العشيقة الصغيرة الجزء 16 و الأخير

من تأليف fatesha
2018

محتوى القصة

رواية العشيقة الصغيرة

بعد ساعااات وصلوو فيصل و ماريا و آسر لمطار اسطنبول و لقاو سيارة خاصة كتسناهم من طرف صديق فيصل حاتم ...وصلهم السائق لمدينة بودروم و بالضبط للاوطيل ... لقاو حاتم فاستقبالهم 
حاتم عنق فيصل:فيين اصااحبي اخييرا جيتي "انتابه لماريا و آسر و سلم عليهم" مرحبا بييكم 
فيصل:تبارك الله عليك هدشي متقوون 
حاتم:اييه شتي نتا لي مابغيتيش تشارك معايا 
فيصل:راك عارفني مغنديرش شي حاجة برا المغرب 
حاتم:المهم خلينا من هاد الهضرة دابا و اجيو معاايا نديكم لسويت ديالكم"دخلو لاوطيل و طلعو فالاسانسور للطابق لي فيه غرفتهم و حل ليهم حاتم الباب كان سويت كبير على شكل شقة فيه تلاتة د البيوت "
حاتم:هانتوما رتااحو مع رااسكم الاوطيل دياالكم 
فيصل:العز اخوياا حاتم 
"خرج حاتم " 
ماريا:انا غاناخد هاد البيت وغاندخل نعس شويااا 
آسر:واش حنا جايين نعسووو و اصلا قيلتي ناعسة فالطيارة 
ماريا:و نتا شنو باغي داابا 
آسر:بغيت نزل نعووم 
ماريا:يمشي معاك فيصل 
آسر:لا نمشيو بتلاتة 
فيصل:ياله ا ماريا حتا آسر عندو الحق ماشي وقت النعاس هداا 
ماريا:اووف واخا واخا نبدل حوايجي و نجي 
دخل كل واحد فيهم لبيتو و لبس ملابس السباحة ديالوو و نزلو مجموعين لبيسين د الاوطيل ....حيدو فيصل و آسر تيشورتات ديالهم و تسابقو باش يتلاحوو 
ماريا:واا تسنااوني "حيدات حتا هي تيشورت و شورط ...بقات ب دوبياس فالحمرو تلاحت لعندهم" 
فيصل:كون بقيتي بشورط و تيشورت حسن 😒
ماريا:علاش ماال المايو 
فيصل:لا والو غي فحالا ملابسة والو 
آسر:الصراحة انا مراتي المستقبلية منخليهاش تعوم هكا😂😂😂
ماريا:شفتكم فحاالا تحااميتو عليا...مابقيتش عاايمة انا كااع 😒
فيصل:صافي غي خلييك 
ماريا:نتسابقو؟😃😃😃

كملو العشية فالعومان حتا عيااو و رجعو لسويت .....كل واحد تلاح فقنت و نعس..... 
بدا تيليفون فيصل كيصوني مع العشرة د الليل فيقهم من النعاس 
فيصل:الوو 
حاتم:واش هاد الوقت كامل نااعس اصااحبي نزل عندي لبار نشطو شوياا 
فيصل:واخاا هاني جااي "قطع"
ماريا:فين اتمشي!
فيصل:انزل عند حاتم بغانا نسهرو 
ماريا:انمشي معااااك 
فيصل:و آسر! 
آسر:انا غانرجع نعس غي سيروو 
ماريا:انوض نوجد رااسي 
مشات بالجرا لبيتها و حلات الفاليز جبدات منها كسوة طويلة فالكحل سميطات و مفتوحة من الجناب ...لبساتها و لبسات كعاها طالون فالكحل ...دارت ميكاب خفيف و خلات شعرها مطلوق 
فيصل كيدق عليها:كملتي؟ 
ماريا حلات الباب:اه انا واجدة 
فيصل:ياله 
شدات فيهم و خرجو بزووج ..ركبو فالاسانسور 
ماريا:منين كتعرف هاد حاتم ؟
فيصل:شريكي ف واحد الريسطو و فنفس الوقت صاحبي 
ماريا:امم مزيان 
فيصل:ياله"شد فيها و دخلو للبار ...بدا كيقلب بعينيه على حاتم حتا شير ليه و مشاو لعندو" 
حاتم:اهلا اهلا جيتوو ف وقت مناسب ياله اطاع ليلى تغني 
ماريا:شكون ليلى 
حاتم:ليلى هي قنبلة الموسم احن و اجمل صوت تقدي تكوني سمعتيه و زيادة على ذالك هي زوينة بزاف 
ماريا بشوية:انشوفو هاد ليلى ديالكم كيدايرة 
طلعات المغنية الملقبة ب ليلى للمنصة و بدات كتغني اغنية تركية 

Dualar eder insan
Mutlu bir ömür için
Sen varsan her yer huzur
Huzurla yanar içim

Çok şükür bin şükür seni bana verene
Yazmasın tek günümü sensiz kadere
Ellerimiz bir, gönüllerimiz bir
Ne dağlar, denizler engeldir sevene

Bu şarkı kalbimin tek sahibine
Ömürlük yârime, gönül eşime
Bahar sensin bana gülüşün cennet
Melekler nur saçmış aşkım yüzüne
كملات و بدا كلشي كيسفق ليهااا و عي نزلات من المنصة و تاجهات لعند حاتم 
"الحوار بالانكلش" 
حاتم:كنتي وااعرة بزااف براافو عليييك 
ليلى:شكرااا حااتم..."شافت ف فيصل و ماريا" هادو ضيوفك لي قلتي لي عليهم 
حاتم:اه هداا فيصل و هادي ماريا 
ليلى كتشوف ف فيصل:مكانش كيحساب لي ضيفك بهاد الوسامة 
ماريا😡😡😡:"بالداريجة" علايااش كتقلب هادي داباا 
ليلى:انا غانمشي نوجد راسي للاغنية التانية "شافت ف فيصل"نتلاقااو من بعد "مشات"
ماريا:انا ملييت غانرجع للغرفة 
فيصل:تسناي شوية 
ماريا:لا غانمشي "هزات صاكها و مشات بغا فيصل يتبعها و شدو حاتم" 
حاتم:خليها على راحتها اتكون غارت من ليلى مشفتيش كيفاش كاتشوف فيك 😂😂
فيصل:هاد ليلى لي بقات لينا فالحساب 😒
------------- 
رجعات ماريا لسويت معصبة لاحت طالونها كل فردة ف قنت و جلسات شادة راسها 
ماريا:ماوقع والو علاش معصبة راسك فيصل مجاوبهاش و معطاهاش وقت و هداا الاهم 
خدات نفس عميق و مشات لبيتها حيدات كسوتها و جمعات شعرها....دخلات لدوش و عمرات البانيو ....مخلات مادارت فيه كاع دكشي لي كاين تما كباتو فيه...ولا عامر رغوااا ...حيدات دكشي لي بقا من حوايجها و تخشات فيه 
ماريا:يحساب ليها غي هيا لي عندها الصوت 😒😒"هزات قرعة د الشامبو و قرباتها لفمهاا و بدات كتغني الاغنية لي غنات ليلى ..بغيت نقول كتغوت ماشي كتغني😂😂😂😂
كملات غناها و رجعات كتلعب بالرغواا و الضحك حتا تحل عليها الباب ...كان فيصل لي دخل 
ماريا غطات صدرها و غوتات بجهد 
ماريا:وااااااااااااااااااااع 😱😱😱😱

