العشيقة الصغيرة الجزء 15

من تأليف fatesha
2018

محتوى القصة

رواية العشيقة الصغيرة

ناضت ماريا من فراشها و دخلات لحمام غسلات وجهاا و حكات سنانها و قادات شعرها و خرجات من البيت...لقاتهم فطرو و سالاو وكاين غي آسر كيلعب ف البلاي 
ماريا:بونجووغ
آسر:بونجوغ 
ماريا:فين فيصل 
أسر:مشا يقاد شي حاجة فالخدمة
ماريا:امم معارفش شكون هاد صاحبو لي داير حفلة 
آسر:لا.. فطري و اجي تلعبي معاياا 
ماريا:واخا
كملاات ماريا فطورها و جمعات الكوزينة...مشات حدا آسر و عطاها مانيطة و بقاو كيلعبو بزوج ...
وصلات العشية و رجع فيصل لداار و بداو كيوجدو راسهم ...ماريا لبسات كسوة فالكراميل سميطات و فايتا الركبة شوية ..لبسات معاها طالون فالقهوي و شعرها صايباتو و طلقاتو و دارت عليه بانضا فالبيض و منقطة بالقهوي ..و ميكاب تقيل ...كملات التوجاد و خرجات من بيتها لقات فيصل قدام المرايا كيقاد فالكول ديال القاميجة...انتابه ليها و ضار كيشوف فيها و فعينو نظرات الاعجاب 
ماريا:انا واجدة 
فيصل:جيتي زوينة😍
ماريا:اا شكرا 😋😋😋
فيصل حل ليها يديه:مشيناا 😉
ماريا شدات فيه:مشينا😋
نزلو مشادين لوطو و فيصل حل ليها الباب باش تركب ...ركبات و هي قلبها كيفرفر بالفرحة من المعاملة د فيصل ...ركب حتا هو و تاجه لمكان الحفل... فالطريق كان كل شوية كيضور يشوف فيها و هي كتفادى نظراتو حيت كيخربقوها ...ملي قربو يوصلو صيفط فيصل ميساج لهند علمها بلي قربو يوصلو .... 
وصلو لمكان الحفل لي كان عبارة عن نايت كلوب و دخلو مشادين عاوتاني 
ماريا:علاش كاين الظلام و السقيل ياكما ماشي هادي البلاصة 
فيصل:معرفتش اجي نشوفو لداخل 
دخلو لداخل و تشعل الضووو 
الكل:suuuuuuurprreriiiiissssse joyeux anniversaire mariaaaaaa 🎉🎉🎉🎉
كلشي ضاار بيهااا و كيسفقو ليهاا و هي مزال تحت تاتير الصدمة..جات عندها هند و عنقو بعضياتهم 
هند:كل عاام و انتي اجمل اخت فالدنياااا 😍😍😍
ماريا:شكراا بزااف احبيبة عدبتي راسك عارفاني مكنحتافلش بيه 
هند:و انا هاد العام قررت نحتافلة بيه اشنو فيها و زايدون شوفي ضايرين بيك الناس لي كتبغي و كيبغيوك و راه فيصل لي عاوني فهاد المفاجئة😉😉
ماريا عاودات عنقاتها:كنحمااق عليك اناااا😍😍
هند:و حتا اناااا 💕💕
سلماات على البقية و استقبلات منهم التهااني و تمنياتهم لسنة سعيدة ليها و وصلات عند فيصل ...وقفات قدامو و معرفاتش شنو دير و تقدم هو و عنقها 
فيصل:هابي بيرث داي ماريا😍
ماريا:شكراا ..قاتلي هند بلي عاونتيهاا ف هاد المفاجئة شكراا بزاف 
فيصل:اناا مادرت والو غي جبتك لهنا و صا...
الياس:ماريااا😍😍😍"عنقهاا" سنة سعيدة و عقبة لمئة عام ان شاء الله 
ماريا:شكرااا 
الياس:هداا كادو بسيط كنتمنى يعجبك 😃
ماريا:اووه علاش عدبتي رااسك 
الياس:تستاهلي كتر غي مكانش عندي وقت كتير ياله علماتني هند 
ماريا:ماشي مشكل المهم تفكرتيني 😄
هند:ياله تطفي الشمع دابا باش تبداا الحفلة😍😍😍
ماريا:واخاا واخااا 
جراتهاا للبلاصة لي دايرين فيها الكاطو و كلشي تجمع تماا طفااو الضواو و بقا غي الضو د الشمع ....بداو كيغنييو ليهاا و حتا هيا كتغني معاهم ..كملوو و طفات الشمع 
هند:داباا نشوفو لي كادوو هااهومااا 
جاو عينين ماريا نيشاان على هداك النونوس لي شافت فالمول ..مشات ليها نيشان هزااتو و شافت فيديه بوكي د الورد و كارت ...خدات الكارت حلاتهاا وقرات شنو مكتوب فيها"كل نهار كنتعلق بيك كتر ...فيصل" تسارعت دقات قلبها و مقداتش تهز عينيها من الكارت بقات كتقرا فيها و تعاود حتا جراتها شي يد 
الياس:خلي لي كادو لمن بعد داباا غانلعبو اللعبة ديالناا "جرها لجيهة البار و هي عينيها كيقلبو غير على فيصل" المهم لي معارفش اللعبة لي كايكمل بلاطو د الكيسان الاول هو لي غايربح و غايحكم على لي تواجه معاه 
ماريا:الياس انا مبقيتش كنشرب 
الياس:ليوم عيد ميلادك ا ماريااا مافيهاا باس ايلا شربناا شوية نلعبوو و نرجعو يامات زماان ياله مالكي وليتي مملة هكاا 
جلسو فالبار و حطو لكل واحد فيهم بلاطو د الكيسان د الشراب ...ماريا كتقلب بعينيها على فيصل ملقاتووش
الياس:ياله ا ماريا و جدي راسك 1...2...3
بداو كيشربو كااس وراا كااس و بزاف لي نساحبو بقات غي ماريا و ايلياس كيتسابقو شكون يكمل بلاطوه هو الاول ...ماريا داخت و مبقاتش قادرة تكمل و حبسات اما الياس فكمل بلاطوه و ربح 
الياس سكران:ووووووي اما لي ربحت ههههه 
ماريا حاسة بالدنيا كضور بيها ناضت من بلاصتها و و سفقات بيديها باش ينتابهو ليها 
ماريا:اليوم هو عيد ميلادي هههههه طبعا نتوما عارفين هدشي ههههههه
فيصل كان جاه اتصال من ريسطو ديالو و كان ضروري يخرج يجاوب ...ملي دخل شاف كلشي مجموع جيهة البار و مشا يشوف شنو كيديرو ...تخشا و سطهم و شاف ماريا سكرانة و كتماابل و دخل و تخرج فالهضرة و مشا لعندها 
ماريا:هييييي هاهوااا فيصل جاااا من قبيلة و انا نقلب ليك هههه كاادوك زوين بزااااف تستاهل عليه بوسة "باستو من حنكو"مااااح 
فيصل:اش هاد الحالة درتي فراسك 
ماريا:مالها حاالتي انا بيخير بيخير 
هند:فيصل من الاحسن ديهاا من هنا انا غانتكلف بالباقي 
ماريا:هداا اسرع عيد ميلاد شفتو ف حياتي ههههه ياله بدات السهرة علاش بغيتيني نمشي 
فيصل:شدها من دراعها وجرها:ياله ا ماريا لدار 
ماريا:نونونو انا غانبقا هنا سير بوحدك 
فيصل ملقاش شي حل آخر من غير يهزهاا...هزها من رجليها و لاحها مور ظهرو 
ماريا كضرب ليه ف ظهرو :هيي نزلنييي مبغيتش نمشي داابااا 
فيصل خشاهاا ف لوطوو و ركب كسيرااا 

