#عايدة لبسات كسوة حمرة طويلة وفيها فتحة من الوسط و معرية من الصدر صايبات شعرها جنب ١و دارت حلقات بالحمر و عكر فنفس اللون و ايلاينر
#فيصل لبس قاميجة بيضة خلا صدايفها لولين مفتوحين و جمع يديها شوية و لبس سروال كحل و صباط فنفس اللون و قاد شعرو
#امير لبس قميجة بيضة و كومبلي كحل بلا كرافاط صباط كحل و ساعة و قاد شعرو و لحيتو
وصل لجميع لمكان لعرض كانت قاعة كبيرة فيها المنصة ديال العارضات و الكراسا دايرين بيها .. و فالجهة الاخرى البلاصة لي غيحتافلو فيها فيها بار صغير فالجنب و طوابل طوال و شاشة كبيرة الوسط
كل واحد شد بلاصتو كيتسنااو العرضة يبداا ... تطفا الضو و بقا غي لي كيمشي معا العرضات اللي بداو كيدخلو وحدة بوحدة بفساتين صيفية انيقة الجميع مبهور بهاد الابداع ديال عايدة ...
انا احسان ف ملي دخلات جلسات ف بلاصتها و تسنات حتا بدا العرض و تسلتات للجهة الخرى و قادات الفيديو فهاديك الشاشة و دارت تيليكوموند ف صاكها و رجعات لبلاصتها
سالاو جميع العارضات المرور ديالهم و بقا دور العارضة الرئيسة ياسمين لي دخلات بفستان غوز بارد اكس من جيهة الصدر و خيوط طايحين ف الدراع و قصيرة مع طالون ف الفضي ميكاب خفيف و شعرها مطلوق ... داخلة واتقة من راسها جات كتحمق ..سالات ورجعات دخلات معا عايدة و كلشي وقف يصفق ليها و هي باست ياسمين(النفاق 🐸)خداو شي تصاور و رجعو دخلو ل كواليس
عايدة: اوف كلشي داز مزيان
منى: كيتسناوك برا ا مدام
عايدة: واخة هانا جاية
وقفات احسان معا باباها لي مشغول بالهضرة مع صحابو كتسنا امتا تجي عايدة و كمال و تخدم الفيديو .. ملات و مشات لبار تجيب شي حاجة تشربها
احسان: عطيني عافاك واحد العصير ديال الاناناس(دورات وجها بان ليها فيصل جالس تما)فيييصل 😍😍
بدا الفيديو و بدات معاه الصدمة عند الكل كلشي مصدوم و ممتيقش اشنو كيشوف الصحافة استغالات الموقف و بدات كتصور كولشي ... بداو الناس الحاضرين كيتسائلو اشنو هادشي كيوقع .. عايدة ممتيقاش هدشي لي كتشوف و كتمنى يكون غي حلم و تفيق منو ولكن لا جا الوقت لي تفضح فيه و من طرف شكون؟ من طرف بنتها محساتش براسها حتا جراتها يد بجهد و صرفقاتها كان امير اللي معصب و عرقو خارجين الزوج لي كتحلم بيه اي امراة علاش خانتو ؟ هادشي لي كانو كيتسائلوه الحاضرين
جرها امير مخرجها تحت انظار الكل و الصحافة لي كتصور و تسولهم ف نفس الوقت .. لاحها ف الطونوبيل و طار بيها لفيلا
ياسمين: ناري على شوهة ممتيقاش هدشي لي شفت علاش دارت هاكا
سناء: قلت ليكم من شحال هادي مكدخلش لخاطري
حنان: ياله ياله خلونا نمشيو مابقا عندنا مانديرو هنا
مريم: انا غنعيط لكريم (مكرفسة على الدري مسكين 🐸)
فيصل: حبيبة نتي سيري مع البنات
ياسمين: علا نتا فين غادي
فيصل: ا لحتا بلاصة غير غنمشي لدار عيان شوية صافي
ياسمين: واخة بونوي
فيصل باسها: بونوي
سناء كتوشوش للبنات: باينة غادي لعند احسان يواسيها
حنان: سكتي دبا تسمعك
ياسمين: اش كتوشوشو نتوما
حنان: والو غي قلت ليهم ياله مشا لحال
ياسمين : اه ياله
خرج فيصل علا برا كيقلب بعينيه حتا بانت ليه احسان جالسة ف واحد لقنت و مشا لعندها
احسان: انا انا لي شوهت ماما هئ هئ هئ دبا ايتفارقو ب سباابي هئ هى
فيصل: نتي لي ..؟ 😱
