البهلة و الزواج الجزء السادس

سمحات فيه جيهان وطلعات كتتمتم فنفسها طلعات نيشان لبيت لقات منى واشرف كالسين كيهضرو ويجمعو ولها يشقلب لبنادم ههه

جيهان: ولله حتا نتي لي جات معاك كالسة وداربة دنيا بركلة ونتا اسي مشموم نوااار نوض سير شوف متدير نتاا ودااك صويلح ديالك (صويلح وصالحة خخخ )

منى: (تفرشخو عليها بضحك) ناري مال ختي طالعة شاعلة شنو تما ههه 

أشرف:ناري بنتي بحال لعجوزة هههه بهااد لمعيور عندو صح أوس راكي مسهلاش 

جيهان: تهجرووه اجوج حلاااقم طلبتكم على سيدي هدي وشفتيني مسهلاش حيت هكا كيكونو بنات نااس اوا نوض جمع لوقفة حسن منوري خويا ضو لحمر رااه طالعة ليا حمادشة في رااسي 

أشرف: هههه هاني نايض الحب غير متطلعش ليك حمادشة فشي بلاصة وحدا خراا ههه 

منى: ههه سير سير حتا لغدا ونهضرو (مع بوسة فالهواء)

جيهان (خرج أشرف وهيا تهضر)لله يغبر لبووكم شقف شي واحل شي يتلحون ونتي يا صفرة لكمارة هدا لمضمون فيك شفتيه ونتي تعواجي 

منى:(تقابلات معاها )ههه غير تمتيل ازين حتا ندمو على دكشي لي كان باغي يدير

باغي يمتل بلي خاطب اوا انا نوريه كيد نساء 

جيهان: ناري يالعوجة يعني باقا فصفي نخرجو من نهنا 

منى: يخرجلك لعينين ضروري مالكي شكيتي فيا 

جيهان: اوا دابا هضرتي يلاه زيدي تركدي حيت غدا غادي يبدا اللعب مليح خخخ

...أصبحنا وأصبح الملك الله.....

تسلسلت خيوط الاشعة شمس على أبطالنا كان سقيل فداار أشرف. و أوس فبيت ضياف ناعسين ومنى وجيهان ناعسين فبيت نعاس د ديال معاد و وماريا فاقت جيهان هيا لولة شافت منى ناعسة وناضت لحماام غسلات وجها وجمعاات شعرهاا بإهمال وشافت فحوايجها وتفكرات كلام أوس وبغات تعصبو فتحات لماريو وجبدات صايا قصيرة حد لفخاض فالحمر و تيشورط حمرة وفيها تخطيطات بالكحل لبساتهم ولبسات كلاكيطة فرجليها وفتحاات لباب وكطلل بعنقها سمعات سقيل عرفاتهم مزالين ناعسين هبطات فدروج بشوية باش مديرش صوت حتا وصلات لباب دار واالو مبغاش يتفتح ليها عرفاتو مسدود بساروت 

جيهان: ياكما يصحاب ليك واش غانسكت ليه لا هادي جيهان و واجرك ع لله إلا ماندمتوش هانا هانتي باش يتعلم يخطفني 

دخلات لكوزينة وكتخمم شنو يمكن دير شافت واحد لحبق صغير بشات ليه وهزات ديك نبتة ديك نبتة كدير لحكة بحال جربة (الله يحفظ غادي تخرجي على سيد) هزاتها قطعاتها بالمقص وطلعات لبيت لي فيه أوس ناعس دخلات بشوية أوس نعاسو خفيف ولكن الا كان سكات ميفيقش عكس اشرف لي كيطيح دودة بشات نيشان فوق لكوافوز وهيا تقشع أوس ملابس والو غير لبوكسير وعضلاتو باينين ومغطي بليزار بيض