ماريا:اييه فيصل واش بصح هديك الهضرة لي قلتي زعما بلي بديتي كتبغيني هههههههه اصلا انا رفضت نتزوج ب الياس غير على قبلك كان عندي امل تبغيني ههههههه دابا غانكونو اسرة متالية انا وياك و ولدي آسر هههههه علاش مكتهضرش معايا قولي واش بصح كتبغيني؟ هههههه 
بقات على هاد الحال الطريق كلهااا كدخل و تخرج فالهضرة حتا وصلو لدار نزل و نزلها هزهاا عاوتاني طالع بيها ....و حطها باش يحل الباب 
ماريا:شوووو ايكون آسر ناعس شووو هههههه 
فيصل:ماريا سكتي شوية 
حل فيصل الباب و دخلها غادي بيها نيشان للحمام حتا وقف ف طريقهم آسر 
آسر:دغيا رجعتو!
ماريا:اووه ولدي حبيبي كنتي كتسناا ماماك هههههه صافي دابا مبقاا لاش نخبيو عليك نتا ولدي و انا ماماك ههه و انا و فيصل كنا كنمتلو عليك باش نتقرب منك ولكن دابا صافي صافي مابقا لاش نخيبو حيت اللعبة ولات حقيقة حيت فيصل ولا كيبغيني ههههههه 
آسر مصدووم من هاد الهضرة و كيشوف ف فيصل و كيتسناه يقول شي حاجة و فيصل مقادرش يشووف فيه 

آسر كيشوف ف فيصل:بابا مال ماريا كتهضر هكاا و شنو هدشي كتقول 
فيصل شاد ف ماريا و كيحاول يديها لداخل:مكتشوفش راه سكرانة و مواعيااش بشنو كتقوول 
ماريا طلقات منو: اولا من دابا اتبقا تعيط لي غي ماما حيت انا هي ماماك هههههه و تانيااا انا وااعيا بشنو كنقول "شافت ف فيصل"انا عييت و مبقيتش قادرة نخبي على ولدي كتر "جلسات ف الارض و ربعات رجليها"صافي براكة خاصني انا و ولدي نتجمعوو هو يقولي ماما و انا نقوليه ولدي ههههههه زوينة هادي ياكو"حطات راسها على الحيط و بدا كيديها النعاس" 
آسر:بابا شرحلي شنو واقع😔
فيصل:كنضن بلي مابقاا مايتخبا ..ماريا هي ماماك 
آسر😱: ماما!لي ولداتني
فيصل:ااه 
آسر:ولي تخلااات عليا فالميتم 
فيصل:لا ماشي هكاك... 
آسرعينيه عمرو دموع:صافي انا مابغيت نعرف والو و مابغيتش نعاود نشوفها
مشا كيجري لبيتو و سد عليه ....فيصل خلاه على راحتو حيت عارفو ماغاديش يبغي يسمع ليه دابا و تحناا هز ماارياا و هي بدات كتحل عينيها و تسدهم ...هزات يديها و دارتها مور عنقو 
ماريا:علاش نتا زوين فحال هكا😍"حطات راسها على صدرو "الله على رااحة ههههه 
فيصل:داباا نشوفو ملي تفيقي و تعيقي بشنوو درتي واش اتكوني مرتاحة فحال هكاا 
حطها فوق سريرها و حيد ليها الطالون و غطاهاا...
فيصل:نعسي داابااا و يكون خير غداا 
خرج من عندها و مشا لعند آسر ...وقف قدام باب بيتو و بدا كيدق عليه و آسر مكيجاوبوش 
فيصل:آسر مخاصكش دير فحال هكا عارفك مقلق منا بزاف حيت خبينا عليك ولكن حنا درنا فحال هكا غي باش تقربو من بعضياتكم و غدا ملي تفيق ماريا و ترجع لوعيها خاصك تسمعهاا هي لي غاتشرح ليك كلشي
مشا فيصل لصالون و جلس تماا شاد راسو و كيفكر ف شنو ايوقع غدااا و شنو خاصوو يدير بقا على هداك الحال حتا داه نعاس ...اما آسر ف ملي دخل لبيتو جلس فالارض و جمع رجليه عندو و تكا عليهم و بدااا كيبكي 
آسر:علاش انا ماشي فحال كاع دراري😢 علاش انا خلاوني واليديا فالميتم و خلاو ناس اخرين هوما لي يربيوني 😢واخا بابا فيصل عمرو حسسني بلي انا ماشي ولدو ولكن انا عارف بلي هو ماشي بابا الحقيقي و هدشي عمرو ايتبدل😢علاش رجعات دابا من بعد ماتخلات علياا يحساب ليها انسمح ليها ونعيش معاها عادي😭لا انا عندي ماما وحدة هي شهد و بابا واحد هو فيصل 😔 مغاديش نعطيك فرصة اخرى باش تخلاي علياا و انا عمري نتافرق معا بابا فيصل 😭
-------------------------------------------
🌞فاقت مارياا بسباب اشعة الشمس لي ضاربة فوجهاا ...حلات عينيها بصعووبة و حاطها يدها على راسها لي عاطيها صداع قوي .... ردات لبال للحوايج لي مزال لابسة و مزال كتحاول تفكر شنو وقع لبارح 
ماريا:اوف رااسي كيحرقني بااينة كترت من الشراب اووف كلشي بسبابك ا الياس معاقلة على والووو 
ناضت بزز للحمام غسلات وجها و مسحات الميكاب ...خرجات حيدات عليها الكسوة و لبسات بيجامة زرقة ....جلسات فوق سريرها و شدات راسهاا لي مزال كيضرها
ماريا:حااسة بلي وقعات شي حاجة البارح ولكن كلشي تمسح اووف اشنو درت ياربي منكونش درت شي مصيبة ..انشرب بعدا شي كينة تحيد لي هاد الصداع 
حلات الباب و لقات فوجها فيصل ياله كان ايدق عليهاا 
ماريا:فيصل صباح الخير 
فيصل:باينة معقلتي على والو 
ماريا:متقولش لياا درت شي مصيبة راه فقت ضارني راسي و نسيت على كلشي 
فيصل:قلتي ل آسر بلي هو ولدك 
ماريا:اويليييي😱😱😱
فيصل:من هديك الساعة و هو حابس راسو فالبيت خاصك تمشي تهضري معاه دابا و تعاودي ليه كلشي حيت هو كيحساب ليه بلي تخليتي عليه 
ماريا:انا خايفة بزااف😔😔😔
فيصل شد ليها فيدها:ايلا عاودتي ليه كلشي غادي يتقبلك عادي و تبقاي فيه و ايفهمك مخاصكش ضيعي الوقت كتر ياله ا ماريا 
جرها من يديها و مشاو لبيت آسر و حل فيصل الباب بالساروت ...دخلو و لقاوه فايق و مزال على الوضعية د البارح ....آسر غي شافها ناض و وقف 
ماريا😢:آسر انا...
آسر:انا مابغيت نعرف والو مبغيتش نعرف السباب لي خلاك تخلاي عليااا حيت مكااين حتا سبب يخلي ام تلوح ولدهاا😢
ماريا:انا راه ما....
آسر:قتليك مابغيتش نعرف 😡
فيصل:آسررررر😡😡
آسر: انا مابغيت نسمع لحتاا واحد فيكم بزوجكم كدابين و كنتو هاد المدة كاملة كضحكو عليااا 
ماريا انفاجرات بالبكا قداامهم و فيصل شادها باش مطيحش 
فيصل:آسر راه نتا معارف والو و خاصك تسمع من عند ماماك اشنو وقع 
آسر:هيا ماشي ماما انا عندي ام وحداا هي شهد الله يرحمها و نتي كنتي باغا تشوفي واش انتقبلك اولا و انا دابا ماتقبلتكش و مبغيتكش تكوني ماما 
ماريا طلقات من فيصل و خرجات كتجري من الدار مقادراش تستحمل تسمع كلمة وحدة من فمو...كل كلمة خرجها كانت بحال سيف كيتغرز ف قلبهااا ...جلسات فالدروج و عطات لدموعها الحرية هوكا الوحيدين لي قادرين يعبرو عن حالتهاا 

