البهلة و الزواج الجزء الخامس

معاد وماريا حطها على ناموسية بعد خصلات من شعر على عينيها وكيتأملها حتا سمع صوت لوطو طل من سرجم شاف أشرف هاز ختو بيديه هبط بزربة فتح ليه لباب 

أوس: ههه ولينا من لمافيا اساط 

أشرف وييه تسناني هاني جاي نعاودليك لفضيحة لي فضحاتني ختك 

طلع أشرف منى لنفس لبيت لي فيه جيهان حطها قدامها كانت لابسة شورط جينز حد ركبة فالاسود حد ركبة وتيشورط حمر وجامعة شعرها ديل حصان شاف فجيهان ومنى وقال 

أشرف: هانتوما هنا حتا ديرو عقلكم ههه 

هبط لعند أوس لقاه كالس فصالة 

أشرف: ناري ختك خطار هلكتني 

أوس: ههه وشنو كيحسابلك نسخة طبق الاصل على جيهان اوا عاودليا 

أشرف :منين نبدا ليك 

فلاش🎬 باك🎬🎬

ملي تفارق أوس مع أشرف بشا ديركت لعند منى دق وو وخرجات عندو لحاجة

لحاجة: مرحبا غبرتي غبرة وحدة

اشرف: غير لخدمة وصافي 

لحاجة: لله يسهل عليك كلس هنا نبشي نصلي ونجي نشرب معا أتاي 

أشرف:لا غير بصحة انا جيت باش ندي منى عند خوها 

لحاجة:علاش بغاها ياك لباس 

أشرف :والو باس غير موجد ليها شيحاجة 

لحاجة: اوا راهيا لفوق انا نوض نصلي 

لحاجة ناضت وطلع اشرف بجرا لبيت مني لقاها ناعسة على كرشها كتحفظ وتغوت ممسوقاش حتا قرسها ليديها عاد دارت 

منى: احح بسم الله رحمان رحيم مالك داير كي لعتروس لمنحوس 

خلعتيني داير كيف جن

أشرف: اوا نتي لي محسيتيش شنو ندير ليك انا نوضي محتاجك 

منى: فين غادي نوض كتجي كي غراب 

أشرف: شوفي بلا متخلي دمي يفور عليك نوضي وهنينا (شدلها دراعها ووقفها

منى: واش حماقيتي فين غاديين 

أشرف: اه حماقيت على انا باقي لمي شي عقل نتي غادي تمشي معايا 

منى :لا لا فيك سخانة زايدة بغيتي خويا يقتلني ياك خرج سير بحالك

أشرف: مالكي كتغوتي غادي تحمقيني سكتي شوية 

منى: لا مساكتاش (تنترت منو وطلعات فوق ناموسية وكتنقز )لا مغداش هيا مغاداش 

أشرف: شوفي غادي تخليني نتعصب امنى زيدي بالخاطر حسن من...

منى: نن شنو كمل 

اشرف: غادي نضربك مكنتش باغي ندير هاد لخرا فداك لوجه مي تني قلبتي عليها (جبد من جيبو نفس لمشوار ودارو ليها فنيفها هزها بيدو وهبط كيتسلت فدروج من زهرو لحاجة كانت مزالة كتصلي خرج بزربة دارها فلوطة وخلط على أوس )

لواقع

أشرف: شفتي شنو دارت ختك 

أوس: منخافش عليها زعما نوض نديرو مناكلو ضرني جوع 

أشرف: نوض هيا لولة حتاانا فيا جوع 

نطلعو لفوق عند لبنات⭐⭐⭐⭐

جيهان و منى بداو يفيقو جيهان غير دارت شافت منى شدت قلبها بالخوف اما منى فاقت بالبكا وكدمع حتا شافت جيهان ؟؟ حداها 

منى: شنو كديري هنا 😱

جيهان: نتي لي شنو كديري هنا😱

منى: شنو كديري هنا 

جيهان: نتي لي شنو كديري هنا

منى(:بدات كتفكر ) اه انا جابني هنا أشرف 

جيهان: شكون أشرف وشنو دخلني انا 

منى: بفف نت معارفاش اوكي نعودليك (عودتليها كلشي على أشرف و ملي عتارف ليها)

