فيصل : و نتا مالك (شد ياسمين من دراعها) زيدي قدامي نتي
امير شدو: طلق منها
فيصل: ماباغيش دخل سوق رااسك هاك (ضربو ب راس)
ياسمين: ويلي اش درتي 😱
فيصل: زيدي قدامي
شدو امير و عطاه جوج كلاكات و ركلو لكرشو حتا طاح رجع ناض فيصل و بقاو كيضاربو دقة فهادا و دقة ف لاخر تجمعو عليهم الناس و الكاميرات كيصورو و ياسمين كتبكي و طلب فيهم يحبسو حتا تدخلو رجال الامن و فارقوهم
امير كينهج: لوحوه براا 😡
فيصل كيغوت: مازال ماساليت معاك ايلا كنتي راجل خرج عندي
ياسمين: انااا درت هادشي كااامل علا قبلك اهئ اهئ و نتا جاي تقولي هاكا اهئ اهئ عرفتي شحال تكرفست يحسابلي انلقاك دغيا ساعة نعست ف الزنقة في البرد و بالجوع اهئ اهئ اهئ و دابا ملي لقيتك تقولي هاد الهضرة
فيصل خشاها فصدرو: شوو شوو صافي علاش جيتي اصلا كون بقيتي ف القرية ياك هضرت معاك و قلت ليك السبت انجي و نقنع باك
ياسمين: كنتي غاتجي و غاتلقاني ف دار راجلي
فيصل : كيفاش
ياسمين: كانو باغيين يزوجوني دكشي علاش هربت
فيصل: اوف حمد لله لقيتك بعدا شحال توحشتك (حاطا راسها علا سدرو و كيهضرو)
فيصل: و فين جالسة دبا و كيفاش لقيتي هاد الخدمة
ياسمين: واحد البنت نزلات عليا بحال الرحمة داتني معاها لدار مقاسمين فيها 3 ديال البنات و سكنت معاهم حتا انا و هوما لي قتارحو عليا هاد الخدمة باش نلقاك دغيا
فيصل : و صافي هانتي لقيتيني اذن نساي عليك هاد الخدمة
احسان بنت ف غاية الجمال(تحية لحبيبتي احسان💕) عندها 17 عام مرضات بسباب واليديها ولات منعازلة معندها لا صحابات ولا صحاب كتمشي تقرا و ترجع تجلس ف بيتها و كل نهار كتسمع غوات واليديها و تبقا تبكي
عايدة: طلعي نتيا لبيتك
امير: البنت هي لي بقات ليك خرجي فيها حماقك
مشا جر بنتو و دخلها لبيتها
امير عنقها: صافي ابنتي الحبيبة موقع والو
احسان: كيفاش موقع والو و نتوما كتقيلو دابزو هئ هى علاش ابابا حنا مفرحانينش كيف الناس
امير: شكون قالك هاكا حبيبة ماماك معصبة مع العرض لي قريب هدشي علاش خاصها غي فين تخرج غضبها
احسان ببرائة: يعني نتوما مزال كتبغيو بعضياتكم
امير: هاي هاي علا بنتي كبرات ولات تعرف شناهو الحب اه احبيبة مزال كوني هانية ياله نعسي راه قارية الصباح
احسان : واخا تصبح على خير
امير: تصبحي على خير
باسها فراسها طفا ضو و خرج
صباح جديد🌞
فاقو كل من ياسمين و فيصل قادو راسهم ياسمين لبسات قميجة ف البيض معرية من الكتاف و سروال ديال الدجين مقطع من الركبة و بالغينا فالباج و صاك فنفس اللون و شعرها دارت ليه مشيطة سامبل و شوية ديال الماكياج و الريحة .. و فيصل لبس قاميجة بيضة و دجين و كونفيرس قاد شعرو و ريحة
خرجات ياسمين من دار لقاتو واقف كيتسناها و داير يدو مور ظهرو
ياسمين: ياااااي (ناضت تلاحت عليه عنقاتو) كنحمااااق عليك انا
فيصل: صافي صافي الناس كيشوفو جلسي كملي فطورك
