رميساء:صافي صافي غانعتاذر مي غي على قبل بابا"دربات الارض برجليها و طلعات"
ياسمين:معرفتش لمن شبهات فبسالتها انا مكنتش هكاا اجي نتا فين غادي راه معندك الطيارة حتا العشية
امير:اندوز للشركة هو الاول طلعي لبسي حتا نتي حوايجك باش نوصلكم
ياسمين:واخاا
طلعات ياسمين لبيتها و جبدات صالوبيط د دجين بشورط و قاميجة بيضة...وكانت رميساء كطل عليها من الباب كتشوفها اش كتلبس ..مشات كتجري لبيتها لبسات فحالها و صبادري بيضة و جمعات شعرها فحالها ...حطات ودنها على الباب حتا سمعات ياسمين حلات باب البيت و خرجات حتا هي
رميساء حاطة يدها على جنبها:علاش لبستي فحالي
ياسمين:الله ياربي الله فين شفتك انا اش لبستي
رميساء:كنتي كطلي عليا ياك
ياسمين:زيدي قدامي باركة من الهضرة الخاوية
هبطات رميساء كتجري عند باباها و جلسات فوق رجليه و جات قدامهم ياسمين
امير كيضحك:واش تافقتو تبقاو تلبسو فحال فحال ولا شنو
ياسمين ناضت كتجري هي و المديرة لي علمات الحارس يشد الكلب ...لقاو هديك البنت كتجري و تبكي و هو تابعها
ياسمين شدات رميساء من دراعها و خرجات فيها عينيها:حتا لداار ا رميساااء حتا لدار و نتفاهم معاك و هاد الكلب انرجعوه منين جاا😡
الحارس شد الكلب و رجعو ليهم
المديرة:سيري قلبي فين تسجلي بنتك حيت مغاتعاودش تدخل لهاد المدرسة
ياسمين:مدام غي...
المديرة قاطعاتها:صافييي الهضرة لي عندي قلتهاا
شدات ياسمين فيد رميساء لي جارة الكلب معاها و خداو طاكسي رجعو لدار ...الطريق كلها و ياسمين قالبة وجها على رميساء ...وصلو خلصات ياسمين الطاكي و نزلات بلاما تهضر معاها حلات الباب و دخلات جلسات فالكنابي ...رميساء جاية جيهتها و حانية راسها رقفات قبالتها و شدات يديها بزوج
عايدة:ياسمين انا تبدلت بزاف انا وليت انسانة مزيانة تيقي بيا و جيت دابا نعتاذر منك و من امير على دكشي لي درت و كنتمنى تعيشو سعداء معا بنتك و انا باغا دابا غي نتجمع معا خويا و نعوضو على اي لحظة مكنتش معاه فيها
ياسمين:ا اناا بصراحة معرفتش شنو نقول ليك
عايدة:سامحيني ..سامحيني اياسمين باش نقد نعيش مرتاحة
ياسمين:ايلا كان ربي كيسامح و يغفر علاش انا منسمحش ليك و كنتمنى تكوني بصح تبدلتي
عايدة:شكرا ليك بزاف ا ياسمين و ملي يرجع امير انطلب منو السماحة حتا هو
ياسمين:حتا هو ايسامحك على حسابي
عايدة:ا ياسمين ممكن تعطيني العنوان د حسام
ياسمين:حسام ساكن فالفيلا لي حدانا
عايدة:واخة شكرا بزاف اياسمين "مدات ليها يديها و سلمات عليها ياسمين"
ياسمين:انوصلك للباب
عايدة:شكراا
خرجات عايدة من دار ياسمين و تاجهات للفيلا المجاورة ياله ادق الباب سمعات شي حد جاي و تخبات ورا الشجر و بقات كطل ..كانت سناء و و ولدها الياس خارجين
