحي ليا امدموزيل(قاطعتو) مدام الله يخليك.. رانيا: هههه عاصم معرفتيش شكون هادي. عاصم : لا فاللول سحاب لي نتي من الضهر ؟!!!! عاد فهمت انا علاش دار ليا دي الشدة بيحاب ليه رانيا ويييييلييي على حشمة!!!! وليت غير كنضور فعيني!!! رانيا : هادي راه ختي مروى التواءم ههه راه عودت ليك عليها فتيلي !! للي كانت تخطفات صغيرة راه كلشي فراسك وقلت ليك راها معانا وعاودت ليك بليديطاي. عاصم: ااه متشرفين امدام على سلامتك اختي كتشتبهو بزااف من اللور ههههه انا: متشرفين(تصافحنا)هههه بكترت مكاتهاود ليا عليك وليت حاسة بحال ايلا كنعرفك من شحال هادي ههه رانيا: عاصم(معانقين) راك عارف سرنا فبير تا لنهار لعرس ماتقولها لحد.. شوية تم كراميل خارج بواحد شويريط ههه حد الركبة وديك الكارية للي طولها دايرلها بروشينغ ههه وكلاكيطة بيضة و تيشورط بيضة سدر عريان لحمد لله لابس عادي لحد الان ماعادا الضفار داير ليهم الصباغة وتم جاي عندي كيتكسول سلم عليا من لابيز كراميل؛ هااي حبيييي(كيسلم ويتبعكك) هاي رانيا(من لابيز) ...بونجوووور (سلم على عاصم من ليد ) عاصم معجب فيه مافهم والو هههه على فكرة عاصم حسب ما عاودات ليا رانيا هوا خدام كولونيل د العسكر و باباه جينيرال ريوس لكبار .كان مسافر فالخارج خدام عاد رجع حيت عرسهم وصل. رانيا: حبيبة هادا كراميل للي عاودت ليك عليه(مع غميزة) راك عارف ..هههه عاصم : ااااه ههههه متشرفين اسي كراميل ههه كراميل معجبوش لحال علاش يقوليه السي و انا نخشي يدي فيدو كنضحك معاه انا؛ كيمو دياليييي يالاه احبيبة نفطرو باش نخرجو ..(تميت جاراه عطيناهم بالضهر وضرت قلت ليهم ) باي باي عليكم هه نتلاقاو من بعد (مع غميزة) تميت داخلا كنتعلق فكاراميل و نضحكو بداك الشورط المقزب للي لابسة ودزت عاوتاني حدا الضياف كيبرككو فينا ..وييلي معنقا فيه قدامنا ؟اوييييلي شوفي شوفي مكيحشموووش ياختي ...ماعرفت شكون ديك البنت؟!!! البنت1: واييه كالسة دور طالقة اللعب بلا حشمة شوفيه صابغ دفارو والشعر مسبسب باينة فيه زامل وهيا كي كيكتقحبن عاجبها راسها. البنت2: هههه باينة غطير ليك صابر ههه البنت3: امم نتي زعما ماجاياش على ودو البنت:1: بلا تبعكيك داابا راحنا فاهمين بعضياتنا هااه(كتغمز) كل وحدا بغاتو ليها بلا متبداو تخباو وكاع بنات لافامي غيتزيزو فهاد العرس على ودو. كلسو لبنات كيهضرو و طلعات مروى مع كراميل كيكيكيو و يتناكرو طلعو ليهم لفطور يفطرو وبقاو لبنات لتحت شادين الناميمة و لعيالات كيبحتو فجهان و ببرككو وفالجردة جالسة رانيا مع حبيب القلب البوكوص ديالها الطولة والتجريدة والفورمة .. عاصم: شفت ليكارد كورد عند الباب و فالجردة بزااف ياك لاباس؟! ديالمن ديك الفيراري الكحلة؟ رانيا: ههه ديال مروى احبيبة ههه راجلها مكيخليهاش تحرك بلا بيهم. عاصم: اااه ههه واخصنا نعرفو هاد راجلها ..فين صابر مزال ماجا؟ رانيا:(البوسان) غيجي هوا ونضال غدا نهار الحنة عاصم :مزياان يالاه احبيبة نخليك يالاه جيت من السفر درت عندك نتي اللولة دابا غنمشي لفيلا عند الواليدا راه ك