كملو فطورهم و شدو الطريق تاني للشركة
فاق امير على صوت المنبه دخل دوش و لبس حوايجو تريكو خفيف ف الكحل و سروال توب ف البلو ماغين و صباط فالكحل ساعة و رش ريحة و قاد شعرو ... هبط لصال امونجي لقا عايدة و احسان كيتسناوه
امير : صباح الخير
احسان: صباح النور بابا
امير : فطري دغيا باش نوصلك معايا و فالعشية اندوز عندك نخرجو مجموعين ياك اعايدة
عايدة كتقرا فالمجلة : لا منقدش سيرو غي نتوما عندي شي حاجة
احسان(فين عمرك ساليتي ليا 😢)
امير : واخة انخرجو غي انا وياك
احسان: واخا ابابا
كملو فطورهم و وصل امير احسان للمدرسة و مشا للشركة ملي كان نازل من طونوبيل شاف ياسمين و فيصل جايين مقابطين و كيضحكو سد الطونوبيل و طلع المكتب ديالو
ياسمين: واخا تقولي لمسيو امير بغينا نشوفوه
رجاء(الكاتبة ديال امير): شكون نقوليه
ياسمين: ياسمين و فيصل
رجاء : واخة تسناااي ... تفضلو
دقو ف المكتب و دخلو
امير: تفضلو جلسو
ياسمين: كيف واعدتك هاهو جا يعتاذر
فيصل شاد راسو غي بزز مكرهش ينوض يكمل عليه
امير: كنضن عندو فمو يهضر بيه
فيصل قالب وجهو : سمحلي
ياسمين بهمس: فيصل 😑
امير: ماشي هاكا كيطلبو السماحة
فيصل: شنو بغيتي نجيب ليك الورد
ياسمين شافت القضية اتحماض وهي تقلبها ضحك : هههههههه واعرة عندك هادي افيصل عرفتي امسيو امير فيصل عزيز عليه ضحك بزاف
امير: لمهم كنتي قلتي لي باش نشوف ليه شي خدمة عندي واحد صاحبي عندو مطعم قريب من هنا هادي لا كارت ديالو سير عندو و قوليه راك من جبهتي و هو ايتكلف
ياسمين كتغمز ف فيصل باش يشكرو: شكرا بزااااف امسيو امير
فيصل: شكرا نرضو ليك هاد الخير
امير: ان شاء الله
خرجو من المكتب و شدها فيصل من دراعها و بقا غادي بيها حتا لكولوار
ياسمين: اي قصحتيني اوف شوف كيولات حمرة
فيصل: علاش حطيتيني فهاد الموقف ديال الخراااا
ياسمين: دبا كتغوت عليا حيت لقيت ليك خدمة حسن ملي قبل
فيصل: وااش شكيييييت عليك واش يحساب ليك هاد الراجل ايدير فينا هاد الخير غي هكاك يعلم الله اسنو تحت راسو
ياسمين: اشنو كتقصد
فيصل: كنقصد بلي نتي مزال صغيرة و معارفة والو و ها لاكارت (قطعها) ياكلها انا غنقلب علا خدمة راااسي (مشا)
ياسمين: فيييصل اوووووف ياربي
هبطات ياسمين للطابق لي فيه التداريب ديال العرض كيمشويهم فوق المنصة و كيوريوهم كيفاش يتمشاو و يتحركو خصوصا ياسمين حيت هي العارضة الرئيسية
وصل وقت الغدا و ياسمين فيها الموت ديال الجوع بغات ترجع للدار و لكن اتعطل خرجات باش تقلب علا منين تشري ماتاكل ساعة لقات فيصل واقف قدام الشركة و هاز ميكة ف يديه
ياسمين: فيصل
فيصل: هاكي هادا غداك
بغا يمشي و هي تشدو دوراتو عندها
ياسمين: سمحلي كون كان يحسابلي اتقلق هاكا منجيبكش لعندو
فيصل: صافي دبا ماوقع والو لقيت خدمة
ياسمين: بصااح 😍 فين ؟
فيصل: فواحد المطعم ديال السمك كاين حدا البحر
