مشاو شهد و فيصل يديرو التحاليل و رجعوهم لعند الطبيب باش يشخص حالتها
الطبيب:الحمد لله المرض متطورش بزاف ولكن خلسنا نبداو الشيميو ف اقرب وقت
فيصل: من ليوم
شهد: لا حتا لغدا ياله نوجد حوايجي
فيصل: شههد
شهد: فيصل عافاك
الطبيب: ادن غدا نبداو انجلسي هنا طول فترة العلاج و الزيارات ايكونو محدودين مفهوم
شهد: مفهوم
ودعو الطبيب و خرجو ساق فيصل للمطعم ديالو حلو و عيط علا الخدامة يجيو باش يبداو و هو جلس معا شهد
فيصل:علاش مبغيتش تبداي من ليوم
شهد: حيت بغيت ندوز معاك هاد النهار قبل منتحبس تما
فيصل شد ليها فيدها:نتي غتشافاي واخا
شهد بدات كتبكي: سمحلي افيصل هدشي لي كندير ماشي بيدي نتا مخاصكش تعلق بيا مخصكش تعلق بوحدة وقتها قصير فهاد الدنيا
فيصل: شووو متقوليش هكا الاعمار بيد الله متعرفي نمشي انا قبل منك ..قولي لي هيا اتوجدي لي شي مفاجئة اليوم(بغا يلطف الجو)
شهد: امم سمعني مزيان اتكمل خدمتك و اترجع لدار تقاد حالتك 10بغيتك تكون عندي فالمطعم واخاااا
فيصل:واخااا
شهد:ياله باي باي
فيصل:باي
ناض فيصل يوقف على الخدامة و بداو الناس ميجيو شوية بشوية فرحان انو حقق حلمو و فنفس الوقت مشوش من جيهت شهد
فاقو البنات كل وحدة مشات لخدمتها الا ياسمين لي صبحات ناعسة... فاقت غسلات وجها فطرات و جمعات الطابلة ..عيطات لوليديها تطمنهم عليها سالات ولاهات راسها مع التلفازة حتا جاو البنات فالعشية
حنان:اوا شنو درتي ليوم
ياسمين: والوووو الملل خاصني نبدا نقلب على خدمة
سناء:اش اتخدمي الناس ب شهادتهم و ملقاوش خدمة
مريم: خليها تقلب علا الله تلقا شي حاجة
سناء: حتا ايلا مالقيتي والو سيري عند فيصل يخدمك فالمطعم ديالو ميقولش ليك لا 😂
عاقت براسها اش قالت و جمعات الضحكة و البنات كيتحلفو فيها
ياسمين:كيفاااش اينا مطعم
سناء: بصراحة فيصل شرا مطعم خدام فيه هو و صاحبتو الجديدة خايبة ماعرت اش عجبو فيها
ياسمين بحزن: شراه بالفلوس لي كان كيجمع لعرسنا
سناء: صافي كيفما هو نساك خاصك حتا نتي تنسايه
حنان:سناء عندها الحق نسايه عليك و يكون خير فالخدمة نوضو دابا نوجدو راسناا
امير فاق بكري بدل حوايجو دغيا و خرج من دار عيط علا واحد السيد كيعرفو قاليه يبيع الفيلا و هو مشا لواحد ل اوطيل حجز و طلع لبيتو دوش و لبس ملابس رمزية كومبلي كحل و قميجة بيضة ساعة و صباط كحل قاد شعرو و لحيتو دار ريحة و خرج مشا لشركة لي ولات خاوية عيط علا صاحبو سعد لي جا عندو فالبلاصة
سعد: وافين ا امير غبرتي
امير: كنت كنرتاح شوية
سعد: و رتاحيتي
امير: الحمد لله
سعد:شنو غدير ف هاد الحريرة هادي
امير:خاصني نعاود من لول
سعد:صعيب بوحدك
امير:نتا معايا بعدا
سعد:معلوم اصاحبي عاد كتسول انا غنقلب ليك علا شي كاتبة بعدا و ندير اعلانات للخدامين اجي علاش متعيطش لحسام يعاونك
امير:اش غيفهمو هو ف هادشي