وهيا تقشع أوس ملابس والو غير لبوكسير وعضلاتو باينين ومغطي بليزار بيض هادي عادة عند اوس حيت كيضيق هدا نعااسو بقات واقفة كتأمل فيه وكتحفظ ملاميحو ناعس بحال لملاك بحال شي طفل صغير هدشي لي تخايلاتو نفضت هاد الافكار من راسها وهزات لحوايج لي محطوطين عرفاتهم ديال أوس وأس طبعا مغيبدلش عليه مكيلبسش بحال معاد ويلا بغا يلبس خاص يمشي لدارو سرحات جيهان دوك لحوايج وحكات فيهم ديك لعشبة مزيال وهو يضرها راسها بلي هدشي مكافيش شدات بوكسير نقي ودارت فيه نبتة حتا بدات تاكلها يديها بالحكة وهيا تولي تحط لحوايج حدا أوس وقفات مقابلة مع أوس 

جيهان ؛ههه نشوفك واش غادي تستحمل 

خرجات بشوية ودخلات عند مني وهيا تغوت على جهدها باش ينوضو 

جيهان: منىىىىىى نوضي ينعل جدر طواسلك (جبدات ليزار بجهد )نوضي 

منى: (كتفتح عينيها)صبحنا على وجه نحس مالكي مفيقاني 

جيهان: مفيقاك ترعاي لغنم وجيبي لحطب راحنا فكوكب نيوتن 

منى: ولقلا*** هضري مزيان علاااش مفيقااني على نوبيري 

جيهان: اولا متخصريش لهضرة حسن من ضرب طوااسل حسك حتا تشوفي نجوم تانيا تهزي عندي ليك مفاجئة 

منى: سمحيلي نضت خاسرة(كتحك فعينيها) وهضري ازمر

جيهان: خصنا نبداو لخطة انا درت خطة وبلاتي وتسمعي شي تزغريتة ديال خوك من داكشي رفيع سانك سانك ههه

منى: ههه دايرة كيف عيشة لعمشة خليني نغسل غير وجهي بعدا شفتك متيتزة مع راسك لحمر كيدي لعمر 

جيهان: وهيا الانضتي قبل مناخدلك عمرك

منى: (ناضت واقفا)لا حتا لعمري وصطوب اختي هاني نضت شنو لمفاجئة

جيهان: صبري علا خبيزتك حتا طيب ابنتي ونوضي غسلي ديك لكمارة ونتي معمشة بحال لحاج بو سكة هه 

منى: دابا كضحكي عليا حيت نضتي قبل مني هاني غادي نلبس ونولي حسن منك اعيشة لعمشة

ناضت منى لحمام غسلات حالتها وكلسات جيهان وكتفكر فداكشي لي دارت حتا وقفات عليها منى بجوج لبسات فيديها كسوة قصيرة فالموڤ بالكمام وتانية فازرق ملكي طويلة ومعرية من درعان جيهان كتبلق فيها عينيها

جيهان: مالكي وقفتي عليا بحال ملك الموت تف تف (كتدفل فصدرها)باقي خصني نعيش و

حيدي من قدامي 

منى: ويه عرفتك خصك تعيشي متخافيش باقي مغيجيك لمرسول قباض الارواح 

جيهان: نتي دايرة لوقفة ديالهم ياكما رسلوك فبلاصتو غير نطقي عليك الامان

منى :براكة من طنز شوفي شنو نلبس فهادو 

جيهان: بصارحة بصراحة لموڤ غادي تفرشخي من عند حبيبك زرق منضمنكش باينة تاخديلك شي طريشة علا صباح ولباقي ختيارك

منى: (كتبكي)وشنو نتي تلبسي وانا لا ولله لاكانت هادي غادي نلبس ويلا لحق ودنو يعضها

جيهان: هو مغيلحقش ودنو غيلحقك نتي نيت 

منى: مم عرفتي غير عصبيني حتا نطير عليك اوجه نحس تشوفك لغنم مترعاش شهر 

جيهان: ههه سيري سيري بدلي غير ضاحكة معاك الا قاصك انا له بالمرصاد 

منى: صافي نلبسها اصلا مغيدير والو (مسحات دموعها ودخلات تلبس عليها وبقات جيهان تساين وكغزز فظفارها وكتفكر فمها كيف يكون حالها)

#نخليو_هادو_ونبشيو_ل­­مكان_اخر_دار_لالة_خ­و­يدج (هاي هاي لالة ههه )

