سناء:انا مخايفاش منك و انا كنت غي كاندافع على راسي
ايمان:الراجل ميت و البصمات ديالك تما قتلتيه و هربتي تخبيتي هنا باش غايعرفوه كان باغي يتعدا عليك شوفي اسناء انا مغنضيعش وقتي معاك يا غتبعدي من حسام يا غندخلك الحبس
ايمان:اه الصراحة فكرت فهاد القضية شنو بان ليك نصورك مع شي واحد ناعسين و نصيفتها ليه هههههههههههههه ديك ساعة عو لي ايتفارق معاك و ماشي بعيد يقتلك كاع عههههههههه
سناء:هدشي مكيضحكش ا ايمان
ايمان:انا مكيهمنيش كيفاش تقنعيه لمهم تفارقي معاااه كتفهمي و نهار نشوفك قريبة ليه ندخلك للحبس
سناء:سمحلي ا حسااام سمحلي اهئ اهئ انا كنبغيك كنبغيك بزاف ولكن عمر ديك الشيطانة تخلينا نتجمعو 😢
خرج حسام معصب معارفش واش يتيق هديك الهضرة اولا شي حاجة فالداخل ديالو كتقوليه غير كتكدب ميمكنش سناء دير فيه هدشي ...مشا لكلينيك يجيب عايدة و سليم وصلهم للفيلا ومشا للشركة دفن راسو فالخدمة
تلاقات عايدة و سليم بياسمين ملي كانو داخلين
عايدة:صباح الخير العروسة الصغيرة
ياسمين:صباح النور اعايدة و مرحبا بيك فداري واخة غتكون مدة فصيرة و مغنسخاوش بيكم
عايدة:هههههههه دارك؟نتي عندك دار وحدة هي لي فديك القرية الصغيرة و غاندير جهدي باش نرجعك ليها
ياسمين:على الاقل انا عندي دار سواء هنا ولا لهيه كيتك نتي لي كتساراي كن دار لدار اجي علاش ماتشوفيش شي واحد من العشاق القدام دياولك اولا ياكما تبتي هههههه
عايدة:نصيحة حضي راسك مني هاد التقة ف النفس لي عندك ماغتفيدكش ياله اسليم"شدات فيدو و دخلو بزوج و هي غطرطق عصباتها ياسمين و مبغاتش تبين قدامها"
ياسمين:حكييمة(الخدامة)
الخدامة:نعام الالة
ياسمين:وري الضيوف ديالنا غرفهم
الخدامة:واخة الالة ..تفضلو معايا
ياسمين:الله يدوز هاد الايام على خير
عايدة و سليم خداو الغرف ديالهم ...عايدة خدات دوش و لبسات حوايجها قدات الميكاب ديالها و مشات عند خوها
عايدة باستو و مشات للشركة و طلعات لعند امير ..دقات الباب و دخلات
عايدة:صباح الخير امير
امير:صباح الخير قاتلي ياسمين مشيتو لفيلا
عايدة بهمس:دغيا وصلاتها ليك البرهوشة
امير:شنو قلتي
عايدة:قتلك شكرا بزاف ا امير
امير:انا هدشي درتو على قبل حسام
عايدة:بطبيعة الحال نتا نسيتي العشرة لي كانت بيناتنا
امير:نتي لي نسيتيها ماشي انا لمهم انا عندي خدمة و مامساليش لهاد الهضرة ياريت تصيفتيلي التصاميم جديدة
عايدة:امم واخة ا امير غانصيفتهم ليك
شهد و فيصل ليوم كيشريو الاثاث و الديكور لريسطو تقريبا كلشي ختارتو شهد على ذوقها ..كملو و سيفطو دكشي لريسطو و وقفو عليهم حتا قادو كلشي
شهد:يااااي جا زويين بزاف
فيصل عنقها جنب:حيت مراتي حبيبتي هيا لي ختارتو
شهد:هههه غدا غتكون الصحافة انا متوترة بزاف
فيصل:كلشي غيكون مزيان متخافيش
شهد:زعما نتا ما متوترش هههه
فيصل:شووووية هههه واش انبقاو هنا انا راه قتلني الجوع
شهد:حتا اناااا
خرجو تغداو على براا و مشاو لعند مامات شهد جلسو معاها شوية ..خداو آسر و رجعو لدارهم
حسام مقدرش يكمل خدمتو هكاك راسو كيضرو كاين صراع فالداخل ديالو مابين عقلو لي كيقول صافي خليها عليك طلعات فحالها فحال لاخرين و قلبو لي ممتيق حتا كلمة من دكشي لي قالت ..شنو يدير يتبع عقلو و يتخلى عليها اولا يتبع قلبو و يعرف علاش كدبات عليه ...هز التيلي و عيط على واحد من رجالو
حسام:بغيتك تراقبها اي حركة ديرها بغيت توصلني ....هاحنا انشوفو ا سناء شكون هدا لي بدلتيني بيه
ياسمين جالسة فالجردة كتاكل الفواكه و شادة طابليط كتقلب فيه حتا طلعات ليها صورة د فيصل و شهد مكتوب عليه "افتتاح مطعم شهد غدا على الساعة السابعة مساء"
ياسمين:و مسميه بسميتها من الفوف اااخ علييك افيصل اااخ مصدقتيش "بدات كتزومي ف تصويرة لوجه فيصل و كتقيس فوجهو عاقت براسها و خرجات من هاديك الصفحة"ااش كديري اياسمين حماقيتي
الخدامة:لالة صحاباتك جاو
ياسمين:هانا جايا ...البنات فينها سناء
حنان:مقداتش تجي نفسيتها محطمة
ياسمين:علاش مالها ياكما خبيتي عليا شي حاجة لبارح
حنان:لا لا اشنو غانخبي عليك راه هاد الصباح تفارقات هي و حسام
ياسمين:مزيان واخة بااغا تكبر لي كرشي دغيا ههههه و تخرج بنوتي
حنان:باش عرفيتها بنت بسلامتك
ياسمين :حاااسة 😍
مريم:يخليلي الحساسة
ياسمين:نتي مناوياش تحملي خلاص خاص بنتي معامن تلعب
مريم:مزال مكتاب
حنان:رااعيو شوية راه وسطكم وحدة سيليباطير
