البهلة و الزواج الجزء الثاني

عند #جيهان

فقت راسي دارني بتخمام فهاد المصيبة ولكن سيد تيتيز يشوفوه ولاد درب معايا يطيحو برياح يسحابليهم معايا جورج وصوف😂😂😂 هههه بقيت هكاك حتا سمعت شي حد دخل الغرفة لي انا فيها عليت عيني وهو يبانليا مخمر مخسر لفراجةداخل مخنزر تقولي غير قتلت روح

أوس: هاي هاي هاي علا لممتلة كتقني تمتيل تصلاحي تدوزي ف دوزيم مع طيب وهاري 

انا:ههه ولله حتا طلبت مي لله يهديها مبغاتش خافت نتشهر ومنتفكرهاش😂😂😂

اوس:نتي بحالك بلاصتهم ماشي هنا😒

انا:هه عارفة راسي خصني نكون فباريس نتصور مع برج لفيل😂

اوس:لواه برج زرافة هداك سميتو برج ايفل وزيدون نتي بلاصتك فالحبس دخلتي لحياتي بنحس ديالك بحال صاعقة

انا:بزاف عليك اوجه لكرشة لمكمشة صوتك كي دعدوع 

اوس:هههه ولله حتا ضحكيتيني جمعي راسك عندي ليك شي قتراح

انا:انا مجموعة الحمد الله شفتيني مهريسين ليا لعضام

اوس:(تعصب)الله يصبرني دابا واش تسمعي ولا نضرب مك مع لحيط تقاد تقادا صبري

انا:اوا جرب اخويا لموتشو الا محرمتكش من ولاد منتسماش

اوس: كتهدديني ابنت لهم راكي كتلعبي مع لكبر منك ابنادمة

انا: ههه كبير مني دابا غادي تجمع قلوعك وتخرج عليا قبل من رتكب شي جريمة ونولي من اخطر المجريمين

اوس(سد ليها فمها ):سكتي شوية صارطا كاسيطة ششفي و انا عندي ليك اقتراح صالح لينا بجوج سمعيني وسكتي

انا:ممممممممم😒

اوس:سكتي وسمعيني

انا:ممم(عضاتو من يديه )تفو على بنادم مالك تابعني متخلينيش نرتاح لله يلچيها ليك ويهرسلك دوك لعضام وجهو مكمش ومعمش بحال لمش😤

اوس:(شدها من مرفق ديالها)والاه ومتسكتي حتا نخبط والدين مك هنا نسيتي نتي لجبتي لمشاكيل لراسك

انا:(تنترات منو)تستاهل نيت داكشي لي يصلاح ليك لمتكبر ككنتي عاونتيني مكنتش ندير هكا اعود سبسي

اوس(خنزر فيها):غادي تزميه لا 😡

اوس :اوا ياك بغيتيني نعاونك (كلس على لكرسي ودار رجل على رجل)اوا تبتي باش نفكو هاد لحريرة

انا:اه اه بغيتك تعاوني 

اوس شفتي دابا دويتي دابا نتفاهمو غادي نتزوج بيك ونمتلو بلي حنا مزوجين بصح مي هاد زواج غادي يكون غير فالوراق يعني انا ندير لي بغيت ونتي كدلك (غمزها)شنو بانلك

انا:(بصراحة هو زوين وانا محتاجة ليه)اه اوكي ولكن متقربش ليا وناخد راحتي ندير لي بغيت متدخلش فيا 

اوس:(وقف)هههه ديري لي بغيتي ولكن حدا عائلتي متلي مزيان راكي ممتلة بارعة ومالي طايري لفريخ نقرب ليك داكشي فالوراق وملي يدوز شهر غادي نطلقو شنو بانلك

انا :هههه ومالك شفتيني شايطا عليك عليك نتزوج بواحد بحالك كتمشا بحال موكة ورقيق كي عود ند ههه

اوس: وشفتيني نقبل نتزوج بوحدة بحالك لا لباس زين لا هدرة زوينة بحال لساكنة فزريبة غيرشعرك لي مزينك ههههه

انا:بزاف عليك اولد لهم غير جيتيني محتاجاك اما انا كوراني جبتلك ولاد لحومة يقصموك على نص بلا منوسخ يدي

