رجع فيصل للمطعم ديالو و بدا كيقاد فيه خاصو شحال من حاجة يتسبغ و يبدل لمطيريال ..بدا بتحياد داكشي لي فيه دخلو لداخل شطب الارص و بدا كيحك فالحيط بقا كيخدم حتا عيا و نعس تما نيت مقدش يمشي لدارو ... فاق علا صوت الدقان حل الباب لقا شهد
شهد: وشنو فيها ايلا عاونتك و زايدون هادا كان مطعم ديال بابا اكيد انبقا نجي نشوف كيغاديا الخدمة فيه و المطعم ديالي كاين لي يقابلو ياله كمل فطورك باش نكملو هدشي (ناضت لبسات طابلية كانت تماك و بقات كتشوف فيه و تضحك)
امير: لا دابا خاسك ترجعي لدار و تعاودي هدشي لي درنا ليوم حتا لويكاند و نخرجو
ياسمين: ان شاء الله انا غنكشي دابا
امير: تبغي نمشي معاك
ياسمين: لا بلاش حنا ساكنين غي هنا حداكم
امير: واخا تصبحي على خير
ياسمين: تصبح على خير
رجعات ياسمين لدارهم تعشات و مشات لبيتها هزات تيليفونها و عيطات لحنان
ياسمين: الو
البنات: ياسمييييين
ياسمين: توحشتكم
سناء: كون تشوفي حناااا
ياسمين: لباس عليكم بعدا
البنات: لبااس و نتي
ياسمين: لباس عندي ليكم شي خبار
حنان: قووولي
ياسمين: عرفتوو شكون كاين فالقرية
البنات: شكوون
ياسمين: امير بنيس
سناء: شنوووووو
ياسمين: ناري صمكتيني
مريم: واش بصح
ياسمين: اه بصح و الاكتر هو جالس عند ختو و ختو صاحبت ماما الروح بالروح
حنان: اشنو غيكون مشا يدير تما
سناء: ايكون مشا ينسا موت بنتو و مراتو لي حماقت اه فخبارك اياسمين عايدة حماقت و داوها لسبيطار الحماق
ياسمين: اه قالها ليا
سناء: هاي هاي نتوما جلستو و تجمعتو شتي ياك قلتها ليك النهار الاول اطيحي امير بنيس و فحال والو عرفك كاينة تما و تبعك
ياسمين : اش كتخربقي ا سناء واش السيد ياله ماتت بنتو و باغاه يفكر هاكا
حنان: ماديش على هاد الهبيلة
ياسمين:احم البنات واش كاين شي خبار على فيصل؟
ياسمين: احم البنات واش كاين شي خبار على فيصل
مريم: ا..
سناء قاطعاتها : لا من نهار مشيتي ما رجع
ياسمين: انا اي حمارة مزال كنفكر فيه
حنان: ديها ف قرايتك ا ياسمين
ياسمين: دكشي لي اندير تصبحو على خير
البنات: وانتي من اهل الخير
قطعات معاهم و تخشات ف بلاصتها كتفكر حتا نعسات
مريم: علاش مخليتينيش نقوليها راه جا و سول فيها
سناء: باش تخلي قرايتها و تسنا فيه يرجع ليها خليه هكا اتنساه
مريم : هاكا راكم كتقتلو حبهم
حنان: اشمن حب حتا نتي كون كان يبغيها كاعما يكدب عليها و يجلس يتباوس معا لاخرا
مريم: الله يرحمها
تغداو فيصل و شهد و رجعو كملو الصبيغ صبغو الحيط بالازرق مفتوح و دارو فيه شي تويشيات بان ديال البحر حيت قرر يديرو ديال الاسماك
فيصل: غدا خاصني نمشي نجيب المتريال
شهد: نمشي معااااك
فيصل: واش نتي معندك مايدار
شهد هزات كتفها: خليك انا كنت ناويا نديك لواحد البلاصة كيبيعو فيها دكشي زوين و رخيص و لكن نتا مابغيتيش ضبر راسك
فيصل: واش بصح ولا غي كتفلاي
شهد: وا بصح
فيصل: صافي انديك معايا