ياسمين:هههههه ونتي مانوايش تفرحينا بيك
حنان :فين هو العريس ههههه
الخدامة:لالة الغدا واجد
ياسمين:ياله نوضو نتغداو
مشاو للسفرة د الاكل و خداو بلايصهم
الخدامة:لالة واش نطلع لغدا للضيف
ياسمين:قولي ليه ينزل يتغدا معانا
الخدامة:واخة الالة
مريم:شكون هدا
ياسمين:الاخ د عايدة
مريم:وشنو كيدير هنا
ياسمين:راه جاو سكنو معانا حيت دارهم تحرقات
مريم:ومخفتيش علا راجلك منها
باسمين:متخافيش عطيتها الصباح علاش كضوور هههههه
الخدامة:لالة مبغاش ينزل
ياسمين:على راحتو طلعي ليه غداه
الخدامة:واخة الالة
مريم:اجي منين خرج هاد خوها عمري شفتو معاها فشي صورة
ياسمين:راه ماشي بزاف باش لقاتو و مريض مسكين شفتو قبيلة مايستاهلش اخت فحال هديك
حنان:خلونا منهم و تغداو
ياسمين:البنات فيصل ايحل ريسطو كبير سماه بسميت مرتو
حنان:وانتي مزال تابعة اخبارو
ياسمين:لا انا شفت الخبر غي بالصدفة
حنان:شنو بان ليك تاخدي راجلك و بوكي دالورد و سيري باركي ليه
ياسمين:كضحكي عليا
حنان:ياسمين نساي عليك فيصل و ديها فراجلك و البيبي صافي
ياسمين:هدشي لي كندير اصلا
مريم:سمعت بلي كاين شي عرض جديد
ياسمين:ووي تصاميم عايدة
مريم:عقلتو باش تفضحات اخر عرض
حنان:وجها قاصح دارت ديك الفضيحة و راجعة تاني
مريم:ولكن تصاميمها زوينين الصراحة
حنان:وي عندك الحق
ملي مشا حسام و سناء على نفس الوضع جالسة فبيتها جامعة رجليها عندها و عاطياها للبكا ...كيجي فبالها المنظر ديالك هداك الراجل لي قتلات و شوية كيجي منظر حسام معصب ...فيقها من سهوتها صوت تيليفون كانت نمرة مكتعرفهاش
سناء:الو
ايمان:امضرا شفت حسام داخل عندكم و خرج معصب واش تفارقتو
سناء قطعات عليها: تفو على قح** غايجي نهاار لي ندمك فيه على هدشي
المساء🌑:
رجعو امير و عايدة للدار و ياسميين كيف العادة هازة الماكلة و كتفرج
امير باسها:حبيبة
ياسمين:تعطلتي العشا من قبيلة واجد
امير:راك عارفة العرض قرب و الخدمة كتيرة و راجلك عيان خاصو شي مساج
ياسمين حطات الطبسيل من يديها و وقفات كتشوف ف عايدة و تهضر :تعشا دغيا و طلع ندير ليك المساج احياتي
دازت من حداها و هي كتضحك خلات عايدة كتموت بالفقصة
امير:عيطي ل سليم ينزل يتعشا
عايدة:مغيبغيش مزال ماولفكم
امير:اوك
تعشاو ف صمت و طلع امير لبيتو لقا ياسمين قدام المراية كتمشط شعرها و لابسة شوميز فالكحل ...جا امير من ورها عنقها و خشا راسو فعنقها
ياسمين حطات المشطة و دارت عندو دارت يديها ورا عنقو
ياسمين:فخبارك حسام و سناء تفارقو
امير:بصح؟علاش
ياسمين:حتا انا معرفتش لمهم اجي ندير ليك المساج
تكا امير فوق السرير على كرشو و ياسمين دهنات يدها بالزيت و جلسات فوقو و بدات كدير ليه المساج حتا حسات بيه ترخا و ناضت من فوقو
ياسمين:رتاحيتي
امير:بزاف "خدا يديها باسهم و طلع فوقها ....
صباح جديد🌞
امير:ياسمين حلي الباب خليني ندوش راه ايمشي عليا الحال
ياسمين:سير لحمام اخر ايلا خليتك دخل اتعطل كتر هههههه
امير:وااخة اياسمين واخة
هز امير حوايجو و مشا للحمام لي فالطابق ديالهم خدا دوش و بدا كينقص من لحيتو حتا تحل الباب
عايدة:اا سمحلي محسابليش كاين شي حد
امير معبرهاش شاف فيها و رجع كمل خدمتو و هي دارت راسها خرجات و رجات حلات الباب شوية كطل عليه و تفكرات هضرة ايمان"انا كنضن مزال كتبغيو بعضياتكم و هو تزوج بهديك البرهوشة غير باش يفقسك"
عايدة سدات الباب و ضارت لقات ياسمين موراها
ياسمين:صباح الخير اعايدة
عايدة:حيدي من قدامي
ياسمين حبسات عليها الطريق:كنتي كطلي على امير 😃 كتفكري ياماتكم
عايدة:سمعي ا هاد البرهوشة فارقيني عليك و لا مغيعجبك حال
ياسمين:نتي لي تفارقي عليا انا و راجللي و لا غانوقف ف طريقك
عايدة:ههههه فحالا كتهدديني
ياسمين:فحال دكشي 😉
امير حل الباب:شنو واقع هنا
ياسمين شدات فيه و جراتو:والو احبيبي ياله نفطرو
امير:ياكما قلقاتك عايدة
ياسمين:متقدش😉
نزلو كاملين للسفرة ما عدا سليم كملو فطورهم ...عايدة و حسام مشاو بزوج للشركة و امير وصل ياسمين لعند البنات عاد مشا للشركة و دخل لبيرو ديال حسام
امير:اشنو واقع ليك نتا
حسام:مالي
امير:نسولوك نتاا ..علاش تفارقتي نتا و سناء
حسام:معرفتش اشنو كتخبي شي حاجة وقعات هديك الليلة و غانبقا حتا نعرف اجي ياسمين معارفة والو
امير:لا مقاتلي والو
حسام:حاسس بلي ايمان عندها يد فالموضوع
امير:كيف غادير تعرف
