حبيبي مافيوزي الجزء التاسع

جاست فالكلينيك 6 شهور على ضهري . عمرني شفت فيها نضال وعمرو جا عندي مرضت ومخلاونيش نخرج من الكلينيك حتى تستقر الحالة د وليداتي ويشدو راسهم مزيان وصابر وماما وبابا ديما حدايا عمرهوم ما فارقوني ،تا بدات كرشي كتكبر ..عرفت بللي عندي ولد وبنت هما اللي مصبريني على فراق نضال غير كنتفكرو كنعيط لطبيب كيجي كيجري كيدير ايا التلفازة ونبقى نشوف و وليداتي كيتحركو لداخل تا كنعيا وكيمشي كل مرا كيجي طبيب ولا طبيبة كيديرو ليا التلفازة ونجلس نتفرج ، مقيليني غير انا وكراميل حدايا مكيتفرقش عليا كيضايب ليا يديا وشعري و لماسكات لوجهي ديما من اهم الاشياء اللي كنرتاح فيها هيا المضهر ديالي . فقت واحد الصباح كالعادة فالشونمبر ديالي اللي فيها كلشي البلازما قداش والناموسية قداااش بحال ايلا راني فبيتي والدوش عندي كبير كلشي موديرن ،دخلت للدوش ومعايا فرمليات خاصين بيا ميفرقونيش دخلوني وكلست فالبانيو وكل وحدة شكادير ليا كيعجبني نجلس فالما كنحس براسي خفيفة وكنحس بيهم كيتحركو فكرشي مرا يهروني مرة يشحطوني تا كنغوت.دوشت وياليت لبست بينواري غوز قصير وكريشة قدامي صغيورة خارجة،وخرجت لقيت كراميل جا ومعاه وحدة .. كراميل: حبي صباح النووور ..(مواااح باس ليا كرشي) انا جيت جبت ليك اللي تكلف بيك اختصاصية فالمساج د الحاملات و داكشي اللي كيعجبك تفرفشك من راسك حتى لرجليك... انا: هههه بصح ..(مواااح بستو) البنت: انا سميتي كريستينة ... انا: متشرفيين ههه باش غتبداو ليا. كراميل: جلسي غتبداي برجليك وتبعي ليهم يديك وشعرك وانا غندير ليك سوان لوجهك وتصايبي شعرك من بعد غادير ليك مساج ليك ولدوك لقناطح اللي عندك.. انا: بزاااف عليك حيد عليا باقي تجي تبوس لبا كرشي نوري لمك. كراميل: صافي باراكة من الهضرة خلينا نبداو شغلنا ..اخ من نكير ديالك ... جلست وبداو ليا من راسي تا رجليا والفرمايات كل شوية تجي وحدة تعبر ليا الضغط وتعطيني الدواء وغير كالسين وبضورو قدامي وانا كل مرة نتوعت فكرشي لاعبين ليا البوكس . بصحتك الاللة مروى عيشي ليا الفشوش مع راسك ماا السي نضال ماخواش باريس قرر وشرى فيلا تما قد السخط والحديد اشكال انواع مستفين عندو برا ،استقر فباريس باش يبقى قريب لمروى حتى تولد وهوا متبعها وجالس فالجردة حيت دخل الصيف لابس سروال سورفيت كحل مستيلي مع تيشورط سميطات x من الضهر مزيرة كحلة وداير كاسكيطة كحلة قالبها للور وشاد كارو والكاس قدامو كالعادة (ولا كيكمي) و متبع مروى شكادير وكيضحك عليها وهيا كتنكر وفكل مرة كتغوت من الضربات اللي كتاكل كيبدا يقول.. نضال: يالاااه شدي ههه (كيتفرج ) وينووو ههه (عرات على كرشها) هههه جات معاك الكريشة ههه انا هيا كتبقا جالسة تا كتبدى الدمع بلا مايقيسها شي حد. كراميل: مالكي كتبكي ؟! نتي تخاوطرتي فدماغك عاد جالسة الضحكي ؟! انا: ديها فراسك سوقك فيا؟! نبكي ولا نكلس ..يخ فين طاستي؟!!! كراميل: واش هاد الوحم مازال مابغا يسالي.؟! انا: ديها فراسك(مجبدة وكيصايبو ليا) ارا ديك الطاسة لهنا ..خرى. كراميل: هاااهيا كنس تفوو...يالاه رساي خليني نكمل ليك شعرك! شديت ذاستي وحليتها وكلست ناحي فيها بصبعاني وهما خدامين فيا. كراميل: باراكة من الملحة واش ماكاتشحفيش... انا: لا (معفرة) كراميل: هن! 6 شهور ونتي ضربي فالملحة اوو!!! مروى توحمات على لملحة ههه طاسة مكتحيدش من حداها.

الحمل خرجها مني وليت على سبة وعصبية وكنبكي على والو خصوصا مللي كنتفكر نضال افففف توحشتو دخلت فالشهر السابع و معمرني شتو بابا سافر مشا لميريكان والميمة رجعات للمغرب بقيت غير انا وصابر وماما وكراميل . واحد الصباح جا عندي الطبيب كانو كاملين مجمعين عليا فالبيت... الطبيب: مادام يمكن ليك تخرجي ايلا بغيتي دابا ولات عندك سبع شهور وبقات ليك شهراين وتولدي. انا: اخيييرا غنخرج اففف عييت بالجلسة هنا صابر : هههه يالاه نوضي ..ولا باغا تزيدي تبقاي هنا؟! انا: لالا هانا نايضة (جمعت الوقفة) صابر: راه ديما كنقوليك تحركي بشوية مالكي مكتسمعيش. جهان: ماتبقايش تحركي بزربة واش مكتحيبش بالتقل؟! الطبيب: ههه عادي غير خليوها اصلا هي من النوع اللي مكتخرجش ليه الكرش بزااف واخا تخرك كي بغات ماشي مشكل ومن الاخين تبدا دير اليوكًا فالدار وتمارين رياضية خيت جلسات بزااف متحركاتش. صابر: اممم ايوا مزيان ،واخا اجي نهضر معاك واحد الدقيقة. صابر خرج مع الطبيب وبقات مروى فالبيت متلبس حوايجها كالعادة نضال حاضيها. الطبيب: راه بالعلم ديال الاب دوالدها راك عارف الوقت كامل وهوا مراقب الحالة ديالها والضواسا ديالها وكلشي وكاشي كنديه ليه انا بيدي حتا لعندو وحتا من الفيدوات ديال الجنين عندو .. صابر: اه عاارف غير هوا خاصو يعرف بللي خارجة ليوم. الطبيب: حتى خدينا الاستشارة من عندو عاد علمناها هيا .راك عارف السي صابر وكلشي داز على يدو . صابر: مهم شكرا بزاف على المجهود ديالك معانا نتا والطاقم ديالك كاملين ،نخليك تمشي لخدمتك وموعدنا نهار تبغي تولد انشاء الله. الطبيب: ليا الشرف نتعامل مع سيادتكم. لبست انا كسيوة فوق الركبة معرية من الفوق وشعري مطلوق كان لموت د السهد وصندالة بلا وكنتحرك عادي بحال ايلا ماحاملاش واخا كرشي مقنبلة قدامي ،غير كنكر وكنغضب دغيا وكنتسيف على بنادم دغيا وليت بحال شي لنت صغيرة مكنرضاش شي حد يغوت عليا ولايت حساسة بزاف والحمل زاد عطاني جمالية وبراءة فوجهي. مهم خرجنا عادي شفت ليكارد كورد فالباب بزاف وانا نتفكر نضال ... انا: علاش مازالين هادو هنا هاا؟! (كنكر) مابغيتش نشوفهم تفووو. صابر: ههه مسمكنش امروى هادو غيبقاو ديما معاك غير بلا متصدعي راسك هههههه يالاه زيدي دابا طلعي باش نمشيو لدار. طلعت كنكر وكنصوط حتى وصلنا لفيلا دخلت وانا نتصدم ،لقيت مريم تما ... انا: مريم؟!! صابر: ههه عقلتي عليها؟! ليوم وصلات ...بقيت شحال كنقنع فيها باش تجي عاد وافقات. مريم؛ مروى !!! مبروك عليك(عنقاتني) على سلامتك احبيبة. انا: الله يسلمك ههه احين حاجة درتي. جهان: هانتوما دابا تلاقيتو توانسو كراميل: احم احم ... انا: هههه انا هاهوا الونيس ديال(جريتو عندي) مريم: هههه ماتخافش بلاصتك مايديها ليك حتى واحد (كيتعوج) صابر: يالاه ندخلو لداخل ...واش غنبقاو هنا واقفين؟! دخلنا وجلسنا كنتجمعو هوا يصوني تيلي ديال الدار ...(جاوبات ماما) جهان : الو ..وي.....اه عقيل ...سفا احبيبة كلشي مزيان.... وي خرجات عاد دابا جبناها.... ولاكن ميمكنش نجي ونخليها بوحدها .....ضاروري؟....افففف اوك صافي.(قطعات) صابر: ياك لاباس؟! ياك ما شي كارتة عاوتاني؟ جهان: لا والو باباك قاليا غدا نشد تلطيارة ونمشي لنيويورك.. انا: سيري اماما ...مالكي معجبكش الحال؟! جهان: راه غنخليك بوحدك احبيبة ونتي حاملة ؟! مازال مكملاتش هضرتها دخلو جوج فرمليات باللباس ابيض دخلاتهم الخدامة... الفرملية: سلام اعليكم حنا جينا على قبل مدام مروى غنتكلفو بيها .. انا: هههه ايوا هانتي اماما ..هاهوما جاو ههه سيري نتي دابا خهه صابر: وي صافي دابا ماعندكش علاش تخلي الواليد تما بوحدو .حتى تقرب تولد واجيو. جهان: فففف اوك ايوا نمشي نجمع حوايجي ،..باي. مشات ماما وجلست انا وصابر ومريم وكراميل كنتجمعو وكنكر ومعصبة غير بوحدي ،تغدينا مجموعين وطلعت لبيتي وكراميل معايا دخلت خديت دوش ونشف ليا شعري ولبست بيجامة كري مع بوليرو مشبك وجلست رلعت فوق واحد الفوطوي كنحس بيهوم كيلعبو فكرشي. عند نضال.. نضال تبدل خلا شعرو قوى كحل ورطب وزاد زيان جاه الشعر كيحمق مع اللحية كيردو اللور بيدو وغير كيفوت القياس كيقصو ويخليه قوي واا غزال كتر مالي كان،تم خارج من الدوش بالديك الفورمة وفين ما يشوف فالمرايا كيسوف السمية دمروى محفورة فسدرو واخا طلقها محيدش الخاتم من صبعو قبل ماتخرج مروى بسمانة كان مشا لوكس مبوغ للفيلا فين جاب مروى اول مرة ...دخل لبيتو كيفكر الدكرايات ديالو معاها وكيتاءمل الغرفة ..شاف جيهت الشوميني تفكرها وهيا جالسة وكتنتف فالورد شاف جيهت الناموسية تفكرها وهيا كتبكي ماباغاش تحيد حوايجها وهوا كيزعف عليها باش تحيدهم بيديها وكيبتاسم تفكر جميع اللقطات الاولى ديالو معاها ولاكن اللي جابت ليه التمام هوا مللي حل لبلاكر فين باقيين حوايجها كيتفكر شنو كانت كتلبس وريحتها للي فين ما يشمها فشي بلاصة ولا فشي وحدة قلبو كيبدا يزدح ،وهوا كيتاءمل شاف لتحت لقى لغطى اللي نعسو عليه اول مرة جبدو من كارطونتو