احسان كتغوت : ااااه اناااا انااا شفتهااا بعيني مع راااجل اخر ف بيت بابا و فوق سريييرو كااتخونوووو اناااا انااا صورتهاااا و اناا لي شوهتهااا اهئ اهى اهئ
فيصل: شوو صافي تهدني
احسان عنقاتو: عافاك متخلينيش محتاجاك معايا عافاك
فيصل معرف مايدير من غير يبادلها العناق و يطبطب عليها بقات فيه بزاف
فيصل: خاصك ترجعي لدار
احسان : لا منقدش ايكونو كيدابزو دبا منقدش
فيصل: و شنو غاديري ميمكنش نخليك هما
احسان : ديني معاك
فيصل: لفين
احسان: لدار
فيصل: ا لدار؟ واخا نوضي
امير غادي كيصوك بسرعة و يضرب و يغوت و عايدة مزال تحت تاثير صدمة رجعات بيها سينتا لور
فلاش باك:
...: بنتي سمحيلي انخليك هنا مابقاش عندي باش نصرف عليك
ملي كانت عايدة ف عمرها 5سنين خلاتها مها قدام الخيرية و مشات كانت عايدة بنت ذكية تفوقات ف القراية داخل الخيرية و كانت من الهواية ديالها انها ترسم الازياء و كتحلم تولي مصممة اولا عارضة .. ملي وصلات ل 18 عام خرجات من الخيرية و هي معارفة شنو دير بدات كتقلب كيفاش تحقق حلمها حتا تعرفات على واحد السيد مشهور تصاحبات معاه و هو لي دخلها لهاد العالم بدات كتشهر بشوية بشوية حتا تلاقات ب امير لي كان حتا هو عارض ازياء بغاو بعضياتهم و قررو يتزوجو و حبسو هاد الخدمة و بداو ف المشروع ديالهم من بعد عام ديال الزواج لقاها امير كتشرب مانع الحمل غضب منها و كانو غيوصلو حتا لطلاق حيت شحال من مرا قالها امير بلي باغي الولاد و لكن هي معقدة من الولاد مبغاتش تولد خافت حتا هي متكونش ام مزيانة و تلوح ولادها ..ولدات حسام هو الاول و احسان الثانية .. حسام متاترش بزاف بمعاملة ماماه الخايبة بحكم انو كان كيعمر معا باباه كتر حتا كبر و مشا يكمل قرايتو برا اما احسان فكانت محتاجة لماماها كتر دكشي علاش مرضات و امير معارفش الماضي دياا عايدة على حسب ماعاودات ليه واليديها ماتو ف حادثة و عاشت معا جداتها حتا كبرات
الحاضر:
نزل امير من الطونوبيل و خرج عايدة جارها من دراعها طلعا لبيتهم
امير: اناااا انااا ديري فيااا هاكاا علاش علاااش (كيهرس اي حاجة جات قدامو) شوهتيني قداااام كلشي شنو غيقوووولووو عليا الناااااس دبااا شنو ماااشي رااجل هادشي لي بغيتي داابااا
عايدة: لااا سبب اناااا مراة لي راااجلها نافرهااا و مكيقسهااااش قوللي امتاا اخر مرااا نعستي معايااا قولي
امير: عرفتي علاااش حيت وليت كنكرهك ماابقاااات هامااك حتا حاجة فهاد الدنيا من غير الفلوووس و الشهرة ولااااادك ملي تزااادو مبغيتي حتااا ترضعيهم رااه واحد مشا خواا البلاد و ها وحدة حداياا كل نهااار كنشووفها كتمووت قداامي و بغيتيني مزاال نبغييك و نقرب ليك عرفتي شنو انا وليييت كنعيفك
جبد امير فاليز و بدا كيدير فيها حوايجو
عايدة: شنوو كاادير لا نتااا مغتخاينيش متقدش تخليني ا امير
امير: شنوو كتسنااي مني نسفق ليك و نبقا هناااا هنااا فالبلاصة لي خنتيني فيهااااا
سد لفاليز و بغا يخرج وقفات ليه فالباب
عايدة: لا عافااااك عافاك على قبل ولادنا لله يخليك اهئ اهئ
امير: دبااا عاد بانوليك ولادنااا مابقات حتا حاجة كتربطني بييك (حيد الخاتم و رماه ليها فوجها) هادوك ولادي بوحدي (دفعها و خرجو هي بقاات تاابعاه كتطلب فيه حتا ركب ف طونوبيلتو و مشا وهي طاحت للارض كتبكي )
ياسمين: كيفااااش 😱و منين ايعرفها فيصل و نتي باش عرفتي هدشي
سناء: شفناهم قبيلة ف البار كون تشوفي كيف كانت كتشووف فيه
