وصلو امير و ياسمين للريسطو طلبو عشاهم و جبد امير موضوع حسام
امير:قاتليك سناء شي حاجة
ياسمين:علاياش
امير:على حسام
ياسمين:اه عاودات لينا على شنو وقع ليوم واش حسام هضر معاك ف الموضوع
امير:اه و طلب مني المساعدة
ياسمين:الحل الوحيد هو يطلق ايمان
امير: هنا كاين المشكل البنت حاملة خاص يخلي الموضوع حتا تولد بعدا
ياسمين:اه بصح يحسن عوانها حتا هي
امير:خلينا منهم و قوليلي "شد ليها فيدها" فين باغة ندوزو شهر العسل
ياسمين:اكييييييد اسطنبول 😍
امير:انقولهم يوجدو كلشي
طلعات عايدة عند سليم لقاتو ناعس فسريرها حيدات صباطها و تخشات حداه و عنقاتو
عايدة:علاش مبنتيش ف حياتي من شحال هادي علاش هديك لي ولداتنا هي السباب ههي كون جات عندي ملي عرفاتني فين كاينة مكنتش غانكون هكااا مكانتش اتموت بنتي مكنتش انتفاارق مع امير ههههئ هئ علاااش اماما علااااش درتي فيا هكاااا هئ هئ
سليم فاق مخلوع من صوت بكاهاا
سليم: عاايدة ماالك علاش كتبكي واش ضاراك شي حاجة
عايدة عنقاتو:لا احبيبي مضارني والو بغيتي تنعس هنا ولا تمشي ل بيتك الجديد
سليم:لا خليني معاك هنا بغيت نعس حداك
عايدة:واخا ياله اجي عندي "نعسو فحضن بعض ❤️
💛بعد اسبوعين💛
فهاد الاسبوعين شهد و فيصل سالاو العطلة ديالهم و رجعو للمدينة كل نهار كيتعلقو ببعضياتهم كنر و كيزيدو يبغيو بعضياتهم كتر
اما عايدة ف حياتها ولات هي خدمتها و خوها سليم لي كدوز معاه وقت طويل كتعوض الفراغ لي عاشتو طول عمرها
حسام و ايمان بداو المشاكل بيناتهم حيت حسام ولا هامل ايمان و مكيبغيش يقرب ليها كيتسنا غير امتا تولد و يطلقها و ايمان متاكدة بلي كاينة شي وحدة اخرا فحياتو دكشي علاش ولات كتبعو و لكن ملقات والو
لييييييوم هو عرس امير و ياسمين👰🤵 ختارو الجهة ديال البيسين فالفيلا يديرو فيها العرس ..تكلفو المنظمين بالتزيين و البنات و حياة و وفاء مجموعين عند ياسمين مكلفين بيهم اخصائيين
سناء لبسات كسوة بيضة بالكمام و قصيرة و طالون فالبيض شعرها جمعاتو و خلات شي زغبات حابطين و دارت ميكاب تقيل
حنان لبسات كسوة بيضة فايتة الركبة صميطات مشبكة من الصدر و من التحت جمعات شعرها و دارت حلقات دهبيين و طالون فنفس اللون و ميكاب تقيل
مريم لبسات كسوة فالدهبي معرية من الكتاف و مشبكة من الصدر دارت جمعات شعرها و ميكاب تقيل
عايدة و حسام و ايمان جاو مجموعين كانت باغا عايدة يجي حتا سليم ولكن مبغاش ليها و خلاتو مع الممرضة ديالو
عايدة لبسات كسوة طويلة فالحمر هابطة على الكتف و معرية من الصدر بوكلات شعرها طلقاتو و ميكاب تقيل
ايمان لبسات كسوة بيضة هابطة على الكتف و قصيرة مشبكة طالون الباج جمعات شعرها و ميكاب تقيل
حسام لبس كومبلي فالكحل ب قميجة بيضة و بابيون