حسام:كلفت واحد الراجل يراقب سناء ايلا صدقات الهضرة لي قالت صحيحة غانساها بمرة و ايلا كانت كتكدب غيكون ضروري نعرف الحقيقة
امير:دبا نتا خوي راسك من هدشي و ديها فخدمتك راه العرض مابقا ليه والو
حسام:اوك اوك
ياسمين:شنو كتخبييو عليا البنات
حنان كتشوف ف سناء و سناء كتشوف ف حنان
ياسمين:وااا هضروو
سناء:حلفي موقولي ل امير والو و لا ل اي وااحد
ياسمين: و الله مانقول
عاودات ليها سناء اش وقع بالتفاصيل
باسمين شدات فمها و خرجات عينيها :بنت الحرااام هدشي كامل خططات ليه
ليوم الافتتاح د الريسطو"شهد" ...ختارو فريق عمل راائع و محترف بدااو فالتجهيزاات و فيصل واقف عليهم
شهد:صراحة هدشي صدق زوين بزااف انا متحمسسة😍
فيصل:و انا كتتر منك
شهد:مبقااش الوقت بزاف خاصنا نمشيو نوجدو راسنا
فيصل:سيري نتي انا غنلحق عليك من بعد
شهد:متعطلش 😘
رجعات شهد لدار خدات دوش و لبسات كسوة بيضة و فيها جيهة بالكحل طالون فالكراميل صايبات شعرها و دارتو جنب و ميكاب خفيف ...غي كملات دخل فيصل
فيصل:واش كملتي
شهد:اه وجد راسك دغيا علاما نعيط لماما ..الو ماما
نجاة:وي حبيبة
شهد:لباس عليك و آسر لباس
نجاة:لباس الحمد لله
شهد:سمحي لينا اماما برزطناك معانا هاد اليامات
نجاة:ماشي مشكل احبيبة
ياسمين:اوا عندك تعطلي بليل و آسر لبسيه مزيان على البرد
نجاة:كوني هانيا
ياسمين:ياله باي باي
خرج عندها فيصل لابس كومبلي بالكحل قميجة بيضة و صباط كحل
فيصل:مشينااا
شهد:مشيناا
وصل وقت الافتتاح.. الريسطو عامر بالصحافة و الضيوف ...خداو صور لفيصل و شهد كدعاية للريسطو من مجلة مشهورة و خدا فيصل ميكرو ..
فيصل:مساء الخير عليكم مرحبا بالجميع و شكرا لحضوركم و مشاركتكم لفرحتي ..اليوم اخيرا حققت الحلم ديالي حلم انو يكون عندي مطعم كبير فحال هدا ..بديت كطباخ عادي فمطاعم عادية طورت من راسي و وصلت لمساعد شاف و من بعد قررت ندير حتا انا مطعم خاص بيا واخة كان مطعم صغير ولكن هداك المطعم فيه احلى ذكرى بسبابو تعرفت على الزوجة ديالي شهد و بالمساندة ديالها قدرت نفتح ريسطو فحال هدا ...شهد شكرا لوقوفك جنبي كنبغيك
الجميع كيسفق بحرارة و شهد نزلو دموعها من الفرحة لي حسات بيها حسات بيه بصح كيبغيها
خدا الجميع المكان ديالو و تحطو و نزل العشا ...فيصل و شهد كيدورو عليهم و يرحبو بيهم و كيسمعو المجاملااات و التهنئات ديال الضيوف
دخلات ياسمين بليل لدار و هازة الاكياس فيدها جابت المول كامل معاها هههه ...لقات عايدة جالسة فالصالون و شادة تيليفونها
ياسمين:حكيييمة
الخدامة:نعام الالة
ياسمين:طلعي عافاك هدشي و وجدي لي شي عصير د الفواكه يكون بارد
الخدامة:واخا الالة
جلسات مقابلة مع عايدة لي كطلع و تنزل فيها
عايدة:شكون كان يقول بنت القرية الصغيرة تزوج بامير بنيس و تخسر فلوسو
ياسمين:شكون كاين يقول عايدة لي كانت مرات امير بنيس دخل رجال لبيت راجلها و تنعس معاهم ف فراشو على قبل الفلوس
رجعات عايدة لدار باش تاخد التصاميم ديالولها و تلاقات بمراد الطبيب د سليم
مراد:سلام عايدة
عايدة:سلام
مراد:مزيان ملي تلاقينا كنت باغي نعطيك هادا
عايدة:شنو هدا
مراد:هدا الدوا الجديد د سليم بغيت نعطيه ليك نتي حيت هدا الدوا خطير و مخاصش انسان عادي يشربو و حتا سليم مخاصوش يفوت الجرعة لي عطيتو
عايدة:شنو الخطر فيه على الانسان العادي
مراد:ايلا خداه انسان عادي بجرعة كبيرة يقد تجيه ازمة قلبية
عايدة:اووه يعني خطير لهاد الدرجة اه دكتور عندنا وحدة حاملة فالدار يعني غاتكون خطورة كتر عليها
مراد:اه و بزاف تقد توصل للموت
عايدة:اه شكرا دكتور انا غانتكلف متخافش
مراد:مع السلامة"مشا"
عايدة:آخرتك على يدي ا البرهوشة ههههههههههه
💛بعد اسبوع💛
فهاد الاسبوع بقات سناء على حالها جلسة غي فدار و عاطياها للبكا و الراجل لي كلفو حسام يراقبها وصل ليه بلي مخرجاتش من الدار
حسام:ليوم نشوفو اشنو مخبية عليا ا سناء
هز لافيست ديالو و تاجه لدارها ...وقق قدام الباب و بدا كيدق بجهد
سناء:حنان حلي الباب ..حناااان ..قين مشات هادي ..واخا واخا هاني جايا بشوية على الباب
حلات الباب شافت حسام و بغات تسدو و حبسها
حسام:على اساس لقيتي حبيب جديد هادي حااالة وحدااا فرحانة حيت تصاحبات معا واحد لاباس عليه ليييوم اسناء تقول لي اشنو واقع
سناء:سير من هنا ا حسام دكشي لي عندي قلتو ليك
حسام شدها من دراعها و قربها ليه:انا ممتيق حتا كلمة من دكشي لي قلتي و مغنتحركش من هنا حتا نعرف كلشي