البنات كيقرصوها تسكت و هي والو
ياسمين: لا ميمكنش فيصل مكيعرف حتا وحدة من غيري (ناضت لبيتها سدات عليها و شدات تيليفون كتعيط ليه و هو والو مكيجاوبش بقات غادة جاي ف البيت كتفكر حتا خرجات عند البنات)
ياسمين: مريم عيطي على كريم دبا يديني لدار فيصل عافاك
حنان: اش اتمشي ديري عندو فهاد الوقت
ياسمين: بغيت غي نهضر معاه
مريم: واخا انا انعيط عليه
حنان: شوفي ماديش علا هضرة سناء راه يقد يكون مكيعرفهاش و غير سولاتو على شي خاجة لمهم نتي متصرعيش هضري معاه غي بالشوية
ياسمين: لا لا انا اصلا مبقاش عاجبني هاد الياامااات كاينة شي حاجة
مريم: كريم كيتسنا التحت
سناء: تبغي نمشيو معاك
ياسمين: لا انا دغيا انرجع (مشات)
حنان: صافي عجبك الحاااال
سناء: شنوو بغيتيها تبقاا ف دار غفلون لقاها صغيرة معارفة والو بالحق حناا معاها و ايلا كانت بصح بينو و بين هاديك شي حاجة عمري نخليها تشوفو
امير غادي بسرعة كبيرة معصب لاقصى درجة مراتوو طعناتو ف رجولتو اخر حاجة كان كيتوقعها منهل هي تخونو عارفها ام ممزياناش و عارفها الفلوس غمضو ليها عينيها ولكن الخيانة عمرو تصور اتوصل بيها الحقارة لهاد الدرجة ... حبس الطونوبيل حدا البحر و هبط كيغووت ب اعلى صووووتوووو استنشق الهوا و رجع لطونوبيل مشا لاقرب اوطيل حجز تما و طلع لغرفتو تيليفونو بغا يطرطق ب ليزابيل طفاااه و تكاا حاول ينعس ولكن راسو كضرب فيه شحال من مطرقة
اما عايدة ف دخلات كيف المجنوونة جرات على كاااع الخدم و بدات كتهرس اي حاجة جات قدامها المراايات الطوابل لي فاز ماخلات ماهرسات ولات فحال شي مجنونة بقات هكاك حتا عيات و جلسات فالارض كتبكي
فيصل: هاكي لبسي هادو واخا ايجيوك كبار شوية
احسان: شكرا بزاف افيصل
فيصل: ماشي مشكل كملي و خرجي عندي ايلا بغيتي تهضري
احسان: واخاا
فيصل كان ساكن فواحد الدار صغيرة فيها غي طبقة وحدةفيها بيت و حمام و كوزينة و علا برا داير جريدة صغيرة
خرج فيصل لديك الجريدة هز تيليفونو لقاه ايطرطق ب لي زابيل د ياسمين ياله بغا يعيط ليها حتا وقفات عليه احسان
احسان: عمري نسا خيرك ا فيصل قلالين الرجال فحالك
فيصل: نتي كنتي محتاجة للمساعدة و انا عاونتك اي واحد ف بلاصتي ايدير فحالي
احسان كتقرب ليه : ولكن نتا ماشي اي واحد ا انا كنبغيك افيصل (باستو ف فمو )
و هاد اللقطة الاخيرة شافتها ياسمين لي بقات جامدة ف بلاصتها
اليوم ارحل عنك بعد قصة الحب الطويلة التي لطالما بهرت الجميع، ارحل ولا اعلم ماذا قد اقول لهم لو سألوني عنك؟ هل احكي عن خيانتك لي و تجاهلك لكل الأحلام التي رسمناها معاً، سأخفي دموع الحزن التي ستملأ عيني.. اعرف اني سأستغرق الكثير من الوقت حتى اتداوى من جرحك الغائر، لكن كل ما اعرفه اليوم اني سأمضي، و انساك بسهولة كما فعلت انت!
شافت ياسمين هاد اللقطة و جمدات بلاصتها ماعرفاتش شنو هادشي لي كيوقع قدامها واش حقيقة ولا غي كتخايل كتحس لراسها مقاداش تحرك ولا تغوت بغات تمشي و تحبسهم و تغوت علا فيصل و تسولو علاش دار فيها هاكا ماقداتش بقات كترجع بخطوة بخطوة لور حتا وصلات لعند كريم ركبات و دموع نازلين على خدها فحال الشلال
ياسمين كتشهق بالبكا: رجعني عافاك هئ هئ هئ
كريم: ختي ياسمين مالك واش كلشي مزيان
ياسمين: رجعني عافاك هئ هئ
فيصل دفع احسان: شنو هدشي لي درتي
احسان: معجبكش لحال؟ حتا نتا بادلت..