عايدة عينيها مدمعين:حفيدي ..حفيدي😢
خلاتهم حتا مشاو و دقات فالدار
الخدامة:سلام
عايدة:السلام كاين حسام
الخدامة:لا سي حسام كيكون فالخدمة دابا
عايدة:واخا شكرا
الخدامة:العفو
سدات الخدامة الباب و عايدة خدات طاكسي يديها للمقبرة ...وصلات و بدات كتقلب على قبر احسان ...لقاتو بعد مدة حيت عمرها جات ليه و نزلات على ركابيها
عايدة:انا عارفاك مقلقة مني بزاف و يمكن تكوني كتكرهيني حيت انا لي وصلتك لهاد الحالة ... للاسف عرفت اخطائي فوقت متأخر ..متأخر بزااف ..ماعرفتهم حتا فقدت ولادي و رتجلي و داري و حيااتي الحاجة الوحيدة لي بقات لي هيا سليم ..سليم خويا المريض لي حتا هو مفكرتش فيه ملي كنت كانحاول ن... بنتي احسان انا حرمتك من اهم حاجة كان خاصني نعطيها لييك ..حرمتك من حنان الام ..انا لي وصلتك لهاد الحالة انا لي خليتك تنتااخري اهئ اهههههئ سااامحيني ابنتي سااامحيني اناااا ندماااانة ياريت الزمن يرجع باللور و عمري نخلييك ديري فراسك هكاا اهئ اهى "نعسات على قبرها"كنت كندعي كل نهار ربي يغفر ليك و يسامحني حيت انا لي وصلتك لهاد الحالة اهئ اهئ ماماك لي هزاتكم تسع شهور و تعدبات فولادتك وصلاتك لهاد الحالة ...سامحيني ابنتي سامحيني اهئ اهئ
بقات مدة على هاد الحال متكية على قبر احسان و كتهضر معاها و تبكي حتا قرب يطيح الظلام و طلب منها المكلف بالمقبرة تخرج ...خرجات و شدات طاكسي يوصلها للجمعية ...فالطريق عيطات على المديرة و علماتها تخرج سليم على برا ...وصلها الطاكسي خلصاتو و نزلات ...شافت قدامها خوها واقف حدا المديرة و كيشوف فنقطة معينة ...المديرة نتابهات لعايدة و حركات سليم و اشارت لختو ...سليم شاف ختو لي كتقدم جيهتو بخطوات تقال ...بدا حتا هو كيتحرك جيهتها ..حتا وصلو عند بعضياتهم ...عايدة و الدموع فعينيها طارت على خوها عنقاتو و كتشم فريحتو و حتا سليم بادلها العنااق
رميساء:مااامااا تيليفونك كيصوني
ياسمين:اري نشوف ..هادي النمرة د فرنسا ايكون باباك وصل ..الو
امير:الو حبيبة
ياسمين:امير كيوصلتي لبااس
رميساء كتجبد عندها:عطيني نهضر معاه
ياسمين:تسنااي خليني نسمعوو
امير:انا وصلت بيخير انرتاح شوية و نمشي نشوف بلاصة العرض
ياسمين:واخا و رد البال لراسك
رميساء خطفات ليها التيليفون و هربات بيه لجردة
رميساء:الو بابا شريتي ليا شكلاط لي قلت ليك
امير:مزال احبيبة ماخرجت غانجيبو ليك غير كوني هانيا
رميساء:شكرااا بزااف يا احسن اب فالدنيا انا كنبغيك بزااف
رميساء:ماما كيغادي ندير نولف المدرسة الجديدة راه مكنعرف حتا واحد تما