شهد: راه انا لي انديك معايا ههههه
فيصل:وا لموهيم ياله انا خاسني نرجع لدار ندوش و نرتاح حتا لغدا و نكمل دكشي لي بقا مبقاتش شي حاجة كتيرة و ملي نسالي اندوز عندك صافي
شهد: واخا ياله انا مشيت
فيصل: شهد
شهد ضارت : ووي
فيصل: شكرا 😉
شهد ب بتسامة: العفو
صباح جديد 🌞
فاقت تاني ياسمين على صوت مها ناضت غسلات وجها لبسات كسيوة فالكرونة نص كم و حد الركبة منقطة بالكحل و بالغينة فالكحل شعرها جمعات منو شوية هزات شكراتها فطرات شوية و مشات لمدراستها ..قرات هاد الحصص عادي بعد ما ولات غادا معاهم سالات الحصص لي عندها و خرجات مع 12 تمشات شوية حتا وقفات قدام المقهى لي كانت كتجلس فيه مع فيصل هبطات دمعة مسحاتها دغيا ياله ضارت و لقات امير موراها
امير: ياسمين
ياسمين: اه امير شنو كدير هنا
امير: قاتلي وفاء بلي كاين هنا شي حد كيصايب شوارمة زوينة بزاف
ياسمين: اه هو هدا
امير: ياله اجي انا عارض عليك
ياسمين: لا انا خاسن...
امير: حشومة ترفضي العراضة
ياسمين: امم واخا
دخلو و خداو بلاصة جلسو فيها
امير: قولي ليا هاد البلاصة فكراتك فشي حاجة
ياسمين: لا علاش سولتي
امير: حيت قبيلة شحال ونتي واقفة كتشوفي هنا و طاحت دمعة من عينك و مسحتيها دغية
ياسمين: بصراحة هاد البلاصة كنا كنجيو ليها انا و فيصل
امير: ملي موحشاه لهاد الدرجة علاش متعطيهش فرصة
ياسمين: حيت انا باغا نساه خاصني نساه هو ميستاهلش نعطيه فرصة اخرى
كملو و فطورهم و مشاو لسوق كان خاص بالاتات المستعمل و لكن دكشي زوين بقاو كيضورو شحال حتا لقا فيصل دكشي لي كيقلب عليه جاب شاحنة باش توصل ليه دكشي للمطعم مشا معاهم و شهد تبعاتو ب طونوبيل ..وصلو للمطعم كانت العشية بداو كيقادو فدكشي حتا ظلام الحال
شهد: غدا غدير الافتتاح؟
فيصل: اه
شهد: ولكن مزال ملقيتي خدامة
فيصل:مخاصنيش بزاف جوج يسربيو و جوج يعاونوني فالمطبخ
شهد: خاصك دير اعلان لمهم انا غنتكلف بيه و غدا انعاونك فالافتتاح
فيصل: انا شاك واش هداك المطعم ديالك ولا هادا
شهد:واقيلة كنتي باغي تقول شكرا
فيصل: شكرا 😉
شهد:ياله اجي نوصلك معايا للدار
فيصل: لا انا غنبات هنا
شهد: واخا تصبح على خير
فيصل:وانتي من اهل الخير
صباح جديد🌞
فاق فيصل بكري و مشا لسوق يتقدا دكشي لي خاصو رجع لقا شهد كتسناه
مشات ياسمين لدار وفاء حلات الباب و داخلة كتغني كتقلب علا بيتها
ياسمين: يكون هو هادا نشوفوو
حلات الباب وحلات معاه فمها كان امير عريان ياله خارج من الدوش داير فوطة علا نصو
ياسمين سدات عينيها بيدها🙈:سمحلي سمحلي كان كيحساب لي ديال خالتي وفاء(خرجات كتجري)ويلي ويلي شنو درت اياخد عليا نظرة خايبة ويلي اشداني ندخل لهنا شنو ندير داباا نزيد نقلب ولا نرجع ولكن خالتي وفاء بغات تيليفونها
امير حل لباب كان لبس حوايجو تيشورت فالكري و شورط حد الركبة فالزرق بارد
امير: ياسمين مالك شنو كديري هنا
ياسمين: ا ا انا امير سمحلي انا مكنتش باغا..