ماريا:وااش حمااقيييتي😱😱
فيصل:نتي لي واش حماقيتي علاش كنتي كتغوتي 
ماريا:كنت كانغني ماشي كنغوت😡😡😡و زايدون خرج خرج اشنو مزاال كدير هناا 😡
فيصل😂😂😂:هااهو خاارج "سد عليها الباب"الله يعطييك شي عقل ا ماريا😂😂
رجعات ماريا تكمل دوشها باللعب و الغنا حتا كملات على خاطرها و نزلات من البانيو و لبسات البينوار 
ماريا شهقات:ناري نسييت الحوايج😱😱هااء صافي نخرج هكا عادي انا ياله عمت قدامهم ب دو بياس انحشم دابا ب بينوار!😂😂😂 "حلات الباب بشوية و خرجات راسها مبان ليها حتا حد و مشات كتجري لبيتها...سدات عليها و تلاحت فوق السرير "الله على رااحة كنت محتاجة لهاد الدوش"شعلات التيفي و بدات كتقلب ف القنوات" دابا انا باش انفهم شانو كيقولو هادوو خاصهم يجيبو لي شي مترجم لهناا الله يعز قصة عشق 😂😂"طفاتها و تكات كتحاول تنعس...مبغاش يجيها النعااس ...ناضت من بلاصتها و لبسات بيجامة خفيفة مع بينوارها فالكحل ... و فرجليها بانطوفة فييها نونوسات... خرجات من بيتها و مشات لتلاجة خدات منها قرعة د العاصير ....بان ليها الضو د بيت فيصل مشعول ...و مشات ليه ...وكان الباب محلول شوية 
ماريا بينها و بين راسها :شنو غايكون كيدير ...امم انشوفووو 
دخلات غير راسها و شافت فيصل لاوي عليه فوطة و الفوق عريان ...ماريا حلات فيه فمها فحال شي بهلة و بقات سارحة فيه و ف تفاصيل جسمو حتا طاحت ليها القرعة من يدها و انتابه ليها فيصل ....هز دغيا تيشورت لبسو و مشا عندها حل الباب كامل 
فيصل:ماريا اشنو كديري 😒
ماريا:هااا😍
------------------------------------
ف فيلا د حسام ...هاد الليلة موجدين حفلة صغيرة لمناسبة عيد ميلاد الياس ولد حسام و سناء....
رميساء:ماماتي طلعي لي السنسلة 
ياسمين:واخة احبيبة بلاتي غي نكمل هاد العين ...ياله ضوري 
رميساء:شكرا ماماتي ..صايبي لي حتا انا شوية د المكياج 
ياسمين:دكشي لي بقا ليك احبيبتي 
رميساء:غي شوية 
ياسمين :واخة ياله ديري لفمك هكا 😚
رميساء :😚
ياسمين:صاافي باركة عليك اصلا نتي الفنوون بلا والو مااح علييك 
امير:مزال مساليتو؟!
ياسمين :لا صافي حنا واجداات 
امير:اوا يااله 
شدو فيه كل وحدة من جيه و مشاو مجموعين للفيلا د حسام ....دخلو و لقاو مريم و راجاها و ولادهم سابقينهم ....رميساء مشات كتجري عند البراهش و ياسمين و امير سلموعلى البقية و جلسو معاهم ...
امير:سعد مزال مجاش!
حسام: انا كنقول موحال يبغي يجي 
امير:هضرت معاه زعماا منضنش يخوي بياا 
"صوت صونيط د الباب" 
سناء:اناا غانحل ....
ناضت سناء حلات الباب و لقات سعد تبدل على آخر مىة شافوه فيها ..حسن لحيتو و وجهو صفاا ....
سعد مد ليها الكادو:عيد ميلاد سعيد لالياس  :) 
سناء:شكراا ...دخل راه كلشي الداخل 
سعد:السلام عليكم 
الجميع:و عليكم السلام 
حسام ضرب على ظهرو:مكنااش غانبداو كون ماجيتيش 
سناء:صافي ملي جاا سعد نبداااو 
ياسمين:ااا لاا لا بلاتي شوية زعماا خليوناا هكا مجمعين شوية 
مريم:بصح مزال الحال 
بقاو جالسين مجمعين و ياسمين عينيها على الساعة و الباب ...حتا تسمع الدقان ف الباب .....كان حسام غادي الكوزينة باش يجيب شي حاجة يشربوها و بدل الطريق باش يحل الباب 
حسام: نتي شنو كديري هناا😱😡