من نهار بشات جيهان وخويدج كتفكر فيها وشنو تكون كدير حيت ملي كيكون لواحد قريب ليك مكتحسش بالغياب وبمكانتو عندك ولكن ملي كيبعد عليك كتحس بالفراغ وهدشي لي حسات بيه خويدج ولا روتينها عادي وحتا لخروج مبقاتش تخرج وكلفات شي دراري يقلبو عليها ولكن باقي ملقات ليها الاتار فطيطم مبقاتش كتدوي معاها على شوهة لي دار أوس وناس بقاو يهضرو عليهم وعلى حالهم اما سعيد ممسوقش باقي كيفكر فجيهان غادي تجي عندو (وياكل لخبز لي كيحرقو لناس ملي يكون يفكر فيها ههه) هدا حالهم وحال خويدج 

#نرجعو_عند_اوس_و_جيه­­ان

جيهان ومنى كالسين فالكوزينة منى كتصاوب لفطور وجيهان كالسة كتعاود ليها نكت 

بعت متفركع لقنبولة الموتوقة ههه 

منى :واش دبصح مكتعرفيش طيبي

جيهان: لا مكنعرفش لي عندو خويدج بلا ميعرف يطيب ونتي طيبي وسكتي بحال لكتصاوبي رفيسة بقيتي عام فدوك سندويتشات 

منى: حيت حتاانا مكنعرفش غير شي حاجة وصافي اجي شفت هادو مزالين مفاقو 

جيهان: هههه بلاتي عليهم حسن خليني غير حتا نغمر كرشي ويلا بغاو يفيقو يفيقو ههه 

منى: علاش مالهم غادي يحبسوك على لماكلة راكي مكلخة 

جيهان: لا ممكلخاش غير خايفة على ضلوعي 

#نطلعو_عند_أوس

بدا يحل عينيه لقا أشرف خارج من لحمام وكينشف فشعرو 

أشرف: ههه فقتي بكري غير كون بقيتي ناعس

أوس: لبارح كنت عيان عليها بقيت ناعس هاد لوقت كامل لبناات وااش فاقو 

أشرف: ولله معرفت بلاتي نهبط نشوفهم ملي تسالي هبط نفطرو مجموعين 

أوس: صافي هبط قبل ميديرو شي كاارتة(وراهم داروها يالمكلخ ههه)

هبط أشرف عند لبنات لقاهم بداو يفطرو ويضحكو بنكت ديال جيهان لغريبة بقا بعيد كيتأمل فمنى وضحكتها حتا شافتو جيهان ونطقات 

جيهان: مالك عينيك غاادي يخرجوو من بلاصتهم شفتينا كنسرحوو لغنم 

أشرف: ههه لا شفتكم كتعلفو لبقر هههه

منى: (دارت لعندو وفمها عامر)كاين شي بقر قدك اكبيرهم كح كح كح 

أشرف: بسم الله عليك ونتي كتخشي فداك لفم (عمر كاس ديال لما ومدو ليها) غير ضاحك معاكم ههه جيتو تيتيزات هاد صباح كتفتحو شهية لواحد

جيهان: قلتي كنفتحو شهية وهيا الا سكتي قبل منفتحلك ضلووعك 

منى :ههههه عطيه لعاااااصييير 

أشرف: هههه سكتي حسن منعصررك عطيوني نفطر معااكم 

منى: سير وجد رايك كلها ويضرب علا عراامو 

اشرف :مسموومة معا راسك اوا حتاا طيحي بين يدي 

بقاو كيضحكو وأشرف صاوب سندويش راسو وكالس كيقشب معاهم حتا سمعو صوت أوس كيعيط على جيهان 

أوس: جييييهاااااااان

أشرف: اولي شنو واقع مالو 

منى: معرفت يلااه نطلعو نشوفو 

جيهان: هههه سيرو دابا يسكت ليه لقلب 

منى: تهجريه باينة درتي شي كارتة 

جيهان:يمكن اه ويمكن لاا. هههه ناري سيرو بزربة

أشرف: اناا ولله حتاا حماار واقف نستجوبك يااويلك وتكوني درتي شيحاجة

طلع أشرف بجرا لعند أوس ومنى تابعاه لقاو اوس كيحك فلحمو وحرارتو طالعة

(أوس عندو حسااسية خايبة من نباتات ومانع عليه طبيب من صغرو يقرب ليهم وخااصة نبتة لي داارتها جيهان كتسبب ليه مخااطر كتيرة )