فيصل قاطعها: احساااان ماتعاوديش فحال هاد التصرف انا قلتليك خاطب و كنبغي خطيبتي
احسان ناضت كتجري للبيت كتبكي
و فيصل جلس شاد راسو معارفش اش كيدير و كيقول مكانش عليه يدخل راسو فهاد المشاكيل حيت ايجبدو ليه الصداع معا ياسمين ... هز التيليفون و بدا كيصوني ل ياسمين و هي كتقطع عليه
سناء: نتي غي تهدني دابا باش تقدي تفكري كيفاش اتصرفي
ياسمين: شوفو بلا حشمة بلا حيا كيعيط
مريم: اتجاوبيه
ياسمين قطعات عليه: لا .. قالك حبيييبة اناا غدااا انفركع هااد الرمانة وكل واحد ايمشي ف طريقو (صيفتات ليه ميساج"نتلاقاو غدا ف المقهى ديال ديما عندي حاجة مهمة نعطيها ليك" )
ياسمين: انا غندخل نعس
مريم: مسكينة شحال تعدبات و شحال كتسنا تلقاااه و فلخر دغيا بدلها
سناء: الرجال كلهم فحال فحال
حنان: انا غنمشي عندها نهضر معاها مخاسهاش تيق فيه يقد يضحك عليها بجوج كلمات
حنان: ياسمين نعستي؟
ياسمين حركات راسها بمعنى لا
حنان: شنو عوالة ديري غدا
ياسمين: انعطيه خاتمو و كل واحد يمشي ف طريقو عرفتي شنو كنقول كون غي بقيت فالقرية كون راني فدار راجلي دابا اش داني نتبع قلبي
حنان: نتي راك مزال صغيرة و هادي اول تجربة ادوزي منها غي متسديش قلبك تقدي تلقاي ماحسن
ياسمين: مانضنش مانضنش كاين لي ينسيني ف فيصل
حنان: غي كتقولي دبا تلاقاي برجال اخرين و تبغي المرة التانية و التالتة
ياسمين: انا و فيصل مكناش كيف اي جوج ميبغيو بعضياتهم حنا راه من ضغرنا مكنااش كنتفارقو ملي حليت عينيا و هو معايا تخيلي هه مكانش كيخليني نلعب مع الدراري ديال الدرب و ملي دخلنا لمدرسة كانت كتجلسنا الاستاذة حدا الدراري و هو مكيعجبوش الحال و داابا ؟ دابا لقيتوو مع وحدة اخرى هئ هى هئ حناا كنا قرااب نتزوجو كون معرفتوش دبا هكا كنت انتخدع فيه مزال لحد الان ممتيقاش دكشي لي شفت
حنان: صافي باراكة من البكااا واش غديري فراسك هااد الحالة على قبل داك الحمار راه هو مايستااهلكش صافي نعسي و غدا يكون خير
ياسمين: واخة تصبحي على خير
حنان: وانتي من اهل الخير
🌞🌞🌞
فاق فيصل لي منعسش مزيان حيت خلا البيت ل احسان و هو نعس ف صالون ناض طل عليها لقاها غارقة فنعاسها مشا وجد راسو و خرج للمقهى لس داير فيه مع ياسمين .. دخل لقاها جالسة كتسناه و ساهية
فيصل جلس مقابل معاها: حبيبة فاش كنتي كتفكري😃
ياسمين كتشوف فيه بحقد و كره كيفاش قادر يزيد يكدب عليها ف وجها
ياسمين: انا جيت لهنا غي باش نعطيك هادو (حيدات لخواتم من صبعها)
فيصل: علاش اتعطيهم ليا واش معجبوكش ولا شنو
ياسمين: لي بيناتنا سالا (حابسة البكيا غي بزز مابغااتش تبكي ناضت بغات تمشي و ناض شدها)
فيصل مافاهم والو: كيفاش لي بيناتنا سالا اش كتخربقي واش طالعة ليك السخانة
سناء: غي كتقولي هاكا دبا تشوفي مع الوقت اتنسايه نوضي دبا سيري للشركة خودي فلوسك و جيبي ليتا الخبار من تما
مريم: شو حنا فاش و نتي فاش
سناء: دابا شنو باغيينا نبقاو فهاد الجو ديال الكآبة اجيو شنوو بان ليكم نمشيو نسهرو فشي بلاصة😍
حنان: اول مرة تقولي شي حاجة فيها النفع
سناء: ياك لمك
ياسمين: البنات انا كنبغيكم بزاف معرفتش بلا بيكم اشنو كنت اندير
دارووو عنااق جماعي و ناضت ياسمين لبسات حوايجها و مشات للشركة خدات فلوسها و علموها بلي مابقات خدمة الشركة غتسد تأسفات على الحالة لي وصلات ليها الشركة شدات الطوبيس و رجعات للدار
بقا فيصل جالس شحال على نفس الوضعية كيحاول يستوعب هادشي لي وقع ... حتا ناض متاجه لدار ياسمين
سناء: ويلي واش هادا تسطى خلوني نهبط ليه
حنان: جلسي للارض
فيصل كيدق بجهد و كيغوت : ياسمييييييييين نزلي عندي ياسميييييين