ياسمين: امم واخا بعيد ولكن انبقا نجي ناكل ماكلتك لبنينة
رجعات ياسمين للشركة تغذات و بقات كتسنا فيهم يرجعو .. كملو التداريب و خرجو من الشركة مشات ياسمين لفين كيتسناو الطوبيس كتسنا و دنيا خاويا كاينة غي هي حتا وقفات عليها واحد الطونوبيل هبط زاج كان شاب تكون فعمرو 30
الشاب: الزين اجي نوصلك
ياسمين تخلعات اول مرة تحط فحال هاد الموقف تحركات من تما و بقات غادا كتمشا بالزربة و هو مزال تابعها حتا وقف الطونوبيل و هبط عندها شدها من دراعها
الشاب: مباغاش تعطينا وقت كيعجبوني البنات فحالك الحاسيين براسهم
ياسمين حابسة البكية و كلها كترعد : ط ل ق مني حيد يدييك
الشاب بدا كيتلمس ليها ف يدها : مالكي خايفة راه مكنعضش اجي معايا غيعجبك الحال
سالا امير خدمتو و هبط لطونوبيل ديمارا و شد الطريق لمدرسة د احسان حتا كيبان ليه شي دري شاد شي بنت هو كيقرب و كي تاكد بلي هي ياسمين زاد ف السرعة حتا وقف حداهم هبط بلاما يهضر عطاه جوج بونيات طيحو الارض و هبط كمل عليه
ياسمين : اهئ اهئ اهى صافي باركة ايموت ف يديك
ناض عليه امير و شد ياسمين ركبها ف طونوبيل و وركب و ديمارا
امير بعصبية: واااش نتي حمقة اش وقفك هنااا بوحدك😡
ياسمين كتبكي و كلها كترعد : ك ن ت كنت سنا الطو بي س
وقف امير الطونوبيل جنب الطريق و عطاها الما و كلينيكس
امير: شوية دبا؟
ياسمين: حركات راسها بمعنى اه
امير: هاد البلاصة كتكون ديما خاوية خاص لي يبقا يجيبك
📱📱📱📱
امير: وي حبيبة هااني جاي تسنايني تما ياله باي
ياسمين: صافي حطني غي هنا قربت
امير: فين ساكنة بالضبط انححطك حدا دار
ياسمين: لا بلاما تعدب راسك و تخلي مدام عايدة تسنا
امير: ههه لا هادي ماشي عايدة هادي بنتي احسان مواعدها نخرجها ليوم قدك فالعمر تبغي تعرفي عليها ؟
ياسمين: اه ليا الشرف ولكن ماشي ليوم
امير: لي بغيتي فين نوصلك دبا
ياسمين : ****
وصلها امير للحومة هبطات من الطونوبيل و دارت ليه باي باي و هي مبتاسمة .. ضارت باش تمشي لدار و شافت عيون ايتفركعو بقوة العصبية
كمل امير طريقو لعند احسان وصل لمدراستها لقاها كتسناه ركبات سلمات عليه و نطاقوو
احسان: فين غنمشيو😍
امير: فين ما بغات بنتي الحبيبة
احسان:امم نمشيو لمدينة الملاهي و من بعد لموول و نمشيو نتعشاو فشي بلاصة
امير: واااخة ا لالة
مشاو لمدينة الملاهي مخلاو فاش لعبو .. امير حس ب بنتو كتبعد عليهم و غي مخشية ف بيتها خافها تمرض و دير ف راسها شي حاجة دكشي علاش بغا يتقرب منها على الاقل يحسسها بلي كاين سي حد معاها .. كملو لعبهم و مشاو المول شرا ليها كاع دكشي لي بغات و دازو تعشاو و رجعو لداار
ياسمين شافت فيصل قدام باب الدار واقف و باينة فيه معصب بدات كتمشا لجيهتو و هي كترعد
فيصل كيسفق: برافو برافو👏 هادشي علاس مبغيتينيش نجي عندك باش يوصلك حبيب القلب حيت هو عندو الطونوبيل هاا دوي 😡
ياسمين: فيصل اش كتقول سمعن..
