ايمان:غادي تندم ا حسام على هدشي لي كدير خليني نمشي حسن ليك
حسام:هههه فحالا كتهدديني
هبط حل لباب و جرها دخلها لكوميسارية
رجع فيصل و شهد من عند الطبيبة ...شهد دخلات آسر لبيتو و بقات معاه و فيصل مشا لصالون جلس و شد راسو بين يديه
فيصل:شنو كان معنى ديك الشوفة مزال متحيداتش لي من راسي شنو زعما يكون حساب ليها كنت كنخونها ملي كنت معاها لا لا ياسمين متفكرش هكا سي تفكر هكا حتا السباب علاش تفارقنا بسباب تسرعها اووف كيف اندير نوضح ليها و علاش اصلا انوضح ليها راها بانية حياتها نع راجلها علاش كانو قبيلة عند الطبيبة زعما تكون حاملة؟ و علاش ماتكونش راها مزوجة
شهد:فيصل مالك احبيبي كتهضر بوحدك
فيصل:ا لا والو غي كنت كنفكر بصوت عالي
شهد:تشرب معايا قهوة
فيصل:نشرب
دخل حسام للكوميسارية جار ايمان حتا دخلو لعند الكوميسير ..شرح ليه حسام الموضوع و بلي ايمان هي لي دارت هدشي
الكوميسير:انخليوها عندنا حتا نحققو فالقضية و نلقاو الادلة
الكوميسير:واش نتا لي اتورينا خدمتناا ميمكنش نشدوها بلا دليل
حسام:اوا كنتمنى ديرو خدمتكم و تلقاو الدليل "خرج"
جلسو شهد و فيصل يشربو القهوة حتا سمعو البكا د آسر ناضو كيتجاراو شكون لي يسبق ل عندو
شهد:ههههه ناااري سخفتيني عطيني ولدي نشوف مالو
فيصل:ههههه لا انا لي سبقت مااال ولدي ماالو علاش كتبكي ياكما فيه الجوع
شهد:لا ياله وكلتو دابا شوية
فيصل:خاصو يبدل وقيلة
شهد:لا بدلت ليييه
فيصل:ومالو علاش كيبكي
شهد:بلاتي واحد الدقيقة
مشات جابت تيليفونها و فرشات واحد الفراشة فالارض حطات فوقها آسر و طلقات موسيقى ديال الدراري الصغار و جرات فيصل قدام آسر
شهد:دير فحالي
بدات كدير حركات مع الموسيقى و فيصل كيموت بالضحك و مسايرها فهبالها و حتا آسر حبس البكا ... بقاو هكاك حتا سخفو و حبسات الموسيقى
شهد:انا شحفت انمشي نشرب
مشات عمرت كاس بالما شربات جغمة و بقات كتشوف ف فيصل كيفاش كيلعب مع آسر و كضحك جات تشرب تاني و لقات الكاس ولا لونو حمر هزات يدها و هي كترعد و مخرجة عينها قاصت نيفها لقات الدم نازل
خرجات ايمان من الكوميسارية حيت مكاين حتا شي دليل ضدها و رجعات لدارها
ايمان غادة جايا:خاصني نرد البال مزيان هاد المرة مخاصهومش يشدو عليا شي دليل ..خاصني ناخد شي دوش و نشوف شكون الضحية الجديدة
فيصل:شهد
كانت شهد عاطياه بالظهر سمعاتو مسحات نيفها دغيا و كبات هداك الما
شهد دارت عندو راسمة الابتسامة على وجها:شنو احبيبي
فيصل:شنو بان ليك نخرجو نتعشاو على برا و نشوفو نيت الريسطو فين وصلو فيه
شهد:اه واخا
فيصل:اه تفكرت درتي التحاليل هاد الشهر
شهد متوترة:اه اه درتهم مكاين والو فحال كل شهر
فيصل:اوا الحمد لله سيري وجدي راسك "باسها فراسها و مشا"
شهد:ياربي ياربي ميكونش دكشي لي فبالي صحيح يا ربي
دخلات للحمام غسلات وجها و عنقها ب ما بارد و بقات كتشوف راسها فالمرايا
شهد:خاصني نتهدن فيصل مخاصو يحس بوالو انتصرف عادي عادي موقع والو
خدات نفس عميق و خرجات توجد راسها لبسات كسوة بيضة معرية من الكتف و صدرها هابط طالون فالباج قادات عينيها و خلات شعرها مطلوق ..مشات لبيت آسر لقات فيصل كيلبس ل آسر و هو لابس دجين فالرمادي مغلوق و قاميجة زرقة منقطة
فيصل:وها الامير ديالي ولا واجد "انتابه ل شهد"و حتا الاميرة واجدة "قرب ليها و حل يديه"مشينا
شهد شدات ف يديه:مشيناا
حسام جاب شي رجال يوقفو على باب عايدة و رجع لدارو ياله حل الباب سمع الغوات جاي من بيت سليم طلع بالجرا لعندو لقاه كيغوت و يهرس اي حاجة قدامو و الخدامة كتحاول تهدنو
الخدامة:سيدي من قبيلة و هو كيغوت بسميت عايدة حتا الدوا مابغاش ياخدو
حسام:صافي غي خرجي نتي
خرجات الخدامة و حسام قرب من سليم لي مزال على حالتو
سليم غادي جاي و يدو كترعد:عايدة عايدة ماتمشيش حتا نتي عاايدة متخلينيش بوحدي عااايدة 😢