وهوا كيشوف فالمرايا وصلو مسج..(حلو) شاف التصويرة وهيا جالسة مربعة وكتحسس كرشها .صيفطها ليه كراميل. شاف الصورة وكبرها وهوا كيدقق فيها وكيبتاسم نضال: توحشتك ...(كيتاءمل الصورة) جلس وتيلي فيدو كيشوف فيها ،باقيين الشوفات ديالو كيما هما وحراكاتو الرجولية و الوقفة والمشية وهضرتو للي كتزلزل الارض فاش كيغوت ولا يمكن زاد قصاح كتر من داكشي اللي دوزات عليه مروى ..وهوا كيتاءمل الصورة بدى تيلي كيصوني(صابر) نضال: احححم وي صابر...اوك ... عند مروى... جلست كنتحسس كرشي وهما كيلعبو فيها وكراميل حدايا كيتعوج عليا ... كراميل: زدتي فيه نهار كااامل ونتي مبندة شادا فكرشك ...غا نتي اللي حاملة؟! انا: ياكما حتا نتا حامل وانا مافخباريش(ملعة حاجبي) كراميل: باراكة من تخصار الهضرة ...احم هاديك اللي لقينا لتحت فايتلي شايفها فشي بلاصة ... انا: اه شفتيها فالعرس(كنميق) كراميل: ايييه... وشنو جايا دير هنا؟! انا: قهرتيني بالاساءلة ،..افففف جابها صابر (غوت) جلست كنتنتكر انا وياه شوية سهييت كنتفكر نضال (تنهدت) عمري ننساه ،داكشي اللي عشت معاه عمرو يتمحى ليا من بالي .اه خاني ولاكن غيبقى فقلبي حتى نموت عمرني نساه صورتو فبالي ذنبي انا اللي بغيتو ،ذنبي انا اللي تعلقت بيه حتى عدب ليا قلبي وخلاني مجروحة عمر جرحي يبرى (دمعو عيني) كل ليلة كنبات نبكي بلا ميعرفني شي واحد كل صباح كنصبح على صورتو فبالي ...سبع شهور عمرو طل عليا،سمح فيا وولادو فكرشي عمرو فكر يعيط ليا ... انا: اححح قلبي(شديت فيه والدموع فعيني) كراميل: مروى مالكي ؟!(تخلع) كضرك شي حاجة (بغا يبكي) انا: هىءهىءهء (عنقتو) عمرني نساااه انا عمري نساه ههىءهىء كراميل: هىءهىءهءهىء صافي الحبيبة مالكي كتبكي ياك نتي اللي بغيتي الفراق. انا : اااه انا بغيت الفراق ومقديتش عليه هىءههءىء كراميل: (كيبكي) هاد البكية ديالك كتقطع فالقلب غوتي وخرجي كاع داكشي اللي فقلبك علاش كتبكي فصمت انا: حياتي كاملة دازت جحيم عمرني فرحت من نهار تولدت وكلشي داز عندي كدوب فكدوب (كنتنخصص) حتى من نضال كدب عليا وغدر بيا هىءهء اخر واحد كنت نشك فيه اكتر واحد بغيتو فحياتي كتر من نفسي خلاني هازة ليه ولادو وسمح فيا. كراميل: ماسمحش فيك امروى ،خلاك على خاطرك غير باش ماديريش شي حاجة فراسك . انا: قولي هوا فين كاين هىءهىء واش كيسول فيا A؟ عند نضال: نضال: كيدايرة مروى ؟!! صابر : كي غتكون ؟! راها كتقيل تنكر نهار كامل ،غير على سبة وعلى والو كتبكي ... نضال بقا ساكت وصابر كيهضر معاه وهوا ساهي كيفكر فيها ،جالسين فالجردة مجمعين على الكلسة المعلومة ديالهم ونضال جبد الباكي د الكارو حطو قدامو ودار رجل على رجل وتكا راسو على ضهر الفوطوي غمض عينيه و جلس يتكيف و كل شوية يدوز يدو على شعرو ... صابر: سللك اصاحبي سللك (تنهد و كيطبطب ليه على ركبتو) عند مروى... انا: قول ايا واش كيتفكرني (عيني عامرين دموع ونيفي حمر) كراميل: معرفتش ؟!(نكرت) متي عارفاني عمرني زعمت عليه (الدقان فالباب) مريم: ممكن ندخل؟! انا: (كنشهق) اه هءهءىء دخلي... مريم: مالكي احبيبة كتبكي شنو وقع ليك؟! متل وجهك هاكا ؟! ايلا بقيتي هاكا ولادك غيخرجو معصبين.! ااااااااهااهاىءهاىء ااااهااههاىءهااء (نفجرت بكا) جالسة مربعة وكنبكي ونشهق و كرشي كتهز معايا حسيت بيها تعصبات ليا شي حاجة لداخل .. انا: اي ااااه...(كنتنفس بزربة) اااي كرشي ..اي.. كراميل مروى مالكي ؟!! مروى شنو كيضرك انا: حييت بكلاكاج اااه ...هىءهىء اااي .. مريم : غنعيط لصابر يجي راه خرج نشا عند شي صاحبو..، كراميل عيط للفرمليات كانو لتحت طلعو كيجريو ...وانا كنبكي وخايفة وعيني كبشوفو فيهم كيقطعو فالقلب.. عند نضال... صابر: صافي اصاحبي بلا مادير فراسك هادشي ... نضال: الصممممت (باقي فنفس لبوزيسيون مغمض عينيه ومتكي راسو ) سرررر سرررر شاف صابر تيلي لقا مريم.. صابر: ادو وي حبيبة .....هاااا؟!!!(غوت) هز نضال راسو بشوية معبس ملي سمع صابر غوت. صابر: كيفاااش شدها الحرييييق ....هانا جاي. نضال: مالهاا؟!(تخلع) صابر : مروى كتبكي وتغوت شدها شي وجع ومقدراتش تنفس. (مخلوع) نضال: زيد انمشي معاك نضال تهز بالخلعة على مروى مللي سمع كتبكي وموجوعة ...ومشا كايطير (فيراري معرية) وصابر حداه

