ناري 12 لساعة و 26 دقيقة بالضبظ يا الله عفا علينا الله من ديك الطيارة....نعست و فقت فيها و لا ديك الرحلة كانت بغات تسالي....و لكن دابا الحمد الله سالات و ها حنا فمطار لوس انجلوس الدولي "LAX" خرجنا و تبعت بابا ....مسكين ايطير بالفرحة و منين شفنو هاكداك تا انا فرحت....مشا بابا كيجري عنق واحد الراجل ميكون غير عمي حسن (غير بداو تحفظوا فسميات ههههه ) دار لعندي بابا..
خالد : حسن هاهي بنتي كنزة..
حسن : سبحان الله خويا she has grown so much (كبرات بززف)
خالد : ايوا ا بنتي سلمي على عمك مشيت عنقت عمي و سلمت عليه...و خرجنا من المطار و ركبنا ف audi ديال عمي.....طريق كولها و هما كايهدروا و انا كانشوف المدينة كيدايرا و ناطحات السحاب قداش .... بقيت غير حالا فمي!!
وصلنا لواحد الحي طويل ما فيه لا ناطحات سحاب لا سيارات لا صداع تل المدينة لي شفت منين كنا جايين لا والو بالعكس كاين غير الفيلات و جرادي قدامهوم بحال داكشي لي كانشوفو بالأفلام الأمريكية....
حبس عمي السيارة و نزلنا..
حسن : welcome to the bennis houses (مرحبا بكم لديور بنيس) كنشوف فيه و مافهمتش كيفاش ديور تاني...
جاوبتو.. كنزة :thanks...rebi ykhlik
حسن : و ياله ا خويا كالشي ايكون كايتسنا ف Backyard (الجردة لي كاتكون ورا الدار) مشينا...سونا حل علينا واحد الدري صغير غزال فنيون كي شافنا تحلو عنيه و بدا يغوت..
دري صغير:
ohh they're here every bodyy come here my uncle and his daughter are here
(جاو....كولشي يجي لهنا را عمي و بنتو جاو)
انا غير سمعتوا شنو قال هزيت راسي كايبان ليا جيش دبنادم جاي دخلنا لدار سد عمي لباب...و كيبان ليا شي جاي من واحد صالون.
.شي من الكوزينة...
شي هابت من الدروج.
انا تصدمت او هادو كلهم عائيلتي انا مولفة غير ببابا و دادا و باحفيظ فدار....جاو بداو اسلمو و يعنقو فيا و فبابا انا غير عاطية حناكي و كانسلم و الإنجليزية كاتشاير مي ما نخافش على راسي كانفهمها و نهدر بيها مزيان.
جا عندي واحد الراجل الكبير هو و واحد لمرا كبيرة تا هي ايكونو غير ميما و با سيدي بحكم الشبه لي عندهم مع عمي و بابا....انا مشيت لعندهم عنقت ميمة و بدات كتبكي -الحاجة كلتوم (جدة كنزة ):
كبرتي ا بنتي و زيانيتي تبارك الله و اخيرا جيتو تسكنوا معانا و اخيرا ايتجمع شمل ولادي و حفادي..
الحاج منصف (حد كنزة) : حبيبة بات سيدها...الله يرضي عليك ابنتي...ما شاء الله غير علية الله يرحمها....اجي عنقي جدك حفيدتي العزيزة...
عنقت با سيدي و انا فرحانة...صافي ميمة و با سيدي و عمي هما لي فرزت من العائلة..بغيت نسول مي حشمت و أصلا ان شاء الله غادي نتعرف عليهم كاملين...مشينا جلسنا فواحد الصالون مغربي مي بلمسة عصرية....بقا كلشي كايهدر و يسول بابا....شوية جا داك الدري صغير و جايب فيديه ورقة.
دري صغير :
can you guys stop talking for a sec...and listen to me i have something important to say
(تقدرو عفاكم تسكتو شوية و تسمعوا ليا عندي واحد الحاجة مهمة نقولها ليكم )
غير سالا هدرتو جات واحد لمرا تديه اجلس بقا يدي و يجيب معاها بلونجلي تا قاليه با سيدي..
الحاج منصف : سكينة بنتي غير خلي ولدك زاك اقول لينا شنو بغا و يطلقنا خلاص...