حسام شدو جلسو فوق السرير:الواليدة معندها والو دارت حادث بسيط و غاتولي مزيان
عايدة:بنت الحراام غي بلاتي نوقف على رجلي و نتفاهم معاه
حسام:خليك بعيدة عليها هديك راه وحدة خبيثة
عايدة:خاصنا نتفكو منها راه مغتخليناش فحالنا
حسام:انا غانتكلف نتي غير رتاحي انقول لسليم يدخل يشوفك باش نمشيو
عايدة:واخا
حسام:سليم اجي جلس شوية معا الواليدة باش نرجعو
سليم:لا انا بغيت نبقا معاها هنا
عايدة:حبيبي غير سير لدار ترتاح
سليم:لا خليني معاك عافاك
عايدة:صافي شير نتا احسام ايبقا معايا
سليم فرح:ديري ليا بلاصة حداك
كحازت عايدة و سليم تخشا حداها بقات كتلعب ليه فشعرو و كيتجمعو حتا نعسو
طلعات ياسمين لبسات كسوة فالرمادي و الحمر قصيرة و سميطات طالون فالحمر خلات شعرها على راحتو و دارت ميكاب خفيف نزلات عند امير لقاتو كيتسناها شدات ليه فيديه و خرجو ل اوطو
امير:اخر مرة تلبسي العالي و متبقايش تجري و تنقزي و المااكلة الماكلة اياسمين
ياسمين:واصافي ا امير انا غي مزال مولفت
امير:عرفت احبيبة شنو بان ليك تجي ماماك تجلس معاك ف فترة الحمل
ياسمين:حتا نقرب نولد ماشي دابا
بقاو كيهضرو حتا وقف امير حدا ريسطو راقي نزل هو و ياسمين و دخلو ... خداو طاولة حدا الشرفة و طلبو عشاهم
شهد و فيصل من بعد ماشافو الريسطو ديالهم فين وصلات الاشغال فيه تاجهو لواحد الريسطو يتعشاو فيه خداو طاولة وسط المطعم وطلبو عشاهم ...بداو كيتعشاو و كيهضرو على الريشطو الجديد حتا شاف فيصل ياسمين و امير داخلين مشادين و جلسو فبلاصة قريبة ليهم شهد كتهضر معاه و هو غي حاضيهم اولا حاضي ياسمين كيفاش كضحك و عاجبها الحال
شهد شدات فيديه:فيصل مالك واش مسمعتينيش
فيصل:لا والو غي سهيت
شهد:قتليك خاصنا نشوفو شي مربية ل آسر حيت مغنبقاوش نسااليو
فيصل:اه بصح
شهد:فيصل مالك
فيصل:واخا نكملو العشا دغيا بغيت نرجع لدار نرتاح
شهد:اه واخا
ياسمين:ايلا كانت بنت غنسميها رميساء و ايلا كان ولد انسميه رياض شنو بان ليك
امير:هههه هدشي واقيلة خاصنا نتناقشو فيه و نقررو بزوج
ياسمين:اوا راه انا لي غنهزها ولا نهزو 9شهور ماشي نتا
دخلات ياسمين للحمام و كانت تما حتا شهد بدات كتقاد فالميكاب ديالها حتا هضرات شهد
شهد:معرفتش فين فايتلي شفتك
ياسمين:حتا انا شفتك فشي بلاصة
شهد:ااه نتي مرات امير بنيس كنت شفت عرسكم فالتيفي مبرووك عليكم
ياسمين الله يبارك فيك 😄
شهد مدات ليها يدها:انا شهد
ياسمين مدات يدها:و انا ياسمين
شهد:متشرفين
كملو و خرجو بزوج شافو الناس مجموعيين على الباب كيطلو
شهد موجهة هضرتها للنادل:اش واقع
النادل:شي جوج رجال كيضاربو على برا
بقا فيصل حاضيهم حتا شاف ياسمين ناضت للحمام و امير خرج و ناض تبعو
فيصل:صافي وصلتي للهدف ديالك
امير:هدا نتا
فيصل:اه هدا انا لي خديتي ليه حبيبتو
امير:انا مخديتلك حتا حاجة نتا لي ضيعتيها من يدك بسبب طيشك
فيصل:قول بسباب طيش بنتك
امير شنق عليه:شنو كتقصد 😡
فيصل دفعو:احسان هي لي كانت سباب باش تفارقت انا و ياسمين
امير:واش عارف اش كتقول ولا لا بنتي الله يرحمها اش داها لواحد فحالك
فيصل:بنتك كانت تابعاني فين ما مشيت و استغلات الشفقة ديالي عليها و تقربات مني و ياسمين شافت واحد المنظر لي انا مادرت فيه والو بنتك بنتك لي فارقاتنا
امير عطاه بونية:بنتي مديرش شي حاجة فحال هادي
فيصل رجعها ليه:لا دارتها و ماشي بعيد تكون نتا لي صيفتيها باش تبقا ليك ياسمين بوحدك
ناض ليه امير ركلو طيحو لارض و بدا عليه بالبونيات ...قلبو فيصل و ولا هو لي كيضرب ..تجمعو عليهم الناس و خرجو البنات
ياسمين:امييير صافي حبسو عافاكم ...شي حد يفارقهم مالكم كتفرجو فيييهم
دفعو امير و ناض شد ياسمين من دراعها:زيدي قدامي
فيصل:بلاتي ياسمين خاصك تعرفي بلي انا ....