مشا حبيب القلب وطلعات رانيا تبعات مروى للشونمبر لقاتهم فطرو وسالاو ولاللة مروى جالسة دايرة رجل على رجل عند المرايا وكراميل كيصايب ليها شعره بالسوشوار.وكيتجمعو. كراميل: غادي غير نشفو ليك وصافي باقي غنمشي ل سبا(spa) وتقادي كلشي.. رانيا؛ اه مسا لحال البنات خصنا دابا نمشيو لسبا كنعرف صالون هنا فمراكش كبير وكلاص فيه كلشي .. وهما كيتجمعو على شغلهم الصياف لتحت فيهم الدودة والبنات بغو يطلعو عند بنت خالتهم للبيت يبرككو فيها و فشنو كتوجد وف مروى و كراميل اهم شيء البنات: خااالتي فين رانيا.. جهان: فبيتها احبيبة. البنت: ااه يالاه البنات نمشيو نطلو عليها. جهان :سيرو عندها لفوق راها تما. ناضو طالعين كيزربو وهما براسهم منفخين على بعضياتهم. بقيت انا كنتسنى كراميل ينشف ليا شعري و كنهضرو حتا دخلو علينا البنات كيبرككو فينا بلهفة. البنت:رااانيااا حبيبيبة مبروووك فرحانين ليك احبيبة(الصباغة) انا ضورت وجهي ماعطيتهومش وقت وكراميل خدام ليا و كيتبعكك. كلسو يهضرو وانا كنسمع و عيني فالمرايا و عينيهم فيا ماعطيتهمش مجال يضيرو عليا..جلسو بهضرو مع رانيا..وتاهيا كتعطي لمهم بعياقتهم هضرات وحدة سميتها سلوى. سلوى: عرفتي كنا غادين للبورتغال ندوزو عطلة مي مللي جا عرسك قلنا ماشي مشكييل ندوزوه عاد نمشيو .. رانيا: امممم بصااح ايوا مرحبا بيكم.. كلسو وحدة تفوح على اخرى وانا ساليت وبديت نهضر انا وكراميل عادي يكونو ولا مايكونوش خلاه نضال فاك.. كراميل: شوووفي بلا متلبسي سروال ولا شي حاجة مزيرة راحنا غاديين للسبا غتحيدي غتحيدي للهم لبسي شي حاجة خفيفة و الشمش كاينة برا ليوم ..(كيقلب ليا بين خوايجي و انا كنضور بين مكياجي) هاكي لبسي هاد الكسوة واخا ...البيضة لخرين عيتغامزو.. هزيتها ودخلت للدوش بدلت و كراميل مشا يبدل و تلاقينا لتحت ورانيا هبطات القحاب لتحت ...خنا تمينا خارجين وهيا تهضر سلوى(باغا تلسق) سلوى: يالاه البنات نمشيو مع لعروسة لحمام وحتى حنا نقادو راسنا لغدا.. جهان: اه سيرو لعروسة كيمشيو معاها لبنات .. رانيا: (اففف) هه اوك يالاه كراميل لاسق فيا كيتبعكك ويطلع و يهبط فيهم اما الميمة جالسة تبلاني وتخطط خهه فواحد البيت بوحدها. سلوى: ولاكن البنات طونوبيلتي مغتهزناش كاااامليين انا جابت لي الضحكة.. رانيا: ماشي مشكيل نفرقو شي يركب معانا شي معاك. سلوى: اممممم اوك يلاه (غادة قدامنا كتشير بسوارت وتبعكك) خرجنا لجردة وكنت حاطة لفيراري تما ومشيت درت ليها طيو طيو هما يتهزو لبيبان لفوق ..بقا كلشي حال زكو !!!!!ويتناخزو ..كراميل شد بلاصتو محيدهاليهش الطبيب حدايا...وكبت شادة تيلي كنتسناهم يطلعو .. رانيا: كنضن طونوبيلتك ا سلوى غتهزكم نتوما بتلاتة بلا مانح