امير: ماوقع والو
ياسمين: انا كنقلب على تيليفون خالتي قاتلي ف بيتها
امير: اه راه هو
ياسمين:واخا شكرا
امير: نمشيو ليوم لسوق و نهبطو لداك البحر؟
ياسمين : اه واخا اندي لخالتي تيليفون و نبدل حوايجي و نعلم ماما و نجي
امير: واخا 😃
شهد و فيصل ف المطبخ كيوجدو الماكلة لي غايديروها فالافتتاح لي غتكون فيه الماكلة فابور ..
شهد: غدا غيجيو الخدامة
فيصل: امم شي وحدين مزيانين
شهد: اه كون هاني .. بلاتي نقطع ليك هادي و سير شوف دكشي لي فالفران
بقاو خدامين و كل ما كتقرب ليه شهد كيحس كتجي فبالو ياسمين مقدرش يحيدها من بالو ولو غي لحظة باقي كيتسنا ترجع ليه و خايف متعطيهش فرصة اخرى و هو ماباغيش يعطي فرصة لراسو يعرف شي وحدة اخرى خايف من القرب د شهد خايف يولي يبغيها
سناء:شوفو هاد المطعم داير الماكلة فابور
حنان: نيت انا فيا جوع
مريم: حتا انا
سناء: اوا ياله نعمرو الكريشة
(دخلو)
سناء:امم هادشي زوين ياربي تكون الماكلة زوينة حتا هي
مريم: ياله نجلسو بعدا
(جلسو)
سناء:اوا مكاين لي يحاشيها لينا هاه شوفو شكون😱
حنان و مريم: فيصل😱
شهد: السلام البنات مرحبا بيكم
سناء: ختي نتي هي مولات المطعم
شهد: لا راهو مول المطعم(اشارت ل فيصل)
سناء: هاي هاي سيهم فيصل ماترفح حتا مشات ياسمين
شهد: سمحولي واش كتعرفوه و شكون ياسمين
سناء: ماشي شي حاجة مهمة لمهم ختي شنو كتقدمو
شهد: كاين*****
حطات ليهم الغدا و مشات
سناء: باينة هادي صاحبتو شتو كيدارت باش سمعات ياسمين
مريم :اتكون غير خدامة معاه
حنان: الله اعلم
رجعات ياسمين لدار عطات التيليفون ل وفاء و علمات ماماها بلي اتخرج مع امير
وفاء : كي بان لي بلي بلاما نعدبو راسنا كيتقربو من بعضياتهم بوحدهم ههه
لبسات ياسمين كسوة صيفية ف الموف و فيها وريدات صميطات و قصيرة و بالغينة فالباج طلقات شعرها و خرجات عندهم
حياة: تبارك الله على بنتي كتحمق
وفاء: جيتي زوينة ولكن كون غير درتي شوية د الماكياج
ياسمين :ا خالتي وفاء راه غاديين غي لسوق ماشي للعرس و زايدون راه تعطلت بزاف انا غادة بسلامة
حياة و وفاء: بسلامة
مشات لدار وفاء لقاتو كيتسناها حدا الباب
امير: هادي هيا دغية عندكم هههه
ياسمين : هههه مشيينا؟
امير: مشينااا
مشاو على رجليهم لسوق شحال و هوما يقلبو علا الماطر حتا خدا امير واحد فالصفر مفتوح ماركة عادية خلصو و ركبو عليه شدو الطريق للبحر
امير: واش قربناا
ياسمين: مزال راه قلت ليك بعيد شوية
امير: شدي مزيان انزيد فالسرعة
كانت ياسمين فلول شادا ليه غي ف طرف من تيشورت و ملي قالها ايزيد فالسرعة عنقاتو من كرشو و حطات راسها على ظهرو ..امير بتاسم لا اراديا لهاد الحركة لي دارت
وصلو لبلاصة لي فيها لبحر و حداها كاينين دوك العربات لي كيبوعو الماكلة و بما ان هاد البحر خاص بالصيد ف كيبيعو تما الحوت مشيو ...مشاو امير و ياسمين جلسو تما تغداو هو لول