مممم اذن ولدها زاك مزيان...شوية جا زاك وقف حدايا انا تزنكت و حشمت كلشي كي شوف فييا ...ناري هاد البرهوش شنو بغا ؟؟
don't worry..you can speak to me in english..i see that you are struggling to put your words in Moroccan
( غير هدر معايا بلونجلي...بان لي راك كتعدب باش تهدر بالدارجة )
زاك :
okay thats much better..i wrote you this for you
(مزيان...نيت هاكدا حسن...كتبت ليك هادي )
كنزة :
?what is this
(شنو هادي)
زاك :
its a list for the family members 's names
(هادي ليستا ديال سميات افراد العائلة )
انا فرحت الله على راحة هكدا غادي نحفظ سمياتهم دغية..هزيت راسي لقيت كولشي كايشوف فيا و فزاك و فرحانين.
كنزة : now i can learn your names
i have a big family
(دبا نقدر نحفظ سمياتكم.....تبارك الله عندي عائلة كبيرة )
كلشي بدا كايضحك و شكرت لغزال زاك على ليستا...ساراتني بنت عمي حسن ريتا الدار...هي فالحقيقة ماشي دار...قولي ديور ملاصقين و دار با سيدي جات الوسط...حنا انسكنو معا با سيدي و ميمة فالدار...دخلاتني ريتا لبيتي الجديد عجبني بززاااف نفس ديكور ديال بيتي القديم...خلاتني ريتا بوحدي باش ندوش و نرتاح.
دوشت و لبست كسوة فالغوز قصيرة و صندالة سماطي فزرق..طلقت شعري و خديت ديك الورقة لي عطاني زاك كانت على الشكل التالي : ط(هي زعما را مكتوبة بالإنجليزية) افراد عائلة بنيس : *عمي حسن + خالتي هدى= ريتا 17ans _ادم 25ans _خليل 23ans *عمي حكيم +خالتي نرجس= لينا 14ans _زينب16ans _ جعفر 24ans *عمي كريم+خالتي سكينة = زاكرية (زاك) 7ans _ صوفيا15ans *عمتي وئام + عمي رشيد = لؤي 20ans _ مخلص21ans _انس 25ans *عمتي سارة + عمي غالي= لارا 5ans _عصام 10ans الله ا سيدي ربي....انا و الله تاضخت هاد الورقة خاصها تبقا معايا فينما مشيت باش تلا نسيت نجبدها..خطيير داك زاك جايب ليا تا شحال فعمرهوم خطاار هههههه نعست واحد جوج سوايع و هي تجي ريتا فيقاتني للعشاء...درت شفت فالساعة بانت ليا 8:00 او بااقي لحال كاي تعشاو بكري هن معلينا ....قديت شعري مشطو و شديتو بمقبط صغير و هبت لقيت ريتا كاتسناني حدا الدروج. ريتا : جيتي زوينة you look beautiful!!! كنزة : thanks ريتا : : you're welcome new sister العفو ختي الجديدة. ريتا زوينة بززاف شعرها ما طويل ما قصير..و زعر..حروفها زعرين و عينيها عسليين...تا هي قصيرة بحالي..باينة فيها ظريفة و مأدبة ...المهم دخلنا la salle a manger كولشي جالس طليت كايباانوو ليااا شي تيتيز جالس فطبلة نااارييي شحال زوينين...حسبتهم كانو خمسة و زوينين ناضوا كاملين و جاو لعندي....لول طوييل و زعر و كاي شبه لريتا. ادم 25ans : سلام سميتي ادم . تاني تا هو طويل مي قصر من ادم حروفو كحلين..بيض و شعروو غزال -لؤي 20ans : انا لؤي. و تمو جايين واحد من ورا لاخر..واحد ينسيك فلاخر..انا ركابي فشلوا عليا كون صحابني هاد زين كل كاين هنا كون جيت شحال هادي.. كنزة : سلام تشرفت بمعرفتكم انا كنزة.. شافوا فيا يلاه بغا مخلص يهدر.. الحاج منصف : صافي ا دراري رجعوا لبلايصكم خليو بنت عمكم تجلس.. كلا رجع لبلاصتو... جلست حدا بابا و كرسي حدايا خاوي... كلينا ضحكنا و قشبنا..عجبني الحال هدا هو الدفء الأسري لي كنت كنقلب عليه...سالينا عاونتهم فجميع طبلة و طلعت لبيتي. دخلت لبيت ستفت و علقت لحوايج ف dressing ....قاديت مسائل و لوازم فالحمام...