مشاو ركبو معاها مازال مافاقو من الصدمة خفت غير سلوى تخشيهم فشي حيط هيا متيقاش اشنو شافت والصدمة الكبيرة هيا ملي دارت لفيراري داك الصوت vvvvvv vvvvvvvv وخرجتها من الفيلا وهما يجريو ليكار ورايا تابعيني ..وسلوى مورايا وتمينا غاديين و كراميل داير لينا وناسة فالطوموبيل مزدحنا هههه انا: رانيا هههه صرعتيها ملي سيفتيهم مع سلوى ههههه رانيا: علا عياقتهم والله لا حطات فيها شي وحدة قزيبتها هههههه هما قلبو عليها..شتي على عاءلة عندنا هههه احسن تزويجة ضربتها انا ههه ديت الزين بالحبة واخا باسل مي الحبيب ديالي كيما بغا يكون تمينا غادين تاوصلنا حطيتها فم الباب ديال الصونطر ..نزلنا وخرجو ليكارد عمرو الدنيا تما فالباب بيدمن نخرج ضرت لقيت لبنات مورايا حاللين فمهوم و كراميل معايا داخل كيتحلون كاع الصونطر كيشوف فيه ..تنشرنا كل واحد باش بدا وانا وياها كنبداو بجوج ونساليو بجوج جات عندي وحدة ستيتيسيانا. ستيتيس: باش تبداي امدموزيل انا: اففف مدام الله يخليك(ولليت نبين الخاتم باش يفهمو) غنبدا بلاسير(نتيف) لكلشي .. داتني لواحد الجناح خاص ب الحلاوة والتخريق وكراميل حدايا جلست فوق الفوطوي تا جات وحدة للي غتخدم ليا.. الوحدة: مروااااااا !!!!!(عنقاتني) انا: سكينة هههه(تسالمنا وتحابينا) كانت قرات معايا ولات خداما تما. بدات تخدم ليا الحجبان وانا ناعسة على الباياص هوا ينقز كراميل. كراميل: احم بغيت ندير لاسير ... انا:هزيت راسي فيه) هاااوييييييلي هيا اللي بقات ليك؟!!!!!(سكينة فشلات بالضحك) كراميل: راني مولف كانديرها ..بلا ماتزيدي فيه (تبعكيك) انا: اهااه ديرها ...وشكون بغيتي ذديرها ليك بنت؟! كراميل: بيان سيغ بنت ...علاه مالو غيديرها ليا دري؟؟؟؟؟ انا: نوض تقود من حدايا (عصبني) زملتي نتا لا؟؟ كراميل: شوفي بلا متصدعيني!!! وتعصبيني انا خاصني نديرها راه ناض ليا الزغب.(منفخ) انا: ربي لما قولي اختي سكينة واش كيجيو عندكم لحالو ،،؟؟؟؟ سكينة: هههههههه عادي راه كيجيو ههههه هانا نسالي ليها ونحيد ليك غير ماتقولش ليا نحيد لتحت. كراميل: اممممم بنادم كيداير ...غير طلقيني لعداب فهاد المغرب.. كلس حدايا وكينكر وسكينة كتنتف واخا مافياش الزغب ولاكن الاحتياط واجب وداك الضاسر جاي غدا يمشي يلقى فيا شي زغبة ونولي نتلون كي تاتا بدينا خدامين كنديرو لميزاجور mis a jour للزغب وانا نجري على كراميل خرجتو حيت غنتعرى خرج كيسخط مي ماعندي ماندير ليه لعرى هادا.بقيت انا وسكينة كتنتف . سكينة : مافيكش الزغب اصاحبتي ...علاش باغا تحيدي كلشي؟ انا: لا اختي غير دوزي على كلشي كاين ولا ماكاينش ... دوزات ليا لكلشي وبقا واحد هوا للي ماتقاسش.هههه سكينة: اري نحيد ليك لمايو ؟ انا: لا اختي غنتقصح غير خليني مع السلاح الابيض(بيك دلحسانة) راه قاضي لغراض سكينة: هههههههه واغير اري والله منضرك ...