فيصل شدها من يدها: ياسمين حبيبة عطيني فرصة غير نشرح ليك
ياسمين: طلللق مني ماعندنا فاش نهضرو
فيصل: خمسة دقاايق غير خمسة ديال الدقايق انا راه مغنتحركش من هنا حتا تسمعيني واخا يسمعوني ناااس كاملين
ياسمين: اوف تحرك من هنا شوهتينا كاع الجيران كيطلو
هبطو للشارع التحت
ياسمين: ياله طلقنا اشنو عندك
فيصل: سمحيلي حيت خبيت عليك مكانش كيحساب لي ايوصل الموضوع لهاد الدرجة
ياسمين: واش كتبغيها
فيصل: لا انا كنبغي بنت وحدة لي هيا نتي
ياسمين: اه داكشي علاش كنتي كتباوس معا هديك البارح و ف الدار لي غنتزوجو فيها
فيصل: هي لي باستني هديك وحدة مريضة تيقي بيا ا ياسمين نديك عندها دبا تشرح ليك
ياسمين: معرفتش علاش مقاداش نتيق بيك طحتي من عيني ا فيصل عمري نعاود نتيق بيك و منقدش نكمل معاك
فيصل حابس البكية: سمحيلي ا ياسمين
ياسمين: منقدش (ضارت و مشات و فيصل بقا كيشوف فيها شحال و مشا حتا هو)
💔💔💔💔💔💔💔💔💔💔💔
رجع فيصل لدارو واصلا ليه للعضم كيفاش البنت لي كيبغيها من صغرو تخليه و هو ماعندو حتا ذنب فداكشي لي شافت ذنبو الوحيد انو قرر يساعد انسانة محتاجة للدعم
وصل لدار و دخل معصب كيقلب علا احسان
فيصل: احساااان فينك
احسان: هاناا راه وجدت لينا الفطور و قاديتو ف الجردة اجي تفطر
فيصل شدها من دراعها: اتمشي تقودي عليا من هنا و ماتعاوديش ضوري بساحتي
احسان: ع علاش كتقولي هاكا و مالك معصب
فيصل: كيفاااااش مبغانيش نكون معصب و بسباااابك تفارقت مع الانسانة لي كنبغي
احسان: و واش تفارقتو
فيصل: اه تفارقناا و بسباااابك نتي بسباب ديك الشوهة لي درتي لبااارح سيري خرجي فحالك قبل ماندير فيك شي موصيبة
احسان: حرام عليك متعاملنيش هكا انا كنبغيك
فيصل بالغوات: و انااااا مكنبغيييييكش مكنبغيكش فهميها بنت وحدة لي بغيت و لي كنبغي و لي انبقا نبغيها حياتي كاملة هي يااااسمين كتفهمي ياسميييين ماشي نتي و نتي باركة متفرقي بين الناااس والييديك و محنيتش فيهم مك لي هزااتك 9شهور و تعدبات عليك شوهتيها قداام كلشي و عاد نتسناك انا متفارقينيش مع حياتي ندمت على نهار لي عاونتك فيه كون خليتك تمووتي حسن فحالك خاسهم يموتو (دفعهاا خرجها على برا و لاحها سد الباب و جلس الارض شاد راسو بين يديها معصب لاقصى درجة اما احسان ف دموعها على خدها كيف الشلال الامل الوحيد لي بقا ليها تعيش علا قبلو ضاع ... 💔)
ياسمين:البنات انا قررت نرجع للقرية
مريم: لاااا متقوليهاش ولفناك اصاحبتي
ياسمين: مابقا عندي ماندير هنا و زايدون واليديا ايكونو كيقلبو عليا
حنان: حشومة عليك تمشي و تخلينا
ياسمين: راه انبقا نجي نشوفكم و بيناتنا تيليفون
سناء: اوووف جبتيلي البكية
تعانقو البنات و بداو كيبكيو
ناضت احسان من الارض و بدات كتمشا و غي ساهية كتفكر ف الهضرة ديال فيصل"فخالك خاسهم يموتو" ماحساتش براسها حتا وصلات لواحد القنطرة طلعات فيها و حلات يدها الدموع نازلين و معاهم ابتسامة
حنان: تهلاي ف راسك و متسديش قلبك ماعرفتي الشخص لب مكتاب ليك تلاقاي بيه تما
ياسمين: ياله غايمشي لكار باي باي (تعاانقو و طلعات ياسمين للكار كادير ليهم باي باي من الزاج حتا مابقاوش كيبانو ليها حطات راسها علا الزاج و بقات كتبكي مزال لحد الان ممتيقاش هدشي لي وقع بين نهار و ليلة تقلبات حياتها كاملة .. كانت جاية للمدينة متحمسة تلقا فيصل و تكمل معاه حياتها و هاهي ليوم راجعا و باغا تنساه ..
وصلات للقرية فالصباح هبطات للكار و مشات علا رجليها للدارهم توحشات واليديها بزاف تمنات كون سمعات هضرتهم و مهرباتش ..وصلات لدارهم دقات و عي خايفة من ردة فعل واليديها ملي يشوفوها رجعات واش ايتقبلوها ولا ايجريو عليها...