و شديت لبيسي..جلست فوق الفراش و بديت كان قلب على قصة...لقيت واحدة مرعبة قريتها و ما قدرتش نكملها...كتهدر على سفاح كاي قتل لبنات. #الأستاد دبا يعاوها ليكم شي نهار والله وااااعرة وكاتخلع طفيت لبيسي...طليت على الساعة لقيتها 1:00 تليل..ويلي من لأحسن نعس عييت ليوم...بدلت عليا لبست تيشيرت فالحمر طويل و طفيت ضوء...يالله جيت نجمع شعري وانا نسمع لباب تابالكون ...تبلونطيت فبلاستي...ناااريي ا كنزة السفاح جا تال الميريكان باش اصفيها ليك ناريي صافي حياتك مشات علاش اربي انا بقا صغيرة علاش.....دابا هو انا انا بغيت نحل لباب و نهرب و لكن شكون خلاك...جراتني يد لصقاتني مع الحيط و سدات ليا فمي .اييييي احححح ضهريي...هزيت راسي كايبان ليا شخص طويل و مكدر...وجهو للأسف الشديد مكايبانش مع الضلام....بديت نغوت والو كتسمع غير مممم...كنتركل و لد الحرام صحيح... الشخص : Who are you and wft are you doing here? شكون نتي و شنو كديري هنا ؟ ولهيلا الا حمار...مكلخ انا باش انجاوبو و هو داير ليا يديه على فمي و من نيتو كايتسنا فيا نجاوبو بففففف.... نعت ليه بعيني على يديه و هو يفهم على سلامتو و حيد يديه. كنزة: its you that i need to know what are you doing in my room? ......نتا لي خصني نعرف شنو كادير فبيتي ؟ -الشخص : your room hahhaha بيتك ههههههههه نارييي ضحكتو شحال زوينة واخا مكايبان ليا والو...بقا كايضحك شوية هو يهجرو و طلقتي...مشا شعل ضوء و شاف فيا طلعني و هبطني الشخص : نتي هي كنزة ؟ انا بقيت مصدومة...لا لا اوااه..واش كانشوف مزيان اححح ا قلبيي شحال زوييين كي فورمتو كي صوتو غزالل بقا تا يقول شي حاجة و انا حالة فمي فيه كلبغلة...عقلي تاي قول ليا جمعي فمك و هدري معا سيد...و عينيا مبلكين فيه وا را سيد فات تبوكيسة لهيه شعر زعر و لعينين خضرين و لبيوضة ناصعة و لحية زعرة و رطبة و مطراسية تقولي خارج من شي مجلة.. -الشخص : ا لالة ..را تنهضر معاك واش نتي هي كنزة بنت عمي خالد... ما تارش نتيباهي انه كيهضر بالدارجة و لا حتى طريقة باش نطق سميتي... و لكن دوك جوج كلمات لي غاي قلبو حياتي رأسا على عقب .... 🛑🛑🛑اللي قراات شي جزء تجمجموو.. 🛑🛑🛑
بنت عمي" نسيت دنيا و مافيها...نسيت انني عمر قلبي ما حن لشي دري... عمري فحياتي ما درت علاقة مع شي واحد و لكن هو..هو هاد املاك لقدامي طحت فيه طييحة وحدةة.....اويللي ياكما حب من نظرة اولى....انا بغيت نظرة اولى و تانية و تالتة.... كننززة فيقيي براكة من هاد لهبال و جاوبي السيد او الملاك لي قدامك اححح... كنزة : اه انا كنزة و شكون نتا... كيفاش بنت عمك و اش دخلك لبيتي.. الشخص : انا جعفر ولد عمك حكيم ...ماشفتينيش قبيلا فالعشاء حينت كنت سهران مع صحابي و باش ماي شدنيش لواليد و يدير معايا لونكيط كاندخل من هاد لبيت حينت هو لي فيه بالكون على زنقة و window (نافدة )على لbackyard ...و خاوي و لكن دبا جيتي نتي المهم sorry على الإزعاج.. حل شرجم و تلاح منو...نااريي ماات... مشيت كانجري طليت لقيتو نقز على trompoline ....اووف الحمد الله هز راسو غمزني و قالي the red suites you