جربي! حسن ليك ههه بقات عليا بالهضرة تا حيدت ليها السليب.. سكينة: واابااز عندك خفيييف بزاااف و خايفة؟ انا : عنداكي تقصحيني والله تانحيح.راه هاداك هوا كلشي ...يمشي مولاه يلقى فيه شي طبعة ولا حرقة غيدير ليا فضيحة. سكينة: ههههههه مبروك عليك الزواج هيا قولي ليا ديك الفيراري اللي على برا ديالك و دوك ليكارد هههه كلشي كيهضر عليك. هيا يالاه حطاتها ليا فجبهة د لفار هوا يصوني تيلي...الله و اكبر كيجي غير فالاوقات لغير مناسبة .. انا: حبسي متجريش حتا نسالي لهضرة .. انا: الووو نضال: فين الحب كاين شي باش نجي ههههه انا: حشم شويا الله يمسخك . نضال: هانا غدا جاي ..عنداك تنساي شهر ماحويت هههه انا: افففف ماغاديش نجاوبك ....اااااااي(غوت تالسما) نضال: مالكي غوتي هاد الغوتة شكاين انا: (وتيليفون فودني) اااااح ...ياك قلت ليك بلاتي... نضال: بلاتي .؟؟؟؟؟ واااعرة هادي شكاديري؟ انا:كندير لاسير الزفت (جيتو من اللخر باش مايصحابوش كنخونو ههه) نضال: هههههههههه(ضحك عندو متقطع كيحمقني ) قوليها تحيد ليك تبيبين ههه ولا اري نقولها لها انا هههههههه انا: (صعرت) نضال بارااااكا من الضحك الخاسر(كيضحك فالسما) نضال: هههههههههههه الله ياربي غتقتليني ..جبتي ليا تمام ..شوفي دابا غنهضر معاك نيشان. انا: شنو ..سربي(عصبني) نضال: قولي ليها ماتحيدوش كامل تخلي ليك شي متلت الوسط نازل بين الشفتين هههه انا صافي غنودع الدنيا ..غيسكت ليا القلب بقيت ساكتة مابقالي باش نجاوبو نضال: حبيبة ماتقلقيش راه كنضحك معاك وفنفس الوقت كنهضر بصح ...ديري داكشي لي قلت ليك... يالاه نخليك تكملي وتهلاي ليا فيه ..بيزوو. قطع قبل مانبدا نعرق ليه ..خلاني كنولول فبلاصتي و سكينة يالاه بغات تكمل.. انا: لا حبسي متحيديش كلشي خلي ليا متلت لوسط صغير ..وغير بشوية عنداكي يبقا هادشي حمر ولا يطرا ليه شي حاجة .. سكينة: ههههه كوني هانيا . جاتك التعليمات من عند مسيو ههههه جلسنا كنقادو تا ساليت لقيت راسي كندير ليه خاطرو بلا منشعر ..وييييلي شكندير لمسقي هوا للخر

سلخت كلشي فخاطر نضال..تفو تمحنت دازت عليا و كل شوية كنطل عليه نشوف ياكما فيه شي خبشة كنتمنى مايبقاش حمر تا لغدة نتشوه واخا ماعند ديلمو فين يهضر كلشي مقاد ولاكن ماخاص تكون تا نقطة تما .. اففف خرجت من ديك الشومبر كنبري ونشعل و نوزوز لحيمة رطبة و صافية كضوي ...درت هاه وهاه مالقيتش كراميل !! كوراه مخشي فشي بيت كيريشوه !؟ بانت ليا رانيا خارجة تاهيا تريشات ههه انا: اففف ياختي ماخرجت من ديك الشومبر تا غفر ليا ربي الدنوب حجييت ! رانيا: هههه يالاه نديرو حمام تركي نكملو لباقي لجلدة خهه هبطنا لتحت فلاكاف علام اخر داكشي مستيلي كل وحدة دخلات بوحدها شاداها وحدة تفركها سالينا وخرجنا لابسين بينوارات وانا لقا كراميل لابس تا هوا بينوار ههه مشاااا دار لاسير مابقات فيه تا زغبة و تحمحم ههه كراميل: افف قهروني بالحكان جلدتي طابت .. انا: زيد باراكة من الهضرة ممولفش بالكيس ههه كوراك دوزتيها عليهم .. كراميل: انا غادي ندير مساج .. انا : تاحنا لقيتينا غاديين ندلكو عضامنا.. مشينا لواحد الواحة مافيهاش الضو غير الشموع كبيييرة مستفين فيها لبياصات مقابلين مع لابيسن فيه ضو زرق صوت خرير الماء مع موسيقى رولاكس تسرحنا بتلاتة وجيت انا وسط منهم .. كالعادة كراميل كيغوت بغا دري هوا للي يدير ليه المساج ..كيحيح حدايا. انا:(مشبحة والبنت كدلك ليا ضهرى ورجلي ) راه المغرب هادا ماشي باريس ولا لوكس مبورغ ..صبر وخلي لبنت دير خدمتها ؟! كراميل : لاااااا لا(كيشير) الولد اللي يدير ليا مساج. انا: بلييز واش كاين شي ولد يقدر يدير ليه المساج؟ البنت: ماكاينش امدام كاين غير البنات. انا: (مخنزرة) قالت ليك ماكاينش الدراري كاين غير لبنات..(مكيفهمش العربية مزيان) كراميل: اافففففف صافي (كيتكسول ويتشبح) يلاه بداي وغير بشوية ويلا كانو عندك الدفار بلا ماتحطي فيا يديييك. انا:افففففف والعفووو. ترخينا ..شوية هما يجيو تلفتاياتش كانو كيقلبو علينا شافونا مسرحين تسرحو حدانا ..حنا غمضنا عينينا متسوقناش ليهم ..كلسو عالهضرة و البلابلا فرعو ايا راسي بالفوحان باش انا نسمع ..منعسة حنكي جيهت كراميل وكنحل عيني مرة مرة ،كيبان ليا مبرزط ..ساد عينيه وكايصوط ...شوية هوا يصعر كراميل: اااف(تبعكيك) واحنا جينا مرتاحو ماشي نخرجو براسنا منفووخ من الصباح ونتوما كتهضرو صدعتوني ..هادا راه ماساج الكااااام ماشي قصارة ...يخ تسيف على البنات ..عبر عليهم وانا سادة عيني كنسمعو كيحيح خليتو مي سكينة ماعجبهاش الحال. درنا مساج على انغام الفوحان دبنات لافامي شوية طالعين فدروج لفوق لبلاصت لاكواف وهيا تهضر وحدة بن لبنات د لفامي سميتها نهاد ! نهاد: اح(تبتكيك) مال صابر مغايجيييش؟ رانيا: ههه(باستهزاء) غايجي غدا غير كونو عانيين(مطلعة حاجبها) رانيا بينها وبين راسها(: ههن كتسولو على صاابر هه هاهوا جاي وجايب معاه الصدمة ههه غدا يسكت لبوكوم القلب) انا: رانيا؟؟ مالكي كضحكي بوحدك؟! وا صبحان الله!! رانيا: تفكرت واحد ديكور هههه غدا غاتشوفيه بعينيك(ضحيكة) مهم طلعنا نكملو ماتبقا فالاجراءات التجميلية ،جلسنا كل واحد شد بلاصة ..كنصايب رجليا والبنت خدامة ليا فيهم و كيمو حدايا كينكر مخلاهاش تخدم فخاطرها... انا: كتهريني هه غير بشوية كراميل: شاد تيلي وحاضيني. كنت لابسة كسيوة قصيرة حد الركبة فاش جلست طلعات ليا تا لفخادي .. بدات تخدم ليا فيهم و حدة خرى كتخدم ليا فيديا ..ورجيلاتي زوينين كيحماق عليهم نضال وزادت البنت تهلات ليا فيهم تا ولاو حومر من تحت بحال ديال الدراري الصغار وانا كالسة ونوصي عارفة نضال غيجي يشبع فيهم بوسان. سالينا دزنا للشعر ودري للي كيصايب ليا ... الدري: ندير ليك شي كوب امدام؟! غتجيك زوينة ؟