سعد:خاسو يتعلم و زايدون راه سالا قرايتو ياك دابا غي مدوز العطلة خاسو يوقف معا باه
امير:دابا نهضر معاه
سعد:ياله انمشي ندير دكشي لي قلت ليك
قادو البنات راسهم #حنان لبسات كسوة طويلة فالكحل بسميطات و عريانة من الظهر صايبات شعرها و طلقاتو ودارت ميكاب خفيف
#سناء لبسات جامبسوت فالبلو ماغين جمعات شعرها كوب شوفال و دارت حوالق طوال و ميكاب تقيل
#مريم لبسات كسوة قصيرة فالحمر هابطة من الكتاف بوكلات شعرها و طلقاتو و ميكاب خفيف
#ياسمين لبسات كيوة فالكحل قصيرة و بلا سميطات و دارت كوليي تقيل بوكلات شعرها و جمعاتو و دارت ميكاب تقيل
خرجو البنات كيف العادة كيتسناهم كريم مشاو لواحد ل اوطيل فخم دخلو لريسطو ديالو كان علا برا فالهوا شدو طابلة كبيرة و جلسو معاهم صحاب كريم كانو تلاتة فؤاد و جمال و عادل تعارفو علا بعضياتهم و طلبو العشا
سالا امير خدمتو و رجع ل اوطيل يرتاح بدل حوايجو و جلس يخدم فالبيسي كيقلب علة شي طريقة يوقف بيها الشركة على رجليها حتا عيا و نزل لتحت يتعشا دخل لريسطو و شد بلاصة طلب العشا و بقا كيتسنا حتا لمح ياسمين فلول متيقش هي ولكن ملي دقق عرفعا هي
ياسمين جالسة حدا فؤاد لي محيدش عينو عليها عجباتو بزاف كل شوية يقولها شي حاجة يضحكها و يتغزل فيها حتا وقف عليهم امير
امير:ياسمين واخة نهضر معاك
ياسمين:فاش
امير جرها من دراها نوضها و داها لبرا
ياسمين ربعات يدها:امم شنو بغيتي
امير:اش كديري هنا و اش هاد اللبس و التعكيرة ديااال.. و جالسة كضحكي معا هداك عاجبك الحال
امير غوت:واخاااا تسكتي و تخليني نكمل ..بصراحة اه نتي كتعجبيني و ماشي غي من دابا من اول نهار تلاقينا ف ل اسانسور وكل مرة كنت كنشوفك شي حاجة كتحرك فالداخل ديالي مكنتش باغي ندير اي خطوة حيت كنت راجل مزوج و حتارمت هديك العلاقة واخا هي محترمتهاش .. ماعليناش انا قلت هديك الهضرة حيت خايف نتي متكونيش كتبدليني نفي المشاعر و يكون عندك مشكل انو تكون شي حاجة بيناتنا حيت فارق السن كبير يعني ديك الهضرة انا مكنتش قاصدها (الصمت) اتبقاي ساكتة قولي شي حاجة شنو كتحسي من جيهتي؟
مشات شهد لدارها دوشات و لبسات كسوة كحلة قصيرة كارو من الصدر دارت ماسكارا و عكر حمر ماط نشفات شعرها و صايباتو و رداتو جنب لبسات طالون حمر و هبطات للمطعم كانت وصات البنات يصايبو شي حاجة طلعات على المطبخ لقات كلشي واجد قادات واحد الطابلة بالورد و زوقات بيه الارض و دارت الشموع قادات العشا ف الطابلة و جلسات كتسناه
اما فيصل كمل خدمتو و رجع لدار لبس قميجة بلو ماغين و سروال كحل صباط فنفس لون القاميجة قاد شعرو ودار الريحة و خرج شرا بوكي دالورد الحمر و مشا للمطعم ديال شهد لقا الضو طافي جا يدق الباب لقاه محلول دخل و تفاجئ بالمنظر و كملات عليه شهد لي جايا جيهتو بخطوات تقال
فيصل:هادا ليك 💐جيتي كتحمقي😍