سناء:منقدش نقوليك منقدش اهئ اهئ اهئ
حسام:علاش متقديش
سناء:حيييت ايلا قتليك اندخل للحبس اناااا قتلت قتلت اهئ اهئ اهئ "طاحت للارض و غطات وجها بيدها و بقات كتبكي"
حسام نزل عندها:كيفاش قتلتي شكون هدا لي قتلتيه و علاش
سناء:قتلت هداك لي كلفاتو مراتك القديمة يتعدا عليااا
حسام:اييييمااااااان😡😡😡 لييوم نقتلهااا ليووم كنت عارف عندها علاقة بالموضوع"تاجه للباب و حبساتو سناء"
سناء:عافاك لا راه غتبلغ بيا البوليس
حسام:سنااااء حيدي من قدامي حسااابي معاك بووحدو علاش مقلتيييش ليا هدشي من الاول علاااش خبيييتي عليا
سناء:راه هدداااااتني يا اما نتفارق معاااك ياا دخلني لحبس هيا عندها دلييل و لكن انا والله مكنت قاصداا نقتلوو انا كنت كندااافع على راسي اهئ اهئ عافاك متمشيش عندها
حسام:عندك الحق هاد المشكل مغيتحلش هكااا هيا غاتعتاارف بوحدها بكلشي بكاااع الجرائم لي داارت هيا لي غادوز حيااتها فالحبس مااشي نتي انا عارف كيفاش غانخليها تعتاارف
الحالة د شهد غادة و كتسوء ولات كدوخ بزاف و الدم كينزل ليها من نيفها كتعيا دغيا و كتسخف ...فيصل حس بلي شي حاجة ماشي هيا هديك مي قال يمكن غي عيات بالخدمة د ريسطو و مادام كتقوليه كدير التحاليل و مافيهم والو كاعما شك بلي رجع ليها المرض
ليوم ليلة العرض ..عايدة متوترة بزاف فحال هاد النهار تشوهات قدام كلشي خسرات راجلها بنتها صحابها و الشهرة و المكانة ديالها ف عالم الموضة ... دارت جهدهاا باش ترسم احسن التصاميم و لكن خايفة من نظرة الناس ليها و من اسئلة الصحافة ... هاد الليلة غايوقعو فيها بزاف ديال الحوايج ...عايدة و امير واش غاينجحو فهاد العرض ...عايدة واش غاتقتل ياسمين؟حسام كيفاش ايلعب على ايمان؟هدشي كااامل انشووفوه فهاد الجزء
الجميع كيجهز نفسو لهاد الليلة الكبيرة
عايدة لبسات كسوة بيضة طويلة منفوخة من التحت و بلا كمام ..شعرها كريباتو و طلقاتو جنب و دارت عقد ألماس
ياسمين لبسات كسوة حمرا قصيرة و كتافها هابطين شعرها جمعاتو و طالون و صاك كحلين
ايمان لبسات كسوة كرونة باليدين طويلة و فيها فتحة من الوسط شعرها جمعاتو و دارت حلقات تازلين
امير لبس كومبلي كحل بقميجة فالبلو ماغين
حسام لبس كومبلي رمادي مخطط بالبيض و قاميجة بيضة
امير و ياسمين مشاو بزوج و موراهم حسام و عايدة ...دخلو و تجمعو عليهم الصحافة
....:مدام عايدة باش كتحسي و نتي عايشة مع طليقك و مراتو فدار وحدة
....:مسيو امير واش تزوجتو عن حب
...:مسيو امير واش كنتي على علاقة بيها ملي كنتي معا مدام عايدة
عايدة😡:ياريت تسولو اسئلة على العرض العرض فقط
خطاتهم و دخلات و تبعوها البقية ...كل واحد خدا بلاصتو و بدا العرض .... خرجو العارضة وحدة تلو الاخرى بلباس شتوي ..الكل تفاجئ برجوع عايدة القوي و الكل كايشكر موهبتها القوية ..سالا العرض بخروج العارضة الرئيسية مع عايدة ...و تعالات تصفيقات الحاضرين و تقدمات عايدة تعطي الكلمة ديالها
عايدة:بغيت نشكر جميع الحاضرين و كنتمنى العرض يكون عجبكم و السر فنجاح هاد العرض هو الانسجام لي بيني و بين امير واخا نفاصلنا كانبقاو مكملين بعضياتنا و ميقد حتا واحد فينا ينجح بلا لاخر شكرا ليكم
مشاو لمكان الاحتفال ...امير مع ياسمين كيعرفها على الاصدقاء ديالو و الناس لي خدامين معاه ...عايدة مراقباهم من بعيد و ضحكة الانتصار على وجهاا ...فالبار جالس حسام و كينتاظر القدوم د ايمان لي ملي قشعااتو مشات عندو
ايمان:مبروك عليكم
حسام:شكرا ايمان
ايمان:ياااه شوف من شحال ماهضرتي معايا فحال هكا
حسام:من نهار عرفت هديك الطماعة
ايمان💪🏻: واش تفارقتو 😃
حسام:عرفتي على الاقل نتي كنتي صريحة معايا و ملعبتيش عليا واخا كدبتي عليا ف مسألة الحمل ولكن عرفتك درتي هكاك باش تحافظي عليا
ايماان:😍😍😍 اخيرااا فهمتي ا حسام
حسام:عمري نلقاا فحالك ا ايمان توحشتك بزااف
ايمان:انا توحشتك كتتتر و فرحااانة بزااف حيت اخيرا حليتي عينيك
حسام شدها من خصرها قربها ليه:شنو بان ليك نخطفك و نكملو الليلة فشي بلاصة و يكون هاد المرة الحمل حقيقي
ايمان:هههههههه وانا موافقة تخطفني 😍😍
خرجو حسام و ايمان من الحفل و ركبو فلوطو د حسام
ايمان:نمشيو لداري حسن من الاوطيل
حسام:من غدا انديك معايا للفيلا
ايمان:بصصصح😍
حسام:بغيت تبقاي ديما فجنبي
ايمان:باقااا مامتيقاااش رجعنااا😍
حسام:غي تيقي احبيبة