ياسمين كتشوف فالبحر: مكرهتش نتعلم نصيد باش كنت صغيرة كان كيجيبني بابا معاه
امير: شنو بان ليك نعلمك
ياسمين: كتعرف؟
امير : معلوووم اجي ناخدو شي باطو و ندخلو نعلمك (فتح ليها يديه باش تشد فيه)
ياسمين شدات ليه فيديه و هي مبتاسمة: ياله 😃
مشاو كراو واحد الباطو صغير ديال الصيد نيت و فيه هادوك الادوات ديال الصيد ...ركبو فيه و امير تكلف بالقيادة
امير: خاص ندخلو لداخل تما كيكون الحوت كتير
ياسمين: مكرهتش نبقا هكا وسط البحر كون غير كنت حوتة ههه
امير: ههههههههههههههههه حمقة
وقف امير الباطو و بدا كيصايب دكشي باش يصيدو و ياسمين واقف ف الحافة ديال الباطو حتا حسات بشوية د دوخة و طاحت ... سمع امير داك الصوت ضار ملقاش ياسمين و هو ينقز يقلب عليها
غطس امير و لقاها سخفانة طلعها لباطو و بدا كيضرب ليها ف صدرها باش تخرج لما مابغاش و دار ليها تنفس اصطناعي عاد خرج لما و فاقت
امير بخوف: ياسمين لباس؟
حركات ليه ياسمين راسها بمعنى اه
امير: انا غنرجع لباطو
رجع امير لباطو للشاطئ و كل شوية كيطل على ياسمين لي ولات صفرا .. رد الباطو لمولاه و هز ياسمين بين يديه .. جلسها فوق الموطور و جاب ليها الما
كانو راجعين فالطريق و رجعات عنقاتو و حطات راسها علا ظهرو حتا داتها عينها ...وصلو مع العشية جا يهبط لقاها ناعسة بقا ساهي فيهل للحظة ف برائتها و ف جمالها الطفولي هزها بين يديه و دخلها لدار حطها ف واحد الكنابي تما لبسها واحد تيشورت ديالو فوق الكسوة و غطاها ... تحنا علا ركابيه و بقا كيشوف فيها حتا قفزو الصوت
وفاء: اميير
امير: شوو
وفاء بصوت منخفض: مالها 😱
امير: طاحت فالبحر متخافيش موقع ليها والو هي ناعسة دابا خليها ترتاح انا غنمشي نبدل
وفاء: اش هدشي لبستيها تيشورت فوق حوايج فازكين راه غتمرض ياسمين حبيبة فيقي
ياسمين: اي راسي فين انا
وفاء: نتي فالدار عندي اجي نديك عند ماماك خاسك تبدلي حوايجك و تغطاي باش متمرضيش
نوضاتها و وصلاتها لدارهم دخلاتها حياة لبيتها دوشات ليها بما دافي و لبساتها حوايجها و خشاتها ف الفراش
وفاء: اجي نخرجو لبرا
حياة:شنو كاين
وفاء: صافي خويا طاح كون تشوفي على شوفات كان كيدير فيها قبيلة
حياة: زعما بهاد السرعة
وفاء: انا هدشي لي بان ليا لمهم انا غنرجع لدار نتشاوفو من بعد
حياة: بسلامة
كمل امير التبدال و هبط يطل على ياسمين مالقاهاش ف بلاصتها
امير: فين مشات هادي
وفاء: مالك
امير: فينها ياسمين
وفاء: ف دارهم
امير: ياك قاليك متفيقيهاش
وفاء: كان خاسها تبدل حوايجها راه اتمرض
امير: مناش اتكون هديك الدوخة
وفاء: عادي راه كاين الناس لي كيدوخو من البحر اجي شفتك مهتم بزااف ب ياسمين ياكماا...