اوس:ههه لله يصبرني هاد شهر وصافي معا هبيلة بحالك هاني غادي ندوي مع والديك برا

انا:سير لله يغبر لك شقف 

خرج اوس وخلا جيها كضحك على راسها هي وواحد بحال اوس كتفكر كيفاش غادي يكون لعرس وكضحك غير بحدها بحال لسكنو جنون

عند #أوس

جرجت من عند جيهان وانا كنفكر واش غادي تاقلم مع واليديا وتعجبهم هي زوينة مي هبيلة وبهلة وكدير لي فراسها نفضت راسي من هاد الافكار ومشيت لعند واليديها كانو واقفين حدا لباب دالمستشفى

اوس:لالة راني هدرت مع بنتك غادي نتزوج بيها باش تحيدو منكم شك وتفاهمنا

خويدج: نتوما تفاهمتو باينا شي حمار مات اوا دير داكشي بالاصول وجيب والديك ومرحبا بيكم تجبرني مسقية شي قصعة تاع لكسكسوتسخنو بيها مصارنكم

اوس:(كيفكر فحريرتو لي جابتو لهنا)مهيم خليتك على خير من نهنا سيمانة نجي انا وواليديا 

خويدج: عنداك تغبر ولله حتا نديكلاري بيك عند سيد لقايد الي فبويا عمر

اوس:(جاه ضحك من كلامها)لا راه لكلمة درجال

خويدج: اوا يكون خير 

بشا اوس لخدمتو وخويدج بشات تدخل لعند بنتها باش يخرجو من لمستشفى

دق دق دق 

خويدج: يا لملوقة ساليتي تبدالك

جيهان: اه ساليت دخلي

خويدج:اوا شكون قال لبهلة دبنتي تزوج ودير لعقل اجي اجي عندي نبوسك ههه ولله يبنيتي حتا راجلك غزال ههه ناري وتشوفو بنت طامو لي فالحومة (جارتهم)طيح برياح

جهان:وا مي واش غادي نبشيو لدار ولا نعيط على راجلك يشوف مالك ههه تتشكري فيه انا معجبتكش قاتليك زوين وهو كي عود سبسي زيدي امي زيدي

خويدج: لواه لواه لبعلوكة تحليها لفم زيدي قدامي لله يغبر لك شقف

جيهان:ناري يامي لي يدي على فمك يبات بلا حوايج هه 

خويدج:اوا زيدي حسن منوري مك لكلام زايد

خرجنا من المستشفى لقينا سمحمد مسكين واقف كيتسنى هو وخرشاشتو 

ركبنا فيها وشدينا طريق 

سمحمد:اوا تافقتو دابا غادي تخوا علينا دار غادي نبقاو غير انا ومك ههه

جيهان:با سمحمد شوف حداك وسكت حسن شكون قالك غادي نبشي انا بت نبت عندكم ولا لتهنيتو مني 

سمحمد: هههه شنو فبالك زعما حنا غادين نبقاو معاك ديما 

جيهان:اوا صافي كل نهار نجي عندكم نتحاتو ههه مالي نسخا بيكم هه

سمحمد: ههههه زيدي هبطي قبل متخرجلي لعقل ههه 

خرجنا من لوطو عفوا خرشاشة هه دخلت لدار وانا مهلوكة وفرحانة حيت غادي نلعب لعبة زوينة طلعت لبيتي بدلت عليا لبست واحد بيجامة فالغوز فلقب تاعها ودينات ارانب و كلاكيتا فالكحل و درت وجمعت شعري إسفنجة وهبطت 

جيهان: مي جاني جوع واش مكاين والو 

خويدج: سيري سير عند موحا مول لحانوت جيبي شي 2كيلو دالبطاطا راه مبقاتش

خرجت من باب دار لحانوت لي مقابل معانا 

موحا:مساء لخير حبيبة تيتيزة دلحومة

جيهان:يعطيك حبة وحدة فنيف وحدة فداك لفم لمعوج 

موحا:حشومة تخصري لهضرة اجيجي زعما انا ولد دربكم

جيهان:ولله وماتسكت حتا ندير بيك طرر اعينين موكا ووجه دربوكة

موحا:ناري لسانك طويل واش حب لخاطر بعدا

جيهان:اعطيني 2كيلو دالبطاطا تكون زينة

موحا: هيا لولة (عبر ليها ودارها فبلاستيكا)هاكي

جيهان:عرفتي اموحا غادي نتزوج بواحد لملياردير ههه بوكوس

موحا:(عينيه حوالو ملي سمع لفلوس)وايلي

جيهان: ولله هاك هاك تخلص(مدتليه20درهم)

