قصة كنزة الجزء الثالث

من تأليف مجهول
2018

محتوى القصة

رواية كنزة

من بعد ان دخل نشد البوست ديالي فالشركة بنيس ف SAB .. كنزة : مزياني اسيدي..لله يعاونك...اجي هاد طريق مابغاتش تسالي... جعفر : ها حنا تابعين هاد بوراس ديال ادم تانشوفو فين داينا.... شي 30min و حنا فسيارة و شادا لحديث مع جعفر...عجباتني شخصيتو ...ضحوكي و عارف شنو باغي يدير فحياتو.. و اخيرا سطاسيونينا سيارة فواحد لparking و خرجنا...قالي جعفر بلي حنا انشوفو walk of fame و هو عبارة على رصيف فيه نجمات مكتوبة عليهم اسماء بعض النجوم المشهورة هنا فأمريكا و حتى عالميا.... خدينا صور تمشينا شوية و رجعنا لسيارة و هاد لمرة ادم لي تابعنا.. -كنزة : فين انمشيو دبا ؟ جعفر : انديك تشوفي لبانو ديال هوليوود .. كنزة : واش بصح...اووهه من كنت صغيرة و انا بغا نشوفو...وااو و اخيرا كنت كاتشوفي غير فالأفلام.. بقيت كنقز كشي هبيلة ندير يدي على فمي و نشوف فيه و ندور تاني... - -جعفر : نتي و الله تحمقة هههههه -كنزة : حمقة و بعقلي.. -جعفر : لا باين لعربون هههه كنزة : ههههه وصلنا....و كان المنظر اكتر من رائع.....عجبني لحالز بززاف... بكترة لفرحة عنقت جعفر.... وعجبنييي لحال نييت ههههه.. منين تواعيت لقيت ادم تاي موت عليا بضحك هو و ريتا وهي كات صور فينا...تلقت من جعفر و بقا كاي شوف فيا انا حشمت و هبطت راسي خليتو و مشيت عند ريتا.

كنزة : و فياا جووع ا عباد الله ايي كرشيي.. جعفر : و صافي درتي لينا فضيحة اكنزة قلنا ليك انمشيو لواحد لمول و نديك كولي تاتشبعي … -كنزة : من صباح و نتا جالس عليا مول مول مول و شي مو ما شفنا.... -جعفر : oh my god so annoying ( يا ربي شحال فيك تنكير ) كنزة : شنو جالس كتبركم تما اه نكير بغيتي نكير انا انورييك.. واااااا فياااا جووع واااا بغغغييت ناااكل فينك ا دادا و فين رفيسة ديالك..(بيني و بينكم ديرو ليا اي حاجة متخليوتيش غير بالجوع هادي هي نقطة الضعف ديالي ) -جعفر : ههههه موصيبة هادي!!! -كنزة : ما كايناش شي موصيبة قدك... من صباح و نتا توتح بيا..و كتقول ليا نكير.. جعفر بقا كاي شوفف فيااا ) كنزة نعلي شيطان ماشي منين قلنا ليك جلسي ناكلو و نكملو لمساريا ..قلتي لينا لا مافيكش جوع و بقا بغيتي تساراي و سبيها فيا انا دبا. . -كنزة : و دبا الله يرحم باك لما طلقنا لمول خلاص.. جعفر كسيرا..... وصلنا لمول ما عقلتش على راسي نزلت من سيارة و مشيت كان جري.. جعفر تاي عيط ماديتهاش فيه...بقيت غادا تا دخلت فواحد ريسطو و طلبت بيتزا عاد رتاحيت...صونا تيليفون هزيتو جاوبت . -انا: الو -جعفر من صوتي : فينك ؟؟ ناري خلعني صوتو...بديت كانتفتف -انا : اه شنو فيني ههه انا ف...ف جعفر : كنزة بلا ماتزيدي تعصبيني هدريي فينك.. ؟ طليت على لmenu قريت السمية.. -انا : فpizza hot -جعفر : جلسي تما ما تحركيش.. -انا...واخ... لقيتو قطع عليا ما يهمش المهم هو ديك البيتزا لجايا عندي و ريحتها كاتشهي حطها سرباي..ياله انعظ...هو يوقف عليا عزرائيل شكون من غيرو جعفر...حط لفلوس فوق طبلة و جرني من يدي...