فيصل قاطعها : نتي لي غتسمعيني يا انا يا هاد الخدمة
ياسمين: فيصل ماديرش ليا هكا عافاك 😢😢
فيصل: ختاااري 😡
ياسمين: نتا راك فهمتي غالاط هو راه غي عاوني حيت وقف ليا واحد ف الطريق و كانت خاوية و الله افيصل هادشي لي كاين
فيصل: نتي اياسمين مزال صغيرة و معارفة والو كيف قلت ليك الصباح هاد بنادم مكيديرش هدشي لوجه الله و هاهو بدا يبان على حقيقتو
ياسمين: هانتا شوف كنواعدك مغانعاودش نهضر معاه غي نشوفو نقلب الطريق غي خليني نكمل الخدمة راه حنا محتاجينها عافاك افيصل😢
فيصل: ماشي مشكل مهم راه فيه نمرتي انا غنمشي (باسها ف راسها) تهلاي ف راسك
ياسمين : حتا نتا
طلعات ياسمين لدار بدلات حوايجها و جلسات مع البنات شوية قادو العشا تعشاو و مساو ينعسو و ياسمين و فيصل يقاو كيترومانساو ف التيلي
صباح جديد🌞
كلشي فايق يوجد راسو لخدمتو مشاو البنات مجموعين مع كريم و فيصل شد طوبيس حيت بعيد عليه الحال و امير وصل بنتو و داز لخدمتو
نشوفو احسان شنو كدير ف المدرسة
هاد البنت لي معندها لا صحابات لا صحاب معندها لمن تشكي و تخوي قلبها بقات كتجمع ف قلبها حتا مرضات ... بحكم انها حشومية و مكتهضرش بزاف و مكتعرفش دافع علا راسها البنات لي كيقراو معاها كيحكرو عليها و كيرضوها ضحكة بيناتهم و هي مكتقد دير والو غي تخبع ف الحمام و تبقا تبكي هاد البنت لي مخداتش الحنان من عند الام ديالها لي ديما بعيدة عليها مكتهتمش لامرها عمرها جلسات معاها و سولاتها واش مقلقاها شي حاجة و لا تعلمعا و توريها حتا ولات احسان كتحس بالكره من جيهتها .. ايلا الاب ديالها لي مرة مرة كيخرجها و يجلس معاها واخا كيكون مشغول كيخلي ليها وقت و كتقول كون مكان هو كون نتاحرات شحال هادي و كتقول كون غي ولدها مع شي مرا اخرى حيت عايدة مكتستاهلوش
كيف ديما وصلات المدراسة و دخلات لقسمها هي لولة كتسنا يوصل الوقت حتا دخلو شي بنات
البنت1: اووه شوفو شكون هنااا
البنت2: احسان بنيس ههههه
قربو لعندها و حاوطوها
البنت1 كتلعب بشعرها: شعرك زوين بزاف
البنت2 جبدات المقص من شكارتها: ولكن للاسف مغتفرحيش بيه
احسان: لا بعدو مني هئ هئ
البنت1:تو تو حنا بغينا نلعبو شوية ههههه
شداتها وحدة ولاخرة بدات تقطع ليها ف شعرها (كان عندها طويل بزاف و ذهبي)
البنت2: هههههههه شوفي كيجات
البنت1: بصحة و الراحة كوافورة و مديرش ليك هاكا ههههه
جمعو البنات الشعر و خرجو كيضحكو و خلاو ياسمين كتبكي .. حتا ناضت هزات شكارتها و دخلات لحمام تكمل بكاها حتا عيات و غسلات وجها مشات للادارة قالتلهم بلي مريضة و مقداتش تكمل عيطو علا امير و هضر معاها و هي حابسة البكية غي بزز .. صيفط ليها شيفور يوصلها لدار طلعلت لبيتها تكمل بكااها حتل سمعات شي حد جا حساب ليها باباها ساعة كانت عايدة .. بقات جالسة شوية حتا ناضت متاجها لبيت عايدة و معولة تفركع عليها ياله بغات تحل الباب حتا سمعاتها