وصلو لدار ايمان و دخلو جلسو ف صالون
حسام:عندك هنا باش نحتافلو ولا والو
ايمان:مووجووود تسنا دقيقة
جابت جوج كيسان و قرعة د الشراب وشي لعبات يدوزو بيهم الوقت..حطاتهم فوق الطبلة و خدمات الموسيقى بدات كتشطح ليه و تشرب فنفس الوقت غاطير بالفرحة..حسام كيشرب و يقيس غي باش متعيقش بيه ..بقات على هداك الحال حتا جابت الكاو ناض حسام جلس فوق الكنابي و خدم التسجيل الصوتي و اشر ليها تجي تجلس حداه
حسام:مقلتيش ليا كيفاش حتا نتاقمتي من عايدة
ايمان:هههههه عاايدة كلفت واحد خشر ليه الفرانات ومشيت بغيت نخنقها فلكلينيك و لكن نتا حصلتيني الباسل هههههههه عرفتي شنو درت من بعد حرقت الفيلا ديالك هههههه كان فيها هداك الحمق د خوها ولكن ماماتش ههههه عندهم 7د روااح
حسام:و هديك سنااء
ايمان:ههههههه هديك قصتها بوحدهااا كلفت واحد يخطفها كنت باغا نقتلها بيدي و نغبر ليها الآتار هههههههه ولكن المكلخة حرجات على راسها قتلات هداك الراجل هههههه كان باغي يغتاصبها واخا معرت اشنو عجبو فيها هههههه و انا هددتها باش تفارق معاك ولا نبلغ البوليس هههههه والمكلخة ختارت تفارق عليك ههههه شنو بغيتي نعاود ليك مزال هههه اه ياسمين المسكيينة ليوم تبع هداك الراجل ههههههه
حسام:كيفاش مال ياسمين😱
ايمان:ماامااك ههههههه ماماك اليوم اتقتلهاااا ههههههه
ناض حسام مخرج عينيه حبس التسجيل و بدا كيعيط لباه مكيجاوبش ..مكرهش يقتل دابا ايمان و لكن فضل تعااقب عارفها متقدرش تحمل تبقا فالحبس و هدا احسن عقاب ليها ...خلاها مليوحة هكاك هز لافيست ديالو و نزل دغيا متاجه لفيلا سايق و فنفس الوقت كيعيط ل امير و ياسمين تاحد فيهم مكيجاوب
سالا الحفل و الضيوف بداو كيمشيو
امير معنق ياسمين من الجنب:عييتي احبيبة
ياسمين:شوية ولكن العرض كان زوين بزاف مبروك عليك
امير:خاصك تباركي حتا لعايدة عندها دور كبير فنجاح العرض
ياسمين:اكيد انبارك ليها ملي نشوفها
امير:حسام معرفتش فين مشا
عايدة :مزال مغتمشيو
امير:سي انمشيو دابا
ياسمين:عايدة مبروك عليك احبيبة تصاميمك رائعة اكيد اناخد شي حاجة منها
عايدة:للاسف مغتقديش تلبسيهم
ياسمين:شنو كتقصدي
عايدة:غاتكون كرشك كبيرة بزاف مغايجيوكش
ياسمين:غايتصممو ليا خصيصا ياك ا امير
امير:وي حبيبة ياله مشينااا
رجعو لدار ..امير طلع للبيت و دخل لدوش و ياسمين دخلات لكوزينة
ياسمين:حكيمة واخا توجديلي عصير ديال ديما
الخدامة:اكيد الالة
ياسمين:طلعيه لي لبيتي نشربو مور الدوش
الخدامة:واخا الالة
كانت عايدة من ورا الباب كتصنط ..تسناات حتا سالات العصير و دخلات عندها
عايدة:اوه ديالمن هاد العصير
الخدامة:ديال لالة ياسمين
عايدة:واخا تصايبيلي واحد حتا انا
الخدامة:انطلع هدا ل لالة و نصايبو ليك
عايدة:عافاك قاديه دغيا راه فيا النعاس مقاداش نبقا واقفة
الخدامة:واخا امدام
مشات الخدامة كتصايب واحد اخر و عايدة كبات من هداك الدواا و خلطات العصير
الخدامة:هاك امدام
عايدة:شكرااا
طلعاات الخدامة العصير لبيت ياسمين دقات الباب و دخلات كان امير كينشف شعرو
الخدامة:سيدي هدا العصير د لالة ياسمين
امير:واخا حطيه شكرا اا حكيمة صايبي ليها واحد اخر انا غنشرب هدا
الخدامة:واخا اسيدي "خرجات"
خدا امير الكاس و نزل عليه دقة وحدة ..كمل اللبس و بدا كيحس بالنفس كتقطع ليه و قلبو كيدق بزربا شد فقلبو و تسند على الكرسي كيعيط بشويا ل ياسمين مقادش يغوت مسمعاتوش حتا طااح على طولتو ...خرجات ياسمين من الدوش كتغني حتا شافتو طايح هكاك
حسااام وصل للفيلا و دخل كيجري حتا سمع الغواات د ياسمين طلع بالجرا لقا باباه طايح بين يدين ياسمين لي كتحاول تفيق فيه و كتبكي و عايدة لي شادة فمها و مخرجة عينيها من الصدمة و الدموع نازلين ليها
شهد وفيصل مجموعين على العشا كيف كل ليلة ...كملو و هزات شهد الطباسل توصلهم لكوزينة ...قبل ماتوصل شداتها الدوخة و سخفات ..فيصل سمع صوت الطباسل تهرسو و بدا كيضحك
فيصل موجه هضرتو لآسر:شتي ماما حنا طباسل مقداتش عليهم ههههه شههد.. شهد صافي خليهم و اجي .. شهههد
مللي ماسمعش حسها عرف شي حاجة واقعة ناض و القلق على وجهو مشا الكوزينة لقاها طايحة ... نول لعندها و شد وجها كيحاول يفيقها
فيصل:شهد "كيضرب فوجها"شهد مالكي فيقي شههد