أنا: اي ايي ضريتيني...حشومة عليك ديك لبييزا خليناها على مزينتها كتشهي ....و انا فيا الجوع..... مانقولش ليكوم جاتني لبكية انا و الجوع مكانتحاملوش كيضرني جوع يا نبكي..يا نهلل....و دبا دار ليا الشوهة هاد لحمار غادي بيا و كولشي كاي شوف فينا.. -انا : جعفر واش تسطيتي ولا مالك طلق مني.. -جعفر : هي دبا انا لي تسطيت كون شدك شي واحد...كون طحتي....و علاش غادا كتجري بلا ماتسنايني دوي.... ؟؟ -انا : الصمت القاتل...ههههه...(يا ربي نتكافا غير مع خطواتو و هو كيجري ماشي كاي تمشى) -جعفر : بلاتي هادشي كولو انوصلوا للدار هاد التبرهيش و الفشوش ديالك لي جايباهم معاك من المغرب ماغاديش انفعك هنا الالة كنزة.. هنا حبست و جريت يدي بزز و صرفقتو خليتو بلاكا شاد حنكو...مزيان تبارك الله قاليك تبرهيش ...مشيت تان جري صفرت و حبس ليا طاكسي...عتيتو العنوان... وصلني تلدار تفكرت بلي ما هزا معايا تا فلوس...بان ليا ادم جاي لعندي...خلص الطاكسي..حبست الدموع بزز و نزلت من سيارة.. -انا : شكرا....مكنتش هازا معايا لفلوس ... -ادم : ولو اكنزة حنا را عائلة.. انا : ياك كنتو معانا....علاش نتوم هنا قبل. - ادم : منين كنا غادين لمول ريتا ضرها راسها و جبتها لدار ترتاح.. -انا : اه اوكي تا انا ضارني راسي انمشي نعس شوية.. -ادم : و لكن علاش جيتي فطاكسي فين هو جعفر.. انا غير سمعت سميتو شهقت بالبكا جرني ادم لعندو و عنقني كاي سكت فيا...تا سمعت سيارة فرانات بجهد...هزيت راسي كاي بان ليا جعفر انزل منها و معصب شاف ادم معنقني...و هو يشوف في بنظرات الحقد و الإشمئزاز .....و الغيرة ؟ حاولت نطلع لبيتي بلا ما يشوفني تا واحد...دخلت سديت عليا لباب و بديت كانبكي ما عرفتش علاش تفكرت المرحومة و شحال ماكرهتش كون كانت حدايا دبا نشكي عليها...بقيت نبكي تانعست ...... زاك : kenza wake up..wake up dinner is in 5min كنزة فيقي فيقي العشاء من هنا 5min غير سمعت لعشاء و كرشي بدات تغرغر.. -زاك: hahhaha i heard that tho ...سمعت صوت كرشك هههه نضت هزيتو حتيتو فوق الفراش و بديت نهرو.. -انا : you were laughing at me ha laughing at me كضحك علياا دوي كاضحك عليا ههههه - زاك : stop please stop hahhahahah حبسي عفاك حبسيي هههههه هبت انا و زاك لقينا كولشي جالس فla salle a manger سلمنا عليهم و جلسنا فبلايصنا... خالد : كي كانت ابنتي الخرجة …؟ انا: زوينة ابابا... (جعفر كايبركم حدايا ) جعفر : امم منين جاها الزين.. درت شفت فيه واحد ا مولاتي الشوفة بلا ما نعيق.... عمي حكيم : هادشي لي بغينا ابنت خويا تولفي على اجواء LA و ناسها.. انا: ان شاء الله ا عمي.. الحاج منصف : قال ليا باباك اكنزة بلي كاتسوقي ؟ - أنا: اه ابا سيدي بابا لي علمني (شفت فبابا و ابتسمت ليه ) الحاج منصف : اذن غير نقادو ليك وراقك...خاصك ابنتي دوزي امتحان السياقة و الا نجحتي نشري لحفيدتي سيارة لي عجباتها … -انا : شكرا ابا سيدي...للله يخليك لينا.. -كولشي : امين.. جعفر جالس حدايا و كيهدر بشوية..عوتاني!! جعفر: اوا صافي هادشي لي بقا خاصك غير سيارة هههه (بإستهزاء) عصبني و انا نهز رجلي تا هزيتها تحت طبلة (و مع قاع البالغين قاصح ) درت عندو ابتاسمت ليه..شاف فيا مفهم والو تا عفطت عليه....سيد تبدلو فيه الألوان ولا حمممر كالمطيشة و عاظ شفايفو زعما باش اخفف الأ لم... هههههههه - خالتي نرجس (ام جعفر) : جعفر ولدي مالك...ياكما جاتك الصوبا حارة... يله بغا يجوبها و انا نطير قلت ليها.. كنزة : هههه اه اخالتي را من صباح و هو كايتشكى ليا منها..حااارة بززاف هزيت كاس تلما و عتيتو ليه خداه من عندي و كاي شوف في و كاي تحلف زعما ر والله لا بقات فيك هههه شفيدو ما يدير راس طارو لأخر....