وصل الجميع للعرس لي مكانش عامر بزاف فيه غير العائلة و الاصحاب المقربيين ..امير بكومبلي كحل قاميجة بيضة و بابيون كيتسارا مابين الضيوف يستقبل التهاني و يرحب بيهم و منتاظر محبوبتو تنزل ..بعد لحظات شرفات العروسة بروب بيضة طويلة مزيرة من الفوق بالشبكة و هابطة على الكتف شوية و منفوخة شوية من التحت و شعرها الدهبي المجموع بطريقة جميلة و ميكاب متقيلش بزاف دايرة تاج صغير فوق راسها و هازا ورد بالبيض و الغوز ...الكل وقف كيصفق و حسن جايب بنتو لراجلها ..وقفات ياسمين قدام امير لي خدا يديها بزوج باسهم و باس جبهتها و تاجهو للمكان لي جالس فيه العدول و بداو ف مراسم كتب الكتاب سولهم العدول على موافقتهم على الزواج و كان الجواب هو "ااااااااه" تجمعو البنات العازبات ورا ياسمين لي لاحت ليهم البوكي د الورد و جا ف سناء لي كانت اطير بالفرحة من بعد طلقو موسيقى رومانسية رقصو على انغامها الجميع ...بداو كيمشيو الحاضرين شوية بشوية حتا بقات غير العائلة تما(سمحولي زربت عليكم فالعرس هدشي لي عقلت عليه من الافلام ختكم مزال متزوجات 😂)
خرج فيصل يبرد على النار لي شاعلة ليه ف قلبو داوه رجليه للمقهى لي كانو كيفطرو فيه كل صباح و دازو قدام عينيه لقطات كيضحكو كيبوسها كيغوت عليها مقلقة معصبة و اخيرا لقطة لي عطاتو فيها الخاتم نزلات دمعة سخونة من عينو مسحة دغيا و حيد من ديك البلاصة و مشا للبحر جلس فوق صخرة و تفكر ياماتهم فالقرية ملي كانت كتهرب من داىهم و تخرج من السرجم باش تشوفو شحال بكات عليه باش مشا اول مىا للمدينة و شحال فرحات باش رجع ليها
فيصل:واش ساهل نساو بعضياتنا ا ياسمين واش يستاهل هاد الحب لي بيناتها يسالي انا مزال منسيتكش و مزال كنبغيك و نتي شنو تكوني نسيتيني؟ مزال كتبغيني؟ وهاد الزواج غير باش تعصبيني و تخليني نغير نتي مايمكنش تنسايني و تبغي واحد اخر اه نتي مزال كتبغيني ا ياسمين و ايجي نهار لي نتجمعو فيه
تفكر شهد و زواجهم شد راسو بين يدو
فيصل:ميمكنش نظلمك معايا كتر من هاكا ا شهد انا مكنبغيكش تمنيت نبغيك نتي تستاهلي لي يبغيك بصح ولكن هيا ياله تشافات نخاف تازم نفسيتها و يرجع ليها المرض اوووف ياربي اشنو غندير واش نضحي بحبي باش شهد تكون سعيدة ولكن حتا ايلا تخليت انا على شهد حتا ياسمين اتخلا على امير؟
ناض رجع لدارو حيد لافيست و لقا شهد مزال فايقة كتسناه
شهد:حبيبي فين مشتيي تخلعت عليك حتا تيلي مديتيهش
فيصل: غي بدلت الجو و صاف
شهد:فيصل قولي مالك حاسة بيك شي حاجة
فيصا تكا على رجليها: متخافيش مكاين والو
شهد ككدوز ليه على شعرو:على راحتك
كلشي داخل لكلينيك كيجريو و حساام هاز ايماان بين يديه خداوها من عندو دخلوها لغرفة العمليات و هوما تجمعو على الباب
سناء كتبكي : والله مكنت قاصدة نطيحها هئ هئ هي كانت شادة فيها دفعتها و طاحت هئ هئ
حنان معنقاها:شوو صافي احبيبة مغيوقع والو ان شاء الله
حسام مخرج عينو فيها:توووقع شي حاجة لولدي منرحمكش ا سنااء😡
بقاو على داك الحال سناء تبكي و البنات يسكتو فيها و حسام غادي جاي معصب و عايدة غير كضور ف عينيها و كتقول ليوم يتفضح كلشي
خرج الطبيب و تجمعو عليه
الطبيب:معندكم مناش تخافو عندها غي كسر ف رجليها
حسام:و البيبي بيخير؟
الطبيب:اينا بيبي ؟راه المدام محاملاش
الكل:😱😱
حسام:كيفاااش محاملاش اش كتخربق
الطبيب:مراتك راه محاملاش اكيد كاين شي غلط المهم دبا حولناها لغرفة شوية و تفيق و ملي تكمل صيروم يمكن ليكم تخرجوها"مشا"
حسام شاد فراسو:ضحكاااات عليا بنت ...