شهد خداتو من عندو و شماتو:شكرا
مشاو جيهت الطابلة كحز ليها الكرسي جلسات و جلس هو مقابل معاها
فيصل:شنو غندير من بعد غدا ولفتك حدايا
شهد:اتبقا تجي عندي قالاك شكون ايونسني
فيصل:راك سمعتي طبيب خاصنا نتبعو التعليمات
شهد:امم كوول بعدا راه هدشي ايبرد
فيصل:واخا الالة
كملو ماكلتهم فجو الضحك و الغزل حتا ناضت شهد طلقات موسيقى هادئة و طلبات من فيصل يرقصو
شهد حاطة راسها على كتفو:عارف بلي هاد هدشي لي كنعيش دبا كيعدبني كتر
فيصل هز ليها راسها لقا عينيها مدمعين:علاش كتقولي هكا
شهد:حيت خايفة منعاودش نعيشو مرة اخرى
فيصل:ضروري تجبدي هاد الهضرة دبا
شهد: واعدني تبقا معايا حتا لاخر نفس ناخدو
فيصل بقا كيشوف ف عينيها شحال لي كيطلبوه ميتخلاش عليها:كنواعدك
طارت عليه شهد باستو و تفاعل معاها حتا هو 💋
امير و ياسمين ف طونوبيل
امير:علاش جيتي لهنا
ياسمين:مبقيتش مرتاحة تما
امير بابتسامة:حيت مشيت انا
ياسمين ضرباتو:معرفتكش انا اصلا مشيتي
امير:امم و شنو غديري دابا
ياسمين:انقلب على خدمة
امير:كون كملتي قرايتك حسن
ياسمين:مابقيتش دايرة راسي ف القراية
امير:اوا شنو بان ليك تولي الكاتبة ديالي
ياسمين:كاتبة كااع ههه اش فهمني انا فدكشي
امير:دكشي ساهل بنادم راه خدام غي بالجبهة و زايدون واش مباغاش تعاونيني
ياسمين:صافي باركة نوضو خليوني نعس راه انبدا غدا الخدمة
سناء:تصبحي على خير ا مدام بنيس هههه
ملي هبطات ياسمين من الطونوبيل امير جاه اتصال من الطبيب لي مكلف بحالة عايدة طلب منو يجي يزورها و قاليه ايدوز غدا ..رجع ل اوطيل دوش و لبس حوايجو تكا فوق السرير و بقا كيفكر ف ياسمين حتا داه النعاس...فاق الصباح لبس تيشورت فالكل و سروال فالكحل و جاكيط فالبلو قاد شعرو و لحيتو دار ساعتو و ريحة و نزل لريسطو فطر و تاجه للمصحة
دخل لعند الطبيب د عايدة جلس معاه و بداو يهضرو
الطبيب:حالتها غادة و كضهور من نهار حطيتوها هنا مازارها شي حد ميكنش تشافا هكا
امير:انا مكنتش هنا دمشي علاش ولكن دابا انبقا نجي نشوفها مرة مرة
مشا امير لغرفة الزيارات و بقا كيتسناها تجي حتا دخلاتها الممرضة ف كرسي متحرك ولات دابلة فين هي عايدة المرأة المتيرة لي كتهتم براسها لي كتنافس الشابات فالجمال ولات كتبان دابا كبر من عمرها
امير:عايدة كيدايرا صافا؟
عايدة:علاش حطيتيني هنا ا امير
امير:باش تعالجي
عايدة:انا ماشي حمقة ا امير مااشي حمقة
امير:الطبيب لي غيقرر هدشي ماشي نتي
عايدة:ههههههههه الطبيب؟الطبيب لي كتقولو يعطيني دوا يحمقني ياااك درتي هدشي باش تبقاا ليك الشركة بوحدك
امير:اينا شركة كتهضري عليها الشركة لي دمرتيها بفعلتك
عايدة:هههههه شنو حسابليك الشركة كبرات ب مجهودك نتا؟ هعههه كااااع هدوك المستثمرين خنتك معاهم ولكن الصراحة (قربات ليه و بدات كتلعب ف لحيتو) انتا حسن منهم بدرجات ا امير كون مبعدتيش عليا مكنتش انخونك