فيصل:آسر من امتااا وليتي فحال هكاا هادي لي درتي فيها هاد الحالة راها ماماك و معندكش الحق تحكم عليها فحال هكا بلاما تسمعهاا 
آسر:صافي هاهيا مشاات و غانرجعو نعيشو حياتنا فحالا مادخلاتش ليها
فيصل:ماريا راه ماماك و خاصك تعيش معاها ...هيا محتاجة ليك بزاف و ملي غادي تعرف اشنو وقع ليها غاتندم على الهضرة لي قلتي 
خرج من بيت آسر و مشا لبيت ماريا دق الباب مجاوباتوش و حلو..لقا البلاكار محلول و خاوي و حتا لفاليز ديالها مكايناش ...عرفها مشات

جمعات ماريا حوايجها و هزات لفاليز ديالها و خرجات من الدار...غاظا فالطريق و جارا الفاليز ديالها و دموعها على خدهاا و هضرة آسر كتعاود ف ودنها "مابغيتكش تكوني ماما ...انا دابا متقبلتكش ...انا عندي ماما وحدة هي شهد الله يرحمها ... " محساتش براسها حتا وصلات لدارهم حلات الباب و لقات هند و جداتهم جالسين فالصالون كيتفرجو 
لاحت الفاليز و جرات لعندهم تخشات وسطهم و زادت فشدة البكاء 
هند:ماريا مالكي اشنوو وااقع لييك؟؟؟
ماريا:مابغاانيييش اهئ اهئ ولدي مبغاش يعااود يشوفني اهى اهى😭😭
هند:واش قلتي ليه كلشي 😱
ماريا:مبغااش يسمعني اهئ اهئ اهى😭😭
هند:صافي احبيبة غي تهدني فيصل ياك عارف كلشي هو يشرح ليه 
زهرة: شكون فيصل و شكون ولدك و شكون نني اصلا 
ماريا تخشات فحضن جداتهاا و بدات كتبكي عاوتاني 
هند:كلشي غادي يتحل ا ماريا غي تسناو شوية خاصكم تعطيوه وقت حتا هو راه صعيبة عليه...اجي نغسل ليك حالتك و رتاحي شوية 
جراتها هند لبيتها و دخلاتها لحمام و دوشات ليها ...كملات و لبسات ليها حوايجها و خشاتها ف فراشها 
📱📱
هند:هدا تيليفونك لي كيصوني نمرة مامسجلاش 
ماريا:انشوف ...هدا من المهرجان لي خدمت فيه باغيني نسافر معاها ل ايطاليا 
هند:نتي معندك ماديري بهدشي دابا حلي غي حريرتك بعدا 
ماريا جاوبات :الو 
الشخص:بغيت نفكرك ا آنسة ماريا بلي غدا غانسافرو كنتمنى تكوني خديتي قرارك 
ماريا:انا غانمشي معاكم 
هند😱😱😱😱
الشخص:كنضمن ليك بلي خديتي القرار الصحيح 
مارياا:امتا نطي على قبل الوراق 
الشخص:اليوم فالعشية 
ماريا:واخا شكرا 
الشخص :مع السلامة 
قطعات معاه و شافت ف هند لي مخرجة عينيها 
ماريا:هدا افضل حل لينا كاملين و بلاما تناقشيني عافاك آسر مبغاش يشوفني مزال و ةنا غادي نخليه علا خاطرو 
هند:نتي خاصك تمشي و تعاودي ليه بزز منو خاصو يسمعك و يعرف بلي مخليتيهش و بلي مكنتيش عارفة ولدك حي ماشي تمشي تهربي 
ماريا:هند قلتليك نتناقشينيش انا غانمشي و انتهى الكلام و عافاك خرجي دابا بغيت نتكا شوية 
هند:مغاتكليش؟
ماريا: ماعندي شهية 
هند:على خاطرك 😔
----------------------------------- 
امير قدام دار سعد كيصوني عليه باش يفتح ....بعد مدة حل الباب و كان مزال على حالتو....امير متفاجئ بمنظرو مكانش كيتخيل يوصل لهاد الحالة 
امير:اش هاد الحالة وصلتي ليها ا سعد 
سعد:دخل بعدا 
امير:نتا لي غاتخرج معايا 
سعد:ماعنديش الكاانة نخرج لشي بلاصة 
امير:بزز منك "جرو من يدو و سد بابا دار "ركب 
سعد:فين غانمشيو بعداا 
امير:ركب و اتعرف 
سعد داار حركة استسلام و طلع لوطو و امير كسيرااا ....بعد مدة وقف امير لوطو قدام الكلينيك 
امير:نزل 
سعد:علاش جينا لهنا!
امير:باش تشوف ولدك "نزل من لوطو و اشار ليه باش ينزل حتا هو و داكشي لي دار "
سعد:مايمكنش تبززو عليا شي حاجة انا ماباغيش نديرها 
امير:استغفر مولاك و دخل تشوف ولدك راه نتا محتاج ليه كتر ما هو محتاج ليك 
دخل امير و سعد تابعوو ...طلعو لطابق الخاص بالاطفال و وقفو قدام الزاجة لي فيها ولد سعد...حط سعد يدو فوق القرعة لي فيها و ولدو و طاحت دمعة من عينو ....ترسمات ابتسامة على وجه امير حيت نجح فهاد المهمة و انساحب من المكان باش يخلي سعد على راحتو...نزل لوطو ديالو و رجع لداار ...دخل و لقا رميساء فالصالون كتفرج فتيفي و كتاكل فشيبس 
امير باسها:فين هي ماماك 
رميساء:فالجردة 
امير:متكتريش من هدشي اييضرك"خربق ليها شعرها و خرج لجردة لقا ياسمين جالسة و شادا الوراق قدامها ...قرب و شاف الوراق د التصاميم د الخدمة محطوطين قدامها و هي كترسم فحالهم
امير:ياسمين شنو كديري؟
ياسمين: اا امير جيتي 
والو غي كنخربق 
اميرخدا دكشي لي كترسم:انشوف
ياسمين:مضحكش عليا😔
امير:هدشي زوين بزاف 😃
ياسمين:قتليك مضحكش علياا😑
امير:معااك بصح ..يعني كاين شي اخطاء ولكن كبداية راه طووب 
ياسمين:كنت غي كندوز لوقت شفتهم فوق المكتب و قلت نرسم فحالهم 
امير:جربي ترسمي شي حاجة ديالك بلاما تعاودي هادو 
ياسمين:امييير راه قتلك غي كندوز الوقت 
امير:جربي نتي شنو خاسرة 
ياسمين:واخا ولكن دابا قوولي اشنو درتي مع سعد 
امير:هو دابا مع ولدو ف الكلينيك 
ياسمين:بصصصح😍
امير:وي كلشي غايتحل دابااا 
ياسمين عنقاتو: الله يخليك ليناا 
رميساء تلاحت عليهم:و انااااا😍😍😍
--------------------------------------------------- 
ماريا بقات متكية ف فراشها و كتفكر ف حياتها لي تقلبات بين ليلة و نهار ...و فالقرار لي خداات 
ماريا بينها و بين نفسها: انا غانمشي من هنا بمرة انهرب مرة اخرى ...فالاول هربت من واليديا الانانيين و من راجلي الشارف و دابا غانهرب من رفض ولدي ليا ...غادي نمشي و نخلي ورايا ختي و جداتي و آسر ..و حتا فيصل لي الامور بدات كتقاد بيناتنا حتا هو انخليه ..هدا افضحل حل لينا كاملين 
وصلات العشية و ناضت ماريا من فراشها بدلات حوايجها و جمعات شعرهاا ...هزات وراقيها حطاتهم ف صاكها هزااتو و خرجاات 
هند: اتمشي تهضري مع آسر 😃
ماريا:لا غانمشي نقاد الوراق على قبل السفر 
هند:واش مناوياش ديري عقلك 
ماريا:هند شوفي انا فكرت و لقيت بلي هدا هو الحل الوحيد لي كااين 
هند:نتي غاتبقاي ديما هكاا جباانة و اي مشكل وقعتي فيه كتفضلي تهربي 
مارياا:اه انا جبانة على قبل راحت ولدي انا جبانة 
هند:ولدك معااارفش الحقيقة معاارفهاااش 
ماريا:هو قااال بلي حتا ايلا عرف الحقيقة مغادي يتغير والو و انا مبغاش نضغط عليه و نخليه يسمع لي بزز و عافاك ا هند سدي هاد الموضوع حيت مغاديش نرجع ف قراري "خرجاات" 
هند:خااصني ندير شي حاجة ضروري 
---------------------------------------------
خرجات ماريا من الدار و شدات طاكسي للعنوان لي صيفط ليها المنظم د المهرجان .... وصلات ليه و دخلات لمكتب المدير 
المدير:تفضلي ..ماريا ياك 
ماريا:اه 
المدير:بالنسبة للسفر غاتكوني مسؤولة على كلشي و ملي نوصلو ل ايطاليا باذن الله حنا انتكلفو بكلشي 
ماريا:شحال ايستغرق المهرجان 
المدير:خاصنا اسبوع باش نقادو امورنا و نبداو التداريب يعني تقولي بعد عشرة ايام نرجعو 
ماريا: و لي بغا يبقا تما؟ 
المدير:كيف قلت ليك انتوما لي مسؤولين على السفر ديالكم و حنا انتكلفو بالباقي 
ماريا:واخا فهمت 
المدير:انقولهم يجيبو لينا الوراق باش يكون كلشي مقاد 
ماريا:واخا 
-----------------------------------
فيصل حط الغدا فوق الطبلة و جلس مقابل مع آسر ...بدا آسر كياكل عاادي و فيصل كيلعب بالمعلقة 
آسر:مافيكش الجوع؟
فيصل:ماريا غتكون ماكلات والو من الصباح "حط المعلقة و شاف فيه"واش معندكش فضول تعرف الحقيقة ؟
آسر:لا 
فيصل:انا معنديش الحق نعاود ليك الحقيقة حيت خاصك تسمعها من عند ماماك اماا كون قلت ليك كلشي من الاول 
----------------------------- 
رجعات ماريا لدار و دخلات لبيتها جبدات الفاليز ديالها و قادات فيها حوايجهاا و حطات الباسبور و وراقيها حدا راسها و تكات ف سريرها و هزات تيلي شعلاتو .....لقات بزاف د الاتصالات من عند فيصل رجعات طفاتو و سدات عينيها كتحاول تنعس....
🌞🌞🌞🌞🌞🌞
فاقت ماريا على صوت المنبه طفاتو و ناضت للحمام خدات دوش خفيف باش تفيق و خرجات نشفات شعرها و بدات كتلبس ف حوايجها ....لبسات سروال دجين و تيشورت بيضة وجاكيط فالصفر ...و دارت طريبيش ف راسهاا ...خشات وراقها و تيليفونها ف صاكها و جرات فاليزتها و خرجات من البيت .... مشات لبيت جداتها لي ناعسة وجلسات على طرف السرير و شدات يدها 
ماريا:غادي نتوحشك بزااف ولكن انبقاو نهضرو انهضر معاكم يومياا هداا وعد "باستهاا و ناضت باش تخرج لقات هند قدام الباب" 
هند عينيها مدمعين:واش درتيها بصح 😢
ماريا:هند عافااك راه بكيت بزاف هاد الايام متزيديش عليا حتا نتي"عنقاتها" تهلاي ف جدة عطيها الدوا فالوقت و حضيها و حتا نتي ردي البال لراسك "باستها"و صافي بلاما تبكي انا غانكون بيخير تماا ياله خاصني نمشي مزال ساعة على الطيارة باي باي 
عنقاتها مزياان و خرجاات جارة فاليزتهاا 
هند:مغنخليكش تمشي مغنخلييكش انا ضروري نتدخل"مشات كتجري لبيتها و هزات تيليفونهاا" 
------------------
شدات ماريا طاكسي للمطار ...دخلات و بدات ف اجراءات السفر لي كيااخدو وقت ..كملات و بقات كتسنا يوصل الوقت ...علنو على وجوب اتجاه المسافرين لايطالياا الصعود للطائرة ..و ناضت ماريا متاجهاا للمر ...غادياا و صورة آسر بين عينيها و كتقول نمشي و نخلي ولدي و عائلتي و لا نرجع و نحاول معاه مرة و جوج و عشرة ...نكون شجاعة و نواجه هاد المشكل ولا نكون جبانة فحال عادتي و نهرب . حتا وقفهاا الصوت لي هز قلبها 
آسر:مااااماااااا 