عايدة:صافي تهدن اولدي ملي تفيق انفهمو من عندها
حنان:اوا حنا نمشيو على سلامتها
مريم :على سلامتها
سناء شافت ف حسام و مشات معا البنات اما عايدة و حسام مشاو للغرفة لي فيها ايمان كيتسناوها تفيق
ايمان كتحل عينيها شوية بشوية حتا استوعبات بلي هيا فالمستشفى و طرطقات عينيها ضوراات راسها لقات حسام واقف عليها
حسام:علللللى السلامة
ايمان شدات راسها:اااي شنو وقعلي "حطات يدها على كرشها"ولدي بيخير
ايمان:عاايدة حتا هي كانت عااارفا و كانت مشجعاااني على هدشي
حسام مصدوم وعايدة مطرطقة عينيها:اش كتخربقي نتي
ايمان:شنو حسابلك نضيع بوحدي لا اسيدي حتا ماماك كانت كتخطط مور ظهرك و نتا مكتهمهااش اصلااا
حسام مخرج عينيه ف عايدة:وااااش بصح هدشي لي كتقول
ايمان:شنو كتستا منها تقولك اه
حسام:هضرررري
عايدة كتافات بالصمت و حسام شاف فيهم شوفة ديال القتيلة و خرج
ايمان:ها ولدك ضاع منك حتا نتي ما بقا ليك غير لحمق د خوك هههههه
عايدة طارت عليها قجاتها:سمعي مزيان انا مزال موريتك الوجه الحقيقي ديالي ياغادي تبعدي من ساحتي انا و عائلتي و لا ندفنك و نتي حية كتفهمي
طلاق منها و هزات صاكها خرجات اما ايمان بقات تما بوحدها بديك الحالة شادة فعنقها و كطلع النفس
ايمان:انا غادي نوريكم ايمان علاش قادة بلاما تحلمو تعيشو فرحانين
امير و ياسمين وصلو لتركيا تحديدا اسطنبول بليل كملو الاجراءات د المطار و خرجو لقاو الشيفور كيتسناهم
"الحوار بالانكلش"
الشيفور:مرحبا بيكم ف اسطنبول تفضلو
امير:شكرا
طلعو ف لوطو و الشيفور تاجه للاوطيل
ياسمين حلات النافذة و خرجات راسها الريح كيضرب ليها فشعرها و امير كيشوف فيها و يضحك
امير:دخلي ايضربك البرد
ياسمين شافت فيهم:هدشي زوين بزااف😍
امير كيقاد ليها شعرها:ميكونش كتر منك
ياسمين😊
وصلو للاوطيل كملو الاجراءات و طلعو ل سويت ديالهم كان كبير بزاف و كيطل على المدينة ..ياسمين فحال شي بنت صغيرة دتخلة كتنقز و فرحانة قلباتو كامل عاد رجعات عند امير عنقاتو
ياسمين:زوييين بزاف شفتي ل بالكون كيطل على المدينة
امير:حبيبة هدشي شفتو قبل مانجيو كنت خايف ميعجبكش
ياسمين:ماشي غي عجبني حمقني حمقني 😍
امير قرب منها باسها بوسة خفيفة:حتا نتي حمقتييني
ياسمين تخربقات:انا غندخل ناخد دوش
امير:كنتسناك
خدات الفاليز ديالها و دخلات للدوش و هي كترعد شافت وجها فالمرايا حمرا كيف مطيشة
ياسمين:اوف مالي دابا صافي هدشي عادي كيوقع بين اي مزوجين لاش خايفة و امير غيتكايس عليا اوف صافي خاصني نتهدن
عمرات البانيو و تخشات فيه حيدات العيا د السفر سالات نشفات شعرها طلقاتو و دهنات جسمها بكريم برائحة الورد و لبسات شوميز دو نوي فالبوردو شافت اخر مرة راسها فالمراية خدات نفس عميق و خرجات لقات امير لاوي فوطة على نصو و كينشف شعرو