امير: وفاااااء😡
وفاء: صافي صافي مقتلك والو
شهد: ااه ياربي ظهري تقسم
فيصل: مبقيتش قادر نتحرك
فيصل و شهد ناعسين ف الارض و مسخين حالتهم حالة و المطعم خلاص منظرهم كيضحك
فيصل: واخا الالة نخرجو انرجع لدار نبدل حوايجي و نخرجو
شهد: اه صافي حتا انا غنمشي نبدل دوز عندي للمحل
مشا كل واحد فيهم لدارو دوشو و لبسو .. فيصل لبس سروال دجين تيشورت بيضة و زاد عليها كويرة كحلة و صباط كحل قاد شعرو ودار ريحة..شهد لبسات كسوة طويلة فالكحل سميطات و جاكيط ديال الدجين خلات شعرها على راحتو ريحة و مدارتش المكياج
هبطات لقاتو كيتسنااها ركبو ف طونوبيلتها و مشاو لسينيما ... وصلو ختارو فيلم كوميدي قطعو لي تيكي
شهد: صاففففي باااااركة سير فحالك و متبقاااوش دخلو لي فحياتي واااخااا (خرجات كتجري)
فيصل: غي خليك انا غنتبعها
خرج فيصل لقاها جالسة تما و كتبكي .. هز ليها شعرها و حيد ليها يدها من وجها
فيصل: شهد مالكي (الصمت) ماباغاش تعاوديلي؟ عطيني السوارت
شهد: علاش
فيصل: انديك لواحد البلاصة اترتاحي فيها
جبدات السوارت من جيبها مداتهم ليه خداهم و شدها من يدها دخلها لطونوبيل و ركب هو و ديمارا...
فافت ياسمين فليل شحفانة مشات شربات و رجعات لبيتها بغات تنعس ولكن طار ليها النعاس ناضت لسرجم كطل و تفكرات اليامات لي كانت مع فيصل تنهداات تنهيدة طويلة و جات تسد سرجم و هو يبان ليها امير جالس فالجردة ديال دار وفاء و ساهي
ياسمين: نمشي عندو؟ ويلي شنو يقول عليا خارجة فهاد الوقت ..ولكن خاصني نشكرو على قبيلة اوا صاف حتا لصباح اوووووف
هزات الكاب ديالها دارتو عليها شافت راسها فالمراية و خرجات من السرجم ..مشات لدار وفاء و دقات بشوية .. فاق امير من سهوتو و ناض يشوف شكون ايجي فهاد الوقت ..حل الباب و تفاجئ
فيصل: ياسمييين ا دخلي
ياسمين: سمحلي جيت فهاد الوقت نعست فالعشية و دابا مجانيش النعاس و ملي شفتك من السرجم مزال فايق قلت نجي نشكرك
امير: علاش اتشكريني انا مدرت والو
ياسمين: وايلي علا مدرتي والو نتا نقدتي حياتي
امير: انشوف بعدا واش طلعات ليك الحرارة
حط يدو على جبهتها و ياسمين حسات بتبوريشة عاوتاني هزات عينيها فيه و تلاقاو عينيهم سرحو ف بعضياتهم حتاا...