اههاهاهءهىء كضرني كرشي ااااي اماما هىءهىء! فرملية: تسرحي ومتحوليش تعصبي واه كتوقع عادي وبالخلعة كتزيدي توجعي كتر ..ماتخلعيش راه غيفوتك الحال.. كراميل: ديري ليها شي حاجة باش تسكت هىهىءهىء راه شدني لوجع حتى انا معاها... مروى ف ف ف سوطي وتنفسي انا؛ كضرني هىءهىء (كنتقلب فبلاصتي) فرمليا: حيدي ليها الشورط باش ميزيدش يزيير عليها ...اري ليا داك الكريم سربي .. مريم: صافي متخلعيش راه هادشي عادي مغيطرى ليك والو انا: فين ماما (كنشهق) هىءهىء فين هيا؟! مريم: خرجات وراه عططت لصابر ... بقيت جالسة كنتوجع وشادا فكرشي خايفة وكنبكي حتى دخل عليا صابر تلاح حدايا مخلوع! صادر: ميمي!! هاحنا معاك متخافيش(شد ليا يدي وزيرت عليه) شنو وقع ليها ؟! مالها؟! خليتها مزيانا كضحك شنو وقع؟! كراميل : بببدات كتبكي على نضال حرى وقع ليها هاكا.. صابر: ميمي صافي متبكيش؟! ..سوفي فيا (سفت فيه بعيني شلال) واش بغيتي تشوفيه ؟! انا: (عنقتو وكنشهق) هىءهىءهء بغيت نموت حسن ليا .. صابر: ياك احبيبة كتبكي عليه ؟! قولي الى بغيتي تشوفيه غير قوليها ماتخافي من والو انا : اااااهاهاءهءىء مابغيتش ..مايستاهلش لااا غادي نساه هىءهىء.. صابر: (تاءتر) ففف غير هضري قولي باغا تشوفيه غير قوليها.. انا كنبكي ونشهق فحضن صابر و الفرمليا كتماسي ليا كرشي حتى بديت نرتاح وصابر معنقني عندو وكنشهق تا بديت نعس بشوية وهوا كيبوس ليا راسي و يطبطب عليا ... نعسات مروى عند صابر والفرملية كتدير ليا مساج فكرشها... صابر: (كيسولهوم) واش نعسات؟! حيت خاشية راسها فيه مكيبانش ليه وجها.. مريم: (بصوت منخفض) ااه نعسات ... صابر: صافي غير خرجو ...صافي براكا عليها من المساج خليها تنعس ... خرجو وحطو لها راسها على المخدة وغرقات فالنعاس وخلاولها كرشها عريانة حيت الصهد ومع هيا الخمل كيدير لها النعاس بزااف غيركتحط راسها على المخدة كتمشي ماكاتبقاش تحس بوالو... خرج صابر وسد موراه الباب بشوية وهبط كان لتحت نضال جالس لابس تيشورط كحلة و سروال دجين وصبادري كحلة وشعرو مقلوب اللور وجالس معصب كان كيسمع مروى كتغوت الفوق و هوا بقا غادي جاي لتحت مابغاش يطلع عندها و كيتحرق عليها تا نزل صابر.. نضال: كيبقاااات ؟! (مخلوع) صابر: فففف خلاعاتنا ...فاتها الحال دابا راه خليتها ناعسة ... تم نضال طالع لفوق عندها وخلا صابر واقف ،وصل حتى لبيتها وحل الباب بشوية كان تما غير ضو خفيف دخل وقلبو كيزدح شحال ماشفها ولمسها من غير التصاور والكاميرة.دخل بشوية ورسد موراه الباب وهي تلمحها عينو ناعسة على الناموسية على ضهرها وشعرها مسرح حداها طويييل وهيا غارقة فالنعاس وكرشها عريانا خلاوها غير بسليب بيض مشبك طلعو عليه ليزور ،شافها بقا واقف وسدرو كيطلع ويهبط وعينيه فيهم الحزن مع الغضب بدا كيقرب منها حتى وقف حداها صبعانو فالجيب وكيتاءملها وكيطلع ويهبط فيها شحاال ..جلس فجنب الناموسية حداها وقريب ليها وهوا كيتاءملها جر داك ليزور بيدو بشوية حتى هبط تحت السليب وبانت كرشها ،بقا كيشوف لها فيها وهيا تبان ليه كتحرك بقا حال عينيه وحجبانو عاقدهم ...شوية هز يدو وبذا كيحاول يحطها بشوييييية فوق كرشها تا حطها وغمض عينيه وهوا كيطلع النفس و كيتحسس حركات ولادو كيتحركو ،حس بيها كتحرك وباينة من الشوفة كتحرك وهيا ناعسة بقا متبع حراكاتهم بيديه وهوا كيبتاسم ابتسامة حزينة وكيسرح يدو فوق كرشها تابع التحركات ديالهم تا حس لشي حاجة دفعات ليه يديه بالجهد من الداخل. مروى: اي....(ناااعسة) حسات بالركلة فكرشها ونضال كيشوف فيها وكيتسنط فكل مرة كتحس فيها بوخزة كتهضر فالنعاس.رهوا كيبتاسم ليها ويدو فوق كرشها عايش ديك اللحضات الزوينة معاها مروى: اح.....(وخزرها).... انن ....امم (ناعسة وتصدر صوت رقيق حنيت فالنعاس) ....نضال... سمعها تحللو عينيه فيها... مروى: هوءهىءهء نضال ... كتبكي فالنعاس وتنخصص نضال كيشوف فيها قلبو مجروح كتر من نها غير مكيبينش وكيسمعها كتعيط بسميتو فالنعاس و هوا كيشوف فيها... نضاب:( بصوت منخفض) مكرهتش نعنقك امروى (طبع قبلة على كرشها) توحشتك بزااااف احبيبة وهوا حاط يدو فكرشها توخزات تاني وصدرات تاءوهات خفيفة وهزات يدها بغات تحطها على كرشها وهيا ناااعسة حطاتها فوق يد نضال .

وهوا حاط يدو فكرشها توخزات تاني وصدرات تاءوهات خفيفة وهزات يدها بغات تحطها على كرشها وهيا ناااعسة حطاتها فوق يد نضال ... حس بقلبو تزيير عليه ومروى حاطة يدها فوق يدو جلس معاها فترة طويييلة تا تقلبات على جنبها. وهوا كيراقبها وكيبتاسم طاحت ليه سلوى فالراس ،جمع القبضة ديدو وزيير عليها وكيغزز سنانو وبدا كيخنزر معصب تا سمع مروى كتهضر عاوتاني مروى: ن..نضال....اي..(كتهترس) طلع هوا عيليها لغطى و ناض تحنى عند وجها وكيدوز يدو على حنيكاتها و شعرها كيبتاسم ،طبع قبلة على جبهتها وخرج من البيت مخنزر وسد موراه الباب وخلاها ،هبط لقا صابر جالس ومعاه مريم كيتسناو شنو يوقع الى مروى شاغت نضال حتى بان ليهم نازل مع الدروج وجا كلس حداهم مكيهضرش ... صابر: شفتيها؟!!! مريم خايفة منو حيت شافتو كاعي وجلس دار رجل على رجل وشعل كارو وتكى راسو على الفوطوي كيتيف.. مريم: (تحت السنان) انا غنطلع نشوفها..(ناضت بغات الضور.. نضال: ماتقوليش ليها كنت هنا...(تصدمات) انا ضربات الفيقة على بونية ولا ماعرفت ركلة فجبني حلات ليا عيني ،جابتني جالسة مخلوعة شادا فجنبي ...طار ليا النعاس اوووف قهروني بالخبيط ...اححح جنبي. اووففف ...اح ...لااا ميمكنش!!! ريحة د نضال؟! ...انا متاءكدة انني كنشمها ماشي كيتخايل ليا!!! (كنشمشم) اااه ريحتو (قلبي كيزدح حسيت بواحد الدبحة نزلات عليه فاش شميتها تميت نايضة دايخة كنقلب على شورط ديالي لبستو وبقيت نضور فالبيت تالفة من الريحة اللي كنشم خرجت من الباب وانا لقى مريم.. مريم: احبيبة ...مالكي نايضة؟ (مخلوعة) رجعي رتاحي فين غادا(بلا ماتهبطي الله يرحم ليك الواليدين) اجي نجلسو لداخل ندردشو شوية. صابر عاود ل مريم كلشي على مروى ونضال... انا: لالا غير خليني(بديت نكًر عاوتاني) صافي فاتني الحال ...(غادا ومريم تابعاني) مريم: ببب بلاماتهبطي لتحت (وااااع شنو اللي فيقك دابا اففف ) راه خاصك ترتاحي انا: ااووف خليني فيا جوع !(وليت مسميمة) مريم: (كاتشدني) اجي انا نجيب ليك تاكلي غير رجعي لبلاستك ..وبلا متبقاي تمشاي بزربة راه عندك جوج واش مكتعيايش؟! انا: هههه لااا (غادا وهيا جاراني) مروى باغا تهبط جاتها الحالة والهبال عوتاني ومريم ماخلاتهاش تهبط لا توقع ليها شي حاجة حيت نضال لتحت وهيا كاع مكتسمع وكتنقز بديك الكريشة مكترصاش طالقة شعرها وغادا ومريم موراها خايفة اما نضال ناض وقف بغا يمشي وصابر وقف معاه .مروى تمات نازلة مع الدروج وسط الفيلا كتنكر وتسوط سمعها نضال هز راسو شافها هابطة ترفع تالسما وبقا مخرج فيها عينيه انا: اف السهد ...فيا جوووع..فين كراميل(نازلة كنكر ) هزيت راسي قدامي ..،هااااا!!!!!!!(نضال) بقيت واقفة مسمرة مازدت حتى خطوة حسيت بكتافي فشلو عليا وبحال الى تحطات ليا حرجة كبيرة عليهم ويدي كيترعدو ... مروى يبسات فبلاصتها ونضال كيشووف فيها ويطلع ويهبط فيها وهيا مصدومة كتشوفو قدامها من بعد هاد المدة كااااملة عمرها شافتو ... قلبي بغا يخرج من بلاصتو وانا عيني فعينو حطيت يدي على كرشي وحشمت من داكشي اللي دار ليا واللي داز عليا وردة الفعل اللي ديجا درت رجع كلشي للي داز فشريط سريع قدام عيني ،وهوا دابا كيشوف فيا حاملة قدامو... صابر غمز مريم خواو البلاصة وبقاو غير بوحدهم. وانا واقفة كنهبط درجة درجة وعيني فعينو ،تبدل عليا شعرو كتاف وكحل ناصع باقي وقفتو هيا هيا ،شوفاتو اللي كتقتلني هيا..هيا والصمت اللي فيه خلاني كنرجف ماعرفتش فين انا ولا شكون حدايا