جيهان: اه دابا عاد فهمت وملي نتي كتبغيه علاش متوافقيش

منى: لا هو عصبي وانا عنيدة ويلا مشا حتا تعصب مني يقدر يمد يدو عليا 

جيهان: مال مك مكلخة يمد عليك يدو ديري ليه فضيحة حتا يحشم من راسو 

منى: عندك صح انا له بالمرصاد ونتي شكون جابك هنا

جيهان: جابني خوك من عرسي شوفي لكسوة باقا لابساها 

منى: (دارت يديها فمها)اوييلي خويا دار هكا كيفاش 

جيهان: (عودتليها من نهار بشات لمستشفى حتا نهار لعرس واعترافو ليها) دابا فهمتي

منى: ويلي ويلي خويا تزعط فيك الكارتة 

جيهان:مالقا شكون يتزعط فيا غير داك لمجحوم شايف راسو هو شاروخان

منى: ههه ناري نتي مسيخيطة ولكن خويا زوين واول مرة يعترف لشي وحدة بحبو ليها بهاد طريقة

جيهان: وعندك هادي طريقة دابا كيشلقم فيا شفتيني شايطة ولله حتا ندير لي طررر نوريه

منى: هههه صافي سكتينا غير تشلقيمة جيتيه حلوة 

جيهان: غادي تزمي فمك حسن منهرسو لختي وخليني نفكر فحريرتي

منى: عندي حل نسايروهم ونونتصرفو عادي ومن بعد نهربو ليهم. شنو رايك

جيهان:انا غادي نبشي وبلهلا يطريه ليه دبا عتقيني بشي حاجة نلبسها

منى: ههه كيسحابلك نتي فدار عندنا بلاتي نشوف فين حنا 

نناضت كطل من شرجم ولكن معرفتش فتحات لماريو شافت حوايج مقزبين عرفتها دار ماريا ومعاد فايتليها جات ليها

فايتليها جات ليها مع خوها وأشرف ودارت كضحك حيت عارفة ماريا كتلبس غير لمقزب حدا راجلها شوميزات و شورطات قصار وشي صايات حد لفخاض وهي دور عندها 

منى: عرفتي حنا فين أحبيبة وباغيانا نهربو 

جيهان: (وقفات) اه فين حنا 

منى: حنا ف إفران ابنتي وكاين غير هاد لحوايج ديال ماريا ومعاد صحاب خويا 

جيهان: ويلي جابنا حتا الافران ولكن غير عطيني نلبسهم كيعجبوني بحال هادوك

منى: يعني نتي بحالي اساطة احبيبت خويا هه

جيهان: تجيك حبة فديك لسان عطيني لبس بزربة 

لبسات جيهان شورط قصير بزاف ديال تجينز وديبالدور حمر بانت سيكسي وخرجات عند منى :هاي هاي جيتي كيوت غزالة