ياسمين: راه كاينة تما صوفيا و حتا صفوان كيقرا تما توانسي معاهم علاما ديري صحابات ملي تكملي فطورك تبعيني لطونوبيل "هزات صاكها و خرجات"
كملات رميساء فطورها هزات شكارتها و خرجات عند ياسمين ركبات ف لوطو و كسيرات ياسمين ...وصلو للمدرسة و نزلو ..دخلو عند المدير
المدير:اهلا تفضلو
ياسمين:شكراا انا لي تاصلت بيك البارح على قبل بنتي بغيت نسجلها عندكم حيت واحد صاحبتي شكرات لي هاد المدرسة و هي كتقري ولادها هنا دكشي علاش جبتها
المدير:مرحبا بيكم و بنتك كيف داير مستواها الدراسي
ياسمين:رميساء دكية تبارك الله عليها غي مكتبغيش دير راسها فالقراية شي مرات راك عارف الدراري الصغار ههه
المدير:ههه اه معلوم المهم بنتك اتبدا قرايتها اليوم عادي و حنا انكملو اجراءات التسجيل
ياسمين:اه واخا
المدير:خااالد اجي وصل هاد البنية للقسم رقم 2
خالد:واخا اسيدي ..اجي معايا
ياسمين بقات كدير باي باي لرميساء لي غادة و معاجبهاش الحال ..كملات ياسمين اجراءات التسجيل و رجعات للدار ...اما رميساء فدقات الباب و دخلات للقسم
خالد موجه هضرتو للاستاذة:هادي تلميذة جديدة
الاستاذة:واخا يمكن ليك تمشي ..سلام واخة تعرفينا براسك
رميساء: انا رميساء بنيس
الاستاذة:مرحبا بيك معانا تفضلي جلسي فهاد المقعد
مشات رميساء جلسات و الاستاذة بدات الدرس و هي غي كدور عينيها فالقسم و كاتشوف شكون هادو لي غاتقرا معاهم ...كملات ساعتين دغيا و وصل وقت الاستراحة ..خرجات كدور غي بوحدها و كتشوف حتا سمعات شي حد كيعيط ليها
هزات ياسمين تيليفونها علاما ترجع سناء و دخلات لفيسبوك لقات الدنيا مرونة كيهصرو على شي انفجار ..دخلات لصفحة الاخبار و قرات "تفجير ارهابي بباريس" قلبها بدا كيضرب بزربااا دخلات للموضوع و بدات كتقرا و هي كترعد "عرفت العاصمة الفرنسية باريس مساء اليوم سلسلة هجمات دموية متزامنة في ستة مواقع مختلفة، أسفرت عن مقتل 129 شخصا على الأقل من بينهم 25مغربي، وإصابة قرابة 352 "طاح ليها التيلي من يدها و شدات فمها و هي مخرجة عينيها كتحاول تستوعب هدشي لي قرات ..عادت لوعيها و هزات تيلي دوزات النمرة د امير و هي غادة جايا و الدموع فعينيها....مجاوبهاش و بقات كتعيط و تعيط حتا وقفات عليها سناء
سناء:واش قريتي الخبر 🙁
ياسمين:ماشي بصح لا ماشي بصح امير غايكون دابا فالمعرض دكشي علاش مجاوبنيش اكيد هدشي علاش هو ميمكنش...
جراتها سناء لعندها عنقاتها و كطبطب على ظهرها
سناء:ان شاء الله مايكونش منهم
فجأة دار حسام عمرات...جاو البنات و رجالهم و حسام حتا هو ...ياسمين مجبساتش من التعياط على امل انو يجاوبها و يقولها انا لباس ...