وانا نازلة وصلت لتحت كنترعد والصدمة ضارباني متوقعتش نشوفو ..(جاي عندي بمشية بطيءة وعينيه فالارض وابتسامة خفيفة على وجهو) وهوا كيقرب مني فكل خطوة كيدير كنسمع قلبي كيضرب بجهد حتا وقف قدامي وهز عينيه فيا وابتسامة على وجهو وانا حاللة فيه فمي وريحتو هيا اللي كنتففس انا: ااااي....(زواوني لبراهش.) شديت فكرشي تا كنحس بيدو تحطات عليها ويدو لخرى ضارت مور خصري ماقدرتش نتحرك ولا نهز فيه العين ولا نقول تا كلمة ...سبع شهووووور ،سبع شهوووور ماشفتو ودابا هوا قدامي غطاني كللي ويدو على كرشي ..توحشتو كنعتارف توحشت يديه الي كانو كيغازلون توحشت نشوف سمتي فسدرو ،توحشت نسمع صوتو توحشت نعنقو توحشت كلشي فيه ،كان غزااال وزاد زيان واااو شعرو زاد عطاه جادبية كثر ،ممتيقاش راسي واقفة قدامو ..اه باقة كنبغي وكنموت عليه ويدو اللي كتحسي ليا كرشي غادي تسكت ليا لقلب ترفعت معاه وهوا كيشوف فيا وكيتاءمل ملامحي بقيت واقفة مدرت خدا ردت فعل حتى تفكرت الخيانة ديالو ليا... حدي ستوعبت رجعت للور وتسليت بين يديه وكنشوف فيه بحقد وغضب و يدي كيرجفو وهوا شافني تهربت منو خزرر فيا وضار عطاني بضهرو ومشا وانا متبعة ليه العين تا خرج مع الباب... جاتني السخفة وشديت كرشي وجلست فالارض مربعة ودموعي شلال ...كنتفكر اللي وقع ... مروى متيقاتش اللي شافت وتهربات منو وهوا بديك الحركة اللي دارت حطات ليه حطات ليه الموس فوق الجرح اللي فقلبو تا جرى بالدم ..خرج كلو كيترعد طلع فطوبيل زدح الباب تا تسمع عندها هيا وكسيرا نوض العجاج من مواراه وغادي وكيقول... نضال: اوك ...نتي اللي بغيتي(مغزف) مادرت ليك حتى حاجة وبعدتيني عليك ومخليتينيش نشوف كرشك كتكبر قدامي ..واااخا امروى..باغا تلعبي معايا، اوك ... شرحت ليك مابغيتيش تفهمي وخاطرك درتو ليك و طلبتي لفراق وتفارقنا (صعر وكيضروب فالفولون) هانتي غتشوفي دابا ،غنخليك تبكي فالصباح وفالعشية مللي مادايراش فيا التقة و وتبتي عليا تهمة انا مرتكبتهاش،دابا فنقلبوها بصح مللي نتي متاءكدة انني غضرتك دابا غنوريك الخيانة كيدايرة... نضال صعر بالمعقول ومروى بقات فالفيلا كتشهق وتبكي ماعارفاش اشنو كيتسناها ...مشا نضال حتى شد الفران سيك بوحدو بلا ليكارد دياولو فواحد الغابة خرج من الطونوبيل معصب وجسمو كتغلي بغا ينفارد بوحدو وتيليفون د صابر مكيقطعش مي هوا مابغا يجاوب على حتى واحد

بقيت كنبكي حتى تكهمت ونوضوني عشاوني بزز مني ومشيت نعت تا صبح الحال وانا نصبح على صورتو فبالي بديت نبكي ونحط حتى دخل عندي كراميل كلس يسكت فيا بزز باش سكت ليه شوية دخلات عندي ماما لابسة ومزيزة ... جهان: خليبة ديالي بسلامة انا غادا نلحق على باباك لنيويورك ههه ونتي تهلاي فراسك فاش تقربي تولدي غنجيو ماتخافيش ،هاوا صابر ومريم وكراميل معاك وحتى لفرمليات كلشي ضاير بيك .. انا :الصممممممت(بالي مع نضال) عنقاتني ومشات دخلت دوشت ولبست كالعادة غير كنهرنن وندمع حتى حاجة ماعاجباني بقيت جالسة لتحت فالفيلا تا خرجات عندي مريم جات كلسات حدايا ... انا: فين كنتي؟! مابنتيش ليا هاد الصباح؟ مريم: انا غنقوليك واحد الحاجة و و(وجها حمر) وحشمت... انا: (مربعة الجلسة فوق الفوطوي) غير هضري راه كلشي مقزدر فهاد الدار من الطرف حتى للطرف. مريم: انا...(مترددة) انا... انا: ماااكي نتي؟ حواك صابر؟!!!(الحمل كيعصبني) مريم تزيرات وخرجات فيا عينيها وحركات راسها لفوق ولتحت... انا: صافي..هادشي علاش كالسة تفتفي عليا من الصباح ههه ولاهيلا. مريم: جاتك عادية؟ انا: كلشي ولا يجيني عادي طزز ،عاودي ليا كيوقعات ليك ..ماشي من عوايدك زعما! مريم: احم(حشمانة) لبارح كنت ناعسة فالبيت وجا عندي بلليل كلسنا كنهضرو حتى قلبناها قلوة بفففف!! انا: هههههً طرطقتي لبوشونة تا نتي ههه،وماتنادمش معاك الحال؟ مريم: طز على يتنادم معايا لحال ،اللهم مع شي حد كنبغي ولا شي واحد ماباغياعش هيا اصلا كان غيجي وقتها وطرطق . انا: ايوا صافي هانتي ولليتي بحالي بحالك دابا ،تفوهي ليا مع راسك ،احي وفين هوا ؟باقي ناعس؟ مريم : لاا قالي غادي عندو شي خدمة! انا: ارا مايضرب فيك الكولوندير دابا ..نتي بعدا طحتي فخويا مغاديش يسمح فيك .ماشي بحالي طحت فنضال خرجها مني وزاد وخلاني. مريم: راكي غالطة امروى بزااااف ،نتي مافاهمة وااالو غير كدوي ..كلشي عارف بللي ماخانكش الا نتي راسك محجر... جلسنا مجمعين وانا مربعة رجلي كنرتاح فهاد الجلسة ،ماكنحسش بكرشي مزيرة ،شوية دخلات وخدة من الخدامات هازا كارطونة مغلفة كبيييرة على شكل هدية ... الخادمة: مدام مروى هاد الكادو ليك بسميتك... انا: (معجبة) وشكون مسيفطو ليا؟(حطاتو قدامي) خليتو مستغربة وانا كنحلو وعيني كيتحللو معاهم مصدومة والسينتا كترجع اللور فعقلي شفت الكارطونة تصدمت وانا كنحلها بديت كنترعد .. مريم: مالكي ؟! مال وجهك صفار !!!(حلات لغطى د الكارطونة ) كوفًرلي؟!!! شديتو بيدي وانا كنبكي فصمت وجالسة مربعة جريتو عندي تحل كامل وبديت كنشوف فيييه وكنبكي .. مريم: مالكي علاش كتبكي؟! وديالش هاد الطبايع ديال الدم لي فيه؟! (هزات كارد بوستال كانت وسط الكارطونة وقراتها عليا)< ايلا نسيتي نفكرك...> شمون مسيفط هادشي وعلاش مكتوب فيه الا نسيتي نفكرك ؟!! انا:ااااهاااهاهاااىءهاىءااااهىءهىءعءهء حشومة عليه عىءهىء علاااش كيدير ليا بحال هاكاااا هوءهىء ههىءههء (بغيت نسخف بالبكا) مريم: صافي ماتبكيش (هزات الكاس) هاكي شربي ...شربي الماء راك غاتموتي!!(شرباتو ليا) قولي ليا علاش غير شفتيه غوتي .؟! انا: (كنتنخصص) هىءهء هادا هوا علاش نعست اول مرة مع نضال هوءهىء هء هادا دمي اللي نزل فديك الليلة هىءهىء سيفطو ليا باش يقتلني بالفقصة هىءهىء نسيتو حتى سيفطو ليا دابا هىءهىء (كنغوت) حيوااااان اااهلهىءهىء بلعاني دارها ليا هوىء (مريم مصدومة) كيقولي زعما... شوفي انا على يدي دزتي عهىءهىء زعما على انا اللي مليت ليك حلوتك هىءهىء ولد لحرااام هوءهىء ضحك عليااااا اهاهاوءهىء مروى بغات تسخف بالبكا ومريم معنقاها والغطو قدامها فين ما تعز راسها تشوفو كتبغي تسخف بالبكا ونضال بلعاني دارها ليها وعادي غير البدية نازال غاتشوفي بزاااف مايعجبك امروىو نضال حالف تا يندمك على الشك اللي شكيتي فيه ... بكيت ختى شبغت ونضت جمعتو بالزعفة وطلعتو هشيتو فالبلاكار وجلست كنضورها فراسي حتى دخل عتدي كراميل ضارب مكياج ديال بصح وجلس تقابل معايا ... كراميل: واش نتي مكتعيايش من البكا ؟!ولش كل شوية غتهزوك لكلينيك ؟! وبردي شرية فقصتيني نوضتي ليا التجاعيد بالبكا معاك انا: (عصبني وغوت) قاود عليا الخرااااا ...ماناقصاكش حتا نتا ...يخ كراميل: هاويييلي هادي تسطات باينة جلست نوح و نحيح غا بوحدي كراميل حدايا كيتفرج فيا ويقول الله يهدي ماخلق