امير: جات شكراتني على الصباح ياله تصبحي على خير ا ياسمين
ياسمين: تصبح على خير تصبحي على خير اخالتي
مشات ياسمين و مشا امير لبيتو تكا فوق سريرو و يدا يضحك ملي تفكر ياسمين كيدارت باش شافتهم وفاء حس راسو فحالا شي مراهق خارج معا صاحبتو و حصلو باها هههه ...بقا هكاك حتا داه نعاس اما ياسمين فرجعات دخلات من السرجم لبيتها و هي كتقفقف بالخلعة
تلاحت فوق السرير و قاصت جبهتها و بدات كضحك رجعات جمعاتها ملي عاقت براسها
ياسمين: علاش كيوقع لي هكا علاش قلبي كيضرب ملي كتشوفو و ملي كيقرب ليا قلبي كيبغي يسكت و ملي كيقصني خلاص منكونش زعما..؟ لا لا ميمكنش خاصني نحيد هدشي من بالي واحد فحال امير اشنو غايعجبو فيا .. بقات على هاد الحال حتا نعسات
وقف فيصل الطونوبيل حدا البحر و نزل و تبعاتو شهد جلسو تما فوق الصخور و بقا كيتسناها حتا تبدا تعاود ليه
شهد: كان مبقا والو لعرسي مشيت ندير التحاليل ديال العرس و لقيت راسي مريضة انا فيا اللوكيميا(سرطان الدم) ا فيصل ههه الراجل لي كنت انتزوج بيه مشا و خلاني ملي عرفني مريضة
فيصل مصدوم: وعلاش مبغيتيش تعالجي
شهد: خايفة اهى اهئ خايفة ندوز من هداك العداب و يرجع لي المرض عاوتاني
فيصل شد ليها ف يدها: و يقد ميرجعش شوفي نتي خاصك تعالجي اشهد متلعبيش بحياتك هكا
فيصل قاطعها: انا معاك و غنبقا معاك حتا تشافاي كانواعد
شهد: بصح
فيصل شد وجها بين يديه: اه بصح
شهد: علاش ادير هكا
فيصل: حيت نتي عاونتيني بزاف فالوقت لي انا محتاج فيه للمساعدة و جا لوقت لي نرد ليك فيه المساعدة
شهد:ولكن باش نكونو متساويين حتا نتا خاصك تعاود لي كنشوف ف عينيك حزن كبير دارها بيك الحب ياك
فيصل تنهد: اااه على الحب ااه
شهد:شكون هادي
فيصل:ياسمين.. ملي عقلت على راسي و هي معايا كنا ساكنين ف حومة وحدة كنا كنلعبو بزوج مكنتش كنخليها تلعب مع الدراري ههه كانت كتلعب معايا بوحدي كنا كنتخاصمو و نرجعو نتصالحو دغيا ملي كبرنا وليت كنغار عليها بزاف مكنتحملش تهضر مع شي واحد اخر صبرت حتا عييت و عتارفت ليها بحبي رفضاتني فلول واخا حتا هي كتبغيني ولكن كانت خايفة من واليديها بقيت تابعها حتا تصاحبنا ولينا كنخرجو بزوج بتخبية كنا فرحانين بزاف مكرهتش كون بقينا فديك المرحلة و الزمن توقف..من بعد ساليت انا قرايتي وكان خاصني نخدم خدمت تما فالقرية بناي سباغ اي حاجة جمعت صريف و جيت لهنا خديت ديبلوم ديال الطبخ و رجعت للقرية دوزت الصيف مع ياسمين و رجعت لهنا باش نبدا الخدمة هادوك الاعوام لي بعدنا فيهم على بعضياتنا زاد حبنااا فيهم و قوات علاقتنا .. ملي ساليت اول اسبوع فالخدمة هنا رجعت للقرية دوزنا الويكاند مع بعضياتنا و ليلة لي بعدها كنت انرجع طلبت منها تخرج لعندي باش نودعها ... حصلنا باها كنتباوسو و من تما ايبداو المشاكل حبسها ف الدار و دربها عييت نشرح ليه بلي انا باغيها لزواج و كدا و لكن مسمعليش دخلاتني مها هضرت معاها و واعدتها ملي نرجع الاسبوع الماجي انقنع باها ..رجعت لخدمتي و بالي معاها معندي كيندير نوصل ليها و نعرف اخبارها ..