امير ناض:مكرهتش نخنقك بيدي ولكن خليك تعدبي هنا حسن (خرج)
عايدة كتغوت:غااادي نخرج من هناااا ا امير و غاادي نتااااقم منك كتسمممع عمرك تحلم تعيش مرتاح
جات الممرضة رداتها لغرفتها و امير مشا للشركة
اما ياسمين ف فاقت و لبسات حوايجها "سروال كحل و ديباغدوغ بيض و فيست مخططة بالبيض و الكحل و صندالة عالية فالباج و عقيق كحل خلات شعرها مطلوق و دارت ميكاب خفيف" فطرات مع البنات و وصلها كريم معاهم فالطريق ..وصلات و نزلات من الطونوبيل و دعاتهم و دخلات للشركة.. فالدخلة تلاقات ب امير
امير باسها:صباح الورد
ياسمين:صباح الخير
امير شادها من حناكها:واش كل مرة نقرب ليك اتبقاي تزنكي هكاا هههه
ياسمين:ههه مزال ممتيقاش دكشي علاش
امير: شن
سعد قاطعهم:صبااح الخير عليكم
امير و ياسمين:صباح الخير
سعد:اجي نتي ماشي هي العارضة الرئيسية؟
ياسمين:كنت ههه
سعد:بصراحة كتحمقي هه ياك ا امير
امير خشا يدو مع يدها:معلوم حبيبتي كتحمق
سعد:اوباااا لا متقولهاش راك مكضيعش الوقت ههه
امير:ههه انبقااو واقفين هنا ياله ندخلو
طلعو كاملين لطابق20 ودخلو لمكتب امير
سعد:الموظفين ليوم ايجيو تبغي ندخلهم لعند ولا نتكلف انا
مشا كل واحد يوقف على خدمتو و امير عيط علا حسام قنعو يجي يعاونو
اما فيصل و شهد ف شادين الطريق للمشفى
فيصل شاد ليها ف يدها و كيصوك:تيقي بيا كلشي ايكون مزيان و انا كنتسناك حتا تبراي
شهد:وايلا رجع المرض
فيصل:اتعاااودي تعالجي و غنكون معاك عاوتاني اه واليديك علمتيهم
شهد:اه ايجيو غدا
وصلو للمشفى و دخلات شهد للغرفة لي اتجلس فيها قاد ليها فيصل حوايجها تما و مشا عند الطبيب
الطبيب:شوف اولدي ايلا كانت قوية و عندها رغبة تعالج ف راه غتبرا اما بالنسبة لموضوع الولاد ف كاين احتمال كبير انها متولدش و من الاحسن متقولش ليها هدشي دابا مفهوم
فيصل بحزن:مفهوم
كمل معاه هضرتو و رجع لعندها لقاها مقابلة مع النافذة لي كانت كبيرة و كطل على الحديقة د المشفى
فيصل:ايلا بقيت كتر من هكا ايجريو عليا هههه
شهد ضارت عندو عنقاتو:صافي اتمشي
فيصل:اه واعديني تكوني قوية و تشافاي علا قبلي
شهد:قربك مني كيقويني
فيصل:وانا ديما معاك
💛بعد اسبوع💛
شهد فالحمام د غرفتها واقفة قدام المراية و كتقيس ف شعرها لي ولا كيطيح ..شداتو بين يديها و طاحت للارض كتبكي
فيصل واقف قدام الحمام و كيدق عليها
فيصل:شهد حلي الباب علاش كتبكي
شهد:سير فحالك ا فيصل سيير اهئ اهئ
فيصل:اتحلي هاد الباب ولا نهرسو
حلات شهد الباب عينيها حمرين بالبكا
شهد:هانا حلييتو بغيتي تعرف علاش كنت كنبكي "مدات ليه الشعر لي طاح"هانتا شووف شووف اتستحمل تشوفني قرعة راه صافي مابقاا والو اهئ اهئ مابقا والوو
فيصل: شهد تهدني دابا لاش كتعصبي راسك تهدني واخا اجي عندي "عنقها عاوتاني و بقا كيطبطب عليها"شكون قالك انا محاسش بيك راه حتا انا كنتعب معاك ا شهد ايلا واعدتيني متبقايش تعصبي انجيب ليك غادا واحد الكادو