سالينا العشاء و بقيت مع عماتي و خوالاتي (عيالات عمامي ) فالكوزينة.. عمتي وئام : So knizo...what's your B-day? اوا كنيزو وقتاش عيد ميلادك ؟ أنا : July 26th عمتي سارة : ما بقا ليه والو اذن.. انا : اه بقي جوج سيمانات صافي... بقينا نديو و نجيبو فالهدرة عرفت بلي كلهم قراو تقالو براكة مي قرروا يجلسوا فدار و يربيو ولادهم تربية مغربية حسنة بحكم الغربة و عيشتهم هنا فل USA...خافوا لا دراري و البنات يمشيوا ينحارفوا ليهم هنا....(ملاحظة :را العائلة كلها كاتفهم و تهدر بالدارجة من غير دراري صغاار كاع ) -خالتي نرجس : ويلي خصني نعيط على مدام الحراثي نشوف واش وجدات لينا لقفاطن... -خالتي هدى: اه بصح نسيتها انا call her (عيطي ليها) -خالتي نرجس : بنتي كنزة الله يرضي عليك واخا تجيبي ليا لفون ديالي من دار...اتلقاي زينب تما هي توريك فين هو... - كنزة : اوكي واخا...انا انجيبو ليك... نضت من الكرسي لي كنت جالسة عليه و خرجت لbackyard من تما دخلت لدار عمي حكيم.....بانت ليا كنزة جالسا فصالون كتفرج مشيت لعندها... انا: hi zineb your mom sent me to give her,her phone..can you please tell me where is it سلام زينب...سيفطاتني ماماك باش ندي ليها لفون...تقدي تقولي ليا فين هو.. _ زينب : yes yes of course you'll find it in her room..its the second one up stairs اه اه بالطبع اتلقايه فبيتها...لبيت تاني فالدار لفوق... شكرتها و طلعت لفوق ونا غادا لبيت كانسمع صوت جعفر..قلبي ولا كيضرب غير بوحدو ناريي اكنزة طحتي على زنافرك...تبعت الصوت لقيتو جاي من أخر بيت فالكولوار...طليت كيبان ليا جعفر عاطيني بظهرو و كايهدر فتيلفون.. جعفر : yes babe...i'll pick you up tomorrow at 5pm....be ready bye.. love u too نعام حبيبة...غدا مع الخمسة تل العشية ندوز عليك...بسلامة...تا انا كنبغيك... تصدمت من داكشي لي سمعتو حسيت بقلبي غادي يسكت و دموع بداو انزلو...هو كايبغي واحدة اخرة...معرفتش علاش بقا فيا لحال بزاف وخا ما بيني و بيني والو..اه اكنزة هو غير ولد عمك....مسحت دموعي قبل لاي مشي يشوفني...مشيت لبيت خالتي خديت لفون و هبت كانجري...و هي تشدني زينب.. زينب : kenza wait....darling i know that you like my brother...he's sweet and charming and all but his a womanizer and i don't want him to hurt u you're my cousin..all his past girlfriends were models im sorry to tell u that he's a player but better tell you than ever كنزة تسناي.....عارفاك تيعجبك خويا....هو ضريف و وسيم و كولشي و لكن هو زير نساء و مابغيتوش اجرحك نتي بنت عمي لعزيزة...