فيصل:ماريا شنو كاديري😒
ماريا:ها😍..اا احم انا جيت على قبل ااعلى قبل العصير جبتو ليك باش تشربو حيت كاين الصهد"كتنش على راسها"كاين الصهد بزااف 
فيصل😂😂:شكرا حيت فكرتي فيااا 
ماريا هزات القرعة و مداتها ليه:بالصحة😃
فيصل:مفيكش النعاس ياك 
ماريا حركات راسها يمين و شمال 
فيصل:نهبطو نتمشااو شوياا؟
ماريا:واخا انمشي نبدل حوايجي 😃
---------------------------------
حسام:نتي شنو كديري هنا😱😡
عايدة:انا ...
حسام:يااكما هربتي من الحبس و كتسنااي منا نخبيييوك انا غانعيط لبوليس داابااا "مشا لصالون هز تيليفونو و عايدة تبعاتو ..الكل تصدم باش شافوها"
عايدة:حسام تسنا انا ماهربتش 
امير خباا وراه ياسمين:هادي شنو كدير هنااا 😡😡
ياسمين:انا لي قلت ليها تجي"ضارو كلهم كيشوفو فيها" عايدة خدات العفو شحال هادي و هي ندمانة بزااف لدرجة انها ماقدراش تواجهكم و انا لي قنعتهاا تجي ليوم 
امير:ياسمين😡😡هاد المرا كانت باغا تقتلك ونتي حاملة كيفاش قدرتي تنسااي 
عايدة:انا عارفة بلي درت حواايج خايبيين بزااف منستاحقش حتا تسامحوني عليهم و لكن انا ندماانة بزااف داابااا😔😔 ندمانة و كنطلب منكم تعطيوني فرصة نصحح فيها اغلاطي ... 
حسام:شنو اللعبة لي باغا تلعبيها هاد المرة هااا ماعرفتش كيفاش حتا كليتي دماغ ياسمين ولكن حناا مغتقدريش ضحكي عليناا
عايدة:انا مرا خسرات راجلها و بنتها و ولدها و خدمتها و دوزات سنين ف الحبس ...الحاجة الوحيدة لي باقا لي هيا الاخ ديالي سليم و مكرهتش نكسبك من جديد ا حسام و نشوف حفيدي لي غادي يعمر عليا حياتي 
حسام وجه صبعو لوجها:عمرك تحلمي تقربي من ولدي كتفهمي انا مكاانعتابكش ام لياا و حتا ولدي مغااديش يعتابرك جدااه و لا عمرو يشووفك 
عايدة قوتهاا مكفااتش باش تحبس دموعها لي نزلو وحدة تلو الاخرى ...حنات راسهااو مسحاتهم ..رجعات علاتو و شافت فيهم كاملين 
عايدة:سمحولي حيت خسرت ليكم الحفلة..."قرباات من حسام و هزات يدها حطاتها على وجهو"كنت كنتمنى توقف بجنبي و تعاوني باش نتبدل ولكن كيبانلي بلي غادي نكون بوحدي فهاد المهمة ..تهلا ف راسك و فعائلتك الصغيرة "تعلات باستو ف حنكو و شافت ف ياسمين شوفة شكر وامتنان و خرجات فحالها" 
ياسمين:حشومة عليكم و الله 😔
امير خنزر فيها و هي الضرب الحس 
------------------------- 
ماريا و فيصل كيتمشااو فوق رملة البحر و تحت ضوء القمر ....
فيصل:علاش مشيتي قبيلة؟
ماريا:فين؟
فيصل:من البار 
ماريا:حيت مليت راه قلتها اصلا 
فيصل:متاكدة هدا هو السبب؟
ماريا:اا اه شنو غايكون من غيرو 😒
فيصل:تكوني غرتي متلا من ليلى 😂
ماريا:شنوووو ..علاش انغيير عليك من ليلى شنو فيها ماايتعجب اصلاا كلها معاودة يعلم الله شحال من عملية تجميل دارت لوجها وحتا وحدة فيهم مصدقات ليها و الفورما خلاص كولشي مركباااه ....
فيصل:😂😂😂😂صافي صافي فهمت
ماريا:شنو فهمتي😒
فيصل:ماديريش ف بالك "تكا فوق الرملة و نزلات ماريا تكات حداه"
ماريا:عرفتي شنو هيا الحاجة لي عمري اندم عليها فحياتي 
فيصل:شنو 
ماريا شافت فيه:عمري اندم حيت حبيتك 😍
فيصل:وانا عمري ندم حيت عطيت فرصة لقلبي يبغيك ❤