نتابه ليها امير و قرب ليها
امير:بصحة
ياسمين حشمانة:الله يعطيك الصحة و لك بالمثل
بقاو كيشوفو ف بعضياتهم شحال و ياسمين دقات قلبها كتزاد و كتحس بالفراشات فكرشها
حاوطها امير بيديه و زاد قربها ليه كتر طبع قبلة خفيفة على شفتيها خلاتها تفقد التواصل مع العالم الخارجي هزها بخفة و حطها فوق السرير
رجع حسام لدار و طلع لبيتو معصب لي جات قدامو كيهرسها
شهد دمعات عينيها:فيصل سمحلي منقدش نعطيك ولد من لحمك و دمك
فيصل عنقها:و انا معنديش مشكل هدشي لي عطا الله و هاد الولد لي غانتبناوه انديروه فحالا ولدنا بصح و ناخدو فيه اجر
شهد:يعني نتا ممقلقش مني على هاد الموضوع
فيصل:لا الحمقة
شهد:ياله نووض لبس حوايجك باش نوجدو الفطور و نمشيو
ناضو وجدو راسهم شهد لبسات كسوة فالرمادي مغلوق بالكم و قصيرة مزيرة و لبسات كاب فالرمادي خفيف و ميني بوط فالكحل و صاك فنفس اللون جمعات شوية من شعرها و دارت ميكاب خفيف اما فيصل لبس تيشورت فالبيض و سروال جينز و قاميجة سخونة بالكارو فالحمر و الرمادي خلاها محلولة و صبادري فالرمادي
مشاو للكوزينة بداو يصايبو الفطور
فيصل:هاناا على شهد اتولي احلى مااماا
شهد:بصح زعماا تجي معاايا نكون ام
فيصل:و احسن ام
شهد:متحمسسسسة بزااف
فيصل:ههه ياله اجي نفطرو
كملو فطورهم و نزلو ركبو ف لوطو و انطالقو لدار الايتام وصلو و دخلو لعند المدير
شهد و فيصل:سلام
المدير:و عليكم السلام تفضلو "جلسو" فاش نقد نعاونكم
فيصل:حنا باغيين نتبناو شي طفل
المدير:واخة اتمشيو تشوفو الاطفال و نكملو الاجراءات
شهد:واش كيتعطلو هاد الاجراءات
المدير:ماشي بزاف يومين بالكتير اجيو معايا
مشاو معاه داهم لواحد البيت فيهم الدراري صغار غير تربية
شهد:شوف شحال زوينين كيفاش كيقدرو واليديهم يلوحوهم
فيصل:الله يحسن العوان
شهد:مكاينة حتا حاجة تخلي الام تخلى على كبدتها شوف هاد الوليد شحال غزال
فيصل:زوين بزاف
شهد موجهة هضرتها للمرا لي مقابلاهم:واخا نهزو
المراة:اه هزيه
هزاتو شهد بين يديها و هي غطير من الفرحة اخيرا غاتولي ام
شهد:تبارك الله ما شاء الله
فيصل:شنو تبغي نسميوه
شهد:شنو بان ليك نسميوه آسر
فيصل:آسر ولد فيصل و شهد ههههه
شهد:ياااااي😍
فاقت ياسمين على صوت الغنى كان امير لي كيغني فايق ناشط و كيقاد الفطور فالبالكون ...لوات عليها ليزار و تسلتات الحمام دوشات و لبسات كسوة طويلة ملونة بسميطات نشفات شعرها طلقاتو و خرجات لعندو
ياسمين:صباح الخير
امير:صباح نوور حسابلي مزال ناعسة
ياسمين جلسات حداه:غي شفت هدشي جاني الجوع هههه
امير:هههه اوا فطري دغيا باش نخرجو