هو جميع صحاباتو لقدام كانوا عارضات ازياء و انا بغيت نقولها ليك دبا حسن من بعد... -انا : but i don't like jaafar..he's only my cousin ولكن انا مكيعجبنيش جعفر..هو غير ولد عمي.. زينب ابتسمت ليا و قالت.. -زينب : i saw the way you look at him... شفت طريقة باش كاتشوفي فيه... انا: غير جاب ليك الله....خليتها كاتشوف في بابتسامة حزن و خرجت...عطيت لخالتي لفون و طلعت لبيتي.. الله ا ربي شهاد الصدمة تلقيت ليها اول دري بغيتو و عجبني فحياتي طلع زير نساء و كايواعد غير لعارضات...فين غانبان ليه انا... مشيت بدلت حوايجي قصحت قلبي و نعست و انا كانبكي... _ريتا : زوينة...نوضي ليوم انا لغنساريك و نمشيو نديرو shopping و يله فيقي را خديت لموافقة ديال grandpa (با سيدي) ……… نضت و حاولت نسا داكشي تلبارح واخا عارفة بلي غير تانضحك على راسي... قلت لريتا باش تسناني نلبس و نخرجو... دوشت و لبست دجين بيض..شوميز زرقة و صباط طالون غوز...درت لشعري شفنجة و هبت لقيت ريتا كاتسناني فسيارة ديالها مرسيديس بيضاء ....مشينا لواحد لكافي زوين فBeverly boulevard ...فطرنا و داتني لBeverly mall center بقينا غي ندكسو فالحوايج عجبني كلشي...مي واحد لكسوة حمقاتني... انا : ريتا look at this dress شوفي هاد لكسوة ريتا : ohh you've got a great taste in fashion...the dress is beautiful you'll look hot in it..... عندك دوق زوين فالأزياء..لكسوة غزالة اتباني فيها قرطاسة.. انا : هههههه ميرسي اناخذها... بقينا ندورو ندورو فداك لمول و تقولي واش بغا يسالي...انا دروني رجلي و درني جوع...درت نشوف فريتا لقيت باقي عندها جهد بسيف باينا فيها مولفا de toute façon را تزادت و كبرات هنا....طلبت ريتا نرجعو لدار...مع الدخلة.. جعفر : هههههه شريتو لمول كلو.. -ادم : انا بغيت غير نفهمكم نتوما لبنات مكات عياوش من shopping... - خليل : seriously عيقتو نتي ا ريتا dressing ديالك ايطيح بالحوايج..هههه و تكايسي على كنزة مسكينة اتعاديها ههههه. -جعفر : والله ماكدبتي....كنزة كاتباني ليا عيانة ههههه درتي لcardio ليوم.. انا: و بقا حضيني سير ديها غير فصحاباتك....الا بغيتي نسلف ليك شي سروال ولا صباط تهديه لواحدة منهم.هههههه هانية غير قولها ليا كولشي : ههههههه - ادم : اححح اصاحبي...خسك شي كاس تلما بارد نيت لاله دوز ليك هاد القمعة .ههههه خليل : وعطاتك علاش كاتقلب هههه -جعفر : هههه ماتخافيش la taille ديال صحاباتي مايجيش قدهوم هادشي لي كاتلبسي نتي شوية غليظة... -كنزة : جعفر stop it شهاد لهدرة لخاوية... دابا انا كانبان ليه غليظة شفت فيه و طلعت لبيتي... - ريتا : كنزة تسنااي...عجبك لحال دابا..(موجهة الكلام لجعفر)....

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.