ياسمين قاطعاتو:شوو ماتقول حتا كلمة ماعندك ماتقولي و بعد مني و من راجلي
امير:كنتمنى تكون فهمتي راسك ياله احياتي
ركبو ياسمين و امير ف لوطو و مشاو و الناس بداو كيتفرقو .. فيصل دوز يديه على شعرو و شاف ف شهد لي الدموع ف عينيها شافت فيه و سبقاتو ل طونوبيل ... تبعها ركب و تاجه لدار الصمت مالي المكان كل شوية كيضور يشوف فيها و هي حاطة راسها على الزاج و الدموع كيهبطو على خدها
ياسمين:شوف تجرحتي فوجهك ضروري كانتو دابزو
امير:هو لي استفزني بنضرتو على احسان الله يرحمها
ياسمين:الله يرحمها
امير وقف الطونوبيل و شد وجه ياسمين بين يديه و قربها ليه
امير:ياسمين شوفي ف عيني و قولي لي بلي مابقيتي كاتحسي من جيهتو بوالو
ياسمين قربات منو كتر:انا كنبغي راجل واحد لي هو راجلي و بابات ولادي كنبغيك ا امير
امير زاد قربها ليه حتا تخالطو انفاسهم و طبع قبلة على شفايفها الصغار... حط جبهتو على جبهتا
امير:وانا كنموت عليك
وصلو شهد و فيصل لدار خرجات شهد و زدحات الباب و طلعات بالجرا
فيصل:ياربي كيف غاندير نشرح ليها دابا اوف
طلع لعندها لقاها كتبدل حوايجها
فيصل:شهد انا ...
شهد:مافيا لي يهضر باغا نعس "تخشات فالفراش و تغطات"
فيصل:حيد عليها الغطا:و انا مغنخليكش هكا تنعسي و نتي فاهمة غلط
شهد:شنووو لي فهمت غلللط شنو فهمت حبك ليا غللط؟اولا هداك ماشي حب هديك شفقة حيت كنت مريضة و دابا ملي بريت مشيتي كتجري لعند حبيبتك القديمة
فيصل:شهد سمع...
شهد: نهااار شفنااا زواجهم ف تيفي و ليوم ملي شفتيهم كل مرة متشوفها معاه كتولي فشكل كتولي باغي تهرب مني و متقولي فاهمة غاالاط الحاجة الوحيدة لي كنت فاهماها غلط هي زواجناا
فيصل :واخااا تسكتي شوية و تخليني نهضر حنا مدابزناش على ياسمين دابزنا على احسان بنتو لي نتاحرات فهمتي الموضوع مكانش ياسمين نتي دغيا صايبتي فيلم رسك
شهد:انا ماشي حمقة ا فيصل باش ضحك عليا بهاد جوج كلمات
فيصل:وانا مكنضحكش عليك ا شهد متكونيش فحالها و ضيعي حياتنا بزوج انا كنبغيك اشهد ماشي كنشفق عليك
ايمان:امم اذن غدا ماما عايدة اتخرج من لكلينيك ههههه اه اماما عايدة كون تسمعي مني و تجي فصفي غايكون مزيان لينا بزوج و لكن ماعرت منين خرج لينا هاد المريض دخوك لي خلات تحولي لوحدة ظريفة و ماباغا تآذي حد ...امم لقيتهااا ههههههههه انشدك من اليد لي كتوجعك اماما عايدة نتي غاتعاونيني نرجع ل حسام نتي لي غاتعاونيني
ايمان:الو نتلاقاو غدا فبلاصتنا عندي للي خدمة
ياسمين جالسة فوق رجل امير و كداوي ليه وجهو
امير:كنتي عارفة بلي كيعرف احسان
ياسمين:هو مقالي والو عليها انا كنت شفتهم بزوج ..
امير:يعني بصح عي سباب باش تفارقتو
ياسمين:لا احياتي فيصل فيصل مان على علاقة مع وحدة اخرى ملي كنا بزوج دابا عندهم ولد يعني بنتك معندها حتى ذنب هو لي خبيث
امير حيد ليها دكشي من يديها و نعسها فوق السرير و جا فوقها
امير: شنو بان ليك نسدو هاد الموضوع فخطرة
ياسمين:غايكون احسن
امير كيلعب ليها بشعرها:نتي احسن حاجة وقعاتلي فحياتي "قرب ليها كتر و تلامسو شفايفهم..."