حس بخطورة الوضع و هزها بين يديه نزلها لوطو و طلع دغيا خدا آسر حطو حداها و كسيراا لاقرب كلينيك و هو نيت لي كانت تعالجات فيه..طلب المساعدة و جااو خداوها دخلوها و هو هز ولدو و تبعهم دخلوها لغرفة الاسعافات و فيصل تلاقا بالطبيب ديالها فالطريق
الطبيب:فيصل شنو كدير هنا
فيصل:شهد ..شهد معرفتش شنو وقع ليها هاد الايام ولات فشكل و ليوم طاحت سخفات حاولت معاها تفيق مقدرتش
الطبيب:تقد تجي معايا لبيرو خاصني نقولك شي حاجة
فيصل:غي تفيق شهد و نجي عندك
الطبيب:شي حاجة ضرورية متعلقة بهدشي لؤ وقع لشهد
فيصل:اه واخا
تبعو فيصل و علامة القلق و الخوف فوجهو
الطبيب:تفضل
فيصل:شكرا
الطبيب:المهم انا غاندخل فالموضوع نيشان
فيصل:ياريت
الطبيب:تقريبا هدا شهر جات عندي شهد و فيدها التحاليل ديال كل مرة و للاسف لقينا المرض رجع ليها
فيصل قاطعو:كيفاااش المرض رجع ليهاا انة ماقاتلي والو واش متأكد من هاد الهضرة ميمكنش شهد تخبي عليا شي حاجة فحال هادي
الطبيب:فيصل تهدن و خليني نكمل ليك ..كان خاصها دير عملية زرع النخاع ضروري فهديك الوقت كان خاصنا نتدخل بسرعة و لكن هيا رفضات مبغاتش تعالج و أصراات عليا مانخبر حتا حد من عائلتها و بالاخص نتاا
فيصل دمعو عينيه و تعصب:كيفاااااش متعلمنيييش انا رااااجلهااا كان خااصك تخبرنيييي واخة فااتلك هكاااك كنت انقنعهاااا تعاااالج علااااش مخبرتيينيش
الطبيب:فيصل تهدن مغنقدو نديرو والو و نتا نعصب فحال هكااا تهدن و سمعني ..يقد يكون مفاتش الحال و مزال ليها فرصة تعالج
فيصل:و ايلا مشا الحال
الطبيب:للاسف ف هاد الحالة مغايكون عندنا مانديرو من غير نتسناو تقد تعيش يوم اسبوع شهر حتا لشهرين هدشي ف حالة ايلا نتاشر المرض بزاف حنا نتفائلو دابا و نتمناو يكون باقي الحال و نعتقوها
فيصل كيمسح دموعو:نقدو نعتقوها ياك
الطبيب:ان شاء الله نمشيو نشوفو واش فاقت باش نديرو التحاليل
فيصل:بغيت نهضر معاها قبل
الطبيب:بلا عصبية واخا ملي تسالي اجي عندي
فيصل:واخا
مشا فيصل للغرفة لي دخلوها ليها لقاها فايقة و كتشوف فالسقف مسح دموعو و رسم ابتسامة على وجهو و دخل عندها ...خدا كرسي حطو حدا السرير و جلس شد يدها
فيصل:علاش خبيتي عليا
شهد:عرفتي :)
فيصل:شوفي قالي طبيب يقد يكون مزال الحال يعني تقدي تبراي انا غانمشي نهضر معا ختك باش دير التحاليل ايلا كانو متطابقين اديري العملية فاقرب وق..
شهد قاطعاتو:فيصل يقد يكون فات الحال بزاف راه شهر و انا مخبية عليك يعني المرض ايكون نتاشر ف الجسم ديالي
فيصل:شوو تفائلي نتي متقديش تمشي و تخلينيا انا و آسر بهاد السهولة 😢
شهد:عنقني ا فيصل عنقني 😢😢(كنكتب و كنبكي و الله ..الله يشافي كل مريض ❤)
حسام:ياسمين عاونيني نهزو فوق كتفي منقودش نتسناو الاسعاف
تعاونو عليه هزوه لوطو و كسيرا بيه لكلينيك و ياسمين رجعات لبيتها لاحت عليها كسوة دغيا و نزلات تبعاتو بلوطو د امير ....وصل حسام لكلينيك و تعرضو ليه الممرضين خداوه لغرفة العمليات و تسنا حتا وصلات ياسمين
حسام:ياسمين حبسييي من البكا و شدي راسك دخلي لداخل و علمييني باي حااجة اتوقع
ياسمين😢:نتا فين غادي
حسام:من بعد و نعاود ليك كلشي خاصني نمشي قبل مايهربوو دخلي دغيااا
دخلات ياسمين لكلينيك و بقات غادة جايا قدام غرفة العمليات و كتبكي حتا خرج الطبيب و طارت عليه
ياسمين:شنوو وقع لاميير قووولي راه بيخييير عافاك اهئ اهى
الطبيب:تهدنني امدام حنا كنديرو جهدناا و نتي دعي معااه"مشا"
الطبيب:لقينا فالدم د راجلك مادة***** وهي السباب ف الازمة القلبية لي تعرض ليها
ياسمين:ديالاش هاد المادة و علاش اياخدها امير
الطبيب:هاد مادة كاتكون فالادوية د اشخاص معينين متلا لي مراض بالتوحد
ياسمين:الاخ د طليقتو مريض بالتوحد ولكن اشنو لي غايخلي امير يشرب هاد الدوا
الطبيب:هدشي لي بغيت نهضر معاك فيه من المحتمل شي واحد بغا يقتل راجلك
ياسمين:كيفااااااااش😱
الطبيب:خاصنا نعلمو البوليس لمهم نتي بقاي مهدنة دابا راجلك حولنا للعناية المشددة حالتو مزال مامستقراش و ان شاء الله و فاق قلبو غايكون متضرر بزاف يعني من هنا القدام يمكن يبقاو يجيوه ازمات المهم حنا نتسناوه يفيق و غانهضرو مزيان فهدشي
ياسمين😢😢:ماغاديش يموت ياك
الطبيب:دعي معااه
خرجات ياسمين من البيرو د الطبيب و مشات للعناية المشددة وقفات قدام الغرفة لي فيها امير و بقات كطل عليه من الزاج كتبكي و هو عامر سلوكة
اول حاجة دار حسام مشا لعند البوليس و سمعهم التسجيل لي فيه الاعتراف د ايمان و مشاو يلقيو عليها القبض...