كملات الحفلة د عيد ميلاد الياس و رجع كل واحد لدارو...
ياسمين مشات مع رميساء لبيتها ...عاوناتها تبدل حوايجها و خلاتها تنعس...مشات لبيتها لقات امير كيبدل حوايجو وجلسات ف طرف السرير مقابلة معاه و كتشوف فيه 
ياسمين:كان عليكم تعطيوها فرصة 
امير:ياسمين نتي غي سكتي حسابي معاك من بعد ..و دابااا غادي تقطعي تواصلك معا هديك الشيطانة اولا مغايعجبك حاال 
ياسمين:اناا ماشي بنت صغيرة ا امير 😒
امير:معرفتش شنو وقع ليك ا ياسمين معرفتش هاديك المرا لي بااغا تعاونيهاا تقدر ديير اي حاجة و قربك منهااا كيعني انك كتعرضي حياتك للخطر ..هاديك السيدة كانت سباب ف موت بنتي و كانت باغة تقتلك حتا نتي كيفاش نسيتي هدشي 
ياسمين:انا مانسيتش هدشي ولكن عاارفة بلي اي واحد يقدر يتبدل و كيفماا كانت انسانة خبيثة تقدر تولي انسانة مزيانة و هسا ميمكنش تحول هكا غي بوحدهاا خاص لي يعاونها و يوقف معاهااا"ناضت عندو و عنقاتو من ظهرو" عايدة راهاا ام و كاتشوف ولدها كيكرهااا انا غي مبغيتش يكون مصيرها فحال احسان و ايمان😔 حاول تقنع حسام يسمح ليها عافاك 
امير شد ليها وجها بين يديه:ياسمين نتي متعاطفة معاها هكا بسباب الهرمونات د الحمل تيقي بياا هيا متستااهلش هدشي لي كديري على قبلهاا 
ياسمين:الحمل ماعندو حتا علاقة اناا شفت عايدة قبل من الحمل ...ملي ياله خرجات من الحبس جات لهناا كان هداك النهار لي سافرتي فيه هيا جات و طلبات مني السمااحة و انا سامحتها..شوف امير نتا و حسام بسباب غضبكم منها مقادرينش تشوفو بلي هي ندماانة و بلي تبدلات 
امير:ياسمين شوفي احبيبة غادي تنساي هاد الموضوع فمرة و مابغيتكش تعاودي تهضري معاهااا و خليهاا تحمل مسؤولية افعاالها 
ياسمين😔:اميير...
امير:غادي نتقلق منك بزااف ايلا عرفتك هضرتي معاهاا 
ياسمين:اووف واخا واخا😒
امير باس ليها راسها:ياله بدلي حوايجك و اجي تنعسي😚
------------------------------------
ماريا كتفوه:اااه اناا بدا كيجييني النعااس 
فيصل:نعسي 
ماريا:هناا! 
فيصل:اه شنو فيهاا 
ماريا:آسر يقد يفيق و مايلقانااش
فيصل:آسر راه كبير ماشي ولد صغير 
ماريا:اه بصح "تكات على صدرو" لعب لي بشعري 
فيصل بدا كيلعب ليها بشعرها:عرفتي شنو هي اكتر حاجة كتعجبني فييك؟
ماريا:شنوو 😍
فيصل:عفوييتك خليك فحاال هكا ديماا😉
ماريا😋😋😋
فيصل:و متبقايش تغني عافاك😂😂😂😂
ماريا:هههههههه اصلا غنيت الاغنية احسن من هديك ليلى انا غنيتها باحساس 😂😂
فيصل:عارف عارف😂😂
بدا تيليفون فيصل كيصوني ..شاف نمرة و قطع 
ماريا:علاش قطعتي يقدر يكون شي اتصال مهم 
فيصل:لا ماشي مهم 
ماريا:اووك...شنو غانديرو غداا؟
فيصل:غادي نضورو فالمدينة شوية كاينين شي بلايص زوينين خاصنا نشوفوهم 
ماريا:امم
😪😪😪
------------------
صباح جميل .... يبتدئ بإشراقة شمس🌞 ..تعلن عن بدء يوم جديد
ماريا و فيصل رجعو لسويت ..حل فيصل الباب و لقا آسر قبالتوو ...مربع يديه و كااعي ....
ماريا:اا حبيبي صباح الخير 
آسر:فين مشيتوو و خليتوني هناا بوحدي😡
فيصل:قلنا زعماا نتا كبير و تقد تبقاا بوحدك اولا ياكما خفتي؟
آسر:لا ماخفتش غي قتلني الملل 
ماريا:صافي اكبيدة هاحناا انخرجوو داباا واخا 😚
فيصل:ووي ياله نوجدوو راسنا ا آسر 
بعد دقائق خرجوو كلهم وااجدين....نولو ل ريسطوو ياخدوو فطورهم..كملو و انطاالقو لبداااية الجولة ديالهم ف مدينة بودروم السياحية 😄
مشاو لقلعة بودرم او ما يسمى بقلعة القديس بطرس هااد القلعة استخدماات لعدة اغراض ف القرون الماضية ..كانت سجن و مستشفى و مسجد اماا دابا ف هي متحف تااريخي و استخدم ف بنائها بقايا الحجار و الصخور ديال ضريح موسولوس لي كايتعتابر احد عجائب الدنيا السبع القديمة و كان تدمر بسبب تعرضه لهزة ارضية ....بعدهاا مشاو لمتحف بودروم للاثار البحرية لي كيحتاوي على آثار بحرية قديمة تم اكتشافها تحت المااء كالسفن التاريخية ..المجوهرات و العملات المعدنية ...
بقاااو كيضورو فالمدينة ...فيصل معنق ماريا جنب و قداامهم آسر هاز الكاميرا و كيااخد صور تذكارية لاي حاجة شافهاا ....بانت ليهم حديقة صغيرة قريبة ليهم و مشاو ليها باش يرتاحو شوية ...
آسر:شوفوو هنا نصوركم 
ماريا:بلاتي بلاتي" نقزاات فوق ظهر فيصل"صور داباا😄😄
فيصل 😂😂😂😂
آسر📸📸:جاتكم زوييينة😍😍
ماريا نزلات من فوق فيصل:انشووف 😃😃
بدا تيليفون فيصل كيصوني و بعد عليهم باش يجااوب 
فيصل:الو.....

فيصل:الو فين وصلتو 
...:صافي كلشي واجد 
فيصل:مزيان انكونو تما فالعشية شكرا على كلشي
....:العفو هادي خخدممتي 
فيصل:مع السلامة "رجع عندهم" ياله غانمشيو 
ماريا:فين!
فيصل:غادي نكملو النهار فاليخت 😃
ماريا:نووو وااي😍😍
------------------------
سعد فالكلينيك عند ولدو حاط كرسي حداه و هاز البوم الصور و كيهضر معاه...
سعد كيشوف ف واحد الصورة:البحر...هاد المكان خاص بالنسبة ليا ..كنا كنمشيو ليه بزاف انا و ماماك ملي كنا سعداء ..ولكن اشنو غادير انا خسرت هديك السعادة ..ولكن عرفتي شنو؟من جهة كتخسر و من جهة اخرى كتربح و اناا ربحتك نتا ..شكرا حبيبي ايمن داباا عندي سبب للعيش ...من هنا لقدام ايكون عندي هدف واحد هو نخليك سعيد ..نتا حافزي و انا كنبغيك ...
---------------------------------
ياسمين و سناء و مريم جلسين فالبارك و قدامهم ولادهم كيلعبوو ...
سناء:هوما عندهم الحق اياسمين فحال هديك مخاسكش تعاطفي معاهاا 
مريم:بصح اياسمين خليك بعيدة على هاد الصداع و تهنااي 
ياسمين:حتا نتومااا فحالهم مباغيينش تفهمو علاش قلبكم قااصح لهاد الدرجة انا حسيت بيها صادقة ف هضرتها و متاكدة بلي ندمانة ...البناات حتا حنا امهاات واش تبغيو تشوفو شي نهار ولادكم كيكرهوكم شنو غاتكون كتحس هاد المسكينة و ولدها محاملهااش 
سناء:هياا دارت علااش و انا بعداا مأيدة حسام ف موقفو 
مريم:ياسمين حبيبة نساي عليك هدشي و خليها ضبر رااسهاا نتي ديها غي فالحمل ديالك 
ياسمين:زعما قلت نتوما لي غادي تعاونوني 😔
سناء:معندنااا فاش نعاونووك ا ياسمين هاد الموضوع سديه و عايدة ايلا كانت بااغاا ولدها يسامحها خااصهاا تهضر معاه مرة و جوج و عشرة اما نتي معندك فاش تعاونيهاا 
مريم:صافي قلبوو علينا هاد الموضوع و قولو ليا شفتو سعد البارح الحمد لله رجع لحالتو 
سناء:ووي الحمد لله احسن مدار الحزن ماعندو باش يفيدو ولدو محتاج ليه 
ياسمين:الله يعاونو على تربية هداك الولد 
مريم و سناء:اامييييين 
رميساء:ماامااا الياس معرفنااهش فين مشا من قبيلة و حنا كانقلبو عليه 
ياسمين:قلبو مزيان ايكون غي كيلعب ف شي بلاصة 
صفوان:قلبنا البارك كامل 
سناء:و عاد جاايين تقولوهااا 😱😱فين مشا هاد الولد 
مريم:ايكون غي مخبي عليهم راك عارفة لعب الدراري 
سناء:انووض نقلب على ولدي 
"تسمع صوت طونوبيل فرانات بجهد على برا و بداو الناس كيجريو يشوفو شمو واقع ...سناء ضارت كتشوف ف البنات و مخرجة عينيها ...و بدات كتجري على حر جهدها و ياسمين و مريم تبعوها....خرجات و بانت ليها عايدة مليوحة قدام الطونوبيل و معنقة الياس..."
ياسمين:عاااايدة😱😱😱😱😱