حسام:الو سناء نزلي عندي انا تحت داركم
سناء:مشا الحال بزاف احسام حتا لغدا
حسام:انقولك شي حاجة دغيا
سناء:واخة هاني نازلة ..."حلات باب لوطو و دخلات سلمات عليه"شنو كاين و شكون هادو لي واقفين حدا دار
حسام:ايمان ..ايمان هي لي كانت السباب فالحادث د الواليدة و حاولات تخنقها فالكلينيك هي مناوياش على خير باغا تنتاقم منا و انا خايف عليك اكيد اتبغي دير ليك شي حاجة حتا نتي
سناء:اااه كوون تجي فيدي نشبع فيها تريااش الكلبة لاخرة مريضة اجي و علاش مخبرتوش لبوليس
حسام:ديتها ليهم بيدي و طلقوها حيت معندهم حتا دليل ايمان عارفة مزيان اش كدير نتي ردي بالك واخة
سناء:متخافش معندها ماديرلي انا خاصني نطلع فيا الموت دنعاس تصبح على خير "باستو"
حسام:تصبحي على خير
فاقت شهد بكري لبسات حوايجها دغيا و خلات ورقة لفيصل بلي اتمشي تشوف ماماها ... خرجات كتمشا على رجليها حتا وصلات لمركز التحاليل دارت تيست و تسنات النتائج حتا خرجو و مشات عند الطبيب ديالها
الطبيب:اهلا شهد اش هاد الزيارة ياك لاباس
شهد كترعد:دوكتور انا جبت ليك هاد التحاليل انا شاكة بلي رجع لي المرض
الطبيب:انشوف
بدا الطبيب كيقرا فالتحاليل و شهد ايكت ليها قلبها بالخلعة
الطبيب:للاسف ابنتي الشك ديالك فمحلو و هاد المرض ضروري من زرع النخاع
شهد كترعد و الدموع نازلين:ايلا درت العملية مغايرجعش تاني
الطبيب:شوفي ابنتي شهد باش نكون معاك صريح هاد المرض ميمكنش نعرفو واش ايرجع اولا تقدي ديري العملية و تشافاي و من بعد مدة يرجع ليك
شهد:وايلا مدرتهاش
الطبيب:اتكوني كتلعبي بحياتك خاصك تعلمي دابا عائلتك باش نشوفو شكون لي غايصلاح يتبرع ليك
شهد:دكتور انطلب منك واحد الطلب
الطبيب:تفضلي
شهد:مابغيت حتا حد من عائلتي و خصوصا راجلي يعرفو بالمرض ديالي حيت ماغنديرش العملية
الطبيي:ولكن..
شهد:عافاك انا كنطلبك
الطبيب:كنتمنى تفكري فالقرار لي خديتي
خرجات شهد من عند الطبيب و تاجهات للبحر تخوي قلبها عليه
شهد:علاش انا علاااش انا ياربي شنوو الدنب لي درت فحيااتي اهئ اهئ حتاا بنيت حياتي مع الراجل لي كنبغي و ولا عندنا ولد علاش يرجع لي المرض تاني اهئ اهئ اهئ شحال تعدبت باش نبرا منو و رجع تااني اهئ اهئ انااا مغنضيعش هدشي لي بقا لي فحياتي غي فسبيطار انا كنفضل نقضيها مع راجلي و ولدي و مغنقبلش فيصل يزيد يشفق عليا انا بغيتوو ييغيني ييغينييي اهئ اهئ
رجعات عايدة و سليم لدار و طلعو لبيت سليم
عايدة:خاصك تنعس و ترتاح لبارح بقيتي فايق ليل كامل
سليم:حتا نتي خاصك ترتاحي
عايدة:لا انا مزيانة دابا و زايدون خاصني نمشي للشركة راه العرض د الجديد مابقا ليه والو
سليم:واعديني ماتفورصيش على راسك
عايدة:كنواعدك
باستو فراسو و مشات لبيتها دوشات و لبسات حوايجها فطرات دغيا و خدات لوطو ديالها جديدة و تاجهات للشركة ...حتا قربات توصل و تفكرات بلي نسات تيليفونها فالدار قلبات الطريق و رجعات للفيلا ... لقات الزحام فالطريق وقفات لوطو بعيد شوية و كملات على رجليها ...ملي قربات بانت ليها الفيلا شاعلة فيهة العافية خرجات عينيها و جرات على حر جهدها و هي كتغوت
عايدة:سليييييييييييييييم😱
مشات متجري بغات دخل ولكن حبسوها الناس لي تما و هي غي كتغوت و تبكي حتا جاو الاطفاء و الاسعاف ... طفاو الحريق و خرجو الخدامة و سليم داوهم الاسعاف و عايدة طلعات معا خوها
عايدة شادة ليه فيديه و كتبكي:سمح ليا اهئ اهئ اهئ مكانش عليا نخليك بوحدك سمح ليااا اهئ اهئ اهئ عافاك حل عينيك و جاوبني عافاك
وصلو لكلينيك و دخلوه دغيا و عايدة غادية معاهم كتجري ..دخلو سليم يفحصوه و هي بقات غادة جايا و تبكي حتا خرج الطبيب
عايدة:ماعندو والو يااك ماوقع لخويا والو هضررر
الطبيب:تهدني امدام الاخ ديالك تخنق بسبب الحريق و كدمات فراسو حيت طاح عليه غنحولوه للانعاش دابا
عايدة:نقد نشوفو
الطبيب:ميمكنش دبا ملي يفيق و نحولوه لغرفة يمكن تشوفيه