موحا:شدها واش دابا نتي غادي تولي ملييونيرا ودبري على خوك

جيهان: هههه(دبرت على راسي باقي غير ندبر عليك)اه ضروري اوا عطيني صرف

موحا:نسيت شحال عطيتيني

جيهان: (هدشي لي كنت باغيا)وايلي حتا نتا غادي ترد عليا 20درهم

موحا:ولله حتا نسيت هاكي وعنداكي تنساي تدبري على خوك

جيهان: ههه لا منساكش نتا وجهك كي لمحابسيا وغادي نساك ههه😂😂

موحا: غير دابا ونتي زوينة وليتي تخصري لهضرة تاني 

جيهان:ههه اوا نخليك على خير ههه😂😂

خليت داك لمسطي ورجعت بفلوسي ههه كيف بشيت درتها بيه خديت لبطاطا فابور

عند #اوس

هبط بكل اناقتو ووقف مقابل مع دار لي تربا فيها هادي سنين وشحال ماجا ليها ودابا جا وجاب خبار معاه طلق تنهيدة طويلة وهو كيواعد نفسو يندمها على هدشي لي دارت معاه

تمشي ودق فالباب (دق دق دق)

موحا:ناري لسانك طويل واش حب لخاطر بعدا

جيهان:اعطيني 2كيلو دالبطاطا تكون زينة

موحا: هيا لولة (عبر ليها ودارها فبلاستيكا)هاكي

جيهان:عرفتي اموحا غادي نتزوج بواحد لملياردير ههه بوكوس

موحا:(عينيه حوالو ملي سمع لفلوس)وايلي

جيهان: ولله هاك هاك تخلص(مدتليه20درهم)

موحا:شدها واش دابا نتي غادي تولي ملييونيرا ودبري على خوك

جيهان: هههه(دبرت على راسي باقي غير ندبر عليك)اه ضروري اوا عطيني صرف

موحا:نسيت شحال عطيتيني

جيهان: (هدشي لي كنت باغيا)وايلي حتا نتا غادي ترد عليا 20درهم

موحا:ولله حتا نسيت هاكي وعنداكي تنساي تدبري على خوك

جيهان: ههه لا منساكش نتا وجهك كي لمحابسيا وغادي نساك ههه😂😂

موحا: غير دابا ونتي زوينة وليتي تخصري لهضرة تاني 

جيهان:ههه اوا نخليك على خير ههه😂😂

خليت داك لمسطي ورجعت بفلوسي ههه كيف بشيت درتها بيه خديت لبطاطا فابور

عند #اوس

هبط بكل اناقتو ووقف مقابل مع دار لي تربا فيها هادي سنين وشحال ماجا ليها ودابا جا وجاب خبار معاه طلق تنهيدة طويلة وهو كيواعد نفسو يندمها على هدشي لي دارت معاه

تمشي ودق فالباب (دق دق دق)

اخيرا تحل لباب وشاف لمرة لي متبدلاتش نهائيا مرة فربعينات من عمرها ولكن محافظة على جمالها (كيفما كيقولو الا بشا زين كيبقاو حروفو ههه)عندها شوية تجاعيد وعينيها عسليين ولابسة قميص بيض وفولار على راسها بقات منداهشا غير البارح تاصل بيها ومقالش ليها بلي راه غادي يجي ولكن فرحتها غلبت على تساؤلاتها وعنقاتو 

الحاجة(مينة):ولدي توحشتك دخل دخل مرحبا بيك فداركم 

اوس:حتا انا توحشتك انور عيني اوا زيدي منبقاوش واقفين فالباب

(دخلو لدار وكلسو فوق لفوطوي )

لحاجة(مينة):اوا كيداير مع لعمل 

اوس: لحمد لله اوا فين هيا منى (اخت اوس)مسمعتش صوتها

لحاجة(مينة):هاني نعيط عليها كانت كتراجع دروس نتاعها منى منى

مني(بنت زوينة كتشبه لخوها طويلة و وشعهرها قهوي طايتها مقادة وعينيها كبار ومشفرين

قرطاسة وصافي)