كملو فطورهم و لبس اكير حوايجو و هزو دكشي لي غيحتاجوه و خرجو ... قررو يمشيو بلا لوطو باش يكتاشفو المدينة حسن ... ركبو فالباخرة لغاية بلدة باي اوغلو دارو فالشوارع ديالها حتا وصلو لبرج غالاتة طلعو للقمة ديالو و شافو اسطنبول من تما و ياسمين طول الوقت كتاخد سيلفيات ...نزلو لساحة التقسييم و بدات ياسمين كترقص بحرية على الحان موسيقى الشوارع...وصل وقت الغدا و ختارو مطعم HACI BABA لي قدمو ليهم اطباق تركية رائعة ..كملو غداهم و رجعو يكتاشفو جمال هاد البلدة الرائعة مشاو لقصر ايناليكافا و ممر الورود ... دوزو العشية كاملة تما و رجعو بالباخرة تاني للمدينة و ختارو cihannuma restaurant لي عندو اطلالة بحرية خداو طاولة على الشرفة و طلبو عشا اوربي
ياسمين:كااان نهااار زوييين بزاااف 😍
امير:هادا غير نهار الاول مزال ندورو اسطنبول كاملة و مدن اخرين
ياسمين:يااي انا فرحاانة بزااف
امير:و انا فرحان حيت نتي فرحانة
كملو عشاهم و نزلو كيتمشاو حدا البحر
ياسمين:عرفتي شنو بغيت ندير دابا
امير:شنو
ياسمين:نعوم على ضوء القمر
بدات كتنزل ف كسوتها بقات بدوبياس فالكحل و شدات امير من يدو و بدا كيدخلو للبحر حتا غطسو و هوما كيتباوسو 😘😘
خرجات ايمان من المشفى بالعكاكز حيت مهرسة من رجلها شدات طاكسي وصلها حتا لفيلا خلصاتو و دقات فالباب حلات ليها الخدامة
ايمان دفعاتها:حيديييي من قدااامي "دخلات" حساااام نزل عندددي
الخدامة:لالة سي حسام مكااينش و ايلا جا ولقاك هنا مغيعجبوش الحال
ايمان:انا غانمشي دااباا ولكن غانرجع تاني حيت هاد الدار ديالي انااا كتفهمي هدشي كاامل ديالي
خرجات و وقفات قدام الفيلا كتشوف فيها و مخرجة عينيها
ايمان:كنواااعدكم انهدمهاا على راسكم كااملين متحلمووش تعيشو فرحانين
💛بعد شهرين💛
امير و ياسمين دوزو شهر فتركيا و رجعو للمغرب و عرفو بدكشي لي وقع و وقف امير مع حسام حتا طلق ايمان و سافرو كلهم للمدينة لي فيها عائلة سناء باش يخطبوها..وافقو عائلتها و داز كلشي مزيان و رجع كل واحد لحياتو الطبيعية
اما شهد و فيصل فكملو اجراءات التبني و و وجدو لولدهم الغرفة ديالو و فيصل كل شهر حريص ان شهد دير التحاليل ديالها و كيفكرها فيهم و خدمتهم غادة مزيان و كيفكرو يحلو ريسطو كبر
اما عايدة فدخول سليم لحياتها غيرها فعلا مابقات هاماها حتا حاجة من غير خوها و خدمتها جابت لسليم طبيب مختص فالحالات لي فحالو على امل انو يتشافى
اما ايمان فبرات ليها رجليها خدات شقة صغيرة كتعدي فيها و كتخطط للانتقام ديالها حاولات تبقا بعيدة عليهم هاد المدة و ماتبانش حداهم و هوما فكرو انها سافرت ولكن لا هي دابا "هدوء ما قبل العاصفة"