ايمان:ماما عايدة هاد الهضرة ماشي فصالحك هادي كانت غير قرصة وذن شنو بان ليك نتلاقاو و نتفاهمو
عايدة:ماااعندنا فاش نتفاهمو نتي بعدي مناااا و لا ماغيعجبك حاال
ايمان:رااه نتي ايلا مدرتيش دكشي لي قتليك اترحمي على خوك المسكين
عايدة:اتعاودي تقربي مني ولا من خويا نشرب من دمك ا ايمااان كتفهمي
ايمان:كيبان لي نتي ماعارفاش معامن و مواعياش بشنو نقد ندير ليوم حرقت الفيلا غدا نحرق قلبك على خوك انا باغا غي نجلسو و عندي ليك واحد العرض ايفيدنا بزوج و كنواعدك منعاودش نقرب ليك لا نتي لا خوك انصيفت ليك العنوان ف مسج من الاحسن ليك تجي باي
قطعات عليها و بقات عايدة فحيرة من امرها شنو دير وصلها العنوان ..مشات طلات على سليم من الزاج و نزلات خدات طاكشي وصلها لعداك العنوان كان كافي جنب البحر قلبات على ايمان و تاجهات جيهتها
بقات شهد على داك الحال حتا وصلات العشية ..وقفات مسحات وجها و شدات طاكسي لدار دخلات مالقاتش فيصل هزات تيليفونها لقاتو ايطرطق باتصالاتو ..عيطات ليه
ايمان:شنو بان ليك تعاونيني نرجع لحسام و انا نعاونك ترجعي لامير
عايدة:شكون قالك انا باغا نرجع لامير
ايمان:ااه ماما عايدة بهاد السهولة ستسلمتي لديك البرهوشة و خليتيها تاخد ليك راجلك شنو زعما نسيتيه و مبقيتيش كتبغيه انا كنضن بلي بزوجكم مزال كتبغيو بعضياتكم و هو تزوج بهديك البرهوشة غير باش يفقسك
عايدة:اييمااان...
ايمان:بلاتي واش عارفة البرهوشة كتشكل عليك خطر كبير هيا دبا حاملة نهار تولد و تلعب بعقل امير مغايبقا لا ليك لا لولدك شي حاجة ايلا تعاونا انحيدوها من طريقنا و ايبقا ليك امير بوحدك وحتا نتي خاصك تعاونيني نرجع لحسام
عايدة:وكيفاش ايوقع هدشي
ايمان:دابا ملي الفيلا ديال ولدك تحرقات اكيد بابا امير غادي يفتح ليكم دارو تجلسو فيها و نتي اتقربي منو
عايدة:علاش اندير اما حاجة فحال هادي
ايمان:باش تحمي خوك و ترجعي لامير
عايدة:خليني نفكر
ايمان:داابا ا عايدة ياتختاري نتعاونو يا تختاري خوك يموت قبل ماتوصلي عندو حيت اماما عايدة واحد الممرضة كتسنا اشارة مني باش تقتلو
فيصل واقف فالكوزينة كيصايب الفطور قادو فبلاطو و مشا بيه لبيتهم حطو فوق الطبلة و طلع الريدو ...شهد فاقت بسباب اشعة الشمس لي دخلات للغرفة و فيصل حط البلاطو فوق رجليها و جبد وردة من جيبو
فيصل:صباح الورد ا الوردة دحياتي
شهد شادة الضحكة:يحساب ليك اتراضيني بالفطور فوق الفراش
فيصل كيضحك:شكون قاليك انا كنراضيك انا غي شفتك عيانة البارح و قلت مغيكون فيك لي ينوض
شهد:اممم تيقتك
فيصل كيلعب بشعرها:انا غانكون مشغول اليوم بزاف مع8 نبغي نلقاك واجدة حيت عندي ليك مفاجئة
حسام:مزاال ..قالو بلي الغاز هو السباب ولكن انا شاك فهديك المجرمة د ايمان
عايدة:اا ايمان علاش ادير حاجة فحال هادي عادي شحال من دار تحرقات بسباب الغاز
حسام:لمهم راه الواليد قالي نمشيو نجلسو عندو بيدما لقيت شي دار
عايدة:غي سير نتا انا و سليم انجلسو ف اوطيل
حساام:ميمكنش هو اكد عليا باش نجيو كاملين
عايدة: اوك
شهد دوزات النهار كامل فالدار مع آسر حتا وصلات العشية و ناضت توجد راسها لبسات كسوة فالذهبي باليدين و فايتة الركبة وفيها فتحة الوسط و صدرها هابط ..شعرها صايباتو و خلاتو مطلوق و ميكاب تقيل ...لبسات ل آسر حوايجو كملات مع وصول فيصل لي صونا عليها باش تنزل عندو هزات آسر و صاكها و نزلات دخلات لوطو ..فيصل كان لابس دجين و قاميجة منقطة بالبيض و الكحل و فيست بالبلو ماغين
فيصل باس يدها:جيتي كتحمقي
شهد:شكرا 😋
فيصل:انديو بعدا آسر لخالتي نجاة و نمشيو نشوفو لمفاجئة
شهد:علاش منديوهش معانا
فيصل:حيت بغيت ندوزو هاد الليلة غي بزوج😉
حطو آسر عند جداه و اتاجهو لمكان المفاجئة🎊
شهد:علاش جينا لريسطو
فيصل:نزلي
نزلو بزوج شد ليها فيصل يديها و جرها لقدام الريسطو كان الظلام و ماكيبان والو ..هز فيصل تيلي و صيفت مسج
شهد:اوا طلقنا شنو هي المفاج..