فاق فيصل على صوت تيليفونوو ...هزو يشوف شكون لي معيط ليه لقاها هند و جاوبها 
هند:فيصل عتقنني😢 
فيصل:هند مالكي شنو واقع واش ماريا وقعات ليه شي حاجة 
هند:ماريا مشاات😭
فيصل:فين مشات ؟؟؟
هند:اتسافر ل ايطاليا ف مرة 😭
فيصل:😱ااشنو كتقولي واش بصح 
هند:ووي عافاك دير شي حااجة و متخليهاش تسافر عاود ل آسر كلشي رااه طيارتها بعد ساعة 
فيصل:واخة انا غانتصرف "قطع عليها" هاد ماريا و الله العظيم معندها العقل باش تفكر 
ناض بالجرا لبيت آسر بغا يفيقو ساعة لقااه فايق 
آسر:شنو واقع 
فيصل:اجي معااياا دغياا 
آسر:علاش!
فيصل جرو من يدو :زيد معندنااش الوقت
آسر:شرحلي شنو كااين و واش انخرجو ب حوايج نعااس 
فيصل:انشرح ليك ف طريق 
طلعو ف لوطو و كسيرا فيصل و آسر وراه مفااهم والو كيتسناه يشرح ليه
آسر:فين غاديين داباا و علاش 
فيصل كيشوف فيه من المرايا: شوووف بغيتك تسمعني غي تسمعني و متقاطعنيش حيت خاصنا نوصلو فالوقت للمطار 
آسر:علاش المطار؟
فيصل:ماريا اتسافر ف خطرة و نتا خاصك تحبسهاا 
آسر:علاش انحبسها خليها تمشي 
فيصل:شوف ا آسر ماريا قصتها طويلة بزاف هي عاوداتها ليا ملي سديتي علينا ف ريسطو و انا غانعاود ليك باختصار ...ماريا تعدبات بزاف ف حياتها زوجوها لواحد شارف و هي عندها 17 عام كان قبيح كيعاملها خايب و مع الوقت حملات منو و هو رفض هداك البيبي و لكن هي بغاتوو و هربات لدارهم باش راجلها ميقتلش ليها ولدها ..بقات عندهم حتا وصلات وقيتة د ولادتها كنتي نتا لي تزاديتي ولكن هيا قالو ليها بلي متي شكون لي خداك و داك للخيرية حتا واحد معارف ولكن لي خاسك تعرف هو ماريا معندهاا حتا دنب بالعكس هيا اكتر وحدة تعدبات على الاقل نتا لقيتينا انا وشهد خرجناك من الميتم و تبنيناك اما هيا مالقات لي يخرجها من هداك الجحيم و يوقف معاهاا ... بعد هاد السنين كاملة لقاتك بالصدفة و فضلات تتقرب منك شوية بشوية بلاصة ما تجي و تاخدك مني و تديك معاهااا و حتا ملي رفضتيها محاولاتش تضغط عليك و فضلات تخليك على خاطرك...دابا الكرة عندك بعد ما سمعتي الحقيقة واش غاتوقف ماماك من السفر و تكملو حياتكم بزوج اولا غاتخليها تمشي و تعيش بقية حياتها معدبة بوحدها فالغربة "حبس الطونوبيل و ضار عندو لقاه كيبكي"
آسر مسح وجهو و شاف فيه:حل الباب مخاصناش نتعطلو 
ضحك فيصل و نزل بزربا و تبعو آسر ...دخلو للمطاركيجريو و الناس كيشوفو فيهم ...وقفو كيقلبو بعينيهم على ماريا حتا قشعها آسر 
آسر:ماااامااااا 
ضارت ماريا بشوية باش تاكد من الصوت و شافت آسر جاي كيجري جيهتها ..وصل عندها و تلاح عليها عنقها و هي نزلات على ركابيها باش تبادلو العناق 
آسر:سمحليلياااا😭😭 
ماريا غي كتبكي و مزيرة عليه 
آسر:انا عرفت كلشي بابا قالي كلشي ....دابا مغتمشيش و تخلينا ياك
ماريا:نتا باغيني نبقا معاك 
آسر:حرك راسو بمعنى اه 
ماريا:اذن غانبقاا 
آسر:ياااااااس 
ماريا رجعات عنقاتو و بقات كتبوس فيه 
--------------------------------------
💕بعد اسبوع💕
آسر:واا مااماا نوضي خلااص 
مارياا:غي شوية عافاك 
آسر:نووضي راه بابا ايكون كيتسنا فينااا 
ماريا لاحت الغطا:اوووف ضروري نمشيو لبارك فهاد الصباح خليو غي حتا لعشية بعدااا
"صوت الدقان" 
آسر:هاا بابا جاا انا غانخرج عندو و نتي لبسي دغيا و لحقي عليناا 
حل آسر الباب و لقا فيصل كيخرج البيكالات من الطونوبيل 
آسر:بابااا 
فيصل حط دكشي من يديه و مشا عندو هزوو و معنقوو:توحشتك القرد 
آسر:حتا انا توحشتك ااجي علاش مديرش خير ف ماما و تزوجها و هكا انعيشو بتلاتة مجموعين 
فيصل:اام انفكر فهاد الموضوع ههههه المهم انا جبت البيكالات ديالنا معرفتش واش ماريا عندها اولا 
آسر:اا لا معندهاش صافي اتركب ورااك عندك بلاصة 
ماريا:انا واجدة ..اا فيصل صباح الخير 
فيصل:صباح النور😃
ماريا:شنو هدشي مغنمشيوش ف لوطو 
فيصل:قلت نمشيو ف بيكالات حسن 
ماريا:انا معنديش 
آسر ركب ف بيكالتو :ركبي معا بابا ايلا بغيتي تمشي 
ماريا:آسر بلاتي فين غادددي تسنااا 
فيصل:ركبي باش نلحقو علييه 
ركبات ماريا وراه و شدات ف طرف قميجتو 
فيصل:شدي مزيان راه غاطيحي 
ماريا دوزات يديها على كرشو و اليد الاخرى شدات بيها فظهرو و هو تحرك لحق على آسر 