حتا لواحد النهار كانت عندنا شي خدمة فواحد الحفلة شفتها تما و تصدمت فهمت من بعد انها هربات حيت كان باها ايزوجها و عاونوها شي بنات حتا خدمات عارضة ازياء باش تولي مشهورة و نوصل ليها دغيا طلبت منها تخرج من ديك الخدمة ولكن مبغاتش بحجة انها اتشد بزاف ديال الفلوس لي ايعاونونا نتزوجو ..من بعد عاونت واحد البنت سميتها احسان هي بنت مدير الشركة لي كانت خدامة فيها ياسمين كنت لقيتها سخفانة حدا البحر و ديتها لمستشفى من بعد قلبات عليا و بقات تابعاني وكان شي عرض ديال هاديك الشركة كنت حضرت ليها و شي حد خدم الفيديو ديال ماماها مع شي راجل اخر(مبغاش يقولها بلي احسان لي خدماتو حيت هو بوحدو لي عارف هاد السر) زادت تازمات حالتها و ديتها معايا لدار بدات كتقرب مني حتا باستني و هدشي شافتو ياسمين من تما تفارقنا مبغاتش تعطيني فرصة نشرح ليها و دابا مشات من هنا معرفتش فين
شهد: ااه و احسان هي البنت لي نتاحرات ياك
فيصل باسف: ااه
شهد: ودابا غتكمل حياتك ولا غتبقا طول عمرك كتسناها و هي عايشة حياتها
فيصل: معرفتش كضني نقد نساها
شهد: تقد تنساها ايلا فتحتي هادا(حطات يدها على قلبو) لشي وحدة اخرى
🌞ياسمين واقفة قدام لمراية لابسة كسيوة صيفية فالكحل و فيها وريدات بالحمر جمعات شعرها لبسات بالغينة كحلة خرجات كتجري لدار وفاء لقات لباب محلول و مكاين حد لداخل حتا سمعات الهضرة الداخل
وفاء: البنت كتعجبك علاش مباغيش تعترف
امير: واش عارفة راااسك اش كتقولي ولا لا هاديك رااهااا قد بنتي الله يرحمها كيفاش بغيتيها تعجبني واش عارفة اش كتخرجي من فمك
وفاء: وشنو فيها ايلا بغيتي وحدة صغر منك الحب مفيهش الكبير و الصغير
امير: الحب؟ عههه بغيتيني نبغي مرة اخرى و نتزوجها و تخوني حتا هي
وفاء: ماشي كاع العيالات فحال عايدة
امير: لا كلهم فحااال فحااال و زايدون باغاني نتزوج بوحدة برهوشة تدوز معايا شي يامات و ترجع لعند حبيبها ياك انا غادي و مخلي ليك هاد الدار جينا نرتاحو صدقتي باغا تلقصي فيا برهوشة
كان خارج حتا لقا ياسمين قدامو و الدموع ف عينيها
ياسمين بعصبية: حتاااا اناا مكنتسناااش من واحد فحالك يبغيييني كتفهم (مشاات كتجري)
وفاء: هادشي لي بغيتي دبا
امير: انا غنرجع فحالي
طلع لبيتو جمع حوايجو هبط لاحهم فالكوفر و شد الطريق للمدينة
اما ياسمين ف رجعات لدار دخلات لبيتها سدات عليها و جلسات تبكي
ياسمين كتبكي:علاش بقا فيا الحال دابا اهئ اهئ هو قال غي الصراحة اهئ اهئ انا مزال غي برهوشة اهئ اهئ
تيليفونها كيصوني 📱
ياسمين كتمسح دموعها:الو مريم لباس
مريم:لباس حبيبة مالك كنتي كتبكي؟
ياسمين: لا لا غي مروحة
مريم: اه لمهم خاصك تجي لعندنا
ياسمين:علاش اش كاين
مريم: كريم خطبنننني 😍
ياسمين: يااااي فرحتييني
مريم: ضروري تجي غدا عارض علينا انا ولبنات و غيكونو شي صحابو منقدوش نمشيو بلا بيك اجي عافاك
ياسمين:كيبان لي ارجع لعندكم ف خطرة مبقيتش قادة نجلس هنا
مريم: علاش اش كاين واش كلشي مزيان
ياسمين: حتا نجي و نهضرو خاصني نمشي نقنع واليديا دبا
مريم: واخا ملي تركبي قوليها لينا باش نتعرضو ليك
ياسمين:واخا سلمي على البنات
مريم:مبلغ
ياسمين:بسلامة
قطعات معاها و خرجات من بيتها لقات باها و مها جالسين ف صالون
ياسمين: يغيت نهضر معاكم
حياة: شنو كاين ابنتي