حلات شهد عينيها و الابتسامة على وجها
شهد:درتي سميييتي😍😍
فيصل:حيت معنديش اغلى منك
فيصل كان حريص باش يكملو الاشغال اليوم و يوجدو الريسطو لي سماه على اسم شهد
شدها من يدها و دخلو الداخل ...كان خاوي حيت مزال مشراو الاثاث بغاها هي تختارو ...وكان الظلام ايلا واحد القنت لي مضوي ...جرها ليه كان مفرش ناب حمرا و مضور عليها بولات صغار و شمعة الوسط و العشا لي وجدو بيدو
عايدة:علاش اندير اما حاجة فحال هادي
ايمان:باش تحمي خوك و ترجعي لامير
عايدة:خليني نفكر
ايمان:داابا ا عايدة ياتختاري نتعاونو يا تختاري خوك يموت قبل ماتوصلي عندو حيت اماما عايدة واحد الممرضة كتسنا اشارة مني باش تقتلو
فيصل واقف فالكوزينة كيصايب الفطور قادو فبلاطو و مشا بيه لبيتهم حطو فوق الطبلة و طلع الريدو ...شهد فاقت بسباب اشعة الشمس لي دخلات للغرفة و فيصل حط البلاطو فوق رجليها و جبد وردة من جيبو
فيصل:صباح الورد ا الوردة دحياتي
شهد شادة الضحكة:يحساب ليك اتراضيني بالفطور فوق الفراش
فيصل كيضحك:شكون قاليك انا كنراضيك انا غي شفتك عيانة البارح و قلت مغيكون فيك لي ينوض
شهد:اممم تيقتك
فيصل كيلعب بشعرها:انا غانكون مشغول اليوم بزاف مع8 نبغي نلقاك واجدة حيت عندي ليك مفاجئة
حسام:مزاال ..قالو بلي الغاز هو السباب ولكن انا شاك فهديك المجرمة د ايمان
عايدة:اا ايمان علاش ادير حاجة فحال هادي عادي شحال من دار تحرقات بسباب الغاز
حسام:لمهم راه الواليد قالي نمشيو نجلسو عندو بيدما لقيت شي دار
عايدة:غي سير نتا انا و سليم انجلسو ف اوطيل
حساام:ميمكنش هو اكد عليا باش نجيو كاملين
عايدة: اوك
شهد دوزات النهار كامل فالدار مع آسر حتا وصلات العشية و ناضت توجد راسها لبسات كسوة فالذهبي باليدين و فايتة الركبة وفيها فتحة الوسط و صدرها هابط ..شعرها صايباتو و خلاتو مطلوق و ميكاب تقيل ...لبسات ل آسر حوايجو كملات مع وصول فيصل لي صونا عليها باش تنزل عندو هزات آسر و صاكها و نزلات دخلات لوطو ..فيصل كان لابس دجين و قاميجة منقطة بالبيض و الكحل و فيست بالبلو ماغين
فيصل باس يدها:جيتي كتحمقي
شهد:شكرا 😋
فيصل:انديو بعدا آسر لخالتي نجاة و نمشيو نشوفو لمفاجئة
شهد:علاش منديوهش معانا
فيصل:حيت بغيت ندوزو هاد الليلة غي بزوج😉
حطو آسر عند جداه و اتاجهو لمكان المفاجئة🎊
شهد:علاش جينا لريسطو
فيصل:نزلي
نزلو بزوج شد ليها فيصل يديها و جرها لقدام الريسطو كان الظلام و ماكيبان والو ..هز فيصل تيلي و صيفت مسج
شهد:اوا طلقنا شنو هي المفاج..