عايدة: هاهاها راه قلت ليك مكاين حتا حد فالدار غي اجي ... و غي اجي ... ياله انا غنوجد راسي هاها .. حتا انا
طاحت احسان على وقفتها تصدمات من هادشي لي سمعات و مقداتش تحرك من بلاصتها معرفات مادير طارت لبيتها غادا جايا كتبكي و كتفكر اش غدير واش تعيط لباباها و لا شنو حتا سمعات شي طونوبيل جات طلات من السرجم لقات واحد الراجل مكبيرش بزاف تكون عندو 41 عام بان ليها دخل و هي تهز تيليفونها و معولة تصورهم
ف الشركة
ياسمين كيف العادة كدرب للعرض عطاوهم استراحة و بقات مسج من عند فيصل
فيصل: ملي تكوني مساليا عيطي ليا
عيطات ليه ديك الساعة📱
ياسمين: الو
فيصل: ياسمين اندوز عندك فوقت الغدا نتغداو عندي ليك شي حاجة مهمة
خرجات فيها عايدة عينيها و مشات كتجري لبسات دكشي و قادوها و بدات التصوير📽
عند احسان :
ملي شافتو طالع هزات تيليفونها و تسناتو حتا دخل لبيت عايدة و مشات حلات الباب بشوية و بدات كتصور فيهم و هي كلها كترعد صوراتهم غي كيتباوسو مقداتش تشوف دكشي لاخر مشات لبيتها حيدات حوايج المدراسة لبسات سروال كحل و تيشورت بيضة و دارت عليها جاكيط ف الكحل جمعات شعرها لي ولا حالتو عوج و قصير شوية لبسات سبرديلتها و هزات صاكها و تيليفون و هبطات بشوية خرجات من دار
فيصل: شحال الساعة دبا
مراد : 1 دبا
فيصل: مشا لحال
مراد: وايه انا عييت
فيصل: صافي غي سير انا غنكمل هادشي لي بقا و نسد المطعم
مراد: واخة الله يعاون اخويا
فيصل: الله يعاون
كمل فيصل داكشي لي بقا و سد المطعم ياله بغا يمشي و بانت ليه شي بنت جالسة ف الصخر ديال البحر و مشا يشوف مالها
فيصل: سلام اشنو مزال كديري هنا راه مشا لحال
لارد
فيصل: نوضي اختي راه هاد البلاصة عامرة بالشماكرية
شافها فيصل مكتجاوبوش و هو يحركها لقاها سخونة و كلها كترعد
خرجات ياسمين من الفيلا و بقات غاديا فالطريق و كتبكي حتا وصلات للبحر جلسات تما كتبكي و تفكر اش ادير فهاد الموصيبة كل شوية كدخل تشوف لفيديو و تزيد تبكي بقات هكاك نهار كامل بلا ماكلة و بلا ما و البرد تحرك راسها ضرها بقوة البكا عينيها بداو يتقلبو حتا مبقات كتحس بوالو .. حلات عينيها و شافت شي دري هازها بين يديه و رجعات سداتهم
حياة: الله باربي بنتي شحال و هي غايبة معندي عليها خبار ماعرفتها واش حية ولا ميتة هئ هئ هئ
حسن: باركة راه غتزيدي تمرضي انا شاك ف داك ولد الحرام ايكون هو لي هربها
حياة : سير عاود قلب عليها احسن راه كبدتي كتحرق عليها
حسن : يكون خير دبا نلقاوها نتي غي ديها ف ماكلتك و شربي دواك واش تبغي بنتك ترجع و تشوفك بهاد الحال
ياسمين فبيتها كتعيط لفيصل و والو مكيجاوبهاش شوية ولات كتشدها لابواط فوكال تخلعات عليه بقات ليل كامل وهي كتعيط حتا داها نعاس
اما امير فكمل خدمتو و رجع للدار اول حاجة دار هي مشا يطل على بنتو دق عليها فالبيت مجاوباتش عاود دق و هو يحل الباب دخل لبيت ملقاهاش قلب فالحمام و والو هز تيليفون يعيط ليها لقاه طافي نزل بالجراا بانت ليه عايدة فالجردة كترسم التصاميم