حسام:هضرت معا السفارة غادي يتعرفو على الهوية ديالهم و ايلا كان منهم ايعيطو لينا"تحنا علا ركابيه و شد يدين ياسمين"ياسمين خاصك تهدني ايلا وقعات شي حاجة للواليد كاينة بنتك لي خاصك تشرحي ليها
ياسمين:امير مااوقع ليييه واللو علاش هو علاااش😢 ..هو مزال عندو بنت صغيرة باغي يشوفها و هي كتكبر ميمكنش ويمشي و يخليناا ميمكنش
سناء:المكتاب مامنو هروب اياسمين ايلا كانت شي حاجة اتوقع خاصنا نتقبلوها و حنا كنتمنااو دابا مايكونش منهم
مريم:انا غانمشي نجيب الولاد من المدرسة و ندي معاهك رميساء للدار بلاما تشوفك فهاد الحالة
صونا التيليفون د حسام و ياسمين وقفات كلها كترعد و كلشي كيتسناا شنو غايقولو
حسام:االو .."نزلات دمعة من عين حسام على اثرها فهم الجميع اشنو كاين "
طاحت ياسمين على طولتها و منزلات حتا دمعة من عينيها ...كنشوف فنقطة معينة و على فمها كلمة"ميمكنش"
االكل انهار بالبكاء الا ياسمين لي ممتيقااش اشنو وقع ...ناضت كتشوف فيهم كيبكيو و كتحرك راسها شمال و يمين
ياسمين:لا مايمكنش مايمكنش علااااش كاااتبكييييو علاش امير ماااوقع ليييه وااالو واش كنسمعووو امييير مااوقع ليييه والووو اما غانساافر دابا لعندو و غانجيبو معاايا غاتشوفوه داخل من هاد الباب و بنتو غاتجي كاتجري تعنقوو كاتسمعو امير مايمكتش يموووت مايمكننش
حسام طرشها:صاففي فيقيي الواليد صافي مات و دابا ماعلينا غي نتسناو يصيفتو الجثة ديالو باش ندفنوه
رميساء:ماما مريضة😯خاصني نبقا معاها كيف ما هي كتبقا معايا ملي كانكون مريضة
مريم هبطات لمستواها:حبيبة رميساء ماماك داربها البرد و مابغاتكش تمرضي حتا نتي بقاي اليوم مع صوفيا و غدا اتولي لاباس و تمشي عندها
مريم:واخا
طلعاتهم فالطونوبيل و داتهم للدار دخلاتهم و رجعات عند البنات ... دخلات رميساء و صفوان للدار و طلعو عند صوفيا
صفوان:صاحبي ايجي دابا يلعب معايا البلاي شوفو شنو غاديرو
رميساء:لا حنا لي غانلعبو فالبلاي
صفوان:البلاي ديالي 😡
رميساء:و انا مااالي صوفيا ياله معايا
جراتها و دهلو لبيت صفوان شعلات البلاي و شدو المانيطات و بداو كيلعبو ....صونا الباب و الخدامة حلاتو كان آسر ولد فيصل و هو فنفس الوقت صاحب صفوان
آسر: انا جبت CD ديال الفيفا
صفوان:خداو لينا البلاي
آسر:شكون هادو لي خداوه
صفوان:ختي و رميساء الشيطانة صافي ياله نلعبو كورة فالجردة
آسر:لا لا ياله نوضوهم من تما انا جاي علا قبل الفيفا"طلع فالدروج و حل البيت د صفوان"نوضو خليونا نلعبو
رميساء:ماشفتيناش كنلعبو
آسر:نتوما اش فهمكم فهادشي سيري لعيو بالمونيكات هههه"بداو كيضحكو هو و صفوان ..رميساء حطات الملنيطة و جات قدامو"
رميساء:شنو بان ليك تلعب معايا و لي خسر ايحكم على الاخر
آسر:ههههههه وجدي راسك للحكام
ناضت صوفيا و جلس بلاصتها آسر و بداو كيلعبو هو و رميساء ف الفيفا ..صوفيا كتشجع رميساء و صفوان كيشجع آسر ...تصدمو الدراري فالحرفية د رميساء كتلعب احسن منهم مئة مرة ...سالا الماتش و رميساء ربحااتو بفوز سااحق
رميساء:دابا خاصني نفكر باش انحكم عليك 😂
آسر:راه انا لي خليتك تربحي
رميساء:نعاودو نلعبو و هاد المرة ماتخلينيش نربح ههههه
آسر:صافي صافي حكمي دغيا و هنينا
رميساء:امممم غادي تكون الحصان ديالي و غدور بيا الحديقة عشرة د المرات
آسر:واش نتي حماقيتي حكمي شي حكمة مقادة
رميساء:صافي رضااا بالحكمة
آسر:اووف ياله
نزلو كاملين للجردة و جلس آسر على شكل حصان و طلعات فوقو رميساء شداتو من التريكو ...بدا كيتمشاا و هي كتشد فالتريكو فحالا شادا الحزام د العود ...