شهد"الصمت"
فيصل:وا واعديني
شهد: كنواعدك
فهاد الاسبوع تعاونو امير و ياسمين و سعد يوقفو الشركة على رجليها وياسمين و امير تقربو من بعضياتهم كتر و امير كيتسنا غي ولدو يوصل باش يهضر معاه ف موضوع زواجو من ياسمين
وصل حسام و ايمان للمغرب مشاو لشي اوطيل قريب بدلو حوايجهم و رتاحو .. من بعد مشاو للشركة
حسام:نتي الكاتبة جديدة؟
ياسمين:اه فاش بغيتي نعاونك
حسام:انا حسام بنيس
ياسمين:اااه اهلا مسيو امير كيتسنااك تفضلو
حسام و ايمان:شكراا "دخلو"
امير:اهلا اهلا "تسالمو" على سلامتكم
حسام:الله يسلمك..ماعندي مايتسالك دغيا رديتي الشركة ف طريقها
امير:تعدبنا شوية
حسام:الواليدة كيدايرة كتشوفها
امير:وي مشيت عندها مزالة على حالتها
حسام:خاصني نمشي نشوفها
امير:لمهم لبوسط ديالك موجود غدا تبدا و انتي ا ايمان تبغي تولي عارضة
ايمان: معنديش مشكل
امير:ا حسام بغيت نهضر معاك ف واحد الموضوع مهم ليوم شنو بان ليك نتعشاو مجموعين و غايكون معايا واحد الضيف
حسام:واخا واش مزال جالس ف لوطيل
امير:اه مزال مقلبت
حسام:اوك حنا انمشيو نتلاقاو فالعشا
ف الطونوبيل:
امير:لاش خايفة سواء تقبل ولا متقبلش انا مكيهمنيش هاد الويكاند نرجعو للقرية نخطبك 😉
فيصل بقا نهار كامل على باروكا فنفس لون و طبيعة شعر شهد حتا لقاه وخدا حتا طوندوز ..رجع لدارو حط دكشي لي شرا و ناض يجبد حوايجو من الماريو حتا طاحت واحد التصويرة هزها لقاها تصويرتو معا ياسمين ..جلس فجنب السرير و بقا كيشوف فيها
ناضت شهد للحمام شادة الطوندوز ف يدها و كنشوف ف المرايا بدات كتقربو لشعرها شوية بشوية و هي كترعد حتا حطاتو
شهد:اوف اوف خاصني نتكاالماا
فيصل كيدق عليها:كلشي مزيان؟
شهد:اه اه
رجعات هزاتو و خدات نفس عميق و بدات كتحسن حتا مابقات حتا زغبة تخلعات من منظرها هكاك و بدات كتبكي على الحالة لي وصلات ليها ..هزات ل الباروكة و دارتها بصح نيت فحالا شعرها حبات هاد الحركة من عند فيصل ..مسحات دموعها ولاحت داك الشعر و خرجات لعندو
فيصل بابتسامة:علاش مزال مبديتي
شهد ضربات ف صدرو:باركة من الطنز
فيصل شادها من حناكها:خاصني نرجه دبا للمطعم هادي وقت لغدا وغيكون عامر خاصني نعاون الدراري
شهد:واخا سير ماما غتجي دبا شوية
فيصل:بسلامة
شهد:بسلامة و شكراا "باستو"
وفاء:شتي هاادشي لي قلت لييييك النهار لول
حياة:هههه ماقاداني فرحة و الله
وفاء:حتاااا انااا هاحنا غانتناسبو ههه
حياة:ههه نوضي نوضي نبداو نصايبو الحلوة
وفاء:راه الخطبة حتا لبعد غدا
حياة:نقادوها على تيسااع نوضي نوضي و نتي ولا قاتلك العكز
وفاء:هاااني نايضة
خدا حسام بيرو خاص بيه و ايمان مبقاتش باغة تمشي مع العارضات و بقات مع حسام ف الادارة ...وصلات وقت الغدااا وخرج امير و ياسمين يتغداو برا