امير بقلق: فين هي احسان
عايدة: اتكون فبيتها كيف ديما
امير: مكايناااااش فبيتها فين مشات البنت
عايدة: ماااشفتش و زايدون انا مامسالياش دبااا عيط عليها ولا شوف اش دير
امير: نتي ام نتي بنتك يعلم الله فين هي و نتي جالسة ممسوقات اصلا شكون وصلها لهاد الحالة من غيرك
عايدة: قلتليك شحال من مرة دخلها لمصحة تعااالج نتا مبغيتيش
امير: بنتي ماشي حمقة بنتي محتااجة لمها محتااجة للحنان و الدعم ولكن للاسف مها مشغولة بالتفاهات
عايدة : هاد التفااهات هوما لي معيشيناااا و هوما باش بنينا هاد الفيلا و هوما باااش شرينا الطونوبيلات متنساااش
امير: انا غادي نقلب على بنتتي نتي مامعاك هضرة
مشا امير نيشان للكوميسارية و علمهم بالاختفاء د بنتو و بداو يقلبو عليها ليل كاامل
الممرضة: صباح الخير اختي كيبقيتي شوية
احسان شادة راسها: فين انا
الممرضة: نتي ف المستشفى جابك حبيبك البارح و راه بقا هنا ليل كامل حتا عرفك فقتي عاد مشا
احسان: علامن كتهضري انا معنديش حبيبي
الممرضة: اه سمحيلي
احسان: واش مشا
الممرضة: اه عاد دبا و نتي غي تكملي الصيروم غتخرجي
احسان : واخة
الضابط: اه لقينيها ف واحد المستشفى سميتو****
امير: اشنو وقع ليها؟؟
الضابط: قالولي بلي ماشي شي حاجة خايبة
امير: واخة شكرا ليكم بزاف انا غنتكلف بالباقي
مشا امير للسبيطار لي قالو ليه سول الاستقبال و وراوه الغرفة ديالها
امير: اش هاد الهضرة واش كاين شي حد كيتخلى على بنتو
احسان: عايدة😡
امير: حشومة هاديك ماماك مخاصكش تعيطي ليها بسميتها و هي راه ممخلياش عليك راه غي الخ...
احسان قاطعاتو: يااااركة مدااافع عليها نتا معارف والو
امير: اشنو غنعرف؟
فاقت ياسمين صباح لقات ميساج من عند فيصل
فيصل: سمحي ليا احبيبة وقع واحد المشكل البارح و تيليفوني ديشارجا نشوفك هاد الصباح ف المقهى لي فطرنا فيه
جاوباتو ب واخا و ناضت غسلات وجها و لبسات كسوة فالكحل سامبل و صندالة فالباج و صاك فنفس اللون مشطات شعرها و طلقاتو دارت ماسكارا و خرجات للمقهى لي قال ليها فيصل لقاتو كياسناها
ياسمين باستو :صباح الخير
فيصل: صباح النور
ياسمين: اشنو وقع
فيصل : ملي ساليت الخدمة لبارح لقيت واحد البنت سخفانة حدا البحر و ديتها للمستشفى دكشي علاش مجاوبتكش سمحيلي
ياسمين: و كي بقات ديك البنت
فيصل: قالو لي فاقت
ياسمين: ونتا باينة فيك بقيتي بلا نعاس
فيصل: انا بيخير ياله فطري باس نوصلك للخدمة
كملو فطورهم و داها للشركة و مشا حتا هو لخدمتة
امير: اشنو غنعرف؟
احسان: بابا عافاك ديني من هنا تخنقت
امير: واخا (حيد الجاكيط ديالو لبسها ليها د داها لداار)
فالدخلة تلاقاو ب عايدة خارجة مزوقة كيف العادة تشوفها متعطيهاش 40 عام
بقات احسان كتشوف فيها شوفات ديال القتيلة
عايدة: فين بقيتي نتي و مال شعرك هكا شداتك الحالة عاوتاني
احسان : بابا انا غنطلع لبيتي (مشات)
عايدة: سو البنت مبقاتش تحشم