جلسات مروى شهراين ماشافت نضال ،ماعاودش جا عندها ما عاودات سمعات خبارو مي هوا فديك الفترة كاااملة كان فروسيا على قبل المهام اللي عندو والاتصال ديالو كان ديما مع صابر وكاع خبارات مروى كتوصلو بالحرف لاهيا لاتصاور ديالها وهيا حاملة مرة ناعسة مرة فايقة مرة كتبكي ومرة كضحك ...وفاش كان راجع جاب معاه بنت من روسيا لباريس زعرة وعوينات زورق تعرف عليها تما ودار معاها علاقة مي كالعادة مكتزعمش عليه ومكتقدرش تفنفن قدامو ديما صارم وقاصح وحتى الضحك كيضحكو معاها بزز... انا جلست شهراين كل نهار كيتزاد عليا كنقرب فيه من الولادة والخلعة شاداني والفرمليات مكيحيدوش من حدايا... تا لواحد الليلة ناعسة ما بيا ماعليا تا كيفيقني الوجع .... انا:اااااي....كرشيييييي .....ااااااي هىءهىء بقيت كنغوت تا جراو عندي كاملييين. صابر: مروى ...مروى واش غتولدي..؟!(مخلوع لابس غير الشورط) مريم: (بشوميز دو نوي) اه راه واقيلا غتولد ...خاصنا نديوها داااابااا مروى شدها الوجع وصافي وصلات وقيتها هزها صابر هبطها لتحت لطوموبيل طيالو بورش كحلة وفالبلاصة وصلات الخبار لنضال.اللي كان ناعس على كرشو شاد اللناموسية كاملة وصاحبتو كتبات فبيت نعاس اخر بوحدها ،حتى كيبغيها عاد كتجي عندو وهوا ناعس صونا عليه تيليفون... نضال: (كيشوف فتليلي بنص عين) اااالووو وي صاابر.....(تهز ) شنووووو...هانا جاااي... ناض بالخف لبس دجين وتيشود بيضاء وصبرديلة وهبط كينقز 4 درجات ب 5 درجات ركب وكسيراا وتبعوه وجالو ... داوني لكلينيك عند الطبيب ديالي طايرين بيا دخلوني للشومبر وبقا صابر و كراميل ومريم برا...جلسوني فوق واحد البياص وانا كنبكي بالخلعة حلو ليا رجليا مع جناب وربطوهوم وغطاوني وتكاوني و انا وكنحيح وندب على لحريق اللي جاني كنحس بقلبي غيسكت وهما ضارين بيا كيتجاراو قدامي وانا كنغوت ونسب بالعربية مافهموش اش كنقول... نضال وصال لكلينيك تقربلات الدنيا تما عاوتاني صابر: تهدن اصاخبي راه دخلات تولد(اااااااااااااي) راه كتولد دابا .... نضال غير كيشوف وعينيه خارجين وكيسمعها كتغوت لداخل هوا يحل لباب ودخل .تاحد مقدر يقوليه خرج لقا مروى حاللة رجليها كتعصر ومغطين ليها والفرمليات شادين لها فيديها وعينيها كيجريو بالدموع نضال: حبيبة غير صبرى(شاد ليها فيديها وهيا مزيرة عليه) انا: اااااهاهههىءهىء ،..مانقدرش ...ااااي نضال: غتقدري (مخلوع ) صبري بلييييز احبيبة غير حاولي انا: امممممممنمممم(كنزحم)اننننننننن مروى كتزحم وهوا كيتزيررر معاها وهيا ماعلا بالهاش راه واقف حداها لوجع تلفها على كلشي... شادة فيه وكتغوت والعروق خرجو ليها.ونضال كيحاول يتهدن باش ميزعفش على الاطباء و يتلفو ميعرفو مايديرو. بقات كتعصصر وهوا كيشوفها بغات تموت كيزيد يصعر جاتو البكية وهي كتعصر حداه .... الطبيب: زحمي امدام راه البيبي خارج.. نضالكيسمع خارج عينيه غير كيضورو عمرو حضر لولادة تا حضراتو مروى... انا:اععععععععععم(واااع واع واااع نياااع..خرج لبيبي كيغوت) نضال: oooh !!!!( شاف لبيبي هزو طبيب من رجليه بقا مصدوم كيبتاسم) مروى حدها خرج ليها اللول بدات تغيب وعينيها كيتقلبو ...تخلعو الاطباء ونضال مشعرش تا قصحها فوجها باش تفيق بدات تحل فعينيها و كيعطيوها فالمقويات باش تكمل .رجعات تزحم وتغوت وتعصرر ونضال كيتعصررر معاه تا ولادات يالاه خرجو التوام وهيا تسخف وبدات غير كضور فعينيها فشلانين وكتلهت هزوهوم ليها هاكاك حطوهوم لها على صدرها وحد من ليمن واحد من ليسر.. انا حدي شفت وليداتي نسيت لوجع وكلشي وشديتهوم كنشوف فيهم صغيورين بزاف مقدرتش نشدهم بوحدي شاداهم ليا فرملية بديت كنبكي وندمع بالفرحة عمرني تخايلت راسي نكون ام ضورت وجهي لقيت نضال واقف عليا ومربع يديه كيشوف فيا وكيبتاسم ،شفتو وانا نغوبش... انا: ولادي بوحدي(غوبشت) نضال: هههه اه بوحدك، جبتيهم معاك من داركم؟! ههه ولاهيلا زوينة هادي!

جلست كنكًر وهزوهوم ليا بغاو يديوهم... انا: (تخلغت) عطيييوني ولادي؟!! فين دايينهم؟!! هىءهىء(نضال كيضحك) الطبيب : غادي نوجعوهوم ليك امدام غير ماتخافيش... انا؛(ضرت عند نضال) علاش جاي عندي هااا... نضال: ايلا ماسكتيش غنهرس ليك داك الفم وماحدك مازالا هنا نيت يعتقوك ويركبو ليك فم جديد اوك ... خرج وخلاني كنكر غابوحدي تا سالاو ليا الاطباء ودارو ليا سوان وانا نحس براسي بديت كنعيا وترخيت تا داني نعاس ... مروى نعسات اما نضال خرج عند صابر... صابر: ولدات ياك ،سمعنا صوتهم من هنا... نضال: وي ولدات ... اووففف(كيدوز على راسو) صابر: وا مبروووك اخاي ههه هانتا وليتي اب.. نضال: ههه thanx(عنقو) اجي معايا ... نضال جر صابر معاه ومريم و كراميل دخلو عند مروى لقاوها ناعسة اما نضال مشا جيهت الدراري صغار يشوف توينز لقاهم ملبسينهم ومنعسينهم فبيت خاص بيهم غير بجوج وحداهم فرمليات واقفين.. دخل نضال وصابر وقفو كيتاءملوهم .. صابر: وييينوووو شحال زوينين... نضال: الصمممممت غير كيشوف فيهم...وساهي وكيبتاسم. صابر: واخا ..ممكن نهز واحد فيهم؟ فرمليا : وي بيان سيغ .. هزات ليه واحد وعطاتو ليه فيدو و كتوريه كيفاش يدير يشدو ،كانو ملبسين ليه سالوبيط زرق رطو جامع ليه رجيلات وليديدات ... فرملية: مسيو..بغيتي تهزها ؟ نعطيها ليك.. نضال؛ هااا؟! ام ...لا لالا غير خليها(نضال خاف يهزها) وشاف فصابر لقاه كيبوس ويشم فريحة د البيبي... صابر: وينووو شحال زوييين ...(شاف فنضال) جرب اصاحبي وهزها ههه مالك خفتي تمعسها هههه نضال: الصمممت(مع الصدمة ،مازال مستوعب) لفرملية شافتو متردد وهيا تهزها ومداتها ليه ...كانو ملبسينها الغوز بحال اللبسة د خوها... الفرملية: هاك(ابتسامة) جرب ... نضال بقا كيشوف متردد وهوا كيهزها بشوية تا شدها عندو وبقا كيتاءمل ملامحها الصغيرة وعوينات مسدودين وكتبجغط فالصوت ..شدها وقرب وجهو منها وبقا كيشم ريحة ديالها وكيبوسها وكيبتاسم ،وكيشوف فصابر عاايش اللحضة مع لوليد اللي هاز .. انا:حايت عيني لقيت راسي فشومبر اللي كنت ناعسة فيها 6شهور ولغت هاد الشومبر بكترت ما دقيت فيها الوتاد ،ومللي فقت وانا كنسول على ولادي ...وكايقولو ليا عاحنا غنجيبوهم .ولدت عادي با غراز بلا والو مع الاطباء دارو كتر من جهدهم معايا ،دخلت دوشت ولبسو ليا بيجامة شورط قصيرة مع ديباردور ديالها فالغوز ومشط ليا كراميل شعري وطلقتو ورجت بلاصتي علقو ليا سيروم فيدي..وانا جالسة حتى كيدخل عندي صابر هاز واحد فيدو ..فرحت وهوا يبان ليا نضال هاز واحد وداخلين عندي انا بقيت ساكتة مهضرتش غير كنشوف فيهم ... مريم :ويييينووووو مشاء الله كراميل: وينوو وليت خالة! صابر: هاهوااا جايشوف ماماااه ههه(انا عيني فنضال وهوا عايش اللحضة مع لبنيتة. عطاه صابر للفرمليا وهيا عطاتو ليا...وانا مصدومة ماعارفاش اش كندير... الفرملية: خاصك ترضعي امدام (شفت فيها مصدومة) انا: هاا!! (شاداه فيدي) فرملية: وي خاصهم يرضعو(جبدات ليا بزولتي وانا غير كنشوف وحطاتها ليه فمو ) بقاي حاللة فمك امروى ههه مسكينة ضهشرات مللي شافت نضال هاز بنتو فيديه وحتا هوا مابغاش يخوي ليها لبيت حط لبنت حداها وجلس داير رجل على رجل قدامها كيشوف فيها كترضع وهيا وجها حمررر،وصابر غمز لخرين خرجو وبقاو غير بجوج.. جلس كنرضع كنهز فيه نص عين ،لقيتو هاز تيليفون كيلعب فيه ومرة مرة كيهز عينيه فيا ويبدا يضحك ...اوففف دار ليا سترييس كن غير يخرج يخليني نرضع فخاطري ماعارفة تا كيندير نشد هادشي صغير بزاااف !!! تفو جالسة جابدة بزولتي حداه يخ على شووهة بففف مروى حشمات ترضع حدا نضال وزاد هوا جلس ليها تما وعارفة راسها الى قالت شي كلمة غيتسيف عليها ،بقات مكمشة وعند بالها كيلعب فالتيلي وهوا راه كيصورها فيديو ،تا صورها وسالا حس بيها مستريسية وهوا يقلب وجهو خلاها ترضع فخاطرها مي بت تما ينبت ماغيتزعزعش ليها من تما