منى:خويا جيتي توحشتك (عنقاتو)هئ هئ نسيتيني ياك محشوماش عليك

أوس: ههههه تنساك لموت القطيطة ديالي راكي عارفة هادي هيا لخدمة

منى:أوف امتى غير تزوج وتجي تسكن معانا 😒

أوس:قريب انشالله اوا كيدايرا مع قرايتك

منى:صاڤا الحمد الله شفتك جيتي غير بوحدك فين هو اشرف كاع مجا

أوس:لا كاع مجا معايا جيت غير بوحدي ندوي معاكم فواحد الموضوع

الحاجة(مينة):الله يسمعنا خبار خير اولدي

أوس:لواليدة راك عارفة(باقي مكمل هدرتو حتا سمع صونيط ديال لباب)

منى:أنا غادي نفتح لباب غير خليكوم فتحات لباب وهنا كانت لمفاجئة

الشخص:غادي تخلينا فالباب واقفين

منى: (بتوتر)لا مرحبا بيكم دخلوا

(ملي فتحات الباب شافت أشرف وصاحبو ومرات صاحبو معاه حيت مقطوع من شجرة يتيم وهو ومنى كيبغيو بعضياتهم من شحال هادي وحتا واحد فيهم معتارف لاخر)

أوس:(وقف)اهلا اهلا مسخيتيش بيا (تعانقو)

اشرف:ومالي نخليك بوحدك ميمكنش 

اوس: هاي هاي حتا معاد جبتيه ولله حتا مفاجئة زوينة اصاحبي

اشرف:وشنو كتعرف عليا 😉

معاذ: اوا نتا غبرتي وجيت انا ولمدام نتفكرك

الحاجة:مرحبا بيكم اولادي ولله عمرتو علينا 😍

اشرف:غير سمحيليا الحاجةمخبرتكش جيت بلا منعلمك

الحاجة: اوا صافي عيب كلكم ولادي عيب تدوي هاكا حسن منجبدليك ودنيك

اشرف :ربي يخليك الحاجة

مريا:وانا نسيتوني (كتغبن)😢

معاذ:ويلي على الخايبة كتبكي اجي اجي(عنقها)

اوس:ههههههه😂😂 مالكي كتبكي ممولفاش ليك

مريا:نتا متهدرنيش اراس طنك منخلني زعما اوا سير هاهيا فيك😡

اوس:الله يهديك امريا غير تشغلت بالهضرة وصافي معاذ مالها 

معاذ:اوا اسيدي مراتي حاملة وكتوحم غير سكت اصاحبي وليت خدام بحال طوبيس جيب جيب

اوس:ههههه ولله مفخباري مبروك البعلوكة

ماريا :البعلوكة هيا مرات الوحش 

اوس:(تفكر جيهان)انا ديال راسي 

اشرف:مهيم بصراحة الحاجة انا جيت طالب وراغب فيد بنتك منى الى سمحتي (كيهدر وكيشوف ردت فعلها شادا تليفونها وممسوقاش 

الحاجة: اوا اولدي منلقاش حسن منك وراي لكبير ديال منى 

منى(:غير سمعت هكا علات راسها وطولت شوفة فيه هيا كتبغيه من شحال هاذي ومتوقعاتش غادي يجي يخطبها كان حب صامت بيناتهم عليها فضلات سكات حسن)

اشرف:احم احم

الحاجة: اوا مالك سكتي ابنتي هدري 

اوس:اوا سكوت من علامة رضى اولا لا 

اشرف:عندك صح اصحبي

الحاجة:انا منتمناليكم غير لخير اولادي 

اوس: مبروك اصاحبي هدشي كامل ومفراسيش 

اشرف:داكشي سري باش يكتاب ههه 

معاذ:مبروك عليكم واخيرا واحد فيكم غادي يدخل لقفص دهبي

ماريا:مبروك عليكم الوحوش منى لي مزيناكم

معاد:نعلي شيطان اماريا غير حماليتي ونتي ضسري

(مفهمتوش اوا معاد واشرف ترباو فالميتم وملي كبرو تلقاو مع اوس اولاو صحاب معاذ تزوج بالبنت لي كيبغي هيا ماريا بنت زوينة بزاف عندها 19سنة ولديها لباس عليهم مي هيا مستقلة عليهم وكدير لي بغات مي اشرف لا عمرو كلو وهو كيساين فا منى وعند بالو مكتبغيهش)