ياسمين:عاايدة😱😱😱"تحنات عندها"وااش نتي بيخييير ؟
عايدة:انا بيخير بيخير حمد لله ماوقع والو ل الياس 
مريم:خاصنا نديوك لسبيطار راك تجرحتي ف راسك 
عايدة:لا مكاين لااش انا بيخ..."بدات كتسد عينيها شوية بشوية حتا غيبات" 
سناء معنقة ولدها و كتهضر معا مول لوطو لي ضربها:عااونا نديوها لكلينيك😡😡😡
هزها هدااك السيد و حطها ف لوطو ديالو و مشا بيها لاقرب كلينيك....
ياسمين:مريم خودي الولاد و البنات عندك واخاا انا و سناء انمشيو معاهااا 
مريم:وااخا و طمنوني 
تبعوه ياسمين و سناء لكلينيك و ف الطريق عيطات سناء لحسام...
سناء:الو حسام اهئ اهئ😢
حسام:سناء مالكي شنو وااقع؟
سناء:الياس كانت اضربو طونوبيل اههئىئ 😢😢😢
حسام :شنووووو!ونتي فييين كنتي واش هو لباس ماوقع ليه والوو؟؟؟
سناء:الياس لاباس ماوقع ليه والو ولكن...
حسام:ولكن شنووو؟؟؟
سناء:ماماك هي لي تضربات بلاصتو اهىىىئ 😢😢
حسام:كيفاااش😱😱هيا بيخير شنو وقع ليهااا هضرررري
سناء:مااعرفتش ماعرفتش حنا غاديين بيها لكلينيك ******
حسام:انا مسافة الطريق و نكون تمااا "قطع"
ياسمين:عيطي معااك حتا لاميير قوليه يجييي 
سناء:واخة واخة 
بعد دقائق وصلو لكلينيك ...هز هداك الراجل عايدة بين يديه و دخلها لداخل ....جابو الممرضين نقالة حطوها فيها و دخلو بيها كيجريو و البنات بقاو على برا مع هداك السيد
الراجل:انا مكنتش قاصد ..كنت سايق عادي حتا بانو قداامي و الله مارديت ليهم البال 😔
امير و حسام دخلو كيجريو عندهم 
حسام عينيه مدمعين:مكاين عليها حتا خبار 
سناء حركات راسها يمين و شمال و عنقاتو:كون مكانتش هيا شنو كان ايوقع ل الياس اهئ اهئ اهئ
الطبيب خرج و تجمعو علييه 
الطبيب:نتوما عائلة المريضة؟
حسام:اه انا ولدهاا شنو وقع ليهاا ؟؟
الطبيب:ماعندكم مناش تخافو وضعها مستقر الحمد لله جبتوها ف الوقت حنا حولناهاا لغرفة خاصة تقدرو تشوفوها ملي تفيق 
حسام:نقدر نشوفها دابا
الطبيب:من الاحسن حتا تفيق 
حسام:عافااك 
الطبيب:واخا تفضل معا الممرضة توريك الغرفة و الحمد لله على سلامتها 
حسام:شكرااا "مشا مع الممرضة"
ياسمين مخشية ف امير:الحمد لله الحمد لله ماوقع ليها والو😔
------------------------
دخل حسام لغرفة عايدة خدا كرسي و حطو جنب سريرها....جلس و شد ليها يدها بيديه بزوج و بدا كيبكي 
حسام:سمحي ليا😢😢 سمحي لياا حيت ماعطيتكش فرصة ..سمحي ليا حيت متقتش بيك و متيقتش بلي بصح تبدلتي😢سمحي ليا حيت جرحتك بكلامي و ماوقفتش جنبك و انني ف امس الحاجة لياا 😢😢كنت كنضن بلي نقدر نكرهك بصح ولكن ماقدرتش 😢ماقدارش حتا نشوفك بهاد الحالة😢😢نتي غي فيقي دابا و انا غادي نعوضك على كاع هاد السنين اتشوفي حفيدك و هو كيكبر و تشوفي حفايد اخرين ان شاء الله نتي غي فيقي و كلشي غايكون مزيان "باس ليها يدها و حطهم على خدو و بقا كيتسناها تفييق ...."
-------------------------------------------------------
فيصل ،ماريا و آسر رجعو ل اوطيل باش يلبسو ملابس السباحة و ياخدو داكشي لي غايحتاجوه....كملو و مشاو لمارينا على رجلهم حيت قريبة...وقفو قدام واحد اليخت ... طلع فيصل هو الاول و عاون ماريا و آسر باش يطلعو 
ماريا:من زماان كنت بااغة نمشي فشي رحلة وسط لبحر😍😍
فيصل:هادي غاتكون احسن رحلة 😉
آسر شد ف ماريا:ياله نشوفو الداخل 
ماريا:اه اه ياله ....فيصل شنو هدشي؟
فيصل:حوايج الغطس 😃
ماريا:علاش مخلينهم هناا!
فيصل:حيت غادي نغطسو انا وياك 😃😃
ماريا:شنووو😱😱لا لا هدشي مامعااناس انا عمري غطست 😔
فيصل:ماعندك مناش تخافي اتكوني معاايا 
ماريا:لا لا مانقدش 
آسر غمز فيصل:صافي خليها هيا كتخاف من كلشي شوف ليك شي وحدة اخرى تغطس معاك 
فيصل:اه عندك الحق انعيط ل ليلى تلحق علينا "هز تيليفون و هي تحيدو ليه ماريا من يديه"
ماريا:اوووف صافي واخاا انغطس معاااك😔
فيصل مد ليها الحوايج:ياله هاكي لبسي هادو كاينين البيوتة التحت 😃😃 
ماريا خداتهم من عندو و مشات و هي كضرب برجليها و مغبنة 
آسر:واش وجدتي كلشي 
فيصل:اه كلشي واجد طلع حدا الكابتن ايلا بغيتي علاما نكملو 
آسر:اه داكشي لي اندير ...
بعد دقائق طلعات ماريا عند فيصل و هي لابسة ملابس الغطس و حتا هو كان واجد.... ركب ليها الجهاز د التنفس و خرجو على براا 
فيصل موجه هضرتو لكابتن:وصلنا للبلاصة؟
الكابتن:اه وصلنا يمكن ليكم تغطسو 
فيصل شد ليها ف يده ا:ياله اجي 
ماريا كترعد:لا لا بلاتي انا منقدرش خايفة بزااف 
فيصل:اتخافي و انا معاك؟
ماريا حركات راسها يمين و شمال و جرها فيصل لحافة اليخت و تلاحوو....
نزل بيها فيصل للعمق و دار ليها اشارة بيديه باش تبقا بلاصتها و هي زيرات عليه باش ميمشيش ..قالها تهدني بالاشارة و عام لجهة واحد الصخرة محطوطين فوقها بزاف د الصدفات ...هز الكبيرة فيهم و ماريا متبعاه ب عينيها و مفاهماش شنو كيوقع...حل فيصل الصدفة و خدا الخاتم من وصطها و رجع عند ماريا...هز ليها يدهاا و هي فحالا مبنجة غي كترمش ف عينيهااا ... خشا ليها الخاتم ف صبعها و باس ليها يدها و ماريا مزال تحت تاثير الصدمة 