رضعت بوقلوة حتى تكًرع وجا الوقت ترضع البنت هزيتو كنحاول نحطو بلاصتو وانا محنة معاه شوية بان ايا نضال نايض جاي عندي كيبتاسم وانا مغوبشة ماعاجبنيش الحال حتا وقف عليا تحنا عندي حيدو ليا من يدي وانا ساكتة كنشوف مقدرتش نهضر هزو فيديه وحطو فبلاصتو وهز البنيتة وعطاها ليا وانا كنشدها وكنشوف فيها وهوا كيشوف غيا وكيبتاسم مهضرتوش بقيت ساكتة معبسة وشدي بنتي عندي ماعرفتش نشدها بيد وحدة ونجبد البزولة بيد وحدة ،بقيت غير كنشوف فيها شاداها بيدي بجوج ونضال واقف كيشوف فيا ...معزيتش فيه عيني حتى حسيت ليه تحنى عندي وخشى يدو بشوية فصدري وانا قلبي بدا كيدرب كان غيسكت تلف ليا الريزو بقيت غير مخرجة عيني فبنتي ماقدرتش نشوف فيه فمرة وهوا خاشي يدو جبد ليا البزولة (حشمت) نااااري شكااايدر؟!!! اوييييلي جبدها ليا كاع؟! بقيت غير مصدومة والسهدة طالعة معايا شدها ليا وحطها ليها فمها وانا شاداها فيدي وكنترعد ...بدات البنت كترضع وانا غير حاللة فيها فمي ..شوية هبط ليا الشعر على وجهي و عليها حتى هيا وانا نحس بيه دار يدو على وجهي بلطف وجر ليا شعري اللور هزيت فيه عيني بشوية لقيتو مضور وجهو كيشوف فالولد وشاد ليا شعري اللور يالاه بغا يضور عندي وانا نحدر عيني شوية طلق من شعري ،شفت فيه هوا يباني كيشوف ف البيبي وجابد كلينيكس من الجيب اللوراني دالسروال حل واحد هوا يمسح بيه لوليد فمو وهوا كيبتاسم ليه فديك اللحضة حل البيبي عينيه لاول مرة هوا يتكا نضال بيديه على البياص الصغيور ديال التوينز ،بقيت مراقباه شكايدير ..بدا كيشوف فيه وكيبتاسم ويتاءمل الملامح ديالو وهوا حال عينيه ونضال كيتحسس ليه وجهو وفمو بصبعو وكيضحك معاه شوية بدا كيشد ليه فيديه اللي كانت مجموعة وبدا كيسرحها ليه وهيا صغيييورة حتى زير ليه البيبي على صبعو وشدو ليه حسيت بنضال عاجبو لحال وكيضحك وكيحرك صبعو والبيبي شاد ليه فيه تاءزمت فديك اللحضة مللي شتو كيلعب معاه ...ماعرفتش علاش خاني ؟! كنت حاسة بيه كيبغيني بصح مي مافهمتش علاش بدلني ؟وانا كنتساءل ضرت عند بنتي لقيتها حاللة عينيها وكتلعب بيديها وكتشوف فيا.واو بحال عينيا !!! كري بحالي ضرت عند الولد حققت ليه فعينيه لقيتهم حتا هما بحال ديالي ونضال باقي كيلعب معاه وكيضحك وهوا كيفركل بيديه ورجليه. نفس الشيء درت بلا منشعر جريت يدي وبقيت كنتحسس وجها وفمها شبعات ولاحتها رجعت صدري لبلاصتو وجلست كنلعب ليها فمها شوية خرج ليها لحليب من الجنب و بديت كنشوف قدامي باش نمسحو ليها تا هبط عندي نضال ومسحو ليها بكلينيكس اللي فيدو هزيت راسي فيه متيقاش اشنو كيدير شفت فيه وشاف فيا حتى طبع قبلة طويلة على فمي نسيت راسي مشيت معاه والبنت فيدي كتفركل وتلعب كنت غانرخيها على شوية حتى قمشاتني فسدري عاد ستوعبت. ويلييي شنو كندير زيرتها عندي وجمعت فمي والبوسة ديالو بقات كتهرني فشفايفي وانا مهبطة راسي تلفت بديت كنحاول نتلف وهوا كيشوف فيا وكيضحك.بقيت ساكتة هوا سهزها ليا من يدي ولنا متبعا ليها العين حطها حدا خوها ورجع ضار ليا... نضال: شنو بغيتي نسميوهم؟!(كيبتاسم) بقيت ساكتة شحال وانا كنشوف قدامي ساااهية انا: وعد(دمعو عيني) نضال: عهد ختاريت اسم وعد حيت على داك الوعد للي عطاني نضال جاو هما واعدني باش عمرو يتخلى عليا .بقيت ساهية وعيني كيدمعو حتى ستوعبت وبديت كنمسحهم بتكبر ضرت اقيت نضال كيشوف فيهم وكيبتاسم ... نضال: (كيتاءملهم) وعد وعهد (كيتلمسهم بصبعانو) بنتي سميناها وعد ولدي عهد واخا ماوفاش بالعهد لي عطاني. ضرت الجهة الاخرى ونعست خليتو معاهم وسديت عيني درت راسي ناعسة باش مايهضرش معايا ،تاحيسيت بيه جر ليا شعري مور ودني وطبع قبلة على خدي وغطاني وانا دايرة راسي ناعسة وكنسمعو كيضحك فنفسو معاهم وهما كيصدرو اصوات فشكل عاجبهم الحال معاه تفو تريكتو بسيف مايشبهو ليه شبعو فيا ركيل وبونية ،باينة غيخرجو مجرمين بحال باهم

بقيت دايرة راسي ناعسة تا داني النعاس بصح ،فقت ضرت مالقيتش نضال تخلعت وتهزيت من بلاصتي طليت على البراهش لقيتهم ناعسين .افففف سحابليا داهم ليا .اخر مرة نعس ونخليه معاهم قلبي كان غيسكت بالخلعة اففف بقيت جالسة معهم كنتاءملهم وهما ناعسين تا دخلو عليا ماما وبابا و صابر ومريم وكراميل .... الجميع: happy birthday to youuuuuuu ...happy birthdaaaay to youuuuu (انا مصدومة) happy birthda to youuuu marwaaa happy birthdaaay tooo youuuu انا غير حاللة فمي مفهمت والو داخلين عليا بالورد والنفاخات و الحلوة كاااملين كيغوتو ويغنيو ... تلاحو عليا بالبوسان واتعناق وانا يدي باقة فيها السيروم ،ماما هزات وعد و بابا هز عهد وباركو ايا كيفرحو وانا غير مخرجة عيني... صابر: ليومًعيد ميلاد ديالك امروى هههه ايلا كنتي نتي نسيتي حنا كل عام كنا كنتفكروه و معمرنا حتافلنا بيه لرانيا ... عنقتو وبديت كنبكي متوقعتش نولد فالنهار اللي تولدت فيه انا... بابا: على سلامتك ابنتي غير سمعناك غتولدي جينا كنجريو و يالاه وصلنا دابا ...(هاز عهد فيديه) ماما: وينو شحال غزالين شوف شوف اعاقيل على عوينات ههه خاصنا نسميوهم انا :سميناهم ...وعد و عهد صابر: فالعوينات كيشبهو لمروى مي الملامح لنضال بلا منكدبو ...اما الشعر ليهم بجوج كحل بحالهم .ضوماج مخرجوش زعرين بحالي(فودن مريم) قربات نوبتك الحب ههه (مريم حشمات) كراميل: اراه لخالتو تهزو هيهيي ... هزو كراميل وجلس حدايا كيلعب معاه انا: (تحت السنان) ضفارك...تمشي تجرحو نتقبك كراميل: ههه هادشي ايلا خلاني باهم حي ...شدي ولدك اختي باهم مامعاهش الضحك (غوبش) انا: (شديتو) فين مشا ؟ مابانش ليك؟ كراميل: كنا جالسين برى فالاستقبال حتى بان لينا خارج من عندك كالعادة كيهضر فالتيلي صاعر بقينا متبعين ليه العين وهوا خارج برا بدا كيتهز على ليكارد وركب فطونوبي كسيرا تا ناضت العجاجة وتبعوه من موراه شي وحدين انا: مالو؟! ياك لاباس؟ كراميل: شي قتيلة هادي فين ما نشوفو مغزف كيزعف و تيلي فودنو كنعرفو غادي يصفيها لشي واحد .