حلات شهد عينيها و الابتسامة على وجها
شهد:درتي سميييتي😍😍
فيصل:حيت معنديش اغلى منك
فيصل كان حريص باش يكملو الاشغال اليوم و يوجدو الريسطو لي سماه على اسم شهد
شدها من يدها و دخلو الداخل ...كان خاوي حيت مزال مشراو الاثاث بغاها هي تختارو ...وكان الظلام ايلا واحد القنت لي مضوي ...جرها ليه كان مفرش ناب حمرا و مضور عليها بولات صغار و شمعة الوسط و العشا لي وجدو بيدو
شهد شافت هادشي لي وجد على قبلها و طارت عليه عنقاتو و بدات كتبكي
فيصل:دبا علاش كتبكي واش معجبكش هدشي
شهد كتمسح دموعها:لا لا بلعكس هدشي زوين بزاف شكرا افيصل
فيصل:مكاين لاش تشكريني الحمقة
شهد رجعات عنقاتو و فيصل شعل موسيقى هادئة و بقاو كيتمايلو على انغامها
فيصل: خاصنا نمشيو نشريو غدا الاثاث
شهد:اوك و نوجدو للافتتاح عندي واحد صاحبتي اعلامية غادي نقولها تكلف بالدعاية
فيصل:شكون كان يقول فيصل لي كان كيقلب ليل و نهار على شي خدمة ف اي مطعم يولي عندو ريسطو كبير فحال هدا
شهد:نتا تستاهل كل خير احياتي
فيصل شد يديها بزوج باسهم:بلا المساعدة و الدعم ديالك مكنتش غنوصل لهدشي
شهد:حتا نتي دعمتيني بزاف باش نتعالج"غرغرو عينيها"كنبغيك❤
فيصل:حتا انا❤
حبسو الرقص و جلسو تعشاو و كملو ليلتهم تما
حولو سليم لغرفة عادية ودخلات عندو عايدة جالسة حداه و كتسناه يفيق
حنان:فين بقاات هاد البنت ياربي...اوف و حتا ياسمين مكتجاوبش تكون باتت عندها زعما ولكن ايلا باتت عندها اتعلمني ..الحل الوحيد نمشي عند ياسمين قلبي مامهنينيش
لبسات كاب ديالها و خرجات شدات طاكسي نزلات تلاقات ب امير ياله داخل
حنان بقلق:امير سمحلي جايا فهاد الوقت سناء جات عند ياسمين و مزال مارجعات لدار و بجوج مكيجاوبوش على تيلي
امير:اجي دخلي بعدا و تهدني ايكونو غي مزال سهرانات و مسمعوش تيلي "دخلو" مكاينينش ف صالون
ياسمين:امم واش وصل الصباح دغيا"حلات عينيها"مزال ليل علاش فيقتيني
امير:ياسمين سناء مختافية ملي مشات من هنا مرجعاتش لدار و تيلي ديالها طافي
ياسمين:كيفاش😱وعلمتو البوليس؟
امير:كنتسنا حسام يجي و نمشيو لكوميسارية
ياسمين:تسنا نلبس و نمشي معاكم
امير:لا نتي غاتهبطي لعند حنان و تجلسي معاها حنا غانعلموكم ايلا وقعات شي حاجة
ياسمين:واخة"لبسات الكاب ديالها و نزلو بجوج لقاو حسام جا و شاد التيلي "
حسام:طاافي طاافي اووف اشنو غيكون واقع ليها
امير:تهدن حتا نتا احسام هاد العصبية مغتفيدنا فوالو نمشيو لعند البوليس و هوما ايديرو خدمتهم و انتوما بقاو هنا متخرجوش
مشاو حسام و امير للكوميسارية و علموهم بالاختفاء د سناء و بداو كيقلبو عليها
سناء بقات مقاتلة معا هديك الكوردة حتا حلاتها و حلات رجليها ..ناضت كتقلب فالبيت علاشي شي حاجة تحل بيها الباب حتا لقات موس مايوح تما هزاتو ...وكانت ياله غادا جيهت الباب حتا سمعات خطوات قراب رجعات جلسات فالكرسي و رضات يدها اللور ...تحل الباب و دخل تاني هداك الراجل
الشخص:القطيطة شفتك سكتي"بدا كيقرب منها و كيلعب بشعرها"عارفة بلي نتي مثيرة بزاف
هزات سناء يدها و ضرباتو بالموس جاتو الضربة فكتو ...سعر عليها و نزا عليها بطرشة طيحاتها فوق السرير و هجم عليها كيبوس فيها و ناوي يغتاصبها ...سناء كتحاول دفعو مقداتش...رجعات يديها اللور و قاصت شي حاجة تقيلة هزاتها بزز و نزلات عليه للراس ..طاح عليها و الدم نازل من راسو
هزات صاكها دغيا و خرجات كتجري لقات راسها فبلاصة مقطوعة و كاينة طونوبيل ...رجعات دخلات عندو قلبات فحوايجو خدات الساروت و رجعات لوطو خدامتها و هي كلها كترعد و تبكي بقات غادة جتا خرجات لشانطي و تاجهات لدار ...وصلات و طلعات دغيا قبل مايشوفها شي حد بهديك الحالة ..دخلات لدار و مالقاتش حنان مشات دغيا لدوش و تخشات تحت الرشاشة بحوايجها كتغسل كل بلاصة قاصها فيها هداك الوحش و يدها لي عامرة بالدم ...بقات على داك الحال تحت الرشاشة تبكي و تفكر شنو وقع ليها حتا تحل عليها الباب
رجعو حسام و امير لعند البنات لي كانو كيتسناوهم
حنان:امضراا
امير:بداو يقلبو عليها من الاحسن احنان ترجعي لدار تقد تجي لتما
ياسمين:اه و انا غنمشي معاك
حنان:لا غي خليك احبيبة رتاحي