بدات عايدة كتحل عينيها شوية بشوية حتا وضاحت ليها الرؤية ..حسات بشي حد شاد ليها فيدها و ضورات راسها بصعوبة و شافت حسام لي شادها...ترسمات باتسامة صغيرة على وجها و تبعوها الدموع لي نزلو بدون سابق انذار ...
حسام كيمسح ليها دموعها:شوو متبكيش هاد العوينات مخاصهومش يبكيو مزال 
عايدة: نن نتا....
حسام:دابا خاص الطبيب يجي يشوفك من بعدها غادي ترتاحي مزيان عاد نهضرو وااخاا 
عايدة حركات راسها بمعنى واخاا و حسام باس ليها يديها و خرج يعلم الطبيب بلي فااقت 
حسام:دكتور الواليدة فاقت واش تقدر تخرج اليوم 
الطبيب: غانمشيو دابا باش نعاينو حالتهاا و لكن غالبا اتبقا حتا لغداا 
حسام:واخا شكراا دكتور
الطبيب:العفو"حسام رجع عند البقية" 
ياسمين:فااقت؟
حسام:اه دخل عندها الدكتور دابا 
ياسمين:الحمد لله على سلامتها 
حسام:غادي ترجع تسكن معانا هيا و سليم 
سناء:انا معنديش مشكل مرحبا بيهم 
امير:حسام واش نتا متاكد 
حسام:اه انا متاكد 
-------------------------------
فالحافة د اليخت ...ماريا متكية على رجل فيصل و هزا يدها كتشوف فالخاتم و الفرحة باينة على وجهاا 
ماريا:انا حاسة بلي مت و دخلت للجنة😍 ممتيقاش هدشي لي كيوقع 
فيصل:نقرسك باش تيقي؟😃
ماريا:هههه لا لا صافي تيقت"ناضت تقابلات معاه"مكانش كيحساب لي نتا رومانسي فحال هكا😋
فيصل:مزال ماشفتي والو 😉
ماريا:انا منقدش نستحمل كتر من هكاا 😂
فيصل شد ليها يدها:ماريا انا مغاديش نكدب عليك دابا و نقوليك بلي كنبغيك و كنموت عليك ...اه انا بصح كنحس بشي حاجة جيهتك شي حاجة كبيرة لي خلاتني نتقدم ليك لزواج حيت عارفك غادي تنجحي و تخليني نبغيك بعفويتك و طيبة قلبك و بحبك ليا 
ماريا:و انا متاكدة بلي غادي نجح ف هاد المهمة 😃
فيصل:عقلتي على الفيلا لي مشينا ليها هداك النهار؟
ماريا:ووي 
فيصل:هديك هي الدار لي غانسكنو فيها بعد الزواج و نتي فرشيها على ذوقك 
ماريا:كون بقينا فالدار لاخرة مكان لاش تشري هادي 
فيصل:هاديك الدار عشنا فيها انا و شهد و قلت نتي غاتكوني عروسة جديدة من الاحسن دخلي لدارك بوحدك 
ماريا:لا انا معنديش مشكل 
فيصل:صافي دابا شريناهاا كيف قلت ليك ملي نرجعو للمغرب غانتلاهاو بتحضيرات العرس و الدار 
ماريا:مامتيقااش مامتيقااااش😍😍😍.....
بقاو كيهضرو على العرس كيفاش بغاوه يكون حتا وصلو لمارينا ....ومشاو للاوطيل 
آسر:انا فياا النعاس بزااف 
ماريا كتلعب ليه بحناكو:الحبيب ديالي عيييتي صافي سير ترتاح 
آسر:تصبحو على خير 
ماريا و فيصل:و انتا من اهل الخير "مشا" 
فيصل:بما انوو آسر مشا ينعس شنو بان ليك نمشيو نحتافلوو 
ماريا:نمشيو😃😃...نبدل حوايجي و نمشيو 😃
فيصل:واها انا كنتسنااك 😃
دخلات ماريا لبيتها و سدات الباب...هزات يدها كتشوف ف الخاتم و هي تبداا تنقز بالفرحة 
ماريا:يااس ياس ياس😍انتزوجوووو 
كملات فرحتهااا و مشات تبدل حوايجها....لبسات كسوة فالكحل سميطات قصيرة و فيها وريدات ملونين مع طالون حمر ...خلات شعرها مطلووق و دارت ميكاب ...هزات صاكها و خرجات عند فيصل لقاتو واجد وكيتسناها...شدات فيه و مشاو للبار...دخلو ليه و بدا فيصل كيقلب بعينيه على حاتم ... بان ليه و مشاو لعندو...كانت معاه ليلى
فيصل:بونسواار 
ليلى:اووه المغربي الزوين جا عندنا هاد الليلة 
ماريا هزات يدها وراتها الخاتم:جينا باش نحتافلو😉
حاتم:اووه مبرووك عليكم 
فيصل و ماريا:الله يبارك فييك 
ماريا:و انتي ا ليلى مغاديش تباركي ليناا؟
ليلى:مبروك😒😒