جيهان: تجيك كية نشالله شنو هيا كيو ولغزالة راه فالغابة كتعايريني

منى:اويلي لا قتلك جيتي زوينة وصافي ماشي عايراك 

جيهان: سمحيليا يسحابلي عايرتيني يلاه نزلو نشوف خوك واش يخليني نبشي 

منى: صافي زيدي

جيهان: سمحيليا يسحابلي عايرتيني يلاه نزلو نشوف خوك واش يخليني نبشي 

منى: صافي زيدي😊

فتحات منى لباب بشوية سمعات لحس مقطوع زادت شوية كطل من دروج مقشعت و اااالو

وهيا ضور عند جيهان لقاتها مدابزة مع شورط لي لابسة كتهبط فيه فخضانها عريانين 

منى :(دارت يدها فجنابها وكتشوف فيها)جيهاان(بهمس)مغت­هبطيش

جيهان: هدشي قصير اصحبتي ولكن زوين

منى: اوا صافي عجبك نتي سوقك فالعالم يقولو لي بغاو

جيهان ؛اه عند صح زيدي نهبطو 

هبطو بجوج بشوية وجيهان كتحاول مديرش صوت سبقاتها منى بخطواتها سريعة وبقات جيهان شوية وهوما يخويو بيها رجليها حتا تكربعات فدروج طلقات غير غوتة من شدة الالم لي فرجلها اوس كان فالكوزينة غير سمع لغوت بشا كيجري هو أشرف يتفقدو الاميرات ديالهم (عفوا شيطاانات هه)اوس مخلوع غير شاف جيهان طايحة فالارض وشادة رجلها عندا وكتبكي وشعرها نازل على عينيها واشرف وقف ملي شاف منى بخير اواقفة كتفقد صحبتها اوس تحنا عند جيهان كيمسح دموعها وخايف لا تكون تهرسات

أوس: جيهان شوفي فيا واش كضرك بزاف رخي رجلك نشوف

جيهان: بعد بعد كلشي بسبابك نتا هئ هئ كون مجبتينيش لهنا كاع منطيح 

أوس: بلا منجاوبك حسن رخي راسك (هزها بين يديه ودخلها لصالة وحطها على لفوطوي)

جيهان :صافي غادي نجلس راسي ونداويها لراسي غير حيد من قدامي

أوس: تسناي نجيب واحد ابوماضة لفوق كلسي ومتحركيش 

جيهان: صافي هاني كلست (تفو على مجحوم سافل يخخ)

#نخليو هادو ونشيو لكوبل تاني (لي فالكوزينة ههه)

أشرف واقف كيشوف فيها وهيا كاسة فالكرسي وكتاكل تفاحة فيديها وممعبراهش

أشرف:(جر كرسي حداها وتقابل معاها)باقي مبغيتي ديري عقلك 

منى:مالك شفتيني كنلوح حوايجي فزنقة راني بعقلي

أشرف: نتي عارفاني مكنهضرش على هدشي ديك نهار معطيتينيش جاواب مقنع كتبغيني ولا لا قلتي غير خايفة مناش لله أعلم بحال لا انا شبح

منى:(عينيها لمعو هيا ماشي غير كتبغيه شي حاجة كتر ولكن عصبيتو كتبعدها منو)

منى:(عينيها لمعو هيا ماشي غير كتبغيه شي حاجة كتر ولكن عصبيتو كتبعدها منو)

اه كنبغيك ولكن فيك شي حاجة كتخليني نكون بعيدة منك (هبطات راسها)وهاد لحاجة تقدر تفرقنا عليها من الاحسن نبقا بعيدة عليك وخا معرفتش واش خويا كان متافق معاك باش جبتيني لهنا (ناضت وقفة باش تمشي وجرها اشرف من يديها وكلسها على حجرو وقابلها معاه وهو معصب كل ما كتقول خايفة كل مكيزيد غضبو منها)

أشرف: (بغضب)شنو لحاجة لكتخليك تخافي مني وفيا انا وضحي كلامك 

منى: (علات فيه عينييها ببرائة)عصبيتك زايدة وغيرتك لي معندهاش حدود وفرضك عليا شي حوايج لي منقدرش بلا بيهم هدشي لي كيخليني نبعد منك ماشي بيدي

اشرف: يااااك هدشي لي مخليك تبعدي غيرتي من حبي ليك وتحكمي لتصرفاتك طايشة وعصبيتي من لهضرة لي كنقولها ومكتسمعيهاش هدشي كلو من حبي ليك ولكن كتشوفيه عائق بيني وبينك وانا منقدرش بلاا بيه بحالك تماما حيت انا راجل وعارف رجالة فاش كيفكرو هدشي مكفيش ياااك مكافيش ولو غير شوية عااجبك هاد لوضع

منى: لا حتا انا معاجبنيش هاد لوضع ولكن ملي كتعصب كنولي كنخاف منك بزااف داكشي علاش كنهرب منك (هبطات من عينيها دمعة حارة)

أشرف: (شد وجها بين يدو ومسحليها دموعها)متبكيش غير مديريش علاش ومنتعصبش عليك ولكن متعاقبنيش بهاد طريقة من قدرش على بعدك راه كنضعاف غير حداك ومعاك (خشاها فحضنو ومنى زيرات عليه بحل لاخايفة يمشي ويخليها وخا متأكدة من حبو ليهاا)