البنات تجمعو ليوم حيت مريم عارضة عليهم(مريم تزوجات و ماداروش العرس و هي دابا ف دار راجلها)
مريم:مرحبا مرحبا الف مرحبا
حنان معنقاها:يااختي شحال توحشتك من نهار مشيتي و حنا قاتلنا الجوع
مريم:ههههه اوا هادي هيا الفرصة باش تعلمو
سناء:الدار خوات بقيت غير انا وهاد الخرية
حنان:وحتا نتي مابقا ليك والو و تزوجي و تمشي
ياسمين:اوا تزوجي حتا نتي اش كتسناي شحال من واحد بغاك و نتي مقصحة راسك
حنان:انا مبغيتش زواج عادي انا بغيت نتزوح عن حب 😊
سناء:وهاد الحب مزال ما هداه الله يجي خلاص ههههه
حنان:مزااال هههه
مريم:انا غنوض نحط الغدا
ياسمين:الله على رييييحة
مريم:ياله بسم الله
ياسمين دخلات فالماكلة طول و عرض نفسيتها مفتوحة على غير العادة
حنان:بشوية عليك اتوحل ليك
ياسمين:هدشي بنين بزاف الله يعطيك الصحة
مريم:بصحتك احبيبة
كملو غداهم و جابت ليهم مريم كيك د الفريز ياله كلات طريف صغير و هي تحس بالترويعة مشات كتجري للحمام ردات كاع دكشي لي كلات و و جها ولا صفر ..البنات تبعوها خلاوها حتا سالات و غسلو ليها وجها
رجعات ياسمين لدار حيت خاصها توجد راسها كاين عشاء عمل ليوم و خاصها تكون مع امير طلعات لبيتها دوشات و شافت مزال الحال و فيها النعاس قالت تنعس واحد الساعة عاد توجد راسها
رجع امير لدار باش يبدل حوايجو دغيا و يمشيو دخل لبيتهم لقا ياسمين غارقة فالنعاس قرب ليها و بدا كيفيق فيها
امير:ياسمين فيقي مزال موجدتي راسك
ياسمين مغمضة عينيها و كتهضر:علاش
امير:واش صافي مبقيتيش باغة تمشي
ياسمين:فيا النعاس بزاف غي سير نتا
امير: واخة علا راحتك
باس راسها و ناض وجد راسو و مشا
عايدة و سليم جالسين فالجردة ديال الفيلا كيلعبو البازل
عايدة:شنو بان بيك نسافرو هاد الويكاند فير انا وياك نكشيو لشي جزيرة البحر و الطبيعة و الهدوء ا شن بان ليك
سليم كيضحك:اه اه نمشيو يمشي معانا حتا مراد(الطبيب ديال سليم)
عايدة:يقد ميبغيش احبيبي
سليم: ايلا طلبتو ميرفضش
عايدة:صافي لي بغيتي "كتثاؤب" ياله ندخلو نعسو مشا لحال
سليم:واخة
طلعات معاه لبيتو عطاتو دواه و بقات معاه حتا نعس و مشات لبيتها نعسات حتا هي
كانو فيصل و شهد ناعسين حتا كيسمعو صوت البكا كانت شهد غتنوض و حبسها فيصل ناض هو مشا لليت آسر هزو من ناموسيتو و بدا كيسكت فيه
فصيل:نتا مناويش تخلينا نعسوو اا دوي امتاا غاتكبر خلاص و توقف على رجيلاتك هاا
سكت آسر من الغوات و ردو فبلاصتو ضار ولقا شهد متكية على الباب و كتشوف فيهم بحب
فيصل:حبيبة علاش نضتي هانا سكتو
شهد:جا معاك تكون اب هههه
فيصل:و انتي جيتي احلى ام "هزها"اوباا تقاليتي
شهد ضرباتو لسدرو: نتا لي بديتي تشرف ههههه
حطها فوق السرير و تكا حتا هو نعسو فحضن بعض (😢)