امير خلاها و مشا حتا هو للبيتو وجد راسو و رجع طلع على احسان
فيصل: مخاسكش تبقاي هكا متبقايش غير حابسة راسك خرجي و تعرفي على ناس جداد و ديري صحابات و دوك البنات لي كيحكرو عليك خاصك متبقايش تخافي منهم خاص يشوفوك قوية باش ميعاودوش يدورو ب ساحتك
احسان: شكرا بزاااف .. ا فيصل واخة نطلبك طليبة
فيصل: وي
احسان: عطيني نمرتك زعماا ايلا حتاجيت نهضر معاك مرة اخرى ايلا مكان عندك حتا مشكل
فيصل: اه واخا عطيني تيليفونك
دخل نمرتو عندها و هي صونات ليه باش يعرفها
فيصل: ياله نوضي خاسك تمشي للدار واش بعيدة على هنا ؟
احسان: لا لا ماشي بزاف انمشي على رجلي
فيصل: واخة اجي نمشي معاك
احسان قربات تسخف ليه تما بهاد المعاملة بحكم انها عمرها تعرفات على شي دري ولا بغات شي واحد اول مرة كنحس بهاد الشعور و بما انها كتفتقد للحنان و لي شي حد يشد بيدها و يخرجها من مرضها لقات فيصل هو الشخص المناسب ليها بين ليلة و نهار طاحت ف حبو عكس فيصل لي غير بقات فيه بنت صغيرة مريضة و محتاجة لي وقف معاها و هي طلبات منو المساعدة و مقدرش يرفض
بقاو غاديين ساكتين حتا وصلو لفيلا ديال احسان
احسان: صافي انا ساكنة هنا شكرا ليك بزاف افيصل كنت محناجة نخوي قلبي على شي حد
فيصل: هانية و قتما بغيتي تخوي قلبك انا موجود ههه
احسان طارت عليه باستو من حنكو و مشات كتجري حشمانة و فيصل مصدوم من هاد التصرف لي دارت و قال يمكن عندها عادي .. شاف الساعة لقا مشا الحال و ياسمين اتكون مشات جبد التيلي لقاه ايطرطق ب لي زابيل ديال ياسمين و عيط ليها
ياسمين بالغوات: بغييييت غير نعرف فين كتقيل ا فيصل راه كنت انحماق علاش مكتجاوبش
فيصل: سمحيلي احبيبة راه كنت محيد الصوت
ياسمين: واش عاد خرجتي من الخدمة
فيصل: ا ا اه
ياسمين: قلتيلي اتخرج ليوم بكري بقيت كنتسناك
فيصل: كانت الخدمة كتيرة شوية احم و شنو درتي فاش رجعتي
ياسمين: ف فطوبيس
فيصل: حبيبة راك عارفة باقي منعستش من البارح هانا وصلت لدار انعس نيشان
ياسمين: اه ماتنساااااش غدا العرض ايلا مجيتيش انتقلق منك
فيصل: انجي انجي غي صيفتيلي البلاصة و الوقت
ياسمين: واخة ياله تصبح على خير
فيصل: تصبحي على خير
قطعات معاه ياسمين و حسات بلي شي حاجة ماشي هيا هاديك نفضات راسها من هاد الافكار و خرجات عند البنات
حنان: امضرا هضرتي معاه
ياسمين: اه حسيت بيه ف شكل
سناء: علاش مالو
ياسمين: معرفتش قالي ليوم ايخرج بكري و منتحركش من بلاصتي حتا يجي ليا و لكن تعطل ملي سولتو قالي تعطل فالخدمة
مريم: يقد يكون هادشي لي كاين
ياسمين: حاسة ماشي هدشي لي خلاه يتعطل
حنان: ايوا صافي تانتي خوي راسك من هادشي و سيري تنعسي باش ترتاحي راه غدا عندك نهار طويييييل
ياسمين: ناري و ماااتجيوش البنات
سناء: وصاااف قلنا ليك انجيو فيصل قالك ايجي
ياسمين: بزز منوووو يجي
حنان: ياله سيري تنعسي
ياسمين: بونوي
البنات: بونوي
احسان ملي وصلات لدار داخلة كضحك و تنقز بالفرحة