الله يحضر السلامة ... خلعني كراميل مي فالصراحة وليت كنتعود على هادشي مابقاش كيجيني كيخلع بزاف فحال اللول ،تعودت على نضال والعقلية ديالو مابقاش كيخلعني بزاف مي غادي ندمو على الخيانة ديالو ليا مع سلوى ...(دخل الطبيب) الطبيب: راه يمكن ليها تمشي ترتاح فالدار ،حيت الولادة دازت طبيعية 100% تقدر تحرك عادي غير منجهدش راسها وصافي،وحتى راجلها قالنا تمشي لدار حسن. ماشي راجلي هاداك منين متفهمو منين ...تفو صابر: احسن حاجة نيت ...(شاف فيا) شنو دابا تمشي ولا تبقاي؟ انا: نمشي (منفخة) ماما: فالدار غترتاحي حسن ... نضت لبسو ليا حوايجي شوية وهوا يجبد كوامي واحد الصمطة غليضة.. كراميل: هزي تيشورط ... انا: علاش؟! مريم: غير هزيها باش نديرو ايك الصمطة تجمع ليك كرشك بيدمن فاتك الحال وبداي ديري الرياضة باش متخرجش ليك ... ماما: هيا اصلا ماخارجاش ليها!! كراميل: لالا غير خليها ديرها ..(كيتعوج) غتجمع ليها عضامها.. انا، واش فايت ليك ولدتي شي مرة؟!(مستغربة) مريم: ههههههههههه ماما: هههههههههههههه كراميل: باراكة من التقحبين العور (كيلوي ليا الصمطة) جمعت حوايجي وخرجت عند بابا وصابر كانو هازين الوليدات وكيتسناونا لتحت نزلنا وطلعت فالطوموبيل ومورايا رجال نضال عاوتاني حتا وصلنا لفيلا دخلات الطوموبيل وهبطات لتحت للبراكين وانا لقى تما فيراري فالغوز بقيت غير كنطلع و نهبط فيها .. انا: ديالمن هادي ...وينوو شحال زوينة !! كتحمق صابر: ماعرفتيش ديالمن؟!(كيبتاسم) انا: ومنين غنعرف (تزطت فيها عيني خرجو) اححح نموت فالفيراري انا ههه كراميل : واراه حيت كتموتي فالفيراري جاتك هادي كادو. انا: هااا!! (تلاحيت على بابا) شكرا بزاااااف مواااااح (بابا مصدوم) صابر: (جرني ) اجي لهنا ماشي هوا اللي جابها ليك ..تبتي شوية وااع تقولي ماوالداش!!!! انا: ايوا وشنو ؟! لاميزون صيفطاتها ليا ؟!بقيت فيهم واقيلا؟! كراميل: باراكا من التبوهييل ...راه كديرها بلعاني(مع صابر) صابر: سيفطها نضال ...بمناسبة الولادة وعيد الميلاد! انا: هاهاهاها سعداتو شايطين عليه لفلوس !! (كنتعوج) مرة بورش مرة فيراري !!اهاه وشنو غيسيفط ليا المرة جايا؟! هاا! كراميل: (تلاوز) غيسيفط ليك شي قنبولة تفركع فيك باش يتهناااااا (كيعبر بيديه) بديتي طلع ليا فراسي بهاد البهلان ..نتي يا اما مسطية يا اما فطور تسطيا ،ياما اما غتسطينا كاااملين وتجلسي تفركي علينا!! صابر: هههه شنو دابا نرجعها ليه نقوليه مابغاتهاش؟! انا صقلت مابغيتش نقبلها مي اححح فراري ... انا: تا مالك مسطي ارى لهنا السوارت الكادو مكيرجعش !! صابر: فينهبا عزت نفسي؟! هااا الطماعة لخرى !! تكمشت وجلست نضور فعيني كنتسناه يطلع السوارت.. صابر: (كيطلع السوارت وكيفرنس) نياهاهاها يافرحتاااه اكيد غنقبلها ...مالي هبيلك نرضها هيهيهي.. كراميل: باااز وجهك صحيح !!! فين هيا العياقة وانا هادي وانا هادي ؟!!! انا: (نزلت عليه بخبطة للضهر) زيد لديلمك !لقيتيها !؟ واش الفيراري كيتناقشو عليها الناس؟! شحال وانا نتومر غير فالحديد ديالو ،مالي متكون عندي ديالي بوحدي ..يخ دخلنا للدار محاربين كنتناكرو وانا كنقلب على السبة باغا نخرج نضرب دويرة فيها ..احححح و الغوز من الفوق دخلت الفيلا لقيتها مقربلة كادويات و نفافخ محتافلين بيا ههه ولادي خليتهم مع الفرمليات بنكلفو بيهم وجلست انا نتكلف بالكادويات ديالي وكراميل حدايا كيتقحبن.. كراميل: عيطي ليه قولي ليه غير شكرا بعدا ... انا: نقوليه لخرى ..والله لاسمعها ..يمشي يتقاود

جلسنا العشية كااملة محتافلين بعيد ميلاد ديالي مابانش فيها نضال نهاءيا وكل شوية كان صابر كيخرج لبرا كيهضر فالتيلي وكيرجع كيبدا يشوف فيا سالات العشية وكل واحد مشا ينعس فحالو دازت سيمانة مابانش ليا فيها نضال ؟ حشمت نسول صابر عليه طرى ليا فيه العجب !!فين غيكون بقيت هاكاك تا داز شهر ونص . اواااه واش هادا ماتوحش ولادو ؟!! وزاد صابر حتى هوا غبر مابقاش بان ليا جلست هاد المدة كاملة عاطياها لرياضة حتى نحت الكرش يحلفو عليا عمري ولدت اما البراهش كاين اللي مقابلهم وانا تفكيري غير مع نضال من نهار خرج من عندي من الكلينيك ما عاود شتو !! واحد العشية جالسة مابيا ماعليا وماما وبابا رجعو لنيويورك وبقيت انا مع مريم وكراميل غير بوحدنا فالفيلا ومعايا المربيات كيربيو ليا ولادي ،مشا مني الحليب ورجعت والبعالك بداو يفرنسو ليا ويتركلو ويكغكغو ههه لقيت جالسة ديك العشية فالفيلا والبراهش حدايا انا ومريم وكراميل ... انا: هههه كتفرنس يا لبرهوش ههه كراميل: عاد بداو كيبانو لملامح ديالهم مزيان انا: اوكيجاوك ملامحهم؟!(مطلعة حاجبي) مريم: ههههه شكون يقدر يقول شي كلمة ههه بيان سيغ كيقطرو بالزين من الراس حتى للرجلين كراميل: صافي هبطي عينيك بلا ماتبقاي تميقي فيا (تعاوج) خرية كيدايرة!!! مريم: هههه خليها مسيكينة راه توحشات حبيب القلب.. انا: ونتي زعما متوحشتيهش ؟ماعرت مالهوم ضربوها بغبرة بجوج؟!(خزرت فكراميل) ماتكونش نتا فراسك شي تنقنيقة وضارب الطم؟! ها! كراميل: راه قلت ليك شي حاجة تما مي ماعارفش اشنو بالضبط و هاد المرة حتى صابر غبر !مافهمتش مالهم؟(دخلو جوج د ليال ليكارد بالكوستيمات) مااالنا شكاااين ؟! (تسيفت عليهم) لكارد : خاصك تمشي معانا امدام ... انا: هاهاها (كنستهزء) ويلا مابغيتش...(وجل فوق رجل) لكارد: اوامر مسيو نضال امدام.. تسرفقت بديت غير كنشوف ف مريم ومراميل وهما كيشوفو فيا. فالصراحة ولفت هاد الدومين د نضال مبقاش كيخلعني حيت هوا اصلا كان قاصح معايا حتى قصح ليا قلبي. انا: وعالااش؟! مريم: شنو واقع؟! (معجبة) مريم ماعارفاش نضال شكون ولا شكايدير ..ديجا هوا عندو بزاف د المشاريع من غير المافيا والقنابل .. انا: (وقفت) اووك غنبدل حوايجي ونهبط.. طلعت مستغربة ونضال مدة مابان ودابا مسيفط ليا نمشي عندو؟! المهم طلعت لبست دجين فالزيتي قصير من تحت فيه تقطيعة فالركبة و تيشورط فالزيتي بحال ديال لبارا (العسكر) مع لاطاي ديالي مقودة جيت هيا هاديك، وسبرديلة كحلة مستيلية وطلقت شعري ونزلت كندردب مع الدروج ... كراميل: نمشي معاك؟! انا: لا غتبقى ترد لبال ل عهد او وعد ،غنمشي نشوف سنو واقع ونرجع.. مريم: خلعتيني ياختي ...اشنو طاري؟! انا: ماعرفتش حتى انا ..مهم انا غنمشي.. مشيت وليكارد مورايا حلو ليا لباب طلعت فالطوموبيل وداوني بقيت غادا وكنخرج من تلمدينة حتى بعدنا بزاااف و انا خايفة ،تفكرت نهار د القنبولة فالمغرب والفردا ،حنا خارجين كنبعدو كنزيد نتاءكد ان شي خاجة واقعة ،لقينا غاديين حتى شدات الطوموبيل الفران بالجنب،نزلت مافاهمة والو كنتاءمل المكان ..كيخلع خااااوي غير لخلا ..دخلنا وهما حدايا واحد من لبكن واحد من ليسر وانا غادا وسطهم كنشوف داكشي بحال لمعامل مهجورين خاااويين وتلطريق كاملة وانا غادا وكنشوف ليكارد كورد منشورين فالبلاصة كاااملة بقيت غدا تا وصلنا لواحد الوسعة الوسط وانا نقشع نضال واقف لابس سروال توني كحل مع تبشورط حمرة عاقد شوكتو وكينفض يديه ضرت الجهة لخرى وانا نشوف صابر واقف حتى هوا ماعرفتش مال هادو وعلاش جايبين لهاد الكوارت الطبيعية ديالهم