فاقت ياسمين معطلة لقات امير مشا للشركة حاسة براسها مرخية و مقاداش تنوض من السرير ...ناضت غي بزز بدلات حوايجها و نزلات تفطر
الخدامة:لالة صايبت ليك اومليط بالفرماج كيف كيعجبك
ياسمين:حيديه من قداامي جاب لي ترويعة
الخدامة:ياك كيعجبك ا لالة
يااسمين:معرفتش مالي ريحتو كهماتني و محااساش براسي مزيان واقيلة مريضة
الخدامة:ياكما حاملة الالة
ياسمين:حاملة؟زعما هادو اعراض الحمل
الخدامة:اه ا لالة و نيت راك ملي جيتي لبارح و نتي ناعسة
ياسمين:يااي نقد نكون حاملة😍 شوفي سيري دغيا ل فارماسي جيبي لي تيست
الخدامة:واخة الالة
فطرات ياسمين و الفرحة ف عينيها علاما تجيب ليها التيست ...جات الخدامة و طلعات ياسمين لبيتها دخلات الحمام و دارت التيست و جلسات شاداه ف يدها و كتسنا يطلعو جوج خطوطة
ياسمين كتنقز:حاااملة حااملة انا حاملة😍😍😍😍
خرجات هزات تيلي
ياسمين:الووو حنان معاك البنات
حنان:اه حنا كاينين مالك
ياسمين:انا حااااملة
سنااء:شكييييت فيها البارح والله
ياسمين:انطييير بالفرحة
البنات:مبروووك عليك
ياسمين:الله يبارك فييكم خاصني نشوف كينقولها لامير
مريم:اديري ليه شي مفاجئة
ياسمين:اه عاونوني
سناء:قادي حالتك و زوقي البيت بالورد و الشموع و وجدي شي عشا و قوليها ليه
حنان:اه بصح فكرة زوينة
ياسمين:اه هدشي لي اندير ياله بااي باي
قطعات معاهم و عيطات لحياة و وفاء علماتهم و وصاتهم مايقولو والو ل امير حطات التيليفون هزات صاكها و خرجات للمول خدات كسوة جديدة و الورد و الشمع و دكشي لي خاصها ...تشهات الشوارما شراتها و كلاتها فالطريق ...وصلات للدار طلعات دكشي للبيت و نزلات تصايب العشا كملات و طلعات دخلات للدوش عمرات البانيو و تخشات فيه ترخات و نسات راسها دازت كتر من ساعة عاد ناضت لبسات البينوار ديالها و بدات كتقاد فالبيت صايبات الشموع و الورد و قادات الطبلة ..وبدات تقاد فراسها لبسات كسوة فالبلو ماغين سميطات قصيرة طالون كحل صايبات شعرها و جمعات زغيبات القداميين جنب دارت ميكاب خفيف و نزلات سخنات العشا و طلعاتو حطاتو فوق الطبلة ... وقفات فالبالكون كتسناه يوصل
سالا امير خدمتو و رجع لدارو حل الباب و مكاين حس فالدار حتا الضو مطفي ...طلع حل باب بيتو و شاف هداك المنظر د الورد و الشمع و اجمل وردة واقفة كتسناه
امير قرب منها:عارفة بلي احسن حاجة فدنيا هي ترجع لدارك و تلقا مراة بهاد الجمال كتسناك و موجدة ليك هدشي
ياسمين:مغتبقاش تلقاني غير انا لي كنتسناك
امير:كيفاش
ياسمين هزات يدو حطاتها فوق كرشها:انا حاملة😍
ياسمين:انا حاملة😍
امير:مكضحكيش ياك😃
ياسمين:لا 😊
امير هزها كيضور بيها و يضحك
ياسمين:ههههه صافي حطني راه دوختيني