منى: هئ هئ مغديش تخليني ياك هئ مغديش تخلى عليا هئ

أشرف: شش لا مستحيل نتخلى عليك نتي راك روحي كيفاش نتخلى عليك 

منى: (ضحكات وسط دموعها وبعدت عليه)يعني باقي باغي تزوج بيا ياك متخلينيش حيت خبرني أوس خطبتي شي ممرضة

أشرف: اه باقي على وعدي وقراري وبلاصتك متديها حتا وحدة 

منى: لا نتا كتكدب عليا خويا ميكدبش عليا 

اشرف: اوا راه مكدبش عليك هديك لعبة باش ترجعي ليا وتستسلمي ولكن راسك قاصح ومطاوعنيش قلبي ندير شي لعبة 

منى: ههه ولله حتا كنبغيك 

أشرف: وأخيراا سمعتها (عنقها وخشاها فحضنو )اجي مجاكش جووع

منى: امم جاني جوع ملي جبتيني ماكليت شي حاجة

أشرف: نوضي نصاوبو شي حاجة ناكلوها حتا يدرو عقلهم دوك جوج 

منى: هه هيا لي متعاودش كرشي هيا لولة 

#عند لكوبل (#لمهبول ههه)

أوس جاب دوا ومصا ليها رجليها وعطاها مسكن وجيهان تأدبات ملي شافت تعاملو اوس سالا وكلس حداها وهيا تنطق جيهان

#عند لكوبل (#لمهبول ههه)

أوس جاب دوا ومصا ليها رجليها وعطاها مسكن وجيهان تأدبات ملي شافت تعاملو اوس سالا وكلس حداها وهيا تنطق جيهان

جيهان: امتا غادي تخليني نبشي بحالي من نهنا 

أوس: (شاف فيها شوفة زعماا من نيتك)داويا بصح

جيهان: وراني بصح شفتيني كنلعب معاااك لحبل ولا قاش قاش 

أوس: (ببتسامة جانبية)اوا حتا انا مكنلعبش معاك ومن هنا مغديش تخرجي وبلا متفكري بزاف حيت راسك غادي يضرك بتفكير حتا نشوفك واش غادي تملي وتستسلمي

جيهان: شنو زعماا باغي دير فيها ديك لعبة سلط ملط وفوق منو لكاس لا اسيدي ماشي معايا اناا اا

أوس: (تفرشخ عليها بضحك)شنو قلتي عاودي ههههههه ولله حتا ضحكتني نتي علااام 

جيهان: اناا مكنضحكش هدشي مستحيل نبقا انا هنا حياتي كاملة رااك مريض ماشي عادي ولله 

أوس: هههه لا والو شرحيليا شنو فوق منو لكااس(تفكيرو سافل خخ) هههه شنو هيا

جيهان: هيا لخرا بعد مني قلني عليك نساني وبعد من طريقي فهمتي ونتا داير كيف زعفران ريحتك عطات 

أوس:هههه (كيشمشم فحوايجو ) هه لا مفياش حتا ريحة جاتك سخانة نوضي تنعسي حسن ليك متبقايش لابسة دوك شراوط بلا منعاود لهضرة 

جيهان: (شافت فحوايجها)لا ختك لي ختارتهم ليا وعجبوني ونتا شنو دخلك بغيت غير نفهم شنو دخل الانسااان فأسبوع الفرس وبمفهوم أخر شكون دها فيك اطاجين نهار لعيد يعني ماشي سوقك (وقفات وأوس مخنزر فيها)ودابا غادي نوض نعس ونتمنى نلقاك غدا حاط سوارت ديال دار مستحيل نبقا هنا 

أوس:سيري سيري تنعسي وحلمي مزيان وبشوية على رجليك وخروجك من نهنا نسايه دري ليه حدف من داك دماغ 

سمحات فيه جيهان وطلعات كتتمتم فنفسها طلعات نيشان لبيت لقات منى واشرف كالسين كيهضرو ويجمعو ولها يشقلب لبنادم ههه

يتبع