ياسمين:بلاما نمشيو لشي ريسطو كبير طلعولي دوك البلايص فراسي
امير:وفين بغات حبيبة نمشيو
ياسمين:شوق لينا غي شي مطعم صغير
امير:هاهو واحد هنا نهبطو ليه؟
ياسمين:اه باين زوين
هبطو من الطونوبيل و دخلو مشادين كان عامر شوية خداو طابلة و جا النادل خدا الطلب ديالهم و جاب ليهم غداهم
ياسمين:هاد المداق مخافيش عليااا
امير:كاع الماكلة د الزنقة مشابهة
ياسمين:ممكن
امير:هاكي دوقي هادي "هز دغمة كبيرة و خشاها ليها ف فمها "هههههه خاصك تغلاضي شوية
ياسمين فمها عامر و كتشرب لما باش دغيا يتسرط دكشي
ياسمين:هههه حشومة عليك كنتي اتقتلني
فيصل فالمطبخ ديال المطعم كيعاون الطباخين حتا جاه مسج من عند شهد بغاتو يمشي عندها حط دكشي من يدو و حيد طابلية و غسل حالتو و خرج من المطبخ...ملي كان خارج سمع الصوت لي عمرو يتحيد من ودنو ضار يتاكد و شاف المشهد د ياسمين و امير كيضحكو و يترومنساو
شاف فيصل هداك المنظر و بقا جامد ف بلاصتو و علامة الصدمة على وجهو عمرو كان يتخيل ان البنت لي طول عمرو كيبغيها تكون مع شخص اخر ..مشا بخطوات تقال حتا وقف عليهم..هزات ياسمين راسها و بلقات عينيها
فيصل كيبتاسم غي بزز: كنتمنى تكون الماكلة د المطعم عجباتكم
ياسمين بقات غي كتشوف فيه و كيفاش كيشوف فيها تفكرات الحب لي كانت كتشوفو ف عينيه دبا كتشوف غي الكره و الحقد ..
امير:فيصل نتا خدام هنا
فيصل مزال مبتاسم: لا هدا المطعم ديالي مرحبا بيكم ف اي وقت
شاف ف ياسمين شوفة كي القرطاس و عطاهم بالظهر و مشا ..ياسمين بقات كتشوف فيه حتا خرج و شافت ف امير و ابتاسمات بزز
امير:صدفة غريبة ولكن تبارك الله عليه وصل دغيا
ياسمين:انا كملت نقدو نمشيو
امير:اه
ياسمين كانت كتمنى متحطش فهاد الموقف حيت غيأثر على علاقتها ب امير ..مكرهاتش ملي شافتو تنوض تعنقو و تقوليه انا مسامحاك رجع ليا ..مكرهاتش تحبس هاد الزواج و تزوج بيه هو .. ولكن ماقاداش دير هدشي شنو السبب لي غيخليها تخلي حبها الوحيد و ترمي راسها فزواج من رجل اخر... هدشي لي كانت كتفكر فيه ملي كانو شادين الطريق لشركة ..كملات خدمتها هديك العشية غي بزز مخنوقة وباغة تبكي و مصبرة راسها غي بزز
اما فيصل ملي خرج من المطعم وعد راسو وعد حر انو يكون مع لي كتبغيه بصدق مع شهد اللي تستاهل يحبها و يتزوجها هي محتاجاه بجنبها و هو محتاجها كتر ..مشا عندها للمشفى وقف قدام باب غرفتها و حاول انو يحيد الحزن من وجهو و يمثل عليها انو فرحان ..دق الباب و دخل
شهد:مالك تعطلتي
فيصل:كان الزحام فالطريق
شهد:امم جات عندي ماما و بغات تعرف عليك
فيصل:بصح؟ فينها
شهد:كتسنانا لتحت فالجردة ياله نهبطو عندها
فيصل:ياله"شد شهد و هبطو للحديقة"
كملات ياسمين خدمتها و خرجات بلاما تسنا امير شدات طاكسي لدار و بقات كتسنا البنات يجيو ... دخلو البنات لقاوها مقنتة و عيينها حمريين