اوس: (كيحك فلحمو بجنوون )شنو درتي يا هاد لمصيبة اشرف هدشي كياكلني فالحمي

ساين نشوف (حيد ليه تيشورت )ناري هادي نبتة واش جبتي معااك دواء بعداا 

أوس: لا اصاحبي سربي سير شريه خرجوو نتوما قودو حسابكم من بعد

جيهان غير حالة عينيها ومفاهمة واالو اما منى عينيها ملمعين بدموع

جيهان غير حالة عينيها ومفاهمة واالو اما منى عينيها ملمعين بدموع خرجو وسدو عليهم لباب وقفو كيتسناو براا منى غير كتبكي حيت عارفة حالة أوس ملي كان صغير وقع نفس لمشكل مع صحابو باش ينتقمو منو دارو ديك نبتة كدير لحكة وأوس عانا بزاف حيت جسمو حساس وعاد جيهان مكتفاتش غير فالحمو وانما دارتها فلبوكسير عليها غادي تسبب ليه فشي حاجة ماشي هيا هديك

جيهان: شنو واقع مالو اناا معرفتش مكانتش نيتي خايبة ولله صدقيني

منى: نتي معارفاش مخاطر داكشي لي درتي ومستاشرتيش معايا درتي لي فراسك

جيهان: انا (عينيها تغشاو بدموع هيا من طبغها حنينة وخا شيطانة ولكن مبغاتش تسبب بالمشاكل ولا بشي حاجة خطيرة)ولله مكانت نيتي خايبة بغيت غير نعلمو يخطفني

منى: هئ هئ دابا هدشي مغاديش ينفع غير سكتي نشوفو شنو يوقع 

#عند أوس فالغرفة 

أوس: ههههه ولله حتا كتعرف تمتل 

أشرف: اوا نتاا حملتيني مسؤولية وخصني نكون قدها هه وليني رااك خطير 

اوس: وشنو كون مشفتهاش فصباح كون وليت عقيم راك عارف مخاطر نباتات على لحمي 

#فلاش بااك 

ملي دخلات جيهاان لغرفة أوس شافها اوس وقرر يبقى ساكت ويشوفها شنو غادي تصنع وشاف كلشي وغير هيا خرجات ناض أوس يشوف حوايجو ولقا فيهم داكشي تعصب منها وبغا يفديه بطريقتو فيق أشرف وتافقو يلعبو هاد لعبة منهاا يعرف ردت فعل جيهان تجاهو وبمساعدة أشرف غادي ينجحينجح فالخطة ديالو (هههه ولايني مساهلش شويطين هه)

#الحاضر 

أشرف:دابا شنو نديرو 

اوس:غادي نعس على لفوطوي وخلي حرارتي ترفع ودير دوا لحمر عليا ونشوفو شكون غادي يتهزم فينا 

أشرف: حاضر مون شاف هههه

أشرف: حاضر مون شاف هههههههه

أوس:يلاه سربي باش نوريهاا تلعب معايا ولكن راني منااسيش شنو كان غادي يوقع لو مشفتهاش 

أشرف: يلاه هاني غادي نشري دوا من صيدلية لي قريبة باش ميشكوش فينا 

أوس: صافي هاني غادي ندير شي لاخر 

خرج اشرف واوس نعس على لفوطوي ودار واحد دواء كيرفع حرارة لانسان حيت طبيب كيفهم فهادشي ونعس وكيتسنا أشرف يجي حتا شاف لباب تحل وختو دخلات عندو وعينيها حمرين من لبكا

منى: خويا نتا بيخير يااااك مفيك واالوو 

اوس:عند بالك نسيت نتي وديك جيهان لي درتو هدشي اوا تحملو لعواقب 

منى: هئ هئ ولله اخويا مكنت عارفة ولله مفراسي هيا بحدها داارت هدشي

بقا اوس كيسكت فختو مبغاش يقول لبها لحقيقة باش متخسرش ليه لعبة حتا خرجات عند جيهان