بقيت كنشوف مافاهماش علاش جايبيني لهنا...شوية قرب ليا نضال ... نضال: مرحبا،..(كيستهزاء) انا: مالك جايبني لهاد الخلا و القفار ؟!!!(مخرجة عيني) نضال: توحشتك داكشي علاش جبتك ههه(استهزاء) صابر: (وقف عليا) مروى هاد الفيلم كااامل اللي كتشوفي داير عليك ... انا: اهاااه ...ياسلاااام ..ياكما بغيتوني نخدم معاكم؟ نضال: (خزر فيا و حاجبو طالع) تحركي قدامي ..ليوم غنهرس ليك داك الراس القاصح اللي عام ونتي مجرجراني معاك ...(غوت) يااالاه تحركي.. انا: بلا غوات ..هانا غادا (معفرة) بقيت غادا قدامو معفرة وهوا طالع ليه الدم انا؛ هااااااا!!!! سلوى؟!!!(وقفت مصدومة) نضال: ها معامن خنتك ...سيري عندها تعود ليك كيفاش كنت ناعس معاها (كيدفع فعنقو) بقيت ساكتة وانا نهز عيني فصابر... صابر: يالاه سيري تعاود ليك ... بقيت ساكتة وكنقرب منها وهيا رابطينها مع الحيط و اللصقة على فمها و كتشوف فيا عينيها خارجين...وليكارد حداه واقفين ،بقيت كنقرب منها وكنشوف مورايا ..نضال واقف مربع يديه وصابر حداه كيتحصر . وقفت قدامها كنشوف فيها ومستغربة و انا نسمع ... نضال: مازال ماحطيت فيها يدي ...هفت تموت قبل ماتعاود ليك على الليلة اللي دوزنا انا وياها.. انا كنسمع و كنقرب وكنشوف فيها ونضال وصابر مورايا واقفي بعاد حاضييني... نضال: حيد ليها اللصقة على فمها...(صاعر) حيدوها ليها ...(انا ساكتة) سلوى: مروى ..سمحي ليا بليز (انا مخنزرة وكنسمع) الشيطان لعب عليا و...و ودخلت عند راجلك ديك الليلة وهوا فالدوش (غمضات عينيها) انا: (مصدومة) زيدي كملي!! سلوى: عمرها ماكانت بيناتنا شي علاقة ...انا اللي تجراءت و زعمت ....(كتسكت شحال عاد كتكمل) خليتكم كتعشاو و..و دخلت عندو هىءهىء...عمرو ما خانك(نضال مغزف اللور) انا شعلات فيا النار مللي سمعتها كتعاود ليا ونفسي كطلع و تهبط..حتى عاودات كلشيحسيت براسي كنتحول ومروى خرى باغا تخرج وعيني خارجين فيها وسناني كيتحكو ويدي تعصبو.. انا: (معصبة) طلقووها ... وهما كيفكوها طاحت عند رجليا و انا كنمشي ونجي فوقتي حاللة رجلي بحال شي راجل والنار شاعلة فيا... سلوى: (ركعات ليا عند رجليا) سمحي ليا مروى ...انا بنت خالتك عافاك سمحيليا. انا: (كنتغدد) عرفتي شنو درتي....عرفتي كيفاش قلبتي ليا حياااااااتييييي(كنغوت)هااا؟ سلوى: سمحي ليا انا: هههه (ضحكة شريرة) ساهلة جاتك ؟!...نتي راكي شتتي عاءلة وبسبابك كنت غنقتل راسي ف اخر لحضة ...وبسبابك تهرست من يدي...بسبابك كنت غنجهض (كنتغدد) بسبابك طلقت ....كتسمعي !!! بسبابك نعست 6شهور على ضهري فالكلينيك ماشفتش فيها الزنقة ...بسبابك ماعشتش فترة دالحمل ديالي مع راجلي ....بسبابك نتي تعدبت وكل ليلة دازت عندي كلها بكى فبكى.... سلوى: عااافاك سمحي ليا... انا: هههه دابا جايا كتقولي سمحي ليا هااا(وقفات قدامي) بسبابك كنت غنموت ...دوزت عام كلو جحيم حتى لدابا...(مديت يدي لكارد وعيني فيها) عطيني الفردي (كنتغدد) مروى ولات وحدى خرى وصابر ونضال معجبين فيها وهما موراه مللي طلبات الفردي تصدمو فيها ونضال كيبتاسم وعينيه حاقدين ..شاف فيه الكارد هوا يحرك ليه راسو قاليه عطيها... انا: كل نهار داز عليا غتخلصي فيه نتي (وانا مادا يدي مد ليا الكارد الفردي) هههه سلوى: انا بنت خالتك امروى ...مايسحابش ليا غتوصل حتى لهادشي ... انا: (موجها ليها الفردي ) انا مابنت خالت حد هههه انا بنت راسي عمرني كنت بنت خالت شي واحد .... سلوى كترجف قدام مروى وصابر ونضال لور كيشوفو فمروى كيفاش تسيفات ... طاااااااااق...طااااااااااق....طاااااااق مروى جرجات فيها 3 د القرطاسات جابت ليها الكاو وهيا كضحك اما صابر بقا غير كيشوف فمروى اللي تحولات 1000درجة مس نضال واثف كيبتاسم بالجنب . خرجت فيها كاااع داكشي اللي داز عليا وضرت مغزفة وكنضحك متاجهة لنضال مد ليا يدو كيضحك حطيت ليه فيها الفردي و دزت وسط منهم غادة فالتجاه الطونوبيل وليكارد مورايا وصابر مصدوم

دزت وسط منهم خليت صابر مصدوم هوا يتبعني حتا وصلت لطموبيل تكيت عليها وانا كنترعد وصابر معايا مصدوم.. صابر: مروى!!! (مخلوع) واش سافا؟!! انا: الصمممت (كنحرك ليه راسي كنقوليه اه سافا وكنصرط فالريق) صابر: متوقعتش منك تقتليها امروى ؟!! علاش قتلتيها؟(الصمت) واش عارفة راسك شنو درتي؟! بعد الصدمة.. انا: اه نىءهىء(كنترعد) قتلتها اصابر ..اه انا قتلتها هىءهىء هىء(عنقتو) صابر :صافي دابا بلا ماتبكي (الصمت)اللي عطا الله عطاه وكن مقتلتيها كان غيقتلها نضال... انا: لااا اصابر هىءهىء وسخت يدي هىءهىء وليت قتالة بحالو هىءهىء صابر: صافي دابا ...بففف حتى هيا تستاهل ...خرجات على اسرة نتي كنتي غتموتي ...دابا صافي لحضة غضب ودازت ...راه شحال وهوا كيقلب عليها وحلف مايخليها حية وباش متبقايش تلومي راسك سمعي شغانقول ليك... شدني من دراعي وقفني قدامو...وانا كنبكي صابر: هيا كانت ناوية تاخد منك نضال ...سمعتي واخا نتي كنتي غتقتلي راسك ومشيتي فيها الكلينيك هيا ما حشماتش و قالت لكلشي بللي غتاصبها باش تاخدو منك (انا مصدومة) يعني هاديك وحدة متسواش وميشرفناش تكن من عاءلتنا اوك وانا مكرهتش كن قتلتها بيدي على داكشي للي دارت ،ماحسباتكش كاع واش بنت خالتها ولا لا معبراتش هادشي نهاءيا غراضها توصل للهدف ديالها وحاجة اخرى هي سباب بزاف ديال الحوايج نتي مافراسكش ومن الاحسن تحلي هادشي مع نضال ... انا: لااا اصابر (كنحرك راسي) هادشي بزاااف ..شنو اللي مازالين مخبين علياهءهء(كنتنخصص) قولو ليا كلشي دابا عىءهىءهىء باغا نعرف كلشي نضال: انا غنقوليك كلشي صابر: (دار مصدوم فنضال) واش متاءكد انضال ؟!! انا: شنو كااااين؟! شنو واااقع؟! صابر: دخلي بلاتي نهضر معاه دقيقة (معصب) دخلني لطوموبيل وقلبي بغا يسكت بالخلعة ...شنو اللي كاين ؟! شنو اللي مخبيين عليا؟! صابر جر نضال وخلاو مروى بوحدها... صابر: واش نتا متاءكد من هادشي ؟! متسرعش انضال راه دابا هيا سمحات ليك اكيد حيت كنتي مضلوم مي يلا سمعات هادشي موحال واش عمرها تسمح ليك! نضال : طال الزمان ولا قصار غادي تعرف .(معصب) وبسباب الشك ديالها فيا حنا دابا وصلنا لهادشي ،كن تاقت فيا مغاديش نوصلو لهاد الروينة بسبابها انا جبت بيرلا من روسيا ودرت معاها علاقة كن ما دارتش فيا هادشي هادا كامل ما كنتش غنفكر نشوف من غيرها ولاكن هيا اللي خلاتني ندير شي حاجة بزز مني باش نفش الغليل ديالي سمعتي من غير سلوى اللي تسببات فهادشي من اللول مي راه حتى مروى ماشي غير شكات فيا مي تاءكدات مني خنتها صابر: اوك عندك الحق مي بلاش دابا خللي حتى لمن بعد بلا ماتعرف دابا ...انا عارف بللي ضلماتك وانا بلاستك كنت نمشي نتعرف على وحدة خرى حتى انا ،ولاكن الامور دابا زادت تعقدان كتر بلا ماتقوليها والو دابا نضال: من الاحسن تسمعها من عندي حسن متكتاشفها براسها ،نقولها ايها انا حسن ماتسمعها من جهة اخرى ،وحاجة اخرى ختك راه قتلاتني مللي خلاتني وعمرها فكرات حتى تسمعني واخا غير مرة صابر: اه عارف وعارفك صبرتي بزاااف نضال: وزايدون انا عرفت بيرلا وانا مطلقها ماشي مزوج بيها يعني خصها تفهم هادشي .. صابر: ماعرفتش فين غتوصلو نتا وياها ؟! هادشي راه غينوض ليكم الصداع وصداع كبير ونتوما بيناتكم تواءم يعني غادي تعدبو دوك الوليدات.هيا غلطات مللي مسمعاتكش وخلاتك وحتى نتا غلطتي مللي درتي علاقة مع وخدة خرى... نضال: هههه (استهزاء) غلطت ههه فاش ؟! هاا ! عام وانا موراها وديما مراقبها وعمرني سمحت فيها ولاكن عمرني نسى نهار شافتني وقربت منها وهربات مني ...متخيلش باش حسيت ديك الليلة فاش شفتها قدامي ، رداتني خاءن (صعر) وكن غير كانت بصح بسباب هادشي مشيت انا ودن مع بيرلا علاقة ... صابر: اوك واخا ...غاتقوليها بللي درتي علاقة مي ماتقولش ليها بللي بيرلا حاملة ! انا: شنوووووووووو؟!!!!!!!!! مروى تبعاتهم وسمعات كلشي ولاكن الصمة اللي خلاتها تغوت هيا فاش عرفات بللي بيرلا حاملة