رميسااء:هيييييي اوووبلااا ديير صووت العود
دازو يومين و ياسمين على نفس الحال جالسة فبيتها كتسنا يجيبو الجثة و تاكد ليهم بلي ماشي امير لي مات ...دخلات عندها سناء هازا البلاطو د الماكلة حطاتو حداها و شدات ليها يديها
سناء:ياسمين بكي و غوتي خرجي دكشي لي حابساه فالداخل ديالك متبقايش ساكتة فحال هكا كتخلعيني عليك
ياسمين:اري يديك لهنااا"جبداتهم ليها"واش تجرحتي ولا شنو
رميساء كتشوف فمريم و تشوف ف ياسمين
ياسمين:هضري مالكي منين جاا هاد الدم ..مريم شنو وااقع
رميساء كتشوف فمريم و كترغبها بعينيها متقولهاش
مريم:بصراحة بنتك ماوقع ليها والو صاحب صفوان لي طاح ملي كانو كيلعبو و يمكن هي قاستو و لسق ليها الدم فيدها
ياسمين:ااه وشنو وقع للدري
رميساء:هو بيخير راه ديناه للسبيطار و جا عندو باباه
ياسمين:رميساااء قولي لي الصراحة ماعندك حتا دخل فهدشي لي وقع لهاد الدري
رميساء:لا اما...
صفوان قاطعها:خالتي راه رميساء طلقات روكي عليه
ياسمين😱😱😱😱😱😱😱😱:واش بصح هضري
رميساء:ماامااا كنا غي كنلعبو :)
ياسمين:هاد اللعب ديالك مابغااش يسالي ا رميساء خاصك تمشي تعتاذري من الدري
مريم:اا لا بلاش اياسمين الدري ماوقع ليه والو
ياسمين:اه و نتي علاش خبيتي عليا هدشي لي دارت رميساء
رميساء:صافي اماما انا لي طلبتها ماتقول ليك والو و نمشيو نعتاذر اسلا بغيتي
ياسمين:زيدي قدامي نغسل ليك هاد الحالة
مريم غمزات سناء باش تبعها و مشاو للكوزينة
سناء:مالكي شنو واقع
مريم:هداك الولد باباه هو فيصل
سناء:كيفااش😯
مريم:شتي دنيا شحال صغيرة
سناء:الله يدوز هاد النهار على خيير
طلعات ياسمين رميساء لبيتها و دخلاتها للدوش كتغسل ليها حالتها
رميساء كتشوف فيها بترجي:ماماتي مغاتاخديش ليا روكي ياك
ياسمين:شنو قلت ليك انا هداك النهار
رميساء:نتي معارفاش شمو دارو لينا انا غي نتاقمت
ياسمين:اييه ابنتي تبارك الله عليك و كون وقعات ليه شي حاجة الاه يستر فين كنا غانوصلو
رميساء:وصافي دابا ماوقع ليه والو و غانمشي نعتاذر منو و كنواعدك مغانعاودش نستخدم روكي فحاجة فحال هادي
ياسمين كتنشف ليها :دابا نشووفو
خرجاتها من الدوش و لبسات ليها كسوة فالغوز فيها وريدات و صنيديلة فالبيض و جمعات ليها شعرها
ياسمين:ياله زيدي قدامي
رميساء:خاصنا نشريو شي حاجة ياك ورد ولا شوكولا
ياسمين وقفات و بدات كتشوف فيها:اشنو واقع هاد المرة باغا تمشي تعتاذري و باغا دي معاك الورد و الشوكولا تقدم ملحوظ
رميساء🤗
خرجو من الدار و ركبو فلوطو
ياسمين:غايكونو خرجوه من الكلينيك خاصنا العنوان د الدار انعيط للمدير