عايدة: فين نمشيتي تاني واش انبقاو حاضينك غي نتي
احسان: تاحد ماقلك قلبي عليا
عايدة: باركة من الهضرة الخاوية و سمعي غدا الصباح دوزي للشركة تاخدي الفستان ديالك لي غتلبسيه ف العرض
احسان: مبغيتش نمشي
عايدة؛ و انا مسولتكش انا قلت ليك غتمشي
احسان ضربات برجليها و طلعات لبيتها تلاحت فوق الناموسية تفكرات فيصل و بقات كضحك تاني بوحدها .. ناضت بدلات حوايجها و لبسات ديال النعاس خدات تيليفونها شافت تاني الفيديو و قالت
احسان: غدا غيكون اخر عرض ليك ا عايدة 😃😃😃
يوم العرض 😍
كل واحد ناض وجد راسو لخدمتو
فالشركة :
كيديرو العارضات التدريبات الاخيرة كملو و داوهم لمكان العرض باش يوجدوهم
احسان مشات خدات الفستان و رجعات لدار عيطات لفيصل
احسان: سلام فيصل
فيصل: و عليكم السلام لباس عليك
احسان: بيخير وانتا
فيصل: حتا انا
احسان: بغيت نقولك ايلا كنتي مسالي ليوم نمشيو...
فيصل: لا ليوم منقدش نشوفك عندي شي حاجة ضرورية
احسان: اه واخة نهضرو من بعد
فيصل: بسلامة
قطع معاها فيصل و عيط لياسمين
فيصل: حبيبة
ياسمين: اوف فيصل انا متوترة بزااف اوف
فيصل: تهدني غيدوز كلشي مزيان
ياسمين: حاول تكمل خدمتك بكري باش نشوف العرض
فيصل: واخا كوني هانية
ياسمين: ياله خاصني نقطع باي
فيصل: باي (قطع معاها و كمل خدمتو)
اما احسان ف شعلات البيسي و هزات الفيديو من التيليفون و دارتو ف كلي طفات البيسي و دخلات تاخد دوش
عند امير:
امير: صافي دبا كلشي واجد ياك وقع كمال على الوراق
عايدة: اه وقع
امير: معندي ما يتسالك بعدا هاد المرة لقيتي ممول معقول
عايدة: هادي خدمتي
امير: خاصنا نعرضو عليه مور العرض سيد خسر زبابل ديال الفلوس واخا شركة تراجعات هاد الاعوام خااس نشكروه
عايدة: ماتخافش تكلفت ببهاد الموضوع 😉
امير: ياله انا غنمشي نشوف تجهيزات العرض
عايدة: و انا غنمشي نوجد راسي
امير هز جاكيط ديالو: ياله بسلامة
عايدة شداتو من يدو و قربات ليه بدات كتلعب ليه ف لحيتو
عايدة بدلع: شنو بان ليك نحتافلو مور العرض غير انا وياك
سالاو البنات خدمتهم و رجعو لدار دوشو و خرجو يبداو فاللبس تافقو علا لون واحد لي هو الاسود
#حنان لبسات كسيوة بالخويطات الصدر علا شكل قلب قصيرة من جيهة الكرش و صاية طويلة مزيرة جمعات شعرها بمشيطة ياسمبل و مكياج خفيف و هزات صاك فالكحل
#سناء حتا هي كسوة فالكحل قصيرة و مزيرة معرية من الجناب و شعرها صايباتو مكريبي من التحت دارت مكياج خفيف الا فمها لي عكرات بالحمر
#مريم لبسات كسوة قصيرة ف الكحل مشبكة من اليدين طلقات شعرها جنب و دارت مكياج تقيل شوية
كملو البنات التوجاد و عيطو على كريم كيف ديما وصلهم
احسان مور ماسالات الدوش نشفات شعرها لي قادات ليه التقطيعة و صايباتو لبسات كسوة كحلة على شكل حوتة طويلة من التحت و مزيرة دارت مكياج خفيف هزات صاكها و هبطات عند الشيفور يوصلها
العشيقة الصغيرة الجزء الثاني
محتوى القصة
التنقل بين الأجزاء