رجع حسام لفيلا كيقلب على عايدة دخل لبيت سليم لقاها معنقااه و هو ناعس و هي ساهيا
حسام:بغيت نهضر معاك
عايدة:كيبقا امير واش وقعات ليه شي حاجة :)
حسام:من الاحسن نهضرو على براا
خرج حسام من البيت و تبعاتو عايدة
حسام:قلبك ولا كحل لهاد الدرجة لدرجة انك تحاولي تقتلي بنادم
عايدة خايفة:اش كتقولي نتا
حسام:بلاما نكدبو على بعضياتنا ايمان عاودات ليا كلشي
عايدة:كيفاااش😱كي كيفاش عاودات ليك كلشي
حسام:اه عاودات كلشي و عندي تسجيل لدكشي لي قالت التسجيل لي غايخليكم تعيشو لي بقا ليكم فالحبس
حسام:للاسف نتي الام ديالي و هدشي مكيشرفنيش ا عايدة و دابا لانتي لا هديك المجرمة ماغتهربو من العقاب لي تستحقو
عايدة:انا نادمة والله انا نادمة مكنتش باغة نقتل امير انا كنت باغة نقتل ياسمين ياسمين لي خدات لي راجلي خدات بااباك ا حساام هيا لي فرقاااتناااا"سمعات صوت البوليس"مايمكنش دير هدشي ف ماماك و لمن انخلي سليم "بغات تهرب و شدها"
حسام:زيدي قدامي ماشي كل مرة اتهربو من فعايلكم
دخلو البوليس و شدو عايدة داوها للكوميسارية و فيصل مشا لكلينيك ... طلع للطابق لي فيه امير لقا ياسمين واقفة قدام الغرفة ديالو و كتبكي
حسام:ياسمين ماين شي خبار
ياسمين:لقاو فدمو واحد المادة هي لي خلاتو يتعرض لازمة قلبية قالي طبيب بلي كاين احتمال دشي حد بغا يقتلو
حسام:عايدة
ياسمين:كيفاش مال عايدة
حسام:عايدة كانت باغا تقتلك نتي ولكن الواليد لي شرب دكشي فبلاصتك
فيصل:منقدش 😢 منقدش نشوف ف عينيها و نقولها صافي غاتموتي
الطبيب:مغتقبلش تسمعها من عند شي حد غيرك تهدن و شوف طريقة كيفاش تخبرهااا
خرج فيصل من عندو و نزل للحديقة جلس فوق واحد الكرسي و الدموع نازلين شلال كيفكر كيفاش ايقوليها غاتمشي و تخليه هو و ولدهم ...كيتمنااا يكوون هدا غي كابوس و يفيق منوو مقادرش يستوعب هدشي لي واقع ..خدا نفس عميييق و ناض باش يطلع يهضر معاها حتا شاف ....
حتا شاف ياسمين جالسة كتبكي ..مشا بخطوات تابتة لجيهتها حتا وقف عليها
فيصل:ياسمين
ياسمين هزات عينيها فيه و رجعات تكمل بكاها
فيصل جلس حداها:ياسمين مالكي علاش كتبكي "لارد"
فيصل:مغاتقوليش ليا مالك
ياسمين:شنو غانقول ليك نقوليك راجلي لداخل بين الحياة و الموت صافي فرحتتتي
فيصل:ياسمين انا علاش انفرح على حاجة فحال هادي
ياسمين تيليفونها كيصوني
ياسمين:الو حسام شنو كاين
حسام:توقفو نبضات القلب كيحاولو يرجعوهم لطبيعتهم الو ياسمين الوو
سمعات ياسمين الخبر و طاحت بين يدين فيصل
فيصل:ياسمين "كيضرب فوجها"ياسمييين "هزها طلع بيها لفوق و خداوها منو دخلوها لواحد الغرفة و علقو ليها الصيروم ..بقا حداها فيصل علاما تفيق ..سمعا كتهلوس باسم امير تحركات شي حاجة فيه حس بشي حاجة فشكل يكون احساس الغيرة؟ علاش بقا معاها و بغا يطمن عليها بلاصة مايمشي عند مراتو يهضر معاها؟يكون مزال كيبغيها اولا بعبارة اخرى عمرو نساها؟
بقا على هداك الحال .. دازت ساعتين عاد بدات كتحل عينيها ...رجعات ياسمين لوعيها و تفكرات هضرة حسام ناضت قافزة نطرات الصيروم و بغات تخرج ولكن حبسها فيصل
فيصل:فين غادة خاسك تكملي صيروم
ياسمين:حيييد افيصل حيد
فيصل:قتليك اتبقاي حتا تكمل الصيروم
ياسمين دفعاتو بجهد و خرجات كتجري مشات لقسم العناية المركزة و فيصل تابعها وصلات للغرفة لي فيها امير لقاتها خاوية
ياسمين:فين امير فييين اميير"شدات واحد الممرضة من حوايجها:فييينوووو راااجلي فيييين هو علااااش مكاااينش بلااااصتو هضريييي
الممرضة:واش امير بنييس
ياسمين:ااه هو عااافاك قوليييلييي فين هووو علاش مكااينش بلاصتو
الممرضة:تهدني امدام راجلك راه فاق و حولناه لغرفة عادية
ياسمين😃:وااش بصح بصح ياك امير ماوقع ليه والو
الممرضة:اه مدام اتلقايه فالغرفة 145
ياسمين:شكرااا شكرااا بزاااف"مشات كتجري للغرفة لي قالت ليها و دخلات مدرمة كان هو و حسام...طارت عليه عنقاتو
ياسمين:خلعتيني عليك بزاف 😢😢 كون غي شربت انا هداك العصير قبل منك 😭