ياسمين جلسات مقابلة معاهم: بغيت نرجع للمدينة
حياة: و قرايتك
ياسمين: انحبسها
حسن: وعلاش
ياسمين: انا بغيت نخدم
حسن: علاش واش حنا حارمينك من شي حاجة و زايدون خدمي هنا نيت
ياسمين: بابا انا ممرتاحاش هنا و توحشت صحاباتي بغيت نعول على راسي و نبني مستقبالي
ياسمين عناقتهم بزوج: اااه شحال كنحمااق عليكم اناااا غنخدم و نشري شي دااار كبيييرة تماا و تجيو تسكنو معايا 😃
حياة: ان شاء الله
ياسمين:انا غنوض نجمع حوايجي (مشات)
حسن:البنت كانت مزيانة شنو لي خلاها تقلب هاكا
حياة: معرفتش شنو وقع انا غنمشي عند وفاء نجيب شي حاجة
حسن:واخا
وفاء: كلشي مشا ف 0
حياة: حتا خوك معرف امتا يقول ديك الهضرة حتا كانت هنا
وفاء: زعما يقدو يتلاقاو ف المدينة
حياة: وشكون عرف
وفاء: انا عارفة خويا مزيان ديك الهضرة لي قال ماشي من قلبو هو بصح كتعجبو علاش كي نكر الله اعلم
جمعات ياسمين حوايجها و مشاو معاها واليديها للمحطة توادعات معاهم بالدموع و عيطات للبنات باش يتلقاو ليها ...وصلات فالعشية نزلات لقاتهم كيتسناوها .. مشات كتجري عنقاتهم
ياسمين: يااه شحال توحشتكم
حنان: حتا حناا توحشنااااك بزاااف
سناء: كيبان لي عندك شلا ما تعاودي لينا
ياسمين: واايه يالاه نمشيو دغيا فيا الجوع
مريم:متخافيش موجدة ليك شي شهيوات
ياسمين: مبرووك عليك احبيبة
مريم : الله يبارك فيك
رجعو البنات لدار كلاو و تجمعو فالصالون باش تعاود ليهم ياسمين
سناء:زعما مايكونش قال ديك الهضرة غي من فوق قلبو
حنان:وشكون ايعرف
ياسمين: بقا فيا الحال بزاف واش بصح انا برهوشة
سناء: طحتي ا صكعة
ياسمين: اش كتقولي سكتي سكتي
سناء:كون مطحتيش فيه كون راه مبقاش فيك الحال
حنان: صافي اسناء خلي البنت تمشي تنعس اتكون عيات
ياسمين: اه بصح انوض نعس بونوي
البنات: بونوي (مشات)
مريم: البنات نقولو ليها على فيصل
حنان: ويااك تجبدي ليها سميتو حنا بزز باش قلنا نساتو
سناء:انا منضمنش ليكم راسي هههه
مريم: نوضو حتا حنا نعسو راه غدا عندنا مايدار
امير شاد الطريق و معصب و مخربق مكانش باغيها تسمع منو ديك الهضرة هي بصح كتعجبو ولكن خايف تكون فحال عايدة بالخصوص انها صغيرة عليه بزاف و باقا طايشة ... وصل للمدينة و مشا لدارو خاوية مقدش يجلس فيها دخل لبيتو و جا قدام عينو الفيديو ديال عايدة سد الباب و مشا لبيت احسان خدا واحد الكسوة ديالها و نعس فوق فراشها معنقها
فاق فيصل لبس حوايجو و مشا عند شهد لقاها فالمطعم ديالها فطرو بزوج و شدو الطريق للمشفى ..وصلو و دخلو عند الطبيب حيت عندهم موعد
الطبيب: تفضلو..لي فهمت من هضرتك ف التيليفون انك قررتي تعالجي
شهد مخلوعة: اه
الطبيب: كنتمنا متكونيش تعطلتي بزاف دابا غانديرو شي تحاليل و نشوفو المرض فين وصل
شهد متوترة: شنو غايكون العلاج
الطبيب: على حساب التحاليل تقدي تعالجي بالشيميو و ايلا تطور المرض ايخصنا نزرعو ليك النخاع العضمي هي عملية ساهلة متخلعيش ولكن ايكون عندنا مشكل فالمتبرع خاص يكون شي حد قريب ليك باش تكون نتيجة متطابقة الاخوة ديالك اولا الاب ديالك على العموم خاصنا نديرو التحاليل بعدا
العشيقة الصغيرة الجزء الرابع
محتوى القصة
التنقل بين الأجزاء