(جا معاك لحمر ) ...هبت راسي نشوف شنو لابسة و تزنكت ويليي على شووهةة لابسة غي تيشيرت نااريي اووف.....سديت شرجم..تخشيت فراشي و نعست و انا كنحلم بجعفر الملاك جعفر.... فقت الصباح بكري لبست شورت و تيشيرت و لبست سبرديلتي و جمعت شعري كوتشوفال .....خصني ندير ل cardio (العدو) ديالي لي كندير كل صباح...هبت لتحت مالقيت تا واحد فايق مشيت لكوزينة خديت قرعة تلما باردة...درت les ecouteurs فودني و خرجت رسمت لمسار لي غادية نجري عليه على Google map و بديت.....و نا غدا كاي بانو ليا ناس لي خارج من دار..لي كي سقي فجردا و كلهم كاي قولو ليك good morning (صباح الخير ) و الغريب ان تا واحد ما كاي عرفني....فالمغرب ديما كنت كاندوز من حدا جيرانا كان نقول ليهم سلام و مكيردوهاش ليا..... يا حسرة على ولاد بلادي....كملت traget ديالي و رجعت لدار لقيت كولشي فايق و الدار مقلوبة... الجاجة كلتوم : كنزة..الله ا بنني فين مشيتي خلعتينا عليك طليت عليك صباح فبيتك مالقيتكش... -كنزة : واه سمحيي ليا ميمة..خطأ ديالي مشيت نجري صباح بلا منقولها ليكم... الحاجة كلثوم : و ياله ا حبيبة طلع دوش و نزل فطر معانا. كنزة : هي لي ماتعاودش ا ميمة... بست ميمة فحنكها و طلعت لبيتي.....دوشت...و لبست كولون كحل و شوميز فturquoise مع بالغين كحلة و collier فلكحل...طلقت شعري....و هبت لقيت كولشي مجموع ف la salle a manger ...سلمت عليهم...و جلست حدا بابا....شوية هو يجي لملاك..انا هبت راسي براكا عليا غير شوهة لبارح...سلم على كولشي و جا جلس حدايا...دبا قول هادي بلاستو...ناريي على زهر مكوز عندي..هي من واحد ناحية مزيانة مي انا مكرهتوش يجلس اون فاس معايا باش نبركك فيهه هههه دومااج....كلينا و سالينا... -ادم : عمي خالد..جدي..اش بان ليكم الا ديت كنزة ليوم نساريها ف (LA (los Angeles و تمشي معانا حتى ختي ريتا. .. بابا شاف فيا هو و با سيدي زعما واش موافقة. . -كنزة : اه انا معندي مشكل.. -الحاج منصف : فكرة مزيانة...سيرو نيت بدلو الجو.. طلعت لبيتي هزيت صاكي و تيليفون و la carte bancaire لي عتاني بابا حينت لقديمة ما صالحاش هنا فل USA ... هبت لقيتهوم كاي تسناوني ريتا لابسة كسوة فشيبي و سندالا فليموني و ادم لابس شورت كحل و تيشيرت بيض و بالغين كحلة...خرجنا يلاه انركبو.. - جعفر: wait for me im coming with you guys تسناوني انا جاي معاكم -ادم : و لكن... جعفر : ما كاين بو و لكن...كنزة تركبي معايا ؟ او هدا دغية بغا يزرب علينا... مي تانا مكنتش من العاكزين كنزة : اوكي.. مشينا ركبنا ف audi ديال جعفر و ادم و ريتا ركبوا ف ل BMW.. ديمارا جعفر سيارة و بقا تابع ادم.. جعفر : my sweet cousin (بنت عمي الضريفة ) اوا فين هاد الغبور... كنزة : من نيتك لا انا فين عمري شفتكم.. جعفر : و غير بغينا نشدو معاك لهدرة...قولي ليا شوية على راسك.. عاودت لو على حياتي فالمغرب و تفاجأت حينت مقطعنيش و بقا كاي تصنت ليا و كيشوف فيا مرا مرا و يبتاسم.. -جعفر : you know you speak a lot ... عرفتي كاتهضري بزاف صدمني و دفعت ليه يديه كنزة : تفو على باسل... بضا كايضحك و لقيت راسي تا انا كانضحك معاه.. جعفر : إنني أمزح معك فقط يا ابنة العم!! -كنزة : منين تعلمتي اللغة العربية ؟ جعفر : منين كنا صغار جدي كان حريص اننا نتعلموا لغة القرآن و انتقنوها... كنزة : مزيان..... ونتا دبا شنو كادير فحياتك ؟ . جعفر : و لاش باغا تعرفي هههه كنزة : و جاوبني كيف ما جاوبتك... جعفر : الالة حنا العائلة كلنا مهندسين...انا كانقرا الهندسة المعمارية و العام الجاي اخر عام عندي...
قصة كنزة الجزء الثاني
محتوى القصة
التنقل بين الأجزاء