حياة: بنتي بنتي رجعتييي بنتيي حسسسسسن ياسمين رجعات (عنقاتها و كتشم ف ريحتها) حشومة عليك ابنتي فين مشيتي و خليتينا مابقاتش فيك ميمتك لي كبدتها كتشوى
ياسمين غي حادرة راسها و ساكتة
حياة: اجي دخلي بعدا يشوفك باباك
ياسمين: مغايضربنيش؟😔
حسن: بنتي (تلاح عليها عنقها) فين مشيتي ابنتي خلعتينااا عليك دخلي بعدا من البرد
دخلو لصالون و مشات حياة توجد الفطور و ياسمين جالسة حشمانة من واليديها
ياسمين: سمحو ليا ماسمعتش هضرتكم كنت طايشة و تبعت قلبي و لكن انا دابا ندير اي حاجة بغيتوها زوجوني بلي بغيتو ماعنديش مشكل
حسن كيدوز يديه على شعرها: مغنبزز عليك والو ابنتي ديري دكشي لي كيبان ليك
ملي امير بخبر موت بنتو متيقش و قال يمكن غير شي حد ميتفلا اولا الصحافة باغاه تخرج ... بدا كيصوني علا تيليفون احسان كيلقاه طافي .. عيا مايبقا يصوني و هو ينوض هز مونطوه و سوارت الطونوبيل و مشا للمستشفى لي قالو ليه ... وصل و دخل كيسول حتا داوه لغرفة الموتى جبدو ليه الجثة من الفريكو و هو كيدعي ربي ماتكونش هيا حيد الليزار و طاح للارض
امير: هادشي كامل بسباااابك اعايدة(خرج طاير للفيلا بدا كيصوني و يدق بجهد حتا حلات ليه عايدة شدها من عنقها قجها )
امير: صافي وصلتي لداكشي لي بغيتي هاهيااااا مااااتت بنتي ماااااتت
عايدة شادة ليه ف يديه كتحااول دفعو حتا كانت اتخرج ليها الروح عاد طلقها
امير: انا ماشي قتااال فحالك دكشي علاش انخلي ربي هو لي يحاسبك منبغيش نشوفك غدا ف جنازتها
خرج امير زدح الباب و خلى عايدة طايحة للارض مصدومة من هضرتو مبغاتش تدخل ليها لراسها بنتها ماتت ناضت بشوية عليها و كتشوف ف جيهة بيت احسان مشات طلعات بشوية فحالا ماواقع والو حلات الباب و بدات كتعيط عليها
عايدة: احسان بنتي فينك اجي عند ماما توحشاتك فينك احبيبة(جلسات فوق سيريها و هزات واحد المونيكة كانت تما) بنتي ل حبيبة فيك الجوع صافي متبكيش ها ماما اترضعك (جبدات بزولتها و بدات كترضع المونيكة لي كتبان ليها فحال بنتها احسان ملي ياله تزادت) صافي شبعتي اماما ياله دابا خاسنا نعسو اووبا(حطاتها فوق السرير ه تغطات هيا وياها) نغني لحبيبتي باش تنعس نيني يا مومو حتا يطيب عشانا و ايلا مطاب عشانا يطيب عشا جيرانا... بقات علا هاد الحال حتا داها النعاس
فيصل ملي جرا علا احسان بقا فيه الحال علا هاد المعاملة لي عاملها بيها برد فيها عصبيتو هي غير عتارفات ليه بمشاعيرها هو لي غلط حيت خبا علا ياسمين كان عليه يعاود ليها كلشي باش مايوقعش كاع هادشي لي وقع ولكن ماشي هو بوحدو لي كان السباب ف موت احسان ...احسان مشات ضحية الاهمال ديال واليديها و بالخصوص الام ديالها لي ولات دابا فحالة يرثى لها كاع داكشي لي كانت كتبنيه هاد السنين وهي بعيدة علا ولادها كلشي مشا الشهرة و الفلوس و الصحابات كلشي بعد منها فحالا ولات ميكروب حتا من راجلها خلاها حالتها النفسية تدمرات وباش عرفات بموت بنتها و بانها هي السباب فيه زادت دمرات ...