ماريا و فيصل و آسر وصلو لبارك و حطو البيكالات و آسر مشا كيجري يلعب و فيصل و ماريا جلسو فوق الربيع 
فيصل: اوا كيدوزتي هاد الاسبوع معا آسر 
ماريا:الصراحة احسن شعووور ف العالم هو شعور الامومة واخة مكنتش معاه ملي ياله كان كيكبر ..ملي مشاا خطوة الاولى و ملي نطق اول كلمة ولكن دابا غانحاول نعوض كلشي😃و نتاا كيدوزتي هاد الاسبوع بلا بيه :/ 
فيصل:الدار خاوية بلا بيه 😔
ماريا بقا فيها:نتا عارف تقدر تشوفو ف اي وقت 😔
فيصل:خاصنا نولفو هاد الوضع 😔
ماريا ضرباتو لرجلو بيدها:تعلمني لبيكالة؟😂
فيصل:مكتعرفييش؟😂😂
ماريا ناضت و جراتو:واا نووض 
فيصل:واخة واخة 
-----------------------------------------
فالطرف الاخر من البارك جالس امير فوق كرسي و شاد الكرة برجليه ...لابس سروال د توني ف الرمادي و تيشورت فالكحل معا كاسكيط و نظاظر فنفس اللون و صبادري ....و ياسمين واقفة فالطريق و دايرة يدها على خسرها حاضية رميساء ...لابسة شورط د دجين طالع فيها التقطاع و تيشورت سميطات ف الزرق فيه الكتابة بالبيض و ضبادري بيضة ...شعرها مطلوقو مدايراش الميكاب 
امير:ياسمين صافي خليها تلعب على خاطرها و نتي جلسي من صباح ونتي واقفة 
ياسمين جلسات حداه:هاا انا
امير:عندي ليك واحد الخبر زوين 
ياسمين:شنو هو؟😍
امير:طبعا هدشي لي غانقول ليك مغاديريه حتا تولدي 
ياسمين:واا غي قوول 
امير:انا قررت تولي المصممة الرئيسية د الشركة 
ياسمين خرجات فيه عينيها:شنووو😱 واش حماقيتي 
امير:لا ماحماقيتش انا شفت بعيني الرسومات دياولك و نتي تستاهلي هاد المنصب 
ياسمين:ولكن انا كنت غي كنخربق و زايدون انا مقارياش هدشي 
امير شد ليها يديها:المهم عندك موهبة و الشركة محتاجة لموهبة فحالك راكي عارفة بعد ما مشات عايدة ملقيناش شي حد فمستواها و نتي معا الخدمة غاتعلمي حوايج جداد و تكوني احسن منها 
ياسمين:نتا كتقول هكا غي حيت....
امير:انا مكنقولش هكا حيت نتي مراتي و حياتي لا انا قلت هكا حيت بصح عندك موهبة و خاصك تاخدي فرصتك 
ياسمين:معرفتش ا امير مزال الحال بزاف باش نهضرو فهاد الموضوع 
امير:المهم انا غي قلت ليك اشنو باان لياا 
ياسمين ناضت :انشوف رميساء 
امير جرها جلسها على رجليه و حكمها بيديه:واش مبغاش تشدي الارض 
ياسمين:امير طلق رااه الناس كيشوفو فينااا 
امير:يشوفوو ايلا بغااو يشوفوو
----------------------------------------------- 
مشاو ماريا و فيصل لواحد الطريق مسرحة و خاوية جارين لبيكالة 
فيصل:هانتي هاد البلاصة مزيانة يااله اجي ركبي 
ماريا:اتشدني ياك عنداك نطيح فيصل:متخافيش غي طلعي طلعات ماريا فوق البيكالة و فيصل شادها من ظهرها بدا كيعلمها و يمشي و يجي بيها حتا بانت ليه بدات كتعلم 
فيصل:دابا انمشي نوقف لهيه و نتي اجي عندي 
ماريا:واخاا 
بدات فالاول غادة مزيان حتا قربات ليه و فقدات توازنها و طاحت بقاات مسرحة فالارض و كتموت بالضحك على راسها 
فيصل كيضحك:ياكمااا تقسحتي 😂😂
ماريا:هههههه لا لا انا بيخير 😂😂😂😂
فيصل مد ليها يديه نوضها و مقدراتش تعفط على رجليها ...كانت غاطيح عاوتاني و شدها فيصل من خصرها ....ماريا تخربقات و توترات من قربو ليها ...بقات واقفة جامدة فبلاصتها و مقادراش طلع عينيها فيه حتا حسات بقلبة صغيرة على خدها بعدها نتاقل لشفايفها ....ماريا قلبها وقف و حسات بشي حاجة باردة غادي ف عروقها....فيصل بقا حاط شفايفو على شفايفها لمدة قصيرة و بدا كيبعد شوية بشوية و شاف ف ماريا لقاه مغمضة عينيها و مزيرة عليهم و حناكها حمريين 