ليلى:مبروك😒و ليلة سعيدة😒😒"مشات" 
ماريا:😂😂😂😂😂😂😂
فيصل:هههههههه حمقة "عنقها جنب" شنو تشربي 
ماريا:على ذوقك 
حاتم:المشروبات على حسابي✋ كيوجدو هنا واحد المشروب غادي يعجبكم 
ماريا شدات يد فيصل و جراتو:اوا حنا نشطحو شوية على ماا يوجدووه 😁
🌞🌞🌞
بعد ما نعسات عايدة ليلة فالمشفى ..مشا عندها فالصباح حسام باش ياخدهاا لدارو... دق الباب و دخل لقاها كتلبس صباطها 
حسام باس ليها راسها:صباح الخير 
عايدة التعب باين على وجها:صباح النور 
حسام:كيبقيتي؟مكيضرك والو ياك 
عايدة:لا انا بيخير 
حسام:ايلا كنتي واجدة نمشيو 
عايدة:اه انا واجدة
حسام:نمشيو ف الاول للجمعية ناخدو سليم و نمشيو لدار 
عايدة:علاش؟
حسام:كيفاش علاش باش تعيشو معانا 
عايدة:حسام انا مابغيتكش تسامحني على قبل هادشي انا مرتاحة بزاف فالجمعية و حتا سليم مرتاح تما 
حسام:نتي ماباغاش تجي على قبل سناء هي معندهاش مشكل اولا عرفتي شنو انا غانشري ليك دارحدانا سكني فيها نتي و سليم واخا 
عايدة شدات وجهو بين يدها:حسام قتليك انا مرتاحة فالجمعية و عندي خدمتي تماك انا باركة عليا غي تكون مسامحني من قلبك و نبقا نشوفك نتا وحفيدي باركة عليا 
حسام:فكري على الاقل 
عايدة خشات يدها فدراعو:ياله ياله خلينا نمشيو ايكون سليم مخلوع علياا 
حسام:على خااطرك 😔
خرجو من الكلينيك مشادين...ركبها حسام ف لوطو و مشا بيها للجمعية ...ركن لوطو و دخل معاها يشوف سليم ...عايدة شادة فيه و داياه لبيتها هي و سليم و حسام كيضور عينو فالمكان لي عايشة فيه ماماه 
عايدة:صافي هدا هو البيت"حلاتو"سلييم 
سليم:خخ ختتي "عنقها"فف فين ككنتي و م ماالك ف ف رراسك😱
عايدة:انا بيخير احبيبي غي جرحة صغيرة شوف شكون جاا عندناا 
سليم:ح ححسام
حسام تحنا عندو:سليم لباس عليك 
سليم:ل لباس و نن نتا
حسام:حتا انا لاباس"مشا عند عايدة" كون غي مشيتو معايا😔 
عايدة: حسام هضرنا ف هادشي حنا مانقصنا حتا خير هنا غي سير و نتا مرتاح 
حسام:واخة ولكن واعديني تعطي الراحة لراسك هاد اليومين 
عايدة:واخة كون هاني 
حسام:انا غانمشي دابا "باس ليها راسها" سليم بسلامة 
سليم:ب بسلاممة 
💛بعد اسبوع💛
رميساء:ماماتي شنو حسن هاد الزرقة اولا البيضة؟
ياسمين:فحال فحال راكي غادة غير للمدرسة 
رميساء:كيفاش غير للمدرسة راه خاصني نكون انيقة ف لبسي 
ياسمين:ههههههه كون تشوفي ماماك باش كانت كتمشي تقرا يضرك خااطرك 
رميساء:انا ماشي هيا نتي 
ياسمين:ياك الالة اواا لبسي الزرقة زوينة و نزلي دغيا باش نفطرو 
رميساء:واخة ماماتي
نزلات ياسمين حطات الفطور فوق الطبلة و لحقات علليها رمميساء...كملو فطورهم و داتها للمدرسة 
ياسمين باستها:ياله احبيبة بون كووغااج 
رميساء:باي باي ماماتي 
بقات واقفة قدام الباب كدير ليها باي باي حتا دخلات و بغات ترجع لوطو حتا سمعات شي حد كيعيط ليها 
ماريا:يااااااسميييين ..ياسمين😃
ياسمين:اا مااريا يااك؟
ماريا:اه لباس عليك 
ياسمين:لباس الحمد لله و نتي 
ماريا:الحمد لله ..اا عارفة هادي ماشي البلاصة المناسبة و لكن مغانلقاش فرصة نهضر معاك فيها من هنا لقدام 
ياسمين:علاش؟
ماريا:انا و فيصل غانتزوجو 😋
ياسمين:بصح؟ 😍 مبروك عليكم فرحت ليكم 
ماريا:الله يبارك فيك عرسنا غايكون بعد شهرين ماكرهتش تجي نتي و رميساء و راجلك 
ياسمين:ان شاء الله 
ماريا:شكرا فرحتيني😄 غادي توصلك الدعوة حتا لعندك 
ياسمين:الله يسعدكم  :)
ماريا:امين ياله نخليك بون جوغني 
ياسمين:ا طوا اوسي 😃
مشات ماريا و ياسمين ركبات ف لوطو و رجعات للدار 