انا: امممم (كنقلب فشعري) على طولتو ماتنقصسش ليا بزاف. بدا يفزك ليا شعري و يمشطو (ترن) مسج نضال: تقيصي شعرك ندبحك اوكbaby تصدمت ؟!!!!! ويلي حاضيني؟! الدري المقص .. انا: لالا بلاش مابقيتش باغا نقطعو غير خليه طويل .. خلاه ونشفو ليا وانا كنشوف فلمرايا جات عيني فكراميل ...وسهيت فيه (غيكون هوا اللي وصلها لنضال..باش غيعرفني باغا نقطع شعري ..100٪ هوا ) سالينا وخلصت بلاكارط وتمينا خارجين وكالعادة الحضية و التبركيك والبنات غا كيشوفو ركبنا كراميل حدايا و رانيا لور شادة تيلي .. انا: (شنقت على كراميل) قلتي لنضال باغا نقطع شعري ياك؟!(مطرطقة عيني) كراميل: طلقي مني لاه يخليها سلعة..تفو... انا: دوي.. نتا؟!! كراميل: اه ..انا(كيفقصني) وهوا للي وصاني قالي الى بغات تقطع شعرها قولها ليا... انا: ايييييه ...كتافقو من وا ضهري!؟؟ كراميل: ايوا ختي ماعندي ماندير ليك بغيتي يجي يلقاك مقطعاه و يقطع ليا انا راسي.؟!!!(مكمش وجهو) بديت نصوط ونطرطق حتا شبعت فاللخر مشينا فحالنا داز النهار فالتوجاد والروينة والناس داخلين خارجين و ريحت العود مطلوقة فمبيخرات فالفيلا كاملا العرس قايم و كلشي مشغول تا حد مامسالي وانا قلبي كيضرب بغا يسكت وغير ساكتة مكنهضر مع حد بالي مشطون ومخلوعة وخايفة و ف

قادينا وسالينا وبقينا كنضورو فالبيت وكراميل معنا شوية طلعات الميمة مع ماما .. الميمة: (عنقاتني وكذلع وتهبط فيا) تبااارك الله عندنا الزين ..هاي هاي هاي ..ماعند داك السلكوط د نضال فين يهضر ..تبارك الله(مكتحشمش..ضارت عند رانيا) هايهاي هييي (كدور راسها) مالكي مخلوعة هههه بردي شوية ابنتي راه هادي هية سنة الحياة ...(رانيا بدات تبكي) هههه علاش كتبكي ونتي غدا غتاكلي طوفيطة هههه(الحوى) ههههه هاهيا مروى الى خفتي سوليها تعود ليك ...(حشمت ) جهان ماما: هههههه خلي عليك البنات اماما براكة من هاد الهضرة هههه الميمة:(ضربات على كراميل) ايييييه (كتهضر معاه لونكلي باش يفهمها) شكون لبس ليييك(لميمة كانت استادة جامعية وتقاعدات الله يجعل لباراكة)؟ كراميل: كيجااانييييي. الميمة: زوييييين غير ديك الصباغة حيدها وديك تعكيرة لحمرة ...راه المغرب هادا ....ويليويلي(كتشوف فينا وراسها كيضور) مع العاءلة عندنا ياسلام غنبانو ف الجزيرة ... جهان: خليه عليك(بالدرجة باش ميفهمش) حريتو هاديك هوا حر يدير للي بغا ..لي معجبو حال يضرب راسو مع الحيط.... ماما مgورة.. دون سوق ... شوية تمو الخدامات داخلين بجوج باليزات كبار ديال لعرايسات فالبيض ...هزوهم فوق الناموسية وحلوهوم ...مطرطقة بحوايج لعرايسات من الطرف تا لطرف ..بدات الميمة كتجبد وتحط ويهضرو وحنا جالسين على واحد الفوطوي كتشوفو شنو كيديرو ...(الدقان) الميمة: مابغينا حد يدخل لهنا يعرفونا شكانديرو ..