ماريا بدات كتحل عينيها شوية بشوية و شافت ف فيصل كيضحك و هي الضور بغات تمشي و شدها فيصل ضورها عندو 
فيصل:ولفتي تهربي !و لكن هاد المرة مخاصكش تهربي ا ماريا ماريا ساكتة و منزلة عينيها 
فيصل هز ليها وجها:شوفي فيا ماشي هدشي لي كنتي باغا ...قبل شهور كنتي باغة باي شكل ترتابطي بيا و من نهار سمعتي لهضرة لي قلت لآسر و بين قوسين مكنتش قاصدها تبدلتي شنو زعما هداك الاعجاب صافي مشا ولا شنو 
ماريا خرجات فيه عينيها::لا مامشاش نتا موال كتعجبني و يمكن ولات شي حاجة كتر من الاعجاب ملي عرفتك عن قرب ولكن نتاا عمرك غادي تنتاقل من مرحلة الاعجاب حيت ف قلبك ....
فيصل حط صبعو على فمها:شوو ... هداك الموضوع نسايه كيف ماا انا بديت ننساه
ماريا:زعمااا ياسمين...
فيصل:ياسمين عايشة حياتها و الله يسهل عليهاا و حتا انا بغيت نعيش حيااتي 
ماريا:حاسة بقلبي ايسكت...انمشي نشوف آسر 
فيصل شدها:اجي مزال مكملنا هضرتناا 
ماريا كضور عينيها:شنو باقي ماتقالش؟
فيصل:يعني نعطيو فرصة لبعضياتنا نتقربو فيها اكتر 
ماريا:و من بعد؟
فيصل:ياله دابا شوية كنتي خشمانة و مقاداش تهضري 😂😂😂 و دابا باغا تعرفي شنو ايوقع من بعد اوا الالة هاديك من بعد اتجي معا الوقت 
ماريا:صافي واخة ياله نرجعو دابا راه تعطلنا على آسر 
فيصل عنقها جنب:ياله 😄
-------------------------------------
كانت رميساء كتلعب معا البنات حتا بان ليها آسر كيضور بالبيكالا 
رميساء:آسسسسسسر 
آسر جا عندهاا:رميساء شنو كديري هنا 
رميساء:دكشي لي كدير نتا هنا 
آسر:تركبي معايا؟ 
رميساء:لا نقد نطيح 
آسر:وليتي خوافة 😂
رميساء:مابغيتش نخلع ماما و بابا عليا مزال 
آسر:اوا نلعبو شي حاجة اخرى 
رميساء:فحالاش 
ياسمين:رميسااااااء ياااله انمشييو 
رميساء:خاسني نمشي ياله باي باي
آسر دار ليها باي باي ورجع ركب ف بيكالتو كيقلب على ماريا و فيصل شافهم جايين 
فيصل:صافي نمشييو 
آسر:ااه ..فين كنتو 
ماريا ضورات وجهاا غبراتو 
فيصل غمزو:كناا كنضوروو ...دابا نمشييو يااك 
آسر:وووي 
رجعو ب بيكالاتهم لدار ماريا و رضهم فيصل لطونوبيلتوو و آسر عاونو 
فيصل :سير دخل 😉
آسر:واخاا😉
دخل آسر كيجري لداار و فيصل سد الكوفر و ضار عند ماريا كيضحك 
فيصل:شنو بان ليك نتغداو بزووج 
ماريا:و آسر؟
فيصل:يبقا مع هند 
ماريا:نخليوهاا عشاا حسن!
فيصل:لي بغيتي 
ماريا:واخا انا غاندخل باي 
فيصل باسها من حنكها:باي 
دخلات ماريا نيشان لبيتها تلاحت فوق سريرها ..شودات ف قلبها ترسماات ابتسامة كبيرة على وجهااا 😄

دخلات ماريا نيشان لبيتها تلاحت فوق سريرها... شدات فقلبها و ترسمات ابتسامة كبيرة على وجهااا 😄😄بدات كتفكر كاتفكر فهضرة فيصل و ف بوستو...هزات يدها و حطاتها على فمها و سهااااات ..حتا تحل الباب بجهد و قفزات من بلاصتهاا 
هند:ماريا مالكي علاش دخلتي لبيتك نيشان واش وقعات شي حاجة 
ماريا:مالكي على هااد الدخلة خلعتيني 
هند:شوفي فيا مالكي مزنكة
ماريا:اا لا والو يمكن طلعات لي سخانة 
هند جلسات حداهاا:لا لا كااينة شي حاجة قولي لي شنو وقع 
ماريا:اشنو غايكون وقع ا هند راه دينا آسر لعب شويا و رجعناا 
هند:اممم لمهم على خاطرك انا غانخرج جدة شوية 
ماريا:واخة رضيلها لبال 
هند:كوني هانياا 
ماريا:اا بلاتي هند تسناي 
هند:شنوو 
ماريا:نقد ناخد شي لبسة من عندك 
هند:و علاااااش😉
ماريا:معروضة بليل ..
هند:اممم دابا تاكدت بلي وقعات شي حاجة الصبااح بينك و بين فيصل ياك هو لي عارضك بعداا 
ماريا:اووف وي هوااا 
هند:اوا شنو وقع ؟
ماريا:ب ب بااسني 🙈🙈
هند غوتات:شنوووووووو😍
ماريا سدات ليها فمها:شوووو سكتي يالفضيحة 
هند:اياااياياياي صافي سيد طااح تخاايلي يعرض عليك الزواج اليوم 😍
ماريا:لا مزال الحال بزاف على الزواج هو قالي غي نعطيو فرصة لبعضياتنا نتقربو كتر 
هند:ياااه 😍😍 "جراتها"ااجي ااجي معاايا ليوم خاسك طلعي قرطاسة "مشاو لبيت هند و حلات الماريو كتجبد الحوايج و تقيس عليها"هاادي زوينة 
ماريا:لا لا معرية بزااف معجبتنيش 
هند:ماا معرية والو غي قيسيها 
ماريا:والا انا بغيت غي شي حاجة عادية و زوينة 
هند:امممم صافي لقييتهاا ... هاادي 
ماريا😍😍
هند:دابا انمشي نخرج جدة كيف قلت ليك و انا نتكلف بيك نقادك فالعشية اووك 
ماريا:اووك 
مشات هند عند زهرة لبساتها و خرجوو و ماريا هزات الكسوة داتها لبيتها علقاتهاا و خرجات عند آسر لقاتو كيلعب فلبلاي 
ماريا:آسر اجي عاوني نصايبو ماناكلوو 
آسر:راه كنلعب اماما 
ماريا:وا حبس دكشي و اجي 
آسر:هانااا 
ماريا:شنو نصايبو؟ البيض ولا لي باط 
آسر:قهرتيني اماما بهاد زووج 
ماريا:شنو بغيتيني ندير ليك هدشي لي كنعرف نطيب 
أسر:و نهار اتزوجي !
ماريا:اا اش جاب دابا الزواج للهضرة 
آسر:اولا معولاا على بابا فيصل هو لي يبقا يطيب😉
ماريا:آسسر اش هاد الهضرة كتقول اشمن زواج و اش جاب فيصل للهضرة 
آسر:شوفي ايلا كنتي اتزوجي بشي حد من غير بابا فيصل انا ماموافقش 😑
ماريا:ااا انا عنكشي نقلب على شي حاجة ف يوتيوب نصايبها ليييك 
آسر😂😂😂😂
----------------------------------------
وصلات العشية و بداات هند كتوجد ف ماريا ....من بعد ماا دوشاات و نشفاات شعرهاا لبسات جامبسوت فالحمر طويل و نص كم و فيه حزاام الوسط و طالون كحل .... جمعاات ليها هند النص د شعرها كعكة و الباقي بقا مطلووق و صايبات ليها مييكاب خفييف 
هند:اوا هانتي وااجدة😍
ماريا: مزياانة ياااك؟
هند:معلوووم مزيانة راه انا لي قاااديتك 😋
ماريا باستها:يخليييك ليلي 
"سمعو صوت طونوبيل" 
ماريا:هدا فيصل يمكن لي جاا ...📱هاهو كيعيط ياله انا مشيت 
خرجات عندو و هي الابتسامة على وجهاا لقاتو واقف قدام لوطو و هاز بوكي د الورد حمر .... وقفات قدامو و مد ليها البوكي و باس يدها 
فيصل:بونسوار 😍
ماريا:بونسواار😋 
حل ليها الباب د لوطو و طلعات و مشا ركب حتا هو و كسيراا 
ماريا :فين غانمشيو !
فيصل:مفاجئة😉
بعد دقائق وقف فيصل لوطو فحي راقي فيه غير الفيلات 
ماريا:شنو جينا نديرو هنا!
فيصل:نزلي و غاتعرفي 😃
نزلها فيصل من لوطو و حل ليها يديه باش تشد فيه ...شدات فيه و تمشاو جهة وحدة من هدوك الفيلات ..جبد فيصل الساروت من جيبو و حل الباب و ماريا غي كضور ف عينيها...مشا بيها فالجردة حتا وصلو لحدا لبيسين ...حداه مصايبة واحد الجليسة و ضايرين بيها الشموع و وسطها محطوط العشاا 
ماريا طلقات منو و شافت فيه:مزال مافمت والو شنو كنديرو هنا 
فيصل:مالكي زربانة و كتخسري لحظة"شدها من يدها و جرها لهديك الجليسة" هادي الالة داري الجديدة 
ماريا كتشوف فالفيلا:اهاا و علاش زعما حتا دارك لولا زوينة 
فيصل:غانقوليك السبب من بعد المهم دابا هو نعيشو هاد الليلة 
ماريا:وي عندك الحق..."تكات على ظهرها و بقات كتشوف فالسما" ليوم مكااينش القمر فالسماا 🤔
فيصل تكا حتا هو معاكس ليها و حط راسو حدا راسها و شاف فيها 
فيصل: حيت نزل للارض 😃
ماريا😋😋😋😋😋