بعد شهرين من التحضيرات ...وصل اليوم لي كتحلم بيه كل فتاة...يوم زواجها بحبيبها ...ليوم ماريا حاسة براسها ملكات الدنيا و ما فيها ..علاش لا و هي ليوم اتكون زوجة الرجل لي كتبغي.. و فنفس الوقت جنبها و ولدها لي كانت كظن انو مات و رجع ليها بعد سنين......
فهاد الاثناء ماريا وختها هند وجداتهم زهرة فالصالون كيجهزو نفسهم لهاد الليلة ...العروسة ديالنا لابسة كسوة فالفضي طويلة ..كتافها نازلين شوية و فيها فتحة طويلة فالجنب ...شعرها صايبوه ليها و طلقاتو سامبل و دارت حويلقات مدورين صغار فنفس لون الكسوة ..و الميكاب كان تقيل ...اما هند ف لبسات كسوة قصيرة فالحمر سميطات و صدرها معري ...شعرها جمعاتو على شكل ظفيرة مجموهة بوريدات صغار و رداتها لقدام مع ميكاب خفيف ... اما الحاجة زهرة لبسات قفطان فالاخضر الملكي مع فولار ذهبي و ميكاب خفيف.... كملو ليهم كلشي و خرجو لعند السيارة لي غاتكلف بتوصيلهم لمكان العرس و ركبو فيها...
هند:نااري ياختي بغيت نشوفك غي خايفة شوية ولا متوترة عمري شفت عروسة اطير بالفرحة 
ماريا:انا متحمسة بزاااف 😍😍ناري مقادراش نصبر نمووت و نشوف فيصل كيف جااا 😍😍
هند:صافي مابقا والو و تشوفيه 
زهرة:شكون هدا لي غانش فيه 
ماريا:راجلي اجدة 
زهرة:علا نتي امتا تزوجتي 
ماريا:ليوم عرسي اجدة 
زهرة:اه هكاك 
--------------------
فيصل و ماريا اختارو الحديقة د الفيلا ديالهم مكان للحتفال بزواجهم ...تكلفو المنظمين بتجهيز الحديقة و رضوهاا مناسبة للعرس بالاضواء الكتيرة لي مزيناها و الورد لي فكل مكاان .... بداو الضيوف فالحضور و كان فيصل فاستقبالهم ب كوستار فالازرق و بابيون كحلة و الابتسامة على وجهو لي كاتزيدو جمال على جمال .... 
آسر جاي كيجري عندو بكوستار كحل و بابيون فنفس اللون 
آسر:واش باقي ماما مجات 
فيصل:هوما فالطريق دابا 
آسر:حتا رميساء مزال مجات 😒
فيصل:😂😂😂😂
آسر:هاهوما جاااو😍😍
وصلات رميساء مع ماماها و باباها....ياسمين لابسة كسوة طويلة فالبلو سيال بارزة لكريشتها لي بدات كتبان ..شعرها جمعاتو بمشيطة سامبل و دارت ميكاب خفيف ..اما امير لابس كوستار كحل بقميجة بيضة ..اما رميساء لابسة كسوة فالازرق مغلوق و منفوخة من التحت ..وشعرها خلاتو مطلوق ....شدات رميساء ف آسر و مشاو كيجريو 
ياسمين:فيصل مبروك عليكم كانتمنى ليكم السعادة :) 
فيصل:شكرا ياسمين :)
امير:مبروك عليكم 
فيصل:الله يبارك فيكم تفضلو دخلو 
الحديقة عمرات بالحضور و الجميع كيتسنا وصلول العروسة ..ما هي الا دقائق و وصلات السيارة الخاصة بالعروسة...نزلات هند و زهرة هوما الاولين دخلو عاد نزلات ماريا بشوبة عليها و الضحكة على وجها مقادراش تحبسها و تبان حشمانة 😂...تعرض ليها فيصل نزلها و بقاو كيشوفو ف بعضياتهم و يضحكو...هز ليها فيصل يدها و باسهم ليها..
فيصل:جيتي زوينة بزااف 😍
ماريا:حتا نتا كتحمق😍😍
حل ليها يدو و شدات فيه ...دخلو تحت تصفيق الحضور و مشاو للمكان المخصص ليهم .... الموسيقى عالية فالمكان و الكل كيرقص على الحانها الصغار و الكبار ...نوضات ماريا فيصل بزز منو و مشاو وسطهم كيشطحو و ماريا كتغني مع الاغنية و تنقز بالفرحة .... بعد مدة طلقو ليهم موسيقى هادئة و انسحب الجميع من المنصة المخصصة للرقص و بقاو غي العرسان كيرقصو تحت انظارهم ..... 
رميساء:حتا انا بغيت نرقص فحالهم 😔
آسر حل ليها يديه:ياله 
رميساء شدات فيديه و مشاو كيرقصو حداهم و كيقلدوهم ف حركاتهم ....
سالات الموسيقى الهادئة و رجعو العرسان لبلاصتهم و كملو البقية الرقص على الموسيقى العالية ..... داز الوقت و قطعو العرسان الكاطو و وصل وقت رمي الورد تجمعو البنات العازبات ورا ماريا و رميساء سولات ياسمين
رميساء:علاش كيديرو هكا 
ياسمين:كيقولو لي شدات البوكي د الورد من عند العروسة كتزوج وراها 
رميساء:بصح؟😍
ياسمين:وووي 
مشات رميساء كتجري عند آسر:آسر هزني دغياااا دغياااا 
آسر:علاااش 
رميساء:وا دغيااااا 
هزها آسر فوق كتفو و وقفو ورا مارياا ...لاحت ماريا الورد و رميساء تجبدات باس تاخدو... حتا وصل ليدهاا 
رميساء:ياااااااااااس😍😍😍😍😍😍 غانتزوجز ا آسر😍😍
الكل :😂😂😂😂😂😂😂😂😂😂

💕النهاية💕

الصراحة ماسخيتش بيكم و ولفتكم بزاف ولكن كيف كيقولو لكل بداية نهاية و حنا وصلنا لنهاية هاد القصة ..كانشكركم كاملين على تتبعكم للقصة سواء تفاعلتو معاها اولا و كانتمنى تكون عجباتكم ..و لي ياله غايبداوها كانتمنى تعجبكم ... حاولت فهاد القصة نعطي شي حاجة جديدة و خارجة عن المألوف و كانتمنى نكون نجحت ف هادشي ...الرسالة لي بغيت نوصل ليكم من هاد القصة هو ماشي بالضرورة أول حب يكون هو آخر حب ...حب مرة و جوج و عشرة كااع فالاخر غادي تكمل حياتك مع لي مكتاب ليك و كانتمنى ليكم كلكم حياة سعيدة مع الشخص لي تستاحقووه 
مع السلامة❤

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.