عيطات للمدير و خدات العنوان ...خداو فطريقهم الورد و الشوكولا و مشاو لهداك العنوان
كان فيصل كيوكل آسر الشربة و سمع صونيط د الباب ...حط الجبانية و ظشا يحل الباب ....حلو و هو يتصدم 😱
وقفات ياسمين و رميساء قدام الباب و صوناو ...تسناو شوية و هو يتحل الباب ... هزات ياسمين راسها والابتسامة على وجها لي بدات كتلاشى شوية بشوية حتا تحولات لصدمة ... شافت فرميساء لي مافاهمة والو من هدشي لي كيوقع ...شداتها من يديها و بغات تهبط..شدها فيصل من دراعها
فيصل:ياسمين
رميساء:واش كتعرفو بعضياتكم؟
ياسمين نزلات لمستواها و مدات ليها الشوكولا و الورد:حبيبة دخلي عند الصديق ديالك
فيصل:ست سنين اياسمين ..دازو ست سنين و نتي ماتبدلتيش مزال ماباغاش تسمعي و تفهمي شنو وقع..
ياسمين:شنو غانسمع شنوو انا ماعندي مانسمع من عندك صافي افيصل كل واحد فينا عندو حياتو دابا نتا بمراتك و ولدك و انا براجلي و ببنتي مابقا عندك ماتوضحلي حيت ماغادي يغير والو و متنساش بلي نتا لي خدعتيني و ماشي غي مرة جووج كنتي داير علاقة معا شهد و نتا معايا و حصلتك معا احسان الله يرحمها ..يعني حتا كون ماتزوجتش و ماولدتش ماكنتش انعطيك فرصة افيصل حيت متستاهلش ....رميساااااااء ياله
دخلات رميساء كتقلب على بيت آسر حتا لقاتو و دخلات عندو
رميساء:آسر
آسر:شنو كديري هنا عنداك تكوني جايبة معاك الكلب
رميساء:لا جايبة الشوكولا و الورد هههه
جلسات فالكرسي لي حداه و عطاتهم ليه
رميساء:كنعتاذر كنت غي كنضحك مابغيتكش تآذى فحال هكا
آسر:ماكتوجديش ليا شي فخ ياك ياكما هاد الشوكولا فيه شي حاجة
رميساء خداتو ليه:صافي ايلا ماتياقش متاخدوش
آسر خداه من عندها:صافي صافي
رميساء:واش كضرك الجرحة بزاف
آسر:غي شوية
رميساء مدات ليه يدها:شنو بان ليك نوليو اصدقاء
آسر مد يديه:و منبقاوش ندابزو هههه
رميساء:هههه"سمعات ياسمين"خاصني نمشي باي باي
آسر:باي
خرجات عند ياسمين لي كانت معصبة جراتها و نزلو ل لوطو
حسام:قالو لينا بلي كنتي من الضحايا د هاد الانفجار الارهابي حيت لقاو الهوية ديالك معا الشخص لي حسابليهم نتا
امير:بلاتي نعاود ليكن من الاول ..كان اول يوم ليا فباريس و المعرض مزال مبداش قلت نربح الوقت و نخرج ناخد دكشي لي انجيب ليكم معايا ...كنت كانضور فالمدينة و عجبني واحد لكوليي"شاف ف ياسمين"كنت باغي نجيبو ليك ..بغيت تجبد بزطامي و ملقيتوش ...و بغيت نمشي لعند البوليس نديكلاري و بعدت على المدينة و هديك الساعة وقعو هدوك الانفجارات و ترونات الدنيا ...قلبت على المعرض و بقيت فيه حتا هدات الاوضاع و هوما عاونوني نرجع لهنا
ياسمين مخشية فيه:الحمد لله كون وقعات ليك شي حاجة انا...