ماريا:ملي كنت صغيرة كنت كانجلس فالبالكون و كانبقا نتسنا النجمة تتحرك طول الليل
فيصل:هههه علاش! باش تمناي امنية ؟
ماريا:اه هدشي لي كانت تقول جداتي..كتحقق الامنية لي كتمناها ملي كاتحرك النجمة 
فيصل:امم و نتي تيقتي
ماريا:و مزاال متيقاهاا
فيصل:ههههه ياله تمناي دابا شي امنية 
ماريا:ولكن مكتحرك حتا نجمة
فيصل:واخا هكاك نتي غي تمناي
ماريا شافت فيه:اصلا مابقا عندي ما نتمنى امنياتي كلهم تحققو 😃
فيصل:ممكن نسولك 
ماريا:سوول 
فيصل:مكتفكريش ترجعي تشوفي واليديك؟
ماريا ناضت جلسات و تقابلات معاه:اكيد لا 
فيصل:هوما كيبقاو واليديك 
ماريا:و هوما ماتعاملوش معايا على هاد الاساس
فيصل:هوما غلطو معاك و بزاف و لكن كيبقاو واليديك
ماريا:هههه لي كتقول عليهم واليديا محاولوش حتا يسولو علينا ملي خرجنا من دار واش حنا لاباس و لا خاصانا شي حاجة ..محاولوش حتاا يصلحو الاغلاط لي داارو و يعتااذرو على الاقل 
فيصل حطو يدو على حنكها:صافي على خاطرك غي متعصبيش 
ماريا:كان ضروري تجبد هاد الموضوع كنا ف جو زوين و نتا خسرتيه 😔
فيصل:😂😂 كنعتذر كنعتذرو لكن انا عارف واحد الحاجة 
اترجعنا لجونا
ماريا:شنو هياا😍😍
فيصل:نتعشاو 😉
ماريا:اممم هادشي كيشهي  😍 خاصك تعطيني دروس فالطبخ راه آسر كيتشكا مسكيين 😂😂😂
فيصل:ههههههه اتعلمي معا الوقت دابا نتعشااو ....كملو عشاهم فجو هادئ و دخل فيصل دكشي و رجع عندهاا ...جلس و نعسات ماريا على رجليه و بدا فيصل كيلعب بشعرها 
فيصل:الاسبوع الجاي ايرجع آسر للمدرسة 
ماريا:ووي 
فيصل:فكرت نستغلو هاد الاسبوع حنا بتلاتة
ماريا:شنو نديرو 
فيصل:واحد صاحبي حل ف تركيا اوطيل ف بودروم على الساحل وعرض عليا باش نمشي و قلت علاش لا نمشيو ندوزو هاد الاسبوع تماا شنو قلتي 
ماريا:اكيييد نمشييو 😍😍 
فيصل:انا وجدت كلشي نتي جمعي غي حوايجك و حوايج آسر 
ماريا:واخا ..اجي كاعما وريتيني الدار من الداخل 
فيصل:بغيتي تشوفيها ؟
ماريا:ااه😄
فيصل:ياله"نوضها و مشاو لجهة الباب حلو فيصل و شعل ضوو"
ماريا:يااء الدار خاوية
فيصل:اه حيت ماشي انا لي غانعمرها 
ماريا:وشكون 
فيصل:منقدش نقوليك داباا 
ماريا:مفهمتش علاش مبغيتش تقولي دابا 
فيصل:اساسا كون كنتي كتفهمي كنتي اتعرفي رااسك ملي ياله جيناا😂
ماريا:كيفاش!🤔
فيصل عنقها جنب:واقيلة بدا كيجيك نعاس نديك لدار 
ماريا:مزال الحال ياله نرجعو فين كناا 
فيصل:لي بغيتي 
رجعو لفين كانو و تكاو بزوج كيشوفو فسما 
فيصل:شنو هي اكتر حاجة كتخافي منها ؟
ماريا:اممم من الماضي 😓
فيصل شاف فيها و علامة استفهام على وجهو 
ماريا:عرفتي شنو الامنية لي كنت كنتمناها من نهار جيت لهنا
فيصل: ؟
ماريا عينيها دمعو:اني منعاودش نشوف هداك الحيوان ولو صدفة و لا نعيش مرة اخرى دكشي لي دوز عليا
فيصل جرها لعندو عنقها:كنت قريت ف واحد الكتاب بلي افضل طريقة لمسح الذكريات السيئة هي جمع ذكريات جديدة 
ماريا بقات معنقاه و هزات راسها فيه:انجمعهم معاك نتا و آسر😃
فيصل هز يديه و مسح ليها دموعها و باسها ف حناكها بزوج و رجع لور...بقات ماريا كتشوف فيه و زادت قربات ليه حتا تخالطو انفاسهم و باستو بوسة خفيفة ف شفايفو ....
--------------------------------
ياسمين خارجة من الحمام لاوية عليها فوطة و مشات جلسات قدام المرايا كتمشط ف شعرها و كطل على امير لي متكي و شاد البيسي كيخدم ...حطات المشطة و ناضت عندو حيدات ليه البيسي طفاتو و حطاتو فوق الكوافوز 
امير:ياسمين اش درتي راه مزال مكملت الخدمة 
ياسمين :خدمتك اهم مني؟😔
امير:اكيد لا 
ياسمين تكات حداه و حطات راسها على صدرو و شبكات يدها مع يدو و بقات كتشوف فيهم 
امير:شنو كيوقع ليك نتي هااا 
ياسمين:علاش مالي!
امير:ملي كنسولك واش مشهية شي حاجة كتقولي لا و كل شوية كتجي تخشاي فيا ياكما كتوحمي عليا😂😂
ياسمين:فحال والو 😄يااي نولد شي فنيكيش كي شبه ليك 😍😍
امير:جات نوبتي داباا رميساء غي تسخرت فيها 😂😂 خرجات فوطوكوبي ديالك 
ياسمين قربات باش تبوسو و وقفها صوت الدقان مجهد فالباب د الدار 
ياسمين:شكون لي غايجي ف هاد الوقت 
امير:انا غانزل نشوف 
نزل امير و لبسات ياسمين بيجامة دغيا و لحقات عليه .... شافت سناء هازة ولدها الياس و كتبكي 
ياسمين:سناء مالكي😱
امير غمزها:انا غانطلع 😉 
ياسمين جلسات حداها:سناء مالكي احبيبة 
سناء مسحات دموعها:جيت غضبانة عندك 
ياسمين:واش تخاصمتي مع حسام ولا شنو 
سناء:اه 
ياسمين:و علاش شنو وقع ؟
سناء:مابغاش يخرجني قاالك عندوو الخدمة 😔
ياسمين وقفات و شافت فيها مخرجة عينيها:اوا شنووو غانقوول ليك ا سناااء هاادشي علاش جااية مضيعاا عليا الليلة 
سناء:اهااا كنتو كديرو البيتييز 😂😂😂
ياسمين:نوضي احبيبة رجعي عند راجلك 
سناء:لا مغنرجعش حتا يجي يعتاذر و يخرجني 
ياسمين:اوا بقاي تسناي هنا انا غانطلع عند راجلي و نتي راجلك مخليااه بووحدو و راك عارفة بنات الحرام كتاار و كيتسناو غي الفرصة باش يستغلووها 
سناء وقفات:ناري زعما يديرها لالا مغنخليهش انا غانرجع لداري
هزات ولدها و خرجات كتجري ... ياسمين بدات كضحك عليهااا و رجعات طلعات عند امير 