سناء:اوا صاف من هاد التصرف لي دار غي نسايه عليك كون كان يبغيك بصح كون جرك من تما و ميخليكش ليه هو دغيا استسلم و زايدون رةه قلت ليك بدلك شحال هدا بشريكتو فالمطعم نوضي غسلي وجهك و جمعي حوايجك راه غدا مسافرين زعما
ياسمين:البنات واش انا غنكون ممزياناش ايلا تزوجت ب امير
نجاة:بغيت نشكرك اولدي حيت واقف مع شهد هي حتاجة شي حد يكون ف جنبها و نتا مخليتيهاش
فيصل:وعمري انخليها ..ا فصراحة كنت باغي نهضر معاك فواحد الموضوع
نجاة:هضر اولدي
فيصل:انا فكرت ...(حتا لمنبعد و تعرفو 😂)
فاقو البنات وجدو راسهم هزو حوايجهم و هبطو لقاو امير كيتسناهم و موراه طونوبيل فيها حسام و ايمان ...ركبو كلهم مع امير ياسمين لقدام و البنات لور و شدو الطريق للقرية ..ياسمين لاحظات من سلام امير الناقص انو مقلق منها بسيف يتقلق خرجات لبارح بلاما تسناه اولا تقولها ليه و كان كيعيط ليها و مجاوباتوش...ياسمين مبقاتش عارفة اشنو دير معارفاش واش تسمع لعقلها ولا لقلبها اتحماق غير بالتفكير ..بقات على هاد الحال حتا وصلو
ايمان:ويلي شنو هاد البلاصة جايبنا ليها باباك
حسام:زيدي زيدي نشوفو هدشي فين غيوصل
مشات ياسمين و البنات لدارهم و امير و حسام و ايمان لدار وفاء
حيااة:اهلااا اهلاااا "كتسلم عليهم"مرحبااا بيكم زيدوو دخلوو فين هو امير
ياسمين:مشا عند خالتي وفاء دابا يجي
حياة:واخا سيرو بدلو حوايجكم و اجيو تفطرو
البنات:واخا
لبسو البنات حوايج الدار الا ياسمين لبسات كسوة طويلة فالباج مزوقة سميطات و دارت شال فنقس اللون و صنيديلة بلا فالقهوي طلقات شعرها و خرجات عندهم
حياة:افين غادة ياله جيتي
ياسمين:بغيت نهضر مع امير شوية
حياة:اجي فطري بعدا
ياسمين:انفطرو براا
خرجات و مشات لدار وفاء دقات و حلات ليها
وفاء:اهلااا بمراات خويااا ههه مبروك عليكم احبيبة
باسمين:الله يبارك فيك
وفاء:بغيتي امير ياك راه جالس فالجردة
ياسمين:واخا انمشي عندو
دخلات ياسمين للجردة لقات امير ناعس و شاد شي وراق ديال الخدمة ف يديه
ياسمين:هاد السيد مكيعياش "مشات جلسات حداه و جبدات تيليفونها"مغنضيعش هاد الفرصة😃 "بدات كدير فالسيلفيات هو ناعس و هي كتعوج حتا ضرباتو الفيقة"
امير:ياسمين شنو كديري هنا
ياسمين:بغيت نهضر معاك
امير:هضري
ياسمين:ماشي هنا
امير:وفين؟
ياسمين:اجي معيا"شداتو من يدو نوضاتو"فين هو الموطور
امير:اش بغيتيه
ياسمين:بغيت نهبطو للبحر
امير:باش نهضرو
ياسمين:اه وا زيد خلاص
مشا جاب الموطور و طلعو فيه شدو الطريق للبحر ..كان امير معبس حتا سمع ياسمين كتغني و منساجمة مع الاغنية حتا بدا كيغني معاها و يضحكو
وصلو للبحر و وقف الموطور
امير:ياله الالة هضري
ياسمين:فخبارك راه مزال مفطرت و ايلا مديتينيش مفطر دابا انسخف ليك هنا
العشيقة الصغيرة الجزء الخامس
محتوى القصة
التنقل بين الأجزاء