اما امير ف عيط علا ولدو حسام باش يحضر لمراسم دفن اختو حتا هو تصدم بالموت ديالها و جا ف اول طيارة هو و خطيبتو ايمان (حسام مشا لندن يكمل قرايتو و تلاقا ب ايمان لي حتا هي مشات لنفس الهدف بغاو بعضياتهم و خطبها من عائلتها لي ساكنة معاها تما و هادا اخر عام و يتخرجو حسام كيقرا الهندسة و ايمان الطب ) ملي وصلو للمغرب مشاو لفيلا ديال واليديه بقا كيصوني و حتا حد مكيجاوب بقاو علا داك الحال بزاف حتا عيط علا باه لي جا عندهم
امير معنقو و كيشم فريحتو و الدموع ف عينيه : حمد لله على سلامتكم
حسام : الله يسلمك الواليد
ايمان: الله يسلمك اعمي
امير: اجيو ندخلو
حسام: فينها الواليدة
امير : اتكون ف بيتها
حسام: مزال ممتيق هادشي لي وقع علاش دارت فراسها هادشي اكيد وقعات معاها شي حاجة ميمكنش غي البعد د الواليدة لي يدير ليها هاكا
امير: لي نتا معارفوش ان الواليدة ديالك خانتني و شي حد صورها و نهار العرض شافها كلشي ايكون هادشي لي زاد عليها
طلع حسام لبيت ختو لقا ماماه معنقة المونيكة و ناعسة بدا كيحرك فيها باش تفيق
عايدة ش شكون نتا و شنو باغي مني انا و بنتي سير فحالك سيييير بنتي مغنخلي حتا حد ياخدها من عندي بعدو منا و خليونا ف تيساع(رجعات كتهضر مع المونيكة) متخافيش ابنتي مغنخليكش فالخيرية اتبقاي معايا
حسام مصدوم من هاد المنظر لي كيشوف قدامو ها الام ديالو حتا هي ضاعت مشا بخطوات متسارعة طل علا باباه و ايمان و اشار ليهم بيدو باش يطلعو ... طلعو وشافو عايدة شادا المونيكة و كتهضر معاها و تضحك شافتهم و هي تخبيها وراها: بعدوووو مني و من بنتي متاااخدوهاش ليا عافاكم بنتي خليوها ليا
ايمان: كنضن خاسكم تديوها لشي مصحة دفيا قبل مادير شي حاجة ف راسها
امير بقات فيه واخا دكشي لي دارت فيه ولكن عمرو ينسااا انو كان كيبغيها و تبغيه واحد الوقت
امير: انا غنتكلف سيرو نتوما تسناوني لتحت
حسام و ايمان: واخا
مشا امير جلس حداها : شنو سميتها
عايدة: احسان شوف زوينة بزاف ياك
امير كيبكي: اه زوينة بزاف
عايدة: علاش كتبكي واش حتا نتا بغيتي تكون عندك بنت هاك هزها شوية
امير كيمسح دموعو و جبد تيليفون عيط علا مصحة الامراض العقلية لي جاو و بغاو يلبسوها هديك الطابلية بقات كتغوت ليهم و تنتف ف راسها و ضربهم حتا دقو ليها واحد البرا عاد ترخات و داوهاا
فاق فيصل و مشا لدار ياسمين يعاود يهضر معاها علا الله ترجع ليه ... وصل تلاقا معا البنات ف الباب شافو فيه شوفة د القتيلة
فيصل: فين ياسمين
سناء: مكاينااش
فيصل كلموها ليااا بغيت نهضر معاها
سناء: رااه قلنا ليك مكايناش
فيصل: انا عارفها كاينة هنا ياااسمين
حنان: هيه باركة من الشوهة و ياسمين صافي مشات من هنا
فيصل: كيفاش مشات فين مشاات
حنان: معرفنااش فقنا لقيناها جمعات حوايجها و مشات و خلات هاد التيليفون
فيصل: ايلا عيطات ليكم شي نهار قولو ليها بلي غانبقا نبغيها طول حياتي و غانبقا نتسناها حتا ترجع ليا (مشا)
مريم: معرفتش علاش ولكن انا متيقا فيصل مكيبانش يقد يخونها مشفتوش عينيه لي دمعو ملي عرفها مشات اكيد كاين شي سوء تفاهم
سناء: زيدي زيدي راه كلهم فحال هاكااا
مشا فيصل وهو مقرر بلي يكمل خدمتو و يحقق حلمو "يدير مطعم ديالو" و يبقا يتسنا ياسمين ترجع ليه وصل للمطعم لبس طابليتو و بدا ف خدمتو حتا سمع...
...: شفتي هاديك لي نتاحرات
... : شكون هي
....: بنت بنيس شنوو سميتهااا ياربي اه احسان تلاحت لبارح من لقنطرة
فيصل خرجو عينيه ملي سمع هادشي و سولهم باش يتاكد
فيصل: واااش احسان بنت اميير لي عندو شركة ديال الازياء
...: اه هي واش كتعرفها راه ليوم ايدفنوها
حيد طابليتو و خرج بالجرا للمقبرة لي فالمدينة ..وصل لقا ناس مجمعين ف واحد البلاصة بدا كيقرب شوية بشوية حتا بان ليه امير جالس كيبكي و كيرميو التراب على قبرها نزلات دمعة من عينو و تفكر الهضرة لي قال ليها "فحالك خاسهم يموتو"
فيصل: سمحيلي ا احسان انا سباب عمري نسامح راسي
رجع بخطوات تقال و كيلوم راسو علا الهضرة لي خرج