🌞🌞🌞🌞🌞🌞🌞 
فاقت كل من ماريا و فيصل بسبب اشعة الشمس لي ضربات فوجهم ...
فيصل كيتكسل:صباح الخير 
ماريا:صبااح النوور"هزات تيليفونها تشوف شحال الساعة" مزال الحال ايكونو مزال ناعسين 
فيصل: هيا نمشيو نفطرو ف شي بلاصة 
ماريا ناضت:مرة اخرى خاصني نمشي قبل ما يفيقوو 
فيصل:واخاا انوصلك 
لبسات صباطهاا و هزات صاكها و تبعاتو لوطو ..ركباات و ووصلها فيصل لدار 
ماريا شافت فيه:شكرا بزاف على ليلة البارح كانت زوينة بزاف 😄
فيصل:كانت زوينة حيت نتي كنتي 
ماريا😄:انا مشيت 
فيصل:قولي ل آسر على السفر و جمعو حوايجكم غانمشيو غداا 
ماريا :وااخاا 
باستو و نزلات ...دارت ليه باي باي و حلات الباب بشوية حيدات طالونها و دخلات كتسلت ياله اتحل باب بيتها و وقفها آسر ..
آسر:مامااا فين كنتيي 
ماريا😱ضارت عندو:اا اناا ككنت "تسمع صوت لوطو" 
آسر:هداا صوت لوطو د بابا فيصل واش كنتو بزووج؟🤔
ماريا:اا آسر بصراحة انا و فيصل ارتابطنا😋
آسر:هاد المرة بالصح؟😃
مارياا:اه بصح 😄
آسر:اوا على سلامتكم 😂😂
ماريا:ههههه اه غادي نسافرو غداا لتركيا اندوزو هاد الاسبوع تماا قبل ماتدخل لقراياا 
آسر:ياااااااس😍
ماريا:ههههه انا غانبدل حوايجي و نرجع نصايبو انا ويااك الفطور واخا 
آسر:وااخاا 
باستوو و خربقات ليه شعرو و دخلات لبيتهاا ....
-------------------------------------------
ياسمين فاقت على الصداع لي جاي من البالكون لاحت الغطا و جلسات كتغبن 
ياسمين:اوووف واش متخلييو حد ينعس مخليني الليل كاامل بلا نعاااس و داباا داير الصداع هو و البرهووشة😔 "ناضت من السرير و حلات باب البالكون ...طلات عليهم و لقاتهم كيعوومو ف لبيسين" بلا بيااا😔😔😔"دخلات من البالكون و جبدات ماايو لبساتو هو الكاش ديالو و نزلات عندهم منفخة" 
رميساء:مامااتي اجي عومي معااناا 
ياسمين:وليتوو كتغفلوو علاش مافيقتونيش نزلل معاكم😔😔😔😔
امير:عييت نفيق فييك مبغيتيش و حتا دابا ماوقع والو فطري و اجي تعومي معاناا 
ياسمين:هاهياا غادااا "مشات"
رميساء:باباتي 
امير:نعام احبيبة 
رميساء:ماما تبدلااات مابقاتش فحال شحال هادي 🤔
امير:لاا شنو لي جاك تبدل 
رميساء:يعني ولات كتقلق دغيااا و كتنعس بزااف ومابقاتش كتلعب معايا بزاف فحال قبل😒
امير:عادي احبيبة راه ماماك حاملة داباا و عادي يتبدل مزاجهاا و يكتر نعاسها 
ياسمين:هااناا جييت "نزلات بشويا عليها لبيسين و تعلقات فظهر امير"عووم بييا شوية 😄
رميساء:حتا انا😍😍
ياسمين:شدي نوبتك احبيبتي 😉
ضرب بيها امير دورة فالبيسين و رجع عند رميساء ضار بيها حتا هي 
امير:انا صافي عييت انطلع نرتاح شوية 
طلع امير من البيسين... جلس مقابل معاهم و لحقات عليه ياسمين جلسات حداه 
امير:علاش طلعتي ياك باغة تعومي 
ياسمين:لا بغيت نبقا حداك 😄
امير كيضحك:الله يصبرني 😂😂 
----------------------------------------
ماريا و آسر كملو النهاار ف جميع الحواايج و نعسو بكري ....وصل الغد ليه النهار لي ايسافرو فيه
ماريا:آسر واش صافي لبستي حوايجك 
آسر:اه رااه نتي لي مزال معطلة 
ماريا:صافي صافي هااني غانلبس دغيااا
دخلات لبيتها لبسات سروال كحل طالع مع تيشورت فالكري و صباردي فالكحل خلات شعرها مطلوق و هزات الصاكادو ديالها وجرات الفاليز و خرجات عند آسر 
ماريا:واش جاا فيصل ولا مزال 
آسر:مزاال 
ماريا:مزياان ياله نفطر على خااطري 
ياله بغات تخشي الدغمة الاولى تسمع صوت اللوطو و بدا تيليفونها يصوني 
ماريا:اووف ماايخلينا حتا نفطرو على خاطرنااا ..
صايبات سوندويش دغيا تاكلو فالطريق وخرجات هيا و آسر جاريين لي فاليزز 
فيصل باسهم بزوج ..خشا لي فاليز فالكوفر و ركبو كاملين ...
وصلو لمطار و كملو الاجرائات دغياا و طلعو لطيارة قلعات بيهم ✈✈

يتبع في الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.