جيهان: هو ممريضش ياك مفيه والو 

منى: كيف بغيتيه يكون دخلي شوفيه رااه ناعس 

جيهان: نهااني غاادي ندخل 

فتحات لباب ودخلات عندو وقفات معاه دارت يديها على جبين ديالو لقات حرارتو مرتفعة بزاف هبطات من عينيها دمعة حارة حيت كتلوم راسها على لي كيوقع هبطات بزربة دارت فوطة فيها ما بارد وطلعات عندو دارتها فوق جبين ديالو وكتطلب من لله يولي حسن من هاكا 

جيهان: سمحلياا ولله مكنت باغيا نكون اناا سبب ولكن نتا لي جبتيني بزز مني وانا هدشي مكيعجبنيش

اوس سمع كلامها بقات فيه وعرف بلي لبنت لي شافها اول مرة فالكنيليك وشاف فيها البراءة مكانش غالط بالعكس تأكد من برائتها وخا زبايل لي كادير واكن هدشي مكيغفرش لفعلة ديالها باش يولي عقيم وميسمعش كلمة بابا لي كيتمناها فحياتو وخا معرفاش ولكن مكانش عليها تسرع عليها قرر أوس يدير راسو ناعس حتايتسالا لعقاب ديالها 

جيهان بقات كتقيس فالحرارة ديالو وكتحط فوطة باردة على جبهتو وكتلوم راسها علا فعلتها بقات حداه. اوس ستحلا لمسات ديالها محس براسو حتا نعس اما جيهان بقات فايقة حتاااا هبطات ليه لحراارة وكلسات فالكرسي كتسنا فأشرف يجيب دواء وينتهى عداب ضمير لي كيأنبها 

عند منى لتحت 

بقا فيا خويا بزاف ولحالة ديالو(خوك شيطان ابنتي هههه) ولكن معندي مندير عطيتها لبكا باش نخفف على راسي حتاا سمعت دقان فالباب

حليت لباب لقيت أشرف وفيدوو بلاستيكة ديال دوااء(باش يتقنو لعبة هه) شاف فيها أشرف وعينيها ونيفها لي ولاو حومر من لبكااا تعصب لاح لميكة لي فيدو وشد فيدهاا ودخلهاا لصاالة وكلسها وهيا غير مبرقاا فيه عينيها ودموعها هابطة حتا نطقات 

انا:هئي خويا اا غاادي يولي عقيم ياك خوياا مغيفرحش فحيااتو نهائياا هئ هئ اناا سباب حيت محاولتش نعرف شنو دارت ياك اناا هئ هئ (دارت يديها على وجهاا وكتبكي)

أشرف:(بنفااد صبر)نتي مفدنبك واالو كتفهمي واالو باراكة من لبكاا شوفي عينيك كيف ولااو (حيد ليهاا يديها من وجها وقابلها معاه) نتي ماشي سبب ونتي كتبكي على واالو خوك بيخير

منى ؛هئ هئ ولكن جيهاان دارت لخويا هئ نبتة فحوايجو وداابا كتكدب علياااا

اشرف: اناا مكنكدبش عليك خوك شافها ملي دارتها اا وهو داابا غير كيعاقبها وصافي تيقي بياا مكنكدبش عليك

منى: ههه دابا خويا مبيه واالو خويا غادي يولد يااك انا غير كنبكي وصافي ههه

اشرف: (تفرشخ عليها بضحك) هههههه لا مغيولدش حتا يخدم فديك لمشرووع ماشي غادي يجي من سمااا حتا يضرب شي ماتش هههه قاتلك غادي يولد ههه باقي ملعب ههه 

منى: انا لي فلتلياا ريزو وكالسة شادة معااك لديت بقيت بلا شغل وحق مولاناا ماداك يخخ رااسك مسخ خصو يتنظف (وقفات غاديا وهو يشدها من خصرهاا كلسا على رجلو)

أشرف:اوا نتي مزال مهد

يتبع