امير قاطعها:شوو دابا ماوقع والو و انا معاكم
فيصل من بعد ما مشات ياسمين دخل لبيتو و مشا للماريو ..هز التصويرة ديالهم و جلس فجنب السرير
فيصل:ياسمين حبيبتي الصغيرة ههه كلشي بدا من هديك الليلة كون مابستكش كون ماشافناش باباك كون ماحبسكش فالدار كنا غانكونو هكا؟لا "تكا فالسرير و بقا كيشوف فالصورة" كنا غانكونو دابا مزوجين و عندنا وليداتنا كنا غانكونو عايشيين حياة بسيطة و لكن كنت غانخليك اسعد انسانة و اتخليني اسعد انسان ...انا مزال كنبغيك اياسمين و خاصني نتاكد من حاجة وحدة ..ايلا كنتي فرحانة مع راجلك غادي نساك فمرة حيت الحب تضحية و انا غانضحي بحبي ليك باش تكوني سعيدة
تحل عليه الباب و دار الصورة وراه
آسر:بابا شنو كدير
فيصل:والو طنت متكي شوية
آسر جلس حداه:كنتي كتفكر فماما
فيصل شاف فيه:سمحلي عمري منقد نعطيك ام جديدة
آسر:كتسنا حبك الاول
فيصل:مابقيتش انتسناه
آسر:و كيفاش اتنساه و نتا ماباغيش ترتابط بوحدة اخرى
فيصل:حيت مكاينة حتا وحدة تقدر تنسيني ف ياسمين
آسر:جرب نتا شنو خاسر
فيصل:زعماا؟
آسر:انا هادشي لي بان لياا
فيصل:امم و نتا قولي شنو موضوع رميساء
آسر:اا رميساء صديقتي😃
فيصل:زوينة الصراحة عويناتها الزرقين و شعرها الصفر الطويل و زيد عليها بنت جريئة يعني مغتلقاش معاها مشكل هههه
آسر ضربو بوسادة:باابااا 😠
ياسمين كطل على رميساء من باب بيتها
ياسمين:شي حد مقلق مني هنا
رميساء:علاش انتقلق منك ا ياسمين
ياسمين مشات لعندها و جلسات فطرف السرير:اووه مدام قلتيلي ياسمين اذن مقلقة تقليقة كبيرة
رميساء:حنا كناا تافقنا بلي عمرك دخلي لي فاصدقائي و اليوم قلتيلي منعاودش نلعب معا آسر
ياسمين:انا غي كنت معصبة شوية
رميساء:بزااف ..كنتي معصبة بزاف
ياسمين:و دابا جيت نعتاذر منك و لعبي معا آسر قد ما بغيتي
رميساء:ماشي بهاد السهولة انسمح ليك اياسمين
ياسمين:اممم هيا غدا نمشيو لمحل الالعاب 😍
رميساء:كون قلتي حديقة الحيوانات كانت غاتكون فكرة افضل
ياسمين:مرة اخرى احبيبة غدا خاصنا نمشيو لمخل الالعاب باش نشريو لصفوان كادو و نشري للكبيدة ديالي شي حاجة
رميساء:مكيعجبونيش بزاف ولكن احسن من والو😃
ياسمين كتقرس حنيكاتها:اااخ علييك
"باستها و غطاتها" ياله وقت النعاس دابا 😘
خرجات من عندها و مشات لبيتهم لقات امير متكي فالسرير مالابس والو من الفوق و كيهضر ف تيلي على الخدمة ..مشات جلسات حداه و تكات على يدها كتشوف فيه و تلعب بشعر صدرو ...قطع الاتصال و ضار عندها كيلعب بشعرها
امير:شحال توحشتك الحبيبة ديالي
ياسمين:كون تشوف انا ملي قريت الخبر ..
امير حط صبعو على فمها:نسااي"بدا كيقربها ليه حتا تخلطو انفاسهم و هو يتحل الباب"
العشيقة الصغيرة الجزء 11
محتوى القصة
التنقل بين الأجزاء