ماريا:هئ هئ😢😢 دابا انا خايبة ياك غير هدر مبقيتيش كتبغيني هئ هئ 

معاذ:لا نتي مراتي وحبيبتي ونور عيني فيك كلشي 

ماريا:(كتفرنس)ههه وشريلي لا كلاس

معاذ:اوا هالي مبغيناهش

ماريا:اوا الى خرج ولدك فيه شي توحيمة متلومنيش 

معاذ:لا لا صافي نوضي 

ماريا:بصح يس يس اوكي يلاه🙌

الحاجة: اوا نوض نصلي صلاتي

اوس:لا الواليدة بغيت نهدر معاك

الحاجة: لله يسمعنا خبار خير اولدي

اوس:ملي هدرتيلي علا زواج لمرة لخرة بقيت كنفكر فالموضوع وعرفت بلي كلامك صحيح وبانتليا واحد لبنت وعجبتني وبغيتك تبشي معايا نطلبها لزواج

الحاجة: ههه واخيرا غادي تكمل فرحتي لله يفرحك غير نوجدو راسنا نبشي مع ولدي 

اوس:(باس ليها راسها) يخليك ليا

معاذ:اوا نخليكم على خير قبل ميتعصب ولدي

ماريا:هو يتعصب ويامر وانا نفد ههه

اوس:حسن عوانك اخويا

لحاجة:اوا نخليكم هاني طالعة نشرب دوا ديالي ونصلي صلاتي

اوس :للهم تقبل

معاذ:هانا بشيت نتلقاو منبعد

(خرج معاد وماريا ونطلقو لوجهتهم )

أوس:اوا سمحولي نطلع نشوف لحاجة(عاق بيه باغي يدوي مع ختو اصلا اوس عقليتو متفتحة )

اشرف:اه طلع شوية ونتبعك(غمزو)😉

(طلع اوس وخلاهم بجوج ساكتين حتا ناض اشرف من بلاصتو وكلس حداها)

اشرف:ممكين نعرف مالكي مقلقة😊

منى: (هزات راسها)انا ممقلقاش 

أشرف :(جرها لعند ووقفها قبالتو زير علا خصرها حتا تخلطات انفاسهم)

منى: طلقني مالك حماقيتي

اشرف:(بعصبية)ممكن نفهم مالك انا كنبغيك كنموت فيك مبقيتش قادر نكتم هدشي وهانتي كتشوفي جيت حتا لهنا وطلبت يدك من لحاجة شنو خصني ندير كتر شنو

منى: متغوتش عليا انا مقتلكش اجي وخطبني نتا لي بغيتي 

اشرف:اه انا لي بغيت حيت بغيتك تكوني ديالي انا ونتي وصافي واش مكتبغينيش

منى: انا ماشي هكا غير..

اشرف:غير شنو بلا متعصبيني سولتك جاوبيني وخليني نبشي نقود بحالي😡😡 

منى: (هبطت راسها وسالو دموعها😢 على خدها)انا خايفة

اشرف:(هز لي وجها )مناش خايفة مني 

منى: خايفة متكونش كتبغيني يكون غير اعجاب وصافي وتسمح فيا

اشرف:(ضرب يدو مع لحيط )دابا انا بنتليك برهوش ياك متيقاش فيا ياك هم دوي 

منى: عينيها حمارو بقوت لبكا) لا ماشي هكا انا

اشرف: (قاطعها)صافي سكتي منبززش عليك راسي نتمنى متندميش على هدشي 

(خرج وخبط لباب )

#عند #منى

معرفتش انا كنبغيه من هدا شحال ولكن عندي تخوف هو عصبي بحا خويا وكتر وانا عكسو مشاعيري تخربقات كنت خايفة من حبو ليا يكون غير اعجاب هو من ديما كيعيط عليا ختي زعما احساسو تبدل من جيهتي مبقيتش فاهما عييت بتفكير مسحت دموعي وطلعت لبيتي

يتبع