خداو عايدة للمصحة و مشاو للمقبرة باش يدفنو احسان كانو حاضرين الاقارب و شي جيران و صحاب امير ... كملو الدفن و بداو كيمشيو شوية ب شوية ايلا امير لي بقا جالس حدا قبر بنتو كيدعي معاها بالرحمة و يربي يسامحها حتا تحطات يد على كتفو
وفاء(خت امير): نوض اخويا باركة عليك من البكا راه غي متعدبها
امير: مزال ممتيق اختي
وفاء: هادشي لس عطا الله اخويا اشنو بان ليك تجي معايا للقرية تبدل الجو شوية
امير: شنو غندير تما
وفاء: اترتاح اخويا هنا غاتبقا تفكر بنتك و مراتك هاولدك ايرجع حتا هو لبرا و اتبقا غي بوحدك اجي غي دوز يومين ايلا معجبكش الحال رجع
امير: واخا واخا
وفاء: ياله نمشيو تجمع حوايجك
ناض امير و بقا كيشوف ف قبر بنتو حتا جراتو ختو مشاو للفيلا جمعو حوايج امير و وصل ولدو و خطيبتو للمطار و مشا هو مع ختو للقرية
ياسمين: ماااماااا فين هي صندالتي
حياة: كاينة غي تما قلبي مزيان
ياسمين: شوفي كيجيت
حياة: كتحمقي تبارك الله عليك علا الله تلقاي تما شي عريس
ياسمين: مامااا راه قلت ليك انخوي راسي من هادشي دابا خاسني نديها ف قرايتي و نشد الباك
حياة: لي بغيتي ابنتي ياله زيدي حتا انا واجدة باباك من صباح و هو يتسنا
خرجات ياسمين و حياة عند حسن كانو معروضين لعرس ولد عم ياسمين لي كانت اتزوج بيه لبسات ياسمين قفطان ف الشيبي و حزام ف الفضي و صندالة ف نفس اللون خلات شعرها مطلوق و دارت شوية ديال الماكياج ... وصلو للعرس شدو بلاصتهم دخلو العرسان و طلقو الشعبي و ناضت الحيحة💃💃
وصل امير للقرية عجبو الجو تما و الهدوء لي كاين و قال بلي هاد الجو يقد يعاونو ينساا دخلو للدار و مشا امير ينعس حيت عيا مع الطريق و الصوكان
فيصل: دابا واش غنمشيو نبداو الاجرائات باش نكري من عندك المطعم ولا نبقاو نتجمعو هنا النهار كامل
شهد: بلاتي مالك زربان خاسك دوق الحلوى ديالي بعدا اتكون مزال مافطرتي ياك انا غنوجد كاس د اتاي و الحلوى(مشات)
فيصل: الله يصبرني بااين العربون من دابا
شهد: هااانتااا دوق ورد علياا احي نتا طباخ ياك
فيصل بدا يدوق و حرك ليها راسو بمعنى اه
شهد: هي خاسنا ندوقو من يدك شي حاجة امم واش موهبة ولا قريتي عليها
فيصل: بزوج
شهد: انا بابا لي علمني ملي كنت صغيرة و هاداك المطعم لب غتكري ديالو هو باش بدا و دابا عندو نطعم اخر كبير و انا درت هدا ديال الحلويات حيت هوما لي كنبدع فيهم عجباتك الحلوى ياك
فيصل: اه(شحال فيها ديال الهضرة🐸)
شهد: باينة فيك معزيزش عليك تهضر بزاف لمهم كمل حلوتك علاما نجيب الوراق و رد بالك من المحل انا غي لفوق
بعد دقائق رجعات شهد هازا لوراق فيدها
شهد: ياله ياله و نتا طحتي فالحلوة طول و عرض هههه
فيصل: الصراحة الله يعطيك الصحة
شهد: شتي قلتها ليك ههه (خرجو من المطعم و سدات الباب) دابا غانمشيو نشوفو المطعم بعدا نشوفو من الداخل كيف داير هو راه خاسو شوية د الاصلاحات نعاونك فيهم ماشي مشكل و من بعد نمشيو نقادو الوراق و تاخد الساروت
فيصل:واخا
مشاو للمطعم فيصل عجبو واخا صغير وكيف قالت شهد خاسو الاصلاحات من بعد مشاو يقادو الوراق تافقو علا الخلاص و خدا الساروت
شهد: اتبدا غدا ف الاصلاحات
فيصل: اه
شهد: تبغي نجي نعاونك
فيصل: لا بلاما تعدبي راسك داكشي مكتيرش بزاف
شهد: اللي بغيتي
ورات ياسمين امير القرية كاملة مارجعو لدار وفاء حتا قرب يظلام الحال
وفاء: علا سلامتكم تعطلتو
امير: هادشي عندكم زوين بزاف اختي كون قلتيها لي نجي من شحال هادي
وفاء: ايوا حتا دابا راك جيتي و مغتمشيش بيديك خاويين(كتشوف ف حياة و يضحكو)
حياة: اوا ياله حنا غانمشيو نتشاوفو من بعد بسلامة
امير و وفاء: بسلامة
مشات ياسمين و ماماها لدار وجدات حوايجها لغدا و كتوباتها تعشات و نعسات
صباح جديد🌞
فاقت ياسمين علا صوت مها ناضت غسلات وجها و لبسات سروال دجين كحل و تيشورت بيضة كونفيرس بيضة جمعات شعرها و هزات شكارتها .. فطرات و خرجات لمدراستها ... دخلات لاول حصة كانت فحال الاطرش ف الزفة غابت جوج سيمانات مشا ليها كلشي و فاتوها بزاف حاولات تركز وتشد واخا غي شوية .. سالات السوايع د صباح و رجعات لدار طالع ليها دم ..دخلات ولاحت شكارة
العشيقة الصغيرة الجزء الثالث
محتوى القصة
التنقل بين الأجزاء