حسام:اجي انا نوصلك
وصلها حسام للدار و تاجه لدار ايمان .. صونا عليها و تسنا تحل ...ايمان سمعات حس لوطو طلات شافتو و ناضت دغيا لبسات كسوة معرية و طلقات شعرها ..حلات ليه الباب و دارت راسها تفاجئات
ايمان:ااحسام شنو باغي فهاد الوقت
دخل حسام و سد الباب و تلاح عليها قجها
حسام:ياااا غادي تقولي فين هي سنااااء داااباااااا ولا غنقتل مك دااابا
حسام:نتي لي خطفتييها نتي انا راه عاايق بيك ا ايماااان و هاد الفعايل لي كديري فلول خسرتي لفران د لوطو و حاولي تقتلي الواليدة و من بعد حرقتي دار و داابااا علاياش نااويا تقتلي سناااء؟هااا دوي نشرب من دمك ا ايييمان
ايمان تخنقات مابقاتش قادة طلع النفس طلق منها و هي طاحت للارض كطلع النفس غي بزز
حسام:شوفي ا ايمان غاتقولي لي فين كاينة سناء و كنواعدك مندير ليك والو
ايمان:واش مكتفهمش انا مخطفتهاش انا كنعتارف بلي كنت باغة نقتل عايدة حيت غضرات بيا اما سناء معندي معاها حتا مشكل بلاصة ماضيع وقتك معايا هنا سير قلب على خطيبتك
حسام:اندير راسي تيقت هضرتك و غانلقا سناء و ايلا قاتلي عندك علاقة بهاد الموضوع كنواعد منرحمكش ا ايمان اتمناااي تموتي و مغنقتلكش
ناض خلاها مرمية هكاك و خرج
ايمان:الحيوان لاخر قصحني"ناضت شافت عنقها فالمراية حمر خدات بومادة دهنات ديك البلاصة"خايف على حبيبة القلب ههههه نيت فكرني نشوف اش كدير "هزات تيلي" اوف هدا مالو مكيجاوبش عنداك تكون هربات ليه خاصني نمشي نشوف اش واقع"لبسات دغيا حوايجها و نزلات لوطو و هي حاضية ياكما تابعها شي حدا وصلات لديك البلاصة لقات الباب محلول و داك الراجل طايح"الحمااار هديك مقديتيش عليهااا ياكما مات بعداا"دارت ليكات فيدها و قلباتو لقاتو مات"خاصني نستغل الموت ديالو مشيتي فيها اسناء هههههههههههه
حلات حنان الباب و سمعات صوت الرشاشة فالحمام و رتاحت حلات عليها الباب
حنان:سنااء😱 مالك اش هاد الدم و علاش كتبكي
سناء:اناا قتلتوووو قتلتوووو اهئ اهئ مكنتش باغة نقتلو هو كان ايغتاصبني كون مقتلتوش كون غتاصبني اهئ اهئ انا ولييت قتاااالة اهئ اهئ
حنان عنقاتها:شووو تهدني و عاودي من الاول شكون هدا
سناء:انا غندوز حياتي فالحبس انا قتااالة اهئ اهئ اهئ هو كان ايغتاصبني
حنان: صافي تهدني احبيبة
حيدات ليها حوايجها و دوشات ليها لبساتها بينوار و خرجاتها لبيتها ..هزات تيلي طمن ياسمين و البقية
حنان:الو ياسمين لقيت سناء فالدار
ياسمين:فين كانت واش هي لاباس
حنان:اه لاباس لاباس كانت عند واحد صاحبتها و تيلي ديشارجا ليها
ياسمين:صاحبتها فهاد الوقت دوزيها لي نهضر معاها
حنان:حتا لغدا دابا راه نعسات نتي طمني البقية عليها تصبحي على خير
ياسمين:تصبحو على خير ... لقاتها فدار
حسام:فين كانت
ياسمين:عند صاحبتها
حسام:صاحبتها فهاد الوقت انمشي نشوفها
ياسمين:راه نعسات دابا حتا لغدا و شوفها
امير:الحمد لله على سلامتها نوضي حتا نتي نعسي
ياسمين:ياله تصبح على خير احسام
حسام:و انتي من اهل الخير
بقات حنان مع سناء حتا نعسات و تكات فالسرير لي حداها
حنان:شكون هدا لي بغا يغتاصبها و قتلاتو الله ياربي دير لي فيها الخير ..طلع الصباح و حنان مزال مانعسات كتشوف صاحبتها حداها كتحل بدكشي و كل شوية نايضة قافزة و عرقانة ...بقات بلا نعاس و ناضت توجد الفطور حتا دق شي حد حلات الباب و تفاجئات ب ايمان
ايمان جبدات تيلي من صاكها و دارت واحد تصويرة د هداك الراجل لي مات و وراتها لسناء
سناء تلاحت عليها مخرجة عينيها:نتييييي مولات الفعلة
ايمان:بغيتي تقتليني كيف قتلتيه
سناء:انا داافعت على رااسي هو كان باغي يغتاصبني
ايمان:معندك حتا دليل احبيبة و زايدون ملي قتلتيه و هربتي لهنا راك تبتي عليك التهمة شوفي اسناء انا عندي ليك واحد العرض يا اما غاتفسخي عقوبتك مع حسام و تخرجيه من حياتك و انا كنواعدك ندفن ديك الجثة و نحيد اي دليل اولا تيليفون مني و يمشيو البوليس لديك البلاصة و ايلقاو البصمات ديالك فالموس وادوزي حياتك فالحبس ..نتي ختاري يا اما تعيشي بحرية بعيدة على حسام اولا يبقا يجيب ليك القفة للحبس
العشيقة الصغيرة الجزء الثامن
محتوى القصة
التنقل بين الأجزاء