امير:فرحااان بزاف "باس راسها"اسعد راجل فهاد الدنيا هو اناا كنبغيك
ياسمين:حتا انا ياله اجي نتعشاو راه فيا الجوع بزاف
جلسو بداو كيتعشاو و امير شاد فيد ياسمين و كل شوية يبوسها
امير:كيفاش عرفتي
ياسمين وهي كتضحك عاودات ليه ملي كانت مع البنات و على النعاس
كملو فطورهم و خرجو مشاو لواحد الريسطو يشوفوه عوالين يشريوه تافقو مع السيد و خرجو دوزو النهار على برا
فاقت عايدة على صوت المنبه خدات دوش و لبسات كسوة قصيرة فالكحل و دارت فوقها مونطو خفيف كحل طالون فنفس اللون و حوالق مدورين دهبيين جمعات شعرها كوب شوفال و دارت ميكاب خفيف هزات صاكها و نزلات فطرات دغيااا و خرجات ركبات فلوطو ديالها...كانت غاديا و قدامها واحد الشاحنة غاديا بشوية بغات تنقص السرعة ولكن الفران مبغاش يخدم بقات كتبرك عليه
وصلو لعند الطبيبة و طلعو للطابق لي فيه ..فيصل هاز آسر و شهد شادة فيه غاديين فالكولوار حتا شاف ياسمين جايا مشادة مع امير ..تلاقاو عينيهم للحظة و سرعان مانتاقلات عين ياسمين ل آسر و شهد و رجعات شافت ف فيصل لي معرفش يفسر هاد الشوفة واش غضب ولا صدمة ولا شنو ...داز هاد المشهد دغيا لدرجة انو شهد و امير ملاحظو والو
نزلو امير و ياسمين ل لوطو و شدو طريق للفيلا و ياسمين غير ساهية
ياسمين:لا هادا ماشي فيصل ميمكنش يكون طول هديك المدة كيخدعني
حنان:يقد يكون ماشي ولدو
سناء:وشنو غايخليه يهز ولد ماشي ولدو و يجري بيه للطبيب و مرا شادة فيه من غير انها مراتو و هاداك ولدو
حنان:ياسمين مديريش فبالك صافي نتي بدارك دابا و قريب يولي عندك وليد ولا بنينة بلاما تبقاي تفكري فيه
ياسمين:كانقول ليكم الشخص لي بغيتو طول حياتي و مانكرش اني مزال لدابا كنحس بشي حاجة جيهتو ملي كان معايا و خاطبني كان مع وحدة اشمن وحدة كان معا بزاف من غيري خااني خااني هئ هئ ولكن من ليوم غنقتل هاااد الاحساس انا وليت كنكرهووو
البنات جلسو حدتها عنقوها
سناء:صافي نساي اصحبتي و قولي ليناااا كيدااز الموعد مع الطبيبة 😍
ايمان رجعات لدار و شعلات تيفي كاتسنا الاخبار
ايمان:كيفااااش ماامتتش 😡هاد عايدة بسبعة د رواح اووف مشاولي لفلوس غي هكاك كون مشيت و خنقتها حسن ولكن مزاال الحال ا ماما عايدة مزال الحال
هزات صاكها و نزلات شدات طاكسي لكلينيك ...مشات نيشان للانعاش كتقلب على عايدة حتا لقاتها شافت مكاين حتا حد فالممر و دخلات
ايمان:ماما عايدة بقات فيا حالتك هادي مولفة تكوني قوية و مخرجة عينيك ههههه شفتي كون وقفتي معايا مكانش ايوقع ليك هكا كنتي غاتكوني معايا دابا و نتاقمو بزوج ولكن نتي لي بغيتي
العشيقة الصغيرة الجزء السابع
محتوى القصة
التنقل بين الأجزاء