فيصل كان واقف كيطل عليهم من الزاج ..تاكد ان ياسمين نساتو و قرر حتا هو ينساها و يقتل هاد الاحساس لي فالداخل ديالو و يكمل مع شهد شحال ما بقا ليها فعمرها بغا يكون معاها و يكون وفي ليهااا ....مشا للغرفة ديالها لقاها كتلعب مع آسر
فيصل:واش ساهل عليك تقوليها رااه غتمشي و تخلينااا انا و ولدك
شهد:بلاصة مانضيعو الوقت لي بقالي فهاد الهضرة نكملوها على برا نسافرو نخرجوو بغيت ندوز هاد الوقت لي بقالي غي معاكم بزوج فقط واصافي جبتيلي الكئابة ياله نخرجو من هنا
فيصل:شهد راه خاسك تبقاي ف الكلينيك
شهد:لا افيصل لا عافاك انا مغندوزش ايامي الاخيرة فالكلينيك انا غاندوزهاا معاك نتا و آسر كتفهم "ناضت من السرير و هزات آسر"ياله نمشيو
مشا حسام لمركز الشرطة و دخل عند المحقق لي تكلف بالقضية د ايمان و عايدة
حسام:سلام
المحقق:وعليكم السلام
حسام:شنو درتو معاهم
المحقق:نقلناهم لسجن النساء و غايدوزو الاسبوع الماجي فالمحكمة
حسام:غياخدوو اقصى عقاب ان شاء الله
المحقق:شكرا ليك بزاف ا حسام عاونتيناا بالتسجيل
حسام:العفو من مصلحتي يكونو هنا
وصلو عايدة و ايمان لسجن النساء قلبوهم و دخلوهم لنفس الزنزانة
ناضو البنات ضارو عليهم و بداو كيقلبو ليهم صيكانهم لي عجباتها شي حاجة كتااخدهاااا ...عايدة و ايمان غي حالين عينيهم من الصدمة كيفاااش ايقدرو يعيشوو فهاد الوسخ و معا هاد العيالات
عيشة:البنااااات حيدوو من هاد الجوج لعياقة الخاوية لي فيهم
شدات عيشة كرسي و كاس د اتاي و بدات كتفرج فيهم ... تجمعو الحباسات على عايدة و ايمان ..شي ينتف شي يضرب شي يقمش ...
مشات ياسمين للدار بدلات حوايجها و جابت لامير حوايجو ..علمات وفاء و حياة بلي وقع و غايجيو فاقرب وقت ...رجعات لكلينيك و بغات دخل لغرفة امير حتا سمعاتو كيهضر معا سعد
امير:شفت الخوف فعينيها شفت حبها ليا ..عمري غندم حيت بغيتها ..يمكن هاد الحب تولد دغيا ولكن كل نهار كنزيد نبغيها اكتر ماشي فحال عايدة حنا بصح تزوجنا عن حب و كنا كنموتو على بعضياتنا و لكن مع الوقت هداك الحب تلاشى بسبب تصرفاتها و انانيتها ...كنتفكر نهار عرفنا بلي هي حاملة بقات الليل كامل و هي كتبكي و تغوت و نهار قاتلي ياسمين حاملة شفت الفرحة فعينيها شفت بلي غاتكون احسن ام شفت بلي غاتبغي ولدها اولا بنتها اكتر من راسها ..واخا عارفة بلي عايدة خبيثة رحبات بيها فدارها و عايدة باش جازاتها؟بغات تقتلها يااااه على حياة كون كانت ياسمين بلاصت عايدة.. كون هي لي تزوجتها قبل 23 عام.. كتصور كيفاش انكونو عايشين دابا ولكن ياسمين كانت مزال حتا ماتولدات هههه ..كنحس براسي بعد المرات ظالمها معايا هي تستاهل تعيش معا واحد فسنها ولكن غانكون اناني لاول مرة فحياتي و نبغيها تكون معايا معايا بوحدي انا...
قاطعو الباب لي تحل و دخلات منو ياسمين بعينيها المدمعين
سعد:انا غانخليكم عاة راحتكم "خرج"
ياسمين قربات من امير و جلست فطرف السرير و شدات ليه فيديه
ياسمين:يمكن كون ختاريت نكمل معا واحد فسني مكنتش غانكون مرتاحة معاه كيف ما انا مرتاحة معاك ..يمكن نتا تظلمتي معا عايدة هي ماتستاهلكش ولكن انا كاينة دابا كاينة باش نعوضك على السنين لي ضيعتي معاها و حتا انا عمري غاندم حيت بغيتك
جرها امير لعندو عنقها وهي زادت زيرات عليه
رجعو شهد و فيصل لدار ...فيصل كيحاول يشد راسو و يحقق ليها دكشي لي بغاات ..يخليها فرحاانة شحال ما بقاات معاه
فيصل:انا هضرت معا عمر(المكلف بريسطو) هو غايتكلف علاما نرجعو
شهد:منين غانرجعو
فيصل جلس قبالتها و شد ليها يدها:انسافرو اي بلاد جات فبالك نمشيو ليها
شهد😍:اااي بلاد؟
فيصل:اي بلاد
شهد:نمشيو ل يوناااان 😍😍
فيصل باس يدها:نمشيو احبيبة نمشيو نتي نعسي دابا رتاحي و غدا نحجزو التذاكر
شهد عنقاتو:عافاك افيصل متحسسنيش بلي كتشفق عليا تعامل عادي عافاااك
العشيقة الصغيرة الجزء التاسع
محتوى القصة
التنقل بين الأجزاء