يخ غيضربوهم بالعين ويجلسو يبرككو ... جهان: (من وراء الباب) شكون؟! سامية:غير انا حللي(خاتي لبركاكة مت سلوى ) الميمة: سيري هبطي هاحنا جاييين(بجهد) واخا بنتها ماعقلاتش عليها... بداو يلبسونا وانا مافاهمة والو ... الميمة: تعطل نضال وصابر ؟؟؟(وهيا كتلبسنا) بزاااف .. جهان: المهم عقيل بعدا راه جا ..راه لتحت فالباب مع الناس..صابر ونضال راني كنعيط مكايجاوبوش وراه قبل مايقلعو من باريس عيط ليا صابر قالي غينزلو فمراكش مغينزلوش فالمطاو د كازا ..غيكونو مزال فالطيارة .. انا كنسمع نضال كيبغي قلبي يسكت ..وميضرب بالجهد.. لميمة: تباااارك الله مشاااااء الله (سالات لينا ) شفت فالمرايا لقيت راسي لابسة بحالي بحال رانيا قفطات بيض جوهرة بلا حزام وسروالو ابيض من تحت وشعري مطلوق ودارو ليا غطا مشبك على وجهي مافهمت والو خليتهم يديرو للي بغاو لبسات لميمة قفطان كحل بالحزام وماما تكشيطة خضراء راءعة ..صايب ليا كراميل وجهي انا ورانيا وكيصرع الميكاب...شوية حلو لباب دالبيت و دخلو النكافات كيصليو على النبي ويرشو ماء الزهر علينا لابسين الخضر ..باستنا لميمة من الجبهة وغطات لنا راسنا وكراميل بقا حدايا متململش مافاهم والو زغرتات ليه وحدة فودنو تا دخل فيا!!!! وكلس يسب ويشتم ويقدف ومعا الصداع والجوق نساءي لتحت حاميها لشطيح مسمعوش شكايكول واصلا كيهضر لونكلي ..تمو مهبطينا بشوية مع الضروج والجوق سمعنا نازلين وصلاة ويلام لقو اغنية د العرايس ..تمينا نازلين كلشي تصدم ...نص لكبير وقف وحل فمو ..كيفاش جوج عرايسات ؟!!! شكون لخرى؟!! كيتشابهو شوية ؟!!! شكون ديك البنت.... مهم تمو غاديين بينا ويط الفيلا انا بديت نبكي ونشهق تحت لغطا وكنشوف ماما شادا فحلقها وكتشهق كلسونا فراس الفيلا لوسط وبنادم فجناب بزاااااف مبعدينهم علينا دايرين ليصباس كبير والبرزة قدام لباب ....جلسونا وخدا حدا وحدة فالبرزة للي كانت عبارة على فوطوي طويييل غزال مدهب وابيض وجا النقاشات بداو ينقشو وانا قلبي كيضرب فالتسعين ورانيا شادة ليا فيدي ...كل شوية كنقول غيدخل نضال....دابا هوا دخل مع الباب....قلبي كيزدحح زدييييييح ... مروى مسكينة كتسنى فنضال على احر من الجمر ،..اما لميمة خرجات لباب عند عقيل راجل بنتها كتسول على نضال وصابر... لميمة: افففف تعطلو هادو ؟!!! راه كنتسناوهم يوصلو باش نقدم مروى قدام الناس .. عقيل بابا: دابا شوية غيجيو راه نزلات الطيارة عيطو ليا راه غير نضال راكي عارفاه كيداير مع رجالو مكايساليش ...مع اول مرة غيحضر عرس مغريبي موحااال واش يبغي يتبرز ليكم هههه مهم انا غنمشي نجلس مع رجال فالجردة راه عاصم و باباه وكلشي تما ... عقيل كان لابس كوستيم ..شوية وقف عليهم المصور خدا ليهم صورة هوا و لميمة .اما جهان مشات لواحد لبيت كتوجد الدخلة ديال الدفوع والطيافر مللي تسالي النقاشة نقيش ... التنمة مور العشا ..بلا كملي ولا زيدي للي بغا يحضر للعرس مرحبا للي مابغاش يمشي ينعس ههه حمدو الله قابلين عليكم بلا كادويات جايين خاويين